اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 17-12-2016, 12:05 AM
صورة لكل جزء حكاية الرمزية
لكل جزء حكاية لكل جزء حكاية غير متصل
©؛°¨غرامي جديد¨°؛©
 
B10 رد: رواية لكل جزء حكاية/بقلمي


السلامم عليكمم ..
بعد انقطاع تقريباً شهر اليووم راح انزل جزء جديد ..
أتمنى يعجبكككم ..
بلييز تعليقاتكم تفيدني وتحمسني ..
اتركم مع الجزء السادس ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 17-12-2016, 12:13 AM
صورة لكل جزء حكاية الرمزية
لكل جزء حكاية لكل جزء حكاية غير متصل
©؛°¨غرامي جديد¨°؛©
 
B10 رد: رواية لكل جزء حكاية/بقلمي


#زَعَّلتَ ..

أَنا زَعَّلتَ إترك إيديني وَرَوْح بَسَّ يَكْفِينِي جُرُوح

كُنتِ لِيَ ضَحِكَهُ وضي كَآن حَبَّكَ كُلْ شَيّ

ماتَ قَلْبِي وَآنا حَيّ آهَ لَو تَدُرِّي إيش قَتَّلتُ

أَنا زَعَّلتَ ..

نوال الكويتية ..



الجزء السادس : كشف الحقيقه ..


في المستشفى الساعه 5:00م ..
طلب عبد الرحمن من ليليى تاخذ امها وابوها ورفعه والبنات وجاسم وتروح للبيت ..
عبدالرحمن اتصل ع ابوه ..
طوووط ,, طووط ,, طووط ,,
رد ابو عبدالرحمن : الوو ..
عبدالرحمن(بصوت حزين): السلام علكيم ..
ابوعبدالرحمن (استغرب من صوت ولده): وعليكم السلام ..!!
عبدالرحمن؛يبه .. كلم كل عماني وخلهم يجتمعون في بيت عمتي نوره (ام ماجد ) ضروري...
ابو عبدالرحمن (ما حب يجادل): ان شاء الله ..

في الافنيوز الساعه 5:15م ..

وضحى خلصت وخذت كل شي تحتاجه ساره واتجهت الى كارفور ..
اتصلت على مها ..
طووووط .. طوووط ..طووط ..
الرقم الذي طلبه غير موجود بالخدمه .. الرجاء الاتصال في وقتاً لاحقا ..
خافت وضحى ,..

بالادارة ..
محمد (بحنيه): خالد .. خلك لطيف مع اختك .. ما تشوف الخوف لابسها ..
خالد(بعصبيه ):محمد ..لا تتدخل ..ولوسمحت خلني مع اختي بروحنا ..
محمد (استغرب من تصرف خالد):بالاذن ..
طلع محمد وهو متنرفز ..
خالد(قرب من مها وهو معصب): انا كم مره قلت لج اذا رحتي السوق تمشي ولا تكلمين احد او تردين عليه ..؟؟
مها(تبكي): ما كلمته .. بس هو مسكني وانا هاوشته ..
خالد(منصدم): مسكج هالـ...
مها (بخوف): انا بقول لك كل شي ..
رن تلفون مها ..
ترن ترن ترن ..
مها(تستأذن من خالد): هذي وضحى ..عادي ارد ..
خالد : ردي ..
مها(بصوت باكي): وضحىى ...
وضحى(خافت): مها .. شفييج ؟؟
مها:تعالي اداره الافنيوز
وضحى(بفزع):ليش!!
مها(بصبر): لا طولين .. تعالي بسرعه ..
وضحى:ابشري

محمد عند الممر واقف يطالع الشاب اللي تحرش بـ مها منطرف عينه ..
الشاب المتحرش يخز محمد ويكلم صاحبه ..
الشاب المتحرش: شوفه شلون يطالعني ..؟
الشاب الاول :ههههههه ..يعني مسوي فيها مراجل ويقول هذي اختي ..
الشاب المتحرش: انت ضربته بقوه .. شوف وجه شلون انتفخ ..
الشاب الاول :قسم بالله ما شفت مثله ع طول طاح من الضربه الاولى ..
الشاب المتحرش:ههههههههه ..
محمد (تنرفز): امسك لسانك لا اقطعه لك ..
طلع خالد ..
خالد : محمد تعال ابي اكلمك ..
محمد : اوكي ..
دخل محمد وخالد والضابط ..
مها كانت خايفه ..
الضابط : تفضلوا ..
خالد : انا ماراح اتنازل عن قضيه التحرش ..
الضابط : قضيه التحرش محسوبه من زمان , وراح يعاقب بالسجن 3 شهور ..
خالد : زين ما تسوي ..
الضابط : وانت ي اخ محمد .؟؟
محمد: امر ..
الضابط : بتتنازل ع الاعتداء ..
محمد : لا ..
خالد: محمد تنازل وخلهم يكتبون تعهد بعدم التقرب منك ..؟؟
محمد : بس ..
خالد: سكر الموضوع وخلنا نطلع ..
محمد(عصب): لخاطر بسوي هالشي ..
الضابط : بتتنازل ؟؟
محمد : انا متنازل ..
الضابط عطى محمد ورقه التنازل وطلب من الشباب يدخلون عشان يوقعون ع التعهد بعدم التقرب منه ..

في بيت ام ماجد الساعه 6:00م ..
الكل مجتمع ..
في صاله الحريم ..
ام ماجد منهاره بكي وام فهد تواسي اختها ..
وليلى و رفعه بحاله مأساويه ..
عبير(بذكاء): ماما .. بابا وين ؟؟ دخل غرفه بالمستشفى وماطلع ..
هديل (ببراءه طفل): اي وين بابا ؟؟ انا ابي اروح للجمعيه معاه ..
رفعه(انهارت تبكي بصوت عالي): ردوووا لي ماااجد ..آآآهه .. يا حره قلبي .. آآآه ي عين ابوي ...
ليلى(بكت مع رفعه وصاحت مثلها): آآآآه ي خوووووي .. ليش ترووح ليشش ..
شيخه(ركضت تضم رفعه): استهدي بالله .. ما يصير تسوين بعمرج جذي .. وحدي الله ي رفعه ..
ونجلاء (راحت عند ليلى): ليلى .. لا تسوين بعمرج جذي .. تكفين ..هدي هدي ..
ام ساره طلعت تتصل ببنتها وضحى ..
طوووط .. طوووط ..
بسياره محمد ..
وضحى (بخوف): محمد امي تتصل ؟؟
محمد : ردي وقولي لها انتج بالطريق وجايه .. ولا تعلمين احد ..
وضحى : اوكي
وضحى (ردت عل امها بتردد): اللوو ..
ام ساره : هلا وضوح وينجج؟؟
وضحى (حست ان امها فيها شي):يمه شفيج ؟؟
ام ساره: تعالي بيت عمتج نوره ..
وضحى : ليش عمتي فيها شي ..
محمد خاف ..
ام ساره (بكت): ماجد مات اليوم ..
وضحى (بصوت عالي): مااااات ..
محمد (وقف السياره ع جنب): ؟؟؟
ام ساره : اي مات .. الله يرحمه ..
وضحى : شوي واكون عندكم ..
ام ساره : يالله زتج (بسرعه)..
سكرت وضحى وهي تبكي..
محمد(بخوف): منو اللي مات ؟؟
وضحى (تبكي): ولد عمتي نوره ..
محمد(بصدمه): جاااسمم ..؟؟
وضحى : لااا .. اللي مات ماجد ..
محمد(بصدمه قويه صديق طفولته ومراهقه مات): مااااججد !!

عند مصافط الافنيوز بسياره خالد ..
خالد : مها ؟؟
مها (خايفه من اخوها):هلاا ..
خالد (بلطف): انا اسف ..
مها (بكت): خالد.. لا تصرخ بوجهي مرره ثانيه تكفى ..
خالد (قرب من اخته وباس راسها): ماراح اصرخ .. وعد ..
مها (انهارت): انت ابوي .. قبل ما تكون اخوي ..
خالد: ادري ي بعد عيني .. بس لا تقولين لاحد خصوصا امي ..
مها : ان شاء الله ..
خالد(يمسح دمع اخته): مابي اشوف دموعج .. ترها غاليه علي ..
مها(تمسك يد اخوها) : اوكي ..
خالد(يدغدغ اخته): يالله اضحكي ..
مها(تضحك): هههه .. خالد انت مو تدغدغ .. عورتني ..

يوم جديد ..
الصباح في مقبره صلبيخات الساعه 9:00ص ..
في غرفه غسيل ..
ابو ماجد (يكلم ولده) : حللي ي ولدي حللي ..
باس راسه وداح منه دمعه ع جبين ماجد ..

صلوا ع ماجد ..
وبدت ايام العزاء ثلاث ايام ..

بمطار الكويت الساعه 11:00ص ..
على السافرين الموجهين الى بيروت الرجاء التوجه الى بوابه رقم (...)
خالد ماسك جنطت سفره ومتجه الى البوابه ..
صادف خالد محمد بمطار ..
خالد : السلام عليكم ..
محمد : وعليكم السلام ..
خالد : عظم الله اجركم ..
محمد : الله يجزاك خير ..
خالد : انت بتسافر .؟؟
محمد : اي لازم بسافر للاردن ..
خالد : متى طيارتك ..
محمد : بعد ربع سارعه ..
خالد : الله يحفظك ..
محمد : وانت وين بتروح ؟؟
خالد : بروح بيروت .. عند اخوي جابر ..
محمد : الله يسهل دربك ..
خالد : يالله مع السلام..
محمد : الله معاك ..

بالطياره ...
خالد يتصل ع جابر ..
طوووط .. طوووط ..
جابر(بنص نومه):نعععمم ..
خالد : وانت كله نايم..
جابر(فز من سريره) : خالد !!
خالد : قووم .. انا ع الساعه 3:30 بكون في مطار بيروت ..تعال استقبلني ..
جابر(ارتبك): بتجي بيروت ..
خالد : انا حاليا في الطياره ..
الموظفه :بليز ممكن تسكرالتلفون بتقلع الطياره بعد شوي ..
خالد : جابر انا بسكر .. بتقلع الطياره ..
طووووووووط ...
جابر (قام من مكانه): ناريماااااان ..
ناريمان (بخوف ): شوباك ؟؟
جابر : شلي كل ملابسج وملابس العيال .. وروحي بيت اهلج ..
ناريمان(بصدمه): لي .. انا شو عملت ..؟؟
جابر(يلم الاغراض): بعدين اشرح لج ..سكري غرفه العيال ..ولا تخلي اي شي ..
ناريمان (زعلانه): بس انا ما عملت شي ..

في بيت ام ماجد ..
اول يوم عزاء ..
الناس تدخل وتطلع تعزي ع فقيدهم الغالي ..
دخلت مره غريبه ..
كانت من العوايل الكبيره حييل يسمونهم بـ(الهوامير) ..
عزت ام ماجد و ليلى ورفعه ..
رفعه انصدمت من المراه ..
المراه همست بأذن رفعه خلت رفعه بحاله صدمه قويه ..

في المستشفى الساعه 1:00م ..
دخل دكتور طلال ..
دكتور طلال : السلام عليكم ..
مها وساره : وعليكم السلام ..
دكتور طلال : هاا ساره شلونج الحين ؟؟
ساره (مطمنه بوجود مها جنبها): بخيير ..
مها : انا استأذن الظاهر الحين تبي تقعد معها فتره علاج ..
دكتور طلال(معجب بذكاء مها): فعلاا ..ببدا معها جلسه علاج ..
طلعت مها تتمشى بممرات المستشفى ..
دكتورطلال (بدا بخدعه التنويم المغناطيسي): ساره حددي نقطه بالسقف وطالعيها ..
ساره (بهدوء):اوكي
دكتور طلال:طالعيها بطريقه السرحان .. اسرحي بالنقطه هذي ..
ساره :...
دكتور طلال(بصوت هادي): يالله بعد من واحد لين عشره .. اول ما تسمعين صفق يدي غمضي عينج ..
ساره:...
دكتور طلال : 1 2 3 .. استرخي اكثر 4 5 6 7 8 9 10 ..
صفق يد ..
دكتور طلال: غمضي عيونج ..
ساره نامت ..
دكتور طلال: قولي لي شنو تحسين فيه ..؟
ساره(بأسترخاء): بهدوء وثقل بجسمي ..

بعد نص ساعه ..
دكتور طلال طلع ولقى مها بالممر تمشي ..
دكتور طلال : مها تعالي ..
مها : طمني ي دكتور ..؟
دكتور طلال(يطالع عيون مها بأعجاب) : حالته بتقدم ..
مها: الحمدلله ..

في الاردن وبالتحديد بالمطار الساعه 4:00م ..
فواز يستقبل محمد ..
فواز : نورت الاردن ..
محمد (بوجه حزين): بوجود ي خوي ..
فواز (خاف): شفيك ي محمد ..
محمد(بدون مقدمات بكى وهو ضام فواز): آآآآههه ..
فواز(استغرب): شفيك ي محمد .. ماعاش من يبكيك ..
محمد (يمسح دموعه): اللي يبكيني مات ي فواز ماات ..
فواز(بصدمه): منو اللي مات ..
محمد(بتعب):خلنا نروح للشقه ..

لبنان الساعه 4:00م ..
جابر يستقبل خالد ..
جابر : هلاا والله بأخوي ..
خالد : هلابك زود ي القاطع ..
سلام اخوان ..
بسياره جابر ..
جابر : شعندك جاي بيروت ؟؟
خالد (استغرب من اسلوب اخوه): ماتبيني ..؟
جابر: لاا بس انت قبل كنت تقولي اذا تبي تجي بيروت .. هالمره ما علمتني ...
خالد : كنت بخليها لك مفاجأه ..
جابر(يسلك الموضوع): احلى مفاجأه ..
وصلوا العماره ..
حارس العماره ..
الحارس: جابر .. المدام طلعت من هون وهي زعلانه ومادا اغراضها ,,
جابر (ارتبك ): اي مدام ..
خالد (انصدم): مداام ..
جابر(فتح عيونه ع الاخر): ي جورج شوباك ..
الحارس(فهم ع جابر): ههههه .. عم امزح معاك ..
جابر(ضرب الحارس ): بلا هالمزح مره ثانيه ..
صعدوا لشقه ..
خالد : شخباري بالشقه ..
جابر : تذكر ايام قبل ..

في امريكا وتحديدا مطار واشنطن ..
بالطياره ..
صالح (يقول دعاء السفر): سبْحانَ الذي سخَّرَ لَنَا هذا وما كنَّا له مُقرنينَ، وَإِنَّا إِلى ربِّنَا لمُنقَلِبُونَ ..
صالح اخيرا بيرجع للديره ..

في الكويت وبالتحديد بيت ام ماجد الساعه 6:00م ..
في المطبخ ..
نجلاء تشرب ماء ..
دخل فيصل بالصدفه وشاف نجلاء ..
فيصل(ياخذ كاس): السلام عليكم ..
نجلاء(بتعب): وعليكم السلام ..
فيصل :شلون خالتي نوره (ام ماجد) ..
نجلاء(بحزن): حالتها حاله ..
فيصل : لا حول ولا قوة إلا بالله .. وليلى ؟؟
نجلاء : ليلى منهاره كل شوي تصيح تنادي اخوها ..
فيصل(بحزن): اعوذ بالله ..
نجلاء : استأّذن بروح اشوف ليلى ..
فيصل(ذاب لما شاف وجه نجلاء بقرب): الله معاج ..
فيصل (حتى وهي حزينه وبدون مكياج جميله , انا شنو اقول) شرب الماء وطلع ..

في لبنان وتحديدا ببيت اهل ناريمان ..
ناريمان : امي .. ما بعرف شو صار حتى اتصلاتي ما عم يرد علي ..
ام ناريمان : روحي لو الشقه ..؟
ناريمان : بس هو ألعني .. (قلعني) ..
ام ناريمان (بخبث):روحي شوفي زوجك شو عم يعمل..
ناريمان(اشتعلت نار الغيره بقلبها): شووو .. انا هلاا بروح لعندو ..

بالشقه ..
جابر(مرتبك): خالد .. تبي شاي .؟؟
خالد(يطقطق بالرموت): اي تكفى ..
جابر: اوكي ..
خالد حط الرموت ع الطاوله وقعد بالبلاكونه بالصدفه شاف ملابس منشوره ومن ضمنها ملابس اطفال وملابس حريم..
خذا ثوب ودخل متجه للمطبخ ..
خالد(مستغرب): جابر ..
جابر(بفزع وهو مطي ظهره لخالد):شنوو ..
خالد (خبى الثوب ورا ظهره): انت خاش شي عني ؟؟
جابر(ارتبك): هاا لاا..؟؟
طن طن ..(جرس الشقه)..
جابر :الجرس ..
خالد : انا بفتح ..
ركض جابر ..
جابر : انا بفتحه ..
خالد(تأكد ان في شي): قلت انا اللي بفتحه ..
جابر: انت تعبان وتوك جاي من سفر روح ارتاح ..
خالد(طلع الثوب): هذا شنوو .. انت متزوجج ..؟؟
جابر(خاف): هاا ..
خالد(بصوت عالي): انت متزوووجج ..واللي عند الباب اكيد هي ..
راح خالد فتح الباب ..
ناريمان : اخيرا فتحت الباب ..
خالد : هذي زوجتك ..
جابر : خالد اسمعني .. بقولك كل شي ..
خالد : لا اسمعك ولا تسمعني .. طلقها ..(بصوت عالي) طلقهااا ..
ناريمان (عصبت ودفعت خالد ع الطوفه): شوو دخلك انتا ,,
جابر وخالد (انصدموا من رد فعلها)
جابر (مسك ناريمان): انت شسويتي ..
ناريمان(بصوت عالي): هدا مين و شو بدوا ..(هذا منو وشنو يبي)
خالد(بعصبيه): انا اخووه خالد ..
جابر(يعرف خالد اذا عصب يمكن يرتبك جريمه): هد ي خالد وانا بقولك كل شي .. وانتي يا ناريمان روحي البيت ..
خالد: لا قولي السالفه وهي موجوده .. اعرف بتكذب علي ..
ناريمان : انا بقولك كل شي ..
جابر (عصب): ناريمااان .. روحي بيت اهلج ..
ناريمان(بصوت عالي): اسمع انا زوجه جابر وعندنا بنت وولد عمرهم خمس سنين ..
خالد (انصدم): عيااال ..
جابر (مسك ناريمان من ملابسها): ان ما طلعتي .. قسم بالله ورقتج تجيج ..
ناريمان : انا طالعه .. الله لا يوفأك ي جابر (يوفقك) ..
خالد: لا تطلعين .. انا اللي بطلع .. وانت (يأشر ع جابر) حسابك عسير بالكويت ..
جابر : وين بتروح ؟؟
خالد : ما عليك مني ..
طلع خالد وخذا جنطته ..
راح لفندق ..

يوم جديد الساعه 3:00م ..
بمطار الكويت الدولي ..
وصل صالح للديره ..
سجد للرب شكر ..
بنفس الوقت وصل خالد ..

اتجه خالد للبيت وهو لحد الحين بحاله صدمه ..
وصالح راح بيت يبي يسوي مفاجأه لاهله ..
لكن ما لقى احد ..
صالح (ينادي): يبه , يمه ..
نزلت موضي وهي منصدمه ..
موضي(بصوت عالي): صااالحح ..
ركضت وطبت بحضن اخوهاا من شوق ..
صالح(رجع خطوتين ورى من قوه الضمه):لبى والله قلبج ي موضي ..
موضي(تبكي شوق لاخوها): اشتقت لك ..آآههه ..

مرور شهر ..
في بيت دكتور طلال الساعه 4:30م ..
طلال : يمه ..
ام طلال : هلاا ..
طلال : بسألج ..
ام طلال : اسأل..
طلال : تعرفين عايله الرفعان ..
ام طلال : اي .. ليش تسأل .؟؟
طلال : بسرحه يمه بخاطر وحده اسمها مها ..
ام طلال: تبي تتزوجها ..
طلال(بخجل): اي يمه .. ذبحتني العزوبيه .. وانا ماني صغير بدخل 30 وما تزوجت ..
ام طلال:عطني اسمها الكامل وانا من باجر اخطبها لك ..


في استراليا الساعه 11:00م ..
مطار سيدني ..
مسفر متجه الى البوابه ..
مسفر(سبْحانَ الذي سخَّرَ لَنَا هذا وما كنَّا له مُقرنينَ، وَإِنَّا إِلى ربِّنَا لمُنقَلِبُونَ)
جلس مسفر بمقعده الخاص ..
جات بنت وجلست بمقعدها ..
....: السلام عليكم ..
مسفر(يطالع بالنافذه يودع سيدني) :....
....: شفيك مسفر رد على السلام ..
مسفر(انصدم):نعم .. شتبن ؟؟
....: مابي شي .. هذا مقعدي ..
مسفر: خلود .. ابعدني عني ..
خلود : وش سويت فيك ..
مسفر: لا حول ولا قوة إلا بلله ..
خلود(تضايقت): هذا مقعدي وما كنت اعرف ان هذا مقعدك ..
مسفر: خلاص مابي اسمع صوتج .. اسكتي ..
اعلن الكابتن ع الاقلاع ..
خلود (بدا الخوف لبسها بصوت واطي):بسم الله .. بسم الله ..
مسفر(يخلي نفسه مو مهتم):..
خلود(بصوت واطي وباقي): خايفه ..
اقلعت الطياره ومن خوف خلود من الاقلاع مسكت ثوب مسفر ..
مسفر(جسمه كله تقشعر): شفييج ؟؟
خلود(مسكته بقوه): مسفر خايفه ..


في السجن المركزي الساعه 5:30م ..
سالم جالس بروحه ..
جاه واحد يكلمه ..
الشاب : السلام عليكم ..
سالم : وعليكم السلام ..
الشاب: انا لحظت عليك .. من اول ما دخل السجن وانت ما تكلم احد ..
سالم: مالي خلق مشاكل مع احد ..
الشاب: ولا يهمك .. ماراح يكون بينا مشاكل ..

في بيت عبدالله الساعه 6:00م ..
ساره (قاعده بالصاله): فاهد ..وين خواتك ؟؟
فاهد : فوق ..
ساره (صعدت الدرج.. تذكرت لما كانت تركض بالدرج فجأه ): لااااااااا .. يمههه .. يمههه ..
عبدالله وعايشه والبنات ركضوا يشفون ساره ..
ساره (تضرب بالدرج وتصارخ): بعدووا سالم مني .. بيذبحني ..
صالح (ينزل من الدرج بسرعه) : بسسم الله عليج .. عمتي محدر راح يذبحج .. هدي ..
ساره (تضرب صالح بصدره): وخوه مني .. صالح ..سالم يبي يذبحني ..
صالح(شل ساره من الدرج ونزل تحت):ماراح يذبج وانا موجود ..

في الطياره ..
مسفر(لاحظ ان خلود مو مرتاحه): فيج شي ..
خلود(خايفه وماسكه دمعتها وتردد):مـ..ـا فيــ..ـني شيي ..
مسفر(مستغرب من تصرفاتها): انتي فيج شي..
خلود(بكت): خااف من المرتفعات و الطياره ..
مسفر(رحمها):لا تخافين..انا موجود .. انتي الحين نامي .. باقي اكثر من خمس ساعات ..
خلود(بتردد): ممكن ...أأمـ..ـسك طرف ثوبك ..؟
مسفر(مد يده ): امسكي يدي ..
خلود(مسكت يد مسفر وخذت وضعيه النوم وبصوت واطي): بسم الله الرحمن الرحيم ..
ونامت ..
مسفر(يطالع وجها الملائكي): نوم العوافي ..
مسفر يقراء كتاب .. ويسمع همس ..لف يطالع خلود ..
خلود(بنوم عميق وبهمس تقول): مسفر .. اناا احبكك ..


في بيت ام ماجد الساعه 7:30م ..
ام ماجد :هديل تعالي ..
هديل :لبيه ماما نوره ..
ام ماجد: لبى ماما نوره ..روحي نادي عمتج ليلى وامج ..
هديل :انزين ..
ركضت هديل تنادي وتصادف جدها ..
هديل(بضحكه) : جديي ..
ابو ماجد(يضمها): لبى جدي ..
هديل : جدي انا ابي اروح للجمعيه ..
ابو ماجد : وكم هديل عندي .. خلاص شوي انروح وقولي حق عبير..
هديل: اوككي ..
ركضت لغرفه امها (رفعه)..
طق طق طق ..
رفعه : نعمم ..
هديل: ماما .. عادي ادخل ؟؟
رفعه : تعالي يمه ..
هديل دخلت ..
هديل: ماما .. ماما نوره تبيج انتي وعمتي ليلى ..
رفعه :ان شاء الله ..


________________
نهاية الجزء السادس ..
توقعاتكم للجزء السابع ..
قراءة ممتعة ..


آخر من قام بالتعديل لكل جزء حكاية; بتاريخ 17-12-2016 الساعة 01:19 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 28-12-2016, 11:59 AM
صورة موآآآآآآآآآآدع الرمزية
موآآآآآآآآآآدع موآآآآآآآآآآدع غير متصل
©؛°¨غرامي نشيط¨°؛©
 
الافتراضي رد: رواية لكل جزء حكاية/بقلمي


ربي يعطيك العافيه على روعة الروايه وابداعك في صياغتها

اعجبتني كثير لاهنتي تقلي مروري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 16-01-2017, 11:22 AM
صورة لكل جزء حكاية الرمزية
لكل جزء حكاية لكل جزء حكاية غير متصل
©؛°¨غرامي جديد¨°؛©
 
Uploadfef5c031fd رد: رواية لكل جزء حكاية/بقلمي


السلااام عليكم ..

السموحة ع التأخير .. كانت عندي اختبارات واشغلتني شوي ..
واليوم راح انزل لكم الجزء السابع ..
قراءة ممتعة ...
وان شاء الله تعجبكم ..
أتمنى الدعم منكم وشكراً ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 16-01-2017, 11:38 AM
صورة لكل جزء حكاية الرمزية
لكل جزء حكاية لكل جزء حكاية غير متصل
©؛°¨غرامي جديد¨°؛©
 
Uploadfef5c031fd رد: رواية لكل جزء حكاية/بقلمي


#الفراق ..

أشتاق لك وأعلم أنك لن تأتي ,
وأن اللقاء بينا مُحال،
وأن الفراق بينا قد طال وطال،
فكُل شيء في الكون لا بُد أن يكون إلى الزوال،
وها هو مع الأيام قد زال.




الجزء السابع : هذا دربي ..

خلونا نرجع شوي ورا ..
قبل شهر من وفاة ماجد ..
في مطار الكويت الدولي الساعه 3:00م ..
خالد ينزل من الطياره وعيونه مليانه غضب ع اخوه جابر ..
اتجه للمصافط ركب سيارته وطلع بسرعه ..
ساق السياره بجنون وهو ما يدري وين يروح ..
_________
سياره شرطه توقف سياره خالد ..
وقف خالد (وهو يتعوذ من الشيطان الرجيم ):اعوذ بالله من الشيطان الرجيم..
الشرطي(نزل من السياره متجه لسياره خالد): السلام عليكم ..
خالد(يحاول يكون هادي): وعليكم السلام.. امر ي خوي .؟؟
الشرطي :شنو هالسرعه هذي .. عطني الاجازه والدفتر ..
خالد(ماسك نفسه): بس ..
الشرطي : عطني الاجازه والدفتر ..
خالد(طلع الاجازه والدفتر): تفضل ..
راح الشرطي لسياره ..
خالد (تنرفز واتصل ع مها اخته): ...
طوووط ..طوووط ..
مها(مستغربه) :الوو !!
خالد(متنرفز): مها .. امي وينها ؟؟
مها(بخوف): شفيكك ..؟
خالد(عصب): جاوبي امي وين ؟؟
مها : امي طالعه ..بس انت ...
وسمعت صوت القطار .. (خالد سكر التلفون بوجهه )..
__________
الشرطي :انت سرعتك كانت اكثرمن 120 .. وانا مطر اخذ الدفتر ..
خالد : لكن .. انا مستعجل ..
الشرطي : ما اقدر اعطيك الدفتر .. هذي مخالفه ..
خالد : بــسس..
الشرطي : بعد ثلاث ايام خذ الدفتر من مخفر القرين ..
راح الشرطي .. خالد عصب من اسلوب الشرطي ..
__________
في بيت ام ماجد ثاني ايام العزاء الساعه 5:00م ..
ام ماجد (تبكي ع فراق ولدها): لا حول ولا قوة إلا بالله ..
ام ساره جالسه جنب ام ماجد وتمسح ع راسه وتهديها ..
رفعه (عيونها تتطاير تدور بين الحريم المراه اللي همست بأذنها ولقتها جالسه بين الحريم بعبايتها الفخمه)
ليلى (تتجه لرفعه وكلمتها بصوت واطي): رفعه .. هديل فوق منهاره تبكي حاولت اهديها بس هي تبيج ..
رفعه (تخز المراه وهي مو منتبه ليلى): انزين ..
ليلى (استغربت ): رفعه فيج شي ..
رفعه قامت وراحت لفوق بسرعه بدون ما ترد ع ليلى ..
__________
في مجلس الرجال ..
فيصل (ودي اشوفها .. ما توقعتها جميله )
اتصل فيصل ع اخته فرح ..
طووط.. طووط ..طوووط
فرح(بتعب): الوو ..
فيصل(طلع من المجلس): فروحه .. وينج ؟؟
فرح: وين بكون يعني .. في بيت خالتي .. تبي شي ..؟
فيصل(استوعب نفسه وعرف اللي بيسوي غلط): هاا .. ولا شي باي ..
سكر فيصل الخط ..
فرح(استغربت من اتصال اخوها): غبي !!
موضي: شفيج !!
فرح: عمري ما شفت مثل اخوي فيصل ..
موضي(تضحك):ههههه .. شفييه بعد ؟؟
فرح(منقهره من حركه اخوها):اتصال علي يسألني ويني ..وبعدها ما ادوي شنو كان بيقولي وسكر الخط بوجهي ..
موضي (ضحكت): هههههههه .. الحمدلله .. اخوج غبي ..
بنفس المكان ..
منيره(حاطه يدها بفمها )
جاتها نجلاء..
نجلاء: عمتي منيره شفيج !!
منيره(قامت وهي مو طايقه الريحه): مافيني شي ..
مشت بسرعه متجه فوق راحت نجلاء ورها ..
ام ساره لاحظت ان منيره فيها شي راحت تبي تشوفها ..
ركبت منيره ونجلاء الاصنصير ووقفتهم ام ساره وصعدت معاهم ..
ام ساره(مسكت منيره): منيره .. فيج شي ..
منيره (بخاطرها لا مابي اقول لها): لا عمتي مافيني شي ..
ام ساره (شكت ان منيره مخبيه شي): انتي حامل ؟؟
منيره (توها بتتكلم لا يفتح باب الاصنصير ركضت بسرعه البرق للحمام)
نجلاء ركضت ورها وام ساره خافت ..
منيره بالحمام ترجع (تكرمون)..
نجلاء تطبطب عليها دخلت ام ساره ..
منيره(بصرخه): اطلعوا وخلوني برووحي ..
نجلاء وام ساره طلعوا وخلوها ..
بعد خمس دقايق ..
طلعت منيره من الحمام (تكرمون) وهي بحاله مو طبيعيه تمشي مثل السكران..
منيره(والتعب كاسيها): اتصلوا بهادي .. بسرعه ..
فزت نجلاء تركض لعمتها ..
نجلاء (بخوف): عمتي شفييج ..
ام ساره (شافت دم ع الارض خافت): منيره .. انتي تنزفين !!
منيره(طاحت ع الارض): عمتي .. انا حامل ..
ام ساره (بخوف): حامل !!
نجلاء (نزلت تحت بسرعه وخذت تلفونها واتصلت ع اخوها صالح ): بسررعه رد ..
نجلاء طلعت بالحوش عشان محد يحس بخوفها ..
طوووط ..طوووط ..
الرقم الذي طلبه مغلق او خارج نطاق التغطيه ..
مشت بالحوش وصادفت فيصل ..
ركضت ومسكت يد فيصل ..
فيصل (وقف شعر جسمه كله ): شفيجج .؟؟
نجلاء(تتكلم بسرعه): أا .. بسسر,,.عه ,,ناا...دد ..هاا..دي !!
فيصل(تنح): تكلمي بهدوء ما ادري شنو تقولين ..
نجلاء(ضغطت ع يد فيصل اكثر): فييصل .. شغل السياره .. بسرعه ..عمتي منيره تعباانه ..
فيصل (بخوف):شنوو !!
حاول فيصل يفك يد نجلاء بس هس ماسكته بقوه ..
فيصل(بغضب): فكي يدي ..
نجلاء استوعبت وفكت يد فيصل ..
ركض فيصل للمجلس ..
اتجه لهادي وهمس بأذنه ..
__________
نجلاء صعدت فوق ولبس عمتها العبايه وطلعت من الباب الخلفي ..
هادي نزل من السياره ومسك منيره وركبها السياره وركبت نجلاء وياها ..
منيره(بتعب شديد): ما قلت لك .. بتعب من هالحمل هذا ..
هادي(والخوب لابسه): استهدي بالله ..
منيره(تنطق بصعوبه): عيالي امانه برقبتك ي هادي ...
نطقت كلمتها الاخير وراحت في نوم عميق ..
هادي(خااف): انتي بتكونين معانا ..
فجأه صرخت نجلاء ..
نجلاء(بصوت عالي): عمتتتي ..لا تروحيين تكفين ..بسرعه ي هاادي ..
هادي(ساق بجنون): ماراح ترووح وتخليني ..
__________
في بيت ام خالد الساعه 5:30م ..
مها(دخلت غرفتها واتجهت للحمام تكرمون وخذ لها دوش سريع .. لبست بنطلون جينز وبدي فكتوري ونشفت شعرها وحطت ايلانير ومسكاره وطلعت صادفت خالد طلع من غرفه ومعصب)
مها(راحت تبي تسلم عليه وبضحكه): هلا باخوي حبيبي ..
خالد(بنرفزه): اهلين ..
خالد راح بدون ما يسمع ردها ..
مها(عصبت وبصوت عالي):انت شفيك علي اليوم .؟؟
خالد مشى ولا عبرها ..
مها(من العصبيه ضربت رجلها بالارض ): لا ترد انزين .. وانا الحين بروح لـ ساره ولا راح اقول لك شي (بصرخه قويه)انزييين ..
خالد(حن قلبه):..
مها(تنزل من الدرج وهي تضرب الارض بقوه): همم همم همم ..
خالد(بضحكه عفويه): هههه ..ي حلوج وانتي معصبه ..
مها مشت ولا عبرته .. وطلع عشان تروح لـ ساره ..
__________
وبنفس الوقت في مستشفى حكومي بمواقف الطوارئ بالتحديد ..
وقف هادي السياره وطلب من المسعف يجيب السرير ..
هادي جمع قوته وحمل منيره وحطها بالسرير وطار فيها لغرفه الانعاش ..
المسعف : هي شفيها ..
هادي (والرعب ماليه): هي حامل وتنزف ..
المسعف : اوكي ..
دخلوها الغرفه وطلعوا هادي ..
هادي واقف قدام الغرفه وهو خايف ..
وصلت نجلاء ..
نجلاء(بخوف): هاا هادي شنو صار ..
هادي (قعد ع الارض):توه الدكتور داخل يشوفها ..
طلعت سستر من الغرفه ..
السستر :لو سمحت ..
هادي(فز من مكانه):طمنيني !!
السستر:توه الدكتور داخل .. بس انت لازم تعطينا البطاقه المدنيه ..عشان اسجل البيانات ..
هادي(توهق): بطاقتها بالبيت بس بعطيج بطاقتي ..
السستر(ببرود): ما يصير انا ابي بطاقها هي .. روح جيبها ..
نجلاء : روح جيبها وانا بكون عندهاا ..
هادي(بعصبيه):شلون اروح واخليها ..
نجلاء(خافت): خلاص انا بتصل بعمتي خديجه واقول لها تجيبها مع فيصل ..
هادي جلس بالكراسي يدعي لربه انها تقوم بالسلامه ..
نجلاء اتصلت بـ عمتها خديجه ..
طوووط .. طووط ..
ام ساره: الوو
نجلاء(بسرعه تتكلم): عمت،ــي . خلي فــي..ـصل..
ام ساره (تهدي نجلاء): هدي ي نجلاء .. وتكلمي بهدوء ..
نجلاء(خذت نفس عميق): عمتي خلي فيصل يجيب بطاقه عمتي منيره بسرعه ..
ام ساره: ابشري ..
بعد 10 دقايق وصل فيصل ..
نجلاء شافته وراحت له بسرعه ..
نجلاء(والدموع ماليه عيوها الواسعه وخشمها الممحمر):وين البطاقه ؟؟
فيصل(مد لها البطاقه ): خذي ..
نجلاء(سحب البطاقه وبسرعه البرق راحت لسستر)
فيصل(تنح بجماله كل هذا)
طلع الدكتور ..
هادي وفيصل ركضوا للدكتور ..
هادي :طمنني ؟؟
الدكتور: للاسف .. المريضه اجهضت .. الحمل كان صعب عليها ..
هادي(بصدمه): اجهاض !!
الدكتور: المريضه .. ما تقدر ع هالحمل وهي بالسن هذا .. واسباب نفسيه ..
هادي: لا حول ولا قوة إلا بالله .. والحين شلونها ..؟
الدكتور: حالتها احسن .. عملنا لها تنظيفات .. بس المرضه لازم ترتاح الحين ..

_________
يتبعع ...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 16-01-2017, 11:42 AM
صورة لكل جزء حكاية الرمزية
لكل جزء حكاية لكل جزء حكاية غير متصل
©؛°¨غرامي جديد¨°؛©
 
Uploadfef5c031fd رد: رواية لكل جزء حكاية/بقلمي


#آآآآهه ..

لا تنتظر حبيباً باعك..
وانتظر ضوءاً جديداً يمكن أن يتسلّل إلى قلبك الحزين..
فيعيد لأيّامك البهجة ويعيد لقلبك نبضه الجميل....


_______________
الوقت الحالي ..
يعني بعد شهر من وفاة ماجد ..
في بيت ام ماجد الساعه 5:30م ..
ام ماجد :هديل تعالي ..
هديل :لبيه ماما نوره ..
ام ماجد: لبى ماما نوره ..روحي نادي عمتج ليلى وامج ..
هديل :انزين ..
ركضت هديل تنادي وتصادف جدها ..
هديل(بضحكه) : جديي ..
ابو ماجد(يضمها): لبى جدي ...
__________
في بيت ام طلال الساعه 6:30م ..
ام طلال تتصل على ام خالد ..
طوووط ..طوووط ..
مها(ردت ع التلفون) :الووو..
ام طلال: السلام عليكم ..
مها : وعليكم السلام ..
ام طلال: ام خالد موجوده ؟؟
مها: دقيقه اناديها ..
مها راحت تنادي امها ..
ام خالد (ترد): الوو ..
ام طلال: السلام عليكم ..
ام خالد : وعليكم السلام ..
ام طلال: معاج فوزيه محمد الـ....
ام خالد(ترحب): يا مرحبا بأم طلال .. عاش من سمع صوتج ..
ام طلال: طول عمرج ذكيه .. ما تنسين ما شاء الله ..
ام خالد: ومنو ما يذكرج .. انتي الخير ..
حوار بينهم ..
ام خالد : حياكم الله .. البيت بيتكم ..
ام طلال : خلاص باجر بأذن الله ع المغرب بنكون عندكم ..
__________
في طياره متجه الى الكويت ..
مسفر(حس بنعاس لف طالع خلود ما شاء الله جمالها يهبل)
خلود (نايمه ولحد الحين ماسكه يد مسفر .. كان شكلها طفولي عيونها النعوس وخشمها الصغير وخدودها الورديه المليانه وشفايف الحمراء جماله اوروبي )
مسفر(يتمقل <يطالع> بوجها ونام من دون ما يحس )
__________
يووم جديد ..
في بيت ام خالد ترتب البيت وتنظفه وطلب من مها تتكشخ ..
الساعه 7:00م..
بخرت مها البيت وعطرته باحلى العطور ..
مها كانت لابسه ثوب اسود دانتيل وشوز ذهبي وفاله شعرها الاسود الطويل وكانت لابسه ذهب ماركه (فان كليف) لونه احمر ومكياجها كان نااعم حيل ايلانير ومسكاره وحمرا عنابي غامق كان شكلها مثل الاميرات ..
ام خالد : مها رقي عمرج حبيبتي ..
مها : ابشري .. ماما ..؟
ام خالد : شنو ..
مها : المرا اللي بتجي شعدنها ..؟
ام خالد : مادري ما قالت لي ..
رن جرس البيت ..
ام خالد طلبت من الخدامه تفتح الباب..
دخلت مراه ومعها بنتين ..
شكل المراه(عمرها تقريبا بـ 50 سنه كانت لابسه ثوب عنابي والذهب والمكياج حلو )
ام خالد (ترحب بالضيوف): يا مرحبا ومسهلا ..
ام طلال : هلا فيج ي ام خالد ..
سلام حريم ..
لفت ام طلال وشافت مها وانبهرت فيها..
ام طلال (قربت من مها وهي تذكر الله ): ما شاء الله تبارك الرحمن .. (تكلم ام خالد ).. هذي مها بنتج ؟؟
ام خالد : اي هذي بنتي الوحيده ..
ام طلال (سلمت ع مها): السلام عليكم ..
مها (بخجل): وعليكم السلام ..
بعد السلام والتراحيب دخلو لمجلس الحريم ..
__________
في بيت ابو عبدالله الساعه 7:15م ..
ام ساره (قاعده مع ابو عبدالله ووضحى )..
ام ساره :وضحى تبين تجين معاي ..
وضحى(تطق طق بتلفونها) :وين!!
ام ساره : بيت اخوج عبدالله ..
وضحى : اوككي ..
ام ساره: وانت !!
ابو عبدالله : انا اليوم الصبح رحت لها ..
ام ساره : ماشي .. يالله قومي نروح ..
قامت وضحى تلبس عبايتها ..
__________
في بيت ام خالد ..
ام طلال (بتفتح الموضوع): يا ام خالد .. حنا اليوم جاين نطلب القرب منكم ..
ام خالد (انصدمت) : قرب ؟!
ام طلال (ضحكت): اي ي ام خالد .. ابي بنتج لولدي طلال ..
مها(منصدمه قامت وبسرعه البرق راحت فوق )
البنات وام طلال (ضحكوا ):هههه ..
ام خالد (استحت): بنتي شوي خجوله ..
ام طلال : كل البنات جذي .. هاا شنو قولج ..
ام خالد : انا بشوف اخوها وعمها وبشوف رايها ..
ام طلال : خذوا راحتكم .. لكن ولدي مستعجل ..
ام خالد : ولا يهمج اليوم بكلم ولدي ..
استأذنت ام طلال وراحت ..
ام خالد اتصلت بخالد ..
طوووط طووط ..
خالد : هلا يمه ..
ام خالد : وينك ي ولدي ..
خالد : عند واحد من اخوياي .. امري في شي ..؟
ام خالد : تعال البيت وكلم عمك فارس وتعال ..
خالد : ان شا ء الله ..
بعد نص ساعه ..
ام خالد وخالد وعمه فارس ..
ام خالد (فتحت الموضوع وقالت كل شي)
العم فارس : وانتي شنو تشورين ي ام خالد ..
ام خالد : انت اسأل عن الرجال وشوف ..
العم فارس : الرجال ما عليه خلاف .. رجال خلوق وطيب وعنده خير من الله .. والكل يمدحه .. وهو ع ما اعتقد دكتور نفسي ..
ام خالد : وانت ي خالد ..
خالد : انا ما اقدر اعطي راي .. الراي بيد اختي مها ..
ام خالد : خلاص بخليها تصلي استخاره وارد لكم خبر ..
__________
بعد اسبوع من خطبه الحريم ..
اخيرا وافقت مها على خطبه طلال ..
وتمت الملكه (الملجه) ..
وصارت رسميا زوجه طلال ..
__________
بالاردن ..
يوم السبت الساعه 10:15م ..
محمد يجهز اغراضه اخيرا خلص هالكورس (الترم) وراح يرجع الكويت ..
فواز :هاا مستانس ..
محمد : برجع الديره ..
فواز : الله يسهل دربك ..
محمد : ي رجال ارجع وياي والله مو حلوه الغربه ..
فواز : بشوف بقعد كم يوم وبعدها برجع ..
محمد سكرت جنطته وشلها سلم ع فواز واتجه للباب ..
نزل محمد من الاصنصير (اخيرا برجع الديره وبروح اخطبها قلبي فاز لها )
__________
في مطار الكويت الساعه 12:30م ..
عايله ام فهد و ساره ووضحى تستقبل خريجها (محمد)
محمد (طلع من البوابه وشاف امه واهله يغنون له ومستانسن )..
محمد (ركض لامه وضمها بقوه )
بعد استقبال حلو وجميل ..
رجعوا للبيت وتفاجئ بالكل متواجدين في بيت ام فهد مسوين له حفله ويغنون ويرقصون ..
فيصل استغل الفرصه يكحل عيونه بشوف نجلاء ..
وعبدالرحمن يتقرب من ليلى اللي بعدت منه بعد وفاة اخوها ..
ومسفر اللي اشتاق لهم بعد غربه سنتين ..
وساره اللي نفستها صرت احسن من قبل وراحت لاخوها محمد وضمته بعد ما نفرته ..
وام ماجد اللي تبوس اختها ام فهد بشوفه ولدها ..
بالوقت هذا كل واحد وله قصه ..
__________
بعد يومين ..
في بيت ام خالد الساعه 4:30م ..
مها تنزل من الدرج هي متكشخه ..(لابسه ثوب حلو وناعم وحاطه ايلاينر وحمره وردي خفيف ومسكاره )
ام خالد : هاا بتروحين مع طلال ..
مها (بخجل): اي يمه.. يبيني اختار غرفه النوم ..
ام خالد : الله ييسر امرج ..
مها باست امها وطلعت ..
طلال بالسياره ينتظر مها وكان كاشخ ببدله حلوه (بنطلون جينز وقميص ابيض كانت واضع عليه الجسم الرياضي )..
مها (فتحت الباب وركبت وبخجل): السلام عليكم ..
طلال(لف عليها يبي يشوفها): وعليكم السلام..
مها(بصوت واطي): شلونكك ؟؟
طلال(بصوت رومنسي وهو يقرب منها): ابوي انتي .. خجلانه ..
مها(وقف شعرجسمها من قرب طلال المفاجئ): مممم ..
طلال :شفيجج.؟
مها:طلال خلنا نمشي ...
طلال(ذاب مثل الزبده ع الكرسي): قولي اسمي من جديد ..
مها (بعفويه وبضحكه خجوله): هههه .. يالله امش ..
نخلي العشاق ..
__________
بالوقت نفسه محمد كان واقف عند باب بيت ابو عبدالله ..
محمد(يسأل ساره):ساره ..منو هذا اللي مها ركبت معه .؟؟
ساره(بعفويه): هذا خطيب مها ..
محمد (انصدم): خطيبها .؟؟
ساره (متنحه): اي قبل كم يوم ملج(ملك) عليها ..
ساره(تشد محمد ): يالله خل ندخل امي تنطرنا ..
محمد (بخاطره يقول .. فقدتها ..الله يوفقج ..وبصوت واطي ): هذا دربي ..


نهايه الجزء السابع..
توقعاتكم للجزء الثامن ..

قراءه ممتعه ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 16-01-2017, 12:59 PM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: رواية لكل جزء حكاية/بقلمي


السلام عليكم

إن شاء الله تملي روايتك للآخر

بالتوفيق لك

دمت بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 06-02-2017, 11:41 AM
صورة فتى السلآم الرمزية
فتى السلآم فتى السلآم غير متصل
©؛°¨غرامي فضي¨°؛©
 
الافتراضي رد: رواية لكل جزء حكاية/بقلمي


حلوه
ابدااااع ربي يوفقك وكملي لك مستقبل مبهر
خيالك جميل بتصيري من أحسن الكاتبات
حلو كثير البارتات هاذي استمتعت بقرائتها
سلمت يمناك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 09-02-2017, 06:27 AM
صورة شّـجَوُون الرمزية
شّـجَوُون شّـجَوُون غير متصل
©؛°¨غرامي فعال ¨°؛©
 
الافتراضي رد: رواية لكل جزء حكاية/بقلمي


حبيبتي سردك لرواية جدا جميل


وتسلم انمالك على تعبك بما اني كاتبه مثلك ف اعرف الصعوبات الي تواجهينها


عندي بس ملاحظه على الخط حجمه ياليت يكون اكبر


عشان القراء مايتملل من الخط الصغير ويضطر يتجاوز احداث


وننتظر الجزء القادم بفارغ الصبر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 18-02-2017, 08:44 PM
صورة لكل جزء حكاية الرمزية
لكل جزء حكاية لكل جزء حكاية غير متصل
©؛°¨غرامي جديد¨°؛©
 
Uploadfef5c031fd رد: رواية لكل جزء حكاية/بقلمي


السلام عليكم ..
اليوم بأذن الله راح انزل لكم جزء جديد ..
وأتمنى ان ينال اعجابكم ..
وشكرا ..
قراءة ممتعة ..


الرد باقتباس
إضافة رد
الإشارات المرجعية

رواية لكل جزء حكاية/بقلمي

الوسوم
لكل جزء حكاية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية هناك / للكاتب ابراهيم عباس شرقاوية شيتونة أرشيف الروايات المغلقة - لعدم إكتمالها 7 22-01-2017 09:53 PM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
رواية عرش السُلطان/ بقلمي. خيال. روايات - طويلة 52 09-05-2016 02:40 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 06:45 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1