اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 151
قديم(ـة) 20-03-2017, 02:05 AM
صورة بريق الأنوثة الرمزية
بريق الأنوثة بريق الأنوثة غير متصل
©؛°¨غرامي متألق ¨°؛©
 
الافتراضي رد: انزع الحب حينئذ تصبح أرضنا قبر/بقلمي


أول شي عظم الله أجرك أخر الأحزان انشاء الله مالنا الا الصبر ياقلبي ادعيلها هي تحتاجها أكثر من دموعك
وترى كلنا بهذا الطريق وإذا على كذ ارتاحي وبعدين كملي عادي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 152
قديم(ـة) 20-03-2017, 02:33 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: انزع الحب حينئذ تصبح أرضنا قبر/بقلمي


عظم الله أجرك والله يرحمها ويغفر لها
ولا تضايقين نفسك ياقلبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 153
قديم(ـة) 20-03-2017, 03:09 AM
صورة Baraem al Saba الرمزية
Baraem al Saba Baraem al Saba غير متصل
©؛°¨غرامي متألق ¨°؛©
 
الافتراضي رد: انزع الحب حينئذ تصبح أرضنا قبر/بقلمي






قبل العصر شافت الجازي سعد يدخل و يطلع ويروح لمضاوي و الخدامه و يرجع يدخل على طلال وبعد عشر دقايق طلع طلال و سعد بثوب و شماغ وعقال و كان اليوم عيد سلم طلال عليها وخرج اما سعد وقف عند الجازي
سعد بطفش : يمه فين الكبك الأزرق
الجازي تأملت سعد كان شكله يسعد القلب ابتسمت : في غرفتك
سعد : ما حصلت شي
دخلت الجازي غرفة سعد وطلعت من الكبت صندوق في اكسسوارات خاصه فيه وخرجت الكبك : هذا
سعد باستغراب : والله ماشفتها ....... اي ، بعد ما ركب الكبك تامل نفسه في المرايا : يمه ابوي عنده سحبه لونها ازرق
الجازي استغربت الطلب : لا بس أظن عند سلمان
سعد التفت على امه : طيب يمه ابيها الله يخليك
راحت الجازي غرفة سلمان وطلعت منها سبحة شبابية و دخلت عليه هو يفتش في الصندوق طلع خاتم لونه فضي و تأمله مع الساعه : هههههههه حلو حلو بس ليه كل هذي الكشخه
سعد اخذ السبحة وقف عند المرايا هو يحرك السبحة : كيف الحين ينفع أكون اخو العريس
تأملت الجازي سعد كان متغير مئه و عشرين درجه ابتسمت : الا قول عريس ما شاء الله تبارك الله بس ما قلت ليه كل هذي الكشخه
سعد سلم على الجازي بشكل سريع : اليوم صقر بيعقد على اخت تركي ..... يلا مع السلامه طلال الحين طفش
الجازي كانت مصدوما من اللي قاله سعد و تحاول تستوعب ايش قال جلست على الكرسي نزلت دموعها بشكل سريع من غير ما تحس بعد عشر او عشرين او ثلاثين او ساعه ما تعرف ما حسّت في الوقت و ماصحت من صدمتها غير لما جسمها لمس جسم عبدالاله حاولت تبتعد عنه بس هو شدها اكثر تكلمت وجسمها يهتز : ماقال لي بس يقول كثيرة
عبدالاله مسح على راْسها : يمكن نسي
الجازي انفجرت تبكي وهي تردد : انا امه و الله امه
عبدالاله تنهد : انتي اللي مارضيتي تقولين له الحقيقه
الجازي ابتعدت بصوت شبه عالي : هو سأل لا و اذا سال راح يصدق لا لان اللي صار ما يتصدق كيف ولد عمها تركها عشانها تفشله الجاهله و القروي الغبيه و ابوه يقفل عليه ويلومها لانه تركها بدل ما يروح يقول له اترك الولد لها خليها تشوف خلي يعرفها على الأقل والحين هو يحاسبني على شي مالي ذنب فيه ، غطت وجهها ورجعت تبكي بقوه جلس عبدالاله على ركبه هو يسحب يدها بس هي نزلت يدها : ليه هذا الولد ماني قدره افرح فيه
عبدالاله حضن كفوفها : خلاص عمري ولدك يبي له وقت
الجازي و هي تحاول تهداء : ليه السنين اللي راحت ما تكفي
عبدالاله سلم على كفوها : عمري انتي قوية اذا صبرتي اربع وعشرين سنه ماتقدرين الحين تصبرين ايام
الجازي بحزن : اخاف امو......
قطعها عبدالاله هو يحضنها بقوه : لا تقوي هذا الكلام مره ثانيه
بكت على صدره و عبدالاله يفكر يقول لصقر او يصير مثل ما الجازي توقعت و يزيد غضبه
كانت الجازي أم مثل غيرها تبي تختار لولدها العروس او على الأقل تعرف و تشوفها مين اللي هو يبيها بس صقر بحركة اليوم أوصل لها رساله غير مباشرة وهي انتي اسم في حياتي لا اقل ولا اكثر خصوصاً انه كان موجود امس و اليوم و ما قال لها شي












سالم طائر من الفرحة اليوم كملت سعادته و شاف ولده عريس جنبه من شدت سعادته ما انتبه على اسم طلال لما شهد على زواج اخوه ، بعد انتهى كل شي عزم فهد الكل على العشا و بعد صلاة العشاء وقف سالم يتكلم مع فهد في هذي اللحظه مر طلال و صقر من جنبهم
سالم بفضول : تعرف هذا اللي مع صقر
فهد التفت على صقر و طلال : هذا اخو صقر
سالم تغيرت معالم وجهه : اخوه
فهد : اي اخوه هو و الصغير اللي مع تركي و عبدالعزيز
سالم طالع في طلال : ماشاء الله
فهد اشر لسالم عشان يمشي : صدق ماشاء الله يدرس هندسة و متفوق عرض علي مشروع خاص فيه كان قمة في الإبداع
سالم سكت هو يتأمل طلال واقف عند الباب يتكلم مع صقر و كأنه يعرفه من سنين لما وصل عنده : ادخلوا ليه واقفين هنا
صقر مسك طلال من كتفه : مو راضي يقول عن......
قاطعه فهد بحزم : مافي اعذار بكرا لا دراسه ولا شغل
ما قدر يقول شي ودخل معاهم و بعد العشا جلس سعد جنب صقر : بكرا رايحين لجدة
صقر ابتسم : حتى عمي
سعد تنهد : اي يقول طلال و فاطمة يجون يوم الأربعاء اما هو رايح معانا يقول عنده شغل هناك
طلال شد على فخذ سعد : يلا مشينا
سعد وقف : طيب ...... يلا مع السلامه
بعد راحوا التفت سالم على صقر : الولد هذا يشبهك سبحان الله
صقر التفت : يعني مو مره
سالم بفضول : في اي فصل
صقر ابتسم : ثالث متوسط ، سالم كان نفسه يسال كم عند امك عيال بس سكت لان الإجابة ما راح تفيده و مالها معنى صقر وقف لما شاف اسم ندى على شاشات الجوال : يلا بروح اشوف العروس
سالم انفجر يضحك : هههههههههه اي روح شوفها
صقر ضحك و اشر بيده مع السلامه
من الجهه الثانيه كانت الجازي محتاره تتصل او لا المنطق يقول اتصلي و باركي اذا هو ما يعرف الأصول انتي تعرفيها تأملت رقمه للمره الألف صحت على صوت عبد الاله : ما اتصلتي
الجازي تنهدت : اخاف اخرب فرحته
عبدالاله اخذ منها الجوال و اتصل : لا تخربين علية ولا شي انتي امه ولازم يحس انه غلط لما ما قال لك ، انتهى الاتصال بس مارد عليه : مارد شكله يا بعيد او على الصامت ارسلي عليه أحسن
عبد الاله أعطاها الجوال بعد طلع ضلت تفكر ايش تكتب " كان نفسي أكون معاك اليوم ' مسحتها وكتبت ' الله يتمم لك عَل.......' مسحتها وكتبت " مبروك "" و ارسلتها









تعشا ناصر و اشجان في مطعم كان عشا هادي و خفيف و الكلام كان جداً سطحي بعد العشا اخذها يمشيها على شوارع مكه الى ان انتصف الليل و رجعوا على الفندق ، فتح ناصر لها الباب عشان تنصدم بالشموع اللي تنور الغرفة بألوانها و رائحتها الجميل غير الورد الأبيض اللي زين الارض و باقة ورود كبيره على السرير لتفتت عليه وهي تبتسم : ايش هذا
مسكها ناصر بيدها ودخلها غرفة النوم و اخذ الباقة و أعطاها لها هو يردد شي من قصيدة اعتذار " لنزار قباني : أقدم اعتذاري لوجهك الحزين مثل شمس آخر النهارِ عن الكتابات التي كتبتها عن الحماقات التي ارتكبتها عن كل ما أحدثته .. في جسمك النقي من دمارِ و كل ما أثرته حولكِ من غبارِ أقدم اعتذاري
مسح دموعها بطراف أصابعه بصوت هادي و رقيق : أسف للمره المئه ، حضن وجهها : هااااا سامحيني
اشجان تامل عيونه كانت عارفه انه يحبها وراح يجي يوم ويرفع صوته لان هذا طبع صعب يغيره طالعت في الورد كان بينها سلسله فيها قلب صغير و كرت مكتوب فيه نفس الكلام اللي ردده عليها ضمت الورد رفعت راْسها : ما اقدر اقول لا بس اوعدني انه على الأقل ما ترفع صوتك علي قدام احد من اهلي او اهلك
ناصر اخذ منها الباقة وحطها على سرير و شدها الى صدره هو يسلم على اي مكان يوصله هو يردد (( ان شاء الله ....... ان شاء الله ))
اشجان تحاول تبعد عنه : ههههههههه خلاص ناصر
ناصر حضنها و همس في إذنها : اشتقت لك






شدن و وجدان ما تكلموا من امس اما هديل كانت حاسه في شي بس مو عارفه ايش هو خصوصاً لما شدن رجعت نامت معاها في الغرفه ، بعد صلاة الجمعة دخل ريان و رائد غرفة هديل
رائد جلس على طرف السرير : هدول هدول جدتي تقول فينك
هديل وقفت عند المرايا اطالع شعرها : شعري طول صح
ريان تأفف : جدتي تقول اختك مريضة ولا فيها شي و انتي ولا هنا
هديل اخذت سكارف احمر و ابيض ولفته على شعرها من وراء وسوت فيونكه على جنب وطالعت شكلها بإعجاب : حلوه صح
رائد وقف جنبها : اي ....... اشجان متى تجي
هديل حطت يدها على رقبة رائد : تقول قبل المغرب
ريان هو طالع قدامها : بتنام
هديل : ما قالت شي
لما كانت بتطلع من البيت وقفها صوت وجدان : فين رايحه
رائد التفت عليها : لجدتي بعدين امي تقول تعالي للغداء
وجدان طنشت رائد : نازله كذا
هديل كان عليها جينز و بلوزه كت بيضاء استغربت : ايوه.... ليش
وجدان اشرت على عباية لهديل على الشماعه : طيب البسي عبايتك
هديل طالعت فيها شوي : هههههههههههه لا والله انا انزل و اطلع من قدام بابا و ماما ما قالوا لي البسي تجين انتي تتحكمين ، وهي تقلدت طريقة كلام وجدان : البسي عبايتك والله
وجدان كانت بترد عليها بس هي طنشتها ونزلت عصبت و دخلت غرفتها كانت شدن واقفه عند المرايا استغربت لما ضربت الباب بقوه : بِسْم الله الرحمن الرحيم ايش فيك ، جلست على السرير طنشتها شدن لما ما ردت عليها اخذت حجابها : مو نازله
وجدان من غير نفس : لا
شدن طالعت فيها شوي : تمام ...... امممممممم صح في هذا الوقت فكري شوي لو احد كذب عليك و طردك من المدرسه ايش راح تسوين فيه اذا شفتيه
وجدان بصوت عالي : ماراح اسوي شي
شدن ابتسمت : هذي انتي بس هدى و سمر لا
طلعت شدن و جدان نامت على ظهرها تفكر في شي ثاني في هذي اللحظه رِن جوالها كانت رساله من هدى (( سلام عليكم جوجو )) ارسلت (( وعليكم السلام )) هدى (( كيفك )) وجدان (( الحمدالله )) انتي كيف )) هدى (( الحمدالله ......... وجدان شكلي جبت لك مشاكل مع اختك )) أرسلت وجدان (( عادي ما صار شي )) ردت هدى (( اذا معرفتي راح تسوي مشاكل بينك وبين اختك ماني زعلانه اذا ما رديتي على السلام مقدره ))
تنهدت وجدان (( انا حره امشي و أكلم اللي ابي )) بس رجعت مسحتها و كتبت (( ان شاء الله ما يصير شي )) أرسلت هدى فيس مبتسم ( ان شاء الله مع السلامه)) أرسلت وجدان (( مع السلامه ))
حطت وجدان الجوال وغطت وجهها بالوساده
من الجهه الثانيه رمت هدى الجوال على السرير : ههههههههههه والله غبيه البنت هذي
سمر اخذت الجوال : الحين تأخذين حقك منها و طلعين اللي ما قدرتي تسوي في شدن ، وأخذت نفس طويل و بهيام : و اشجان ههههههههههه
هدى نامت على السرير : تو تو تو لا لا لا اشجان غير عنهم اشجان حبوبه وطيبه و انتي فاكره ايش كان نسوي فيها ولا تقول شي حتى اذا ضايقنها ترد علينا ب لطافة مو مثل الحقيرات وجدان و شدن
سمر بفضول : انا بس بعرف ايش بتسوين
هدى بفخر : صدقيني اللي بسوي فيها الشيطان يتبرأ منه هههههههههههه
سمر غمزة لها : والله قدها يا هدهد هههههههههههههه












صقر بعد قرأ رسالة امه حس بتأنيب الضمير مهما كان هذي امه و المفروض يقول لها بس كان في شي يقول له أحسن هي اصلاً مو الأم اللي يفتخر فيها و يقف جنبها ويقول هذي امي ، بس من غير ما يحس لقي نفسه يقف عند بيتها تردد في الاول في الاخير قرر يشوفها
الجازي انتهت من تحضير الغداء اللي مثل العاده يوم الجمعة يكون مرقوق مثل ما يحب عبدالاله لما دق الباب نزل سعد يجري هو يصرخ : اكيد صقر
ابتسم الجازي لما شافت سعد يجري للباب بس ما كانت متوقعه يكون صقر هو اللي عند الباب طلعت فاطمة من المطبخ و معاها السلطه و مضاوي الماء اللي شافت صقر يدخل مع سعد : هلا والله بالعريس
كانت الجازي طالعه تنادي عبدالاله لما سمعت كلام مضاوي نزلت بسرعه : هلا يمه حياك تفضل
كان الجو شي حلو يشبه جو ابوه ابو نواف مع اخوانه بس اكثر شي شده السفره المفروشه على الارض ، سلم صقر على امه : الله يبقيك كيفك
الجازي نسيت حزن امس وهي تشوفه واقف قدامها : الحمدالله ....... تفضل
فاطمة سلمت عليه : مبروك
صقر : الله يبارك فيك
مضاوي سلمت عليه : مبروك
صقر : الله يبارك فيك
فاطمة بعتب : شوف والله زعلت يعني تعزم طلال و صقر و انا لا
صقر انحرج ما عرف ايش يقول ، الجازي تأشر لصقر عشان يجلس : مضاوي روحي نادي ابوك و اخوك للغداء
صقر كان عارف ان الوقت اللي جاء فيه غلط بس كان لازم يشوف امه قبل تسافر جلس و التفت على فاطمة : كان بس كتب كتاب بس خالي عزمنا على العشا
فاطمة جلست جنبه : طيب اختيارك او اختيار امك
صقر ابتسم و عيونه على امه : لا والله اختياري
فاطمة صفقت : يييييي والله مو سهل يا ابو مين ان شاء الله
صقر : هههههههههههههههه ابو سالم
عبدالاله نزلت بخطى واسعه و ابتسامه صادقه : حياك الله يا ولدي تو ما نور البيت
صقر وقف وسلم : النور نور اهله
عبدالاله ابتسم وشد على عضده : وانت من اهله يا ولدي ..... كيفك
صقر : الحمدالله
عبدالاله كان لسى ماسك يد صقر : مبروك
صقر : الله يبارك فيك
عبدالاله يشر على السفره : تفضل
فاطمة جلست جنب امها : تعال ذوق مرقوق امي يجنن
الجازي ابتسمت : يوم هو يجنن ما اشوفك تأكلي منه انتي و اختك
مضاوي اخذت سلطة : ماما انا اكل بس شوي انتي ما شاء الله تكثري الدسم
فاطمة كانت تاكل بملعقة صغير : والله انا يا ماما اكل بس انتي تعرفين الحين الفستان ما يجي علي
الجازي حطت شويت مرقوق في صحن صقر بسخرية : لي سنين وانا شوفك كذا ما زاد فيك شي
طلال : ههههههههههه اصلاً انتي الى اليوم ما تشترين الا من قسم الأطفال
فاطمة بسخرية : أحسن من اللي يادوب يجي عليه ثلاث اكسات
طلال فتح عيونه على الاخر : بِسْم الله عليه انا قصير صح بس مو دب
عبدالاله اخذ رشفه من الماء : ولا تزعل انت تأخذ من قسم اللي تأخذ منه
الكل : هههههههههههه
طلال ابتسم : ما عندي مشكله المهم يبه بلعب حديد
عبدالاله : اذا عندك وقت و تبي تستمر روح
فاطمة بجديه : لا تروح انت مو جالس عمرك كله تلعب حديد اذا تركتها راح يترهل جسمك غير الأضرار الثانيه
الجازي كانت عينها كل شوي تروح على الضيف الصامت كان يسمع مناوشات عيالها اللي ما تنتهي و يفكر و بهمس : يمه تغداء
صقر التفت عليها وأشر براسه بطيب ، مضاوي بفضول : صقر الحين صدق شدن زوجة فواز تصير انت عمها
التفت عليها صقر : اي
سعد بسخرية : شفتي انا ما اكذب هو قال لي
فاطمة : صقر كم عندك اخوان
صقر : اخواني من الرضاعة اربع
مضاوي بصدق : تدري ان جدتي بكت يوم عرفت انك كنت جنبها ولا تعرفك
تنهد صقر وعيونه على امه : دنيا نكون أهل ولا نعرف بعض
الكل مهتم لهذي الكلمة و اشغل في الاكل الا الجازي اللي نزلت دمعه متمردة من طرف عينها مسحتها بطراف أصابعها ، مضاوي : صقر ايش اسم خطيبتك
سعد التفت عليه : انا قلت لك
مضاوي باستغراب : متى
سعد : والله قلت لك اسم اخت تركي بسمه
فاطمة أعجبها الاسم : والله حلو اسمها اكيد هي حلوه صح
سعد باندفاع : ح.......
صقر بسرعه حط يده على فم سعد : متى شفتها
فاطمة : ههههههههه ايش هذي غيره
سعد ابعد يد صقر و فهم عليه انه ما يبيه يوصفها قدام طلال : اصلاً كنت بقول حاجه ما تخصك
فاطمة مسحت فمها وقفت : عادي بكرا أشوفها
طلال التفت على صقر : متى بتسافر
صقر : الأربعاء او الخميس
طلال التفت على بوه : خلاص صقر يجلس مع فاطمة
عبدالاله بحزم : لا
صقر يمثل الزعل : ليه لا اذا ما عند طلال شي يروح معاكم وانا اجلس مع فاطمة
عبدالاله بصدق : يا ولدي مابي اثقل عليك
صقر ابتعد عن الاكل : لا تثقل ولا شي هذي اختي و انت في مقام ابوي
عبدالاله بصدق : والله هذا من طيب اصلك يا ولدي ........ بس فين رايح تغداء
صقر وقف : الحمدالله













حياة مريم صارت جداً بارده مثل زمان بس كانت هذي المره بشكل اكبر و فواز بدأ ينسى ان له زوجه و صديقة اسمها مريم و هذا زاد من خوفها ان كلام مضاوي يكون صح خصوصاً لما صارت ما تتصل عليه ، صحتها صارت كل يوم اسوء من اليوم اللي قبل و دايم في غرفتها ما تخرج منها غير لما يكون عندها رغبه في الاكل مضاوي كانت تتصل عيها بين فتره و فتره بس كانت ما ترد عليها و اليوم مضاوي قررت تزورها ضلت تستنى في الصاله اكثر من ساعه بس ما نزلت رجعت نادت الشغاله : ايش قالت لك
الشغاله : الحين ينزل
مضاوي بدأ باله ينشغل بعد تردد قررت تطلع غرفتها دقت الباب مره و ثنين و ثلاث بس ما احد رد عليها زاد خوفها دخلت الغرفه كانت نايمه على الكنبه اقتربت منها و لمست جبينها كانت حرارتها مرتفعة ضربت على خدها بس ما ردت عليها طلعت جوالها و اتصلت على فواز : تعال لي بسرعه انا في بيت مريم ، ما اعطته فرصه يرد عليها سكرت الخط ونادت الشغاله : تعالي شيلها معايا ، اخذتها لي الحمام (( أكرمكم الله )) و نيمتها في البانيو وفتحت الماء البارد عليها صرخت مريم لما حسّت الماء البارد وصارت تبكي مضاوي مسكت يدها بحنان : ماعليه استحملي شوي ، التفتت على الشغاله : انزلي اذا وصل فواز خلي يطلع هنا بسرعه
بعد ربع ساعه وصل فواز استغرب لما قالت له الشغاله ماما تعبانه استغرب اذا تعبانه ليه امه تتصل عليه طلع وقف عند باب الحمام (( اكرمكم الله )) : ايش في يمه
طلعت مضاوي : ادخل شيلها مره تعبانه
فواز بدأ يحس بخوف : طيب عليها عبايه
مضاوي صرخت فيه : هذا وقت الكلام هذا ادخل انا الحين أجيبها
فواز فكر انها قالت كذا عشانها تعبانه دخل بس أنصدم لما شافها كانت شبه ميته شالها بسرعه : يمه اعطيني شي اغطيها بي
مضاوي كانت معاها عبايه و حطتها عليها : بسرعه
بعد ساعه كان واقف فواز عند الباب ينتظر امه تطلع تقول له كيف خرجت امه : هااا كيف
مضاوي جلست بتعب : الحمدالله نزلت حرارتها و الجنين الحمدالله بخير بس محتاجه دم عندها أنيميا حاده
فواز اخذ نفس طويل : الحمدالله ........ طيب انا بروح اتبرع لها
مضاوي وقفت : طيب انا اتصلت على السواق الحين خالتك تجي و ما تلاقينا
فواز : و مريم
مضاوي من غير نفس : ايش فيها الدكاتر حولها والحمدالله مافيها شي و انت اذا خلصت تعال رجال خالتك جاي معاها و البيت مافيه رجال ....... الله يسامحك اللي سويت فيها كذا مسكينه مثل الميت ما تدري عن شي من حولها
تنهد فواز بحزن : أمين ....... مع السلامه طيب
بعد ما انتهى فواز راح يشوفها بس الممرضة قالت انها نايمه : متى طيب تصحى
الممرضة : العاده بعد سته او ثمان ساعات تقريباً
طلع مبلغ من المحفظة و أعطى لها : ابيك ما تروحي عنها
الممرضة انصدمت اول مره احد يعطيها هذا المبلغ الكبير ابتسمت : خلاص انت روح و أطمن المدام في عيوني
فواز أعطها رقمه : اتصلي علي اذا صحت او لا قدر الله صار شي
الممرضة : ان شاء الله
فتح الباب عشان يشوفها قبل يطلع شكلها و الحال اللي فيه يخلي يقلق عليها وقف عند راْسها حرك الشعر اللي على جبينها باطرف أصابعه : سلامتك يا غالية ، و انثنا وسلم على جبينها











كان الوضع جداً هادي على غير العاده بس الغريب الكل كان في بيت جدها إلا وجدان
اشجان همست في إذن شدن : جوجو فين
شدن في إذن اشجان : زعلانه ، التفتت عليها اشجان رجعت شدن وهمست في إذنها : خلينا نطلع وقول لك
مشعل انتبه على اشجان و شدن وهم يتهامسون : لا يتناجى اثنان دون الثالث
شدن التفتت عليه : ايش
سيف بفضول : يش عندكم
شدن وقفت وهي تمسك يد اشجان : اخوات ...... انت و اخوك ايش حشركم ، التفتت على جدها و جدتها : بطلع انا و شوجو ابيها في موضوع
ابو نواف ابتسم : طيب لا طولين ابوك الحين جاي و جايب العشاء
اول ما طلعت شدن و اشجان وقفت هديل عشان تطلع وراهم مسكها مشعل : وين ما احد قال لك تعالي
هديل رجعت جلست بهمس : ذول عندهم سر ابي اعرف ايش
مشعل ابتسم في نفس مستوى صوتها : انتي قلتي سر
هديل وقفت و انثنت على مشعل بهمس : اي سر بس مو علي
وطلعت وراء شدن و اشجان بس اول ما دخلت الشقه سمعت صوت اشجان العالي : انتي هبله كيف تغيرت
وجدان بعصبية : تغيرت ....... الله هداها
اشجان تحاول تهداء : جوجو يمكن تغيرت في شكلها في كلامها بس مستحيل تكون الحين المسكينه اللي بسه تأكل عشاها هي في راْسها شي بكرا تبليك ببلوى اكبر من اللي سويتي فيها انتي و شدن
وجدان وقفت وصارت أدور حول نفسها : ما احد راح يفهمني كل اللي بيننا سلام و كيف الحال
شدن اخذت جوال وجدان لما شافت إشعار ب رسالة من هدى فتحت الجوال بسرعه : لا و كمان رقمك عندها
وجدان لما شافت الجوال مع شدن اندفعت عشان تأخذ الجوال بس شدن بسرعه وقفت و اشجان جات بينها وبين شدن صرخت وجدان : جيبي الجوال أحسن لك
اشجان بحده : ايش عندك تخافين شدن تشوفه
وجدان هيا تحاول تبعد اشجان و تبكي : ما عندي شي ابتعدي .......... وإنتي جيبي الجوال
شدن بسخرية : واضح
اشجان التفتت عليها : ايش في
شدن طالعت في وجدان : كيفك جوجو عندك شي بكرا ايش رأيك نتقابل في كوفي او سوق على كيفك
اشجان دفعت وجدان بقوه : هذا سلام و كيف الحال
وجدان : والله هذي اول مره ترسال لي شي مثل هذا بعدين انا مستحيل اروح معاها
شدن اخذت نفس طويل : ياغبيه اليوم تقولي لا و بكرا مره ثانيه بس في الاخير راح تطلعين والله يستر ايش بعد كذا
اشجان بحده : لا مو غبيه قولي طيبه
شدن : لا غبيه اصلاً مافي شي اسمه طيبه اللي تخلي الناس تضحك عليها هذي غبيه
وجدان جلست بسخرية : انتي على طول صح اللي فاهمه الناس البنت غابت ثلاث سنين معقول ما تغيرت و تابت
اشجان جلست مسحت على ظهرها : حبيبتي تابت ما تابت هذي حاجه بينها و بين ربها وإنتي ما شفتي غير الظاهر ايش يعرفك ايش في صدرها
وجدان التفتت على اشجان : والله ما بيني و بينها شي اكثر من زمالة
اشجان تنهدت : ايش راح تفيدك هذي الزمالة ابعدي عنها أحسن لك
شدن بحزم : اذا ما قطعتي علاقتك فيها والله اقول لبابا فاهمه
وجدان تبكي : شايفه بتسوي فيني مثل ما سوت ف..........
في هذا الوقت دخل عبدالعزيز الشقه يغير ثوبه بعد ما انكب عليها الايدام بس استغرب لما شاف هديل واقفة عند الباب بس أنصدم هو يسمع صوت شدن و اشجان و وجدان و سمع جزء من الكلام و صوت وجدان الباكي ابعد هديل اللي انصدمت لما شافت ابوها وارها وفتح الباب : تقولين ايش





























تفاعكم يا بنات يزيد من سعادتي ويعطيني دفعه قوية عشان اكتب اللي يكون عند حسن ظنكم ياغالين و أتمنى تكونوا دايم حولي حتى تزيدون من سعادتي
بصدق وحب لا خلا ولا عدم



سبحانك اللهم وبحمدك اشهد أن لا إله إلا أنت استغفرك واتوب إليك






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 154
قديم(ـة) 20-03-2017, 03:28 AM
صورة Baraem al Saba الرمزية
Baraem al Saba Baraem al Saba غير متصل
©؛°¨غرامي متألق ¨°؛©
 
الافتراضي رد: انزع الحب حينئذ تصبح أرضنا قبر/بقلمي


اقتباس:
المشاركة الأساسية كتبها بريق الأنوثة مشاهدة المشاركة
أول شي عظم الله أجرك أخر الأحزان انشاء الله مالنا الا الصبر ياقلبي ادعيلها هي تحتاجها أكثر من دموعك
وترى كلنا بهذا الطريق وإذا على كذ ارتاحي وبعدين كملي عادي
جزاك الله خير
و انا مؤمنة وعارفه ان هذا طريق و راح نمشي عليه
بس انا حزينه على فراقها
مشكورة حبيبتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 155
قديم(ـة) 20-03-2017, 03:34 AM
صورة Baraem al Saba الرمزية
Baraem al Saba Baraem al Saba غير متصل
©؛°¨غرامي متألق ¨°؛©
 
الافتراضي رد: انزع الحب حينئذ تصبح أرضنا قبر/بقلمي


اقتباس:
المشاركة الأساسية كتبها اسيرة الهدوء مشاهدة المشاركة
عظم الله أجرك والله يرحمها ويغفر لها
ولا تضايقين نفسك ياقلبي
جزاك الله خير
والله النفس فيها اشياء كثير بس ما اقول غير (( اللهم ارحمها و اغفر لها ))


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 156
قديم(ـة) 20-03-2017, 08:34 AM
صورة غرشوبه نعيميه الرمزية
غرشوبه نعيميه غرشوبه نعيميه غير متصل
©؛°¨غرامي فعال ¨°؛©
 
الافتراضي رد: انزع الحب حينئذ تصبح أرضنا قبر/بقلمي


السلام عليكم
عظم الله اجرك وهذا طريق الكل ماشي فيه بس نقول يالله بحسن الخاتمه والعمل الصالح
وتسلم يدينج على البارت روعه
ليش صقر ماخبر امه على الملكه قلبي عورني عليها وحتى لو ماكان متعود عليها على الاقل يعطيها
خبر بس ان شاء الله بتنكشف الحقيقه

سلام،،،،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 157
قديم(ـة) 20-03-2017, 04:52 PM
صورة ووردالعمرر الرمزية
ووردالعمرر ووردالعمرر غير متصل
©؛°¨غرامي متألق ¨°؛©
 
الافتراضي رد: انزع الحب حينئذ تصبح أرضنا قبر/بقلمي


السلام عليكم

عظم الله اجرك وان شاء الله نهاية الاحزان

تسلم ايدك ع البارت حلوووو كتيير

صقر غلط لما مقال لامة مايصير كده مهما سوت دي امك

وجدان ان شاءالله يلحقوها قبل ما تضيع

هدى اتوقع ينقلب السحر على الساحر

استمري واحنا في انتضااارك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 158
قديم(ـة) 20-03-2017, 08:07 PM
صورة امل من بين الآلم الرمزية
امل من بين الآلم امل من بين الآلم غير متصل
©؛°¨غرامي فعال ¨°؛©
 
الافتراضي رد: انزع الحب حينئذ تصبح أرضنا قبر/بقلمي


سلام
عظم الله اجرك ياقلبي والله يصبرك ع فراقها
الله يرحمه ويغفر لها ولاموات المسلمين يارب
ياعطيك العافيه ع البارت الروعه وانشالله خاتمة الاحزان

--------------------------------------------
اتوقع اشجان بتحور القصه وابوها مراح يعرف (يارب...
غريبه سالفة"" هدى وسمر ""اتوقع فيه مصايب بتصير من تحت رواسهم ...
صقر و فواز مو قادره افهم طريقة تفكيرهم يعني يغلطون وبعدين يندمون ويحولون يصلحون الخطاء باخطاء اكبر ليش مدري بس فيه شي في تفكيرهم مبهم بنسبه لي يعني #_#...


وبس كثرت كلام يالله باااااي يالغلا وتاكدي ان صديقتك في مكان احسن وعند رب احسن واحن من امها عليها *-*حبي واحترامي لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 159
قديم(ـة) 22-03-2017, 10:56 PM
صورة reeme_ الرمزية
reeme_ reeme_ غير متصل
©؛°¨غرامي فعال ¨°؛©
 
الافتراضي رد: انزع الحب حينئذ تصبح أرضنا قبر/بقلمي


عظم الله اجرك ان شاءالله
الله يرحمها ويغفر لها ولاموات المسلمين

__________________

البارت جميل واحداثه ولا اروع

ناصر : اول مره حسيته طبيعي بعد نقاشهم يوم تطلع من المصلى

وجدان : تصرفاتها تقهر

عبد العزيز : الحين ليش منع اشجان من انها تكمل دراستها كان بامكانه يغير المدرسه وبس مو يحرمها

يعطيك العافيه




ننتظرك بالبارت القادم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 160
قديم(ـة) 23-03-2017, 09:43 AM
صورة sandra1sandros الرمزية
sandra1sandros sandra1sandros غير متصل
©؛°¨غرامي مجتهد¨°؛©
 
الافتراضي رد: انزع الحب حينئذ تصبح أرضنا قبر/بقلمي


عظم الله اجرك برعومة وربي يصبر قلبك وقلب عائلتها يارب
لاتحزني ياقلبي كلنا لها هي مسألة فرق توقيت جمعك ربي بها تحت ظل عرشه مع عباده الصالحين
اللهم وسع قبرها واغسلها بالماء والثلج والبرد وثبتها عند السؤال اللهم ثقل موازينها وهون عليها حسابها واتها كتابها بيمينها وارزقها الجنه بلا حساب ولا سابق عذاب اللهم امين يارب العالمين


الرد باقتباس
إضافة رد
الإشارات المرجعية

انزع الحب حينئذ تصبح أرضنا قبر/بقلمي

الوسوم
....... , الحب , ارضنا , اوسع , تصبح , حينئذ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
كيف تشرق الشمس على أرضنا في عشر خطوات قلم ريفي صور في صور - صور غريبه - صور كاريكاتير 0 01-09-2015 10:01 PM

الساعة الآن +3: 06:52 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1