عرض نتائج التصويت: رايكم بـ رواية | العشق الممنوع
ممتازة
0%
0
جيدة
66.67%
2
جيدة جدا
33.33%
1
فاشلة
0%
0
YAGMUR_KSA ©؛°¨غرامي جديد¨°؛©

السلام عليكم ورحمة الله وبركاته
سـ انقل لكم اليوم روايتي من كتابتي ونسج خيالي وهي رواية طمحت إن تكون مختلفة عن باقي الروايات جدا
ومن هذه اللحظة سـ نحلق في سماء الخيال ومن هذه اللحظة سـ انقل لكم من الخيال حقيقة تراها أعينكم ومن الحروف مشاعر تلامس إحساسكم ومن المشاعر دموع وابتسامات تنرسم على وجوهكم فحلقوا معي في عالم كتابتي وفي محيط احرفي في روايتي الخيالية " العشق الممنوع "

--------------------------------------------
الابطال :
-------------------------------------------
دانة : 18 سنة | واعية ومتفهمة تتحمل مسؤوليتها تصرفاتها اكبر من عمرها تهتم في الكل طيبة لكل إن تجرحها ترد لك عشرة اضعافها طالبة جامعية تشتغل مع أبوها في إعمال شبه ممنوعة
تركي : 26 سنة | رجل إعمال ناجح يمتلك شركة خاصة به بالاضافة الى شركة ابوه يهتم بالجمال الداخلي للانسان مو الخارجي خلوق مرح لكن دمه حار بسرعة يفور ويعصب
-------------------------------------------
العوائل :
-------------------------------------------
عائلة دانة :
ابو دانة " جلال " : 47 سنة | رجل اعمال ثري لكن على وشك الإفلاس تورط باعمال ممنوعة
ام دانة " حصة " : 44 سنة | فيه شوية من الغرور اكثر ما يهمها انه تطبيق لـ بناتها ازواج اغنياء يهمها مظهرها قدام الناس
عهد : 25 سنة | الاخت الكبرى لـ دانة فيها طيبة لكن الشر اكثر من الطيبة تفضفض دائما لـ دانة
وعد : 17 سنة | طيبة مرة وهادية ما تحقد على احد
اسيل : 8 سنوات | اخر العنقود لسانها طويل طالباتها اوامر
-------------------------------------------
عائلة تركي :
أبو تركي " حمد " : 49 سنة | عصبي ما يهمه شئ قد الفلوس
ام تركي " عليا " : 45 سنة | تتبرع دائما لليتامى والمحتاجين طيبة لابعد حد
خالد : 23 سنة | الاخ الاصغر لـ تركي حنون طيب فكاهي ما عنده شئ اسمه حزن
-------------------------------------------
شخصيات اخرى :
مراد : 19 سنة | صديق دانة من الجامعة دافور ويحب المساعدة دائما دانة تساعده في المذاكرة وهو يساعدها


YAGMUR_KSA ©؛°¨غرامي جديد¨°؛©

" الجزء الأول "
~ في الجامعة ~
راحت الكافتيرا واخذت لها قهوة وجلست على الطاولة الا شوي وقرب منها مراد
مراد : دانة
دانة : هلا
مراد : اخبار الجمعة والسبت معك
دانة : اسخف اجازة مرة على
مراد : ليش ؟
دانة : لاني قاعدة طول هاليومين في البيت ما طلعت
لمياء "معاهم في الكلاس " : يلا شباب الحين بيجي لكم معلم الانقلش ويتفلسف لذلك خلينا نروح قبل ما يبدا الشريط تبعه
دانة : ذا الشئ الوحيد الى اوافقك به
مراد : سلمت امري لـ ربي
دانة : امش وبلا تحلطم
مراد : من قالك اني تحلطمت
دانة : والى قلته قبل شوي وش تعتبره
مراد : اوكل امري لله
دانة : واضح
مراد : اقول امشي بس يا ام اذن كبيرة
دانة : كبيرة في عينك
مراد : تصدقين مالي خلق لك يلا امشي بس
دانة : وانا بعد مالي خلقك
ودخلوا القاعة
~ في قصر عائلة دانة ~
عهد : صباح الخير
حصة : صباح النور
جلال : صباح النور
عهد : وين الباقي
جلال : انتي شفتي الساعة كم
عهد : لا
جلال : طبعا لانه ما يهمك اصلا بنت متى بتلاقي لك شغل
عهد : ما فيه وظيفة تناسبني
جلال : تعالي اشتغلي في الشركة
عهد : مالي خلق شغل
جلال : قولي كذا من البداية هذا همك بس
عهد : ما ابغى اشتغل غصب
جلال : ايهه غصب لانه احنا على وشك افلاس وانتي اذا افلسنا ما بتتحملي الفقر
عهد : وصلت الرسالة ممكن اقوم
جلال : تفضلي
عهد : شكرا
جلال : بس بشرط
عهد : وش هو ؟
جلال : راح تروحين تلبسين وتروحين الشركة وتستني لحد ما اجي انا وبتقبلي العمل الى اعطيك اياه
عهد : طيب بس فكني من هالسالفة
جلال : نشوف
راحت
حصة : حبيبي
جلال : نعم
حصة : ابغا بطاقتك
جلال : ليش ؟
حصة : ابغا اروح السوق
جلال : طيب بس لا تصرفي واجد
حصة : طيب
~ شركة ابو تركي ~
خالد : سلام
تركي : وعليكم السلام
خالد : تركي ابغاك بشغله
تركي : قول
خالد : مو هنا
تركي : طيب
كانوا بيطلعون
حمد : وين على الله ؟
خالد : ابغا تركي في موضوع
حمد : وش موضوعه ؟
خالد : خاص
حمد : نشوف اخرتها
خالد : لا تخاف مو شئ يضر بك
حمد : اوكي روحوا
طلعوا برا ودخلوا مكتب خالد
تركي : قول خوفتني
خالد : تركي انا تورطت مع جماعة
تركي : وش سويت ؟
خالد : في يوم طلعت معهم لـ بار وشربت شوي وقضيت ليلة مع بنت وصورونا مع بعض
تركي : ما بتبطل حركاتك صح
خالد : اصر.....
تركي : حتى لو خالد هذي المرة كم
خالد : اسف
تركي : من هم ؟
خالد : احمد وعلي
تركي : البار ؟
خالد : ****
تركي : طيب اليوم ان شاء الله بحله
برا الغرفة : والله طحتوا ومحد سمى عليكم يا عائلة ****
~ عند عهد ~
لبست بدلة رسمية وراحت على شركة ابوها
عهد : ابوي جاء ؟
يــتــبــع ^^^^


YAGMUR_KSA ©؛°¨غرامي جديد¨°؛©

تــابــع ^^^^
السكرتيرة : لا بعده تفضلي مكتبه استريحي
عهد : ما يحتاج انتي بس اتصلي عليه
السكرتيرة : بس ...
عهد : لا بس ولا شئ قلت لك اتصلي
السكرتيرة : ان شاء الله
اتصلت له ما رد
السكرتيرة : ما رد
عهد : اتصلي مرة ثانية
السكرتيرة : طيب
اتصلت ورد
جلال : نعم
السكرتيرة : سيد جلال السيدة عهد هنا تستناك
جلال : قولي لها تجي شركة حمد
السكرتيرة : طيب
سكرت منه وقالت لها وراحت وصلت الشركة وعند المدخل اصدمت بشخص
عهد : اف انتبه قدامك
تركي : براي انتي لا تستعجلي
عهد : تعرف واجد
تركي : لا بس اعلمك اداب الاحترام
عهد : خف علينا يا ابو الادب
مشى عنها
عهد : سفهني ... بس ما شاء الله عليه جميل
ركبت فوق وكلم جلال حمد عشان يوظف عهد عندهم الى مصلحته الوحيدة منها انه تجسس
~ في الليل ~
جلال : وين دانة ؟
حصة : مدري
جلال : كيف ما تدرين مو بنتك ؟
حصة : وانا وش دخلني فيها بالغة وكبيرة
جلال : وعد ... وعد
نزلت : هلا يبه
جلال : وين دانة ؟
وعد : لما جينا اخذت ملابسها الرياضة وطلعت
جلال : طيب اذا جت ناديها غرفتي
وعد : ان شاء الله
رن جوالها : نعم
وعد : دانة وينك ابوي يبيك ؟
دانة : جاية
وعد : طيب باي
سكرت منها وركبت سيارتها وراحت دخلت مكتبه
دانة : بغيتني
جلال : في شغلة جديدة
دانة : قول
جلال : تعرفين عصابة علي
دانة : اعرفها
جلال : في يدهم صور تخص خالد ولد حمد ابغاك تاخذيها من علي
دانة : طيب في وين هم ؟
جلال : في بار ****
دانة : طيب
جلال : الحين روحي
دانة : الحين ؟
جلال : ايهه البسي ملابس حفل وروحي
دانة : طيب
ركبت غرفتها ولبست فستان وطلعت وصلت البار
دانة : احمد ... احمد
احمد : هلا والله بالحلو
دانة : اهلين فيك حبي
"ملاحظة : احمد مو حبيب دانة بس سوت روحها تحبه عشان تنفذ شغل ابوها"
احمد : وين الحلو مختفي
دانة : هنا بس ابغى منك شغله
احمد : تامريني امر
دانة : انتو عدكم صور حق خالد ولد حمد ال ****
احمد : بس ؟
دانة : ايهه
احمد : طيب ولا يهمك رايح اجيبهم
دخل تركي حاول بشتى الطرق ياخذ الصور بس مع الاسف هالمرة نفوذه وقوته ما قدرت تغلب دانة
دانة : شكرا حبي
احمد : العفو ولو
لما شافها تركي اشمئز كيف بنت كذا تروح بار وتحب واحد وبايعة نفسها والواضح عليها انه مؤدبة بس في المكان الغلط التقوا
دانة : ممكن اعرف ليش تطلع كذا ؟
تركي : كيف راضية على نفسك
دانة : وش الى راضية به ؟
تركي : ما تخافيين من ربك ما تحترمين عائلتك
دانة : عفوا وانت من مفكر نفسك
بثقة : تركي ولد حمد ال ****
كانها تعرف هالاسم من مكان بس قالت : يمه خوفتنتي اقول لاقي لك مكان ثاني تطلع فيه بطولتك لانه المكان هنا ما يخدم ولا يثبت الى تقوله
تركي : واثقة بنفسك واجد
دانة : مو اقل منك
رن جوالها
دانة : هلا يبه
جلال : اخذتيها
دانة : ايهه
جلال : كنت اعرف
دانة : بغيت شئ
جلال : سلامتك
دانة : طيب وانا جاية بعد شوي
تركي : اوه وتكلميه بكل راحة
دانة : ياخي انت ما لقيت بين بنات الخلق غير انا تحارشني
تركي : مع الاسف ان بلائك اليوم
دانة : يعني تعترف انك بلاء
تركي : للناس الى مثلك ايهه
دانة : تشرفت بمعرفتك وعلى امل عدم اللقاء ابدا باي
مشت عنه وهو قعد شوي يحاول في علي لكن لا
تركي : علي شوف اخر مرة اقول لك اعطيني الصور
علي : والله مو عندي
تركي : عجل عند من
علي : اخذها احمد لحبيبته
تركي : تقصد البنت الى كلمتها قبل شوي
علي : ايهه
تركي : من هي ذي بنت من ؟
علي : ما ادري اسال احمد
تركي : طيب
راح لـ احمد : احمد ... احمد
احمد : خير
تركي : البنت الى معك قبل شوي بنت من ؟
احمد : وش دخلك ؟
تركي : نست شئ لها عندي
احمد : اعطيني اياه انا اوديه لها
تركي : لا انا بوديه رجاءا ابغا اشكرها بعد
احمد : طيب دانة بنت فارس ال **** "كذبت عليه هو ما يعرف أي شئ يخصها"
تركي : طيب رقمها ؟
احمد : ليش بعد ؟
تركي : عشان اتواصل معها واسلمها الى اليها
احمد : افف طيب خذ ********
تركي : شكرا
احمد : العفو
طلع ووصل بيته فصخ ملابسه ورمى بنفسه على السرير : من هالبنت ووش تبغى بصور اخوي
~ انتهى ~
-توقعاتكم-





جنانوهـ مشـ© الدوانية ©ـرفة

°•









السلام عليكم

كـ نظرهـ أولية جميله
ولكن مافيها سرد ولا واحد بالمئه
مو جايه أحطمك بالعكس جاية انصح
مافيها سرد ابدا أحداثها قويه
ولكن خلي فيا سرد ووصف للأحداث أكثر
كذا القارئ راح يمل ومارح يقرأها ,,
بس كـ فكرهـ لت رواية جميله ,
ولو تطولين البارت أكثر وتخلينه طويل شوي أحلى :)

,,


ودي لكِ



YAGMUR_KSA ©؛°¨غرامي جديد¨°؛©

السلام عليكم

كـ نظرهـ أولية جميله
ولكن مافيها سرد ولا واحد بالمئه
مو جايه أحطمك بالعكس جاية انصح
مافيها سرد ابدا أحداثها قويه
ولكن خلي فيا سرد ووصف للأحداث أكثر
كذا القارئ راح يمل ومارح يقرأها ,,
بس كـ فكرهـ لت رواية جميله ,
ولو تطولين البارت أكثر وتخلينه طويل شوي أحلى :)

,,


ودي لكِ
-
عادي يا عمري لا حطمتيني ولا شئ بالعكس انا اتقبل رايك وادري انه ما فيها سرد لانه اول بارت راح تشوفي التغير الكبير في البارت الثاني لانه راح يكون فيه مرور زمني وان شاء الله اطول البارت قد ما اقدر وان شاء الله يعجبك البارت الثاني وتغيرين رايك



جنانوهـ مشـ© الدوانية ©ـرفة

°•









خلصت التكملة ,

كيف كدا ؟
متى دانة تعرفت ع احمد ؟
وكيف صار عندهـ رقمها ؟
وكيف بنت تروح بار ؟
وكيف ابوها عادي تلبس فستان وتروح بار ؟ مافي غيريه ؟
عذرا يعني ولا تزعلي بس هذا الشيء لمصلحتك
المفروض تحددين الدوله , أحنا دول محافظه ومستحيل نسوي كدا
وحتى لو كانوا أغنياء ,, وحتى لو تحكي عن دولة أجنبيه جيبي اسماء أجنبيه
كذا ابدا ابدا مايصير ,,,

أسفه أختي بس المفروض ماتكتبي كدا حتى لو كان خيال وأنا أكتب خيال
بس ما أتعدى حتى العقل مايستوعب :( او توضحي أي دوله
أتأسف لك مرهـ ثانيه
وثالثه بعد بس أبي توضيح للي صار مو جايه اهاجم ولا جايه احطم بس
الحقيقه تقال وهذي وجهة نظري واتمنى ماتزعلي مني :)




ودي لكِ



YAGMUR_KSA ©؛°¨غرامي جديد¨°؛©

المشاركة الأساسية كتبها جنانوهـ اقتباس :
خلصت التكملة ,

كيف كدا ؟
متى دانة تعرفت ع احمد ؟
وكيف صار عندهـ رقمها ؟
وكيف بنت تروح بار ؟
وكيف ابوها عادي تلبس فستان وتروح بار ؟ مافي غيريه ؟
عذرا يعني ولا تزعلي بس هذا الشيء لمصلحتك
المفروض تحددين الدوله , أحنا دول محافظه ومستحيل نسوي كدا
وحتى لو كانوا أغنياء ,, وحتى لو تحكي عن دولة أجنبيه جيبي اسماء أجنبيه
كذا ابدا ابدا مايصير ,,,

أسفه أختي بس المفروض ماتكتبي كدا حتى لو كان خيال وأنا أكتب خيال
بس ما أتعدى حتى العقل مايستوعب :( او توضحي أي دوله
أتأسف لك مرهـ ثانيه
وثالثه بعد بس أبي توضيح للي صار مو جايه اهاجم ولا جايه احطم بس
الحقيقه تقال وهذي وجهة نظري واتمنى ماتزعلي مني :)




ودي لكِ
دانة متعرفة على احمد من زمان وكتبت بتعريف شخصيتها انها تسوي اعمال شبه ممنوعة واحمد من ضمن هذه الاعمال مثلت انها تحبه عشان تستغله والرقم شئ بديهي ما دام هو حبيبها
وبالنسبة للبار انا اتكلم عن دول اجنبية بالتحديد تركيا مو السعودية بالانسبة للاسماء انا ابغا عربية واظن اني حرة في ذا الشئ اتمنى فهمتي مقصدي



جنانوهـ مشـ© الدوانية ©ـرفة

°•









المشاركة الأساسية كتبها yagmur_ksa اقتباس :
دانة متعرفة على احمد من زمان وكتبت بتعريف شخصيتها انها تسوي اعمال شبه ممنوعة واحمد من ضمن هذه الاعمال مثلت انها تحبه عشان تستغله والرقم شئ بديهي ما دام هو حبيبها
وبالنسبة للبار انا اتكلم عن دول اجنبية بالتحديد تركيا مو السعودية بالانسبة للاسماء انا ابغا عربية ولظن اني حرة في ذا الشئ اتمنى فهمتي مقصدي


تكلمتي أنها تشتغل مع أبوها صح بس أنصدمت لما قريت بار ووووو بس الحين وضحت الصورهـ :)

طيب انتي ماكتبتي تركيا من البدايه ؟؟
لابد أنك توضحي للقارئ أي دوله عشان مايسوء الفهم

أشكرك ع التوضيح ,, بالنسبة للأسماء أنتي حرهـ زي ماقلتي

وأسفه إذا ضايقتك او تدخلت في شيء مايعنيني بس تبقى دي وجهة نظر

واتمنى مازعلتي مني



ودي



YAGMUR_KSA ©؛°¨غرامي جديد¨°؛©

~ الجز الثاني ~
-بعد مرور شهر-
تركي حاول بشتى الطرق يوصل لـ دانة ويعرف سبب اخذها لـ صور اخوه وبفضل هذا صار يتقرب منها حتى يتاثر منها ودانة بعد اعجبت به
عهد انقبلت في شركة ابو تركي وتداوم كل يوم بس عشان تشوف تركي
وعد ودانة على ابواب الاختبارات النهائية ويستعدون لها
-
اليوم مهم بالنسبة لـ عهد اليوم عيد ميلادها الـ 26 اول المعزومين كان طبعا تركي
البنات فوق كلهم يتجهزون عشان الحفلة الى دائما تكون مميزة عن غيرها لانه عهد ما تخلي شئ ناقص
-
دانة لبست فستان احمر عاري الظهر وفتحة الظهر فيه خطوط وفتحة الصدر فيه واسعة شوي وقصير لـ فوق الركبة على كعب ذهبي حطت لها مكياج خفيف وروج احمر فاقع مخملي
-
عهد لبست جيمسبوت اسود بـ لاماع ذهبي عاري الظهر على كعب اسود ومكياج من النوع الثقيل شوي ورج ترابي
-
وعد لبست فستان ازرق حرير فتحة صدره كبيرة ومربوط على جنب وحطت اكسسوار ازرق على رقبتها على كعب بيج ومكياج سنبل وروج وردي فاتح
-
عند المعازيم كان في استقبالهم جلال وحصة ولما خلصوا دانة ووعد نزلو يستقبلوه بعد
-
عند تركي كان في غرفته يتجهز لبس طقم رسمي ازرق فاتح وحط كبك فضي على جزمة -يكرم القارئ- سودا ونزل ينادي خالد ركب سيارته وجاء خالد وراه وراح متوجه لـ قصر جلال استقبلهم الموظف عطاه مفتاح السيارة ودخلو سلمو على جلال وقفو على طاولة بوحدهم "خالد كان لابس طقم رسمي بعد لكن لونه احمر وفيه خطوط سودا على جزمة -يكرم القارئ- " كانت دانة فس المطبخ تهتم بالتقديمات لانه البرتوكولات مهمة لـ عائلتها ولما دخلت انصدمت بشوفه تركي
في نفسها : هذا وش يسوي هنا
انتبه لها وراح باتجاها : اوه وبعد عائلتك من الطبقة الراقية
دانة : ليش وش مفركني
تركي : بنت ما لها داعي في الحياة
دانة : اوه شكلك تقصد نفسك بهالكلام
جلال : دانة
دانة : هلا يبه
جلال : وين اختك تاخرت ؟
دانة : الحين اشوفها لك
تركت تركي مع ابوها وراحت تشوف عهد
جلال : كيف ابوك ؟
تركي : الحمدلله بخير
جلال : ليش ما جاء وياكم
تركي : تعرف ابوي ما يحب الحفلات
جلال : بس هذي حفلة بنت شريكه
تركي : السنة الجاية ان شاء الله
جلال : ليش السنة الجاية في عيد ميلاد دانة خله يجي
تركي : الى راحة قبل شوي يعني دانة بنتك
جلال : ايهه بنتي الثانية
تركي : ان شاء الله اقوله
جلال : بروح اشوف المعازيم عن اذنك
تركي : اذنك معك
وعد : سلينا وين دانة
سلينا "الخدامة" : هو فيه يروح فوق يشوف مدام عهد
شوي الا بنزلة عهد ومعاها دانة ووقفت جنبهم وعد واسيل
خالد صار يطالع بـ وعد نظراته كانت بتاكلها
تركي : لا تاكل البنت بس
خالد : ما هذا يا اخاه كل وحدة تقول الزين عندي
تركي : اثقل ياخي مسرع خقيت
خالد : في احد يشوف بنات كذا وما يخق
تركي : "جمال خارجي لكن الداخلي صفر"
خالد : وين رحت ؟
تركي : هاه وش تبغى ؟
خالد : معقواة هذول بنات جلال
تركي : ايهه ليش تسال
خالد : لانه كيف يطلع من الرجال القبيح بنات بذا الجمال ما ادرى
تركي : هههههههههههه الله ياخذك اسكت لا يسمعك
خالد : شكله الجمال من امهم
تركي : الله ياخذك بليسك اسكت لا تفضحنا
دانة راحت المطبخ وجابت الكيكة
وعد : عدي للثلاثة واتمنى امنية وطفيها
تمنت أمنيتها وطفت الشموع وصفق لها الكل وقامو على العشاء
تركي وخالد قامو بيطلعون قامت عهد بسرعة
عهد : تركي ممكن نتكلم شوي
تركي : تفضلي
عهد : مو هنا برا
تركي : طيب بس دقيقة وراج
راح لـ خالد الى سبقه
تركي : خالد ... خالدوه ... خلودي
خالد : وجع لا تقول لي خلودي
تركي : كل تبن بس انثبر استناني في السيارة وانا شوي وبجيك
خالد : حكم القوي على الضعيف
تركي : اقول امشي بس
رجع تركي لـ عهد وطلعوا برا بعيد عن الكل
تركي : قولي عهد
عهد : تركي انا احبك
انصدم وطلع فيها : نعم ؟
عهد : انا احبك
تركي : عهد انا مـ ...
قربت منه وحطت اصبعها على فمه : اوشش ادري انت ما تبادلني نفس الشعور بس ...
تركي : عهد مستحيل اوكي اتمنى تنسني بس هذا الى اقدر اقوله
وانسحب من عندها وهو بعده منصدم راح سيارته وكان خالد يستناه
خالد : وينك ياخي ؟
تركي : لا تسال
خالد : طيب يلا نمشي
تركي : طيب
شغل المحرك وتذكر انه دانة داخل وما عرف سبب اخذها للصور
تركي : خالد انزل
خالد : ليش ان شاء الله
تركي : بعدين م اقدر اوصلك بروح للمكان
خالد : اف طيب
نزل خالد وتركي رجع للقصر دخل وسحب دانة من يدها وسط ذهول الجميع
دانة : اتركني يا غبي اتركني
تركي : نشوف الغبي من بعد شوي
وضل ساحبها من يدها لكن وصلوا السيارة وركبها غصب واخذها لبيت مهجور لكن مرة عصري ومميز واثري
دانة : ليش جايبني هنا
تركي : ليش ماخذة صور اخوي
دانة : أي اخو ؟
تركي : خالد
دانة : مدري
تركي : تستهبلين
دانة : لا طبعا اخذتها لانه ابوي يبيها
تركي : وش مصلحة ابوك فيها
دانة : وانا وش دراني
تركي : اول مرة اشوف وحدة تسوي شئ ما تدري ليش تسويه اصلا
دانة : انا اسوي كل شئ لـ ابوي ومو ضروري اعرف السبب او ليش او وين المكان او الزمان كلهم ما يهموني
تركي : من الذكاء الزايد
دانة : شكرا ما احتاج زيادة اوفره لك
تركي : هههه مرة تضحكين
دانة : غصبا عنك بتضحك
تركي : اقول لا تاخذين مقلب بنفسك
دانة : واذا اخذت
صارت تقرب منه : ما تقدر تقاوم صح ؟
بعدها عنه : مو انتي الى ينهزم تركي بن حمد قدامها
دانة : هذا الشئ يبينه الزمن مو انا
تركي : اقول لا تضيعين الموضوع
دانة : انا الى اضيع الموضوع ما شفت نفسك انت
تركي : لي شانا وش قلت ؟
دانة : انت الى بديت السالفة
تركي : خلاص كفاية مشاكل ما تكرين فمك هذا ولا دقيقة
دانة : اذا كنت انمت الشخص الى قدامي طبعا ما يتسكر
تركي : ليش وش فيني ؟
دانة : جذاب ... جميل ... وهدار شوي وتحب المشاكل
داخ من كلامها : انتي اكثر
دانة : في وش ؟
تركي : الجمال
دانة : اول مرة تقول شئ عدل
تركي : ولو صحيح اني ما يبين اني امدح على بس اجامل عدل صح
دانة : نعم ليش وش فيني ؟
تركي : ولا شئ "وركض"
دانة : تعال هنا قلت جمله كملها "صارت تلحقه"
لين ما اصدموا في بعض وطاحت دانة في حضن تركي
تركي : اول مرة اشوفك عن قرب
بتوتر : كيف يعني ؟
تركي : اجمل ... الطف ... اهدا ... كل شئ فيك "قرب لـ شفتها"
دانة : لا تكمل
تركي : ليش ؟
دانة : م اقدر
يــتــبــع ---------


YAGMUR_KSA ©؛°¨غرامي جديد¨°؛©

تركي : م تقدري هنا لكن تقدرين في البارات
ضربته كف : انتبه لكلامك
قرب منها اكثر وكانت ردة فعله انه قبلها
بعد عنها : اسف ... انا ادري انه انتي مو تبع هلاشياء
دانة : وش دراك ؟
تركي : احساس
دانة : وانت تثق في احساسك على طول
تركي : بدون شك ... حتى فيه شئ ثاني يقول لي احساسي
دانة : وش هو ؟
تركي : احبك
دانة : كيف تحب وحدة توك تتهمها انها بنت ليل
تركي : اجاوب عليك بكلمة وحدة انتي قلتيها بلسانك
دانة : وش هي ؟
تركي : " انا اسوي كل شئ لـ ابوي ومو ضروري اعرف السبب او ليش او وين المكان او الزمان كلهم ما يهموني "
دانة : انا بعد احبك
تركي : مستعدة تقضين الليلة معي هنا
دانة : ما بتسوي شئ صح ؟
تركي : اذا ما استفزيتني ما بسوي
دانة : طيب بس شغل الدفاية لانه برد
تركي : من عيوني الثنتين
~ في غرفة عهد ~
قفلت باب الغرفة وفتحت لمبة مكتب غرفتها وجهزت ورقة وقلم وكتبت رسالة وداع لاهلها
~ في الصباح ~
تركي : صباح الخير يا حلو
بصوت طفولي : صباح النور
تركي : قومي يلا جهزت لك الفطور
دانة : شكرا
تركي : دانة
دانة : هلا
تركي : وش بنسوي ؟
دانة : كيف يعني ؟
تركي : اهلنا
دانة : خلينا كذا بعدين نقول لهم بالتمهيد
تركي : شورك وهداية الله
دانة : بس خلينا نفطر ونطلع اوكي
تركي : على امرك
فطروا وخلصوا ورجعت دانة البيت بكير راحت غرفتها وبدلت ملابسها ولبست ملابس الرياضية
دانة : سلينا .. سلينا
سلينا : نعم مدام
دانة : اذا سال عني ماما او بابا قولي لهم طلعت تسوي رياضة
سلينا : ان شاء الله ماما
طلعت وقعد الكل ونزلوا تحت يفطرون
جلال : وين عهد بابا
وعد : مدري والله امس حتى قبل ما يطعلون المعازيم ركبت فوق وما شفتها لحد الحين
جلال : روحي دقي الباب عليها
وعد : ان شاء الله
دقت الباب ما ردت دقت مرة ثانية ما ردت دقت مرة ثالثة ال تحرك الباب شوي وصرخت كل الى تحت قاموا على صرختها وشافوا عهد طايحة على الارض بدمها
حملها جلال وودوها المستشفى
~ عند دانة ~
ابراهيم : دانة
دانة : عمي ابراهيم
ابراهيم : لا تقولين لي عمي تحسسيني انه انا اكبر من ابوك
دانة : بغيت شئ
ابراهيم : لا بس حبيتا قول لك الحقيقة
دانة : حقيقة وش
" ليلة امس "
ابراهيم : جلال
جلال : خير وش تبي ؟
ابراهيم : دبن
جلال : هههه تمزح ما لقيت الا انا اعطي واحد حقير مثلك
ابراهيم : احترم نفسك
جلال : انا محترم نفسي بس الى مو محترم نفسه الى جاي يطلب فلوس"
ابراهيم : قد فكرتي ليش ابوك يعاملك باختلاف
دانة : كيف باختلاف
ابراهيم : انتي شفتيه يخلي عهد او وعد يامرهم بعمل
دانة : انا الى ابغا كذا
ابراهيم : لا لانك مو بنته الحقيقة
دانة : اسكتت كذاب انت تكذب
ابراهيم : وش مصلحتي من الكذب
دانة : كذاب كذاب
مشت من عنده تركض تهرب من الواقع الى هيه فيه
"ابراهيم : 35 سنة | صاحب شركات سابقا لكنه فلس الفلوس مسيطرة عليه مثل جلال"
~ المستشفى ~
الدكتور : الحمدلله الجرح ما وصل للعروق وقدرنا ننقذها
جلال : دكتور هي صاحية ؟
الدكتور : ايهه
جلال : ممكن اشوفها
الدكتور : تفضل
دخل عليها
جلال : ليش سويتي كذا ؟
عهد : ما يحبني
جلال : من ذا الاعمى ؟
عهد : تركي
جلال : تركي ولد حمد من جدك ما لقيتي تحبي الا ذا
عهد : يبه احتاجك
جلال : امري
عهد : احبه م اقدر استغني عنه
تذكر الصور الى اخذتها دانة : ولا يهمك بيكون لك
عهد : شكرا
جلال : كل شئ عندي بساعدتك
~ بعد اسبوعين ~
دانة فكرت وقررت تهرب برا البلد ولذلك جهزت ليلة عشان تودع تركي وسافرت
جلال عرف بعلاقة دانة وتركي وهدد تركي بصور خالد عشان يتزوج عهد
تركي وصل له خبر هروب دانة وقرر يتزوج عهد
~ بعد سنتين ~
سلينا : مدام حصة هذا فيه بابا تعبان
ركبوا له كلهم فوق
حصة : جلال
ياشر على السي دي : هذا اعطيه دانة
شوي الا بصوت الجهاز يعلن توقف قلبه
وصل لـ دانة خبر موت ابوها وقررت ترجع الى البلد الى كانت سبب اوجاعها
~ انتهى ~
~ توقعاتكم ~
وصلت لـ قصة روايتي ادري الاحداث سرعتها واجد بس كان لازم اخلصها ببارتين لان القصة الحقيقية للرواية تبدا الحين بعد هذا البارت






أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1