اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 18-02-2017, 09:40 PM
صورة لكل جزء حكاية الرمزية
لكل جزء حكاية لكل جزء حكاية غير متصل
©؛°¨غرامي جديد¨°؛©
 
Uploadfef5c031fd رد: رواية لكل جزء حكاية/بقلمي


#أَخ قَلْبَيْ ..

صارلي هَوّايَة ما ضاحِك مَن كُلّ قَلْبَيْ

أُعَرِّف الضَحْكَة دَرَّبَها غَيَّرَ دَرْبَيْ

دُنْيا ما حَصَلتُ مِنها غَيَّرَ تَعِبِي

أَخ قَلْبَيْ

الجزء الثامن : اختفاء ساره ...
في بيت ام فهد الساعه 5:00م ..
بالصاله ..
ام فهد (تكلم بالتلفون): اي .. وشلون ام فراس ماله حس ...هي وش خامله عليه ...هي ورها سالفه .. علميني ع جارتج شنو صار على بنتها المعلقه .. لاهي متزوجه ولا هي مطلقه ..
فيصل(جالس جنبها وهي يتحلطم يكلم اخته فرح): امجج ماخلت احد الا وسألت عنه ..
فرح(تضحك):ههههههه ..صدقت..
ام فهد(عطتهم الوجه المعصب):كملي ي ام محمد ..
فرح وفيصل(قاموا يركضون عرفوا نظرت امهم وطلعوا من الصاله)
فرح(تضحك بصوت عالي): ههههااااي .. شفت نظره امي ..
فيصل(قعد بالارض وهو ميت ضحك): هههههااااي.. انا صفرت من نظرتها ..
فهد (ينزل من الدرج مع زوجته والعيال): شفيكم ..
فيصل(استحتى ووقف): مافي شي ..
فرح(تضم سلطان ونوره): لبى قلبكم ..
فهد(يكلم فيصل): امي هني .؟؟
فيصل(يضحك): انصحك لا تدخل الصاله ..
فرح(تضحك): هههههه .. لا خله يدخل ويشوف اللي شفناه ..
فيصل وفرح(احتالوا ع اخوهم).
فيصل(يرحب فيه وهو ميت ضحك): ارحب ادخل الصاله .. فيها شي طيب وبتحبه ..(ضحك).. ههههههآآآي ..
فهد (نقد عليه): اركد بس .. مادري متى بتكبر ..
دخل فهد وزوجه ..
فهد (شاف امه تكلم بالتلفون باس راسها): السلام عليكم ..
ام فهد(تتكلم بسرعه ): ام محمد .. اكلمج بعدين .. يالله سلمي ع اللي عندج ..(سكرت التلفون وبصوت عالي) .. يا مرحبا والله بنظر عيني ونبض قلبي ..
فهد (باس يد امه): هلا فيج ي جنتي وناري ..
فرح وفيصل (يطلون ع امهم وفهد )
فهد : يمه شفيهم فيصل وفرح .. طالعين من الصاله وهم يضحكون ..
ام فهد : ما عليك مهم مادري متى يكبرون ..
فهد : مضايقينج بشي .؟؟
ام فهد : لاا .. ما عليك مهم ..(تكلم ساميه) .. هاا يبنتي شلونج ؟؟
سامه: الحمدلله بخير .. انتي شلونج ..
ام فهد : دامكم حولي انا بخير .. (تسأل فهد) .. بترحون مكان ؟؟
فهد : اي يمه .. بودي ساميه لبيت اهلها ..
ام فهد : الله ييسر امركم .. وين العيال ؟؟
فهد (ينادي عياله):نوره سلطان تعالوا بوسوا جده ..
على حدود الصاله ..
فرح : خير امي تكلم فهد جذي واذا شافتنا عصبت ..
فيصل(يضحك): ههههههه ..حنا نرفزناهاا ..
فرح: هههههه .. خل ندخل ونشوف ..
فرح وفيصل (يمشون ع اطراف الاصابع)
ام فهد (شافتهم وعصبت ): تعال انت وياها ..
فرح وفيصل (يمشون بهدوء )
نوره وسلطان (يركضون لجدتهم)
ام فهد (شافتهم): هلا والله بعيالي ..
فتحت ام فهد يدينها تبي تضم عيال فهد ..
فرح وفيصل (صاروا صنم من تغير امهم المفاجئ)..
فيصل (يكلم فهد): انت شنو مسوي بأمي .. كل ما شافتكم تضحك واذا شافتنا عصبت ..
فهد (يضحك): هههههه .. احسن لا تلعب مع امي ..
دخل ابو فهد على ضحكه ام فهد وفهد ..
ابو فهد : السلام عليكم ..
الكل : وعليكم السلام ..
جلس ابو فهد جنب ام فهد ..
ابو فهد (ينادي عيال فهد): تعالوا ..
فرح (تكلم سامه): اقول سموي ..
ساميه(مستانسه): هلا فروحه ..
فرح : شلون الحمل وياج ..
ساميه : ماشي وياي ..
فرح : كم لج الحين ..
ساميه: اربع واسبوعين ..
فرح: بنت ولا ولد .؟؟
سامه : ما شفت ..
فهد : يالله ساميه ماتبين تروحين ..

_________
في السجن المركزي الساعه 5:30م ..
سالم(بجسمه الهلكان والتعب اللي كساه يطالع السقف وهو سرحان)
الشاب(يكلم سالم): ساالم ..
سالم(خارج عن الواقع):..
الشاب(يلوح بيده): سلووم وياي ..
سالم (رجع للواقع): هاا ..
الشاب: لا انت مو معاي ابدا ..وين رحت ؟؟
سالم(والعبره تخنقه): مارحت مكان..
الشباب: شفيك ؟؟
سالم(امتلت عيونه الجريئه بالدموع والصوت تغير): ندمان ي عمر .. ندمان (بكى)..
عمر: لا يا خوي ليش البكي ..؟
سالم(والدموع مثل المطر): ابوي غاضب علي ..
عمر(يمسح ع راسه): هد يا خوي هد بالك ..
سالم(يحاول يمسك دموعه): اخاف اموت وهو غاضب علي ..
عمر: لا حول ولا قوة إلا بالله .. شيل هالافكار من راسك ..
سالم(عطى عمر ظهره ): خلني بروحي ي عمر ..
عمر(احترم رغبته): ابشر ..

_________
في مجمع الافنيوز وبالتحديد بأحد محلات الاثاث الفاخره الساعه 6:00م ..
مها تتمشى وهي مستحيه تطالع بالاثاث الجميل والراقي ..
طلال يتقرب منها وهي تتهرب بسرعه ..
بالاخير وقف ونداها ..
طلال : مها .. تعالي ..
مها(تمشي وهي تطالع الارض): اوكي ..
وصلت عنده ..
طلال(يطالع بالاثاث): شرايج بهذا .؟؟
مها(رفعت راسها تطالع وانهبلت): حلوو ويجنن ..
كان اثاث ملكي وخيالي جدا لغرفه النوم ..
طلال(همس بأذنها): عاجبج حيييل ..
مها(استحت): هاا ..
طلال(قرب اكثر وهمس مره ثانيه): عاجبج حيييل ؟؟
مها(والخجل خلاها تجمد بمكانها):..
طلال(يهمس للمره الثالثه): لهدرجه عاجبتج الغرفه .. تخيليها في بيتنا الحين ..
مها(استوعبت نفسها): طلال .. حنا بمكان عام ..
طلال(مسك يدها وبنظره كلها حب واعجاب): لو مو الحيا كان الحين ..
مها(سكرت فم طلال): عييب .. حنا مكان عاام ي طلال ..
طلال(باس يدها اللي لمست شفايفه)
مها(بعدت يدها ومشت لكن يد طلال كانت الاسرع)
طلال: خلاص ماراح اسوي شي .. بس شرايج بهذي الغرفه ..
مها: الغرفه حلوه ..

_________
في بيت ابو عبدالله الساعه 6:30م ..
بالصاله ..
ام ساره: وضحى وين اختج ساره ؟؟
وضحى(تطالع التلفزيون هي مندمجه):بالغرفه ..
ام ساره : روحي شوفيها ؟؟
وضحى : يمه بس يخلص المسلسل بروج اشوفها ..
محمد(يكلم امه خديجه): يمه انا بروح اشوفها ..
قام محمد وهو مضايق من بعد ما عرف بملجه مها ..
رن جرس البيت ..
راحت الخدامه تفتح الباب ..
يدخل ناصر وزوجته وعياله للصاله ..
ناصر: السلام عليكم ..
الكل: وعليكم السلام ..
ناصر(يبوس راس عمته): شلونج عمتي ..
ام ساره : بخير .. انت شلونك ..
فجأه سمعوا صراخ محمد ..
محمد (بصووت عالي وهو يركض بالدرج): يمه خديجه ..
ام ساره (خافت): شفيكك ..
محمد(دخل الصاله وبسرعه يتكلم): ساره ما لقيتها بالغرفه ولا بالحمام ..
ام ساره (صرخت): شنووو !!
انتشرت العايله بالبيت تدور عليها ومحمد وناصر ولده سعد طلعوا بالشارع يدورون عليها ..
ناصر ركب سياره يدورها ..
سعد راح بالحديقه يدورها ..
اما محمد اتجه بسرعه لبيت ام خالد ..
دخل محمد للدوانيه ولقى خالد ..
خالد (فز من مكانه) : شفيكك !!
محمد (بسرعه يتكلم): مها بالبيت ؟؟
خالد(استغرب من السؤال): لاء .؟؟
محمد : ياربي وين راحت ؟؟
خالد(زاد الاستغراب): شنو تبي من اختي ؟؟
محمد (استوعب نفسه): لا مابي شي من اختك ..
خالد : اجل .. ليش تسأل ؟؟
محمد : كنت بتأكد اذا ساره عندكم ..
خالد(خاف): ليش هي وين ؟؟
محمد : مدري .. ما لقيناها بالبيت ..
خالد (عصب): شلون ما لقيتوها بالبيت .. وين بتروح ..
محمد (يهديه): هد بالك .. ان شاء الله نلقاها ..
خالد : متى فقدتوها ..
محمد : مادري يمكن من ربع ساعه او نص ساعه ..
خالد : بروح اشوف يمكن داخل بالبيت ..
راح خالد وبعد خمس دقايق رد ..
خالد : سألت امي تقول ما جتنا ..
محمد : يا ربي وين راحت هالبنت..
رن تلفون محمد ..
رد محمد بسرعه ..
محمد: الوو ..
ناصر : انت وينك ؟؟
محمد : في بيت جيرانا ..ليش لقيتو ساره ..
ناصر: تعال عند البيت بسرعه ..
محمد : انزين ..
طلع محمد بدون ما يقول لخالد شي ..
لكن خالد كان سريعه ولحقه ..
خالد : لقيتوها ؟؟
محمد : ناصر يقولي تعال البيت .. اكيد لقوها ..
محمد وخالد ورضكوا متجهين للبيت ..

_________
في بيت ام فهد الساعه 6:40م..
بالصاله ..
ابوفهد وام فهد وفرح وفيصل ..
فرح(قامت): يمه تبين مني شي ..
ام فهد (تطالع التلفزيون): لاء ..
راحت فرح ..
فيصل بخاطره يقول(هذا الوقت المناسب)..
فيصل(قرب من امه وابوه): يبه ويمه.. بفاتحكم بموضوع ..
الام والاب : شنو ؟؟
فيصل(استحى):يبه .. انا ناوي اكمل نص ديني ..
ام فهد (استانست): تبي تتزوج ..
ابو فهد :تبي تتزوج قبل اخوك محمد ؟؟
فيصل : انا كلمت محمد وهو مو ناوي يتزوج بالفتره هذي ..
ام فهد(بفرحه) : من باجر اشوفك بنت الحلال ..
فيصل(بتردد):لا يمه .. اناا ابي اللي قلبي اختارها ..
ابو فهد (عصب): تحب وحده من ورانا ..
فيصل:لا يبه .. لايروح فكرك بعيد ..
ام فهد (مسكت يد فيصل): قولي ..منو هذي اللي خذ قلب ولدي ..؟
فيصل(بخجل): ابي ..نجلاء بنت ولد خالي عبدالله ..
ام فهد (استانست):نجلاء خوش بنت ..الحين اكلم عبدالله ..
فيصل: لا يمه مو الحين ..
ام فهد (استغربت): ليش؟؟
فيصل : ابي اجيس (اقيس) نبضها ..
ابو فهد وام فهد ما فهموا عليه ..
فيصل : يمه بخلي فرح تشوفها اذا هي تفكر بالزواج ولا لاء ومن هالامور ..


يتبعع ...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 18-02-2017, 09:52 PM
صورة لكل جزء حكاية الرمزية
لكل جزء حكاية لكل جزء حكاية غير متصل
©؛°¨غرامي جديد¨°؛©
 
Uploadfef5c031fd رد: رواية لكل جزء حكاية/بقلمي


تابع ...

#تحبك روحي ..

تحبك روحي وآحسك نفس هالروح

و توحشني بدون أسباب مدري ليه

يا كيف أشرح لك إحساس أكبر من البوح

في قلب يحبك أكثر ما يحب راعيه



__________
في مجمع الافنيوز وبأحدى المقاهي الساعه 7:00م ...
طلال (يطالع المنيو): ها مها شنو تبين ؟؟
مها (تطالع المنيو واشرت على قهوه): ابي هذي القهوه ..
طلال(ينظره رومنسيه): وشنو تبين الحلى ..؟؟
مها (خقت من نظرته وبخجل): تكفي القهوة..
طلال: ما يصير .. يالله اختاري الحلى ..(وبرومنسيه اكثر) مع اني اشوف الحلى قدامي ..
مها(حمرت خدودها ونزلت راسها): طلاال ..
الجارسون يطلعهم وهو متنح ..
طلال(استوعب ان الجارسون متنح): احم.. عطني القهوه هذي وانا ابي قهوة تركيه متوسط وعطني واحد كيكه الجزر وكيكه الشوكلاته ..
الجارسون : اي حاجه تانيه ..
مها (بصوت واطي): طلال ..
طلال : عيونها ..امري ..
مها (بخجل): انا ابي روح لتوليت ..
طلال : اوكي ..
قامت مها متجه الحمامات (تكرمون) جاها اتصال ..
رنين الاتصال ..
مها : الوو .. (بخلعه) .. شفيك خالد .. (بصدمه)شنوو .. (ردت مها لطاوله طلال )انت شنو تقول ..(مسكت يد طلال) الحين بجي .. باي ..
مها (تكلم طلال وهي خايفه): طلال .. كنسل الطلب بسرعه .. لازم ارجع البيت ..
طلال(خاف): عسى ما شر .. في شي صاير بالبيت ..
مها (تاخذ جنطتها): بالسياره اشرح لك كل شي ..
طلال كنسل الطلب وراح ورى مها ..

__________
في بيت ابو عبدالله الساعه 7:20م ..
بالدوانيه ..
ابو عبدالله محمد وخالد وناصر مجتمعين ..
محمد(بعصبيه): يعني وين بتكون ..
ناصر(يحاول يهدي ابوه): اهدى يبه .. بنلقاها ان شاء الله ..
خالد :انتوا متأكدين انكم دورتوا بالبيت كله ..
محمد (بصوت عالي): ما خلينا مكان الا ودورنه فيه ..
خالد : طول بالك .. وان شاء الله بنلقاها ..
قام خالد وطلع ..
واتصل على مها مره ثانيه ..
طوووط ..طووط ..
مها (تركب السياره وهي شوي وتبكي): الوو ..
خالد :ها مها وينج ؟؟
مها : شوي ونكون عندكم .. مسافه الطريق ..
خالد : اوكي ..
سكر التلفون وصار يتمشى بالشارع ..

__________
بسياره طلال ..
طلال (بصبر):ممكن تقولي لي شنو فيه ..؟
مها (بخوف): طلال .. خالد اتصل علي يقول ان ساره مو موجوده بالبيت ..
طلال(عصب): شلون مو موجوده بالبيت .. وين بتكون يعني ..
مها (بكت): مدرري ..
طلال (حاول يهدي اعصابه): انزين .. متى فقدوها .؟؟
مها (وعيونها مليانه دموع): يمكن من ساعه ..
طلال (مسك يدها وهو يسوق السياره): هدي حبيبتي ..بنلقها لا تخافين ..
مها (بصوت مبحوح من البكي): يا رب ..
مرت خمس دقايق بصمت بس فيه صوت شهقات مها ..
طلال مازال ماسك يد مها ويحاول يهديها وبحركه عفويه باس يدها ..
مها(بحاله صدمه من حركه طلال سحبت يدها)
طلال (بتردد): مها ..
مها (تمسح عيونها ): نعم ..
طلال : بسألج ..ساره تحب مكان معين .؟
مها(استغربت من السؤال): ليش تسأل ..
طلال (بذكاء): يمكن تكون فيه ..
مها : لا ..

__________
في بيت ابو عبدالله ...
الكل بحاله رعب وخوف ..
وضحى تحوس بالبيت دور اختها ..
وام ساره منهاره تبكي ..
ابوعبدالله يسبح ويهلل ..
محمد يدور بكل مكان ..
وضع البيت توتر حاااد ..

__________
في لبنان ...
من بعد ما عرف خالد بزواجه و وضعه مع ناريمان مو زينه..
الساعه 7:40م بشقه جابر ..
جابر منسدح يفكر شلون يخبر اهله ..
رنين الجرس ..
تن تن ..
قام وهو عارف من ورا الباب فتح الباب وهو ماله خلق لها ..
جابر(بأسلوب ينرفز): نعم شنو تبين ؟؟
ناريمان (تطالعه وعيونها المليانه بالدموع والوجه الاحمر وبصوت مبحوح ومخنوق): جاابر .. بليز فيني فوت..
جابر(بدون تردد يبي يسكر الباب بوجهه): لا..
ناريمان(حطت يدها ع الباب وهي تبكي بصوت عالي): بترجاك ..اسمعني ..
جابر(تنرفز وصرخ بقوه): مابي اسمع شي .. روحي لبيت اهلج وانتــ..
ناريمان(حطت يدها بفم جابر وبترجي): بترجاااك .. لا تقولها .. بلييز ..
جابر(يحاول يبعد يدها من فمه):اممم..
ناريمان(بصرخه قويه):اناا حبله (حامل)..
جابر(بصدمه): شنو !!
ناريمان (منهاره بكي): حااامل ..حامل ..
جابر(مسكها من يدها ودخلها الشقه): ادخلي ..

__________
في بيت ابو عبدالله الساعه 8:00م ..
قدام البيت وصل طلال ومها ...
نزلت مها بسرعه واتجه للبيت بسرعه صارت صدمه قويه ..
طرااااخخ ..
طاحت مها بالارض ..
مها(رفعه راسها وهي تبكي): ما تشوو....(ما كملت كلامه)
محمد (وباله مو معاه): انتي اللي مفروض تشوفين دربج ..
دخل طلال ولقى مها بالارض طايحه ركض لها ..
طلال(بخووف): حبيبتي فيج شي ..
مها(تمسك يد طلال): لا مافيني شي ..؟؟
طلال(وقف مها شاف محمد ):السلام عليكم ..
محمد (متنرفز):وعليكم السلام ..
طلال: هاا لقيتوا ساره .؟؟
محمد(معصب) :لا والله يا دكتور ..
سعد(يركض متجه لمحمد): عممي ..
محمد : شفيك ؟؟
سعد(بصعوبه يتنفس):اأنـا .. سـ..ـمععت,, صـ..ـووت بغرفه عمـ..ـي ساالم ..
محمد (عصب): خذ نفس وفهمني ..
سعد(خذا نفس عميق ):بغرفه عممي سالم .. في صووت ..
محمد ركض متجه لغرفه سالم ولحقته مها ..
طلال حس وضعه غلط فـ اتجه للدوانيه ..
محمد ومها وضحى وسعد وناصر قدام غرفه سالم يسمعون صوت ونين وبكى ..
محمد(يطق الباب): ساره .. انتي دااخل .؟
لا يوجد رد ..
محمد(بعصبيه): سااره .. انتي داخل .؟
لا يوجد رد ..
محمد (يطق الباب بقوه و يصرخ): هذي ليش مااا تررد .؟؟
ناصر(تنرفز من تصرفات محمد): انت شفيك .. البنت خايفه وانت تخوفها زياده ..
مها (تطق الباب وبصوت حنين): سااوون .. حبيبتي افتحي الباب تكفين ..
ساره(منهاره بكي): مااابي .. خلووني بروحي ..
مها(بكت): افتححي بس ابي اشوفج ..
ساره(بصوت عالي): تركوووووني ..
جاه صوت غير متوقع ..
....: ساره بطلي الباب ..؟
الكل لف لمصدر الصوت ..
محمد عصب وبقلبه يقول(هذا شلون يدخل بيوت الناس بدون استأذن)
ناصر: دكتور طلال ..
طلال :اعذروني دخلت البيت بدون استأذن ..
ناصر : لا عادي ..
طلال : ممكن تروحون .. انا اعرف شلون اخليها تهدئ ..
الكل راح ماعدا محمد ومها ..
مها(راحت لطلال ومسكت يده وهي منهاره بكي): طلال .. بليز خلها تطلع لا تسوي بعمرها شي ..
طلال(باس يدها ويطمنها):لا تخافين حبيبتي ..
محمد (اشتعل بقلبه ناار)
رحت مها وهي تبكي ..
طلال : ممكن ي اخ محمد تروح ..
محمد (عصب): انزين ..
راح محمد وهو ميت غيره وعصبيه ..
طلال(يطق الباب): ساره بطلي الباب ..
ساره(منهاره بكي): دكتور خلني بروحي .. مابي اشوف احد ..
طلال :انزين .. شرايج نسولف شوي ..
ساره(بهدوء):شنو نسولف له ..
طلال(ضحك): انزين بنسولف ورى الباب .. افتحي عشان نسولف عدل ..
ساره(بكت): مابي اشوف احد ..
طلال(بطول بال): شرايج تقربين عند الباب وانا بكون قريب من الباب ..عشان اقدر اسولف معاج ..
ساره(قربت من الباب): يالله ..شنو نسولف ..
طلال(احتال عليها): اول شي .. غمضي عيونج وعدي من 1 الى 10 ..
ساره(غمضت عيونها المليانه بالدموع وبصوت هادي): 1.2.3.4.5.6.7.8.9.10 ..
طلال (طلع تلفونه وشغل موسيقى معينه بصوت رقيق وهادي):خلي عيونج مغمضه .. وقولي لي ليش تبكين وحابسه عمرج بالغرفه ..
ساره(بصوت باكي): دكتوور .. اليووم انا شفت اخوي سالم .. يبي يذبحني ..
طلال(عرف انها ما كلت حبوب الاكتئاب): اخوج سالم بالسجن .. شلون شفتيه ..
ساره(بسرعه تتكلم): لا لااا .. انا متأكده اانني شفتتهه ..
طلال : لااا ي ساره شنو قلنا بالبدايه .. تكلمي بهدوء وبدون انفعال ..

__________
بالصاله ..
محمد(يطالع مها وهو منقهر)..
ناصر : هو شلون عرف ان ساره تعبانه ..
ام ساره(تبكي): يا ربي ..
حصه(تواسي ام ساره): طولي بالج ي عمتي ..
مها ووضحى يبكون ..

__________
في بيت مجهول الهويه 8:30م ..
....1: يالله بنات تبون تطلبوون ..
....2:انااا جوعاانه ..
.....3:اما انا مابي اكل شي ..
....1:خلود انتي من جيتي الكويت واكلج مو ذاك الزود ..
خلود(منسدحه ومتنرفزه):قلت مابي ي مريم .. لازم تخليني اتنرفز..
مريم : خلود والله اللي تسوينه بعمرج مو زين ..
قامت خلود وراحت لغرفتها ..
مريم(بعصبيه): هذي بتذبح عمرها ي امجاد ..
امجاد (تلعب بتلفونها): ما تعرفينها من عمرها وهي عنيده ..
مريم : ما علينا .. وين عهد وبشاير .. ابي اكل جوعانه ..
بشاير(تنزل من الدرج بلبسها الرياضي تغني): مجنوون احب غيرك .. انا مجنون .. اناا مااابي اككل ..(تهز خصرها).. مابي اككل..
اما عهد تركض بالدرج ..
عهد (بصوت عالي): انا جوعاااانه حددي .. يمكن اكلكم ..
....
نقطه تعرف بالشخصيات ..
خلود (22) بنت وحيده امها وابوها .. بنت عنيده وجريئه وحساسه ..دلوعه امها وابوها .. شخصيتها غريبه جدا .. وعندها اربع صديقات عمر ..
الصديقه الاولى ..امجاد (21)
الصديقه الثانيه .. بشاير(22)
الصديقه الثالثه .. عهد (22)
الصديقه الرابعه .. مريم (21)

__________
بنفس الوقت في بيت ابو عبدالله ..
نزل طلال ومعه ساره ..
ساره (بحاله نعوس)
طلال : السلام عليكم ..
الكل : وعليكم السلام ..
ابو عبدالله : طمني ي دكتور ..
طلال : لا تخاف .. هي بخير وما فيها شي ..
ام ساره (تضم بنتها): ساره .. يمه لا تسوينها مره ثانيه ..(بكت) والله قلبي كلاني عليج ..
ساره (نعسانه): يمه .. ابي انام ..
مها ووضحى راحوا لـ ساره ..
طلال : ي ام ساره خليها تنام ولا تفتحوا اي موضوع معاها ..
ام ساره(خذت ساره): ابشر .. ما قصرت ي ولدي .. تعبناك ويانا ..
طلال : هذا شغلي .. وساره مريضتي ..

نهايه الجزء الثامن ..
توقاتكم للجزء التاسع ..
استمتعوا بالقراءه ..




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 18-03-2017, 10:38 PM
entesar mahmoud entesar mahmoud غير متصل
©؛°¨غرامي جديد¨°؛©
 
الافتراضي رد: رواية لكل جزء حكاية/بقلمي


انا متابعه جديده للروايه بتمنالك التوفيق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 22-03-2017, 09:09 AM
صورة mhawe22 الرمزية
mhawe22 mhawe22 غير متصل
©؛°¨غرامي جديد¨°؛©
 
11302798202 رد: رواية لكل جزء حكاية/بقلمي


السلااااااممم .
الرواياا من اجممممممممل ما قرأت .
واناا متاببعةة للرواياا .
بالتوووووفيييق وننطر الجزء التاسسسعع وإن شاء الله يكووووون طويييل وحماااسي .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 26-03-2017, 10:41 PM
صورة لكل جزء حكاية الرمزية
لكل جزء حكاية لكل جزء حكاية غير متصل
©؛°¨غرامي جديد¨°؛©
 
B10 رد: رواية لكل جزء حكاية/بقلمي


#أبسألك ..
.
أبسألك ؟

يا اجمل انوآع الصبر
‏ليه انتظر ؟

‏وانا ادري ان فـ حالتي ما في امل

لو انتظر كل العٌمر !
.
.
.
.
الجزء التاسع : فرحة عمري ..

في بيت ام فهد الساعه 9:00م ..
فيصل يصعد فوق ومتجه لغرفه فرح ..
طق طق طق ..
فرح (حاطه سماعات بأذنها وترقص)
فيصل (يناديها): فررررح ..
فرح(ترقص ولا تسمع الا الاغنيه)
فيصل: هذي وينها ..
فيصل يسمع صوتها وهي تغني عرف انها حاطه السماعات اتصل عليها ..
طوووط .. طووط ..
فرح(مسكت تلفونها واستغربت): الوو ..
فيصل (بصبر): افتحي الباب ..
فرح:اوكي ..
فتحت فرح الباب ..
فيصل : ممكن ادخل ..
فرح : تعال ..
دخلوا الغرفه ..
فيصل (بتردد):فرووحه ..
فرح(ابتسمت عرفت ان اخوها فيه شي): شنوو قول ولا تتردد ..
فيصل(حمر وجه عرف ان اخته كاشفته): هاا ..
فرح(بذكاء): انت تحب ؟؟
فيصل(بتردد): فرح .. ممكن طلب ؟؟
فرح : امر ي اخوي لا تطلب ..
فيصل : ابيج تجيسين(تقيسين) نبض نجلاء ..
فرح (بخبث): ليش !!
فيصل (كان متأكد انه بتسأله): ابي اشوف اذا هي تحب احد او شي ..
فرح : تبي تخطبها ؟؟
فيصل (قالها من الاخر): اي ي فرح ابيها .. قلبي حبها ..
فرح(صرخت): واااااي ..وناسه ..
فيصل(ضحك على خبال اخته): هههههه .. ي الخبله ..

__________
في لبنان الساعه 9:15م ..
في الصاله ..
ناريمان (تبكي):آآآههه ..
جابر(جالس جنبها ويهديها): ناريمان .. حبيبتي انا اسف ..
ناريمان(بصوت مبحوح من البكي): بدك تطلأني(تطلقني).. هييكك ..
جابر(باس يدها):مستحيل اطلقج .. انا احبجج ..
ناريمان(تتغلى): بعد مني مابدي منك شي ..
قامت ناريمان تبي تروح لكن يد جابر كانت الاسرع ..
جابر(قرب من اذنها وهمس): اعرف حركاتج .. انتي تتغلين .. تبين تعرفين غلاج بقلبي ..
ناريمان(ابتسمت بس ما بينت لجابر): من أل ..(من قال)..
جابر(قرب اكثر وهمس): عيونج قالت لي ..(وباس خدها)
ناريمان(ذابت): بعد هيك بدي اروح ..
جابر(برومنسيه): دخول الحمام زي خروجه ..(وشلها وقعدها بحضنه) انت حلالي .. مابيج تروحين اي مكان ..
ناريمان(حطت يدها بخده):بحبك كتيير ..
جابر(قرب منها): وانا امووت بحبج ..
نترك العشاق شوي ..

_________
في بيت خلود الساعه 9:30م ..
وبالتحديد غرفه خلود ..
خلود(قاعده وتتذكر مسفر)
مسفر نايم وهو ماسك يد خلود ..
صحت خلود من النوم وشافت مسفر نايم فكت يدها وحست ان مسفر بردان خذت الفراش اللي عليها ولحفت مسفر ..
مسفر(من النوع الحساس في النوم حس بحركه وصحى وشاف خلود تلحفه بصوت هادي): شنو تسوين ؟؟
خلود (ارتبكت): هاا !!
مسفر(بهمس): شنو تسوين ؟؟
خلود (خافت): شفتك نايم وبردان فـ لحفتك ..
مسفر(ببرود): بعدي عني ؟؟
خلود(حز بخاطرها بعدت وقعدت بمقعدها): اوكي ..
قطع حبل افكارها بطق الباب ..
طق طق طق ..
خلود(بنرفزه): منوو ؟؟
امجاد : انا امجاد ..
خلود (بعصبيه): شنو تبين ؟؟
امجاد : خلوود حبيبتي افتحي الباب ..
خلود(بصوت عالي وهي معصبه): امجاد خليني بروحي ماني طايقه احد ..
امجاد (عصبت): بطقاق انزين ..
راحت امجاد وهي متنرفزه من اسلوبها ..
ردت خلود لوضعيتها تبي تكمل لكن قطع احبال تفكيرها اتصال ..
شافت تلفونه الا رقم غريب وخلود ماتحب ترد على ارقام غريبه سكرت التلفون ونامت ..

_________
بنفس الوقت في بيت ابو عبدالرحمن ..
وبالتحديد غرفه مسفر ..
مسفر(منسدح بفراشه وماسك تلفونه ومستغرب): ليش ما ردت علي ..بتصل مره ثانيه ..
مسفر يتصل ..
طووووط طوووط طووط..
.....(بعصبيه):نعم ؟؟
مسفر(ابتسم): السلام عليكم ..
.....: خير شنو تبي ؟؟
مسفر: ردي السلام ..
....: وعليكم السلام .. شنو تبي ؟؟
مسفر(حب ينرفزها): انتي شنو تبين ..
.....(تنرفزت): انت اللي متصل .. تبي شي ؟؟
مسفر: لا بس ابي اسمع صوتج ..
....(بصوت عالي): نعم شقلت ؟؟
مسفر: واحد معجب بصوتج وحب يسمعه فيها شي ..
....(بصراخ): ناس ما تستحي ع وجها (وسكرت التلفون بوجهه)
مسفر(يطالع التلفون وبصوت هادي): ما توقعتج جذي ي خلود ..(وابتسم)

________
بغرفه خلود ..
خلود(متنرفزه): قليل ادب .. لازم اشوف منو هذا القليل الادب ..
خلود تدور في برنامج تبي تعرف صاحب الرقم وانصدمت ..
خلود(بصوت عالي): مسسفرر ..
في الصاله ..
امجاد(مستغربه): بنات .. سمعتوا صوت عالي ؟؟
بشاير(مازالت تغني وهي متحمسه):لااا ..
عهد(تاكل بوحشيه):اماا .. عني فـ سمعت صوت صراخ ..
مريم(معصبه): هذا صوت خلود .. وانا مالي شغل فيها ..

_______
يوم جديد وبدا الجو يبرد ..
في بيت ابوعبدلله الساعه 9:00 ص ..
صحت من نومه وهي ما تدري شنو صار لها امس ..
قامت ولبست روبها واتجهت للحمام (تكرمون)
خذت لها شور سريع ..
جلست قدام المرايا تطالع شكلها ..
كانت (خشمها وخدها احمر وعيونها تعبانه حييل طالعت جسمها الا تشوف رضوض وكدمات
استغرب لبست ملابس دافيه ونشفت شعرها وطلعت من الغرفه )
صادفت اختها بالصاله جالسه ..
ساره (بصوت مبحوح وتعبان): صباح الخيير ..
وضحى (بحنان): صباح النور والسرور ..
ساره (جلست جنب وضحى): وضوح وين امي ؟؟
وضحى: امي نايمه ..انتي شلونج الحين ؟؟
ساره (بتعب): احسن ..
وضحى : دووم ي قلبي .. تبين اسوي لج ريوق ..
ساره (تطالع تلفونها): لا مو الحين شوي واتريق ..
دخلت ام ساره ..
ام ساره(لما شافت بناتها فز قلبها): احلى صباح ..(قربت من بنتها ساره وباستها) صبااح الخير ..
ساره (ابتسمت): صباح النور ..
ام ساره (بقلب حنون): شلونج الحين ؟؟
ساره :صرت احسن لما شفتج ..
ام ساره: دووم ي بعد عيني ..
ساره(حطت راسها بصدر امها وهي تتعبر): يمه .. تكفين لا تخليني ..
ام ساره(ضمتها): ما راح اخليج انتي ماي عيني ..
ساره : يمه امس شنو صار لي .؟؟
ام ساره : ما صار شي ي قلبي ..
ساره(بتعب): انا لازم اروح للدكتور طلال ..
ام ساره : خلاص انا بجي وياج ..
ساره (بعتراض): لا يمه انا ابي اروح بروحي ..
ام ساره(خافت): لا اخاف يصير فيج شي ..
ساره: ما راح يصير شي يمه ..
ام ساره(محتاره): انزين انا بوديج وانتي قابليه بروحج ..
ساره : اوكي ..

________
في بيت ام فهد الساعه 10:00ص ..
بالتحديد بشقه فهد ..
ساميه في الحمام تتسبح سمعت صوت الباب يطق ..
طق طق طق ..
ساميه (بهدوء):نععم ..
فهد : سمووي حبيبتي يالله اطلعي ابي الحمام ..
ساميه (كانت تنشف شعرها): دقايق واطلع ..
فهد راح انسدح بسريره فجأه سمع صرخه قويه ..
ساميه (صرخت ):يماااااه ..
فز فهد من سريره واتجه للحمام(تكرمون) ..
فهد (طق الباب بقوة): ساااميهه ..
ساميه(تبكي وتصرخ): فهد .. الحق عليي..أأأهه ..
فهد (بخوف): بعدي عن الباب .. بكسرره ..
ساميه(انهارت بكي): مقدر اتحركك ..
فهد (بصراخ): حاوليي ..
ساميه (سحبت نفسها وهي تصارخ من الالم): ظههري ..اااه ..
فهد (قلبه عوره من صراخها):بعدتي من الباب .؟
ساميه (انهارت بكي): ايي ..
فهد جمع كل قوته وحطه ع الباب مره ومرتين وفتح الباب شافتها ماسكه ظهرها وتبكي من الالم ..
ساميه(رفعت يدها وهي تتألم): فههد .. ساعدني ..
فهد (قلبه عوره من شكل ساميه وهي تتألم): تعورتيي قلبي ..
ساميه(ماسكه ظهرها ): احس اني انزف ي فهد ..
فهد (مسكها وحاول يوقفها): وقفي خليني اوديج المستشفى ..

__________
في لبنان الساعه 10:30ص ..
في شقه العشاق ..
جابر نايم بعمق ..
ناريمان(تصحي جابر وتفتح الشباك وكان الجو بارد وبصوت هادي): حبيبي ..
جابر(حس بالبرد وتلحف):هممم ..
ناريمان(تهمس بأذن جابر وبرومانسيه):حياتي اصحى ..
جابر(بصوت ثقيل):هممم ..
ناريمان(احتالت عليه وسوت نفسها تعبانه وبصوت عالي ومفاجئ):جااااببر ..آآآآآهه ..
جابر(فز من نومه وهو خايف): شفييييج !!
ناريمان(طلعت من الغرفه وهي تضحك):ههههههههه ..
جابر(تنرفز من حركها ورجع على وضعيته بتهديد ): تعالي بس .. يويلج ..
ناريمان(ميته ضحك): يسعد لي صباحك حبيبي ..
جابر(من القهر طلع لسانه وغط راسه بالفراشه ): حسابج بعدين ..
ناريمان(رجعت له وشالت الفراش منه وبحنان): انا اسفه .. يالله انا عملت لك فطور ..
جابر(تغافلها ومسكها من يدها وضمها بقوه وبرومنسيه): وين بتروحين مني ..
ناريمان(استحت وحمرت خدودها): حبيبي ..
نترك العشاق ..

__________
في بيت ام ماجد الساعه 11:00ص ..
بغرفه ليلى..
ليلى طالعه من الحمام (تكرمون) وهي تنشف شعرها كانت حالتها مأساويه بعد وفاة اخوها نحفت حيل
وراحت خدودها المليانه وعيونها ذبلت من البكي كل يوم .. حالتها تكسر الخاطر ..
طق طق طق ..
ليلى(بصوت هادي): منو !!
رفعه :انا رفعه ..
ليلى (تفتح الباب): حياج ..
رفعه(تطالع ليلى بلبس الروب): نعيما حياتي ..
ليلى(حمر وجها): الله ينعم عليج بالصحه ..
رفعه : عمي يبيج تحت ..
ليلى : اوكي ..
راحت رفعه وهي تمسح دموعها وبخاطرها تقول(سبحان الله ليلى نسخه زوجي ماجد , اااهه اشتقت لك )
سكرت ليلى الباب وراحت للكبت تطلع لها ملابس ..

_______________
في عيادة خاصة بالتحديد غرفة الدكتور طلال الساعه 11:45ص ..
طق طق طق ..
د.طلال :تفضل ..
السكرتاريا : دكتور طلال في مريضه جاية بدون موعد ,وتقول لازم اتشوفك ؟؟
د.طلال :قولي لها لازم موعد ..
السكرتاريا: لكن هي مصره الا تشوفك ؟
د.طلال(بصبر) : عطيها موعد بعد اسبوع .
السكرتاريا: بس ...
بدون مقدمات دخلت سارة وهي منهاره ..
سارة(عيونها حمرا , ووجها منتفخ ,و جسمها هلكان ,وبصوت مبحوح): دكتور طلال ,محتاجة اكلمك ضروري ..
د.طلال(قام من مكانه متجه لـ سارة): تعالي , اقعدي هني ..
سارة قعدت بكرسي مخصص ومريح حيل ..
د.طلال(يكلم السكرتاريا): ألغي كل مواعيدي ..
السكرتاريا(استغربت من فعل سارة ): دكتور ..(تأشر على سارة) شوف المريضه ..
دكتور طلال لف يطالعها .. كانت سارة ماسكة رقبتها وتهمس وتقول(انا ..بموت .. انا ..بموت ) وتكررهاا ..
دكتور طلال سمح للسكرتاريا تطلع وتطلب السستر ..
اتجاه دكتور طلال لكرسي سارة ..
د.طلال: سارة .. شفيج .؟
سارة(تكرر كلامها): انا .. بموت ..
د.طلال : لا يا سارة .. مراح تموتين ..(مسك يدها وخلاها تسترخي)
طق طق طق ..
د.طلال : تفضل ..
السستر : طلبتني دكتور طلال ؟؟
د.طلال : جيبي ابره مهدى للمريضه سارة ..
السستر : اوكي ..
د.طلال :سارة , مع منو جايه ؟؟
سارة(مازالت تردد الكلمه وهي تبكي ): اناا ..آآهه .. بموت ..
دكتور طلال طلع يدور ع احد جاي مع سارة ..بس ما لقى ..

______________________
في بيت ابو عبدالله الساعه 12:15م ..
ام سارة تدور بنتها سارة بكل مكان بس ما لقتها ..
دخلت غرفة وضحى ..
ام سارة (بخوف): وضوح ..وين اختج سارة .؟
وضحى(استغربت):راحت عند الدكتور طلال ؟؟
ام سارة (بصدمه): بروحهاااا .؟؟
وضحى: اي يمه ,, هي قالت انها استأذنت منج تروح بروحها ..
ام سارة : ياربي احفظها ..
وضحى(قامت من سريرها): هدي بلج يمه .. سارة بخير ولا راح يصير فيها شي ..
ام سارة (رفعت ايدها تدعي): اللهم اني استودعتك بنتي سارة..

_______________
يتبعع ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 26-03-2017, 10:46 PM
صورة لكل جزء حكاية الرمزية
لكل جزء حكاية لكل جزء حكاية غير متصل
©؛°¨غرامي جديد¨°؛©
 
B10 رد: رواية لكل جزء حكاية/بقلمي


تابعع ..
_______________
في مستشفى وبالتحديد قسم الطورائ 12:30 م ..
طلع الدكتور من الغرفة ..
ركض فهد يبي يتطمن على زوجته سامية ..
فهد(والخوف لابسه): طمني دكتور سامية فيها شي .؟
الدكتور: تطمن .. قدرنا نوقف النزيف ..
فهد: الحمدلله , والجنين ؟؟
الدكتور: اطرينا نسوي عمليه الربط .. لكن لازم تلزم الفراش ..
فهد (بخوف): ليش؟!
الدكتور : حاليا ما تقدر تمشي بسبب التواء الكاحل عندها ..
فهد : التواء ؟؟
الدكتور : الحين بنصعدها للجناح ..والحمدلله على السلامه ..
فهد : يعطيك العافية ..
الدكتور: هذا شغلي ..

________________
قبل ساعه ونص وبالتحديد ..
في بيت ام ماجد الساعه 11:30ص ..
ليلى تنزل من الدرج صادفت بنات اخوها ..
ليلى(ضمت التوأم وعيونها امتلت بالدموع): شلونكم حبايبي ..
عبير وهديل(ببراءه ) : بخيير ..
ليلى : الحمدلله ..
عبير : عمتي ..
ليلى (تمسح دموعها) : عيون عمتها ..
عبير: جدي يبي يكلمج ضروري ..
هديل(تأكد الموضوع): اي عمه يقول نادوا عمتكم ليلى ابي اكلمها ضروري ..
ليلى: الحين بروح اشوفه .. بس هو وينه .؟
هديل: بغرفه المكتب ..
بيلى باس التوأم واتجهت لغرفه المكتب الخاصه بأبوها ..
طق طق طق ..
ابو ماجد : تفضل ..
دخلت ليلى : السلام عليكم ..
ابو ماجد : وعيكم السلام .. حياج بنتي ..
ليلى(باست ابوها وقعدت): امرني يبه طالبني ..
ابو ماجد (بحنيه): يا بنتي صلي على النبي ..
ليلى:اللهم صل وسلم عليه ..
ابو ماجد: احسنتي .. بنيتي لو بطلب منج ؟؟
ليلى(وقفت): يبه انت تامر ما تطلب ..
ابو ماجد : ليلى ,, امس كلمني عبدالرحمن ..
ليلى (حزنت): يبه مابي افتح هالموضوع ..
ابو ماجد: خليني اكمل كلامي ..
ليلى : كمل يا الغالي ..
ابو ماجد : اللي تسوينه ماراح يفيدج بشي .. انا ودي هالبيت ترد فيها الفرحه ..
ليلى (استسلمت للموضوع وبنظره حزينه ): اللي تشوفه يا يبه ..
سمعت صوت من وراها ..
ام ماجد : الحمدلله ..
ليلى : يمه ؟؟
ام ماجد: اي هذي بنتي اللي ما ترد لنا طلب ..
ليلى (قامت وباست راس امها): انتوا تامروني ..

________________
نرجع لوقتنا الحالي ..
في العياده الساعه 12:30م ..
بعد مرور اكثر من نص ساعه من حاله سارة ..
دكتور طلال مشغول في الاب توب يكتب تقرير عن حالة سارة ..
سارة (تهمس ): سالم ..سالم ..
مشت سارة وهي مغمضه عيونها وتهمس بأسم سالم ..
دكتور طلال تفاجئ برد فعل سارة .. قام من مكانه وراح لها ..
د.طلال (مسكها من كتفها): سارة ..
سارة (نفس الوضع): سالم ..
دكتور طلال عرف ان سارة مو واعية مسكها وقعدها على الكرسي ..
د.طلال : سارة اصحي ..
سارة تبكي بصمت بس دموع بدون صوت ..
دكتور طلال يصحيها ..
رن تلفون المكتب ..
ترن ترن ترن ..
قام دكتور طلال ورد على التلفون..
د.طلال: الوو .... اي المرضة سارة معاي ...(رد المتصل ) وضعها حاليا ما اقدر احدد هي مو واعية ..(رد المتصل)الله يعافيكك ...
صحت سارة وهي تطلع دكتور طلال ..
سارة(مخدرة وبتعب): انا شلون جيت هني ؟!
د.طلال: لاتخافين ..
سارة(تحط يدها على راسها): دايخه ..
د.طلال(قام من مكانه وجاها): شنو تحسين فيه ..
سارة : دايخه ..
د.طلال : ارتاحي .. انسدحي ع الكرسي وريحي كل جسمج ..

_______________
في بيت ام فهد الساعه 1:00م ..
نزلوا عيال فهد ..
نورة :جدة .؟
ام فهد(ترحب وتهلل) : هلا وغلا .. تعالي ..
نورة(باست جدتها): جده ..ماما وبابا مادري وينهم ؟؟
ام فهد(استغربت): غريبه .. خلاص انتي تغديتي ؟؟
نوره(بطفولية): لاا .. حتى اخوي سلطان ما تغدى ..
ام فهد (قامت من مكانها): نادي اخوج وتعالي المطبخ ..
نورة : انزين ..

__________________
في المستشفى وبالتحديد جناح سامية بالتمام الساعه 1:15م ..
صحت سامية وهي تتألم ..
سامية(ماسكة بطنها وبصوت مبحوح): فهد ..
فهد(واقف عند الدريشه ومتنح): ....
سامية(علت صوتها): فههد ..
فهد(لف بلهفه لما سمع صوته راح لها): حبيبتي ..
سامية(بصوت تعبان): الجنين صار له شي .؟
فهد(باسها من راسها): لا يا حبيبتي .. الحمدلله ..
سامية(دمعت عيونها): الحمدلله ..
فهد(يمسح دموعها اللي انهلت من الفرحة): ليش هالدموع .. ارتاحي ولا تفكرين بشي .. واذا تبين شي .. انا عندج ..امريني ..
سامية(رفعت يدها حطته على خد فهد ): وين عيالي ..
فهد(استوعب ان ما علم اهله): تصدقين .. ما علمت احد ..
طق طق طق ..
فهد : تفضل ..
السستر: السلام عليكم ..
فهد: وعليكم السلام ..
السستر : ممكن تسمح لنا ..
فهد : اوكي .. (يكلم سامية)انا برى اذا تبين شي ..
سامية :لا تقول لامي شي .. مابيها تخاف ..
فهد (باسها من راسها): ابشري حبيبتي ..
طلع فهد من الجناح واتصل على اخته فرح ..

_______________________
وبنفس الوقت في العيادة ..
طق طق طق ..
د.طلال : تفضل ..
الطارق : السلام عليكم ..
د.طلال : وعليكم السلام ..
الطارق (انصدم من وضع سارة راح يركض لها يبي يصحيها): سارررة .. تسمعيني ..؟؟
د.طلال (قام من مكانه): هد يا محمد .. سارة الحين نايمه ..
محمد(بخوف): شفيها .. هي من امس مو على بعضها ..
دكتور طلال طلب من محمد يقعد عشان يوضح له وضع سارة ..
د.طلال(يفتح لاب توب): انا حاليا كاتب تقرير عن وضع سارة .. لكن لازم اجتمع مع بروفسور بريطاني .. ويدرس حالتها ..
محمد : لهدرجة وضعها خطير ..
د.طلال(يبي يطمنه): لا مو خطير حيل .. بس ردود افعالها زادت بعد ما تحسن وضعها من قبل ..
محمد (استغرب): شلون يعني .. ما فهمت ..
د.طلال :سارة من بعد الحادث جاتها فترة متأثرة منها .. وهذا شي طبيعي .. بعدها زادت عندها الحاله وصارت تتخيل امور ما صارت حتى بالحادث .. وقدرنا بوقت قصير اسيطر عليها .. وتحسنت معاي .. بس الحين رجعت مثل قبل وزادت تصرفات غريبه ..
فجأه سمعوا صراخ سارة وهي تخنق عمرها ..
سارة(تخنق عمرها وبصوت عالي): ساااالم .. موو انااا ..هااااءء هاااءء (صوت الخنق)
قام د.طلال ومحمد بسرعة يبون يساعدونها ..
د.طلال(يمسك يدها ويحاول يصحها): سارة اصحي ..هذا كابوس ..
محمد (حط يده على راسها وصار يقرا عليها المعوذات)
سارة(زادت قوتها وصارت تخنق بقوة وصوتها بدا يختفي): هاااااءء ..
د.طلال(صرخ بصوت عالي): سااااااارةة .. اصحيي (يضرب خدها بخقه) هذا كابوس .. اصحيييي ..
محمد ابتعد من سارة ودمعت عيونه خايف على اخته ..
د.طلال طلب من محمد ينادي السستر ..

_________________
في بيت ام فهد الساعه 1:30م ..
نزلت فرح من الدرج وهي تنادي امها بصوت عالي ..
ام فهد (طلعت من المطبخ خايفه من صراخ بنتها): شفيججج ..
فرح(تلقط انفاسها): يمهه .. فهد اخوي .. اتصل علي .. يقول ان سامية بالمستشفى ..
ام فهد (خافت): شلون .. من متى ؟؟
فرح : مادري ..
دخل فيصل راد من الدوام ..
فيصل : السلام عليكم ..
ام فهد : فيصل ودني المستشفى ..
فيصل : فيج شي يمه ..
ام فهد(راحت تاخذ عبايتها): لا يمه .. اخوك فهد في الستشفى .. وابيك تودني ..
فرح : انا بعد بروح (تنادي عيال فهد) نوري , سلطااان .. تعالواا ..
طلعوا من المطبخ ..
فرح : بسرعه .. روحي البسوا جواتيكم .. بنطلع ..
سلطان ونورة راحوا بسرعه ..

_____________
في نفس الوقت في بيت ابوعبد الرحمن ..
ام عبد الرحمن سكرت التلفون وهي تضحك ..
مسفر ينزل من الدرج وهو يضحك لانه متحلم في خلود ..
ام عبدالرحمن : عسى هالضحكة ما تفارق وجهك ..
مسفر(باس راس امه وقعد جنبها): ولا هالوجة ..
ام عبدالرحمن : الا وين اخوك عبدالرحمن ..
مسفر: فوق .. ليش تبين شي ..
ام عبدالرحمن (ابتسمت): عندي له ابشارة حلوة ..
دخل عبدالرحمن : سمعيني يالغالية ..
ام عبد الرحمن : بس هاا .. بشارتي لها ثمنها ..
عبدالرحمن(باس راسها ويدها): عيوني لج ..
مسفر(يتحايل): وش تبي بعيونك ..عطها شي ثمين ..
عبدالرحمن : اللي تامر فيه ..تمم ..
ام عبدالرحمن(تبتسم):يكفي وجودكم بيني ..
عبدالرحمن : ابد ما تقولين البشارة الا لما اسمع وش تبين ..
ام عبدالرحمن: ابي سلامتك يا بعدي ..
عبدالرحمن : بسم الله عليج ..
ام عبدالرحمن (مسكت يد ولدها): اسمع .. بنت عمتك ليلى ...
عبدالرحمن(بفرحة وبصوت عالي): وافقتتتتتت ..
ام عبدالرحمن(اختلعت من ردة فعل ولدها): بسم الله ..
مسفر(يضحكك): هههههههههه..
عبدالرحمن سجد لله وقام رقص من الفرحة..
مسفر(يكلم امه): استخف الرجال ..هههههههه ..
ام عبدالرحمن(تضحك): هههههههه .. يا قلبي مستانس ..
دخل ابو عبدالرحمن وهو يشوف ولده يرقص ..
ابو عبدالرحمن(بصوت عالي): السلام عليكم ..
وقف عبدالرحمن من الرقص وهو يضحكك ..
ابو عبدالرحمن : ضحكوني معاكم ..
عبدالرحمن ومسفر سلموا على ابوهم وجلسوا كلهم ..
ام عبدالرحمن : اليوم كلمتي ام ماجد .. قالت ان البنت وافقت انها تتم الزواج ..
ابوعبدالرحمن :بركة ..
ام عبدالرحمن :بس البنت عندها شرط ..
عبدالرحمن(انصدم):شرط !!
ام عبدالرحمن : اي يمه .. البنت ماتبي تسوي حفله .. تبي ياخذها من البيت ..
ابوعبدالرحمن : معليه .. بدون اي حفلة .. البنت حزينه على فراق اخوها ..
عبدالرحمن: وانا موافق ..
ام عبدالرحمن : وبعد تقول انها تبي وقت تجهز اغراضها ..
عبدالرحمن: كم تبي من الوقت ..
ام عبدالرحمن: ما سألت ..
عبدالرحمن: اوكي.. انا بشوفها وبكلمها ..

____________________
في العيادة بعد مرور نص ساعة من حالة سارة الرعبة ..
د.طلال(يطمن محمد): لا تحاتي ان شاء الله .. بتصحى بعد هالمهدئ ..
محمد (قاعد عند سارة وماسك يدها ويهمس):يالله اصحي .. طولتي وانتي نايمة ..
د.طلال(قرب من محمد ومسكة من كتفة): هي الحين ماراح تستجيب لأي شي .. الحين هي نايمة ..
محمد(متنرفز منه بس يحاول ما يبين): اوكي ..
طلع محمد من الغرفة وهو متنرفز وبالصدفة يقابل مها بالممر ..
مها(مستغربه من وجود محمد بالعيادة): السلام عليكم ..
محمد(يحاول يمسك عمره): وعليكم السلام ..
مها(بأستغراب اكثر): عسى ما شر .. ليش انت بالعيادة ..
محمد(بأسلوب مستفز): اللي جابج هني .. جابني ..
مها(عصبت): شنو اللي جابني يجيبك ..
محمد(قطع المحادثة وبضحكة سخريا):ههههاااي .. روحي لخطيبج دكتور طلال ..
مشى محمد بدون ما يسمع ردها ..
محمد"اسف يا مها .. بس ما اقدر اكرهج .. لازم اتعود انج لغيري .. بس والله احببببببجج .. اااااهه يا قلبي "
مها (تطالع محمد وهو يمشي بخطوات ثقيلة ولا يلتفت بصوت عالي نادتة): محمممد ..
محمد ما لف عليها وكممل طريقة ..
مها(طبعها ما تخلي حقها راحت له ووقفت قدامة وبصوت عصبي):انت هييي .. شهالاشلوب هذا .. بيني وبينك شيي عشان تكلمني جذي ..
محمد(ما قدر يدافع عن نفسه): اسف .. عقلي مو معاي ..احاتي اختي ..
مها(استغرب):اي اخت ؟؟
محمد(تنح): سارة اختي .. دكتور طلال ما قل لج شي..
مها(طار قلبها): سارة ؟؟ علمني .. شفيها .؟؟
محمد(يحاول يهديها): ما فيها شي.. بس لما صحت اليوم جات العيادة وهي تعبانة .. بس..
مها(مسكت يد محمد): هي وينها الحين ..
محمد(يطالع يدها اللي لمست يده البارد وبصوت واطي): شنوو !!
مها(انتبهت انها ماسكة يده هدتها بسرعة , وصارت تتأتأ بكلام):سـ..سـاارة وويـ..ـنهاا ؟؟
محمد(ببرود اعصاب يأشر على غرفة د.طلال وبتناحة): هناااكك ...
مها(تبي تنحاش بأي طريقه ركضت):شكراً ..
محمد يشوفها تركض مثل الغزال الشارد "ااااهه يا قلبي"

________________
في غرفة د.طلال ..
طق طق طق ..
د.طلال: تفضل ..
مها(دخلت بهدوء): ممكن ادخل ..
د.طلال(يبي يلطف الجو):صرتي بنص الغرفه وتقولين ممكن ادخل ..هههههههههه ..
مها(ابتسمت):طلال ..؟
د.طلال(قام من مكانه عرف ان اللي ورا الستارة سرير سارة وهي نايمة): دريتي ..؟
مها(عيونها تغرقت بالدموع وبصوت مغصوص): اممم ..
د.طلال(يمسح دموعها):شويه تعب .. لازم تقوين قلبج .. اللي حولين سارة ممكن يأثرون عليها .. اما ايجابي او سلبي ..
قرب د.طلال اكثر وباس راسها ..
مها(نزلت راسها وهي تشاهق ما قدرت تمسك بكيتها):اااااهه .. هذي اختي .. شلون ما ابكي عليها ..
د.طلال(همس بأذنها): تكفين مابي اسمع صوت شهقاتج .. هالشي يعورني ..

نتركممم شويي ...

يتبعع ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 26-03-2017, 10:59 PM
صورة لكل جزء حكاية الرمزية
لكل جزء حكاية لكل جزء حكاية غير متصل
©؛°¨غرامي جديد¨°؛©
 
B10 رد: رواية لكل جزء حكاية/بقلمي


تابعع ..
______________
في بيت ام خالد الساعة 2:30م ..
وبالتحديد بغرفة خالد ..
خالد يتصل على اخوة جابر ..
خالد : الوو ..
جابر(يبي يلطف الجو):هلاا بخوي ..
خالد(بأسلوب حاد): متى بتعلم امي ؟؟
جابر(بهدوء يعرف اخو اذا كان متضايق):خالد , مرتي الحين حامل .. وانا قررت ارجع الكويت هالاسبوع مع زوجتي وعيالي ..
خالد(تفاجئ بس ما بين لاخوه): علمني بطيارتك قبلها بيوم .. عشان افتح الموضوع لامي ولا تتفاجئ ..
جابر(ابتسم يعرف ان اخوه حنون): ابشر ..
خالد : مع السلامه ..
وسكر الخط من دون ما يسمع رد اخوة ..
خالد "الله يهديك يا جابر.. انت تبي تتعب امي .. مادري شلون بفتح الموضوع لها .. بقول لـ مها هي اللي بتساعدني "
اتصل خالد بـ مها ..
طووووووط ... طووووووط ... طووووووط ..
الرقم الذي طلبته مغلق او خارج نطاق التغطية يرجى المحاولة لاحقاً ..
خالد: هذي وينها عن تلفونها ..
اتصل مرة ثانيه ..
طوووووط ... طووووووط ..
ردت مها ..
مها(بصوت مبحوح): هلا خالد ..
خالد(استغرب من صوت اخته): شفي صوتج !!
مها(ماتبي تخرع اخوها): مافيني شي .. بس مبحوح صوتي ..
خالد(اقتنع):اهااا ..انتي وينج .. تعالي غرفتي بسرعة ابيج بموضوع ..
مها(توهقت):انا مو موجودة بالبيت الحين .. اول ما ارجع بجيك ..
قطع الحديث صوت الدكتور طلال ..
د.طلال: مها .. تعالي سارة صحت وتبيج الحين ..
خالد(خاف): سارة فيها شي .؟؟
مها(ارتبكت):هاا ..
خالد(عصب):مهااا .. انتي وينج بالضبط ..
مها(استسلمت): انا في عيادة طلال ..
خالد: انا جاي الحين ..
سكر الخط وبسرعة البرق لكبت الملابس يبدل ..

_______________________
بعد مرور شهر من الوضع ..
في بيت ام ماجد الساعة 4:00 م ..
ام ماجد تصعد عند بنتها ..
طق طق طق ..
ليلى :تفضل ..
ام ماجد(انصدمت): لحد الحين ما تسبحتي ولا تجهزتي ..
ليلى(مو متقبله الموضوع): يمه تو الناس ..
ام ماجد :شنو تو الناس , انتي لازم تتجهزيين وبسرعةة ..
ليلى(استسلم ماتبي تكسر خاطر امها):ابشرري ..
خذت فوطتها توجهت للحمام "تكرمون" ..
طلعت ام ماجد من غرفة ليلى وتوجهت لغرفة رفعة ..
طق طق طق ..
رفعه(مسحت دموعه بسرعه):تفضل ..
ام ماجد(بحنيه): ممكن ادخل ..
رفعه(حشت الصوره بسرعه بالدرج وبصوت مبحوح): حياج خالتي ..
ام ماجد(حست ان رفعه فيها شي بس ما حبت تبين لها):هاا .. لحد الحين مصره ع رايج ؟؟
رفعه: اعذريني يا خالتي ما اقدر انزل ما راح اكون مرتاحة ..
ام ماجد(تمسح ع كتفها): براحتج يا بنتي ..وان بغيتي اي شي بس اتصلي علي ..

_______________
في بيت ام فهد الساعة 4:30 م ..
في شقة فهد ..
فهد :سموي حبيبتي ..
سامية(بغرفة التبديل): هلا حبيبي ..
فهد :بتروحين العشاء اليوم ؟؟
سامية(تلبس ثوب اسود ناعم): اي حبيبي ..
فهد(قام من فراشه يبي يشوف شنو تلبس): حبي .. لا تلبسين شي فخم ولا تكثيرين مكياج .. ترى خالتي لحد الحين ما مر على وفاة ولدها الا ثلاث شهور ..
سامية(تستعرض الثوب): ادري حبيبي .. شرايك بهذا الثوب ..
فهد(قرب منها وبرومنسيه): كل شي على سمويتي يزهى ..
سامية(طقته من كتفه بخجل): حبيبي انت ..
طلع فهد وهو يضحك من خجل سامية ..
فهد(تذكر شي وقال بصوت عالي): سموي حبي .. لا تلبسين كعب ..
طلعت سامية من عرفة التبديل ..
سامية: بلبس فلات حبيبي ..

بنفس البيت بالصالة ..
فرح تنزل من الدرج لابسه ثوب ناعم وحلو وكعب صغير ..
فرح: اناا جاهزه ..
ام فهد :كلمي اخوج فيصل ..
فرح(تستشير امها): يمه شرايج بشكلي .. ما كثرت الميك اب ..
ام فهد: اي زين ..
قامت فرح تتصل علي اخوها فيصل ..

_______________
في بيت ابو عبدالله الساعة 5:00م ..
سارة تنزل من الدرج وهي تضحك وبأحسن حالاتها ..
باست راس ابوها وامها ..
سارة(بوجه مبتسم): انا خلصصت .. شرايكم (كانت تستعرض) ..
ام سارة(تبتسم لان بنتها ردت مثل قبل): بسم الله عليج الرحمن تهبلين ..
ابو عبدالله : وانتي صاجه ..
قام ابو عبدالله وطلع من البيت ..
نزلت وضحى ..
وضحى(تستعرض مثل ما تستعرض سارة):بس انا احلى صحح يمه ..
ام سارة: يمه يا الغيره تشع من عيونج يا وضوحح ..
سارة(تبوس اختها): اكيد انتي احلى ..

__________________
في تمام الساعة 8:30 م تجمعت العايلة كلها في بيت ام ماجد ..
والتقديم والحلى والعصاير ..
كان استقبال عائلي محدود ..
الكل كان مستانس ويضحك ..
قبل فترة كان البيت في حالة حزين وأكتئاب بس "سبحان الله يغير من حال الى حال "
ام ماجد(تسولف مع اختها): عاد اقولج يالله وافقت ..
ام فهد: لا تلومينها يا خيتي .. البنت شافت اخوها قدامها ميت .. اكيد بترفض ..
ام ماجد(دمعت عيونها): ما ألومها .. الله يرحمه ..
ام فهد(مسكت يد اختها): الله يصبر قلبج .. (تلفت تدور زوجت ماجد) الا وين رفعة ؟؟
ام ماجد : رفضت انها تنزل ..
..
البنات مستانسين ان سارة رجعت لحالتها الطبيعية ..
فرح(تكلم نجلاء): يا بنت .. تعالي ابيج بسالفة ..
نجلاء(استغربت):اوكي ..
..
سارة(تمسك بطن سامية):كم صار لج الحين ؟؟
سامية(تبتسم): دخلت الخامس ..
سارة(استانست): ما شاء الله ..الله يهون عليج ..
سامية: امين ..
سارة : شنو عااد ؟؟
سامية(اضحكت): بقولج بس خليه بينا ..
..
شيخة(تكلم وضحى): وضووحح ..
وضحى(تشرب العصير): هممم ..
شيخة:ما شاء الله سارة رجعت مثل قبل ..
وضحى : اي الحمدلله .. دكتور طلال عطاها نظام علاجي ممتاز ..
شيخة: ما شاء الله .. دكتور ناجح ..
وضحى: ان الدكتور سوى تقرير لحالة سارة وارسله لبروفسور في لندن .. وعلى طول جاه البروفسور ووشاف سارة .. طبعا دكتور طلال ساعده وساعد سارة ..
..
في الدوانية ..
ابو ماجد(يكلم عبدالرحمن): عاد يا ولدي ما اوصيك عليها ..
عبدالرحمن(بأبتسامة جذابة): لا تحاتي يا عمي ليلى بعيوني ..
ابو ماجد: تسلم عيونك ..
عبدالرحمن(يسولف بصوت واطي): عمي .. انا قلت لك ان راح نسافر هالليله ..
ابوماجد: اي علمتي امها ..
..
محمد(يضرب كتف مسفر): الفاال لكك يا ولد العم ..
مسفر(يضحك): ههههههههه .. مو قبلكك ..
محمد(نزل راسه): الله يكتب اللي فيه الخير ..
مسفر(حس ان محمد فيه شي):اميين ..
..
في نفس البيت بس بمكان معزول ..
صوت بكي وصرااخخ مقموت ..
"آآآآآآآآآآآآهه يا الغالي يا ابو التوأم .. اشتقت لك .."
بصوت هادي ..
ليلى(تضم رفعة من ورا): رفعة !!
رفعة(تمسح دموعها وبصوت مبحوح): ليلى..ما نزلتي .؟
ليلى(لفت تطالع وجة رفعة وتمسح دموعها):ما راح انزل وانتي فوق ..
رفعة : ليلى ما اقدر اتكشخ .. انا بحداد ..
ليلى(دمعت عيونها): انزين بس شوفيني وانا انزل من الدرج ..
رفعة(ما حبت تكسر خاطرها): يالله قومي بخلي بناتي ينزلونج من الدرج..
ليلى(ضحكت):ويا حلى من ينزلني من الدرج ..
..
نزلت ليلى بهدوء سلمت على الكل وقعدت ..
ام ماجد(تهمس بأذن ليلى): جهزتي كل اغراضج اللي بتاخذينها معاج !!
ليلى(مو متقبله فكرة السفر): اي يمه ..
ام عبدالرحمن(تكلم ام فهد): ابو عبدالرحمن اتصل علي يقول ان بيدخل مع ولده ..
ام ماجد: خلاص انا اخلي ليلى تروح للصاله المغلقه ..
ام عبدالرحمن: خلاص انا بقوله يدخل للغرفة المغلقة مع ابوه ..
..
في الصالة المغلقة الساعة 9:30م ..
ابو ماجد وابو عبدالرحمن وعبدالرحمن ..
جاسم(ماسك يد اخته): جاهزه !!
ليلى(بجسمها النحيف والمكياج الخفيف ودينها الباردة والثوب البسيط): اممم ..
طق جاسم الباب ..
طق طق طق ..
ابو ماجد: تعال يا جاسم ..
عبدالرحمن(بالبشت الاسود قام):احممم ..
التوتر واضح بين الطرفين ..
دخلت ليلى منزله راسها وهي تحاول تمسك دموعها ..
سلمت على ابوها وعمها وجلست جنب ابوها ..
ابو ماجد : قومي اجلسي جنب زوجج ..
ليلى(بردت اطرافها ورجولها تصلبت وبهمس):لازم يبه ..
ابو ماجد : اي ..
عبدالرحمن :خلها يا عمي اكييد هي خايفه ..
ابو عبدالرحمن(يمسك ثوب عبدالرحمن ويهمس): شهالكلام ..
..
عند الممر اللي يطل على الغرفة المغلقة ..
البنات ذبحهم الفضول ..
سارة(بهمس وهي ميته ضحك): شوفوا ليلى شلون ماسكة ثوب ابوهاا..ههههههههه ..
البنات(يضحكون بصوت واطي): ههههههههه ..
نجلاء: الله لا يحطي بمثل وضعها الحين ..
فرح(تقط نغزات): بيجيج لا تحاتين ..
نجلاء(تحط يدها بفم فرح): اسكتي ..
وضحى(فهمت شنو تقصد فرح): في خبر خطووبه مني ولا مناك ..
فجاءه جاهم صوت من وراهم ..
ام فهد : نعنبو غيركم .. ما تستحون على وجيهكم ..
البنات ركضوا ما عدا سارة ..
سارة(نزلت راسها وهي تضحك): هههههه .. عمتي ..
ام فهد(تضم سارة): لبى عمتها ..
..
جات اللحظة الاخيرة ..
الكل يسلم على ليلى ويبارك لها ..
جاسم خذا جنطة ليلى وحطها بالسيارة ..
الرياجيل يسلمون علي المعرس عبدالرحمن ويباركون له ..
ابو ماجد(يمسك كتف عبدالرحمن):هالله هالله في بنتي .. ترها وحيدتي .. اصبر عليها .. وتحمل هي بالفترة هذي متضايقة من فراق اخوها ..
عبدالرحمن(يبوس راس عمه): لا توصي هي بعيوني .. وانا اعرف ليلى ..
..
بالسيارة ..
ركبت السيارة وهي تتنافض من الخوف والبرد ..
عبدالرحمن(بصوت هادي): بردانه !!
ليلى(مشاعرها متلخبطة بين الخوف والحزن):هاا !؟
عبدالرحمن(يعرف ليلى اذا تلخبطت): ارتاحي .. الحين بروح للفندق والصبح بروح للمطار ..
لحظات صمتت ..
بنص الطريق سمع شهقات .. عرف انها تبكي بس ما بين لها عشان ما تقول له رجعني ..
وصلوا فندق الجميرة ..
نزلوا الشنط وعلى طول للجناح الملكي اللي حاجزه ..
كانت الساعة 10:00م ..
طلب العشاء وراح يصلي ..
ليلى بقت على ما هي بس تحاول تمسك دموعها ..
جاه نفس من خلفها ..
عبدالرحمن(ضمها بحنان): ادعيلة بالرحمه .. انا عارف انج تبجين عشان فراقة ..
ليلى(بصوت مبحوح): انا اسفة .. بس تمنيت هو اللي يدخلني ..
عبدالرحمن : الله يرحمه ..بس هاا شوفي جاسم .. ما شاء الله عليه رجال ..
ليلى(ابتسمت): بسم الله عليه ..
عبدالرحمن(يبي يلطف الجو):جنة الجو حاار وبارد بنفس الوقت !!
ليلى ابتسم على خفت ظل عبدالرحمن ..
عبدالرحمن (استانس قرب منها وهمس بأذنها): يا حلو هالابتسامة ..
ليلى(تقشعر جسمها وبلطف): عبدالرحمن ..
عبدالرحمن(قرب اكثر لدرجة ان راسه وصل لرقبتها وبصوت هادي ورومنسي اكثر): ياا فرحة عممري .. يوم أن انتلاقى وتكوني حلالي ..



نهاية الجزء التاسع ..
توقعاتكم للجزء العاشر ..
وتوقعوا عنوان الجزء ..
قراءة ممتعة ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 27-03-2017, 01:59 AM
اسيرة الهدوء اسيرة الهدوء غير متصل
©؛°¨غرامي مشارك¨°؛©
 
الافتراضي رد: رواية لكل جزء حكاية/بقلمي


السلام عليكم
روايه رائعه واحداث جميله
متابعه جديدة ومعك للنهايه باذن الله
يعطيك الف عافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 27-03-2017, 12:44 PM
صورة mhawe22 الرمزية
mhawe22 mhawe22 غير متصل
©؛°¨غرامي جديد¨°؛©
 
11302798202 رد: رواية لكل جزء حكاية/بقلمي


السلام عليكم
البااااارت عجيييييييب ويهبببل
مثل كاتبته
شكراً من اجمل الروايات
الله يعطيج العافيه
ننتظر البارت العاشر
وان شاء الله يكون بعد طول واحداث حلوه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 05-04-2017, 10:15 PM
صورة nancy.1998 الرمزية
nancy.1998 nancy.1998 غير متصل
©؛°¨غرامي فعال ¨°؛©
 
الافتراضي رد: رواية لكل جزء حكاية/بقلمي


يااااااي روايه قمة في الروووووووعه
اممم ما عندي توقعات صراحه
بس انتظر البارت العاشر ع احر من الجمر
متى رح ينزل قولي الموعد بلييييز مرااا متحمسه
تحياتي nancy

الرد باقتباس
إضافة رد
الإشارات المرجعية

رواية لكل جزء حكاية/بقلمي

الوسوم
لكل جزء حكاية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية هناك / للكاتب ابراهيم عباس شرقاوية شيتونة أرشيف الروايات المغلقة - لعدم إكتمالها 7 22-01-2017 09:53 PM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
رواية عرش السُلطان/ بقلمي. خيال. روايات - طويلة 52 09-05-2016 02:40 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 06:51 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1