اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 111
قديم(ـة) 04-12-2016, 10:27 PM
صورة أروى. الرمزية
أروى. أروى. غير متصل
©؛°¨غرامي متألق ¨°؛©
 
الافتراضي رد: رواية سحر حبك ما يفكه ألف شيخ/بقلمي


الله شذا البارت );!!
حيوان عُمر وجععاه
اعتقد فيصل سمع مُنى!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 112
قديم(ـة) 18-12-2016, 07:12 AM
جُمانهه بنت فلان جُمانهه بنت فلان غير متصل
©؛°¨غرامي جديد¨°؛©
 
الافتراضي رد: رواية سحر حبك ما يفكه ألف شيخ/بقلمي


اقتباس:
المشاركة الأساسية كتبها أروى. مشاهدة المشاركة
الله شذا البارت );!!
حيوان عُمر وجععاه
اعتقد فيصل سمع مُنى!!
شكرا على مرورك ي قلبي.~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 113
قديم(ـة) 30-12-2016, 02:10 PM
جُمانهه بنت فلان جُمانهه بنت فلان غير متصل
©؛°¨غرامي جديد¨°؛©
 
الافتراضي رد: رواية سحر حبك ما يفكه ألف شيخ/بقلمي


البـــارت ( 28 )
.
.
.
خذني على قد شُوقي وهاتك اليوم ليّ.
.
.

[ صباح اليوم الثاني✨]؛

فتحت عيونها وهي تحس بالبروده اللي تنتشر بجسمها.!
غمضت عيونها ولفت اللحاف عليها اكثر تحس بالدفا.~

{ بعد عشر دقايق }✨؛

طلع بعد ما اخذ شاور ينعشه،وهو ينشف شعره ب المنشفه.!
نزل المنشفه من على وجهه،وصد عليها على السرير وشافها نايمه.~
قرب من السرير وجلس ع طرف السرير،مسح على شعرها بحنان .....~
تقلبت ب نومتها وفتحت عيونها على وجهه،ثواني و صدت بوجهها عنه
عُمر : صباح الخير
ماردت عليه،ولا صدت عليه ظلت تناظر الجهه الثانيه ولا قالت اي كلمه .!
عُمر : قلنا صباح الخير،مايصير تردين ؟
عُمر وماحصل أي رد منها : ملآك؟
قام من مكانه ودخل غرفة التبديل،اخذت نفس وقامت وهي تلف اللحاف عليها وراحت للحمام { اكرمكم الله }
سمع صوت باب الحمام يتسكر بققوة،سكر عيونه وطلع جلس على السرير ينتظرها.َ

بعد سساعه كامله✨؛؟

فتحت الباب بهدوء و شافته واقف بوجهها..!
سكرت الباب وجات بتتعداه لكنه صدها : لو سمحت ابعد
عُمر ركز بعيونها اللي ع الارض ورفع وجهها بيده : وشفيك؟،ليه تبكين؟
ملآك ابتسمت وسط دموعها : انا؟،ههههههههههههه لا ما ابكي شوف جالسه اضحك
عُمر بحدة : ملآك
ملآك انهارت و صارت تضربه على صدره : عممر ابعد عني،لااا تقرب مني حقيير اكررررهك
عُمر : تكرهيني؟
ملآك بصراخ : ايييييه اكرهك ما اطيقك اطلع من حياتي ما ابيك
عُمر ببرود : تمام
وطلع من الغرفة تاركها لوحدها......!



،


ksa✨ ؛



: مُنى
رفعت راسها من سرحانها بـ الصحن اللي قدامها : آمر؟
فيصل : ليه ما اكلتي شي؟
مُـنى اشرت ع الصحن : الا اكلت شوف
فيصل ابتسم : لا جد جد اكلتي،انا غلطان ما اشوف عدل
مُـنى حست باحراج منه لانها ما اكلت شي بس تلعب ف الاكل : انا كنـ..
فيصل وقف : حصل خير
مُـنى : طالع؟
فيصل : ايه
هزت راسها بـ اوك و نزلت راسها للصحن
فيصل ناظرها ل ثواني " آسف " : مُنى
مُـنى : هلا؟
فيصل عطاها ظهره،و اخذ نفس : انتي طالق
طاحت الشوكه من ايدها وهي تسمع صوت الباب يتسكر.~



،



لندن ( بعد شهرين ) ✨؛


{ الساعة السابعة مساءاً }✨؛


فتحت الباب و دخلت لفت بعيونها على البيت اللي صاير ظلام مافي اي ضوء..~!
ولعت الاضاءة و جلست فسخت جزمتها و رمتها ع الباب و انسدحت على ظهرها.~
حست بجوالها يهتز مسكته و تاففت بملل : نعم؟
فارس قلدها : " نــعم " نعم الله عليك،انتي الله ياخذك ليه صايرة كذا تنكدين على الناس
ملآك قامت تصعد الدرج : فويرس خلصني وش عندك ؟،تبغا شي؟،لان حدي واصلة بناااامم
فارس ناظر ساعته : الحين ترا الساعة سبع!
ملآك بطفش : فارس خلصني ويعني الساعة سبعه ؟
فارس : لا لا خلاص ما ابي شي الحين بتطلعين لي من الجوال،باي
وسكر
ملآك : هههففف مو صاحي
طاحت عيونها ع جناحه،تقدمت بخطواتها للباب مسكت مقبض الباب و فتحته.ْ
ولعت الاضاءة و غمضت عيونها و هي تشم ريحته : ياربي وحشني
دخلت غرفته و رمت نفسها على سريره : وين راح؟،انا ما كان قصدي شي!

{ نرجع ل قبل شهرين }✨؛

دخل غرفته و طلع له ملابس و رماها ب الشنطه،وهو طالع قابلها ببجامتها وبيدها قهوة.~
طنششته و كملت طريقها ل غرفتها..~
: انا رايح مثل ما تبين،لو احد سأل عني قولي سافر عنده شغل
ما التفت له رفعت حاجبها : روحه بلا رجعه
ابتسم : يالله هالكثر مضايقك وجودي؟
ملآك صدت عليه : اكثر مماتتخيل
عُمر طلع ظرف وتقدم لها : خذي لو احتجتي اي شي دقي ع جدي

مسحت دمعتها : ما كان قصدي انه يروح،بس كنت متضايقه انا وش ذنبي لو ماقدرت امسك لساني؟
سحبت المخده و دفنت راسها فيها تشم ريحته،وبصوت مخنوق : احبه ياربي رجعه لي


،


: مممماااامممااا
جُود بملل : نعم ماما؟
جُوري : متى يجي بابا حقي؟
جُود شالتها و جلستها بحضنها : ماما انا قلت لِك بابا مسافر صح؟
جُوري تلعب بازرار قميض جُود : اييه
جُود : و لوحدك رحتي له البيت و كان مو موجود صح؟
جُوري : اييه
جُود : اذن خلاص لما يرجع بتروحين له
جُوري قوست شفايفها : بس انا ابيه اشتقت له
جُود قلبت عيونها : ياربي صبرك،ممم انزين شرايك نطلع نروح الملاهي؟
جُوري نقزت بفرح : ججججدددد؟
جُود ضحكت و باستها من خدها : ججد يا روح ماما


،



ksa ✨؛

نايمه بحضن امـاني اللي تلعب بشعرها .~
مُـنى بنعاس : ماما ؟
امـاني : عيونها؟
مُـنى : تسلم لي عيونك،ماما بَـدر ما اتصل؟
امـاني فهمت مقصد مُـنى : لا للحين ما جى
بُشرى دخلت و صرخت : آآآآآآهه تعبت تعبت تعبت
امـاني : مافي احد قالك تتمشين من مكان ل الثاني
بُشرى بحماس تفتح الاكياس : تعالي تعالي شوفي اللي اخذته

{ عند مُـنى } ؛
مسكره عيونها و تحس نفسها مرتاحه،صح المفروض اللي بمثل حالتها زوجها مطلقها المفروض تتضايق ،بس هي مرتاحه غريبه بس هاذي حالة مُـنى.~
تحس فكت نفسها و فيصل من شي ما راح يستمر اكييد..!
في شي مو مريحها ابد واللي هي سفرة بَـدر اللي صارت فجأة..جاته مكالمه و قال انا راح اسافر ل عند خويي راشد كم يوم و راجع،والحين راح يكمل اسبوع..!!
معقوله يكون راشد صار له شي؟،لالا يارب لا الله يحفظه.~


،


لندن ✨؛

فزت من نومها اللي ما صار له ساعه : بسم الله،ياربي احفظه.!
شافت جوالها مسكته ودقت على رقمه و ماحصلت جواب نفس كل مرة.~
فكرت تدق ل جواهر،دقت و انتظرت لما وصلها صوت ضحكات جواهر : ههههههههه هلا ملاك؟
ملآك : هلا جواهر،كيفك؟
جواهر : الحمدلله تمام،انتي كيفك؟
ملآك : تمام،جواهر بسألك؟
جواهر باهتمام : ايه اسمعك
ملآك : عُمر كلمك اليوم؟
جواهر : ايه يمكن من نص ساعة،ليه في شي؟
ملآك : ايوا،لالا حبيبي مافي شي بس اسأل
جواهر : ملآك روحي بيت جدي جلسي عندهم لما يرجع عُمر
ملآك : جواهر احسن ما نعيد ب السالفة مرة ثانية قلت لك كذا انا مرتاحة
جواهر : اوك انا اليوم بجي بنام عندك
ملآك بصوت عالي شوي : هففف جواهر لا مو لازم
سكرت من جواهر،وراحت ل غرفتها تاخذ شاور و رجعت نامت مرة ثانية .~


{ الساعة الثامنة صباحاً }✨؛

قامت مفزوعه من نومها،جلست تستوعب و قامت بسرعه للحمام{ اكرمكم الله }، و طلعت كل اللي ف بطنها..~
طلعت بعد ما غسلت وجهها وماسكه بطنها ويدها على فمها بتقزز : احح وعع
بدلت و نزلت للمطبخ جلست على الطاولة بملل : روبي هاتي حقي توست و عصير برتقال
روبي : كل يوم؟
ملاك : لا تتفلسفين على راسي هاتي وبس
جابت لها صحن التوست و جنبه عصير برتقال.~
ملاك ناظرت التوست و خذت العصير : لا خلاص ما ابي بس ابي عصير
روبي : بس ملاك ما يصير
ملاك تهز الكاسه قدام عيونها : روبي والله مو طايقه شي اسكتي احسن لِك
روبي بخبث : كل هاذا يفعله بِك غياب عُمر؟
ملاك قلدتها بشكل يضحك : " كل هاذا يفعله بِك غياب عُمر ؟ " اقول كلي تبن انتي وياه
شربت العصير و نزلت الكاسه على الطاولة بقوة و صوت عالي .!
روبي : خير ؟
ملاك : انتي ما تعرفين تتكلمين شي واحد؟،مرة كذا و مرة كذا كـ..
ما كملت كلامها و راحت للمغاسل و استفرغت مرة ثانية،لحقتها روبي .~
رمت المنشفه اللي ناولتها روبي بعد ما نشفت وجهها، و رجعت جلست على الكرسي و سندت راسها للطاولة .~
روبي : ما الذي يحدث؟،لقد اصبح يومياً عليك التقيؤ صباحاً
ملاك برجفه : ما ادري ما ادري
سمعوا صوت ضرب الباب،قامت وقفت
روبي : اجلسي راح افتح انا
ملاك هزت راسها بـ لا : انا راح افتح
راحت للباب و فتحته شافت جواهر و وراها عبدالله .~
تقدمت و ضمت جواهر بقوة.~
جواهر تشد عليها : بسم الله وش فيك ؟
ملاك ما بعدت عنها : ما ادري
عبدالله : ل متى بتتركوني واقف كذا؟
ملاك بعدت عن جواهر، و ابتسمت ابتسامه باهته : تفضلوا
جواهر : ملاك ليه وجهك صاير اصفر كذا؟
عبدالله ركز بملامح ملاك : ايه جد كلامها،مريضه؟
ملاك هزت راسها بـ لا : لا مافيني شي،بس طبيعي من شوي صاحيه
روبي : لا ان هنالك ما تخفيه،انها متعبه دوماً و خاصةً في الصباح كثيراً ما تستفرغ
ملاك : لا تكبريها وهي صغيره
جواهر رفعت حاجبها : من متى ؟
ملاك : بسم الله وشفيك؟، قلت لك انا بخير
عبدالله عدل جلسته،و بخبث : اييه جواهر لا تلوميها يمكن مشتاقه ل ناس
ملاك رمت عليه الخداديه : عبدالله مو رايقه لِك ابببدد، ولا لتفكيرك ذا




،



ksa ✨؛


: يااا عمممممرررييي حبيبة عمتها
عزام ضحك وهو يشوف ميّ تخط خطواتها الأولى ل مـرام اللي واقفه قدامهم.~
مـرام مسكت ميّ قبل لا تطيح،وجلست تبوسها: فديتت فدييت بِنتي ياربي احفظها
عزام اخذها من مـرام،و صار يطيرها بالهوا وهي تضحك : يالبى


،


لندن ✨؛

بعد ما طلع عبدالله.~
ارتشفت رشفه من الكوفي اللي بيدها : ايه وش سالفتك؟
ملاك : اي سالفه؟
جواهر تاشر على وجهها : ذا الوجه ال الاصفر، وسالفة كل صبح واللي تقوله روبي
ملاك : روبي تحط بهارات من عندها،السالفه بس تعبانه شوي ما يصير الواحد يتعب؟
جواهر : الا يصير يصير،انتي ما راح آخذ منك شي
ملاك بضحكه : ها مافي شي قريب؟
جواهر بخجل : لا
ملاك ضحكت : هههههههههههههههههههههههههههههههه استحت
جواهر : جب يلا
دق جوال جواهر،لمحت الاسم بس تجاهلت.~
جواهر : هلا هلا بحبيبي و قلبي و حياتي و كل دنيتي هلا ب اخوي .!
عُـمر ابتسم : هلا فيك،اخبارك؟
جواهر : مو وجه احد يقولك كلام حلو،المهم الحمدلله،و انت كيفك؟
عُـمر : ايه ذا اللي ابيه المهم،انا الحمدلله
جواهر بخبث : اييييه وش تبي؟
عُـمر : عيب يا بنت،انا اخوك
جواهر : الحمدلله بخير كل شي تمام،بس تـ..
عُـمر بلهفه : بس؟
جواهر ضحكت :هههههههههههههههههههههههههههههههههههههه عُــــممممممر
عُـمر بحدة : تكلمي؟
جواهر : ههههههه احم اوك،لحظة شوي ملاك
قامت من عند ملاك،و بعدت شوي.~
عُـمر : تكلمي وينك؟
جواهر بجديه : روبي تقول ذي البنت كل يوم صايرة الصبح تطلع كل اللي ف بطنها و مب نفس اول صحتها،يعني اليوم لما دخلت عند عبدالله وجهها يبين اصفر و تعبانه
عُـمر تنهد : جواهر انتبهي لها شوفي اكلها كيف
جواهر : انا قلت راح اجي عندها كم يوم بس مو راضيه
عُـمر : لا تاخذي بكلامها تعالي و نامي عندها كم يوم
جواهر : انت متى راح ترجع؟
عُـمر : لما اخلص اللي عندي



{ الساعة الحادية عشر مساءاً } ✨؛

طلعت من المطبخ و بيدها نص ليمونه وفوقها رشه ملح،وتمصها بتلذذ.~
: اممممم آخ
روبي صاحيه من النوم : ملاك؟
ملاك كملت طريقها : وش مصحيك انتي؟،كملي نومك
روبي : هل انتي حامل؟
وقفت بمكانها ل ثواني من كلمتها وصرخت : ححححااامل؟
روبي فزت من صراخها : يا إلهي،ماذا بِك؟
ملاك نزلت بسرعه من الدرج : انتي وش تقولين؟
روبي : لم اقل شيئاً
ملاك : والله اكفخك تكلمي
روبي برجفه : لقد قلت هل انتي ححامل؟،التقيؤ صباحاً و الطعام الغريب اللذي تأكلينه؟
ملاك بخوف : لا انتي بس تتخيلين،لا لا
روبي بعدم اهتمام : حسناً
صعدت الدرج بهدوء و خوف ل غرفتها دخلت و رمت نفسها على السرير.~
مدت يدها تتحسس بطنها،بخوف: حححاممل!!
قامت جلست على حيلها : يااربي لا اكييد لا
تذكرت ان الدوره اصلا انقطعت عنها هالفتره ما انتبهت لهالشيء،وغير باقي الاعراض..يعني؟



،


راشد : بَـدر ؟
بَـدر اعطاه كاسه المويه : خذ
راشد شرب و نزل الكاسه جنبه على الطاولة : آسف تعبتك عندي
بَـدر رفع حاجبه : شهالكلام؟
راشد رفع راسه بابتسامه باهته : بَـدر بدونك ما ادري وش راح يصير فيني لوحدي!
بَـدر مسك ايده وضغط عليها : راشد انت راح تتعافى و راح تكون بخير،راح ترجع نفس قبل و احسن
راشد سند راسه على مخدة المستشفى : ان شاء الله
بَـدر : لاتفقد املك بالله،الله قادر يشفيك..."بابتسامه" و بعد؟
راشد وهو مغمض عيونه : بعد؟
بَـدر : ماتبي ترجع ل مُـنى؟
فتح عيونه بصدمه : مُـنى ؟
بَـدر هز راسه بـ ايه : انا لما شفت ردة فعلك لما قلت لك ان فيصل طلقها تاكدت انك للحين تحبها كنت اعرف و تاكدت.~
.
.
.
.
نهـاية البارت ( 28 )

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 114
قديم(ـة) 14-01-2017, 03:59 PM
جُمانهه بنت فلان جُمانهه بنت فلان غير متصل
©؛°¨غرامي جديد¨°؛©
 
الافتراضي رد: رواية سحر حبك ما يفكه ألف شيخ/بقلمي



البـــارت ( 29 )
.
.
.

تفاصيلك عالبّال،وعُمرها من قلبي ماتغِيب❤️
.
.

{ اليوم الثاني }✨ ؛

دخلت و سكرت الباب بسسرعه،واتجهت بخطوات سريعه بتطلع ل غرفتها بس قابلت جواهر نازلة من الدرج..~
جواهر باستغراب : ملاك وش مطلعك؟،الساعه تسعه.!
ملاك : ءء كان عندي شي و طلعت و الحين رجعت
جواهر : الحين !
ملاك : هفف جواهر ايه،انت وش جايبك؟
جواهر : تطرديني؟
ملاك : لا مو كذا،بس استغربت امس جايه
جواهر : ايه راح انام عندك كم يوم عبدالله بيطلع مكان بعييد شوي
ملاك : اهاا
جواهر : فطرتي؟،لا تعالي نطلع نفطر برا من شوي ابي اطلع
ملاك : لا ابي انام تعبانه شوي
جواهر باهتمام : وشفيك؟،تروحين المستشفى؟
ملاك : لاا لا بس امس نايمه متاخر و صحيت بدري و كذا
جواهر نزلت و كملت طريقها : اها اوك انا طالعه
ملاك صعدت بسرعه لغرفتها و سكرت الباب،و طلعت اختبار الحمل اللي راحت خذته من شوي.~
خذت نفس و هي خايفه من النتيجه اللي راح تطلع..معقولة تكون ححامل؟

{ بعد نص ساعه } ✨ ؛
مدت ايدها من متى خلصت الاختبار،بس خايفه تشوف النتيجة.~
فتحت عيونها من النتيجه..خطين واضحين ب اللون الاحمر.~!
رمت الاختبار على الارض وصرخت،سكرت على فمها بيدها و بكت.~
: ليييييييه؟،ياربي م ابيه كلله بسببك بسببك عُـمر بسببك...!!



،


تقدمت له بسسرعه و ضمته بقوةة : وحشششششششتتتتتتتتتتتتننننننننننييييييييييييي
ضحك وهو يمسح على ظهرها : بس خلاص ذبحتيني
جواهر ب زعل : مالك دخل،كيف رحت وبدون م تقول؟،كذا تركتنا شهرييين ترا مو شوي!
عُـمر بعدها عنه : عندك عبدالله وش تبين فيني؟
جواهر بوزت : هو زوجي و انت اخوي


،


رمت كل الاغراض اللي ع التسريحه و كسرت كل العطورات اللي عليها..~!
دخلت روبي ع صوت التكسير و انصدمت و هي تشوف حالة ملاك المنهاره ..~!
روبي ركضت لها و مسكت يدها اللي كانت تشد شعرها : ملاك ماذا هناك ؟ مالذي يييحححدث؟
ملآك بصراخ : بببببععععدي طلعي برااا
دخلوا ع الصراخ،جواهر : وش صاير،ملاك...........!!
فتحت عيونها ب صدمه من الشخص اللي واقف ورا جواهر،وهدأت.~
جواهر قربت منها و خذتها من ايد روبي : ملاك وشفيك؟؟؟؟
ما بعدت عيونها عن اللي واقف و يناظرها ببرود..~َ
قرب منهم هو الثاني و عيونه تتنقل بين الاغراض المتناثره على الارض،صد عليها : وش صاير؟
ملاك بهمس : عُمممرر...!
قرب منها و نزل ل مستواها و ثنى رجله بحيث يكون مقابل وجهها : ايه
ملاك بنفس الهمس : وين ءء كنت؟
عُـمر صد ع جواهر القريبه منهم : جواهر ممكن تطلعي شوي؟
هزت راسها بـ اوك،وطلعت ..~
مسك وجهها ب كفوفه،وقرب منها و باسها على عيونها اليمين ثم راح للعين اليسار...~!
بعد عنها وشافها مغمضه عيونها و دموعها ماوقفت.~
بعد خصلات شعرها اللي على وجهها : ليه البكي؟
دخلت بحضنه،وبكتت اكثر بصوت عالي..!


،



رمى جواله على السرير و اخذ كتابه المرمي باهمال : ليه م ترد ذي البنت؟
رمى نفسه على السرير ع ظهره و رمى الكتاب مرة ثانيه باهمال بعيد عنه.~!

{ قبل ثلاث اسابيع }✨ ؛

كان يبي يقابلها من متى،هددها بس م نفع معاها..طنش السالفه بس م يبي يخسرها..~
لمحها جالسه ع كرسي من كراسي الحديقه لوحدها،قرب و جلس جنبها..ْ
رفعت راسها و شافته وقفت بخوف طبيعي يسري فيها من بعد اللي صار بينها و بينه
مسكها من يدها : ملاك دخيل الله اجلسي
ملاك هزت راسها بـ لا : انت وش تبي؟
فارس تنهد : اجلسي و اسمعيني،والله م راح يصير الا اللي تبينه
جلست بعيد عنه شوي م عارض ولا قال شي،طبيعي بعد اللي سواه.~
فارس نزل راسه : انا آسسف على اللي صار ملاك،ادري م راح تفيد كلمه آسسف قدام اللي سويته انا جايك اللحين نادم والله نادم ع قد شعر راسي ع اللي صار،عييب عليّ والله اجي اللحين و اقول هالكلام..!
ملاك رفعت حاجبها باستنكار : داري انه عيب و المفروض تستحي على وجهك مو جاي لي بكل قوات عين و تقولي آسسف..!!
فارس : اذا ربنا يسامح ليه انتي م تسامحي؟،ملاك والله ما كان ب ايدي الشيء انا عرفت غلطتي
وقفت من مكانها : الحمدلله انك عرفت انك غلطت،ذا المطلوب
فارس وقف بلهفه : يعني سامحتيني؟
ملاك ب ابتسامه سخريه : انت لوحدك قلتها اذا ربي يسامح من انا عسب م اسامح؟
صدت عليه،وخذت نفس : مسامحتك فارس مسامحتك ع كل شي،بس ذا مو يعني راح نرجع زي زمان
فارس تنهد براححه،وصد عليها ركز بوجهها : ليه وجهك صاير كذا؟
رفعت حاجبها و عطته ظهرها : انا قلت مو يعني راح نرجع زي زمان،لا تتعدى حدودك
فارس بشبه ابتسامه : الحين انا تعديت حدودي لما سألت عن حالك؟
ملاك مشيت بخطوات عشان تطلع من الحديقه : من وجهة نظري؟،ايه
فارس لحقها : ملاك قلبك ابيض ترا
ملاك : فارس وش تبي؟،سامحتك مو خلاص؟
فارس : لا ابي نرجع اصحاب
ملاك : ها ها ها



ابتسم صح راسها صخر و عنادها مو اي عناد،بس ب النهايه قلبها طيب و رضت.~
لوحده يحس نفسه مو يستاهل تسامحه و المفروض م تسامحه ابداً،بس ملاك سامحته و ذا المهم.!
يححاول ب قد م يقدر يطلعها من تفكيره و قلبه،خصوصاً من بعد م سامحته يعني رجعت وثقة فيه ولو شوي،م يبي يخون هالثقه اللي عطته اياها ولو شوي..!


،


بعدها عنه بسرعه لما حسها ارتخت بحضنه.~!
صار يضربها بخفيف على خدودها : مملاك..مملاك؟
سدحها ع الارض و حاول يصحيها م وعت عليه،حملها بين ايديه و طلع من غرفتها متجه للمستشفى.~!

{ بعد سـاعه كامله }✨ ؛

عُمر " e " : وش فيها دكتورة؟
الدكتورة " e " : مجرد سوء تغذيه يجب عليها الاهتمام بطعامها و الاهتمام بنفسها،سأعطيها بعضاً من الفيتامينات المهمه و سوف تتحسن
مسحت ع وجهها بايديها،حمدت ربها ان الدكتورة م قالت شي و خذت ب كلامها لما قالت لها م تقول .~
عُمر صد عليها : يلا
قامت وراه،راحوا للسيارة..ركبت وسندت راسها للشباك بتعب.!
عُمر صد عليها،وده لو يسألها وش فيها؟،ليه تعبانه؟،ليه م تاكل عدل؟،بس تجاهل ذا كله و حرك السيارة للبيت..~!


،


فتح الباب و دخلت،دخل و سكر الباب بعده~
: وش صار؟
عُمر رمى الكيس و راح طالع من المكان : سوء تغذية
جواهر عقدت حواجبها : اصلا من فتره حاستك كـ..
ملاك بدون اهتمام طلعت بعد عُمر : جواهر لا تكبرين السالفه
جواهر بعد م طلعوا من المكان : استغفر الله


،


دخلت الغرفة طلعت لها ملابس،خذت شاور و طلعت تمددت على السرير من غير م تنشف شعرها.~
مدت يدها تتحسس بطنها برجفه " يعني انا حامل؟،يعني راح اصير ام؟،راح يصير عندي بيبي يناديني ماما؟"
انقلبت على جنبها بهدوء و غمضت عيونها،ثواني و فتحتها صدت على الباب اللي انفتح
: خذي نسيتي علاجك تحت
قامت جلست ورجعت شعرها ورا اذنها : جواهر؟
جواهر صدت عليها بعد م حطت الاغراض ع التسريحه : هلا؟
ملاك ميلت راسها لليمين : تعالي نامي عندي
جواهر ابتسمت باستغراب : انام عندك!
هزت راسها بـ ايه

{ بعد ربع سساعه }✨ ؛

منسدحه على جواهر،وجواهر تلعب ف شعرها.~
جواهر : ملاك نمتي؟
ملاك م طلعت صوت.ْ
بعد ثواني؛
ملاك فتحت عيونها على عيون جواهر : جواهر؟
جواهر : م نمتي؟
ملاك : يصير اقولك شي و م تقولين ل اي مخلوق حتى عُمر؟
جواهر عقدت حواجبها : وش صاير؟
ملاك مسكت خصله من شعرها : اول قولي والله م اقول ل اي احد حتى عُمر
جواهر ضحكت : ملاك صرتي بيبي؟،اوك تمام والله م اقول يلا قولي وش عندك؟
ملاك بلعت ريقها : قولي والله و وعد بعد م تقولين
جواهر ضربت راسها بخفيف : هبله؟،ترا قلت والله م اقول
ملاك : انزين وعد م تقولين حتى ل عُمر،لو وش ما صار م تقولين
جواهر بشك : عندك سالفه انتي!،وعد وعد والله م اقول حتى ل عُمر
ملاك ب ارتباك : مممم انا " وسكتت "
جواهر بقلة صبر : ملاك تكلمي
ملاك قامت جلست : هففف لا خلاص م في شي
جواهر : اها حلفي بس انتي!،تككللمي قلت؟
ملاك نزلت من السرير و طلعت من الغرفه للمطبخ،وبصراخ عشان تسمعها جواهر : قلت م في شي بس استهبل


،


{ بعد يومين،مساءاً }✨ ؛

جالسه ب حديقه البيت الخلفيه وبيدها صحن ليمون و تاكل بشراهه كبيره.~
جواهر : استغفر الله،انتي وش تسوين!
ملاك : مممم اكل وش تشوفين انتي؟
جواهر : ملاك فيك شي؟،يعني م يكفي الليمون لوحده حامض فوقه لتر ملح !
ملاك مدت لها واحد : تبين جربي؟،والله م رح تندمين اببد
حست فيه لما حط الشال ع كتوفها،بعدين راح ل جواهر و حط واحد ثاني عليها:برد كيف جالسين كذا.!
جواهر رفعت كتوفها : م ادري،عادي احس الجو
عُمر بصدمه : اي عادي؟،انا تجمدت و انتهيت و انا داخل كيف و انتوا جالسين برا!!!
ملاك : خخخخخ احنا نستحمل
عُمر شاف اللي بيدها : وش تاكلين انتي؟
جواهر : ليمون و مممملح يا عُمر،شصاير معاك ع الليمون؟
ملاك ضحكت و تمص ليمون: طعممه لذذذيييذ
رفع حاجبه باستغراب منها و من روقانها،وجلس جنب ملاك،قامت و جلست بعيد عنه~!
جواهر رفعت حاجبها من حركت ملاك: تتوحمين على ليمون؟
ملاك ارتبكت و رجفت ايدها،طاحت الليمونه من يدها : لا بلا كلام فاضي
بعد دقايق،دق جوال جواهر و قامت عنهم.~
عُمر يناظرها وهي تاكل،بعدم تصديق:انتي من جدك؟!!!
ملاك عطته نظره و كملت اكل.~
عُمر قرب منها،صصرخت: هي وش تببي؟
عُمر ضحك،ملاك بهدوء:بعد عني
عُمر قرب منها اكثر وباس خدها،ثواني و دفته بعيد عنها.~
وقفت و كشرت و راحت جلست على كرسي ثاني .~
عُمر بخبث : ايه اخبارك ملاك؟،من جيت م كلمتك !
ملاك رفعت حاجبها " عنده شي "،رفعت عيونها للسما اللي صايره غيم.~
عُمر مسك جواله و طقطق فيه شوي و طلع صورة قدام عيونها،وبضحكه:من ذي؟
انصدمت من الصوره،و رفعت عيونها له هزت راسها بتشتت :اانا ككنت ءء
عُمر سكر الجوال،وقرب وجهه منها: تحبيني انتي؟
.
.
.
.
نهـاية البارت ( 29 )




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 115
قديم(ـة) 14-01-2017, 06:57 PM
لامــارا لامــارا متصل الآن
©؛°¨غرامي نشيط¨°؛©
 
الافتراضي رد: رواية سحر حبك ما يفكه ألف شيخ/بقلمي


السلام عليكم

يا حلو اللي يكملون رواياتهم

خوش كاتبات مافي مثلهم ربي يحفظهم

ان شاء الله متابعينك للآخر

بالتوفيق لك

دمت بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 116
قديم(ـة) 17-01-2017, 03:56 AM
صورة أروى. الرمزية
أروى. أروى. غير متصل
©؛°¨غرامي متألق ¨°؛©
 
الافتراضي رد: رواية سحر حبك ما يفكه ألف شيخ/بقلمي


صباح الخير..
يجنن البارت..!!
وزين والله انك كلمتي الرواية..واستمري..ابد لا توقفي ..
.
وأسفه واللهِ م عندي توقعات بس الاختبارات وعمايلها.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 117
قديم(ـة) 03-02-2017, 12:56 PM
صورة ora_chii الرمزية
ora_chii ora_chii غير متصل
©؛°¨غرامي مشارك¨°؛©
 
الافتراضي رد: رواية سحر حبك ما يفكه ألف شيخ/بقلمي


بالانتظاار

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 118
قديم(ـة) 02-07-2017, 10:52 AM
جُمانهه بنت فلان جُمانهه بنت فلان غير متصل
©؛°¨غرامي جديد¨°؛©
 
الافتراضي رد: رواية سحر حبك ما يفكه ألف شيخ/بقلمي




البـــارت ( 30 )

.
.
.
أنا بوجُودك في غِنى
عن ألف خيبه وألف طريق وألف كتف
💙.
.




عُمر مسك جواله و طقطق فيه شوي و طلع صورة قدام عيونها،وبضحكه:من ذي؟
انصدمت من الصوره،و رفعت عيونها له هزت راسها بتشتت :اانا ككنت ءء
عُمر سكر الجوال،وقرب وجهه منها: تحبيني انتي؟
.......................................انصدمت~!
انربط لسانها ما عرفت ترد،ولا عرفت وش تقول..~~!
تبي ترد عليه،بس.!"في شي ربط لسانها"!
عُمر رفع راسه للسما،ورجع عيونه عليها : صوتك..عصبيتك..لما تغارين!،لما مرضت.!،اهتمامك الزايد حتى لو حاولتي تخبيه،والحين ذي الصوره.!،كل ذا يعني شي واحد
ما بعدت عيونها المصدومه عن عيونه،ما قدرت تتكلم~
عُمر ضحك :ههههههههههههههههههههههههههههههه وشفيك يا بِنت؟،ارتاحي مافي غيرك انتي ف قلبي و احبك اكثر من ما انتي تحبيني بعد
ملاك : من قال اني احبك؟،لا تكذب وتصدق كذبتك
عُـمر فتح عيونه:نععم؟
ملاك ضحكت : هههههههههههههههههههههههههههههههههههه امزح،احبك والله.!
عُمر رفع حاجبه: سسخيفه
نزلت دموعها،ونزلت راسها،عُمر مد اصابعه و مسحها:ليه تبكين الحين؟
رمت نفسها بحضنه و شدت عليه:عُممممر اححححبك احححححححبك،لاتروح
باس عيونها و رجعها لحضنه:ما راح اروح ي البكاييه
شد عليها اكثر وهو مبتسم من قطرات المطر اللي بدا ينزل عليهم.~!

،


بعدت عن المكان والابتسامه على وجهها: ايه و اخخيييراً
عبدالله تنهد بفرح : اخخخييراً
جواهر : الله يسسعدهم يارب
عبدالله : آآمين
جواهر: ممممم عبدالله؟
عبدالله : هلا؟
جواهر : تحبني؟
عبدالله كتم ضحكته : من قال؟،لا طبعاً
كشرت : خير؟
عبدالله بهيام : اعشق ترابك يا بِنت،و اموت فيك،كيف ما احبك و انتي دنيتي؟
جواهر بابتسامه : جعل عمرك طويل حبيبي

،

بعد مده
عطسست مرتين،بعدها عنه و شاف وجهها الاحمر.~
: قومي ندخل داخل،برد " رفع راسه " المطر راح يكثر
خبت راسها بصدره مرة ثانيه.~
عُمر بحنيه : يلا ي الدلوعه
هزت راسها بـ لا : ما ابي
رفعها بيديه،ودخلها ل داخل.~!

،

KSA ؛

: نعـــــــــــــــــــــــــم؟،كيــــــــــــــــــ ــف؟
وقفت بقلق وهي تشوف انفعاله : يارب خير يارب
عزام : وليه الحين تتكلم؟،بعد م دخل العمليه!!!!
بَـدر : لا تخاف ان شاء الله راح يكون بخير،ارادته كانت اني ما أقول لاي شخص
عزام تنهد و جلس مسك راسه : يا رب احفظه، انا الحين جاي


،


جلست بصدمه وهي تسمع : صار له نص ساعه داخل العملية بدر يقول،الله يقومه بالسلامة انتبهي لا يوصل الخبر عند مُـنى
بُشرى وهي مصدومه : متتتتتى؟؟؟،يعني بَـدر مسافر ل عند راشد لانه مريض !!
أماني تنهدت : ايه، بَـدر من شوي مرسل رسالة
قامت من مكانها و تحس نفسها ترجف،تماسكت لحد م وصلت غرفتها و سكرت الباب و طاحت على الأرض منهاره و مصدومة..!!


،


{ لندن،الساعه السابعة صباحاً✨ }؛


فتحت عيونها بهدوء،رفعت راسها شافت عُمر نايم..!
ابتسمت و خبت راسها بحضنه اكثر..!
يالله كيف تحس نفسها فرححانه و مرتاححه.!
عُمر يحبها،وش تبي اكثر من كذا؟
غمضت عيونها تتذكر ليلة الامس،ابتسمت بخجل و دفنت راسها اكثر ف صدره.ْ
حست ب ايده تمسح ع شعرها بحنيه..غمضت عيونها و هي تعمل نفسها نايمه..!
حست فيه يبوس راسها و يبعدها بهدوء و خفه عن صدره..تركها نايمه ع ذراعه..!
تأمل وجهها بهدوء.~
لمس خدها بظهر ايده و مررها على وجهها بهدوءء.~
بدون ما يحس أصابعه بدت تمر ع ملامح وجهها عيونها..خدودها..خشمها..شفايفها.~
تماسكت بقوةة..تحاول تمسك نفسها لا يحس عليها و تنحرج.~
تفاجئت ب ايده اللي صارت تحت ذقنها و قرب منها..فتحت عيونها و التقت بعيونه..!
ما استوعبت أي شيء غير انها تحس بشفايفه على شفايفها بهدوء.~
طبع قبلة عميقه على شفايفها.~


،


{ بعد ... ساعات عند بّـدر}؛


طلع الدكتور بهدوء : ما اقدر اعطيك أي شيء لازم ننتظر و نشوف حالته
بّـدر بتوتر : كيف يعني؟
الدكتور : راح يكون تحت العناية المركزة لمدة 48 ساعة،و ان شاء الله خير
جلس بّـدر ع الكرسي ويده على راسه،قرب منه الدكتور الخليجي و حط ايده ع كتفه
:خل املك ف الله كبير،ان شاء الله راح تتحسن حالته
بَـدر تنهد : ان شاء الله


،


مُـنى برجفه دقت باب غرفة أمها.~
أماني فتحت الباب و نصدمت من شكل مُـنى...!
: مُــــــنى!!...شفيييــــك؟
مُـنى نزلت راسها و دموعها تنزل بهدوء على خدها،و برجفه : ماما كيفه؟..بّـدر ما اتصل؟
أماني انصدمت: من؟
مُـنى انهارت و دخلت ف حضن أمها..طلعت بّشرى ع صوت بكي مُـنى...ْ
بُشرى بخوف : ماما شفيها؟
أماني تمسح ع ظهرها : مُـنى حبيبتي مافيه شيء،والحين اكيد راح يطلع و يكون بخير و راح يرجع و الحين اكيد بعد شوي راح يتصل بَـدر
بُشرى بتوتر و هي تشوف مُـنى كيف تبكي..مسكت جوالها : راح اتصل اشوف بَـدر


،


عند بَـدر لما وصل عزام و هم جالسين ف المستشفى ما رضوا يطلعوا من هناك..!
دق جواله و شاف بُشرى..بعد عن عزام و رد عليها..~
تنهد : هلا بُشرى؟،كيفكم؟
بُشرى بارتباك : بخير،بَـدر؟
بَـدر : نعم؟
بُشرى : كيف خويك؟،بخير؟،طلع من العملية؟
بَـدر عقد حواجبه : ليه؟
بُشرى قربت و دخلت غرفة أمها و تسمع شهقات مُـنى..ْ
بَـدر بقلق : من يبكي؟
بُشرى تنهدت : مُـنى يا بَـدر
بَـدر غمض عيونه : يعني عرفت؟
بُشرى : ايه
بَـدر تنهد : ما ادري احنا للحين مُو عارفين كيف حالته بس لا تخاف هو بخير و ننتظر يصحى
بُشرى : هو وش فيه؟
بَـدر : كان طالع و سوا حادث و رجله اتشللت..هاذا كان قبل كم شهر و محد يدري عنه!،نفسيته بالأرض،كان احتمال نجاح العملية 50 % بس ما ندري،ينتظرون يصحى و نشوف وضعه.. ان شاء الله خير يارب
بُشرى دمعت عيونها : الله يشفيه
بَـدر : آمييييييين ، بُشرى انتبهي ل مُـنى و خلوها تهدأ تمام؟،قولوا لها لا تخاف..!
بُشرى اخذت نفس : ان شاء الله


،


London✨؛
{ بيت أبو جُـود ✨} ؛


جُـود : كيييييف يعني رجع؟
.... : ايه
جُـود ابتسمت بخبث : اوك،شكراً لانك قلتي لي
روبي ابتسمت بارتباك : العفو



،

قامت ركضت بسرعه للحمام و هي تحس نفسها راح تطلع كل اللي ببطنها..~
استفرغت..تحس بلوعه و يدها على بطنها..قرب منها عُـمر و وضع يده ع بطنها..~
ما قادره توقف..غسل وجهها..مسكها و اتجه بها للسرير..~
عُـمر بخوف بعد خصلات شعرها عن وجهها: شفيك؟،تعبانه؟
ملآك ابتسمت بتعب و هزت راسها بـ لا
عُـمر عقد حواجبه : كيف لا!!..شوفي كيف وجهك صاير اصفر و شاحب
ملآك : صدقني شوي و بصير بخير
عُـمر بتفكير : تروحين المستشفى؟
ضحكت: ههههههههههههههههههههههه عُـمر انا بخير
قرص خدها و صرخت : ااه يعووور
عُـمر ب ابتسامه : احبك
استحت و قامت وقفت بارتباك : ءءانا بروح...و طلعت
ضحك و دخل يأخذ شاور..~

سكرت باب غرفتها و تسندت على الباب و هي مغمضه عيونها و مبتسمه..~
حطت يدها على قلبها و تنهدت : آه احبه احبه ..~
: من هو؟
صرخت بخوف : بسسسسسسسم الله
جواهر انفجرت ضحك على شكلها : هههههههههههههههههههههههههههههههههههههه
ملآك قربت منها على السرير و جلست تضربها ب المخده..°
جواهر بضحكه : من ذا اللي " قلدتها و حطت يدها على قلبها " آه احبه احبه
ملآك انسدحت و تناظر السقف و تلعب بخصلات شعرها..~
جواهر : هيييي وين رحتي؟.." بخبث " وين عُـمر؟، صحى؟
ملآك قامت رايحه تأخذ شاور : ايه


بعد ما خلصت شاور طلعت و هي تدندن..نشفت شعرها و بدلت ملابسها و طلعت..~
نزلت للمطبخ شافت جواهر جالسه و تآكل شوكولا..حست بلوعه..!
جواهر مدت لها صحن : تبين؟،هذا اللي يعجبك امس اشتريت منه
ملآك بقرف :استغفر الله لا ما ابي يلوع بالكبد بعديه ريحته استغفر الله
جواهر باستغراب : بس هذا النوع اللي تحبييييييييييه!
ملآك هزت راسها بـ لا : بليييييز جواهر بعديييييييه
و راحت طلعت كل اللي بطنها..!
جواهر قامت حطته بعيد و رجعت لها : ملآك انتي شفيك؟
ملآك بتعب وهي تجلس ع الكرسي : ما فيني شيء
عُـمر دخل : صباح الخير
جواهر ب ابتسامه و هي تشوفه يقرب من ملآك و يقربها له و يطالع وجهها التعبان : صباح النور
عُـمر رفع راسه ل جواهر : شفيها؟
جواهر رفعت كتوفها ب ما ادري : منقرفه من الشوكولا اللي تحبها..و طلعت كل اللي ببطنها!
عُـمر مسح على وجهها المعرق : بسم الله عليك، وش صاير لك؟؟؟؟... قومي باخذك المستشفى
سندا راسها لـ كتفه و غمضت عيونها و يدها على بطنها : لا ما ابي
عُـمر عقد حواجبه : يا عيوني مُو كيفك
ملآك تشرب المويه اللي جابتها لها جواهر : عُـمر انا قلت ما ابي
عُـمر قام عنها و جلس على كرسيه : احسن
ملآك ناظرته و صدت ع جواهر و ضحكت..و بدت تآكل فطورها.~
جواهر تهمس لها : على فكره كانه وزنك زايد؟
ملآك كشرت و بزعل : جب ادري و اسكتي و اكلي و انتي ساكته
جواهر : بسم الله اكلتيني.."بخبث" ملآك وزنك زايد..ترجعين اللي ببطنك..تكرهين الشوكولا اللي تحبينها..كانك تتوحمين على ليمون..ذا كله وش يعني؟
ملآك ناظرتها بنظرة تخرعت..وقامت من مكانها و راحت قدام عُـمر و قفت..!
عُـمر رفع راسه لها بتكشيره : خير؟


،


جُوري بفرحه و تنط : يعني بابا رجع؟
جُود ب ابتسامه هزت راسها بـ ايه
جُوري بإصرار : ماما بليز بلييييز لتقولين لا..راح اروح اليوم ل بابا بليييييييز
جُود : جُوري حبيبي مُو اليوم بعد كم يوم راح اوديك
جُوري بزعل : لييييييييييييييه
جُود بابتسامه خبيثه : ما تبين بابا يشوفك حلوه؟.. ننتظر كم يوم و ناخذ لك أغراض حلوه و ناخذ له هديه و نروح انا و انتي تمام؟
جُوري بتفكير : شنو ناخذ له؟.. ماما راح تروحين معايا؟
جُود حضنتها : وراح ننام كلنا مع بعض!


،


KSA؛


بصدمه : حادث!
بُشرى : ايه و سوا العمليه و الحين ينتظرونه يصحى!
مُـنى : وليه مافي احد يدري!!!!
بُشرى تنهدت : بَـدر يقول هاذي كانت رغبته..وهو عرف بعد الحادث بـ 3 شهور و نص..بَـدر يقول ان راشد كان مُصر ان محد يعرف و كان ما يبي راشد يروح و حلف عليه..بَـدر انتظر طول هالفتره و عقبها ما تحمل ان يبقى راشد لوحده و راح له..!
مُـنى وهي خايفه قامت راحت غرفتها و سكرت على نفسها الباب..سمعت أماني تدق الباب
: مُـنى افتحي
مُـنى: ماما خلوني وحدي بس شوي ابي انااااااام
هزت راسها بيأس وهي تصد على بُشرى..~


،



London✨؛


عُمـر عقد حواجبه بتكشيره و هي يشوفها واقفه قدامه : خير؟
تقدمت بجرأة و جلست فحضنه و سندت راسها على صدره..~
و بنبرة زعل أشرت على جواهر : عُمـر شوفها وش تقول حقي خلها تسكت ولا بزعل
جواهر تناظرها بصدمه من حركاتها..!
عُمـر ابتسم ع حركه ملآك و مسح على شعرها بهدوء و هي بحضنه : جواهر شنو قلتي ل ملآك؟
جواهر صفرت : ايوا ايوا كذا انتوا حلوييييين..تحبين اخوي ملآك؟
خبت راسها بصدره و هي تستوعب حركتها و خجلانه..~
جواهر ترمي بفمها حبه الكرز : ولا شيء عُمـر بس قلتلها وزنها زايد ع فكره
عُمـر عقد حواجبه : ايه صح
ملآك بصدمه بعدت عنه تشوف وجهه : خيييييييييير؟
عُمـر بضحكه : اختي ما كذبت
ملآك ضربت بـ ايدها على صدره و قامت عنه عطته ظهرها و طلعت : ما احبكم
عُمـر بصراخ عشان تسمعه : بدلي دقايق وطالعين
جواهر يدها على خدها و بـ ابتسامه : تحبها؟
عُمـر ابتسم : اموت فيها
جواهر : وهي؟
عُمـر: غصبن عنها تحبني
جواهر : فديتكم والله..الله يخليكم لبعض بس لو تخلون هالمناقر بينكم هذا و انتوا امس بس متراضيين!
عُمـر ضحك..~
كشرت و هي تذكر : وين بتروحون؟،انا لوحدي هنا!، عبدالله مسافر!
عُمـر وقف وهو يطلع : اعتقد انك كبيرة ما تخافين



،



فتح باب غرفتها بهدوء..دخل وهو يشوفها نايمه على السرير..!
قرب منها و غطاها عدل..~

هي ما نامت للحين كانت تحس بتعب و دايخه..اكيد بسبب الحمل..!
غمضت عيونها ثواني تفكر كيف تقول لـ عُمـر انها حامل؟..و من شهرين..!..وغفت بدون ما تحس..!
حست بريحه عطره القوية قريبه منها..تمدد جنبها و حاوطها ب ايده..~
همس بـ اذنها : ادري انك صاحيه
ملآك بهمس : ابي اناام
عُمـر باس عُنقها بهدوء..~
بحيا : عُـمر
بعد عنها شوي : هلا؟
قامت من مكانها و جلست..حطت يدها ع رقبتها : ءء انا
عُـمر بخبث مسك ايدها و سحبها جنبه راسها ع صدره : ايييه انتي؟..كملي؟
ملآك تحاول تبعد : عُـمر شوي بروح ء ء ابدل انت قلت بنطلع
عُـمر همس : مافي طلعه خلاص
بلعت ريقها..~


،


: هذا حلو؟
لمياء تشوف قميص النوم اللي بيد جُود و بخبث : مُو كأنه شوي هذا
جُود ضحكت : ههههههههههههههههههههههههههههههههههههههه يعني
لمياء بجدية : انتي متأكدة من اللي تسويه؟..انا الشيء مُو داخل مزاجي!،وبعدين ليه تركك كل هالفتره؟،حتى لو عنده اشغال
جُود : انا راضيه


،
{ بعد اسبوعين }؛


KSA ؛


: اخبارك؟..اخبار ميّ؟،و رَغـد؟
مَـرام اخذت نفس : كلنا بخير
عزام بهمس : اشتقت لـ زوجتي و بِنتي!
مَـرام تشوف ميّ اللي تلعب ع السرير و ابتسمت: و زوجتك و بنتك اشتاقوا لك،و ما عرفوا ينامو من دونك!
عزام تنهد..~
مَـرام تلعب ب أصابع رجل ميّ : اخبار اخوك؟
عزام : الحمدلله بخير!..كيف رَغـد؟
مَـرام : بالقوة نامت!


،



London✨؛


يمشون جمب بعض..اصابع يدها تتخلل أصابع يده..~
: الحين انتي شوفي شكبرك و تحبين هذا؟..الصغار ما عملوا كذا!..جُوري ما عملت كذا
ملآك تذكرت شيء : جُـــــــــــــــــــــوري!
عُـمر : شفيها؟
ملآك مسكت ايده بيدها الاثنين و برجاء: عُمر بليييز بلييز روح جيبها منزمان ما شفتها اشتقتت لها!..طول الشهرين بس مرة وحده شفتها متخيل؟،يلا بليز هاتها اليوم بلييييييييييييييييز
عُمر منصدم : الحين ذا كله عشان جُوري !
ملآك هزت راسها بـ ايه..~
عُمر مسك يدها مرة ثانيه و كمل مشي : لاء مافي جُوري،شكلك تحبينها اكثر مني حتى !
ملآك : ايه
عُمر وقف و صد عليها و رفع حاجبه : نــعم؟
ملآك قربت باست خده و تعلقت بذراعه : احبك احبك احبك احبك انت لوحدك اكثر من أي شيء فهالدنيا
عُمر ابتسم مسك يدها و باسها و كملوا مشوارهم..~



،



: ابيييييييييييييييي مااااااااااماااااااااااااا
سكرت على اذنها : ياربيييي حسبي الله عليك يا جُود
جُوري قوست شفايفها : خاله لمياء ابي ماما
لمياء : جُوري حبيبي شرايك تلعبين مع لينو و مؤيد؟..اليوم تنامين عندهم؟
جُوري هزت راسها بـ لا
: طيب بس اكلمها
لمياء تاففت و دقت ع جوال جُود..ْ
: هلا لمياء؟
لمياء بقهر : بنتك تعبتني!
جُود : شفيها؟
لمياء : تبغا تكلمك و شوي و تبكي اففف انا ناقصني!
جُود ضحكت : فديتك معليه سوري بس اليوم تحمليها ذي بنت اختك حبيبتك
لمياء قلدتها : ننن اختك حبيبتك... خذي كللميها
جُوري : ماما؟
جُود : عيونها؟..حبيبي ليه تبكين؟..انتي عند خاله لمياء مُو قلتي تبين تنامين عند لينو؟ نامي اليوم بكرا باخذك يلا انتي شاطرة ما تبكين
جُوري مسحت دموعها : يعني تجين بكرا؟
جُود : ايه ياقلبي، يلا هاتي خاله لمياء
لمياء : نعم؟خير؟
جُود برجفه : خايفه
لمياء تنهدت : جُود دامه ما وصل للحين تقدرين ترجعين بيت ابوي!، و بعدين انتي عارفه ليه رجعك!، انتي جالسه تغلطين غلطه كبيره!
جُود : بس احبه ابييييييه!




،



: هههههههههههههههههههههههههههههههههههههههههههه عُمر نزلني خلاص وصلنا
نزلها و سكر الباب و راه..~
ملآك بدلع : عُمر؟
عُمر : عيـونه؟
ملآك : ابي ورق عنب ححححامض بلييييييييييز
عُمر فتح عيونه : توك الصبح وش فاطره؟،و ما تركتيني اكل عندك ولا حبه وحده! و الحين تقولين تبين؟ من وين اجيب لك الحين الساعه 12 بليل ان شاء الله؟
ملآك : لا تكذب عطيتك حبه وحده
عُمر اشر ب ايده : ايه هالقد!
ملآك تاففت : الحين كيف؟
عُمر : اتحملي للصبح و تجي روبي و تسوي لك و بعدين أصلا مافي ما راح تسوي لك مُو زين كله صايره تاكلين حوامض بتمرضييين،"بضحكه" شوفي كيف اصلاً وزنك زايد كم صاير؟
ملآك بزعل عصبت : وزني و جسمي و انا حره!
عُمر مسكها و جلسها بحضنه و يده محاوطه خصرها..و قرص خدها : ريلاكس
ملآك : عُمر انزين نطلع ناخذ ليمون؟،بليييييييييييييييييييييز صار لي 4 أيام ما اكلت و انت مُو راضي تاخذ
عُمر هز راسه بـ لاء
ملآك ابتسمت و برجفه مدت يدها ل يده اللي ع خصرها..و حطتها ع بطنها و سندت راسها ع صدره : انزين عشان خاطر البيبي؟..ولدك؟
دقيقه...يستوعب..~
عُمر رمش : ءء كيف؟
ملآك خبت راسها بحضنه : عُمر انا حامل..!
عُمر بهمس و مُو مصدق : ح ححامل!




،



لفت بنظرها ع انحاء الغرفه..وقفت و ناظرت نفسها بالمرايه..!
كانت لابسه قميص نوم ابيض..ناعم..و فيه ورود حمرا..كان قصييييير..!
ابتسمت برضا عن شكلها،بس اختفت ابتسامتها وهي تفكر شو راح تكون ردة فعل عُمر وهو يشوفها بغرفته؟.
غمضت عيونها و استلقت ع السرير و يدها على قلبها..تنتظره يجي..!

.
.
.
.
نهـاية البارت ( 30 )




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 119
قديم(ـة) 28-07-2017, 10:25 PM
لامــارا لامــارا متصل الآن
©؛°¨غرامي نشيط¨°؛©
 
الافتراضي رد: رواية سحر حبك ما يفكه ألف شيخ/بقلمي


السلام عليكم

يا حبي طولتي

ننتظرك

ع خير وسلامة

الرد باقتباس
إضافة رد
الإشارات المرجعية

رواية سحر حبك ما يفكه ألف شيخ/بقلمي

الوسوم
ألف , مايفكه , حبك , رواية , سحر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية هناك / للكاتب ابراهيم عباس شرقاوية شيتونة أرشيف الروايات المغلقة - لعدم إكتمالها 7 22-01-2017 09:53 PM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
رواية عرش السُلطان/ بقلمي. خيال. روايات - طويلة 52 09-05-2016 02:40 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 03:45 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1