غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1041
قديم(ـة) 26-12-2019, 12:58 PM
صورة عذراء الشوق الرمزية
عذراء الشوق عذراء الشوق غير متصل
) ترآنيم في حضن غيمة )
 
الافتراضي رد: على كف القدر نمشي ولاندري عن المكتوب


دوما ابحث عن الشيء الذي يصيبك من عدوى فرح
سعادة..أمل
.
.
مافي متلي
صح الي يعرفني يحكيلي مجنونه رسمي بس صدقا
وانا مجنونه بلاقي نفسي مرتاحه اكتر من العقل هههه

يعني فعلت مجموعه
ودخلوا عليها كتاب وبتجنن وبيتفاعلو وماشاء الله
وكل يوم تتطور

بس قلبيا مو مرتاحه جد مو جوي مو مودي
لا بحب كون مديرة مجموعة ولا اقرف نفسي بتحمل فلان او
فلانه او حد غيرانه على حبيبها وتعمل مشكل

او حد عامل كونان ومابعرف شو

نفسي احذفها جذري ومو عارفه كيف اعمل
وشو افسر للي قدروني وبشاركوا


بس الضغط النفسي ما بحبو والجو المشحون ببتعد عنه
قلت احسن شي اعملهم مفاجأة بحذفها نهائي
يبحثوا عنها ما يلاقوها ولا يلاقوا انفسهم ههههه هيك مابعرفوا
شو صار

وفعلا بحثت باليوتيوب كيف الحذف النهائي للمجموعه
وطبقته وطارت هلا ما حد بلاقيها كلها .😌

صدقا شعوري هااادي فرحانه
شاعرة نمط حياتي رجع متل ما بحب انا

وفتحت صفحة خاصة فيني انا اكتب فيها لي دخل حد تابع اهلا مادخل
اهليين .

بس المهم الشي يشبهني ومتل ما بحب
ما عمركم تجبروا انفسهم على شيء صدقا ما بتعيشوا براحة


.
.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1042
قديم(ـة) 26-12-2019, 01:12 PM
صورة عذراء الشوق الرمزية
عذراء الشوق عذراء الشوق غير متصل
) ترآنيم في حضن غيمة )
 
الافتراضي رد: على كف القدر نمشي ولاندري عن المكتوب




قررت اسحب ع المشوار
الدنيا مطر قوي تبارك الله فوق الخيال
.
.

احسن شي الشاي واتفرج ع المطر والله
.
.
مو جاي ببالي اخرج من البيت
.
.
هناء بتتصل علي من الصبح كانت بدها انزل كمان معها
ع السوق
وحكيت لها انه بنزل اه لانه في جاكيت امس كان عاجبني
ومو حامله فلوس تكفيه
وناويه روح جيبه لاروح فيه الشغل السبت هيبة ووقار ههههه
.
.
ونمنا على هالقرار
صحيت نايمه وهي تتصل وانا افصل هههه
لل 11
ولمن صحيت بعتلها

يرفني ويسعدني دعوتك لحضور حفل العشاء المقام بمناسبة السنه الجديده على حسابي الخاص وذلك يوم الأربعاء 01/01/2020 الساعه الثامنه مساءاً...💜
المكان اليابان _طوكيو طريق توهان هويوكو مقابل صالات سيوكيتا للأفراح بجانب نيشيمورا مول
بحضورك تكتمل فرحتي وان ما راح تجي والله بزعل منك😜 ❤

كنت بعمل المقدمه بس لامتص غضبها مني خوف يعني ههههه


فبعتت لي موافقه لانك مانزلتي معي وطنشتيني رح دمرك ماديا
يالا ع اليابان ههههه


.
.

لهيك ساعه بحكي رح انزل ساعه بحكي برررد رح اسحب
وااله اعلم بالنهاية شوووو 😌


تعديل عذراء الشوق; بتاريخ 26-12-2019 الساعة 01:20 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1043
قديم(ـة) 28-12-2019, 10:16 PM
صورة عذراء الشوق الرمزية
عذراء الشوق عذراء الشوق غير متصل
) ترآنيم في حضن غيمة )
 
الافتراضي رد: على كف القدر نمشي ولاندري عن المكتوب




يا مساء الخيرات ..

والبرد والمنخفضات يلي جابتنا بحوض نعناع 😭🥺
يعني بينفع شغل وبرررد 😌
اليوم المطر كلو كان علي غير الدنيا برررد الله وكيلكم كأنه
محنطين وماشين
هالناس ماباين غير عيونهم ههه
والله بررد

واضطريت روح اجلس شي تلات ساعات مع قريبه لنا بالمشفى
وانا اصلا حساسة جدا بهالشي
ان شفت وحده مرضانه بخزن
او صبية او اطفال وبالمشفى اجى شاب وحيد اهله توفى وامه
عملت العجايب ...
جارتنا صغيرة توفت سرطان الله يكفينا الشر وتأثرت جدا ..

شاعرة الموت بكل مكان
لدرجة نفسيتي اخر يومين كانت بالمرة مرهقه وتعبانه جد
وشعرت انه مرضانه وكل شيء فيني بيألمني
امي بتحكيلي لاتتوهمي تمرضي بس الانسان مو بيده لمن بيقعد
فترة بس بيشوف الموت والمرضى والله نفسيته تتعب .

الله يشافي كل مريض يااارب .

امس كمان كنت مع قريبتنا بالمشفى ومطر ومرهقه جدا
اتصلت فيني صبية معنا في الدورة بتحكيلي انه انا اتصلت ع المديرة
وقلت لها مالدنا ننزل وهناء وافقت وانتي شو بكره مطر
انا جنيت حكيت لها ليه وانا متفاجئة ماننزل شو مطر ما نحنا بشتوية
اصلا وهناء عن رفيقتي هي كل شوي بوجه يعني اقصد كل شوي برأي

وانا والله مابدي عطل بدي مشي ال 14 يوم ان شاء الله واخلص بدي اشتغل انا تعبت .

فراحت ع طول مافي ثانية اتصلت برفيقتي هناء يلي بضل
انا وايياها وحكت لها انه انا بحكي عليها واتصلت ع وجدان وقالت لها
جنان بتحكي عليك..

انا مابعرف كنت لسه .

اتصلت برفيقتي هناء
بحكيلها رح فجرك ولييي ليه مابدك تنزلي بكرا
الا بتحكيلي انا زعلانه منك ليه تحكي علي هبك هيك
بحكيلها انا لا والله ما اتكلمت فحكتلي انه الصبية متصله وحاكيه
لها ..
هون جنيت مابحب الفتنه ولا القال وال قلنا .
الا الصبية بتتصل فبني
رديت بتحكيلي شو قررتي تنزلي او لا
حكيتلها كيف بتكذبي وبتفتني ..الا حاوبتني وكيف انتي بتحكي معي بعصبية وتحكيلي لا بنزل
حكيتلها انا بالمشفى من امس وبحكي انه متفاجئة وهاد مابسمحلك
تفتني بالكذب وسكرت الخط.

رجعت لرفيقتي هناء وفهمتها
واتصلت بالمديرة وجدان حكيتلها انا بكرا نازلة ان مابدك تعطيهن هن حرات انا مابدي ضيع يومي

حكت تمام تعالي ولايهمك فيهن
وصارت الصبية تتصل فيني كذا مره الي فتنت وانا لانه فعلا غضبي وحش ومابدي اغلط بالكلام او نرفز ماقبلت رد عليها بتاتا وهي تتصل .

واتفقنا انا وهناء ننزل عادي
وفعلا نزلنا والتقينا وافطرنا وروحنا للشغل
وطبعا الصبية ركبت راسها من غرورها وقالت ماباجي بكره عن اليوم
ولمن دخلت
بتضحك معي المديرة ومن ضمن الكلام بتحكيلي
بدي احكيلك شي بس لاتنرفزي او تنفعلي لا اه لا لأ وانا بصدقك

انتي كنتي تحكي عني امس لبيان ..وتحكي اني هاده وجدان.

حكبتلها ابدا
قالت نانكملي انتي اصدق منها وصارت قدام الصبايا تحكيلي انا امس كنت
احكي لاخواتي عنك قديه معجبه فيك وانه لك مستقبل زاهر
باذن الله
وبموت ع شخصيتك
وهي دافعت عني قدامهن وحكت عني لهن انا بعرفها
لو لدها تحكي بتحكي بالوجه .وانا من المعجبين بشخصيتها .


انا صدقا طرت فرحة انه فعلا في شي اسمه دفا وود وحد بيصدقك
لانه متمسك فيك
هالشعور ما كنت اشعره قبل
لكن بقول دوم
الله يرزقني بالناس الطيبة يارب

.
.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1044
قديم(ـة) 03-01-2020, 12:16 AM
صورة عذراء الشوق الرمزية
عذراء الشوق عذراء الشوق غير متصل
) ترآنيم في حضن غيمة )
 
الافتراضي رد: على كف القدر نمشي ولاندري عن المكتوب


مساااااء الخيرات والليرات الي مفيش منهم شيء هههه 😁.
.
.
اليوم فرحانة كتير بفضل الله
اتفقت مع الشركة الامريكية للبروتين على راتب مش بطال
وكمان على نسبة باذن الله والأفضل من هيك انه رح يكون
كله بعثد رسمي ..

بالأول رفضوا شرط الراتب الثابت وحكولي نسبة بس انا عنيدة شوي
ورفضت لانه شغلي صعب جدا ومتعب ومرهق والله بيعلم حجم المسؤولية علي .


وكان لي شروط
أول شيء كون وكيلتهم بمخافظة جنين كاملة وقراها والبلدان يلي
حدها
وتاني شي باليوم الدراسي لخبيرات التجميل بجنين يعلن مدير الشركة
وزوجته انه أنا الوميلة الرسمية للشركة والمل بيرجع لي .حتى هوي ممنوع يبيع حد بيجيله من محافظة جنين وكمان وافق.
واشترطت الراتب والنسبة .. ولانهم ماكانوا موافقين ع الراتب .
عرضت عليهم كنوع اغراء اول شهر شغل هدية مني ليهم ومن اول اتنين
بيبلش الراتب وان شاء الله ان مشيت الامور وكانوا مبسوطين

طلبت يكون الضعف والحمد لله وافقوا .

هلا انا رح اشتغل تسويق لهم على السوشال ميديا دعاية واعلان
ورح اكون المندوبة باسم الشركة لخبيرات التجميل

بالاضافة لتفعيل ايام دراسية وشرح عن المنتج وتسويقه
وايام دراسية لعامة الناس من النساء لحتى سوق لهم منتج
الكولاجين

بالاضافة للتسويق خارج فلسطين
وان مشي برا ونجح وقدرت بيسفروني اعمل ايام دراسية كمان .

ورح افتح صالون ان شاء الله بشهر اتنين ورح حط اهم منتجهم بصالوني
ورح يكون للصالون نسبة كمان ان شاء الله


الشغل كلو علي وبشكل رهيب
لانه هو وزوجته فلسطينيين لكن كل حياتهم بامريكا نواعم يعني هههه

وكل شوي زوجته الاء تتصل حتى وانا بشغلي جننوني ارهقوني ههه
هلا هما مساكين اتعاملوا مع نصابين شريك لهم مابيمشي لهم الشغل
صح ..وواحد اشتغلوا معهم ضحك عليهم واستغلهم .

فلمن جلست مرتين معي رفعت لها نسبة التفاؤل مية مية وهي مكيفه
لكن ما بتعرف انه هاد الأمل خارجي عندي الحطام الداخلي عندي مكتظ هههه
تحكيلي بحب شوفتك بشعر منتجنا رح يوصل الدنيا
ان شالله كون عند حسن ظنهم واقدر اثبت وجودي ومشي لهم شغلهم

انا جد بتعب وبحاول وصله لاكتر عدد ممكن

الشي يلي مخليني سعيدة كرم ربنا
انا لمن بلشت تجميل
رحت للمعهد وسرقونا وما اعطونا تجميل بامانة .
وبعديها عند خبيرة سهير وكمان ظلمتني ورحت عند امون واتعاملت بطريقة بيئة وتركت ..واخر شي عند وجدان يلي بعشقها .

ومن كرم ربنا علي
انه اليوم الدراسي رح يكون منظم برئاااستييي انا ويلي رح تسحب البروتين وتشرح أنا

ويلي رح يكونوا من ضمن الضيوف اموون وسهير ووجدان
وهالشي مخليني واصله حد السما فرح

مع العلم
انه كلمت سهير. وكلمت امون
والشخصيتين رح يشتغلوا معي انا في المنتج كل وحده لها زبوناتها
وتعاملاتها ورح ياخدن عن طريقي انا .

الحمظ لله حمدا يواوي نعمه لانه أجى اليوم يلي بحكيلهن هيني انا هون.
وبفضل الله هالشي

والاهم منه
رفيقتي هناء بتحكيلي انتي مجنونه كيف ظلمنك وكيف بتفيديهن
حكيتلها لانه انا غايتي ما ااذيهن انا كل يلي بدي ايياه اثبت لهن
انه بوقت قصير صرت بمكان ممتاز بفضل الله .بس ما بأذي احد

وهالجانب حبو فيني والله لايغيره

هلا اليوم الدراسي يوم الاتنين ان شاء الله فرح يكون بأذن الله يوم
السعد العالمي لي

يااارب مايصير شي يعكر صفوي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1045
قديم(ـة) 05-01-2020, 10:30 AM
صورة عذراء الشوق الرمزية
عذراء الشوق عذراء الشوق غير متصل
) ترآنيم في حضن غيمة )
 
الافتراضي رد: على كف القدر نمشي ولاندري عن المكتوب




صباح المطر ''''' 🎊🎉

الجو مطر رهييييب بقوة
وامس'عطلنا كرمال المطر واتصلت علينا المدربة انه داومو بكرا
لو ثلوج
انا انبسطت مابحب العطل وبعشق المطر بس بردو بعشق المطر بحد
مو هيك تنزل غرقان ماي هههه

اتصلت فيني هناء بدك تنزلي حكيت طبعا حكت انزلن
وبعد ربع ساعه اتصلت رجعت من قوة المطر من نص الطريق
شو رايك ماا نروح

انا صرت بالسيارة اصلا الله يسرها بس وقفت ع الكراج
هي متنكدة وانا مكيفه هههه

حلو منظر المطر بالسيارة وحتى الناس البردانه وهما بتنفسوا
جو الشتا بتشعرهم غيير

يارب تضل مطررر
بس تخف شوي بردووا 😅

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1046
قديم(ـة) 06-01-2020, 12:12 AM
صورة عذراء الشوق الرمزية
عذراء الشوق عذراء الشوق غير متصل
) ترآنيم في حضن غيمة )
 
الافتراضي رد: على كف القدر نمشي ولاندري عن المكتوب


وياااا مساااء النوووم 😴

وأحلى شيء لمن بجي الليل وبتكون من كتر الارهاق مو قلدر
تحكي مع نفسك وتروح بسابع نومة 💓

اليوم كان مرهق بس حلو بجنن
لانه مطر ..
هلا عملت شيء مو كويس هو بس عملته وخلاص هههه

لمن خرجت من البيت اخدت الشمسية لانه كان مطر كتير
ومن قوة الهواء والمطر الشمسية باظت ..لكن اجت السيارة وطلعتها
معي ع السيارة خجلت ارميها قدام السواق والناس .

وقبل ما انزل تركتها بالسيارة خجلت انزل فيها وهي بايظة هههه
بحكي لهناء تركتها بالسيارة ونزلت بتحكيلي بلك شافك الشفير
حكيتلها ..بحكيله شكرا كنت ناسيتها وخلص هههه وان ماشافني
بتفاجىء فيها بآخر النهار 🤗

بس المصيبة انه ما مشينا عشر دقايق الا السما بتنزل مطر بيخوف
فاضطرينا نشتري شمسية وبما انه هي بتخجل تمسك شمسية فأنا ضليت
ماسكتها وماشيات بس كل خمس دقايق اخد الشمسية لي خوف أتبل
من المطر وهي تنرفز تعالي هون وهاتيها اتغطى معك وما اوافق فتحط على راسها شال الكتف ..وتمشي بحدي كأنها جدتي ومتغطية هههه
وهي تحكي انا بفرجيك رح أفضحك عند مدربتنا وجدان 😁

رغم انه كان يوم مرهق الا انه جد حلو
واكتر شيء ما ضل لنا مع بعض انا وهناء غير اسبوع وبعدعا بنفترق
بنصير نشوف بعض بالمناسبات ..
طول اليوم وتحكيلي رح اشتاق للفطور معك وللمعجنات يلي مابترضي تفطري الا معجنات
معقول تنسيني بتحكيلي
بحكيلها طبعا رح انساك بس اصير خبيرة تجميل عليها القيمة هههه

للصراحة داخليا زعلانه لانه رح نفترق
هي بتشبهني بكتير أمور وشخصيتها بالجانب الجاد متلي
وكمان احيانا تنرفز وتطلع مجنونه رسمي ههه
جد بتمنى لو هيك الله يكرمني وحقق حلمي وافتح صالون بالمدينه
مرتب وهي تكون معي مسؤولة عنه .

حلو تلاقي حد بشبهك فعليا
كان عيد ميلادها واليوم جبت لها هدية كتير فرحت ياحرام
الحلو انه بتقدر

يعني بس عزمتها ع الفطور بعد كم يومين لقيتها عازمتني
مابعرف صرت بشعر انه الاشخاص الصح صاروا يجوا بحياتي
او يمكن انا صرت اعرف أختار

حتى لو الأشخاص ما بيشبهوني او ما بعجبوني
او بيصير تصادم بينا
صرت بضبط افعالي اتجاههم اكتر ..بحاول كون لينة وعاقلة مع الكل
خاصة بشغلي لجديد لانه لانجح بدي كون على جميع الجهات بعقل وقلب ..

بكرا اليوم التعليمي بالنقابة
أول خطوة حقيقية لي بأذن الله
فهامة الخبيرات رح يكنن بالنقابة والشركة بمدرائها
ومدير النقابة ونائبته..

ويلي مسؤول عن تنظيم اليوم التعليمي أنا
ويلي رح يقدم الشركة ويحكي بأسمها أنا ويلي رح تقنع الخبيرات بالمنتج
وتشرح عنه أنا ..

واليوم يلي مشت تحت المطر ومرضت وصوتها نص رايح كمان أنا 😨
لهيك الله يستر شووو بكرا رح يطلع معي .

يارب أول خطوة تكون لي فيها خير يااارب .


ادعووولي ♡♡

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1047
قديم(ـة) 06-01-2020, 09:58 AM
صورة عذراء الشوق الرمزية
عذراء الشوق عذراء الشوق غير متصل
) ترآنيم في حضن غيمة )
 
الافتراضي رد: على كف القدر نمشي ولاندري عن المكتوب




صباح النشاااط والحيوية

لي ساعتين صاحية بس الساعتين على المرايه هههه
قلبي بينبض خووف وتوتر داخليا خارجيا باين ياجبل مايهزك ريح هههه

صارت مدام مدير الشركة متصلة فيني أربع مرات وتحكيلي معقول
جنان يجينا عدد كويس
انا عاملة نفسي طبعا قمة الهدوء لكن ياااارب يجي عدد كويس
وكنا خايفين من المطر
اليوم مشمس وبجنن يعني بعد هالمطر امس الكل بتشجع ان شاء الله يحضر

يارب التوفيق جد بكل شيء يااارب

وصباحكم تفاؤل
وصباحي ياسمين

وصباحي بعبقك بقلبي مسك يا ساكناً الوريد

.



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1048
قديم(ـة) 14-01-2020, 08:38 PM
صورة عذراء الشوق الرمزية
عذراء الشوق عذراء الشوق غير متصل
) ترآنيم في حضن غيمة )
 
الافتراضي رد: على كف القدر نمشي ولاندري عن المكتوب




مسااء الخيرات مع هالبرد يلي الشخص بيشعر انه قرب يتحنط وربي.

اليوم كان اختبار النقابة
يلي اختبرتنا هي نفسها يلي بشتغل بمركزها وجدان
سبحان الله المحبة من الله
بتحبني جد والشخص يلي بحبك بصدق بتشعر فيه
اتصلت امس علي من دون البنات وشجعتني

واليوم بالامتحان من كتر التوتر كنت بردانه بشكل رهيب
وحتى ايدي متلجين .

وهي تضحك تحكي واخيرا شفتك متوترة وانا بحكي ما اقوى
شخصيتها 😬
بحكيلها لا انا لحقيقة الامر هبله لهيك اعطيني علامتي بلا اسئلة
😌

دخلنا اختبرونا نظري وعملي والف الحمد لله نتيجتي ممتاز كانت
جد من فرحتي بنفسي صرت بحبني اضعاف هههه

بس مو فرحتي كرمال الشهادة بالعكس
فرحانه لانه شاعرة بستحقها جد وعن تعب اخدتها .

والفرحة الاكبر انه ربي ييسر لي رفيقة درب بتشبهني
بس هي طبع هادي وعندها نوع من الشخصية الجادة وع قولتها
خربتها هههه وحولتها لهبلة رقم اتنين.

ما توقعت انه بيوم حد يجي بطريقي يحبني لألي بدون مقابل
هي هيك فعلا .
انسانة طيوبة وقصتها بتحزن اصلا وتوثق فيني ومعتبرتني كل شيء
حلو بحياتها .

هلا جلسنا مع بعض وحكتلي عنها اشيا كتيرة وكانت مستغربه تحفظي
في البداية على الصداقه ..ولمن حكيت لها عن قصتي مع غدير يلي كانت عشر اعوام هي جنت بتحكيلي الحق عليك اصلا كنتِ ماتاخدي رد فعل .

واتفقنا تكون واضحة معي صريحه وفعلا ماتخذلني وانا هيك
حتى عرضت عليها نفتح مركز تجميل بجنين مع بعض انا وهي انا بميل للميك اب وهي للشعر .

عرضت عليها امس واليوم كنت شايفه تلات محلات نعملهم مركز ان
بتوافق على السعر و و و

وهي عقلها طار بتحكيلي انتي انسانة ما عندك صبر هههه
وفعلا انا بحب السرعه ومابحب التأجيل .

افضل شي في هالكون تلاقي لك رفيق درب فعلا يكون بحب لألك
ومعك لو مال الزمن عليك .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1049
قديم(ـة) 14-01-2020, 08:57 PM
صورة عذراء الشوق الرمزية
عذراء الشوق عذراء الشوق غير متصل
) ترآنيم في حضن غيمة )
 
الافتراضي رد: على كف القدر نمشي ولاندري عن المكتوب


اليوم الدراسي يلي كان في النقابة لشركة البروتين
اعتمدت على تنظيمه على وجدان

وهي التهت بعرسها وزواجها وكان يوم دراسي اجوا الشركة
فيه ولكن كان مافي حضور ومن كتر ما انصدمت ماعلقت بحرف


مشيت اليوم عادي لكن قلبي متل النار
بس بعرف وجدان تقصيرها غصب عنها
وقررت كلم مدير النقابة بنفسه واحكيله بدي عيد اليوم للمنتج
وفعلا وافق

كان يوم عادي اصلا
لكن انا نظمت ليوم الاتنين
وخططت ووضعت خطة تدريبية للمنتج منها احصل على عدد
حضور ومنهم يكونوا لخبيرات التجميل والاهم يكون منوع تحكي فيه
جنين

وفعلا قدمت الجدول لمدير النقابة
يلي دوم بيحكوا ايام دراسية

انا نظمته كالتالي

اولا ما يكون يوم دراسي
يكون فطور جماعي لخبيرات التجميل لنضمن حضورهن
ورح يتوزع فيه سحوبات وجوائز
ورح يكون فيه خبيرة ميك اب آرتست
وتكانيك الصبغات وخبير بفن القص
بالاضافة للتعريف بالشركة
وعلاج الشعر المحروق والتالف
سحب بروتين
وتساريح 2020

+ انه في تصوير من أرقى استديو في جنين

والاهم من هاد كلووو انه جبتهم كلهم بذكأئي بعد فضل الله بدون
فلوس ولادفع
الا الجوائز يلي رح تتقدم .

وهو انه كلمتهم وعرضت عليهم انه رح يحضر خبيرات تجميل ونقابة
ورح يكون بث مباشر وهالشي دعاية مجانيه لهم وبيخدمهم وحكيت من
هاد المنطلق
وهالشي عجبهم والحمد لله

وبعت الجدول لمدير النقابة
بيحكيلي انتي عقلك داهية ههه ^_^

بفضل الله

والاهم الاهم انه رح يتم اعلاني وكيلة شركة جولد الامريكية في جنين والمناطق حواليها
وانه انا المنظمة الرئيسية لليوم وبادارتي

يعني ولاخبيرة تجميل رح تكون لها جميلة علي اولا
والاهم الاهم انه

سهير العرقاوي مدربتي الاولى رح تكون ميك اب ارتست
ووجدان رح تكون داعمه بحضورها والقاء كلمه لانها سكرتي هاده

وامووون يلي اخدت عندها صبغة وزعلتني رح تكون بالتساريح وهلا مابتنده لي الا حبيبتي انتي
هلا صرت حبيبتها ^_*


دوما بنخطط بعد الاعتماد على الله وبنسعى ولو فشلنا ما المفروض ننهزم
بالهكس نطمح ونحاول احتى نوصل

الي يستسلم من اول فشل مابعمرو بينجح

ويااارب التوفيق

الرد باقتباس
إضافة رد

على كف القدر نمشي ولاندري عن المكتوب

الوسوم
المكتوب , القدر , ولاندري , نمشي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
شرح بلوغ المرام من أدلة الأحكام ( كتاب الصوم ) لفضيلة الشيخ سليمان بن ناصر العلوان ثبته الله // متجدد حُـــور مواضيع إسلامية - فقه - عقيدة 23 26-05-2017 05:17 PM
روايتي الأولى : ضحية القدر ( نَ ) روايات - طويلة 9 16-09-2015 07:50 AM
بيني و بين القدر Hiba Hussen قصص - قصيرة 2 09-08-2015 09:22 AM

الساعة الآن +3: 11:56 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1