منتديات غرام روايات غرام أرشيف الروايات المغلقة - لعدم إكتمالها أخبروها أن حروف العشق لا تليق آلا لها و لأجلها (1) "ليث وميار"
آريـــــــن ©؛°¨غرامي جديد¨°؛©

البارت العاشر...
.
.
.
""عند ميآر وريما""
ميآر طلعت من غرفه الملابس / هااه كيف؟!
ريما فهههت على جمالهها /.........
ميآر بأستغراب / يا بنت اشفيك انا اكلمككك.
ريما انتبهت وصفرت / صاااروووخ يا بنت من الحين أنتي لأخوي ليث.
ميآر بنفسها وع المغرور وابتسمت مجاملة.
ريما / يالله خلنا نروح عندهم.
ميآر / يالله.
.
.
.
""عند الرجال""
ليث استغرب من نظرات هتآن الي كل ما يروح مكان يطالع عليه بنظرات عجز يفهمها.
راح عنده ليث / هلا والله هتآن.
هتآن ببرود / هلا فيك.
ليث بأستغراب / اشفيك من اليوم تتطالع علي بنظرات غريبه.
هتآن بجمود / آبد سلامتك مافي شئ.
ليث بأصرار / اقول أتكلم يا ولد ماني متحرك من هنا إلا إذا تكلمت.
هتآن تنهد بضيق /...................
""عند الحريم""
.
.
.
ام هتآن / هاه يا ام تركي دقيتي على ابو تركي عرف من وش الحريق.
ام تركي ببرود / يقول لسه قاعدين يحققوا
ام راكان / خيره ان شاء الله.
ام ليث / الله يعوضكم بأحسن منها يارب.
الكل / آللهم آمييين.
.
.
.
""عند ابو تركي""
رئيس المحققين / يا طويل العمر المحققين يقولوا انه الحريق بعمل فاعل.
ابو تركي بأستغراب / فاعل!!؟ من الشخص الي حاقد علي!!؟ والله انا ما أذكر أني أذييت أحد.
رئيس المحققين / والله يا طويل العمر هذا الي صار.
ابو تركي تنهد بضيق / خيره ان شاء الله.
رئيس المحققين / الله يعوضك بأحسن منها أن شاء الله.
ابو تركي / آمين يآرب.
.
.
.
""عند الرجال""
هتآن تنهد بضيق / انا شفتك مع بنت يا ليث وبوضع مقزز.
ليث بصدمهه / انا!!! بنت هذا الكلام.
هتآن / قبل شوي بالحديقة.
ليث / لا انت فاهمني غلط شوف البنت هذه ... *قال له السالفه* فهمت؟!
هتآن بأستغراب / طيب ليش مقرب لها كذا؟!
ليث بغيض / هييييه استفزتتي.
هتآن / حتى ولو ما تقرب من كذا اذا تبيها رح تزوجها.
ليث ببتسامه / حاظر على هالخشم.
هتآن ابتسم بهدوء..
.
.
.
بجهه ثانيه بالدوانيه...
ابو راكان / يا تركي شوف ابوك وينه تأخر.
تركي مسك الجوال / حاظر يا عم *ودق*
......./ الوووو
تركي / ويييينك يا يوبهه الرجال يدوروا عنك يبوا يعرفوا السالفه.
ابو تركي / هذا انا بالطريق.
تركي / يالله يالغالي نستناك مع السلامه.
ابو تركي / مع السسسلامه.
تركي / يا عم يالله هذا هو بالطريق.
ابو تركي / يوصل بخير ان شاء الله.
تركي / اللهم آمييين.
.
.
.
""عند البنات""
امل تحرك خصله شعرها ومبوزه / اوووف وينهم ذولي
رنا / الصبر يمدحوه يا بنات.
امل كشرت وصدت ببرود..
.
.
.
عند الباب.....
ريما بهمس / شوفي انا ادخل بعدين آآشر لك تدخلي اوك؟!
ميآر بهمس / اوكك.
ريما دخلت / هاي قآآآآآيز
البنات كلهم نقزوا عليها
امل بطحتها بالأرض وماسكه كتفها / وينها البنت.
ريما بخوف / بسم الله الرحمن الرحيم طيب انتم وخروا عشان اقولكم.
ليآن ماسكه رجلها / مع نفسك تكلمي بسرعه.
ريما بعناد / آبد لا تفكروا قوموا عشان اقولكم.
وسارة ماسكه راسها / تحلمي تكلمي بسرعه.
ريما رفعت حاجبه بخبث / آبد تحلموا وخروا بسرعه.
سارة سحبت شعرها بقوه
ريما صرخت / اااايييي يا حيوانه شوي شوي على شعري ترا كله شعرتين.
سارة بصدمه / يهبي هذا كله شعرتين.
ريما بفيس حزين / ايه والله كله من الشامبو الي جبتيه تقولي ينعم الشعر والله انه طيح شعري.
سارة / كذابة والله انه ينعم شوفي شعري كيف نعومته.
امل قاطعتهم / يكفي كلام وانتي تكلمي بسرعه.
ريما بعناد / لا تفكروا اذا ما قمتوا.
دلال قاطعتهم بغرور / وش تبو فيها مستحيل توصل نقطه مم جمالي.
ريما بقهر / اهئ قال جمال قال انتي لو تشوفيها  تطيح الطير من السما.
سارة بحماس / يالله تكفين قولي وينها.
ريما بعناد / ابد
ليآن شدت على رجلها
ريما بصراخ / اااايييي والله خلاص كسرتوا جسمي.
ليآن بقهر / يالله بسرعه تكلمي.
ريما بأستسلام / ........
.
.
.
ريما بأستسلام / طيب خلاص قوموا ورح اقولكم
امل بنص عين / كيف رح نصدقك.
ريما / وانا ايش ابي عشان اكذب عليكم.
امل / اوك *قاموا البنات*
ريما / اوف اخيرا.
ليآن / يالله قولي وين راحت.
ريما تخصرت / وانا متى قلت انه راحت.
ليآن بأستغراب / اذا؟؟
ريما اشرت لميآر تدخل
ميآر دخلت / سلام بنات.
البنننناااات تننننحووووا من جمالها.
امل بتناحه / ما شاء الله انتي ملاك ولا انسانه.
ابتسمت بأحراج.
لين / ما شاء الله عليك جميله.
ليآن بلقافة / انتي ليش عيونك زرقا سعوديه ولا لا؟
ريما بنص عين / وانتي ليش ما تتركي عنك اللقافه.
ميآر بضحكه / ايه سعوديه بس أمي ايطاليه.
دلال ولعت غيره وبكذب / وع من زينك بنت فقر.
ميآر انجرحت بس سكتت.
ريما بعصبيه / احترمي نفسك تراكي ضيفه ببيتنا لا تخليني اطردك.
دلال بعصبيه / الحين تطرديني عشان بنت فقر.
ريما بكره / ايه اطردك اذا ما احترمتي نفسك.
طلعت من الغرفة وهي تتحلف فيهم.
ريما بحنان / لا تاخذي بخاطرك حبيبتي تراها تقول أي شئ بدون ما تحسب حسابه.
ليآن / ايه تراها من أول ما عرفناها وهي كذا.
ميآر بصوت مبحوح / لا عادي حبيباتي.
امل تصفق وبصوت عالي / ايه اسمعوا الكلام المععسوله مو زيكم مقرودات.
ريما كشرت / ايه عشتوا انتي الي لسانك ينقط عسل.
ميآر تضحك على هبالهم.
.
.
.
تحت عند الحريم...
دلال جلست عند امها وهي مكشره.
ام تركي بهمس / اشفيك؟!
دلال بغيض / يا يومه والله ريما شايفه نفسها وبقوه.
ام تركي / لا تخافي حبيبتي انا مدبرة حاجه يخليهم كلهم يتورطوا بس ابيك تجيبي جوال ريما وانا اوريك فيها.
دلال بأستغراب / كيييف؟!
ام تركي / بعدين اقولك بس أنتي روحي اجلسي عندهم ولا كأنه صار شئ واذا لقيتي فرصة وهم مشغولين خذي جوال ريما و جيبيه.
دلال / أبشر يومه يالله انا رايحه وراحت عند البنات.
.
.
.
ريما / بنات بعد ما يروحوا الحريم نبي نسهر بالحديقة مع العيال اوك؟!
( للمعلوميه :: البنات ما يتغطوا على العيال بس يتحجبوا ).
امل / اوك والله إنها فكرتن منتازه.
ريما بغرور / اكيد من صاحبه الفكره اكيد انا.
امل كشرت وصدوا عنها.
ميآر بهمس لريما / الحين انا رح ادخل عند ابوي بعدين ياخي عيب.
ريما بصوت عالي / لاه لاه لاه لاه يا بنات فيه وحده تستحي عندنا تروح عند العيال.
ميآر انقهرت وقرصتها من فخذها.
لين / اككككيد تستحي مو هم ما يقربوا لها.
ريما / حتى ولو صارت منا وفينا.
ميآر ابتسمت بهدوء.
.
.
.
انتهى البارت 😻

آريـــــــن ©؛°¨غرامي جديد¨°؛©

البارت 11...
.
.
.
ميآر انقهرت وقرصتها من فخذها.
ليآن / منجدك ميآر تستحي عادي بس تحجبي.
رنا / ايه والله عادي اقعدي عندنا خلنا نستانس.
ريما وهي تمسح مكان الضربه / هاه سمعتي ايش قالوا عادي.
ميآر بخجل / لا يا بنات والله استحي خلني بس عند ابوي.
امل بجدية / يا بنت تراكي صرتي منا وفينا يعني لا تستحي.
ميآر / تسلمي يا قلبي اوك رح اجي بس رح اتغطا.
الكل / اوك.
جت عندهم دلال وجلست.
ريما كشرت / بنات ما تحسوا الجو كتم.
امل / ايه والله اوف ريما افتحي الشباك.
دلال عصبت منهم بس كتمت عصبيتها وبدلع ماصخ / حرام عليكم بنات وش سويت فيكم والله اني طيبه بس انتم شريرات.
امل كشرت / لا تحلفي بس وبعدين انتي اتركي الدلع وتعالي تكلمي.
دلال بدلع ماصخ / الحين تبيني اترك انوثتي واصير ولد زيكم مافي انوثه.
ريما بعربجيه / اقول اسكتي بس قال انوثه قال.
دلال بدلع ماصخ / ايه والله انتم مارح اولاد لايكون بويات وانا ما ادري.
ريما ضربت يدها بطولة / خلاص إلى هنا ونوقف يا انك تجلسي ساكته ولا الباب يوسع جمل حبيبتي.
امل بهدوء / خلاص قفلوا السالفه.
دلال صدت عنهم بغرور.
.
.
.
ابو تركي / السلام عليكم *وجلس*.
الكل / وعليكم السلام.
رجال 1 / هاه يا ابو تركي عسى ماشر.
ابو تركي / لا الحمدلله كل شئ بخير.
رجال 2 / الله يعوضك يارب
الكل / آللهم آمييين.
ابو هتآن بهمس / هاه في شئ صار.
ابو تركي بهمس / بعدين اقول لكم الي صار.
ابو هتآن بهمس / ان شاء الله.
ابو ليث طلع برا الدوانيه وبصوت عالي / يا عيال العشا جهز؟!
فيصل / ايه يوبه قلطهم.
ابو ليث / ان شاء الله. *دخل الدوانيه*
ابو ليث / تفضلوا العشا جهز.
الكل رجال دخلوا ع المقلط الي فيه العشا غير الشباب ما دخلوا.
ابو هتآن راح الدوانيه / يا شباب ادخلوا فيه محل.
فيصل / ياعم خله بعدين.
راكان / ايه ياعم خله شوي.
ابو هتآن / اقول ادخل يا انت وياه.
الشباب / أبشر *ودخلوا*.
.
.
.
الــبــ31ـــــارت
`
ع الساعه 3 القصر كله فاضي من المعازيم والاعمام كل واحد رح بيته باقي فقط الشباب والبنات.
`
""بغرفة البنات""
ريما / يا ميري بسرعه حطي الأغراض بالحوش.
ليآن بآستغراب / اي اغراض؟!
ريما / تعرفي شكولاطات وخرآبيط والخ...
دلال بدلع ماصخ / اسمه تشوكلت يا جاهله.
ريما تقلدها / اسمه تشوكلت يا جاهلة *وبقهر* اكرمينا بسكوتك.
دلال انقهرت وصدت.
ميري / مدام كله جاهز.
ريما / اوك يالله بنات خلنا نطلع.
وطلعوا البنات إلى الحديقة وكل وحده معها غطاها
.
.
.
""عند الشباب""
فيصل وتركي يلعبو بلاستيشن.
وليث هتآن يتكلموا عن الشركة.
وراكان يطقطق بجواله.
راكان فز / بنات اللذين آمنوا.
فيصل بأستغراب / ليش ايش فيه؟!
راكان / افتحوا سناب ليآن شوفوا وش رسلت.
فيصل / لي
قاطعة تركي / وقوووول اربعه ثلاثه يا فاشل وصار يرقص ويغني وفزت عليك وفزت عليك يا فاشل.
ليث وهتآن وراكان فقعوا ضحكك عليهم.
فيصل بقهر / عيد المباراة ونشوف مين الفاشل.
تركي يمد لسانه/ مع نفسسسك.
فيصل تنرفز ومسك علبه الفاين ورماها عليه.
هتآن / ايه راكان اشفيها ليآن.
راكان / افتح سناب وشوف ليآن وش راسله.
فيصل / بنات اللذين خلنا نروح عندهم.
ليث / لا هيه عيب مافي روحه عند البنات.
فيصل / اقول مع نفسك رايح رايح وطلع ولحقوه راكان وتركي.
هتآن كاتم ضحكته / خلنا نلحقهم نشوف ايش فيه.
ليث بقهر من اخوه / قم امش لا يسو المهابيل مقلب فيهم.
هتآن فقع ضحك / هههههههه زي هذيك المررره.
ليث بأبتسامه / ايهه.
وقاموا يلحقوا العيال.
.
.
.
""عند البنات""
ريما توري ميآر والبنات الحديقة.
ريما / وهذه المكان الي رح نجلس فيها.
ميآر / واو ما شاء الله كل الحديقة كلها جميله.
ريما / انتي الأجمل حبيبتي.
ليآن بعربجيه / اقول يا عيال مانبي رسميات.
دلال بدلع ماصخ / وع احنا مو عيال احنا بنات.
ليآن بقهر / وانتي ما تعرفي تقعدي يقرصي لسانك اذا سكتي.
دلال انقهرت بس سكتت وهي تتوعد فيهم وحده وحده.
امل وهي ترتجف / يا بنات ما تحسوا الجو بارد.
ريما / والله قلت لك خذي معك جكيت ولا بلوفر بس رفضتي.
امل وهي ترتجف / انا داخله أجيب لي شئ اللبسه وجايه
البنات / اوكك.
.
.
.
امل وهي ترتجف / انا داخله أجيب لي شئ اللبسه وجايه
البنات / اوكك.
دخلت امل القصر تجيب لها شئ تلبسهه.
.
.
.
ريما / ايه بنات وش رأيكم نلعب لعبة؟!
دلال / اطفال انتم؟! تلعبوا؟!
ريما بغيض/ وانتي وش دخلك؟!
دلال صدت عنها وهي تتوعد فيها بشر.
ريما / هاه بنات وش نلعب؟!
ليآن بخبث تتطالع بأختها / جرئه ام صراحه.
لين بتوتر / ل ل لا لعبة غبيه خلنا نغيرها.
ريما فهمت قصد ليآن وبخبث/ لا نلعبها لعبه حلوه صح ليآن.
ليآن بخبث / اكيد.
لين بلعت ريقها / آآآ اوك.
اما ميآر نفس الاطرش بالزفه مي فاهمه شئ.
فجآآآءه.
.
.
.
بمكان ثاني :-
ليث / هتآن انا رايح الغرفه اغير ملابسي لأنه جنني الثوب.
هتآن / يعني استناك ولا اروح؟!
ليث / لا لا روح توكل.
هتآن / اوك.
.
.
.
امل تدور جكيت وتطبل على الدولاب / حبيبي راكب ددسن وانا ببرقعي جمبه ياليته يشتري لكزس واغير برقعي للثمه.
ليث سمعها وكتم ضحكته / بنت العم طربانه.
امل تفشلت لأنها قليل ما تشوفه/ هاه ايه ق ق قصدي لا.
ليث فقع ضحكك / هههههههههههه وانتي ليش هنا منتي عندهم بره.
امل تذكرت / ايه ذكرتني *وقعدت تدور*.
ليث / وش تدوري خلني ادور معكك.
امل تدور بتركيز / اقول اسككت خلني ادور بتركيز الواحد بدولاب أختك ما يعرف يدور من حوسته.
ليث بأبتسامه / بهذه صدقتي.
وقعدوا يدوروا لين ليث لقى بلوفر اصفر عليه صوره سبونج بوب😂😂.
ليث كتم ضحكته / هه هذا هو لقيته خذيه البسيه.
امل بنص عين / شايفني بزره البسه.
ليث / والله الي يشوفك يقول بزره من حجمك نتفه.
امل مسكته ورمته / بأحلامك مارح البسه.
ليث كتم ضحكته / لا تخليني احلف انك ما تتطلعي إلا فيه.
امل / مع نفسسسك.
ليث رفع حاحبه بعناد / اذا احلمي.
.
.
.
انتهى البارت 😻

آريـــــــن ©؛°¨غرامي جديد¨°؛©

البارت 12...
.
.
.
لين بلعت ريقها / آآآ اوك.
اما ميآر نفس الاطرش بالزفه مي فاهمه شئ.
فجآآآءه...
فيصل جاي لهم يركض / هاي صبايا.
وتركي وراكان يلحقوه وهم يلهثوا من التعب / اوف منك سريع.
فيصل / ايد انتم ما عندكم لياقه بدنيه.
ريما بصدمه / انتم مين ناداكم.
راكان يأشر على ليآن باصبعه / ذيك ام كشهه.
ليآن بصدمهه / انا ام كشهخ حرام عليك كشتي نآعمه.
فيصل وهو متخرفن على عيون ميآر / مين الحلوه الي معنا.
ميآر استحت وتلثمت.
ريما دفته / يا حيوان غض البصر هذه وحده من صحباتي.
فيصل / خلاص خلاص اوك بس لا تدفي.
وصل هتآن / السلام عليكم.
الكل / وعليكم السلام.
ريما / وين ليث؟!
هتآن / رح يغير ملابسه ويجي.
ريما / اوك.
هتآن يغمز لسارة / كيف حالك؟!
سارة استحت / طيبه.
فيصل رما عليه علبه الفاين / يا حيوان احنا عزابيه.
هتآن / احد قالكم ما تتزوجوا.
ريما بنص عين / الله لنا.
هتآن يدور اخته بعينه / وين امل؟!
ريما / راحت تجيب لها بلوفر وتجي.
هتآن / اها.
`
امل / مع نفسسسك.
ليث رفع حاحبه بعناد / اذا احلمي.
*بعد ربع ساعه*
امل / يالله ليث تكفى.
ليث بعناد / انسي يا تطلعي كذا ولا اقعدي مكانك.
امل بخيبة امل / اوك *ولبستها* وكشرت هاه كيف شكلي غبي صح؟!
ليث كتم ضحكته / لا بالعكس حلو يالله خلنا نروح لههم.
`
ريما بطفش / ياربي وينها ذي.
راكان فقع ضحكك.
كلهم استغربوا وبصوت واحد / اشفيييكك؟!
راكان وهو مو قادر يتكلم من الضحكك اششر على المكان.
كلهم طالعوا المكان وفقعوا ضحكك.
ريما دمعت من الضحكك / وش لابسه انتي.
ليآن مي قادره تتكلم من الضحك / وو ههههههه و ههههه وش هههه لا ههه لابسه انتي.
امل كشرت / هه هه هه هه مره تضحكوا.
رنا بضحكك / ليش لبستي كذا؟!
امل بحزن / اسألي اخوك هو رفض يطلعني الا البسها.
هتآن ضحك / كفووو يابن العم من اليوم تهددني بمزتي *وطالع على سارة* ما تخليني اشوفها.
بنسبه لسارة صبغ وجهها احمررر.
كلهم ضحكوا على وجهها.
راكان طلع جواله ودخل سناب / يالله بنت العم قولي تشيز *وصور* وبعدها ركض من شاف امل تلحقه.
امل بصراخ / راكانوووه والله لا تحذفها.
راكان وهو يركض ويضحك / بأحلامك.
وكلهم يضحكوا عليهم.
.
.
.
امل بصراخ / راكانوووه والله لا تحذفها.
راكان وهو يركض ويضحك / بأحلامك.
وكلهم يضحكوا عليهم.
امل تعبت من الركض / راكان تكفى احذفها.
راكان رفع حاجبه بعناد / آبد.
امل / اوك بس تكفى لا ترسلها لأحد.
راكان بخبث / ابششري.
امل شكت فيه بس طنشت وراحت تجلس وراكان وراها.
ريما بحماس / هاه حذفها.
امل بحزن / لا.
ريما / كفو يابن العم هاه ترسلي اياها.
راكان بخبث وغمز لها بدون ماتشوف امل / لا أنا وعدتها اني مارسها لأحد.
ريما فهمت عليه وكتمت ضحكتها وتمثل انها حزينه / يا خسارة كنت ابي الصوره بس يالله عادي.
فيصل يطقطق على الجوال / طفششش وش نسوي.
لين قاطعتهم / خلنا ندخل جوا برررد شوفي كيف ميآر بردانهه.
ميآر / بس انا مو بر
قاطعتها لين / الا حرام عليكم شوفي كيف ترتجف.
ليآن بغباء ما فهمت خطه لين / ايه يالله خلنا ندخل جوا.
ريما فهمت خطتها / لا لا لا لا خلنا نقعد.
فيصل يقوم مع نفسك خلنا ندخل بس.
ريما بوزت / طيب ليش؟!
فيصل / يا بنت الحلال خلنا ندخل نشغل فلم ونسهر عليه وش رأيكم؟!
كلهم وافقوا غير ليث مفهي على عيون ميآر.
وميآر لاحظته واستحت.
أما دلال ولععععت من الغيره وحبت تخرب عليه وبدلع ماصخ / ليييثو ليش ما ترد.
ليث انتبهه عليهم وبفهاوه / هاه !
ريما بضحكهه / آلي ماخذ عقلك يتهنى.
ليث جمدت ملامحه / مو ماخذ عقلي احد وش كنتم تقولون.
ريما / كنا نقول نبي ندخل جوا ونشغل فيلم ونسهر عليه وش رأيك؟!
ليث ببرود / براحتكم.
ريما / اذا يالله مشينا.
كلهههم دخلوا جوت القصر...
وريما قالت لخدامه وتجهز لهم الصاله وتشغل الشاشه والسماعات الخ... وتحط لهم حلويات ومشروبات والخ...
ريما / هاه نحط فيلم ايش؟!
فيصل / حطي فيلم ( ju-on: the final curse ).
سارة بخوف / لا هذا فيلم يخوف.
لين / لا حطي فيلم ( Hell and back )
ليث / لا هذا فيلم كرتون يا اطفال.
ميآر بأبتسامه / حطوا هذا الكرتون شكله حلو.
ليث بسخرية / ليش طفلهه
ميآر بوزت / لا ماني طفلهه بس احسه حلو.
ريما / هاه نحط ( ju-on: the final curse المرعب ) ولا نحط ( Hell and back الكرتون ).
فيصل وليث وهتآن وراكان وتركي وامل ودلال وليآن / ( ju-on: the final curse  المرعب ).
وميآر وسارة ولين / ( Hell and back الكرتون )
ريما / خلاص شغلوا ( ju-on: the final curse  المرعب )
وشغلوا الفيلم المرعب :
فيصل وليث وهتآن وراكان وتركي وامل ودلال وليآن وريما يتابعوه بحماس.
اما وميآر وسارة ولين يتابعوه بخوف وكل ماتجي لقطه تخوف يغطوا وجههم بالمخده.
*ع الساعه 5 الفجر*
كلهم نايمين واشكالهم تفقع ضحكك.
.
.
.
ع الساعه 12 الظهر
ميآر قامت من النوم دخلت الحمام 'اكرمكم الله' اخذت شور سريع عشان يصحصحها وطلعت لبست
برمودا لساق وردي وبلوزه بيضا عليها ورود باللون الوردي وربطت شعرها ذيل حصان وحطت طوق وردي وسوت ميك آب خفيف مره ولبست شبشب 'اكرمكم الله' واخذت عبايتها للظروره اذا قابلت بطريقها واحد من الشباب بطريقها وطلعت متوجهها لغرفه ابوهآ.
.
.
.
ام ليث / مييييري.
ميري / نئم ماما -نعم ماما-
ام ليث / قاموا البنات والشباب؟!
ميري / لا ماما.
ام ليث / بسرعهه روحي قوميهم.
ميري / هاظر -حاظر-😂
.
.


ميآر بأبتسامه / صباح الخير.
ابو ميآر بأبتسامه تعب / صباح النور.
ميآر / بابا تعبان ؟! في شئ يوجعك ؟!
ابو ميآر آشر على صدره وبتعب / صدري مكتوم.
ميآر / لا تخاف بابا أنا سألت الدكتور قال عادي كلها كم ساعة ويخف الالم ،، بس لازم الحين احط لك فطور.
ابو ميآر / لا مابي مالي نفس اكل.
ميآر بأصرار / الا لازم تاكل كيف تاخذ ادويتك ومعدتك فاضيهه لازم تاكل شئ.
ابو ميآر / طيب ،، بس احنا وين يا بنتي ؟!!
ميآر بأبتسامه / يا بابا احنا ببيت ناس كويسين هم الي ساعدوك وطلعوك من المستشفى قبل ما يصير لك شئ وتخيل يا بابا الي ساعدك طلع مديري الي بالشركه.
ابو ميآر / الحمدلله طلع رجال انا الحين ارتحت انه بنتي عند رجال اقدر اثق فيه ،، بس بنتي متى رح تداومي بالشركه.
ميآر بأبتسامه / الأحد.
ابو ميآر / حلو ،، يالله الحين قولي لي السالفه كاملهه.
ميآر بأبتسامه / ابشر بس مو الحين ،، خلني اجهز فطورك بعدها اقول لك.
ابو ميآر تنهد على عناد بنته / طيب.
.
.
.
ريما بصراخ / ميييييييرررررييييي اطلعي برررره.
ميري بعناد طفت المكيف وهربت من شافت ريما تصرخ عليها.
ميري راحت عند البنات وسوت فيهم نفس ماسوت على ريما وكل وحده ردت فعل مختلفه... 'وهذا الحال كل يوم' 😂💔
`
ريما بهمس / حسبي الله عليك والله اطردك يا بنت اللذين.
وقامت دخلت الحمام 'أكرمكم الله' وهي تتحلطم.
.
.
.
سارة بأبتسامه / صباح الخير.
ام ليث ردت الابتسامه / صباح النور.
سارة حبت راسها / اخبارك خاله.
ام ليث / الحمدلله تمام.
سارة بأبتسامه / دوم ان شاء الله.
ام ليث بأبتسامه / تدوم نفاسك.
ام ليث / ايه واخبار اهلك عساهم بخير ؟!
سارة / الحمدلله هم بخير.
ام ليث / دقي على اهلك واعمامك خلهم يجوا عندنا على الفطور.
سارة بأبتسامه / ان شاء الله وقامت تدق عليهم.
.
.
.
انتهى البارت 😻

آريـــــــن ©؛°¨غرامي جديد¨°؛©

لمن يريد أن يكمل قراءه روايتي..
الروايه موجودة كامله لحسابي عبر الانستغرام @novel_raa
.
((( ملحوظه مهمه الروايه لها جزئين الجزء الأول عباره عن مئة بارت بهذا الحساب @novel_ra
.
والجزء الثاني موجود بهذا الحساب @novel_raa
.
قراءة ممتعة احبتي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1