اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 28-01-2017, 06:36 PM
لحظات عمري لحظات عمري غير متصل
©؛°¨غرامي جديد¨°؛©
 
الافتراضي رد: الحظوظ العاثرة


مرحبا مليون ولا يسدن..
منوره ..ماصدقت يوم شفت اسمك يلمع هنا..
مبروك علينا رجعتك.ومبروك لك روايتك..
وربي يوفقك.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 28-01-2017, 06:59 PM
فرح الصباح فرح الصباح غير متصل
©؛°¨غرامي جديد¨°؛©
 
الافتراضي رد: الحظوظ العاثرة


السلام عليكم
مرحبا الف بام اليزيد نورتي 💗
والله عرفت من صديقتي جايه تبشرني انك بتنزلين مولودتك الثالثة الله يجعلها شاهدة لك لاعليك والله أسعدني الخبر وأتشرف اني بقراءلك من البداية .
ام اليزيد قلمك فخم وله رونق وطابع خاص فيه وأسلوبك قليل بحقه كلمه جميل ، حتى متابعاتك فخمات بجد ما شاء الله تبارك الله ♥
بالنسبة للرواية من الواقع هذا شيء يعطيها تميز وهو الثار والقطيعة اللي صارت بين الاخوان (الشعر اثر فيني مبدعة) عشان بنت عمهم ، ولما تفكرين فيهم كل واحد ماله ذنب باللي صار واحد يحب والثاني كلمه عمه بمجلس رجال وصعب يرده وهي بالاخير اللي أكلتها
واتوقع بنتها(المهر) غير عن كل الشخصيات حبيتها والله

غتار وغيّام 👍🏻 جذبتني الشخصيات والأسماء الفخمة
فارس قهرني ليش يعلق الضعيفه هي لها فضل بالجسم اللي وصله صح انها سطحيه بس مايعلقها
عقاب اشتغل على نفسه وبناء مستقبله كل هذا استفاده من القطاعة خلاص ارجع تصالح من اخوك لاتفرقكم مره وارضا بالواقع
وأخيرا الله يسعدك موفقه حبيبتي كعادتك متميزة ودمتي كذلك دائماً ❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 28-01-2017, 07:56 PM
دودي وبـس دودي وبـس غير متصل
©؛°¨غرامي جديد¨°؛©
 
الافتراضي رد: الحظوظ العاثرة






يامساا النوور و السرور ..


ياااهلااا وغلااا..
والله يام اليزيد نوورتي عالم الروايات بكبره ماهو بس المنتدى ..
ترا يوم بديت اقرا ماقدرت اركز من الفرحه هههه الله وكيلك يالله عااااد تماالكت نفسي وركزت 😂😂💔
طبعا هالجمال اسم الله عليك ينقرا اكثر من مرا ..


المهم عااد جهزي شنطة اليزيد حقت النجوم نبدا نجمع << فيسي الواااثق .. بس اتوقع اليزيد كبر عليها نخليها لأخته 😂


قلمك ماشاء الله جمييل ومن يومك ملكه الحرف ماشاء الله ..
الروايه متخمه بالفخااامه هي شخصيات هي سرد هي حوارات .. ماشاء الله تبارك الله لا يحرمنا هالإبداع 😍


نبدا من المدخل .. ترا دايما مداخلك تعجبني وصادقه طيف تكون فعلا كل كلمة فيها تعبر عن الرواية كله..


ال بندر ..
عايلة الحسب والنسب .. والطبقة المخملية والصراع اللي بينهم هل وصل لصراع الدام فعلا..والفرقى اللي صارت ..

ببدا من بندر لانه قهرني ..
تصدقيني ضمني بندر بعد وفاة نفود حسّيت في تخبط بقراراته وان نفود كانت مآثره عليه تأثير قوي وهو كان
يحبها بشكل كبير والغلا اضغاااف مضاعفه لغتار لانه ولد النفود.. يعني حتى زواجه ع حياتها ماكان رغبه منه ماجا
الا باصرار منها ولا من خاطر منه وحتى وفاتها يكفى الحزن اهلكه وبعد هالسنين كلها مانساها ..
ومن بعد رحيلها وهو في تخبط...


بدايتها من زواجه من العنود.. هو مايبيها ولا في باله بس عااارف ان اخوه ميت عليها.. كان اعتذر من عمه في وقت
ثاني وانه مايقدر ياخذها وأخوه خاطره فيها .. عقاب انجرح من اخوه .. صحيح انه موجوع وعمه ماهو مزوجه
وبيزوجها غيره بس صعب انه اخوه هو اللي يتمم الموضوع .. ترا المساله ماهي مسأله مره كثر ماهي مسأله
انه كيف اخوه هان عليه .. وعقاب مصيره يرضى طال الزمن ولا قصر لان الدم عمره مايصير ماي بس الظاهر
هو لسى في حررقه بقلبه وبيطلعها ثمن يهجد ..


انا اللي قهرررني كيف يترك العنود بعد مااخذها خلاص قدر الله وكتب وأخذتها كيف تتركها لعب عيال هو ..
وعقاب ماهو راضي حتى لو تركتها.. الاولى انه تركها من قبل مايملك عليها ماهو توه بعد سنه .. توه يندم يعني توه يحس بعواقب الموضوع ..
ليه ماصار قد الفعل وتحمل عواقبه .. تراه والله ظلمها و ظلمها ظلما شيين كيف حدد مصيرها عشانه هو و اخوه ..

وحتى بنته المهر طالها هالظلم .. عوورني قلبي عليها وهي تترجاه مايطلق ..وش الفايده انه عمه شاد الظهر فيه
ومزوجة بنته وآخر شي يتركها هنا نقدر نقول وش فرقه عن عقاب !!
ياترى هل بندر حس بتأنيب ضميره من ناحيه العنود ؟ زي ماحسه لعقاب؟؟



ثاني شي .. رفض يزوج غنام بغض النظر ع انه متعرف عليها .. هل يترى لو جاه غتار بنفس الطريقة بيرفض؟
الاكيد لا ماهو رافض لان قال مستعد يرمي كل العادات والتقالييد ويخطبها .. هينا يبان ان مبدأه ماهوو واحد
وعند غتار تهوون كل المبادئ .. عشان كذا المفروض يزوج غنام لان بندر ماهو صاحب مبدأ لان لو صاحب مبدأ كان
قلت معه حق يرفض الزواج ..

نشوف يابندر وش بتسوي لعقاب عشان يرضى بولدك لابنته كأن الزمن يدور بينهم..
وهل فعلا بتنذل لعقاب وترمي هيبتك وقدرك عشان خاطر غتار ؟


عقاب باين انه حاقد ع بندر ومن قلبه .. وماهو مفوت فرصة يذله ويوجعه فيها.. الظاهر اشتغل ع نفسه وحصله خيرر
وكأنه إثبات لهم انه المرجوج ماعاد ع خبرهم.. واذا غتار يبي بنته جاته فرصة من ذهب انه يذلهم ويرد اللي بقلبه ..

رياش صديقه كرريه لا يكون يلمح انه يبي فخر لولده


اقتباس:
المشاركة الأساسية كتبها ضمني بين الاهداب مشاهدة المشاركة
.
هز رياش رأسه بـ أسى...\ الله يقطع النسوان ان كان لاجاء لهم يد في شي يخربونه دايم...!


‎الله يقطعك انت .. وع هالثقه اللي مااليتك والله حريمك مايبون الا دراهم ،، وشكلك حتى الرجال فطن فيه... وجعل حرريمك ذولي يقصرون عمرك ويجيبون لك ضعف الهم اضغاف ..
‎الا هالرجال الي أمخاخهم توقف عند المره .. وصغر عقولهم وفي النهايه ووشوو تفرقهم مرره ..

‎ع قوله حامد زيد
‎لا بارك الله في رفيقٍ تزعله كلمة عتاب
‎ولاجمع الله الرجال اللي تفرقهم مره*!




غتار .. جذبني الاسم والشخصييه .. شخصيه تعبق بالفخااامه ..الغموض يلفها والكبر والعنهجية بدمه ..
الظاهر مورثات عمه عقاب .. واللي الظاهر منصبه العسكري زايد هالشي عنده وصاير مكروه من اللي حوله..
الحادث سررعه زايده ولا مدبر من شخص كاره ولا من عمه.. وبعد العسكرية والمناصب صار يشتغل مع ابووه
والله شي ماهو سهل يتخلى عن شغله بشي غصبنا عنه .. عشان كذا الظاهر كل طاقته وخبثه مفرغها بهالتجار
ياجعله دايم حييلهم بينهم اذا الشعب هو المستفيد ..غتار وش عنده متررهبن عن الزواج ؟!
الاكيد وراه شي وماقد شفت رجال معيي الا وراه بلى ..

وهو في الغيبوبه ماادري ليش أحسه سمعهم وهم يتكلمون عنه
سعد صاحبه هو اللي يبكي عند أذنه .. شكل العلاقه حييل قويه بينهم ..
سيف اعوذ بالله منه .. تدرين ضمضم ذكرني بمين خاصة هالمقطع مت ضحك عليه 😂😂💔


اقتباس:
المشاركة الأساسية كتبها ضمني بين الاهداب مشاهدة المشاركة
.
‎سيف..\وشايف عمره علينا بـ اسم ابوه واسمه..ماكأن في ذا البلد الا ذا الولد لاكلم احد كأنه يعد الكلام عد ..وكله غرور وشوفة نفس..وشوف ربك وش سوا فيه..ربك مايحب الي شايفين عمارهم بعد!
ذكرررني يااعمييري بمنايرر هههه يكون من عيال عمها اللي كانت تدق الصدر فيهم 😂💔




فخرر .. باين اننا موعدين بشخصية جذابة .. يكون هذا اول لقاء بينها وبين غتار.. والظريف اللي يتميلح مزديتن به
يوم تغسل شرراعه شكل بيحرم يتميلح بعد هالتفشيله.. متحمسه لهالشخصييه جداا😍




غيام.. باين ان قلبه حييل طيب .. قصته مع وهج بدايتها مراهقة .. ولأنه هو نقي ولا له سوابق حبها.. فتح عيونه ع حبها بس ..
العلاقات اللي زي كذا حاليا الوضع تغير ولا هي زي قبل الناس مستنكرتها اشوف في كثير انتهت بزواج ..

اعرف واحد زي كذا اخو صديقتي تعرف ع وحده وحبها وتزوجها كان يقول ماابي اتزوج زواج تقليدي ابي أحب وحده واتزوجها ..
ماادري هو تفكير الشباب تغيير وصاار اكثر انفتاحيه .. نقدر نقول تعتمد ع المجتمع والبيئة اذا كانت اكثر انفتاحيه هالشي بيصير فيها ..
بس المجتمع النجدي مااتوقع وصل هالدرجه من الانفتاحيه وتقبل للفكرة اصلا ..

انا شخصيا ضده هالشي.. لان له أبواب كثير أولها انه حرام وأنها خانت ثقه اَهلها وثالثها نظرة الازدراء اللي
بتلاحقها من اَهله لو أخذته وعندنا الناس ماتنسى ابدا بيجلسوا يدقونها بالماضي دق ..
وهي عاارفه ان هالطريق مسدود وشهوله تكمل فيه،،

‎...\أنت أذا هان عليك نفسك لذي الدرجه انك تكلم بنت وتبي تتزوجها...هان عليك أبوك يجي بكامل قدره وهيبته يجي يخطب لك وحدة مثل هذي !!

‎بندر كلمته هنا زي السكين .. استكثر نفسه ع هالشي متحمسه اشووف وش بيسوي مع غتار

غيام هل هو نقى لدرجة انه ماكذب ع ابوه و قاله انها اخت صديقه ولا لف الموضوع وجايها بطريقه ثاانيه..


تصدقين احس كرهت وهج ،، لان في العلاقات اللي كذا البنت هي الملاامه الوحيدة وكيف ماقدر تخفظ نفسها وثقة
اَهلها حتى لو الموضوع مايتعدا مكالمات البنت سمعتها زي القزاز اي شي يخدشها.. يمكن انها طاارت بغيام ولد
اصلا وفصل وسمعه زي الذهب .. وبالنسبة لها بصير لئطة ! .. والصراحه اني مستخسره غيام فيها ماتستاهله ..
هالتاافهه فوقها بعد تبي تفتن ع زوجة صديقه .. انا اللي ودي افتن عند ابوك ولا اخوك يضفك يالي ماتستحيني😤


بنت الجيران .. يممه انا احس قلبي وقف معها بِسْم الله والله هالشغالات صاروا يروعوون..
يلاا هاللي طاحت في في حضنه .. يمكن ابوه ولا ابوها يزوجها له .. هههه ثمن يتحسف غيام انه صار المنقذ



غتار و غيام .. شخصياتهم متضادة الاول يلفه الغموض .. شوفة النفس .. الغرور .. والثاني النقاء .. والوضوح .. طيبة القلب .. التواضع ..

باقي المهر .. ماشفنا شخصيتها بس اذكر من المقتطفات فيها يباست راس شكلها طالعه لغتار 😅




فارس وعهد .. الملام الوحييد فارس هو يوم يخطبها كان عارف شخصيتها قد اش تافها المفروض هالشي يخليه
يتوقع منها اي شي وحتى اخته منبهته وقايلتله..غريب فارس يعني كان داري بشخصها ويوم صار الموقف صار
يقول ماادري وشلون ارتبط فيها ؟؟ المفروض مايستغرب منها شي ..هذا وهو توه مملك عليها مابعد عاش معها..

هي جرحته بس هو لو يحبها صحيح بيلقى لها الف عذر ويعذرها ويدمح الزله ..صغييره .. مطفووقه .. وانها طاايره
بالعجة مع هالصديقات.. هو كان رافع سقف طموحاته فيها والاكيد بعد حركاتها دمرته .. لو يحبها بيرحم يتمها
والظروف اللي تخبطت فيها ..شكل اللي مرت فيه ماهو سهل اللي يخليها تدرك قد اش كانت غلطانه في حقه ..

مو بعد ما مانضجت و تغيرت شخصيتها يترركها .. مزديتن فيه امه الدنيا ماهو ع كيفه .. شكله لسى ماطلق

واللحين صاحب نوادي ويتميلح بهالسناب بنشوف المعجبات كيف يتحاذفون عليه..





ادري استرسلت واااجد .. بس عاد لسى في خاطري هرج لي رجعه ان شاء الله 😂❤
تسلم الايادي ياام اليزيد .. ويسعد قلبك اللي يسعدنا بهالجمال والابداع .. باين ان الروايه تهببل واكيد ماتقل
جمال عن سابقاتها هذا اذا ماتفوقت عليها .. الله لايحرمنا من هالإبداع ..






بانتظارك بكل شوق يالحب 💕😍





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 28-01-2017, 09:02 PM
الهرة الهرة متصل الآن
©؛°¨غرامي فعال ¨°؛©
 
الافتراضي رد: الحظوظ العاثرة


رجعت ورجعت الحياة حق غرام
ولابه قصور بالباقين
عقبال كثير غايبن يرجعون

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 28-01-2017, 09:25 PM
ومالعشق الا لأمي ومالعشق الا لأمي غير متصل
©؛°¨غرامي جديد¨°؛©
 
الافتراضي رد: الحظوظ العاثرة


هلا والله بالحامل والمحمول
وأخيرا رجعت وحدة من كاتِباتناالقُداما 🌺🌺🌺🌺🌺🌺

رواية مشوقه من البدايه لاحرمنا الله جمال وروعة ماتكتبينه
💗💗💗💗💗💗💗💗💗

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 28-01-2017, 11:45 PM
طيف الاحباب طيف الاحباب غير متصل
©؛°¨غرامي فعال ¨°؛©
 
الافتراضي رد: الحظوظ العاثرة


صباح ومساء الحرف الأنيق والمتابعات الراائعااات

عوده للحظوظ العاثرة وآل بندر الكرام
لي تعليق بسيط على الغوالي الي يحطون اللوم على ابو العنود
اولاً الانسان ماايعلم الغيب
علشان يختار لنفسه الافضل
ابو العنود رجل كبير في السن وقاس الموضوع من منظور بشري كان قدامه خيارين اما انه يزوج بندر العاقل ويأمن على مستقبل بنته
او انه يزوجها عقاب الي شايف انه ماهو قد المسؤلية
ومتوقع انه بيضيع بنته
وفوق هذا كله لااننسى ان العنود نفسها ماهي مياله لعقاب " الأذن تعشق قبل العين احياناااا
انا اشوف ان العداوة الي تفجرت بين الاخوان كانت العنود سبب من ضمن اسباب وضغوطات على عقاب
منها ان عمه مارفض عقاب والسلام
ما برر الرفض انه لعيب بشخصية عقاب ومسك ولد اخوه
وقال سنع عمرك وبنت عمك لك ..
هو شاف ان بندر هو الافضل و بندر مثال لرجل المسؤل الي درجة انه غامر وكانت بنته الزوجة الثالثة
ماشفع لعقاب انه استمات على الزواج من العنود
ولاعاب بندر الي حاول يتملص من ها الزواج لكنه
جبره على بنته ..

نرجع لأبطالنا بندر والعنود والزواج الي تكلل بالفشل
والي تسبب بالقطيعه بين الاخوان
بحيث ان بندر لاهو الي قدر يتقبل العنود
ولاهو الي قدر يسترجع اخوه او يسترضيه
من غير موقف ام بندر من عيالها
مستحيل بندر ماايكون طول سنوات القطااعه ماحاول يوصل لحل مع اخوه ويبرر له لكن طبع عقاب الحاد والعنيد مااعطى مجال او فرصة للوصل مره اخرى ..
فارس وعهد
فارس كان يناظر لعهد بمراية الحب العمياء
حتى كسرتها عهد وجرحته فيها علشان صحى على نفسه
واشتغل على نفسه وصار فارس آخر
فارس الآن بين خيارين ام طلاق عهد والانتقام لكرامته
وهذا الارجح
او انه بيتمم الزواج لكن بها الحاله بتكون عهد الزوجه الثانية ارضاء لأمه،
ننتظر ونشوف مع ضمضم وين بتوصلنا..

وهج وغيااام وماا ادراك ماوهج وغيام
علاقة تحت استار الظلام لأكثر من سبع الي عشر سنوات
علاااقة فاااشلة في اغلب الحالات مابني على باطل فهو باطل
والايام يوم يسحب يوم وسنه ورى سنه بدون مايحسون
غااارقين بالورد ماا ابي اقول بالعسل
الورد تناظره فقط منظر جميل ورائحه عطره
وهذا الي حاصل مع وهج وغيام
ومعروف الخاسر الاول والاخير البنت بغض النظر عن وضع وهج وغيام الرجل حتى لو كان صااادق المجتمع لايغفر وما اتوقع انه بيوقف حياته على ها الحبيبة اذا ماتزوجها بيلقى زوجة غيرها وبتمشي حياتة
لكن وهج وضعها بيكون على عدة اوجه
اما ان غياام يتحدى الكل ويتزوجها
وبيحط بينه وبين اهله حواجز خصوص ابوه
والوضع بيكون لغيام بين نارين نار عصيان اهله
ونار حبه لوهج
او ان الزواج ماايتم ووهج بيكون راااح من عمرها سنين
واستنزاااف لمشاعرها الي تشكلت وانصبت لا اتجااه واحد اما غيام والا فلا
وتتحمل مايجيها من مجتمعها
من لوم ونظره دونيه لها خصوص اذا انتشر موضوعها مع غيام
المجتمع مايلوم رجل تزوج من مطلقه ولو تطلقت عدة مرات
بيشوف انه من حقها وهو فعلاً حقها المشروع لكن ردة الفعل بتكون جاارحه لو تزوج وحده كانت تحب واحد قبل الي تزوجته حب عذري بريئ ماكان له هدف ها الحب الا الزواج
شي ماااشوف له تفسير لكن واقع وحاصل في مجتمعاتنا
تناقضات كثير بالمجتمع فعلاً مالها تفسير
وايضا منها بندر نفسه غيام وغتار
راااضي على نفسه انه يزوج غتار اي بنت يأشر عليها
لكن بنفس الوقت راافضها لغيام
هل هو انه فقد الامل ان غتار يطلب الزواج
او الحادث الي صار لغتار على رأي المقوله القديمه
عندما سئل اعرابي
"اي ابنائك احب اليك صمت الاعرابي قليلا ثم قال
الصغير حتى يكبر
والمريض حتى يشفى
والغائب حتى يعود "
او انها الثقه في غتار انه ماااراح يتزوج بها الطريقة
حادث غتار اتوقع قضااء وقدر
لكن هل ها الحادث على مرور احداث الرواية بيكون له تأثير او لا بننتظر ونشوف مع ام اليزيد
فخر وبنت الجيران في حياة ابناء بندر بيكونون
عبور الكرام او بيكون لهم بصمة
الله أعلم ��
مبدعه ام اليزيد كما عودتينا
وفي انتظااار القادم
الي بأذن الله بيكون اجمل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 29-01-2017, 02:13 AM
صورة مملوحة ـنجد الرمزية
مملوحة ـنجد مملوحة ـنجد غير متصل
©؛°¨غرامي متألق ¨°؛©
 
الافتراضي رد: الحظوظ العاثرة


اهلاً وسهلاً ضمني
مرحبآ بك من جديد,سعيدة جداً بعودتك ,مااستوعبت اسمك من ضمن الكتآب من جديد بالقسم
الرواية واضح من عنوانها انها جميلة كـ السابقات ,وربمآ أفضل!
-
يتضح لي ربما يكون هناك صرآع وتنآفس بين بندر واخاه عقاب فيما يتعلق بالتجارة .
بندر,لآ ألومه على موقفة صراحة,وايضاً لا ألوم عقاب ,لكن ماذنب بندر بهذه القطيعه ياعقاب !
لقد اخبرك انه كان مجبر,كيف تقاطع اخاك من أجلها,ربما تكون محق ان كان هناك شيئاً بينه وبين العنود .
بالتأكيد سيكون هناك تصدام بينه وبين بندر ,
-
لم يعجبني تحيز بندر من أجل أبنه "غتار"فـ ايضاً غيآم آبنه !
-
"غتار"<~من الان انا حزبه ان شاءالله
اسمه غريب وعجيب,ولاشعورياً تذكرت "عماد"تجذبني هذا النوع من الشخصيات
أجد الفخامة كلها فيه من أسمه,أعجبني اصراره على الحيآة,وثقته بنفسه .وربمآ تكون من نصيبة "فجر"واتمنى ذلك
فـ حتما سوف يُذكراني بـ الثانئي الجميل"عمآد,ملوك"
وان كان هناك خط بينهما ربمآ يتنآزل بندر ليستامح من أخاه,لاني لم ارى بين السطور أية محاولات منه ليستمسح من عقاب !

فجر شخصية جميلة وواثقة من نفسها للغاية واعجبني ردها ع الحثالة,ذكرتني بشخصية ملوك ,

غيام شخصية هادئة انيقة احببتها ,وتذكرت "ياسر"رغم ان ياسر كان "لعوب"لكن لا أدري شعرت وكأني اقرا لياسر
لم تعجبني علاقته مع وهج حتى وان كان لم يكن هناك اية مقابلات او غيره ..
ربما يكون له علاقه مع ابنة سليمان او سلمان >_<

-
وهج لاأعلم لِما شعرت بأنها تستغل غيآم,ربما لأسمه ومكانته ,لأ أعلم
لكن ربما يكون بينها وبين غتار نصيب وسيتكرر الصراع مجدداً بين غتار وغيام
وحقيقة لا اتمنى ذلك ,فأنا ارغب غتار لفجر .

-
فارس وعهد,حقيقة انا اتفق مع عهد في نقطة السمنة,لكن اخالفها تماما بالاسلوب الذي اتت به لفآرس,لم تراعي مشاعره ابداً
ولم تحاول ان تحسن الفكرة له,ربما كان طيش مرآهقه وقلة نضج,لكن الان الحال تغير,ربما فارس تجدد له مشاعره بعد تغيرها ونضجها؟!

شكراً لك ,ننتظر البارت القادم وان أمكن موعد نزول البارتات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 29-01-2017, 05:47 AM
*Beshoo *Beshoo غير متصل
©؛°¨غرامي جديد¨°؛©
 
الافتراضي رد: الحظوظ العاثرة


يآهلا يآهلا يآهلا بالجمال كله 😭❤.
وه يازين صبح قررتي فيه هالقرار من أجمل وأفخم الصباحات الي سمعت فيه هالخبر وكنت أنتظره من زمان من سمعت أنك قاعده تكتبين روايه وأنا كل ماشفت لك سنابه أقول أكيد بتحدد وقت نزول الروايه وكل مره تنزلين مقتطف أتحمس أكثرررر وأكثرررر لأن أعرف أن ضمضم إذا كتبت كتبت أول شيء أبداع وجمال وواقعيه بالطرح وأختيارك للقضايا دائم مايدل على كمية تمكن وقدرة بالكتابه بشكل عجيب مشاءالله تبارك الله 😭😍❤❤❤ وثاني شيء رقي واحترام للقارئ وتواصل معهم وتواضع بوقت فيه كثير من الكاتبات عندهم عدم احترام للقارئ بشكل كبير نتحمس مع الروايه ومع مواعيد البارتات وبالاخير ماتنزل بارت الا بعد شهرين ثلاثه وبعده تهف ماندري وين تروح عكسك أنتي تماماً قريت معك الثرثره ماشفت منك الا احترام لوقت البارت أو تنزلين أعتذار لأنك أنتي أو غيرك من الكاتبات أكيد أنك إنسانه راح تنشغلين راح يصير عندك ظروف بس الاعتذار شيء حلو يخلي القارئ يحس أن الكاتب مهتم فيه وهذي النقطه بذات أنا أحبها فيك وأن شاء الله ربي يتمم هالروايه وتكون بمستوى سابقاته وأكثر 😍❤❤ نجي للبارت باارت جميل بانت لنا فيه الخطوط العريضه لروايه وأهنيك على أختيارك صراع الاخوه لانه موضوع واقعي وحاصل بشكل كثير بأسباب مختلفه نجي لشخصيات موقف بندر من العنود مره أوجعني ليه تتركها بشيء هي مالها ذنب فيه ولاكان تركتها من البدايه مو بعد ماجابت البنت وتعلقت فيك بس مدري أحس راح ترجع له والعلم عند الله 😂 عقاب أنا من الحين أحس بصير من الحزب المعارض له 😂 غيام أنا من الحين أعتبريني من جمهوره كل شي فيه حبيته شخصيته رجولته وقفاته مع وهج ثقته بالشي الي قاعد يسويه واصراره عليه بس يارب يستمر هالاصرار ويتوج بالزواج 😩💔 فخر مادري أحس أنه راح يكون دوره بالروايه جميل وراح تتصدر مره حبيت شخصيتها وحبيت علاقتها بأخوها وعهد وفارس متحمسه أشوف وش راح يصير بينهم بس أحس فارس بيطيع كلامه أمه ويتزوجها بس راح يعطيها درس ماراح تنساه 🙄 تعليقي على باقي الشخصيات بعد البارت الثاني بعد ماافصفصهم وابخصهم إن شاءالله 😂❤ متحمسين جددددداً للبارت الجاي الي راح نعرف فيه الشخصيات صح ونفهمها أستمري كاتبتنا الجميله على هالابداع 🕊❤❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 29-01-2017, 04:31 PM
صورة شذى المطر الرمزية
شذى المطر شذى المطر غير متصل
©؛°¨غرامي مجتهد¨°؛©
 
الافتراضي رد: الحظوظ العاثرة


السلام عليكم ورحمة الله وبركاته
ما شاء الله روايه بدايتها رائعه
ونوعيتها من المفضلات عندي..
روايتك واحده من الروايات الي انعشت القسم
متابعه لك ..وان شاء الله تستمري للنهايه
الاسماء جدا مميزة..والروايه شكلها جنان
بالتوفيق لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 29-01-2017, 06:14 PM
صورة راميرا الرمزية
راميرا راميرا غير متصل
©؛°¨غرامي فعال ¨°؛©
 
الافتراضي رد: الحظوظ العاثرة


وقسم بالله انك بطله يوم رجعتي لنا برواية جديده..

نور المنتدى برجوعك وبرجوع كريستال ..

ورجع عهدنا بغرام ...

وعقبال لباقي الكاتبات...

لي عودة للتعليق على الرواية


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1