غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 06-02-2017, 07:42 PM
YAGMUR_KSA YAGMUR_KSA غير متصل
©؛°¨غرامي جديد¨°؛©
 
الافتراضي رد: رواية وعندما احاول نسيانك أنسى كل هذه الدنيا واتذكرك/بقلمي


اقتباس:
المشاركة الأساسية كتبها جوري المنار مشاهدة المشاركة
وأخيييييرا عدتي لنااا مرحبا بييك
حول البارت أنا ما عجبني تصرف أميرة أنها تكلم ريان لانها اولا متزوجة نعرف انو صعب تنساه بس لازم بتقاوم متأسفة كتييير على نهى يعني ما عرف ينتقم إلا برفيقتها للاسف بتوقع الوليد راح يغار على أميرة الباقي ما بعرف
ننتظرك لا تطولي
اهلين فيك
أوافقك انه الموقف غلط بس حبيت اذكر انه هي اتصلت له عشان يرد على اهله وتتطمن عنه
ان شاء الله ما أطول وخلا هاليومين ينزل البارت
مع تحياتي 🌸


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 06-02-2017, 07:45 PM
YAGMUR_KSA YAGMUR_KSA غير متصل
©؛°¨غرامي جديد¨°؛©
 
الافتراضي رد: رواية وعندما احاول نسيانك أنسى كل هذه الدنيا واتذكرك/بقلمي


اقتباس:
المشاركة الأساسية كتبها لامــارا مشاهدة المشاركة
السلام عليكم

حمدلله ع السلامة

إن شاء الله أمورك طيبة

بارت حلو بعد غياب

ننتظر القادم بكل حب وشوق

بالتوفيق لك

دمت بود
وعليكم السلام
الله يسلمك
تمام الحمد لله
تسلمي
ان شاء الله يكون قد انتظاركم
للجميع ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 07-02-2017, 09:55 PM
YAGMUR_KSA YAGMUR_KSA غير متصل
©؛°¨غرامي جديد¨°؛©
 
الافتراضي رد: رواية وعندما احاول نسيانك أنسى كل هذه الدنيا واتذكرك/بقلمي


الـبــــــــــ 9 ــــارت
مدخل
"وفي لحظة عناق ، أيقنتُ أن الحياة بين ذراعيك"

احمد : وش فيهم كل واحد متنح
خالد : وليد وليد
انتبه لهم : هلا
خالد : الحساب
طلع محفظته وطلع منها البطاقة دفع بها
احمد : الحين وش بنسوي ؟!
الوليد : على كيفكم
خالد : نبه الى جنبك بس
طلع في تركي وتركي كان يطلع قدامه وشارد
الوليد : تركي ... تركي ... تريك
احمد : وش جاه ؟!
خالد : مدري عنه لف وراه وتنح
الوليد : تريك "هزه بخفة"
تركي : وجع
الوليد : وينك ياخي صار لنا ساعة نناديك
احمد : تركي
تركي : نعم
احمد : تناديك رغبات المقابيل
تركي : كل زق
خالد : خلونا ناخذ البنات ونروح على البحر
الكل : طيب
قاموا وراحو جهة البنات
رغد "شهقت"
حلا : وش فيك ؟!
رغد : الموت جاي
غلا : من ؟!
رغد : الربع كلهم هنا
عبير : تريك معهم ؟!
رغد : مع الاسف
عبير : لا لا لا
خالد : وش تسون هنا
اميرة انتبهت للوليد الى كان معهم ويطلعها بنظرات شوي وتحرقها
رغد : نسوي الى تسوه
عبير : وش يسون الناس الطبيعية في المقهى يعني
تركي : كلي تبن بس خلصتوا ؟!
حلا : ايهه بغيتوا شئ
تركي : قومو بنروح البحر
غلا : ما بنتاخر لكن لانه بكرا ورآنا مدرسة
احمد : على عشر راجعين
حلا : ما لي خلق خلونا نرجع البيت احسن
عبير : طيري احنا نهرب من البيت في السنة حسنة لذلك خلينا نفلها
رغد : وانا بعد اقول خلينا نفلها ونسحب على البيت
حلا : بس
رغد : هل لكم ان تبتعدوا يا أصدقاء سوف نتكلم بـ شئ مهم
خالد : اسرار دولة وانا مدري
رغد : انقلع وكل تبن اوكي اذا ما رحتوا لأعلم ابوي أنكم طلعتوا وهو قال لكم لا تطلعوا
احمد : حكم القوي على الضعيف يلا خلونا نروح شوي شباب
بعدوا شوي عنهم
عبير : يا حيوانة عشان تريك نخرب الطلعة طيري انتي معه
رغد : اموت واعرف سبب الكره الى بينكم
غلا : مي تو
حلا : خلاص لا تبدوا اوكي بروح معكم
رغد : ايهه خلك كذا
عبير : ما عندك مانع اميرة صح
غلا : يا الخبلة زوجها معانا كيف ما تروح بالله
اميرة : الحين سؤال من ذولا ما عرفت الا الوليد منهم
عبير : شوفي الله يسلمك هذاك الى جنب زوجك والى يشبهه مرة بس اسمر هذا اخوي تريك
رغد : وذا الى تلاسنت معه خالد والى قال حكم القوي على الضعيف
اميرة : احمد
غلا "بغيره" : كيف عرفتي ؟!
اميرة : شفته لما طلعنا نتجسس عليكم
رغد : اوه صحيح المهم ذولا البقر اخواني
حلا : وهذا فيصل
"بدون ما يأشرون طبعا"
اميرة : سؤال ثاني بعد ؟!
الكل : قولي
اميرة : إنتوا عادي عنكم تكشفون وجهكم قدامهم
حلا : لا في ذي ما فيه مشكلة
رغد : الكل يكشف قدامهم
غلا : حتى ريم تكشف وزوجة فيصل الله يرحمها بعد كانت تكشف
اميرة : اها
عبير : نقوم
اميرة : خلوا الحساب علي هدية اول طلعة معكم
رغد : أخذوها مثال لكم
اميرة : لا حرام العشاء دفعته حلا
عبير : اول وآخر مرة في حياتها
غلا : اوافقهم آستحت لانه انتي معنا وتقول مرة اخوي وكذا قامت دفعت
اميرة : خلاص إنتوا امشوا وانا بدفع واجي
مشوا لـ عند الشباب
تركي : عبيروه صديقتكم ما بتجي معكم
عبير : راحت تدفع الحساب وبتجي
خالد : حرام عليكم يعني احنا الفلوس عندنا تكفي يعني تخلون صديقتكم تدفع ليش ؟!
رغد : من متى عندك هالقواعد ؟! بعدين هي الى اصرت تدفع
خالد : ما لك دخل
دفعت اميرة الحساب وجت
الوليد : تعالي ابغاك بـ كلمة
مسك يدها بخفة وسحبها لـ مكان بعيد شوي عن الكل
فيصل : من وين يعرفها ذا ؟!
تركي : لا تفكره يتحرش بها بس
عبير : اي تحرش الله يهديك هذي زوجته
خالد : اما زوجته والله طلعت مزه
رغد : هيييه ترا زوجة ولد عمك
احمد : بصراحة انتوا صايرين شايبات قدامها
غلا : نعم ؟! خير ؟!
احمد : اقصد عبير ورغد اما انتي وحلا لا طبعا
عبير : خير اخ احمد انا شايبه يا قليل الحيا
رغد : احمد ترا تهديدي بعده قائم اقول لـ ابوي ترا
احمد : حسبي الله ما عندهم تفاهم على طول تحويل لـ وضع الهجوم
تركي : الحمدلله ألذي عافانا مما ابتلاهم
عبير : شفت يعني الكل ما يحصل له اخت مثلي طيبة وحنونة
تركي : نعم ؟! انتي وين والطيبة والحنية وين ؟!
عبير : كل تبن ما تسلك لي يعني
تركي : اسف ما اشتغل سباك
"اميرة والوليد"
اميرة : بغيت شئ
الوليد : ليش كاشفه ؟!
اميرة : لانه ما احب اكل او اتسوق ووجهي مسكر
الوليد : والله
اميرة : ايهه بعدين وش دخلك وجهي وبكيفي
الوليد : لا يا ماما انتبهي لـ تصرفاتك مرة ثانية
اميرة : لكن ريم عادي صح
الوليد : كم مرة قلت لك لا تقارنين نفسك بـ ريم ولا تجيبين اسمها على لسانك
اميرة : طيب انا حرة وبكشف ومو بكيفك اوك عجبك عجبك ما عجبك في عندك طوفة يمين وطوفة يسار اختار لك وحدة واضرب راسك بها
مشت وسحبها من يدها لـ وراء
الوليد : طلع لنا لسان بعد
اميرة : وليد ما لي خلق مشاكل رجاءا اتركني في حالي بس اليوم
حس بجد انها تعبت من المشاكل معه بس الشيطان الى في راسه ما يتوب : الوليد مو وليد هذا اولا ثانيا الحين بتركك بحالك بس لما نرجع البيت حسابك
اميرة : شكرًا
راحوا للكل بعدين راحوا المواقف كان ترتبيهم رغد وعبير في سيارة خالد مع فيصل واحمد وفي سيارة الوليد اميرة وحلا وغلا وتركي طبعا أقنعوا حلا بالقوة انه تركب مع الوليد لانه ما فيه مكان في سيارة خالد وصلوا البحر طبعا خالد لانه يروح دايم البحر مع اصدقاء خلي السجادة في سيارته نزلها وفرشها
خالد : ما فيه في السيارة الا وحدة دبروا حالكم بها
الوليد : بشوف السيارة يمكن عندي وحدة
حلا : وش تنتظر
غلا : خلص الجو بادر واحنا صار لنا ساعة واقفين وعبايتنا ترفرف كانا الا باتمان
حقرهم ومشى دور في سيارته وطلع فيها وحدة لكن مو كبير ذاك الزود طلعها لهم
الوليد : فيه صغيرة بس
البنات "بسرعة" : انتوا اقعدوا عليها
احمد : لا والله وليش ان شاء الله ؟!
عبير : بسيطة لانه انتوا عددكم اقل
خالد : من قال ؟!
عبير : احنا البنات 5
تركي : واحنا 5 بعد
عبير : تريك خليك جنتل مان واترك لنا الكبيرة
خالد : ما نبغا الجنتل مان حقكم شئ ثاني
عبير : كل زق ونهايتك يعني بتقعد هناك
فيصل : خلاص زودتوها اعقلوا احنا بنقعد على الصغيرة وانتوا تهنوا بالكبيرة
الكل سكت لانه يعرف وش بيصير لو فيصل عصب
حلا : وليد
الوليد : نعم
حلا : قوم معي
الوليد : وين ؟!
حلا : الحمام -يكرم القارئ-
الوليد : وليش ان شاء الله ؟!
حلا : ما تشوف العيال واجد هنا
الوليد : تريك ما لي خلق لها روح معها
تركي : اوك
حلا : لا تركي لا
تركي : وش فيني انا ما تبغيني ؟!
حلا : ما فيك شئ بس خلي الأخ الى جنبك يحرك نفسه شوي ولا بصير دوبه
الكل ضحك على شكل حلا وهي تقول "دوبه"
الوليد : خلي اميرة تروح معك
حلا : استفدت شئ يعني لو ابغا اميرة قلت لها من البداية
تركي : امشي خلصينا
حلا : طيب
قامت مشى معها لـ عند الحمام -يكرم القارئ-
حلا : شكرًا لانك ما قلت لـ احد
تركي "مفهي" : عن وش ؟!
حلا : فيصل
تركي : اووهه ذا الموضوع ما يخصني ليش اقول يعني
حلا "حست انها غبية للحظة على تشكرها الغبي وانقهرت" : لانه انت ما تقدر تكتم سر دقيقة وحدة لذلك تفأجات صراحة إنجاز اهنيك
تركي : كلي تبن لا الحين رحت فضحتك عند الكل
طلعت به بنظرات مثل ذا الفيس "😒" ودخلت قضت حاجتها وطلعت مشوا لين وصلوا للشلة
عبير : ما دام جت ذي خلونا نقوم نتمشى شوي
تركي : وين على الله اخت عبير ؟!
عبير : نمشي حرام يعني ؟!
تركي : اذا هذي "يقصد حلا" ما قدرت تمشي للحمام -يكرم القارئ- لا بـ رجال معها تبغيني آخليكم لـ وحدكم
رغد : امشوا معنا عجل
فيصل : ما لي خلق أقوم
خالد : وانا بعد
الوليد : اذا بتروحو خلو زوجتي رجاءا احاتجها
غلا : ما بناكلها على فكرة
الوليد : ما اثق فيكم
حلا : وحوش شايفنا
تركي : اول مرة تصدقي في حاجة
الوليد : ايهه انتوا وحوش وهي بريئة يعني لو خليتها معكم راحت علي
اميرة : من قالك اصلا انت ما شفت وجهي الحقيقي بعدك
عبير : اوافقها لانه احنا بعد كنا نفكرها بريئة اول ما شفناها بعدين طلع وجهها الحقيقي
الوليد : افا كل هالوقت تخدعيني
"نرجع بالوقت لـ قبل ساعة
اميرة : وليد ما لي خلق مشاكل رجاءا اتركني في حالي بس اليوم
حس بجد انها تعبت من المشاكل معه بس الشيطان الى في راسه ما يتوب : الوليد مو وليد هذا اولا ثانيا الحين بتركك بحالك بس لما نرجع البيت حسابك
اميرة : شكرًا
الوليد : بس بشرط ؟!
اميرة : قول
الوليد : اذ بنتصرف كـ زوج وزوجة بجد فرحانين ومتفاهمين يعني مو تتشاطرين وترفعين صوتك علي
اميرة : مثل ما مثلت قبل امثل الحين"
اميرة : ما أخدعك بس ما صار شئ يخليني اطلع جاكي شان الى في داخلي
الوليد : خفي علينا يا جاكي شان
تركي بعد عنهم شوي لانه حس بجد قاعد يختنق لما يشوف اميرة يحس انه قاعد يخون الوليد بـ تفكيره بها وهذا الشئ يخنقه ويعرف انا خطأ كبير يفكر بها بس في شئ داخله تحرك هبت رياح دافئة ذوبت الجليد الى على قلبه بس من نظرة وحدة
احمد "يكلم خالد بصوت خفيف" : الأخ قاعد في العسل مع زوجته واحنا بس ساكتين وما نقدر نرد
خالد : وش تسوي بعد وانا اخوك مجبور تتحمل لين ما تخلص رومنسيتهم السخيفة
احمد : هذا الوليد الى نعرفه ؟! صراحة توي اعرف انه فلاوي
خالد : زوجته غيرته
احمد : سبحان مغير الأحوال
فيصل "سرقهم" : بمن تحشون ؟!
خالد : بسم الله حشى جني
فيصل : في عينك مسكتكم في من تحشون
احمد : في وليدوه
فيصل : وش فيه ؟!
خالد : يعني زوجته الاولى في المستشفى ومدري وش وهو قاعد هنا يمزح ويضحك مع الثانية
فيصل : وش فيها يعني عادي ؟!
احمد : هههه انت اخر واحد تتكلم شفنا حالتك لما كانت زوجتك في المستشفى
فيصل : كم مرة قلت لكم لاحد يذكر هالشئ قدامي اعتبروه ما صار في حياتي انا بديت حياة ثانية لما رجعت لكم لذلك رجاءا لا تخلوني اندم على هالقرار وارجع لـ حياتي القديمة
احمد : اسف كنت اقصد
فيصل : ادري بس لا تعيدها عشان لا نكسر بعض
احمد : اسف مرة ثانية
خالد : قوموا نروح لـ تريك ونترك ذا مع زوجته
قامو
البنات : وين ؟!
خالد : نتمشى عندكم مانع
رغد : تاخذوني معكم
عبير : وانا بعد
غلا : وانا
فيصل : خلصونا قوموا بسرعة "يأشر على حلا" وانتي يلا قومي
حلا : ما ابغا
فيصل : كيفك يلا امشوا
الوليد : تقومي ؟!
اميرة : انا ؟!
الوليد : في احد غيرك
اميرة : طيب
قام ومد يده لها عشان يقومها مسكت يده وقامت وما ظل احد قاعد غير حلا
الوليد : اذا تبغي ترجعي عادي ترا
اميرة : لا ابغا امشي اصلا زهقت من القعدة
الوليد : اميرة ممكن سؤال
اميرة : قول
الوليد : من وين لك الفلوس
اميرة : انا عندي بطاقة ينزل فيها فلوس كل شهر من ورث ابوي
الوليد : الله يرحمه
اميرة : جميعا
الوليد : تبغي شئ
اميرة : لا ما ابغى
الوليد : اميرة
اميرة : هلا
الوليد : برأيك ليش محنا قادرين نتفاهم ليش احنا مختلفين عن الشخصيتين الى قاعدين نمثلهم
اميرة : ما ادري
الوليد : طيب سؤال بعد
اميرة : الفضول اليوم ذابحك
الوليد : من كنتي تكلمي
اميرة : خطيبي السابق
الوليد : انت كنتي مخطوبة
اميرة : مو بشكل رسمي
الوليد : طيب من هو ؟!
اميرة : نروح للبحر
عرف انها تصرف الموضوع وما حب يضغط عليها ومشا معها للبحر
اميرة : شوف انا انسانة بقعد على الرمل حبيت تقعد اقعد خفت على الكريزما الى ألك لا تقعد
الوليد : مجنونة كيف بتقعدي وعباتك
اميرة : نشوف لها حل بعدين وش الحين بتقعد لو لا ؟!
وقف يمثل انه يفكر واميرة قعدت ومدت يدها له
اميرة : تعالي لا تخاف ما بياكلك الرمل
مسك يدها وقعد
أميرة : ممكن اخذ يدي
انتبه انه لحد الحين ماسك يدها فكها : اوه اسف نسيت
اميرة : وليد ممكن طلب ؟!
الوليد : الوليد يا اميرة الوليد مو معقولة كل شوي اذكرك
اميرة : اسهل لي وش اسوي
الوليد : بعدين بيني وبينك لاقي لك حل لـ نطق حرف الدال
اميرة : أنطقها دال بس الشحميات الله لا يوفقها تدخل عرض وتخربها
قلد صوتها وهي تقول اسمه : وليذ قلبتي ام اسمي
اميرة : اوك نرجع لـ موضوعنا
الوليد : قولي
اميرة : امي عازمتنا على الغداء يعني وانا عشان ما اشككها وافقت بس قلت بسألك اول عادي لو تجي معي
الوليد : اكيد اذا كنا نلعب لعبة لازم نكملها على اكمل وجهه
اميرة : شكرًا وشكرا ثانية بعد على البلا.... الى هو ذيك الى حقة الألعاب الى جبتها لـ اخواني
الوليد : بلاستيشن
اميرة : ايهه
الوليد : يا حبك للاختصار
اميرة : نروح
قامت ومسك يده بخفيف : وين ؟!
اميرة : للباقي
الوليد : لحظة ما قلتي لي الوقت واليوم
اميرة : اليوم الى تكون فاضي فيه
الوليد : الخميس ما عندي شئ
اميرة : اوك أبلغها ... نمشي ؟!
الوليد : طيب يلا
رجعوا للباقي وشالوا الأغراض ورجعوا القصر
ابو الوليد : اخوكم برا
حلا : ايهه بس أتوقع مشى
ابو الوليد : اتصلي عليه
حلا : ان شاء الله
اتصلت له ورجع للقصر نزل من السيارة وراح لـ جهة عائلته
الوليد : هلا يبه بغيت شئ
ابو الوليد : ليش ما تقعد هنا انت ومرتك وانا ابوك
الوليد : اغراضنا في شقتنا تدري
ابو الوليد : حتى هنا عندك أغراض
الوليد : اميرة ما عندها
ابو الوليد : خواتك موجودين يعطوها بجامة من عندهم
ما عرف وش يقول اكثر فـ خضع لـ طلب ابوه وراح لـ اميرة وقال لها الموضوع ونزلت معه
الوليد : تعالي
اميرة : ما شاء الله ضعيف بيتنا اقصد بيتك بـ خمسين الف مرة
الوليد : طبعا وش تتوقعين أعمامي وعيالهم كلهم هنا
اميرة : ما شاء الله
الوليد : يلا ادخلي
اميرة : ذي غرفتكم انت و
قاطعها : ايهه
اميرة : كيف بنام ما فيه الا سرير واحد
الوليد : انتي نامي على الكنبة وانا على السرير
بدون استيعاب : اوك "استوعبت" نعم ياخي خليك جنتل مان عجل تخليني على الكنبة وانت تتهنى على السرير
الوليد : احمدي ربك ما خليتك تنامين على الارض
أميرة : ياخي انت فيك انفصام في الشخصية ولا وش مرة طيب ومرة شرير
الوليد : المزاج يتغير حسب الوضع
اميرة : طيب انا بروح لـ خواتك
الوليد : ليش ؟!
اميرة : بأخذ بجامة ولا تبغاني انام كذا
الوليد : تعالي
اميرة : نعم
الوليد : ما يحتاج تحطي شيلة
اميرة : طيب بس وين غرفتهم
الوليد : انزلي الطابق الاول بتشوفيها على يمينك
اميرة : طيب شكرًا
وصلت غرفتهم طقت الباب
غلا : حلاوه قومي افتحي الباب
حلا : وانتي وش وراك بعدين انتي اقرب للباب
غلا : اف اف زين
فتحت الباب وصرخت : اميروه
اميرة : وجع شوي شوي
غلا : وش تسوي هنا
اميرة : اذكرك انه هذا بيت زوجي
حلا : اميرة وش تسوي هنا
اميرة : خذ لك ما خلصنا من الاولى تجي الثانية
حلا : تعالي بس ادخلي
سحبتها من يدها
حلا : ابوي الى خلاكم تقعدوا هنا
اميرة : ايهه
غلا : يا سلام وش رايك تسحبي على وليدوه وتنامي معنا
اميرة : والله ودي
حلا : اليوم بس ولا كل الايام
اميرة : مدري المهم لا أتأخر على اخوكم بس جيت أخذ بجامة
غلا : من عندنا عليك ؟! مستحيل تغوصي فيها
اميرة : ندبر حالنا اليوم
حلا : شوفي بطلع لك وحدة صغيرة لكن من زمن جدي وقصيرة يمكن تصير عليك
غلا : حقة ابتدائي
حلا : ايهه
غلا : ههههههه حرام عليك لا ينفجع اخوك
حلا : والله ما حد قال لها تصير ضعيفة لهدرجة
اميرة : اقول اعقلوا عني اعطوني وحدة من الى تلبسوهم بسرعة
غلا : طيب استني دقيقة بطلع لك وحدة محترمة
اميرة : خلصي
حلا : وصرنا نأتمر بعد
اميرة : الاوامر تليق بس اصلا
حلا : الله الله ما عرفتك
اميرة : لا تعرفيني
حلا : هههه وش فيك صايرة كبريت لا يكون من حبيب القلب
اميرة : اقول لا حبيب قلب ولا خرابيط انا م احب غير النوم لذلك صايرة كبريت
غلا : خذي هذي اج...
ما كملت كلامها لانه ما شافوا الا غبار اميرة
حلا : حشى حشى وش فيها ؟!
غلا : اخوك مهددها
حلا : اقول خلينا ننام احسن لنا وراك مدرسة يا حلوة
غلا : كلي تبن لا قمت عليك الحين
"اميرة والوليد"
دخلت الغرفة بسرعة وانسرق من دخلتها كان في الحمام -يكرم القارئ- طلع هو حاط منشفة على خصره ووحدة ينشف بها شعره
الوليد : فيك شئ ؟!
اميرة : لا
الوليد : عجل ليش داخله كذا
اميرة : خفت أنسى المكان وأضيع لذلك جيت بسرعة كذا
الوليد : لهدرجة كبير البيت
اميرة : متاهة
الوليد : المهم انا بنام وانتي دبري حالك
اميرة : ممكن سؤال ؟!
الوليد : لا
اميرة : مهم
الوليد : خلصي
اميرة : بنقعد هنا بس اليوم لو اكثر
الوليد : بحاول انه يكون هاليوم بس
اميرة : خلصت من الحمام لو بتدخل
الوليد : لا خلصت
اميرة : طيب
دخلت وخلعت ملابسها تذكر الوليد انه نسى ساعته وخاتمه داخل بدون تفكير راح الحمام وفتح الباب خفيف أنصدم لما شاف اميرة عارية لفت اميرة جهزت الباب
لف وجهه : اسف ما كنت اقصد بس نسيت ساعتي والخاتم تقدري تجيبيهم
في ظل الصدمة : طيب
اخذت الخاتم والساعة وعطتهم إياه ولبست البجامة وطلعت
من شافها ضحك عل شكلها
اميرة : عفوا ولكن هل هناك شئ يضحك
الوليد : بالله شفتي شكلك قبل ما تطلعي
اميرة : ايهه وش فيه شكلي
الوليد : انتي شوفي كم البجامة بالله لوين موصل
اميرة : وش اسوي اذا كانوا خواتك دوبات
الوليد : هم الدوبات وإلا انتي الضعيفة بزيادة
اميرة : مدري والله المهم تصبح على خير
الوليد : وانتي من اهله
اميرة لحد الحين متفاجأة من الوليد وش الى غيره يعني ما كان يتكلم معها ولا كلمة وحدة واليوم تكلموا وشبعوا كلام حتى هذي اول مرة تمسي عليه قبل ما تنام وأول مرة تشوفه يضحك حتى نسى موضوع الهوية نامت وهي تفكر بالتغير الى صاير له
"في الصباح"
اميرة قعدت قبل الوليد ودخلت الحمام -يكرم القارئ- وآخذت شور طلعت لبست البجامة وراحت غرفة حلا استأذنت منها واخذت بلوفر رمادي على جينز ازرق فاتح ولبست اسوارتها الى أهدتها امها إياها الى ما تفارق يدها ابد
الوليد : اوه قعدتي
ابتسمت ابتسامه دافية : صباح الخير
الوليد : صباح النور وتجهزنا بعد
اميرة : رحت سرقت من اختك كم حاجة وجيت
الوليد : بس احسبي حساب انه اليوم بنفطر مع الكل
اميرة : كيف يعني ؟!
الوليد : العائلة كلها تتجمع على الوجبات الثلاث يعني البسي عباتك
اميرة : والغطا ؟!
الوليد : ااااووووف اكشفي
نطت : شكرًا
ركضت له وحضنته حضنة خفيفة وباسته على خده
بعدها بقوة وبصرامة قال : لا تعيديها
قمطت : ان شاء الله
"الفطور"
نزل الوليد وهو ماسك يد اميرة
الوليد : صباح الخير
الجد : اوه صباح النور من متى وانت هنا ؟!
الوليد : من امس بس
الجدة : هذي عروستنا الجديدة
الوليد : ايهه أعرفكم اميرة
اميرة راحت وباست راس الجد والجدة وسلمت عليهم
الوليد : تعالي جنبي
اميرة : طيب
تركي : وليد بتجي اليوم ؟!
الوليد : اكيد خلاص كفاية اجازة
غلا : لا ما يصير
الوليد : وشو انتي ؟!
غلا : شوفي يا اخي العزيز انا اعتدمت عليك انك توديني المدرسة لان السواق قال ابوي بكرا بيروح يودي اخوه المطار
الوليد : روحي مع بنات عمك
غلا : لا والله مو انت الى بتوصل اميرة ليش ما تأخذني معاها
الوليد : اميرة ما تروح المدرسة يا ذكية
غلا : آوووف اوه صح نسيت
رغد : خلاص لا تذلي نفسك له تعالي معي
عبير : انا بعد بجي معاكم
رغد : حياك
خالد : خير اخت رغد اشوفك تعزمي على حسابي
رغد : وانت وش وراك
خالد : ورأي شغلي وانتو دقيقتكم سنة عشان تجهزو
رغد : يبه شوف ولدك
ابو خالد : ولد توصل اختك وبنات عمك وخلاص
رغد لفت جهة خالد وطلعت لسانها له
ابو فيصل : فيصل يبه بعد ما تخلص لا تطلع نبغاك انا وأمك وجدك وجدتك في حاجة
فيصل : طيب ما اطلع
احمد : الله يعينك فيه اوامر من السلطة العليا نازلة عليك
فيصل : رحت فيه عجل
خالد : الله يرحمك من الحين
فيصل : لا تفاول علي بس
احمد : انا أقوم احسن لي لانه ما بقى غير انا وتركي ما هاوشونا هنا أنفذ بجلدي
خالد : يا الخميس لا تهرب
قام من السفرة : بالعافية لكم احمد يهرب وداعا
وطلع بسرعة والكل يضحك عليه
تركي : وليد يلا نقوم
الوليد : طيب
اميرة : مع السلامة
باس خدها : الله يسلمك انتبهي لـ نفسك
اميرة : ان شاء الله
حلا : اذا خلصتوا رومناسيتكم السخيفة احتاج اميرة
اميرة : طيب جاية وش فيك ؟!
حلا : ما فيني شئ بس احترمو وجود سنقل بينكم
اميرة : بلا غيرة رجاءا
حلا : من انا أغار منك ومن هذا الى جنبك ه ههه هزلت
الوليد : وش فينا يا بعدي ؟!
حلا : مجغين بزيادة
اميرة : المجغة انتي
حلا : اميروه اعقلي
اميرة : حلاوه انتي اعقلي
الوليد : اعصابكم لا تقتلون بعض بس المهم انا بروح باي يلا تريك
تركي : طيب
خالد : وانتو يلا قومو أستناكم في السيارة
عبير : طيب أعصابك
خالد : أعصابي وبكيفي وما لك دخل
مشى السيارة وهم راحوا يلبسون عباياتهم وطلعوا له ووصلهم المدرسة
ابو فيصل : خلصت
فيصل : ايهه
ابو فيصل : تعالي المكتب ننتظرك
فيصل : طيب
مشى ابوه ولحقه دخل الغرفة وفعلنا الكل كان ينتظره
فيصل : بغيتو شئ
ام فيصل : نبغا نزوجك
"مطار الملك فهد الدولي"
حطت رحلة ريان على ارض الشرقية الحبيبة نزل من الطائرة وخلص الإجراءات وتوجهه لـ بيت نهى
انـــــتـــــهــــــى
تـوقـعـاتـكـم



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 13-02-2017, 03:23 PM
YAGMUR_KSA YAGMUR_KSA غير متصل
©؛°¨غرامي جديد¨°؛©
 
الافتراضي رد: رواية وعندما احاول نسيانك أنسى كل هذه الدنيا واتذكرك/بقلمي


البارت العاشر بينزل اليوم العشاء باْذن الله وعشان لا يصير لخبطة اختارو يومين من ايام الاسبوع عشان انزل البارت :
1/ الاثنين - الخميس
2 / الثلاثاء - الجمعة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 13-02-2017, 08:56 PM
YAGMUR_KSA YAGMUR_KSA غير متصل
©؛°¨غرامي جديد¨°؛©
 
الافتراضي رد: رواية وعندما احاول نسيانك أنسى كل هذه الدنيا واتذكرك/بقلمي


الـبــــــــــ 10 ــــارت
مدخل
" ثُمَّ أتيت أنت ... فأصبحت الحياة أجمل "

وصل لـ بيتهم وهو مجهز نفسة للمواجهة الى بتصير ضرب الجرس
ابو نهى : نهى شوفي من في الباب
نهى : ان شاء الله
طلعت من الطبخ وراحت لبست عباتها وشيلتها وفتحت الباب انصدمت من وجوده
نهى : استنى دقيقة
سكرت الباب في وجهه ودخلت اخذت مفتاح البيت
نهى : يبه هذي بنت جيرانا بروح بيتهم شوي واجي اوك
ابو نهى : طيب روحي الله معك انتبهي لـ نفسك
نهى : ان شاء الله
طلعت وسكرت الباب وراها
ريان : افا هذا استقبال
نهى : وش تسوي هنا ؟!
ريان : اسوي شئ طبيعي جاي بيت زوجتي
نهى : اي زوجة ؟! احنا لا نخطبنا ولا تزوجنا باي حق تجي هنا
ريان : جاي اسوي الشئ الى قلتيه بخطبك
نهى : اول عملية ابوي
ريان : لا تخافي خلاص الساعة 8 بالليل راح يعملون له العملية
نهى : ايهه يعني ؟!
ريان : يعني الحين بتدخلين وبتسوين لي قهوة انا وأبوك وانا بطلبك من ابوك وانتي بتوافقي بعدها ابوك يدخل العملية مرتاح من جهتك
نهى : واو الحين قاعد تحاول تقنعي انك تبغا راحة ابوي
ريان : طبعا في احد ما يبغا راحة ابوه المستقبلي
نهى : لو تبغى راحته ما هددتني بـ عمليته
ريان : ادري انه الى سويته شئ حقير بس كنت مضطر
نهى : ما فيه شئ يخليك تضطر تنهي حياة شخص
ريان : اتركي الموضوع هذا على جنب ابي اكلمك في موضوع ثاني
نهى : قول
ريان : بعد ما يخلص ابوك العملية ويقوم بالسلامة بنتزوج علي طول
نهى : تح...
ريان : نهى خليني اكمل كلامي لاني وصلت للجزء المهم في الموضوع
نهى : قول
ريان : لانه ابوك صح بيكون سوا العملية لكن لازم يروح لندن حق العلاج الطبيعي لا تخافي انا بتكفل بالمصاريف
نهى : انا بروح معه
ريان : لا لكن بين فترة وفترة بوديك له
نهى : ليش ما اروح معه ؟!
ريان : نهى ما يصير وراك مدرسة اولا ثانيا وجوك ماله داعي لانه العلاج الطبيعي في المستشفى وفيه ممرضات ودكاتره وحتى حجزت وحدة عشان تساعده
نهى : متى بيسافر لندن ؟!
ريان : بعد اربع أسابيع تقريبا
نهى : طيب
ريان : ما بتخليني ادخل
نهى : بتدخل بس ما راح يعرف ابوي اني كنت اعرفك من قبل
ريان : طيب
نهى : انا بدخل وانت بعد عشر دقايق دق الجرس اوك ؟!
ريان : طيب
دخلت البيت
ابو نهى : وينك يا بنتي اتأخرتي
نهى : تعرف سوالف بنات
ابو نهى : يلا جعت ترا
نهى : من عيوني الثنتين بس يبه لا تكثر
ابو نهى : ليش ؟!
نهى : الدكتور عمر اتصل فيني اليوم قال عمليتك الساعة 8 الليل
ابو نهى : ان شاء الله يا بنيتي
راحت فسخت عبايتها وشليتها ودخلت المطبخ عشان لا تبين لـ ابوها شوي الا برنة الجرس غسلت يدها وطلعت تلبس عباتها وشيلتها وتفتح الباب
نهى : تفضل
ريان : هذا بيت ****
نهى : وصلت تفضل بغيت شئ
ريان : ابغا اشوفه
نهى : تفضل ادخل
فتحت الباب ودخلته المجلس وراحت لـ ابوها
نهى : يبه في واحد يبيك
ابو نهى : من ؟!
نهى : ولد عم اميرة صديقتي
ابو نهى : وديني له
نهى : إن شاء الله
دخلت ابوها المجلس
ابو نهى : يبه سوي لنا قهوة وتعالي
نهى : إن شاء الله
طلعت من عندهم
ابو نهى : ريان ما عرفتك متغير
ريان : هههه الغربة وما تسوي
ابو نهى : وينك مختفي
ريان : ابد اشغال
ابو نهى : بغيت شئ ؟!
ريان : ايهه بغيت اكمل نص ديني واطلب يد بنتك نهى لي
ابو نهى : الا وين ابوك ليش ما جاء معك ؟!
تلعثم وما عرف وش يرد : الوالد تعبان شوي وانا مستعجل صراحة وما ابغا انتظر اكثر
طقت الباب : القهوة جاهز يبه
ابو نهى احتار ما درى وش يسوي ما يقدر يدخل بنته مرة ثانية عليهم انتبه له ريان وتلافى الموضوع وراح فتح الباب واخذ منها الصينية
ابو نهى : تسلم يا ولدي
ريان : الله يسلمك بس ما قلت لي وش رايك
ابو نهى : شوف انت رجال وما يعيبك شئ لكن الرأي يرجع لـ نهى مو لي
ريان : طيب
ابو نهى : اذا كان مو عيب تجاهك تقدر تطلعني برا المجلس عشان اكلمها
ريان : لا ولو
طلعه بعد الباب بشوي ورجع دخل داخل
ابو نهى : نهى نهى
نهى : هلا يبه
ابو نهى : تعالي
جت له
ابو نهى : وديني الصالة
نهى : ان شاء الله
ودته الصالة
نهى : بغيت شئ يبه
ابو نهى : ريان جاي يخطبك وش رايك
نهى : مدرس يبه انت ادرى
ابو نهى : من ناحيتي الرجال ما ينرفض بس الشئ راجع لك
نهى : ما دام تقول كذا على بركة الله
ابو نهى : افهم من ذا انك موافقة
ما ردت آستحت
ابو نهى : افهم انه السكوت علامة الرضى
نهى : |لا والله يا ابوي مو راضيه قاعدة اخون صديقتي صديقة عمري بـ من بـ حبها| "بصوت واطي" ايهه موافقة
ابو نهى : يلا رجعيني المجلس
نهى : ان شاء الله
رجعت دخلت المجلس وطلعت
ابو نهى : على بركة الله
ريان : الحمد لله عجل الخطبة نخليها بعد ثلاث أسابيع بعد الاختبارات
ابو نهى : اذا قمت بالسلامة ايهه
ريان : ان شاء الله ي عمي ونفرح بـ سلامتك
ابو نهى : ان شاء الله
ريان : يلا استاذنك
ابو نهى : الله معك
"قصر العائلة"
ام فيصل : نبغا نزوجك
فيصل : كيف يعني ؟!
الجد : الموضوع ما يبغا له شرح نبيك تتزوج
فيصل : طيب بس بكير بعدين هالشئ ما فكرت فيه ابد
ابو فيصل : وش الى بكير صار لك شهر ما تعودت لـ الحين
فيصل : يبه تبغون اتزوج موافق بس الحين ما فيه فـ عقلي وحدة
الجد : اصلا لو خلينا الموضوع على عقلك يمكن توصل أربعين وما تزوجت لذلك احنا اختصرنا عليك الطريق واختارت لك أمك وحدة
فيصل : ومن المرشحة الكريمة ؟!
ابو فيصل : رغد بنت عمك
فيصل : وش جنيتوا انتوا مستحيل اتزوج وحدة من بنات اعمامي
الجد : وليش ان شاء الله ناقصهم شئ بنات اعمامك
فيصل : لا بس فارق العمر يكفي
ام فيصل : وش فيها كلها تسع سنوات
فيصل : قلتيها يمه تسع بعدين بعدها بزر انا أخذ وحدة عشان اريح راسي ولا عشان اربيها
ابو فيصل : يبه مو على طول تعطي قرارك فكر شوي
فيصل : يبه ما فيه شئ افكر فيه فارق العمر بيني وبينها يكفي ان اشيلها من بالي
الجد : ومن متى فارق العمر له دور مهم في الزواج
فيصل : انا عندي يفرق
ابو فيصل : فيصل يبه لا تتسرع وفكر أعطي نفسك ورغد فرصة اطلع معها أتعرف عليها بعدين قول جوابك
فيصل : وش اطلع معها
الجد : البنت بنت عمك ما فيها شئ وانت ما طلعت معها الا عشان تقرر
فيصل : نشوف
الجد : وش نشوف ؟! قول لي يا ايه يا لا
فيصل : طيب
ابو فيصل : هذا العشم فيك
ابتسم لـ ابوه تسليك طلع من المكتب وهو مضايق ما كان حاط فكرة الزواج في باله ابد
"الشركة"
دخل خالد بعد ما وصل البنات وراح للغرفة الى يجتمعون فيها اولاد اعمامه دخل وما كان موجود غير احمد
خالد : وين الباقي
احمد : وليد وتركي عندهم موضوع مهم يتكلمون فيه وفيصل لحد الحين ما جاء
خالد : ما فيه الا انا وانت يعني
احمد : وش تشوف
خالد : آوووف ما لي خلقك
قعد على الكرسي وسند راسه وغمض عيونه
احمد : هي لا تنام بس
خالد : انا اصلا مسوي كذا عشان انام
"غرفة الوليد"
تركي : فيه تطور ؟!
الوليد : في اي موضوع
تركي : ريم ؟!
الوليد : لا على حطت يدك بس الدكاتره يقولون اقل شئ شهرين وبشيلون عنها الأجهزة وبنشوف
تركي : اميرة ؟!
الوليد : ابد بس عشان أضيع الوقت اقعد معاها
تركي : بس قدامنا
الوليد : كله تمثيل ولا بالواقع كل واحد وده يأكل الثاني
تركي : ما حاولت تسوي شئ معها
الوليد : وش تقصد ؟!
تركي : السبب الى خلاك تتزوجها
الوليد : هي بزر تبغاني اجيب منها بزر بعد بعدين كيف يصير عندنا ولد وانا مو طايقها اصلا
تركي : ليش برأي انها بنت حبوبة ومتفهمة وش الى يخليك ما تطيقها
الوليد : مدري احس انها هي السبب في كل الى قاعد يصير لي
تركي : وش دخلها وانا اخوك اذا فيه مسؤول هو ابوك وبعدين عمها يعني من جهة نظري هي الوحيدة البريئة في الموضوع
الوليد : وش دراك انها بريئة ؟!
تركي : مدري احساس كذا يعني ما احسها انها من الأشكال الى تركض ورا الفلوس
الوليد : مدري وانا اخوك مدري المهم فضيت كل اجتماعاتي الليل ونقلتهم لك
تركي : ليش ؟!
الوليد : اليوم بنروح لـ ام اميرة
"اميرة"
طلعت لها فستان فسفوري اصغر عاري الظهر وكعب -يكرم القارئ- اسود واكسسوارت سوداء وجهزت واستنت الوليد جاء لها اخذها وراحوا بيت امها تعشوا هناك والعشا كان عبارة عن محاشي وورق عنب وبس (ما في بالي طبخات)
"المستشفى"
ابو نهى : ممكن اشوف بنتي قبل ما ادخل
الدكتور : طبعا الحين اخلي الممرضة تنادي عليها
ابو نهى : مشكور
نادى على ممرضة من الموجودات تروح تنادي على نهى جت نهى على طول
نهى : يبه فيك شئ بغيت شئ ؟!
ابو نهى : ما فيه شئ بس حبيت اشوف وجههك
نهى : فديتك يا بعد طوايفي كلها
ابو نهى : لا تنسي اني احبك طيب ؟!
نهى : مستحيل أنسى
الدكتور : يلا لو سمحتي لازم نخدر المريض
نهى : طيب مع السلامه يبه
طلعت تنتظر برا بعد خمس ساعات خلصت عمليته وكانت ناجحة
"بعد ثلاث أسابيع اليوم اخر يوم اختبار"
قامت اميرة من الصبح بـ نفس التوتر والخوف الى تصحى عليه من بداية الاختبارات دخلت الحمام -يكرم القارئ- غسلت وجهها فرشت سنونها اخذت شور بسرعة وتوضت وطلعت صلت الصبح فتحت الخزانة وطلعت زي المدرسة على جاكيت ازرق فاتح طلعت جهاز تكسير الشعر وكسرت شعرها -تعرفون البنات اخر يوم اختبارات لازم كشخة- حطت لها تنت ماي الورد تعطرت ونزلت تراجع المراجعة الاخيرة اتصلت عليها حلا تعلن انهم قريب يوصلون لها لبست عبايتها ولفت شيلتها وتنقبت وطلعت لهم دخلت السيارة
اميرة : صباح الخير
حلا - غلا : صباح النور
اميرة : كيف حماسكم لـ اخر يوم
حلا : انا في الذروة لكن الاخت من قعدت الصبح داير راسها
غلا : والله الخوفة أنسى كل شئ
اميرة : اذا نسيتي بلغيني اتوصى فيك
حلا : والله احنا مجنين المراقبات
غلا : حظك بس انتي بعيدة عن اميرة بـ ثلاث طالبات وتغششك ما فيه الا انا وعبيروه ورغد بعيدين عنكم
أميرة : كلكم اغشككم غلاوي اول يوم بس
غلا : جد اول يوم زين انهم غيرو الاماكن ثاني يوم ورموا كله وحدة فوادي وعلى الاقل صرنا السطر الى بعدكم
وقف السايق السيارة ونزلو البنات دخلوا قاعتهم اميرة حلت بسرعة وخلصت لانه الاختبار سهل وصارت تغشش الشلة وحلا تساعدها والمراقبات يشوفهم بس ساحبيين عليهم
المعلمة : بنت انتي وياها كل وحدة علينا في ورقتها لا اشوفها اتغش
اميرة كانت تغشش غلا وساحبة عليها
المعلمة : بنت الى ورا لا تغشي
جت وحدة من الإداريات وعطت المعلمة سجل التوقيع طلعوا كلهم
عبير : الحمد لله ما بغينا نخلص
رغد : ختامها مسك هذا احس اكثر اختبار جاوبت فيه عدل
غلا : جد والله فأيتها أبلة رسمية على هالاسئلة السهلة
حلا : بنات ودي اروح ابوسها من خذها هى المعلمة الوحيدة الى أسئلتها سهلة
اميرة : جد هي الوحيدة الى مريحتنا
الادارية : بنات ارجعوا القاعة عشان أوزع عليكم ارقامكم
البنات : طيب
رجعوا دخلوا القاعدة وقعدوا في اماكنهم وزعتهم على البنات
أميرة : أبلة متى بتطلع النتيجة
الادارية : الساعة 3 العصر
وطلعوا البنات من القاعة وقعدوا برا لانه كالعادة ما فتحوا الباب
عبير : هي بنات خلينا نروح الخبر
رغد : الظهران مول
غلا : ايهه تكفون خلونا نروح اشتقت له
حلا : وانا بعد زهقانة من جو المدرسة وابغا اطلع
اميرة : وانا بعد
عبير : خلاص نروح بـ سايقنا ونخلي سايق رغد وسايقكم يروح
غلا : ايهه انتو سيارتكم أوسع
بعد ربع ساعة فتحوا الباب وطلعوا البنات خلو السايقين يروحون وراحوا مع عبير وصلو الظهران مول ونزلو يتسوقون هناك
اميرة : بنات انا بروح برشيكا فيه جاكيت نزل عندهم يجنن بدوره <ما أتوقع فيه احد ما عرف هالجاكيت
حلا : طيب روحي اذا خلصنا بنجي لك او اذا خلصتي تعالي لنا
اميرة : طيب
"قصر العائلة"
الوليد : يمه
ام الوليد : نعم
الوليد : وين اميرة والباقي ؟!
ام الوليد : راحوا السوق يتسوقون ويطلعن من جو الاختبارات
الوليد : مع من ؟!
ام الوليد : مع من يعني أخواتك وبنات اعمامك
الوليد : طيب قالو لك متى بيرجعون
ام الوليد : على العصر
ركب بدون ما يقول شئ وفي داخله قهر كيف تطلع بدون ما تقول له دخل غرفتهم واخذ جواله من الشاحن واتصل عليه لكن ما ردت لانها كانت حاطته صامت وتعرفون الواحد اذا تسوق المهم لما شافها ما ردت انقهر اكثر هو كان راجع من العمل بكير عشانها او بالاصح عشان يشوف نتايجها هي وخواته طلع من الغرفة ورجع الشركة وحاول قدم ما يقدر يراكم عليه الشغل اولا عشان لا يفكر فيها ثانيا عشان يتاخر الليل على البيت
"الظهران مول"
خلصوا البنات وراحوا لـ اميرة
غلا : شفتيه
اميرة : ايهه
عبير : لا لا تخلوني أشوف الجزمات ولا ما بطلع الا شارتنهم كلهم
رغد : طلعوها بسرعة
طلعوا كلهم من المحل
حلا : خلونا نروح ستار بكس ناخذ لنا كوفي ونطلع
البنات : اوك
راحوا واخذوا لهم كلهم هوت شوكلت وطلعوا من المجمع اتصلوا لـ السايق وجاء لهم أخذهم رجعهم القصر
"بيت نهى"
ابو ريان : شوف يا ابو نهى والله الولد قال لي انه بيخطب وبيتزوج في نفس اليوم ويقول انتو موافقين
ابو نهى : ايهه شاورت نهى ووافقت
"نهى"
كانت جالسة في غرفتها بعد ما حطت لها مكياج سنبل بحته ولبست فستان زهري على الكتف وفيه فيونكه ولبست حلق ابيض وكعب -يكرم القارئ- ابيض بعد وجت لها ام ريان
"ملاحظة : ريان نبه على امه وابوه ما يوصل الخبر لـ اميرة وامها حتى خبر رجعته"
جاء الشيخ واخذ الموافق من ريان وراح معه ريان لـ قدام باب غرفة نهى
الشيخ : انتي نهى بنت *** ال ****
نهى : نعم
الشيخ : تقبلين تتزوجين ريان بن ****
نهى : ........
انـــــتـــــهــــــى
تـوقـعـاتـكـم



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 13-02-2017, 08:58 PM
YAGMUR_KSA YAGMUR_KSA غير متصل
©؛°¨غرامي جديد¨°؛©
 
الافتراضي رد: رواية وعندما احاول نسيانك أنسى كل هذه الدنيا واتذكرك/بقلمي


اعتذر عن البارت القصير والسريع بس كان لازم امشي الاحداث بسرعة فوق هذا توني انتبه اني سحبت على اميرة والوليد سحبة أليمة وقوية 😂😂

الرد باقتباس
إضافة رد

رواية وعندما احاول نسيانك أنسى كل هذه الدنيا واتذكرك/بقلمي

الوسوم
أنسى , الدنيا , احاول , بقلمي , رواية , واتذكرك , نسيانك , وعندما
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حياتنا بين هموم الدنيا والاخرة شذى المطر مواضيع مميزة 43 21-01-2019 03:52 PM
انت لاتستحقني رُوحَ عاَريِةة خواطر - نثر - عذب الكلام 6 22-10-2016 03:56 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM
الزهد slaf elaf حياة - صفات - أخلاق - أقوال - رسول الأمة 4 28-11-2015 02:56 AM

الساعة الآن +3: 08:31 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1