اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 28-01-2017, 04:55 PM
هدوئي كارثة هدوئي كارثة غير متصل
©؛°¨غرامي مشارك¨°؛©
 
الافتراضي رد: روايتي الثانية:عذبني أنينها


السلام عليكم بنات
سامحوني عالتأخير بس ظروفي كانت صعبه وان شاء الله اليوم بعوضكم 🌹


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 28-01-2017, 06:31 PM
هدوئي كارثة هدوئي كارثة غير متصل
©؛°¨غرامي مشارك¨°؛©
 
الافتراضي رد: روايتي الثانية:عذبني أنينها


💖 الباأإٱآرت الراأإٱآبع 💖

انطفئت انوار الصاله الا ضوء ابيض على اول الدرج ممر مليان بالورود الحمرا على الارض وعلى الجنب ورود بيضا نزلت بفستانها الابيض وبطلتها الملكية كانت كانها حورية صغيرة تمشي وهي ترجف وبخطوات بطيئة
شفتها ترجف وهي ماشيه رحت مسكت يدها : لا تخافي انا جمبك
حسيت بشوية راحه يوم جتني عهود بس باقي عندي خوف كانو البنات يمشون وراي ويرمون الورد والحريم يصفقون ونظراتهم الي عجزت افسرها وصلت الكوشه وجلست : عهود خلك جمبي
حسيت برجفه بصوتها : لا تخافين انا جنبك
ليين : الحريم يطالعون بانين شوي وياكلونها
ميهاف : كويس قرينا عليها كان حسدوها
ام فيصل جتهم : محتاجه شي
حسيتها تتكلم بدون نفس : مشكورة
ميهاف : ايش بها تتكلم بدون نفس كذا
عهود : ما تبي انين
حسيت بخوف بزيادة : بنات خايفه
حبيت اغير الجو طبعا هذه وظيفتي بينهم : شرايكم نرقص
ليين : لي لا امشي
رحنا وخليناهم يحطون لنا اغنية نرقص عليها ورقصت انا وليين مع بعض وبعدها رقصنا انا وليين وعهود مع بعض : شرايكم نقوم انين
عهود : امشوو
رحنا لانين تقوم ترقص : انين قوومي نرقص
فتحت عيوني : نعممم مستحييل
عهود : انين تكفيين عشاني
حسيتهم يبون يطلعوني من الجو الي انا في : بنات انا مو مرتاحه وانا قاعده تبوني ارقص
ميهاف : اي قوومي
ما حسيت الا وليين ساحبتني طبعا انا ما اتحرك البنات ماسكان يديني ويحركوني شمال يمين وشوي شوي بديت اتحرك وارقص بس خفيف لاني كنت خايفه من نظرات امي الي باين عليها الكره وتبي تذبحني
ميهاف : بنات بروح اجيب عصير واجي
البنات : زين
رحت اجيب عصير وشفت جوالي يدق والا راكان اخذته وطلعت برا : هلا ..شلوونك ..هههه ..يا قلبي ..الحين ..لا تكفى وين تجي مجنون كله حرييم ..زين اسمع ..ضروري ..خلاص تعال الباب الثاني ما في احد ..انتظرك يا قلبي لا طول ..سلام
كنت قاعد اكلم اختي الريم وخلصت وسمعت بنت قاعده تتكلم وباين انها بتقابل احد : استغفر الله العظيم بنات اخر زمن
لفيت بروح اشوف راكان بس شفت واحد واقف قبالي بس بعيد شوي طالعت في وكاني اعرفه : هذا ..فااارس
مدري كيف طاحت عيني عليها ما شاء الله عليها كانت تجننن بس لي كذا تخرب نفسها يعني مدري كيف بصراحه كانت تجنن بس مدري لي كذا تسوي
طالعت في وحسيت اني مبسوطه بشوفته ونسيت راكان الي ينتظرني حسيت ان قلبي بيطلع من مكانه : يا ربي نسيت راكان ..
شفتها قامت تركض بسرعه وتأكدت انها بتروح تشوف الشاب الي كانت تكلمه : الله يهديك بس ..
رحت للباب الثاني ولقيت راكان : هاا شتبي
راكان : ليي ساعه انتظرك وين كنتي
ميهاف : ما عليك الحين شتبي
راكان : ابي جوالي يا اختي الاستغلاليه
ضربت جبهتي : يوووه نسيته بشنطتي فوق
راكان عصب : معك دقيقتين تنقلعين تجيبينه
ميهاف : زيين والله كليتني
راكان رص ع اسنانه : بسرررررعه
رجعت من الباب الي قدام بس هالمرة شفت ياسر ومعه واحد وكانو يتكلمون بصوت عالي
ياسر : ياخي احس راسي بينفجر
راشد : جبت لك شي بخليك ترووق
ياسر : تكفى عطني ابي اصفي راسي واخلص من هالمصيبه الي جتني
راشد مد له كيس صغير في شي ابيض : خذ هذا الحين وشويات تنسى من انت
اخذت الكيس وفتحت الكيس وحطيته عجوالي من ورا وبديت اشمه : ياااخي راااحه
راشد : شلوون عرووستك
ياسر الي بدا يتغير : ما شفتها
راشد : وش بتسوي معها
ياسر ابتسم بخبث : محضر لها ليلة بتتمنى موتها فيها
حسيت ان جسمي قام يرجف وقلبي دقاته زادت والدمع بعيوني : ياسر يتعاطى مو مصدقه و..وانين ب..بتروح فيها ..لازم اسوي شي ..البنات البنات
قمت اركض لين دخلت الصاله : عهوود ليين تعالوو بسرعه
شفت وجه ميهاف وكانت خايفه : شفيك
سحبتهن للغرفه فوق : ببنات ..في شي لازم تعرفونه ..ي..ياسر ..ياسر يتعاطى
انصدمنا من كلام ميهاف : شلوون
كملت وانا شوي واصيح : سمعته يقول ان ان بخلي انين تتمنى الموت ..وصاحبه عطاه شي شي ابيض وقاله بتتريح ومدري شلون
عهود بصراخ : وش هالكلااااام
مسكت يد عهود : عهوود هدي
ميهاف : حنا لازم نوقف هالزواج بأي طريقه بأي طريقه ما بنخليهم يتزوجون ..مستحيل يتم هالزواج ابدااا ابدااااا
كنت ماشيه جمب الغرفه وسمعت ميهاف تقول تبي تخرب هالزواج " تبين تخربين اخوي يا ميهاف ما بخليكم " رحت بشويش سكرت باب الغرفه وقفلتها : خلوني اشوف شلون بتفتحونه وشلون بتخربون زواج اخوي
نزلت تحت وشفت اريام وناديتها : شتبين
قوت : خذي خلي معاك
طالعت بالمفتاح : وش ذا
قوت : ما عليك خلي معك
جينا بنطلع من الغرفه بس تفاجأنا انها مقفله
عهود : الباااب مقفل
ليين : شلوون تقفل
قمت انادي يمكن احد يسمعنا : احححد هنا
عهود : احدد يسمعنننا فيي احححد هنننا
ميهاف تصارخ : فكككككو البااااااب
كنت قاعده اطالع حولي ما لقيت ولا وحده من البنات وخفت مدري وش اسوي وفجأة دخلو الشباب وشفت ياسر قدامي ويبتسم بس مدري ما كان طبيعي كانه مدري دايخ كذا واخواني الا عبدالله موب معاهم كنت خايفه وااجد مدري لي
ام فيصل : ياسر يمما
طالعت بامي وشفتها تأشر لي اني احب راسها ومسكت انين من يدينها وحسيتها ترجف
حسيت اني بستفرغ من مسكته كنت قرفانه منه مدري شلون بتحمله
حبيت راسها وحسيتها تبي تشرد مني بس انا حضنتها : ايشبك بتهربين انا بصير زوجك الحين
حسيت اني بطيح علارض وحاولت ابعد بس مو راضي يفكني شميت ريحه مدري وش هي طالعه منه وكنت ابي اصارخ واقول فكووني منه
فكيتها وانا اشوف وجهها تغير واشوف انها كرهانه قربي بس ابي اعذبها هي ما سوت لي شي بس جدي وابوي يبون يورطوني معها بوريهم
حاولت ادور على البنات بس ما لقيتهن " وينك يا عهود ويينك " ناديت على قوت : قووت
قووت : نعمم
حسيت انها شوي وتذبحني : شفتي البنات
قوت بحده : لااا
كنت ببكي من خوفي : يا رب صبرني وساعدني يا رب ...
________________________________
اعرفكم على عايلة ابو رامي =وليد وزوجته نورة
رامي 25 ( طويل واشقراني طالع لامه لبنانيه معضل يخقق بس عصببي وااجد ما احد يتفاهم معه ابدا كل شي عنده تحدي في طيبه بس قسوته هي الي بارزة في يشتغل مع ابوه بالشركة طبعا هو ولد عم ثامر وفارس بس في مشاكل بينهم حاليا )
سديم 23 ( طويلة وضعيفه حلوة فيها شامه عند فمها تشبه امها وااجد شعرها بني قصير تحب اختها سحر وهي صندوق اسرارها وطبعا يعتبرون امهم صديقه لهم )
سحر 20 ( قصيرة ونحيفه فيها شبه من امها ومن ابوها شعرها طويل بني مع اسود كذا وعيونها بنيه نفس ابوها بس في ملامح من امها كل اسرارها مع سديم وتعشق ثامر ولد عمها من زمان )
________________________________
كنا نطق الباب بس ما حد يسمعنا لان صوت الاغاني عالي
رحت فتحت الشباك قلت يمكن اشوف احد : فيي احححد هنننااا
ليين : عهووود شقاعده تسووين
عهود : اشوووف اذا في احدد
ميهاف : بنااات خايفه يكون دخل
ليين : لا ما اتوقع ..
شفت شخص واقف ويكلم عالجوال : اننت ياااهوو طاالعني يااخي فوووق انااا هنا طالعني تكفففى
سمعت احد ينادي بس ما اهتميت قلت يمكن صوت الاغاني من داخل او شي
عهود : ياااخي طاالع فووووق ياااهووووو
طالعت وراي ورفعت راسي فوق وشفت بنت تنادي
شفته واتوقع كان عبدالله او واحد من التوأم : عبدالله
طالعت فيها بس ما عرفتها : اي عبدالله شتبين
حمدت الله ان عبدالله : الحمد الله تكفى تعال ساعدنا انا عهوود وتكفى يا عبدالله بسرعه
عبدالله : بس وش قاعده تسوين فوق
ما عرفت اشرح له لاني انا فوق وهو تحت : تعال بعدين اقولك اسمع ادخل من الباب الي ورا
رحت للباب الي ورا وانا اسأل نفسي وش تبي مني وصلت للغرف وقمت ادور الغرفه الي هم فيها ويوم وصلت تفاجأت انها مقفله : الغرفه مقفله
عهود : اي مقفله تكففى حاول تفتح الباب
عبدالله : شلووون افتحه
عهود : مدري بأي طريقه اكسره انداريه
قمت افكر شلون بكسره المشكله باب كبير وقوي يعني صعب ينكسر طالعت بالابواب الي جمبي كانو نفس النوع ورحت اخذت المفتاح حق الغرفه الثانية : لقيت مفتاح بس مدري يفتح الباب ولا لا
عهود بترجي : تكفى يا عبدالله حاول تكفى
حسيت من صوتها ان في شي صاير حاولت افتح الباب بس معلق حاولت حاولت لين فتحته : فتحته
طالعنا في وحنا خايفات : عبدالله
حسيت ان في شي صاير من نظراتهن : وشوو
عهود : هالزواج لازم يتوقف تكففى
طالعت فيهم وانا مستغرب : شلووون
كان صعب نشرح لعبدالله قمنا نركض لين نزلنا تحت ووصلنا للكوشه وكان القلم مع انين وبصوت عالي : انيييين وقففففي
طالعت بالبنات وكان باين عليهن الخوف
الجد : شصاير يا بنت
عهود بحده : هالزواج مو لازم يتم
الجد : وش هالكلااام يا عهووود
ابو نايف : عهوود سكتي
عهود : يببا لا توقفني هالزواج اذا تم بتصير مصيبه
ميهاف : هالحيوان الي قاعد قدامكم يتعاطى
الكل قام يطالع بميهاف ومنصدم من هالكلام
عبدالرحمن بصدمة : شلوووووون
وقفت بسرعه : شقاعده تخربطين
قلت بصراخ وعصبية : انت لا تتكلم سمعتك وشفتك تتكلم مع الرجال الي كان معك وعطاك كيس في شي ابيض وانت حطيته عالجوال وقمت مدري وش تشم في وقلت له بدمر حياة انين وبتعذبها عشان جدي وعمي اغصبوك عليها
ام فيصل بعصبية : احتترمي نفسك يا بنت ولدي مستحيل يتعاطى انتي كذابه
قوت : ميهاف لا تكذبين انا سمعتكم بإذوني تقولون تبون تخربون هالعرس وما تبونه يتم عشان كذا سكرت عليكم الباب وما ضبطت معكم الخطه هذه قمتو تقولون اخوي يتعاطى
عهود بصراخ : قوووت لا اسمع لك حس فاهمه
وهالزواج ما بتم
قوت ضحكت : ههههه ابشرك يا قلبي هالعرس تم وانين وقعت
انصدمنا كلنا من هالكلام : وقعتي
دموعي قامت تنزل ورحت عند انين : ليي وقعي ليييي ليييي وقعتي يا انين ليييي
رحت لميهاف الي تصيح عند انين : ميهاف قومي ..شلووون وقعتي يا انين شلوون
قاعده اطالع فيهم واحد واحد وانا مو قادرة استوعب اي شي قاعدين يقولونه ياسر يتعاطى والزواج تم وصرت حرمته والكل يتكلم من جهته وانا مدري وش اسوي
ما قدرت اتمالك اعصابي وهجمت على ياسر : يااا كلللب يا نذذل تتعاطى يا حيووااان وتبي تعذب اختتي والله لذبحكك
كل الشباب راحو لعبدالعزيز يفكون ياسر منه والحريم الي بالصاله طلعو وثامر وفارس دخلو بسرعه يفكون مع الشباب
عبدالعزيز بصراخ : فكووووني طلققها بسرعه
عبدالرحمن ضرب ياسر : تتعاطى يا نذل
ياسر ضحك : ههههه صدقوني بتشوفون عقابكم باختكم
مدري كيف تجرأت ولاول مرة بحياتي : تبي تعاقبهم فيني
طالعت فيها : بعاقبهم كلهم فيك انتي
لاول مرة بحياتي مديت يدي وضربت احد : طراااااااااااخ
الكل وقف منصدم من الشي الي صار الكل منصدم بنات وشباب حريم ورجاجيل شياب وعجايز الكل انصدم من انين انها ضربت ياسر
طالعت فيها وبأقوى ما عندي رديت لها الكف : انا تمدين يدك علي يا بنت الكلب
هجمنا انا وعبدالله وعبدالرحمن على ياسر : ياا حيوااان شلوووون تمد يدك عليييها يا كلب
الجد يصارخ : خلاااااااص يا شباب فكووهم
سلطان وفيصل وفهد ونايف ونواف وفارس وثامر يحاولون يفكون ياسر من التوآئم
طحت علارض من قوة الكف ودموعي تطيح بهدوء والبنات قاعدات عندي كل وحده تحضني من جهة ويصيحون معي بهالحظة ما اسمع الا صوت شي واحد صوت قلبي الي يقول لي ليتك متي من ولادتك حسيت اني قاعدة اتعرض لكل انواع الذل طالعت فوق شفت امي منيرة تضحك وشفت اخواني يضربون ياسر وشفت ابوي واعمامي وجدي يفكون بينهم حسيت اني سبب كل مشاكل هالعايلة وانا مالي ذنب بشي
شفتها طايحه والدموع بعينها لاول مرة اشفق على بنت حسيتها مظلومه كل شي قاعد يصير يأثر عليها بطريقة سلبية حسيتها شوي وتغيب عن الوعي " وش فيك يا ثامر حرام تطالع بالبنية "
بعد صراع دام ساعه واكثر الشباب فكو ياسر من التوآئم وانين طايحه علارض للحين
ضرب بعصاته الارض وبصوت جهوري : العلم يجيك ويتعداك انت وهو الي صار الحين اخر مرة يتكرر فاهمييين والحين ياسر خذ حرمتك وارجع بيتكم
طالعت بجدي بسرعه وانا منصدم : شلوووون
بعد كل الي سمعته بتخليهم
الجد : عبدالرحمن هالكلام الفاضي ما نصدقه
وقفت وانا العصبية امتلكتني : اقسم برب البيت هالزواج ما يدوم لو تترمل اختي ما عندي اي مانع ولا تظل مع هالخسيس بنفس البيت وما اكون عبدالعزيز لو ما سويتها
طلع من الصاله ولحقنا انا وثامر
عبدالرحمن : ذنبها برقبتك يا جدي برقبتك
طلعت انا وعبدالله من الصاله حتى بدون لا نطالع بأنين .......

يتبع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 28-01-2017, 08:51 PM
noran.16 noran.16 غير متصل
©؛°¨غرامي جديد¨°؛©
 
الافتراضي رد: روايتي الثانية:عذبني أنينها


حماااااسسس ي رب تتطلق منه وتفتك

روعه البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 28-01-2017, 09:17 PM
SAF_SAF2 SAF_SAF2 غير متصل
©؛°¨غرامي جديد¨°؛©
 
الافتراضي رد: روايتي الثانية:عذبني أنينها


مسساء الورد 💐
ياربي شي يقهر بس عجبتني علي كف 😍😂كفو .
أن شاء الله تفتك منه 😢.
وبالنسبه لتأخير حبيبتي معذوره الله يكون بعونج .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 28-01-2017, 09:51 PM
هدوئي كارثة هدوئي كارثة غير متصل
©؛°¨غرامي مشارك¨°؛©
 
الافتراضي رد: روايتي الثانية:عذبني أنينها


جالسه انا ومعن نلعب اونو وطبعا هو يغش كلعادة مدري كيف : ياخي كيف تغش علمني
معن : لا يا اختي هذه سر المهنة
الريم : امحححق بس
معن : الا فارس وينه
الريم : كلمته من شوي كان بعرس
معن : عرس ..حق منو
الريم : وش يدريني انا
معن : وغنو وجنو ويين
الريم : يا قلبي عليهم يدرسون عليهم اختبارات تدري السنة قربت تخلص لازم ينجحون ويجيبون علامات عاليه
معن : وامي وينهي
الريم : امي يا طويل العمر راحت لخالتي نورة تزورها
معن : وابوي يدري
الريم : مدري
معن : ياخي طفشت مابي العب
الريم : معن بسألك وتجاوب بصراحه
معن : اسألي يا عيوني
الريم : شرايك بسديم بنت عمي
طالعت فيها بطرف عيني : المعنى ست ريم
الريم : ياخي جاوبني وش رايك فيها
معن : وش وش رايي فيها شايفها انا يعني
الريم : طيب لو نخطبها لك
وقفت وانا مابي اعصب : رييمو شيلي هالفكرة من راسك زين
الريم : طييب لي وش الي يمنع يعني
معن : قلتلك شيلي هالفكرة من راسك واذا طريتيها لي مرة ثانيه بنزعل من بعض ترا
حسيت ان مستحيل افاتحه بهالموضوع ففضلت السكوت
قاعدات بالغرفه ندرس مع بعض : غنو طفش
ماسكه الكتاب ولا قادرة احفظ شي : وانا بعد
جنى : طيب بسألك سؤال
غنى : اسألي
جنى : وش صار مع رامي
فتحت عيوني وناظرت فيها : اصص لا يسمعك احد يذبحوني والله
جنى : ما في احد وش صار عليكم
سندت راسي عالسرير : مدري وش اقولك يا جنو والله مدري له كم يوم متغير احسه صاير عصبي اكثر من زمان وقمت اخاف منه والله تخيلي يوم شافني اضبط شيلتي بنص الشارع سووا لي عرش وزفه كاني ذبحت له احد بس مع كل ذا احببه يا جنو احبه والله
طالعت فيها ولقيتها غرقانه : طيب لو ابوي رفض يعني تعرفين في مشاكل بين عمي وليد وابوي
تنهدت بضيقه : والله مدري وش اقولك بس اذا ما تزوجت رامي يحرم علي اكون لغيره يا جنو مستحيل اتزوج غيره لو بمووت مستحيل
فتحت عيوني عكبرهن : يا بنت وش هالكلام يعني لو رفضو ما بتتزوجين وش هالتفكير
ابتسمت لجنى : لما تحبين تعرفين وش هالتفكير ..والحين خلينا ندرس كلمتين نتصرف بهم بالامتحان
________________________________
قاعده اترجا عمي وجدي انهم ما يخلون انين تروح مع ياسر : تكففى يا جددي لا تخلونه ياخذها بدمرها والله تكفففى يا جدي لا تخليه ياخذها
الجد : هذه حرمته يا ميهاف وحنا ما لنا دخل
رحت لها مسكتها من يدينها : انين يببا سمعيني انتي بنيتي وانا ما ارضى شي يزعلك بس يا بنيتي هذا زوجك ما تقدرين تخلينه روحي معه يبنيتي وان شاء الله كل شي ينحل
طالعت بابوي ومدري لي لاول مرة حسيت اني مابي ابوي يلمسني ويقرب مني وخرت عن ابوي ورحت لياسر وانا دموعي تطيح : انا جاهزة خل نروح
ابتسمت لانها استسلمت والحين صار العذاب دبل يا انين : امشي ..يمما بروح فلتي
وقفت بسرعه ومسكت يد انين : انين انجنيتي وين بتروحين معه
حضنت عهود بقوة : ابي منك تهتمين بنفسك وبالبنات وقولي لعبدالله يهتم بعزوز ودحووم يمكن ما ارجع اشوفهم انتبهي لنفسك يا عهود
بعدت عنها ورحت مع ياسر وخليت عهود واقفه مكانها تصيح
لفيت عليهم وانا معصبه : الله لا يسامحكم ربي ما حيسامحكم دمرتو حياة البنت والله لن صار فيها شي ذنبها برقبتكم كلكم ..ليين ميهاف خلونا نروح ..
رحنا انا وميهاف وليين وطلعنا برا وشفت عبدالله واقف رحت له وانا اصيح بس حاولت امسك نفسي : عبدالله
لفيت عليها وباين انها تصيح : بغيتي شي
مدري كيف بقولك : انين توصيك على عبدالرحمن وعبدالعزيز وتقولك اهتم فيهم لانها يمكن ما ترجع تشوفكم ...
ما قدرت امسك نفسي وقمت اصيح ورحت من عنده بسرعه وركبت مع نايف
نايف بضيقة صدر : راحت معه
عهود تصيح وميهاف بعد ما في غير ليين ماسكه نفسها : للاسف اي ..عمي محمد قال لها تروخ زوجها ومدري وشهو
نايف : لا حول ولا قوة الا بالله الله يصلح حالهم بس وش بنقول
ميهاف : تكفى نايف وصلني البيت تعبت
نايف هز راسه وراح بيت عمه ابو راكان
________________________________
كنت بسيارتي وامشي بسرعه قوية والشباب وراي بالسيارة يحاولون يهدوني كنت مو قادر اشوف شي غير دموع انين ..تقولون وش ذا هي اختك ومدري وشو انين مو بس اختي هي نور عيوني هي بنتي الصغيرة هي كل شي حلو بحياتي انين هي كل شي معناه امل وفرح وسعاده وتفائل عكس اسمها ..من يوم كانت صغيرة وهي تعاني اول شي امها وامي وابوي والحين ياسر ..مدري وش هالابتلاء احس اني ودي احرق كل السعودية الحين واولهم ياسر النذل ...وصلت البحر المكان الوحيد الي ارتاح في نزلت ورحت لاعلى صخرة وقفت هناك وبأعلى صوت عندي : انييييييييييييييييين ساااااامحييييني ما قدرت اساااااااعدك ساااااامحيني تكفيييين
وصلنا عنده انا وثامر وفارس وعبود وفيصل وفهد وراكان ونواف وسلطان وشفنا يصارخ رحت له بسرعه وعرفت انه ضايقن صدره لاني توأمه واحس في حضنته : عزوز خلاص هد تكففى
طاحت دمعتي الي ما تطيح الا على غالي : دمروووها يا عبدالرحمن دمرووووها
طاحت دمعتي معه : خلاص يخوي خلاص ان شاء الله نقدر نساعدها
عبدالعزيز بضيقه : شلوون بنساعدها انا ....
سكت مدري وش بقول تعبت من الكلام صار لازم اسوي شي
جيتهم وحضنتهم هم الاثنين : خلاص تكفون تراني نصكم الثالث واتعب معكم
شفناهم مضايقين وقلنا نخليهم لحالهم
نواف : سلطان راكان فهد خلونا نروح
فيصل : تعالو معاي
رحنا مع فيصل بموتره وكل واحد راح بيتهم
رحت لهم شفتهم جالسين جمب بعض : يا شباب ما يصير الي تسوونه الحريم ما سوو كذا خلكم اقويا شفيكم
عبدالله : لا اله الا الله ..مشكور يا فارس ..قومو يلا
عبدالرحمن : عبود تكفى خلني
عبدالله بصوت حزين : قومو تكفون
ما تحملت اشوفه زعلان وقمت عشانه : بنروح الاستراحه زين
عبدالله : زين نروح له ..قمم عزوز
عبدالعزيز : خلوني هنا
مسكنا انا وعبدالرحمن كل واحد من يد وقومنا : ثامر امش يلا
ثامر : اعذروني يا جماعه برجع البيت ..عبدالرحمن يوم الاحد اقابلك العيادة اعرف مو وقته بس ...
قاطعته وانا ابتسم : لا شدعوة انتظركم
ثامر : فارس باخذ سيارتك زين
فارس : زين
رحنا للاستراحه وشبينا النار وسوينا قهوة وجلسنا نطالع بالنار وكل واحد بهمه ....
________________________________
وقفت السيارة عند فلله مظلمة وباين انها كبيرة نزل ياسر من السيارة وفتح الباب الي عندي : انززلي
نزلت وانا دموعي تحجرت بعيوني وارجف من الخوف احس ان بصير شي الحين مدري وش هو ..دخلنا الفلله ومسكني من يدي وكانت مسكته توجع : ياسر ...يدي
مسكتها من يدها بقوة واخذتها للغرفه الي فوق فتحت الباب ورميتها بقوة علارض
طحت علارض بقوة وصقع راسي بالارض : ااه
رحت لها ومسكتها ووقفتها وبكل قوتي عطيتها كف على وجهها لدرجة انها طاحت علارض : هذا لانك تجرأتي وضربتيني قدامهم
طالعت في دموعي تنزل على خدي سكايب
رجعت مسكتها مرة ثانية وضربتها بقوة وطاحت مرة ثانية : هذا عقابك على ضرب اخوانك ...صدقيني بنتقم منهم عن طريقك
طحت علارض اصيح بقوة وصوت شهقاتي عالي محسيت اني لي فترة طويله ما صحت ياسر طلع وسكر الباب او بالاحرى قفله توقعت اي شي الا ان يصير معاي كذا وبليلة عرسي
مدري كيف اوصف لكم شعوري بذي اللحظة كان كل الي ابي اني امووت وبس مابي شي ثاني كل الي تمنيته اني اموت ولا عاد انذل كذا بس الواضح ان مكتوب علي من ولادتي اظل اعاني كذا .......
________________________________
احداث كثيرة بتواجها انين بحياتها الجديدة ومحاولات عبدالعزيز بانهاء هذا الزواج ...
#وشكرا_يا_الله_على_كل_شئ

★ احداث قادمة :-
٭ ياسر بصراخ : والله ما ترتاحين ابدا
٭ قوت تصيح : انا السبب ..انا السبب
٭ عبدالعزيز : الي تبين انك طلعتي مثل اخوك
٭ ثامر : خلاص يا ملاك عشاني
٭ عبدالرحمن : براحتك بس بظل احاول معك

★ولا تنسون ان الكره والحقد سبب في دمار حياتك عشان كذا خلي قلبك ابيض وخليك مبتسم دائما على الاقل ان لم تفعل شي تجزا عليه فقد ابتسمت لان الابتسامه صدقة
😃

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 28-01-2017, 09:57 PM
هدوئي كارثة هدوئي كارثة غير متصل
©؛°¨غرامي مشارك¨°؛©
 
الافتراضي رد: روايتي الثانية:عذبني أنينها


السلام عليكم بنات 🌹
اخباركم علومكم 😃
صلو على النبي ★ اللهم صل على محمد ★

نزلت لكم بارت اليوم واتمنى يعجبكم وتحبونه وينال على اعجابكم واستحسانكم ✌

واعذروني عالتأخير يالربع والله صار عندي انشغالات وفوق كل ذا صار عندي خربطه بالنسخ والكتابه وحليتها اليوم 💔

عشان كذا ابي اشوف تحليلاتكم وتوقعاتكم وابيكم تقدحون واشوف تحليلاتكم عاد لا اوصيكم الي تفكرون في اكتبو ابي اشوفكم كيف تفكرون ههههه 💟

وختامها دعواتكم لي ولوالديني ولجنودنا بالحد واهلنا بحلب وبكل مكان ....استودعتكم الله على ان القاكم الاسبوع المقبل على خير وصحه وسلامه ودمتم بأمن وأمان وحب وسلام
💖

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 29-01-2017, 01:07 AM
هدوئي كارثة هدوئي كارثة غير متصل
©؛°¨غرامي مشارك¨°؛©
 
الافتراضي رد: روايتي الثانية:عذبني أنينها


اقتباس:
المشاركة الأساسية كتبها saf_saf2 مشاهدة المشاركة
مسساء الورد 💐
ياربي شي يقهر بس عجبتني علي كف 😍😂كفو .
أن شاء الله تفتك منه 😢.
وبالنسبه لتأخير حبيبتي معذوره الله يكون بعونج .

يا قليبي 😴
الله يسعدكي يا رب 🌹💟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 29-01-2017, 01:10 AM
هدوئي كارثة هدوئي كارثة غير متصل
©؛°¨غرامي مشارك¨°؛©
 
الافتراضي رد: روايتي الثانية:عذبني أنينها


اقتباس:
المشاركة الأساسية كتبها noran.16 مشاهدة المشاركة
حماااااسسس ي رب تتطلق منه وتفتك

روعه البارت

💕😴🌹😍 انتي ارووع يا قلييبي 💞

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 29-01-2017, 12:57 PM
شموخ بدويه2 شموخ بدويه2 غير متصل
©؛°¨غرامي جديد¨°؛©
 
الافتراضي رد: روايتي الثانية:عذبني أنينها


ااااااااااااااااا۽ لاول مره بحياتي يوقف مخي عن التوقع
كنت اتمني انه يبطلون الزواج وكيذذا ثمن يدق الصدر ثامر بس ابدا ولا شي من مخطي ضبط شكلك حاقده علي ههههههههههههههههههه
حبيبتي بارت رائع ومشششششششوق ومليئ بالاحداثثثث
انتظرررررررررر البارت القادم ع احر من الجمرر

استمري مععك للنهايه
لك ودي واحترامي♥♥♥♥

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 29-01-2017, 04:28 PM
شموخ الجوري شموخ الجوري غير متصل
©؛°¨غرامي مشارك¨°؛©
 
الافتراضي رد: روايتي الثانية:عذبني أنينها


تجنننن الروايه يسلمووووووووو

يعطيك الف عافيه نتظرك في البارت الجاي للتطولي علينا

الرد باقتباس
إضافة رد
الإشارات المرجعية

روايتي الثانية:عذبني أنينها

الوسوم
أنينهآ , عذبني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الاولى :الحب بين نيران الحرب الكاتبة طلحي نسرين روايات - طويلة 265 30-03-2017 11:25 PM
روايتي الثانية:من كثر عشقي لك أنعمت عيني عن كل الخلايق/كاملة جنانوهـ روايات كامله - يتم نقل الرواية هنا بعد اكتمالها 370 02-08-2016 12:19 AM
صدفه غيرت مجرى حياتي صدفه بدلت ابطال روايتي عاشقه الشوكلاته روايات - طويلة 11 30-01-2016 11:51 AM
روايتي الأولى : كن لي صديقا فالحب لا يدوم أنفاس الورود. أرشيف الروايات المغلقة - لعدم إكتمالها 18 28-12-2015 11:28 PM
روايتي الأولى : أيام عشناها زمان أمل مستحيل روايات - طويلة 10 21-04-2015 12:21 PM

الساعة الآن +3: 05:19 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1