اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 20-01-2017, 05:27 PM
المجد 7 المجد 7 غير متصل
©؛°¨غرامي مشارك¨°؛©
 
الافتراضي عاصفة قبل الحب/بقلمي


السلام عليكم ورحمة الله وبركاته
قبل البدء في ( عاصفة قبل الحب ).

انا القلب المجروح اتكلم .. انا القلب الحزين اتألم ... انا القلب الباكى على الايام ... انا القلب الذى قسى عليه الزمان . ...... انا القلب لم يجد من يزيح عنه الاحزان ... انا القلب الساهر الليالى والناس نيام .... انا القلب المتحمل القسوة من الناس ... انا القلب فاضت به الاوجاع .... انا القلب الحالم بلحظه هناء ...... انا القلب المتمنى ان يجد الرحمه والحنان .....


هذا الكلام مقتطفات من أحداث روايتي


آخر من قام بالتعديل المجد 7; بتاريخ 20-01-2017 الساعة 07:09 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 20-01-2017, 06:58 PM
المجد 7 المجد 7 غير متصل
©؛°¨غرامي مشارك¨°؛©
 
الافتراضي رد: عاصفة قبل الحب


الرواية (خيال ورومنسية )
تشجيعكم وتوقعاتكم وردودكم تبعث السعادة كلما زادت وزاد معها التألق والنقد الهادف غير المجرح

الجزء الأول

في شركة الثنيان وأولاده
المديرصالح : يكلم حمد الموظف في الأرشيف
متى ياحمد ناوي ترجع المبلغ ، بصراحة المهلة أنتهت
حمد : قريب طال عمرك
المدير صالح : بعطيك مهلة أسبوع فقط
حمد : شهر طال عمرك لاني أمر بظروف
المدير صالح : لك شهر والمبلغ خمسين ألف مايستاهل الوقت هذا كله
*********
بعد أسبوع
في بيت حمد
مريم زوجة حمد : وش الحل ياحمد
الفلة هذه ماخلصت أقساطها بعد والرجال يطلب فلوسه
حمد :مدري يامريم وش السواة
ضيء: بابا الله يسعدك لاتبيع الفلة حقتنا
حمد : شكلي برجع أتسلف لين ربي يفرجها
*********
في نفس الشركة ولكن في قسم آخر
فارس ابن أخو صالح ( مدير قسم في أحدى فروع شركة الثنيان ) : ماهو حل ياحمد كل مرة تسلف من أحد
حمد: ماعندي حل وغير كذه عند حل من طرفك بس متردد أقوله لك
فارس : من جهتي ترى عادي اذا بسدد لك
حمد : والله ماتعطيني كفاية المبالغ اللي ماسددتها لك
فارس : أجل وش ياحمد تكلم لا تتردد تعرف ما عمري فكرت في فارق السن اللي بيننا صداقتنا من دخولي الشركة بعدوفاة الوالد الله يرحمه وأنا في أول ثانوي إلى الآن باقي لي سنتين وأخلص الجامعة ،أنت الوحيد اللي شجعتني أكمل وأشتغل وفعلا لك فضل بعد الله في هذا الشيء على الرغم من ضغط عمي صالح لي بأني أترك الدراسة وأتفرغ للشركة
حمد : أخاف تفهمني خطأ
فارس : قل لا تخاف فاهمين بعض بسرعة
حمد : عارف أنت بحياتي وتعلقي في عيالي وزوجتي
حتى بناء الفلة وتصميمها أفكارهم كلفتني فوق طاقتي بس علشانهم تحملت ومازلت مغامر علشانهم
تعرف كلمة ضيء وش كثر أثرت فيه كثير
تقول يابابا لاتبيع الفلة ، تصدق عطتني مجال للتخطيط بعد ماكنت ناوي أبيعها تعبت من كثرت الديون
لكن فكرت بطريقة يمكن تساعدني في حل ديونك وديون عمك صالح
فارس : أجل بسرعة قل حلك وأبشر باللي أقدر عليه
حمد: بزوجك ضيء بنتي ومهرها دينك ودين عمك صالح
فارس : صمت قليلا
حمد : خاف تسرع وظلم بنته قبل نفسه
خلاص يافارس أعتبر أني ماقلت لك شيء والله واللي رفعها سابع سماء أنه طلبي يعز عليه قبلك بالذات علشان بنتي ضيء اللي أشوفها رمش عيوني
فارس : طيب أنا ما أستاهل ضيء
حمد : أنت رجال والنعم فيك ، لكن دخولي السجن أرحم من طلبي
فارس : أنا بصراحة حلمي أتزوج ومن بناتك ياحمد لي الشرف والشرف ومليون مرة أقولها لك
ضيء صغيرة وأنا ماني مستعجل على الزواج الآن ومهرها وكتب الكتاب يوم الخميس ولا أسمع طاري ديوني مهرهامئة وخمسون ألف تستأهل كم عندنا ضيء وشاورها اليوم الأحد عندك وقت تكلمها


آخر من قام بالتعديل المجد 7; بتاريخ 20-01-2017 الساعة 10:32 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 20-01-2017, 07:08 PM
احسااس ملااك احسااس ملااك غير متصل
©؛°¨غرامي جديد¨°؛©
 
الافتراضي رد: عاصفة قبل الحب


جداً جميلة فكرت روايتك لكن ياريت تحطي بارتين او ثلاثه وتحددي مواعيد البارت موفقة بأذن الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 20-01-2017, 07:21 PM
المجد 7 المجد 7 غير متصل
©؛°¨غرامي مشارك¨°؛©
 
الافتراضي رد: عاصفة قبل الحب


هلا وغلا احسااس ملااك
يسعدني رأيك بالفعل بنزل أكثر
لكن بعد ماتوضح فكرة الرواية من البارتات
بنزل مواعيد البارتات الأخرى
ولَك خالص شكري منورة الرواية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 20-01-2017, 07:44 PM
المجد 7 المجد 7 غير متصل
©؛°¨غرامي مشارك¨°؛©
 
الافتراضي رد: عاصفة قبل الحب


يوم الاثنين
ضيء ترجع من المدرسة وتلقي السلام على والديها
حمد : ضيء بكرة عندك اختبار
ضيء : لا بابا ليش تسأل
حمد : تمام لاني بكلمك في موضوع العصر
ضيء: طيب بابا على أمرك
حمد : وصلت قريب من المدرسة كنت بأخذك لكن عارفك لازم تمشين مع صاحبتك تهاني
ضيء : الحمدلله بيتنا قريب من المدرسة ليش أتعبك يابابا
حمد : الله يسعدك ويوفقك ياضيء دايم تحبين راحتي
مريم أم ضيء: يالله الغداء جاهز
*******
في بيت آخر
فارس : أمي لا تزعلين تعرفين زميلي حمد
أم فارس : لا تقول زميلي ولا شيء شكله مخطط من الأول
فارس : أنا طلبت بنته ليش ماتفهمين نفسي في ضيء من زمان وخايف تروح عليه وطلبتها من حمد
أم فارس : وش فيهم بنات أعمامك
فارس : كلهم غير عن ضيء ، هي ملكت قلبي ويأشر على قلبه
أم فارس : مادام خططت وحبيت على قولك ليش تعلمني الآن
فارس : أنتِ أمي لازم رضاك يالغالية
أنا بس كتب الكتاب
والحفلة والزواج بعد أنا ماأخلص دراسة
أم فارس : خلاص يعني كتب الكتاب ينتهي كل شيء مايبقى ألا تحدد الزواج ، الله يوفقك يافارس مع ضيء أو غيرها
فارس : يبوس رأس أمه ، الله لا يحرمني منك يا أمي
أم فارس : تعرف أنه أنتَ الوحيد بين أخوانك ما أفرض عليه شيء (أولا الكبير ومتحمل مسؤولية البيت ثانيا إذا تكلمت ماتغير كلامك مهما صار )
فارس : ليش ماتقولين الغالي وحبيب أمه
أم فارس : ههههههه أقول بس روح الله يهديك لايسمعك عزوز ومتعب
فارس : الجوهرة تكفي عن الباقين
فارس : طلبت يا أمي ما أحد يدري بالموضوع لين قرب الزواج
أم فارس : ليه وش خايف منه
فارس : تعرفين عماني لازم العادات والتدخلات وبنت العم لولد العم
أم فارس : خلاص لا تشيل هم ولا أحد يعرف بالموضوع حتى تخلص دراسة وأنت َتقرر متى تخبرهم كلهم حتى أخوانك
فارس : يوم الخميس تجهزي العصر على أساس أوديك عند وحدة من صحباتك
أم فارس : خلاص توكل على الله


آخر من قام بالتعديل المجد 7; بتاريخ 20-01-2017 الساعة 11:07 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 20-01-2017, 10:27 PM
المجد 7 المجد 7 غير متصل
©؛°¨غرامي مشارك¨°؛©
 
الافتراضي رد: عاصفة قبل الحب


بعد صلاة العصر
قامت ضيء تصلي العصر
خالد: ( أخو ضيء أصغر منها بسنة في صف أول ثانوي
ومراهق لأبعد حد ؛سهر مع أصحابه وفي الأسواق أكثر وقته يرقم البنات حدوده مكالمات مع البنات فقط والباقي عنده خط أحمر ) ضيء أبوي يبغاك في المجلس
ضيء: كم مرة ياخالد قلت لك لاتفتح باب غرفتي لازم تستأذن
خالد: وليه ياعمري أستأذن مدرسة وأنا مدري
ضيء: بنات ولنا خصوصيات
خالد: أسف لكن ماعندنا بنات لهم خصوصية وكلام فاضي يالله قدامي
ضيء: بنزل بس لا تزعجني ياشيخ
في المجلس
حمد : بدون مقدمات ياضيء أنتِ كبرتي ياضيء وتقدم لك شاب للزواج
ضيء : أنا يابابا صغيرة بعد ماهو وقت زواج الآن
( ثاني ثانوي )
حمد : أنا تزوجت أمك أول متوسط كملت عندي
ضيء: زمان غير يابابا
حمد: هو كتب كتاب وبعدين الزواج لما تخلصين
ضيء: طموحي أكمل يابابا الله يخليك لا تحرمني من التعليم الشهادة سلاح للبنت
حمد : اللي تقدم لك مثقف وكل شروطك بقولها له
ضيء: والفلة حلمني أعيش في فلة (تفكير البنات )
خالد : ميت ضحك همك الفلة
حمد : أنت جلست وأنا ماهو راضي بجلستك معنا قلت لك صوتك لا أسمعه
خالد : حاضر طالع عمرك ويطالع لضيء ويغمز لها
حمد: هذا عنده قصور وفلل
خالد : بالله يبه من هو اللي متقدم لها والله معطيه مال مالقي ألا ضيء
حمد : يالله قوم مالك جلسة معنا
خالد: يضحك والله أمزح يبه
حمد :قلت كلمة لا تزيدها
خالد : يقبل رأسه أبوه والله أخر مره يبه
حمد : فارس بن .......الثنيان
خالد : الله وأكبر فارس نسيبنا
ضيء: بابا كبير عليه
حمد : فارس رجال والنعم فيه قبل كل شيء والشيءالثاني ماهو كبير مره ماخلص الجامعة مافيه فرق كبير بينكم ومابسمع ردّك ألا بعد صلاة الاستخارة
وطلع وتركهم
خالد :يضحك تقولين الفلة ههههههه
ضيء: ترمية بالمخدة وتطلع فوق
*******
يوم الأربعاء في غرفة ضيء
مريم أم ضيء: مارديت ياضيء على أبوك
ضيء : بعد أفكر ياماما
مريم أمها : ليش ماقال لك أبوك بكرة كتب الكتاب
ضيء:أيش
أمها : الرجال مستعجل عنده ظروف
وأبوك يحب فارس
وأنتِ عارفة علشان كذه رد وقال له موافقة
ضيء: تبكي ليه بدون مايأخذ موافقتي
أمها :أبوك يعرف مصلحتك
وأنتِ تعرفين أبوك أكثر من أي أحد ثاني ومديون يمكن يرتاح من عّم فارس بالموافقة
ضيء: علشان كذه بابا وافق بس علشان يتخلص من ديونه
~~~~~
حمد يفتح الباب
حمد: تتوقعين ياضيء أنه علشان الديون أزوجك ، بس علشان كذه بتصل على فارس وألغى هذا الزواج ولا تفكرين أنك رخيصة ياضيء عند أبوك .
تقوم تضيء : وتضم أبوها ماعاش من يزعلك وأنت أحرص مني على حياتي وأكيد ماتهمك الفلوس أكثر من حياتي يالغالي
أنا موافقة حتى لو بكرة الزواج ولا تزعل أصلا أنتَ دائما تكلمنا عن فارس وزميله من زمان وتعرفه أكثر منا
حمد : يقبل رأسها يعني هذا أخر كلامك ،
ضيء: تهز رأسها موافقة
**********************


آخر من قام بالتعديل المجد 7; بتاريخ 20-01-2017 الساعة 11:15 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 20-01-2017, 11:23 PM
المجد 7 المجد 7 غير متصل
©؛°¨غرامي مشارك¨°؛©
 
الافتراضي رد: عاصفة قبل الحب


يوم الخميس

الخوف من الحب

قالت له : أخاف أن أحبك .. فأفقدك ثم أتألم

وأخاف أيضا أن لا أحبك .. فتضيع فرصة الحب .. فأندم


قال : هذة فلسفة أم هذيان أم فزورة ؟


قالت : قل عنه ماشئت … لكنه شئ تضطرب به روحي

&&&&&&&
ضيء تستعد لهذا اليوم
( متوترة ~ خايفة ~ مضطربة )
معلومة عن ضيء بسيطة
$$$ كتومة لا تخبر أحد بما يدور في نفسها وأسرارها لايعلم بها أحد حتى صديقتها تهاني ،وناعمة ،وجميلة وشعرها طويل ودايم مصبوغ باللون الغزالي تحب هذا اللون ومناسب لبشرتها البيضاء ، طموحة تحب الأفضل في حياتها ، ذويقة في ملابسها ، عندها مشكلة ضعف في البصر ، تحب النظام $$$

أم ضيء : وش هذا الجمال ماشاء الله ، نفسي أعرف ليش ترفضين تقابلين خطيبك وأنت َجميلة وأنيقة
ضيء : ماما فترة الخطوبة طويلة وهذه عائلة الله منعم عليها ، أخاف يمل مني ويتركني
أم ضيء: ماشاء الله عليك تفكرين في شيء أكبر من سنك وتفكيرك ، أم فارس بتحضر اليوم
ضيء: يارب تسهل الأمور
*******
فارس : ينادي أمي يالله تأخرنا
الجوهرة : وين وين بروح معكم
أم فارس : تنزل من الدرج وهي تلبس العباية
بروح لصديقتي ريم تروحين معي
الجوهرة : لا والله ما أروح
وش رأيك تأجلين مشوارك ونروح بيت عمي صالح
أم فارس : أقول مع السلامة
متعب : يشرب في فنجال الشاهي في الصالة مدري ياعزوز حاس أن أمي وفارس وراءهم شيء اليوم وبالذات فارس كاشخ بالعادة يحب البدل أكثر من الثوب
عزوز : يناظر فيهم والله مدري عنهم ، ياخبر بفلوس بكرة ببلاش
فارس : أقول تعوذ أنتَ وهو من أبليس
وفكوني من عيونكم اللي طالعة من رؤوسكم


آخر من قام بالتعديل المجد 7; بتاريخ 20-01-2017 الساعة 11:48 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 21-01-2017, 12:26 AM
المجد 7 المجد 7 غير متصل
©؛°¨غرامي مشارك¨°؛©
 
الافتراضي رد: عاصفة قبل الحب


اللحظة المنتظرة

بعد المشوار الطويل الذي يقطعه القلب .. نحتاج إلى راحة طويلة .. تمامًا كما نفعل بعد المشوار الطويل الذي نقطعه بأقدامنا ... فالعواطف كالدم واللحم ... والأنسجة تحتاج إلى وقت لتتجدد..

••••••••••
يوصل فارس وأمه
أم فارس : معقوله هذه الفلة ، يمكن غلطان
فارس : لا هذه الفلة ، شوفي كيف شكلها حلو من الخارج مدري كيف من الداخل
^^^^^
في قسم الحريم
تدخل أم فارس وترحب بها أم ضيء
أم فارس : تتأمل مجلس الحريم روعة في الأثاث والتحف والديكور معقولة هذا بيت حمد اللي يكلمني عنه فارس
وزوجته حلوة كيف البنت
ويتوسط المجلس طاولة كبيرة عليها أشكال وأنواع من الحلويات والفطائر
ترحب أم ضيء وتصب لها من القهوة العربية مع التمر والحلويات
أم فارس : الله يعطيك العافية
*******^
في قسم الرجال
فارس : حاله لايقل عن أمه مندهش من التصميم والأثاث والتحف
ماتوقع هذا الشيء
( ما ألوم حمد لما يتسلف ) في نفسه
خالد : يرحب بفارس ويصب له القهوة العربية والتمر
ونفس الطاولة عند الرجال جميع أنواع الحلا والفطائر .
فارس : هذا ولدك خالد
حمد : أيوه ماعندي غيره زي ماتعرف بس البنات أربع
فارس : الله يحفظهم لك
يدخل الشيخ : ويسلم عليهم
ويكتب الكتاب
يتفاجأ فارس بشروط العروس
1- تكمل الدراسة
2- لها بيت مستقل
3- مايمنعها من وظيفة ولا أهلها
4- ماتجبر على زيارة أحد
5- لو حصل طلاق أو غيره دفع مبلغ للعروسة نصف مليون ريال
وقع بخط كبير وواضح
الشيخ : الأنسة ضيء بنت حمد ..... موافقة على فارس ....... الثنيان زوج لك
رفعت ضيء صوتها موافقة
حمد أخذ الدفتر وخرج للصالة
وقرأت ضيء الشروط ووقعت
ثم دخلت على أم فارس وألقت السلام
أم فارس : تقف تسلم عليها ، ماشاء الله وش هذا الجمال
يابخت فارس
ضيء: تحمر خدودها وتبتسم .
تجلسها أم فارس بجوارها
أم فارس : كيفك ياضيء
ضيء : الحمدلله ، كيفك ياخالة
أم فارس : الحمدلله ، وتعطيها كيس هذه هديتي وهدية العريس
والطقم حقك خلي فارس يلبسك لما يدخل
ضيء : تناظر في أمها وتقول شكرًا ياخالة على الهدية
وتقوم وتخرج خارج الغرفة
أم ضيء : أعذرينا يا أم فارس لكن عندنا البنت ماتطلع للعريس ألا ليلة الزواج
أم فارس : الله يوفقها
*********
فارس : يكلم حمد بينه وبين
ليش الشروط هذه
حمد : هذه شروط العروسة
ماعجبك ليش توقع
فارس : أسمعني أولا بيت لوحدها صعبة
بيتنا كبير ويكفي عشر عوائل
حمد : أخوانك معك في نفس البيت شباب
مايصلح يعني تأخذون راحتكم أكل وجلوس
وأخاف يتضايقون أهلك أو بنتي
واذا اتفقت أنتَ والعروسة بعدين عادي عندي
أهم شيء تضبط وضعكم وتقنع بنتي
وثانيا
فارس : الوظيفة تعرف وضعنا المادي
مابقصر معها وبمشيء لها راتب يغنيها عن الوظيفة
حمد : هذه شروطها يمكن عندها طموح أو أحلام بعد دراستها ليش تحكم وماشفت التخصص حقها والمجال اللي تبغاه
على العموم حنا على بر إذا عندك أعتراض
تقدر تهون عن الزواج حتى مبلغ نصف مليون نتنازل عنه
انتهى البارت
سبحانك اللهم وبحمدك


آخر من قام بالتعديل المجد 7; بتاريخ 21-01-2017 الساعة 02:39 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 21-01-2017, 01:34 AM
المجد 7 المجد 7 غير متصل
©؛°¨غرامي مشارك¨°؛©
 
الافتراضي رد: عاصفة قبل الحب


الجزء الثاني
فارس : ماهقيتها منك ياحمد كل كلمة والثاني أترك وهون
وش هذا الكلام أنا شاري ضيء
ولو ما أبغاها ماوقعت ماني بزر
حمد : أسف يافارس بس أسئلتك
فارس : لابس ولاشيء. متى أدخل أشوف العروسة
خالد : يضحك يالنسيب مافيه كلمة عمي حمد
فارس : أنا متعود على حمد
وأسف والله ما أنتبهت عمي حمد
خالد : كذه تعجبني هههههه
حمد طالع في خالد بنظره صكت بعدها
فارس :هاه ياعمي حمد متى أشوف العروسة
حمد : مدري وش أقول لك يافارس العروسة رفضت .
فارس أنقهر منهم بس ماحب يوضح
فارس : إلى متى
حمد : إلى وقت الزواج
فارس : على العموم خذ هذا مهرها
بس بقابل عمتي اذا ماعندك مانع بعطيها هدية بنفسي
وش رأيك
حمد : خالد خذ فارس للصالة يقابل أمك
^^^^^^^
فارس : يمسك يد خالد في الصالة
ماتقدر تقنعها أقابلها
خالد: مستحيل هي اللي مااكده على أبويه ويقلدها بصوت ناعم
( بابا تكفى طلبتك مابقابل فارس )
وأنتَ أثقل عاد طول وعرض مايصلح خفة عقل معها
فارس : يضربه على رأسه خلاص كفايه .
تدخل أم ضيء صالة الرجال
تلقي السلام
فارس : يرد السلام ويسلم على رأسها
( أمها حلوة كيف العروسة أجل ) في نفسه
كيفك ياخالة
أم ضيء: الحمدلله ومبروك عليك والله يتمم فرحتك ويسعدكم
فارس : آآمييين
خذي ياخالة هديتك ( ظرف فيه عشرة الالف )
أم ضيء: والله ماله داعي هذا الله يوفقك
فارس : هذا واجب
نادي أمي تأخرنا
خالد : يضحك ماقلتي له يمه على الفلة
أم ضيء : عطته نظرة ودخلت
خالد: يضحك ككككككك
فارس : يلوي يده وراء ظهره يالله تكلم وش قصة الفلة
خالد : فك وأقول لك أصلا ناوي على ضيء بعلمك من قبل
فارس : تكلم
خالد : الله يسلمك ، هذه ضيء عشقها الفلة وكل اللي تشوفه ذوقها خلت أبويه على الحديدة من أفكارها
بس لما خطبت كككككككك
فارس : تكلم
خالد : التكملهً خليتها للعروسة والله مايعلمك غيرها
فارس : أجل مع السلامة وودع حمد وطلع
*******
في السيارة
أم فارس :اللي شفته اليوم مايقول زميلك عليه ديون أو محتاج البيت وديكوره جنان
فارس : والعروسة اللي ما أخذه قلبي هههههه
أم فارس : صغيرة مرة وجميلة قابلت أمها
فارس : أيوه والله ناس محترمين
أم فارس : البنت أحلى من أمها وأطول
فارس : يضحك هههههه ماقلت لك ملكت القلب
أم فارس : أصلا كذاب ماشفتها كيف ملكت القلب
أخاف ضغطت على الرجال بسبب الديون
فارس : ليش ما أخاف الله وش هذا الكلام
أم فارس : حتى وهي زوجتك رفضوا تقابلها
فارس :أنا واثق من أختياري
^^^^^^
بعد أسبوع
في بيت حمد
حمد : حرام أخذ من مهرك لكن بخليه دين بكتب لك ورقة
ضيء: وش هذا الكلام يبه والله ماتكتب ورقة
سدد ديونك والمهر اللي جاءني أكثر مما نحتاج
حمد : فتحت الحساب ياويلك تأخذين ريال منه لين يقرب الزواج
ضيء: على أمرك يبه
*********
في الشركة
حمد : الحمدلله سددت اللي عليه
بس باقي بكتب ورقة لضيء علشان أسددها بعدين
فارس : وش هذا الكلام هي قالت لك كذه
حمد : حلفت ما أرجعه بس أنا ما أرتاح لين أسددك وأسدد ضي ء
فارس : يطّلع أوراق الدين ويمزقها قدام حمد
هذا شروط الزواج وألا نسيت
والمهر مصروف وزيادة في مهرها
وكل شيء أنتهى بس كمل قروضك وبنتك موافقة وأنتهى وضعك
حمد : يمسح دمعه نزلت منه غصب
والله يافارس أني مانمت البارح ، صعبت شروط الزواج عليك وأنتَ حسيتك ماهو راضي
فارس : ومن قال لك ماني راضي بالعكس راحت ضيء أهم شيء في حياتي لو تبغى المريخ والله ما أردها
ولا تشيل همنا الله يهديك بس
حمد : خذ رقم ضيء وكلمها متى ماتريد بس أول شيء أوعدني أنك ماتطلب تشوفها أو تجبرها لان ضيء لها وجهت نظر في هذا الموضوع وأنا معها في نفس الرأي
فارس : أقول هات هات والله ماتطلع معي وهي بنت حمد ولا أشوفها تعلمني عنكم
حمد : ههههههه
فارس : بطلب منك طلب لا أحد يدري بخطوبتي
حمد : ليش
فارس : عماني عندهم الولد لبنت عمه
وأنا مايقدرون عليه بس ما أبغى وجع رأس
كفاية شركة وجامعة الآن
حمد : لك اللي تبغى ، بس لا تظلم بنتِ يافارس
فارس : كنك ماتعرف فارس
توكل على الله هذه زوجتي لاتخاف
وعلى فكرة كل شهر بنزل لها مصروفها الآن محسوبة عليه
حمد : وش شايفني
فارس : لاحول ولا قوة ألا بالله والنعم فيك بس هذه زوجتي لو بأخذها بكرة ما أحد يلومني بس ناقص حفلة للزواج تراه شكلاليات
وهي صارت زوجتي وانتهى الموضوع ومصروفها عليه بحول لها بعد ما أفتح لها حساب
حمد : كيفك أنتَ وهي ، رقمها عندك وتفاهم معها
***********

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 21-01-2017, 02:38 AM
المجد 7 المجد 7 غير متصل
©؛°¨غرامي مشارك¨°؛©
 
الافتراضي رد: عاصفة قبل الحب


في الليل الساعة عشر
فارس متردد يكلمها ، بس قرر يدق عليها
فارس : أتصل ومع ثالث رنة ردت
ضيء : هلا
فارس : السلام عليكم ورحمة الله
معك فارس زوجك
ضيء : وعليكم السلام ورحمة الله
هلا ، بابا خبرني أنه أعطاك رقمي
فارس : سؤال بقوله لك
علشان كذه رديتي على أتصالي تعرفين رقمي
ضيء: تضحك بنعومة
والله ما أخذته ولا أعرفه بس أنا دائم أرد على جوالي رقم أعرفه وألا ما أعرفه
فارس:( هذه صريحة وعادي تقولها في وجههي )أقول ضيء في صف كم الآن أنتِ
ضيء: بصراحة لك يوم موقع عقد الزواج ما أظن نسيت المعلومات عني ألا إذا بحكم سنك هذا شيء ثاني
فارس : ليش مايكون من كثر أشغالي
المهم مدام أن عمرك صغير ف أكيد ماتعرفين تميزين بين الصح والخطأ ، وأنا بحكم سني وخبرتي في الحياة أقول لك لا عاد تردين على رقم ماتعرفينه مهما يصير
ضيء : ليه ما أعرف أرد وألا أصك في وجهه الغلطان وش بيصير لو رديت بينقز من فوق الساعة عليه وألا أيش
مادام تربيتي صح لا تخاف العمر ماهو مقياس للتميز بين الصح وألا الخطأ
فارس : المهم عليه حذرتك
ولازم تعرفين الشيء اللي يزعلني ويرضين
علشان تمشيء حياتنا صح
ضيء: جزاك الله خير ، وأن شاء الله أحاول في هذا الشيء
فارس ( البنت كلامها أكبر من عمرها الله يستر منها )في نفسه
ضيء : تأمر على شيء
عندنا الجوال لوقت محدد نكلم فيه بالذات بالليل طال عمرك ممنوع نخالف بابا مهما كان الشخص
فارس : مع السلامة ياقلب فارس
صكت الجوال في وجهه
فارس : ميت ضحك عليها
^^^^^^


آخر من قام بالتعديل المجد 7; بتاريخ 21-01-2017 الساعة 02:45 AM.
الرد باقتباس
إضافة رد
الإشارات المرجعية

عاصفة قبل الحب/بقلمي

الوسوم
الحب , عاصفة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
الوقوع في الحب/بقلمي misskitkat90 روايات - طويلة 1 13-04-2017 01:02 AM
احداث اليمن السعيد عاصفة الحزم واعادة الامل تحديث مستمر بدرالتميمي أخبار عامة - جرائم - اثارة 437 26-08-2016 10:54 PM
عاصفة من نوع أخر <---عزوز---< نقاش و حوار - غرام 22 09-07-2016 12:01 AM
"تيفو" الاتحاد أمام النصر رسالة حب للقوات العسكرية في عاصفة الحزم @yazeed@ كووره عربية 13 03-04-2015 02:28 PM
صور الثلج / عاصفة جنى امير العزم صور في صور - صور غريبه - صور كاريكاتير 11 14-03-2015 12:20 PM

الساعة الآن +3: 02:36 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1