اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 171
قديم(ـة) 17-03-2017, 09:42 PM
صورة نـجــد الرمزية
نـجــد نـجــد غير متصل
©؛°¨غرامي مشارك¨°؛©
 
الافتراضي رد: يدعوني هواك فأتبع /بقلمي


اقتباس:
المشاركة الأساسية كتبها تسنيم حسن مشاهدة المشاركة
تسلمي ع البارت ❤❤
الله يسلمك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 172
قديم(ـة) 18-03-2017, 10:22 PM
صورة ووردالعمرر الرمزية
ووردالعمرر ووردالعمرر غير متصل
©؛°¨غرامي متألق ¨°؛©
 
الافتراضي رد: يدعوني هواك فأتبع /بقلمي


متى البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 173
قديم(ـة) 20-03-2017, 04:56 PM
صورة نـجــد الرمزية
نـجــد نـجــد غير متصل
©؛°¨غرامي مشارك¨°؛©
 
الافتراضي رد: يدعوني هواك فأتبع /بقلمي


اقتباس:
المشاركة الأساسية كتبها ووردالعمرر مشاهدة المشاركة
متى البارت
بكره ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 174
قديم(ـة) 21-03-2017, 07:27 PM
صورة نـجــد الرمزية
نـجــد نـجــد غير متصل
©؛°¨غرامي مشارك¨°؛©
 
الافتراضي رد: يدعوني هواك فأتبع /بقلمي


الجزء الرابع عشر
ما زلت وحدي وما زال التعب يسري
في كل ليلة علي وابيح مكنوني
ماني ببيحه لخلق الله وبي تدري
حتى ولو يلمحونه داخل عيوني
#ممنوع الاقتباس
-عند طلال
طلع من الشركة ورجع للفندق دخل جناحهم لكنه استغرب مافيه أي صوت تقدم شوي لكنه حس بأحد يخنقه لف لقى امه شد يدينها بقوة ونزلهم عن رقبته شوي وجات الممرضة تركض
طلال بصراخ : آدي لا تعطينها ابرة
آدي : بس سير
قاطعها طلال : اتعبتوها بالمسكنات – مسك أمه وجلسها على الكنب
أم نايف بلهجتها الألمانية : قلت اننا سوف نرقص
طلال زفر : يمه انا تعبان والله
أم نايف ضمته بسرعة وبخوف : صقر صقر لا ياخذك مني
طلال بتعب وهو بحضنها : يمه ابوي محى ذكري من الدنيا كلها قال اني مت قال انه ولد الألمانية مات يمه انا الحين طلال مو نايف يمه تعبت اعيش دور ماهو دوري
أم نايف تحاول تفهم لهجته وبدموع : نايف انت ولدي انا مو ولد أحد
طلال هز رأسه : ولدك انتي وما عندي أم غيرك – قام من حضن امه – آدي
آدي وهو جايه من داخل : يس سير
طلال : دخلي غرفتي وجيبي علبة بيضاء صغيرة على الطاولة
آدي : اوكي
ثواني وجابت له العلبة اخذها وشال العدسات اللي صايره تضايقه حيل اول ما شافت امه عيونه ضمته بقوة : نايف انت نايف حبيبي اخيرًا جيت انا انتظرتك كثير
طلال : جيت يمه جيت
ام نايف : قوم حبيبي بدّل وتعال اجلس معي ابي اخذك بحضني بعيد عن الدنيا بعيد عن ابوك بعيد عن كل شيء يتعبك
طلال خانته دمعة وقام من عند أمه بعد ما باس رأسها دخل غرفته وقف قدام المرايا وهو يشوف الشبه الكبير بالشكل بينه وبين ابوه بس الفرق لون العيون عيونه الرمادية كانت دليل على انه ولد الالمانية عشان كذا كان ابوه دايم من يومه صغير كان يقول له انه انت ولد سعودية ما يصلح تصير عيونك هاللون وكانت ام طلال تقول له نفس الكلام لين استوعب انه لون عيونه غلط وصار متعود على العدسات لين كبر وعرف انه ولد الالمانية " ياسمينا " واسمه نايف مو طلال لكن بخطة ابوه وطمعه صار ولد " بسمه " ام طلال وصار اسمه طلال بالغصب
بدل وطلع لأمه اللي تنتظره جلس معاها يعوض سنين فاتته وهو بعيد عنها
ياسمينا : نايف
طلال : هلا يمه
ياسمينا تمسح على خده : تبدو حزين
طلال : لا انا بس محتار
ياسمينا : محتار ؟
طلال هز رأسه : محتار مع البنت اللي احبها اكون طلال ولا نايف
ياسمينا بهلع : انت نايف
طلال هز رأسه وهو يهديها : نايف نايف بس البنت اللي احبها تحب اسم طلال
ياسمينا تقوست شفايفها بحزن : لكن نايف اجمل
طلال ابتسم : ايه نايف احلى
ياسمينا ابتسمت وهي تناظره : لماذا لم تخبرني عن البنت التي تحبها
طلال ابتسم و سرح وهو يتذكرها : اسمها الريم
ياسمينا ابتسمت : عيناك تلمع اسمها يبدو ذا معنى جميل
طلال ابتسم لها : الريم بمعنى الغزال الأبيض بالألمانية dear Hirsch
ياسيمنا تصفق : جميل دير اسم جميل
طلال ابتسم : الريم يمه الريم
ياسمينا بابتسامة : وهل هي تحبك ؟
طلال سرح : لا تحبني
ياسمينا بحزن : اووه نايف لا تحزن هي حتمًا ستحبك تذكر ذلك انت شخص لطيف وجميل جدًا
طلال ابتسم وهو يتذكر كلام ابو بندر " بتمسك المشروع اذا تبي الريم " : قريب يمه قريب
ياسمينا بابتسامة : لا تحزن انت اجمل وانت تبتسم "ضحكت " ستأتي زوجة جميلة تسكن معنا
طلال ابتسم : وبنت صغيرة و جميلة بعد
ياسمينا بعصبية : نايف لديك ابنة وانت لم تتزوج ؟
طلال هز رأسه بالرفض : لا يمه ريما بنت الريم من زوجها القديم
ياسمينا بعصبية : لا اقبل بتلك الريم ابدًا
طلال : يمه
ياسمينا : انتهى الأمر نايف
طلال باستعطاف : يمه وش رأيك تشوفين ريما بتحبينها هي بعد تبي تشوفك
ياسمينا ابتسمت : هل هي جميلة ؟
طلال ابتسم : جدًا جميلة جدًا
ياسمينا : إذا فلتأتي
طلال ابتسم وهو يخطط : طيب
- عند مشعل والمها
يا صدوق الوعد في عينك مساكن
للوله للشوق واحلام وأماني
يا شروق العمر كان العمر داكن
لين ما شفتك تفاصيل ومعاني
واحتضنتك وامتلى فيني أماكن
كلها لك ماهي لانسان ثاني
واهتويتك ولا انا من قبل ساكن
لا حبيب ولا قصيد ولا اغاني
بسمتك عطرك وسط صدري تراكن
ضحكتك عمري واحاسيسك مواني
جيت ادور شيء غير الحب لكن
في عيونك كل شيء ابغاه جاني
#ممنوع الاقتباس
المها كانت جالسه معهم وتسمع سوالفهم لكنها ماهي قادرة تدخل معهم بجوهم وتسولف تحس انها غريبة قاطعها سؤال منار
منار باستفسار : اقول المها ليش قال لنا مشعل اول ما جيتي انه اسمك حنين
المها بحيرة : ما ادري اذا جاء سأليه
أم تميم : المها اسم حلو وحنين حلو بعد اذا جاتكم بنت سموها حنين
أم مشعل بتمني : الله يرزقهم بالذرية الصالحة يارب
منار تذكرت وضحكت بخبث : الا اقول المها وش سالفة الكونسيلر
المها بحيا وتوتر : امم ولا شيء بس طالعة حبوب وقلت بخفيهم
منار بخبث : اها
المهره : المها وريني اشوف الحبوب عندي لها غسول ممتاز بس خليني اشوفها
المها بورطه : لا حبيبتي ماله داعي هي شوي وتروح
انقذها من الرد دخول مشعل وصوته وهو يعلن وجوده
مشعل بصوت عالي : احم احم يمه
أم مشعل : صبرك يمه دقيقه
مشعل بسرعة : لا مابي شيء يمه بس المها تجي شوي
أم مشعل : طيب – لفت على المها – قومي لزوجك
المها قامت وراحت لمشعل
مشعل ابتسم : يا هلا بالمطر جاني
المها بزعل : مشعل حطيتني بموقف محرج
مشعل اختفت ابتسامته : افا ما عاش من زعلك امري بس
المها : ما زعلت بس منحرجة من اختك
مشعل ابتسم : ما عليك منها قومي تبين نتغدى برى ؟
المها باستغراب : لا مشعل مرت عمك موجودة
مشعل وهو يبعد شعرها على جنب ويبوس رقبتها : وش لي فيها طيب ؟
المها بعدت عنه : فشله
مشعل وعينه بعينها : وش اسم عطرك
المها بعصبية : مشعل !
مشعل ابتسم : قلبه
المها : انا اكلمك بوادي وانت بوادي ثاني
مشعل ابتسم بهيام : عطرك يأخذ العقل
المها ابتسمت : ادري
مشعل ضمها وهمس باذنها : عشان الابتسامة الحلوة هذي عندي لك خبر
المها رفعت رأسها من على صدره وبلهفة : وش هو
مشعل ابتسم لها : حجزت لنيويورك بس
قاطعته المها بلهفه : بس وش
مشعل : رحلتنا بعد اسبوع مو الحين
المها كشرت : اسبوع !
مشعل شد على يدها : انتي لا تزعلين لو تبين أوديك على ظهري بس لا اشوف الحزن ينرسم على وجهك
المها ابتسمت : خلاص اسبوع اسبوع
مشعل ابتسم من ابتسامتها لكن قاطعهم ضحكة منار
مشعل بعصبية لف عليها : خير
منار بخوف : الخير في وجهك بس خالتي تبيك
مشعل بعصبية وهو ناسي : أي خالة ؟
منار وهي ماسكه ضحكتها : خالتي أم تميم
مشعل هز راسه : طيب انقلعي اشوف الحين جاي
المها قربت من اذنه : روح لخالتك ترى طولنا هينا
مشعل ابتسم : يارب دوام الرضا
المها ضحكت ومشت عنه لحقها مشعل ضرب الباب ووقف وراه : سمي يا خالة
أم تميم بقلق : يمه مشعل ما كلمك تميم ؟
مشعل باستغراب : لا ليه يكلمني
أم تميم : مدري أمس عنده مناوبة وللحين ما اتصل
مشعل : ولا يهمك يا خالة اتصل على دوامه اشوف عندك رقمهم
أم تميم : عند المهرة – لفت على المهرة – عطيه رقم دوام أخوك يمه
المها بغيرة : المهرة عطيني جوالك اعطيه مشعل يسجل الرقم
المهرة : ايه بس دقيقة اطلع لك الرقم
المها ابتسمت برضا وخذت منها الجوال وعطته مشعل ابتسم لها وخذه وسجل الرقم واتصل انتظر الرد
مشعل بهدوء : آلو السلام عليكم اخوي
......: وعليكم السلام
مشعل : الضابط تميم موجود
.....: تميم فهد ؟
مشعل : ايوه هو
......: ايه موجود امر وش تبي منه
مشعل : عطني اياه لو سمحت قل له مشعل ولد عمك
.....: ابشر
دقايق ووصل له صوت تميم
تميم بهدوء : نعم مشعل
مشعل باستغراب : وينك يا رجال خذ امك كلمها خايفة عليك
تميم : مشعل بطلبك طلب
مشعل بقلق : تميم وش صاير معك وشفيه صوتك
تميم : لا تسمعك أمي قل لها تميم مشغول ارجعي مع سيف ولا تروح بيت ابوي تروح بيتي وكلم سيف قل له ياخذ فارس من هناك
مشعل بخوف : تميم اقلقتني وش صاير معاك
تميم : مع السلامة مشعل سو اللي قلت لك
مشعل كان بيرد لكن تميم سكر
المها بخوف من وجه مشعل : مشعل وش صاير
مشعل بسرحان : نادي خالتي وبنتها قولي لهم اني انتظرهم برى
المها هزت رأسها : دقايق بس
دخلت داخل : خالتي مشعل ينتظركم برى
أم تميم بخوف : ليه يمه وش صاير تميم فيه شيء ؟
المها : والله ما ادري يا خالة هو مشعل بس قال لي كذا
أم تميم بسرعة : قومي قومي يالمهرة بس نطلع لمشعل
المهرة بخوف : يلا يمه طالعه
طلعت أم تميم بسرعة وراحت له
أم تميم : مشعل اسألك بالله تميم فيه شيء
مشعل : لا يا خالة كلمته ورد علي بس قال لي اقولك ترجعون مع سيف قلت ما دام اني موجود اوصلكم
أم تميم : الحمدلله الحمدلله
مشعل بتردد : بس اول قال لي امر على فارس اخذه وأوديكم بيت تميم
أم تميم : لا يا يمه ما ودي اكلف عليك بس خذ المهرة بيت تميم وانا ودني بيتنا
مشعل : لا يا خاله تميم قال كذا
أم تميم : عمك بيعصب
مشعل : طلبني وقلت له تم
أم تميم : الله يستر يلا يالمهرة تعالي
ركبوا في السيارة وراح مشعل بيت عمه رن الجرس ومحد رد عليه رجع لمرت عمه
مشعل : خالتي معك مفتاح للبيت محد يرد علي ؟
أم تميم طلعت مفتاحها وعطته : انتبه اكيد فارس نايم الحين
مشعل باستغراب : هو ما عنده مدرسة ؟
أم تميم : مفصول يا يمه
مشعل : لا حول ولا قوة الا بالله خذ المفتاح منها ورجع لبيت عمه فتح الباب ودخل يبي يلقى خدم او أي احد بس ما لقى ظل ينادي بصوته فارس يا فارس
نزلت له خادمة من فوق : مين انتا ؟
مشعل : وين فارس
الخدامة : بابا فارس فوق في نوم
مشعل : وديني له
الخدامة : زين
ودته لغرفة فارس وراحت دخل مشعل وهو متضايق من ريحة السجاير اللي مالية الغرفة
مشعل بعصبية : ولد يا فارس فز
فارس قام وهو معصب : خير !
مشعل شغل اللمبات وهو مستحقره ومنقرف منه : اقول لك قوم غسل وجهك وتعال
فارس : وش تبي انت مين
مشعل بقرف : انا مشعل ولد عمك
فارس : ايه انت ولد المجرم
مشعل قرب منه وبعصبية : مافيه مجرم وابوك موجود تفهم انا وانت والكل عارف انه سجن ابوي كان بسبب ابوك لكن الظالم يجي له يوم
فارس : اقول
قاطعه مشعل بعصبية : اقولك قوم
فارس خاف منه وقام غسل وجهه
مشعل بصوت عالي عشان يسمعه : بدل وصل والحقني انا برى يا ويلك تتأخر عشر دقايق بس تتأخر يا ويلك
فارس بخوف : طيب
قام مشعل فتح النوافد والباب وهو منزعج من الريحة وطلع من البيت
أم تميم : رضا يجي فارس ؟ اعرفه عنيد
مشعل : بيجي غصب عنه
أم تميم سكتت يوم شافته معصب شوي جاهم فارس وحركوا لبيت تميم وصلهم مشعل وتطمن انه سيف موجود ورجع البيت لأمه
أم مشعل بخوف : وين رحت يمه
مشعل بهدوء : ولا مكان وديت مرت عمي وعيالها بيتهم
أم مشعل هزت رأسها : زين سويت
- عند تميم
كان جالس بمكتبه ومنزل رأسه وصقر وسلطان عنده
صقر : فهموني وش دخل ابو الضابط في انه يخطفك
سلطان بعصبية : صقر اكرمنا بصمتك
صقر فضل يسكت عشان الاوضاع المتوترة
تميم نطق بعد سكوت طويل : سلطان
سلطان : هلا
تميم بهدوء : من وين تعرف ابوي
سلطان : ابوك شفته مره في المستشفى عندي في امريكا وكان مسبب مشكلة كبيرة في المستشفى مالي أي احتكاك معه
تميم : حاول تتذكر لازم تكون بينكم علاقة عشان يخطفك
سلطان وهو يتذكر : انا لما سمعت صوته حسيت اني سامعه من قبل ولما شفته عرفت انه هو نفس الشخص اللي تسبب بمشكلة كبيرة في المستشفى كنت بنفصل من وراها
تميم مد له ورقة المحضر : تفضل اكتب اسمك كامل ووقع
سلطان : رباعي
تميم : ايه – وقف وفتح ازرار بدلته وهو يحس انه مخنوق
صقر بهدوء : تبي ماي ؟
تميم : لا مشكور – فتح درجه واخذ علاجه بهدوء
واخذ من سلطان المحضر
تميم بصدمة : انتوا عيال عمي !!!!
- عند ناصر
كانوا متجمعين كلهم حول امهم ويتقهوون الا رزان
زياد : يمه
أم تركي : هلا يمه
زياد : وين رزان
تركي وهو يتقهوى : الا صدق من جيت ما شفتها
أم تركي : رزان في غرفتها من متى تنزل لنا طلعوا صديقاتها من عندها ولا شفناها
تركي : قوم زياد نادها
ناصر بسخرية : توك تتذكرها وهي ما غير تهاذي فيك
تركي : طفشت من تعلقها الزايد فيني مانيب دايم عندها انا
ناصر بسخرية : ليتها تسمع
قام زياد يناديها شوي ونزل ونزلت وراها رزان
رزان بصدمة : تركي !!!!!!!
تركي قام يسلم عليها : يا عيون تركي
رزان بدموع : اشتقت لك متى جيت ؟
ناصر بسخرية : من لما صديقاتك كانوا عندك
رزان ضمته بقوة : ليه ما قلت لي
تركي : ما ادري انه صديقاتك طلعوا توني اتذكر
رزان بصدمة : توك تتذكرني ؟
تركي وهو يحاول يرقع الموضوع : احسب صديقاتك ما طلعوا
رزان جلست معاه : ما يهم اهم شيء انك رجعت اشتقت لك كثير
تركي : وانا اشتقت لكم بعد بس بطلع شوي عندي اغراض بجيبهم وراجع
رزان : يوه توك جيت
أم تركي : وش هالاغراض اللي ما تتأجل
تركي : اغراضي اللي ببيت جدي
ما كمل كلمته الا ناصر شرق بالقهوة
أم تركي : بسم الله عليك ناصر بشويش يمه
ناصر وهو يكح : احم بروح معك تركي
تركي باستغراب : قوم يلا
ناصر قام : يلا
تركي يأشر عليه : كذا بتطلع ؟
ناصر انتبه : خلاص ثواني بس ابدل واجي
تركي : انتظرك بالسيارة
طلع تركي وانتظر ناصر شوي ورجع له
ناصر : اسمع تركي
تركي : انت اليوم مانت طبيعي اخلص قول وش تبي
ناصر : لا تروح بيت جدي
تركي باستغراب : وين اللي بيروح معي
ناصر : ما كنت ابي اتكلم قدامهم
تركي شغل السيارة : قول قول انت وراك بلا
ناصر : اسمع بيت جدي فيه بنات ساكنين فيه
تركي بصدمة : نعم !!!! من ذول البنات ؟؟
ناصر : اصبر اسمع البنات هربانين من ميتم
تركي بصدمة وعصبية : بعد !! ناصر تستهبل قالب البيت ملجأ
ناصر : كانوا مظلومين بالميتم وطلبوا فزعتي وحطيتهم في بيت جدي
تركي لف عليه : عيني بعينك لا تنقص من السالفة شيء
ناصر : والله ما نقصت شيء كنت مار الصبح على بيت جدي وكان وضعهم مشكوك اربع بنات يتهامسون سألتهم وش صاير ولا ردوا علي لكن مشيت قريب منهم وسمعت كل قصتهم وقلت لها اني بسكنهم في بيت وسكنتهم بس
تركي التفت عليه : ايه انا ابي الـ " بس هذي
ناصر وهو يصد عن تركي : حبيت وحده فيهم
تركي بعصبية : ناصر انت تجلس عندهم
ناصر بسرعة لف عليه : لا والله ولا مرة شفتها بس حبيتها من صوتها من تصرفاتها بس – وبندم وبعد كلمتها مرة بالجوال
تركي بعصبية : ناصر هذي مو تربيتك
ناصر بسرعة : بس انا بتزوجها
تركي لف عليه وقال بصوت موجوع : لا تلف ولا تدور في الحب اذا حبيت وانا اخوك طق بابهم على طول واخطبها
ناصر : اخطبها من مين ؟
تركي : من نفسها اذا هي مالها ولي هي ولية نفس خذ جماعتنا وروح واخطبها كونها يتيمة ماهو يعني تسترخصها سامعني ناصر لا تسترخصها
ناصر هز رأسه : وين بتروح الحين ؟
تركي : انت قل لي وين اروح انا اغراضي ابيها
ناصر : تركي اتصل عليها ؟
تركي : لا طبعًا نروح وندق الباب
ناصر : ماراح يفتحون
تركي : بيسألون من وبيفتحون
ناصر : طيب روح خلنا نشوف
دقايق ووصلوا لبيت جدهم اللي جالسين فيه البنات
نزل تركي ورن الجرس ولحقه ناصر
ناصر : شفت ما يردون
تركي ظل يدق الباب والجرس : اخرهم بينزعجون
ما كمل كلمته الا بصوت مشاعر يقاطعه
مشاعر : مين ؟
تركي : اختي انا صاحب البيت افتحي لو سمحتي بأخذ اغراضي بس وبطلع
مشاعر باستغراب : مين صاحب البيت انت مو ناصر ارجع مكان ما جيت اخوي البيت مافيه رجال
ناصر ببحته المعروفة : افتحي يا بنت هذا انا
مشاعر بانزعاج : اسمع احنا يومين وطالعين من البيت لا تجلس تغثنا باليومين هذي
ناصر : افتحي مانيب جايكم ارتاحوا خلاص اجلسوا في البيت
مشاعر فتحت الباب : لا تدخل لين اقول لك
ناصر : طيب
تركي بهمس : هذي اللي تحبها ؟
ناصر بفجعه : لا لا مو هذي هذي انا وياها ما نتساوى تكرهني كره اليهود
تركي ضحك : كفو عليها والله ولا انت وجه ينحب
ناصر : اقول بس لا تكثر يالجمال الطاغي
قاطعهم صوت مشاعر : خلصنا ادخل اخذ اغراضك واطلع
ناصر ضحك : شفت
تركي ابتسم ودخل : احم احم يا اهل البيت
شوق بهمس : هذا مو صوت ناصر
مشاعر : قلت لكم
أجواد : اجل ليش فتحتي يالغبية
مشاعر : سمعت صوت ذا بعدين صوت نويصر وفتحت لا تخافين خذيت احتياطي طلعت سكين صغيرة ومدتها بوجههم
توق : وجع ارهابية انتي ارهابية ؟
مشاعر : سكتوا بس شكلهم اثنين
دخل تركي بهدوء : السلام معليش ازعجناكم بس بأخذ اغراضي وبطلع
توق طلعت عيونها : شوق شوفي ناصر شلون صار
شوق وهي تناظر الباب : توق يا غبية شوفي ناصر هناك
توق : اجل هذا مين
اما أجواد ما كانت معهم ابدًا تبي تشوف ناصر لكن عازه عليها نفسها اشتاقت له بس مستحيل ترخص نفسها له
قطع تفكيرها صوت تركي وهو ينادي : ناصر تعال
ناصر فز من سرحانه ولحقه : جاي
راح ورى تركي ربع ساعة ونزلوا تركي طلع بسرعة لكن قاطع ناصرصوت شوق
شوق : ناصر مين هذا
مشاعر بعصبية : شوق وقص وش دخلك انتي ما تستحين
ناصر : هذا اخوي الكبير
قال كلمته وطلع
شوق : وجع مشاعر فشلتيني
مشاعر : وجع يوجع لسانك ويخليك تسكتين
توق : اجواد شفيك ساكته
أجواد : ها مدري بس انتوا تتهاوشون
مشاعر : اقول قومي قومي أجواد نطبخ
أجواد : يلا
- بيت ابو بندر
ابو بندر : وانا قلت لك لا
بندر : يبه وانا قلت ابي ارجع كاليفورنيا
ابو بندر : اعتذرت ؟ لا اجل مافيه رجعه
بندر : يبه خلاص بعتذر بس ارجع وامسك مشروع الريم
ابو بندر باستهزاء : راحت عليك المشروع مسكه طلال
بندر بعصبية : نعععم !!
ابو بندر بابتسامة : كل تأخيرة فيها خيرة
بندر بعصبية : وهذا وش مجاله في الهندسة
ابو بندر : مجاله في الادارة وانت بتشتغل تحت يده
بندر بعصبية : لا لا يبه تراك كبرتها
ابو بندر : خل عصا غرورك تنكسر هو بيكون مديرك بدالي وانت بتشتغل عنده الا لو بتلغي مشروع الريم تفاهم معاها بس ترجع لي كل دولار دفعته فيه وتنفذ الشرط الجزائي
بندر بعصبية : يبه وش ذا الظلم
ابو بندر وهو يكرر كلامه : البادي أظلم
بندر لف للريم : عاجبك كلام ابوك
الريم بصدمة : انا منصدمة وش اللي مخلي ابوي يحبه كذا
طلال بعصبية : الله يفكني منه بس
الريم بهدوء : اعتذر بكره وارجع كاليفورنيا وادارة المشروع خلها علي بخليه يكرهها بالغصب هذا اذا ما خليته يتراجع عن الموضوع بكبره
بندر باستغراب : وش اللي يخليك واثقة كذا ؟
الريم ابتسمت : ان كيدهن عظيم
- انتهى


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 175
قديم(ـة) 22-03-2017, 03:25 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: يدعوني هواك فأتبع /بقلمي


بارت روععععههههه
متى البارت الياي ):؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 176
قديم(ـة) 22-03-2017, 05:04 PM
صورة نـجــد الرمزية
نـجــد نـجــد غير متصل
©؛°¨غرامي مشارك¨°؛©
 
الافتراضي رد: يدعوني هواك فأتبع /بقلمي


اقتباس:
المشاركة الأساسية كتبها سركوسه مشاهدة المشاركة
بارت روععععههههه
متى البارت الياي ):؟؟؟
وجودك الأروع
لو شفت حماس باذن الله يوم الجمعة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 177
قديم(ـة) 22-03-2017, 05:53 PM
صورة ووردالعمرر الرمزية
ووردالعمرر ووردالعمرر غير متصل
©؛°¨غرامي متألق ¨°؛©
 
الافتراضي رد: يدعوني هواك فأتبع /بقلمي


روووووووووووعة

تسلمي ع البارت

منتضرة البارت الجااي بحمااس

كملي

ياريت تصغري الخط قليل

شكرا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 178
قديم(ـة) 23-03-2017, 05:50 PM
صورة اميرة الغرور الرمزية
اميرة الغرور اميرة الغرور غير متصل
©؛°¨غرامي فعال ¨°؛©
 
الافتراضي رد: يدعوني هواك فأتبع /بقلمي


السلام عليكم
ماشاء الله البارت حلو حبيتي
يعطيك العافية
دخت من ابو تميم يصير عم سلطان
ومو لحاله اللي جات مه بندر
والمها
ووووو
في غموض كثير وهذا اللي محلي ابداعك
ننتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 179
قديم(ـة) 24-03-2017, 09:58 AM
صورة نـجــد الرمزية
نـجــد نـجــد غير متصل
©؛°¨غرامي مشارك¨°؛©
 
الافتراضي رد: يدعوني هواك فأتبع /بقلمي


اقتباس:
المشاركة الأساسية كتبها ووردالعمرر مشاهدة المشاركة
روووووووووووعة

تسلمي ع البارت

منتضرة البارت الجااي بحمااس

كملي

ياريت تصغري الخط قليل

شكرا

حبيبتي وجودك يضيف لروايتي مشكورة جدًا
بإذن الله لو حماسكم بيستمر على كذا
اليوم راح ينزل الجزء
كذا الخط كويس ؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 180
قديم(ـة) 24-03-2017, 10:01 AM
صورة نـجــد الرمزية
نـجــد نـجــد غير متصل
©؛°¨غرامي مشارك¨°؛©
 
الافتراضي رد: يدعوني هواك فأتبع /بقلمي


اقتباس:
المشاركة الأساسية كتبها اميرة الغرور مشاهدة المشاركة
السلام عليكم
ماشاء الله البارت حلو حبيتي
يعطيك العافية
دخت من ابو تميم يصير عم سلطان
ومو لحاله اللي جات مه بندر
والمها
ووووو
في غموض كثير وهذا اللي محلي ابداعك
ننتظرك
وعليكم السلام ورحمة الله وبركاته
وجودك الحلو
الله يعافيك
فهمت النقطة الاولى بس النقطة الثانية وش تقصدين فيها بالنسبة لبندر والمها ؟


الرد باقتباس
إضافة رد
الإشارات المرجعية

يدعوني هواك فأتبع /بقلمي

الوسوم
روايه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ذنبك ياخوي دمرني /بقلمي كويتيه و روحي المملكه روايات - طويلة 0 12-02-2017 04:31 PM
رواية واكتشفت اني... /بقلمي 88.d.1 روايات - طويلة 32 20-11-2016 05:07 PM
رواية كل شي يتغير في لحظة /بقلمي like_the_moon روايات - طويلة 21 08-04-2016 01:32 PM
حبنا اندفن وهو حي /بقلمي عيوني تحكيلك قصتي أرشيف الروايات المغلقة - لعدم إكتمالها 12 09-02-2016 06:56 AM
بنت عمي ولي حق فيها /بقلمي... مروا؛ميم روايات - طويلة 1 30-08-2015 02:48 PM

الساعة الآن +3: 04:33 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1