اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 171
قديم(ـة) 23-04-2017, 10:21 PM
W.. W.. غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


الجزء الواحد والعشرون :

عالساعه وحده تقريباً فضى المكان وما بقى الا اعمامي واهلهم ، طلعت انا وسلطان وعلي برا المجلس وقعدنا عند المسبح نسولف ، شوي وسمعنا جدي يصرخ ويقول: خالد وسلطان! تعالوا!

سلطان بقلق: اييوه! جاك الموت يا تارك الصلاه

قمت وانا انفض ثوبي: يا ويلنا ويلاه

علي: ترى انا مالي شغل ، لا تطروني بشيء

شاته سلطان: انقلع بس ، الشرهه علينا يوم اتكلنا عليك بالتستر -لف عليّ- امش خنروح لا يعصب زياده

دخلنا لمجلس الرجال وكان جدي في صدره ، معقّد حواجبه وشاد يدّه على عكازته ، وجهه محمّر دلاله على الغضب ، قال بعصبيته المعتاده: وش هاللّي سويتوه اليوم؟

سكتنا ولا ردينا عليه ، لان لو ردينا كذا نعتبر اننا قاعدين نرادده وهذا عيب بحقه ، كمّل كلامه: وغدان انتم! تطلعون من الملكة وتهيتون بهالشوارع ومخلين ولد عمكم لحاله ، وش قلة هالادب؟ ما استحيتوا على وجيهكم ولا حشمتوا اهلكم وخذلتوا ولد عمكم بليلته -تقدم لي وحط العصا على صدري ودفني بها- وانت عمك ينادي عليك ولا ترد وشو لوه؟ لا تقول لي ما سمعتوه! انا داري انك سامعوه لكنك سفهتوه وركضت انت وهالتيس الي معك -ضرب سلطان بعصاه- شف يا خالد يوم اني اغليك واعزك هذا ما يعني اني اتنازل عن خطاياك! الي سويتوه اليوم شيء كبير ولا ينغفر بسهوله! ويعلم الله اني شايل عليك اكثر من اني شايل على سلطان

ما كان عندي رد لكلامه ، لكني جيت بعتذر ورفعت من نفسي عشان احب على راسه الا انه بعدني بعصاته بعنف ، تألمت منها والله...خصوصاً انها جت على الجهه اليسرى من صدري للمره الثانيه ، قال سلطان: العذر والسموحه منك يا جد ، لكن خالد مالوه دخل انا الي قايل لوه نطلع

تكلم جدي بعصبيه: لا تتستر عليه! انا ادري انه هو الي قايل لك ، سكت شوي ثم قال: تعذّروا من عمكم و ولده ، ولا عاد اشوف وجيهكم عند اي احد من عيالي ، دام اني بالرياض ما ابغى اقابلكم

تنهدت وانا عارف ان جدي مستحيل يرضى بسهوله من بعد الي صار ، صح ان ردّة فعله مبالغ فيها لكن وش نسوي ، العادات والتقاليد الي مثل هالشي تعودوا عليه من هم صغار والحين قاعدين ينقلونه لاحفادهم ، حبيت على راس عمي انا وسلطان واعتذرنا له وطلعنا برا الاستراحه لسيارة سلطان ، ركبت مكان السايق وسلطان جمبي ، الغبنه واضحه على وجهه ، جاني تانيب ضمير ، قلت: اسف يخوك ، لو اني داري انه بيصير كذا كان ما طلعتك معي ، بس يوم شفتك ضايق ما قدرت اتحمل وطلعتك معي

ابتسم لي ابتسامته المعهوده وقال: عوافي يا رجال ، بعدين خذها بنظره ايجابيه ، لا رمضان ولا عيد ننشغل به ، ولا شغل ولا تهزيء ، ولا مراسيل بعد

بادلته الابتسامه وانا منبسط عشانه ، قلت: دامك انطردت مثلي ، بنروح للشقه ونبات بها لين ما يرضى علينا كبيرنا

سلطان: مشينا
-
2:19 ما بعد منتصف الليل
دخلت الشقه انا وسلطان ، رميت حالي على الكنبه وانا ازفر بضيق

قال سلطان: وش بك؟

انا: ضاق صدري

سلطان: هونها وتهون ، يومين ونرجع نعتذر له مره ثاني

انا: ياخي والله ما ادري ليه كل هالزعل

سلطان: عادات وتقاليد ، شنسوي عاد

تنهدت ورحت للغرفه ابدل ، رميت الثوب والفنيله وشفت اثر ضربة جدي على صدري ، باديه تورم ، لبست بنطلون قطن وقميص خفيف ورجعت لسلطان بالصاله ، قال سلطان: الحين وش بيصير مع سعود دامك وافقت؟

انا: مو صاير الا كل خير ان شاء الله

رمقني بنظره: واضح انه ماراح يصير الا كل خير

انا: خلاص عاد سلطان ، وافقت وانتهى الموضوع
سكتت شوي ثم قلت: انت وش دراك اني وافقت ؟

سلطان: ماني بمعلمك

انا: سلطان بالله لا تستعبط ، قل

سلطان: العصفوره قالت لي

قلت بضجر: سلطان

سلطان: زي ما عرفت انك بهالشقه ، عرفت انك وافقت

سكتت شوي استوعب كلامه ثم قلت: جتك رساله يعني؟

سلطان: ايه ، بس مو نفس الرقم الاول

انا: وش كان بها ؟

سلطان: اصبر خلني اقرا لك
طلع جواله من جيبه وفتح على الرساله وبدأ يقراها: اذا خالد وافق على شغله مع سعود راح تشوف معه ملفين

انا:بس كذا؟

سلطان: ايه ، بحثت عن الرقم بالنمبر بوك ولا طلع لي شيء

ارخيت ظهري على الكنبه: والله حاله

سلطان: زين انا بقوم انام ، اذا كنت صاحي الفجر قومني معك

انا: نام على السرير الي عند الدولاب ، الي عند الشباك لي

قرب لي ومسح على راسي: تبشر

استغربت من حركته لكني ما القيت لها بال ، توجه لدورة المياه اكرمكم الله وانا رحت للغرفه ، رفعت طرّاحة السرير واخذت الملفين والاوراق وحطيتهم بالصاله ، ثم رجعت زيّنت السرير وطلعت من الغرفه ، كان سلطان توه طالع ، راح للغرفه عشان ينام وانا جلست على كنبه قدام الطاوله وصفيت الاوراق عليها وبديت اقرا عن ياسين ، من الاشياء الي كانت تجذبني بالملف حقه كثرة الاوراق والرسايل ، صح ان الصور تجذب ، لكن الكلام الي كان مكتوب غير ، اقرا لكم رساله من ورقه عجزت اوقف قرائتها..
-
الثلثاء ، سنة 1994
الى صديقي وجاري العزيز فهد العبدالله ، أُقرئك سلامي ثم اقول :
اكتب لك هذه الرساله وانا في اشد شوقي اليك ، اشتقت لأحاديثنا ولضحكنا
والى شعرك الذي لطالما اسرني ، والى توبيخك لي عند الخطأ
والى سهرنا وشكوانا ، وحتى خلافاتنا
اكتب لك هذه الرساله وانا احمل لك بشرى يا اخي ، ذهبت للمشفى انا زوجتي اليوم للكشف على حملها ، وبحمدالله اخبرتنا الطبيبه بان حملها قد ثبت ، وان موعد ولادتها سيكون قريب من ولادة زوجتك حفظها الله لك
ارأيت يا فهد ، لكثرة محبتنا لبعضنا ولشدّة رابط اخوتنا ، حتى اطفالنا سيولدون بنفس السنة وان شاء الله بنفس الشهر واليوم..
لم يبقى على عودتي للديار الكثير ، اسأعود بعد شهرين او ثلاث وان طالت فهي ست شهور
دعواتي لك وكل امنياتي لك بالتوفيق.
اخوك وصديقك الغالي على قلبك :
سعود
-
كانت من اكثر الرسايل الي شدتني ، قريتها اكثر من عشرين مره ، اسم فهد العبدالله مشككني بشيء وبنفس الوقت احس اني قاريه من زمان ، التاريخ واليوم كانوا مكتوبين على ظهر ظرف الرساله ، سنة 94 يوم الثلثاء ، لكن الاهم من هذا كله وش جاب رسالة سعود لملف ياسين؟ ما اتوقع ان هالرساله كانت موجوده بالعمد ، الاكيد انها انحطت بالملف بالغلط ، لان سعود شخص حريص على حاله ومن المستحيل انه يحط رساله مثل هذي بالملف! وغير كذا هو ما يبغاني اعرف عنه الا الاشياء الي هو يبغاها ، فكيف يحط رساله ذات معنى كبير زي هذي بملف ، ولا ملف ياسين بعد! بس من جانب آخر ممكن انه يبغى يبيّن لي شيء من هالرساله شيء يبغاني اعرفه من نفسي ، يبغاني انا الي ابحث واسال لين اعرفه ، تنهدت ورجعت قريت الرساله مره ثانيه وانا قاعد اقراها وقفت على اسم فهد العبدالله ، رفعت راسي بعد ما تنبهت للاسم وقلت بهمس : الظرف الي بالدولاب!!
قمت من مكاني بسرعه متوجه للدولاب الي حشرت فيه الظرف بين ملابسي..

نهاية الجزء الواحد والعشرون .
-
اتمنى انه يجوز لكم الجزء ويعوضكم عن الفتره الي غبت فيها لظروف حصلت لي..
اعتذر لكم اشد الاعتذار وبإذن الله انها آخر مره..
تفاعلوا واعطوني كل ما لديكم من آراء وتوقعات فهي تسعدني وتشجعني اكمل.
قراءه ممتعه ، دمتم بود 💜


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 172
قديم(ـة) 23-04-2017, 10:28 PM
W.. W.. غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


اقتباس:
المشاركة الأساسية كتبها zh maram مشاهدة المشاركة
السلام عليكم
انا جديده.. سجلت بالمنتدى عشان الروايه هذي بالذات
مدري كيف اوصفها جداً جداً جميله.. تسلم اناملك.. نستنى الجزء الجاي على احر من الجمر
تأكدي اني من أول الداعمين لك
وعليكم السلام..
يا حبيبتي 💜
اشكرك جداً على هالإطراء


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 173
قديم(ـة) 23-04-2017, 10:32 PM
W.. W.. غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


اقتباس:
المشاركة الأساسية كتبها ray~ مشاهدة المشاركة
يالله جمالها:(
تسلم ايديكك ع الكتابه الخنفشاريه اسعد وانا اقرا:(❤❤
ودي افوت اول ما تنزلي البارتات بس مافي مجال:(الامتحانات هاديتني :(😩❤
يوم اخلص بكون متابعه اول بأول ان شاءالله:)🌚❤
سلام 👋🏻🏃🏻
الله يسلمك
اسعدني كلامك والله 💜


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 174
قديم(ـة) 25-04-2017, 12:09 AM
Deva Deva غير متصل
©؛°¨غرامي جديد¨°؛©
 
الافتراضي رد: رواية خالد / بقلمي


انتظرتك من زمان كليوم احدث الصفحه
مره حابه روايتك حيل أسلوبك جميل
وخلي البارت طويل الله يخليك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 175
قديم(ـة) 25-04-2017, 08:26 PM
W.. W.. غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


اقتباس:
المشاركة الأساسية كتبها deva مشاهدة المشاركة
انتظرتك من زمان كليوم احدث الصفحه
مره حابه روايتك حيل أسلوبك جميل
وخلي البارت طويل الله يخليك
يعمري شكراً 💜
بحاول اطوله ان شاء الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 176
قديم(ـة) 24-05-2017, 12:17 PM
Ray~ Ray~ غير متصل
©؛°¨غرامي جديد¨°؛©
 
الافتراضي رد: رواية خالد / بقلمي


والله يجنن البارت تسلمي
بتكمليها صح☹💔
وربي تجنن💙💙

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 177
قديم(ـة) الأمس, 04:23 PM
لي قصه عشتها بسكات ~ لي قصه عشتها بسكات ~ غير متصل
©؛°¨غرامي مجتهد¨°؛©
 
11302798240 رد: رواية خالد / بقلمي


روايه جميله بي معنى الكلمه على اني توني

قارئ روايه بس حلوه مره

الرد باقتباس
إضافة رد
الإشارات المرجعية

رواية خالد / بقلمي

الوسوم
بقلمي , دامي , رواية , كامله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية بوليسية سلسلة بلوتو - بقلمي بلوتو، روايات - طويلة 186 11-04-2017 08:03 PM
رواية ، ليتني اطلتُ قُبلتنا وضممّتِك اكثر إلى صَدري / بقلمي اوه ميلي روايات - طويلة 13 16-02-2017 09:47 PM
رواية أنت الدفا ببرد الشتاء / بقلمي. عنوود الصيد روايات - طويلة 14 10-08-2016 12:52 AM
رواية خطيئتك ستكون معك وحدك / بقلمي رَوان وكفى! روايات - طويلة 43 29-07-2016 06:52 PM
رواية غدر الحب بقلمي omnia reda Omnia reda روايات - طويلة 3 21-12-2015 07:15 AM

الساعة الآن +3: 06:48 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1