آلريمّ الشهرِي * ©؛°¨غرامي جديد¨°؛©

آلسلآم عليكم ..
حبيت آشارككم روايتي آلاولى ..
( انثى مُتغطرسه )
بقلمي؛آلريمّ الشهرِي*


تعريف شخصية البطلة ..
وبقية الشخصيآت مع آلبارتآت القادمة ..
لينا : عكس آسمها شخصية قاسية , باردة , غير مُباليه , راسها يابس واللي تقوله يمشي
عيونها واسعه بس حادّه جذااااابه .. لونها بني غامق
انفهآ واقف وحاد سلّة السيف
شفآيفها صغار مزمومه مثل التوت
شعرها لتحت خصرهآ لونه بني غامق وحريرر
طولها متوسط , جسمها الساعه الرمليه
بيضآ عمرهآ 22
مآسكة شركة ابوهآ المتوفي ..
جميلة : آم لينآ عمرها 46 بس مايبين كآنها اختهآ مهتمه بنفسها وتشتغل دكتوره بالجآمعه
طيبه وحنونه تححب لينا وماتسمع فيها لانها بنتها الوحيده
.
.
.
.
.
بغرفة لينآ :
الممزوجه باللون الاسود والاحمر والرمادي
الوآن تعكس شخصيتها ..

كآنت مستلقيه على سريرها
وصوت البيانو العآلي اللي يضج بالمكان
تقرآ كتاب ..
فجأه دقّ جوالها ..
لينا : نعم
ريناد : الناس تقول السلام وانتي نعم مالت عليك
لينا : آمري وش بغيتي؟
ريناد : شرايك نطلع للسوق ونغير جو !
لينا : من عيوني تجهزي وراح امرك اذا عطيتك رنه انزلي .
ريناد : اوك ي قلبي بانتظارك
لينا : باي .
ريناد : باي
.
.
.
( ريناد : صديقة لينا واختها اللي ماجابتها امها ..
تحب لينا وتتفهم تقلباتها المزاجيه ولينا كذلك م ترضى عليها اببد
ريناد دبدوبه وبيضا عمرها 21 شعرها قصير لتحت اكتافها
حنووونه وفلاويه )
باللغه ألانجليزيه لكن ساترجمها ..
لينا : جوولي ..
جولي : نعم آنستي ؟
لينا : احضري عباءتي واتصلي ب احد السائقين اريد الذهاب للتسوق
جولي : حاضر ي آنسه هل تريدين شيء آخر ؟
لينا بأبتسامه جانبيه تسحر : قامت باستها ع خدها وقالت لا شكرا
جولي * عجيب مابها اليوم ؟ *
واحمرت خدودها مو متعوده ههههههههههههههههههههه


.
.
.
نزلت من الدرج
وامها كانت تتقهوى
جميله : على وين ي ليونه؟ تعالي تقهوي معاي
لينا : آعذريني ي الغاليه طالعه مع ريناد عليك بالعافيه
جميله : انتبهي لنفسك ي بنتي
لينا : ان شاء الله .. ف امان الرحمن
جميله : الله يحفظك

.
.
.
بالسوق :
ريناد : لينا نفسي بيوم يختي تفكين عقدة حواجبك وتفلينها ياشينك وانتي جديّه
لينا ناظرتها ببرود وحاجب مرفوع : خلصتي ؟
ريناد : يمه منك يا ام السعف والليف
لينا ضحكت بهدوء
وراحو يتقضوا مكياج وخرابيطنا يالبنات هههههههههه

.
.
.
دق جوآل لينا ..
لينا : هلآ .. نعممممم ؟؟ ومين سمح له وعلى أي اساس!! خلاص جايه آلآن

ريناد : خير عسى ماشر ؟
لينا تجاهلتها وكلمت السواق يوصلها للشركة .
..
وصلت للشركة ووجهها احمر من العصبيه
وضربت بقوه بقبضة يدها ع الطاوله
ونادت باعلى صوت ..
عصصاااااااامممممم



توقعآتكم ؟؟؟


آلريمّ الشهرِي * ©؛°¨غرامي جديد¨°؛©

وصلت للشركة ووجهها احمر من العصبيه
وضربت بقوه بقبضة يدها ع الطاوله
ونادت باعلى صوت ..
عصصاااااااامممممم
عصآم : هلآ انسه لينا ..
لينا بنظرآت احرقت عصام وآبتسامة مخيفه ..
عصام بلع ريقه وقال بخوف : تفضلي
جلست وحطت رجل ع رجل وسيطر البرود عليها قالت بهدوء : عطني سبب فضلا لاستقالتك ؟
عصام : اسف استاذه لينا بس امي تحتاج احد يجلس معاها وانا بصراحه تعبت وابي اريح
لينا وهي رافعه حاجب : زي م انت حاب بس ..
سكتت وابتسمت ابتسامه خفيفه : ماراح تروح بسهوله الا اذا جبت لي واحد يدير الاوراق وبعض الاعمال اللي عندي ويكون قدها وقدود وقالت بسخريه : اهم شي م يستقيل ويتقبل العمل هنا من فوق خشمه
طالعت فيه من فوق لتحت وطلعت ماخلته يرد ..

عند عصام ..
ي الللله وش هالبلشه !!
رآح عند اعز اصحابه * رايد *
( رايد : طويل معضل جسمه يجنن
شعره يوصل لرقبته طويل وناعم .. سماره ع برونز
عيونه حاده وانفه حاد وحواجبه كثيفه ومحدده عمره 29 )
بالكوفي :
عصام حاط راسه بين يديه ويناظر لتحت وباله بعيد ..
رايد : خير منو ماخذ عقلك ؟
عصام ابتسم بهم وحكى له السالفه ..
رايد ناظر بخبث وهو ينفث الدخان : اجل انا بصير البودي قارد الخاص فيها
واعتقد انها تجربه بتكون ممتعه ..
عصام : لا تخاطر يارايد البنت مو سهله زي ماتتوقع
رايد وهو يفكر وضحك : نشوف نلعب شوي م يضر
عصام خاف من رايد لا يتهور ..

بالشركه ؛

كانت حاطه رجل ع رجل فوق طاولة المكتب
وتلعب بالقلم بتملل ..
دخل السكرتير فهد : استاذه الاخ عصام يبيك اسمح له يدخل ؟
لينا : خليه يتفضل .
دخل عصام وجلس على الكرسي على يمين المكتب
عصام : استاذه لينا انا لقيت احد يحلّ مكاني
لينا نزلت رجولها وقفت وحطت يدها ورا ظهرها
: كويس خليه يباشر بالعمل من بكره وعطه عنوان البيت وكلم فهد يخلص اوراق الاستقاله خاصتك
عصام : مشكوره انسه لينا تشرفت بالعمل معك ومد يده
طالعت بيده ..
ومدت يدها وصافحته
عصام بنفسه * يانعومة يدها معقوله انسانه مثل رقتها تكون كذا شديده الله يعينك ي رائد*
.
.
.
راح يبدأ الحماس بالبارت الجاي والاكشن ههههههههههه ؛ اسعدوني باراءكم ك بداية وانتقاداتكم اتقبلها بصدر رحب ^^


ضوء القـمر ©؛°¨غرامي مشارك¨°؛©

اسلـوبك رااائع وبايـن انه روايتك حتكون مميـزه ....

مع اننا لسه في بدايه الروايه الا اني حبيت شخصيه رايد .. والعكس مع لينا ماحبيتـها , انتظر البارت القـادمم....

بالنسبه للردود والتفاعل استني شوي يعني عالبارت الخامس او السادس يبدا التفاعل باذن الله.....


آلريمّ الشهرِي * ©؛°¨غرامي جديد¨°؛©

عند رائد كآن متعمق بنومه
دق جواله
رائد : ي لييييل شيبي ذا
الوو ..
عصام : رااائد ي دب قوم قامت قيامتك استغفر الله
رائد عقد حواجبه : خير شصاير
عصام : روح تجهز عشان شغلك الجديد والبس ملابس رسميه وانا بجهز لك الاوراق وارسلك العنوان
رائد : طيب طيب بقوم
عصام : يله بسرعه لا تتاخر
رائد : اوك . . باي
عصام : باي
.
.
راح رائد غسل وجهه وتوضى وصل الفجر
ولبس جاكيت رسمي لونه كحلي ومن داخل ابيض
ولبس جينز لونه بيج ورجع شعره ع ورا ب جل
ونزلت خصل بسيطه ع وجهه
وتعطر
كااان يخقققق بمعنى الكلمه وبالذات عضلاته عطته منظر احلى واحلى
نزل ..
روآن : ادعععسس وش هالكشخه ياخوي ماعرفتك
رائد بغرور : من يومي اهبل
روان : أي هين تف تف عشان لا تقول عطيتك عين
جات ريما بسرعه وجلست تضربه : اطلع ي عدو الله اططلع
رائد : وجععع يوجعكم انقلعوا وخروا
( ريما وروان تؤام شعرهم لنص ظهرهم وبييض عيونهم متوسطه ورموشهم كثيفه انفهم حاد ويشبهون رايد على خفيف .. فاصلات ويحبون يهبلون باخوهم رايد عمرهم 19 )
ام رائد : ع وين يارايد ؟
رائد : عندي كم شغله يمه اخلصها وارجع ان شاء الله واذا طولت لا تشغلون بالكم
ام رائد : طيب ياقلبي الله يحفظك
راح وركب سيارته واتجه لعنوان بيت لينا اللي عطاه عصام ..

.
.
عند لينا؛
كانت بحديقتهم الكبيره وفيه ركن مخصص للقنص والتدريب ..
كانت لابسه
https://up.graaam.com/uploads/imag-6/...12bca14b9d.jpg
ولابسه نظارات ..

https://up.graaam.com/uploads/imag-6/...ff74a46888.jpg
وشعرها الطويل مفرود
كانتت انثى بمععنى الكلمه ..
جلست تتدرب ع المسدس ..
بعادتها اذا تضايقت تفرغ غضبها بالطلقات
دخل رائد وانصددممم ..
مففهيي ..
وش هالملاك ..
وش هالجمال اللي يضج بالانوثه !!
كان باله بععيد شافته لينا ورفعت نظارتها ع شعرها صايره مثل الطوق عليه
ابتسمت لين بانت غمازات خدها الثنتين
ورفعت حاجبها : اكيد انت رائد
حس على نفسه : أي نعم رائد البودي قارد الجديد
لينا ضحكت بسخريه : والله وطلعت مملوح
رائد : لا تستبعدين اذا جبت راسك
لينا ضحكت بضحكه عاليه وناظرته بتحدي : ماعاش منكم ي معشر الرجال يجيب راسي
واشوف لسانك طويل قصره ولا مابيصير لك طيب
ويله روح لفهد يفهمك وش طبيعة عملك ومشت
رائد بنفسه : والله واكسر راسك واخليك ذليله ولا ماكون رائد وابتسم بخبث


آلريمّ الشهرِي * ©؛°¨غرامي جديد¨°؛©


.
كآنت جالسه بالصاله ولآبسه شورت لنص الفخذ لونه اسود
يبين بياضهاا ونعومتها
ولابسه بلوزه علاقي لونها احمر فاقع
وحاطه روج بينك خفيف
وفاكه شعرها
والاوراق متناثره حولها
وعاقده حواجبها
7 ساعات متواصله ومنهكه ولازم تخلص الاوراق
دقت على رائد
بعد دقايق رد عليها
هلا ..
لينا : رائد عذرا على الازعاج بس تعال البيت ابيك ضروري
رائد : ان شاء الله مسافة الطريق وانا جايك
لينا قفلت بدون ماترد
رائد : عجيبه هالبنت مره مسويه ذوق ومرهه اسلوبها زفت
ريما : انا شاكه انك تكلم جنيه بسم الله شعندك
رائد :ما الجنيه غيرك وخري بس طالع عندي شغل
ريما : مسوي بزنس مان انت وخشتك
رائد : هههههههه توك تدرين
ريما : أي هين يله بس بروح انام
رائد : طيب بس عطي خبر للاهل اني بكون طالع ويمكن مطول حبتين
ريما : من عينيا يلا تشاو
ركب سيارته ومشى
.
.
عند لينا :
كانت الصاله كاارثه
كلها اوراق متناثره واقلام وملفات
ومشغله اغنية بصوت عالي يهز المكان
اغنية lady gaga just dance
وبجسمها وخصرها اللي يتمايل يمين يسار
وتتدلع بحركاتها
رائد كان يحللها بنظراته الحاره
التفتت لينا وهي ترقص وطالعت فيه وابتسمت
: حياك رائد سوري م انتبهت عليك
مشت لعنده ومسكت يده عشان يجلس
ونادت جولي ترتب الاوراق وترصها فوق بعض
نزلت جميله ام لينا :
ليونه للحين م نمتي
لينا : لا شويات وانام
عموما اعرفك ع رائد راح يكون بدل عصام يشتغل معاي ويساعدني
ام جميله وهي تمسح على راس رائد : حياك يا ولدي وحاول تتفهم طبيعة مزاج بنتي صحيح احيانا قاسيه بس قلبها طيب
لينا وهي رافعه حواجبها : ماما وش هالكلام !!
ام جميله بضحكه : وانا صادقه
رائد ببتسامه ساحره : عادي ياعمتي ان شاء الله نتفاهم مع الايام
لينا : الزبده يا رائد ابيك تخلص لي هالاوراق كلها لان حيلي انهد
رائد بنفسه : ي ويلي عليك بس ماعاش التعب يهد حيلك
رائد : اوامر ثانيه !
لينا : لا توكل الله وياك
وراح بطريقه للبيت
كان رائد بهالفتره ومازال صامد يخطط على لينا
ومع الايام راح نعرف وش راح يسوي ...

انثىّ ملائكِيہْ ©؛°¨غرامي فعال ¨°؛©

سلااااام
بدايـــة جميـــلة ومتحمســــة اكملهــا ..
سلمت اناملكـــ وربي يوفقكــ
شرفيني بروايتـــي واعطينــي ردكــ عليهــا
https://forums.graaam.com/610531.html#post28560528
دمتـــي بــ ود ^_^

امنيتي سرابك ©؛°¨غرامي مشارك¨°؛©

بدايييييييييتك جميلة وان شاء الله الجاي اجمل تحمست مررره
متابعتك لين الأخير موفقه يارب
تقبلي مروي

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1