اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 20-11-2016, 10:24 AM
صورة Star_warda الرمزية
Star_warda Star_warda غير متصل
©؛°¨غرامي مشارك¨°؛©
 
الافتراضي الحب في الزمن الصعب/ بقلمي


السلام عليكم ورحمه الله وبركاته
قبل ما ابداء ابروايتي حبيت انطيكم معلومات عن مولودتي الاولى ويا ريت تنطوني رئيكم بكل صراحه
طبعا مراح اكذب عليكم وكول اني كاتبه ماكو مثلي هههههههه بدينه تقشمر
ﻻﻻﻻ صراحتا اني اصلي من العراق وايضا ام ال اولاد اثنين ربي يحفظهم الي وايضا ادرس وعايشة بامريكا
وصراحتا الي حفزني على الكتابة بالمنتدى هو وجود الاعضاء والتفاعل وصراحتا اني مدمنه رواياااات صدك الروايه حت كون نص باللهجة العراقية ونص بالسعودية وكون اكدر انطي اللهجة السعوديه حقها وما اقصر وياها كافي عاد حجيت اهواية

مقدمه : روايتي احداثها اتدور باول بارتين بالعراق الغالي وبعدها ننتقل الى ارض السعودية الحبيبة حيث يعيش البطل وتدور باقي احداثها بيها

يعني صدك طولت عليكم هههههههههه

نبدااااااء
بسم الله الرحمن الرحيم
البطلة جوري: عمرها 16 سنه مواصفاتها بيضه امدحدحه جسمها متناسق بشكل رائع قصيرة طولها 160 عيونها خضر كبار رموشها طوال انفها سله سيف وجناتها جنان الي يشوفها يكول امسويتلهن تجميل شفايفها حمر ريانات ممتلئة شعرها اشقر طويل جدا الى درجه اذا جلست يصير تحتها

الام و الاب : اتوفوا بنفجار من كان عمرها 6 سنوات ورباها اخوها الكبير ياسر

ياسر: العمر 35 سنه متزوج من بنت جارتهم و عنده ولدين وابنية ياسر يشتغل سائق تاكسي وحارس في قصر من قصور الاغنياء طبعا بالملحق مال القصر عايشين
زينب : زوجه ياسر العمر 28 سنه معلمه في مدرسه ابتدائي

احمد + مصطفى: توائم عمرهم 12 سنه راعين مقالب وضحك
انار : 6 سنوات دلوعه البابا

جوري: يالله صباح الخير شنو هل صياح من الصبح اشبيكم ما تفهموني من الصبح بس تتعاركون
احمد : عمه والله كلها من مصطفى
مصطفى: هاهاهاهاها والله منو كالك متكوم من النوم اول ما اصحيك الصبح يا اخي اذا انت مو كد السهر بالليل ليش تسهر
واكثر من مرة حاولت وياك وانت متقبل تكعد مجان عندي غير حيل يالحبيب
احمد : قسم بالله اذا ما وليت من وجهي لا اكوم هسه اكلب خلقتك
مصطفى : هاهاهاهاهاي والله متكدر اني اقوى منك
احمد : عصب زياده وكام يصيح على مصطفى
جوري : هاي هاي اشبيكم ماكو احترام الي شنو هل حجي يالله كافي عاد وانت كوم غير ملابسك المبلله حتى اشرها والبس اهدوم المدرسه خالتلك ياها بالكنتور (الكبت) وانت صوفي يالله انزل كدامي حتى نتريك ( نفطر ) لان مظل وكت
مصطفى : تامر امر عمتي الوردة على راسي نازل قبلج
جوري : هههههه يالله على لسانك الي ينكط عسل مينكدر عليك وربي
جوري نزلت للصاله وشافت زينب : سلام حبي زوزو
زينب: وعليكم السلام حبيبتي وكم مرة كايلتلج لا تدلعيني زوزو
احس نفسي رقاصه من ورا هل دلع وانتي تعرفين اني مدرسه تربية اسلامية مينفع هل دلع الماصخ
جوري : صار صار تدلل زوزو بعد ما ادلعج
زينب : ياربي تردين تموتيني ناقصة عمر مو كتلج لا تكولي زوزو
جوري : ههههههههههه عذريني زلت لسان
زينب : يالله مسموحه هل مرة يالله كعدي سمي بالله واكلي
جوري : جوري سمت بسم الله وبدت تاكل
بهل اثناء نزل الثنائي المرح احمد وصوفي : سلمو على امهم وحبو راسها
احمد :يمه صدك وينه ابوية شو ماكو مختفي هل ايام
صوفي : يا بويه صدك تحجي ليش ابوية مختفي من ابساحه هل ايام ويباوع على امه وبتسامه شيطنه على شفايفه وكال ﻻﻻﻻﻻ ممعقوله صدك ابوية صدك سواها وتزوج عليج يا زوزو بعد عشرت 13 سنه يغدر بيج بهل طريقه البشعه
زينب: تف ابحلكك فال الله ولا فالك وكم مرة كلت لا تكولي زوزو كول ماما يمه مو اتكولي زوزو اني مو واحد من اصدقائك حتى تشيل الميانه ويايه
احمد : ﻻﻻﻻﻻﻻ يمه صدك يحجي صوفي اخاف اتزوج عليج يسوري بس تدرين حقه خل يتزوج بعدج عمرج 28 سنه وعندج كرش وما فد يوم دلعتي ابونه المسكين تلكي انطك جبده من وراج لا مكياج لا تسريحه لا مغازل مثل ايام الخطوبه ويغمزلها بعيونه
اهنا زينب بدت اتشك : وكالت الله لا يكول بس انتو تعرفون ابوكم يشتغل من الصبح لليل ويجي تعبان ويا دوب نلحك عل عيشة والله اني عاذرته
جوري طبكت ويا الولد وببتسامه خبث : والله صدك يحجون ولدج من يوم صار عندج الفصعونه انار بطلتي تهتمين بنفسج وهامله روحج
زينب : والله اعرف صدك حجيكم واني هامله نفسي بس والله تعب الدوام يهد الحيل من ارجع للبيت مالي خلك الاي شي
بهل اثناء ياسر توه داخل للبيت وعيونه بيها النعس يريد يروح للحمام اكرمكم الله حتى يغسل ويكعد يتريك (يفطر) وياهم
وسمع قفشات من كلامهم وفهمهم كاعدين ينصبون على امهم
ياسر بصوت عالي : سلام عليكم
الكل وعليكم السلام والرحمه
زينب : ها حبي انت جيت
ياسر حب يثكل وياها : لا بعدني مجاي شتردين
زينب صفنت ابوجه وبينها وبين نفسها ياربي هذا اشبية من الصبح اتنحنحت زينب وكالت حبي اشبيك
ياسر يريد يضحك بس بالكوة كامش روحه على شكل زينب الي تغير كام ينطي الف لون و لون
ياسر : سلامتج ماكو شي بس حبيت اكولج اني مسافر اسبوع الاربيل عندي شغل اهناك وهم مثل ما يكول ابو المثل زيارة وتسيارة هم اكضي شغلي وهم اتونس وهو يغمز بعيونه للولد والجوري
صوفي ابنظرة خبث : يشاور ( يساسر) امه اخص اخص هذا يا شغل لا تصدكي هذا يريد يودي العروسه الجديدة شهر عسل
زينب : طارو عيونها من العصبيه وكالت والله وين ما تروح رجلي على رجلك
ياسر : يريد يموت من الضحك كاللها يا مرة اني رايح شغل مو استجمام
زينب : صغرت عيونها وكالت ما يهمني رجلي على رجلك لو طلعه من البيت تحلم بيها
ياسر ويا دوب كامش روحه يا ام احمد يا عيني كتلج عندي شغل كولها اسبوع او احتمال اسبوعين ابقى باربيل
زينب : اهنا بعد فصلت وكامت تبجي
ياسر : هسه ليش تبجين يامعودة
زينب : وهي تشاهق وتبكي ويادوب ينفهم حجيها ان ت ان ت انت
مت تتزززوووج علية
اهنا ياسر طكها ابضحكة قوية : هههههههههههههههههههههه خرب ببليسج يا زينب مرة وحده سويتيني اتزوج عليج
زينب : بكل فهاوة تباوع عليه وهي بعدها عيونها تنزل امطار من الدموع
مو انت تكول زيارة وتسيارة
ياسر : هههههههههههههههههههههه ياحبي انتي والله حبيت اوكع كلبج من سمعت هذوله الملاعين كاعدين يلعبون ابراسج كلت خلي اضحك اشويه عليها
زينب ابتسمت بكل حب وراحه ال ياسر وكالت تسلملي يا حبيبي
احمد و صوفي : اخص اخص يمه ما يلوكلج المغازل
زينب عصبت وصاحت يالله كومو انقلعوا على مدارسكم ومن ترجعون تاخذون المقسوم مني بس صبروا علية
احمد وصوفي : ﻻ وربي رحنا جوا الرجلين خلي نفلت هسه لا تكوم علينه
جوري كامت تضحك بصوت عالي : هههههههههههههههههههه يا الله يا زوزو شكلج جان تحفه تحفه والله لو جان عندي كامرا وصورج فيديو فضيع يطلع وخصوصا من كالج مسافر ههههههههه
زينب : جوري كومي ولي من كدامي بهل ساعه لا والله اطلع كل قهري بيج وفوكاها طابكه وياهم علية والله شنو جاي ننصب عليج
وتتمضحكون بيناتكم علية اني المسكينه الضعيفه
جوري كافي كافي اكلتيني وشربتيني الله يساعد ياسر على لسانج هاي اشبيج ماكله باجه من الصبح لوك لوك لوك
زينب : صغرت عينها وكالت كم مرة كلت لا تكولي زوزو ومنو الي ماكل باجه من الصبح يا غثيثه
جوري : ههههههههههههههههههه موتي بقهرج يا زوزو
ياسر : كافي كافي راسي كام يوجعني يالله جوري لبسي عباتج والبوشيه ( نقاب ) خلي اوصلج للمدرسه وارجع انام لان كولش تعبان ونعسان فد مرة
جوري : لا خوية ما يحتاج هسه اني امشي كولها 10 دقايق واصل للمدرسة انت ابقى ارتاح يادوب اتناملك 3 ساعات وترجع تطلع للشغل
ياسر : ﻻ حبي الوكت مو خوش وكت مو مال ابنيه تطلع تمشي وحدها بالشارع هل وكت وانا اخوج ما يتئمن
جوري : صار خويه كولها دقيقتين وتلكاني يم السيارة
ياسر : زنوب ليش الحد هسه ما لابسه ملابس حتى اوديج ابطريقي الدوامج
زينب : ما يحتاج يا عمري اليوم ماخذا اجازة لان انار مريضه وما تكدر تداوم
ياسر اهنا قلبة فز : وكال اشبيها انو حبيبت ابوها
زينب : ما بيها غير العافية بس عدها صخونه (حرارة ) ما بيها شي بس اشوية تدلع
ياسر : ديري بالج عليها اودي جوري وارجع للبيت اذا حرارتها ما نزلت حتى اوديها للطبيب
طلع ياسر يم سيارته وشاف جوري تنتظرا يمها
رفعت راسها وشافته جاي عليها وعلى شفايفه ابتسامه حنونه
جوري: شنو سبب الابتسام يا اخي العزيز
ياسر : ﻻ وﻻ شي بس فكرت اذا امي وابويه جانو عايشين بينه لجان هسه همه فخورين بيج على شطارتج وجمالج وطبخج الي يرد الروح للواحد
جوري :جاوبته بعبرة ( ابغصه ) الله يرحمهم حتى اني مرات اتمناهم ويانه
وكامت دموعها تنزل بكل هدوء على وجناتها

وكملت تعرف اني نسيت شكلهم حتى نسيت نبرت صوتهم لو ما الصور الي عدنه يمكن جان حتى انسى شكلهم
ياسر حس بقهر عليها وكاللها اترحميلهم يا جوري
جوري ساكته ما جاوبته
ياسر حب يغير الموضوع وسئلها على الدراسه والمدرسه الى ان وصلوووو للمدرسة
:
:
:
:
:
:
:
كت
ان شاء الله ينال اعجابكم ولا تحرموني من طلتكم وتعليقاتكم
اختكم star_ warda


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 21-11-2016, 08:24 AM
صورة Star_warda الرمزية
Star_warda Star_warda غير متصل
©؛°¨غرامي مشارك¨°؛©
 
الافتراضي رد: الحب في الزمن الصعب/ بقلمي


البارت الاول:الجزء الثاني



نزلت جوري من سيارة ياسر وكالته مع السلامه
ياسر : الله يسلمج
جوري دخلت المدرسه وتلكتها المفتشة مال مدرسه
المفتشة : سلام عليكم
جوري : وعليكم السلام
المفتشة: فتحي العباية ونزلي بوشيتج ( نقاب )
جوري: بينها وبين نفسها ياربي منك الصبر حاضر مس هسه انزلهم بس خليني اصعد للصف وخلي اغراضي بمكانها وانزلج
المفتشة : لا بالله صدك تحجين لو تريدين تمسحين الي على وجهج وتعدلين لبسج حتى ما اتبيني مخالفه
جوري: مس رجائا ما اسمح الاي ان كان يقلل من قيمتي وتربيتي
وانتي تعرفين كولش زين اني عمري مخالفت بالزي المدرسي
ودائما محترمه نفسي
المفتشة : هاي انتي ويا منو هل حجي تحجين لا صدك امبين محترمه نفسج يالله كدامي على غرفة المديرة
جوري :سكتت وبعد كل شي ما حجت
غرفه المديرة
المديرة :نعم ست انتصار خير شكو اشصاير
المفتشه: ست شذى تقبلين طالبه اترادد على معلمه وتعلي صوتها بعد
المديرة شذى: ومنو هاي الطالبه الي هيج سوت
المفتشه: هاي الطالبه الكدامج سوت هيج
المديرة : منو جوري صدك تحجين هاي البنيه مثال الادب والاخلاق
انتي متعرفيها بعدج لانج جديدة بالمدرسه
المفتشه: بس اني كلتلها تنزل العباية وما قبل وتتهرب مني
المديرة : ابتسمت الله يهديج عبالي فد شي صاير
جوري حبيبتي طلعي على صفج هسه بس ثاني مره رجائا سمعي كلام المس من تكولج على شي راسا
جوري : جاوبتها بكل تهذيب حاضر مس
طلعت جوري من غرفت الادارة وشافت صديقتها الصدوقه ياسمين
جوري : هلا وغلا بالحب مال اني
ياسمين : ههههههههه هلا وغلا بيج اكثر يا بعد طوايفي
ها اشعندج من الصبح طالعه من غرفت المديرة لاﻻﻻ لا تكولي اليوم مخالفه بالزي مالتنه ومكايلتلي حتى اخالف وياج على الواهس
جوري : هههه بايخه هو اني اصلا يا يوم خالفت حتى هسه على تالي عمري اخالف بالزي المدرسي
ياسمين : على بختج هسه اليسمعج عمرج 70 سنه وهيج تحجين يمعوده ترا عمرج 16 اتذكري حبي لا تنسين
جوري : ههههههههه والله اتذكر هلكد تذكريني بيه
ياسمين : والله شكلج متعرفين لبستي عبايت راس كلنه ميخالف ستر للبنيه وخليتيني البسها وياج وبعدها جيتي لابسه كفر والله شنو جمالج يسوي فتنه
جوري :هههههههههههههههه شكلج حاقده عليه لان خليتج تلبسين عباية وبوشيه مثلي
ياسمين : لا حبي عساني الموت اذا حقدت عليج اصلا انتي خليتي حياتي الها طعم
جوري : اي عفية هيج اتعدلي وحجي حجي حلو
بهل اثناء دك الجرس مال الصطفاف الصباحي مال مدرسة ( طابور )
جوري يالله بينه خلي نروح نصطف امشي كدامي
ياسمين : والله ما بيه حيل خلي ننهزم للصف احسن من الوكفه بهل شمس التكتل
جوري : ﻻﻻﻻ عيني على تالي وكت ترديني اتهرب من الاصطفاف وفوكاها المديرة تعرفني بالله شتريديها اتكول عليه
ياسمين: كافي كافي ثولتيني من الصبح كل هاي على مود الاصطفاف
جوري:هههههههه اهم شي النظام عندي والسير حسب الانظمه والقوانين

نروح المدرسة التوائم
احمد وصوفي: ميتين ضحك همه والطلاب على المطبق الجديد ( يعني طالب جامي مرحله اخيرة شهر تطبيق يداوم بالمدرسه وتتسجل اله علامات وتنحسبله ابدرجه التخرج)
المطبق: احمد كوم حل معادلة الرياضيات
احمد يجاوبه استاذ اني مصطفى
المطبق :اف منكم يالله كوم وفضني
صوفي : استاذ اني احمد
المطبق اخير شي اتخبل منهم وطردهم من الصف لان مكدر يفرق بينهم
احمد وصوفي :يالله شباب سلام انشوفكم الدرس الجاي ويضحكون

نرجع الياسر وزينب
ياسر دخل للبيت وحط مفاتيح السيارة على الطبلة ودماغه مو يمه وصافن
زينب : ياسر ياسر يااااااسر
ياسر : ها عيني شكو اشبيج
زينب : اني لو انت الي اشبيك من دخلت وانت صافن اشبيك
شكو شصاير وياك الي يخليك هيج تصفن
ياسر :ها لا ماكو شي ان شاء الله
زينب : ياسر اني اعرف انت بيك شي كولي لا تضم علية اني زنوبه وسندك بهل دنيا ياحبي سولفلي اشبيك
ياسر : والله يا زينب خايف ما اعرف اشلون افسرلج بس قلبي ما مرتاح هل يومين
زينب : اسم الله عليك يا عيني شنو الي خلاك هيج تفكر ياعيني
ياسر : والله يا زينب صار 4 ايام اشوف سيارة bmw مظلله تمشي بالمنطقه وشكلها غريبة وما عجبتني مامر تاحلها
وفوكاها ما بيها رقم حتى الواحد يروح للشرطة ويسئل ويعرف شكو ماكو وراها
زينب: ضربت على صدرها ابفجعه وكالت يمه اسم الله بس لا ذوله عصابه يا ياسر ربي رحمتك علينه
ياسر : نصي حسج لا تسمعج انار وتسويها سالفه وتطشها بالمنطقة خليها على الله واني اذا شفت السيارة مرة لخ اروح وئسئل على الي يردو بالمنطقة وبذاك الوكت يصير خير
:
:
:
:
:
:
كت
ليش هيج ماكو تفاعل قهرتوني
والله بيها احداث دسمه وحلوة
حتى بيها احداث رومانسية بالبارتات الجايه
ترا هاي بس التمهيد مال بدايه الرواية


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 27-11-2016, 06:48 AM
صورة Star_warda الرمزية
Star_warda Star_warda غير متصل
©؛°¨غرامي مشارك¨°؛©
 
01302797316 رد: الحب في الزمن الصعب/ بقلمي




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 27-11-2016, 09:27 AM
صورة Star_warda الرمزية
Star_warda Star_warda غير متصل
©؛°¨غرامي مشارك¨°؛©
 
01302797316 رد: الحب في الزمن الصعب/ بقلمي


البارت الثاني

زينب : ربي رحمتك بينه

ياسر:لا تخافي اذا اني شفت السيارة مرة لخ اروح اسئل على الي يردونه

زينب : الله كريم بس صدك هم اكو حراميه يركوبون سيارات حديثه مثل ما كلت

ياسر :ههههههههه والله ضحكتيني يا حبي عبالج هذوله حراميه مال ايام قبل اقوى واحد بيهم يبوك الهدوم المشرورة بالسطح يا عيني

زينب: اي والله صدك حجيه ما اكول بس ربي استر علينه وعلى جميع امت محمد

ياسر : امين رب العالمين يالله اني اروح انام الي شي 3 ساعات وعلى اذان الظهر كعديني
حتى اروح للجامع اصلي

زينب :صار عيني تدلل

ياسر : اي صدك قبل ما انسى جوري اشوكت تخلص دوامها اليوم

زينب : ساعه 2:30 الضهر لان عدها دروس اضافيه اليوم

ياسر : اي زين يعني الحك عليها واجيبها من المدرسه

نروح ال جوري ابمدرستها

جوري: ياسمين اليوم ساعه بيش نخلص دوام

ياسمين : اليوم لل 2:30 دوامنه من ورا الدروس الاضافيه مال رياضيات وكيمياء

جوري : والله نسيت اليوم عدنه دروس اضافيه همزين ذكرتيني

ياسمين : خوما عدنا بيهن تحظيرات

جوري : طبعا عدنا الرياضيات عدنه حل مسائل مال مبرهنات والكيمياء على الصيغ الكيميائيه تعلمنه

ياسمين : يبووو كلتي مسائل رياضيات

جوري : اي ليش خوما حضرتج محاله الواجب

ياسمين : والله نسيت احلهم

جوري: جذابه انتي اصلا معتمده عليه حتى تنقلين الحل على الجاهز

ياسمين : يا يمه منج تعرفيني زين عاجنتني وخابزتني بيديج

جوري :طبعا يا عيني صارلنه 12 سنه صديقات من زمن الروضه

ياسمين : هههههههههههه اي والله صدك بس المهم انطيني الحلول مال اسئله

جوري: بخباثه مستحيل ابدا ابدا

ياسمين : اشكد خبيثه انتي تعرفين كولش زين العنوسه ام الرياضيات ما تطيقني وبس اتريد عليه الزله حتى تنزل بيه رزاله

جوري: هههههههههههههه وهو هذذا المطلوب

ياسمين : اني اعلمج

جوري : هههههههههه زين زين انطيج الحل كافي تتوعدين بيه ياربي ما اريد الفرصه تخلص هسه ضايجه ما اريد ارجع للصف

ياسمين : عادي حبي خلي نضرب درس الجغرافيا اليوم

جوري : انطمي خو انتي ما صدكتي راسا يالله خلي نضرب الدرس

ياسمين : ههههههههههههههه يا روحي انتي ما تكوليلي شنو انتي وهذا انضباطج اليخنك

جوري: والله لو ما اني ادفعج دفع على الدراسه والدوام جان هسه انتي امكابله زوجج
وعايفه دراستج

ياسمين : يمه يمه اروحله فدوة حمودي حبيب قلبي

جوري : اخص اخص ما يلوكلج الدلع

ياسمين: ليش عيني ما يلوكلي ومبقبقه عيونها

اهنا جوري طكت ضحك :ههههههههههههههههههههههههه خرب ببليسج موتيني حبيبتي انتي الدلع كوله والحب

ياسمين : اي هيج احسن

نروح الغير مكان مكان بيه ناس ما تخاف الله وترتكب المعصيه على مود الفلوس ويضيعون شباب وشابات بسبب طمعهم وجشعهم وحبهم للفلوس

معاذ و فؤاد: قاده العصابه وعمرهم 55 سنه اصدقاء

ناصر الملقب (ابو تنك):الي هو ابن معاذ الكبير عمره 35 سنه وهو ساعد اليمين المعاذ و فؤاد
وينفذ خططهم بدون نقاش والمسؤل عن استلام وتسليم البضايع

تحسين: صديق ابو تنك عمره 35 سنه وهو عضو بالعصابه

ثامر: 33 سنه عضو بالعصابه

هشام : 32 سنه عضو بالعصابه

ستار : 29 سنه عضو بالعصابه

عادل:29 سنه عضو بالعصابه

فؤاد: ها يا ابو تنك شخبار البضاعه اشكد حصلتو من الطلبيه الحد هسه

ابو تنك : والله يا عمي الحد هسه بس 3 بنات كدرنه نخطف والبنيه الاخيرة اشويه سالفتها امطوله

معاذ: اني مو كتلك فضها على السريع الهل طلبيه الجماعه مستعجلين ويريدون البضاعه وترا هل مره امشددين على المواصفات الي يردوها مو مثل هذيج المرا تفشلني

ابو تنك : يا بويه لالا هل مرة متاكد كولش زين من البضاعه انت لا يضل بالك

معاذ : زين واشوكت اتفضون سالف البنيه الاخيرة اشوكت تجيبوها

ابو تنك: والله يا بويه هذا اخوها لازكلها مثل ضلها وين ما تروح وراها ما يعوفها تفلت من عينه ولا دقيقه حتى البنيه ما تطلع وحدها ابدا للشارع حتى باب البيت من يندك ما تطلع تفتحه

فؤاد: ابو تنك هاي اول مرة اشوفك هيج انت دائما اتجيب الي نريده منك حتى لو جان ابطن الحوت

ابو تنك : عمي ولا يهمك كولها يوم لو يومين ويكمل العدد وبنفسي اسلملكم البضاعه وانت تعرفني كولش زين

فؤاذ: اي عفيه عفيه بابو تنك هو هيج اريد ترفع راسي ( كول يكسر راسك لو بيه حض)

معاذ : زين وعلى المخدرات الي طلبناها اشوكت نستلمها

ابو تنك : اليوم ان شاء الله ساعه 6 العصر

معاذ :اي هسه خوش حجي تحجي انته

ابو تنك: يشوف تليفونه يدك يباوع على الرقم ويشوفه صديقه تحسين المتصل هلا والله بالغالي تحسين

تحسين : هلا وغلا بيك اكثر

ابو تنك : ها شنو الاخبار يمك الوضع تمام

تحسين : اي تمام هذا اخوها شاف السيارة مالتي واجه يسئلني اذا احتاج شي

ابو تنك : اااااااااااااي هي هاي الي نريدها تحسين حبيبي لهي اشكد ما تكدر واني اتصل على
باقي الشباب واكوللهم بعد ساعتين يتحضرون حتى ينفذون العمليه

تحسين: اي خوش اني اروح الهي اخوها الغبي الى ان انتو تكدرون تنفذون الخطه

ابو تنك : تدلل تاج راسي

تحسين : يالله اروح بعد اني حتى نبدا نترزق (عسى زقوم ببطونكم )

نرجع ساعه للوراء

ياسر : توا مخلص صلاته بالجامع وراجع يتمشى البيته شاف السيارة الي اله 3 ايام يشوفها بنفس المكان وكال بينه وبين نفسه خلي اروح اشوف هذا شيريد وشعنده بالمنطقه اهنا بهل ظهاري
اتوجه للسيارة وراح للجامه الي من صفحت السايق ودك على جام السيارة

تحسين : نزل جام السيارة وباوع على ياسر بكل برود

ياسر : سلام عليكم اخي محتاج شي امر خدمه اكدر اقدملك

تحسين : وعليكم السلام ونزل من السيارة وكف ابصف ياسر

ياسر : اخي اذا محتاج شي حتى اكدر اساعدك

تحسين : اي والله بلكي تكدر تساعدني بس انطيني دقيقتين اتصل على الاهل واتاكد من العنوان

ياسر : طبعا يا اخي اخذ راحتك وبتعد ياسر عنه بس بينه وبين نفسه ما مرتاح يكول هذا الرجال شكله مو راحه حتى نضرات عيونه تخوف

بهل اثناء تحسين يتصل على ابو تنك ويفها على الي صار حتى يكدرون يتحركون ويخلصون من هل بضاعه الي جابتلهم وجع راس من اسبوعين تقريبا

تحسين : يرجع يم ياسر ويكوله اعذرني اخويه بس اتصلت على الاهل حتى اتاكد من العنوان الي دازيلي يا

ياسر : عنوان مال شنو

تحسين : بكل برود اعصاب والله الاهل عاجبهم يعيشون بهل منطقه وبدون زحمه عليك اذا تكدر
تدليني على بيوت للبيع اهنا واذا ماكو بيوت للبيع بلكي احصل واحد للاجار علما الكالي بيت للبيع اهنا

ياسر : على نياته وكل شك ابقلبه راح وكال صار وتدلل يا اخي هسه نمشي وارويك البيوت الي للبيع بالمنطقه والي للاجار واختار الي يعجبك

تحسين : جزاك الله خير وعلى فكرة اني اسمي عصام (طبعا اهنا تحسين كذب وكال اسم غير اسمه الياسر )

ياسر : عاشت الاسامي اخ عصام واني ياسر وان شاء الله عن قريب نكون جوارين واهل

تحسين (عصام ):تسلم الله يخليك هذا من طيب اصلك

ياسر : بس ممكن لحضه بس اخابر اخبر الاهل راح اتاخر اشويه على البيت

تحسين : اخذ راحتك حبيبي
ياسر : يتصل على زينب للاختصار يكوللها على كل الي عرفه حتى تتطمن

زينب : اي الحمد لله وانت على الخالي بلاش خوفتني يالله روح عيني الله وياك

نروح يم جوري للمدرسه
جوري : ااااااااااااااااااايه ياربي همزين خلصنه دوام انهد حيلي متت تعب

ياسمين : كواج الله يا خيتي اي اليوم اني وحمودي نوصلج ويانه بالطريق البيتكم

جوري : لالالالالا والف لا مستحيل اخير مرة صعدت وياكو لا خجل ولا مستحه انتي وزوجج كاعدين تتغزلون او ولا عبالك اكو وحده وياكم بالسيارة

ياسمين : هههههههههههه والله هو حمودي لان يعرفج تخجلين ابسرعه وحب يضحك عليج

جوري: لا بالله اشايفني حضرته قرقوز حتى يضحك عليه

ياسمين : هههههههههههههههههههه حلوة هاي مال قرقوز

جوري : امشي ولي الرجلج ومالج علاقه بيه ناس ما تستحي مايكولون اكو وحده بريئه كاعده بنصهم طلعتوا عيني بعد التوبه اذا صعدت وياكم بالسيارة لو اموت

ياسمين : هههههههههههههههههههه يمه اموت على الي يخجلون

جوري : روحي من كدام عيني خليني البس الكفر مالتي (النقاب)والعبايه وانزل انتظر اخويه احسنلي
:
:
:
:
:
كت
ممكن تفاعل جلطوني ترا شنو هل تقشف يا خواتي




آخر من قام بالتعديل Star_warda; بتاريخ 27-11-2016 الساعة 09:33 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-01-2017, 08:27 AM
صورة Star_warda الرمزية
Star_warda Star_warda غير متصل
©؛°¨غرامي مشارك¨°؛©
 
الافتراضي رد: الحب في الزمن الصعب/ بقلمي


البارت الثاني


ابو تنك يتصل على افراد العصابه : سلااام يال حبيب

هشام : وعليكم السلام يالغالي

ابو تنك : اريدك انت والولد تتجهزون حتى تجيبون البنيه

هشام : صار وتدلل يا الغالي . هشام يكول ال ابو تنك : يا الغالي راح اخذ ويايه ستار وعادل

ابو تنك : اوكي يالله توكلو ودير بالكم على نفسكم

هشام : ان شاء الله يا سلام خلي اتصل على الولد حتى نتجمع على السريع ونفذ الخطه بسرعه ودقه

بهل اثناء هشام اتصل على الشباب وتجهو للمكان المقصود حتى يخطفون البنيه ويخلصون شغلهم بسرع وقت

نروح يم التوائم

احمد : صوفي حبي والله مشتهي اليوم اتغدى فلافل خلي انروح للمطعم نتغدى لفات فلافل مشتهيها وربي

صوفي : يا اخي نفسك ما تلعب من الفلافل ترا انت كل يوم تسحلني وياك الابو الفلافل بس حتى ادفعلك الحساب يل مصلحجي

احمد : لالا ليش هيج تحجي ويايه بهل قسوة واني اخوك الصغير وانت اخوي الكبير

صوفي : لا بالله عليك صدك تحجي هسه صرت اخوك الكبير لان بيها دفع افلوس الك

احمد : ههههههههههههه اويلي على الي فاهمني

صوفي : هههههههههه ياالله امشي فضني خلي اشتريلك فلافل الك وال جوجو

احمد : خوش خوش واني عليه اشتري عصير رمان لان جوجو كولش تحبه

صوفي : تمام مشينا

نروح الجوري للمدرسه

جوري : ياربي هاي ليش اليوم اتاخر ياسر عليه هاي مو من عوايده هو دائما الكا ينتظرني اباب المدرسه والقلق والخوف على اخوها بدا ياكلها

المشرفه : سئلت جوري هاي ليش بعدج بالمدرسه بعد ماكو احد بيها اهليج ليش مجويلج

جوري : هزت كتفها دلاله على عدم معرفتها وكالت للمشرفه هاي اول مرا يتاخرون عليه
وخايفه اخاف صار بهلي شي ومنعهم يجولي

المشرفه : زين لعد تعالي ويايه اني اوصلج البيتج ابطريقي

جوري : اسفه مس بس ما اكدر اطلع وياج

المشرفه اتباوع على جوري برفعه حاجب : وكالت الجوري بعد احسن

جوري : مس والله اسفه بس اخويه امحلفني ما اصعد اي سياره بدون موافقته

المشرفه : حصل خير بس عذريني لان ما اكدر انتظر وياج لان عندي اشغال لازم اكضيها

بهل اثناء طبكت سياره همر سوداء مضلله بدون ارقام كدام باب المدرسه
ونزل منها اثنين شباب ملثمين وسحبو جوري يريدون يدخلوها بالسياره
حتى ياخذوها

المشرفه من الخوف كامت اتصيح ابصوت عالي وتستنجد بالعالم والناس حتى احد يساعدهم
بس مع الاسف لا من مجيب لنداء الاستغاثه

هشام عصب على المشرفه وتوجه الها وضربها بسلاحه على راسها خلاها تفقد الوعي راسا من اثر الضربه

جوري كامت تصيح بعالي صوتها عسى ولعل احد يسمعها ويساعدها

هشام عصب : وصاح على عادل يا غبي خدرها خل نخلص من شلاع القلب

عادل : راسا استجاب الهشام وطلع دوا مخدر ورشا على وجه جوري

جوري : بدا صوتها يهداء وجسمها يثكل بين ايدين عادل وهشام
وراحت جوري العالم الاوعي

نرجع الياسر وعصام ( تحسين )

ياسر : اخ عصام هاي البيوت الي معروضه للبيع بالمنطقه رويتك ياها ان شاء الله عجبك شي

عصام (تحسين ) : يجاوب ابتسليك ال ياسر والله يا اخي حلوات بس اني اريد البيت على اقل شي مساحته2000 متر مربع

ياسر باوع ابفهاوة العصام : وكاله انت ما كلتلي اتريد تشتري قصر

عصام ابتسم ابخبث وهو يباوع على الساعه مال تليفونه وجاوب ياسر والله يا اخي اعتذر منك عبالي انت فهمت قصدي من الاول

ياسر : جاوبه ياسر انت من الاول كلت اريد بيت ما كلت تريد قصر

عصام : اعذرني اخي اذا اخطيت ابحقك وما فهمتك على الي اريده

ياسر : ابتسم ماكو داعي للاعتذار يا اخي

وبهل اثناء ياسر يرفع ايده حتى يشوف الوكت وشافها ساعه 2:30 ظهرا ضرب على راسه
وكال اعذرني اخي لازم اروح اجيب اختي من المدرسه وتاخرت عليها هسه تلكاها قلقانه عليه

عصااام : بان عليه التوتر وكاله يعني ما تكدر تساعدني بعد ( طبعا تحسين بيه ما بيه ياخر ياسر حتى الشباب يكدرون ينفذون الخطه )

ياسر : طبعا اساعدك يا اخ عصام بس خليها غير يوم نطلع سوا من الصبح وافرك على القصور الي للبيع بالمنطقه خليني انطيك رقم تليفوني حتى نتواصل

طبعا تحسين صايرعلى اعصابه دا ينتظر مكالمه من جماعته حتى يتاكد انو مشت العمليه تمام وماخذته
افكاره بعيد

ياسر: اخ عصام اخ عصام

عصام بفزة : هاااا نعم تفضل

ياسر استغرب بينه وبين نفسه هذا اشبيه احجي ويا وهو مطنش : سلامت قلبك بس كلت انطيك رقم تلفوني حتى نتواصل

عصااام :اي والله خوش فكره وسجل رقم ياسر بتليفونه

بهل اثناء ياسر ودع تحسين حتى يروح ياخذ جوري من المدرسه

تحسين ياربي شسوي هسه هذوله اكيد بعدهم ممسوين شي كعد يفكر وخلال ثانيتين جتيله فكره
يخلي ياسر يتاخر على جوري راح السيارته وثقب تاير السيارة بسجينه صغيرة بدون ما ينتبه عليه ياسر وراسا صاح بصوت عالي لا شنو هل مصيبه هسه اشلون احلها

اندار عليه ياسر ها اخي خوما اكوك شر

عصام وبتسامه خباثه تنرسم على وجه : وياشر بيده على تاير السيارة

ياسر يباوع على المكان الي عصام اماشر عليه وكاله يالله بسيطه

عصام جاوبه لا مو بسيطه لان ما عندي تاير اسبير

ياسر كاله ولا تشيل هم يا عيني اني عندي تاير اسبير ركبه على سيارتك

اهنا عصااام ابتسم وعلامات النصر على وجها

وبهل اثناء اتصل ابو تنك على حسام يبشرة ان البضاعه عددها اكتمل ويكدر يرجع
عصام بعد انتهاء مكالمته وزفر ابراحه وبتسامته شاكه الحلك


نرووح يم جوري

جووري : بدت تفتح عيونها على كيف وتشوف الدنيا امغوشه بعيونها وما تكدر اتباوع زين وبعد لحظات رجع نضرها طبيعي بس بعدها ما مستوعبه المكان الي هي بيه كامت على حيلها
وبينها وبين نفسها هذا المكان مو بيتنه هاي اني وين وتتذكر الشباب الي نزلو من السيارة وجروها من المدرسه وبدت تستوعب انها مخطوفه وبدت تبجي وتصيح بصوت عالي طلعوني منا الله يخليكم رجعوني البيتي ليش حابسيني اهنا وتبجي بقهر والم

وبهل اثناء يدخل عليها معاذ

معاذ : يا الحلوة نصي صوتج وبطلي عياط وصياح لان كل الي تسوي مراح يفيدج ابشي

جوري : فقدت اعصابها وبدت اتسبى يال #### يال ماعندك ### انت ما تستحي على نفسك مو عيب عليك اتاجر اباعراض الناس هسه ربي يحاسبك اشد حساب لا تنسى ربك يمهل ولا يهمل يجيلك يوم وتتحاسب على كل الي سويته يال #####

معاذ اهنا عصب عليها : وتوجه الها وضربها راشدي (صفع) فر راسها فر من قوت الراشدي (الصفعه)

جوري : حست الدنيا اسودت ابعينها وفقدت الوعي من التعب والقهر

وطلع معاذ من عدها مغثوث وصاير عصبي وبدا يصيح على الشباب ما لكيتو غير هاي تجيبوها
لسانها ينرادله كص والله لوما اني جنت ملتزم ابموعد محدد لتسليم البضاعه جان عرفت شتصرف وياها هل حق###

ابو تنك سمع كلام معاذ وكاله : هدي اعصابك هدي ماكو شي يستاهل عصبيتك يالغالي

معاذ : بس اريد اعرف منو رشح هل حق### حتى اذبحه على اختياره الزفت

ابتسم ابو تنك :وجاوب معاذ اني الي رشحتها

معاذ : من صدك انت تحجي

ابو تنك : اي من صدك احجي

معاذ باوع على ابو تنك واشلون انت لكيتها وعرفتها انها على المواصفات الي يريدها الجماعه
وهي تلبس بوشيه

ابو تنك زادت ابتسامته وتذكر اشلون شافها اول مرة
:
:
:
:
:
كت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-01-2017, 01:23 PM
احسااس ملااك احسااس ملااك غير متصل
©؛°¨غرامي جديد¨°؛©
 
الافتراضي رد: الحب في الزمن الصعب/ بقلمي


روعة الرواية واحداثها مششوقة موفقه بأذن الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-01-2017, 10:32 PM
صورة Star_warda الرمزية
Star_warda Star_warda غير متصل
©؛°¨غرامي مشارك¨°؛©
 
الافتراضي رد: الحب في الزمن الصعب/ بقلمي


اقتباس:
المشاركة الأساسية كتبها احسااس ملااك مشاهدة المشاركة
روعة الرواية واحداثها مششوقة موفقه بأذن الله
يسلمووو خيتو انتي الاروع ان شاء الله
تشوفين احداث اكثر تشويق
سلاااام


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 20-01-2017, 10:34 PM
صورة Star_warda الرمزية
Star_warda Star_warda غير متصل
©؛°¨غرامي مشارك¨°؛©
 
11302798202 رد: الحب في الزمن الصعب/ بقلمي


الباارت الثالث


ابو تنك : يتذكر اشلون شاف جوري جانت كاعده اباب القصر وما تقبل تمشي

ويمها مرا واكفه تجر بيدها وهي معنده ومتقبل تمشي ويا المرا

نرجع شهرين للماضي

زينب : ياربي جوري كومي تحركي يا بنتي

جوري : مااااااااا ما اروح الاي مكان

زينب : ياربي حبيبتي جوري امشي خلي اخذج للطبيب صارلج شهرين على هل حال

جوري : تبجي بسوط عااالي اريد امممي جيبولي امي ماما ماما وينها
امي ليش عافتني اهئ اهئ اهئ

زينب : ياربي البنيه فاصله من ورا حرارتها العالية هسه ماما تجي ورانا بس امشي

جوري : صدك تحجين

زينب :ابتصريف اي اي صدك بس امشي هسه

زينب اتاشر السيارة تكسي حتى يروحن العيادة الطبيب

ابو تنك : من شاف زينب اتاشر راسا وجه سيارته الهم ووكف كدامهم

زينب : انطته عنوان الطبيب حتى ياخذهم

ابو تنك : سلام عليكم . خوما اكو شر

زينب : وعليكم السلام لالا كول شي ماكو وسكتت

بهل اثناء جوري كامت تختنك وبالكوة تتنفس وجتيها الرجفا وكام جسمها ينتفض

زينب : اهنا خافت عليها وما تعرف شتسوي ورتبكت وكامت تبجي وتحضن جوري

ابو تنك : اتنحنح وكال اختي البنيه مختنكه شيلي منها البوشيه وغسلي وجها بماي بارد

زينب : زين زين وشالت بوشيه جوري حتى تغسل وجها بالماي ( طبعا زينب شايله وياها بطل
مي بارد قبل ما تطلع من البيت ) اول ما غسلت وجه جوري كامت تشهق من برودة المي

اهنا ابو تنك تنح ابوجه جوري وبلع ريقه وبينه وبين نفسه ياربي شنو هاي البنيه صاروووخ

وصلو للعياده مال الطبيب زينب انطت احساب التكسي ونزلت ونزلت جوري

بالعياده صاحو اسم جوري ودخلت للدكتور هيا وزينب

الدكتور : سلام عليكم

زينب : وعليكم السلام

الدكتور : اي اختي تفضلي ممكن تكولين شنو سبب الزيارة

زينب : دكتور بنتي صارلها شهرين مريضه اخذتها اكثر من طبيب وكل علاجح ما فادها

الدكتور : زين ممكن تكوليلي شنو الاعراض مال مرضها

زينب : دكتور اعراضها اعراض واحد بيه افلاونزا بس اشكد ما تبلع ادويه ما تفيدها

الدكتور : تمام ان شاء الله ما بيها غير العافيه بس ممكن تساعدين بنتج
تصعد للسديه حتى اكدر اكشف عليها

زينب: صار دكتور

بعد ما كمل الطبيب فحصه كاللها لا تخافين على بنتج

زينب : دكتور هي شنو بيها

الدكتور : بيها افلاونزا اسيويه وهاي نوع الافلونزا تبقى بجسم المريض مدت 3 اشهر ومنها يعاني من ارتفاع درجه الحراره ويكوم يهلوس من ورا الحراره العاليه ( طبعا هل نوع يكتل والله ما اتمنها لا العدو ولا الصديق متت من صارت بيه )

نرجع يم ابو تنك ومعاذ

ابو تنك : يابه انت ما عليك منها شتحجي انت بس طنشها

معاذ : انت من جدك تحجي بهل برود انت ما شفت لسانها الطويل وشلون تحجي ويايه

ابو تنك : هسه يعني شسوي اتريد اقتلها حتى انت ترتاح

معاذ : لالا لا تقتلها ولا تسوي اي شي خلي نخلص من هل طلبيه الي بركبتنا لان الجماعه كولش
ضوجوني هل مرا

ابو تنك :اي صدك ذكرتني هل مرا التسيلم اشلون راح يصير

معاذ : هل مرا يريدون الباضعه يستلموها بالرياض مو مثل كل مرة

ابو تنك : عصب انت من صدك تحجي وشيوصلنا للرياض حتى نسلم البضاعه

معاذ : هي هاي شروطهم هل مرا واني قبلت بيها

ابو تنك : هو احنه البضاعه انسلمها على الحدود ويا دوب امدبريها اشلون بالله هسه انت اتريد انوديهم للرياض

معاذ : لا تخاف ابوك دبرها اني امسوي للبنات ال 3 جوازات مزيفه بس بقت البنيه الجديده احضرلها
جواز سفر ودخلهم للسعوديه على اساس همه خدامات

ابو تنك : والله يابه طلعت انت مو سهل

معاذ : ابضحكه هههههههه ما يجيبها اله رجالها ( من صدك تحجي يل دي##)

ابو تنك اروح اشوف البنيه الجديده اخاف تحتاج شي ويضحك بستهزاء

معاذ : روح روح بلكي تنكط عليك من لسانها السم

ابو تنك : يريد يغث ابوة وطكها بضحكا ههههههههههههه بارد على قلبي ما طول هي اختياري

معاذ : عصب روح انقلع يال ك##

ابو تنك : دخل للغرفه الي محبوسه بيها جوري وشافها فاقده الوعي واشويه من وجها امبين من ورا النقاب كام يباوع بالغرفه وشاف جيك مي موجود قريب من جوري ابتسم ابخبث
وشال جيك المي وكبه على جوري

جوري : راسا فزت وشهقت من برودة المي الي انكب عليها

ابو تنك : صح النوم يا حلوة

جوري : ........

ابو تنك : يا الحلوة شنو اسمك

جوري : .......

ابو تنك : ابيد وحده جرها من عبايتها ووكفها على حيلها والايد الثانيه سحب نقابها

جوري :كامت اتباوع على ابو تنك ابنص عينه ( بس بينها وبين نفسها هي ميته خوف)

ابو تنك : تنح على شكلها وضل يباوع على عيونها

جوري : خافت وراسا نزلت عيونها وهي اتشوف عيونه تاكلها اكل ويركز ابملامحها

ابو تنك : عض شفته والله حرام هل جمال كوله وما اكدر اتمتع بيج

جوري : اهنا خافت منه وكامت تبجي (تبكي) وشفايفها ترجف وكالتله حراااام عليك الي تسوي

ما يرضي رب العالمين

ابو تنك : ابتسم الها وكاللها رجائا بلا محاضرات

جوري : الله يخليك رجعني البيتنه

ابو تنك : عشم ابليس بالجنه

جوري : والله العضيم ما اكول الاحد على الي صار اليوم

ابو تنك : ابتسم على برائتها وكااللها اسف لان انتي وكعتي ابعرين الذئاب والذيب ابعمره ما رحم
فريسته

جوري : كامت تشاهق وتتوسل ابو تنك حتى يهدها الله يخليك عوفني ارجع بيتنه حبااب

ابو تنك : اني اسف هذا قدرج ونصيبج لازم ترضين بيه

جوري : اهئ اهئ اهئ اهئ اهئ اهئ اهئ لالالالالالالالالالا اني اشسويتلك حتى هيج تسوي بيه

ابو تنك : انتي مسويتي شي بس السبب الوحيد الي جابج الهل مكان لان انتي حلوة صااااارووخ

ابنفسي اتونس بيج اول واحد يا الحلوة ويعض ابشفته

وقرب منها وانفاسه الكريه تختلط ويا انفاسها

معاذ فتح الباب على ابو تنك وجوري : وبكل عصبيه جر ابو تنك من ياخته وكام يصارخ عليه
اتريد اتخرب البضاعه مثل هذيج المرا انت ما تتوب من هاي سوالفك حتى الزباين كامو يشتكون
لان البضاعه توصللهم مو على المستوى الي همه دافعين افلوسهم الها

ابو تنك : شسويلك اني ضعيف كدام الجنس الطيف

معاذ : شوف يا ابو تنك قسم بالله اذا شفتك امقرب يم غرفه من غرف البنات ما تلوم بس نفسك

ابو تنك : يووووء صدعتني

معاذ : شوف اني حجمع البنات ابغرفه وحدا وخلي عليهم حراسه وانت ممنوع توصل يمهم الى ان اخلص وسلمهم واستلم افلوسي

ابو تنك : صار صار فهمتك

نرجع يم ياسر وعصام

ياسر : كملت تبديل التاير وخليتلك السبير

عصام : تسلم تسلم ان شاء الله الباجر اجيبلك تاير جديد بدل الي اخذته اليوم منك

ياسر : والله عيب عليك احنه ان شاء الله عن قريب انصير جوارين ماكو هيج حجي بينه

عصام : يالله اني هم لازم اروح لان عندي شغل

ياسر : يضرب ايده على راسه ويكول ياربي اتاخرت على اختي لازم اروح اجيبها من المدرسه
يالله مع السلامه

توجه ياسر المدرسه جوري : وصل ياسر للمدرسه وشافها فارغه ما بيها اي بني بشر
كال ياربي هاي شكلها راجعه للبيت مشي لان كولش اتاخرت عليها اليوم
ياسر حرك ابسيارته وهو يحرك شاف وحده ممده بالكاع
فز قلب ياسر وكال بس لا هاي جوري ونزل من سيارته متوجه داخل المدرسه

ياسر : قرب منها وشافها امدده وما امبين ملامح وجها لان الدم جان امغطي وجها

ياسر :ياربي لازم اخبر الشرطه اتصل ياسر على الشرطه واجوي راسا

المدرسه : نقلوها بالسعاف للمستشفى راسا

الضابط : اخي ممكن تحجيلي على الي صار

ياسر : والله سيدي اجيت اخذ اختي من المدرسه لان اتاخرت عليها اليوم وما شفتها بالمدرسه
فكلت هاي يمكن رجعت للبيت مشي لان اتاخرت عليها

الشرطي : زين ممكن تتصل على اهلك وتحجي ويا اختك بلكي شايفه شي ايفيده بالتحقيق

ياسر : صار هسه ادك عليهم اتصل ياسر على زينب السلام عليكم

زينب : وعليكم السلام

عيوني ام مصطفى : بلكي تصيحين جوري اريد احجي وياها

زينب : شهقت ياسر جوري الحد هسه مراجعه من المدرسا

ياسر : من سمع كلام زينب وجها اصفر وكاللها اتاكدي بلكي رجعت وانتي ما شفتيها

زينب : ياسر والله اني النهار كولها كاعده بالصاله وجوري مرجعت للبيت لو راجعه جنت اشوفها من تدخل للصاله على البيت

ياسر عصب وصارخ على زينب كتلج روحي شوفيها بالغرفه مالتها بلكي موجودة وانتي ما منتبها


زينب : صار صار وركضت للغرفه ودخلتها وحصلتها فارغه وكالتله الغرفه فارغه ما بيها اي بني بشر

ياسر سد التليفون ابوجه زينب وندار على الضابط وكاله اختي الحد هسه ما راجعه للبيت

الضابط : زين لا تخاف يمكن بعدها دا تمشي بالطريق بهل اثناء

اجئ شرطي للضابط : وكاله سيدي المدرسه فاقت وعدها معلومات النه

الضابط شنو نوع المعلومات العدها

الشرطي ابارتباك : سيدي اتكول انواكو ابنيه انخطفت من المدرسه واسمها جوري محمد

ياسر من سمع اسم اخته جن جنونه وكام يصارخ لالالا مستحيل مو اختي

الضابط : هدي يا اخويه سمي باسم الله صلي على النبي

ياسر يبكي مثل الاطفال ويكول بس هي الي بقتلي من ريحت هلي بس هي الي امصبرتني على دنيتي
ااااااااااااااااااه يا جوري سامحني يبه ما كدرت اصون الامانه سامحيني يمه ماكدرت احافض على بنتج
ويبجي بكل حرررقه

الضابط ظل ساكت ما يعرف شيحجي وشيكول الياسر

ياسر :يندار على الضابط لازم تعرفون منو سوا هيج بيها

الضابط : تعال ويانه المركز الشرطه عدنه كم سؤاال انوجها الك بلكي يفيدونه بالتحقيق

ياسر شال نفسه من الارض وكاله تمام خلي نروح

راح اختصر
بعد التحقيقات ويا ياسر والمدرسه
اكتشف الضابط ان اكثر من ابنيه انخطفت ابطريقه مشابها

انروح البيت جوري

زينب : تبجي وينك يا جوري يا بعد روحي يمه اصار منج اكلتي شربتي نمتي خوما واحد ضربها

ياسر : كافي بجي يا زينب البجي ما منه نتيجه ولا راح يرجعها وهاي عود انتي مدرسه التربيه الاسلاميه كومي ادعيلها اقري قران بلكي ربي يفرج عليها ويرجعها النه

زينب : تمسح دموعها مو بيدي يا ياسر جوري مثل بنتي اني ربيتها على ايدي

ياسر : ادري والله ادري

احمد و مصطفى : بابا يعني جوري بعد ما تكدر ترجع للبيت اخذوها

ياسر : ولزمته الغصه الله لا يكول ان شاء الله ترجعلنه لا تفكرون بهل تفكير السلبي

احمد ومصطفى : ان شاء الله ترجعلنا

نسرع الاحداااث بعد مرور شهر على اختطاف جوري

انروح يم جوري والبنات المختطفات

جوري : بنات لا تخافون ان شاء الله ما يكدرون يسولنه شي

همسه : لا يا شيخه هو منو كالج احنه خايفين

نغم : اي والله هاي شنو سالفتها بالكوة اتسوينه خايفين

ريم : جوري اني خايفه شسوي

همسه ونغم : ياربي ما تروحون من يمنه والله صرعتونا

جوري : حسبي الله ونعم الوكيل يعني مخايفات انتو يلكي هذوله ناوين يسون بينه شي مو زين لو يبيعون اعضائنه

همسه ونغم : هههههههههههههههههههههه شيريدون يسون خلي يسون

جوري ظلت صافنه عليهم هي وريم

دخل هشام للغرفه مال بنات وغمز ال همسه : همسه ضحكت وكالت بنات اني اروح اشويه وارجع
نغم الله وياج حياتي

جوري : كامت وراحت على همسه وكمشتها من ايديها انتي امخبله وين رايحه ويا هذا

همسه : سحبت ايدها من جوري وصفعتها على وجها انتي مالج دخل فهمتي

جوري : كمشت خدها ورجعت على مكانها يم ريم

طبعا نغم وهمسه ك من البنات الي باعو نفسهم وشرفهم على مود الفلوس

بعد ما رجعت همسه للغرفه دخل عليهم معاذ حضرو نفسكم الباجر من الفجر راح نسافر للسعوديه
:
:
:
:
:
:
:
كت

اذا بيه حيل اكتب البارت الرابع بالليل ان شاء الله

صدك مكلتلكم اسم البطل مال روايتي فهد وعمره 30 سنه








آخر من قام بالتعديل Star_warda; بتاريخ 20-01-2017 الساعة 10:45 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 09-03-2017, 11:15 PM
صورة Star_warda الرمزية
Star_warda Star_warda غير متصل
©؛°¨غرامي مشارك¨°؛©
 
01302798240 رد: الحب في الزمن الصعب/ بقلمي


البارت الرابع


معاذ: دخل الغرفه البنات وكاللهم حضرو نفسكم الباجر الفجر انسافر للسعوديه

جوري : انت من كل عقلك كاعد تحجي شنو حضرو نفسكم الباجر انسافر ووين حضرتك امسفرنا للسعوديه انت اكيد عقلك بيه شي يال امخرف شنو الدنيا هيته يمك ماكو واحد يوكف ابوجهك ويعلمك ان الله حق يال ما تستحي

معاذ : عصب من جوري انت اذا ما تسكتين والله ارجع اربيج من جدا وجديد

جوري : لا والله من صدك تحجي انت انت بالاول ربي نفسك عودين تعال ربيني يال حق##

معاذ : اهنا وصلت حده وياها وضرب جوري راشدي (عطاها كف) خله توازنها يختل وتوكع بالكاع

بهل اثناء ريم : كامت ترجف وجسمها يهتز ووكعت بالكاع (الارض)

جوري وهي تبجي ومن بين ادموعها شافت ريم بالكاع جوري كامت تزحف على ايديها ورجولها
الى ان وصلت الريم وهي تبجي (تبكي) وكامت اتعيط بعالي صوتها ريم رررررررريم
الله يخليج لا تسوين هيج حبابه كومي ردي علية ررررررريم ررررررررررريم
وبهل اثناء ريم كام يطلع زبد ابيض من فمها وعيونها انقلبت وانفاسها كامت اتقل

معاااذ: هاي اشبيهااااا الي يمج سوت فلم هندي انتي وياها

جووووري : بكل قهر وعصبيه وبجي وتعيط ريم ماتت مااااااااااااااتت الله لا ينطيك
الله لا يوفقك جعلها باعز ما تملك يل #############

معااذ : انصدم ماتت شنو ماتت انتي تتشاقين كاعده لو تنكتين حضرتج

جوري : اهئ اهئ اهئ اهئ اهئ اهئ اهئ اهئ اهئ اهئ اهئ اهئ دا اكولك ماااااااااااتت ريم

معاذ: ركض على ريم وشاف الزبد الطالع من فمها ونزل يتحسس مكان النبض برقبت ريم وما حس باي نبض وصاااار عصبي بالله هاي وكته اني اريد اخلص من هل شغله هسه شسوي اني

جوري : هي وتبجي وتشاهق انت صدك بلا ذمه ولا ضمير

همسه : الي كاعده ابزاويه الغرفه ومن شافت ريم ماتت كامت تبجي وحست تئنيب الضمير وخصوصا
اني هي اذت جوري وريم اهواية

بهل اثناء هشاام دخل ركض على معاذ ابغرفه البنات

هشام : معاااذ الحك ابو تنك يريد يبلغ الشرطه وينطيهم العنوان حتى ما يخلينه نودي البنات للسعوديه

معاذ : فتح عيونه وعصب وبينت شراينه الي برقبته من كد العصبيه وسئل هشام صدك تحجي لو تتبلى على ابني

هشام : والله يا معاذ سمعته يحجي ويا تحسين ويكوله راح ابلغ عليهم حتى ما اخليهم ياخذون جوري مني حتى لو جان معناتها انو ادخل ابويه السجن ما اهتم اهم شي اخذ جوري الي وحدي

معاذ : اهنا كال الهشام هسه وينه هو

هشام : هو بالسطح كاعد يحجي ويا تحسين

معاذ : خوش خوش وجر المسدس من الكراب مالته وتوجه للسطح مال البيت

هشام : ياربي اني شنو ورطت روحي خلي انهزم احسنلي وخليهم نارهم تاكل حطبهم

جوري من سمعته هيج يحجي : كالت خلي استغله بلكي يتعاطف ويايه واكدر انهزم منا
وكالتله الله يخليك تكدر اتطلعني منا وياك حتى ارجع الاهلي

هشام : انتي امخبله تردين معاذ يدور عليه ويقتلني لا حبيبي لا خليج منطمه ابمكانج احسن الي والج

جوري : الله يخليك

هشام : انسي باباتي ودفعها خلها توكع يم ريم وسد الباب بالمفتاح زنهزم

جوري : باوعت على وجه ريم ورجعت تبجي ومن بين دموعها كامت وسحبت جرجف (غطاء السرير) خخخ كلبت فصحا ياعيني نكمل وغطت بيه ريم وهي كاعده يم راس ريم وتقرا ايات من القران الى ان سمعت صورت 8 طلقات وفز قلبها من الخوف وكالت حيل بيهم عساهم بالي ازود منه

نرجع يم معاذ وابو تنك وتحسين

معاذ: ها يا ابو تنك اتريد اتذب ابوك بالسجن على مود ابنيه لا راحت ولا اجت

ابو تنك : مو بس اذبك بالسجن هم اقتلك ولا اخليك تاخذها مني

معاذ : والله يا ابو تنك وتغيرت بس سؤال ممكن ااعرف هاي كوله على مود بنت تبيع ابوك الي رباك وكبرك وتعب عليك وسواك رجال طول بعرض

ابو تنك : ااي ااااااي على مود ابنيه هاي البنيه غير شي حلو وصافي مابيها لا حقد ولا كره
اريدها هي الي راح اتغير حياتي وتخليني اصير رجال جديد ما بيه وصاخه هي الي راح اتطلعني من المستنقع القذر الي حطيتني انت بيه بيديناتك

معاذ : كام يصفك بيديه ويصيح وااااااااااووووووو ابو تنك صاير رقيق والله وطلع عندك احاسيس
واني ابوك ما ادري بيك هيج حساس انت

ابو تنك : ابسخريه كل الي اتعلمته منك هو البوك والقتل والمخدرات والسلب والنهب ما فديوم علمتني شي زين حتى الصلاة ما اعرف اصليها لان انت ما علمتني خليتني اصير جاهل متخلف
حتى المدرسا ما خليتني اكملها للصف الرابع ابتدائي وبعدها سحبتني الدرب الضياع

معاذ : يضحك ابسخرية هههههههه صدك تحجي لوما انت جنت تتوسل حتى اتصير مثلي وترجيتني حتى اعلمك الكار مالتنه

ابو تنك : جنت طفل ما اعرف مصلحتي وجان لازم انت الي اتعلمني وتوجهني للطريق الصحيح مو بيدك اتدليني لدروب الفساد والضياع

معاذ : كملت المحاضرة مالتك حبيبي

ابو تنك : ليش ؟؟؟؟؟؟

معاذ : ااااااااف ياربي حبيبي اتشاهد على روحك لان هذا يومك

ابو تنك : ما استوعب الي كاله ابوة وبقى يناضرة وعلامات استفهام على وجها

معاذ : خابرت الشرطه لو بعدك

ابو تنك : لا بعدني

معاذ : زين زين زين يالله مع السلامه وسحب مسدسه وظرب ابو تنك 8 طلقات وقتله بدم بارد
وندار على تحسين وكاله هااااا حبيبي انت شنو وضعك اهنا اتريد تكمل ويايه لو تلحك صاحبك

تحسين : اهنا خاااف من معاذ وكاله اني مالي علاقه بابنك

معاذ : عفيه بولدي

تحسين : بس سؤال

معاذ : نعم جواب كول شتريد بلا لف ودوران

تحسين : ابو تنك مات وهو ابنك ماكو اشويه احاسيس منقهرت

معاذ : ابتسم اني قلبي ميت من زمان وما اهتم الاي بني بشر حتى لو جان ابني من لحمي ودمي
ويالله هسه جاوبتك على سؤالك شيل جثت ابو تنك ونزل الغرفه البنات واخذ الجثه الثانيه
واخذ سيارة ابو تنك وروح ابمكان معزول فجرها لان ما اريد يبين منهم شي اريدهم يتشوهون

تحسين : بكل خوف هز راسه وكاله تامر عمي معاذ

انروح المكان صارلنه اهوايه مرايحيله بيت ياسر

زينب : عيونها ولا نشفت بهل شهرين يوميه تكعد تبجي على جوري الى ان عيونها كامت تاذيها من كثر البجي الي تبجي

ياسر : يا مراه كافي بجي والله كطعتي قلبي اكثر ما هو متكطع ومقهور ومهموم

زينب: بنتي ياسر بنتي جوري يا ويل قلبي عليها لا اعرف اذا اكلت او شربت اونامت عدل
شسوي يا ياسر قلبي يشب نار كل ما اتذكرها اشتاق الشقاها اشتاق الدلعها الي تدلعني بيه حتى لو جنت ما احب الدلع الماصخ مالها بس اريدها ترجع وشتريد اتدلع خلي تدلع

ياسر : سحب نفس عميق وجاوبها والله حتى اني بس ربي شاهد عليه يوميه ادورها بالشوارع حتى المستشفيات حتى دور الايتام دورتها ما بقيت مكان ما رحتله

زينب : ببجي يمه جوري كطعتي بيه وينج وين صرتي وتبجي بقوه ( طبعا تتسائلون ليش هيج زينب تسوي وذلك لان زينب هي ربت جوري من بعد وفات امها وابوها وتحس نفسها امها مو مرت اخوها )


ياسر : يا نضر عيني كافي بجي دخيلج انت بس ادعيلها نلكاها

زينب : ان شاء الله

نرجع المعاذ والعصابته

معاذ : ثامر وين هشام ليش ما موجود

ثامر : والله عمي ما اعرف وينا من الصبح وهو مختفي

معاذ ك اها هيج اتكول زين دك عليه شوفه وينه

ثامر : صار عمي تامر امر

تحسين : وبعد ما خله الجثث بالسيارة ونطلق المكان مهجور بعد ما وصل نزل جثتابو تنك وريم وشمر عليهم نفط وطلع جداحه وحركهم ابمكانهم وهو يبجي على صديق عمره ويكوله اسف اني اسف يا خوي ما كدرت اسويلك شي ولا ادافع عنك من ابوك الظالم ويمسح دموعه بطرف قميصه وركب السياره ورجع المكان العصابه

معاذ : شاف تحسين يطبك بالسياره وعصب عليه وكاله بصوت ناصي يشبه فحيح الافعى مو كتلك احركهم همه وسياراتهم

تحسين : بكل برود احركهم همه والسياره بالله واني اشلون ارجع لهنا وبستهزاء خوما اتريدني ارجعلك مشي يا عمي

معاذ : اهنا اشويه عصبيته قلت وكاله من بين اسنونه جان حجيت من الاول وخلي واحد من الشباب يطلع وياك بسياره ثانية

تحسين : والله عمي ما جتي ابالي هاي الفكرة

معاذ : كافي كافي ويالله حضر نفسك هسه نطلع للسعوديه

تحسين : وبستغراب شنو هسه نطلع انت مو كلت نطلع الفجر

معاذ : اي ادري كلت الفجر وهسه غيرت رائي عندك مانع اخ تحسين

تحسين : لا عمي ماكو اي مانع هسه احضر السيارة ونتوكل على الله

معاذ: صعد الغرفه البنات وكال يالله كدامي نزلو جوه لان ورانا طريق

همسه ونغم : اووووكي هسه ننزل

جوري : على كص رقبتي اطلع من هل مكان لو تموت ما اتحرك شبر واحد من هل غرفه

معاذ : اللهم طولج يا روح ويا هل مصيبه الي شمرها عليه ابو تنك وهو وله وراح

جوري : بستغراب من حجي معاذ شنو قصدك وله وراح هذا النذل الي جابني هنا انهزم وعافكم

معاذ : اعصابج اعصابج لا يطكلج عرج وتموتين لا حبي ما انهزم هو اصلا مات

جوري : فتحت عيونها وضحكت ههههههههههههههههههههههههههههه هاي حوبتي طلعت بيه ودعاوي تالي الليل مال يتم ما تنزل للكاع يم رب العالمين

معاذ : عصب منها وكاللها شكلج ما تتعلمين وركعها راشدي وثاني وثالث الى ان فقدت الوعي معاذ نفضها من ايديه كانه شي يتقرف منه ونزل وصاح على ستار وثامر حتى ينزلون البنات

من نزلو البنات معاذ شافهم وعاط عليهم خير خير هاي اشلابسات حضراتكم رايحات حفله صعدو لبسو عبي وحجاب وبوشية (نقاب) دا اكوللكم اخذكم للسعوديه مو رايحين للبلاج احنه يالله كدامي

همسه ونغم : ضاجو وصعدوا للغرفه حتى يلبسون الي كاللهم عليه معاذ ( طبعا حتكولون امنينلهم الهدوم وراح اكوللكم الهدوم من ضمن التجهيزات مال السفر مالهم يعني بس الي يلبسوها بالطريق بس لا غير )


نسرع الاحداث

جوري بدت تفتح عيونها : وشافت روحا ابسيارة رائسا فزت وصاحت لا يا ربي لا اني اكيد ابحلم
لا مو حلم هذا كابوس ياربي وتفتر عيونها وتشوف معاذ كاعد بالصدر ويمه تحسين يسوق والي وراه ستار وثامر وبالنص كاعده همسه وبالاخير نغم وجوري ابصفها
طبعا السيارة جمسي مال سفر الي راكبيها

نغم : صح النوم يا حلوة بعد وكت جان ظليتي نايمه احسن الج

جوري : بفهاوه اتباوع عليها ليش احنه وين رايحين

نغم : هاهاهاهاهاي والله ضحكتيني واني ضايجه

جوري : عصبت دا اكولج وين رايحين احنا هسه لا تخليني اتصرف تصرف ما يعجبج

نغم : خافت من جوري وكالت للسعودية

جوري : شنووووووووووووووو وكامت اتصيح وتضرب ثامر وستار الي كاعدين كدامها من قهر قلبها

معاذ : صرخ بصوت عالي وتالي وياج انتي ما تهيدين جنه اشحلاتنه مرتاحين منج ما تكوليلي اشكعدج انتي

جوري : والشياطين تتطفر كدام عيونها وجاوبته ابليس صحاني ومراح يعوفكم الى وهو امنزلكم على القبر

معاذ : والله ام عيون حلوة تعرف تهدد

جوري : بصوت عالي جاااااك الموووووووووووت يا تارك الصلاه وكمزت ليكدام يعني انتقلت يم همسه وثامر وستار
وبدت تضرب تحسين ومعاذ بكل قوتها ووراها جلبت بالستيرن ( مقود السياقه ) وكامت السياره تهتز بيهم الى ان صارت تريله كدامهم وتحسين فقد السيطرة ونضربو بالتريله (شاحنه )
وكامت السياره تتكلب بنص الطريق ووقفت بالمقلوب

جوري : بعد اشويه حست على نفسها وشافت االجامات متكسرة (الزجاج متكسر )وتسمع صوت انينهم داخل السيارة وبهل لحظة بينها وبين نفسها هي هاي فرصتي لازم انهزم منهم وزحفت من السياره وطلعت منها وكامت على كيف تمشي وتجر ابروحها

وابو التريله (الشاحنه):خاف يوقفلهم وتصيرله مشاكل ونهزم وعافهم

جوري : هي وتمشي ودموعا امغركتها ياربي احفظني يارب ساعدني وترتل من ايات القران الي حافضتها
:
:
:
:
:
:
كت
اشراح يصير بجوري ومعاذ وعصابته نعرفه بالبارت الجاي
سلااامي



آخر من قام بالتعديل Star_warda; بتاريخ 09-03-2017 الساعة 11:24 PM.
الرد باقتباس
إضافة رد
الإشارات المرجعية

الحب في الزمن الصعب/ بقلمي

الوسوم
..... , الحب , الزمن , الشعب , بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى اه يا عذابي/كاملة &نـــونـي بنت الجنوب & روايات كامله - يتم نقل الرواية هنا بعد اكتمالها 5835 02-02-2017 06:24 AM
خارطة على وجه \ بقلمي خفوق قطر خواطر - نثر - عذب الكلام 14 03-12-2016 07:06 PM
أنا عاشق بقلمي المياسي.! كووره عربية 1 20-11-2016 06:18 PM
غموض رجل / بقلمي؛كاملة ~Fananah~ روايات كامله - يتم نقل الرواية هنا بعد اكتمالها 47 16-09-2016 10:06 PM
من السهل ان ... ولكن من الصعب ان فوشية :$ ديوانية الاعضاء - متنفس للجميع 12 07-02-2015 04:22 PM

الساعة الآن +3: 02:34 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1