اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 09-09-2016, 06:47 PM
صورة بـنـت الـسـلـطـنـةة الرمزية
بـنـت الـسـلـطـنـةة بـنـت الـسـلـطـنـةة غير متصل
©؛°¨غرامي مشارك¨°؛©
 
الافتراضي رد: رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي


بآرت حمآسي استمري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 09-09-2016, 07:02 PM
لصمتى حكايه & لصمتى حكايه & غير متصل
©؛°¨غرامي مشارك¨°؛©
 
الافتراضي رد: رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي


رااااائع




بتوفيق ^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 10-09-2016, 02:07 PM
صورة Roond الرمزية
Roond Roond غير متصل
©؛°¨غرامي مشارك¨°؛©
 
الافتراضي رد: رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي


اقتباس:
المشاركة الأساسية كتبها jooorre مشاهدة المشاركة
______

وش سالفة الصور ؟
اعتقد ان هاذي خطه من مرام
وعبدالرحمن اتفق معاها عشان حب ينتقم لااسيل من ريم يوم شافها مع راشد

ريم ليش كانت تبكي هل جد حبت عبد الرحمن ؟
اممم ااعتقد

الوليد و ساره ؟ راح يكون احداث بينهم وساره راح تعرف قصه زوجته الاولى

راكان ابو ريم ما تعاطفتو معه ؟
بجد رحمني وريم راح تسامحه وتتعاطف معه

ليش رنا رافضه بدر ؟ اعتقد ان رنا معاها سر كبير هو سبب تغيرها ورفضها لبدر

مشكووره ع البارت يعطيكي العافيه ^_^
صح توقعاتي قليله بس في البارت الجاي راح يكون اكثر
استمري ياقلبي بتوفيق..........


الله يسعدك ^_^
اسعدني ردك الجمميل 💕
و توقعاتك كثير منها صح
شكرآ على متابعتك🌹


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 10-09-2016, 02:11 PM
صورة Roond الرمزية
Roond Roond غير متصل
©؛°¨غرامي مشارك¨°؛©
 
الافتراضي رد: رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي


اقتباس:
المشاركة الأساسية كتبها بـنـت الـسـلـطـنـةة مشاهدة المشاركة
بآرت حمآسي استمري
اشكرك على حضورك و تشجيعك 🌹
نورتي


اقتباس:
المشاركة الأساسية كتبها لصمتى حكايه & مشاهدة المشاركة
رااااائع




بتوفيق ^_^
اشكرك على حضورك و متابعتك 🌹
نورتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 16-09-2016, 05:39 PM
صورة عشيقة ابوها الرمزية
عشيقة ابوها عشيقة ابوها غير متصل
©؛°¨غرامي مشارك¨°؛©
 
الافتراضي رد: رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي


وش سالفة الصور ؟ خطة من مرام

و وش بيصير بين ريم و عبد الرحمن ؟ حيتهوشو لين مايعرفو الحقيقة

ريم ليش كانت تبكي هل جد حبت عبد الرحمن ؟ اتوفع ايه

الوليد و ساره ؟ في البداية يكرها بعدين يعرف انها مهي زي زوجته الاولى ويحبها وهي تعرف عن سالفة زوجه الاول

راكان ابو ريم ما تعاطفتو معه ؟ الا وبعدين راح تسامحة

و ليش رنا رافضه بدر ؟ في سالفة كبيرة ورها بس ايش هيا ما اعرف
وانتظر البارت الجاي بفارغ الصبر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 18-09-2016, 09:03 PM
صورة Roond الرمزية
Roond Roond غير متصل
©؛°¨غرامي مشارك¨°؛©
 
الافتراضي رد: رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي


اقتباس:
المشاركة الأساسية كتبها عشيقة ابوها مشاهدة المشاركة
وش سالفة الصور ؟ خطة من مرام

و وش بيصير بين ريم و عبد الرحمن ؟ حيتهوشو لين مايعرفو الحقيقة

ريم ليش كانت تبكي هل جد حبت عبد الرحمن ؟ اتوفع ايه

الوليد و ساره ؟ في البداية يكرها بعدين يعرف انها مهي زي زوجته الاولى ويحبها وهي تعرف عن سالفة زوجه الاول

راكان ابو ريم ما تعاطفتو معه ؟ الا وبعدين راح تسامحة

و ليش رنا رافضه بدر ؟ في سالفة كبيرة ورها بس ايش هيا ما اعرف
وانتظر البارت الجاي بفارغ الصبر
اشكرك على ردك و توقعاتك الجميله 💗
بنتأكد من صحّة توقعآتك ان شاء الله بالبارتات الجايه
تشرفني متابعتك 🌹


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 20-09-2016, 04:42 PM
صورة Roond الرمزية
Roond Roond غير متصل
©؛°¨غرامي مشارك¨°؛©
 
الافتراضي رد: رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي


البارت الثامن :

... مدخل ...

ابيگ حلم :
مَ يستوعبہ / تفسير :
و ابي اعيشک . .
واقع صعّب لَ غيري ،
يطولہ 💜💜 !

_________________________________

مساء يوم جديد
الساعه 4:00 تحديدآ

_________________________________

توها تصحى من النوم بعد ما سهرت امس و هي تكلم مليون واحد .. هي اذا فرحت كذا تعبر عن سعادتها .. تكلم شباب .. واحد ورى الثاني واحد ورى الثاني الى ان تتعب و تنام

ضحكت بصوت عالي و هي تتذكر امس

...

دخلت عليه بدون عبايه .. تفاجئ منها و من وقاحتها .. جايته تمشي بدلع و غنج .. لابسه فستان ضيق لنص الفخذ و ظهرها كله طالع .. و قفت قدامه تمثل الحزن .. و عيونها مليانه دموع تماسيح : ليش يعني ما تدري اني احبك ؟

عبد الرحمن : اقول انقلي ترى قسم مو رايق لك

مرام : عبد الرحمن انت لي .. لي انا و بس .. و بدموع كذب : مو حرام عليك !! عبد الرحمن انا ما عمري حبيت احد كثر ما حبيتك

و رمت نفسها فجأه بحضنه .. تبوس شفايفه بقوه .. عبد الرحمن حامت كبده .. بعدها عنه بقرف .. و عطاها ككـفف قووي

عبد الرحمن و هو يتفل بقرف : حبك برص يا الحشره .. تخسين انتي و عشره امثالك تلمسيني .. و لا اشوفك مره ثانيه قدامي .. سامعه !!

...

صحت من ذكرها و هي تبوس صورته على شفايفه .. ابتسمت و هي تقول بنفسها "ما اكون مرام اذا ما خليتك تحبني مثل ما احبك"

_________________________________

شوق : توني داقه عالبنات .. بنروح المول ان شاء الله

رغد : امس شفايفينهم

شوق : طيب عادي اهم شي نفلها

رغد : اوك نفلها ما قلنا شي .. بس كل يوم !! خل نشتاق لبعض

شوق : اقول طيري بس اذا ما تبيك كيفك

رغد ابتسمت فجأه

شوق : وش اللي يضحك مريضه انتي ؟ من اليوم و انتي بس تتبسمين و تضحكين فجأه تقل جنيه .. و هي تغمز لها : لا يكووون ؟

رغد : هههههههه وش اللي لا يكون .. قصدك اني احب !! ممكن

شوق فتحت عيونها : لا لا رغد ترى ما امزح .. انتي تحبين ؟

رغد : ههههههه مين بحب يعني !! خبله

شوق : والله مدري مين الخبله

_________________________________

نزلت تحت بعدما نادتها الخدامه و قالت لها انو فيه احد جاي .. راحت ركض اشتاقت لامها .. على انها امس شايفتها .. نزلت و انصدمت من اللي كان واقف قدامها

عبد الرحمن : ريم انا ادري ليش طلعتي امس و تركتيني .. و ادري انك زعلانه الحين .. و ادري ليه بعد

ريم : طيب كويس .. ما تقولي ليش جاي حضرتك !!

عبد الرحمن : ريم لا تصدقين الصور .. والله ما بيني و بين مرام شي .. هي اللي جتني صدقيني .. و دايم تجيني و اصدها

ريم انصدمت "يعني هو جد يعرف السالفه .. طيب شدراه ؟"

عبد الرحمن عطاها جوالها : امس اخذته من يدك و انتي ما حسيتي .. طلعتي بسرعه

ريم للحين مو مصدقه : كيف تبيني اصدقك و اكذب عيوني !!

عبد الرحمن : والله العظيم يا ريم ما اكذب .. الحين اخليك تصدقين .. و طلّع جواله يوريها محادثاته هو مرام .. كل شوي جايته برقم جديد .. و هو يصدها

ريم بدت تقتنع و تصدق بنفس الوقت منقهره من مرام و تصرفاتها و نشبتها لعبد الرحمن

عبد الرحمن بهدوء : رييييم .. مو مصدقتني ؟

ريم رفعت راسها له .. و تعلقت عيونهم ببعض .. و كالعاده كان مأخوذ بسحر عيونها الزرقا .. لحظات صمت .. مشاعر متضربه .. تحركت اوتار قلب ريم بقوه .. و بدا قلبها يعزف اغنيه جديده تحمل احساس غريب بدا يولد للتو

ريم : عبد الرحمن

عبد الرحمن : لبيــه

ريم : اوعدني تكون لي وحدي !.

عبد الرحمن ببتسامه : وعد

ريم تبادله الابتسامه : تسمح لي اقولك شي

عبد الرحمن : اكييد ! تفضلي

ريم :

حبيبي سيطر احساسك على كامل كياني
معاني تشرح أحساس القصايد والأغاني

‏أبيني لك غرامك فرحك وهمك
ابي اسري في شرايينك بدل دمك
ابيني لك يرحم لي ابوك و أمك


عبد الرحمن كان خااق و متخرفن ع الاخر .. و ببتسامه : ي لبى اروح فدا للصوت و صاحبته

ريم قلبها يخفق بقوه .. احساس غريب .. بس برضو تحس بسععاادهه .. تحس انها طايره فوق السحاب

ريم ببتسامه و بعيونها لمعه غريبه : لبى قلبك فديتك

عبد الرحمن مسكها بخصرها و سحبها له .. ريم قلبها يدق و يدق .. نزلت راسها بخجل .. مسك دقنها باطراف اصابعه و رفع وجهها له .. تعلقت عيونهم ببعض من جديد .. مشاعر ملتهبه لا توصفها احرف او كلمات .. مجرد عيون تتكلم

ما حست الا بدفا شفايفه تحضن شفايفها

_________________________________

ببيت ابو ريان

بشاير توها طالعه من الحمام (أُكرمَ القآرِئ) و معها كلبها روكس توها مروشته .. و تنشفه بنشفه

الهنوف بقرف : ابعدي كلبك عني

بشاير ببتسامه : ابشري .. روكس "و همست بأذنه"

جا روكس للهنوف يركض و ينبح عليها بقوه .. الهنوف تصارخ : أاااااااااااااء ابعد عني .. بشايروه ي الخيوانه وخريه

بشاير و ريان و العنود : ههههههههه

بشاير : خلاص روكس تعال .. بس روكس باقي ينبح

بشاير : يااههوووه ولد تعال .. و جاها يركض و يلحسها

الهنوف شوي و تبكي : مالت عليك و على كلبك .. و راحت

العنود : هههههه والله مدري شجوك ي بشاير تربين كلب

ريان : خليها تربي كلب عادي حتى انا ابي كلب .. بس خل تغير اسمه ييعع وش هالاسم

بشاير و هي رافعه حاجب : كلبي و لا كلبك

ريان : طيب مين اللي اهتم فيه و انتي مسافره !!

(العنود و ريان ما يخافون منه .. بس ريان يحبه و متعلق فيه)

العنود : الا اقول ريان .. شرايك نروح نلعب كرة سله !!

ريان : انقلعي ماني بفاضي لك

العنود بغرور : هههه مو فاضي لي ولا ما تبي تخسر

ريان و هو يأشر بأصبعه : ماني موديكم المول .. و طلع

العنود تلحق وراه و تكلمه بدلع : لحظه لحظه ريوني مو قصدي تعال .. و راحت تتمصلح معاه

_________________________________

بـالـمول

جو البنات
العنود و بشاير و ساره و البندري و خلود و هديل

خلود : يووهه بنات ليش كذا ناقصين وين الباقي !.

بشاير : ريموه ادق عليها ما ترد جوالها مغلق

العنود : و الهنوف زعلانه خخخ

البندري : هههه دلوعه .. و رغييد تقول امس شايفتكم و شوق خوانها عيو يجيبونها

هديل : و مين بعد ؟

ساره : اسيل و رنا كالعاده .. حتى لو قلنا لهم ما يجون

بشاير : المهم ما علينا .. وين تبون نروح ؟

العنود : خنروح ستار بكس

_________________________________

الساعه 9:00 مساءً

بفندق ***

ستيفن : لازم نرجع لندن عندي شغل .. اجازتي خلصت

اوليفيا ضاق صدرها : مراح ارجع الا لما تتزوج ريم

ستيفن : ما يصلح ضروري نرجع .. الشركه الحين بوضع حرج و انا لازم اكون موجود

اوليفيا : طيب خذ لوسيان و ارجعو .. انا مراح ارجع

ستيفن : من جدك !! مستحييل اخليك انهبلتي !!

اوليفيا : عادي شفيها انا كبيره و مسؤوله عن نفسي

ستيفن : طيب و كيف يعني تجلسين بالفندق لحالك !!

اوليفيا : لا طبعا .. عادي اجلس عند ريم

ستيفن بعصبيه : و راكان !! مجنون انا اخليك مع رجال لحالكم

اوليفيا : مو لحالنا ريم معنا هذا شي .. الشي الثاني انو انت عارف اخلاقي .. ولا مو واثق فيني ؟

ستيفين لازال معصب لكن هدا شوي .. تنهد : افكر

_________________________________

عند البنات

اكلوا و شبعوا و فرّو المحلات و شرو المول كله

البندري و خلود راحو .. و هديل برضو سلمو عليها و راحت

بقى بس (بشاير .. العنود .. ساره)

بشاير : ساره فيك شي ؟

ساره : هاه .. لا لا مافيني شي

بشاير : احسك مو طبيعيه بس تفكيرين .. فيه شي مضايقك و شاغل بالك ؟

ساره : لا لا صدقيني ما فيني شي

العنود : بشاير الحين كيف نرجع !! .. ريانوع بالعافيه رضا يودينا يقول مراح ارجعكم

بشاير : لموزين خخخ

ساره : لا وش لموزينه .. انا بدق على خواني نواف و لا مشعل و لا طلال

العنود بنفسها "يارب مو نواف"

ساره : تعالو عندنا بنات .. اجلسو عندنا اول بعدين روحو بليييز

بشاير : اوك ما عندي مانع

... بعد ثواني ...

ساره : خلاص مشعل بيرجعنا

العنود "اهه الحمد لله مو نواف" .. اما بشاير خفق قلبها من قالت اسمه

...

بسيارة مشعل

مشعل لساره : سنه استناكم !!

ساره : والله بشاير مأخرتنا .. خلتنا نوقف عند محل غصب

مشعل فز قلبه من اسمها "بشاير" و رفع عيونه يشوفها من المرايه

بشاير ناظرت ساره و هي رافعه حاجب .. و صدت عنها بغرور

مشعل جذبته نظرة الغرور و الاستهتار اللي بعينها .. حس انها صعبه و بارده .. و حس بالانجذاب لهالصفه

وصلو لبيت ساره .. و نزلو البنات .. الا بشاير نشبت عبايتها بحديده نحيفه طالعه على برى

مشعل جا بيقفل السياره بس انتبه لها .. راح لها : تبين مساعده ؟

بشاير بصدود: لا شكرا

مشعل ناظرها و هو رافع حاجب .. تروح و ترجع على نفس الحركه بدون ما تسوي شي .. مشعل تنرفز : اختي تبين مساعده ؟

بشاير : قلت لك لا شكرا

مشعل "و المشكله مصرّه بعد" مسك عبايتها و سحبها على فوق بقوه و انشقت

بشاير تشهق بقوه : قطعت عبايتي .. مين قالك طلعها !!

مشعل : كذا تردين علي بدل ما تقولين اي شكرا

بشاير : امم اوك شكرا لانك قطعت عبايتي

و راحت .. بس وقف فجأه .. استغرب شفيها .. قرب منها وسمعها تون بصوت مكتوم .. انتبه لرجلها تنزف .. شافها .. ولا فيه مسمار اخترق جزمتها (أُكرمَ القآرِئ) .. جا بيفصخ لها جزمتها بس وقفه صوتها : شكرا ما احتاج مساعدتك

مشعل "مصممه انها ما تبي مساعدتي .. راسها يابس" .. طنشها و فصخ جزمتها و جلسها و جلس معها يشوف الجرح .. بلع ريقه من رجلها الصغيره الناعمه .. رجها كانت تنزف بقوه .. شق من عبايتها و ربط فيه جرحها

بشاير : لا لا فليتها تراك .. كل شوي و انت شاق عبايتي زياده .. ابفهم الحين احد قالك ساعدني

مشعل حس انها زودتها معه و جرحت كرامته .. مسكها من يدها بقوه : اشق عبايتك و راسك بعد سامعه .. و تركها بقوه و راح

بشاير عضت شفايفها بقهر "هذا المزيون المعضل !! حقير و شايف نفسه بعد"

_________________________________

داخل عند ساره و العنود

جتهم بشاير و عبايتها مقطعه

العنود بخوف : سلامات شصاير !! ليه كذا عبايتك ؟

بشاير : نشبت بالحديده و يوم طلعتها انشقت (تعمدت ما تجيب طاري مشعل)

العنود و ساره : اها

ساره : شرايكم نتابع فلم

العنود و بشاير : يلا

ساره : اوك بس بروح اجيب الشيبسات و العصيرات

العنود : لا ارتاحي انا بروح بس وين ؟

ساره قالت لها

العنود راحت و جابتهم .. و هي راجعه سمعت اسمها على صووت تعرفه زين و تككررهه بنفس الوقت .. سمعت صوته يكلم بالتلفون .. يقول : ايه العنود .. الحقيره شايفه نفسها و لسانها اطول منها مدري على ايش .. ادري ما يحتاج بربيها و اعلمها مين نواف .. بسيطه اتزوجها و اربيها

العنود ما قدرت تمسك اعصابها : ههههه انت !! انت انت تربيني ؟ تخسسي (كانت تكلمه من ورى الباب)

نواف سكر تلفونه .. ببتسامة سخريه : الا اربيك و اكسر راسك بعد

العنود بغرور و شوفة نفس : حتى لو خطبتني مستحيل اوافق

نواف : ههههه ليه خايفه اكسر راسك !!

العنود : لا طبعا تخسي .. ما بقى الا انت .. انا اللي بربيك و بكسر راسك ساامعع !!

نواف ضحك بسخريه

العنود انقهرت : تدري شلون !! .. انت تعال اخطبني و بتشوف مين اللي بيربيك .. و راحت و هي معصبه

نواف ضحك بصوت عالي "ههههههههه اربيك و تربيني و اكسر راسك الحمد الله و الشكر .. صدق ان عقلك صغير .. قلت كذا بس عشان توافقين اذا خطبتك ي الخبله اححببكك"

.. عند البنات ..

بدا الفلم .. و مرت الساعتين بسرعه .. محد كان منتبه او مركز مع الفلم .. كل وحده كانت تفكر و فيه احد شاغل بالها

ساره تفكر بالوليد .. انعصر قلبها بألم و هي تتذكر بروده معاها .. حتى رقمها ما طلبه .. ما تكلم كثير و بسرعه طلع

بشاير تفكر بمشعل و باللي صار قبل شوي .. منقهره من تصرفاته و عناده .. الا غصب يساعدها .. هي ما كانت تبيه يكلمها و يساعدها كردة فعل من اعجابه فيه .. كانت تنكر و تكابر بهالطريقه .. بس انقرت من عناده و تطنيشه لها

اما العنود كانت تفكر بنوّاف .. كانت كلها عصبيه و قهر و تحدي .. و ودها لو تكسر راس نواف و تربح بهالتحدي .. تنتسنى بس متى يجي ذاك اليوم اللي بيجمع بينهم ببيت واحد .. عشان توريه و تثبت له بس مين هي العنود

_________________________________

مر اليوم على أبطالناآ
على بعضهم فرحان و على بعضهم حزين مهموم
و على بعضهم خوف .. و ترقّب للمستقبل

_________________________________

صباح يوم جديد
الساعه 8:00 تحديدآ

كانت تكلمه بجوالها .. من الفجر للحين ما ملت من صوته
احساس غريب بدا يسيطر على قلبها بشكل كُلّي
تحس بسعاده لما تسمع صوته .. تحس انها طايره فوق فوق .. فوق السما
قلبها يعزف بأغنيه جميله لما تكون معه .. آهه شي مآ ينوصف،!
و عيونه ؟ اهه ي عيونه ادمنتهم بششكلل !!
ادمنته و ادمنت كل ما فيه
بين يوم و ليله !. كل شي تغيّر،.

سكرت منه و تمددت على سريرها بتعب و نامت و هي تحلم بأحلامها الورديه مع عبد الرحمن

_________________________________

الساعه 5:00 مساء
ببيت ابو ريان

ام ريان للعنود : ها بنتي شقلتي !! ترى الرجال ما ينرد و ..

العنود تقاطعها : خلاص يمه موافقه

ام ريان بفرح : كلللووووشش .. الف مبروووكك يممه .. الله يوفقكم و يسعدكم يآرب

...

بشاير للعنود : من جدك انتي صاحيه !!

العنود و هي رافعه حاجب : خير !

بشاير : وين اللي ما تدانيه ولا تطيق طاريه !! شالسالفه ؟!

العنود كشرت و لفت عنها بغرور

_________________________________

ببيت ابو الوليد

بغرفة رغد و شوق

شوق تلبس محمد : ي عممري بدر .. خطبها مره ثانيه

رغد : ي قلبي عليه يحبها حييلل

شوق : اصلا معروف من لما كنا صغار ان بدر يحب رنا و رنا تحب بدر

رغد : ايه عأساس السالفه كذا .. بس انصدمت لما رنا رفضت

شوق : اممم مدري والله .. بس يمكن ما صار نصيب

رغد : يمكن .. بس انهم يحبوون بعض .. و الى الحين انا متأكده

شوق : قولي ان شاء الله توافق هالمره

رغد : ان شاء الله .. بس حتى لو رفضت انا متإكده ان بدر بيخطبها مره ثالثه و رابعه و عاشره بعد .. بدر يحبها

شوق ضاق خلقها على اخوها و سكتت

_________________________________

نسرع الاحداث

ستيفن سافر و اخذ معه لوسيان .. و اوليفيا راحت بيت راكان .. بتقعد عند بنتها الى ان تتزوج

_________________________________

صبآح يوم جديد
ببيت ابو راكان

قامت من النوم بدري .. راحت للمطبخ تسوي لنفسها كوفي .. هذي عاده عندها من لما كانت صغيره .. تقوم بالهالوقت و تشرب قهوتها

دخل المطبخ .. و ابتسم لما شافها .. تشرب قهوتها بكل نعومه .. و وجهها مبين عليه النوم و النعاس .. خصلات من شعرها الاشقر متبعثره على وجهها بعشوائيه .. بس كانت كيووت .. شكلها كان بريئ جدآ .. عمرها 37 .. بس اللي يشوفها يعطيها عشرين

راكان : كنت داري اني بلقاك هنا تشربين قهوتك

اوليفيا توترت : الناس تقول السلام صباح الخير

راكان ببتسامه : صباح النور

اوليفيا توترت زياده

راكان : عارفك و حافظك بكل تفاصيلك و مستحيل انساك

اوليفيا ببرود : طيب تبي شي ؟

راكان ضاق صدره : لا سلامتك . بس ابي منك خدمه مراح انساها منك طوول عمري لو سويتيها

اوليفيا باستغراب : ايش ؟

راكان : حاولي تغيرين فكرة ريم اللي ماخذتها عني .. خليها تحبني او عالاقل تتقبلني

اوليفيا : ان شاء الله بحاول .. بس ترى بنتك عنيده و راسها يابس .. و غصب اللي براسها يكون .. لذلك ما اوعدك

راكان ببتسامه شاحبه و عينه بعينها : عنيده على امها

_________________________________

... مخرج ...

ليه أغلب العشاق في حالة فراق
وليه أغلب .. قلوب الخلايق جريحه
.
يعني خطأ نبقى على طول عشاق
وإلا مفاهيم ، الهوى مو ( صحيحه )


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 20-09-2016, 06:50 PM
&nïsrëën" &nïsrëën" غير متصل
©؛°¨غرامي فعال ¨°؛©
 
الافتراضي رد: رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي


سلاااااااااااااااممممممم
واخيييراً نزلتي البااارت طولتي مررر بس ماعليه المهم انك نزلتي البارت
امممم ذي مرام ماتوقعتها كذا جريئه وماعندها كرامه
اتووقع راح يصير لها شي وتتغير وتصحى على نفسها

ريم &وعبد الراحمن :اتوقع ماراح تدووم السعاده بينهم
وعبدالرحمن : عندي فضول اعرف وش ناوي عليها

تسلمييين يابعد قلبي .....والله بالحييل عايشه جوو مع القصه ^_^

وتكفيييييين لاتطولييين علينااا>>>







&&&&&&&&&&&&&&&&

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 20-09-2016, 08:48 PM
صورة Roond الرمزية
Roond Roond غير متصل
©؛°¨غرامي مشارك¨°؛©
 
الافتراضي رد: رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي


اقتباس:
المشاركة الأساسية كتبها jooorre مشاهدة المشاركة
سلاااااااااااااااممممممم
واخيييراً نزلتي البااارت طولتي مررر بس ماعليه المهم انك نزلتي البارت
امممم ذي مرام ماتوقعتها كذا جريئه وماعندها كرامه
اتووقع راح يصير لها شي وتتغير وتصحى على نفسها

ريم &وعبد الراحمن :اتوقع ماراح تدووم السعاده بينهم
وعبدالرحمن : عندي فضول اعرف وش ناوي عليها

تسلمييين يابعد قلبي .....والله بالحييل عايشه جوو مع القصه ^_^

وتكفيييييين لاتطولييين علينااا>>>







&&&&&&&&&&&&&&&&
بعد قلبي والله محد متحمس و متفاعل معي بالروايه كثرك 💕💕
ادري اني ما من زماآن ما نزّلت .. بالبدايه ما كنت حيل مهتمه
لأن مافي تفاعل و الردود قليله و محّد يحمّس
لكن لما جيت بنزله انشغلت و ظروف و كذا
ع العموم اسعدني ردك و تواجدك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 13-10-2016, 10:21 PM
صورة عشيقة ابوها الرمزية
عشيقة ابوها عشيقة ابوها غير متصل
©؛°¨غرامي مشارك¨°؛©
 
الافتراضي رد: رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي


بارت حلو
توقعي
ريم وعبد الرحمن في شيء حيخرب عليهم
وانتظر البارت الجاي

الرد باقتباس
إضافة رد
الإشارات المرجعية

رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي

الوسوم
لصرت , لعبة , معشوقي , بمعزوفتك , بقلمي , رواية , عذاب , ناوي , قلبي , كيانى
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية أوراق من صدأ الماضي / بقلمي بنــت فلسطيــن روايات - طويلة 578 05-04-2017 04:32 PM
رواية اهذا معشوقي والان عرفته ؟/ بقلمي؛كاملة شهد الفهد $' روايات كامله - يتم نقل الرواية هنا بعد اكتمالها 165 17-09-2015 11:21 AM
رواية /كلي ملكك ، بقلمي Maryooma013 روايات - طويلة 19 07-08-2015 03:34 PM
رواية : حب مخلوق من الندم / بقلمي. امجاد العنزي. روايات - طويلة 7 12-03-2015 09:28 PM
رواية i need y o u / بقلمي eyzo-30 روايات - طويلة 2 01-02-2015 01:44 AM

الساعة الآن +3: 07:48 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1