tabark.jh ©؛°¨غرامي ذهبي¨°؛©

~
السلام عليكم ...
كيفكم ؟؟ ان شاء الله بخير ...
صراحة انا عندي مشكلة ...
اني مش اجتماعية ابداا...
لدرجة ان الناس بحكولي مغرورة ...
انا ما بهتم بحكي الناس يحكوا اللي بدهم ايااه ...
بس انا نفسي بدي اغير هل اشي فيني ...
ما بتفاعل مع الكل بسهولة ...وبدي فترة طويلة لأتعود على الناس ...
واصير اخد واعطي معهم بكل اريحية ...ما بحب احكي مع عيلتي كتييير
مع اني بحبهم وبحبوني وبحكوا عني اني فرفوشة
انا صراحة فرفوشة بس مش مع الكل ...
دايما بحكولي تعالي احكي معنا...
ولما اروح عندهم بحكوا عن اشياء...
وناس عمري ما سمعت فيهم ...
ولما اسألهم بحكولي ...
مش انتي ما بتحكي معنا مش ضروري تعرفي ...
لما اكون بدي مساعدتهم ما بساعدوني ...
اهلي صراحة بحسهم احيانا ما بحبوني ...
ولما اسالهم بحكولي في اهل ما بحبو بنتهم ...
بس ما بعاملوني متل ما بعاملو خواتي التانيات ...
وما بعتمدوا علي ...
مع انه انا بعتمد علي...
وكتير ناس قالولي هل حكي ...
طيب ليش ما بعاملوني متل ما بعاملوا خواتي ...
ما بعرف لدرجة اني بطلت احكي معهم كتييير غير لما همه ييجوا ويحكوا معي
اطلعي من الغرفة ... عيونك بصيروا يوجعوكي من اللابتوب ...
تعالي معنا ... ولما اروح بتجاهلوني ولا كأني موجودة ...
ومش بس عيلتي اهل ابوي وامي بفضلوا خواتي عني ...
لدرجة انو هل اشي سببلي ضعف بشخصيتي ...
انا واثقة من حالي وانا متفوقة بدراستي والمعلمات كلهم بمدحوني ...
لما احكي لخواتي المعلمة مدحتني هيك هيك
بصيروا يستهزؤؤ فيه همه بكونوا يمزحوا بس انا بتحسس وبزعل ..
للعلم هاد الحكي من هالسنة واللي قبلها والا قبل انا كنت المميزة عند الكل ...
بس ما بعرف شو اللي صار ...
لدرجة انو احيانا بتمنى اكبر بسرعة عشان اسافر واهرب منهم ما بدي حدا يحكي معي
ما براعو حالتي لما اكون مريضة او اشي
ما يراعوا مو مشكلة بس عبروني مشان الله ...
اتمنى حدا يرد والله تعبت ...
دمتم بود ...







أنوار نجد ©؛°¨غرامي متألق ¨°؛©

هلا حبيبتي ....
باين عليك شخصيه جميله ورائعة ،،،بس يبغئ لك شويه ثقه في النفس

أتوقع عندكم دورات عن تطوير الذات وتنميه القدرات ،،،

سجلي فيها أو أذا ماتقدري ممكن ع اليوتيوب تبحثي عنها ..

راح تفيدك كثير ،،

حطي دايماً ببالك أنّو فيه ناس كثير يتمنوا يوصلوا للي أنتي وصلتي

له ومايقدروا فالحمدلله وضعك كويس وتمام يبغئ لك بوششش لقدام بس ،،،

ربي يوفقك ويسعدك ومن الأروع للاأروع باْذن الله ،،،

أتمنئ أني قدرت أفيدك ،،،

tabark.jh ©؛°¨غرامي ذهبي¨°؛©

~
المشاركة الأساسية كتبها أنوار نجد اقتباس :
هلا حبيبتي ....
باين عليك شخصيه جميله ورائعة ،،،بس يبغئ لك شويه ثقه في النفس

أتوقع عندكم دورات عن تطوير الذات وتنميه القدرات ،،،

سجلي فيها أو أذا ماتقدري ممكن ع اليوتيوب تبحثي عنها ..

راح تفيدك كثير ،،

حطي دايماً ببالك أنّو فيه ناس كثير يتمنوا يوصلوا للي أنتي وصلتي

له ومايقدروا فالحمدلله وضعك كويس وتمام يبغئ لك بوششش لقدام بس ،،،

ربي يوفقك ويسعدك ومن الأروع للاأروع باْذن الله ،،،

أتمنئ أني قدرت أفيدك ،،،
تسلمي حبيبتي ^^
المشكلة مو هون المشكلة بعيلتي نفسها
عيلتي ما بتتواصل وبتحكي معي متل ما بشوف صاحباتب وعائلاتها
انا اللا بغار لما اشوف صاحبيتي بتحكيلي عن شو ابوها بحكيلها ...
عيلتي مش انهم ما بحبوني عيلتي ما بتحكي معي ^^
شرااا على مساعدت حبيبتي ...
مع حبــــــــــــــــــــــي







بنت االسودان مشـ© مطبخ حواء ©ـرفة

الحمدلله مش لوحدي انا لدرجة صرت معقدة وما اتكلم مع ناس بيتنا واكره الكلام معاهم ومش طايقة ولا كلمة منهم لهيك هربت وطول اليوم قاعدة بغرام
اقول سيبك منهم صاحبيني انا بهتم فيكي اكتر هههههههههه

tabark.jh ©؛°¨غرامي ذهبي¨°؛©

~
المشاركة الأساسية كتبها ~ ميساء || بنت السودان ~ اقتباس :
الحمدلله مش لوحدي انا لدرجة صرت معقدة وما اتكلم مع ناس بيتنا واكره الكلام معاهم ومش طايقة ولا كلمة منهم لهيك هربت وطول اليوم قاعدة بغرام
اقول سيبك منهم صاحبيني انا بهتم فيكي اكتر هههههههههه
ههههههههههههههههه والله ما في متلك انتي عسسسسسسسسل متلي خخخ
متلي صرت اهرب عالمنتدى او عاللاااب منهم #_#
خص خص صاحبيتي اللدودة من يوم ورايح هههه







إشراقة الصباح ©؛°¨غرامي فعال ¨°؛©

السلام عليكم .......في راي ماتاخذي الموضوع من هذي الناحية وماتتركي التفكير في هذي الافكار تاخذ جلّ وقتك لانه مع مرور الايام تصير اعتقاد راسخ وبعدين تتحول لمشاعر سلبية تجاه اهلك ...انتي واخواتك شخصياتكم تختلف في منهم الي ممكن تكون حساسة كتير ومحتاجة رعاية اكثر ..في النهاية الشخصيات مختلفة وعلي حسب كلامك والي فهمته منه انك ماتتكلمين كثير فاشلون يعرفون الي تفكرين فيه مالم تتبادلي اطراف الحديث معهم حبيبتي هذي فترة وبتمر وكل ماتكبرين وتنفتحي علي الناس اكثر وتكوني صداقات جديده حتختلف نطرتك للحياة ......

هداية. عضو موقوف من الإداره

حبيبتي تبارك...
من خلال حكيك مبين عليكي حساسة كتير....
يمكن اهلك ما بعرفو شخصيتك ومش عارفين كيف يتعاملو معك مشان هيك ما بحبو يتئلو عليكي...
لا تبعدي عن اهلك وخليكي ئريبة منهم خصوصا امك..وتأكدي ما فيه ام بتكره ضناها..
وازا حابة تحكي ويصير عندك صاحبات...اعتبريني صاحبتك....
مشالله عليكي طيوبة وبتنحبي

امير العزم عضو موقوف من الإداره

الاخت تبارك

اعتقد ان ترتيبك بين اخوتك في الوسط

وغالباً يكون الاهتمام بالاكبر والاصغر

لكن هذا لا يعني انهم لا يحبوك

انها حساسيه مفرطة عندك

تأكدي انهم يحبوك

واتركي عنك وسوسة الشيطان

افتحي قلبك وعقلك لهم

هؤلاء لحمك ودمك

مع اجمل امنياتي لك بالتوفيق

فارس المجد ©؛°¨غرامي جديد¨°؛©

الموضوع عادي جدا

اي انسان تمر عليه هذه الحالات ....

من الفراغ الذي وصل لكل البيوت وصار كل شخص يفكر ليش فلان يكرهني وليش ابوي ما يبتسم

بيني وبينك هذه تفاهات تتعبي اهلك عشانها

اشغلي نفسك وبتلاحظي ان الامور هذه كانت تافهة

ابدأي بحفظ القرآن الكريم والله بيسهل لك امورك كلها وبتنشغلي عن هذه الامور

غيري حياتك انك تعيش مع الله سبحانه

سجلي بحلقات سوي شي يرضي الله وبيرضي الله الناس عليك

اميرة الورود ^^ ©؛°¨غرامي متألق ¨°؛©

حبيبتي تبارك ....انا من خلال حكيك افهمت انو ما بتحكي كتير مع اهلك انتِ دايما بادري بالحكي معهم متلا روحي عند اختك احكيلها زهقانة بدي احكي معك وهي اكيد اذا فاضية ما رح تصدك واذا كانت مشغولة روحي عند اختك الثانية وهيك وحاولي انو انت تبادري بالحكي مع امك يعني احكيلها ماما والله نفسي احكيلك اشي وهيك وابوك نفس الاشي سلمي عليه واحكيله اكمن نكتة او اشي وهو بالمقابل رح يحكي معك يعني قصدي جاولي انو انت تبادري وفعلا ما في اهل بيكرهو بنتهم يعني عسبيل المثال انا وحيدة بين 3 اخوان وماما معلمة يعني بايام المدرسة وهيك يا دوبها متى ترجع وتطبخ وتعمل مليون شغلة وشغلة وبابا مش كل الوقت بالبيت كمان هو وراه شغله وزي ما حكيت انا وحيدة بين تلت اخوان وانا دايما ببادر يعني بحكي لاخواني التنين الي اصغر مني بدي احكيلكم اشي بدي احكيلكم شو صار معي وهم طبعا بيستمعولي وبروح عند اخوي الي اكبر مني وبقعد انكت وهيك وبروح غند ماما وبابا وبضلي انكت عندهم واحكي يعني انا الي ببادر وامراتا اذا ما انا حكيت بيحكولي احكي مالك ساكتة وانت حكيتي انو اهلك بنادوكي تا تحكي معهم وهاد زي ما حكو الي قبلي انو من وسواس الشيطان فعشان هيك كل ما تجيكي هاي الافكار تعوذي من الشيطان الرجيم وروحي عند اهلك وحاولي تحكيلهم اي اشي حتى لو نكتة بايخة حتى لو تهبلتي قدامهم عادي وهم اكيد بدورهم رح يحكو معك ويضحكولك وهيك وعشان بحبو خواتك وهيك يعني امراتا الام والاب بيميلو لحدا يعني بحبو هاد اكتر من هاد بس مش معناته انو بيكرهوكي يعني دايما الناس بتحكي انو لما تكون البنت وحيدة بين اخوانها بتكون مدلله واخواني بيحكو هيك مع انو انا بشوف العكس يعني اهلي بعاملونا كلنا نفس الاشي وامراتا اهل بابا بميلو لاخوي الكبير اكتر بس مش معناته انهم بيكرهوني بالعكس يعني انت اكيد بتلاحظي انو اذا خواتك استهزؤ فيكي قدام امك اكيد امك رح تبهدلهم او توجهلهم كلمة وحاولي تشغلي حالك باشياء بعيد عن هاي الافكار وانا مرة زمان كنت هيك احس انو ماما متلا بتحب اخوي اكتر مني وهيك هي صح يمكن بميل قلبها الو اكتر لانو بكرها وهيك وبابا كمان لانو بكره وهيك بس اذا هو اجا فيي والحق معي بوقفو معي وكلو من الشيطان وانت قد ما بتفكري بهاد الموضوع صرتي تصدقي مع انو كلو من خيالك بس زي ما حكيتلك انو انتِ بادري ... دمتي بخير ^_^

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1