اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 17-08-2016, 08:35 AM
صورة W.. الرمزية
W.. W.. غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


اقتباس:
المشاركة الأساسية كتبها وردةشقى مشاهدة المشاركة
منو هالي طلع فجأه ؟!
و شعلاقته في العنود ؟!
يمكن أبو صديقتها أو شخص قريب لهم ..


الروايه حلوه بخط احداثها
شعور حلو الاخ يتكلم عن اخته و مدى
علاقته فيها و حبه لها
بس ما حبيت مشهد التصادم مع نوره
هالفكره وايد مستهلكه ياليت ماتكون مثل المعتاد
و المكرر يتصادمون عقب يحبون بعض عقب يتزوجون
اتمنى تستمرين على منوال الفكره الي بديتي فيها
شي يديد و مختلف :)
من ذوقك ��
مشهد التصادم مع نوره كان مجرد حدث لا يقدم ولا يأخر ولا راح يكون كالمعتاد بالروايات ، اما من ناحية الحب فراح يتبين ان كان بينهم شيء ولا مثله بالأجزاء الجايه والروايه مهي معتمده على الحب كثر ما هي معتمده على الإثاره والغموض ، والحمدلله الروايه مستمره على هذا المنوال وما بتتغير بإذن الله..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 17-08-2016, 08:36 AM
صورة W.. الرمزية
W.. W.. غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


اقتباس:
المشاركة الأساسية كتبها ملكَ.! مشاهدة المشاركة
يعطيكِ العافيهّ
الله يعافيك 💜

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 17-08-2016, 08:41 AM
صورة W.. الرمزية
W.. W.. غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


اقتباس:
المشاركة الأساسية كتبها زهرة الوطن مشاهدة المشاركة
روعة يعطيك العافية استمري نبغا بارت باسرع وقت
الله يعافيك 💜
واضح الحماس من ردك ، شوي وانزل الجزء الخامس

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 17-08-2016, 09:11 AM
صورة W.. الرمزية
W.. W.. غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


الجزء الخامس :

"يا خُذلاني من هذه الدنيا و إنصهار الوجع في قلبي ، يا وجَع الأنا في صدري يا تكاثرُ الآه في محجر عيني"

بعد ما ابتسم نزل بجسمه لي وقال: ياكثر اسألتك ، ما توقعت انك ملقوف كذا

رجعت على ورا وانا خايف منه ، مع انه انسان عادي بس انه طلع فجأه بالمقبره وبالليل هذا الي ارعبني ، قلت بخوف: انت جن ولا انس ؟

ضحك بخفه: لا يبوك انس مثلك

تطمنت شوي وقلت: وشلون تعرفني ؟ وليه قلت اني ما انلام ؟ ومن انت ؟

استعدل بجسمه وصار جالس نص وركبه قدامي وقال: شلون اعرفك هذي مو لازم تعرفها ، ومن انا بقول لك بعدين ، اما انك ما
تنلام لان بيتكم ما احترق من حاله

قلت باستغراب: يعني حريق مُفتعل ؟

اومأ براسه: اي نعم

كنت منصدم شوي وما حسيت ان كلامه دخل عقلي ، كذبته وقلت: انت تكذب لان سلطان قال لي ان الحرق سببه اسطوانة الغاز

ابتسم: لو انها اسطوانة غاز كان انحرق الدور الي تحت ، وما وصلت النار لفوق لعند اختك والغرفه مقفله وعلى حسب علمي ان اسطوانة الغاز ما كانت داخل البيت وبعيده كل البعد عن غرفتها

بديت انجذب معه بالحديث: كيف يعني ؟

الرجل: غرفة اختك المرحومه كانت مقفله ، والي وصل لي انك كسرت الباب لما جيت بتطلعها ، كيف تدخل النار للغرفه بدون ما الباب ينحرق ؟

قلت مجاوب على سؤاله: تدخل من الشباك ، سكتت شوي ثم قلت: يعني النار الي كانت بغرفتها مو من اسطوانة الغاز ؟

الرجل: ايه ، وصح عليك انها من الشباك لاننا لقينا كسر بالزجاج حقه ، وبالغرفه كان فيه حجر ومنلف عليه قطعة قماش منحرقه ، الي استنتجناه ان الحجر كان منلف عليه قطعة قماش مولعه بغاز وانرمى على الشباك وجاء على الستاره ، من الستاره للأرض للسرير وللغرفه كلها ، عشان كذا لما انت حاولت تفتح الباب النار كانت مكتومه وقبت بوجهك

ظليت اطالعه وانا مفهّي ما استوعبت الي قاله ، يعني اختي انقتلت ؟ من الي قتلها طيب ؟ وليه يقتلها من الاساس! ، اسأله كثيره كانت تدور براسي ، قطع علي افكاري لما ربّت على كتفي: لا تشغل بالك ، بتعرف كل شيء قريب ان شاء الله ، اخليك الحين
قام من عندي وانا لا زلت مو مستوعب ، كيف يصير كذا ؟ كانت صدمه قويه بالنسبه لي ، لاني قادر استوعب كلامه ولاني قادر استوعب ان الرجل هذا حقيقه ، قعدت شوي وحسيت ان نفسي بدأ يضيق وقلبي اوجعني ، حسيت ان ضلوعي قاعده تسكر عليه وجاني الم براسي مدري هو من الحرق ولا من الضربه الي جته ، قمت على حيلي بصعوبه وجيت بطلع ، ما امداني اتوازن الا وانا طايح على التراب وصوت سلطان من وراي خايف: خالد !!
-
فتحت عيني اليسار وانا احس بوجع بكل جسمي ، احسني متكسر ومافيني حيل اسوي شيء ، رجعت غمضتها وفتحتها مره ثانيه ، طالعت حولي وعرفت اني بالمستشفى ، جيت بقوم اعدل جلستي ولا احس بوخز خفيف بيدي اليمين ، لفيت عليها وشفت المغذي ، رفعت راسي وشفت سلطان مرخي جسمه على الكنبه الي جمب السرير ونايم .
-
نرجع لقبل ساعه ، بعد ما طحت ركض لي سلطان وبدا يضرب على خدي: خالد بسم الله عليك وشفيك ، يالله مني انا ليه جبتك هنا والله اني داري انه بيصير لك كذا
رفعني ومن بعدها شالني وحطني على كتفه ، مشى فيني بكل سهوله للسياره وسدحني بالمقعد الي ورى ، كان عارف انه مغمى علي ، لان من طلعت المستشفى ما طب حلقي لا شرب ولا اكل ، مع ان خالتي كانت تعطيني هي وامي ويلزمون علي الا اني ما كنت اشتهي واردهم ، بالسياره كنت شبه واعي وسمعت سلطان يقول: طول عمره حمار ، تقول له خالتي كل عشاني يقول -قلد صوتي وحرك يدينه بتريقه- ما اشتهي يمه ، حمه تحمك ان شاء الله -استوعب وش قال- لا ياربي استغفرالله تقل ناقصه هو ، لف عليّ وشافني اتحرك على خفيف وسمع انيني ، كنت اتألم بس مدري من وش ، سمعته يقول بألم: الله يصلح حالك يخوي ، تأذي نفسك بنفسك ، لا انت الي راضي تساعد حالك ولا انت الي راضي نساعدك ، نزل من السياره وجاء معه ممرضتين وسرير ، حسيت فيه لما حطني بالسرير وهم يدفوني .
-
رجعت ارخيت نفسي على السرير وانا اتذكر الرجال الي جاني بالمقبره ، قلت لنفسي يمكنّه خيال وهواجيس ، ويمكنّه صدق جاني ، قعدت افكر فيه كثير وبديت اتذكر كل كلامه معي ، اتعبني التفكير وغمضت عيني برجع انام ، شكل الغيبوبه لسى مأثره فيني .
-
"الجايّ مش أد الّي راح ؟ ، ولا الّي جايّ اكتر؟ ، الشاش على أد الجراح ؟ ، ولا الجراح أكبر ؟"

اليوم الثاني ، الساعه 9:45 ص

قمت وانا منزعج من ضوّ الشمس الي داخل من الستاره ، تمددت شوي ورجعت ارخيت جسمي ، لفيت على اليمين بشوف سلطان ولا القى وجه الرجال الي شفته بالمقبره قدامي ، تعرفون شعور لما تلف وفجأه يطلع شيء قدامك ؟ عاد هو كان يطالعني ويبتسم ، نقزت على ورا من الخرعه: بسم الله الرحمن الرحيم

رجع على الكرسي وضحك: زود انك ملقوف طلعت خواف

عدّلت جلستي وانا لسى منخرع ومتنرفز منه: ماني خواف ، بس شيء طبيعي لو بصحى وبلقى وجه قدامي بنخرع

الرجل: ما عليه ، آخر مره اعملها

انا: شكراً ، استوعبت شوي انه حقيقه ولفيت عليه بصدمه

ما استغرب مني وقال: شكلك لسى مو مقتنع باني انس

انا: العذر منك يا عم ، لكن والله طلعتك لي بالمقبره بهالليل وشوفتك من اول ما صحيت مشككتني

ضحك وقال: يبوك لا تشك ولا شيء هذاني انس مثلك وجايك اليوم عشان اعرفك على حالي

استانست شوي وقلت يمكن كلامه يشبع فضولي: اسمعك

الرجل: انا سعود بن آل... ، لوى سابق بس اعفوني من الخدمه ، لكن لين الحين يستعينون فيني ببعض القضايا ، قالوا لي عن بيتكم وكيف انه حريق مفتعل ومسكت قضيته ، ولقيت الي عمله

تربعت وقلت: بالله عليك لقيته !

اومأ براسه: ايه ولله الحمد

قلت وانا فيني رغبة اني اعرف الي قتل اختي وسبب لي هالتشوه الي بوجهي و وش هي غايته من كل هذا: من هو ؟ تكفى قل

سعود: خلك منه الحين واسمع كلامي ، قضية بيتكم طولت فيها واستبعدوني منها ، وما عاد لي اي احقيّه اني اتدخل فيها او اسوي بها شيء ، لذلك يا خالد بعقد معك اتفاق ، يرضيني ويرضيك

استغربت شوي وقلت: اتفاق وش يا عم ؟ يعني اعذرني لين الحين ما استوعبت كل الي قلته لي من امس لحد اليوم ولاني مصدق حكيك عن حريق بيتنا ولسى ما عندي ثقه فيك

سعود: بتستوعب ان شاء الله ، انا بقول لك اياه وبطلع وبعطيك مدة شهر تفكر فيها اذا بتوافق او لا

تنهدت وانا ابغى اشوف وش تاليها معه: اسمعك

سعود: تشتغل معي لمدة سنه وثمان شهور ، وبس تخلص هالمده اسلمك الي حرق بيتكم

انا: ليه تسلمه لي ؟ وش اسوي فيه اصلاً ؟

سعود: لك الحريّه تسلمه للقانون او انك تنتقم بطريقتك

سكتت شوي وبديت افكر بالقضيه بعقل وقلت: بس طول هالسنه وثمان شهور ، التحقيق ما بيعرفون من الي حرق ؟

سعود: القضيه تقفلت لعدم وجود ادله كافيه ، وقالوا لأهلك انها بسبب اسطوانة غاز

انا: طيب ممكن يفتحونها مره ثانيه

سعود: انسى انا تنفتح من جديد

قلت باستغراب: وليه ؟

سعود: من غير ليه ، وياليت تبطل كثرة اسأله

انا: طيب وش المطلوب مني لا اشتغلت معك ، وش بسوي وكيف طبيعة الشغل بتكون ، وتراني لين الحين ما اعرفك ولا ادري ان كانك صادق بحكيك او لا ، بعدين يمكن يفتحونها من جديد ويعرفون من الي سواه

سعود: توني قايل لك بطل كثرة اسأله

انحرجت وحطيت يدي ورا رقبتي: وش اسوي يا عم ، كلامك كله يبي له اجوبه وانا ما بعرفهم الا لو سألت

استعدل بجلسته وباين على نبرته الجديه: بتكون جاسوس ، تخدم بلدك واهلك

تنحت فيه شوي ، وش هالشغله هذي: جاسوس ؟! جاسوس لمين ؟

سعود: ايه ، بتتجس على كم واحد من اخطر المجرمين بالدوله ، راح تدخل بينهم وتوهمهم انك منهم وكل فتره بتغير مكانك معهم راح تعرض حياتك للخطر ، لو وافقت بندربك على هالشغله وبتتعلم اساليب التخفي وكيف انك بتكون جاسوس ناجح ، الشغله هذي بتأذيك لكن منفعتها لك وللدوله كبيره ، وحرق وجهك من صالحنا بحيث ان ملامحك مالها وجود ومحد بيتعرف عليك وبيني وبينك ما عندك شيء تخسره عشان ما توافق

تضايقت شوي من قال -ملامحك مالها وجود ومحد بيتعرف عليك- حسيت بألم من قالها ، ما عرفت وش ارد عليه ، وبديت افكر ، شخص قابلته بالمقبره يعرف عني كل شيء ويقول انه لوى واعفوه من الخدمه ، هذا معناته ان به بلى ولا ليه بيعفونه ؟ وبعدين يستعينون فيه بقضايا ، ويقول ان اختي انقتلت والقاتل معه وبيسلمني اياه لو اشتغلت معه لمدة سنه وثمان شهور ، بيدربني ويستغل حرق وجهي ، صدّع راسي وانا مابين مصدقه ومابين مكذبه ، رفعت راسي له: معليش يا عم بس كلامك ما يدخل العقل ، حتى اني ما اعرفك ولا ادري اذا انت صدق كنت لوى او لا ، ابغاك تثبت لي ان كلامك صحيح

سعود: عطيتك اسمي من شوي ، رح لأي مركز واسأل عن هالأسم ويقولون لك من انا وبيثبت لك كل شيء ، عموماً انا معطيك مده طويله تفكر فيها خذ راحتك وقرر الي تبي ، لكن اذا ما وافقت! اعرف ان قاتل اختك ومسبب الحرق الي بوجهك بيظل يسرح ويمرح بهالدنيا وانا ماني مسلمه لأي احد غيرك لانك انت الأحق فيه ، اتمنى الكلام هذا يكون بيني وبينك ولا احد يدري عنه ، انا ماشي وبرجع لك بعد شهر واسمع جوابك ، مع السلامه

طلع وتركني في حيرتي ، ما ادري اصدق ولا اكذب ، كلامه شوي منطقي بس ما ادري احس انه يكذب وما ارتحت له ، قعدت افكر شوي وقطع علي سلطان لما دخل وهو مستغرب: خالد ، من هذا الي كان عندك ؟

طالعت فيه: مين الي كان عندي ؟

قرب وجلس على الكرسي: هذا الشايب ، شفته طلع من عندك

استوعبت وش قال سلطان ، يعني ذا الرجال حقيقه وماهو جن ولا تخيلات من راسي ، وكلامه اني اشتغل معه صدق! يالله انا بحلم ولا بعلم ؟ يارب ثبت لي عقلي

سلطان: خالد وش فيك ؟ اسألك من هذا

كنت بقول لسلطان لكن تذكرت انه قال لي ما اقول لأحد: اي ايه دخل علي بالغلط

سلطان وكأنه ما صدقني: بالله ؟

ابتسمت له ابتسامه هبله: اي

طالعني بطرف عينه: مع اني ادري انك تكذب بس مصيرك بتقول لي ، شفني جبت لك خفايف بتاكلهم وبعدين بوصلك لبيت اهلك ، امس كلمني ابوي وقال انهم خلصوا منه ، لا تقول ما ابي ارجع وابغى اقعد لحالي! بترجع تسكن مع اهلك وانت ما تشوف الطريق ، رمضان ما بقى عليه الا كم يوم وانت عارف العيله كلها بتجي من حايل وعلى راسهم جدي وجدتي وغير يقعدون ببيت امك ، صعبه انك تروح وتخلي اهلك لحالهم واخوانك صغار مو قد المسؤوليه ، مقدر حالتك يخوي لكن لازم تقعد مع اهلك

سكتت ، كلام سلطان صح قلت: بس ما ودي اقعد يا سلطان ، والحين كل العيله بتجي وما بسلم من نظرات الشفقه لي ، هذا غير العزايم الي بيجون فيها رجال قبيلتنا ، صعبه علي اني اطلع لهم وانا بهالشكل وانت عارف وش بيصير ، يعني لا انا الي قادر اقعد معهم ولا انا الي قادر اقعد لحالي كل واحد العن من الثاني

بحزن على حالي تكلم: بيسهلها الله ، حاول انك ما تقعد معهم كثير والعزايم انا بتعذر لك اهم شيء انك تقعد مع اهلك والباقي طنشهم ، صدقني بيعذرونك

انا: الله كريم ، قلت محاول اتناسى ذا السالفه ، وش جبت لي ؟ والله اني جوعان

قال لي برفعة حاجب: لا ؟ زين انك جعت ، خالتي طول امس تتشحذك تاكل وتقول انك ما تشتهي

مديت يدي: هذا امس مو اليوم ، عطني يالله

مد لي الكيس وكان به عصيرات طبيعيه وكبده وفلافل يعني فطور بمعنى اصح ، بديت آكل وشاركني سلطان بعد ما خلصنا لميت الأكياس وطلعت مع سلطان من المستشفى متوجه لبيتنا الجديد وانا افكر بكلام سعود وبرمضان و وش بيصير بالأيام الجايه .

نهاية الجزء الخامس

توقعاتكم وآرائكم تسعدني اتمنى تتفاعلون 💜


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 18-08-2016, 08:26 AM
صورة زهرة الوطن الرمزية
زهرة الوطن زهرة الوطن غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


رائع استمري بانتضارك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 18-08-2016, 01:59 PM
صورة ملكَ.! الرمزية
ملكَ.! ملكَ.! غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


مرحبا ..

توقعي أنه خالد بِيقبل يشتغل مع العم سعود ..!
بس لمِا يتشبع من الأجوبه مو شرط من سعِود , يعني بِحقق لحالو لحد ما يقتنع , بِعدها بِتدخل قصص وأحداث وشخصيات جديده .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 22-08-2016, 12:47 AM
صورة Ms.marioom الرمزية
Ms.marioom Ms.marioom غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


السلام عليكم ورحمه الله وبركاتهه
شلونج ججميلتي ؟؟
روااايه جميييله بمعنى الكلمهه !
حبيييتت الفكره واااايدد
الصراحهه واااايد حزنتت على خالد حرامم :(
شعور صعب انك تفقد شخص قريييب منك :(
وخاصةة اختك :(
الله يحفظ اختي وخوات المسلمييين يارب :(
الممهم
بالنسبهه لتوقعااتي :)
أتوقع ان سعوود جني بس ع شكل انسانن :)
مادري واللهه هذا اللي جا فبالي ههههه
واكييد بتصيير أشياء بينن خالد ونوره اخت سلطاانن
اماا بالنسبه لشغل خالد مع سعووود ؟!
الصراحهه ما ابغاه يشتغل معااه
مادري احس اني مو مرتاحهه :(
بس هو ميه بالميه بيشتغل معاااه :(
وممكن تقولين لي الوقت اللي تنزلين فيه البارت او الجزء ؟
ع العمووم اعتبريني متابعهه لروايتج الججميلهه !!"
..

Ms.marioom


آخر من قام بالتعديل Ms.marioom; بتاريخ 22-08-2016 الساعة 01:35 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 22-08-2016, 01:50 AM
صورة W.. الرمزية
W.. W.. غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


اقتباس:
المشاركة الأساسية كتبها ms.marioom مشاهدة المشاركة
السلام عليكم ورحمه الله وبركاتهه
شلونج ججميلتي ؟؟
روااايه جميييله بمعنى الكلمهه !
حبيييتت الفكره واااايدد
الصراحهه واااايد حزنتت على خالد حرامم :(
شعور صعب انك تفقد شخص قريييب منك :(
وخاصةة اختك :(
الله يحفظ اختي وخوات المسلمييين يارب :(
الممهم
بالنسبهه لتوقعااتي :)
أتوقع ان سعوود جني بس ع شكل انسانن :)
مادري واللهه هذا اللي جا فبالي ههههه
واكييد بتصيير أشياء بينن خالد ونوره اخت سلطاانن
اماا بالنسبه لشغل خالد مع سعووود ؟!
الصراحهه ما ابغاه يشتغل معااه
مادري احس اني مو مرتاحهه :(
بس هو ميه بالميه بيشتغل معاااه :(
ع العمووم اعتبريني متابعهه لروايتج الججميلهه !!"
..

Ms.marioom

وعليكم السلام ورحمة الله وبركاته
بخير ولله الحمد..
يا عمري من ذوقك 💜
اللهم آمين
مُرحّب بك 💜

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 22-08-2016, 04:09 AM
صورة W.. الرمزية
W.. W.. غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


اقتباس:
المشاركة الأساسية كتبها ms.marioom مشاهدة المشاركة
وممكن تقولين لي الوقت اللي تنزلين فيه البارت او الجزء ؟

ms.marioom
انزل الجزء على حسب التفاعل الي يجيني
لأن الى الآن ما حددت وقت معيّن بسبب قلة المتابعين والتفاعل..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 22-08-2016, 03:07 PM
صورة Ms.marioom الرمزية
Ms.marioom Ms.marioom غير متصل
©؛°¨غرامي مشارك¨°؛©
 
الافتراضي رد: رواية خالد / بقلمي


اقتباس:
المشاركة الأساسية كتبها w.. مشاهدة المشاركة
وعليكم السلام ورحمة الله وبركاته
بخير ولله الحمد..
يا عمري من ذوقك 💜
اللهم آمين
مُرحّب بك 💜
دوم ان شاء الله
اميننن

الرد باقتباس
إضافة رد
الإشارات المرجعية

رواية خالد / بقلمي

الوسوم
بقلمي , دامي , رواية , كامله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية بوليسية سلسلة بلوتو - بقلمي بلوتو، روايات - طويلة 186 11-04-2017 08:03 PM
رواية ، ليتني اطلتُ قُبلتنا وضممّتِك اكثر إلى صَدري / بقلمي اوه ميلي روايات - طويلة 13 16-02-2017 09:47 PM
رواية أنت الدفا ببرد الشتاء / بقلمي. عنوود الصيد روايات - طويلة 14 10-08-2016 12:52 AM
رواية خطيئتك ستكون معك وحدك / بقلمي رَوان وكفى! روايات - طويلة 43 29-07-2016 06:52 PM
رواية غدر الحب بقلمي omnia reda Omnia reda روايات - طويلة 3 21-12-2015 07:15 AM

الساعة الآن +3: 09:52 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1