غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 24-07-2016, 04:49 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: أتفقنا ننفصل لكن القدر أجبرنا على الوصل/بقلمي


اقتباس:
المشاركة الأساسية كتبها الامير حسين مشاهدة المشاركة
ماتوقعت البارت كذا صدمني
حمااااااااااااااااااااس حد ام ام الدعسه تعرفي ايش يعني متحمس
اووووه انا انا قد ايش متحمس ههههههههه انتظرك بكل حماس الدنيا يااارباااه يكون بكره البارت
انا مانمت لين الحين عشان اقرأ باقي ساعه على الصلاه كمان
ياااسلااااام سلم بارتك خوقاااقي
راح تتفوق عروب اكيد وتتوضف وتترقى باسرع وقت بس ابوها الطماع بينقص عليها عيشتها
انصدمت في ام واب كذا في الدنيا
لما حبيت شخصيتها المرجوجه راح تخقفف عن عروب
عز كماااان خلاص صير صاحبي يا عزوووز انت ويوسف
يوسف شفت في شخصيته شي جميل
بما اني دكتتور احم احم يوسف شخصيه رائعه رائعه رائع جدا جدا جدا
امم عز كمان هيثم بتروح منه عروب لو ضل على هالبرود اتوقع حتى لو تقدم لها اهلها بيرفضو لان ابوها طماع
احم احم لا اطول عليك
المعجب نمبر 1

هههههههههههههههه شرفني مرورك يالامير

واسعدني ردك الجميل

والبارت مو اليوم راح يكون يوم الثلاثاء باذن الله .. يعني مثل العاده البارتات الثلاثاء والسبت

وواتمنى تعجبك باقي الروايه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 24-07-2016, 10:38 PM
لامــارا لامــارا متصل الآن
©؛°¨غرامي نشيط¨°؛©
 
الافتراضي رد: أتفقنا ننفصل لكن القدر أجبرنا على الوصل/بقلمي


السلام عليكم

مبروك روايتك 3 الجديدة

بالتوفيق لك

دمت بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 24-07-2016, 10:47 PM
صورة فتى السلآم الرمزية
فتى السلآم فتى السلآم غير متصل
©؛°¨غرامي فضي¨°؛©
 
الافتراضي رد: أتفقنا ننفصل لكن القدر أجبرنا على الوصل/بقلمي


حساااااااافه الثلاثاء ماراح اقدر ادخل هههههههههههه
راح اقدر الاحد القاادم باذن الله امممم عادي بيكون بارتين اصلا
خلك مبدعه واستمري بالابدااااع
عزوووز يوسفي بشتاق لكم الا اللقاء
هههههههههه
كوني واثقه اني المعجب 1 دوووما
انتظرك اقصد متحمس لاسبوع الجاي
هههههههه سلااااامي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 24-07-2016, 11:35 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: أتفقنا ننفصل لكن القدر أجبرنا على الوصل/بقلمي


اقتباس:
المشاركة الأساسية كتبها لامــارا مشاهدة المشاركة
السلام عليكم

مبروك روايتك 3 الجديدة

بالتوفيق لك

دمت بود


وعليكم السلام

الله يبارك فيكك

اسرني مرورك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 24-07-2016, 11:42 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: أتفقنا ننفصل لكن القدر أجبرنا على الوصل/بقلمي


اقتباس:
المشاركة الأساسية كتبها الامير حسين مشاهدة المشاركة
حساااااااافه الثلاثاء ماراح اقدر ادخل هههههههههههه
راح اقدر الاحد القاادم باذن الله امممم عادي بيكون بارتين اصلا
خلك مبدعه واستمري بالابدااااع
عزوووز يوسفي بشتاق لكم الا اللقاء
هههههههههه
كوني واثقه اني المعجب 1 دوووما
انتظرك اقصد متحمس لاسبوع الجاي
هههههههه سلااااامي

اهلا مره اخرى اخوي الامير

شكرا على حماسك وبانتظار ردك وتوقعاتك على البارتين الجايين

واكيد عزوز ويوسف راح ينتظرونك ههههههههههه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 26-07-2016, 04:20 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: أتفقنا ننفصل لكن القدر أجبرنا على الوصل/بقلمي


مرحباا يا مزايين

صدق ماكانت فيه ردود كثيره بس يمكن لان الروايه ببدايتها وانا بصراحه لو مافيه الا رد واحد بس يكفيني اني اكمل الروايه وبما ان اليوم يوم الثلاثاء راح انزل البارت الثاني وراح يكون بعد دقايق

انتظروني

محبتكم صمتي سلاحي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 26-07-2016, 04:38 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
Post رد: أتفقنا ننفصل لكن القدر أجبرنا على الوصل/بقلمي



## البارت الثاني ##
##
##
##
##
##
##
##
##

@@@@

عروب اول ما ركبت السياره قالت للسواق يوديها الجامعه الساعه الحين 1:30 مابقى شيء على محاضرتها .. بعد ربع ساعه وصلت للجامعه وشافت ان باقي لها ربع ساعه على المحاضره اتصلت على لما : ثواني وردت عليها .. لموي وينك ..

لما : توي بتصل عليك عشان اعرف جيتي للجامعه ولا لا ..

عروب : اي توي واصله عند اللوكر حقي ..

لما : اوك الحين جايتك ...

عروب اوك . وقفلت منها .. وصارت تشيل عبايتها .. دقايق الا لما عندها ..

لما : ها قولي لي وش صار وش كان يبي فيك ابوك طولتي كثثير .. كنت ابي اتصل عليك بس خفت ازعجك ..

عروب ابتسمت .. شووي شوي طيب وش فيك انتي كم مره اقولك لا تسالين كذا كل اسئلتك مع بعض خليني اعرف اجاوبك ..

لما : ههههههههههه .. وش اسوي هذا طبعي من زمان .. المهم قولي لي وش صار ..

عروب : تعالي خلينا نمشيء للقاعه وانا اقولك ..

لما : يلا .. وهم يمشون عروب قالت لها كل اللي صار ..

لما : احلفي .. يعني راح تتدربين في شركه ال .. ونااسه ياحظك ..

عروب لفت عليها .. وليه يا حظي ترا عادي مثلها مثل اي شركه ..

لما : ايه اقنعيني بس مثلها مثل اي شركه .. المهم .. على كلامك شكل المدير مره حبوب ..

عروب : يمكن بس غريب ..

لما : قصدك لما عرف انك متوتره ..

عروب : مو بس كذا حتى لما طلب مني اني ادخل لداخل من غير ما يسالني عن ابوي كانه كان معنا وشاف كل اللي صار ..

لما : وليه لا يمكن انه جد شاف كل اللي صار ..

عروب لفت عليها .. تتوقعين .. لا لا ما اعتقد انا متاكده ان ماكان حد في المكان ..

لما : مدري .. اذا كذا فهو جد غريب ..

عروب تناظر ساعتها .. ما علينا منه الحين محاضرتي راح تبدا خلينا ادخل .. وانتي بتروحين للبيت ..

لما : اي خلصت محاضراتي ..

عروب : اوك لما اطلع راح اكلمك واشوف اذا بجي عندكم او لا .

لما : تكفين تعالي ..

عروب : راح اشوف .. يلا عشان ما اتاخر .. سلام ..

لما : سلام .

وتفرقو وراحت كل وحده بطريقها ..

@@@@

مر اسبوع على اخر الأحداث ..ما فيه جديد الا ان الأختبارات النهائيه قربت و
عروب في كل سنه متعوده انها اذا قربت الأختبارات النهائيه دايم تقعد بغرفتها طول اليوم وما تطلع عشان تذاكر وتشد حيلها والخدامه تجيب لها اكلها وكل شيء تبيه ..

الأختبارات الأسبوع الجاي ..

@@@@

يوم الأحد ..

الساعه 3 العصر ..

عروب بغرفتها وتذاكر .. سمعت صوت جوالها يرن .. قامت من على السرير واخذته من فوق التسريحه وشافت المتصل لما ردت عليها .. اهلين لموي ..

لما : هلا فيك .. ها اخبارك واخبار المذاكره .. ادري فيك دافوره ما صدقتي نغيب عن الجامعه الا وتمسكين الكتاب ..

عروب :. هههههههههههههههه .. بسم الله علي قولي ماشاء الله لا تصكيني بعين .. وبعدين بالله وش تبيني اسوي غير المذاكره ..

لما : كل شيء الا المذاكره .. شوفيني انا وش حلاتي مسويه لي حلا وجالسه اتفرج على مسلسل ..

عروب : عادي ما جبتي شيء جديد بس اعرف انا انتي كيف تجيبين درجات عاليه
ما شاء الله وانتي ما تذاكرين الا قبل الأختبار بيوم ..

لما وشافت نفسها .. ياختي الناس قدرات وش عرفك انتي ..

عروب : خفي علينا يا انشتاين ..

لما : يووووه عروبوه يعني الا تذكريني بالعلماء والدراسه ياختي خليني انسى شوي ..

عروب : هههههههههههههههههههههههههههه .. عساس انك مو ناسيتها يعني .. المهم وخري خليني اكمل مذاكره انا وراي تخرج

لما : بالله انتي وراك تخرج وانا وراي ايش .. ترا حتى انا راح اتخرج معك ولانسيتي ..

عروب تبي ترفع ضغطها .. ما ضنيت ..

لما : وش قصدك ..

عروب : ههههههههههههه .. ما اقصد شيء .. يلا يلا خليني اذاكر ..

لما : ياربي من هالدافوره .. ياختي عطي نفسك بريك شوي ريحي فيه ..

عروب : ماعليك انا منظمه وقتي واعرف متى اخذ بريك .. والحين خليني اكمل لا تضيعين وقتي ..

لما : ياربي منك . طيب طيب .. يلا مع السلامه ..

عروب : مع السلامه .. قفلت وهي مبتسمه على بنت خالتها اللي ما تتخيل الحياه من غيرها .. رجعت الجوال على التسريحه وراحت للسرير ومسكت كتابها وكملت مذاكره ..

@@@@

مر الأسبوع من غير اي احداث تذكر ..اليوم اول يوم اختبارات عند عروب :

الساعه 7الصباح ..

صحت من النوم بدري اليوم وتجهزت وجلست تراجع ولما جات الساعه 7 قامت واخذت شنطتها وعبايتها ونزلت لتحت تفطر .. بس استغربت لما شافت ابوها موجود على طاوله الطعام .. سلمت وجلست ..

محمد :. شكلك بتطلعين .. بتروحين الجامعه ..

عروب واللي ما استغربت ان ابوها ما يعرف انو عندها اختبار .. قالت من غير ما تناظره .. ايه اليوم اول اختبار لي ..

محمد وهو يوقف .. اها .. طيب لما تخلصين اختباراتك قولي ليي عشان اكلم ابو يوسف عشان تبدين تدريب عنده ..

عروب : طيب .. وبنفسها .. هذا اللي هامك رضى الناس اما بنتك .. وتنهدت .. خلصت فطور وقامت وكالعاده السواق ينتظرها ركبت معه وراحت للجامعه تختبر ..

@@@@

مرت ايام الأختبارات على خير ..

اليوم الخميس ..

الساعه 4 العصر ..

كانو جالسين بالصاله وكل وحده بيدها جوالها ..

لما : ها عروب فتح معك ..

عروب : لا لسا .. ولفت عليها .. اقول انتي مسويه زحمه اطلعي تراك شايفه كل موادك ومابقى لك الا ماده وحده ..

لما : لا يا حبيبتي حتى لو ماده وحده ابي اشوف المعدل ..

عروب : تكفين لموي انا ما شفت ولا شيء من موادي خليني ادخل ..

لما لفت عليها .. والله محد قالك تسوين عادتك السنويه وما تدخلين على البانر الا في نهايه الأختبارات وانتي تعرفين ان نتايج اختباراتك طلعت ..

عروب : والله هذا طبعي ما احب اشوف نتايج المواد الا مع بعض مو كل شوي اشوف ماده .. يلا عاد اطلعي خليه يفتح عندي ..

جاتهم ام هشام وهي شايله صينيه الشاي .. ها يبنات بشرو كيف المعدل ..

عروب : خالتي شوفي لما :

لما لفت عليها .. وش مسويه انا عاد على اساس الحين الموقع ماراح يفتح عشاني انا فاتحته ..

عروب وهي تناظر جوالها .. اي .. وسكتت ..فتح فتح ..

لما تركت جوالها وراحت لعند عروب بحماس .. يلا بسرعه ادخلي على النتايج ..

عروب وهي تدخل وخايفه .. يارب يارب ..

لما فتح فتح .. عروبوه شوفي شوفي المعدل ..

عروب وهي جالسه تشوف المواد ما انتبهت للمعدل .. نزلت نظرها له .. واااااااااااااااااو 4 ونص .. يالله ماني مصدقه ..

لما تضمها : مبروك حبيبتي مبروك ..

عروب : الله يبارك فيك حبيبتي ..

ام هشام جات لعروب وضمتها .. مبروك حبيبتي .. دايم رافعه راسي ..

لما تمثل الزعل .. يمه وانا ..

عروب لفت عليها .. ياشين الغيره .. شفتي معدلك الحين انتي قبل ما تغارين ..

لما تضرب راسها .. تصدقين نسيت فرحتي فيك يال خبله نستني .. ومسكت جوالها وفتحت الموقع وطلعت النتيجه .. وااااو ما اصدق اني اجيب هالمعدل ..

عروب تجي بجنبها .. ليه كم جبتي .. وتناظر الجوال .. والله حلو جايبه 3 . اللي يشوف مذاكرتك يقول اذا جبتي 1 زين ..

لما : اي والله انا انصدمت من نفسي ..

ام هشام : احمدي ربك على الأقل المعدل هذا راح يوظفك ..

لما : اي والله الحمد الله الحمد الله ..

عروب وقفت .. انا راح اتصل على ابوي واقوله ..

ام هشام ولما لفو عليها باستغراب ..

لما : ابوك .. غريبه ..

عروب : ليه غريبه مو انا قايله لك على سالفه التدريب .. هو قال لي لما تطلع نتايجك قولي لي عشان يكلم مدير الشركه ..

ام هشام : اها يعني السالفه فيها مصلحه عشان كذا هو مهتم بنتيجتك ..

عروب : بالضبط ..

ام هشام : الله يهديهم .. روحي كلميه وانا بروح للمجلس ابشر عمك هو ينتظر نتايجكم ..

لما : انا بجي معك يمه ابشر ابوي بنفسي ..

لما وام هشام راحو وعروب اخذت جوالها واتصلت على ابوها .. رن مره مرتين لين ما قفل ومحد رد ؟.. وبنفسها .. يمكن توه جاي من المكتب ونام .. اكيد لما يشوف مكالمتي راح يتصل علي ..

شوي الا جات لما مسرعه .. عروووووووووووووووب..

عروب اللي متعوده على هبال لما : لفت عليها وهي مبتسمه .. شوي شوي وشفيك ..

لما :ابوي عازمنا على العشى اليوم وقال اختارو المكان اللي تبونه ..

عروب بوناسه .. فديته عمي كانه حاس اننا محتاجين هالطلعه .. اممم وش رايك ايش نختار ..

لما وهي تجلس بجنبها .. امممم وش رايك بمطعم .. ال .. البنات يمدحونه ..

عروب : ايه عرفته .. بس هذا اكله صيني صح ..

لما : فيه كل شيء .. وش رايك نجربه ..

عروب : عادي وش ورانا ..

لما وقفت .. اجل بروح اقول لابوي ..

عروب : طيب ..

لما راحت لما دق جوال عروب : رفعته وشافت المتصل ابوها ردت عليه .. السلام عليكم ..

محمد : وعليكم السلام .. وش عندك متصله ..

عروب اللي متعوده على هالاسلوب .. حبيت اقولك ان نتيجتي طلعت .. ومعدلي هو ..

محمد قاطعها .. مو مهم اهم شيء انك خلصتي الحين راح اكلم ابو يوسف : خلك جاهزه باي وقت فاهمه .. وقفل حتى من غير ما ينتظر ردها ..

عروب نزلت الجوال وصارت تناظره بالم .. وبنفسها ..حتى ما خلاني اقول كم جبت . وتنهدت ..

ام هشام اللي كانت واقفه عند باب الصاله وسمعت مكالمه عروب لابوها .. جات لعندها وحضنتها .. عروب حبيبتي انا وابوك ابو هشام فرحانين لك واخوانك لما وهيثم كمان فرحاني لك هذا ما يكفي ..

عروب وعرفت ان خالتها سمعت المكالمه بعدت عنها وابتسمت .. الا اكيد يكفي انتو عندي بالدنيا .. ربي يخليكم لي ..

ام هشام ابتسمت .. ويخليك لنا .. والحين يلا قومي تجهزي لاننا راح نطلع بعد المغرب نتمشى بعدها نروح للمطعم اللي اخترتوه ..

عروب : جد .. وناسه .. طيب الحين بقوم .. وقامت من عند خالتها وطلعت لفوق
لغرفه لما وشافتها تطلع لها ملابس .. يا الخاينه ليه ما تناديني ..

لما : شفتك جالسه مع امي قلت اروح اسبقك عشان ما نتاخر ..

عروب : اها .. طيب.. وراحت لشنطتها الصغيره اللي حاطه فيها كم لبس لانها راح تنام بيت خالتها الويك اند .. وطلعت لها تيشيرت وبنطلون ..

وبعد ربع ساعه كانو جالسين بالصاله بعباياتهم جاهزين للطلعه بس ينتظرون ياذن المغرب يصلون ويطلعون ..

@@@@

الساعه 6 المغرب ..

كان جالس هو مع امه واخواته بالصاله يتقهون .. والبزارين يلعبون حولهم ..

هيا : يمه من زمان عن خالتي ام هشام : وش اخبارها واخبار بناتها ..

ام عز : الحمد الله بخير توي امس مكلمتها تقول منشغلين بالأختبارات والحوسه ..

هند : بس الأختبارات خلصت الحين .. يمه وش رايك تتصلين عليهم وتعزمينهم عندنا اليوم من زمان عنهم ..

هيا : اي والله فكره ..

عز : بس بشرط لا تقولون انكم بتخلون بزارينكم معي .. اليوم خميس وانا بطلع مع الشباب ..

هيا : تطمن مادامهم بيجون ببيتنا ماراح نطلب منك شيء ..

عز : زين طمنتيني ..

ام عز : خليني اكلم ام هشام : واخذت جوالها واتصلت على ام هشام : ردت عليها بعد دقايق .. وبعد السلام والسؤال عن الحال .. اقول ام هشام وش رايك تجون عندنا اليوم من زمان ما تجمعنا ..

ام هشام : والله كان ودي بس اليوم طلعت نتايج عروب ولما وابو هشام عازمهم على العشى بمناسبه نجاحهم ..

ام عز : اي ما شاء الله .. مبروك .. هم تخرجو صح ..

ام هشام : ايه الله يحفظهم هذي اخر سنه لهم ..

ام عز : لا اجل بمناسبه هالخبر لازم نسوي لهم حفله .. بكرا لازم تجون عندنا حفلتهم علي ..

ام هشام : تسلمين يا ام عز بس ما نبي نتعبك ..

ام عز : لا يا ام هشام وش هالكلام ما بينا نشوفك بكره ان شاء الله ومابي أي اعتراض ..

ام هشام : خلاص ما دامك حكمتي ما نقدر نقول شيء ..

ام عز : هذا الكلام السنع .. اجل الحين اخليك .

ام هشام : بحفظ الله ..

قفلت ام عز وعيالها يناظرونها مستغربين ..

هند : يمه وش السالفه مين تخرج ووش حفلته ..

ام عز : لما وبنت خالتها عروب : اليوم طلعت نتايجهم وناجحين وتقول انهم ما يقدرون يجون اليوم لان ابو هشام عازمهم بمناسبه النجاح ..

عز اول ما سمع اسم عروب على طول تذكرها وتذكر كلام يوسف .وبنفسه .. يعني هي تخرجت الحين وبتجي تتدرب عندنا .. الله يعين ..

هيا : طيب وش سالفه الحفله ..

ام عز : عاد قالت لي انهم تخرجو وكذا قلت لها انا راح اسوي لهم حفله بكرا عندنا وابيك تجين وكذا ..

هند : اي والله يستاهلون حفله .. خلاص خلي كل الأكل علي انا راح اسوي كل شيء ..

هيا : وانا باقي اغراض الحفله ..

ام عز : وبصراحه انا ودي اجيب لهم هدايه البنات يستاهلون .. ولفت على عز : عز يمه معليه توديني السوق بعد صلاه العشا..

عز اللي معروف عنه انه ما يرفض لامه اي طلب . من عيوني يا يمه راح اوديك ..

هند وقفت .. انا بروح للمطبخ اشوف ايش الاغراض الناقصه عشان اجيبها معي بكرا ..

هيا : يمه قولي لي وش الأشياء اللي نحتاجها للحفله ..

وصارو يرتبون ويجهزون للحفله ..

@@@@

مر اليوم على خير والبنات كلهم انبسطو بالطلعه والعشى .. ولما رجعو للبيت على طول نامو لانهم تعبو من الطلعه ..

@@@@

اليوم الثاني ..

الساعه 5 العصر ..

بيت ابو هشام ..

كانو البنات جالسين بالصاله يسولفون مع ام هشام : شوي دخلت عليهم زوجه هشام سميه ..مع ولدها عادل وبنتها رهف ..

سميه .. السلام عليكم ..

الكل .. وعليكم السلام ..

لما : رهوفه تعالي لعمه بسسسرعه ..

رهف راحت لما وضمتها .. هي تحب لما كثير لانها دايم تلعبها وكذا ..

عروب بعد ما سلمت على سميه لفت على عادل اللي شافته جالس بجنب ام هشام.. حرام عليك لموي تاخذين رهف وتسحبين على عدول ..

لما : ماعليك الحين يجي ماجد ولد ليلى ويلعبون مع بعض اما هالبنوته المزيونه لحالها ما عندها احد..

عروب : مالت بس ولفت على عادل .. تعال عدول جنبي قولي اخذت الشهاده ..

عادل اللي متعود على عروب راح وجلس بجنبها .. ايه والأستاذ عطاني هديه بعد .. عادل في اول ابتدائي ..

عروب : واااو شطور انت .. وانا بعد راح اجيب لك هديه ..

عادل بوناسه .. جد متى..

عروب : بكرا اخذك انت ومجود ورهف ونروح نشتري الهدايا وش رايك ..

عادل .. اي اي ..

شوي دخلت ليلى ومعها ولدها ماجد اللي اول ما شاف عادل راح له ..

ليلى : السلام ..

الكل .. وعليكم السلام ..

لما تناظر ماجد.. شفتي كيف سحب على الكل حتى ما سلم وطار لعدول ..

عروب : هههههههههههههههه .. اطفال اكيد بيفرحون لما يشفون بعض .. ولفت على ماجد مجود تعال سلم ..

ماجد .. طيب .. وسلم عليهم ..

عادل بحماس يكلم ماجد .. ماجد عمتي عروب بكرا بتودينا السوق وتشتري لنا هدايا عشانا نجحنا ..

ماجد يلف على عروب : جد خالتي عروب بتودينا ..

عروب : اول شيء قول لي انت نجحت ولا لا ..

ماجد بحماس .. الا والله نجحت وطلعت الأول بعد على الفصل والأستاذ عطاني
هديه ..

عروب : شطور حبيبي .. خلاص راح اوديكم كلكم بكرا للسوق ..

رهف .. وانا معهم بعد ..

عروب : اي كلكم ..

ليلى: تكفين يا عروب لا تدلعينهم ترا ماحنا قد الدلع ..

عروب ابتسمت .. ماعليك ماراح ادلعهم بس راح افرحهم ..ولفت عليهم .. يلا قومو العبو الحين ..

وقامو البزارين يلعبون ..

ليلى تكلم امها : يمه متى بنروح بيت خالتي ام عز ..

ام هشام : بعد العشى ان شاء الله ..

عروب وقفت .. اجل انا بقوم اتجهز ولفت على لما وانتي مو جايه ..

لما : الا اكيد وش يجلسني ..

وقامو ثنتينهم يتجهزون ..

@@@@

اما في بيت ام عز :كان حوسه وكل واحد يصرخ من جهه ويرتبون وجيب ووودي وحوسه يبون يخلصون قبل الوقت .. وعز المسكين تعب من الطلبات كل شوي ناسين شيء ومخلينه يروح يجيبه ..

@@@

الساعه 7 ..

ببيت ابو هشام ..

كان الكل جاهز للروحه ..

عروب اللي كانت تلقي على نفسها النظره الأخيره .. كانت لابسه فستان ابيضقصير يوصل لعند الركبه بدون اكمام ناعم وبسيط ولبست معه اكسسورات فضيه وكعب فضي ناعم وتركت شعرها الطويل مفتوح بلونه البني .. حطت ميك اب ناعم وخفيف يناسب مع لبسها الناعم .. لموي شوفيني كذا كويس ..

لما اللي كانت تلبس الحلق حقها .. ازعجتيني تراك كم مره اقولك كويس وطالعه جنان فكيني خليني اخلص ..

لما كانت لابسه نفس عروب بس الفستان لون اسود ..

عروب : طيب اذا كذا خلينا ننزل اجل ..

لما : يلا انا خلصت ..

واخذو شناطهم وعبياتهم وطلعو من الغرفه ونزلولتحت ..

ليلى : ما صارت كل هذا لبس ..

لما : مو حنا المتخرجات لازم نكشخ ..

ام هشام : طيب بلا سوالف زايده والبسو عبياتكم تاخرنا على الناس فشيله ..

لما وعروب : طيب ..

وبعد ما جهزو طلعو للسياره وركبو مع هيثم لانه هو اللي راح يوصلهم ..

الكل .. السلام ..

هيثم : وعليكم السلام ..

وبما ان كلهم كانو متغطين ماعدى عروب كانت كاشفه عرفها هيثم وابتسم لما شافها لانه من زمان عنها ..مبروك النجاح والتخرج عروب :

عروب ابتسمت .. الله يبارك فيك ..

هيثم : ابشري بالهديه بس قولي وش تبين ..

لما : لا والله وانا ليه ما قلت لي وش تبين هديه ..

هيثم اللي كان يسوق ..لاني اعرف وش تبين ماله داعي اسالك ..

لما : بالله ووش ابي يا عريف زمانك ..

هيثم : تبين جوال جديد من زمان وانتي تحنين على ابوي عشان يجيب لك جوال ..

لما بفرحه .. يعني راح تجيب لي جوال ..

هيثم يبي يرفع ضغطها .. اممم ... افكر ..

لما : هيثم هيثم تكفى اسوي لك اللي تبيه بس جيب لي جوال جديد طفشت من جوالي هذا ..

هيثم : خليني افكر ..

لما : يووووووووووه هيثم :

الكل .. هههههههههههههههههههههههههه..

لما باستغراب .. وش فيكم تضحكون ..

ليلى : يالخبله واضح انه جالس يرفع ضغطك ..

لما : جد .. مالت عليك هويثم ..

الكل .. هههههههههههههههههه..

هيثم : اي عروب ما قلتي لي وش تبين هديه ..

عروب : مشكور هيثم مابي شيء ..

هيثم : لا لا ما يصير تتخرجين ولا اجيب لك هديه ..

عروب : يعني مصر ..

هيثم : اكيد ..

عروب : امممم .. اجل خلني افكر واقولك ..

لما : يالغبيه اطلبي جوال جديد مثلي ..

عروب لفت عليها ..لا ما احتاج الجوال الجديد لان جوالي توي شاريته ما صار له سنه ..

هيثم : عادي لو تبين جوال غيره جبنا لك ..

عروب : لا جوالي عاجبني خلني افكر واقولك بعدين .

هيثم : اوك ..

شوي ووصلو بيت ام عز :. هيثم اول ما وقف عند الباب شاف عز توه طالع من البيت .. نزل يسلم عليه .. وام هشام والبنات والبزارين نزلو عشان يدخلو ..

عز وهو يسلم على هيثم انتبه بعروب لانها هي الوحيده اللي كاشفه ف صايره ملفته ..طبعا ما طول ويهو يناظرها عشان محد ينتبه له .

ام هشام وقفت عند الباب تسلم على عز : عز يمه وش اخبارك ..

عز اللي يعتبرها مثل امه راح وحبها على راسها .. الحمد الله يا خالتي بخير .. ومبروك نجاح وتخرج البنات ..

ام هشام : الله يبارك فيك وعقبال عيال وبنات اخواتك ..

عز : امين.. تفضلي يا خالتي امي في انتظاركم ..

لما تغمز لعروب وهم داخلين .. عروبوه شفتيه هذا هو عز ولدهم الخقه اللي قلت لك عنه ..

عروب اللي ما ناظرته ولا انتبهت له .. لا للاسف ما شفت اللي مخليك ذايبه كذا ..

لما : يارب مالت عليك ..

ودخلو للمجلس وانبهرو بالترتيبات اللي مسوينها ..

ام هشام وهي تسلم على ام عز : تعبتو انفسكم يا ختي ماله داعلي كل هذا ..

ام عز : ولو هذول بناتي .. حياكم حياكم ..

وجاو هند وهيا وسلمو عليهم ..
وبعد السلام والسؤال عن الحال .. جلسو ..

هيا تكلم البزارين .. تعالو حبايبي اوديكم للعيال هناك تلعبون معهم ..واخذتهم وودتهم للبزارين الباقي .. ورجعت للمجلس وجلست معهم ..

هند : ما شاء الله تبارك الله عروب ولما كل مالكم وتحلون ..

عروب بحياء .. عيونك الحلوه ..

لما بهبال .. عادي ما جبتي شيء جديد ..

هيا : وهذا انتي ما تفكرين لو تفكير انك تستحين ..

ليلى : انسي الموضوع لموي تستحي ..

سميه . اصلا مو لايق ..

الكل .. ههههههههههههههههههههه ..

لما : اي غيرانين مني ..

عروب : ليه مثلا معنا الملكه..

الكل .. هههههههههههههههههههه..

لما : مالت عليك عروبوه حتى انتي صفيتي معهم ..

عروب توها بتتكلم بس سمعت جوالها يرن .. طلعته من الشنطه وهي مستغربه مين الللي راح يتصل عليها .. اول ما طلعته شافته رقمغريب .. استغربت .. وقررت تطنشه لو حد مهم راح يتصل مره ثانيه .. حطته صامت ودخلته بالشنطه .. ورجعت تسولف مع البنات .. بعد دقايق رجع جوالها يرن .. طلعته وهو نفس الرقم .. وبنفسها .. اكيد شيء مهم .. ووقفت .. ..

لما : عروب وش فيك ..

عروب :عن اذنكم عندي مكالمه .. وطلعت من المجلس لانه ازعاج ولا تقدر تكلم وطلعت من الباب اللي يودي للحوش يعني اللي دخلو منه ورفعت الجوال بترد وهي تفكر مين اللي راح يتصل عليها ..وردت .. نعم ؟..

المتصل .. السلام عليكم ..

عروب زاد استغرابها لما سمعت الصوت كان صوت رجال .. وعليكم السلام ..

المتصل .. انتي الأنسه عروب محمد ال ..

عروب واستغرابها يزيد .. اي معك عروب :

المتصل .. عذرا لو ازعجتك بس معك الأستاذ يوسف ال .. مدير شركه ال ..

عروب اللي تذكرته .. ايوا اهلين استاذ .. امر ..

يوسف : انا اتصلت عليك عشان اقولك انك لازم تبدين التدريب بكرا ..

عروب باستغراب .. بكرا .. بس بكرا سبت ..

يوسف : ايه حنا نداوم جميع الأيام ماعدا الجمعه ..

عروب : بس لحظه كيف ابدا تدريب وانا لسا ما سجلت بيناتي وكذا ..

يوسف بنفسه .. باين انها ما عندها خبر بشيء .. بس السيد الوالد جا امس للشركه وسجل كل بيناتك .. ليه انتي ما عندك خبر ..

عروب انصدمت .. وبنفسها .. هو قال لي انه راح يتصل علي لما يتفق مع المدير بس هو ما اتصل ..

يوسف : انسه عروب انتي معي ..

عروب : هاه .. ايه معك .. لا يمكن ابوي نسى يقول لي .. طيب استاذ ممكن سؤال ..

يوسف : اكيد تفضلي ..

عروب : راح اكون لحالي المتدربه ولا معي متدربين غيري ..

يوسف : لا معك ثلاث متدربين .. راح تتعرفين عليهم بكرا ان شاء الله ..

عروب : اها .. طيب متى اجي ..

يوسف : الدوام يبدا الساعه 8 وينتهي الساعه 3 ..

عروب : امم طيب ..

يوسف : يلا نشوفك بكرا على خير ..

عروب : على خير ..

يوسف : مع السلامه ..

عروب : مع السلامه ..

قفلت عروب وصارت تناظر بالجوال وهي للحين تفكر وبنفسها .. وللمره الثانيه ابوي يفشلني قدام هذا الرجال .. الله يستر .. وتنهدت .. وقبل ما تدخل وقفت عند المرايا تناظر شكلها .. وبعد ما تاكدت من شكلها لفت بتدخل بس سمعت حد يناديها لفت ..

ماجد .. خالتي عروب خالتي عروب ..

عروب : هال حبيبي وش فيك ..

ماجد .. رهف بنت خالي هشام طاحت من المرجيحه وتبكي هناك ..

عروب خافت عليها .. وين ..

ماجد .. تعالي هناك .. ومشى وهي صارت تمشيء وراه لما وصلو لجهه المراجيح شافت رهف جالسه على الارض وتبكي وهي ماسكه رجلها .. راحت لها بسرعه ..

عروب : رهف حبيبتي فيك شيء .. فيه شيء يعورك ..

رهف وهي تبكي تاشر على رجلها ..

عروب مسكت رجلها وشافت جرح بسيط ..حبيبتي خلاص لا تبكين .. هذا بس جرح صغير الحين اعالجه لك .. تعالي معي ..

رهف وهي لسا تبكي .. بس يعورني ..

عروب تاخذهابحضنها .. خلاص حبيبتي الحين اعالجه وماراح يعورك .. وبعدتها وصارت تمسح دموعها .. وبعدين انتي كبيره ما يصير تبكي صح ..

رهف وببرائه الأطفال هزت راسها بمعنى اي ..

عروب : شطوره حبيبتي .. والحين يلا ندخل داخل عشان نعالج الجرح الصغير ..

رهف .. طيب ..

عروب : يلا تعالي اشيلك .. وشالتها بين يدينها ووقفت .. ولفت تشوف البزارين عشان تقولهم ينتبهون لانفسهم بس انصدمت لما شافت الشخص اللي توه داخل من الباب وكان شايل بيده اغراض ويناظر فيها وباين على وجهه الصدمه والأستغراب ..

هي بسرعه تداركت الوضع ومشت بسرعه للجه المجلس اللي هي بالجهه المعاكسه للباب .. ولما وصلت للمجلس وقبل ما تدخل صارت تاخذ نفس وهي مره منحرجه .. انتبهت برهف اللي رجعت تبكي .. فدخلت للمجلس بسرعه ..

سميه اول ما شافت عروب ورهف بيدها خافت وعلى طول قامت .. وش فيها بنتي ..

عروب وهي تنزل رهف على الكنبه .. لا تخافين ما فيها شيء بس كانت تلعب بالمراجيح وطاحت وانجرحت رجلها جرح بسيط ..

هند : يا عمري عليها ..دقايق اجيب المعقم والزق ..دقايق ورجعت .. وعطت الأغراض لعروب اللي بدت تعقم الجرح عشان ما يلتهب وحطت عليه الزقه ..

سميه تاخذ رهف بحضنها .. ماما يعورك الحين ..

رهف شوي بتبكي .. لا بس شوي ..

عروب تبتسم لها .. حبيبتي حنا وش قلنا الأطفال الشطار ما يبكون صح ..

رهف .. صح ..

عروب : شطوره حبيبتي ..ورحات تجلس بجنب لما : وسرحت بالموقف اللي صار من شوي ..
..
..
..
..
اما هو توه ينتبه انه صار له فتره واقف مكانه ..وبنفسه . هذي هي عروب : الا هي تذكرت شكلها لما جاتنا الشركه ..ما شاء الله البنت باين عليها مزيونه بس هالزين كله مايننفع ما دامها عاقه بامها : وبعدين انا ليه جالس افكر فيها .. خلني ادخل بس .. ودخل للمطبخ عشان يدخل الأغراض اللي معه ..

@@@@

نرجع عند عروب : لحظه انا احس اني شايفته من قبل .. هذا اكيد عز اللي تقولي عنه لما لان هم ما عندهم الا ولد واحد .. بس شايفته من قبل .. ياربي وين وين .. ايه تذكرت هو اللي كان مع الاستاذ يوسف بالشركه .. لحظه .. بالشركه .. يعني هو موظف بنفس الشركه اللي راح اتدرب فيها .. وبكرا انا راح اداوم .. يعني راح اقابله .. يوووه يا فشيلتي .. كيف راح اقابله بعد هالموقف المحرج .. ياربي ..صحاها من سرحناها لما اللي هزتها .. لفت عليها .. وش فيك ..

لما : لي ساعه اكلمك وين رحتي ..

عروب : هاه .. اي جالسه افكر بالخبر اللي سمعته ..

لما : اي خبر ..

عروب : شفتي الأتصال اللي من شوي ..

لما : ايه وش فيه ..

عروب : هذا من الشركه اللي راح اتدرب فيها تخيلي يقول بكرا تبدين تدريب ..

لما لفت عليها : من جدك .. سلامات كيف تبدين عندهم وانتي حتى ما سجلتي بياناتك ولا شيء ..

عروب : بياناتي مسجله عندهم ..

لما: وكيف وانتي ما رحتي لهم ..

عروب : ابوي الحبيب راح لهم امس وسجل كل بيناتي حتى من غير ما يقول لي ..

لما عصبت .. وش فيه ابوك ذا وش يحس فيه ..

انتبهو لهم الكل ..

ام هشام : لما وش فيك كانك معصبه ..

لما : لا مافيني شيء بس كنا انا وعروب نسولف عن بنات بالجامعه ..

ام هشام : اها ..

عروب : خلاص اسكتي لما نرجع البيت نتفاهم ..

لما : طيب ..

وبعدها قصو الكيكه ورقصو وانبسطو وعلى اخر الليل طلعو ام هشام وبناتها وعروب لبيتهم ..

@@@@


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 26-07-2016, 04:46 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
Upload7356c8664c رد: أتفقنا ننفصل لكن القدر أجبرنا على الوصل/بقلمي



اليوم الثاني ..

يوم السبت ..الساعه 7 الصباح ..

صحت على صوت المنبه وبعد ما شافت الساعه قامت من على السرير وهي تناظر الغرفه .. ابتسمت لما تذكرت انها امس اصرت انها تنام بغرفه ليلى عشان ما تزعج لما الصباح وهي تتجهز للدوام .. قامت واخذت منشفتها ودخلتت للحمام ** الله يكرمكم ** اخذت لها شاور سريع وطلعت لبست بنطلون وبلوزه باكمام طويله .. راحت لعند التسريحه وجفففت شعرها ورفعته بحيث ما يضايقها لما تتحجب .. وحطت لها ميك اب خفيف روح وكحل ومسكره بس ولما خلصت ولبست جزمتها السبورت اخذت شنطتها وحطت الأغراض اللي تبيه وبعدها لبست عبايتها وشيلتها .. عشان لو كان هيثم او ابو هشام تحت .. تزلت بعد ما تاكدت من شكلها وشافت ام هشام توها طالعه من المطبخ .. ابتسمت لها وراحت حبتها على راسها .. صباح الخير خالأتي ..

ام هشام بابتسامه .. صباح النوم .. عاد توي كنت بجي اشوفك صحيتي او لا ..

عروب : لا معاليك حاطه المنبه بس انا خفت اني ما اصحى عليه لاني امس نايمه متاخر عشان كذا قلت لك تصحيني ..

ام هشام : اجل كويس انك صحيتي .. يلا تعالي افطري هيثم ينتظرك داخل ..

عروب لفت عليها باستغراب .. هيثم : ليه ..

ام هشام : انا قل ت له يوصلك احسن من انك تنتظرين السواق يجي من بيتكم ..

عروب : بس ياخالتي هو ما عنده دوام اليوم وكذا بكون انا خربت عليه اجازته ..

هيثم اللي طلع لما شاف امه تاخرت وسمع كلام عروب : ابتسم .. لا ما خربتي اجازتي ولا شيء .. وقرب عندهم .. صباح الخير ..

عروب ابتسمت له .. صباح النور .. بس السواق موجود ليه تتعب نفسك ..

هيثم : طيب انا حاب اوصلك فيها شيء ..

عروب : لا مافيها شيء بس امم ..

ام هشام قاطعتها .. لا بس ولا شيء .. تعالو افطروي عشان ما تتاخر عروب على الدوام ..

عروب وهيثم : طيب .. ودخلو وراها لغرفه الطعام .. وجلسو يفطرون ..

هيثم : اي شركه اللي راح تتدربين فيها امي قالت لي بس ما قالت امس الشركه تقول نستها ..

عروب : شركه ال ...

هيثم : اوه هذي اللي يشتغل فيها عز :

ام هشام : صدق عز يشتغل فيها . اجل كويس اكلم ام عز اقوله توصي ولدها على
عروب :

عروب بابتسامه لفت على خالتها .. يوه خالتي وانا صغيره عشان توصين حد علي .. ترا اعرف ادبر نفسي ..

هيثم : كلام امي صح وبعدين مو شرط تكونين صغيره عشان نوصي حد عليك انتي بتروحين شركه مو مدرسه ولا كليه خاصه بالبنات هذي شركه مختلطه يعني فيها شباب ولازم فيه حد ينتبه لك هناك ..

عروب لفت عليه .. وليه انت مو واثق ببنت خالتك ..

هيثم : لا مو قصدي كذا بس ..

عروب قاطعته .. انا فاهمه قصدك انا اقصد مو واثق بقدراتي انا بنت عن عشر رجال ..

ام هشام : والنعم والله بس لازم نوصيه عليك ..

عروب اللي حست انها ماراح تقدر تقنع خالتها .. طيب بس لا تكلمينها اليوم خليني اروح واشوف المكان كويس يمكن ما يعجبني التدريب هناك واغير المكان ..

هيثم اللي يغار عليها وما يبيها تكون بمكان فيه رجال .. والله يكون احسن لو غيرتيه ورحتي لمكان فيها بنات بس ..

عروب لفت عليه بابتسامه .. راح اشوف ..

ام هشام وهي تناظر الساعه .. ما بقى شيء على الساعه 8 يلا قومو ..

هيثم وقف .. يلا ..

وقفت بعده عروب : وطلعو من البيت .. عروب طبعا ركبت ورا .. ومشو للشركه ..

هيثم من ركب وهو يوصيها على نفسها .. وعروب ما استغربت لان في بالها انه يخاف عليه مثل خوفه على لما وليلى ولا تدري ان الحبيب عاشق وولهان .. بعد نص ساعه وصلو للشركه ..

عروب قبل ما تنزل .. مشكور هيثم تعبتك معي ..

هيثم : شو قلنا ما نبي نسمع هالكلام .. واذا خلصتي اتصلي على امي عشان اجي اخذك .. ولا اقول خذي رقمي يمكن امي تكون مشغوله ..

عروب : رقمك عندي بس ما راح اتصل عليك بخلي السواق يجي ياخذني كفايه اني صحيتك من الصباح عشان توديني ..

هيثم : يوه يا عروب يعني مصره انتي انك تعبتيني .. اقول اسمعي الكلام واذا خلصتي اتصلي علي واذا ما اتصلتي راح ازعل منك ترا ..

عروب ابتسمت .. خلاص خلاص راح اتصل عليك .. يمه منك عنيد ..

هيثم بابتسامه .. طالع عليك ..

عروب : هههههههههههههه .. طيب .. يلا مع السلامه ..

هيثم : مع السلامه ..

عروب نزلت وسكرت الباب وقبل ما تدخل للشركه سمت بالله ودخلت ..

اما هيثم لما شافها دخلت وتطمن مشى ..

نرجع لعروب : دخلت الشركه بتوتر مثل اول مره دخلتها .. تمشي وماتدري وين تروح .. شافت الأستقبال قدامها راحت لهم .. وبما ان الساعه صارت 8 المكان صاير ازعاج لان الموظفين توهم جايين .. السلام عليكم ..

الشاب اللي في الأستقبال .. وعليكم السلام .. كيف اقدر اخدمك ..

عروب : لو سمحت انا متدربه هنا ممكن اعرف وين اروح ..

الشاب .. ايه تفضلي من هنا .. في اخر السيب لفي يمين ويجيك مكتب ادخليه ..

عروب : طيب شكرا .. ومشت من عنده وراحت للمكان اللي قالها عليه .. وصلت للمكتب وشافته مفتوح بس مافيه حد .. وبنفسها .. يمكن انااول وحده جايه خليني ادخل انتظر .. ودخلت للمكتب اللي كان عباره عن جلسه .. يعني بس كنبات مافيها مكتب .. وراحت جلست على واحد من الكنبات ... شوي سمعت حد يدق على الباب رفعت راسهاوشافته شاب ..

الشاب يناظرها .. لو سمحتي هذا مكتب المتدربين ..

عروب : ايه ..

الشاب جا وجلس بكنبه بعيده عنها شوي .. ولف عليها .. انتي متدربه كمان ..

عروب : ايه ..

الشاب توه بيتكلم الا يدخلون اثنين بعد ما دقو الباب .. كانو بنت وولد .. السلام عليكم ..

عروب والشاب .. وعليكم السلام ..

البنت .. انتو متدربين ..

عروب والشاب .. اي ..

البنت لفت على الشاب اللي معها .. ادخل ادخل هذا هو المكان ..
ودخلو وجلسو ..

البنت تكلم عروب : ممكن نتعرف ..

عروب ابتسمت .. معك عروب :

البنت ردت لها الأبتسامه .. عاشت الأسامي .. انا اسمي ملاك .. وهذا .. اشرت على الشاب اللي دخل معها .. ولد خالتي سلمان ..

عروب بنفس الأبتسامه .. امم تشرفت ..

ملاك وسلمان .. الشرف لنا ..

سلمان لف على الشاب .. وانت ايش اسمك ..

الشاب بابتسامه .. معك رياض ..

ملاك اللي تتصف بالجراءه .. اوه اسماءكم غريبه ..

عروب ورياض ابتسمو ..

سلمان .. تتوقعون فيه متدربين غيرنا ..

عروب وهي تتذكر كلام يوسف امس لها .. لا بس حنا ..

ملاك .. كيف عرفتي ..

عروب ابتسمت .. المدير قال لي ان معي ثلاث متدربين واللي هم انتم ..

ملاك .. اهاا .. انتي من جامعه سعود ..

عروب : اي .. وانتي كمان ..

ملاك .. اي ونفس التخصص بس ما اذكر اني شفتك ..

عروب : عادي الجامعه مو صغيره ..

ملاك .. اي صح .. بس بصراحه انا مستغرب اللي اعرفه ان هذي الشركه ما كانت متاحه للتدريب كيف اتححوها ..

رياض .. انا بصراحه انبسطت لما شفتها متاحه على طول سجلت فيها ويارب اتوظف فيها .

سلمان : اما انا ما همني بس هذي الخبله قالت لي تعال نسجل فيها وجيت معها ..

ملاك .. ما الخبل الا انت ..

عروب : وليه تسالين كيف اتحوها اهم شيء انها اتيحت للتدريب ..

ملاك .. صح هذا اهم شيء ..

شوي دخل عليهم واحد وقال لهم ان المدير يبيهم .. قامو كلهم وراحو وراه .. دخلو لمكتب المدير .. السلام ..

المدير يوسف : وعليكم السلام .. تفضلو ..

جلسو على الكراسي اللي قدام المكتب ..كانو ملاك وعروب بجنب بعض ورياض وسلمان مقابلينهم ..

يوسف :اولا ارحب فيكم في شركتنا المتواضعه .. ولان ان هذي اول سنه لنا نسمح بالطلاب بالتدرب عندنا راح اعطيكم اوراق فيها كل قوانين الشركه .. انتو راح تكنون كانكم موظفين مو طلاب .. يعني اللي يجرا على الموظفين يجرا لكم .. واذا كان الموظفين ينخصم من رواتبهم انتو راح ينخصم من دراجاتكم ... ف اذا تبون تتخرجون بامتياز اتبعو القوانين ..

كلهم .. حاضر ..

يوسف وزع عليهم الأوراق وصارو يقروننها ..

يوسف :وصح فيه شيء مهم لازم تعرفونه .. راح يكون على كل واحد منكم مدير وملزمين انكم تسوون اي شيء يطلبه منكم المدير طيب ..

كلهم .. ححاضر ..

يوسف : والحين راح انادي المدره عشان تبدون الشغل .. ورفع السمعه .. ياسر ناد لي رءساء الأقسام ..وسكر ..
دقايق ويندق الباب ويدخلون اربع شباب .. السلام عليكم ..

الكل .. وعليكم السلام ..

المدير يوسف وقف ووقفو بعده الطلاب .. اعرفكم على المدرائ .. هذا الأستاذ احمد مدير قسم العلاقات العامه .. وراح يكون معه الطالب سلمان ..

سلمان رفع يده عشان يعرفه .. حاضر ..

يوسف : وهذا الأستاذ خالد مدير قسم التسويق .. وراح يكون معه الطالب رياض ..

رياض نفس الشيء رفع يده .. حاضر ..

يوسف : وهذا الأستاذ عبدالله مدير قسم التنظيم والتخطيط ..وراح تكون معه
الطالبه ملاك ..

ملاك نفس الشيء .. حاضر ..

يوسف : واخيرا الأستاذ عز مدير قسم الحسابات وراح تكون معه الطالبه عروب :

عروب من اول مادخلو ما ناظرت فيهم كانت تناظر الأرض مستحيه .. واواول ما سمعت المدير يتكلم وقال اسم عز بتلقائيه رفعت عينها له وانصدمت اول ما شافته .. هي صحيح تعرف انه يشتغل هننا بس ما توقعت انه راح يكون مديرها .. ولما حست على نفسها بعد ماشافت الكل يناظرها . نزل عيونها ورفعت يدها حاضر ..

اما عز من اول مادخل ما ناظرها عينه كان على المدير واول ما اقل هذول المتدربين جات على باله ولف يناظر الطلاب وانتبه لها وابتسم وشال عينه منها .. ولما سمع المدير يوسف الطلاب قال بنفسه .. يارب ما تكون معي مو ناقص مشاكل .. بس استسلم لما قال المدير انه معه .. بس شاف نظره الصدمه بعيونها وبنفسه .. ما اتوقع انها ما تدري اني اشتغل هنا .. ليه الصدمه في عيونها .. يمكن حتى هي ما تبيني اكون مديرها بعد الموقف اللي امس .. وابتسم لما تذكر الموقف .. صحى من سرحانه على صوت المدير ..

يوسف : والحين كل واحد عرف وين راح يكون .. ومن اليوم راح تبدون تدريب .. واخر كل اسبوع ابي تقارير منكم يا الطلاب وحتى انتو يا المدراء .. فاهمين ..

الكل .. حاضر ..

يوسف : طيب .. الحين تقدرون تنصرفون .. ولف على عز وعروب : بس انت يا
استاذ عز والأنسه عروب راح تبقون .. ولف على باقي .. تفضلو ..

عروب بنفسها .. ليه وش معنا حنا .. ليكون لانه يعرف ابوي .. يارب استر ..

عز بنفسه . غريبه وش يخلي المدير يصرفهم كلهم معدانا حنا ..

يوسف يرجع لمكتبه بعد ما طلعو الباقي .. وناظر عروب وعز : تفضلو ..

عروب وعز جلسو مقابلين بعض ..

يوسف : اكيد مستغربين ليه صرفت الكل وخليتكم انتم بس ..انا اقول لكم .. استاذ
عز انت تعرف ان قسم الحسابات هو اهم وقسم بالشركه وهو قسم حساس يعني اي غلطه بسيطه فيه يمكن انها تدمر الشركه ..

عز : ايه صح ..

يوسف : فعشان كذا انا راح اقولك عن الخطوات اللي راح تبدا فيها التدريب مع الأنسه عروب :

عز : حاضر ..

يوسف : اول شيء تخليها كل يوم تكون مع واحد من موظفينك عشان يعلمها شغله بالقسم .. بعدها تبدا تعطيها كتابه التقارير .. وبعد ما نشوف شغلها عاد الباقي عليك ..

عز : ان شاء الله ..

يوسف لف على عروب : وانتي يا انسه عروب على انك تعتبرين انقبلتي بالواسطه الا اني انا ما افرق بين موظفيني سواء كانو بالواسطه او لا .. ف اتمنى انك ما تتهاونين بالتدريب وتضمنين النجاح ..

عروب رفعت عيونها له بصدمه وهي تسمع كلامه وبنفسها .. والحين مين جاب طاري الواسطه .. وبعد ما خلص .. بس يا استاذ انا ما اعتبر نفسي اني داخله هنا بالواسطه لان ولله الحمد معدلي يأهلني اني اتدرب في شركه مثل هذي ولو كان العم ابو يوسف موصيك علي عشانه يعرف ابوي فا اتمنى انك تنسى هذا الشيء لاني انا نفسي ما احب حد يميزني عن الغير بسبب المعرفه او الواسطه .. وهذا الكلام راح اثبته لك بشغلي ..

عز ويوسف كانو يناظرونها ومستغربين من كلامها : اول مره يشوفون حد واثق من نفسه لهذي الدرجه ..

يوسف ابتسم..وانا راح انتظر تقارير مديرك عنك وبعدها راح نعرف ..

عروب تحس ان كلامه استفزها بس سكتت ..

يوسف : طيب الحين تقدرون تتفضلون لشغلكم ..

عز وعروب وقفو .. حاضر ..وطلعو من المكتب .. وكانت الأسياب هاديه لان كل واحد بمكتبه ..

عز كان يمشي بجنبها ويدينه ورا ظهره .. وقال من غير ما يناظرها .. اشوفك انصدمتي لما عرفتي اني مديرك .. ولف عليها .. مثلا ما كنتي عارفه اني اشتغل هنا ..

عروب بالبدايه استغربت من كلامه بعدها قالت ومن غير ما تناظره .. الا ادري انك تشتغل هنا بس ما توقعتك مدير شكلك ما يهيئ ..

عز : اها .. شكلي ما يهيئ ولا منحرجه من الموقف اللي امس ..

عروب هنا لفت عليه وبعصبيه خفيفه .. اتوقع اللي صار امس كان صدفه وثاني شيء انت الغلطان مو انا ..

عز وقف ولف عليها .. انا الغلطان .. ليه انا اللي قلت لك اطلعي بالحوش وخليني اشوفك ..

عروب اللي موت مستحيه بس تحاول تخفي حياها لان كل شيء ولا حقها .. ولفت عنه .. لا بس انت اللي لما شفتني ما استحيت ونزلت عينك ..

عز هنا حس انه جد اللي غلطان .. بس كان مفهي بالجمال ما ينلام .. قال وهو يصرف .. اها .. طيب مبروك على النجاح والتخرج ..

عروب من غير نفس .. الله يبارك فيك ..

عز : هذا حنا وصلنا القسم راح اعرفك على الموظفين بالأول بعدها نبدا تدريب ..

عروب : طيب ..

دخلو للقسم وكان فيه 3 مكاتب .. دخلو على اول مكتب وكان فيه موظفتين .. بنات يعني .. عز وعروب : السلام عليكم ..

البنات اول ما شافو عز وقفو .. وعليكم السلام ..

عز : اعرفك على الأنسه عبير .. والأنسه ريم .. ولف عليهم .. هذي هي المتدربه الجديده .. الأنسه عروب :

عروب ابتسمت لهم .. تشرفنا ..

البنات .. الشرف لنا ..

عز : يلا كملو شغلكم .. وطلع وطلعت وراه عروب : دخلو للمكتب الثاني وكان فيه موظفين .. شباب ..

عروب وعز : السلام عليكم ..

الشباب .. وعليكم السلام ..

عز : اعرفك على الأستاذ راشد والأستاذ سالم ..ولف عليهم .. وهذي هي المتدربه الجديده .. الأنسه عروب :

عروب : تشرفت فيكم ..

الشباب .. لنا الشرف ..

عز : تفضلو كملو شغلكم .. وطلعو من المكتب واتجهو للمكتب الثالث ..

عز وهو يدخل .. وهذا هو مكتبي .. اللي راح تتدربين فيه ..

عروب : اها ..

عز : تفضلي ..

جلس عز ورا المكتب وعروب قدامه ..

عز : مادام اليوم اول يوم لك راح اعطيك شغل خفيف وبكرا نبدا زين ..

عروب من غير ما تناظره .. طيب ..

عز حس ان فيها شيء من بعد النقاش اللي دار بينهم .. انسه عروب فيك شيء ..

عروب وهي على نفس وضعيتها .. لا ..

عز قام من مكانه وجا جلس بالكرسي اللي قدامها : وش فيك كانك متضايقه الشركه ما عجبتك ولا ايش ..

عروب اللي ما تحب تكتم شيء في نفسها .. رفعت عيونها له .. لا الشركه ما فيها شيء بس مساله انك انت تكون مديري مو مريحتني ..

عز ابتسم ورجع ظهره لورا تسند على الكرسي وكتف يدينه .. اها كذا السالفه ..
ووقف وعطاها ظهره .. اجل قومي قولي للمدير انك تبين تغيرين القسم حقك ..

عروب استفزتتها حركته .. ووقفت .. وهذا اللي راح يصير ..

عز اللي باين عليه انه واثق ان المدير راح يرفض .. اوك تفضلي ..

عروب طلعت من المكتب وهي متنرفزه منه وبنفسها تسال هو ليه يعاملها كذا كانه حاقد عليها او كارها ..وصلت لمكتب المدير وقابلها السكرتير .. لو سمحت ابي ادخل عند المدير ..

السكرتير .. طيب ايش اسمك ..

عروب : اسمي الأنسه عروب :

السكرتير .. لحظه .. دخل على المدير دقايق وطلع .. تفضلي ..

عروب دخلت بسرعه .. اسفع على الازعاج استاذ يوسف :

يوسف : لا عادي تفضلي ..

عروب وهي منزله عيونها للارض .. اقدر اغير القسم حقي ..

يوسف : تغيرينه .. ليه ما أعجبك ..

عروب : لا القسم مافيه شيء بس وسكتت ما تدري وش تقول ..

يوسف : بس ايش ؟..

عروب : ما ارتحت فيه وانا اتشاءم من الاماكن اللي ما ارتاح فيها ..

يوسف ابتسم .. طيب تفضلي

عروب جلست ..

يوسف : بس انتي تدرين انا ليه خليتك بقسم الحسابات ..

عروب رفعت عيونها له .. لا ..

يوسف بنفس ابتسامته .. لان انتي تخصصك محاسبه فانا حطيت كل طالب على حسب تخصصه .. ف لو تبين تغير القسم وين تبين تروحين مافي شيء يناسب مع تخصصك ..

عروب نزلت عيونها بقهر .. يعني ما اقدر اغير ..

يوسف : الا تقدرين بس ماراح تاخذين درجاتك كامله لانك تدربتي بقسم غير تخصصك ..

عروب كل شيء الا درجاتها .. طيب .. والمدير ما اقدر اغيره او حتى اني ما اتعامل معه

يوسف هنا فهم ان المشكله بالمدير .. اهاا قلتي لي المدير .. ليه وش فيه الأستاذ عز ضايقك بشيء ..

عروب : لا بس .. وسكتت ما تدري وش تقول ..

يوسف : طيب لحظه .. ورفع السماعه وقال لسكرتير يطلب عز :

عروب اول ما سمعته رفعت عيونها له .. ليه تطلبه ..

يوسف : عشان اعرف سوء التفاهم اللي بينكم ..

عروب : بس .. سكتت لما شافت عز داخل للمكتب ويناظرها ويبتسم ..

عز بعد ما عطى عروب نظره لف على المدير .. نعم طال عمرك طلبتني ..

يوسف .. اي تفضل ..

عز بعد ما جلس صار يناظر عروب اللي منزله عيونها للارض وباين انها متضايقه وبنفسه .. ابي اعرف الحين هذي ليه لهذي الدرجه متضايقه من كوني مديرها المفروض انا اللي اتضايق وش يخليني اتحمل وحده عاقه مثلها ..

يوسف :. استاذ عز في شيء صار بينك وبين الانسه عروب :



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 26-07-2016, 04:52 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: أتفقنا ننفصل لكن القدر أجبرنا على الوصل/بقلمي



عز : لا ماصار شيء هو اصلا امدانا نتكلم عشان يصير شي..

عروب لفت على يوسف : استاذ انا قلت لك اني مو مرتاحه وبس ..

يوسف : انا بس كنت حاب اتاكد من الأستاذ عز :

عز : بصراحه يا استاذ يوسف حتى انا مو مرتاح كونها تكون متدربه عندي ..

يوسف اللي شك ان في الموضوع شيء .. ابسالكم انتو تعرفون بعضكم من قبل ..

عز وعروب تكلمو بس رعه وبنفس الوقت ..

عز : اي ..

عروب : لا ..

وبعدها صارو يناظرون بعض ..

يوسف يناظرهم .. واحد يقول لا والثاني اي انا مافهمت تعرفون بعض ولا لا ..

عز : نعرف بعض بس من بعيد ..

يوسف . يعني قرايب بس من بعيد ..

عروب : لا .. شبه جيران ..

يوسف : اها .. وبينكم عداوه ..

عروب وعز بنفس الوقت .. لا ..

يوسف : اجل ليه مو مرتاحين لبعض .. تدرون انكم لو كملتو مع بعض راح يخرب الشغل لان الواحد لازم يكون مرتاح عشان ينجز صح ..

اثنينهم .. صح ..

يوسف : طيب اذا انتو تعرفون بعض من قبل ومابينكم عداوه اجل ليه الحساسيءه اللي بينكم ..

عروب وعز سكتو .

يوسف : صاير موقف بينكم ..

عروب وعز صارو يناظرونبعض ..

يوسف هنا فهم السالفه .. ووقف وجا عندهم .. طيب اسمعوني .. اذا ما تبون تتكلمون عن الموقف هذا شيء راجع لكم .. انا مالي دخل في خصوصياتكم كل اللي يهمني الشغل .. وصار يتمشى بالمكتب ويكمل كلامه .. وعشان الشغل يمشي صح لازم تكونو متصافين لانكم تشتغلون مع بعض .. ولف عليهم وناظر عروب : الا اذا كنتي تبين تخسرين درجاتك هذا شيء ثاني ..

عروب نزلت عيونها وماردت ..

يوسف لف على عز .. وانت بعد تعرف هذا التدريب قد ايش راح يفيدك في شغلك ويمكن تترقى صح .

عز نزل راسه ... صح ؟؟

يوسف : حلو .. ف المطلوب منكم الحين .. يا انكم تنسون كل شيء صار بينكم من قبل وتعتبرون انفسكم انكم اول مره تتقابلون ويكون بينكم كل احترام وتنجزون في شغلكم .. او كل واحد يروح بطريقه .. والأنسه عروب تخسر درجاتها واستاذ عز تروح عليه الترقيه ..

عروب وعز ناظرو المدير بعدها ناظرو بعض ..

عروب وقفت .. انا اهم شيء عندي درجاتي .. ف راح اتحمل عشانها ..

عز وقف وقال .. وانا اهم شيء عندي وظيفتي وكمان راح اتحمل عشانها ..

يوسف لف عليهم وابتسم .. اوك .. الحين تقدرون تتفضلون على شغلكم واتمني اني ما اشوفكم عندي مره ثانيه بنفس السبب .

عروب وعز وهم يناظرون الأرض .. حاضر ..

يوسف : والحين تقدرون تتفضلون على شغلكم ..

طلعو عز وعروب من المكتب وكل واحد مقهور من الثاني .. وهم يمشون في السيب ..

عز : واضح ان درجاتك مره تهمك لدرجه انك مستعده تشتغلين مع احد مو مرتاحه له ..

عروب من غير ما تلف عليه .. بالضبط نفس حبك لوظيفتك اللي تخليك تشتغل مع شخص مو مرتاحله ..

عز لف عليها وهو رافع حاجبه ..

عروب لفت عليه .. لا تقول ان كلامي مو عاجبك لان ما يهمني .. ورجعت تناظر قدام ..

عز نظرها من فوق لتحت وبعدها كملو طريقهم للمكتب ..

لما دخلو عز راح جلس ورا المكتب وعروب جلست بالكرسي اللي قدام المكتب ..

عز ياخذ ملفات من على المكتب .. اطلعي على هذول التقارير وتاكدي منهم اذا فيهم اخطاء او لا ..

عروب اخذت الملفات من غير ما تناظره .. حاضر .. حطت الملفات على الطاوله اللي قدامها وبدت تفتحهم وتقرا فيهم ..

اما عز اخذ ملف ثاني وبدا شغله ..

مرت ساعه وساعتين والمكتب كان هادي مره ما ينسمع الا صوت الأوراق ..

وعلى الساعه 11 خلصت عروب الملفات اللي عندها قفلتهم وتنهدت ..

عز رفع عيونه لها لما سمع تنهيدتها .. ناظر الملفات وشافهم مقفلين .. خلصتي ..

عروب لفت عليه .. ايه خلصت .. ووقفت وهي تناظر ساعتها .. والحين ممكن اطلع لانه وقت البريك ..

عز ناظرها وهو رافع حاجبه .. ماشاء الله امداك عرفتي اوقات البريكات ..

عروب : ايه ..

عز ترك الملف اللي بيده ووقف .. طيب تفضلي .. وصار يتمقط ..

عروب اخذت شنطتها وطلعت من المكتب .. قابلت البنتين الللي معها بالقسم .. مرحبا ..

ريم وعبير .. اهلين ..

عروب : ها رايحين تتغدون ..

عبير .. اي حياك اكيد ما تدلين المطعم ..

عروب بابتسامه .. ايه ..

ريم .. اجل تعالي معنأ ..

عروب ابتسمت ومشت معهم .. حستهم حبوبات وطيوبات ..

وصلو للمطعم اللي في داخل الشركه طبعا وكان الغدى عباره عن بوفيه .. كل وحده منهم اخذت صحنها وبدت تشيل لها اكل .. وبعد ما خلصو كانت عروب بتجلس مع البنات بس انتبهت بملاك وسلمان اللي دوبهم داخلين ..

ملاك اللي انتبهت لعروب : اوه عروب تعالي ..

عروب استاذنت من البنات اللي معها وراحت لملاك .. هلا ..

ملاك .. تعالي اجلسي معنا .. شوفي هذيك الطاوله راح ناخذ لنا اكل ونجي ..

عروب ابتسمت .. طيب .. وجلست على الطاوله .. شوي حست باحد يجلس قدامها
رفعت عيونها وشافته رياض .. اهلين ..

رياض بابتسامه .. قابلت سلمان وملاك وقالو لي انك هنا ..

عروب : اي تفضل ..

شوي جاو سلمان وملاك وجلسو الأربعه يتغدون ..

ملاك تكلم عروب . ها كيف اول نص دوام معك ..

عروب : والله للحين الأمور مستتبه .. بس مديري شكله شرير ..

كلهم ضحكو على كلمه شرير .. ههههههههههههههههههه..

ملاك .. اما هذاك المزيون شرير ما يركب ..

سلمان يضربها على راسها .. ما تستحين على وجهك تغازلين الرجال وانا جنبك ..

ملاك .. ياخي وش قلت انا وبعددين اتغزل فيه قدامك احسن من اني اتغزل فيه من وراك صح ..

سلمان وهو يفكر .. هو صح بس ولو لا تتغزلين في احد ..

عروب ورياض مبتسمين عليهم ..

رياض بمزح .. ليكون تغار يا سلمان ..

سلمان ..اما عاد اغار كثر منها .. هههههههههههههههههههه..

ملاك .. عاد انت شفتالشبه بينهم عشان يغار .. ولا يفكر اصلا .. ولفت على عروب : ما علينا كيف عرفتي انه شرير ..

عروب : مدري احس كذا .. المهم انتو كيف مدرائكم ..

سلمان :انا بالنسبه لي مديري وش حليله واصلا شغلنا حلو وخفيف ..

ملاك .. حتى انا شغلي ما فيه تعب ..

رياض .. وانا شغل العلاقات العامه كل اللي هناك كشيخه .. على اني كاشخ الا احس اني ولا شيء عندهم ..

عروب ابتسمت : معروف العلاقات العامه لازم يكونون كشخه وكذا ..

وهم مندمجين بالسوالف والأكل .. وتقريبا المطعم امتلا من الموظفين .. دخل المدير يوسف معه رؤساء الاقسام ..

هنا الكل سكتو ..

يوسف : اول شيء بالعافيه عليكم .. وثاني شيء هذا حنا غيرنا المطعم على طلبكم .. واتمنى ان كل واحد منكم قبل ما يطلع يكتب تقيمه على المطعم ..

الكل .. حاضر ..

وبعد ما ابتسم لهم راح هو مع اللي معه وجلس على طاوله وجبو لهم الغدى ..

ملاك .. ياحليلهم حسسوني اننا طلاب وهم الدكاتره ..

رياض وسلمان وعروب ضحكو بس بهدوء.. ههههههههههههههه..

سلمان .. اووش يالخبله لا يسمعونك ويطردونك ..

ملاك .. لا لا بسكت كل شيء ولا الطرد ابي اتخرج افتك ..

عروب : وانتي ما تفكرين بالوظيفه بس التخرج ..

ملاك .. بصراحه حاليا ما افكر اتوظف ابي اريح لي سنه على الأقل من الدراسه ..

رياض .. وانتي ضامنه تجيك وظيفه بعد سنه ..

ملاك .. لا بس ان شاء الله ..

سلمان .. والله ما اتوقع ان وراك وظيفه انتي البيت وكثير عليك ..

ملاك تكش عليه .. مالت عليك ..

عروب تبتسم لهم ..

ملاك .. وانتي تبين تتوظفين .

عروب : اكيد انا ما دخلت هذا المجال الا عشان اتوظف ..

ملاك .. اوه انتي راعيه طويله صراحه ..

عروب : الوظيفه ولا جلسه البيت ..

رياض .. ابسالكم .. انتو ليه اخترتو هذي الشركه بذات .

ملاك .. انا وسلمان قلنا لكم شفناها شركه جديده ودخلناها ..

رياض .. وانتي عروب :

عروب ابتسمت .. اممم انا بصراحه كنت افكر اني اتدرب بمستشفى بس لما فتحو هذي الشركه للتدريب وحده من الدكاتره نصحتي ادخل لاني راح استفيد منها وبعد ما فكرت بالموضوع الشركه مقدمه عرض مذهل لو جبت معدل كويس وشغلي عندهم كان تمام رح اتوظف هنا .. ليه افوته ..** طبعا هي ما تبي تقول لهم السبب الحقيقي عشان ما ياخذون عنها فكره لانها داخله بالواسطه ..

رياض ابتسم .. تقرييبا نفس سببي بس انا ولد عمي اللي نصحني فيها لما رحت اشاوره ..

في هالوقت دق جوال عروب : طلعته من الشنطه وشافته لما ووقفت واخذت صحنا اللي خلصته .. عن اذنكم .. هي بتطلع من المطعم عشان تكلم وبطريقها راح ترجع الصحن لمكانه .. وهي تمشيء نزلت عيونها تناظر الجوال تشوف لما قفلت او لا وما انتبهت للبنت اللي كانت قدامها وشايله سحن .. سقعت فيها وطاحو الصون اثنينهم وتكسرو.. عروب شهقت ..

كل الموجودين بالمطعم لفو جهه الصوت ..

عروب كانت تناظر الأرض مكان ما طاحو الصحون وهي للحين ما عرفت مين قدامها رفعت راسها وشافت البنت اللي قدامها معقده حواجبها باين انها معصبه .. قالت بكل هدوء .. اسفه بس ما انتبهت لك ..

البنت بعصبيه .. لا والله .. وين اصرف اسفك انا شوفي وش صار فيني بسببك ..

عروب تناظرها وتناظر عبايتها اللي تاشر عليها بس ماشافت شيء .. مافي شيء ..

البنت عصبت اكثر .. شوفي هذا وش تسمينه .. وكانت تاشر على وصخ جدا خفيف كان بطرف العبايه من تحت ..

عروب : بس هذا ولا شيء اذا تبين الحين انظفه لك بس لا تصارخين كذا ..

البنت مقهوره من برود عروب وبنفس الوقت متفشله لان كل الموظفين موجودين .. وهذا حل تسمينه ..

عروب بنفس الهدوء .. طيب طيب خلاص راح اشتريلك عبايه ثانيه بس خلاص انهي الموضوع ..

البنت .. ليه وش شايفتتني قدامك بنت فقر ولا جالسه اطر انا اقدر اشتري عشرمحلات عبايات مو عبايه وحده . ما انتظر وحده مثلك مدري من وين جايه عشان تشفق علي فاهمه ...

عروب غمضت عيونها واخذت نفس عميق وعدت من واحد الى 8 وبعدها زفرت بهدوء ..هي دايم تحب تسوي هذي الحركه اذا كانت معصبه او متوتره وهذا الشيء راح يساعدها تهدى .. فتحت عيونها .. وتوها بتتكلم بهدوء بس البنت ما عطتها فرصه ..

البنت .. هيه انتي لا تسفهيني وانا اكلمك الحين قولي لي وش اسوي بهذا .. واشرت على عبايتها ..

عروب خلاص وصلت معها .. تقدمت شوي من البنت وقالت .. وهي تحاول تكتم عصبيتها .. ممكن اعرف انتي وش تبين .. اعتذرت منك وقلت لك كل الحلول وانتي رفضتي كل شيء وفوق هذا جالسه تسبين وتحقرين فيني وانا ساكته لاني انا الغلطانه بس انك تستمرين بهذا الأسلوب وكانك ملاك ما يغلط لا.. فاهمه .. وزفرت وكانها تطلع كل العصبيه في هذي الزفره ورجعت لفت عليها وبكل هدوء ينرفز .. والحين جاوبيني وش تبين ..

البنت بالبدايه انصدمت من كلام عروب ما توقعت انها راح ترد كذا توقعتها ضعيفه .. ولما استوعبت تكلمت .. هيه انتي بصفتك مين تكلميني كذا.. اعرفي انتي تكلمين مين بالأول بعدين تكلمي ..

عروب وبنفس الهدوء .. ما اتوقع يهمني مين انتي او وش اسمك او مكانتك بالمجتمع .. انا اللي يتكلم معي باحترام احترمه واحطه فوق راسي بس اللي مثلك انا اسفه ما اتشرف حتى اني اتكلم معهم .. واتوقع الحين ما عندي لك شيء انا غلطت واعتذرت وانتهى الموضوع .. والحين عن اذنك .. ولفت بتمشيء تحت صدمه البنت بس سمعت صوت خلاها توقف ..

يوسف اللي كان حاضر الهوشه منبدايتها بس ما تكلم ولا قال شيء يبي يشوف نهايتهم .. وعز اللي كان جالس جنبه كان يناظر عروب بقهر لانها متدربه عنده وبكذا هو اللي راح يتفشل قدام المدير وكم مره كان يبي يقوم يوقفها بس يوسف كان يمنعه وعز كان مستغرب من يوسف اللي ما تحرك ويمنعه بعد..

يوسف : لحظه ..

عروب والبنت وبقيه الموظفين لفو جهه يوسف :

يوسف وقف بهيبته .. انسه عروب وانسه مها وراي على المكتب .. مشى وعروب ومهاا مشو وراه من غير ولا كلمه ..

طبعا مها هي البنت اللي تهاوشت مع عروب :
اما بقيه الموظفين صارو يتهامسون بالشيء اللي صار قدامهم ..
..
..
عند يوسف : وصلو للمكتب ..دخل وراح جلس ورا المكتب وعروب ومها واقفين قدامه ..وصار يناظرهم .. ممكن تفسرون لي الشيء اللي صار من شوي ..

مها تكلمت بسرعه عشان تكسب المدير بصفها وتبين ان هي المظلومه .. استاذ يوسف هي اللي صقعت فيني ووصخت عبايتي تبيني اسكت لها ..

يوسف ناظر عروب عشان ترد على الكلام اللي قالته مها بس شافها تسوي نفس الحركه اللي سوتها من شوي عشان تهدي عصبيتها والحين عشان تهدي توترها ..

عروب فتحت عيونها وانتبهت للمدير يناظرها .. نزلت عيونها ..

يوسف : انسه عروب تكلمي ..

عروب وهي على نفس وضعيتها .. استاذ انت كنت موجود وشفت كل شيء .. انا صحيح اني صقعت فيها بس مو متعمده انا ما كنت منتبها وبعدين انا اعتذرت لها بس هي الله يهديها كان اسلوبها مستفز فاطريت اني اخذ حقي ..

مها لفت عليها .. قصدك تقليلين من احترامي مو تاخذين حقك ..

عروب لفت على مها : انا ما قللت من احترامك انا كل اللي سويته اني عاملتك مثل ماعاملتيني واذا انتي شايفه اني قللت من احترامك فاكيد انتي قللتي من احترامي ف اللي ما ترضينه على نفسك لا ترضينه على غيرك .. وكانت تتكلم بكل هدوء عكس مها اللي كانت معصبه ورافعه صوتها ..

يوسف :خلصتو ..

عروب ومها نزلو نظرهم للارض وسكتو ..

يوسف قام وجا لعندهم ووقف قدام مها : انسه مها بالاخير توضح لي انك انتي الغلطانه ..

مها رفعت عيونها له بقهر .. بس ..

يوسف قاطعها .. اتوقع مو اول مره تسوين هوشه وانا محذرك من قبل وعطيتك انذار بس شكلك ماراح تبطلين هواش .. مخصوم عليك 3 ايام ..

مها توها بتتكلم تعترض ..

يوسف عطاها ظهره .. واي كلمه زياده راح يصيرون اسبوع .. والحين تفضلي على مكتبك ..

مها ناظرت عروب بقهر وحقد وطلعت من المكتب ..

عروب : استاذ انا اسفه على الشوشره اللي سببتها بالمطعم ..

يوسف ابتسم ولف عليها .. انسه عروب تفضلي اجلسي ..

عروب رفعت عيونها له وشافته يبتسم .. ارتاحت لانه مو معصب عليها ..وراحت تجلس على الكرسي اللي قدام المكتب ويوسف جا جلس بالكرسي اللي مقابلها ..

يوسف : ماله داعي الأعتذار لانك ما غلطتي اصلا .. انا كنت حاضر الموقف وشفت اللي صار انتي كل اللي سويتيه انك اخذتي حقك .. بس عندي سؤال ..

عروب ناظرته وهي ساكته ..

يوسف : انتي تقرين كتب علم النفس ..

عروب باستغراب من السؤال .. اي بس وش دخل هذا باللي صار من شوي ..

يوسف : لاني لاحظت عليك كيف تصرفتي مع مها كانك عارفتها من زمان وبما انك ما تعرفينها وعرفتي كيف تتصرفين معها فهذا يدل انك عندك خبره بعلم النفس ..

عروب ابتسمت .. اي صح ..

يوسف ابتسم ووقف وصار يمشيء بالمكتب .. مو بس تصرفك هذا اللي خلاني اعرف .. حتى طريقتك وانتي تهدين عصبيتك اللي سويتيها اكثر من مره هذي تبين انك عارفه في علم النفس ..

عروب ناظرته .. بس انت كيف عرفت ان كل هذا في علم النفس .. انت دارس علم نفس مثلا ..

يوسف لف عليها .. لا انا مثلك اقرا كتب في علم النفس .. لاني احتاج هذا الشيء كا مدير شركه عشان اعرف كيف اتعامل مع موظفيني ..

عروب : اهاا .. عشان كذا ..

يوسف : ايش اللي عشان كذا ..

عروب ناظرته .. هاه .. لا ولا شيء ..

يوسف ابتسم لما فهم عليها عطها ظهره .. قصدك عشان كذا انا عرفت انك متوتره في اول مره جيتي فيها الشركه مع ابوك .. وعشان كذا انا عرفت انك متضايقه لما جلست معك بالأنتظار .. وعشان كذا عرفت ان بينك وبين مديرك خلاف وشيء ما تبين تقولينه .. وعشان كذا عرفت انك تقرين كتب نفس ..ولف عليها .. صح ..

عروب ابتسمت .. صح .. وعشان كذا انا راح ابدا اخذ حذري بتصرفاتي ..

يوسف ابتسم وجا جلس قدامها : وليه تاخذين حذرك .. اممم لحظه لا تجاوبين انا اقول .. لانك انسانه غامضه ولا تحبين حد يعرف عنك شيء .. اقصد حد قريب منك صح ..

عروب رفعت عينها له .. استاذ بديت اخاف منك .

يوسف : ههههههههههههههههههههههههههه.. وليه تخافين انتي تقرين علم نفس ولو فهمتي شخصيتي راح تعرفين كيف ما تخليني انتبه على شيء صح ..

عروب ابتسمت .. صح ..

في هذا الوقت اندق الباب ..

يوسف : تفضل ..

دخل السكرتير .. طال عمرك الأستاذ عز برا ويحب يقابلك ..

يوسف ابتسم ولمح بطرف عينه وجه عروب اللي تغير للضيق .. خله يدخل ..

بعد ما طلع السكرتير ..

يوسف : فيك شيء انسه عروب :

عروب من غير ما تناظره .. مبسوطه بس ..

يوسف ما قدر يكتم ضحكته على تعابير وجهها كانها طفل مدخلينه المدرسه غصب .. ههههههههههههههههههههههه..

وعلى صوت ضحكته دخل عز . وبنفسه .. المدير يضحك مع عروب : وش السالفه مو المفروض يهاوشها ...

اما عروب كانت تناظر عز باستغراب ..

عز : السلام عليكم ..

عروب ويوسف : وعليكم السلام ..

يوسف قام وراح ورا المكتب .. تفضل استاذ عز :

عز جلس مقابل عروب وما ناظرها .. استاذ انا جاي اعتذر عن تصرف الأنسه عروب :

عروب رفعت عيونها له بتعترض بس سبقها يوسف :

يوسف : ومين قالك ان الأنسسه عروب سوت شيء يحتاج الاعتذار .. هي ماسوت الا الصح .. وما يحتاج اقولك لانك انت عارف ان الأنسه مها صاحبه مشاكل من زمان ف الغلط مو على الأنسه عروب :

عروب ابتسمت لما سمعت كلام يوسف :

عز : بس هي متدربه مو موظفه وما يحق لها تتكلم مع وحده من الموظفات كذا ..

يوسف : الا يحق لها مادامها جالسه تاخذ حقها هي ما تعدت علىحقوق احد ..

عز مستغرب من يوسف اللي واقف مع عروب وبنفسه .. اكيد تمسكنتله واكلت عقله بكم كلمه .. صدق ان كيدهن عظيم ..

يوسف : والحين تقدرون تتفضلون على شغلكم ..
##
##
##
##
##
##
##
##
##
## انتهى البارت الثاني ##



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 26-07-2016, 06:09 PM
الوعد _ ALWAAD الوعد _ ALWAAD غير متصل
©؛°¨غرامي فعال ¨°؛©
 
الافتراضي رد: أتفقنا ننفصل لكن القدر أجبرنا على الوصل/بقلمي


وهذا البارت الثاني وطبعا بانتظار ردودكم وتوقعاتكم

القاكم يوم السبت باذن الله

محبتكم صمتي سلاحي


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1