غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1011
قديم(ـة) 26-10-2017, 11:29 PM
صورة ضاقت انفاسي الرمزية
ضاقت انفاسي ضاقت انفاسي غير متصل
©؛°¨غرامي مجتهد¨°؛©
 
الافتراضي رد: رواية أقدار /بقلمي







ام عمار بعدم تصديق :،شوفوا ذي ساره!
وش جابها هنا ؟!!
جودي بكره بعد الحادثه كرهتها : الله يأخذها !
ام راكان تناظرها بهدوء ما تكلمت
نوره بجعرفه : وش عرفها بذي الحفلات ؟!
حدها المطبخ !
شروق طالعتها بغيره بس ما تكلمت !
ام عمار وقفت بخبث : مين تيجي معي ؟!
واشرت بعيونها على ساره !
ام راكان بحزم : اجلسي واتركيها بحالها !
ام عمار بتوعد : مستحيل افرط بذي الفرصه !
لازم اطلع حرتي فيها !
وطالعت شروق وغمزت لها تيجي معها !
جودي تحمست وقفت وتوجهت مع امها وشروق !
وقفت قدام الطاوله وبسخريه نطقت: يقال مشغوله بالجوال ؟!
استمرت بالانشغال بالجوال وكأنه ما احد يمها !
تابعت ام عمار بسخريه : الحمد لله انه عبدالله علمك كيف تستخدمين الجوال
كسب فيك اجر !
رفعت نظرها ببرود وردت وكأنها قالب من الثلج : نعم ؟!
ام عمار باستفزاز : حبيت اطمئن عليك بعد الطلاق ؟!
مطت ساره شفتها بسخريه وهي تشوف كميه الحقد والكره إلي بعيون ام عمار ونطقت بسخريه مشابهه: فيك الخير اكثر مني !
نسيت اطمئن عليك بعد طلاقك انت الثانيه !
ترى وضعك اصعب مني
مو حلوه بالمجتمع عندها احفاد وتتطلق بعد ما طقها زوجها وطردها !
قاطعتها ام عمار بانفعال : انكتمي ولا كلمه !
روحي شوفي لك شايب تقبرينه ويكون الثالث !
ردت ساره بلامبالاه: تراه الشايب لك
مو لي !
تراني صغيره مو مثلك
قاطعتها جودي بغضب: تدرين انك قليله حياء!
اصلا مين رح يطالع بوجهك بعد سواد وجهك !
الحمد لله ربنا خلص خالي عبدالله منك باللحظه الاخيره !
ساره بقرف : عاد من زين خالك !
ام عمار تقهرها اشرت لشروق : اجلسي يا شروق تراك حامل مو زين لك الوقفه!
حست ساره بطعنه بصدرها حضرته تزوج وزوجته حامل !
عايش حياته !
وهي رماها لكلام الناس إلي ما رحمها !
جودي تغيضها : شوفي ربنا عوضه بالقمر !
ساره بطفش ناظرت ام عمار : وش المطلوب جايه لعندي ؟!
تبغين اتوسطلك عند خلف علشان يرجعك !
قاطعتها ام عمار بغضب وصوت مرتفع شوي: تخسين !
ناظرت ساره حولها وبعض الحريم يناظرون تكلمت وهي توقف : اجل بلاه هالتلزق تراك لو تموتين ما ارجعك خلف لذمته !
بسببك عاف الحريم،!
بصراحه معه حق !
وتركتهم وغادرت تبحث بعيونها عن اميره !
**
***
***
***
**
رجعت جلست ام عمار وهي مفوره من العصبيه : الكلبه وصار لها لسان !
ام راكان تلوم فيها : قلت لك لا تروحين لها !
وش عليك فيها !
خلاص كل واحد راح بحال سبيله !!!
ام عمار بغضب : لا ما انتهينا !
اجل انا اتلزق فيها علشان تتوسط لي عند خلف يرجعني ؟!!
نوره وهي تبحث بعيونها عن ساره : يا ابنة الحلال طنشيها !
الحين تلاقينها ميته بحرتها بعد ما طلقها عبدالله !
وخاصه انه طلقها بدون ذنب
جودي باعتراض :،كيف بدون ذنب والاوراق
قاطعتها نوره : تراه خالك طلقها قبل ما يدرون بسالفة الاوراق !
ام عمار بتأكيد : ايه لما طلقها عبدالله ما كنت مخبر احد بسالفة الاوراق !
ام راكان : انا ما تهمني سالفة الاوراق الاهم عندي انه ولدي ترك هالبومه وانتهينا !
ابتسمت نوره على تفكير ام راكان !
وركزت نظرها على ساره إلي جالسه بهدوء وكأنها بعالم اخر !
ما انتبهت على سوالفهم وكان كل تركيزها على ملامح ساره !
سلطت انظارها على اميره إلي اقتربت من ساره
كلمتها وجلست عندها !
تكلمت نوره ونظرها ما زال مركز عليها : احس انها تغيرت كثير !
من اول الحفله والهدوء مخيم عليها
حتى شبح ابتسامه ما صدر منها
بالرغم انها اميره عندها تضحك وهي تكلمها !
ناظروا جهة ساره يراقبون ملامحها
إلي اكتساها الحزن !
ام راكان تنهدت بوجع : والله الواحد ما عاد يعرف الصح من الغلط !
والله إلي رفع السموات لولا حظها النحس
ما سمحت لعبدالله يطلقها !
طالعتها شروق وما عجبها كلامها
نوره رفعت حاجب : ومين قال لك انه عبدالله يقبل تكون على ذمته ؟!
ام راكان هزت راسها وبنفسها تقول «بلاك ما شفت شكله لما قال له ماجد يبغى يخطبها»
ام عمار : حتى لو عبدالله ما طلقها ابوي مستحيل يقبل تبقى على ذمة عبدالله !
نوره بتأكيد : عمي ابو راكان شجعه على الطلاق قبل ما يعرف بسالفه الاوراق!
ام راكان تنهدت : الله يهدي النفوس !!!!

***
**
**
***
***
وقفت برا مع اميره للرجوع واستغربت الضيق على وجه اميره وهي تتكلم بالجوال !
قفلت الخط وناظرت ساره : السواق يقول السياره
بنشر عجلها !
ساره بهدوء: والحين ؟!
اميره هزت كتوفها : والله ما ادري !
خليني اشوف سياره اجره او شيء !
وتركتها وراحت !
تنهدت بلامبالاه وتكتفت وهي تناظر للبعيد !
ما توقعت تشوفهم اليوم بالحفله ! تفاجأت بنظرات الحقد والكره منهم
كل هذا علشان الاوراق ؟!
للحين ما تدري وش سالفة هالاوراق إلي عملوا عليها بلبله وفضايح !!!
استغربت من الصوت إلي يكلمها !!
لحظه هالصوت تعرفه ؟!
كيف ما تعرفه وللحين صوته يرن بإذنها «انت طالق»
إلتفتت له وهي عابسه ملامحها
وش يبغى واقف عندها !!
عبدالله بسخريه : اووووه سوري ظنيتك شغاله هنا كنت ابغ
قطع كلامه لما تركته وابتعدت عنه !
تبعها ووقف وتكلم بجديه فيها نبره غاضبه : وش تعملين هنا وحدك ؟!!
طالعته بنظرات كره ...عمرها ما كرهت انسان مثله ...كل ذرة محبه حملتها له تحولت لكره !
والحين جاي يتدخل فيها ؟!
ردت بحده : ما يخصك !!
وانقلع من هنا قبل ما ألم عليك الناس !
عبدالله ضحك بسخريه : لا لا ما اصدق هذي ساره ؟!
الظاهر الدوره إلي سجلتي فيها استفدتي منها وصار لك لسان ؟!
او انكشفت حقيقتك !!
اعطاها نظرات ناريه لما شافها مطنشيته اكره ما عليه احد يطنشه : تراني اكلمك وش تعملين هنا ؟!
قاطعتهم اميره وهي تقترب وبضيق من رؤية عبدالله : ساره !
التفت عبدالله عليها وكلمها بإحترام يحس اميره غير عن اخوانها مثقفه ولا كأنها اخت لهم : هلا كيف حالك ؟!
اميره بهدوء : بخير الحمد لله !
وطالعت ساره : تعالي
وقفت سياره اجره !
قاطعها عبدالله بنخوه : والله ما تركبون سياره اجره وانا موجود !
اميره طالعت ساره إلي عبست ملامحها : مشكور
ما نبغى نعطلك
والحين اسمح لنا !
عبدالله بحزم : تراني حلفت !
والله ما ارضى بنت العم تركب بسياره اجره وانا موجود !
اميره انحرجت منه بس مستحيل تحرج ساره وهي تعرف الوضع : الله يجزيك الخير !
اعذرنا
قاطعها بحزم : قلت والله ما تركبون الا معي!
طالعته ساره بكره ابو النخوه
شهامته ما تسمح له ابنة عمه تركب سياره اجره !
اما هي سمح للي يسوى وما يسوى يتكلم عليها !
عمرها ما شافت انسان كذاب ومخادع مثله !
طالعت اميره : أنا راجعه بسياره الاجره !
وقفت بعد صرخته : انت ما تستحين على وجهك !
وقسم بالله احترام لاميره والا كان تصرفت معك
قاطعته بغضب : ومين حضرتك حتى تتصرف معي؟!!!
تراك آخذ بنفسك مقلب !
واذا فيك خير قرب من جهتي !
اعطته نظرة حقد وتوجهت للشارع الرئيسي وهي تحس بداخلها بركان وخلفها اميره
تحاول تجاري خطواتها السريعه !!
اول ما وقفت سياره اجره ركبت وجنبها اميره إلي اول ما ركبت ما قدرت تكتم ضحكتها : اخص يالقويه !
زفرت ساره بضيق : من جدك تبغين اركب معه ؟!
اميره بابتسامة : تبغين الصراحه اي!
بغيت تركبين وتمسحين فيه الارض
وتعطيه كم طراق يبرد حرتك فيه !
فتحت ساره عيونها باستنكار : اضربه !!
اميره بحماس : و اكسري راسه بعد !
بس كخطوه اولى حلو انك ما سكت له ولا لاهله !
خلاص انسي الماضي وعيشي يومك بدون حزن ونكد !
المشكلة اني مو مستقره هنا كان اخذتك عندي بس
قاطعتها ساره بهدوء : مرتاحه عند نادر !
**
**
**
**
**
جالس بالحديقة متربع على العشب وعابس ملامحه بغضب
تكلم وهو يشد على قبضة يده بقهر : انا تكسر كلامي ؟!
عزام وهو يشرب من العصير : يا عمي ترى ما لك كلمه عليها !
بس انا مستغرب من كلامكم
معقول ساره إلي تتكلمون عنها ؟!!!
عبدالله هز رأسه بقهر : ايه ساره
اخخخ لو شفتها تناظرني وكأني اكلت حلالها !
يرحم ايام تخجل ترفع عيونها وتناظرني !
والحين تفرعنت !
حتى شروق كلمتني بالأمور إلي صارت بالحفله وكيف كلمت ام عمار !
تصدق تقول عني «من زيني؟!!» تتمسخر علي هالناقه ؟!
والله وصار لها لسان !!
وطلعت على حقيقتها !
وانا الغبي إلي اخترتها على اساس انها بسه مغمضه
طلعت لبوه اعوذ بالله منها !!!
ضحك عزام وهو يناظره : الحين صارت ناقه ؟!
يرحم ايام زمان !
تنهد عبدالله بضيق : كنت مغفل !
عزام بهدوء : طلعها يا عمي من راسك !
خلاص انت تزوجت وزوجتك حامل ما شاء الله عليها مو ناقصها شيء!
عبدالله تنرفز : شايفني طول وقتي افكر فيها ؟!
اصلا اذا موجوده بالعالم مو داري عنها !
وحتى موقف اليوم كلمتها حتى اقهرها وابرد حرتي فيها !
سكت للحظات وبعدها نطق بتردد : ما ادري احسها حزينه والبشاشه والفرح إلي كان دائما مرسوم بملامحها انطفى !
وكأنه كل هموم الدنيا فوق راسها ؟!!!
بس تدري احسن من هالحال واردى ان شاء الله !
للحين ما طلعت حرتي فيها !
عزام بابتسامة جانبيه على عبدالله إلي للحين مشاعره متلخبطه
يحسه يحن لها وبنفس الوقت مو طايقها !
مشاعره متضاربه نحوها .......
***
***
***
***
كالعاده اذا كملت الواجبات المدرسيه
تجلس بالصاله وتطالع اي كتاب تقع يدها عليه
تحب المطالعه بمجالات مختلفه
والحين جالسه تطالع كتاب عن البلاغه العربيه
تنهدت عقلها مشوش من الخبر إلي سمعته !
كيف يسافر ويتركها بدون ما يرسل ورقة الطلاق ؟!
فاهمه حركته الانتقاميه يغيب كم سنه
وبعدها لما يرجع يطلقها !
بس مو فارقه معها اهم شيء دراستها ويبعد من وجهها !
متأكده من حركته هذي !
كل اوراقه مكشوفه بالنسبة لها!
جلست ام سعود عندها وتكلمت بضيق : ترى ابوك معصب بعد سفر ماجد !!
عائشه عقدت حواجبها وهي تقفل الكتاب : ليه معصب؟!!
ام سعود : يقول مو ولد عمك علشان يملك عليك وينقلع !
عائشه ببرود : ذيك المحكمه يروح ويطلقني واكون له من الشاكرين !
ام سعود بغيض من برودها : انتبهي تتكلمين كذا قدام ابوك تراه واصله معه !
وبعدين خطيبك منقلع كم سنه والله اعلم متى يرجع ؟!
تراني ما ارتاح للرجال إلي يسافرون برا !
عائشه بملل : يعني وش الحل ؟!
نركض خلفه ونرتجيه حتى ما يسافر ويرجع ؟!!!
وقفت ام سعود بغضب: يا برود اعصابك !
حتى ما كلف نفسه ييجي ويودعك قبل ما ينقلع !
على وش شايف نفسه ؟!
ما كذب أبوك ولا بكلمه لما كان يشكي منه !
صدق انه غثيث وما ينبلع !
ورافع خشومه بالسماء،!
لكن هين اذا ما فسخت هالخطوبه ما اكون ام سعود !
ابتسمت بفرح عائشه امها بصفها ضد ماجدوووووو !!!

***
***
***
استغربت من الدق على الباب بقوه
طالعت مها : مين يجينا هالحزه ؟!
مها بنفس الاستغراب : يمكن احد يبغى نادر !
روحي شوفي
هزت راسها وطلعت وتوجهت للباب وفتحته وهي تقول : مين ؟!
بعد ما فتحت عفست ملامحها وش جابها الحين ؟!
وبدون نفس تكلمت : نعم ؟!!!
بغت تقول لها يا جعل النعامه ترفسك بس مسكت لسانها لاخر لحظه وبتمثيل متقن تكلمت بفزع : ساره إلحقيني
ساره حست قلبها وقع من طريقتها : وش فيه ؟!!!
ام محمد بفزع : ما في وقت تعالي بسرعه
اشرح لك على الطريق !
احتارت ساره بس طريقة خالتها دفعتها تدخل بسرعه تعطي مها خبر انها طالعه مع خالتها !
طلعت تفكر وش إلي صار و افزع خالتها بهذا الشكل ؟!
معقول ابو راكان اصابه شيء ؟!
او خلف او
مو قادره تسألها خايفه تسمع شيء
يكون القاضيه لانها تتوقع ما رح تقدر تستحمل صدمات اكثر من كذا !!!!
استغربت ساره لما وقفت السياره بمنطقه خاليه ناظرت خالتها بعدم فهم !!
ليه هي هنا ؟!!!
ام محمد بخبث : انزلي افهمك السالفه
واشرت على سياره وقفت خلفهم !
نزلت ساره لما شافت خالتها نزلت
عقدت حواجبها لما شافته نزل من السياره !!!
حست قلبها توقف وش جابه الحين ؟!!!
اقترب منهم بهدوء
ام محمد ناظرته : انا انتهت مهمتي
ما عندي وقت طيارتي ما بقى عليها شيء !!!
طالعتها بصدمه مو فاهمه شيء
تبغى تمسك خالتها وتوقفها كيف تتركها هنا وتغادر بكل بساطه !
وليه هي هنا ؟!
بس عجزت الحروف تطلع بحضوره !
ما تدري ليه لسانها ينعقد بوجوده !
تكلم بطيبه مو لايقه عليه ولا تناسبه : تعالي اركبي معي وافهمك السالفه !
ما ترك لها المجال تعترض وسحبها معه للسياره !
حرك السياره وتكلم بهدوء لا يليق بشخصيته الهمجيه: انا اسف
ادري وصلك اذى بسببي !
بس لا تتحسفي على ناس عاقبوك بذنب غيرك !
انا من بعد الحادثه انتقلت لقريه اعيش فيها بعيد عن شر عيال عمي !
خلاص نويت ابدأ حياه جديده
بعيده كل البعد عن النصب والاحتيال !
انا تعلمت درس من هالحياه !
نويت استقيم وارجع كل حقوق الناس إلي اكلتها بدون حق
واولهم انت !!
طالعت الطريق وهي تستمع لكلامه إلي مو قادره تستوعبه !
اكمل برجاء : سامحيني يا ساره
ابغى اعيش وبالي مرتاح ما احد زعلان علي !
ناظرته مو مصدقه خلف يتغير ؟!!!
وش صاير بالدنيا !
ما تدري رق قلبها غصب عنها !
بس اكتفت بالسكوت !
تابع كلامه : ابغى تسامحيني على شيء ثاني بعد ما اخبرك فيه !
ويا ليت ما تسودي وجهي !
تراني تكلمت بالنيابه عنك
!
طالعته مو فاهمه شيء !
استرق النظر لها يشوف رد فعلها لكلامه ورجع يركز على الطريق !
لما قارب على الوصول تكلم : بعد ما تبت وجيت هنا
وقررت ابعد عن اهلي وكل معارفي حتى ما احد يعيرني بالماضي !
عشت براحه هنا من طيبة قلوب هالناس !
كان بالقرية رجال فاقد عقله يدور بالدنيا ما يدري عن نفسه ! يبغى احد يتحمله ويهتم فيه !
كسر خاطري هالرجال !
امه وابوه مو عايشين !
امه انجبته وهي كبيره بالعمر ولما ولدته اصابه نقص اكسجين
وطلع عقله ناقص
يعني بين قوسين «مجنون»
بس الشهاده لله تراه طيب وحبوب
بس عقله طاير !
ناظرته بعد ما وقف عند بيت متوسط الحال نطقت بعد ما شجعت نفسها : جايبني من البيت علشان تقول قصة حياته
قاطعها : جبتك لبيت زوجك !
طالعته بصدمه تحس نفسها بحلم
اكيد جالس يمزح معها !!
من بعد عبدالله عافت الرجال و الحياه كلها !
اكمل كلامه متجاهل ملامحها المصدومه : قلت لك كسر خاطري
وبلحظه تسرع كان اهل القريه مجتمعين قلت لهم
اني رح ازوجه لاختي على سنة الله ورسوله ونكسب فيه اجر
قاطعته بغضب لاول مره خلاص فاض المر على المرار وبصراخ : رجعني للبيت!
خلف احتد ملامحه بغضب : لا تتكلمي كذا احسن ما اعدل لك ملامحك !
تفهمين والالا !
والحين انزلي احسن ما اجرك من شعرك !
ناظرته بتحدي غاضب : ما رح انزل
قطع كلامه وهو ينزل من السياره
ويفتح الباب من جهتها !
حست نفسها رح تعملها على نفسها لما فتح الباب من جهتها !
سحبها بقوه وهو يهمس بفحيح : لا تجبريني ادفنك هنا !
سحبها للبيت واول ما دخل نفضها بقوه : تراني زوجتك وانتهى الموضوع !
كوني هاديه ومطيعه حتى ما اطلع جنوني عليك
طالعته بكره دوبه يروي قصص عن توبته وانه تغير !
صدق المثل عمر الكلب ما انعدل ذيله !
عضت شفتها بقهر من الغباء المطقع إلي هي فيه !
بسرعه رق قلبها وصدقته !
لمتى يفهم قلبها انها هالدنيا ما فيها طيبه !!!
طالعها بأمر : الحين رتبي المكان وجهزي الاكل لزوجك
مسكين تراه داير على راسه ما يدري عن نفسه !
ساره خلاص ما تقدر تتحمل اكثر من كذا
إلي تشوفه اكبر من طاقة تحملها !
يا شماتة الناس فيها !
تتزوج مجنون !!
غمضت عيونها بقهر وهي تتخيل شكل عبدالله لما يسمع انها تزوجت مجنون وش رد فعله !
هو تزوج مثقفه وحلوه وبنت حسب ونسب !
وهي تتزوج مجنون داير بالشوارع ما يدري عن هوى داره
وبكل غضب اجتمع بداخلها صرخت : مو على كيفك !!
اكيد عند هالمجنون كم ورثه تبغى تبلعهم !!!
خلف بهمس حاد : انكتمي !
وباستفزاز : ايه عنده ارض وابغى استثمرها !
وضحك بصوت عالي وهو يرسم احلام على ذي الارض !!!!!
***
***
***
***
يتبع ....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1012
قديم(ـة) 26-10-2017, 11:34 PM
صورة ضاقت انفاسي الرمزية
ضاقت انفاسي ضاقت انفاسي غير متصل
©؛°¨غرامي مجتهد¨°؛©
 
الافتراضي رد: رواية أقدار /بقلمي







مجتمعين بالمجلس بعد ما سمع عن المشكله و يبغى يصلح الوضع تكلم بهدوء بعد ما وضع فنجان القهوه،: انا دخلت عليكم وان شاء الله ما تردوني خايب !
ابو راكان باستغراب من طلب صديقه وش يبغى منهم : اشرب قهوتك وبإذن الله ما تطلع الا وإنت راضي !
ابو علي ناظر الموجودين : انا سمعت بالمشكله إلي حصلت بينكم !
ووصلني خبر من قريب انه عبدالله طلق زوجته لانه خلف طلق زوجته !
ترى الظلم ظلمات يوم القيامه ...البنت ما لها ذنب بأفعال اخوها وكلنا نعرف خلف وتصرفاته إلي تسود الوجه !
وكثير بنات بهذا المجتمع وقع عليهم الظلم من هذي الناحيه !
طلقت اختي اطلق اختك !
ضربت اختي اضرب اختك !
تصرفات جاهله وما تمد صله للعقل !!
طيب وش ذنب هالاخت؟!
كم حرمه بالمجتمع تطلقت لانه اخوها طلق اخت زوجها !!!
هنا يقع الظلم ولا بد نرفعه !
وانا الحين جاي علشان كذا !
اخت خلف ما لها علاقه بالموضوع ليه تتطلق ؟!!!
وتراها ابنة اخوك واكيد ما تقبل عليها الشينه !
ترى الناس ما رحمتها وحطت فيها الشينه !
اتمنى ما تردني يا ابو راكان وترجع هالبنت لذمة عبدالله !
ابو راكان رفض الفكره بطريقه ملتويه :،بس عبدالله تزوج وزوجته الحين حامل !!!
ابو علي ببساطه : وش فيها متزوج ؟!
تراه لا اول واحد ولا اخر واحد عنده زوجتين !!!
اهم شيء يعدل بينهم وانتهى الموضوع !!
ابو ماجد احتقن وجهه مو عاجبه هالكلام : ما اتوقع زوجته تقبل فيها !
ابو علي : من متى الحريم يشورون على الرجال متى ما بغى يتزوج !!!
ابو ماجد اعطى لعبدالله اشاره بعيونه ينهي هالموضوع !
ابو علي ناظر عبدالله بجديه : وش قلت يا عبدالله !
تراها ابنة عمك وانت اولى فيها !
واذا ارجعتها تكف ألسنة الناس عنها !!
دخل وهو يسمع حديثهم ورد السلام بصوت مسموع : السلام عليكم !
سلم على ابو علي وتوجه وجلس جنب ابوه بهدوء ينقل لهم الخبر إلي سمعهم قبل لحظات !!
ابو علي متحمس للصلح : نقول على بركة الله ونرجع البنت لذمتك !
نطق عزام وهو يناظر ابو علي باحترام : جيت متأخر يا عم !
طالعه ابو علي والموجودين بعدم فهم !!
كمل كلامه بهدوء،: تراها البنت تزوجت والبارحه كانت ملكتها !!!!
عم المجلس الصدمه من الخبر !!!
ابو راكان واثار الصدمه مرسومه على ملامحه : تزوجت ؟!
ومن إلي تزوجها ؟!
عزام هز رأسه بالنفي : والله ما ادري بس جدتي اتصلت بعمي ابو الوليد وخبرته !!!
تكلم ابو علي باحراج جاي يرجع البنت وهي متزوجه على ذمة رجال ثاني : الله يوفقها .....واسمحوا لي !
ابو راكان : وين مستعجل
قاطعه ابو علي وهو يهم بالمغادره : عندي شغل لفوق رأسي
مره ثانيه ان شاء الله !
استاذن وطلع !!!
دقائق وعم المكان من ضحكات سلمان المرتفعه : جاي يرجعها !!!
وانسدح على بطنه من الضحك !
ابو راكان طالعه وهو عافس ملامحه : الحمد لله والشكر على نعمة العقل ؟!
على وش يضحك هالغبي !
ابو ماجد بقهر : صار مزوجها هالحيوان !
الله اعلم كم بلع من هالمهر !
ابو عزام بهدوء : وش علينا منهم ؟!
يزوجها يطلقها بستين داهيه !
ابو تالا بقهر : نفسي هالخلف ادوسه تحت رجليني !
طالعه عبدالله بنظرات وكأنه يقول له ما كذبت خالتي لما قالت انك تبغاها !!
وقف ابو تالا بعد نظرات عبدالله وطلع من المجلس،!
ابو ماجد بغبن من عبدالله : وانت ساكت والرجال يتكلم !
بدل ما تقول ما ابغاها وتسكته اشوفك سكتت
وكأنه كلامه جاز لك !
عبدالله وملامحه منتفخه من الغضب : ايه جازت لي وما احد يتدخل بحياتي !
وتركهم وطلع !
ابو ماجد بغضب : انا رح يقهرني هالولد بالغباء إلي معشش بعقله !
متأكد لو يقول له خلف تعال تزوجها الا يركض ويبيعنا كلنا !
ابو راكان بهدوء : اتركه !
رد فعله عادي ..اي واحد لما يسمع انه زوجته تزوجت يصيبه كذا !
خلاص قفل على الموضوع !
وانتهينااااااا
***
***
***



يتبع .......بعد 5/11 بإذن الله ...دمتم بخير :)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1013
قديم(ـة) 26-10-2017, 11:51 PM
Rami0095 Rami0095 غير متصل
©؛°¨غرامي مشارك¨°؛©
 
الافتراضي رد: رواية أقدار /بقلمي


بسم الله الرحمن الرحيم السلام عليكم ورحمة الله وبركاته واووو البارت طويل وروعة وأخيراً سارة صارت قوية أعتقد انو يمكن إلي تزوجتة راح يكون هو البطل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1014
قديم(ـة) 27-10-2017, 12:03 AM
nwra3947 nwra3947 غير متصل
©؛°¨غرامي جديد¨°؛©
 
الافتراضي رد: رواية أقدار /بقلمي


يااااااااااااااااااااااي
والله هاد أول بارت أنبسط فيه
واخيرا سارة صارت تتكلم وتدافع عن نفسها
ريتها تدفن خلف وتموتو وش ذي الوقاحة الي عنده
الله لايوفقو لا هو ولا أم محمد ريتهم بحادث سيارة
مايطلعو من سالمين ابد
وش ذي الوحشية الي عندهم صدق نذال
بس ماتوقعت سارة تقبل تروح
قلت رجع لها عقلها 😐😐😐😐😐الغباء
موب ناوية تتخلا عنو ابد
ريت عبد الله يحترق حرق
اعجبني موقفها بل حفل ياليتها عاطيتهم كم كف
وخصوصي ام عمار ليتها كفختها 😠😡😡😡😡
بس كمان هاذي المرة ماتسكت سارة وتقبل بالعريس
تجيني جلطة بعدين
يارررربي انا فتحت البارت وموب متمنية اخلصو ابد
ياربيييييييه والله الرواية ابداع من وين تجيكي ذي الأفكار موب عارفة
وبعدين البارت الجديد بعيددددددددددد مررررررررررة
تكفين موب لهدرجة تطولين علينا
نحنا نحبك كتيررررر لاتغيبي عنا كتير
والله عقد مافرحت بل بارت بس قلبي وجعني لما شفت التاريخ
أبرارررررررو قلبي كنت روووووعة وابدعتي بكتابة ذا البارت وربي أنك رااااائعة
خلي سارة بالبارت الجاري تكفخ عبدالله وعزام وسليمان
كاررررهتهم مرة
ويارب تطلعيلنا وتبيني الظلم الي ظلموه لسارة
حتى اشوف حرقت قلوبهم😈😈😈😈😈😈
مشششششكووووووووورة
ومثل مااتفقنا لاتطولين علينا. هههههه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1015
قديم(ـة) 27-10-2017, 12:05 AM
kanda.novel. kanda.novel. غير متصل
©؛°¨غرامي مشارك¨°؛©
 
الافتراضي رد: رواية أقدار /بقلمي


جميييييييييييل
عاد البارت طوييل ويريييييح
كذا احس هم وانزاح يوم اشوف سارة تدافع عن نفسها
وعبدالله احسسسسن جعلك تبقى مغبون طول عمرك ويااارب ما ترجع لك سارة ولا بأيي شكل من الأشكال
....
أم عمار صغيرة عقل يوم انها تصدق خلف بدون ما تشك وهي تعرفه زين
مرة كرهتها هي وبناتها وعجبتني سارة فيهم
وكره سارة لبيت ابو راكان في مكااانه
اخيرا احداث تبرد القلب
ننتظركككك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1016
قديم(ـة) 27-10-2017, 12:09 AM
صورة Faadfaad الرمزية
Faadfaad Faadfaad غير متصل
©؛°¨غرامي فعال ¨°؛©
 
الافتراضي رد: رواية أقدار /بقلمي


البارت روعه

نستناكي في بارت جديد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1017
قديم(ـة) 27-10-2017, 12:09 AM
صورة ضاقت انفاسي الرمزية
ضاقت انفاسي ضاقت انفاسي غير متصل
©؛°¨غرامي مجتهد¨°؛©
 
الافتراضي رد: رواية أقدار /بقلمي


اقتباس:
المشاركة الأساسية كتبها nwra3947 مشاهدة المشاركة
يااااااااااااااااااااااي
والله هاد أول بارت أنبسط فيه
واخيرا سارة صارت تتكلم وتدافع عن نفسها
ريتها تدفن خلف وتموتو وش ذي الوقاحة الي عنده
الله لايوفقو لا هو ولا أم محمد ريتهم بحادث سيارة
مايطلعو من سالمين ابد
وش ذي الوحشية الي عندهم صدق نذال
بس ماتوقعت سارة تقبل تروح
قلت رجع لها عقلها 😐😐😐😐😐الغباء
موب ناوية تتخلوا عنو ابد
ريت عبد الله يحترق حرق
اعجبني موقفها بل حفل ياليتها عاطيتهم كم كف
وخصوصي ام عمار ليتها كفختها 😠😡😡😡😡
بس كمان هاذي المرة ماتسكت سارة وتقبل بالعريس
تجيني جلطة بعدين
يارررربي انا فتحت البارت وموب متمنية اخلصو ابد
ياربيييييييه والله الرواية ابداع من وين تجيكي ذي الأفطار موب عارفة
وبعدين البارت الجديد بعيددددددددددد مررررررررررة
تكفين موب لهدرجة تطولين علينا
نحنا نحبك كتيررررر لاتغيبي عنا كتير
والله عقد مافرحت بل بارت بس قلبي وجعني لما شفت التاريخ
أبرارررررررو قلبي كنت روووووعة وابدعتي بكتابة ذا البارت وربي أنك رااااائعة
خلي سارة بالبارت الجاري تكفخ عبدالله وعزام وسليمان
كاررررهتهم مرة
ويارب تطلعيلنا وتبيني الظلم الي ظلموه لسارة
حتى اشوف حرقت قلوبهم😈😈😈😈😈😈
مشششششكووووووووورة
ومثل مااتفقنا لاتطولين علينا. هههههه
هلا وغلا :)
اسعدني ردك ^^ وان شاء الله تعجبك الروايه للنهايه :)
بالنسبة لموعد البارت القادم عندي امتحااااان صعب:(
بس اذا قدرت اكتب ما رح ابخل عليكم :)
اقتباس:
المشاركة الأساسية كتبها rami0095 مشاهدة المشاركة
بسم الله الرحمن الرحيم السلام عليكم ورحمة الله وبركاته واووو البارت طويل وروعة وأخيراً سارة صارت قوية أعتقد انو يمكن إلي تزوجتة راح يكون هو البطل
هلا وغلا :)
اسعدني مرورك ^^
مع الايام رح نشوف توقعاتكم صح او لا :)
دمتم بخير :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1018
قديم(ـة) 27-10-2017, 12:12 AM
صورة ضاقت انفاسي الرمزية
ضاقت انفاسي ضاقت انفاسي غير متصل
©؛°¨غرامي مجتهد¨°؛©
 
الافتراضي رد: رواية أقدار /بقلمي


اقتباس:
المشاركة الأساسية كتبها kanda.novel. مشاهدة المشاركة
جميييييييييييل
عاد البارت طوييل ويريييييح
كذا احس هم وانزاح يوم اشوف سارة تدافع عن نفسها
وعبدالله احسسسسن جعلك تبقى مغبون طول عمرك ويااارب ما ترجع لك سارة ولا بأيي شكل من الأشكال
....
أم عمار صغيرة عقل يوم انها تصدق خلف بدون ما تشك وهي تعرفه زين
مرة كرهتها هي وبناتها وعجبتني سارة فيهم
وكره سارة لبيت ابو راكان في مكااانه
اخيرا احداث تبرد القلب
ننتظركككك
هلا وغلا :)
الحمد لله اعجبكم طول البارت ^^
يسلموووو على مرورك وتعليقك على البارت :)

اقتباس:
المشاركة الأساسية كتبها faadfaad مشاهدة المشاركة
البارت روعه

نستناكي في بارت جديد
هلا وغلا :)
مرورك الاروع :)
دمتم بخير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1019
قديم(ـة) 27-10-2017, 12:12 AM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: رواية أقدار /بقلمي


السلام عليكم
الاحداث بدات تصير حمااااااااس
سارة بدات شخصيتها تتغير
خلف وام محمد يقهرون وودي اضربهم لين اشبع منهم
عبد الله ندم ويستاهل وباقي ماشاف شئ
يعطيك العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1020
قديم(ـة) 27-10-2017, 12:14 AM
صورة ضاقت انفاسي الرمزية
ضاقت انفاسي ضاقت انفاسي غير متصل
©؛°¨غرامي مجتهد¨°؛©
 
الافتراضي رد: رواية أقدار /بقلمي


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
سارة بدات شخصيتها تتغير
خلف وام محمد يقهرون
عبد الله ندم ويستاهل
يعطيك العافية
وعليكم السلام ...الله يعافيك :)
يسلموووو على مرورك وتعليقك:)

الرد باقتباس
إضافة رد

رواية أقدار /بقلمي؛كاملة

الوسوم
ساره / عائشه/
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية حـب أسيرتي /بقلمي؛كاملة أطياف صمت روايات كامله - يتم نقل الرواية هنا بعد اكتمالها 17 13-07-2019 06:33 AM
رواية اللعوبة وحقد الفهد /بقلمي؛كاملة شموخ جنوبية روايات كامله - يتم نقل الرواية هنا بعد اكتمالها 161 20-07-2018 11:48 PM
رواية أتركوا بعضهم بلحظات /بقلمي؛كاملة ixmg_02 روايات كامله - يتم نقل الرواية هنا بعد اكتمالها 20 09-11-2017 01:13 PM
أفضل 100 رواية عربية في القرن الماضي فقط على 4 روابط وليد الجعل ارشيف غرام 1 10-09-2017 11:33 PM
رواية أقدار/بقلمي maya90 روايات - طويلة 3 31-01-2017 10:04 AM

الساعة الآن +3: 12:32 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1