منتديات غرام روايات غرام أرشيف الروايات المغلقة - لعدم إكتمالها رواية تظل سر بين كتاباتي وقلبي يقرونك سطر وأنـت بداخلي رواية/بقلمي
2451 ©؛°¨غرامي جديد¨°؛©

الـسلام عليكـم
حبيت ابدا روايـتي الجديـده وانشاءالله تعجبكم
فيه كثير من الافكـار والـشخصيات مترابطـه مع بعض
حبيت ابدا فيـها
ولا قـرب نهايـة الترم قلت خل ابدا آنزل وبعدهـا اكمل بوقت الاجازه وقـربت الامتحانات ولازم يزيد الـجهد والـتعب 😩
كــونو قريبـين عزيزاتـي
روايـتي الثـآنية :
~ تظـل سـر بين كتاباتي وقلبي
يقــرونك سطـر وانت بداخلي روايــه ☁ ~

ممكن تـــشوفون ان الاسـم ما يخص الـروايه ولا قصتـها بس صدقونـي مع الايام بتحبونـه ..
وانشاءالله بعد شوي بنزل الــشخصيـات
ولي ماتحب تقراء شخصيات تسحب عـليهم 👍

وانشاءالله بتـشوفون إذا بدات الاجازه منظمـه بوقت تنـزيل الـبارتــات عـزيزاتي 🎇
..
ايه للمعلومية يعني بتشوفون لي رواية ثانية اسمها اهيم بك عشقا واكتفي بك طول العمر
باذن الله باكملها بس هالايام احس مو مستعده اعيد كتابتها و تعديلها 👍 بس صدقوني بتشوفون ها مكلمه

2451 ©؛°¨غرامي جديد¨°؛©

الـشخصيــات


~| 🎇🎼 ______________________

عائلــة آبــو مصعـب

( 1 ) سعـود " آبو مصعـب "
انسان حالته متوسطـه وبنى نفسه بنفسه ، متفتح حيـل و ما يجبر بناته ع شيء ، هادئ وحكيـم
عنده مكتبة ف مكتبـه ويحب القراءه ..
دكتور ف الجامعـه و فتـح له محل لـ الحلويـات وطبعا مشهور وله فـروع باكثر من منطقه و بعد ' بالبحرين و الكويـت '

( 2 ) الـعنود ' آم مصعـب '
انسانـه صبوره و عاطفيـه وهادئه وكتومـه حيـل
نظاميه ما تحب تخرج عن النظام لازم الكل ع طاولة الطعام ،، مديـرة مدرسـة و عندها مشاغـل

آولادهـا ٣ و بناتـها ٣ .. ~
( 3 ) مصعـب
عـمره ٢٩ سنـه ' آرمـل ' زوجتـه ماتت عند ولادة بنتـه ' زهـره ' طيـوب ومدلع بنتـه ويشتغـل بشركـه حكوميـهه ،، وراتبـه مره كويس و يساعد اهله ساعات ،، ومجنن امـه ما يبغى يتزوج يخاف تجي وحده و تعـذب بنتـه متاثر بالكتب لي يقراهـا 😩😂

( 4 ) ولـيد
انـسان هادئ و رومآنـسي حيــل طيـوب مره مره وفيه حنيـه مره كبيره ،، بس قساوتـه تخوف 💔 يشتغـل دكتـور ' عـام ' حبوب ويحب الاطفآل
وعـمره ٢٦ سنـه ومتـزوج ' زينـب ' وعنده ولـد
~ سعـود وعـمره ٢ ~

( 5 ) ريـان
وعمره ٢٣ سنـه خلص دراستـه من قسم التجآره و يتشغل بشركـه معروفـه ،، ضحـوك و قريب لآخته عنآن حبوب و دايما خآرج الـبيت و لو ع كيفه ترك الـشغل و الـتعب و جلس ف الـبيت امه ناويه تخطب له بس هو ما يفكر و منجن من تفكير امـه

حصـه & عنـآن ' تنآقض بالاسماء '
( 6 ) حصه آكبر من عنآن بـ 5 دقآيق ،، ناضجـه و تفكر بتصرفاتـها وكلامـها هي ونوف ولا كانهم تـوام عكس بعـض ،، مملكه لولد عمتها من سنتين ' عصـام ' مره رسميـه حيـل

( 7 ) عـنآن ' البطلـه '
ضحوكـه ومجنونـه ملسونـه مره ولا تفكر بتصرفاتها و كلامها ، مره جميلـه و مهتمه بحالها تحب الكشخـه و الـماركات و الـملآبس وانسانه ذويقـه تعرف وش تختآر ،، قويـه وتعتمد ع حالها
عفويـه و كل تسولف و اجتماعيـه
تدرس بجامعـة الآميره نوره عكس حصه لي تركت الدراسه بثاني سنه لها بالجامعه ،، عكسها هي لي تدور ع مستقبلها و دراستها وتـدرس طـب وعمرهـم ' ٢٠ '

( 8 ) نوره
دلوعـه حيـل ولسانـها طويـل وجريئـه مره و ما تهتم لشيء و لا لنـاس تكره برود حصه حيـل حيـل تكرهـه ،،
وعمرها ١٦ سنه


~| 🎇🎼 _________________

عائلـة آبو عصـام ..

آبو عـصام اسمـه حمد شايـب و اكبر من ناديه بكثير شخصيـة مهمـه ومره معــروف خصوصا انـه كان سابقا وزيــر ، متبـلذ و خبيث وعليه اعـمال مره خبيثـه

آم عصام واسـمها ناديـه وعمرهـا ٤٥ سنه تزوجت من حمد غـصب بسبب ابوهـا لي كان همه الــقروش و اخذ مهرها وهـرب ما يدري عن هوا دار عيـاله همه الــشرب ' الخمر ' والـتدخين و عانت منـه ام سعود ' الجده ' كثيــر وكثيررر
مغـروره مرررره تكره زوجـها بس شتسوي جالسه علشان عــيالها....

عصام عـمره ٢٦ سنـه
انسان هادئ وفيه من شخصيـة آبوهه وامه ما يحب حصـه يكرهـا شخصيتـها الهادئـه الـرسميـة يبغى انسانــه عفويـه
فيـه شويــت جمال ولكل شخص جمال طبعا

بنتـها مـلآك 🍃
عمرهـا ٢٤ سنـه متدربـه بنفس مستشفى وليد حبوبــه ولطيفـه رومانسيـه
جميلـه وهادئـه

~| 🎇🎼 ___________________

سميـه وعيالـها ..🌼🍃
سميـه انسانـه طيبـه وحنونـه مرره ع عيالها وساعات تقلب اذا الـموضوع فيـه سلمى تصير قاسيـه ، رئيسة الخدم ف بيت ابو مصعب و وراها سالفه من المآضي

ليلى ذي وراهـا سـوالف كثيره ولها انشاءالله دور قـوي وحيل قـريبه من امـها وحنونه وخدومـه ،،
عمرهـا ٢٣ سنه
بنتـها ~ ود ~ عمرهـا ٥ سنين ؟؟؟

سعود وعمـره ٢٥ سنه يشتغل سايق ف بيت ابو مصعب حـيل طيوب ومتشدد همه مصلحتـه و يتدخل ف اشياء ما تعنيـه ملـقوف مرره و
يحب امه وما يـرضى ع ذلها

داليا وعمرهـا ١٩ سنه انسانه تكره الــذل والاهانــه والدلع ، خصوصا انها ما تدلعت ولا احد حسسها بقيمتـها تكره عيال ابو مصعب لانهم عايــشين ف عـز ودلال
خلصت ثنويــه وجلست تساعد امها

سلمى ..🎼
انسانـه رقيقـه مثل الــزهره حيل حساسـه امنيتها تصير غنيــه دافــوره مررره وجميلــه جميلـه تحب داليا ومتعلقـه فيها وبسرعــه تثـق بناس ..
صـبوره وخدومـه
عمرهـا ١٥ سنـه

~| 🎇🎼 _________________

وآخـر شيء عــيال آبـو عصـام من زوجتـه الآولى
طبعا هو تـزوج كثير وكلهم باعمار بناتـه و بعد ما ياخذ لي يبيـه يقطهــم ..👐

زوجتـه الاولى توفــت بمرض خطير بعد ولادة ليث ~ 🎇

عيالـه وجابت له بس ولـد و بنتين
الـبنت الاولى ~ ياسمين ~ وعمرهـا ٤٠ سنه ما تزوجـت لكثرة رفضها ..
البنت الـثانيـة ~ فاطمـه ~ وعمرها ٤٦ متزوجـه و عندها بنت اسمها ~ دلال ~ وعمرها ٢٤ سنه صديقـة ملآك روح بروح ومتدربـه معاها

ليـث وعـمره ٢٤ سنـه × بطل قصتنا ×
رضع مـع دلال و صارت آختـه انسان ضحــوك و مزوح همـه نفسـه ما يهتم لآي شيء ويكره ابوه كره فـضيع حت آخوه يكره لانه فضلـه عليه
وعايـش مع اخته ياسمين وفاطمة لان فاطمة مات زوجـها بعد سنين من ولادة دلال ..
شكله ~🎇
معـضل وجسمــه عريض مهتم كثير بجسمه طولـه ١٨٧ تقريبـا
شعـره ناعمم وكثيف مرره و مقصقص ولونـه اسود يلمعع
خشمه سلة سيف وعيونـه سوداء واسعـه برموشه الكثيفـه و غمازتـه ..بشرتـه حنطاويـه🍃

انتهينـا 😴
واخــيرا خلصت من الشخصيـات
وبنزل بارت قريبـا واستمتعوا فيـه 😉
وكم شخص بيقراء الــروايه معي
يكتب
( تــم ورايـه البـارت الاول )

2451 ©؛°¨غرامي جديد¨°؛©

نبــدا ف رحلتنــا مع ابطالنا...
[ الــبـــ 1 ـــارت ]

~| 🎇🎼 __________________________

بمكتبـة جريـر 🔥🌑 ~
بعد مآ خلصوا طلبات المدرسه والجامعات
ركبوا السياره ،،
نوره بملل : يا ليل بدات الدوامـات اف
عنآن بضحكـه : ههههههههه يا مسكينـه باقي كثيـر نوره 😒 : بالعكـس الـدراسه مرهه جميله !
عنآن ضحكت : سكلي لروحك بس!
نوره : انكتمي
عنآن : احترمـي اختك يا ملسونـه
نوره جت بترد بس قاطعها دخول امها : خلصتوا عنآن : يس مآمي
نوره : يس انننننننن
عنآن بنظره : هالـمره انا بقولك انكتمي ولا تدخلي يا ملقوفـه ، ويلـه ٢٤٠ ريال لي دفعتهم عنك رجعيهم
نوره توسعت عينها : ءءءء عنـآن يا مشفوحـه كلها ٢٤٠ وش تبغين فيهم ؟
عنآن : كيفـي و يلهه انتظرهم
نوره تاففت .. : اوكيـه اذا رجعنا البيت
عنآن : واذا ما جبتين ما بتلاقين اغراضك طيب!
نوره تنهدت
ام مصعب ضحكت : هههههههههه زين لك محد قالك طولي لسسانك ذا
نوره : ماااااماااا
ام مصعب تجاهلتها : عنآن بكره بتدوامي ؟
عنآن : ماعندي إلا محاضره وساعه ١١ آمري ؟
ام مصعب ابتسسمت : بكـره بتجي جدتك من القصيم ممكن تستقبلينها ساعه ٩ بتجي وانا بكون مداومـه
عـنآن : يمه حصيصــه موجوده ..
ام مصعب : عـنـآن بكره حصه بتطلع تدور لها فستـآن لعرسها قريب عرسها
عنآن 😒 : اوكيه ..
نوره ضحكـت : كااااك مسكينـهه
عنآن : انكتمي يا غبيـه
ام مصعب : نـوره كلي تبـن آحسن لك لا والله اخليم تغيبين و اخليك جالسسه مع جدتك طول الـوقت
عنآن انفـجرت ضحك : ههههههههههههههههههههههههههههههههههههههه
نوره : يمــه شوفـي بنتك ذي الـغبيــه الـبقــره
ام مصعب تنهدت وصدت ..
وصــلوا الــبيت و تفآجوا بوجود الجده !!
نوره فسخت عبايتها : جدتـي مو ع اساس بكره جايه ؟
الجده بابتسامه : غيرت راي و خليت محمد يجيبني
نوره تحمست : محمدو جئ
الجده : وجع وش ذا محمدو ذا عمس عمس
نوره بعدم اهتمام : عمي وعمـره ٢٤ ؟
ام مصعب : نوره انكتمي احسن لك و روحي غرفتك
نوره تاففت و مشت .. عنآن باست راس جدتها : كيفك يا يمه
الجده بحب : هلا هلا بحصـه شلونتس كيف حالتس
عنآن بضحكـه : يمه انا مو حصـه انا عنآن
الجده كشرت اول ما سمعت اسمها : وش انتي عنآن ؟ لا بارك الله فيتس ولا باللحظه لي جيتي فيها وجع ابعدي ابعدي عن وجهي لا ارجع كل لي ببطني
عنآن اختفت ضحكتها و تراجعت ع الــوراء و ناظرت امها..
ام مصعب تنهدت و ناظرتها بمعنى ' روحي ع غرفتك ' الجده : وين حصيصـه وينها حفيدتـي الـغآليـه ..
عنآن عضت شفتيها و ركبت فوق ،، دخلت غرفتها وفسخت عبايتها و تركتها ع الـسرير وناظرت بالآكيآس لي ع الـصنآديق قدام الـسرير ،، وبنرفزه : شفيها ليه كارهتنـي وش سويت لها ..
نوره دخلت و حطت ٢٤٠ ع الـخزآنـه : خوذي فلوسك
واخذت اغراضها ولمحت الحزن بعيونها : وش فيك؟
اخذت نفس وبابتسامه : ولا شيء يله انقعلي لبرا بتروش و باستشور شعري لبكره
نوره : شدعوه بكره عندك وقت تفرجي ع مسلساتك آحسن
ابتسمت : فكره بدق ع الـجمعيـه تبغين شيء ؟
نوره تحمست : نسهر ع فلم تركي ؟
عنآن : اوكيه عجل بطلب كم شغله من الـجمعيـه
نوره : تمام .. ولفت بتطلع إلا بوجهها حصه ،، كشرت : وش جابك؟
حصه تنهدت : اظن غرفة عنآن مو غرفتك!
نوره تفشلت : آننننن .. وطلعت
حصه همست : بزر ' رفعت راسها وبابتسامهه ' : عنـآن بكره بجي عصآم وبيتغذى معانـا ابغى لبس من عندك يكون مرتب ومره ناعـم
عنآن الشغله فيها ملآبس اكيد بتتحمس ،، نقزت : اكيد
إلا عقدت حواجبها : دقيقه دقيقه مو قلتي ما بتشوفيـه آسبوعين وش صار ؟
حصه بخجل : آيـه وش فيها ذا الغداء التوديعـي
عنآن ضحكت : هههههه حلوه الغدآء الـتوديعي
حصه : يوو عنآنـو يله عاد ابغى لبس كويس
عنآن تنهدت : الحمدلله ما بكون موجوده
حصه بزعل : ليـه ؟ حررآم ابغيك جنبي
عنآن : تعرفيني آكـره عصآم مو مرتاحه له آبـد ..
حصه تاففت : عنـان خلآصص تراه زوجــي
عنآن : شدعـوه اول وحده تتزوج إلا عصـام هه من زينه عاد هو والـثور وآحد
حصه كشرت : يا شين غـرورك تراه نفسنـا من ترآب
و شهالعنصريـة تفرقين بين الـفقير والــغني
عنآن لفت : ما آفـرق بس تدريـن ان عمتك ذي الـمغـروره شايفه نفسها لان زووجها وزيـر و عاد بتذوقك الـمر .. استغفرالله بهالزمن لي ينصـح صار عنـصري و يغـار شدعــوه
حصه : خلآص اوكيـه خلينـا بموضوعنـا
عنآن اخذت نفس وآبتسمـت : اوكيـه يله امشي لغرفـة الـملآبس
مشوا لغرفـة المﻵبس ،، دخلوا وحصه بذهــول : ياربــي ملآبسك تجنن مره ذويقـه ماشاءالله
عنآن ابتسمت 😌 : طبعـا عنـآن بنت سعـود آلـ مصعـب شتتوقـعين مني يا حصيصــه
حصه : اف منك إيش ذي حصيصه آكره دلع ..
عنآن بضحكـه : جدتك تسميك حصيصه
حصه توسعت عيونها : جدتي جت؟
عنآن استغربت : ماتدرين
حصه : لآ محد قالـي الله يسامحكم بس ههفف ،،
و مشت لخآرج الـغرفه
صرخت : والــملآبـس
حصه : بعدين بعدين..
عنآن رفعت كتوفها : ههه كيفتس ..
و مشت للغرفه واخذت جوآلهآ آيـفون ' 6s ' ،، وبهدوء دقت ع الجمعيه واخذت اندومي و بطل بيبسي وشيبسـات و حلويـات ،، وسكرت ..
ونزلت تحت وشآفت الكل مجتمع ،، آبتسمت وباست راس امها وابوها وجلسست والتزمت الصمت عكس قبل لان جدتها موجوده وتكره اذا جت لانها تظل تتحلطم ع كلامها وتصرفاتـها
الجده : ومتى انشاءالله العشآء ؟
ام مصعب بهدوء : ع ساعهه ٧
الجده بصدمه : ليه ع ٧ خليهه ٨ شدعوه ٧
ام مـصعب : خالتي العشآء يبغى له ٣ ساعات لينهضم و العيآل ينآمون ١٠ تقريبا او نص ' ترى المعلومــه حقيقــه للي مسوين دايت 👍👏 '
الجده كشرت : يا زين ايام قبل لا احد يهتم بجسم ولا وزن اللحين كل شيء يدققون هالرجاجيل ..
نوره ضحكت : حت لو ما يدققون اولا ذا الشيء لصحتنا لان كل الدهون لي بالجسم وترهلآت مرض ويسبب السكر واشياء ثانيـه ..
ابو مصعب ابتسم بفخر ع عقليـة عيآلـه..
الجده : يا زينتس منكتمـه يا ام لسان ما طلعتي ع مصعب و وليد و حصيصه
ريان توسعت عيونه! : جدتي ليه ما قلتي اسمي؟
الجده : انت اساس البلآء اصلن ابو اللـسان ..
نوره انفجرت ضحك : ههههههههههههههههههههههه ريان وين جبهتك بالله؟
ريان : انكتمي لا اكوفنك
نوره كشرت : يعع شهالآخوان المعقدين !!
حصه ضحكت : جد نوره يا زينك منكتمهه...
نوره : وانتي يا زينك وانتي بغرفتك ع اقل ما نشوف وجهك
حصه سكتت وحز بخاطرها كلماتها
عنآن حست فيها : نـوره !! بليزز فكري بكلآمك آلف مرهه قبل ما تنطقينه
نوره : اوكيه يلي تفكرين بكلامك !!
ام مصعب بحدهـ' : نـوره لسانك طولآن كثير جد اللحين آنكتمي !!
نوره سكتت وصدت..
زينب تجي وبابتسامـه : خالتي العشآء جاهـز اخليهم يجهزون الطاوله
الجده : وليه طاوله شزيين الـجلسه ع الآرض وبعدين من متى عاداتنـا وتقاليدنا ان ناكل ع الطاوله..
زينب سكتت تنتظر ام مصعب تتكلم ،، ام مصعب طنشـت حكيها وتناظر الساعـه : اي جهزوا باقي ١٠ دقآيق ع الـ ٧
الجدهـ' : و وجـع آكلـم جدار ولا إيـــش
ام مصعب تنرفزت بس قالت بــهدوء : يا يمـه احنا تعودنـا كذا وش نـسوي ..
الجده : وانا الـيوم آقــول ابغى ناكل ع الآرض
حست نفسها بتبكي بس اوامـر الجده و بتنهيدهـ' : طيـب يا زينب خليهـم يجهزون الـعشاء للجده ع الآرض واحنا الطاوله
زينب هزت راسها ومشت
الجده : يا سعـود انت رجــال ولك كلمــه اظن وش ذا لا تكلمت ولا اهتميـت
ابو مصعب : يمه لا تدخـلوني بين مشاكلكم بليز خلوهـا بينكم انا انسان ادور راحـة بالـي ما بصرخ ع زوجتي او بتنرفز منك علشان ارضي احد ..
الجده كشرت : سحرتك هالـساحره حسبي الله قلت لك تزوج بيت خالتك لا إلا الـعنـود بنـت ريـان آلـ وليـد
ابو مصعب تنهد بضيقـه وبهـدوء : يمــه لا تفتحين مواضيع لها فتره..
عنآن تاففت و مشت للطاوله و الباقـي سووا نفسها مايبغون يضايقون نفسـهم
زهره : وين بابا ليه تآخر ؟
حصه : عليه شويت شغــل بجي قريـب
زهره تضآيقت وهي تناظــر لـ يوسف بحضن امـه
: اوكيه


نتوقـف هنـا 😊
ادري بدايــه مره هادئـه بس صدقونــي مع الايام بتزين بعيونكـم
رايكـم ؟؟

2451 ©؛°¨غرامي جديد¨°؛©

[ الـبــ 2 ــارت ]

|~ 🎇🎼 _________________
زهره تضآيقت وهي تناظــر لـ يوسف بحضن امـه
: اوكيه
عنآن بابتسامـه : شرايك ناخذ عشاء من مآك و نروح نسوي له سـوبرايــز
زهره نقزت اعجبتها الـفكره : ليه يصير
عنآن : اكيد ' بنداء ' روز رووز
روز بهدوء : نعم ؟
عنآن : روحي جيبي عبايتي وجوالـي وشنطتي بسرعه
روز هزت راسها وآكملـت طريقها
ثوانــي وجت لبست عبايتـها و لفت الطرحه وآخذت الشنطـه : انا هربانـه بـاي !!
و مشـت بعجلـه ركبت السـياره وجنبها زهره : ع مآك بعدين شركــة مصعب ..
وحـرك السـايق ،، زهره نقزت : عـمزا سعــود كيفك
سعود بابتسامـه هادئـه : منيـح وانتـي كيفك ؟
زهره : انا تمام .. آشتقـت لخآلتوا سميـه شفيها تعبانــه
تنهد : لا بس رجليها تعورهــا شويـات
عنآن عقدت حواجبها وباهتمـام : ودوهـا الـمستشفى
سعود ناظر عيونـها وبهدوء : رآفـضـه
عنآن تنهدت : بحل الـموضوع انشاءالله
زهره : ليه ماتقولـين لماما عنـود
عنآن بحنيه مسحت ع شعرها : مو ناقصـه هموم بكره بجبرهـا تروح الـمستشفى وانا بروح معاها لان محاضـراتي تبدا ساعه 11
زهره ابتسسمت و نقزت وضمتها : عـمــه انتي كثير طيبـه تستاهـلي كل الخير..
عنآن ابتسسمت وبادلتها الآحضآن .. سعود آوقف السياره وقاطعهم : وصلنـا وش تبغون؟
عنآن : سلطـة سيزر بآلدجـاج.. وانتي يا حلوه ؟
زهره : بطآطس وحليب شوكلآتـه
عنآن : طيب واختار وجبتين ع ذوقك
هز راسـه ونـزل ،، زهره فتحت إيبادهـا تتعبث فيه شويات..

|~ 🎇🎼_________________________

الصبآح 🌞..
فتحت عيونـها ع الـمنبـه ،، نآظرت ساعه ~ 9:50 ~
توسعت عيونـها ونقزت ابعدت اللحآف ولبست الـشبشـب ومشت للحمام ' تكرمون '
وتروشت سريع سريع ولبست روبـها الآسود وعليه من فوق ع جنب صورة باندا ، مشت للخزانات وسحبت تنوره و قميص و حفر.. لبست تنوره فيها كسرات لونها سوداء و لبست حفر لونه آسود وعليه قميص شفاف لونه آبيض و اكمامه لنص كوع و له 3 ازرار سكرت بس واحد ،، لبست فلاتـها الآبيض ،، طلعت بعد ما اخذت شنطه مناسبه و عبايه و طرحتها ،، توجهت للتسريحهه ' غرفتها كلها من ايكيا ' جلست ع الكرسي و سحبت الـمجفف اول شيء جففت شعرهـا بعدها استشورتـه و جعدتـه خلته بطريقهه كانه كثييف ،، حطت كريم مرطب لبشرتها وكحل اسود داخل عيونها ماسكرا تكثف رموشها و مرطب eos وحطت الماسكرا والكحل والمرطب داخل ملقمة المكياج مع مرايه صغيره وبوكها وجوالها ومفاتيحها والشاحن المتنقل .. تعطرت ولبست عبايتها و طرحتها واخذت شنطتها ،،
نزلت ع عجلهه و طلعت من الباب الخلفي ومشت للعماره لي ف الحديقة الاماميه قسم للخدم و قسم للحارس وقسم لعائلة رئيسة الخدم..
ضربت الباب وفتحت لها بنت صغيره ما يتجاوز عمرهـا 10 سنين
ابتسسمت بوجهها : السلام مين انتي يا حلوه
عقدت حواجبها وبخوف : ود
قرصت خدها : يا ناسسو ع الحلوين ' بجديه ' وين خالتي سميه؟
ود : ءء منسدحه بالصاله..
عنآن : عجل بدخل اوكيه؟
هزت راسها وافسسحت لها المجال لتدخل
ودخلت ، ود : ممكن تفسخين جزمتك!
عنآن ابتسسسمت : تمام
و فسخت فلاتها واتجهت للصالـه و دخلت وشافتها منسدحهه و اول ما لمحتها سسميه نقزت وبارتباك : عنآن بنيتي ؟
عنآن : ءء سمعت ان رجليك تعورك
سميه بتتعب جت بتوقف إلاا : لالا اجلسي ارتاحي
سميه تنهدت بابتسسسامة تعب وامتنان وجلسست ..
جلست ع الآرض و : يا خاله إذا بقلبك خاطر لي روحي المستشفى ومستعدهه اروح معك بس ما تتعبين والله عيالك محتاجين لكك! ليه هامله صحتك الله عطاك ذي النعمه علشان تحافظي عليها مو تهمليها و تسوين بحآلك كذا
سميه بلعت ريقها وبتعب : يا بنيتي انا وصل عمري 50 وتعبت خلآص ما بقى من عمري شيء خلصص ترملت وانا عمري 30 و برقبتي 3 بنات و ولد والله ما ابغى شيء من الدنيا غير اجلس ف بيتي واشوف عيالي مرتاحين
استرسسلت بكلامها : بس اخخ من الـولد معذبنـي مو راضي يتزوج الـمهر جاهز والزوجه موجوده وشغل عنده وش يبغى بعد!
عنآن تنهدت : مصصرهه يعني؟
سميه : اي ارجوتس لا تصرين اكثر خلآص انا راضيهه بمرضي.. و بنتي ليلى مستلمه شغلتي وانشاءالله امتس وابوتس يرضون تاخذ مكاني
عنآن : طيب ' وقفت ' اخذت من وقتك بس وراي جامعهه وباقي نص ساعه..
سميـه ابتسسسمت : لا بلعكس جيتس ريحتني مدري ليه موفقه يا بنيتي إلا كيف حصصه ما شفتها من زمان جد عرسها قريب ؟
عنآن : آيه الله يتمم عليها وهي بخير وتسسلم عليك كثير
سميه : الله يتمم عليها ويسخر لها زوجها ويوفقهم ويسسعدهم ويرزقهم الذريـه الصآلحـه يا رب
عنآن : آمـين آميـن
و باست راسها ومشت لبست فلآتها و شافت نفس البنت ..

انتهى 👏😊

اسيرة الهدوء ©؛°¨غرامي متألق ¨°؛©

السلام عليكم
بدايه جميله
بالتوفيق

2451 ©؛°¨غرامي جديد¨°؛©

المشاركة الأساسية كتبها اسيرة الهدوء اقتباس :
السلام عليكم
بدايه جميله
بالتوفيق
وعليكم السلام و رحمـــة...
شرفتي صفحتي وان شاء الله تكون عند حسن ظنك عزيزتي

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1