اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 11-10-2016, 11:40 PM
صورة حفيدة عزو الرمزية
حفيدة عزو حفيدة عزو غير متصل
©؛°¨غرامي مشارك¨°؛©
 
الافتراضي رد: حالياً : اللي يزعل ماهو إنك على غيري مغصوبه..إللي يزعل لا صار بينكم طفل وصرتي تودينّه.


وقت المغرب
بالغرفة الكل محتآس اللي يطلع له لبس واللي يصلح شعره واللي يحط ميك أب ووو إلى أخر ...
نهآل ترسم الكحل بعينهآ : وش رآيك كيذآ حلوو ؟
تآله مشغولة تصلح شعرهآ وتسلك لهآ : حلووو حلووو .
نهآل بحده : أبو هآلوجهه تولين وش رآيك بالرسمه ؟
تولين تقرب منهآ وتنآظر بعينهآ : شوفي اليمين طالعه الرسمه عريضه من فوق ولأا هو حلووو بس خففيهآ شوي .
نهآل تبعد عنهآ : طآيب الأا وين لتين هالمجنونه ؟
تآله وهي محتآسه : من شآفت الجل حقي ؟
تولين تطلع ملابسهآ : مدري مآ شفته أخر من خذاه لتين يوم تصلح شعرهآ .
تآله بعصبيه : وهالخبل تأخذ الجل كأنه بيجعد شعرهآ أقولهآ شعرك نآعم ما بيتجعد الأ تسوي اللي براسهآ بقتلهآ .
تولين بستغراب : الحين وش فيك عادي تجرب حتى لو شعرهآ ناعم خليهآ .
نهآل تأيد تولين : اي والله تولين صآدقه , خليهآ تسوي اللي تبيه الأ وينهآ ؟
تآله وهي معصبه وتحوس بالأدراج : وينهآ يعني جالسه تحت تتآبع أفلام كرتون مدري متى تكبر هالبزر .
نهآل بنظره : وبعدين معك تراهآ اختك الكبيره وش هالكلام ؟
تآله بنظره : حبيبتي والله أشوف اني أكبر منهآ ولأ هي أحسهآ بزر هالخوآفه مدري كيفف بتتزوج هالضعيفه عسى مآ يجي يوم تدخل بيتنآ تبكي .
تولين بحده : أستغفرالله وش فيك ع البنت كآفه خيرهآ وشرهآ وتتكلمين فيهآ اجل الغريب وش بيقول عنهآ ؟
تآله تضرب جبهتهآ : مو قصدي كيذا بس لتين تقهرني شخصيتهآ الضعيفه وكآنهآ بزر .
نهآل بحده : خلاااص كلو تبن وسكروا ع الموضوع .
||
بيت أبو فيصل.
إم فيصل : روآن خذي المدخن وحطي من العود اللي بغرفتي وحطيه بمجلس الحريم .
روآن تطلع من المطبخ : طآيب الحين .
فيصل يمسك روآن بهمس : هيييييه .
روآن ارتآعت : بسم الله طيحت قلبي وش تبي ؟
فيصل يدخل معهآ لغرفة إمة : بسألك ؟
روآن تنآظره برفعة حآجب : وش سؤالك ؟
فيصل يجلس ع السرير : ءااا أحد بيجي للعشآء ؟
روآن فآهمته بس تستغبي : اي الكل بيجي .
فيصل يوقف : من اللي بيجي ؟!!
روآن تفتح علبة العود : الكل بيجي وش اللي من بيجي ؟
فيصل بصوت حآد : روآن .
روآن بعتب : وبعدين ي فيصل ؟
فيصل يطآلع بعيونهآ وبهمس : راح تجي صح ؟!
روآن بنظره مليآنه عتب : فيصل ترآ حراام اللي تس .
فيصل يقآطعهآ : خلاااص سكري حلقك سلام .
روآن بقهر : ترآ والله لـ أفضحك عند أبوي .
فيصل يمسكهآ مع يدهآ بتهديد : والله والله ي روآن إن قلتي حرف إن أسود عيشتك مآ بأقي الأ البزران يتكلمون خل بس أسمعك قآيله حرف فآهمه ؟
روآن بنظرة خوف : فآهمه أترك يدي .
طلع فيصل من الغرفة متوجهه لمسجد يصلي , إما عند روآن أخذت العود وطلعت لمجلس الحريم تبخره وهمهآ الحين أخوهآ فيصل وإيش رآح تسوي معه تخآف تخبر أبوهآ بعده بيقتلهآ فيصل فقررت تسكت إلين تشوف إيش نهآيته .
||
بيت أبو مشعل .
مشعل بحده : وهي بتروح بيت أبو فيصل ؟
أم مشعل وخآلته إم تركي : شفيك ؟
مشعل وهو معصب : يمه زوجتي بتروح لبيت ابو فيصل صح ولا انا غلطآن ؟
خالته إم تركي : مشعل وش صآيبك مآ بعد تملكتوا ومسوي كل هالشوشره البنت مع اهلهآ لأ جآت في بيتك إمنعهآ من اللي تبي .
ام مشعل : وأختي صآدقه البنت عند اهلها الحين وانت وش بلاك عصبت ؟
مشعل يتمآلك أعصآبه ويطلع : ولإا شي بروح أصلي .
إم تركي تصلح مكيآجهآ : لأ بالله ولدك فيه بلاااء .
ام مشعل تجهز شنطتهآ : الولد اليوم مهوب صآحي الظهر شحليله بس الحين لا والله تغير .
ميسآء تدخل الغرفه : يمه وش رايك بفستآني ؟!
أم مشعل تنآظرها : حلووو يمه بس مو كنه قصير زيآده ؟
ميسآء لبسه فستآن قطعتين بحيث الطبقه التحتيه تكون تحت الركبه والطبقه الأولى فوق الركبه ويكون لونهآ رصآصي واللي تحت تكون مشجره بألوان .
ميسآء : يمه مو قصير مرا .
إم مشعل : خلاااص ي الله قولي لـ خواتك يتجهزون علشآن مآجد يوصلنآ .
مريآم تدخل الغرفة : سلام مشعل يقول أنا اللي بوديكم .
أم تركي تنآظر اختهآ : أنا قايله ولدك فيه بلاااء .
أم مشعل : الله يستر عليه عصبيته مو مريحتني أبداً .
مريآم بفضول : ليه وش فيكم ؟
إم مشعل تأخذ عبآيتهآ : ولأ شي بس خلوكم جاهزين الحين أخوك بيجي .
||
بيت أبو سلطآن .
إم سلطآن جالسه ع الكرسي بعبآيتهآ : أمل واللي يعآفيك شوفي هالبنآت وينهم ؟
أمل ببتسآمه : إن شآءالله خآلتي .
نهآل تنزل مع الدرج : سلام .
إم سلطآن : وعليكم السلام وينكم كل ذا تلبسون ؟!!
نهآل تعدل النقآب : كلهم جآهزين بس بأقي لتين تصلح شعرهآ .
إم سلطآن بعصبيه : وهالبنت متى بتتغير ؟!
تآله ولتين وتولين يدخلون الصآله : سلام .
سعود واقف عند الباب : ي ولددد .
إم سلطآن بعد ما تغطت أمل : تعال .
سعود يدخل ويجلس ع الكرسي : سلام .
الكل : وعليكم السلام .
سعود يمد رجوله : لتين ثوبي فوق بغرفتي وما كوي روحي أكويه .
إم سلطآن بستغراب : وين حنآن أجل ؟!
سعود يتثآوب : أاااوهه حنآن عند إمهآ تعبآنه ي الله لتين وانتوا ترا سلطآن يحتريكم بالسيآره .
إم سلطآن : ولتين ؟
سعود يوقف : إنا بجيبهآ لا خلصت .
ٱم سلطآن توقف : طايب ي الله ي بنات .
بيت إبو مشعل .
أم مشعل : بنآت ي الله أطلعوا .
منآل بصوت عالي : انتظروا شوي مالقيت اسوارتي .
مشعل يدخل بعصبيه : قدامي بلا اسواره بلا هم ي الله كل هالوقت ومالقيتي أسوارتك .
ٱم سلطآن بستغراب : مشعل وش فيك ع أختك ؟
مشعل يمسح وجهه ويحآول يخفظ صوته : ولأ شي ي الغاليه عندي شغل الحين لأا تتأخرون انا في السياره .
إم تركي تنآظره بعد ما طلع : الله يستر ع وليدك اليوم مهوب طبيعي .
ام مشعل : إممين ي رب ي الله بنآت .
بالسيآره توجهه لبيت عمه إبو فيصل , بعد ما وصل إلين سيآرة سلطآن موقفه بعده . مشعل بعد مآ شآف أهله نزلوا بدا يطآلع بأخوات سلطآن يبي يعرف إي وحده هي زوجته لكن مآ شافهآ أو مآ عرفهآ ولآ ما ميزهآ حرك السياره لمكان ثاني ونزل لقسم الرجال .
||
بقسم الحريم .
دخلوا اللي تعدل لبسهآ واللي تسلم واللي تبخ عطرواللي تعدل الميك أب البنات بقسم والحريم بقسم ,
روآن ببتسآمه : تآله وين لتين مآ جآت معكم؟
تآله تلعب بأطراف شعرهآ : شويآت وراح تجي .
روآن تفتح حلاا القهوة : حلوووو علشآن نرقص .
مريآم تدخل معآهم : اي والله من زمآن عن الرقص .
روآن توقف بتطلع : والسمعات شحنهآ فل خل نسهر اليوم .
تآله : الإ جدتي ما جآت ؟
مريآم : سمعت انهآ بالطريق ويقولون بتجلس ليمن ملكة مشعل ولتين .
ميسآء : شعندكم علمونا .
تولين بصرخه : فهووووووووودي جآء .
البنات بصراخ لدرجة الولد أنحاش : فهوووووووودي .
تواين بصوت عالي : تعال فهووودي وجععع خوفتوا الولد .
ميسآء توقف : جآت رنيم هلااا هلاااا .
قآموا يسلمون ع عمتهم وجدتهم والبنآت بعده جلسوا يتقهون ويسولفون مثل كل مرا لمن يجتمعون ..
في بيت ابو سلطآن .
جناح سعود.
سعود منسدح ع الكنبه ويطقطق بجواله : لتين ما خلصتي ؟
لتين تطفي الكوايه : خلاص قوم ألبس ثوبك .
سعود يترك جواله ويلبس ثوبه : ي الله خلينا ننزل بسرعه تأخرنا .
لتين تسحب عبايتهآ : ي الله انا بنزل انتظرك .
سعود يأخذ عطره لنك الأسود ويبخ منه : ي الله اجل أنا جاي .
لتين تنزل مع الدرج وعيونها بجوالهآ تطقطق فيه ع سناب وع الأسك والأنستا والببي كل هالبرامج , لبسه فستآن ميدي ليموني مع شعرها الأشقر مسويه فيه تسريحه خفيفه لفوق وصندل واطي أكرمكم الله وأساور وروج وردي نآعم مع مسكرا وكحل فوق العين عيونهآ مآ تحتآج كحل بداخل العين وحواجبهآ مرسومه وخدودهآ من الله حلوه وكآنه حاطه حمرة خدود جلست بالصاله تنتظر سعود اللي بعده نزل وطلعوا سواء لسيآرة الرنج اللولوئيه ركبت بجنبه وهي تصور سناب ..
||
في بيت إبو فيصل .
فيصل بعصبيه وهو يكلم بجواله : الحين اقولك انا مشغول وأخذت توكيل لعنبو هالوجهه خل بس أشوفه الرخمه .
الطرف الثاني : فيصل الحين أنت من مبدل معه ؟
فيصل وهو يدخل المطبخ واعصابه تألفه : مع ابن الكلب مروان خل اشوفه بس لا أمسح بوجهه الأرض .
الطرف الثاني : خلاااص انا بسد عنك بس الساعة ثنتين تكون محضر بالمركز مع ان اليوم ما عندي شي .
فيصل يحلف : والله ما تجي مكاني الحين جاي بس أبدل ملابسي وجايك المركز وانت توكل والله يعطيك العافيه هذا من طيب أصلك .
الطرف الثاني : واصلك ي بو سعود ي الله بنتظارك .
فيصل يطلع من المطبخ متوجهه لغرفته : ي الله فمان الله .
عند البنات .
رنيم تضحك : تخيلوا بس إش صار .
البنات ميتين من الضحك : ههههههه وش صار .
رنيم تقول لهم السالفه : ونطلع من المصعد وجدتي بتطلع الا توطى عبايتهآ وتزلق وططرراااااخ بالأرض .
تآله ماتت ضحك : صار زلازال ههههههههههههههه ي الله ههههههه .
روان وهي تمسح دموعهآ : ي عمري عليك ي جدتي وش صار بعدهآ .
رنيم تكح من الضحك : تخيلوا ابوي راح يوقفهآ ويعطيها العصاء وتدعي ع المصعد وع اللي صلحه العالم تنآظر فيهآ تخيلو ي بنات اللي معنا يضحكون وربي كان بالعصاء تكفخهم لو ما ابوي مسكها كان صارت علوم .
ريمان : ي الله وتسب في ابوي تقول له كله منك جايبني هنا عشان اطيح ويضحكون علي
رنيم : يب يب عادل اخوي تلثم بشماغه خايف تحط الحره فيه رحمته اخوي من ركبنا السياره وهي بالعصاء تضربه .
تولين : خيرر ليه تضربه ؟
رنيم : كل ما مسك جواله هاك ضربه تقول انت تبي تصدم بنا ولا تقتلنا .
تولين : ي الله من هالجده تخاف ع عمرها .
بسيآرت سعود .
وقف السياره عند المدخل ونزلت لتين وسعود راح لقسم الرجال , لتين تفسخ عبايتهآ ونقابهآ وتتعطر من عطر قوتشي وتنفض شعرهآ بيدهآ وتطقطق بجوالهآ وهي تصور سناب لصحباتهآ وهي مشغوله تكتب ع الصوره .
نزل فيصل يركض لا يتأخر وهو بالبس العسكري , لتين جايه بتدخل , وفيصل جاي بيطلع الأا .
||
ريمآن بهمس لـ رنيم : هييه أبي أشوف فآرس .
رنيم بنظره حآده : أنجنيتي أنتي وش تشوفينه .
ريمآن بنظره غريبه : إيه علشآن أبي أضمن مستقبلي .
رنيم بصدمه : مجنونه شكلك ولأ تأكلين شي وش مستقبل وإيش تضمنين ي ماما هذا بيوديك بستين دآهيه .
ريمآن بدلع : ياي يعني حرام أشوف الحب حقي وبعدين تراي أكلمه ببي بس مآ يعرفني .
رنيم توقف : تعآلي معآي لدورة الميآة .
ريمآن تعدل البدي حقهآ : من عيوني كم رنيم عندي .
مريآم ببتسآمه : وين لتين ؟
تولين : الحين رآح تجي بس مشغوله .
مريآم : اها .
تآله بفضول : مريآم ليه بتحطون الملكه بشاليه ؟
مريآم تحط رجل ع رجل : لأن مشعل يبي يعزم الكل ع ملكته وبعدين خالتي راح يجون .
تولين بتدخل : بس مو أهل البنت هم اللي يقررون فين تكون الملكه ؟!!
مرجانه تدخل معهم بالسالفه : صح عليك تولين بس أبوي تكلم مع أبوك وأتفقوا ع شاليه أحسن .
تآله برفعة حآجب : حلووو أجل بعزم صحبآتي لملكه .
تولين بفخر : أكيد أعزميهم مو ملكة لتين الـ ............ يحق لك تعزمين .
مريآم بقهر منهم : ترا مو زواجهم تعزمون الكل .
نهآل اللي تركت جوالهآ : حتى لو ملكه هذي أختنآ ي حبيبتي وأكيد بنعزم الكل ولأ بس أنتوا اللي تعزمون ؟!
مرجآنه تبتسم : بالعكس كل واحد يعزم ع راحته .
تولين ترفع حاجب : ع بالي .
||
فيصل يطلع مع الباب الأ صدم بشخص وشآف شنطة طارت واللي بداخلهآ تطآيح بالأرض وفآح عطر قوتشي بالجوء , لتين تدخل الأ صدمت بشي قوي وطآرت شنطتهآ وسمعت صوت تكسير وأنتشرت بالأجواء ريحة عطرهآ وما حست بحالهآ الأ هي بالأرض .
فيصل قرب منهآ وسحبهآ مع يدهآ إلين صدمة بصدره : ليه ي لتين ليه لييييييه ؟!
لتين منزله رآسهآ برتجآف : أتركني.
فيصل يهزهآ بعصبيه : لييييه أنا وش سويت لك وش سويت ي أنانيه ي خاينه أنتي خآينه ☹.
لتين ودموعهآ تجري ع خدهآ : تكفى أتركني لأ يشوفني أحد .
فيصل بصرخه : خل خل يشوفون عادي وإذا شآفونآ وش بيسون هآ ي خاينه .
لتين تحآول تفك يده : فيصل فكني انا مو خاينه فكني .
فيصل بعصبيه وهو يشد ع يدهآ : أنتي أجل إيش ؟!
رنيم تسحبهآ بعصبيه : وش ببي وحب هذا من متى ؟!
ريمآن تنأظر شكلهآ بالمرآيه : عادي حب انا أحب فآرس وفآرس يحبني .
رنيم تمسك شعرهآ بعصبيه : ي نصصصاببببه الحين تقولين ما يعرف إنك عنده والحين تقولين يحبك ؟!!
ريمآن بدلع : وليه العصبيه حبيبي ترا ما فيهآ شي ولأ تكونين متخلفه مثلهم مو حرام الحب .
رنيم تحآول تفهمهآ : مو متخلفه أنا أخاف عليك الرجال ما منهم أمان والله صدقيني .
ريمآن تنآظر بعيون رنيم : حبيبي لأا تخآفين علي إذا بتخآفين خآفي عليهم مني .
رنيم ترفع حآجب : كلي تبن شكيت بحالي وش حبيبي ؟
ريمآن تضحك ع اختهآ : ههههههه ي خوافه خلينآ نرجع لبنآت قبل نروح لبيتنآ .
رنيم تبتسم : تمام اهم شي أنتبهي لنفسك .
ريمآن تبوس خدهآ : من عيوني كم رنيم عندي ؟
رنيم تدفهآ : أمشي أمشي لأ نقلب فلم رمنسي بس .
||
فيصل بعصبيه وهو يعيد سؤاله : أنتي أجل إيش ؟!
لتين برتجآف وخوف يطلع احد ويشوفهم : فيصل تكفى فكني .
فيصل سحبهآ مع يدهآ وهو يجمع أغرآضهآ من الأرض : ما راح أتركك إلين ما أعرف السبب .
لتين تبكي بخوف : والله مـ مـ ماا فيه سبب فكني بس .
فيصل مآ أهتم أبد العصبيه مو تآركته يميز شي : سكري فمك أحسن لك كأنك تبين أحد يسمعك ويطلع ويشوفك معي .
لتين تبكي : فيصصل تكفى فكني وربي خايفه فكني .
فيصل بعد مآ جمع أغراضهآ سحبهآ لجهه ثآنيه من البيت وبصرخه : إنطقي وش سويت لك أنا بسرعه ؟!!
لتين تحآول توقف بكى مو قآدره : م مـ مـا شويت شي بس أتركني .
فيصل قرب وشوي وبيصكهآ كفف من العصبيه : لتين تكلمي وش سويت لك علشآن تجآزيني كيذآ ؟!!
لتين وهي تمسح دموعهآ : لأني أكرهك .
فيصل يرفع حآجب ويمسك وجهآ بيده : كذآبه والله العظيم إنك كذابه في يوم وليله تكرهيني ؟
جآه أتصآل وطلع يكلم بجواله وهو يكلم صآر يمشي ع رجوله يمين ويسآر الين دخل بممر صغير وطلع ع سآحه ثانيه وكل هذا مع تحمسه بالسوآلف بالجوال وقف عند أحواض الورد وهو يكلم ويضحك بعده سكر جواله وحطة بجيبه ألتفت بيرجع وطآحت عينه على ؟!!!!
..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 12-10-2016, 10:39 AM
(Maysa) (Maysa) غير متصل
©؛°¨غرامي نشيط¨°؛©
 
الافتراضي رد: رواية اللي يزعل ماهو إنك على غيري مغصوبةإللي يزعل لا صار بينكم طفل وصرتي تودينّه/بقلمي



سلآم

حبيت الروايه جميله ،
آتوقع انه الي يكلم مشعل >< امكن لتين تنتبه وتشوفه بما ان هي تعرف شكله وهو مايعرف ولما تشوفه تختبي بفيصل وفيصل بيتصرف انه هاذي اختي وبينحرج مشعل ويروح
او اذا ماشافوه وشاف لتين بعدين لاشافها في زواج او الشوفه ، عقله بيشتغل وبيفكر وش يجيب زوجته مع ولد عمه !
بس الخوف الكبر لو يعرف ان ذي لتين مااقدر آتوقع اصلاً ، بتصير مذبحه !

يعطيك العافيه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 12-10-2016, 08:21 PM
صورة حفيدة عزو الرمزية
حفيدة عزو حفيدة عزو غير متصل
©؛°¨غرامي مشارك¨°؛©
 
الافتراضي رد: رواية اللي يزعل ماهو إنك على غيري مغصوبةإللي يزعل لا صار بينكم طفل وصرتي تودينّه/بقلمي


اقتباس:
المشاركة الأساسية كتبها (Maysa) مشاهدة المشاركة

سلآم

حبيت الروايه جميله ،
آتوقع انه الي يكلم مشعل >< امكن لتين تنتبه وتشوفه بما ان هي تعرف شكله وهو مايعرف ولما تشوفه تختبي بفيصل وفيصل بيتصرف انه هاذي اختي وبينحرج مشعل ويروح
او اذا ماشافوه وشاف لتين بعدين لاشافها في زواج او الشوفه ، عقله بيشتغل وبيفكر وش يجيب زوجته مع ولد عمه !
بس الخوف الكبر لو يعرف ان ذي لتين مااقدر آتوقع اصلاً ، بتصير مذبحه !

يعطيك العافيه

وعليكم السلام
زينك حبيبتي ..
شاكره لك تحليلك تفكيرك يMaysa
يعافيك ي حلوه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 13-10-2016, 12:04 AM
صورة سامراءالنيل الرمزية
سامراءالنيل سامراءالنيل غير متصل
©؛°¨غرامي مشارك¨°؛©
 
الافتراضي رد: رواية اللي يزعل ماهو إنك على غيري مغصوبةإللي يزعل لا صار بينكم طفل وصرتي تودينّه/بقلمي


مساء الخير
البارت جميل وواضح ان فيصل بيحب لتين وكان متفق معها على الارتباط
واظن ان مشعل هيشوفها مع فيصل لكن هى هتعرفه وهو لا
السؤال الحين فى بارت اليوم ياقمررررر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 14-10-2016, 01:09 AM
(Maysa) (Maysa) غير متصل
©؛°¨غرامي نشيط¨°؛©
 
الافتراضي رد: رواية اللي يزعل ماهو إنك على غيري مغصوبةإللي يزعل لا صار بينكم طفل وصرتي تودينّه/بقلمي



مافي بارت *فيس محبط *
..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 14-10-2016, 05:09 AM
صورة حفيدة عزو الرمزية
حفيدة عزو حفيدة عزو غير متصل
©؛°¨غرامي مشارك¨°؛©
 
الافتراضي رد: رواية اللي يزعل ماهو إنك على غيري مغصوبةإللي يزعل لا صار بينكم طفل وصرتي تودينّه/بقلمي


اقتباس:
المشاركة الأساسية كتبها سامراءالنيل مشاهدة المشاركة
مساء الخير
البارت جميل وواضح ان فيصل بيحب لتين وكان متفق معها على الارتباط
واظن ان مشعل هيشوفها مع فيصل لكن هى هتعرفه وهو لا
السؤال الحين فى بارت اليوم ياقمررررر
اهلنن : سامراء النيل ..
صباحك خير ي جمميله ..
شاكرهه لك تحليلك وتفكيرهه حبيبتي
.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 14-10-2016, 05:11 AM
صورة حفيدة عزو الرمزية
حفيدة عزو حفيدة عزو غير متصل
©؛°¨غرامي مشارك¨°؛©
 
الافتراضي رد: رواية اللي يزعل ماهو إنك على غيري مغصوبةإللي يزعل لا صار بينكم طفل وصرتي تودينّه/بقلمي


اقتباس:
المشاركة الأساسية كتبها (maysa) مشاهدة المشاركة

مافي بارت *فيس محبط *
..
ليه ليه الأحباط ؟
إن شاءالله راح أنزل بس أنشغغلت .
وهذا بارت لك ولـ سامراء النيل ولـ متابعيني خلفف
الـ شاشات :)..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 14-10-2016, 05:17 AM
صورة حفيدة عزو الرمزية
حفيدة عزو حفيدة عزو غير متصل
©؛°¨غرامي مشارك¨°؛©
 
الافتراضي رد: رواية اللي يزعل ماهو إنك على غيري مغصوبةإللي يزعل لا صار بينكم طفل وصرتي تودينّه/بقلمي


بعد ثلآث أيآم بالتمآم مشعل بغرفته رايح جآي الأفكآر مآ راحت عن باله أبداً فتح باب غرفته وراح غرفة أبوه طق الباب وجاه صوت أبوه .
إبو مشعل : أدخل .
مشعل يفتح الباب ويدخل : السلام فاضي يبه ؟
إبو مشعل يتعدل بجلسته : وعليكم السلام إي فاضي تعال .
مشعل قرب عند ابوه وجلس وهو ساكت : ....... .
إبو مشعل بستغراب : مشعل ي بوك وش فيك ؟
مشعل بعد صمت طويل : زواجي .
إبو مشعل بهدوء : وش فيه زواجك بعدك مآ تملكت ؟
مشعل رمى القنبله ع طول : أبي زواجي بعد الملكه بأسبوع .
إبو مشعل بصدمه : كيفف ليه السبب ؟!
مشعل يوقف وبكذب : يبه انا عندي دوره لمدة سبع شهور بالريآض وإبي اتزوج واروح وياها .
إبو مشعل لسى ما أستوعب : بس ي بوك الزواج أ .
مشعل يقآطعه : يبه واللي يطول عمرك المهر جآهز وكل شي جآهز بس بأقي تكلم عمي .
إبو مشعل يوقف : إن شاءالله بعد الصلاة بمر عليه انا وياك ونتفاهم معه .
مشعل بضيقه : إن شاءالله تامر شي .
ابو مشعل : سلامتك
طلع من عند أبوه وهو يحآول مآ يشغل تفكيره بـ لتين طلع برا وركب سيآرته فراري وحرك لمقهى صاحبه ينتظره وما يدري إيش يبي فيه . جلس مشعل بالمقآهى ع اعصابه , شويآت ووقف وسلم عليه ببتسآمه .
مشعل بعصبيه : ي رجال وينك حرقت اعصابي وش عندك أنطق .
بسام يسحب الكرسي ويجلس : ي رجال أذكر الله الأا وش تبي تشرب ؟
مشعل واعصابه تلفآنه : يرحم لي والديك قل اللي عندك وراي دوام .
بسام يحك دقنه وببتسآمه جآنبيه : إنت مقتنع بفكرت الزواج ؟
مشعل يرفع حآجبه : إي مقتنع ليه ؟!
بسام بعد ما طلب قهوته المفضله نأظر بعيونه : ما أنصحك بالزواج منهآ .
مشعل بستفهآم : وليه ما تنصحني شآيف شي تكلم لا تتكلم بالألغآز .
بسام يقرب جسمه من الطاوله وبهمس : أنتبه لـ لتين من فيصل .
مشعل ضرب يده بالطاولة بعصبيه لدرجة لفت أنتباه الموجودين : أخو نوووره ليه وش مسوين وهالـ .......... وش مسوي تكلم .
بسام يحآول يهديه : تعوذ من بليس ي رجال .
مشعل ضرب مزهرية الزجاج ليمن تكسرت والناس تنأظر : وش أتعوذ من بليس والله ما يمسي اليوم والله وهذاني أقوله انا رايح له .
||
بسام وقف يلحقه لبرا المقهى : ي رجال لا تودي نفسك بستين داهيه فكر وش بتسوي مو تتسرع .
مشعل وقف وألتفت له والغضب عامي عيونه : انت تعال وشف بعيونك وش بسوي الرخمممه اللي مهوب رجال خسارة الشارب عليه .
بسام حاول يمسكه لأ يركب مكآن السايق : ي رجال تعوذ من بليس كيف بتسوق اهداء وفكر فكككر لا تتسرع .
مشعل يحاول يبعده عنه بغضب : بسسسآم فكني فكني يرحم والديك .
بسام يثبته ع باب السيآره وبعصبيه : وش بتسوي بتروح تقتله ي الله قتلته بعده انت بتخيس بالسجون والبنت ما عاد تبيك فككككر لا تتسرع ي مجنووون .
مشعل يدفه بأقوى ما عنده وبصراخ : هي تحبني هي لي لي والله مآ يأخذهآ والله .
بسآم وهو بالأرض طآيح ويحآول يوقف : ي رجال هي لك بس تعوذ من بليس تعوذ من بليس .
مشعل فتح باب السياره وحرك بآ أقصى سرعة : والله مآ تأخذها والله هذي حلالي أوريك ي الخسيس .
بسآم يضرب رجله بالأرض : ي الله مالي الأ أتصل في فيصل يبعد عنه لا يصير سفك دم .
طآلع من البيت متوجة لسيآرته الجيب الأ سياره توقف وينزلمشعل منهآ ومتوجه له , ألتفت ينأظر ما حس الأ في بوكسس بوجهه وصوت صراخ وتهديد ووعيد بالقتل .
مشعل بغضب وهو يضربه بأي مكآن : ي الخسيس ي الرخمممه أنت رجال يوم إنك تقرب من محارمي ي الحيوان .
فيصل حآول يصد ضربآته مآ قدر : وش صاير وش فيك تعوذ من بليس .
مشعل عاميه الغضب طرحه بالأرض ويعطيه كم بوكسس : أنت بليس من راسه لساسه انت ي الرخمه شلون أتعوذ منه وأنت هو ي قليل المروه خساره الشآرب فيك ي الخسيس .
فيصل عصب وبكل قوه صآ فوقه وضربه بوكس ع وجهه : انت ما تقولي وش صايبك من جيت وانت تتكلم لا فهمتني ولأا شي .
مشعل بغضب كل ما يتذكر كلام بسآم : لك وجهه تسألني وش فيني ي الخسيس هااااا قل لي لك وجهه .
فيصل وقف وسحبه مع يأقة ثوبه : لي وجهه اسال أجل من الباب لطاقه تجي كيذا تكفخ كأنك تكفخ لك بزر.
مشعل خلاص ما قدر يمسك أعصابه عطاه كفففففففف : اي انت بزر ي بليس وش تبي من خطيبتي وش تبي منها تكلم وش تبي ؟؟!!!
فيصل اللي فهم عليه أبتسم أبتسآمه أستفزازيه : لتين .
مشعل أنهال عليه بالضرب إلين حس بأحد يسحبه : مششعل مشششعل بتقتل الرجال .
مشعل وهو يحاول يحرر نفسه : فكني فكني ما يستاهل يعيش ما يستآهل .
فيصل بنظره حآده : لتين لي أنا .
مشعل بصراخ : ي كلللللللللب لا تنطق أسمها ع لسانك ي خسيس .
بسآم بعصبيه : فيصصصل أقلب وجهكك .
فيصل يعدل بدلته : أسمع أنت وياه أنا لـ لتين ولتين لي وحط الكلام براسك لي أنا .
||
مشعل ضرب بسام وأنهال ع فيصل بالضرب : والله والله ما تأخذها لتين لي ولا تنطق اسمهآ ع لسانك فاهم ي بليس ي الرخمممه ولا فيه واحد يقول كيذا لخطيبة ولد عمه .
فيصل بغضب ضربه : لتين بتكون زوجتي لتين تحبني انا تحببببني انا لتين تكرهك تكككككككككرهك افهم لتين مغصوبه عليك لتين مغصوبه عليك .
مشعل ضربه في بطنه بقوه : تعقب ي الخسيس تعععقب ي الرخمه مو هي اللي يغصبونها علي وحلالها لو كانت مغصوبه علي .
فيصل بألم : ااااااااااااه ي كلللللللللب .
مشعل يوقفه ويعطيه كف بأقوى ما عنده : لأ أشوفك مقرب من زوجتي ذبحتك بدم بارد تفهم .
فيصل واللي فيه مكفيه رفع حاجب بسخريه : نشوف انا ولأا أنت .
لتين تبكي : شذااا حرام عليكم وربي ما أسامحكم والله .
إم سلطآن تسكر باب الغرفه : ي بنت قصري صوتك لا يسمعك ابوك قصصري .
لتين ودموعهآ مغطيه وجهآ : ليه وش سويت انا علشان تسون فيني كيذا انا بنتكم حتى ما أخذتوا رايي بالزواج يصر زواجي بهالسرعه لا وبعد بعد الملكه بأسبوع مو ع كيفكم.
سلطآن يفتح الباب بعصبيه : وقطع بهالسان وش تقولين أنتي اجل من تبين ها هذا ولد عمك رضيتي فيه ولأا ما رضيتي مأخذته مأخذته وسكري حلقك لأ يجيك كف الحين .
لتين بلعت عبرتهآ وسكتت تخآف من أهلهآ ضعيفه مرا مآ تقدر ترد عليهم وحساسه بالحيل جلست ع سريرهآ وتحاول تكتم شهقاتهآ .
ام سلطان بحزن ع حال بنتهآ : سلطآن هذي اختك وش هالحكي ؟
سلطآن بعصبيه : اختي صح بس حركة انها ما تبيه ماهي عندنا ليه في راسك احد تبينه عشان تقول ما تبي ولد عمها ولا تبين لك واحد صايع وداشر هااا .
لتين تسمعه وكلامه يطعنهآ : ......... .
ام سلطان : سلطان خلاص أطلع واللي يعافيك .
سلطآن يقرب منهآ ويهز راسهآ بأصبعه : شوفي ان كان براسك احد طلعيه انتي لمشعل فاهمه .
لتين توقف بقهر وهي تبكي : ما في راسي احد كيف تفهم انت ؟!!
سلطآن يصكها بكف ع خدهآ : وقطع بـ لسانك صوتك مآ يرتفع علي .
لتين نأظرته ودموعهآ تنزل وبنظرات كراهيه : طايب طايب .
ام سلطان بعصبيه : سلطان اطلع برا لاني اغضب عليك ليوم الدين اطلع .
سلطان يتوجهه لباب : انا طالع ومشعل بتتزوجينه غصب ولا بالطيب .
لتين تجلس ع سريرها وبهمس وحرقة قلب : الله يأخذك ويأخذكم .
ام سلطان تقرب منهآ : لتين .
لتين تبكي : خليني يمااا عسى ربي يأخذ روحي حتى أنتي ما تقدرين تمنعينهم شفتيه ضربني ضربني عشان الزفت ي ربيه خذ روحي وريحني منهم😭💔.
ام سلطان بحزن ع حال بنتهآ : لتين تعوذي من بليس ما تدرين ايش الدنيا تقول بك ارضي بالواقع كم بنت اخذت شخص ما تحبه بالأخير حبته .
لتين تنأظر الفراغ وساكته : ........ .
||
بيوم الملكه ..
بيت أبو مشعل .
الكل محتآس بالبيت , البنات مجتمعآت عند الكوافيرا يصلحون تسريحاتهم مع الميك أب .
بغرفة مشعل جآلس ع سريره يفكر بالكلام اللي قآله لعمه ولسلطآن ..
مشعل يحب رأس عمه : طلبتك ي عم أبي أشوف زوجتي بالملكه .
أبو سلطآن يطلع مسواكه وبهدوء : مشعل أنت فاهم وعاقل ورجال وزوجتك ما راح تشوفهآ الأ بزواجك إن شاءالله .
مشعل يمسك يد عمه ويبوسهآ : تكفى ي عم لأ تردني .
أبو سلطآن ينأظر بعيون مشعل : ي رجال أنت متأكد ؟
مشعل يبتسم وهو يرجع يبوس يد عمه : إيه متأكد وبعد مآ نكتب الكتاب بتصير ع ذمتي لأ تردني خايب ي عم نفدا ذا الوجهه .
أبو سلطآن : إن شاءالله كل شي بوقته .
صحى من سرحانه ع صوت أخوه وهو ينسدح ع سريره : وش عنده عنتر سرحآن لأ يكون خايف ؟
مشعل بنظره غريبه : ليه أخاف الحممدلله مقتنع بهالزواج .
مآجد يجلس مقابل له وبفضول : الأ بسألك ليه قربت زواجك بعد الملكه بأسبوع ؟!!
مشعل يمد رجوله : ما فيه شي انا رجال أبي أرتاح وأستقر وتكون لي حياتي .
مآجد يطلع جواله ويطقطق فيه : من وجهة نظري كلامك ما دخل مخي وش استقرار وذا مشعل انا اخوك واعرف ما راح تتكلم لكني أعرف السبب وراء إنك معجل بزواجك .
مشعل يوقف ويأخذ جواله ومفتاح سيارته : شكلك تعبان ي الله انا طالع .
ماجد يرفع حآجب وبصوت عالي شوي : معجل بزواجك عشان فيصل صح ولا لا ؟!!
مشعل يلتفت عليه بنظره : وش هالكلام انت وش تخربط ؟!!
ماجد يوقف ويقرب منه : مشعل فيصل يحب لتين من كانت في ابتدائي وهـ .
مشعل بغضب يقاطعه : مآااجد لأ تجيب هالسيره لتين بتصير اليوم زوجتي تفهم ولأاا لأااا .
ماجد خاف من شكل أخوه : طيب طيب بس أنا جالس أقول .
مشعل يفتح الباب ويطلع من الغرفه متوجه لسيارته الغضب عاميه يغار يغاااار اليوم بتصير زوجته والكل يقول أن فيصل يحبها لا وبعد من يومها في أبتدائي والله ما أخليك ي لتين والله وهذاني حلفت بس أنتظريني .
بيت أبو فيصل .
روآن بعصبيه : فارس ي تبن وين فستآني .
فارس يلعب سوني : أوووووف منكم ي الحريم صدق انكم قلق ما جبته ماااااا جبته .
روان شوي وتبكي : فارس تكفى جيبه الحين لاني بروح بيت خالتي اصلح شعري وانت بارد .
فارس بدون اهتمام : لا خلصت جبته .
فيصل يدخل ويجلس ع أقرب كرسي : سلام .
روان وفارس : وعليكم السلام .
||
فيصل يفتح ازرار بلوزته حقت العمل بتعب : روان جيبي لي كأس مؤويه وبندول .
روان تطلع من الصاله : طايب .
فارس يطفي السوني ويلتفت عليه : وش فيك ؟
فيصل يتنهدت : اااااه ولأ شي .
فارس يوقف ويجلس مقابل له : فيصل هذا نصيبهآ .
فيصل يرفع حآجب بسخريه ويأشر ع صدره وقصده ع قلبه : نصيبهآ عندي ما هو عنده نصيبهآ هنا .
فارس بخوف ع أخوه : فيصصل اليوم راح تكون حلاله حاول تنسى نصيبها جاها وأنت نصيبك بيجيك .
فيصل يوقف ويأخذ سلاحه ويتوجه لدرج : يصير خير قول لروان تجيب الماء لغرفتي .
فارس يمسح وجهه بيده : أووووووف وش ذا الله يعين والله ....... النصيب .
روان من وراه : حرام تلعن النصيب هذا شي مكتوب .
فارس بعصبيه : لانه من الكلبه هذيك علقته فيها وبعده تأخذ واحد غيره .
روان بندفاع : لا مو منها هي ما سوت شي اخوك هو اللي حبها وتعلق فيها ويوم راح يخطبها صار مشعل حاجزها من زمان له لتين مالها ذنب ابداً حاول تفهم .
فارس بعصبيه وتهديد : الا لها ذنب شوفي اخوك حالته تدهورت وكله منها والله لو يصير شي له ما راح تسلم مني والله والله .
روان بصوت عالي : وش تهدد هذا شي مكتوب واخوك ما راح يصيبه شي مصيره ينساها فاهم لتين مالها ابداً ذنب وي ويلك لو فكرت بس فكره تمسها إن اخبر عليك فيصل تفهم ولااا لاااا كل شي الا لتين حتى البنت تعبانه مو بس اخوك .
فارس بهدوء : تعبانه ؟
روآن بنظره حزينه : اي تعبانه لتين ما تبي مشعل اهلها أجبروها عليه بس محد يعرف ابداً .
فارس منصدم : تقولينه صادقه ؟!!!
روان بحزن : يب والله كسره خاطري ما تستآهل ابداً مو بس اخوك التعبآن فعشان كيذا كل شي مكتوب لهم وما ندري فين الخيره فيه وهذا نصيبهم رضوا ولأا ما رضوا .
فارس يحك راسه : والله مدري اثر السالفه كيذا .
روان بحزن : اي ي الله روح جيب فستاني وانا بروح لفيصل .
فارس يلبس شماغه : طيب .
||
طلع وهو يفكر بكلام روان منصدم يعني لتين تحب اخوه و واخوه يحبهآ تعوذ من بليس وتوجهه لمغسله يجيب فستان أخته , روان راحت لغرفة فيصل طقت الباب ودخلت شافته منسدح وبين انه سرحان لانه ما رد عليهآ .
روآن تحط الكآس ع الطاوله القريبه منه : فيصصل .
فيصل يتعدل ويجلس : هلاا تبين شي .
روان تبتسم بحزن اخوها تعبان مراا : لاا بس خوذ هذا البندول وكأس المؤويه .
فيصل يبتسم بهدوء : شكراً .
روان تتوجهه لباب بتطلع : توصي بشي ؟
فيصل بنظره حزينه : اي .
روان سكتت تنتظره يكمل : ......... .
فيصل بحزن : جيبي جوالك وتعالي .
روان اللي فهمت عليه وبحزن : فيصصل ما يصير والله .
فيصل يأكل البندول ويشرب المؤويه : هالمرا بس وبعده خلااص طلبتك ي روان .
روان تنزل دموعهآ : فيصصل ما يصير البنت بتصير حلاله وانت تبـ .
فيصل يقاطعهآ وهو يذب الكآس بالأرض بعصبيه : يرضيك حالي هاااا يرضيك تشوفيني كيذا خليني اسمعها لـ أخر مره ليه انتي معهم ضدي ليه ي روان لييييه ؟!!!
روآن بخوف عليه : فيصصل تكفى فيصصصل اناا أبـ .
فيصل يقاطعهآ بعصبيه : أطلعي أطلعي برااا أطلعي .
روآن تطلع جوالهآ : خلاص راح اخليك تسمعها لـ اخر مره بس بس هد اعصابك والله اخاف عليك .
فيصل بعصبيه : أقووولك اطططلععي ما تفهمين أنتي إطططلعي .
روان وهي تحط جوالها ع مكبر الصوت : أهلنن روآنكس .
فيصل ينآظر في الجوال ويسمع الصوت وساكت : ........ .
لتين بستغرآب : روآنكس فينك ألوووو روآنكس .
روآن وهي تطالع هدوء فيصل بعد ما سمع صوت لتين برتجاف : هلااا لتين .
لتين بهدوء : هلاا فيك زود حبيبتي .
روآن مآ تدري إيش تقول وهي تنآظر فيصل : كيفك ؟
لتين وهي تنسدح ع سريرهآ : مو بخير , وأنتي كيفك ها خلصتي من شعرك ولأا لسى ؟!!
فيصل يسحب الجوال من يد روآن بصوت تعبان : شفيك ليه مو بخير ؟
لتين بصدمه : ............. .
فيصل بصوت ماليه الحزن : لتين ردي علي شفيك ي قلب فيصل ؟
لتين منصدمه مو قادره تتكلم : ........... .
فيصل بتعب : لتين تكفين تكفين ردي علي ريحيني خليني أسمع صوتك هالمرا والله هالمرا .
لتين تبكي بصمت : .......... .
فيصل بحزن : لتين ؟
لتين بدون شعور : لبيه .
فيصل يبتسم : أحبك لـ أخر يوم بعمري والله مآ يتهنى فيك وهذآني أقوله والله لـ أخليه يطلقك وأخذك أنا أنتي لي ي لتين أنتي لي حطي هالكلام حلق بأذنك أنتي لـ فيصل فيصل وبس .
لتين تبكي بصمت : ........... .
فيصل بحزن : ي الله أستودعتك الله أنتبهي لنفسك مع السلامه .
وقف وسكر الجوال وراح أخذ فوطته ودخل لدورة الميآه , روآن وآقفه بالنص وتبكي ع حال أخوها وحال بنت عمها واختها وصاحبتهآ وش في يدي غير البكى والتنهاد .
||
الساعه تسع الليل الكل أجتمع بالشاليه , والأصوات عاليه اللي يضحك واللي مبسوط واللي يلعب واللي يرقص لكن بداخل وحده من الغرف جالسه لتين لحالهآ الحزن بين بعيونهآ مو قآدره تبكي مآ تحس بأي شعور أبداً لبسه فستآن أخضر مخصر ع جسمهآ وحآطه قليل من الميك أب وعطرهآ "جادور " ومسويه بشعرهآ تسريحه نآعمه جالسه ع الكرسي وبجوالهآ تطقطق فيه .
عند الرجال مشعل جالس بجنب أبوه وعمه أبو سلطآن ويفكر بالمواجهه اللي بيشوف فيهآ لتين وشويآت يرفع نظره ع فيصل اللي جآلس بهدوء ولأ صوت ولأ حس بداخله يبي يملك بسرعه ويدخل يشوفهآ عنده كلآم يبي يقوله لهآ ومو قادر ينتظر أبداً وجالس ع أعصابه .
عند فيصل من دآخله بركآن ولد عمه جالس قدآمه ورآح يأخذ حبيبته ما تحمل وقآم طلع برآ أخذ بكت السجاير وولع سجآره وبدا يدخن بشراهه يحآول يسيطر ع نفسه .
عادل أول ما شآفه طلع طلع وراه وبحزن ع حال ولد خاله : فيصل تعوذ من بليس وأترك هالبلاء عنك .
فيصل وهو يطلع الدخان من فمه وبغبنه : بيأخذهآ بيأخذهآ كيف أتعوذ من بليس كيففف ؟!!
عآدل يسحب السجآره من يده : خلاااص لأزم ترضى هذا النصيب مآ في يدينآ شي نسويه خلااااص .
فيصل وهو يصد عن عآدل بعد مآ طاحت دمعته : نصيب الله وأكبر عليك ي النصيب فرقت بيني وبين محبوبتي .
عآدل قرب منه وحط يده ع كتفه : تعال نطلع .
فيصل وهو يتلثم : مشينا .
طلعوا من الشاليه وركبوا السيآره عآدل يسوق ومتوتر ومآ يدري لوين يروح واللي زاد توتره بكى فيصل فيصل يبكي أنصدم ما توقع أبداً فيصل الرجال اللي يتحمل يبكي حبه قدام عادل .
فيصل يبكي وهو يضرب ع صدره : قلبببي ي عادل قلبببببي .
عادل متوتر وخايف عليه : فيصصل تعوذ من بليس أذكر الله أذكر الله .
فيصل يضرب ع صدره بصراخ : بيأخذها ي الله بتروح مني ي عادل بتروووووح ي الله بترووووووووح بتروووووح .
عادل وقف ع جنب بالخط ونزل يركض فتح الباب اللي عند فيصل وسحبه برا السياره وهو يحاول يهديه : تعوذ من بليس أذكر الله أذكرالله فيصصل لا تسوي كيذاا فيصصل .
فيصل يبكي وكأنه طفل أخذوا لعبته ورفضوا يرجعونها له : ااااااه راحت رااااحت ي ربي يااااااا ربيه قلبيييي ي عادل بيأخذونه قلبببببي قلبببببي اااااه .
عادل خاف ع فيصل يصيبه شي بدا يقراء عليه : فيصل أذكرالله أذكرالله .
بالشاليه تم عقد قران مشعل ع لتين والناس فرحآنه وتبارك وترقص لكن هي أبداً مو قادره تفرح أو تضحك معاهم ودها تبكي تبين لهم حالها لكن الصمت كان جوابهآ .
دخل سلطآن عليهآ بالغرفه وقرب وبآس راسهآ ودموعه تنزل : ألفف مبروك ي الغاليه .
لتين بداخلهآ : الله لأ يبآرك فيك الله لأ يبآرك فيك تبكي ها إن شاءالله تبكي دم .
||
سلطآن يمسح دموعه : ي الله مشعل رآح يدخل .
لتين ولأ كنهآ تسمع ساكته : ..........
سلطآن يطلع برا الغرفه وبعد دقآيق دخل ومعه مشعل وعمهآ وأبوهآ سلم عليهآ عمهآ وبارك لهآ وكذالك أبوها سلم وبارك لهآ مشعل قرب منها وبآس راسها ببتسامه : مبروك عليك أنا .
لتين بداخلها تصرخ ودها تنطق ترد لكن الصمت سيد الموقف . شويات وطلعوا وتركوهم بداخل الغرفه مشعل جلس قدامها ع الكرسي وينآظر فيهآ كانت هاديه ونآعمه بشرتها بيضاء ع الصفراء ظل ينآظر فيها بعده حس ع حاله وقف وقرب الكرسي عندها .
لتين أبداً جسدها بداخل الغرفه لكن الروح بمكان ثاني تحس ما عندها احد موجود تتمنى ترجع لبيت وتنام لكن ما راح يرجعون الا الظهر باليوم الثاني .
مشعل وعيونه ع يد لتين : كيفك ؟
لتين لا رد : ........
مشعل رجع مرا ثانيه يسأل : كيفك لتين ؟!!
لتين لأ رد : ...........
مشعل بصوت حاد : أحم أنا هنا وين رحتي ؟!
لتين سمعته لكن ما ردت عليه تكرهه : .......
مشعل مد يده ومسك يدها : لتين .
لتين سحبت يدها منه وحطتها بحضنها لا رد : .........
مشعل بعصبيه : ما راح تردين هاا .
لتين لا رد : .........
مشعل سحب يدها وشد عليها : والله ي لتين إن ما رديتي علي أني أعجل بالزواج وأخليه بعد يومين .
لتين ما أهتمت لا رد : ...........
مشعل وقف وسحبها معه وهي منزله رآسهآ ودها تبكي هذي تصرفاته من هالحين تكرهه مو قادره تتخيل عمرها معه قرب يده من وجهآ ورفعه بيده اليسار , لتين ع طول صدت عنه وعن نظراته ,
مشعل وهو شآد ع اسنانه : ناظريني .
لتين صاده عنه : ........
مشعل عصب وبحركه سريعه صدمت لتين بآس شفايفهآ وبعد عنها , لتين فتحت عيونها ما أستوعبت الحركه ظلت تناظر فيه مصدومه شسوى مشعل وهو يناظر بعيونها المصدومه قرب منها وبهمس : لتين .
لتين بصدمه : شسويت ؟
مشعل ما سمع إيش قالت : وش قلتي ؟
لتين تبعد عنه خايفه مو كيذا : ...........
مشعل مسك يدها وسحبها له ليمن صدمت بصدره : وين تروحين مني ؟
لتين بشرود : أتركني أتركني .
مشعل بعدها شوي ومسك وجها بيده عيونه بعيونها ما يفصل بينهم الأ مسافه صغيره قرب بيبوسها دفته بخوف : ي وصصصصخخخ .
مشعل يرفع حاجب من حركتها : وصخ ؟!!
لتين تبعد عنه : أطلعع برااا .
مشعل يغمز لها : شرايك نقدم الزواج بعد يومين ؟!!
لتين بعصبيه : أططططلعععع براااا ما تفهمم .
مشعل أستغرب وفجآئه جاء في باله فيصل قرب منهآ ومسكها مع يدها : ما تبيني علشآن فيصل صح ؟!!
لتين ناظرته مصدومه : فك يدي فكككك .
مشعل ونظراته تخوفهآ : أسمعيني زين ي لتين من الحين ما في فيصل وحب وخرابيط ما فيه الأ مشعل وبسسس مشعل وإيش ؟؟
لتين وهي خايفه : فكني .
||
مشعل وهو يدفها عنه : وربي لـ أخليك تنسينه وتشهقين بأسمي بين الخلايق .
لتين بدون شعور : أتحداااك .
مشعل أنصدم ما توقعها تقول كيذا قرب وشد ع مسكته ليدها : تتحديني هااا والعلم يآصلك الحين زواجنا بعد يومين .
لتين تبعد يدها عنه : مو ع كيفك .
مشعل قرب ومسك فكها بقوه وعيونه بدت تحمر من العصبيه : الااا ع كيفي لو أخذك الحين بس عيب قدام الجماعه بعد يومين أصبح وياك تحت سقف واحد وأعلمك من مشعل.
بالمجلس عند الرجال .
سلمآن بستغراب : فارس وين فيصل وعادل ؟!
فارس بتصريفه : عندهم شغل بيخلصونه وبيرجعون .
سلمان : اها ي الله قم العشاء .
فارس يوقف : شوي وجايكم بروح اتصل وراجع .
سلمان اللي ما ارتاح : طايب خذ راحتك .
طلع فارس وأبعد عن الأزعاج وأتصل ع جوال فيصل بس ما يرد عليه رجع يتصل ما يرد ورجع مره مرتين ثلاث أكثر وما فيه رد تعوذ من بليس من الأفكار اللي بدت تلعب برأسه رجع يتصل لكن ما فيه رد طلع من الأرقام وبدا يدخل رقم عادل اللي حافظه غيب أتصل فيه لكن ما فيه رد جلس ع الأرض رجوله ما تحملت خايف ع أخوه خايف صايبهم شي رجع يتصل لكن ما فيه رد .
ماجد يقرب منه : وش تسوي .
فارس يحاول يسيطر ع اعصابه ورجفة صوته : ولأاا شي أكلم .
ماجد يجلس قريب منه : اها الأ ما قلت وين فيصل ؟!!
فارس يمسح وجهه بيده برتجاف : عنده شغل بيخلصه وراجع إن شاءالله .
ماجد يطالع بوجهه فارس بهمس : فيك شي أنت ؟!!
فارس يوقف : ولا شي انا طالع مشوار وراجع .
ماجد يوقف ويمسك يده بخوف : ي رجال تكلم وش فيك صاير شي ؟!!
فارس يحاول يطلع ابتسامته : لا ي رجال بطلع وبرجع وان سألوك عني قل عنده شغل وراجع لا تخلي احد يشك في شي ي الله سلام.
ماجد بستغراب : طايب انتبه لنفسك .
توجهه فارس لباب متجاهل الشباب اللي ينادونه فتح باب سيارته الشاص نيسان أسود ركب وشغلها ومشى متوجهه لبيت وهو يتصل في فيصل .
عند لتين جالسه دخلت امها وأخواتها عليها شافوها ساكته ما تكلمت حتى ما بكت وكله تفرك يدها ببعض وسرحانه .
أم سلطان : لتين بنتي .
لتين بهمس : هلاا .
ام سلطان بخوف عليهآ : وش فيك وش صار بينك وبين مشعل؟!!
لتين بنظره غريبه : خلونا نرجع تكفين يمه .
أم سلطان تقرب منها وتسمي عليها : لتين بسم الله عليك وش فيك وش صاير ؟!!
لتين توقف وتتكلم وتحرك يدها بالهوا : يمه تكفين خل نرجع ما أبي أجلس تكفين طلبتك قولي لـ ابوي والله مقدر .
نهال تقرب منها وتضمها : لتين حبي وش فيك وش اللي صاير ؟!!
لتين بنظره تاهيه : خلوني بروحي لا احد يدخل علي ما ابي اشوف احد تكفون اطلعوا .
ام سلطان تمسح دمعتها : تاله تولين ي الله نطلع نهال انتبهي لختك .
||
﴿..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 14-10-2016, 07:49 AM
صورة عشيقة ابوها الرمزية
عشيقة ابوها عشيقة ابوها غير متصل
©؛°¨غرامي مشارك¨°؛©
 
الافتراضي رد: رواية اللي يزعل ماهو إنك على غيري مغصوبةإللي يزعل لا صار بينكم طفل وصرتي تودينّه/بقلمي


بداية جدا حلوة
واتمنى تكملي على كذا
ويشرفني اكون من متابعينك
وانتظر البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 16-10-2016, 10:10 PM
(Maysa) (Maysa) غير متصل
©؛°¨غرامي نشيط¨°؛©
 
الافتراضي رد: رواية اللي يزعل ماهو إنك على غيري مغصوبةإللي يزعل لا صار بينكم طفل وصرتي تودينّه/بقلمي



يآزينـه زيناه من بارت:)

يووه مستفز هالفيصل والغبيه لتين ماتبين مشعل بس انش خير تقولين ميده مثل هالكلام جد احسها ماتستاهل مشعل ،
صحيح مشعل مابانت شخصيته للان بس آتوقع ان شخصيته رجوليه واتمنى~
شكله بسام الي شافها الغبي ليش ماسكت زاد الامور سوء ع مشعل لان مشعل باينه قدهي واصله معه مثل تقديمه لزواج > بجد ودي اعرف ليه ؟!
وامكن بسام ماشافهم بس عارف ان فيصل يحبها مثل ما ماجد يعرف بهشئ ..
والستي لتين احس انها مسويه اوفر بزياده ! يعني اهلها ماراح يغصبونها كذا من الباب للطاقه الا انهم عارفين آنه شخص كفو هم فرحانين بها وهي مسوي حياة الفهد بجد قاهرتني ><


عذراً ع الاطاله ..


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1