غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 22-07-2016, 12:26 AM
صورة سآكِبَتْ الْـ عُ ــودْ الرمزية
سآكِبَتْ الْـ عُ ــودْ سآكِبَتْ الْـ عُ ــودْ غير متصل
©؛°¨غرامي مجتهد¨°؛©
 
الافتراضي روايتي الثالثه : هو يحسب ان الغلا بالقلب لعبه ما جرا لي من بعد هجر نصيب


بسم الله الرحمن الرحيم ..

هذي روايتي الثالثه بعد طول تفكير وطول وقت وتردد مني اني انزل او اكتب مره ثالثه ..
لخوف ان افكاري تتشابه او ان ان تكون دون المستوى او ممله او او او اشياء كثيره تطري علي
لي تقريبا شهر والله ادخل كل مره اقول بنزل الروايه وارجع اسكر الصفحه
هالمره بتكل على الله وبنزلها ..
هي مو روايه هي مجموعه افكار تطري علي واجسدها في قصص بسيطه ..
تقبلوها مني بخالص المحبه والاحترام

نصيحه /,

للي حابه تنقلها لا تنقلينها الحين انتظري انتهي
ما ندري وش الظروف اللي ممكن توقفني عن الكتابه او اسكر الروايه
الله يعلم بالغيب
بحاول اني ابتدي وانهي معكم ولكن مالي يد بالظروف والامور اللي ممكن تجبرني ما اكمل

بيكون تنزيل روايه على صفحه استقرامي
كل يوم من بارتين لثلاثه حسب قدرتي
11 بالليل ..

بيكون تنزيل روايه على صفحه المنتدى
كل اثنين وخميس بعد ما اجمع البارتات في الاستقرام انزلهم هنا ..
12 بالليل

--------------


اضغط على الصورة لرؤيتها بحجمها الطبيعي




تعديل سآكِبَتْ الْـ عُ ــودْ; بتاريخ 22-07-2016 الساعة 01:09 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 22-07-2016, 12:27 AM
صورة سآكِبَتْ الْـ عُ ــودْ الرمزية
سآكِبَتْ الْـ عُ ــودْ سآكِبَتْ الْـ عُ ــودْ غير متصل
©؛°¨غرامي مجتهد¨°؛©
 
الافتراضي رد: هو يحسب ان الغلا بالقلب لعبه ما جرا لي من بعد هجر نصيب ( روايتي الثالثه )




البارت الاول

.......


في لندن الساعه 2 بعد منتصف الليل ..

يجري بين الممرات بخوف ويده على جنبه اليمين يحس بالدم اللي ينزف من جرحه يسمع صوتهم خلفه ينادون بأسمه ولكن ما يقدر يجاوبهم لان عارف ان ناوين يخلصون اللي بدءوه استند على جدار مبنى واهو يحاول ياخذ نفس المكان شبه فاضي إلا من بعض السكارى او بعض الماره الغير مهتمين في من حولهم

رفع بلوزته وناظر للجرح واضح عميق نزلت دموعه من الالم والخوف وجسمه يرجف يحس الدنيا من حوله تدور ولكن لو فقد الوعي معناها نهايه معناها تشييع جنازه

همس بألم واهو يناظر حوله : يمه يمه وينك ( بلع ريقه لما سمع صوت خطوات تقرب له ) لازم ما يوصلون لي راح يذبحون ابغى ارجع لامي ما بعد تهنيت بقربها ابغى اشوفها وارتمي بحضنها واقول وحشتيني يمه امممممم يمه

تحرك واهو عاقد حواجبه من شدة الالم بكل جسمه انضرب بقوه وانغرزت سكين في جنبه الايمن ولكن كل هذا الالم ما يهم بقدر الالم اللي بقلبه ان ابوه واخوانه يحاولون قتله ليه ليه يحاولون قتله وش سوى لهم صدقهم لما قالوا بياخذونه للخارج لامه لما قالوا له ان امه بلندن تتعالج وطالبه تشوفه بعد هالسنين والحقيقه ان مبيتين النيه له بالقتل عبر الشارع واهو يترنح وقف وألتفت لما سمعهم يصيحون بأسمه ألتفت يناظرهم بألم ودموع ابوه واخوانه الاثنين واقفين كان نظرات ابوه واخوه الكبير حقد وكرهه ونظرات اخوه الثاني حزن وألم واعتذار وندم بكل ألم تجمع بصدره وقهر وخيبه وعتب صرخ عليه

لييييييييييييييييييييييييييييييييييييييييييييييييي يييييييييه

ما انتبه لسياره اللي متجهه له بسرعه ولا نبهووه يمكن لان فرصه لهم يتخلصون منه ولا رف لهم جفن واهم يناظرون السياره تصدم ذاك الجسد الصغير ويطير بالهواء ويضرب بالارض بدون حركه
كان بيجري لاخوه ولكن يد ابوه وقفته



===================




بالسعوديه ..
في مطار الملك خالد الدولي ..

خرج من المطار واهو يشد جاكيته على جسده من البرد فالجو في المطار دافئ وبالخارج برد قارس مشى واهو يسحب شنطته لموقف السيارات بالمطار كعادته من سافر لدراسه الطب بالخارج واهو يوقف سيارته هنا بحال لو رجع من السفر تكون عنده وسيله مواصلات وهذا بسبب حبه لمفاجئه اهله بوصوله الغير متوقع ابتسم واهو يتخيل شكلهم بدخوله عليهم بعد ما تعطلت رحله وتأجلة ايام بسبب الثلوج وبسبب صعوبه السفر في عطلة رأس السنه من كندا
له سنتين يدرس بالخارج بالكليه الملكيه للاطباء والجراحين في كندا اللي تأسست سنه 1929 لميوله لتخصص جراحه التجميل
انسان معروف ان طموح ويحب الشيء الصعب تخرج من الثانويه بعمر 17 سنه ابوه حرص على دخوله الابتدائيه بسن صغير تقريبا بعمر 5 سنوات و4 شهور بعد ما استخدم نفوذه ومعارفه وانقبل في سن صغير دخل بعد التخرج من الثانويه بنسبه عاليه جدا طب في جامعة الملك عبدالعزيز بجده ودرس 7سنوات حب تكون جامعه بعيده عن الرياض عشان مافيه شيء يعطله عن الدراسه وهذا الشيء يقصد فيه اخوه التوأم اللي طموحه اقل من طموح اخوه الدكتور ما رضى يكون مسماه الوظيفي طبيب مقيم من أول ما دخل الطب واهو حاط بنصب عينيه مثل ما يقال يكون استشاري في مجال جراحه التجميل والحروق
عشان كذا كان لازم يدرس بورد الكندي في تخصص جراحه التجميل في كليه الملكيه الكنديه واللي يكون 5 سنوات بعدها ياخذ زماله في التخصص الدقيق وكذا يتخرج بعد تقريبا 15 سنه مسمى استشاري جراحه التجميل
رغم ان البعض نصحه ليه تتعب كل هذي السنين وانت مو محتاج تقدر تشتغل مع والدك في شركه لكن هو كان يرفض الاعتماد على والده ويحب الطب ومجالاته المتنوعه واختصاصاته الصعبه
بعض المرات يفكر ليه ادرس 7 سنوات في جامعه الملك عبدالعزيز واتخرج بسن 24 سنه وبعدها اسافر لكندا وادرس تخصص جراحه تجميل 5 سنوات واخذ زماله 3سنوات يعني لما اتخرج عمري الفعلي هو 32 سنه هل بيكون عنده وقت يمارس حياه طبيعيه دايم يسمع عن اخوه ومغامراته عكسه هو دائم راكز هادئ بارد الاعصاب وانسان دقيق في حياته يمكن اخطأ مره ولكن تدارك الخطأ وصحصحه وبقى سر بالنسبه له .. عمره 26 سنه ألحين واللي يشوفه يقول شايب كل همه دراسته وتخرجه

الساعه تقريبه 5 الصبح طلع مفتاح السياره واهو يمسد على رقبته يحس بالتعب ومحتاج لنوم ولحمام ساخن ناظر سيارته مغبره محتاجه غسيل وتلميع طلع مفتاحه و قبل يحط المفتاح في الباب ناظر لكفرات السياره شافها منسمه الهواء بعصبيه ضرب برجله الكفر واهو يزفر ..

ألتفت لما سمع صوت خلفه كان رجال واقف ومتلثم مو واضح منه غير خشمه وطرف من شفايفه ونظاراته مغطيه على عيونه ولابس جاكيت طوله مخفيه جسده ..

...... : السلام عليكم
نادر : وعليكم السلام
...... ( ابتسم ) : عسى ماشر
نادر : كفرات السياره منسمه واعتقد مافيه سبير له
...... ( أشر لسيارته) : اعتقد عندي سبير
نادر ( ابتسم رغم التعب) : لا يا رجال ألحين اخذ تاكسي والسياره ارسل لها احد يصلحها
...... ( مسك يده ) : لا ما يحتاج انا بغيره لك ( ناظر حوله ) ما فيه تكسي بهذا الوقت تشوف المطار هادي والبرد والمطر برا ما تقدر توقف فتره طويله وانت راجع من السفر
نادر : طيب وش الحل
...... ( طلع مفتاحه ) : بفتح شنطة السياره وتطلع لي الكفر واقفلها بس محتاج تطلعه لي وانا بغيره ما ياخذ 10 دقايق
نادر ( ناظر له وبعدين ناظر السياره) : والله
...... ( قاطعه ) : قلت لك 10 دقايق وش قلت وهي خدمه لوجه الله انا رجال مسافر ( ناظر ساعته) طيارتي بعد ساعتين ووقفت سيارتي هنا أأمن لين ارجع وشفتك وحبيت اساعدك وش قلت موافق
نادر : مشكور ( حط جاكيت ومفتاحه على شنطته خاف يتوسخ من الغبار على سيارته ) يالله
...... ( مشى جنبه واهو يناظر حوله وفتح شنطة ( دبه ) السياره ) : تراه خفيف

نادر عن حسن نيه دخل جسمه عشان يسحب الكفر ولكن ما انتبه لنية الرجال اللي دفه داخل الشنطه وسكر عليه بلع ريقه وناظر حوله اذا احد شافه وحمد الله مافيه احد
اخذ جاكيت نادر ومفتاحه ورمى الجاكيت في سيارته وأشر لرجالين


===================



في الرياض بحي راقي حضاري ومعماري ..

تبتسم وهي تمشي بالشارع وتناظر للورقه بيدها هذا حلمها اخيرا تخرجت وأخذت شهادة تخرجها من الكليه بعد تعب 4سنوات قدرت تتخرج عشان تساعد أمها فيه وتقدر تقنعها تترك الشغل وتهتم بنفسها وعائلتها سنوات وهي تجاهد بس عشان بناتها يقدرن يواصلن الدراسه وأخيرا جاء الوقت ان هي تواصل بهذي المسيره وتشيل الحمل عن امها
ما باقي غير أنها تتوظف أخيرا بتكون المعلمه عذوب براك مصبح معلمه التدبير المنزلي
دخلت من البوابه الكبيره وهي الفرحه مو سايعتها حلفت اول من يحمل الشهاده من بعدها هي امها لحظه تاريخيه لها سنوات تعب واجتهاد تكللت بالنجاح بمرتبة شرف على دفعتها
جمدت ولا قدرت تتقدم خطوه وهي تناظر النار والحريق والدخان اللي غلف المكان خلف الفيلا كان المطبخ الرئيسي اللي امها تشتغل فيه طباخه الكل يصرخ والنار مستعره
استقرت الورقه بدون احساس منها على الارض وما حست بنفسها إلا وهي تندفع من بينهم متجهه للمطبخ كل همها امها كل حواسها تصرخ بكلمه

يماااااااااااااااااااااااااااااااااااااااااااااااا اااااه

دخلت من الباب وهي تسمع صرخاتهم تطالبها ترجع صمت الأذن عن اصواتهم وهي تنادي

يماااااااااااااااااااااااااااااااااااااااااااااااا ااه

النار شديده والحر قوي والدخان مغطي المكان ما هي قادره تشوف شيء تسمع صوت تكسر الأواني والزجاج نزلت على الارض تتلمس المكان يمكن تحس بامها ووين مكانها الدموع غطت عيونها من الخوف ومن الدخان الكثيف

عذوب : يمااااااااه وينك ( رمشت بفرح وهي تسمع صوت امها ) أي انا عذوب
الام : اطلعي يا عذوب
عذوب : يمه وينك قولي لي
الام : النار شديده لا تقربين اطلعي يا قلبي
عذوب ( هزت راسها برفض ) : قولي وينك ما راح اطلع من غيرك ( اتجهت لصوت ولما لمست يد امها مسكتها وباستها وهي تبكي ) يمه
الام ( بصوت الباكي ) : يا قلب امك النار قويه
عذوب ( تحاول ترفع امها ) : تعالي يمه لازم تطلعين قبل لا يحترق
الام ( تتألم ) : ااااه
عذوب ( جلست جنبها وتحسس بيدها تحاول تعرف اللي طايح على امها ) : ووووووش ذا
الام : طاحت على الثلاجه ما قدرت ابعد
عذوب ( دموعها زادت وهي تحاول تبعدها عن امها) : ثقيله يماااااااه
الأم : عذوب اسمعيني لازم تطلعين وتاخذين معك افراح انا قدرت احميها من الثلاجه بس ما اعرف وينها
عذوب ( نزلت نقابها وهي تحس بالحراره واختناق من الدخان) : وش
الام : افراح بنت ابو شافي هنا بين النار بس ما اعرف وينها يا امك طلعيها تكفين البنت من الخوف تجمدت
عذوب ( تلتفت حولها وهي تسمح عيونها ) : ما اشوف الدخان كثيف
الام : انا كنت اسمع صوتها وصراخها بس فجأه هدت ألمسي الارض يمكن اغمى عليها من الدخان تكفين يا عذوب هي نور عيون ابوها هي قلب امها ما ابغى ينفجعون بها طلعيها
عذوب : بطلعها وارجع اطلعك وبجيب احد يساعدني
الام ( مسكت يد عذوب وهي تبتسم رغم الدموع) : لا ترجعين ما عاد لي أمل
عذوب : وش تقصدين
الام : النار أكلت رجولي يا امك ما عدت احس
عذوب ( زادت البكي وهي تسحب امها من كتوفها وتصرخ ) : تكفين يا يمه لا تقولين كذا ساعديني بطلعك انتي وافراح تكفييييييييييييييين
الأم ( تبعد ايدين بنتها وهي تصرخ عليها ) : طلعيييييييي البنت قبل تموت
عذوب ( طاحت على الارض من دفع امها لها ) : بطلعها وارجع لك لا تتركيني لوحدي يمه

تلمست الارض وهي تحس بحرارتها وتسمع تكسر زجاج الشبابيك ما تركت أي مكان إلا بحثت بس ما حست بجسد الطفله قادها شعورها لزاويه المطبخ وفعلا حست براحه وهي تلمسها البنت كان مغمى عليها ولكن النار الحمد لله ما وصلها حملتها بين ايديها
طلعت من بين ألسنت اللهب وهي تحملها بين ذراعيها وتحتويها خوفا من ان تطالها النار وتسمع صراخ امها وبكاءها وهي تترجاهم احد يطلع بنتها وتناجي ربها يحفظها
سلمتها لامها الخائفه وهي تبكي وتضمها وتتفحصها أن أأصابها شيء ام هي بخير ألتفتت ناويه ترجع من حيث أتت لم تنهي خلفت وراءها أنسانه تعتبر الاثمن والأغلى لديها
حست بقبضه قويه على يدها تمنعها من الرجوع لداخل النار كانوا الخدم يحاولون يمنعونها ترجع قدرت تبعدهم وهي تبكي وتصرخ
أن امها داخل

يماااااااااااه



===================

في القصيم ..


تأففت وهي تجلس على الصخره وقدامها بركة مويه صغيره متجمعه من بعد مطر البارحه اللي حمدت ربها ان كان خفيف ولا صار سيل وجرفهم لهم أسبوع مخيمين هنا وهي تتمنى لو ترجع لرياض من اول ليله بس مجبوره ابوها رفض انها تروح بيت جدها وقال عمتك طلبتني تروحين وان اهل المرحوم زوجها متمنين يشوفون زوجة حفيدهم الوحيد وبما ان مسافر وامها معه وجدها وجدتها سافروا لدمام لأن زوجة عمها الصغير مريضه وحفيدتهم تحتاج لرعايه وعمها من عرف بمرض زوجته واهو كاره كل شيء بس جالس عندها بالمستشفى ولا يفارقها إلا بالصلاه واحتياجاته البسيطه تدخل بغيبوبه لوقت وتصحى لدقايق وترجع للغيبوبه ثاني
تنهدت بألم لحاله ودعت ربي يخفف عنها مصابها ..
كشرت وهي تسمع صوت عمتها تنادي عليها صدت لمصدر الصوت وهي تقول لها تعالي قرب النار اللي مجتمعين حولها نسوان العائلة وبناتهم وعليها اباريق الشاي ودلال القهوه ..
اشرت لعمتها وهي ترسم ابتسامه مصطنعه دقايق وتجي والحقيقه انها ما تبغى تقرب لان تصرف عمتها هذا مجامله ومظاهر خداعه الحق انها تكرها وحتى طلبها عروس لولدها لانها تبغى تكسر خشمها وطبعا بمساعدة ولدها اللي ما صدق يملك عليها بس عشان يمسح بكرامتها الأرض ..
من يعرف عمتها يعرف مدى كرها لها ولامها بالأخص من تزوجها ابوها وهي رافضه وجودها وتحاربها وحاولت ان اخوها يطلقها ولكن تحمد الله ان حب امها مترسخ في قلب ابوها محد يقدر يزحزحه ويغيره ..
حركت المويه بيدها وارتعشت من برودتها الشديده نفخت على ايديها تحاول تدفيهم بأنفاسها وخبت ايديها في جيوب الجاكيت تنهدت وهي تضم رجولها بأيديها وتسند راسها عليهم ..
اشتاقت لامها وابوها اللي غايبين لهم فتره بسبب عمل ابوها واشتاقت لخواتها من امها وبيت جدها اللي تمنت لو رفضت أمر ابوها وضلت مع خواتها الكبار احسن من وجودها مع ناس ما تحبها وتتمنى لو تزعجها تألمها تجرحها ولكن بوجود ناس معهم مضطرين يجاملون ويتظاهرون بحبها وعنياتهم فيها وبس يختلون فيها ترمي عمتها كلمات جارحه وولدها اللي هو يندرج تحت مسمى زوجها تتقزز منه بسبب نظراته ولمساته المتعمده عند مرورها جنبه او وجودهم لوحدها
حطت يدها على فمها بأشمئزاز من ذكراه انسان قذر غبي جاهل وسيء انجبرته عليه
حست بكتمه وحطت ايدها على صدرها وهي تهمس
أيه انجبرت عليه فرضه علي ابوي اللي فرض ابوه عليه القبول في شاب مثله زوج لبنته اللي عمرها 15 سنه
زوجوني ولد عمتي لما كبرت وبديت انضج فكريا وجسديا والناس تخطبني و بهذا الوقت عمتي حسدتني اني افرح وكان الحل لتحطيمي وكسري هو الزواج من ولدها اللي كمل 19 سنه وهو شهادة متوسط اخر طموحه ..
تعللت ان الزواج راح يعقله واني الخيار الافضل له لاني عكسه بكل شيء وكفايه اني ادفعه عشان يتقدم على كلام عمتي وانا اتمنى ادفعه عشان يطيح ولا يقوم وافتك منه ..
لنا سنتين مملكين وهذي اخر سنه دراسيه لي واحنا بأجازه النصفيه ..
نزلت دمعتها وهي تخبي وجها بين رجولها ..
زواجي تمام 18 يعني بعد 7 شهور وبعد تخرجي من الثانويه
اتمنى اموت ولا اتزوجه ..
زواجي منه مصيبه ..
همست وهي تحس بضيقه
اكرررررررهك ..
جفلت وهي تحس بيد على كتفها ورفعت راسها بخوف


==============

في السعوديه بالتحديد في الرياض ..

بأحد الاحياء جالسه بغرفتها وهي ماسكه صوره له اخذتها يوم كان مولود له فقط يومين رغم ان ملامحه مو واضحه لان مولود صغير تحبه ولكن يبقى جميل طفلها المأخوذ منها من بعد ولادته المحرومه منه في صغره و بكبره دمعتها على خدها وهي تبوس الصوره تذكر لما طلبت اخوها يجيب لها كاميرا فوريه يعني من تصور تطلع الصوره يوم كانت بالمستشفى معه ويصوره ويصورها معه ..
ما تعرف ليه سوت كذا بس احساس داخلي خلاها تطلب منه تخلد هالذكرى ..
لليوم تحمد ربها ان هالاحساس حركها وان طلبها جاء لصالحها ذكرى طفلها بين ايديها
من 17سنه ..

سمعت ضرب على بابها مسحت دموعها وخبت الصور تحت وسادتها ....

ثمينه : ادخل ( ابتسمت لما انفتح الباب وشافت اخوها اللي تحبه ) حياك مبارك
مبارك ( فتح الباب ولمح دموعها على طرف رمشها ) : شكل ما نمتي عدل
ثمينه ( هزت راسها والعبره تخنقها) : ..................
مبارك ( جلس على طرف سريرها) : ثمينه بس دموع بس راح تنشف عيونك والدكتور حذرك
ثمينه ( ضمت يديها لصدرها بألم مكبوت ) : دموعي أنت عارف السبب 17 سنه ضاعت من عمري وعمره ما ابغى شيء غير ولدي ابغى احضنه ابغى اشم ريحته ابغى اقول له واشكي وجع البعد
مبارك ( تنهد بألم لحالها) : عارف يالغاليه انك تتمنين قربه وان ابوي وابوه اعند من كل رغباتك اللي حطموها بحقدهم وغلهم على بعض والضحيه الاولى كانت انتي والثانيه كانت ولدك
ثمينه : ما كنت السبب باللي صار ولا كنت مشجعه له ولا رضيت ان ياخذ شيء ما هو حقه ولكن كنت صغيره طفله بعدي صغيره
مبارك : وأبوي ما صدق حتى لما قلت له انا وسلطانه وش صار ما رضى يصدق
ثمينه : ضد ارادتي هو كان مثل الحرباء وأبوي صدقه وامنه علينا لما قال روح وهم بالحفظ والصون انت بتقضي ليله وحده وترجع ولكن ما صان الامانه والضحيه انا ( ما قدرت تتحمل وبكت) انا ما ابغى غير ولدي مبارك راح اموت من الحزن وفراقه معذبني ماعندي أي خبر عنه ولا وينه ولا عارفه كيف شكله ( طلعت صور وقربتها من اخوها) شوووووف هذي كل الذكرى الوحيده صور مجرد صور ولكن تذكرني فيه
مبارك : اذكر تمنيت اكون كبير عشان اوقف بوجهه ولا ياخذه ولكن كنت صغير ( ابتسم ومسح على شعره ) لكن يوم كبرت ما نسيت وعدي لك اني ارجعه لك ولازلت عند وعدي
ثمينه : كنت مخطط لشيء ولا صار كنت تبغى تساعدني حتى ضد رغبه ابوي واخوي خليفه اللي قالوا انسى ولدي وان ما وراه غير المشاكل هو وابوه وصمت اخوي حماد
مبارك : صح بمساعده صديق لي رحت لمحامي واستشرته عن وضعك ووضع ولدك خصوصا ان اختفى فيه واهو رضيع وحرمك منه وان سبب لك نزيف بالرحم واضطروا الاطباء يزيلونه وانتي لازلت صغيره وشابه والمحامي قالي ان لك الحق فيه وكتأكيد للحكم لصالحك لازم نعرف وين يسكن ووضعه ووضع ولدك اللي متأكد ان ما راح يرحمه ابدا ولا يعامله مثل باقي أولاده وعشان كذا ساعدوني بعض موظفين المستشفيات من الرياض ومناطقها اللي قريبه وشرحت وضعك لهم وأترجاهم يحطون نفسهم بمكانك وبعطيهم اسم ولدك واسم ابوه في حال جاهم بلاغ عنه وكنت بس انتظر وراح انتظر العمر كله لين تشوفينه راجع فيه لك ولحضنك
ثمينه : ما فيها فايده هذا انا انتظرت 17 سنه ووينه ووين ولدي ما اعرف
مبارك ( مسك ايديها بين ايديه وابتسم ) : هو بخير
ثمينه ( ابتسمت وحطت يدها على خده بحزن ناظرت له) : دايم ترفع من معنوياتي وتطمني ولكن اعرف ان هذا مجرد امنيه منك تقول برجعه كيف ياخوي واحنا ما نعرف وينه حي ميت مريض صاحي شبعان ولا جوعان وين ولدي
مبارك ( هز رأسه بنفي واهو يبتسم) : ولدك بخير
ثمينه : كيف عرفت ( شافت ابتسامته الواثقه قربت منه ) صدددددددق


-----------

انتهى البارت الاول



تعديل سآكِبَتْ الْـ عُ ــودْ; بتاريخ 22-07-2016 الساعة 12:53 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 22-07-2016, 12:44 AM
الهرة الهرة غير متصل
©؛°¨غرامي فعال ¨°؛©
 
الافتراضي رد: هو يحسب ان الغلا بالقلب لعبه ما جرا لي من بعد هجر نصيب ( روايتي الثالثه )


صباح الخير
بداية موفقة
مليئة بالأحداث والغموض
كملي ونحن معاك أن شاء الله لنهايه
فيها غموض وخاينه ومؤامرات وقتل وكراهية
للحين ماربطة الأحداث بس لماتنزلين إن شاءالله بنعرف

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 22-07-2016, 01:14 AM
صورة من فهمني ملكني الرمزية
من فهمني ملكني من فهمني ملكني غير متصل
©؛°¨غرامي مجتهد¨°؛©
 
الافتراضي رد: هو يحسب ان الغلا بالقلب لعبه ما جرا لي من بعد هجر نصيب ( روايتي الثالثه )


يووووووووووووومه قلبي الصغير لا يتحمل
ياهلا ياهلا ياهلا يااااااااااااااااااااااااهلا والله بسكوبه اسفرت وانورت حبيبتي ومرحبا بعودتج وعودة قلمج الحبيب ماقريت الروايه للحين بس شفت اسمج تحت الروايه قمت ابطل عيوني واصكهم مو مصدقه
وربي مافيني صبر عشان اقراهم ولكن هالاسبوع اختبارات الصيفي عطيني للاربعا الجاي وتلقيني بوجههج بكل بارت يالغلا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 22-07-2016, 01:43 AM
فيتامين سي فيتامين سي متصل الآن
©؛°¨غرامي متألق ¨°؛©
 
الافتراضي رد: هو يحسب ان الغلا بالقلب لعبه ما جرا لي من بعد هجر نصيب ( روايتي الثالثه )



ألف ألف مبرووووك مولودتك الجديده
وإن شاء الله تكون مثل راااائعتيك السابقتين وأجمل
وتصلي بها لصفوف المكتملة
ماكان لي الشرف بمتابعة الروايتين السابقتين معك
لكن إن شاء الله أتابع معك مولودتك الثالثه
لأنك من الكاتبات اللاتي يملكن قلم مميز
لي عودة بعد القراءة


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 22-07-2016, 02:32 AM
صورة ~شموخ انسانه ~ الرمزية
~شموخ انسانه ~ ~شموخ انسانه ~ غير متصل
©؛°¨غرامي متألق ¨°؛©
 
الافتراضي رد: روايتي الثالثه : هو يحسب ان الغلا بالقلب لعبه ما جرا لي من بعد هجر نصيب


ياهلا والله وغلا
الف الف مبرووووك الروايه الجديده
اشتقنا لك بعد غياب

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 22-07-2016, 02:48 AM
الهرة الهرة غير متصل
©؛°¨غرامي فعال ¨°؛©
 
الافتراضي رد: روايتي الثالثه : هو يحسب ان الغلا بالقلب لعبه ما جرا لي من بعد هجر نصيب


لوسمحتوا ابغي أسماء الروايات الي قبل كتبتهم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 22-07-2016, 02:52 AM
صورة ~شموخ انسانه ~ الرمزية
~شموخ انسانه ~ ~شموخ انسانه ~ غير متصل
©؛°¨غرامي متألق ¨°؛©
 
الافتراضي رد: روايتي الثالثه : هو يحسب ان الغلا بالقلب لعبه ما جرا لي من بعد هجر نصيب


ممكن استقرامكً 😊

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 22-07-2016, 02:54 AM
صورة روعة النسيان & الرمزية
روعة النسيان & روعة النسيان & غير متصل
©؛°¨غرامي فعال ¨°؛©
 
الافتراضي رد: روايتي الثالثه : هو يحسب ان الغلا بالقلب لعبه ما جرا لي من بعد هجر نصيب


كللللللللوووووش
ي قلبي ساكبة العود اخير رجعتي برولية جديدة
طبعا انا كنت متابعه لك خلف الكواليس
وحببيتت روايتكك اللي والئ اليوم اقراها
يدري ان اسباب ضعفي نظرته ويدري اني م اقاوم ضحكته
ي رب ي رب تكون هالرواية زيها بعدني م قريتها من الحماس جيت اعلق
يعني فرحانه ان كاتبة من الكاتبات اللي زيك رجعت تكتب
ي قللبي ان شالله اكون من متابعينك لهالرواية
....

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 22-07-2016, 02:55 AM
صورة ~شموخ انسانه ~ الرمزية
~شموخ انسانه ~ ~شموخ انسانه ~ غير متصل
©؛°¨غرامي متألق ¨°؛©
 
الافتراضي رد: روايتي الثالثه : هو يحسب ان الغلا بالقلب لعبه ما جرا لي من بعد هجر نصيب


روايه يدري ان اسباب ضعفي نظرته
روايه والله احبك,,ويشهد الله علي,,لما اشوفك ابتسم,,

روايتي الثالثه : هو يحسب ان الغلا بالقلب لعبه ما جرا لي من بعد هجر نصيب

الوسوم
اذا مو حلوه , تعجبكم , جارت , سامحوني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثالثه:عاشق الخيانه عبيرالوردوالشوق روايات - طويلة 6 14-12-2018 07:40 PM
روايتي الثانية:من كثر عشقي لك أنعمت عيني عن كل الخلايق/كاملة جنانوهـ روايات كامله - يتم نقل الرواية هنا بعد اكتمالها 370 02-08-2016 12:19 AM
رواية وشلون أضمك وأنت بالقلب موجود عمركم سمعتوا بواحد ضم جوفه/بقلمي حفيدة شكـسبير روايات - طويلة 3 03-12-2015 06:28 AM
روايتي الاولى : اريدك بجانبي للأبد اريدك لي لوحدي / بقلمي . الكآتبة؛ريم. روايات - طويلة 18 12-10-2015 11:43 PM
روايتي الثانيه // مابتكسـرني ياولـد أدمعت قلبي روايات - طويلة 9 25-09-2015 12:13 PM

الساعة الآن +3: 01:57 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1