اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-12-2016, 08:19 PM
alm_xm alm_xm غير متصل
©؛°¨غرامي مشارك¨°؛©
 
الافتراضي أشوف النسيم أسود من كثر همومي /بقلمي


سلام هذي روايتي الاولى أتمنى انها تنال على إعجابكم
لا أحلل ولا أُبيح من ينقل روايتي بدون ذكر اسمي او ينسبها لنفسه
سأبدأ براويتي الاولى في غرام و سأنهيها في غرام
روايتي الاولى
{ اشـوف النـسـيم اسـود من كثـر هـمـومي }



البارت الاول
( بدايه قصتي )

صحيت على صوت المنبه المزعج
قمت غسلت وجهي وتوضيت وصليت
نزلت تحت وكالعادة بنت خالي تسب و تزف
وأنا مكشره و أرد عليها في نفسي
دخلت للمطبخ وانا أسلم على خالتي ( زوجة خالي ) و ابوس راسها
وبديت اساعدها
انتهينا من الفطور و شلت الأطباق و قمت اصففها على الطواله وزي كل يوم يجي خالي و يهوش خالتي ناديه ليش سعدتيها المفروض تجهز الفطور والعشاء والغداء ومن هالكلام ياربيه وش كثر اكرهه
ذا الانسان جلست العائله وأنا كالعاده أكتب شعر
سرحت وانا أكتب

قبل 12 سنه





في ذاك الوقت كان عمري 6 سنين





امي : يالله يا منار
منار ببتسامه : ماما وين نروح
ابتسمت لي امي : بنروح للمطار
منار والدنيا مو سايعتني : واو يعني نركب طياره
امي و مازالت مبتسمه على طفولتي : ايه
منار وانا اقفز من الفرح : صدق
امي : ايه صدق يالله نروح لم بابا
سبقت امي و انا فرحانه ركبت السياره لكن
.
استغربت انو فيه شخص قاعد في المقعد الامامي
منار بستغراب : بابا مين هذا
ابوي ببتسامه : هذا عمي
منار ببراءة : عمك يعني عجوز
ابوي وهو كاتم ضحكته : ايه
لاحظ ابوي نظرات عمي
ابوي بربكه : اقصد خطاء شوفيه في عز شبابه
عمي ببتسامه : كيفك ياحلوه
منار و انا بغضب طفولي : بابا شوفه يحسبني صغيره
ابوي وهو يناظر عمه الي تقريباً في نفس عمره : هي لا تقول للبنتي انها صغيره
عمي وهو يسلك لي وللابوي : كيفك يا كبيره
منار ببتسامه رضى : طيبه
ركبت امي
امي : السلام عليكم
ابوي : وعليكم السلام
عمي : كان تأخرتي
امي بخجل : اسفه
منار بغضب طفولي : هي لا تهاوش امي



مشى ابوي وليته ما مشى
ايه صح صار الي في بالكم
ما أذكر كل التفصيل لكن اذكر ان الشاحنه كانت قاصدتنا




نرجع للقصه


امي حضنتني محاوله انها تحميني
ابوي يصرخ وهو مفجوع
عمي الي كان يبتسم ابتسامه غريبه



هذي كانت اجواء السياره


اتذكر انه إغماء علي
صحيت من الاغماء او بالأصح الغيبوبه شفت الممرضه تنادي
الدكتور بفرح وكان لي سنه نايمه
استغربت من الدكتور الي جايني مسرع
منار بطفوله : هي انت وين ماما و بابا
كنت فضه في ذاك الوقت
الدكتور ببتسامه : ماما وبابا فوق عند الله
منار : انا ابي اروح لمهم
الدكتور و مازال مبتسم : طيب بس مو الحين
منار بتعجب : اجل متى
الدكتور : لما تكبري
منار وانا مكشره : تحسبني صغيره
الدكتور : لا انا قصدي لما تكبر زياده
منار ببتسامه رضى : اتفقنا بس متى اكبر




خرجت من المستشفى بعد فتره
الحروق الي في جسمي كانت قويه


سكنت في بيت خالي
دخلت بيت خالي و انا مبسوطه اخيرا بعيش مع شهد اخيرا


قابلت زوجت خالي و شهد و عزام



شهد ببتسامه مصطنعه : تعالي نلعب
ما ارتحت لبتسامتها
قاطع خالي تفكيري
خالي ببتسامه خبيثه :


________دقايق اعرفكم عليهم ________



خالي حمد :اخو امي الاكبر يكره امي لانها تزوجت ابوي طماع عمره 40



زوجت خالي ناديه : اطيب ما رائت عيني عمرها 39



عزام : ياكثر كرهه لي و ياكثر اصدقائه يحب اخته بشكل عمره 22 سنوات


شهد : تكرهني كره مو طبيعي وفيها خباثه مو صاحيه عمرها 20 سنه


نرجع للروايه


خالي ببتسامه خبيثه : منار ما عندها وقت للعب
شهد خاب املها : ليش كان خليتنا نلعب
خالي : ناديه خوذيها خلينا نسفيد منها
ناديه : لا حرام عليك
خالي خوذيها ولا والله و تالله و بالله هذي ثالث حلوف اني بطلقك وأخذ منك عيالك
اخذتني لغرفه قديمه توجهت للدولاب وطلعت ملابس قديمه و مشققه و مغبره !!
ناديه بحنان : البسي هذا



الغريب اني ساكته ولا تحركت !!


ناديه برحمه : معليش حبيبتي أدري انها ملابس قديمه بس البسيها
منار ببتسامه من حنانها إلي ذكرني في امي: حاضر
جت ناديه و اخذت ملابسي
منار : هي انتي لا تاخذي ملابسي ماما شرتها لي مو لك
ناديه وهي تمسك ايدي بقوه وتسحبني : امشي بس
منار : اي اوجعتيني
ناديه وهي تلبس عبايتها : انا رايحه ارجع اللاقي البيت نظيف
طلعت وماخلت لي طريق للكلام
بديت انظف البيت
انتهيت من التنظيف بعد عناء طويل
ورحت للغرفه القديمه لاني ما اعرف الا هي


( ملاحظة : ما جيت بيت خالي الا ثلاث مرات لان ابوي كان يحاول يصلح بينه وبين خالي بس خالي كان رافض + عندي جده بس انها تسكن في الدمام )


طحت على السرير بتعب ونمت نوم عميق




الحاضر



صحيت على صوت شهد
شهد بصراخ : قومي يا بنت #####
مسكت شعري وشدته ( سحبته ) بقوه
منار و انا اصرخ :


اتوقع كذا يكفي
ابي رايكم و انتقاداتكم
#انتقد_لكن_بأدب

alm_xm


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-12-2016, 08:51 PM
صورة نوادر. الرمزية
نوادر. نوادر. غير متصل
©؛°¨غرامي جديد¨°؛©
 
الافتراضي رد: اشـوف النـسـيـم اسـود من كثـر هـمـومـي /بقلمي


جمييييييلهه استمرري
وطريقة السرد اجملللل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-12-2016, 09:10 PM
صورة انتـ الامل ـــ الرمزية
انتـ الامل ـــ انتـ الامل ـــ غير متصل
©؛°¨غرامي جديد¨°؛©
 
11302798202 رد: اشـوف النـسـيـم اسـود من كثـر هـمـومـي /بقلمي


جميلة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 12-12-2016, 04:37 PM
alm_xm alm_xm غير متصل
©؛°¨غرامي مشارك¨°؛©
 
الافتراضي رد: اشـوف النـسـيـم اسـود من كثـر هـمـومـي /بقلمي


2
‎( ايه انا قتلته )

الساعه 9:30 ص


منار و انا اصرخ : اي يا #### شعري
شهد وهي مازالت تسحب شعري : لسانك يبي له قص
منار وخانقتني العبره : خلاص مو عيدتها بس فكيني
ترجيتها تفكني وبالموت فكتني
شهد : تعلمي الادب يا يتيمه [ وطلعت ]
دخلت الحمام ( الله يكرمكم ) غسلت وجهي و توضيت وصليت
بعد ما انتهيت من صلاتي جتني ناديه
ناديه : اليوم بيجون ضيوف نظفي الحوش
منار " مو منجدها ذي تبيني انظف الحوش من صباح الله "
راحت ناديه ونزلت للحوش وبديت انظف و على الساعه 11:00 انتهيت

الساعه 6:30 م

جو الضيوف وكالعاده شهد تحبسني في غرفتي بحجه اني أفشل وأني يتيمه وبحكم أن ناديه ضعيفه شخصيه فا من الطبيعي تهزمها شهد


جلست في غرفتي طلعت دفتري وبديت اكتب



عيد وخناجر تطعن و تكثر احزان
كتبتها بالدمع بأول حروفي
من بعد فرقا من له الروح مسكان
تفداه روح ما عليها حسوفي
وطلبتك يالي ترزق الناس الإمان
وأسألك ياربي بعفوك تروفي
وترحم ابوي وترزقه كل احسان
وتصير منزاله بعدن معروفي
ويابوي طيفك داخل القلب رنان
ياليت في شوقي لشوفك تشوفي
وصلك على قلبي كما الغيث هتان
وفراقك نار تشتعل في وسط جوفي
ما للفرح عقبك مراسي وعنوان
وشوفتك تجلي من قسى البعد خوفي
يابوي شوف بنتك تبكي على حضن كريم عطوفي
مر الوقت بسرعه بدون ما احس فيه
بحكم اني كنت مره اكتب شعر ومره أرسم ومره احوس تعرفون اذا الشخص طفششان يسوي أي شي يوخر الطفش عنه

الساعه 10:30 م


سمعت صوت قفل الباب
منار " هذي اكيد ناديه "
وفعلا طلعت ناديه
ناديه : حبيبتي راحوا الضيف تقدرين تطلعين[ وراحت ]




قمت من السرير المهتري وطلعت من الغرفه وبديت انظف ما تتصورون كمية التعب الي حسيت فيه

الساعة 12:00 م


بعد ما انتهيت من التنظيف قررت اني ارجع للغرفه
و انا في طريقي للغرفه سمعت صوت جاي من الدور الأرضي



منار " انزل ولا ما انزل اخاف انزل ويصير عزام بنزل و امري لله "



نزلت وبديت ادور مصدر الصوت

بدئت أمشي بخوف من صوت التكسير قربت من الصوت
لحضه مو هذا خالي
كان خالي ماسك زوجته ويطقها بكل وحشيه وباين أنه سكران مسك شعرها وضرب راسها في الجدار صرخت بقوه وطاحت على الأرض
هنا خالي التفت ناظرني وقرب مني ورجعت انا على وراء وكل ماله يقرب وانا ارجع وراء الين صبخت في الجدار لكنه ما زال يقرب مسكت المزهريه الي على الطاوله وضربته على راسه صرخ خالي صرخه قويه وضربته اكثر من مره الين طاح على الأرض

ضنيتوا اني رحت اتفقده او حتى اتفقد خالتي
لا معروف عن الناس الخونه الي ما يفكرون إلا في أنفسهم
اعترف اني خاينه بس وقت الخوف ما تفكر إلا في نفسك ومن الطبيعي انك تهرب بدون ما تفكر بأحد

وبدون تفكير ركضت لغرفه عزام

ومن حسن الحظ ما كان موجود


فتحت دوﻻبه طلعت اقرب ثوب و شماغ ولبست بسرعه كان الثوب اكبر مني بشوي لان عزام قصير قليله عليه وطلعت من الغرفه توجهت للغرفتي اخذت دفتري وجوالي الي باين عليه انه قديم وطلعت لغرفه خالي وأخذت بطاقه البنك اخذتها بكل سرعه وطلعت من البيت بخوف
توجهت للباب وتلثمت وطلعت

مشيت وانا خايفه و تايهه مادري وين أروح
للحظات تذكرت أمي وهي تحضني وحتى وهي تلعبني
تنهدت بصوت مسموع

وبعد تفكير طويل قررت اني استأجر غرفه في فندق



رجع للبيت وهو مبسوط دخل للصاله
انصدم من هول المنضر صرخ برعب من جثث أهله
وطريقه قتلهم البشعه


صحت شهد الي نومها ثقيل على صراخ اخوها
طلعت من غرفتها بخوف وتجهت للصاله السفليه شافت جثه ابوها على اﻻرض واخوها جنب الجثه يبكي بشكل يروع
طاحت على مغمى عليها
وبعد نص ساعه جو الشرطه ومعاهم اﻹسعاف اخذو جثث أمها و أبوها و اخذتها على العنايه المركزه
.
.
الساعه 9:50ص
.
صحيت من النوم إلي ما تهنيت فيه من كثره الكوابيس إلي كل شوي تصحيني تنهدت بغبنه من إلي قاعده أمر فيه تعوذت من إبليس
قمت توضيت و صليت انتهيت من الصلاه و لبست وطلعت اعطيت الاستقبال المفتاح وبديت امشي بعد ما قررت أني اسحب كل الفلوس الي في البطاقة وبعدها اكسرها و اتخلص منها
في مكان جديد اول مره نزوه
دخل فصله وهو مروق ويغني
الاستاذ : شكلك يا فيصل ما تتعلم من اخطأك
فيصل : استاذ توه الوقت بدري
الاستاذ : الساعه 9:55 وتقول بدري
فيصل : شكلك مصري جاي بدري
الأستاذ : اطلع للمدير
فيصل وهو مبتسم : المره هذي بسمع كلامك وبروح
الاستاذ من بين اسنانه : انقلع لا بارك الله فيك
فيصل كاتم ضحكته : اهدئ من كذا وصفق بالباب بقوه
ضحك وهو يسمع صوت الأستاذ يصرخ عليه
طلع فيصل من الفصل واتجه لمكتب المدير
المدير : ايش المشكله الي سويتها
فيصل : تشك فيني افا مهقيتها منك " بتمثيل " اجل تشكين فيني يا سعاد انتي طالق
دخل هتان وكمل المسرحيه
هتان بتمثيل : انا يا جاسم تطلقني علشان هذي
سامي دف الباب برجله بقوه
سامي بدلع تمثيلي : ايه ليش مو ماليه عينك
المدير بعصبيه طق الطاوله بقوه : برا انت وياه برااا
فيصل بغباء : الله المدير يمثل معنا
هتان بغباء اكثر : هي سعود ( اسم المدير ) تمثل اي دور
سامي بكل سماجه : اتوقع انه يمثل دور الزوجه الثانيه لانه قال برااا
المدير و الشرار يطير من عيونه : براااااااا

الشباب خافوا من شكل المدير إلي كانت عيونه تقدح شرار و نسحبو


منار


وبعد ما خلصت مهمتي قلت اروح اتمشى و ارفه عن نفسي قعدت ادور في الشوراع وقررت اني اروح اتمشى في المول
اخذت تكسي و اتجهت للمول



عند العيال
فيصل : ياخي طفشت من الدراسه
هتان : خلها على ربك
سامي سحب فيصل و هتان للسور
هتان : وش تبي فينا
سامي : اقول بس تسلق
هتان : اففف طيب بس الغداء على حسابك
سامي بتسليك : طيب بس تسلق


تسلق هتان بعده فيصل و بعدهم سامي
فيصل : الحين وين نروح
هتان بسرعه و حماس : المول
فيصل : يا حبك للمغازل
فيصل : غيره
هتان : المول يعني المول
سامي : و انت وراه تبي المول ما كفوك البنات الي عندك
هتان : هذولي قديمات ابي اجدد
فيصل بملل : اي مول تبي
هتان بحماس : مول ال*****


_________________تعريف الشباب________________________
فيصل : شاب شديد الجمال فلاوي و مشكلجي وشوي متحكم و ياكثر البنات الي يركضون وراه عمره 19 بحكم أنه ساقط قبل كذا


هتان : جميل بس مو قد فيصل مرقم نص بنات السعوديه و طربان الشله ( المعنى يغني كثير ) عمره 18

سامي : راعي الفزاعت عصبي بشكل عمره 18
منار


وصلت للمول و تجهت لقرب محل رجالي وبديت بمشوار التسوق
عند العيال


هتان : شوف ذيك تخبل
سامي بتسليك : ايه تخبل بس ما تنفع لك
هتان : ياحيوان ما اقصد هذي اقصد الي جنبها شفت انك تسلك
فيصل : انا بروح اشتري لي كم بدله
سامي: بجي معك طفشت منه
هتان : الحين طفشت مني
فيصل : بتجي معنا ولا لا
هتان : بجي معكم يمكن القي بنت في طريقي

مشو متجين للاحد المحلات المشهوره

طلعت من المحل بضيقه من نظرات الناس لي
اتجهت لمحل ثاني و انا متضايقه


مشيت وانا منزله رأسي
حسيت بجسم عملاق يصدمني طحت على الارض من ضخامته


منار بالم : اه وجعه وش ذا
رفعت راسي اشوف وين مصدر الضحكات
منار بقهر : لاتضحكون " ناظرت الي صدمني " قل للصدقاك يسكتون
فيصل التفت على العيال وبصوت مرعب : أن ما سكتوا انت وياه بجلدكم الين ما تعضون الأرض
سامي كاتم الضحكه و هتان يضحك ولا همه
سامي قرص هتان بمعنى انه يسكت
هتان بضحكه : اه يا حيوان لا تقرص
سامي بهمس : اسكت يا حمار بيجلدنا فيصل
رفعو راسهم لفيصل
فيصل : لا كملو الضحك
هتان : والله ودي بس ساميوه يقرص بقوه


ابتسمت لخبال صديق الي صدمني
من جد مو صاحي

عطوني رايكم

#انتقد_لكن_بأدب
alm_xm

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 10-01-2017, 05:50 PM
alm_xm alm_xm غير متصل
©؛°¨غرامي مشارك¨°؛©
 
الافتراضي رد: أشوف النسيم أسود من كثر همومي /بقلمي


3 graaam

هتان بخبال : عرفنا عليك
ابتسمت لا شعوريا : انا ياسر و انتو
فيصل بسرعه : فيصل
هتان
سامي : و انا سامي
منار : تشرفت بمعرفتكم يالله باي
سامي : افطر معنا يا رجال
هتان : ايه صدق افطر معنا خلنا نتعرف
منار : اممممم مادري
هتان سحبني : ما سألتك
سحبني لأقرب مطعم وهو يبتسم



بمكان ثاني



ابتسمت وهي تناظره من الشباك ( الطاقه ) تحبه و تتمناه
فتحت الباب بشويش بنيه تروع اختها و توامها المفهيه على الشباك مشت بشويش جت خلف توامها وصرخت بصوت عالي
تالين بخوف : وجع خوفتيني
تولين : كشفتك مين تناظرين
تالين التفتت على الشباك ولا لقته : اناظر الحديقه
تولين بعدم تصديق : صدق ؟؟
تالين : ايه صدق
تولين وخرت اختها عن الشباك عشان تتاكد
تالين : صدقتي
تولين : يب


تعريف عن عائله التوام


رعد : صاحب الابتسامه الحلوه << على قول بنات العايله
جميل بس مو كثر اخوه عمره 23


فيصل : سبق التعريف


تالين : دايم تبتسم الكل يحبها خبله هي واختها تفضل توامها عن باقي اخوانها و مالها أصدقاء عمرها 17


تولين : اصغر من تالين 5 دقايق هبله و طويله السان تفضل توامها عن باقي اخوانها عمرها 17


زياد : بريء بشكل يتعلق في الشخص بسهولة عمره 4 سنوات

اليوم الثاني الساعه 10:30


تالين بنذاله : هي تولين تولين قومي المدرسه
تولين : هممم << نايمه
تالين : قومي ورانا مدرسه اخرتينا ياحماره
تولين بنوم : الساعه كم
تالين : الساعه 10 ونص
تولين فتحت عيونها وبسرعه اتجهت لدولابها وطلعت مريولها
تالين طلعت وهي تبتسم بمكر
بعد 19 ثانيه فتحت تولين الباب و شكلها معفوس
القميص الابيض مايل و ازراره مفتوحه
و شعرها كشه
تالين بضحكه : وراه شكلك كذا
تولين : وش فيك ما لبستي
تالين : اليوم الجمعه وش البس
تولين بصراخ : حيوانه
تالين وهي تركض : وش اسوي فيك ماطعتي تقومين
تولين وهي تركض ورها : مو كذا عاد
تالين : عاد ولا ثمود
تولين : ما طلبت سماجتك
رعد طلع من غرفته : هي اليوم جمعه ليش لابسه مريول
تولين : جيت في وقتك تعال صفقها معي
تالين : من الصبح وانا عند راسك احول اقومك بس ماش
و بتلوا يتلاحقون
رعد هز راسه بيأس : اللهم ارزقهم عقول



رايكم ياحلوين
واعتذر على التأخير 💋
وبس واللهي 👳🏾


الكاتبه : الـم
alm_xm

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 11-01-2017, 08:25 PM
صورة alshagardiah123 الرمزية
alshagardiah123 alshagardiah123 غير متصل
©؛°¨غرامي مشارك¨°؛©
 
الافتراضي رد: أشوف النسيم أسود من كثر همومي /بقلمي


روووعههه البااارت يعطيك العااافيه كملي وحنا معك يابعدي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 12-01-2017, 07:27 AM
صورة reeme_ الرمزية
reeme_ reeme_ غير متصل
©؛°¨غرامي فعال ¨°؛©
 
الافتراضي رد: أشوف النسيم أسود من كثر همومي /بقلمي


الروايه جداٌ جميله

ننتظرك بالبارت الجاي



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 19-01-2017, 04:36 PM
alm_xm alm_xm غير متصل
©؛°¨غرامي مشارك¨°؛©
 
الافتراضي رد: أشوف النسيم أسود من كثر همومي /بقلمي


بنات مخي مو صافي 😩
عشان كذا ما اقدر اكتب ✍🏻
وما ودي اكتب بارت تسليكي 🌚
وتخرب الروايه كلها 🙃

انا مجهزة أفكار بس صعب أني احط الكلام ومخي مو صافي 💔


اعتذر جداً جداً جداً 😢

الـم ...
alm_xm

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-01-2017, 01:42 AM
صورة reeme_ الرمزية
reeme_ reeme_ غير متصل
©؛°¨غرامي فعال ¨°؛©
 
الافتراضي رد: أشوف النسيم أسود من كثر همومي /بقلمي


اقتباس:
المشاركة الأساسية كتبها alm_xm مشاهدة المشاركة
بنات مخي مو صافي 😩
عشان كذا ما اقدر اكتب ✍🏻
وما ودي اكتب بارت تسليكي 🌚
وتخرب الروايه كلها 🙃

انا مجهزة أفكار بس صعب أني احط الكلام ومخي مو صافي 💔


اعتذر جداً جداً جداً 😢

الـم ...
alm_xm


خــذي وقــتــك

بــنــكــون بــانــتــظــارك




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 30-01-2017, 08:13 PM
صورة alshagardiah123 الرمزية
alshagardiah123 alshagardiah123 غير متصل
©؛°¨غرامي مشارك¨°؛©
 
Post رد: أشوف النسيم أسود من كثر همومي /بقلمي


اقتباس:
المشاركة الأساسية كتبها alm_xm مشاهدة المشاركة
بنات مخي مو صافي 😩
عشان كذا ما اقدر اكتب ✍🏻
وما ودي اكتب بارت تسليكي 🌚
وتخرب الروايه كلها 🙃

انا مجهزة أفكار بس صعب أني احط الكلام ومخي مو صافي 💔


اعتذر جداً جداً جداً 😢

الـم ...
alm_xm
اهلا حبيبتي عادي لما يصفى مخك اكتبي لنا بننتظرك ياقلبي

الرد باقتباس
إضافة رد
الإشارات المرجعية

أشوف النسيم أسود من كثر همومي /بقلمي

الوسوم
/بقلمي , النـسـيـم , اسفنج , اشـوف , هـمـومـي , كثـر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية كل شي يتغير في لحظة /بقلمي like_the_moon روايات - طويلة 21 08-04-2016 01:32 PM
رواية وعيونك اللي تعلم الخاين يتوب ويردّ لدروب الوفا عاشق /بقلمي الكاتبة:احلام روايات - طويلة 1 25-03-2016 08:38 PM
عشقته بمظهره الوسيم وفقره الي ذبحني/بقلمي؛كاملة رفيقة الخيال روايات كامله - يتم نقل الرواية هنا بعد اكتمالها 328 02-11-2015 12:47 AM
بنت عمي ولي حق فيها /بقلمي... مروا؛ميم روايات - طويلة 1 30-08-2015 02:48 PM
من 1 الى 5 لمن تقول " وان ضاق صدري من همومي تنفستك " أنّكِسَـآرْ ! العاب - مسابقات 41 24-08-2015 06:25 AM

الساعة الآن +3: 10:17 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1