تومآآ... ©؛°¨غرامي فعال ¨°؛©

السلام عليكم ورحمة الله وبركاته

ونقول بسم الله

ببدأ اكتب لكم عن واقعي اللي عايشته وعن حياتي وعن اشياء كثيره بعتبر هالمكان انا والمرايا واحاكي نفسي وانتو اعتبرو انكم دخلت عند انسانه تحكي مع نفسها واللي يبي يتناقش يرسل لي رساله وانا بإذن الله برد عليكم

تومآآ... ©؛°¨غرامي فعال ¨°؛©

جلسه تعريفيه عني
اسمي تومآ
عمري خمس طعش جاي على ست طعش
ترتيبي بالعايله الثالثه اخواني بالكامل واثنينظ،خواتي فوقي ولد وبنت وتحتي بنتين وولدين
حالة العايله بين اخواني ممتازهه بس لازم وشات كام تخلى
ادرس ثالث متوسط رايحه اول، ثانوي ربي يوفقني وياكم
هوايتي اعشق شيء اسمه رسم بشكل محد يتصورهه بس مو مره اعرف له وعندي موهبه كتابة القصص بس مو مره مهتمه فيها ممكن لاني احب شيء غيرها واتمنى لو بيوم ادمج رسمي بقصصي
بس هاذي اهم الاشياء ضنتي اللي بتسئلوني عنها للفائده البنات اللي بيجو لي رسايل ويحطون لي اسئله بجاوبهم هنا عنها لجل تعم الفائده بيننا

وداعآ

تومآآ... ©؛°¨غرامي فعال ¨°؛©

اول شيء قررت اكتبه في مدونتي الجميلهه اني انا رايحه بإذن الله مدرسه ثانوي مقررات بكتب لكم يومي فيها بشكل كامل ممكن بشكل يومي او يوم وترك بحاول انظم يومي لانه ماشفت ولا بنت كتبت معلومات عن هالنظام ولما بحثت انا صراحه ما اكتفيت بالمعلومات يعني كلها معلومات بسيطه واعرفها بس كل واحد يزيد شيء وانا اخذه فبكتب لكم يومي وكيف تعامل المعلمات ممكن استمر كذا ثلاث سنين دراستي لجل اعلمكم بتجربتي وتستفيدون وبس هذا اللي عندي متحمسه للمدرسه وللعيد

وداعاً

تومآآ... ©؛°¨غرامي فعال ¨°؛©

السلام عليكم ورحمة الله وبركاته


حبيت اكتب لكم عن برنامج عنايتي بشعري
يوم السبت اغسل شعري بس بمويا
يوم الاحد احط ماسك واغسل شعري بشامبو
يوم الاثنين اغسل شعري بمويا
يوم الثلاثاء احط حليب جوز الهند واغسل شعري بشامبو
يوم الاربعاء مرات اغسله ومرات لا واذا غسلته بس بمويا
يوم الخميس اغسله بشامبو اذا قبله ما غسلته واذا غسلته ما اغسله خلص
يوم الجمعه احط زيت او حمام زيت واغسل شعري بشامبو


اشربو مويا كثير باليوم ترا جدا مفيد انتي مثل الشجره لازم نسقي التربه ماء عشان تكبر واحنا من طين المويا مفيده لنا وترا جدا تفيد الشعر
بالنسبه اني مو كل يوم اغسل شعري بشامبو عشان ما اهلكه ويتعب
واقص اطراف شعري كل ثلاث شهور
واحط حناء مرهه بالشهر اوقات احطها يوم الجمعه عشان تكون بمكان الزيت ولما احطها
بس اغسله بمويا اليوم اللي بعده اغسله بشامبو
وحليب جوز الهند تسوونه بالبيت تاخذين جوز هند مبشور انا امي تزين فيه الحلويات وتحطه بالفريزن اخذ منه قد ربع كاس او نصه تقريبا واحط عليه مويا حاره توني مسخنتها بالغلايا واصبها عليه انطر عشر دقايق يبرد شوي بعدين اشيل بالصفايه واحطه بقماشه واعصره في صحن ثاني ثم اخذه واحط على شعري لمدة نص ساعه واغسله بس لما تغسلينه بينزل لون غامج من شعرك رمادي كذا ترا عادي عشان الحليب وبشعرك مو شيء مو زين
وبالنسبه للزيت عادي أي نوع زيت اللي متوفر احطه نفس حاليا زيت جوز هند احطه اذا خلص عادي زيت زيتون ولا سمسم ولا لوز أي زيت متوفر احطه انا اصحى ثمانيه الصبح فاحطه واغسله اثنى عش الظهر
والماسك اللي احطه هو اني اخذ صفار بيضه مع ملعقتين زبادي كبار وزيت زيتون واخلطهم واحطهم على فروه الراس اذا زاد بالاطراف وطبعنا اسوي مساج بعدها بثلاثين دقيقه ترا شعرك بتحسينه زي البسكوت روحي وغسليه بالشامبو وبيروح كل شيء حتى ريحه ترا ما عمري شميتها في شعري من البيض
وبس هذا جدول عنايتي وحمام الزيت مامره جربت احط لانه ولحد الحين ماحصلت حمام زيت بيتوتي حلوه نتايجه وبس


وداعاً


تومآآ... ©؛°¨غرامي فعال ¨°؛©

السلآم عليكم ورحمة الله وبركاته
جيت مجرد سوالف لا اقل ولا اكثر
هي فضفضه وبس

بعض الاوقات تحصل اعز ناسك مثل الغريب تحاول تفهمه وماتقدر
تحاول تفهم تصرفاته بس تضل عاجز انك تفهم لو كلمه وحده تجي تفضفض كالعاده
متعود مثل العادة تشكي ويطبطب عليك ويساعدك ويضمك له وتبكي وترتاح لكن
تنصدم انه تغير كل شيء اللي يضمك بلحظه يخونك اعز ناسك قدامك يجرحك وانت تحاول قد ما تقدر ما تبين مع ذلك توقف وتحس نفسك صحيح في وضع المزهريه وللاسف مالك حل الا الابتعاد والجفاء وقتها واحد ممكن اثنين اما يحس ويرجع لك ولا ما تحصله طول العمر وتحصل اللي احسن منه واكرهه شيء لا صارت صاحبتك وعضيدك وبنت عمك

وداعاً


تومآآ... ©؛°¨غرامي فعال ¨°؛©

عدت من جديد فضفضه

ترا مو لازم لما نتعب من شيء نجي نشكي لك اكثر من مره اجي افهمك مرهه ازودها بثانيه بس الثالثه تحلم اجي لحد رجلينك واقولها ترا مو انا اللي اختار البعاد انت اللي اخترته حط نفسك مكاني تخيل بيوم اجيك محبوبتك واقوول تراني رحت بنصيبي مع فلان بعدها بكم اسبوع اجي واقول لك وبكل قهر انه ما ترككت قاصدهه من الشبكه وكذا حاولت تقنع عقلك رغم انه قلبك بسرعه صدق بعدها باسبوعين ارجع واقول اكثر سالفه توجعك وبعدها اقول احسن وترد علي بشكرا وترسل علامة استفهام وش معناة كلامي وربي سهل وربي كلها انو ما هميتني وهذا الشعور اللي وصلته لي للاسف جيت لك وانا مو غلطانه واعتذرت وقلت اسفه بعدها بيوم جيت تقول احبكك وش ردي غير القلب مفتوح لك اصلا ما سكنهه غيرك صار لي على هالحاله سنه وزود عليها الله يبقيك لي طول العمر بس تخفف من حركات الهبال ذي مزح عن مزح يفرق روح بنصيبك بس قبلها اكذب علي قول رحت بعثه قول جوالك بيخرب وما تبي تحتك باحد قول اي كذبه ووالله لو تقول فيك حاله نفسيه عادددييي اهم شيء لا تقول بتاخذ غيري مصدقه انه بيوم بتكون لغيري لكن مو الحين عايشت الوجع معك سنه ونص وبعدها بكل سهوله تتخلى عني عشان بنت ما عرفتك كثري وربكما ما بتحصل بنت تحبك كثري بتحصل بنات متنثرين وش كثرهم بس احلف لك انك ما بتحصل مثلي ومثل طيب قلبي كلهم غلطه ويزعلون وييدوسون عليك وربك اعرفك لا تضايقت ولا عصبت ولا زعلت ولا فرحت ولا بكيت اعرفك بكل حالاتك الله يبعدك عن السوء وعيال الحرام ...


وداعاً


تومآآ... ©؛°¨غرامي فعال ¨°؛©

السلآم عليكم ورحمة الله وبركاته

بتكلم عن شيء ممكن نادر البنت تحب تتكلم عنه وهذا مشكله بالنسبه لبعض البنات
انا منذ الولاده جات معي اكزيميا اللي ما يعرف الاكزيميا هي مرض حساسيه بالجلد ينتج عنه حكه مو طبيعيه بس حالتي ولله الحمد بسيطه احسن من غيري ولو حكيت يدك مكان صغنون تحك يدك لين فوق نتجت عندي جروح كثيره من الحكه تخيلو معي تحكين تقلب يدك حمراء اليوم اللي بعده كل مكان حكيتيه يتقشر الجلد وتصيرين زي المجروحه على المحروقه بحثت بالنت لما صرت بصف رابع على بداية خامس انتشر بوجهي وبظهري وبرجولي ويديني وكنت احك بشكل مو طبيعي وربي انام اصحى احصل رجولي مشمخه او بالاصح مخمشه يعني زي القطه لما تخمش يدك وكذا بس بشكل اكبر بحثت بالنت بصف اول متوسط عن علاج وكذا طبعنا من صف رابع لين حاليا رحت مستشفيات لين ما راسي صدع يبدأ المفعول للعلاج بعدها ما اتحمل وارجع للطير يلي وطلع لي حب شباب هم بعد ابشركم الحين رجعت اتعالج قبل شهر الا يومين رحت لدكتور وقال لي اشياء وياكثر ما سمعتها اول شيء قال لي بيعطيني مرهم جل للوجه احطه مره قبل النوم كل يوم ويديني ورجولي مرهم ومرطب احطهم اربع مرات يوميا المرهم خلص امسس بالضبط بكمل هاليومين بدونه بعده عندي موعد وكذا فبروح اشوف وش صار وكذا اكمل لكم هو دكتور مصري فقال ماتاكليش فسفس يعني فصفص ومكسرات كثير وشوكلاته وحار ومتجلسيش في مكان حار اجلسي في مكان معتدل البروده والحراره وما تطلعين بالشمس الحاره ولا رطوبه ولا غبار ولا حيوانات ولا عصافير هو ممنوعه اصير قريبه منهم مره بس ما مره جربت اتعايش معهم مره واصلا انا من يومي صغيره اتحسس من الشمام زياده على ذولا فاكل لاكن بطريقه غير يعني لما نروح بيت اهلنا وكذا جمعه هم يقصونه كالعاده ددائره بعدين مثلثات وناكلها انا لو اكلها كذا شفايفي تبدا تعورني وحواليها حكه بشكل لا تقولون ما أغسل وربي على طول اغسل ما نفع قالتت الدكتوره لأمي لازم تقطعه مربعات صغار مو مره بس وسط وتاكلهم بس ما تلامس شفايفها يعني وكذا لو لامست بتوجعها يستغريون من طريقة اكلي بس اقول دلع وكذا ههههههههه امم وطبعنا حالتي صعيبه من ناحيه اني حامل تكسر وكذا ف لذلك لازم اكل حبوبي بشكل يومي كل يوم حبه حمض الفوليك لونه اصفر وما اكل فصفص هم بعد محرومه منه وانا حساويه مدمنت فصفص ههههه فاقلل يعني اكل ابو ١٠ حبات بس ههههه مرهه كل شهر هاه كل اسبوعين مرهه شيء كذا وممنوعه اقعد بمكان مرهه بارد عشان عظامي ماتعورني ولازم اشرب مويا كثير ولا تعورني كليتي وبسس حاليا خف اللي بوجهي نقول ثلاثين بالمئه لانه خف اللي بجييني مره والمشكله الاكثر انو بشرتي مختلطه جبيني وخشمي دهني وخدودي وذقني عاديين احس وانا مو من النوعاللي اللي مرهه عنايه بس وربي من التعب اللي اعانيه صرت اهتم بالحيل بنفسي من جسم ومن شعر ومن بشره بعطيكم نصيحه انا كنت استحي من الحبوب اللي بوجهي والكل يسئل من وشو وانحرج اقول اكزيميا وهي اكزيميا وحب شباب خفت الاكزيميا واختفت حاليا بس قبل لا تخف كسبت صداقات كثير ورغم انه وجهي اشبه بالوجه المتقشر خدودي فيها لون بني غامق وحبوب سوداء واثار الحبوب كانت حمراء بس قلبت سوداء مع الوقت مو مهم راي الناس فيني المهم رأيي لو اني ما اقتنعت برأيي كان كل وقتي احط مكياج وكذا بس انا ما اعرف للمكياج كثير وهذي نعمه لو اني اعرف كان صرت احط مكياج لجل اخفيه واصير ماعالجت شيء ادري هذرتي كثير بس حبيت افيدكم ي بنات ان شاء الله لما اتعالج بإذن الله بشكل كامل بكتب لكم موضوع كيف تعالجت ووش جربت وما جربت ومراهمي كلهم بصورهم بتشوفونهم منتهين مرهه بس تقبلو وايضا بتكلم عن شيئين وهم عيوني وشفايفي بس برد ثاني لانه احس طولتها بذا مرهه

مو وداعاًً بس وداعا

تومآآ... ©؛°¨غرامي فعال ¨°؛©

رجعت وبسم الله الرحمن الرحيم

اول شيء بتكلم عن عيوني انا عيوني فيها حساسيه من الداخل يعني بس قبل كم شهر صرت منفسه بالمرهه فكنت ابكي تقريبا بشكل يومي وانا من النوع اللي نادر ابكي بس فترة مراهقه قلبت بكايه شيء عادي ما اهتميت بس حالتي النفسيه مرهه مدموره بعد هالاسبوع دققت بملامحي وانتبهت انه عيوني مره توجعني ما اهتميت اليوم اللي بعده ما بكيت وخف الالم اللي بعده بكيت وزاد تقشر الجلد اللي تحت عيوني بشكل بسيط مو مره بس ملحوظ وفيه احمرار صرت احط فازلين بس وقت النوم لا صحيت غسلته بدا يخف طبعنا هذا كلام برمضان رحت لدكتوره مستشفى حكومه هي ما اهتمت لسالفة عيوني واهتمت لوجهي وقعدت اتعالج عن وجهي معاها عن الاكزيميا وكذا وخف بعدها قالت استخدمي مقشر جنوني المرهم حق حب الشباب اخاف منه يحر الوجهه بشكل ويخلي وجهي كني من عصر الفراعنه حقينهم التماثيل وشلون مغبرين ايوا كذا كنه رمل قالت لي حطيه بعد العيد لمدة اسبوعين خلصو الأسبوعين وانا مو مستمره عليه من الخوف قالت امي ترا سوينا لك موعد عند هالدكتور المصري اللي بالرد اللي قبله قبل رحت له وقال ما ينفعش كذا قال وريني وكذا بس ماكان فيني شيء هههههه ابو الحظ قال خلاص بس يطلع لك تعالي لي قلت طيب وعطاني علاج عن وجهي وكذا وقال لما تجين ويكون فيك وريني واعطيك علاج عنه حاليا هالاسبوع زكمت وعيوني دمعت وكالعاده طلعو صرت احط فازلين ولا زيت زيتون ولا زيت لوز على حسب المزاج بس دايم فازلين نادر الباقي حاليا خف انا ودي يخف وما ودي ما ودي عشان يشوفه الدكتور وأخذ علاج وودي لجل ارتاح من وجعهم حتى نومي ملخبط وضنتي واضح من كلامي كل مره ادخل وقت غير عن اللي قبله المهم مررهه خف وترا مراهمي حقت العيون والقطرات كثير وربي لدرجة صرت استعملهم بالمدرسه حق العلوم جبتهم وحطيت فيهم الكاشف حق التجربه اللي معتدل واحماض وقواعد اتذكر اسمها كذا صرت احط الكاشف واحط كم قطره عليهم بس وربي استفدت منهم ههههههههه بس ترا احس في فايده من ذا نفس مافي احد بالبيت يعرف يحط مرهم عيون غير اثنين انا وامي امي لانه قبل تحط لي بعدين صرت احط لحالي فمره اخوي تعب من عيونه الكبير ووصفو له قطره ومرهم وصرت احط له ونادر امي بحكم نومنا الملخبط وهي عدل نروح لسالفة الشفايف انا اطراف شفايفي بني وقبل كم يوم مرره غمقو اطرافهم فقلت بحوس بالنت حصلت انو سكراب زيت زيتون وسكر وفازلين مرره يفيد فصرت استخدمه صراحه بتجربة كم يوم جدا جميل بس لحد الان نتائج حلوهه بدأ يخف لانه صارو شفايفي من الجوانب تتشقق وربي لدرجه ما اقدر اكل عدل لازم افتح فمي قليل ويفكروني اتدلع مدري وش يجيب الدلع صرت احط زيت زيتون مع سكر وقليل مره قد ملعقة الخلط حقت الشاي البلاستيك الشفافه زيت زيتون وقد ملعقة الحلى البلاستيك البيضاء الصغيره سكر واخلطهم واحطهم شوي خمس دقايق بعددين افركه بفرشاة بالخفيف مرره بالخفييف وبهدوء مهو باسنانك تفرشين بقوه بهدوء تراها شفايفك بعد ما يطيح كل السكر اغسل بمويا وافرك بشويش بعدها اجففها بمنشفه واحط فازلين لين يجف وارجع احط مره ثاني اللي بقى من زيت الزيتون وفرك خفيف وبعدين فازلين وانام وبس مستمرهه على كذا ان شاء الله تجيب مفعول بمجرد ما تخف وتطلع زينه بصير استخدمها مرهه كل اسبوع السكراب ويومي الفازلين بس هذا اللي حبيت اتكلم عنه اليوم وبحفظ الرحمن


وداعاً


تومآآ... ©؛°¨غرامي فعال ¨°؛©

الله أكبر الله أكبر لا إله الا الله[/color]الله أكبر الله أكبر ولله الحمد. أو يثلث: الله أكبر الله أكبر الله أكبر لا إله إلا الله الله اكبر الله أكبر الله أكبر ولله الحمد، ومثلها: الله أكبر كبيرا والحمد لله كثيرا، وسبحان الله بكرةً وأصيلا

[color="#ff0066"]أحيوو سنة التكبير

وداعا


تومآآ... ©؛°¨غرامي فعال ¨°؛©

بعض الأشياء الحلوة تكوّن بالسر ، وانت سري الحلو...

أدوات الموضوع
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1