اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 29-01-2017, 02:46 PM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


اقتباس:
المشاركة الأساسية كتبها noran.16 مشاهدة المشاركة
رووووعه بس م عجبني غباء لين وقلة فهمها لليصير من حولها وهي مو فاهمه ومو داريه عنهم

بس تحمست حييييل للأحداث الجايه .
هلا والله شكرا على مرورك وردك
و

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 29-01-2017, 02:50 PM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


اقتباس:
المشاركة الأساسية كتبها شموخ الجوري مشاهدة المشاركة
جميل البارت يعطيك الف عافيه
نتظرك في البارت الجاي لاطولي علينا

تره البارت اشوي صقير طوليه اشوي
ويعافيك حياتي
ان شالله يكون البارت يوم الخميس
وبالنسبه الطول لاني كنت اكتب البارات في يوم وانزل فمكان اقدر اطول اكثر بس الحين عندي فتره الخميس وان شاء الله يكون طويل ويعجبكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 29-01-2017, 08:12 PM
صورة شذى المطر الرمزية
شذى المطر شذى المطر غير متصل
©؛°¨غرامي مجتهد¨°؛©
 
الافتراضي رد: أهات الأنين/بقلمي


السلام عليكم ورحمة الله وبركاته
كيفك نونو..عساكي بخير
العتب على الابو ..ما اهتم ببنته وفضل مصلحته على مصلحة بنته
ولا عطاهم الحقيقه..بس اتوقع ان لين بتتتغير على يد زوجها من تعرف حقيقة جدها وابوها والباقيين واهنم ضحوا فيها
ويمكن زوجها من يعرفها زين بيساعدها..وبيكون عون لها
بانتضار البارت الجاي بالتوفيق لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 30-01-2017, 02:10 AM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


اقتباس:
المشاركة الأساسية كتبها شذى المطر مشاهدة المشاركة
السلام عليكم ورحمة الله وبركاته
كيفك نونو..عساكي بخير
العتب على الابو ..ما اهتم ببنته وفضل مصلحته على مصلحة بنته
ولا عطاهم الحقيقه..بس اتوقع ان لين بتتتغير على يد زوجها من تعرف حقيقة جدها وابوها والباقيين واهنم ضحوا فيها
ويمكن زوجها من يعرفها زين بيساعدها..وبيكون عون لها
بانتضار البارت الجاي بالتوفيق لك
وعليكم السلام ورحمة الله وبركاته
الحمدلله كيفك انتي
شكرا على مرورك وردك اسعدني☺

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 31-01-2017, 08:41 PM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


قربت اليوم اكمل الجزء عندي تبون اذا كملته انزله او انزله يوم الخميس على موعدنا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 31-01-2017, 09:12 PM
Grase Grase غير متصل
©؛°¨غرامي جديد¨°؛©
 
الافتراضي رد: أهات الأنين/بقلمي


اقتباس:
المشاركة الأساسية كتبها نونو الشهري مشاهدة المشاركة
قربت اليوم اكمل الجزء عندي تبون اذا كملته انزله او انزله يوم الخميس على موعدنا
نزليه اليوم إذا ما عليك أمر تحمست أعرف شو راح يصير،عندي إمتحان بكرة و قاعدة أقرأ روايتك حلوة عن جد إستمريييييي):

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 31-01-2017, 11:16 PM
احسااس ملااك احسااس ملااك غير متصل
©؛°¨غرامي جديد¨°؛©
 
الافتراضي رد: أهات الأنين/بقلمي


فكرتك جديده لكن لين مو معقولة تكون
مو فاهمه شي وعلى نياتها لذي الدرجة
هيا مو جاهلة ومكمله لين الثانوي
المفرود تكون عارفه التكنلوجيا من البنات
الي معاها في المدرسه ..
ابوها وجدها انانين لكن ان شاء الله
يتم الزواج وتاخذ حقها من اهلها
وياريت تنزلي اليوم بارت 😻
لك مستقبل في كتابة الروايات
موفقة نونو 💖

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 01-02-2017, 01:39 AM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


اقتباس:
المشاركة الأساسية كتبها grase مشاهدة المشاركة
نزليه اليوم إذا ما عليك أمر تحمست أعرف شو راح يصير،عندي إمتحان بكرة و قاعدة أقرأ روايتك حلوة عن جد إستمريييييي):
ان شاء الله شوي وانزلها لان كان باقي لها شوي في تكميل البارات
والله يوفقك في اختبارك
اسعدني مرورك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 01-02-2017, 01:42 AM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


اقتباس:
المشاركة الأساسية كتبها احسااس ملااك مشاهدة المشاركة
فكرتك جديده لكن لين مو معقولة تكون
مو فاهمه شي وعلى نياتها لذي الدرجة
هيا مو جاهلة ومكمله لين الثانوي
المفرود تكون عارفه التكنلوجيا من البنات
الي معاها في المدرسه ..
ابوها وجدها انانين لكن ان شاء الله
يتم الزواج وتاخذ حقها من اهلها
وياريت تنزلي اليوم بارت 😻
لك مستقبل في كتابة الروايات
موفقة نونو 💖
هي كانت في قريه صغيره مو واصل لها اي شي حتى الكهربه فكيف بتعرف التكللوجيا وكل الي معها كانوا نفس حالتها بس كم بيت في القريه الي مادتهم شوي كويسه
ان شاء الله البارات الحين ينزل
مشكوره على مرورك وردك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 01-02-2017, 01:43 AM
نونو الشهري نونو الشهري غير متصل
©؛°¨غرامي فعال ¨°؛©
 
الافتراضي رد: أهات الأنين/بقلمي


لا تلهكم الروايه عن الصلاه وذكر الله
سبحان الله........والحمدلله......
ولا اله الا الله.......الله واكبر
لا حول ولا قوة الا بالله


الجزء الثامن
لف وليد عنا بوجهه وكنه ما يبي يتكلم:جدتي انا ما اعرف الرجال زين وما بينا اي كلام
رجع طالع جدتي وطالعني :انتوا رديتوا لابوي خبر
جدتي:لا لين بعدها تفكر بس ابوك يبي رد اليوم
قام وليد ومدري وش قلب مزاجه:لين فكري اكثر وقولي لهم يعطونك مهله اكثر
جدتي:ليه سامع شي وجهك ما يطمن
لف علينا وهو يحاول يهدي نفسه :ابد يا جده وزي ما قلت لك انا الرجال ما بيني وبينه اي كلام بس انا اقول كذا لان هذا زواج مو لعبه لازم تفكر صح
جدتي :كلامك صح يمه والله يكتب الي فيه الخير
وليد وهو ماشي : يالله استاذن بروح اريح شوي
مدري ليه وجه وليد ما طمنني كنت جالسه طول الوقت ساكته بس لما دخلت جدتي في السالفه ركزت على وليد وملامحه ابد ما طمنتني
الله يستر بس ويكتب الي فيه الخير يا رب
الصراحه بعد ما شفت وجه وليد خفت وقلت بفكر اكثر ما برد عليهم اليوم يبي لي وقت
جاني ابوي بعد المغرب يسالني
بس قلت له لسه ابي وقت افكر
احمد:خذي راحتك يبه متى ما قررتي اعطيني خبر واذا تستحي قولي لجدتك تقولي
مرت يومين وانا ما اعطيت ابوي خبر بس كنت اذا صليت ارتاح بس اذا تذكرت وجه وليد اخاف
يمكن يعرف شي وساكت
اليوم الثاني جدتي قالت اني لازم اقولها رايي عشان تقول لابوي يا ايه يا لا
لين:مدري يا جدتي احيان احس اني مرتاحه
بس احيان احس بخوف مدري ليش
جدتي:اكيد بتخافي يا بنتي حياه ما تعرفيها ورجال ما عمرك شفتيه
بس الحين انتي وش تحسي ايه ولا لا
لين بتنهيده:خلاص قولي لابوي اني موافقه والله يكتب لي الخير يا رب
جدتي:امين ان شاء الله ما تشوفي في حياتك الا السعاده
لين:امين وياك
قمت اخذ لي لبس وادخل اخذ شور لان اليوم الجمعه حقت العيله عند ابوي
هم متعودين كل اسبوع عند واحد
رحت البس لي جلابيه من الي عندي وتذكرت مره
قالت لي مها
مها:اش رايك ننزل السوق ونشتري ملابس
لين:ما احب اشتري انا متعوده تخيط لي جدتي ملابسي عند وحده كانت قي قريتنا تعرف تخيط وقبل ماجي هنا خيط كذا قطعه ما احس اني احتاج اكثر
مها:كلها زي الي عليك
طالعت لبسي جلابيه حمراء عاديه
لين ؛ايه مو حلوه
شفتها تحرك فمها على جنب مو عاجبها
مها:لين انتي بنت بعدك صغيره ليه تلبسي كذا زي العجايز تمتعي بشبابك
لين:كيف يعني اش البس
مها:البسي زيي بنطلون تايور فستان اي شي بس مو كذا وفي البيت البسي بجايم
لين بغرابه:تبين البس كذا عيب
مها:من قال لك عيب عادي انتي بنت
لين تهز راسها بستنكار :لا ما اتخيل نفسي كذا بعدين انا ارتاح في لبسي هذا
مها وكنها ملت مني:كيفك انتي حره


طالعت جلابيتي الخضراء الي فصلتها لي جارتنا قبل نجي يعني وش فيه لبسي بالعكس اشوفه مرتب ونظيف وهذا اهم شي

الصراحه صرت اشيل هم الجمعه هذي البنات طيبات بس نجوى هذي شويه شايفه نفسها علي مدري اش مسويه لها بس انبسط لما تذكرت رنا
رنا قويه علاقتي بها سرت انبسط معها كثير
اكثر وحده اتكلم معها حتى اكثر من مها
مها في الجمعات اذا جو بنات عمي تسحب علي مره معاد تناظرني
مدري ليش
ممكن تفكرون اني جاهله وغبيه شوي في التصرف مع الناس والي يجلسون ينغزوني بالكلام زي نجوى
بس انا ما اعرف تربيت مع جدتي وامي بعدين جدتي ربتني ما ارفع صوتي على اي احد كبير وما افتعل اي مشكله واني اذا سمعت من احد كلمه مو حلوه في حقي اسكت ربي بياخذ لي حقي واني اقابل السيئه بالحسنه
واصلا عمري ما سمعت النغزات هذي في الديره كانت مدرستنا صغيره ما فيها بنات كثير وكانت علاقتي ما تتعداء صديقاته رحمه وهند
وفي البيت جدتي وام عبدلله يعني حياتي مكان فيها احتكاك بناس كثير ما عرفت انواع كثيره من الناس وهذا سبب جهلي
شفت جدتي بتطلع لفيت عليها
لين:جدتي نروح من الحين
طالعت الساعه لسه ما اذن المغرب
جدتي ؛لا ابي اكلم ابوك شوي قبل الصلاه
عرفت انها بتوصل الموافقه لابوي
دق قلبي مدري ليش ما اكذب عليكم حتى وانا لوحدي اذا فكرت فيه اخجل مره وتصدقون مقد عرفت اسمه شكلي بسال رنا يمكن تعرف احس ارتاح معها اكثر من مها يمكن عشان العمر قريب بينا
قعد افكر بيني وبين نفسي يا ترى كيف شكله
احلا من اخوي وليد
لان وليد ما شاء الله عليه هيبه وشخصيه
بس طويل مرره
سرحت بخيالي وباحلامي ما حسيت بنفسي
لين حسيت بضربه على كتفي
جدتي:بنت وينك لي ساعه اناديك قومي صلي من الحين عدي تسرحي ولا قد صار شي
عرفت ان جدتي كشفتني ان افكر فيه بس انا زي اي بنت احلم برومنسيه واحلام ورديه
خصوص في الشهر هذا علمتني رنا على كذا مسلسل رومنسي يجي في التلفزيون وعشت معهم جو صرت اتخيل نفسي اني بكون زيهم
الله يسامحك يا رنا انتي لعبتي بعقلي
ضحكة على نفسي يوم تذكرت في الشقه يوم نتغطا انا وجدتي عن الرجال في التلفزيون
جدتي الين الحين مو مقتنعه واذا جا رجال تتغطى احيان بس كنها انبسطت عليه خصوص يوم حط لها ابوي قناة البدو وتشوف حلال ورعيان
تقول تذكر حالهم اول
صلينا المغرب ورحنا بيت ابوي
شوي وجو اعمامي
جلست مع رنا
دقتني بكوعها في بطني بقوه ها البنت دفشه
رنا:حركات وانخطبنا وبنصير عرايس
ليش ما خبرتني الاسبوع الي فات
انحرجت مره وحمر وجهي من تعليقها
رنا :اخس كل هذا بس عشاني قلت كذا اجل لو شافك اش بتسوين
لين باحراج:رنا خلاص بس والله مستحيه
بعدين انا ما عرفت الا الاسبوع هذا
وحتى اسمه ما اعرفه انتي تعرفيه
رنا بهبل :ايه اعرفه لانه كان خط......سكتت بسرعه
لين عاقده حواجبها:اش فيك
رنا بابتسامه مرتبكه:لا ولا شي المهم اسمه طارق
طارق العزام من عايله معروفه هنا
لين :انتي تعرفي شكله سالت مها بس ما جاوبتني تقول ما يعجبها شكله شكله مو حلو
رنا:الجد الجد
لين:ايه
رنا:الجد والا العم
ضربتها على كتفها على خفيف :رنا بلا هبل
رنا:ما اعرف شكله ولا عمري شفته
لين:ضفي وجهك تستهبلي وبعدين ما اعرفه
رنا: طيب قالوا متى الزواج
لين:لا لسه توي اليوم اعطي ابوي خبر
جلسنا نسولف بعد العشاء
كلهم جلسوا يباركون لي مدري كيف عرفوا وانا قايله لابوي بس اليوم
شفت نجوى تطالع لي:غيري شويه شكلك ولبسك بكره تروحي عند عايلة العزام تفضحينا
لين باحراج:افضحكم في وش ولبسي عاجبني
نجوى:هذي عائله كبيره ومتعودين على الماركات والكشخه وكل شي عندهم من برا وانتي شوفي شكلك كيف كانك لحجيه
مها بحده:نجوى وبعدين
نجوى :وانا صادقه
رنا:وانتي وش لك كل واحد حر بنفسه يلبس الي يبي
نجوى:كيفها انا اقول نصيحه بكره الكل بيقول لها كلام اقوى من كلامي ممكن تشوف كلامي جارح بس الي بتسمعه منهم بيكون اقوى وانتوا عارفين من هم
حسيت بغصه وقفت في حلقي اش فيها هذي علي كني ذابحه لها احد
وانا احاول قد ما اقدر ما احتك فيها
شافت رنا وجهي الاحمر وسحبتني معها لجلسه ثانيه بعيده عنهم شفت مها تتكلم مع نجوى بعصبيه شكلها تلومها على كلامها بس نجوى شكلها مطنشه
لفيت لرنا لما قالت لي
رنا؛لا تشيلي بخاطرك على نجوى هي كذا من عرفنها مغروره
لين:مدري ليه حاطه عليه من لما جيت هنا دايم اسمع نغزاتها واطنش
رنا :ما عليك فيها خليها تولي
لين:وش قصدها اني باسمع من عائله العزام اقوى من كلامها
رنا:هم شوي من الناس الهاي هاي يعني متفشخرين شوي
لين بستغراب:اغنى من ابوي
رنا بضحكه:لو ترين بيوتهم بيت عمي هذا ولا شي جنبه
قلت وانا مفتحه عيوني:من جدك باقي احلا من البيت هذا
رنا طالعتني بنظرات غريبه احسها اشفاق:لين انتي مره طيبه وبريئه انتي ما تعرفي شي في الدنيا حاولي تغيري شوي من نفسك وتعرفي اكثر تري نجوى ما هي الا جزء بسيط من الي بتعاشرينهم بعدين سواء في الجامعه او البيت او اي مكان
وبعدين صادقه نجوى لازم تهتمي بمظهرك اكثر
قلت بعناد:انا عاجبني لبسي وما تعجبني ملابسكم
رنا بضحك:الحين حنا الي مو حلوه ملابسنا
لين:ايه مي داخله عقلي
رنا :حاولي تدخليها غصب
لين :انا احب اكون على طبيعتي ما احب اتصنع واغير من نفسي عشان احد الي ارتاح فيه هو الي اسويه
رنا:كيفك انتي حر لا تجي تتشكي بعدين اذا سمعتي تعليق زي تعليق نجوى بعدين تري الجامعه ما يدخلون وحده لابسه جلابيه لازم تنوره وبلوزه
عدت العزيمه على خير معد قربت من نجوى ما ابي اسمع كلام يغث اكثر
اليوم الثاني جانا ابوي
احمد:تري يا خالتي طارق يبي الزواج بعد شهر في شهر سته
و يبي حفله مختصره فقلت له بسوي الحفله في البيت هنا وبياخذ مرته ويروح
واهله يمكن ما يجون لان اخوه سوى حادث وقاعد يتعالج برى السعوديه واهله راحوا معه بيجي هو قبل الزواج بيوم
جدتي:الله يكتب الي فيه الخير ومعذور دام ظروفه كذا
لين: اوجعني قلبي شهر قليل يعني قبل المدرسه بشوي
وجدتي وين بتروح
لما طلع ابوي سالت جدتي
لين:جدتي وانتي
جدتي بستغراب:وش فيني انا
لين :يعني انتي بتجين معي صح
جدتي:وش هو له اجي معك بيت الرجال انا بعد زواجك برجع الديره
حسيت كان شي جاء على راسي
لين بصدمه:ترجعي الديره
جدتي:ايه وين اجل اروح برجع لبيتي واهلي
لين والدموع متجمعه في عيونها:وانا
جدتي:اش فيك انتي انتي بتكوني مع زوجك
لين:خلاص ما ابي اتزوج انا على بالي بتروحي معي
جدتي:وش ما تبغين ليه هو لعب عيال الرجال حدد كل شي تجين انتي تقولي لا بعدين يمه هذي سنة الحياه سواء الحين ولا بعدين انتي بتتزوجي وتتركيني وتروحي بيت زوجك
بكيت بقوه ما توقعت في يوم بترك جدتي انا كنت حاطه في بالي انها بتروح معي جلست اقنعها بس هي قالت ان خلاص تعبت من الجلسه في المدينه وشتاقت لديره وبيتها وهناك تاخذ راحتها اكثر
مرت الايام بين تجهيز للعرس
مها تقول هي بتتكفل بتجهيزاتي الصراحه ما اثق فيها بتحط لي حجات ما اقدر البسها زي اشكال ملابسها بس انا سكت لان يوم اعترض ابوي قال لي لازم يا بنتي تتجهزين بتروحي عند ناس ما تعرفينهم ومنصبهم عالي لازم تكوني زيهم
سكت ما تكلمة قبل الزواج باخذ معي جلابيات الي فصلتها انا وجدتي انا ارتاح كذا غصب بيغيروني بس لما نزلت مع مها مره السوق
عجبني كم بلوزه على تنوره احس ساتره ويمدي البسها ما عجب مها بس سكتت
وبعدين صارت هي تختار معي التنورات وتاخذ لي موديلات مختلف انواع كان فيه انواع مره جميله

وودتني مشغل تقول بتسوون لي تنظيف بشره
صاحبة المشغل قالت لي بشرتي مره تعبانه
وسالتني اذا اتعرض الشمس كثير
سكت بخجل يوم سمعت مها تقول
مها:منقعه في الشمس ما تدخل وجالسه فيها بعز الظهر
شهقت صاحبة المشغل:كذا بضري نفسك مررره
وبشرتك ممكن تحترق لان هنا الشمس مره قويه الظهر كيف تتحملين
قلت بخجل:تعود
اعطتني كذا كريم وغسولات ما اظن بستعمل هذي كلها
وحنا في السياره جلست مها توصي
مها:سمعتي لازم تستخدميها ومعاد تطلعي الشمس
لين بدون اقتناع :الشمس صحه وكلها فيتامينات مها :فيتامينات في الصباح مو بعز الظهر
سكتت لين عنها وش ذا كله عشان بتزوج اذكر
جارتنا ام عبدلله لما تزوجة بنتها عائشه ما سوت
كذا قالت لجارتنا الي تخيط خيطة لها كم بدله وبس
وصلنا البيت رحت لجدتي
جدتي:هلا وصلتي وش سويتي اليوم
لين:ودتني مها عند وحده قرقرت على راسي لين صدعت وتقول لازم استخدم كل هذي الكريمات
طالعت جدتي في الكيس وهي عاقده حواجبها
جدتي:وش فيك يا بنتي ليه كل هذي الادويه انتي تعبانه
لين بضحكه:هذي كريمات البشره تقول الشمس خربت بشرتي
جدتي :الشمس صحه وين تخربك الا ما يقويك الا هي
لين مبرطمه :قلت لهم بس ما يقتنعون
جدتي؛ما عليك منهم وارمي هاالادويه هذي عنك لتضرك ما هو كل شي يعطونك تاخذيه
لين بغرابه:بس يا جدتي دفعنا قيمتها
جدتي :ما عليك منها خليها لا تسبب لك مرض ولا شي ووجهك ما فيه شي وش حلاته خليك منهم مو فاهمين شي
اقتنعت بكلام جدتي وتركت الكريمات في الشنطه الي باخذها معي اذا تزوجت
فكرت في الزواج باقي بس اسبوعين
احيان احس اني ندمت لاني وافقت اذا تذكرت اني ببتعد عن جدتي حاولت كذا مره ارفض بس جدتي زعلت مني وقالت الناس مو لعبه بعد ما تحدد كل شي ترفضين قالت لو افكر وارفض معاد بتكلمني ابد دام قلنا لناس كلمه لازم نكون قدها

كانت مها مجمعه لي اغراض كثيره تقول مكياج ما ادري اصلا كيف اسوي فيها مره جلست تعلمني بس ابد ما فيه فايده
عرفت الكريم الاساس والبودره والمسكره وروج اما اكحل عيوني وانا مغمضه وحده من عيوني ووحده مفتحتها ما عرفت قعد اضحك على مها اذا عصبت علي
بس جد صعبه وشعري قالت لي فكيه بشوف طوله لاني انا متعوده اظفره جديله والفه فوق راسي على شكل دائري عشانه يضايقني اذا فكيته لانه طويل مره الى فخوذي وكثير وناعم
فكيته وراحت مها الحمام
جلست افك الفه وبعدين فكيت الظفاير
وانا افكر كمان وش بسوي بشعري لتكون مفكره
تقصه والله ما غير تقص جدتي رقبتي
فكيته كله وجلست اطالع لطوله في المرايه
والف بظهري اطالع من ورى
دخلت علي مها
وطالعت شعري باعجاب:ما شاء الله مره حلو شعرك احلا شي فيك
طالعت لها بزعل:يعني انا مو حلوه
مها بمزح:يمكن لو اهتميتي بنفسك تطلعي حلوه
برطمة بزعل منها :انقلعي
وجيت ابمشي
مسكتني مها وهي تضحك:امزح معك بس جد لو تسمعيني وتهتمي اكثر تطلعي احلا وحده في العايله انتي عندك مقومات جمال عيونك ما شاء الله تجنن وساع مره وشعرك وطولك الي مخرب عليك سمارك ونحفك وقلة اهتمامك
لين :الي يبغيني يقبلني كذا ولا كيفه
مها وكنها ملت مني :كيفك انتي ما تسمعي احد
المهم خلينا بشعرك
لين بسرعه:لا تقولي اقصه والله جدتي تقص رقبتي بعدين هي قد اخذت وعد مني ما اقرب جنبه بس السانتي الي اقصه كل شهر منه
مها:لا ما فكرت اقولك قصي شعرك اصلا انا لو قصيتيه بقص رقبتك
بس ما نفسك تصبغي وتغيري لونه مع ان لونه روعه وما يستاهل اسود مره
لين:لا فكينا من شعري ما بغير فيه شي
مها:طيب احسن تعالي بعلمك كم طريقه تسويها بشعرك بدل الحركه الي قبل مدري كيف طالع شكله
جلست تعلمني انا بصعوبه اسوي الحركات مو متعوده ولا هي سهله
مها بعصبيه :نفسي اعرف كيف انتي رسامه وفنانه تشكيليه ومو قادره تطبقي شي على نفسك
لين:يبيلي فتره اتعلم شوي مو متعوده بعدين شعري طويل صعب علي في تحريكه والف
مها تطالع شعري:في ذي معك حق حتى كثيف ما شاء الله الله يعينك

كان كل يوم الروح لمها بعد العشاء اذا نامت جدتي تعلمني شي
تعلمت حجات كثر
واليوم رحنا السوق شرينا اغراض
ومها قالت بتسوي لي مكياج وتعلمني وتشوف وش الي باقي ما تعلمت صح كان فيه تطور صرت اعرف اسوي مكياج بس يعني مو باتقان زي مها
سوت لي وقالت البس فستان تقول شرته
عشان البسه عند اهله اذا رحت لهم اول مره
كان لونه سكريه لونه جميل جدا اعجبني بس شوي مفتوح يعني اليدين كت ومن تحت فيه فتحه الين الركبه وماسك على الجسم
لما سوت لي المكياج
مها:يالله الحين جربي الفستان ونشوف قياسك لانك يا حلوه رفضتي تجربيه في السوق
لين:مو لازم اجربه
مها؛لازم تجربي عشان اذا مو تمام نرجعه
كنت منحرجه ومتردده كيف البسه قدام مها
ومها تبيني البسه قدام اهل زوجي مستقبلاً مدري
خذته بخجل ورحت غرفة الملابس حقت مها لبسته وطالعت لنفسي في المرايه الطويله الي في الغرفه
كان علي تمام
سمعت مها تنادي من برى
مها:وش فيك لين اطلعي
لين بحرج:خلاص طلع مضبوط بفسخ
مها :والله يا ويلك اطلعي بشوفه
كنت متردده ومنحرجه وعشان اغطي احراجي شوي فكيت شعري عشان يغطي شوي
اكيد بتقولوا الله بتستحي من بنت مثلك بس والله جد كنت مره مستحيه اول مره البس شي زي كذا
طلعت لمها وكنت امشي بتردد
مها لما شافتني صفره بقوه
مها:حركات لين وين مخبيه الجسم هذا عنا
وطالعت وجهي
مها:اش فيك مرتبكه كنك طالعه قدام رجال مو بنت واختك كمان
لين:بخجل خلاص شفتيه بروح افسخ
مسكتني مها :تعالي وين اجلسي امشي فيه شوي عشان تتعودي ومعاد تنحرجي
وتعالي اضبط لك شعرك عشان نكمل البروفه
جلست تسوي لي شعري وتعلمني كيف
بعدين لما خلصت قالت اش رايك
طالعت في نفسي بجد حلو ما شاء الله عليها مها فنانه
لين:حلو
مها:مرره حلو بس تطور قوي سويته فيك من يصدق انك انتي الي جيتينا قبل شهرين
لين:ليه ما كنت عاجبتك
مها:لا والله بس حلو الانسان يهتم بنفسه
انتي الحين تمام بس باقي بشرتك تعبانه وجافه انتي تستعملي الكريمات الي اعطتك الدكتوره اخر مره
لين بسرعه؛ايه استخدمها
مها صغرت عيونها:وصدق
لين:امممممم استعملها والله بس احيان انسى منها
مها:كم تستخدميها في الاسبوع
لين بصدق:يمكن مرتين
انفجعت مها :قالت لك يومين وانتي تستعملينها مرتين في الاسبوع عشان كذا بشرتك ما تحسنت
صح تفتحت شوي بس باقي جافه وباهته
لين:خلاص بستعملها
مها :بعد وش خلاص زواجك باقي له اسبوع بس
يالله باقي بس اسبوع مرت الايام
صرت استخدم كريمات الدكتوره حقت البشره كل يوم عشان مها وعدها ما انساها
مر الاسبوع بسرعه
امس جينا من المشغل خلصنا الي باقي لنا ومها كانت تبي تصبغ بس رفضت مره الا شعري مستحيل امسه عشان جدتي
اليوم كانت جلست الحنه والكل اجتمع عندنا لان خلاص بكره الزواج لبست لبس اعطتني هو مها
كان مخصر و يجي لنص الساق كنت برفض بس هي قالت عشان ما يخرب علي حنة رجولي
ماشيتها مع ان بعدين لما شافتني جدتي حسيتها طالعتني بنظرات انو ما عجبها
البنات انصدموا مني لان مها خلتني المره اسوي مكياج وكان مكياجي حلو يعني مو مره بس رسمت كحل فوق عيوني ومسكره وروج
بشرتي تحسنت شوي يعني لو جد كنت استعملته من لما اعطتني كان تحسنت اكثر بس يالله باجلس عليها
وانا الي سويت شعري قالت لي مها اسويه ذيل حصان
عورتني يديني مره وانا الم شعري لانه طويل وكثيف بس طلعت نتيجه مغريه جدا بنسبه لي بما اني انا الي ضبط نفسي
رنا جت عندي وهي طالعني باعجاب :وين مخبيه ها الزين عنا ما شاء الله عليك
لين:جد طلعت حلوه
رنا:مره والله احلا وحده فينا
كانت نجوى تطالعني بنظرات من بعيدما قربت علي وما كلمتني احسن انا نفسيتي زفت عشان الزواج وفرق جدتي ما كنت ناقصتها بس كويس انه ما تكلمت
بعدين شغلوا البنات اغاني وجلسوا يرقصون قوموني ارقص معهم الصراحه انا كنت اعرف ارقص صح اني هاديه بس وقت الطرب مع صديقاتي في المدرسه كنت اقوم كني هبله محد يصدق اني انا الي كنت ساكته قبل شوي ههههههههههه
المهم الحريم الكبار ما كانوا معنا وهذا الي خلاني اتشجع كنت ارقص بهدوا بعدين دخلت جوا
البنات انطربوا حتى نجوى كانت متحمسه معنا
انبسط مرره اليوم نسوني صدق كل مخاوفي من بكره
لما راحوا كلهم كنت بروح لبست عبايتي عشان فستاني قصير وكنت بالبس شيلتي على دخلت اخواني وابوي
طالعني خالد:حركات العروس باقي سهرانه
مها:اصلا يمكن ما تنام حتى
ابوي كان يطالعني بنظرات غريبه حسيتها حزن
وطالعت وليد كان يطالعني بنفس نظرات ابوي خفت اش فيهم ذولي
بس ابوي وقف وقالي الحقه
رحت معه الصاله الثانيه بس مكانوا اخواني يشوفونا او بسمعونا
جلس ابوي جنبي ومسح على راسي بحنان اول مره يسويها من جينا
احمد:تشبهي امك كثير
لين :تذكرها امي
احمد هز راسه:ايه وكنها واقفه قدامي انتي نسخه عنها مرره بطيبة قلبها بجمالها
لين:ابوي ممكن اسالك شي
احمد:عارف وش بتقولي ليه تركتها
نزل راسه وسكت فتره
احمد:كنت مضطر اتركها عشان ما اكسر قلبها اكثر ما كنت ابيها تتعذب كنت عارف ان ممكن طيبة قلبها وحنانها ممكن تتحول شي ثاني اذا اخذتها معي الحياه صعبه هنا عكس في الديره كنت ابيها تجلس بنقاوة قلبها ما يخربها شي كنت ابي ارجع لها كل فتره بس صارت ظروف خلتني اكذب الكذبه الي تعرفيها
لين: لو اخذتها يمكن مكان تغيرت الي فيه طبع ما يغيره اي شي
احمد؛لين الدنيا صعبه والحياة غير عن الي انتي تظنين عشان كذا ناديتك ابيك تظلي قويه لا يغيرك اي شي خليك لين الصافيه الواضحه الي تخلي الكل بحترمها الي كل من شافها قال ونعم تربيه لا تخلي الدنيا تغرك ولا الناس ولا خيبات الامل تكسرك
كنت اسمع كلامه وانا احس شي في قلبي ينعصر
وقف ابوي وباس راسي وقال لي كلمه ما انساها
احمد:سامحيني بس كنت مجبور ولا انتي قطعه من قلبي
وراح حسيته ابوي ماسك دموعه معقول ابوي يبكي يمكن عشان كان بعيد عني ولما جيت ما امداه يتهنى بقعدتي معه الا ونخطبت وانا اول وحده تزوج من اولاده
رجعت الملحق شفت جدتي كانت نايمه جلست واخذتني خيالاتي لايام الجايه الانسان ما اعرفه مقد شفته
اليوم الثاني مر بين عفسه وتجهيز وانا احس مرهقه ما نمت ابد كلام ابوي امس خلاني اجلس افكر بس فيه
رفضت الكوفيره تبداء تسويني الا بعد العشاء
لان ما ابي اسوي قبل ابي اصلي وبعدين
مها عصبت علي وجلست تقول عادي تسويك بعدين صلي وخليك متوضيه بس رفضت يمكن عشاني مرتبكه وخايفه ابي اخر كل شي
دخلت عندي جدتي وانا توي اخلص صلاتي لما شفتها على بكيت وهي ضمتني
جدتي:اش فيك يمه مفروض تكوني فرحانه
لين:ما ابي اروح عنك ابيك معي على طول
جدتي :وانا ان شاء الله معك بكون في قلبك على طول واذا عيونك اشتاقت لي تعاليني الديره
لين ضميتها بقوه وانا ودي ادخل جواتها
جلست جدتي تمسح على راسي
شوي وفتحت مها الباب بسرعه
مها:لسه بسرعه تري تاخرتي
جدتي:خلاص الحين بتقوم تغسل وجهها وتجيك
ولفت علي يالله يمه قومي غسلي وتجهزي معاد فيه وقت
وقفت ووقفت معي جدتي بس قبل ما اروح مسكتني
جدتي:لين بقول لك شي وخليها حلقه في اذنك لا تغرك الدنيا وتنسي حالك خلاص
بست راسها وقلت لها خلاص رحت غسلت وجهي ورحت للكوفيره سلمت نفسي لها
على الساعه 12قالوا وقت الزفه
الحفله كانت في حديقة بيت ابوي
طلعت على الزفه كنت مرره مرتبكه كنت امشي وحدي محد معي كلهم ينتظروني عند الكوشه
طالعت كانت خالتي ام وليد وجدتي ومها ينتظروني قدام
لما وصلت جلست جلست المصوره تصورني
جتني رنا وهمسه في اذني؛طلعتي قمر ما شاء الله
لما خلصنا ورجعت الغرفه
جتني ام وليد
ام وليد بسرعه:يالله ابوك يقول البسي واطلعي زوجك ينتظرك برى
لبستني مها وجدتي العبايه كنت ابكي حضنت جدتي وجلست ابكي
جدتي بدموع:خلاص يمه ان شاء الله اشوفك قريب انتي وزوجك
بعد عنها ؛ان شاء الله
قبل اسوي الغطاء مها عدلت لي المكياجي الي اخترب مع الدموع
مها:امسكي نفسك عشان ما تخرب مكياجك
طلعت لقيت وليد قدامي الصراحه ما توقعت هو الي بياخذني لسياره مدري يمكن عشان علاقتي معه مره رسميه
لما وصلنا السياره كان كذا واحد واقف هناك
قرب مني ابوي وخالد وسلموا على راسي
وكان معهم واحد طويل حيل شكله هو زوجي
ما طالعته الاني كنت في حاله ثانيه
دخلني وليد السياره
وسمعته قبل يقفل يكلم طارق الي هو زوجي
وليد ما اوصيك عليها
مدري وش رد هذاك الان قفل الباب
دخل جنبي طارق لازم اتعود عليه وعلى اسمه
قال مبروك يا عروس
ما رديت ما قدرت ارد
مشى بسياره الين مكان كان مره فخم (فندق)
نزل ونزلني معه ساعدني بفستاني
وشفته يعطي واحد مفتاحه السياره ويقوله يجيب الاغراض
طلعت معه فوق ودخلنا الجناح
ودخلني الغرفه وانا لسه بعبايتي
طارق:فسخي عبايتك والحين بدخل لك شنطتك
كنت متردده فك العبايه بس خفت يجي وباقي لابسه العبايه فكيتها وحطيتها جنبي ومع فتحته للباب بسرعه رفعت راسي اطالعه
شفته وقف مكانه وطالعني
نزلت راسي منحرجه
شفته يقرب مني ورفع راسي طالعته ونزلت عيوني وانا منحرجه من قربه

جلس يطالعني فتره كنه يحفظ ملامحي







طارق :شكل ابوك يستهبل







كتتتتتتتتت








الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1