غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-09-2016, 01:42 AM
صورة _nOoOr الرمزية
_nOoOr _nOoOr غير متصل
©؛°¨غرامي جديد¨°؛©
 
B10 رواية/ شلة بنات بثانوية عيال /بقلمي


السلام عليكم(:

سوف اضع بين يديكم روايتي الأولى(:

طبعا الرواية كامله بالدفتر
(تخيلوا ان صارلي ثلاث سنوات اكتبها^-^),

المهمين اسم الرواية

(شلة بنات بثانوية عيال)

طبعا كثير كاتبين نفس موضوع الرواية لكن انا كتبتها بشكل مختلف اتمنى تعجبكم(:
وبنزل البارت الأول الحين^_^
ملاحظه(لاأحلل اخذها ونسبها لأي احد كان اذا بتنقل/ي الرواية حط/ي اسمي)


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-09-2016, 01:48 AM
صورة _nOoOr الرمزية
_nOoOr _nOoOr غير متصل
©؛°¨غرامي جديد¨°؛©
 
B6 رد: رواية/ شلة بنات بثانوية عيال /بقلمي


البارت الأول


جدةة!
الساعه: 9,30.
بدار الأيتام بغرفة المديره,
....: شلون يعني مافي امل؟.
المديره: اسمعيني ياحبيبتي ياروان هذا القرا موبيدي هذا القرار يمشي ع كل اللي موجودين بـ هالميتم.
....: كييف كيف موبيدك؟ وين نروح احنا نتشرد بالشوارع؟.
روان تمسك يدها: ساره امشي هذي الكلام معها ضايع.
ساره: شلون يعني نسكت ونقعد بالشوارع؟.
روان تناظرها: ساره خلاص امشي. .لفت وراها. .يلا شهد.
قامت شهد بهدوء نفس شخصيتها طلعوا من الغرفه وراحوا لغرفتهم,
ساره تجلس بعصبيه: مجنونه ذي وين نروح احنا؟.
شهد انسدحت وهي تتنهد: نشوف لنا حل من هنا لحد مانطلع.
روان بدموع: بنات انا خايفه.
ساره ناظرتها بغضب: وانتي بس تصيحين خلاص اسكتي افف.
روان عيونها غورقت بالدموع وبكت بصمت,
ساره غضبت: سااره؟.
ساره تأففت وهي تقوم لم روان وتمسح دموعها,
ساره: روان بس عاد لاتصيحين.
روان: انتي تعرفيني ام دميعه.
ساره ابتسمت وحضنتها: عيوني انتي اذا كنت معك مابي اشوف دمعتك طيب؟.
روان بادلتها الحضن: طيب.
بعدت عنها ساره وراحت لسريرها انسدحت تنهدت ونامت وكذلك مع البنات,
________________________________
خلوني اعرفكم بالبنات,
ملاحظه(البنات بنفس العمر18)
اولا روان فيها جمال غربي البنات دايما يقولون ان اهلها اجانب عيونها وساع ولونهم بني بندقي شفايفها لاكبيره ولاصغيره انفها صغير شعرها لنص ضهرها اسود,, شخصيتها مو ذاك الزود,, يتيمه من وهي صغيره من كان عمرها اربع شهور امها توفت بجلطه وابوها بحادث كل عمامها وخوالها رفضوا انهم ياخذونها او انها تعيش معهم فرموها بدار الأيتام.

ساره جميله وملامحها كنها ولد بس فيها جاذبيه عيونها وسط ولونهم اسود ورموشها كثيفه شعرها دايم تقصه بنفسها مهمل شكل وطوله مختلف لونه بني شخصيتها شويتين مخيفه البنات دايماً يخافون منها عدا شهد, صارت يتيمه من اول ماولدت او بمعنى اصح انطشت بالميتم اول ماإنولدت عشان اهلها ماكانوا يبون عيال.

شهد شخصيه انطوائيه غريبه مع ان البنات ساكنين معها من مده لكنهم مافهموها للآن,, جمالها يغري اللي قدامها عليها نظره اذا عصبت او تضايقت تكفي بأن يقشعر بدنك منها,, عيونها لوهم رمادي ع رصاصي شفايفها مو واسع ولاصغار انفها سلة السيف شعرها بني ع عودي لآخر ضهرها,, اول ماإنولدت كانت امها ماتبيها واخذها عمها وبعد 7سنين رماها بدار الأيتام.
________________________________
نرجع للرواية.
الظهر,
الساعه: 11,00.
قاموا البنات الصباح وهم يتأففون مهمومين دخلت عليهم بنت,
البنت: بنات المديره تبيكم.
ساره تفرك عيونها: خير ع ذا الصبح.
روان تتمغط: ترانا الضهر.
ساره: اللي هو.
قاموا البنات وغسلوا وجيههم وتنشطوا وراحوا للمديره دقوا الباب ودخلوا,
ساره بدون نفس: خير!.
خزتها روان وهي تناظر لحرمه جالسه قدام مكتب المديره,
المديره تنهدت: هذي الحرمه يابنات اسمها ام صقر هي مستعده تساعدكم لكن عندها شرط.
البنات: وش؟.
ام صقر ابتسمت: انا عندي شرط صغير واللي هو تدخلون مدرسة اولاد داخلـ...
قاطعتها ساره بعصبيه: نعم نعم نعم! وش اسمع انا؟.
ام صقر: خليني اكمل كلامي.
ساره: لاتكملي كلامك ولاهـ..
قاطعتها مسكت يد شهد,
شهد بهدوء: خليها تكمل.
ام صقر تنهدت: تدخلون مدرسه اولاد داخليه لأني ابي منكم تراقبون ولدي صقر واللي يسويه لأنه بالفتره الأخيره متغير مليون بالميه حاولت احط مراقبين لكنه كشفهم وكل مره يهاوشني او انه يقول انتي ماتثقين بولدك وجربت اكلم المدير واقوه وكل هذا مافاد حتى اللي معه بالمدرسه مايبون يراقبونه مدري ليش وانا ماعندي غيركم انتم اللي راح تساعدوني.
كلهم منصدمين ماعدا شهد,
روان: هيه هيه انتي وش تقولين؟.
ام صقر: هذا شرطي الوحيد وانا الوحيده اللي اقدر اساعدكم.
ساره جات بتصكها كف لكن تفاجأت بشهد وهي تقوم وتقول,
شهد بجديه: انا موافقه.
البنات لفوا لمها بصدمه: هااه؟.
روان: شهد انتي وش تقولين؟ مهبوله انتي؟.
شهد: تبون تروحون للشارع بكيفكم لكن انا موافقه.
روان بدت تقتنع: صدق مافي حل ثاني.
ساره بغت تنجن: بنات لاتجننوني!.
روان: انا موافقه اعيش بين عيال ولا اعيش بـ الشوارع.
ساره تمسك راسها بيدها الثنتين: بناات! انتم صاحيات؟ وش تقولون؟.
شهد بحده: عندك حل ثاني؟.
ساره بتشتيت: صدق مافي حل ثاني لكـ..
قاطعتها شهد بحده: هذا انتي قلتيها مافي حل ثاني بتسجلين معنا ولا؟.
ساره تنهدت بعجز: موافقه.
ام صقر: خلاص اجل المدارس بعد اسبوع بكره تروحون السوق وتشترون ملابس ولاديه ولاتنسون الثياب والمشدات واغراض المدرسه وبعدها بوديكم المشغل يقصون شعوركم.
البنات بعجز: طيب. .ان شاءالله. .حاضر.
طلعوا البنات وكل وحده راحت بمكان تفكر باللي راح يصير بعد اسبوع عدا اليوم ومافي أي احداث اليوم الثاني,
العصر,
الساعه: 4,30.
بالمول البنات قعدوا يقظون الملابس واشتروا اشتروا لين ماتعبوا من اللفلفه وراحوا مع ام صقر للمشغل وقصوا شعورهم,
روان

ساره

شهد

رجعوا البنات للميتم وهم يتنهدون انسدحوا وناموا بتعب,,,
بعد اسبوع وجا اليوم المنشود ع قولتهم,
الأحد,
الساعه:6,30 .
الميتم,
روان: اففف ذا المشد ضاغط علي مرا اوجعني.
ساره تتنهد: بنتعود عليه.
لبسوا البنات كلهم ثياب روان وساره كانوا مسوين كذا بالشماغ,
اضغط على الصورة لرؤيتها بحجمها الطبيعي
شهد مسويه كذا,

(مالقيت احسن من ذي الصور~-~).
المهم راحوا البنات ع المدرسه مع ام صقر وسواقها,
بالسياره,
ام صقر: انتبهوا يابنات احد يكشفكم وانا رقمي عندكم وصلولي اخبار صقر وحده بوحده تمام؟.
البنات ككلهم ساكتين ناظرتهم شهد وبعدها قلبت عيونها,
شهد: تمام.
وصلوا المدرسه والبنات قلوبهم تقرقع من جوا ماعدا شهد اللي كان عندها الموضوع عادي نزلوا ووقفوا قدام البوابه الكبيره وهم شايلين شنطهم ع ظهورهم فهوا بالبوابه شكبرها وجمالها سألوا انفسهم اذا هذا شكل البوابه فـ كيف المباني من جوا؟, فجأه انفتح الباب الصغير اللي بجنب البوابه الكبيره وطلع رجال شكله بـ الأربعين,
الرجال: انتوا الطلاب الجدد؟.
البنات متصنمين وساكتين,
شهد: ايوه ياعم.
الرجال: تفضلوا معي اوديكم للمدير.
مشت شهد ووراها البنات دخلوا المدرسه وقفل الرجال الباب اول مادخلوا البنات توجهتم الأنظار لهم كانت الساحه مليانه شباب وكلهم يناظرونهم بإستغراب من أشكالهم مشوا البنات ورا الرجال والطلاب يتهامسون, روان كانت متمسكه بيد ساره وهي خايفه وساره قلبها تراقيع بس مخفيه خوفها اما شهد اللي كانت تمشي اول وحده ماإهتم ولارمشت عيونها لكلام الشباب لين ماسمعت ولد يقول,
الولد: والله كنهم بنات..بصوت عالي..متأكدين انكم عيال ياهوه؟.
اللي جنبه كانوا يضحكون اما شهد وقفت وهي تناظره بغضب مع عيونها الرماديه حس الولد بشوية رعب قربت لمه شهد مسكت ياقة ثوبه بقوه,
شهد بهدوء عكس نظراتها الحاده: احترم نفسك لاأدفنك هنا.
تركته بقوه وهي تكمل مشي ورا الرجال والطلاب كلهم يناظرونها بخوف نظرتها صدق كانت تخوف بس استغربوا من لون عيونها وصلوا باب المدير,
الرجال: تفضلوا هذي غرفة المدير.
سموا بالله البنات وطقوا الباب ودخلوا بعد ماسمعوا رد المدير,
شهد: السلام عليكم.
المدير رفع راسه بإبتسامه تسحر: وعليكم السلام.
روان اول ماشافته فتحت فمها ع الآخر وساره ضربتها ع فمها بشويش عشان تقفله,
روان بهمس: ي زفت اوجعتيني.
ساره بنفس الهمس: انتبهي لتصرفاتك لاتودينا بداهيه.
المدير بإبتسامه: انتوا الطلاب الجدد صح؟.
ساره: ا. .ايوه.
المدير يناظر الملفات قدامه: هذي ملفاتكم بيدي بس ماأعرفكم.
شهد بملل وهي تناظر حولها: شهاب.
المدير بإبتاسمته: تشرفنا ياشهاب.
ساره: سامي.
روان: رائد.
ملاحظه(ام صقر عطتهم اساميهم قبل يدخلون المدرسه),
المدير: تشرفت فيكم واحد واحد انا حمد مدير هالمدرسه راح اقولكم على القوانين طبعا اكيد وانتم تعرفون اول قانون اللي هو ممنوع دخول أي بنت كانت غير بنات المدرسين الصغار للمدرسه وممنوع المتاجره بالأشياء الممنوعه مثل: المخدرات الخمر والحشيش ..الخ وممنوع اختلاق أي مشكله او مشاجره سواءً بين طالب او عامل من هذي المدرسه او حتى مدرس حظر التجول الساعه1 اذا كان فيه أي طالب خارج السكن الساعه 1,10 راح تتقفل ابواب السكن تلقائياً وراح ينام خارج السكن المحلات هنا تقفل الساعه11,30.
رفع راسه لهم وهو مبتسم بهدوء: أي سؤال؟.
البنات بلعوا ريقهم: لا.
حمد: تفضلوا هذي مفاتيح غرف نومكم تحطون اغراضكم وبنادي واحد من مجلس الطلبه يدلكم على فصولكم.
تنهدوا البنات وجلسوا ينتظرون الولد اللي من مجلس الطلبه شوي انفتح الباب بقوه ودخل ولد وهو يتنفس بسرعه كان يركض,
حمد يضحك: بشويش بشوي.
الولد يحك شعره: اسف حضرة المدير لكن معي ربع ساعه.
حمد يلف ع البنات وهو يضحك: هذا باسل واحد من افضل الطلاب هنا ومن مجلس الطلبه.
باسل يبتسم: احم احم اخجلت تواضعي.
حمد: المهم ياباسل الحين الشباب بيروحون غرفهم يحطون اغراضهم وانت عاد وصلهم لفصولهم.
باسل يغمز: ماعليك.
حمد رما عليه القلم: ظف وجهك يلا.
باسل: افا افا كذا تسوي فيني حمودي.
حمد وقف وكان بيروح لم باسل يضربه لكن باسل شرد بسرعه,
باسل: خلاص خلاص والله ماأعودها.
حمد يجلس وهو يتنهد: المهم خذ الشباب وروح يلا.
باسل ناظر لمهم وهو يضحك ولما جت عينه بعين شهد اختفت ابتسامته قرب لم شهد بسرعه وحط عيونه بعيونها وهو معقد حواجبه شهد رفعت حاجب,
شهد: مضيع شي بوجهي؟.
باسل انتبه لنفسه وبعد: احم لا مافي شي.
طلع باسل ووراه البنات,
شهد تتنهد: سامي كم رقم غرفتك؟.
ساره: 415 وانت رائد؟.
روان: زيك.
تنهدت شهد بإنزعاج,
ساره: وانت؟.
شهد: 501.
تنهدوا البنات وكل وحده وصلت غرفتها وباسل ساكت حطوا اغراضهم بغرفهم وطلعوا مع باسل وقفوا قدام باب مكتوب عليه ثاني ثانوي(ب),
باسل يناظر الأسماء: سامي هنا.
ساره تنهدت: لحالي؟.
باسل يناظر لهم: لا معك رائد.
راح باسل ووراه شهد بعد ماودعت البنات,,
البنات دقوا الباب ودخلوا,
ساره: السلام عليكم.
الكل: وعليكم السلام.
الأستاذ: تدرون كم الساعه؟.
ساره بملل: احنا طلاب جدد تو جينا وكنا مضيعين.
الأستاذ: اها طيب عرفونا بأنفسكم.
ساره: انا سامي.
روان: وانا رائد.
الأستاذ: تفضلوا شوفوا لكم مكان فاضي واجلسوا.
لفت ساره وهي تناظر الطلبه بملل وهم يتهامسون شافت مكانين بالأخير لكنهم بعيدين عن بعض راحت وجلست ع الكرسي اللي بالزاويه وبعدها بخمس كراسي جلست روان وكمل الأستاذ درسه,,
عند شهد وقفوا قدام باب مكتوب عليه ثاني ثانوي(ج),
باسل لف لها بإبتسامه: معي بالفصل يالله حيه.
شهد عطته ابتسامة تسليك ولفت ع الباب,
باسل بصوت هادي: احح يـ الجبهه.
دق الباب باسل ودخل بإبتسامه,
باسل: السلام عليكم.
الأستاذ يناضر شهد اللي ورا باسل: وعليكم السلام. .مين هذا اللي معك ياباسل؟.
باسل: هذا طالب جديد ياأستاذ.
الأستاذ: اها طيب تفضل مكانك..لف ع شهد..عرفنا فيك؟.
شهد: اسمي شهاب.
الأستاذ: هلا فيك ياشهاب. .انت فيك اصول اجنبيه؟.
شهد ناظرته ببرود وبنظره تخووف حتى الأستاذ خاف,
شهد: لا.
لفت ع الطلاب وشافت مكان فاضي راحت لمه وجلست حطت شنطتها وتربعت ع الكرسي وكمل الأستاذ شرحه,,

خلص البارت الأول(:

توقعاتكم؟
ايش راح يصير بالبنات؟
وباسل ليش انفجع اول ماشاف شهد؟
اتمنى اشوف توقعاتكماتكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-09-2016, 01:57 AM
صورة انثىّ ملائكِيہْ الرمزية
انثىّ ملائكِيہْ انثىّ ملائكِيہْ غير متصل
©؛°¨غرامي فعال ¨°؛©
 
الافتراضي رد: رواية/ شلة بنات بثانوية عيال /بقلمي


بدايــــة موفقــــة
استمري وانـــا معاكـــ ...
دمتي بخيـــر ^_^
تحياتي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-09-2016, 02:01 AM
صورة _nOoOr الرمزية
_nOoOr _nOoOr غير متصل
©؛°¨غرامي جديد¨°؛©
 
Th Recordplayer رد: رواية/ شلة بنات بثانوية عيال /بقلمي


اقتباس:
المشاركة الأساسية كتبها انثىّ ملائكِيہْ مشاهدة المشاركة
بدايــــة موفقــــة
استمري وانـــا معاكـــ ...
دمتي بخيـــر ^_^
تحياتي
شكرا لك عيوني(:
وانا ان شاءالله بكون متابعة لروايتك(:

اختك: نور.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 09-09-2016, 04:52 AM
Akane-chan Akane-chan غير متصل
©؛°¨غرامي جديد¨°؛©
 
الافتراضي رد: رواية/ شلة بنات بثانوية عيال /بقلمي


البداية جميله واتمنى ان الفكرة تكون مختلفة زي ماتقولي استمري

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 09-09-2016, 06:17 AM
صورة _nOoOr الرمزية
_nOoOr _nOoOr غير متصل
©؛°¨غرامي جديد¨°؛©
 
Th Recordplayer رد: رواية/ شلة بنات بثانوية عيال /بقلمي


اقتباس:
المشاركة الأساسية كتبها akane-chan مشاهدة المشاركة
البداية جميله واتمنى ان الفكرة تكون مختلفة زي ماتقولي استمري
شككرا لك ع الرد وان شاءالله حكون عند حسن ظنك(:


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 09-09-2016, 07:26 PM
صورة _nOoOr الرمزية
_nOoOr _nOoOr غير متصل
©؛°¨غرامي جديد¨°؛©
 
الافتراضي رد: رواية/ شلة بنات بثانوية عيال /بقلمي


السلام عليكم جميعا

اعتذر من الكل لكن بقفل الرواية مدة لأني مشغوله واذا فضيت برجع افتحها


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 09-09-2016, 08:14 PM
صورة الفتى القرمزي الرمزية
الفتى القرمزي الفتى القرمزي غير متصل
©؛°¨غرامي جديد¨°؛©
 
الافتراضي رد: رواية/ شلة بنات بثانوية عيال /بقلمي


روايه رائعه لكن ليش هيك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 10-09-2016, 01:10 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية/ شلة بنات بثانوية عيال /بقلمي


تغلق بطلب من الكاتبة

رواية/ شلة بنات بثانوية عيال /بقلمي

الوسوم
مسجات الصباح , ثيمات نوكيا , برامج جوال , رسائل العيد , صور حب , صور روعة , صور غريبة , وسائط حزن
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية لا زعلت وجاك مني خطا إمسكني بيدي وعلمني خطاي /بقلمي * الغيد .. روايات - طويلة 113 12-02-2017 12:15 AM
رواية ماكنت اتوقع أني أحبها /بقلمي Remoz أرشيف الروايات المغلقة - لعدم إكتمالها 94 19-09-2016 06:21 AM
قصة الأثم /بقلمي قلم مضطرب قصص - قصيرة 6 31-03-2016 12:53 AM
رواية طيات الحاضر والماضي /بقلمي امبراطورة الانمي روايات - طويلة 14 09-03-2015 10:50 PM
رواية في هالدنيا عابرين /بقلمي ماضي جميل روايات - طويلة 2 09-03-2015 02:20 PM

الساعة الآن +3: 12:27 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1