نوف الأسمري ©؛°¨غرامي جديد¨°؛©

السلام عليكم ورحمة الله وبركاته
في بدايات قلمي كتبت روايتي الأولى
رواية واقعية بنسبة سبعين بالمئة والباقي من مخيلتي
أحكي فيها قصتي
أتمنى أن تنال إعجابكم
وأرحب بتعليقاتكم وإنتقاداتكم
قراءة ممتعة للجميع
بخصوص نشر الرواية
لا أحلل نشرها دون ذكر اسمي
وللتواصل معي راح أحط حسابي في تويتر في صفحتي
بإذن الله

نوف الأسمري ©؛°¨غرامي جديد¨°؛©

بين الرمادي والأبيض
عشت طفلة مدللة بين عائلة تتكون من أم وأب و3 أبناء و3 بنات وأنا الرابعة طبعًا.
كنت البنت الدلوعة إلي ما تبي تسمع كلمة لا كنت قبل آخر العنقود وكانت أختي إلي أصغر مني تغار مني
نسيت أعرفكم على اسمي أنا نوف
مامه اسمها عطر
وبابه علي
أخواني محمد ونايف ونواف
أخواتي لولي وساره وندى
كانت من كثر غيرتها مني تسويلي أشياء مؤلمة كان عمرها 4 سنوات وعمري 7 سنين.
أمي قالت: نوف قومي حلي واجباتك
وأنا بدون تأخير طيراااان لشنطتي مو عشاني مطيعة لهذي الدرجة بس عشان ما تحرمني من اللعب مع أولاد الحارة في العصر ههههههههههههههه...
وحطيت كتابي ودفتري وجالسه أكتب وشعري قرنين يسابقني على دفتري
لو سمحت شعري وخر شوي بأكتب ههههههههههه مو وقتك العيال بيطلعون يلعبون وأنا ما خلصت
وفجأة وفي عز حماسي طخخخ ضربه بوسط راسي اااه يارباااه وششش حصل
قبل أكمل وش حصل بأقولكم...
عشت طفولتي بحارة الكل قلوبهم على بعض نواياهم تشابه صفاء السماء ليلة القدر
وإلي ما ذكرته لكم أن محمد وساره وندى تزوجوا وسكنو الرياض ونايف راح معهم وتوظف.
وما باقي مع بابه ومامه إلا أنا ونواف ولولي.
رفعت راسي من الدفتر لقيتها لولي ضربتني بيد النجر على راسي وللأسف دموعي غرقت دفتري وخربت الصفحه وضاع الواجب ويا حسافه انتهى حلمي قبل لا يبتدي ههههههههههههههه...
جات جدتي تركض على صوت صراخي وشششفيك يا نوفي وششش فيك وترد لولي: ياذده مافيها ثي وماهي لولي الي دلبتها
وعرفت جدتي وشفيني فمايبيلها شرح اكثر من شرح لولي ههههههههههههه
جات أمي وضمتني وأنا أبكي وأقول خرب واجبي ولولي بكل برود تقول: عادي أنا بتتبه لث لاتبتين يابتايه

نوف الأسمري ©؛°¨غرامي جديد¨°؛©

امي تقول ليه يالولي هذي اختك حبيبتك لولي تقول ليث تاحدينها بحضنت الثباح
قالت امي خلاص نوفي اطلعي العبي واااو يافرحتي وطيرااان
الساعه 9 مساء الكل بفراشه نوووم ورانا مدارس وكالعاده نلعب انا ونواف لعبت الالوان واحنا بفرشنا ويسعفنا نور خفيف من طرف الدريشه يكفينا نلعب
وفجاءه بابه صوته يغطي نور الدريشه ماعاد شفنا شي من الفجعه ههههههه ماشاءالله عليكم باقي صاحين بسرعه نوف خذي وسادتك وقدامي على غرفتنا وانت لا اسمعلك صوت يانواف
وانا اعطي نواف ذيك النظره وكان عيوني تقول *عليه لحظة وداعه الله لايسقي وداعه*
وجاء الصباح وكالعاده ابكي واقول بطنييي بطنييي عشان مااداوم وامي ترد كالمعتاد اذا داومتي بيطيب بطنك ههههههههههه
كنت متفوقه واخذ الاول على مدرستي
ورجعت من المدرسه نعسااانه ضمتني امي كالعاده واعطتني لولي ذيك النظره الي تقول لي*والله لاوريك شي مابعد شفته* ههههههههههه
لاكني تعوذت من ابليس ورحت ابدل ملابسي ونمت لين تخلص مامه الغداء وفي عز نومي
تششششش يارب انا بحلم ولا بعلم وششش الي جالس يصير
*وقفه
حنيت للماضي ودمعي سال
ياليت مامر الزمان وكبرنا

يتبع

نوف الأسمري ©؛°¨غرامي جديد¨°؛©

لاا انا بعلم هذي لولي نفذت تهديد العيون
وكبت مويه في اذني وكالعاده انا ابكي امي تركض تطمن عليه
ولولي تعلمهم وش صار بطريقة تبرية نفسها ههههههههه
لولي انا ماكبيت المويه عليها هادا مدل مدل من ربي يامامه ,مدل = مطر
وامي خذتني غرفتها نومتني وقفلت الباب وكانها تقول مابليد حيله وانا امك اصبري ولك الاجر ههههههههه
وبعد سنتين قرر بابه ننتقل مع اخواني الرياض وكنت جداً فرحانه انا ونواف ومامه حزينه على جيرانها
وابشركم لولي كبرت ودخلت المدرسه وكنت انا بخامس ابتدائي وهي باول
واهتم فيها مع انها ماتستاهل الا المعامله بلمثل دامها صارت محتاجتني ههههههه لاكني طيبه وحنونه من صغري


*وقفه:
الا ليت الزمن يرجع ورى وليت الليالي تدور
ويرجع وقتنا الاول وننعم في بساطتنا

نايف يحب زهور بنت جيراننا من يوم كان صغير ولهذا السبب راح الرياض وتوظف بدري وكان عمره 16 سنه
يبي يجمع ويتزوجها وبعد انتقالنا للرياض فاتح بابه بالموضوع وبابه رحب بطلبه ولاكن كان فيه مشكله وحده الي هي مشكلة الظروف بابه ظروفه ماهي تمام ونايف راتبه بسيط جداً كيف بيامن لها سكن لاكن حب زهور لنايف خلاها تتنازل عن اشياء كثيره رضت تسكن معانا ووافقت يكون الزواج مختصر
تمت الخطوبه والزواج وكان نايف فرحااان وكان قلبه يلامس اطراف النجوم
وصلو الفندق زهور باين على وجهها التعب ،نايف زهور وشفيك
زهور فرحانه فيك حبيبي .
نايف زوزتي قلبي وانا ماني مصدق صرت لي صرتي جنبي ومسك يدها وكانت جداً بارده نايف مو مطمن ملامحها متغيره وجهها بدا يشحب وكانت تبتسم عشان مايقلق ومايخاف كانت تبيه فرحان حتى لو كانت تعبانه لازم تكابر .
نايف حبيبي لبيه ياروح نايف انا جبتلك هديه وابيك تقبلها مني نايف انتي اكبر هديه يازهور انتي جنه احلم اسكنها من صغري انتي لي وحدي ناظرته زهور وهي تهمس وانت لي وحدي يانايف رد يمازحها لازهوري الشرع حلل اربع ههههههههههه
وزهور تناظره وتقول نعم وربي اذبحك اذبحك انت لي وحدي
زهور تحس التعب بدا يسيطر عليها يارب انا وشفيني يارب ماتخرب فرحة نايف يارب خفف مااشعر به نايف ينادي زهووووور لي ساعه اناديك ماودك تفتحين الهديه زهور وششش كنتي تفكرين فيه
زهور تبتسم وتقول من غيرك ماخذ عقلي كنت افكر بالهديه بتعجبك او لا.


*وقفه:
انت حلم عاش في قلبي سنين
ياالله ياربي تحقق لمنيات

في بيتنا انا فرحانه ادور بفستاني ولولي نايمه في الصاله ونواف ياكل شبس ويتفرج على المصارعه الي هي هوايته ويحبها ودايم يتصارع مع المساند والتكايات وكل واحد مسميه اسم وانا اذ بغيت العب معه اكون ابو صفيرا الي يحسب 1 2 3
ومامه وبابه يشربون شاهي ويسولفون عن الزواج وش صار ووش ماصار
مامه تقول واو زهور كانت احلا عروس الليله
وبابه يقول ولدك فشلنا من فرحته بغى يركبها ورا ويركب معها ههههههههه
مامه ياحبيبي يانايف يحبها الله يخليهم لبعض
بابه امييين ويجيبون علاوي الصغير
نوووووف نوووف انا مفجوعه لبيه بابه
اجججلسي لك ساعه تدورين دوختي راسي
بابه فرحانه بفستاني صح حلو يابابه
صححح حلو ياروح ابوك تعالي بحضني واعطيني بوسه واحكيلي مامتك كيف كان رقصها وامي ترفع راسها وتناظره وتقول نعم مالقيت الا نوف تسالها هذي بتمثللك شي ماصار وانا اقوم اقلدها وبابه بيموت ضحك.
مامه بسالك اسال يانواف حبيبي مامه متى اتزوج مثل نايف مامه تقول ياروحي انا الي يبون يتزوجون وبابه يقول بعد 20 سنه اذ صرت مليونير زوجتك ونواف زعل وقام وضحكو امي وابويه
قلت وانا عندي سوال


*وقفه:
بين الماضي والحاضر ذكريات تقف في قمم الجبال
وتناظر قيعان البحار لترى ان الاقدار موحشه وظلام الوجع يعم ارجا المكان .

:: من الفندق ..
زهور تتمتم يارب سترك يارب سترك
نايف زهور قولي الصدق فيك شي زهور ببتسامه ذبلانه بصراحه يانايف ابي انام ومنحرجه منك
نايف طيب لبسيني الساعه الي جبتيها هديه وبخليك تنامين
زهور ويدها ترجف هاتي يدك اعطاها يده وهو يتغزل بعيونها
وقال هديتك بعطيك اياها بكره وربي جبتلك شي جججميل ومتاكد بيعجبك
زهور بصوت بدا عليه التعب حمستني ياربي متى بيجي بكره
واخذها بيدها للسرير وقال نامي وانا ببدل ملابسي واجي
نااايف عيون نايف ابي بندول بليز
ابشري زهوري اجل بطلع اجيب بندول واحط التعليقه الي اعطيتيني بمراية السياره

يتبع

نوف الأسمري ©؛°¨غرامي جديد¨°؛©

.. من بيتنا..
سوالي يامامه ليه ساره وندى ومحمد مايجون يسكنون معانا
بابه يقول اشوا احسبها هي بتسال مثل نواف وتقول متى بتزوج وضحححكت امي
وقالت احنا يانوفي ياالله جهزنا غرفه لنايف وزهور يسكنون معانا فكيف نسكن ساره وندى ومحمد
بعدين يانوفي لكل واحد حياته الخاصه
بس انا يامامه ابي سامي ولد ندى وورد
وابي عبدالرحمان وعزوز عيال ساره
وابي رائد ورناد عيال محمد
ابي يسكنون بغرفتي .
بابه يرد هذاهم يجوننا كل يوم العبي مثل ماتبين
ياالله ياعطر ننام
الساعة 3 باقي ساعه وياذن
طيب ياالله نوفي على غرفتك اخوانك نامو ياالله معهم
لااا بابه انا عندي شي لازم اسويه وبعدين انام
طيب بس لاتتاخرين حاضر وبوست امي وابويه ورحت .
.. من الفندق..
نايف دخل يغني ومبسوط ومعاه البندول ياربي اصحيها ولا اخليها تنام
بس هي قالت اذ جبت البندول صحني قرب منها وهو يتمتم الله لايحرمني منك زهور
وينادي بصوت منخفض حياتي قلب نايف جبتلك البندول زهورتي كل هذا نوم عيوني ردي
زهور زهور ردي لاتخوفين حبيبك حركها لاكن دون جدوى زهووور قلبي قومي بعطيك بندول وننام سوا
زهور ردي زهووووور وجاب مويه وكبها عليها لاكن مافيه امل ترد
وجهها اصفر شفايفها مايله للبنفسجي اطرافها بارده
وبدا نايف يضحك بطريقه هستيريه زهووور بجيب هديتك واوريك ايها الحين مو لازم بكره الحين الحين
فرحانه صح ردي فرحانه
ونزل ركض للسياره وجاب الهديه موظف الاستقبال لاحظ ان نايف موطبيعي
جاء عنده السلام عليكم اخ نايف
نايف يقول هي تدلع تبيني اوريها هديتها الليله
الموظف فيك شي اخ نايف
نايف هي تنتظرني والله
وركض لزهور ومعه الهديه فتحها ولبسها عقد الماس وهو يبكي ويقول اعجبك صح اعجبك صح
لحسن الحظ الي حجز الفندق بابه وموجود رقم الثابت بملف الحجز
.. من بيتنا..
انا كنت اسوي الحاجه الي قلت لمامه وبابه مابنام لين اسويها

نوف الأسمري ©؛°¨غرامي جديد¨°؛©

وهي ان اصلي وادعي ربي ينعم شعري ويصير نفس البنت الي شفتها بالزواج ههههههه
كان شعري ناعم بس مموج وهذا الشي يضايقني خصوصاً مابعد جا شي اسمه استشوار
كانت امي تمشطني قرنين وكان شعري طويل جداً
التلفون يرن وانا ركضت ورديت
الوه
الوه وين بابه ياشطوره
بابه نايم ممكن تصحينه
طيب عمو ثواني
طق طق طق بابه فيه رجال يبيك على التلفون
صحو ابويه وامي مفجوعين
الساعة ثلاثة ونص غريبه الله يستر
ابويه اخذ السماعه الوه
الوه السلام عليكم ابو نايف تعال الفندق بسرعه فيه شي موطبيعي
ابويه وششش فيه خوفتني نايف فيه شي
وامي تصارخ وشفيه نايف يمه ولدي ولدي
الموضف لاتخاف يابو نايف تعال بسرعه
.. من الفندق..
نايف يصارخ بطريقه جنونيه المكان مزدحم اسعاف طبيب شرعي البحث الجنائي الشرطه
وصل ابويه مفجوع وشفيه وشفيه نايف وشششفيك لاكن نايف حالته ماتطمن ونقلوه للمستشفى
بعد اعطاءه ابره منومه
ابويه عرف من احد رجال الشرطه ان زهور توفت وبعد ظ،ظ  ساعات اثبتت التقارير ان سبب وفاتها هبوط حاد في الدوره الدمويه.

*وقفه:
الله واكبر يازمان الحزن والفرحه قليله
مالحقت افرح الا خذاها الموت مني
كنت احسب اني ملكتك وصرتي لقلبي خليله
مادريت ان القدر يازهرتي بياخذك مني


.. من البيت ..
الساعة ظ،ظ¢ الظهر
امي وصلت حدها من التوتر والخوف ابويه مااتصل طبعا مافيه جوالات بس بيجر وتلفون ثابت
ابويه مااخذ بيجره وامي تبكي وتدعي
واتصل ابويه اخيراً وعلمها بكل شي وهي تصارخ وتبكي
وجونا كل اخواني بعد مااتصل ابويه عليهم
وبدا العزا ونايف ماحظر عزا زهور
لانه لازال تحت تاثير المهديات وحالته تزداد سوء وجلس بالمستشفى ظ،ظ¨ يوم
وضبطوله مواعيد في العياده النفسيه وخرج ولله الحمد .
دخل غرفته وشاف اغراضها الي رتبوها اهلها قبل زواجهم باسبوع
شاف ابتسامتها بالمرايه وخرج العقد الي سلموه له المستشفى عند خروجه
تذكر كلمته لما قال انتي لي وحدي
وكان يبكي ويقول ياليتني انا الي متت ياليتني انا .

*وقفه:
خذاك الموت ولولا الخوف من ربي
قسم بالي خلقني كان دفني قبل دفنك .

نوف الأسمري ©؛°¨غرامي جديد¨°؛©

بعد مرور 3 سنوات من الحزن والكاءبه الي خيمت على بيتنا
بداءت الامور ترجع طبيعيه وبعد الحاح من ابويه قرر نايف يتزوج وتزوج وحده اسمها حنان
وفعلاً كانت اسم على مسمى
احتوت نايف وماكانت تطالبه باي شي لاحب ولامشاعر
نايف يعطيها حقوقها كزوجه زوجه فقط
وهي صابره صار عند نايف فرح وشموخ وعلي
كلهم مايفصل بينهم الا فترت الحمل
ومرت السنين ونايف مانسى زهور ولا اشغلوه اطفاله عن ذكراها
نسيت اقولكم كان بيسمي فرح زهور
لاكن ابويه رفض وسماها بابه فرح
ابويه صار يعاني من الظروف الماديه اكثر من اول
خصوصاً لما كبرنا وكبرت احتياجاتنا ماصار اي شي يرضينا نفس قبل
فقرر ابويه يبيع خضار وفواكه بسيارته
عند المساجد والمدارس وجنب الطريق ولاباس صار يغطي على بعض مصاريفنا
كبرنا صار نواف ثالث ثانوي وصرت انا ثالث متوسط وصارت لولي بخامس ابتدائي
وملت الجو علينا فرح بدلعها
وشموخ بعنادها
وعلي بحبه للاكل
وصار عندنا مولوده جديده اسمها شجن
بنت ندى والكل يحبها كان عمرها 3 شهور واخواتي يجونا كل يوم
وانا كنت استحي لما يجي بابه يبيع خضار عند المدرسه ومابي اخرج له قدام صديقاتي
كان فيه شي غريب جالس يصير
اخويه محمد له سنه مايزورنا ولما نجي البيت مايقابلنا ولا يسال عنا اصلاً


*وقفة:
يادمعة حارت مابين اهدابي
ارجوك عودي قبل لايلمحك عاذل


فكرنا نطلع للبر نتغداء ونوسع صدورنا شوي مع ان اليوم الثاني كان عندي اختبار نحو
خذيت كتابي وخرجنا سيارتين
جمس كان فيه مامه بابه انا ولولي سامي ورد والنزغه حنين
الهيلوكس كان فيها
نايف وحنان وساره اختي وفرح وشموخ وعلاوي
تغدينا وقرب المغرب مامه تنادي
ياالله خلاص خلونا نمشي بكره دوامات ورانا مذاكره للعيال
بابه طيب ياعطر توكلنا على الله
نواف ابويه ابويه بركب مع ناصر في الفورد عشان نلحق نتابع الشوط الاول من المباراه
بابه طيب يانواف توكلو على الله ولاتسرعون
نواف ابشر ياغالي
نايف يكلم عبدالله زوج ندى وش رايك ياابو سامي نروح مع الخط الجديد
عبدالله اي خط يانايف
نايف نقطع هذي البرحه بعد 2كيلو يجينا خط يطلعنا بوسط المزاحميه
عبدالله مو مشكله الوقت بدري توكلنا على الله
مامه ياالله احسن معي كرتون خبز مجمعته ان شاءالله نلاقي راعي يحتاجهم للاغنام

*وقفه:
نخبي في صدورنا اسرار كثيره لاتطفئها دمعه اغرقت
كتاب جمعنا فيه الذكريات اوراقه تمزقت لم تحتمل وجع ماكتبنا فيه.

قبل الطلعه باسبوع مامه تكلم بابه
علي انا ماني مرتاحه محمد له 12شهر ماكلمني ماعاد قدرت انام طيب لوعنده انتداب مثل ماقالت ريم وش يمنعه مايكلمني مو معقوله مشغول 24 ساعه.
عطر تعوذي من ابليس الشيطان لايلعبك ويضيق صدرك احنا اليوم بنروح لريم ونفهم منها
وصلنا لبيت محمد رناد ورائد يلعبون وشافو ابويه
جدو جدو وش جبتلنا وبابه يعطي كل واحد 10 ريال جبتلكم فلوس وجه بابه علق لانه ماجابلهم شي ههههههههه
ريم رحبت فينا ودخلتنا وجابت القهوه
بابه يكلم ريم
كيفكم يابنتي
ريم الحمدلله ياعمي
بابه ريم احنا من سنه نسالك عن محمد تقولين منتدب
حدث العاقل بمايعقل ياام رائد
كيف منتدب ومايكلمنا الدنيا تطورت يابنتي وكل واحد صار معه جوال
ريم تلعثمت ممممم شريحته محروقه ياعمي
بابه احلفك بالي يخليلك عيالك وين ولدي ارحمي حال عمتك
ريم بصوت مبحوح مليان الم جاوبت وكانت اجابتها كالصاعقه
محمد ياعمي مسجووووووون مسجووووون.


*وقفه:
اه ياكسر الخواطر كيف تجبر
لاطبيب يفيد فيك ولا دواء
من داخل سياره عبدالله
بابه يكلمه وين مودينا انت ونايف لنا ساعه اظلم الليل واحنا نمشي وين الخط الي تقولون
عبدالله والله ماادري ياعمي عن ولدك
ندى تكلم امي
يمه وشفيك سرحانه ثو معانا ابد
اابويه قال اكيد تفكر فيني
امي بصوت مخنوق افكر في محمد احنا نتمشى وهو مسجون حسبي الله على من ظلمه
ابويه توك ياعطر زرتيه امس وشفتيه طيب مافيه شي وسعي صدرك

نوف الأسمري ©؛°¨غرامي جديد¨°؛©

واستمتعي بظلام الصحراء الي ودانا لها ولدك وضحكنا كلنا على كلمة بابه
عبدالله يوقف نايف ويكلمه ولد وين مودينا صاحي انت
نايف بوجه مخطوف تصدق ضعنا
الحريم صرخو بصوت واحد يااارب رحمتك
وانا بكيت يامامه بكره عليه اختبار واستاذه عبير مابتعيده مابتعيده
مامه تكلمني لاتخافين نوفي الحين بنلاقي الطريق ان شاءالله
بعد ظ¦ساعات التوتر سيطر على عبدالله وصدمنا بكلمه للاسف خلص البنزين
ندى يارب رحمتك وورد تدعي ياارحم الراحمين ارحمنا
الكل متوتر ونايف ينزل وشششفيك وقفت
عبدالله مثل ماانت شايف البنزين خلص ياابو خط جديد
نكبتنا وصرنا بوسط الربع الخالي نايف يرد يارب تفرج
انا بصوت عالي اتصلو على الدفاع المدني
نايف ايه مامعانا الاهذا الحل
الوه هلا اخوي لرسمحت احنا ضعنا بعد حوالي ظ¤ظ  كيلو خلف نادي الرياض
اي اتجاه اخوي نايف يرد مدري مدري ظلام دامس ماندري كيف الاتجاهات
طيب اخوي اذ عندك جبل اطلعه وولع في اي شي عشان نحدد موقعكم عن طريق الدخان
واحنا بنطلق لون ازرق واحمر علمنا اي اتجاه تشوفه يمين او يسار
نايف يكلم عبدالله
ابو سامي انا بروح ادور جبل ويارب تفرج ولو مارجعت لاتخافون امكن اضيع مكانكم
وراح واحنا نردد استودعناكم الله

*وقفه
الظروف انواع والدنيا تجارب
خخوالقدر يبعد حبيب عن حبيبه
.. في البيت..
نواف يكلم ناصر انا خايف خايف
الساعة 12 وماجاااو اهلي
ناصر يرد وانا مثلك خايف لاتنسى ان حنان اختي معاهم يعني وضعي مثل وضعك فلاتوترني زياده يكفيني الي انا فيه
نواف تكفى ياناصر خلنا نروح ندورهم
ناصر يانواف ياحبيبي الشرطه قالولنا لاتروحون عشان ماتكبر المشكله بدال ماندور سيارتين ندور ثلاث
بعدين رسلو ظ§ فرق بحث يعني احنا الي بنلاقيهم
نواف يارب اسالك بنور وجهك الذي ملاء اركان عرشك ان تحفظ اهلي وتردهم بالسلامه ويمسح دمعته .
.. من داخل سيارة نايف..
هاه ولعت نار ببطانيه ياالله كيف ماتشوفون دخان لاوالله مااشوف انوار يارب بموت برد ارحمنا يارب
حنان تنادي نايف نايف بفسخلك جاكيتي انا دافيه جوات السياره
نايف يرد لا يازهور ياقلبي
وماحس بنفسه انه غلط باالاسم
يعني بعد ظ§ سنوات يانايف قلتلي كلمه حلوه وشاركت زهور فيها
احبك يانايف وانت مات قلبك ودفنته مع زهور
كل هذا الكلام قالته زهور بقلبها نزلت دموعها ومسحتها قبل تشوفها ساره
ساره مو ناقصه اوجاع كفايه فقدانها لزوجها وعيالها قبل سنتين بحادث .
.. من سيارة عبدالله..
انا ابكي وورد تدعي ولولي تقول جوعااانه وسامي يوزع علينا الخبز الي بغت مامه تعطيه الراعي
ونشرب بقايا مويه كانت للوضوء
الجو جداً بارد والمكان موحش ولاجدوى نايف مارجع
ومامه ترجف وتقولاللهم يامن لاتضيع ودائعك جعلت نايف واهله وساره وداعه عندك فحفظهم بحفظك انت خير الحافظين.
ورد قفزت قدام ونامت بحظن ابوها ابوها الي دايم يقول يارب انك تتوفاني قبل ورد ولاتجعلني اذوق فراقها
متعلق فيها بشكل موطبيعي


*وقفه

امانه يا زمن يكفي تجرعنا العذاب الوان
تعبنا نداري قلوب وربي ماتدارينا

خخ.. من البيت..
ناصر افهم افهم الساعه ظ¤الفجر واهلي مالقوهم
نواف ممكن تسكت ولا وربي اخرج واتركك وحدك
.. سيارة نايف..
حنان تكلم نايف
بشر وش قالولك
نايف للاسف ياحنان ماشافو الدخان
بس ليه صوتك ياحنان مقطوع ليكون بكيتي خايفه
حنان تتكلم بصدرها لااا يا نايف بكيت مكسوره
وترد ايه بكيت خفت عليك من وقفتك بالبرد
ضحك نايف وقال لاتخافين زوجك ذيب ذيب
الساعه صارت ستة الصباح
أنا اكلم سامي في أذنه سامي ياالله مادام الشمس طلعت نروح نطلع فوق الجبل الصغير ونناظر وش وراه
أمكن نلاقي ناس بخيمه نفس المسلسلات طبعاً ابي اسويله إغراءات عشان يروح معي
الكل نزل من السيارة ياالله مكان موحش خالي من اي كائن حي حتى النباتات مافيه
طلعت الشمس وبدينا ندفأ
وبعد طلوعنا للجبل شفنا فرقه دفاع مدني خلفه يبحثون عنا
صارخنا وصارخنا وللأسف محد سمعنا

نوف الأسمري ©؛°¨غرامي جديد¨°؛©

قلت لسامي أبقى هنا وانا بنزل لهم
وبديت انزل المكان مخيف
وفجأة ااااه ااااه طحت مسافة بعيده
سامي يصرخ وانا اقول لا تخاف لاتخاف انا بخير اسكت امي لا تسمعك
انجرحت رجلي ولحسن الحظ شافني احد العسكر وجاني يركض
ويكلم اخوياااه بالجهاز لقينا وحده من المفقودين تعالو
..من بيتنا..
جوال نواف يرن الوووه بشرووو
ابشرك اخ نواف جاتنا اخبار بانه تم تحديد موقعهم حبينا نطمنك
نواف يرمي جواله ويسجد سجود شكر ويبشر ناصر
ناصر يسجد ويبكي وكانه مو طول الوقت مسوي قوي وصابر
..العسكري يكلمني..
وش اسمك اختي
انا نوف واهلي ورى الجبل بردانين وجوعانين الله يخليك أنقذهم
العسكري ابشري يا نوف راحو ينقذونهم وانا ببقى معك لين يجون الاسعاف يشوفون جرحك لانه جالس ينزف
انا الله يوفقك انا لما طحت طاحت طرحتي دورها لي باتغطى
ابتسم وقال من عيوني وراح وما لقاها رجع وقال ما لقيتها للأسف
قلت بس انا ابي اتغطى او أتحجب ما ينفع كذا
فسخ شاله واعطاني اياه وهو يبتسم وقال خذي شالي بس تريه عهده لازم ترجعينه لي اذ رجعتو بالسلامه
وهذا رقمي انا اخوك سعود
جات الاسعاف نظفو جرحي وخيطوه وركب معايه سعود وصلني لاهلي
الكل فرحان الا امي تبكي خايفه على نايف
ونزلت هليوكبتر تبي تأخذنا لان الطريق طويل ووعر وما مستحمله كلنا تعبانين وجوعانين وركبنا وكانت المفاجأة نايف وعياله وساره راكبين قبلنا صراخ وفرح ودموع
الحمد لله يا ربي الحمد لله انا ما اخفي عليكم ما كان ودي اركب واروح كان ودي اناظر عيون سعود الي حسيت فيها بالامان بالحنان عمري صغير 16سنه لأكن مشاعري كبرت كبرت من اول ابتسامه رسمها من شفايفه جوات قلبي
وطارت الهيلو كبتر وكانت عيني بعين سعود لآخر لحظه
ونزلتنا عند نادي الرياض وجات سيارات الدفاع تأخذنا
وتكفلو بايصال سيارة عبدالله ونايف اليوم الثاني
وقالو نفس الموقع الي كنتو فيه ضاعو فيه عائلة قبل سنتين وما لحقنا عليهم توفو الله يرحمهم .

*وقفه*
لااعلم ماذا جرى لقلبي لم أعد متطمئنه لنبضاته
فيجري في شرايينه دم شخص اخر.

بعد اسبوع من الحادثة
بالمدرسة
انا اكلم صبى صديقتي
مدري مدري ياصبى وش صار فيني
صبى تغمز وتبتسم اكيد حبيتيه يا جميلة ما يبيلها تفسير ثاني
انا أكابر واخصارخ على صبى مجنونه انتي اي حب واي خرابيط قولي استلطفته فقط.
اقولها ولمعة حبه بانت بمحاجر عيوني
دخلت استاذة عبير وقالت
الحمد لله على السلامه نوف
حركات صارت كل الصحف تكتب عن قصة ضياعكم صرتو مشهورين
انا بكل استهبال اقول
ولكي تحضي بشرف صداقة المشهوره نوف عيديلي الاختبار وسهلي الاسئله لان ماعندي كتاب اكلناه يوم جعنا بالبر
البنات ارتفع صوتهم وهم يضحكون والشر خرج من عيون الاستاذة يمه يمه قل اعوذ برب الناس
صبى تقرصني وتكلمني بصوت خافت ما لقيتي الا هذي النفسيه تطقطقين عليها
قالت اختبارك الاربعاء القادم ياست نوف
وخرجت وسكَّرت الباب والكل يصرخ ونااااسه مافيه درس اليوم
رجعت البيت مامه تكلمني بشري نوفي اختبرتي
لا مامه يوم الاربعاء قالتلي
لا تنامين لين تتغدين حبيبي
شبعانه مامه توني اكلتبالمدرسة خليه العصر
دخلت غرفتي قلبي يوجعني تفكيري بسعود يزيد كل ساعه ابي اكلمه ابي اسمع صوته
تذكرت الشال الي اعطاني اياه فرصه فرصتي اتعذر بالشال واسمع صوته
طلعت جوالي وكان برج العرب نوكيا كان هديه من عبدالله زوج ندى يوم نجحت الترم الاول بثالث متوسط
اخذت الرقم الي خبيته بدرج الكتب
اتصلت رِن لين قفل بس للأسف مارد
نمت وبعد ساعة جوالي يرن

*وقفه*
في الصاله
أبويه يكلم امي كلمت محامي ويقول لازم نثبت ان ماهر هو الي ورط محمد بالقضيه ولو أثبتنا هذا الشي بتنتهي قضية محمد
نايف يقول وكيف نقدر نثبتها ياابويه
بابه والله مدري ياولدي
نواف يقول عندي خطه لو ضبطت بنثبت عليه التهمه
أبويه قولها وحاول تختصرهذرتك وأجده مثل امك
مامه تقول خير ياعلي وشفيك قالب عليه
الكل يضحك على هواشهم الي ما ينتهي لأكن حبهم لبعض حب جنوني

*وقفه*
ايه انتظر لحظة لقانا وحنيت
مليت وانا اعانق بعيني طيوفك

نوف الأسمري ©؛°¨غرامي جديد¨°؛©

.. من غرفتي..
الوه صوتي يرجف وحروفي متقطعه ا ل و ه
هلا اختي من معي
ومن قوت الربكه بغيت اقول انت اخويه سعود
قلت انا سعود اخوك ههههههه
نعم وش تخربطين انتي جلست واخذت نفس اححححم
سعود اخوي انا اسفه تاخرت عليك بالشال والله انشغلت و و و
وبديت اسردلها حكي ورى بعض من قوة الربكه
قاطعني بضحكه وقال شوي شوي عليه فهميني وفجاءه وخلال ثواني رفع صوته وهويرحب ويهلي
وكانه عطشان لقاله من يسقيه
انتي نوووف انتي نوووووف واخيراً اتصلتي
وانا جلست ارجف وبكل هباله مدري وش اقول قلتله ادري تنتظر اتصالي لاني تاخرت عليك بشالك انا اسفه
قاطعني وقال لا تاخرتي على قلبي الي خفقلك وبتصرف طفولي قفلت الجوال نهائياً وخبيته بالكوميدينه وعظامي ترجف وقلبي يخفق احس برد وحر بنفس الوقت وماكنت ابي لحظتها الا صبى
ابي اسولفلها وتضمني امكن اهدا شوي
.. من الصاله..
تكلم نواف وش الخطه
بتكلم ياابويه بس بعد ماتعلمني القصه بالتفصيل
بابه ينادي امي سويلنا براد شاهي وجيبه يانواف وتعالني غرفة التلفزيون
نواف يمازح بابه شف ياابو محمد بما اني انا المخطط وصاحب الافكار الجهنميه
فالمفروض انا الي اروح اجلس وانت الي تجيب الشاهي
بابه بدون شعور يرجم نواف بعلبة المويه ونايف مااات من الضحك على وجه نواف
.. من بيت ندى..
ماادري ياابو سامي انا محتاره مثلك وخايفه على نفسيتها
عبدالله محتار ياندى والله لويصير لها شي عهد عليه اقتل نفسي
ندى بصوت عالي استغفر ربك ياعبدالله ترى كل كلمه تنطقها محسوبه ومكتوبه في كتاب اعمالك
عبدالله بصوت مخنوق استغفرالله استغفرالله

*وقفه*
بين رمال الصحراء دفنت حلمي هناك حيث لااحد يستطيع الوصول اليه الا رب السماء

.. من غرفة التلفزيون..
السالفه يانواف اخوك محمد مثل ماانت عارف انه ضابط وعنده افراد كثيرين لازم يشد عليهم ويعاملهم بقسوه بحكم النظام العسكري
وفيه واحد منهم قرر يبعده للابد فا اتفق مع احد الطباخين في الميز اردني الجنسيه
واعطاه كمية هروين وحطها بمكتبه وبلغو عليه
ولحسن الحظ سمعهم عامل بنقالي اسمه امين وعلم عليهم لاكن رفضو الشرطه اقواله لان مامعه دليل .
نواف يقول اسمع خطتي ياالذيب
نجيب مسجل للتلفون الثابت وبكلم ماهر وبجيبلك اقواله بس انت ادعلي تضبط ومايكشفنا
بابه يتنهد ويقول يارب يارب
.. بعد شهر..
سعود يتصل بستمرار وماعاد رديت وصبى تصر عليه كل يوم ارد
بدات الاختبارات النهائيه  ويوم الجمعه رديت على سعود
هلا نوف
هلا سعود
اخيراً رديتي
رديت عشان اقولك شفني بعلق الشال على الشجره الي عند مدرستنا واسم مدرستي 537 المتوسطه تقدر تجي تاخذه اذ تبي
سعود بضحكه عاااااليه وبدا يتغزل باخذه باخذه بس بشرط تعطرينه بعطرك
انا ابلع ريقي وطفيت المكيف يمممه ثلجت اطرافي وبعد صمت استمر 5 دقائق قلت طيب بحروف متقطعه
وفعلاً رحت لنواف وكلمته تكفى يانوافي ياحبيب اختك ابي صندوق هدايا بكره لازم نسوي عمل للمدرسه وعليه 5 درجات ابيك تجيب لنوفتك صندوق صغييير وجميل بجمال عيونك
نواف بدون مايتكلم اشرعلى عيونه الثنتين
يعني من عيوني
انا بوسته بخدوده وقلت احبك يااجمل نواف بالدنيا .
نواف جهز المسجل واتصل بماهر بعد ماجاب رقمه من العامل البنقالي ورن جوال ماهر
ورد الوه الوه اخ ماهر كيف حالك
ماهر انا بخير من معي وشو بدك
ابي اكلمك بموضوع اخ ماهر بس خايف
تفضل مين حضرتك
انا رسلني عليك عامر ابويعقوب
ماهر ياهلا وسهلا خدامين لكل الي يجينا من طرف عامر
نواف انا اسمي ماجد وعامر يقول انك ذكي ويدك خفيفه وانه وكلك قبل فتره تحط مخدرات بمكتب ضابط اسمه محمد وانك حطيتها بكل ذكاء ومحد حس فيك
وانا ابيك تحط نفس الشي بسيارة صديقي وابشر باضعاف الي اعطاك عامر
هاااه وششش قلت
ماهر سكت شوي وقال بس بتكلفك كتير لان شغلة السياره كتير صعبه مش مثل المكتب
غمض نواف بقوووه وتمتم الحمدلله ياربي
وقال ابشر بالي تبي وبلي يبرد القلب وكان في قلبه يقصد السجن
رد ماهر ابشر ياماجد مثل مابدك بيصير .
ركض نواف لبابه وسلمه الشريط والكل يصيح ويصفق وامي تزغرد والكل يشكر الله وحده ثم نايف
وبابه راح لمحامي واعطاه الشريط
في الليل جابلي نواف علبه حمراء اطرافها مخمل اسود عطرت الشال بعطري وحطيت باقي العطر مع الشال بالصندوق وربطتها بشريطه  وحطيتها بشنطتي
حطيتها عند شجرة المدرسه ونغمت لسعود وجاء ياخذها
لما تاكدت انه اخذها كتبتله رساله نصيه كتبت ..كل الحكايه اشتقتلك..
ورجعت جوالي بجيبي ويدي على قلبي اخاف يفتشون ويلاقونه معي الإداره .

*وقفه*
ايه احبك حب قيس ابن الملوح
العب بقلبي مثل ما انت تريد

بعد مرور شهر احداث كثيره تغيرت
نجح نواف وتخرج وقرر يقدم على العسكريه
نجحت انا ودخلت الثانويه
نجح سامي ودخل ثاني متوسط
نجحت لولي ودخلت سادس
خرج محمد من السجن ببراءه بعد اعتراف ماهر
انسجنو ماهر وعامر
انا تعودت على وجود سعود جنبي اكلمه كل يوم ومكالماتنا لاتقل عن 3 ساعات
وعبدالله محتفل بنجاح دلوعته ورد
ورد الي صارتله كل دنيته وفرحته ورد الي مجننه عقله
سامي يكلم ابوه
بابه انت تحب ورد اكثر مني قاطعهم صوت ندى خلك منهم سمسم حبيبي انا احبك اكثر من ورد وبابه
ورد ترد بكل دلع حبو بعضكم مثل ماتبون اهم شي انا وبابه نحب بعض صح ياابو ورد
صح ياحياة ابو ورد انتي ويضمها وبين كل نبضه من نبضاته خوف لايعلم به الا خالق تلك النبضات .

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1