اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 26-07-2016, 12:44 AM
sh.ot.en sh.ot.en غير متصل
©؛°¨غرامي جديد¨°؛©
 
Uploadfef5c031fd رواية أوتار الحزن عزفت لنا/بقلمي


بسم الله الرحمن الرحيم
اليوم سأبدأ روايتي واتمنى ان تنال على اعجابكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 26-07-2016, 12:44 AM
sh.ot.en sh.ot.en غير متصل
©؛°¨غرامي جديد¨°؛©
 
الافتراضي رد: رواية ((أوتار الحزن عزفت لنا)) أكشن كوميديا غموض..!!


فيصل بصراخ؛ رييييم.. اركضي بسرعة!
ريم وهي تركض؛ فصوول ماقدر.. تكفى لا تخليني
فيصل بصراخ؛ ريم وراك انتبهي "صوت طلقة مسدس"..! قام مرعوب من النوم؛ اعوذ بالله من الشيطان الرجيم ياسر رفع الكتاب عن وجهه؛ صح النوم.. وش فيك؟
فيصل دخل يده بشعره؛ كابوس.. كابوس
ياسر عدل جلسته؛ اشوا انك قمت وريحتني من العنا
فيصل رافع حاجب؛ وليه ماقومتني حضرتك كنت ناوي تخليني؟
ياسر يرفع اكمام بلوزته رايح يتوضا؛ ماشاء الله كوابيسك ماتجي الا بقرب الصلاه منبه مو كوابيس
فيصل؛ تطنز انت ووجهك؟
ياسر؛ لا حشى قم صل بس وراح للحمام "الله يكرمكم"
فيصل بنفسه؛ يارب.. وش هالكوابيس.. يارب هي ماتت يارب ارحمها وقام يتوضا ويصلي

هذي قصة بطلين "فيصل،ياسر" مبتعثين "ببريطانيا" يدرسون تخصص "ادارة اعمال" عمرهم"23" كل واحد منهم عاش قصة لها عنوان.. عانوا من الم وحزن.. لكن لا زالوا متمسكين في بعضهم البعض.. بكوا كثيرا.. ضحكوا كثيرا.. تحت مسمى الصداقة والأخوة والمحبة.. كالتوأم تماما..! صلوا صلاة الفجر بكل خشوع وطمأنينة.. واثقين حتى لو كانوا بالغربة..ان "الله" يراهم ومعهم
ياسر اخذ تفاحة وجلس ع طاولة المطبخ؛ يالله افطر.. عشان نروح للجامعة
فيصل عطاه نظرة؛ اتوقع الفطور عليك اليوم؟
ياسر اكل تفاحة؛ اها وين المشكلة؟
فيصل ناظر المطبخ؛ ماشوف فيه فطور
ياسر فتح الثلاجة اخذ تفاحة ورماها عليه؛ يالله اكل خلصني
فيصل مسكها؛ تستهبل؟
ياسر صب له كوب حليب ومده له؛ افطار صحي.. وابلع وانت ساكت
فيصل اكل التفاحة؛ الله يعين زوجتك عليك
ياسر؛ اقول حاصل لها ياسر ولد وليد يتقدم لها
فيصل يشرب الحليب؛ الا ليتك تفكها من شرك ولا تتقدم
ياسر؛ اقول عطيتك وجه انا بروح ابدل اطلع القاك جاهز وراح لغرفته
فيصل بصراخ؛ ثاني مره لا تنام عندي
ياسر بصراخ؛ اقول اخلص بلا هذرة زايده
فيصل ضحك وقام يغسل الكوب ويروح يلبس
ياسر بدل وطلع لقى فيصل يربط حبل جزمته
ياسر صفر؛ اووه وش ذا الكشخة؟
فيصل"كان لابس بنطلون بيج وبلوزه بني ولابس جاكيت طويل لنص الفخذ بيج وشال بني"
فيصل بغرور؛ احم من يومي ادري
ياسر جلس عشان يلبس جزمته؛ ياشين الغرور الزايد عن حده
"ياسر كان لابس بنطلون كحلي وبلوزه بيضاء وجاكيت اسود بقبعه ولا بس كاب"
فيصل يدق بالجوال؛ نسيت اكلم امي
ياسر قام وعدل جزمته؛ انا بروح اجهز السياره.. استعجل
فيصل ابتسم؛ ابشر.. وراح ياسر دق فيصل ع البيت وردت اخته لمى "18 سنة"
لمى؛ الو؟
فيصل ابستم؛ فدوة للي قالت الو
لمى بصوت عالي وبفرحة؛ فصفص؟!! فيصل ضحك؛ فص الله راسك.. شخبارك؟
لمى؛ الحمد لله بصحه وعافيه انت وش اخبارك؟
فيصل طلع من الشقة وسكرها وقفلها؛ الحمد لله تمام الا امي وينها؟
لمى ضحكت؛ التوقيت يابو الشباب
فيصل ضرب راسه؛ اف نسييت
لمى؛ انت الحين رايح للجامعه صح؟
فيصل حط مفتاح الشقة بجيبه؛ ايه
لمى؛ اجل يالله ماشغلك.. بحفظ الله
فيصل؛ بحفظ الرحمن وسكروا مع بعض
لمى ناظرت الساعة؛الساعه 1 بالليل وداق؟!..زين اني سهرت ورجعت تشوف الفيلم
ياسر منزل الكاب ع وجهه ويدندن ركب فيصل؛ بدري كان ماجيت؟
فيصل؛ هذي لموي مسكتني..ولا لو امي دقيقة بالكثير
ياسر حرك السيارة؛ احمد ربك عندك اخت تحبك
فيصل؛ الحمد لله.. وانت ماراح تكلم ابوك ترى من رجعنا من السعودية ماشفتك تكلمهم
ياسر ابتسم؛ مو لازم اكلم.. اكلم عشان هواش وسب لا مو مستعد
فيصل يضحك؛ الله يصلحك.. ابوك خايف عليك
ياسر ضحك؛ تصدق اذا كنت معصب ادق عليه
فيصل رفع حاجب؛ وش المعنى؟
ياسر؛ احسه يطلع الحره الي فيني وضحكوا وكملوا طريقهم للجامعة
#####
لمى طفت التلفزيون؛ يازين النوم.. بس ماباقي شي ع الفجر
دخل اخوها فهد "24 سنة"؛ لمى؟
لمى تكتفت؛ توك تجي؟
فهد؛ لا والله جيت اكل ثم اروح وبعصبية؛ تستهبلين؟!! لمى ناظرته من فوق لتحت؛ فرق بينك وبين فيصل وراحت
فهد تنهد وجلس على الكنبة هو يسهر اغلب وقته برا مع ولد عمه خالد بس.. ام فيصل نزلت؛ يمه فهد متى جيت" كانت منصدمة"
فهد بنفسه؛ ليه هالملامح يمه.. معقولة لهدرجة ماجلس بالبيت؟
ام فيصل بصراخ؛ فهوود.. ؟! فهد وقف؛ سمي يمه
ام فيصل تنهدت؛ واضح انك مو معي
فهد؛ اعذريني يمه.. تعبان بروح أنام
ام فيصل؛ عذرك معاك وراح مر من عند غرفة لمى وابتسم بسخرية هي الي اخذت منهم ابوهم
فهد فتح الباب بقوة بدون استئذان؛ وش تسوين؟
لمى تعودت ع أسلوبه او "ماتت احاسيسها"؛ اقرا كتاب.. تبي شي؟
دخل فهد وسحب الكتاب واسمه" ثلاثون سبب للسعادة "قال بسخرية؛ سعاده؟! تكفين
لمى ببرود؛ ليه حرام ادور سعادتي؟
فهد حذف عليها الكتاب؛ ايه حرام
لمى نزلت نظارتها؛ وليه حرام عطني مبرر لكلامك هذا
فهد بقهر؛ لو امك ماتزوجت ابوي الله يرحمه.. كان هو عندنا الحين
لمى وقفت؛ فهد.. امي مالها دخل.. هذا" قضاء الله وقدره "
فهد مسكها مع كتوفها؛ ابوي يوم ولدتك امك جا مسرع وصدم و... لمى قاطعته؛ فهد انا فاهمة القصة كلها.. انا اختك والي مات ابوي بعد.. على الأقل هو رباك انا رباني امك.. انا خسرت امي وابوي قبل لا اشوفهم.. انت عندك امك للحين..خلاص فهد تراي اختك.. السالفة صار لها 18 سنة.. لا تملا قلبك حقد وكره.. لسبب مو موجود أساساً. فهد سكت شوي دفها ع السرير وطلع بسرعه "معها حق معها حق بس ليه احس مو قادر اتقبل الوضع"
لمى رفعت شعرها عن وجهها وبهمس؛ استغفر الله واتوب اليه..
ام فيصل دخلت يوم شافت ان فهد طلع؛ لمو يمه مانمتي؟ بكره وراك مدرسة
لمى ابتسمت؛ إن شاء الله.. خال..يمه
ام فيصل سدحت لمى وغطتها؛ نامي.. وراك مدرسة
لمى قامت وحظنت ام فيصل؛ يمه شكرا ع كل شي وانسدحت وتغطت باستها ام فيصل ع خدها وطفت اللمبات وسكرت الباب وراحت لغرفتها
ام فيصل؛ الله يهديك يافهد.. الله يهديك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-12-2017, 01:46 PM
نبض حزين نبض حزين غير متصل
©؛°¨غرامي جديد¨°؛©
 
الافتراضي رد: رواية أوتار الحزن عزفت لنا/بقلمي


بدايه موفقه لله يعطيك العافيه

الرد باقتباس
إضافة رد
الإشارات المرجعية

رواية أوتار الحزن عزفت لنا/بقلمي

الوسوم
((أوتار , منا)) , آكشن , الحزن , رواية , غموض..!! , عزفت , كوميديا
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
فتح مصر في عهد عمر بن الخطاب slaf elaf قسم المواضيع المخالفه للفترات الزمنية 1 04-02-2016 10:14 PM
رواية تمنيتك لي بس ربي ما كتب/بقلمي رهيف عبدالله روايات - طويلة 6 03-12-2015 01:37 AM
رواية فلتمضي بعد الفراق /بقلمي جلنار،، ارشيف غرام 5 22-11-2015 08:49 PM
رواية عروس البحر/بقلمي Goong روايات - طويلة 9 13-10-2015 01:41 AM

الساعة الآن +3: 05:42 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1