منتديات غرام روايات غرام أرشيف الروايات المغلقة - لعدم إكتمالها روايه:تكفين لا تعذبيني بغرورك لا تعذبيني بدلعك تكفين حبيني مثل ما أحبك و أكثر/بقلمي
Larin ©؛°¨غرامي جديد¨°؛©

عبدالعزيز و اهو داخل البيت:يبه يمه باركو لي
ام محمد:هلا بوليدي الحمدالله ع السلامه مبروك يا وليدي بس على وش
عبدالعزيز:انا تزوجت و ذي زوجتي ناديه
ابو محمد:شنوو انا وديتك برا عشان تدرس لو تتزوج يلا طلقها
عبدالعزيز:بس يبه انا احب ناديه و اهي بعد تحبني
ابو محمد:دامك مابتطلقها يلا اطلع من بيتي ولا انت ولدي و لا انا ابوك
عبدالعزيز:بس يبه
ابو محمد:قلت لك لا انا ابوك ولا انت ولدي
و طلع عبدالعزيز و زوجته من البيت و حجزو لهم ع اول طياره لفرنسا
ام محمد:ليه سويت كذا صدقني بعديم بتندم و راحت و خلته


بعد 25 سنه
يوم الخميس
في قصر عبدالعزيز الــ......

ريم و اهي تنزل من الدرج:بابا
ابو نايف(عبدالعزيز):امري ياعيون ابوك
ريم:شرايك نروح تركيا
فهد:تو كنت بقول الى ابوي الا انتي جيتي وقلتي له وحشوني مراد و راشد
نواف:والله فكره يلا قومو نجهز اغراضنا
نايف:هييي شفيك انت ابوي للحين ماقال بنروح او لا
ام نايف(ناديه):لا دام ان الريم هي الي قايله معناته الشي بيصير
فهد:اي والله ابي اعرف يبه ليه تدلعها اكثر مني مع ان احنا تؤام
ريم:بكل بساطه لان انا بنت و انت ولد و بما اني بنت اكيد بابا بيدلعني اكثر منكم كلكم
ابو نايف(عبدالعزيز):يلا قومو جهزو اغراضكم و انا بقول الى ابو عبدالله يحجز لنا ع تركيا
ريم واهي تبوس راس ابوها:الله يخليك لنا ولا يحرمنا منك يبوي
الكل:آميييييين
نواف:يلا يلا كل واحد على غرفته يجهز اغراضه<<<ستووب بالاول نعرفكم عليهم>>>
ابو نايف(عبدالعزيز):عمره 46سنه عنده شركات بالمملكه و خارج المملكه و عنده شاليهات بجده و بالكويت و بدبي و مزارع بالرياض وجدة ويحب عياله كلهم و اكثر شيء يحب ريم لان ماعنده بنت الا هي طيب و حنون و يحب يمزح عنده 2 اخوان و اخت وحده

ام نايف(ناديه):اصل امها من فرنسا بس ابوها من السعوديه عمرها 44سنه طيبه و حنونه اهم شيء عندها عيالها تحبهم كلهم عندها نفس المعزه مافي احد اغلى من احد عندها كلهم نفس بعض

نايف:الابن الاكبر مزيوووون بالمره خلص جامعه و يدير مع ابوه شركاتهم عمره 24 يحب ريما و يخاف عليها و دايم يروح مزرعتهم يلي قريب الرياض عشان يركب الخيل
وصف له:ابيض وفيه شوي سماره و شعره طويل لرقبته لونه اسود عيونه ناعسه و لونها ازرق بحري طويل و عريض من عند الكتوف وفيه عضلات

نواف :مزيووووون بشرته حنطيه و شعره طويل نفس شعر نايف لونه اشقر غامق عيونه وسط و لونها عسلي طويل و عريض من عند الكتوف يدرس اخر سنه جامعه إدارة اعمال عمره 23

ريم:جمممممميله و تخرفنننن بمعنى الكلمه بيضا و فيها غمازات شعرها اشقر و مايل للبني و طويل لين تحت خصرها عيونها واسعه ولونها ازرق بحري و نحيفه بس جسسمها حلو وفيها شوي غرور بس مو على الكل على اشخاص محددين و عنيييييده بشكل مو طبيعي و فيها دلع تحب تتهاوش مع تؤامها فهد طبعاً لان اهي اكبر منه بـخمس دقايق و تحب تقول كل شي لنايف لان اهو الي يفهمها بدون ماتتكلم و تحب القطط(البسس)و تحب تركب الخيل عمرها 21و صديقاتها الروح بالروح البندري و فاطمه متزوجات باقي لها سنه و تخلص الجامعه تخصص هندسه ديكور

فهد:يشبه لريم بس عيونه لونها عسلي فاتح و يحب نفس الاشياء الي تحبها ريم بس الفرق انه ولد و ريم بنت والي يشوفه مع ريم يعرف انهم تؤام عمره21مرجوج باقي له سنه ويخلص الجامعه تخصص هندسه معماريه

........................
في ڤيلة ابو محمد الـ......
في مجلس الرجال

راكان:اقول شباب
الشباب:خييير
راكان:شرايكم نروح تركيا
سعود:اي والله جبتها يلا نحجز لنا
راكان:لحظه نشوف اول....خلصو مين بيروح معنا
الشباب:كلنا
راكان:يلا نحجز يبي لنا طياره كامله الحين
ابو محمد:اي وانت الصادق يبي لكم طياره كامله
فارس:اقول جدي وراه ماتاخذ جدتي ام محمد و تروحون معانا شهر عسل من جديد
بدر:اي والله جدي ليه ماتاخذ جدتي و تروح شهر عسل من جديد
ابو محمد واهو يرمي عليهم علبة الكلينكس(مناديل):يا قليلين الحيا الشرهه مو عليكم الشرهه علي انا الي مدخلكم المجلس يلا قومو برا
قامو الشباب و طلعو برا
بدر:اقول يلا احجزو لنا عشان نعرف نرتب اغراضنا متى
راكان:طيب..............
راكان:حجزت بكرا الصباح الساعه 10
سعود:زين يلا نروح ندخل نسلم ع جدتي وبعده نروح نجهز اغراضنا
في مجلس الحريم
ام محمد:اقول رنا شخبارك مع زوجك و انتي بعد يارغد
رنا:بخير الحمدالله
رغد:الحمدالله بخير
ام محمد:اقول يحصه تعالي معي شوي
العمه حصه:زين يمه
في غرفة ام محمد
ام محمد:مالقيتي شي يبنيتي
العمه حصه:لا والله يمه مالقيت
ام محمد:يالله انك تسامح ابو محمد لما تبرا من ولده
العمه حصه:خلاص يمه الي فات فات
ام محمد:بس انا محترق قلبي على وليدي مادري هو حي ولا ميت
العمه حصه:خلاص اهدي يا يمه خلينا ننزل تحت
نزلو تحت و دخلو الشباب
راكان وهو يبوس راس جدته:جدتي بكرا انا مسافر الصباح الساعه 10
ام محمد:بالسلامة يوليدي وين بتروح
راكان:بنروح تركيا يعني نغير جو وكذا
ام محمد:تروح وترجع بالسلامة
فارس واهو يبوس راسها:بس لراكان"واهو يأشر عليه و على الشباب"و احنا مالينا شي اولاد البطه السوده
ام محمد:كلكم تروحو و ترجعو بالسلامة ها كذا زين
سعود:اي كذا زين
بدر:يلا عن اذنكم بنروح نجهز اغراضنا
ام محمد:بالسلامة انتبهو لنفسكم <<<تعريف للجد و الجده>>>

الجد ابو محمد(سعود):عمره 70سنه بس قوي وعنده خير كثيير ساكن بالرياض و عنده 3 اولاد بس تبرا من واحد منهم لانه تزوج وحده اصل امها فرنسي(عبدالعزيز) و بنتين

الجده ام محمد(ساميه):عمرها 67سنه طيوبه و حبوبه ماتهمها الفلوس اهم شي عندها اولادها وتتمنى لو تشوف ولدها(عبدالعزيز)
......................
في قصر ابو نايف(عبدالعزيز) الـ.....
الساعه 9 بالليل

ريم:ها بابا حجزت لنا
ابو نايف(عبدالعزيز):اي بكرا الساعه 10 الصباح
ريم:زين انا جهزت اغراضي باقي بس انام عشان اصحى الصباح بكير "و قامت و باست راس ابوها و امها"يلا تصبحو ع خير
ام نايف:وانتي من اهله تغطي زين
ريم واهي تصعد الدرج:ان شاءالله ماما

من بكرا الساعه 8 ونص الصباح صحت ريم و دخلت الحمام(الله يكرمكم) وتروشت و طلعت و لبست لها افرول جينز قصير لين نص الفخذ و شوز ابيض(الله يكرمكم) و ربطت شعرها ذيل حصان و نزلت تحت


ريم:صباح الخير يا احلى ام في الدنيا
ام نايف:صباح النور ها يمه جهزتي اغراضك
ريم:اي ماما جهزتهم
ام نايف:زين يلا لبسي عباتك عشان بنروح المطار الحين
ريم:زين...مايا مااايا"تنادي خدامتها الشخصيه"
مايا:امريني
ريم:هاتي عباتي و شنطتي البيضاء من ديور
مايا:حاظر
لبست ريم عباتها و حطت الطرحه على راسها و ركبو السياره وصلو للمطار وصلو المطار كانت الساعه 9:20 ونزلو من السياره
................
عند الشباب وصلو المطار الساعه 9:20 ونزلو من السياره و تهم متوجهين عند البوابه صادفو ابو نايف و عائلته بس ماكانو يطالعو فيهم
................
داخل المطار كان واقف نايف و وراه راكان عشان يخلصو الاجراءات و يروحو لقاعة الانتظار
خلص نايف الاجراءات و راحو لقاعة انتظار الطياره
ابو نايف:باقي عشر دقايق و يفتح باب الطياره
ريم:ياااااي متحمسه حدي
نواف:الي يسمعك يقول اول مرا تروحي تركيا
قاطعه نداء الطياره و راحو طبعاً اهم مايركبو الا درجة رجال الاعمال عشان كذا تجي سياره و تاخذهم و يركبو الطياره
ركبو الطياره كانت ريم جالسه عند النافذه (الدريشه)و بجنبها المقعد فاضي صاحبه لسى ماجا شوي الا واهو جاي
........:عفواً اختي ممكن اجلس هنا لان مقعدي
ريم بغرور:ممكن حظرتك تجلس في ذا المقعد لاني احب اكون عند النافذه(الدريشه)هذا اولاً ثانياً ماتناديني اختي تناديني آنسه
(ملاحظه:راح اكتب الكلام الي بالانقلش على طول بالعربي)
المضيفه:لو سمحت ممكن تجلس لان الطائره بتقلع
راكان:طيب و جلس و حط الحزام عليه و معصب من ريم
اما ريم كانت جالسه و حطت الحزام عليها و شالت الطرحه حطتها ع كتوفها وكان وراها نايف و نواف و في الوسط فهد و ام نايف و ابو نايف و قدامهم سعود و بدر و فارس
سعود يهمس لبدر و فارس:شوف شكله يضحك و اهو معصب
بدر بضحكه:طاح له على وحده مغروره مثله
فارس و سعود:ههههههههههه
استقرت الطائره في الجو و فكت الحزام و قامت من مكانها لقت راكان ممدد رجوله و ماتقدر تطلع
ريم:هييي انت شيل رجلك بطلع
راكان كان حاط سماعات و مايسمعها
ريم شالت السماعات بغرور:هيي انت اكلمك شيل رجلك
راكان:خير بأمر مين تشيلي السماعات
ريم بغرور و دلع:مافي داعي احد يأمرني
راكان قام بغرور:عدلي اسلوبك واعرفي مين تكلمي
ريم بغرور:انت الي اعرف مين تكلم
راكان بسخريه:الاميره اليزابيث
ريم بغرور:ماراح ارد عليك و دفته من قدامها و راحت الحمام عشان تفصخ عباتها و تعدل شكلها و رجعت لقته ممدد رجوله مرا ثانيه
ريم:شيل رجلك
راكان واهو يشيل رجله:لاحول والله ابتلشت.....ما كمل كلمته لانه ناظرها و شاف قدامه ملاك راحت ريم مكانها و جلست واهو للحين يناظر في وجهه
ريم:خييير مضيع شي ولقيته في وجهي!!
راكان انتبه على نفسه:لا
اعلن الطيار ان باقي عشر دقايق و تهبط الطياره
بعد ماهبطت الطياره طلعت ريم و راكان حالته حاله
داخل المطار
سعود:شوف شوف كيف صار بس والله ما الومه ملاك
راكان:مين الملاك
فارس:الي كانت جنبك
راكان:اهي ملاك بس مغروره و دلوعه مادري ليه حزنت لما طلعت يمكن لاني ماراح اشوفها مرا ثانيه
بدر:يمكن
سعود:شوفو شوفو مين هناك
لف راكان ولقى ريم و كانت واقفه مع اهلها كانو قريبين من الشباب
راكان:ذي اهي تصدقو اني ما اعرف اسمها ولا اهي تعرف اسمي
فارس:مالاحظتو شي
الشباب:ايش
فارس:ان في واحد يشبهه حييييييل اتوقع اخوها
عند ريم كانت واقفه و تسولف مع اهلها
نايف:الا اقول ريم مين ذا الي تسولفين معه
ريم:وععع لاتحيب طاريه مغرور و شايف نفسه ع مادري ايش(طبعاً اهي ما طالعت فيه)
فهد:حرام عليك شوفيه مزيوووون والله لو انه بنت رحت تزوجتها
الكل:ههههههههههههه
نواف:شوفيه جاي
ريم:ينقلع
راكان:عفواً اختي اقصد انسه مين الي ينقلع
ريم بغرور:يعني مين غيرك
راكان:الشرهه علي انا الي جاي اسلم عليك واتحمد لكم بالسلامة
ريم بغرور:بصفتك شنو
راكان:ياصبر ايوب
ام نايف:هههههه ماعليك منها ياوليدي اهي دايم كذا
لف راكان بيسلم على ابو نايف بس انصدم لما شافه:ع..عمي عبدالعزيز
ابو نايف:انت تعرفني
راكان:انا راكان ولد محمد الـ..... يكون اخوك وانا ولد اخوك
ابو نايف على طول حضن ولد اخوه و راكان نادى الشباب عشان يسلمون عليه
اما ريم كانت حدها معصبه و لما عرفت انه ولد عمها عصبت اكثر
ريم:بابا يلا نمشي انا تعبانه
ابو نايف:على امرك يلا امشو
ريم في نفسها:اوووف الحين بيخليهم بابا يسكنو معانا في الڤيله
وصلو لڤيلتهم الي هناك و صعدو الى غرفهم
كانت الساعه 2 ونص طبعاً مافي فرق توقيت
نامو كلهم و ماصحو الا الساعه 9 بالليل و صلو المغرب و العشا
كانت ريم لابسه فستان لين الركبه لونه وردي و كعب عالي وردي و تركت شعرها مفتوح وحطت لها ميكاب حلو و ناعم و خفيف واخذت شنطتها من ديور لونها وردي و طلعت و كان بنفس الوقت طالع راكان

راكان:على وين يابنت عمي
ريم:مالك دخل وين بروح
جت بتمشي بس راكان كان اسرع منها و مسك يدها
راكان:وين بتروحي
ريم:بروح اقابل حبيبي ارتحت
راكان:ايش!وعمي يدري عن حبيبك ذا!
ريم:اي اكيد يعرف و الحين عن اذنك حبيبي ينتظرني تحت
راكان:طيب وحنا كمان نازلين
ريم:طيب
و ركبو في الاصنصير(المصعد)و نزلو تحت و اول ما فتح باب المصعد طلعت ريم و راحت و ضمت حبيبها و اهو كمان ضمها و رفعها و صار يدور فيها
اما عن راكان فكان الدم يغلي في عروقه خاطره يروح يقتل حبيبها
سعود:والله مو هينه بنت عمي
بدر:راحت عليك ياركوون البنت شكلها تحب
راكان:اطلع من راسي احسن لك مالي خلقك
طلعت ريم و كانت شابكه يدها بيد حبيبها
فارس:والله مزيون طلع
راكان:ممكن تبطلو تحكو عنه ولا تجيبو سيرته قدامي لاني بروح اقتله اذا شفته مرا ثانيه معاها
بدر يهمس لفارس:اخووك طلع عاااشق و يغاار بعد
(والحين بوصف لكم حبيب ريم)
(مراد: بشرته بيضا و شعره اشقر و عيونه خضرا و جسمه رياضي و فيه وشم في كتفه عمره 25 يعرف يتكلم عربي عدل)
عند ريم و حبيبها كانو رايحين مطعم يتعشو
ريم و اهي تحضن مراد:حبيبي يسسلمو ع الشعاء
مراد:ولو معقوله اختي تجي تركيا و ما اخذها اعشيها من اول ليله
ريم:ليه ماترجع معانا السعوديه
مراد:لا خليني هنا عند خوالي احسن
ريم:على فكره ترا امي دايم تقول ليته يرجع معانا
مراد:جد تقول كذا فديتها
ريم:يلا قوم نروح الڤيله
وصلو الڤيله و في نفس الوقت وصلو الشباب
(ملاحظه:راح اكتب الكلام التركي على طول بالعربي العامي)
ريم بغرور:حبيبي تعال اعرفك ع اولاد عماني
مراد:طيب و مشى مع ريم
ريم و اهي تأشر:ذا راكان و ذا سعود و ذا بدر اخ سعود و ذا فارس اخ راكان"لفت على الشباب وتكلمهم بالعربي"ذا حبيبي مراد
راكان دمه صار يغلي لما شافهم مع بعض بس قطع عليهم صوت عمه
ابو نايف:مراد وراح له يضمه
ام نايف:مراد قرب لعندي اشوف و قرب مراد لعندها و ضمته
طبعاً هنا راكان و باقي الشباب مو فاهمين السالفه
ابو نايف:علامكم كذا واقفين برا تعالو دخلو داخل
و دخلو داخل وجلسو ع طاوله
ترتيبهم:ابو نايف في بداية الطاوله او رأس الطاوله و مراد و ريم و ام نايف و نايف و نواف و قبالهم بدر و فارس و راكان و سعود و فهد
ابو نايف و اهو يأشر على مراد:ذا بحسبة ولد لي انا ربيته و كبرته من 24 سنه ابوه كان صديق لي كان ابوه مساعدي الخاص الي استشيره في كل صغيره و كبيره بعد ماتوفى ابوه و ربيته كأنه واحد من عيالي وام نايف بعد رضعته بس لما كبر صار عايش مع خواله ولا يجي السعوديه كثير لكن احنا نجي لي تركيا لانه عايش مع خواله مو راضي يرجع بلده
مراد:بس انا قررت اني ارجع السعوديه مايهون علي زعل الريم
ريم صرخت و قاامت حضنت مراد:يسسس كنت متأكده انك راح توافق ترجع معانا للسعوديه لو ادري كان من زماان قلت لك اني راح ازعل ولا راح اجي لك
مراد:هونك شوي شوي بس انا عندي شرط
ابو نايف:قول ياوليدي
مراد:كل مابين فتره و فتره اجي لتركيا ازور خوالي و جدتي
ابو نايف:اي هذا من حقك و من حقهم ولا راح نمنعك بس انا عندي شرط بـ6ـّد انك تسكن معي في القصر ولك جناحك الخاص
مراد:حاظر ولا يهمك"وقام و اهو يبوس راس ابو نايف"
راكان:بس لحظه لحظه يعني الحين مراد مو حبيب ريم و يصير اخوها بما ان زوجتك ياعمي رضعته صح
ابو نايف:حبيبها!!
مراد و ريم و نايف و نواف و فهد:هههههههههههههههههه
ابو نايف:علامكم تضحكون ضحكونا معاكم
مراد:ريم قايله لهم اني حبيبها
ابو نايف:اي دايم اذا احد سألها تقول حبيبي اقول يلا قومو كل واحد ع غرفته ينام
بعد مرور اسبوعين و اهم في تركيا الكل كان مبسوط
طبعاً في الاسبوعين ذول راكان و ريم كانو شوي ويتقاتلون(يتكافخون)
في المطار راجعين من تركيا الى السعوديه الساعه12 الظهر
ريم في نفسها:اووووف راكان مغرور عكس اخوه<<طالع عليك😂
مراد:هيي ريم ريم وين سرحتي
ريم:ها معك معك
مراد:واضح انك معي
ام نايف:صحيح جبتي معك عباتك
ريم:اي
ام نايف:شوفي تأكدي
ريم فتحت شنطتها ولقت فيها العباه:موجوده
نادو الى الطياره و راحو ركبو ريم طبعاً عند النافذه و المقعد الي جنبها كان راكان حاول يغير مكانه مع اي احد من اولاد عمه بس مو راضيين و جلس بجنبها و قدامهم مراد و نايف و وراهم فهد و فارس
و في الوسط سعود و بدر و قدامهم ابو نايف و ام نايف
ركبو الطياره و اقلعت الطياره و لما استقرت بالجو بدو ريم و راكان يتهاوشون<<توم و جيري😂😂
ريم:راكان راكان
راكان:خير شتبي
ريم:بعد رجلك بقوم اجيب شنطتي بطلع منها رواية
راكان:والله متفرغه ماراح ابعد رجلي
ريم:عسى رجلك الكسر قول امين
طبعاً العائله كانت تطالع فيهم و اهم يتهاوشو و كانو بيفطسو ضحك
راكان:تدعين ع رجلي بالكسر هاا
ريم بغرور:اي ادعي عليها بالكسر عادي بتروح المستشفى وبيحطو عليها جبيره(الجبس)و شهر شهرين و تطيب
راكان:ابي اعرف انتي طالعه مغروره و دلوعه ع مين
ريم:عليك والحين يلا بعد
راكان:زين و بعد رجله و بعدين مدها و ريم ماتدري انه مدها و رجعت بتدخل بعد ما اخذت الروايه و ما انتبهت لرجل راكان الممدوده و تطيح في حضن راكان
قامت ريم من حضن راكان:ليه مديت رجلك و انا بعدي ما دخلت
راكان:والله عاد انتي ما انتبهتي شسوي لك
جت المضيفه(بكتب الكلام ع طول بالعربي)
المضيفه:ارجو منكم الهدوء انتم تزعجون الركاب
ريم و راكان:حسناً
و راحت المضيفه و ريم جلست في مقعدها و تقرا روايه حمراء كالدم<<انصحكم تقرونها مرا مرا جميله
بعد ثلاث ساعات و صلو الى مطار الرياض و لبست ريم عباتها و حطت الطرحه عليها و نزلت من الطياره و خلصو اخذو الشنط و كل شي و كذا و طلعو برا كان ابو عبدالله باستقبالهم
راكان و اهو يبوس راس عمه:ياليت تجي تزورنا ياعمي ترا جدي
قاطعه ابو نايف:يلا عن اذنكم ان شاءالله بينا تواصل و اذا احتجتو اي شي انا موجود
بدر:ان شاءالله و ركبو سيارتهم و راحو لڤيله جدهم
اول مادخلو المجلس صرخ فارس
فارس واهو يصرخ:تخيلو مين شفنا في مطار تركيا بما وصلنا هناك
راكان:ماشفنا احد
ابو راكان:مين شفتو
بدر:ماشفنا احد
ابو محمد بدا يعصب:مين شفتو ياوليدي تكلم ماعليك منهم
فارس بسرعه:شفنا عمي عبدالعزيز مع اولاده و زوجته
ابو محمد:عبدالعزيز ولدي وينه ليه ماجا معكم ليه خليتوه يروح كان اخذتو عنوان بيته او رقمه او اي شي كان سألتوه محتاج شي او شي
سعود:لا تطمن جدي مو محتاج شي و حتى عنده خير اكثر من خيرنا اللهم زد و بارك و رقمه اخذناه و اخذنا عنوان قصره بعد
ابو محمد:قومو خبرو ام محمد خل تجي انا الليله مو نايم الا لما ولدي عبدالعزيز يسامحني
و قام و راحو راكان و بدر و فارس و سعود و وراهم سيارة السواق الي فيها جدهم و جدتهم
وصلو الى القصر و انفتحت لهم البوابه كان القصر مرا جميل بتصميمه الخارجي و كان كبير حيييييل فيه طابقين و مع الدور الارضي 3 و بواركن للسيارات تحت الدور الارضي و الحديقه حقته كبيره و محاوطه القصر كلها اشجار و العشب الاخضر وفيه ملعب غولف من ورا القصر و نافوره في الوسط كبيره و اشجار الزينه محاوطه الساحه الكبيره الي حق السيارات و فيه مسبح كبير ع جنب و فيه بيت ملحق كبير مكون من طابقين في الحديقه الي تحت في درج عشان تنزل لحديقه الي هناك و تدخل للبيت
الحارس:عفواً مين
راكان:انا راكان ولد اخو السيد عبدالعزيز
الحارس:لحظه بتصل في السيد عبدالعزيز اتأكد......تفضلو السيد عبدالعزيز في انتظاركم و دخلو السيارتين و نزلو من السيارات و صارو يركبو الدرج الطويل و حوالينه الحدايق و اشجار لين ماوصلو للباب فتحت لهم الخادمه الباب و الخادمه الثانيه دلتهم جلستهم في الصاله واهم كانو منبهرين من القصر و روعته صحيح انهم عايشين بڤيلة كبيره و جميله بس ذا احلى و اجمل بكثير جتهم خادمه تسألهم ايش يبون يشربون طلبو منها بس مويه
و خلال دقيقتين نزل ابو نايف(عبدالعزيز) و شاف ابوه و امه و راح على طول و حضنهم
ابو محمد:سامحني ياوليدي
ابو نايف:مسموح يبه مسموح
ام محمد:اجل وين زوجتك ياوليدي و اولادك
مسك ابو نايف التليفون و ضغط رقم 0 و حوله على طول الى جناح ام نايف
ابو نايف:ناديه تعالي المجلس الداخلي و نادي الى الاولاد كلهم
ام نايف:حاظر على امرك و راحت نادت اولادها كلهم و نزلو تحت
و كانت لابسه الجلال و قالت لريم تلبس الجلال و دخلو المجلس و راحت ام نايف تسلم على ابو محمد و ام محمد و نايف و نواف و مراد راحو سلمو بس ريم و فهد واقفين مصدومين و نزلت دمعه من ريم و ماحدا لمحها غير راكان و نزلت دمعه من فهد<<<صدق انهم تؤام
ابو محمد:علامكم كذا واقفين تعالو اضمكم و راح فهد و بعده ريم و ضمهم جدهم و بعدها راحو لجدتهم
و ابو نايف يعرفه على اولاده و لين وصل لريم و فهد:عاد ذول تؤام يتشابهون في كل شي الا في شي واحد.....
قاطعه راكان:في الغرور ريم مغروره و دلوعه و عنيده اما فهود ياحليله
ريم بغرور:يحق لي الغرور و الدلع امي ناديه و ابوي عبدالعزيز
سعود:جدي تدري ايش نسوي في تركيا لما كنا مع بعض
ابو محمد:ايش تسوون
سعود:نتفرج على ريم و راكان يتهاوشون كانهم توم و جيري كل واحد مغرور اكثر من الثاني و عنيدين بعد
ابو محمد:ههههههههههه"واهو يأشر على راكان"نهايتها بتجيب راسك و قولو ابو محمد ماقال
راكان:لا ان شاءالله مين الي تجيب راسي ذي"واهو ياشر على ريم"
ريم بغرور و تقلده:ذي على قولتك عندها اسم و اسمها ريم عبدالعزيز الـ....
ابو نايف يتصنع العصبيه:حدك عاد ياراكان ما ارضى على دلوعتي
ابو محمد:خلاص اجل ريم بنسميها دلوعة العايله
فهد:وانا سؤال ليه تميزونها في كل شي طب انا تؤامها
ابو نايف:ماعندي الا بين وحده و بدلعها
مراد:فهيدان علامك صاير كأنك حرمه تغار على زوجها من ضرتها
الكل:ههههههههههههههههههه
فهد رمى مراد بالمخده
ابو محمد:لازم نروح المزرعه و نسوي عزيمه شرايكم بكرا نروح
ابو نايف:اي ممكن
ابو محمد:والحين يلا نستأذن
ام نايف:وين يا يبه خليكم عندنا تعشو
ابو محمد:مرا ثانيه يبنيتي
و طلعو ام محمد وابو محمد و رجعو لڤيلتهم

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1