المجد 7 ©؛°¨غرامي مشارك¨°؛©

رجعت عبير في حضن جدتها لكنها لم تتكلم
وبعد فترة قصيرة
قامت عبير وتسلم على البنات والحريم
وتجلس على أحدى الكراسي
ويخرج الشباب للأستراحة
ويتفق الجميع على أن يوسف يرجع الحريم إلى منازلهم
أم عبير : رفضت
يوسف : الله يهديك ياخالة مابتركبين في سيارتي
أم عبير : أولا السائق موجود
ثانيا الله يعينك على الجيش اللي معك
يوسف :يضحك في هذه صدقتي
*********
في سيارة يوسف
العمة شريفة : تركب بجانب ابنهايوسف
(وهذه من عادات الأحترام )
وداد: تضرب جسار كف
جسار يبكي بقوة
يوسف : يوقف السيارة على جنب
وداد : تبرر ( كب الحليب على العباية حقتي )
يوسف : يطالع مكان مقعدها
يعني عمره سته أشهر يعرف الخطأ من الصح علشان ينضرب
أم وداد: الله يهديك ياوداد
العمة شريفة : تمد يدها وتأخذ جسار
يوسف : يأخذه مِن يد أمه ويحاول يصكته
أم وداد : عطه أمك أو هاته عندي نصكته وكمل طريقك
يوسف : والله ما أكمل الطريق والشيخ جسار يبكي
أحلام : (يارب أرزقني بالذرية وأشوف طلال مثل يوسف )
في نفسها وتمسح دمعه نزلت غصب
بعد خمس دقائق صكت جسار
وكمل يوسف الطريق
ليان : تهمس لوداد ( وداد ياويلك شكله مولع )
العمة شريفة : تحضن جسار
( اللي أخذ بياض أبوه والشعر ناعم وكثيف من أمه )
وتمسح خده اللي مورم من الكف
***********
وأنتهت الليلة بزعل وداد ويوسف
كالعادة ماتخلو الحياة من غير مشاكل
في بيت الجد منصور يوم الجمعة
تخرج الجدة عائدة بيتها الساعة عشرة صبح
مع ممرضة خاصة بالعائلة
وتعليمات الدكتور
بعد الظهر
الجد منصور : يكلم محمد ولده ، أنت َ كلمت عبير وأمها
أبو مشاري : أكيد بنفسي
الجد منصور : أجل كلم أم عبير وعطني الجوال
******
في بيت العم عبدالله
مشاري : يالله ياعبير قدامي
عبير : والله مالي نفس يامشاري
بيت جدي مات الغالي وأنجرحت
ليه ماتقدر وضعي
مشاري : أبوه مؤمن بالله ، وما ترك بيته ولا فكر مثلك
وأنتِ تعرفين جدي منصور
أم عبير : ترد على الجوال
هلا بالغالي عمي
لا مانسينا مسافة الطريق ، مشاري عندنا
طيب مع السلامة
ام عبير : وأول مرة تصرخ على عبير
كفاية تعذبين عبدالله ، اللي يحب يتصدق ويدعو له
وأنتِ عارفة عبدالله مايرضى زعل أبوه
عبير : تأثرت من كلام أمها
أسفة ياماما وأنا على أمرك
مشاري:يحاول يلطف الجو
بنات مايجون ألا بالعين الحارة
الله يعينك يافيصل على مابلاك ربك
أنا سارة ماتحملت دلعها
أحيانا أفكر أتزوج عليها والسبب الدلع
عبير : تضحك زواج مرة وحده علشان الدلع
مشاري : يضحك معها أجل لا تشم سارة خبر
وأنتِ تعرفين الدكتورة سارة ماترحم
**********
مرت يوم الجمعة
كعادتها وناسة أقارب ومواقف شباب
لكن أحداث القصة شارفت على النهاية

أحلام وطلال : حب وغرام لكن لم يكتب الله لهم بالذرية
ما كل شيء يكمل الكمال لله

يوسف ووداد : مد وجزر
بس جمعهم جسار واللي في الطريق (وداد حامل في الشهر الأول )
يوسف كان وده الموضوع يتأجل شويه
وبسبب أهمال وداد للموانع حملت
يوسف بعد الثاني أنا بصير أكثر مراقبة لك
الدراسة لازم تكملين مهما كلفنا الأمر
وداد خايفة بس من الولادة
هذا الشيء الوحيد اللي تفكر فيه حاليا


مشاري وسارة : سارة تحاول تمتص غضب وغيرت مشاري
وتغرقه بالرومانسية و تحاول توازن بين العمل والبيت
ومشاري يحب محمد ولده
وكل شيء جابه لمحمد وهو عمره ثلاثة أشهر فقط
وهذا الحال مايعجب أبومشاري
في نظره ( الدلع يخرب )
لازم الموازنة في كل شيء



إيمان وعبدالعزيز عصافير الحب
داليا كبرت وبتدخل السنة القادمة المدرسة
وهم ينتظرون المولود القادم بعد سبعة أشهر


فيصل وعبير
الزواج بعد ماتخلص ثالث ثانوي عبير
وحاليا يعيشون فترة الخطوبة
فيصل يوصل عبير المدرسة كل يوم
ويرجع للجامعة أو العمل
عبير كل يوم تسمع مدح صديقاتها في جمال فيصل وتغار
تدخل عبير السيارة في قمة الغضب
عبير : ليش كل يوم لازم تأخذني من المدرسة
وتلصق السيارة جنب باب المدرسة
علشان تشوف البنات
فيصل : يحب غيرت عبير اللي تزيد مع الأيام
ويحاول يزيدها ويرد كعادته اليومية
لازم أقرب السيارة علشان ماتغلطين وتركبين سيارة ثانية وأذبحك
عبير : ليش شايفني عمياء أو غبية
أنا حافظة حتى رقم اللوحة بعد فماله داعي حركاتك
اللي فاهمتها
فيصل : يضحك كعادته والله نيتي سليمة
بس أنتِ أفكارك سئية
أحيانا يتغدون مع بعض ( في مطعم أو عند أم فيصل أو عند أم عبير )
وأحيانا من التعب بس يحطها عند الباب ويروح


حنان ومنصور
الزواج ماتحدد بسبب ظروف طارئة
منصور دخل دورة عسكرية لوظيفة في المباحث
ترك الدراسة لانه فاشل تعليميا وأختصر الطريق

الجد منصور : مبسوط من العائلة
وخاصة من وضع عبير وفيصل
لكن ينقصه يشوف عيال طلال
والله يستر من تفكير الجد مستقبلا

لكن لكل بداية نهاية
نهاية البارررررررت ونهاية الرواية

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1