اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 27-01-2017, 02:25 PM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


اقتباس:
المشاركة الأساسية كتبها اشتياق للجنه مشاهدة المشاركة
بارت حلو

ونهايته حماسية متشوقه أعرف مين هو الرجال

بانتظارك لا تطولي علينا
ان شاء الله ما اطول شكرا على مرورك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 27-01-2017, 02:27 PM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


اقتباس:
المشاركة الأساسية كتبها شذى المطر مشاهدة المشاركة
السلام عليكم ورحمة الله وبركاته
كيفك نونو
ما شاء الله عليكي
حلو البارت والروايه بعد لين الحين تمام وان شاء الله تكون حلوة كذا للنهايه
وانتبهي للاخطاء الاملائيه
بانتضارك
وعليكم السلام ورحمة الله وبركاته
الحمدلله كيفك انتي
ان شاء الله كل الروايه تعجبك الاخطاء عشان اكتب من الجوال تركيزي مو مره وبحاول اعدلها شكرا على ردك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 27-01-2017, 03:04 PM
صورة &نـــونـي بنت الجنوب & الرمزية
&نـــونـي بنت الجنوب & &نـــونـي بنت الجنوب & متصل الآن
©؛°¨غرامي مبدع¨°؛©
 
الافتراضي رد: أهات الأنين/بقلمي


السلام عليكم ورحمة الله وبركاته
كيفك نونو
ماشاءالله تبارك الله صايرة تكتبي الله يقدرك

شفت إعلانك في روآيتي
وقريت الروايه
بداية موفقه
وان شاء الله أكون من متابعينك
تستاهلي الدعم
حفظك المولى


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 27-01-2017, 06:03 PM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


اقتباس:
المشاركة الأساسية كتبها &نـــونـي بنت الجنوب & مشاهدة المشاركة
السلام عليكم ورحمة الله وبركاته
كيفك نونو
ماشاءالله تبارك الله صايرة تكتبي الله يقدرك

شفت إعلانك في روآيتي
وقريت الروايه
بداية موفقه
وان شاء الله أكون من متابعينك
تستاهلي الدعم
حفظك المولى
وعليكم السلام ورحمة الله وبركاته
الحمدلله كيفك انتي
هلا كنت اكتب من اول بس بيني انا وزميلاتي قلت اجرب انزل واشوف حظي
شرفني حضورك وردك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 27-01-2017, 07:57 PM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


لا تلهكم الروايه عن الصلاه وذكر الله
سبحان الله .....والله واكبر .......والحمدلله
لا الله الا الله ......ولا حوله ولا قوة الا بالله




الجزء السادس
لفيت بسرعه شفت واحد طويل لابس ثوب
ما حسيت بنفسي الا وانا في الملحق
يمه حطيت يدي على قلبي يدق بسرعه ووجهي احسه حار مررره
لفيت لجدتي الي دخلتي عليه
جدتي:اش فيك يمه طايره كنتي بدوسيني
لين :برتباك شفت واحد في الحديقه مدري مين وهربت
جدتي:خلاص اجلسي لعاد تطلعي دام فيه رجال يدخلون الحديقه
جلست وانا مرتبكه تصدقوا لو اقولكم ان ما امداني اشوف حتى وجهه ما شفت الا الثوب وبعدها طرت للملحق يمه حست انفاسي باقي متسارعه
هديت شوي ونفخت بملل والحين بجلس هنا لمتى كمان محبوس
من جيت ها المدينه بس محبوسه في البيت وطفشانه حلات ايام الديره كنت اسلي نفسي بنفسي
جلست اطالع من الشباك وانا مرجعه نص الستاره
شفت اثنين في الحديقه
يسولفون جالسين حول طاوله
يمكن واحد منهم الي شفته قبل شوي بس والله
مدري لاني ما شفت شكله
شويه شفت مها طلعت لهم وتسولف معهم
عقد حواجبي من هذولي الي مها معهم وتضحك
جدتي:بنت اش تسوين عند الشباك
لين:جدتي شوفي هناك رجالين ومها جالسه معهم
جدتي:وش لك انتي تراقبين الناس يمكن اخوانها
قعد اطالع بترقب معقوله هذولي يكونوا اخواني ركزت فيهم
واحد مره طويل وجسمه معتدل
لابس ثوب
اما الثاني لابس بنطلون وفنيله وكمان طويل بس انحف من الاول
ما قادره اميز ملامحهم عشان شويه بعيدين
شفت ابوي طالع وجلس عندهم تاكد انهم اخواني
شوي شفت ابوي وقف ومتجه عندنا
على طول رجعت الستاره بربكه ليشوفني وش يقول اتجسس عليهم
جدتي:ايه تعالي اجلسي وخليك من مراقبة الناس
سكتت شوي الجده :ليتني في الديره ما ني مرتاحه بالقعده هنا ناس ما اعرفهم وفقد خويتي ام عبدلله
حزنت على جدتي :مو متعوده على حكرت البيت وهنا ما يمدينا نطلع كنت برد عليها بس سمعت دقه على الباب
قمت افتح لقيت ابوي واقف
تقدم مني وباس راسي
احمد:كيفك يبه عسى ارتحتي ونمتي كويس
قلت بخجل وانا ارجع ورى:الحمدلله
دخل وسلم على جدتي
لف علي:روحي يمه سلمي على اخوانك برى وانا بجلس عند جدتك شوي
مدري حسيت اني متردده ما اقدر اطلع اصل ما قدرت احرك رجولي واطلع طالعت لنفسي كنت لابسه روب منقش طويل وحاطه شيله حول رقبتي
كذا تعود من وانا في الديره لازم اخذ شيله معي احتياط
احمد :كيفك يا خالتي
جدتي :الحمدلله
احمد :كيف عسى ارتحتي في نومتك ولا اشتقتي لديره
جدتي:الحمدلله نمت والديره اكيد بشتاق لها هذي ديرتي ومالي بد منها
طالعت لجدتي يعني مفكره نرجع ارتحت شوي وتضايقت انا ابي الديره بس كمان الجامعه وش اسوي فيها
طالعني ابوي :اشفيك يبه اطلعي عند اخوانك شوفيهم في الحديقه واشر اتجاه الشباك الي كنت اطالع منه
اطريت اتحرك لان باين يبغي جدتي بحكي
يمكن بيقنهعها اني اجلس معهم ما ادري والله
طلعت وانا اجر رجولي جر طالعت من الملحق شفتهم جالسين واحد قاعد يطالع شي في يده ويحرك اصابعه عليه ومها والثاني ابو ثوب يسولفون
قربت منهم بخجل اقدم شوي واوقف
شكل الي يسولف مع مها لمحني لانه قال لمها ولفت علي
قامت مها وجتني:هلا لين تعالي سلمي على وليد وخالد
نظرت بخجل وانا امشي ورى مها
يوم قربت الي كان ماسك شي في يده نزله على الطاوله وطالعني
انا كنت اطالعهم وانزل عيوني مدري اش اسوي موقف مررره صعب الله لا يوريكم صح هم اخواني بس مدري احسهم غرب
وقف الي لابس ثوب مد يده لي:كيفك لين
مديت يدي له وقلت بصوت منخفض :بخير
ومد لي يده الثاني وسلمت عليه
شكل مها حست بتوتري
مها:لين اشفيك هذولي اخوانك لا تستحين هذا واشرت على ابو ثوب وليد
وهذا خالد
خالد طالعني ببتسامه:كيفك لين ولله وطلع عندنا اخت ثانيه غير الغثه مها
ابتسمت له ونزلت عيوني وجلست جنب مها
مها:والله ما الغثيث غيرك مالت عليك
طالعت بخالد :باين انه صغير يمكن حدود19او20
لفيت شفت الي اسمه وليد يناظرني بنظرات غريبه بسرعه نزلت عيوني
سمعته يقول:كم تدرسي
لين بصوت يالله ينسمع وطالع يديه ترجف:توي تخرجت
رفعت عيوني عليه احسه معصب مدري ليش:بعدك صغيره وش الي يفكر فيه ابوي
شفت مها تلف عليه بسرعه وطالعه:وليد
حسيته عصب زياده وقام من مكانه بغضب
اشر لمها:انتي اسكتي
ومشى عنا وهو معصب حد
سكت ما اعرف اش اسوي اش فيه هذا شكله زعلان لانه اكتشف ابوه متزوج وعنده اخت
طالعت مها بستغراب وخالد
شفت خالد رجع ياخذ الشي الي كان عليه قبل
ومها احسها معصبه زياده ووجهها احمر
شوي وجلسنا ساكتين
وقفت مها بسرعه:انا بروح اشوف امي
وراحت بسرعه
طالعت ما بقي الا انا وخالد استحيت مرره منه بس طالعته مو معطيني اي اهتمام يطقطق على الي بيده
وقفت اروح عند جدتي ابرك
سمعت خالد:اجلسي وش فيك
رديت بشويش:بروح لجدتي
شفته رجع للي في يده
مشيت وانا رايحه الملحق اكيد وليد الي شفته في الحديقه اليوم لان لابس ثوب
قربت من الملحق
سمعت جدتي معصبه :وش بترميها زي امها
احمد:مستحيل اسويها اش فيك يا خاله
قربت ودقيت الباب لان ما ابي احس اني اتسمع عليهم جدتي تزعل لو درت
لفوا علي مع بعض شفت جدتي معصبه
واحمد جالس هادي
احمد:هلا لين شفتي اخوانك
لين :ايه
دخلت جلست جنب جدتي وانا مستغربه حالهم واش قصدها ترميها زي امها معقوله ابوي ما يبيني ويبغاني ارجع الديره بس راح كل الي افكر فيه لما قال
احمد:يالله لازم تتعودي على الجوء هنا وعلى اخوانك هذولي سندك ومالك من الدنيا بعدي الا هم
شفت جدتي لفت الجهه الثانيه مدري اش صاير
وقف ابوي وقال :المهم يا خاله بعدين نتكلم اكثر وصدقيني ما فيه احسن منه وبعدين اذا قصدك الجامعه البنت مكملتها مكملتها ومحد معترض
شفت جدتي تتكلم بهدؤ ؛وليه رفضت مها
احمد :مها ما تبي ارتبطات الحين
شفت جدتي جالسه بهدؤ وساكته
قرب احمد منها وحط يده على كتفها:انا اضمن لك كل شي وبحط لها ضمنات كمان
جدتي طالعته بحده:ما ضمنت نفسك وتضمن غيرك
حسيت ابوي انحرج الصراحه مدري اش السالفه وش يتكلمون عنه هذولي اش يقصدون بس شكل الموضوع فيه مها دام طروها في السالفه
راح احمد وقبل يطلع قال:تقدري اذا تبي تشوفي وتحكمي بنفسك
جدتي بهدؤ:ما ابي اشوف شي هي امانه كانت عندي ووصلت لك وانت الحين عليك مسؤليه واذا صار شي الذنب في رقبتك اما اني اشوف انا حرمه ومالي حكم بعلوم الرجال وخباياهم
بس اذا انت مصر كيفك وهي عندك وقول لها
مدري حسيت ابوي للحظه متردد جلست اطالعه هو وجدتي المشكله احسهم ما كنهم حاسين اني بينهم وش السالفه هذي ما فهمت من كلمهم شي
سكت ما ابي اتدخل
احمد قبل يطلع ؛مو الحين لسه وقت فكري يمكن تقتنعي
هزت جدتي راسها وطلع ابوي من الملحق
سالت جدتي
لين:جده اش السالفه
جدتي .............

اعرف البارت قصير بس انا انزل يوم ويوم يمكن هذا يشفع لي😅




كتتتتتتتتتتتتتتتتتتتتتتتتت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 27-01-2017, 08:07 PM
صورة شموخ الجوري الرمزية
شموخ الجوري شموخ الجوري غير متصل
©؛°¨غرامي مشارك¨°؛©
 
الافتراضي رد: أهات الأنين/بقلمي


جميله الروايه يعطيك الف عافيه يسلموووووووووو

تنظرك في البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 28-01-2017, 12:03 AM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


اقتباس:
المشاركة الأساسية كتبها شموخ الجوري مشاهدة المشاركة
جميله الروايه يعطيك الف عافيه يسلموووووووووو

تنظرك في البارت الجاي
انبسط انها اعجبتك
ويعافيك حياتي
شكرا على مرورك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 29-01-2017, 04:48 AM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


لا تلهكم الروايه عن الصلاه وذكر الله
سبحان الله .....والله واكبر .......والحمدلله
لا الله الا الله ......ولا حوله ولا قوة الا بالله



الجزء السابع
لين:جدتي اش السالفه
جدتي:امور كبار مالك فيها
سكت اعرف جدتي اذا ما تبي تتكلم لو اموت ما نطقت
سكت وانسدحت على الكنبه شوي بريح امس نمت 12وصحيت اليوم سبعه احس ما شبعت نوم
ومستغربين البنات امس ليش اقول ان الساعه12سهر اجل وش يعني هم يجلسون لين متى
وانا داخله في افكاري ما حسيت بنفسي الا وانا نايمه
صحتني جدتي لصلاة الظهر
قمت صليت وجلست معها شوي ونسمع دق على الباب قمت افتح لقيت ميري
ميري:بابا يقول تعال تغداء انت وماما في بيت كبير
هزيت لها راسي ولفيت على جدتي
لين:يمه تقول نروح نتغداء في بيتهم
جدتي :خلاص قولي لها جاين
قامت جدتي تسوي شيلتها وطلعنا
رحت لبيت ابوي ودخلنا كانوا كلهم في الصاله
مشيت ورى جدتي
وقام ابوي يرحب فينا
احمد:هلا والله بخالتي وبنتي لين تعالوا اجلسوا معنى
جلسنا وجلسوا يسولفون جدتي كانت تسولف معا ابوي وام وليد
ومها كانت توري خالد شي في الي دوم في يديهم معرف اش اسمه
وانا ووليد كنا مستمعين
وكل ما رفعت عيوني لوليد احسه يطالعني بنظرات ما افهمها شككني في نفسي الصراحه
سمعت ميري تقول الاكل جاهز
قاموا كلهم تقدمنا انا وجدتي وان الاكل على طاوله ما احب اكل كذا متعودين على جلست الارض بس ما علقة وجدتي كمان
جلسنا وشفنهم ياكلون بملاعق انا سويت زيهم بس جدتي
حسيتها مهي عارفه اش تسوي
قام ابوي وحط لها ارز في الصحن ولحم وسلطه واعطها
احمد:خالتي كلي بيدك ولا تستحي احنا اهل
لما قال كذا حتى انا نزلت الملعقه واكلت بيدي
رفعت راسي شفت مها تطالعني مو عاجبها بس ابتسمت لها:احب اكل بيدي ما احس في طعم الاكل الا كذا
ابتسمت لي ببرود وبعدت نظراتها عني لخالد تكلمه مدري اش فيها قلبت خلقها من الصباح
يمكن تخاصمة هي ووليد مره ثانيه عشان في الصباح عصب عليها
جلست اكل الاكل لذيذ ما تقدري تقاوميه بس انا عشان متعوده امشي بوصية الرسول صلى الله عليه وسلم في ما معنى الحديث(ثلث لطعام وثلث للماء وثلث للهواء)فكنت اكل بس مو لحد الشبع والتخمه اكل كفايتي
قمنا ورجعنا الجلسه بعد الغداء والمره هذي شاركة مها وخالد السوالف بس كنت متردده ومتحفضه شوي مع خالد




مر علينا في بيت ابوي شهر لا جديد فيه
بس كان ابوي يجي يكلم جدتي احيان وكنت احسه يصرفني
علاقتي باخواني كانت رسميه مره
وليد كان قليل اشوفه دايم في العمل ولا برى اذا تصادفنا بينا سلام وعلى طول يمشي احسه يتجنبني مدري ليش الصراحه حسيت بغصه شكله مو متقبلني كيف اخوي الكبير الي مفروض سندي هو ما يبغيني اخته
خالد هذا شي ثاني دمه مره خفيف وعليه نكت ومزحات غريبه واحس يتسلى فيني لاني اصدق بسرعه بس كنت باقي مو ماخذه عليه مره
اما مها مدري احس تكلمني كاني غريبه مو اختها ما بينا انسجام مرره مدري ليش حاولت اتكلم معها وتقرب حتى كنت اروح عندها يومين بس كانت تتكلم معي بختصار ومره قالت لي انها مخطوبه بس بعدين كنها ارتبكت وقالت بسرعه بس فكيت الخطبه
سالتها:ليش
مها:بس كذا ما يعجبني
لين:ما عليك من الشكل يمكن كانت اخلاقه حلوه
مها بضحكة سخريه:اخلاق مرره توب ما شاء الله ورح تشوفيها
طالعتها بستغراب :وش قصدك
مها تغير السالفه:ولا شي انتي متى بتسجلين في الجامعه
لين:رنا تقول الاسبوع الجاي
مها :حددي تخصص
لين:ايه فنون تشكيليه
مها:وع ما لقيتي
لين:يعجبني اك
مها:هذا اذا خلاك تدرسي المتخلف
طالعتها بستغراب :ليه من بيمنعني ليكون قصدك وليد
مها طالعتني شوي وسكتت:ما احد كنت سرحانه ما اقصدك
سكت عنها ما حبيت ادخل بسالفه اصلا مو بس مها الي ترمي كلام يمين وشمال وما افهمه حتى بنات العيله بس ما احب الدقق مره في وش يقولون لاني بس بتعب نفسي
بكلامهم
علاقتي باهل البيت
ام وليد عادي ما بينا الا سلام وسوال عن الحال زي علاقتي بزوجات اعمامي وجدتي ام ابوي
اه نسيت اقولكم شفت اعمامي وجدي مره طيبين خصوص جدي وعمي سعيد
ومره استغربت من جدي يقول لابوي
ابو فارس وهو يربت على كتفي:ما تدري يا احمد يمكن ما يرجع حقنا الا هي
انا طالعت لابوي تغير وجهه ما فهمت شي ولا اهتميت
فيه مره كنت جالسه تحت نخله سمعت صوت وليد
وليد:انتي اش تسوين في الشمس بها الوقت والحر الساعه 2الحين
لين وقفت :ايه ادري الساعه 2 بس احب اتشمس
وليد وين تتشمسي الا تحترقي ادخلي داخل ما تدري الشمس مضره في ها الوقت
هزيت كتوفي وطالعت تحت:ان شاء الله
مشيت الملحق ودخلت كان جدتي منسدحه تاخذ قيلولتها المعتاده وانا وش اسوي
اخذت دفتر وجلست ارسم احب الرسم مره
كانت دايم معلمتي في الثانوي تشجعني مره
وتقول ادخلي فنون تشكيليه اذا رحتي الجامعه
ما قلت لكم نسبتي جت 96الحمدلله حلوه تدخلني التخصص الي ابي
سمعت دقه على الباب قمت افتح قبل يزعج الي يدق الباب جدتي لانها نايمه في الصاله
فتحت لقيت ميري:لين بابا يبغى انتي
استغربت اش يبي مع ان وقت الغدء كنا مع بعض بس مقال شي
رحت اخذت شيلتي حطيتها على راسي ولفيتها حول رقبتي عشان لو طلعت والعامل دخل اكون مغطيه شعري
وانا ماشيه ورى ميري اشرت لي على مجلس
الرجال :بابا هناك
لفيت ورحت كنت مره مستحيه ومرتبكه وقبل ما ادخل شجعت نفسي ودقيت الباب
اول ما دخلت طالعت جدي وابوي في المجلس
دخلت وسلمت عليهم
وجيت بجلس بس جدي سبقني
ابو فارس:لين تعالي جنبي وانا ابوك ابيك في سالفه
قربت منه وجلست جنبه
قال لي بحنان :لين ابوك كان يبغى يقولك سالفه وانا منعته قلت هذا الموضوع ما يقوله للين الا انا
طالعته مستغربه:امر يا جدي
ابو فارس :ما يامر عليك عدوا ولا ظالم
يا بنتي في رجال والنعم فيه نشمي وراعي خير طلبك من ابوك
طالعته مفهيه ولا انا فاهمه شي:كيف يعني
ولفيت طالعت ابوي
والله ما كنت فاهمه شي احس اني غبيه شوي بس صدق ما كنت ادري وش قصدهم
ابوي بتنهيده:واحد طلبك تكوني زوجته

سكت مرتبكه ما عرفت اش اسوي طالعت ابوي احس في عيونه شي ما عرفت افسره
طالعت لتحت معرف اش اقول وهم يطالعون يبغوني اتكلم مدري يعني اش يبون صعب مره ودي اروح اجلس وحدي شوي احس مو مستوعبه يعني مالي شهر هنا وابي اتعود على اخواني يجي خطيب مدري من وين
جدي:شوفي وانا ابوك هو رجال ما عليه كلام نعرفه وابوك يعرفه ما تلاقي زيه
طالعت ابوي احس وجهي احمر شفته منزل راسه شكله خايف ارفض قدام جدي
قلت بصوت منخفض:مدري معرف اش اقول
جدي ؛فكري يا بنتي وردي لنا خبر بكره ولا بعده لانه مستعجل
هزيت راسي وقمت اروح
سمعت جدي:ان شاء الله اسمع خبر يفرحني وما يخيب ظني فيك
حسيت ان جدي يبيني اوفق طالعت ابوي منزل راسه شكل حتى هو يبيني اوفق
رحت الملحق شفت جدتي جالسه تتقهوى
جدتي:وينك يمه تاخرتي علي كنت ابي تتقهوي معي
لين:كنت عند ابوي وجدي
طالعتني جدتي وسكتت شوي
جدتي بهدؤ:خبروك بالخطبه
هزيت راسي وانا ساكته
جدتي؛واش رايك انتي
طالعتها وانا محتاره مدري بصلي الاستخاره واشوف انتي اش رايك يا جده
جدتي بهدؤ:ما ادري ابوك يمدحه الله واعلم بس اذا هو جد رجال وما عليه كلام ليش لا مصيرك في الاخير تتزوجي
طالعت لجدتي:بس والجامعه
جدتي:ابوك يقول بتكمليها عادي هو ما عنده مانع
لين:طيب يمه مها اكبر مني احس صعبه اتزوج قبلها
سكتت جدتي وطالعتني بغرابه :كل شي قسمه ونصيب وهي نصيبها مقد جاها
تنهد بقوه والله محتاره مدري اش اسوي
جدتي :قومي صلي العصر اذن قبل شوي ومعها صلي الاستخاره والي فيه الخير ربي بيكتبه
قمت صليت العصر بعدها صليت الاستخاره
حسيت مرتاحه ومو شايله هم شي عكس قبل شوي احس جبل كاتم على صدري
رجعت عند جدتي وجلسنا نسولف ونسيت السالفه مع السوالف
بعد المغرب
رحت لمها وجلست معها نسولف
حبيت اخذ رايها بسالفه وافضفض لها هي في الاخير اختي ومالنا غير بعض فا قلت لها السالفه
وجلست ساكته ما ردت وطالع في هذا الي يسمونه جوال
خفت تكون زعلانه عشان هي مقد تزوجت لان عندنا في الديره ما تزوج الصغيره قبل الكبيره وكمان من عادتنا ما تشوف زوجها الا يوم الزواج مدري عنهم هنا كيف وضعهم
لين بتوتر:مها اسفه زعلتي مني
طالعتني بسرعه:وليش ازعل منك
لين:عشان يعني مدري كيف اقولها
مها :قصدك عشان تزوجتي قبلي
نزلت راسي بخجل :ايه
مها:لا ابد مو زعلانه والله يوفقك
تحمست اتكلم معها مهما كان اي بنت اذا نخطبت تحس بفرحه وانا وقتها كنت بريئه وافكاري رمنسيه شوي مو شوي الا كثير
قلت لمها :تعرفينه
عقدت مها حواجبها لي بستغراب؛اعرفه
لين بسرعه وتبرير:يعني اقصد قد شفتيه في مكان او تعرفي شكله مدري بس نفسي اشوفه شكله
مها:اه ايه مره شفته
لين بسرعه:كيف شكله
مها :مدري انا ما عجبني بس انتي مدري عنك يمكن يعجبك وتحبيه
انحرجت منها لما قالت احبه :بعده بدري اصلا لسه ما وافقت صليت اليوم الاستخاره مرتين بعد العصر وبعد المغرب وباقي بس جدي يقول اعطيه الرد بكره
لفت عني مها ونشغلت بدفتر كان على الكمدينه جنبها
مها:طيب وش حسيتي بعد ما صليتي
لين:حسيت براحه وكني مو شايله هم شي
مها بتنهيده :الله يكتب لك الي فيه الخير
لين اش رايك ننزل نسولف مع امي
حسيتها ملت من السالفه الله واعلم
لين ببتسامه:طيب يالله
نزلنا عند ام وليد سولفنا شوي
وبعدين رحت لجدتي على العشاء اتعشاء معها وانام لاني متعوده انام من بعد صلاة العشاء من وانا صغيره
اليوم الثاني صحيت كا العاده الصباح انا وجدتي بس الي اظن صاحين في البيت لان ها الوقت اجازه صيفيه ووليد وابوي في الشركه
كنا انا وجدتي كل صباح نطلع الحديقه نتمشي
جدتي كانت تسقي الحديقه كل يوم حتى ابوي قال للعامل عشان معاد يدخل يسقيها وقالهم ما يدخلون الحديقه عشان ناخذ رحتنا لان يقول خالتي ام وليد ومها مكانوا يخرجون فيها كثير فالعمال مكانوا شايلين هم احد انه يكون في الحديقه يدخلون اي وقت
المكان كان روعه مدري كيف خالتي ومها ما يحبونه انا لو مني حتى في الليل انام هنا
جلسنا انا وجدتي برا في الحديقه وفي الشمس نتشمس الين الساعه 11
احس احيان بملل ما تعود اجلس فاضيه بدون شغل كنت احيان اروح عند الخدم اساعدهم
بس مره شافتني خالتي وزعلت تقول اهل البيت مو مكانهم هنا وانتي تقللين من نفسك قدام الخدم استغربت من كلامها مع اني اشوف عادي ما فيها شي لو ساعد المهم من بعدها تجنبت المكان ما ابي اضايق احد
شفنا وليد داخل من البوابه بسيارته لما نزل منها وشافني انا وجدتي
جاء عندنا سلم علينا
وليد:كيفك يا جده
جدتي :تمام طيبه
قعد معنى ؛من يوم سكنتا ها البيت ما عمري شفت احد يجلس في الحديقه كثير غير يوم جيتوا حللتوها
قالها بمزحه
جدتي تضحك معه:هاذي نعمة ربي وين الواحد يلاقي احسن من ها المكان والجوء لي يرد الروح ما قدرت اقعد في البيت ما تعود على قعدت البيت
وليد:احسن والله هواء نقي
جدتي قالت بهدؤ:وليد يمه بغيت اسالك
وليد:هلا جدتي تفضلي
جدتي:ابوك مكلمني عن واحد متقدم للين وابي اسالك انا تعرفه زين وتعرف اخلاقه




كتتتتتتتت
البارات الجايه يوم الخميس ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 29-01-2017, 06:33 AM
صورة noran.16 الرمزية
noran.16 noran.16 غير متصل
©؛°¨غرامي جديد¨°؛©
 
الافتراضي رد: أهات الأنين/بقلمي


رووووعه بس م عجبني غباء لين وقلة فهمها لليصير من حولها وهي مو فاهمه ومو داريه عنهم

بس تحمست حييييل للأحداث الجايه .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 29-01-2017, 06:59 AM
صورة شموخ الجوري الرمزية
شموخ الجوري شموخ الجوري غير متصل
©؛°¨غرامي مشارك¨°؛©
 
الافتراضي رد: أهات الأنين/بقلمي


جميل البارت يعطيك الف عافيه
نتظرك في البارت الجاي لاطولي علينا

تره البارت اشوي صقير طوليه اشوي

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1