nancy.1998 ©؛°¨غرامي فعال ¨°؛©

هااااي سجليني من متابعينك
وبما اني جديدة قريت ولسه باقي ما كملت
فإنتظريتي بكرا بالكثير لان مستحيل اتأخر روايتك رااااائعه بكل معنى للكلمة
وان شااء الله بجيك بتوقعاتي الي دايماً شاطحه 😂😂

تحياتي
nancy



اوووه صح كمان
اتمنى تنوروني بروايتي الثالثة " جريمة الزفاف"

و تنوريني بردك الي يفتح النفس

https://forums.graaam.com/616961-3.html#post29381873

انتظر رأيك وتوقعاتك

إلــــيــــنــــا ~ طير الغربة ~

المشاركة الأساسية كتبها قمر بعيونه اقتباس :
معذورة يالغلا عظم الله اجركم وغفر لميتكم
أجرنا وأجرك جزاك الله خير
يسلمووو على التقدير :)








مايزرع داخل أنفسنا ينبت على ملامحنا...
لصراحتكم

إلــــيــــنــــا ~ طير الغربة ~

المشاركة الأساسية كتبها nancy.1998 اقتباس :
هااااي سجليني من متابعينك
وبما اني جديدة قريت ولسه باقي ما كملت
فإنتظريتي بكرا بالكثير لان مستحيل اتأخر روايتك رااااائعه بكل معنى للكلمة
وان شااء الله بجيك بتوقعاتي الي دايماً شاطحه 😂😂

تحياتي
nancy



اوووه صح كمان
اتمنى تنوروني بروايتي الثالثة " جريمة الزفاف"

و تنوريني بردك الي يفتح النفس

https://forums.graaam.com/616961-3.html#post29381873

انتظر رأيك وتوقعاتك

ههههههههههههههه أهلا نورتي يالغلا والله وهلا بالحلوه اللي نورت روايتي
بإنتظارك خلاص سجلتك هههههه
عاد متحمسه لتوقعاتك عادي اشطحي يمكن تكون صح

آبشري بعزك ياقلبي بس عطيني مهله لأني هالأيام حاكمتني ضروفي وذكرتها وآعطيك توقعات
بتملي منها ههههههههههههه
يلا بإنتظارك








مايزرع داخل أنفسنا ينبت على ملامحنا...
لصراحتكم

ريحانة الشرق~ ©؛°¨غرامي نشيط¨°؛©

بارك لي بارك لي الهلال فاز بمباراتين الأسبوع الماضي ضد النصر والرائد
واييي فديت الزعيم ياناس





هاااااااااااو مبروك مبروك دوم انشالله >>طبعا مع الهلي مو دوم ههههههه

و انا كمان باركيلي الاهلي فكل مباريات ابطال اسيا فاز
و اتعادل مع العين


#الأهلي_عشق_فطوم_الأبدي

إلــــيــــنــــا ~ طير الغربة ~

المشاركة الأساسية كتبها fatema14 اقتباس :
بارك لي بارك لي الهلال فاز بمباراتين الأسبوع الماضي ضد النصر والرائد
واييي فديت الزعيم ياناس





هاااااااااااو مبروك مبروك دوم انشالله >>طبعا مع الهلي مو دوم ههههههه

و انا كمان باركيلي الاهلي فكل مباريات ابطال اسيا فاز
و اتعادل مع العين


#الأهلي_عشق_فطوم_الأبدي


مبرووووووووووووووووك ان شاء الله دووووم








مايزرع داخل أنفسنا ينبت على ملامحنا...
لصراحتكم

DNDOONH8_H ©؛°¨غرامي جديد¨°؛©

مرحبا
اتوقع انو ياللي رح يغتصبها هي فرح
لانو لاحظت انو كل شيء يطيح براس فرح
بس رايي انو كنوع من التغيير تخليها فجر عقابا لها وردعا لامثالها اما الباقي مافيه توقع

إلــــيــــنــــا ~ طير الغربة ~

المشاركة الأساسية كتبها dndoonh8_h اقتباس :
مرحبا
اتوقع انو ياللي رح يغتصبها هي فرح
لانو لاحظت انو كل شيء يطيح براس فرح
بس رايي انو كنوع من التغيير تخليها فجر عقابا لها وردعا لامثالها اما الباقي مافيه توقع

مرااااحب ياقلبي
هههههههههههههه صادقه من هالناحيه بس للأن يعني القادم راح تشوفي أشياء راح تصير لفجر ومرح أكثر وأخس من فرح
بالنسبه لتوقعك نشوف البارت الجاي يمكن فجر أو مرح المسكينه ماتدري
فجر راح تشوفي ببارت اليوم أو عقاب لها والباقي في البارتات القادمه
يلا بإنتظار توقعك
كمان حبيت أخبركم أكثر الأشياء ماحطيتها لفرح إلى أني شفتها الأنسب لذا الشي ولو حطيتها لمرح
أو فجر أحس ماراح يضبط








مايزرع داخل أنفسنا ينبت على ملامحنا...
لصراحتكم

إلــــيــــنــــا ~ طير الغربة ~

الفصل السادس:
المزرعة
الجزء الخامس:
حانت اللحظه وإنربط اسمي بإسمه


أول يوم أحس فيه إني بين أهلي وناسي أحس فعلا بطعم العائلة والمتعه
بطعم انه حوليك خوات لو مو من بطن وحده لكن اللي بينكم الحب
اليوم كان يوم استثنائي اليوم الكل يهتم فيا بشكل غريب والكل يناظرني
بنظرات غريبه والكل يضبطني هذا من غير ألماس بس ألماس صاحبة
الحفل أنا وش دخلني على العموم ربي دوووم مع عبده والحمدلله أرسلي
هالفرحه بعد صبري

سديم وهي تضبط آخر خصله من شعرها أخذت المرايه الصغيره ووقفت وراها وحطت المرايه عشان تشوف تسريحتها من ورى
فرح ابتسمت: واووو تجنن مثلك
ضحكت: ههههههههه والله إنك كوافيره أصل وفصل
كانت كذا التسريحه
اضغط على الصورة لرؤيتها بحجمها الطبيعي
سديم ضحكت: ههههههه لاتحرجيني يابنت
مغاني دخلت بتاخذ علبة العطر بس بلمت بشكل فرح: لا لا لا ماشاء الله عليك قمر قمر
فرح قلب وجهها أحمر من الإحراج تكلمت بسرعه تغير الموضوع: بنات
أحس شكلي غلط يعني ليه قالولي اتضبط بالرغم إنه الحفله لألماس
كان قالولكم كمان
سديم ومغاني ناظرو بعض وابتسمو
مغاني وهي تبتسم: يبغون يشوفون القمر
فرح نزلت راسها بخجل من جد ماتعرف وش تسوي
سديم يلا هزي طولك نبا نشوف شكلك الكامل
وقفت فرح وهي تشوف شكلها بالمرايه متغيره مرا مرا مرا وجمالها
زاد
كانت لابسه فستان أحمر ضيق من الصدر والخصر ويوسع كل مانزلنا تحت وفي فتحه بسيطه من الصدر ونازل على الكتف بحركه انيقه وطويل
وفي حديده في الخصر زي الحزام وبالنص فيها شكل معين
ولابسه حلق لؤلؤ ذهبي وسلسلة بسيطه على شكل فراشه صغيره حمرا
وكانت لابسه سواره ناعمه مره ذهبية والشوز كان على لونه ذهبي وكان كعب
كانت أنيقه بشكل
وميكاجها كان ناعم مره زي لبسها وللأسف لأني ماأعرف أوصف
بالوجيه راح تشوفو الصوره

لفت حول نفسها زي الأميرات
ضحكو مغاني وسديم
سديم: أوهو من الآن بدينا الغرور
لفت فرح وحضنتها: مشكوره الله لايحرمني منك حسستني انه اليوم
فرحي
مغاني ناظرت سديم اللي بدورها ناظرتها
ابتسمت مغاني:عادي اعتبريها جد فرحك
فرح رجعت لورى بخوف: بنات أنا جد خايفه تكفون قولولي وش صاير
سديم: وربي مافي الا الخير وين المشكله
فرح: بس يعني ليه انا بالذات
مغاني حطت يدها على كتف فرح تهديها: فروح عادي ياقلبي نبي نتعرف عليك
فرح: طب ليه ماسويتو لمرح وفجر
مغاني مسكت يد فرح وسحبتها: أوهوووو مادريت انك عندك تحقيقات يبغالنا ندورلك شغل بالاستخبارات
ضحكو فرح وسديم على كلام مغاني
سديم وهي توقف ضحكها: ههه خلاص ياقلبي لاتصيري حساسه احنا نباك تسوي كذا عشان نشوف جمالك
نزلت فرح راسها بخجل
كملت سديم: بعدين حتى اذ كل شي بوقته أفضل
سحبتها مغاني وطلعو برى الغرفه بعد مارشت عليها عطر
في الغرفه الثانيه وقفت تناظر شكلها بالمرايه بعد ماخلصت ترف من تضبيطها
كانت تسريحتها كذا
اضغط على الصورة لرؤيتها بحجمها الطبيعي
ومكياجها كذا

أما فستانها فكان لونه نيلي قصير يوصل لركبتها كان بسيط مره ماسك من جهت الخصر ومن فوق واسع وفي زركشات خفيفة عند الكتف وفي سلسلة بسيطه ذهبية مموجه مع الفستان نفسه وكانت لابسه كعب فضي
وسواره فضيه ناعمه على شكل ساعه صغيره وساعه فضيه وفيها تموجات نيلي
كان شكلها خورافي مع بشرتها البرونزيه كانت جذابه بشكل
رفعت راسها بغرور: طبعاً جمالي ساحر
ميسم وهي تضبط الإلينر حقها : أقول ترف وش رايك تخربي شكلها هذي ماتستاهل خير
ترف ناظرتها: ودي بس تعبي راح يروح سدى
ألماس مشت بغرور وثقه وهي تعلك لبان: ههههههههايييي
آشرت بأصاعبها: بايات قلبووو مرسيي على التعب
نسيم بلمت فيها: وااااي ماشاء الله عليك ترفو بليييز استلميني
ترف: لا والله بروح أكمل تضبيط نفسي
ديالا وهي جالسه على السرير تدورلها اكسسوارات: بنات منو راح يجيب العشا
ترف: أتوقع فهد وفارس وناصر
ديالا بتعجب: ماشاء الله الثلاثه ذول وراى بعض كل ماراحو مكان
ميسم وهي تحط الإلينر على التسريحه وتاخذ الإي شدو وتحط لها : ههههههه إيه والله تصدقي صادقه
ألماس بتذكر تكلمت: بنات تفتكرو لما قلتو إنو فرح وفجر ومرح بنات عمي خالد
ترف وديالا لفو بإستغراب
ميسم تركت اللي بيدها ولفت عليها: إيه صح وش ذكرك
ألماس: لابس حتا ماسألنا أحد وتأكدنا
ديالا وقفت: لحظه لحظه لحظه وش السالفه
نسيم قربت منها: يادلخه ما لاحظتي الشبه بالله دققي صح متغيرين لأن الضرب لاعب فيهم بس هما نفسهم
أنا أقولك شوفي فجر بتعرفي أكثر لأنها اكثر وحده فيهم ماأكلت ضرب زيهم
ترف بإستغراب: أما أحلفو مستحيل كيف ماعرفنا
ميسم: بعدين لاتنسون انه أمهم تطلقت من عمي وحنا صغار وكنا بالويل نشوفها ماراح نتذكرها يعني
وهم بالويل يجونا فنعمه ان عرفناهم ومير سديم وسيرين مرا وحده مايعرفوهم لأنهم ولامره كانو في لما يجون
ألماس هزت راسها بتذكر: صح صح في المدرسه فرح اسمها كان فرح خالد ال...
كلهم بلمو بصدمه الآن صارت شكوكهم 95% صحيحه
ترف: خلاص أنا بسحب الكلام من جدتي طيبه وتقول كل شي بس لانشوفك لاأنتي ولافرح
عشان ماتخرب المفاجأه وتعبي عليك
ديالا رجعت جلست وهي تحط بيدها خاتم صغير: بنات صدق يعني هم مايعرفون
ترف وهي تمشي بتجاه الباب بتطلع: نسيتي أنه عمي خبا عليهم يعني صح احنا بنات عمهم بس مايعرفون انه أبوهم خالد
نسيم بإستغراب: وتهقين عمتي ماقالتلهم أقصد أمهم
ترف: مدري بس الظاهر مايعرفون شي
بها اللحظه دخلت مغاني وسديم وهم يسحبون فرح
البنت كلهم فتحو فمهم بوقت واحد بصدمه
ميسم طاح منها إي شدو : ملاك ملاك
ديالا بصدمه: انتي فرح ولا ملاك نازل من السماء
فرح نزلت وجهها بخجل
ترف: أقول ألماسو من الحين أقولك فروح غطت عليك
نسيم قربت منها: هونت سديم ضبطيني
سديم بفخر: ادري ادري بس والله آسفه خلني أخلص نفسي
ألماس: لاتصدقي نفسك لأنو فرح من أول ملاك وساحره والآن زادت جمال
فرح بخجل: ترا وربي أخجل
دخلو مرح وفجر وميرا وسوسن وبلمو من أشكل ألماس وفرح
مرح نطت عند فرح: واااااي ماصدق أختي مزه
فرح دفتها بالخفيف عشان تسكت
فجر قربت منها وابتسمت وطبعت قبله على خدها: قمر قمر
حضنتها فرح وهي تبتسم: وأنا أستمد جمالي من نورك
كل البنات بها اللحظه ابتسمو على منظرهم ومستغربين تصرف فجر اللي جلفه معهم والآن تبتسم


/

في المطعم
فهد: نويصر خلاص روح يارجال تضبط ولا ناسي شنو في اليوم
ناصر: مو ناسي بس بجهز معكم
فهد ضربه كفوف على الخفيف: هي ضبط كشتك ضبط وجهك ولاناسي
ناصر دفه: قلتلك مو ناسي بس كيف ماأشرف على عشا زوجتي
ضحك فهد: ههههههههههه والله ضحكتني يارجال أقول لسى ماصارت زوجتك ثاني حاجه ناسي ان العشا لحساب أختي
نصر: وناسي أن جدي خلاها ذبيحتين وحده لأختك والثانيه لزوجتي بمناسبة خطوبتنا
فهد دفه: هش بس هش والله مجنون انت خلها تثق فيك بالأول عاد شوف صدمتها ممكن تقولك
مو موافقه مره وحده
ناصر: فال الله ولا فالك ياكلب خلني أروح أبركلي
فهد: تصدق أول مره تقول شي صدق
ناصر أعطاه نظره وطلع

/

في المزرعه
شعاع: عبدالله ماأعرف وش أقول خلاص كل شي لازم يتوضح
عبدالله: اهدي انتي وفرح خبريها بالطيب ومتأكد بتوافق وراح أكون معك
شعاع تكتفت: ومتى يعني أكلمها شايف كم الوقت
عبدالله: خلاص قوليلها الآن هي انتهت
شعاع: البنات ماقصروا خلوها عروسه
عبدالله: خلاص ناديها وأنا بكلم جدها أنو يفضيلنا غرفه
شعاع: أوك


/

في جهة ثانيه بنفس المكان
ترف جلست جنبها بعد ما باست يدها وراسها
الجده ابتسمت وهي تمسح على راسها: الله يرضى عليك يابنتي
ترف: وياك جده أبي أسئلك سؤال
الجده: تفضلي
ترف عدلت جلستها: أدري بتستغربي بس لاحظت شي موكأن فرح والبنات بنات عمي خالد
الجده بحزن: إيه والله يابنيتي مساكين كسرووو خاطري بس لاتقوليلهم خلي امهم تفاتحهم
ابتسمت ترف: آبشري أصلا ماكنت راح أقولهم حبيت أتأكد بس
الجده مسحت عليها وهي تبتسم: وش هالزين وش هالحلى
ترف بخجل: وي عاد لاشفت فرح وألماس وش بتقولي
الجده وهي تضحك:هههههههه شكلي بموت مره وحده
ترف: لاعاد بعيد الشر عليك
قامت: أستأذنك عاد أكيد البنات للحين حايسات
الجده: وي روحيلهم بناتي وعارفتهم مافي إلا أنتي وسديم وفرح اللي أثق فيهم ويبردو قلبي
ابتسمت ترف وخرجت

/

ناصر راح الصالون حلق شعره شوي وضبط لحيته ورجع المزرعه تحمم ولبس ثوب وغتره وساعه سوده جلد شكله كان فعلا ساحر ساحر بكل شي << الله يعين فرح عليه شكله بتموت من جماله ههههههههههههه جمال وشهامه وأخلاق وطيبه فارس الأحلام هههههههه>>

/

الغرف كلها حايسه بالرغم أنهم اتفقو انو مكياجهم مره مره ناعم وخفيف ولبسهم لبس عادي بنطلون وبلوزه
لأنهم يبغون الطله لألماس وفرح بس للحين وضعهم حوسه
ميسم تصارخ: نسيمو وين بنطلوني الأسود
نسيم وهي تلبس بلوزتها البنيه اللي عليها رسمت عيون كانت ناعمه وحللوه: وش دراني حضرتك ترمي ملابسك وتلوميني
ميسم تصارخ: طب وينها
ترف رمتها بوجهها: خلصي بسرعه الساعه 7:30 م
ميسم بفجعه: أحلفي
ترف: والله
راحت ركض وأخذته وراحت سحبت بلوزتها الزيتيه اللي زي بلايز العساكر وصرخت: انقلعو كلكم بلبس
الكل طلع وهي جلست تلبس

/

شعاع دخلت لقتها جالس لحالها ابتسمت: ليه جالسه لحالك
فرح ناظرتها وابتسمت: ولاشي بس حبيت اجلس بروحي شوي
شعاع جلست جنبها على السرير
فرح لفت عليها: ماما أنا مره خايفه
حضنتها شعاع تهديها: وليه الخوف ياقلبي
فرح هزت كتوفها: مدري
شعاع: لاتخافي هذي توهمات بس
قامت وسحبتها امشي معي
راحو لين وصلو الغرفه
أول مادخلت انصدمت وهي تشوفه
ابتسم وجا جنبها وسلم عليها: وش هالزين ماشاء الله قمر قدامي
نزلت فرح راسها بخجل: يسلمووو
جلسها عبدالله وآشر شعاع تتكلم لأنو الوقت ضيق
شعاع جلست جنبها وصارت فرح بالنص بين شعاع وخالها
شعاع مسكت يدها وحضنتها: حبيبتي انتي عارفه أبوك ماأبغى أخوفك بس هو مجنون وممكن يسوي
أي شي عشان كذا لما خطبك ولد عمك وافقنا
فرح صارت تناظر بصدمه
عبدالله تكلم بسرعه: تراه طيب وخوش رجال ومابلقا أحسن منه أنا مابي إلا سعادتك يافرح وبس
إذا رافضه قولي تراني أستخرت وأمك استخارت وحنا مرتاحين
شعاع: تقدري تسألي خواته وأضنك بتعرفيه من أطباع خواته سديم وسيرين ناصر اللي خطبك
فرح بهدوء: انتو وافقتو
عبدالله: أنا وافقت من جهتي وقلت الشور شور البنت وامها
شعاع: وانا وافقت لأني ابي مصلحتك ولو بيدي خليتك معي لأني ماشبعت منك
فرح على حالها اللي هو الهدوء: ودراستي
شعاع: لاتخافي خطبه ولاتخرجتي بإذن الله الزواج يتم
فرح : وانتي استخرت وارتحتي وخالي كمان
هزوا روسهم علامه علا الموافقه
كملت: وانتو موافقين وأنا أقول انتو أدرى بمصلحتي وموافقه
شعاع وعبدالله هنا طاروا من الفرح ومو مصدقين انها وافقت
فرح كملت: بس انا لاشفت رجال اتوتر وأكلج وانكتم وحالتي حاله
عبدالله حضنها وهو فرحان: مو مشكله بسيطه وتنحل انسي هالشي وحاولي تعتبرينه ان انا أو امك
وكمل: مبروك مبروك ألف مبروك
فرح بخجل: الله يبارك فيك
حضنتها شعاع ودموعها على خدودها: ألف ألف مبروك ياقلبي
فرح ابتسمت انها اسعدت أمها: الله يبارك فيك
ضحكت: ههههه عقبال ماتشوفي احفادك يارب
ضربها عبدالله بخفه على راسها: هذي علومك من اللحين ارتاحي مافي شي قبل اقل شي 6 سنوات
فرح تخصرت: ماتدري يمكن بكرى أو اليوم
عبدالله ناظر شعاع بتعجب: شايفه شايفه بنتك
شعاع ابتسمت: خلها


/

رجع الكل الكل لبس وضبط نفسه وفهد وفارس اتفقو مع المطعم يوصل العشا الساعه 10
ناصر فرحان وطاير فرح خصوصاً بعد ماعرف من خالها انها موافقه والمملك جاه واليوم بتكون الملكه
عند الحريم حاطين طاوله كبيره وفيها كيكتين كبار وفيها شموع وعليها صورة ألماس وفرح ومكتوب على كيكة ألماس الحمدلله على السلامة وفرح مكتوب عليها ألف الف مبروك
مطفين اللمبات ومفكرين يسونلهم زفه طفو اللمبات ووجهو الأنوار على الدرج اللي بينزلون منه الكل صار بموقعه مافي اللي أضواء الشموع والجهاز اللي موجهينه على الدرج

أما عند الرجال الوضع كله تبريكات وفرح الا شخص أضنكم تعرفون مين هوى

فرح كانت ترجف بالمرا
ألماس اللي حست فيها مدت يدها وحضنت يد فرح وابتسمت: هدي مافي شي
فرح ابتسمت رغم خوفها: امشي ننزل
بدت الزغرطه وبعدين شغلو أغنيه<< ماراح أقولها عشان ماأحد يبحث عنها ويسمعها وأكسب ذنب >>
ألماس تلطف الجو: شكلهم نسو اني هنا
فرح ضحكت: هههههههه حرام عليك فرحتنا كلنا
ألماس: أمشي اللحين تبدأ الأغنيه ويقومن علينا ليه مانزلنا
فرح ابتسمت ومسكت يدها وزادت ألماس بحضن يد فرح رفعت فرح فستانها شويه بيدها الثانيه عشان تقدر تنزل ونزلو بشويش
شعاع هنا دمعت عينها وهي تشوف بنتها اليوم ملكتها ماتتخيل انحرمت منها 17 سنه والآن بها الفتره البسيطه اللي قضتها معها بترجع تنحرم منها بس ماتقول غير << حسبي الله عليك ياخالد >>
بدا الحماس يدب في الكل وبدو يزغرطو
وصلو لأخر الدرج بنهاية الأغنيه وقفو لحظات لين طفات اللمبات اللي كانو موجهينها عليهم ومابقت غير أضواء الشموع
أشتغلت أغنيه ثانيه وكانت عن حفلات
راحت فرح براس الطاوله جهت اليمين وألماس راحت براس الطاولة جهت اليسار
كان شكلهم خورافي
غمض عيونهم ونفخو بوقت واحد والكل بدا يصفق ويصفر
وبدت التبريكات والتهاني اللي كانت أكثر ش لفرح
ألماس تمثل الحزن: إيه وأنا منسيه
ميسم: وناسيه المناحه اللي صارتلك الصباح بغينا نذبحك
ألماس تقدمت ولما وصلت عند فرح ابتسمت وحضنتها: ألف ألف ألف مبروك تتهني فيه يارب
فرح بخجل: الله يسلمك
سديم: وااااي بتصيري مرت أخوي بس ها ياوليك تزعلي نصوري تراه غالي علي
فرح نزلت راسها بإحراج
شعاع: يلاه يافرح في وراك عند الرجال
فرح هنا خوفها زاد مره وجسمها بدا يرجف
أم ناصر: خلاص بعد ماتخلص فرح من الخطبه وكل شي نكمل الحفله بعدين الحلى
شعاع: كملو الآن عادي أصلا هي بس بتقول موافقه وتوقع وبعدين تدخل على ناصر
فرح ارتجفت من عرفت انها بتدخل عليه
البنات صرخو بوقت واحد
ضحكت ميسم: هههههههههههه نفسي أشوف شكلها
ديالا: شكلها بتموت من الخوف هههههههههههههه
نسيم ضحكت: ههههههههههههه اسمعي اسمعي لادخلتي العصير مثلي انك تعنقلت وجيتي بتطحين وبعدين هو بيساعدك زي المسلسلات
البنات أعطوها نظره تسكت حتى ميسم دقتها أكثر من مره لأنها حست انها بتجيب العيد بس ماحسو الا بعصاة الجده على راس نسيم
نسيم مسكت راسها بألم: آيييييييي راسي
الجده: أيا قليلة الحيا ماتحترمين لاصغير ولاكبير
نسيم فركت مكان الضربه: كنت امزح ياجده عاد يوووه الواحد مايمزح
جا الجد: يلا فروحه تعالي
فرح خلاص هنا حست نفسها بطيح تماسكت وراحت وراى جدها أما البنات ملاقيف فلحقوها بس وقفو بعيد
كانت واقفه خلف باب المجلس اللي مفتوح شوي عشان يطلع صوتها
الشيخ: فرح خالد ال... تقبلي تكوني زوجة ناصر حمد ال...
فرح نزلت راسها بخجل تحس ماهي قادره تتكلم
أما ناصر فكان طاير من الفرحح هو وعبدالله والجد سعادتهم لاتوصف
كرر الشيخ السؤال لما لاحظ صمتها واختفت الابتسامه عن الكل وحلت محلها ضربات قلبهم
مرت دقيقه دقيقتين ثلاث قال الشيخ بنفاذ صبر: ماينفع اذا ماكانت موافقه
عبدالله جا بيتكلم بيقول: إلا موافقه بس هيا تخاف وتوتتر الا ابتسم وزفر براحه يوم سمع صوتها
فرح: م.. موافقه
الشيخ: أجل على بركة الله
ناصر يبغى يشوفها يبغى يحضنها من ذاك اليوم يوم حضنته هي دخلت قلبه وآسرته هالمره يبغى يحس بكل مافيها لانها صارت حلاله
أخذ القلم بسرعه ووقع وماحس على نفسه الا من أصوات الشباب وهم يصفرون له
فهد همسله: مالحقت هذي البدايه متحمس لشوفتها لاشفتها وش بتسوي
ناصر بعد ماوقع: بموت
ضحك فهد من قلبه عليه: هههههههههههههه
فرح تحس قلبها بيخرج كان شكلها غصب يضحك لدرجة البنات جلسو على الأرض من قوة الضحك
خرج الجد وعبدالله وقالولها توقع
مسكت القلم ويدها ترجف تشوف اسمها خلاص بينربط اسمها بإسمه من الآن وقعت وهي ترجف
باس راسها عبدالله: مبروك
فرح بخجل نزلت راسها: الله يبارك فيك
الجد باس راسها: مبروووك
فرح: الله يبارك فيك
ضحك عبدالله وتكلم بمزح: هههههههه روحي ارتاحي باين الشباب ماراح يفكون ناصر يعني ليلك مطول
فرح من سمعت روحي مسكت رجلها وطارت جوا
أما الجد وعبدالله فطسو ضحك عليها
دخلت على البنات وأول مادخلت طاحت على الأرض وهي تمسك قلبها بس اللي تسمعه صوت ضحك البنات واللي تشوفه ميسم ونسيم منسدحين على الأرض من الضحك وترف وسديم يادوب ماسكين نفسهم لايطيحو
أما الباقين جاثين واللي تضرب في الأرض والثانيه تضرب كف الثالثه واللي ماسكه بطنها أشكالهم تحف
الجد من دخل أعطى آوامره للكل يخرج عاد هو وعبدالله بس ماكان يسمع إلى صوت طقطقات الشباب
على ناصر اللي ندم انو خلاهم يحضرون
من جهت الطرفين الكل يحتفل
شعاع قربت من بنتها وباست راسها: ألف ألف مبروك
قامت ووحضنت أمها وباست راسها: الله يبارك فيك ياغاليه
ابتسمت شعاع وحضنتها حاولت قدر الإمكان انها تحبس دموعها بس ماقدرت
مدت يدها ومسحت دموع أمها: لا لا لا إلا دموعك تراها غاليه علي ترى بتكرهين وجودي ورانا أقل شي 6 سنوات
ابتسمت شعاع وضربته على خفيف بمزح: امشي بس نكمل الحفله الماس الضعيفه من أول تنتظر
الكل بااركلها والكل هناها كان فعلا شعور عائلي غريب وحلوووو
خلصت الحفله وحان دورها تخرج كانت متوتره مره
نسيم عطتها صحن العصير وغمزتلها وهي تهس: ها لاتنسي تسوي اللي اتفقنا عليه
ابتسمت فرح وأخذت الصحن وبداخلها: خلني بالأول أدخل وأقدم العصير ذيك الساعه يصير خير
راحت وهي ترجف وصلت عند الباب أخذت نفس جات بدق الباب بس ماقدرت بسبب الصينيه
ماحست الا بميسم لماجت ودقت الباب لها وراحت ركض وهي تغمزلها باللي اتفقو عليه
ابتسمت عليها وهي تتذكر
ميسم: لا وصيك طيحي بحضنه ها
سديم: ولا قرب منك سوي نفسك متوتره وسوي حركات تغريه
مغاني: أنتي بس بوسيه وبيروح بعالم ثاني
ديالا: لا لا نظراتك لحالها تكفي أعطيه ذيك النظره وبيتوه فيك
رجعت لعالمها وزاد ضحكها من أفكارهم لو تموت ماسوتها
فتح عبدالله الباب وابتسم: عاد القمر فرحان من الآن شكلهم مستانسين بيشوفو حبيب القلب
من سمع ناصر الكلام رفع راسه وهو يبتسم بس انصدم وتوسعت عيونه وهو يشوفها



انتهى البارت

التوقعات

وش بيصير لادرو البنات انهم بنات عمهم خالد ؟؟ وهل راح يقولوهم
أو راح يتركون الآمر لشعاع؟؟؟

ايش اللي بيصير بين فجر والبنات؟؟ وهل راح تتأقلم معهم؟؟

هل بيعدي اليوم تمام ولا خالد راح يخرب اليوم؟؟؟

كيف بيمشي وضع فرح مع ناصر وهل ياترى راح يتحقق شي
من اللي قالوه البنات؟؟؟

وش سبب صدمت ناصر لما شافها؟؟؟


هل بتم الخطوبه وتتزوج ناصر ولا بيصير شي؟؟؟








مايزرع داخل أنفسنا ينبت على ملامحنا...
لصراحتكم

إلــــيــــنــــا ~ طير الغربة ~

الفصل السادس:
المزرعة
الجزء السادس:
قساوة الحب


فتح عبدالله الباب وابتسم: عاد القمر فرحان من الآن شكلهم مستانسين بيشوفو حبيب القلب
من سمع ناصر الكلام رفع راسه وهو يبتسم بس انصدم وتوسعت عيونه وهو يشوفها فها فيها وفي جمالها ماكان شايف وجهها لأنها منزله راسها بس خصلات شعرها اللي طايحها على كتفها العاري ولا الفستان اللي عليها صح كان بسيط بس ازداد جمال عليها وبياضها الثلجي
بعد عبدالله عشان تدخل
دخلت وهي تحس نفسها بتطيح بس استغربت شي الخوف اللي يجيها دوووم لما تكون مع رجال ماتعرفه مو فيها هي بس متوتره وأي بنت راح تتوتر بمواقف زي كذا
قدمت العصير لجدها وبعدين لخالها لما جلس وبعدين راحت عنده وهي مازالت منزله راسها استغربت لما ماشافته أخذ العصير رفعت عيونها شوي والا تلاقت عيونهم ببعض انصدمت لما شافتو يطالعها ومسرح فيها بتنزل راسها بس في شي يمنعها تشوف لمعت عيونه صدمته
كانت تحس بشي غريب تجاه هذا الشخص بس ضربات قلبها زادتت موكعاددتها لما تقابل شاب غريب بس هالمره زادت من حبها له ايه نعم تحس نفسها تعرفه من زمان حست بالحب بعيونه بالأمان ماقدرت تشيل عيونها لحظه وحده تمنت بس ماقدرت
أما عند الجد وعبدالله ابتسمو من شافو نظراتهم وقامو طلعو برى يتركولهم المكان
طبعاً الرجال راحولهم غرفة ثانيه
قام ناصر أما فرح ارتجفت ونزلت نظرها بسرعه للأرض
أخذ منها الصينيه وحطها على الطاوله القزاز حضن وجهها ورفعه له
فرح هنا خلاص هيا خلقه متوتره وقلبها بنبض بس مع وجهه قدامها ماتقدر
طبع قبله على جبينها وابتسم: ألف ألف ألف مبروك لك ولي لأنك زوجتي
أنا بجد محظوظ لأني تزوجتك
فرح نزلت راسها بخجل
فرح: مدري وش تبغى بوحده مريضه نفسياً
قالتها بداخلها أو هكذا ضنت ماكانت تعرف إنو أفكارها بتكون مسموع
تغيرت ملامح وجه ناصر بس حضنها وهو يبتسم: منتي مريضه نفسيه وحتى لو أحلى مريضه بالتاريخ
فرح ابتسمت عارفه يسلكلها بس سرعان مانتفضت من جسمه بعد ما استوعبت انها بحضنه
ضحك ناصر بقوه كانت ضحكته ساحر مره << بنات ترى جد ودي أورريكم شكله ياقلبي يافرح الله يكون بعون قلبها كان شكله مره يجنن مع الثوب السعودي وهو مرجع راسه على ورى ويضحك>>: ههههههههههههههههههههههههههه هههههههههه هههههههه هههههه هههه هه ه
رجع ناظر فيها بعد ماخلص ضحك: فديت الناس الخجوله
طنشته وجلست وهي مستغربه من حالها
مدري ليه أحس نفسي معاه كني مع رغد أنا ماأتوتر منه ولا أخاف نفس اللي صارلي مع رغد توترت بالبدايه وحسيت بالاحراج بس بنفس الوقت اللي سولفت معها راح كل الحواجز بيننا وصرنا نتكلم بميانه
والآن والله أقسم بالله إني ممكن أضل واقفه معاه واسولف لولا حركته الغبيه هذي

ناصر جلس وهو يبتسم حط يده تحت دقنه وهو يناظرها بتأمل: الناس تقدم العصير مو تخلي خطيبها
يأخذ العصير بنفسه وتروح تجلس
ماتدري ليه ضحكت غصب حاولت تكتم ضحكتها اللي خلفت ابتسامة على وجهها قامت وسحبت
الصينيه وقدمتها له
مد يده كان قدامه عصيرين فراولة ومانجو بس آخذ عصير الفراولة بالرغم انه ما يحبه بس لأنه
نفس لون فستانها
حطت الصينيه وجلست وهي منزلة راسها
شرب رشفه من العصير وحطه وهو يبتسم: طب خبريني عن الحلوه
كانت فرح مازالت ساكته نزلت راسها بخجل
ناصر ضحك على الخفيف: هههههههه يلا شكلنا الليلة بنكتفي بكذا بس حاب أقولك شي عنا
بكون مغرور شوي تراني طيب وأحب السفر والكلام اللي ينقال تأكدي انه من أعماق قلبي خصوصا بالرومنسيه ترى جد أنا مأعرف أقول أشياء الا إلي بقلبي أحب اللي تكون شريكة حياتي طيبه وسنعه وقد
المسؤولية وماأحبها تتدلع كمان أحب لما أرجع البيت ألقى كل شي جاهز ومرتب ونظيف و ماأحب الحوسه وأهم شي ملابسك أبيك تغيرها بعد ما تطبخي عشان ريحة البصل والثوم بس أول الأيام حريحك وأكرر طيب صح طيب بس لاعصبت عصبت ماأعرف أحد حتى أهلي يعني تجنبي غضبي
زفرت فرح بضيق وتكلمت بحده: يأستاذ ناصر مو محتاج تقولي كل هالنصائح تراني أعرف ايش واجباتي كزوجة
ثاني حاجه باقي أقل شي 6 سنوات على زواجنا يعني يصير خير
ابتسم ناصر وهو يشوفها تتكلم بأريحيه : آسف ماكان قصدي بس حبيت كل شي يتوضح من البدايه
فرح وقفت: أوك بغيت شي ثاني
ابتسم ناصر: سلامتك
مشت لعند الباب ولما وصلت له لفت : الله يسلمك
فتحت الباب وطلعت
ناصر ظل يطالع زولها وحركاتها: تجنن قمر ماشاء الله عليها ربي يحفظها
يبغى ينط ينقز مايعرف وش بيسوى من الفرحه خلاص صارت زوجته والأهم انه ارتاحت معه يعني معقوله تحسنت بسبته قام واتجه للخارج وهو متشقق فرح

/

فرح سكرت الباب واتكأت عليه حطت يدها على قلبها تحسه يدق بسرعه زفرت أكثر من مره
مستغربه من شجاعتها المفاجئه ومستغربه من دقات قلبها معاه رددت بهمس: حبيتك

/

أول ماخرج ناصر قابل بوجهه عبدالله اللي كان داخل عشان الوقت خلص
ابتسم: شكلو عصافير الحب خلصوا
ابتسم ناصر: عمي ماتحسها متغيره
عبدالله اللي زادت ابتسامته: طبعاً ماجتها حالتها معك
ناصر راح بسرعه: خلني أكلم فهد بالموضوع
راح ركض بسرعه للغرفه الثانيه وترك وراه شخص انفجر ضحك منه

/

سديم وهي تركض لهم: ياحريم ويابنات الحقو الخبر الحلو الجوو خوقاقي زادت الغيوم أكثر
وكتمه وحر وهواء يعني احتمال ينزل مطر
ميرا وهي تشوف جوالها: ايه احتمال نسبة نزول المطر 75% مع عاصفه
مغاني بلمت بصدمه: احلفي
ميرا ناظرتها: والله
سيرين بدلع: يعني شكلوا البارتي بيخرب
ميسم: ما راح يخرب احنا كذا كذا راح نجلس لين بكرى يعني لاحد يطلع وبس
نسيم ركضت وهي داخله: الحقو الحقو الحقو
الكل لف عليها بصدمه
كملت: فريح من أول داخل
الكل انصدمو بعد ماتذكروا
شعاع وقلبها طبول: لايكون جتها الحاله
فجر بإستغرب عقدت حواجبها: أي حاله
الجده بدت تلطم: ياويل حالي عليك يابنت الله يسامحكم زي ماجبرتوها
أما ناصر: عمتي محد جبرها بعدين ناصر معها أكيد ماصارلها شي
مرح وفوق راسها ألف علامة استفهام: لحظه لحظه لحظه وش السالفه
شعاع تكلمت بعد ماارتاحت انها اكيد بخير دام ناصر معها: آسفه ماخبرتكم بوقتها كنت خايفه
على مشاعركم بس فرح فيها اضطرابات الهلع وهي تخاف وتنكتم وتتوتر وماتقدر تتحرك لا كانت عند رجال ماتعرفه
كل البنات ناظرو بصدمه لأنهم كمان مايعرفو عن مرضها
أم فهد: دامها معاه خلاص هي بخير تلقينهم طقوها سواليف
فرح وهي داخله: السلام عليكم
الكل لف عليها بصدمه
نسيم ابتسمت وهي تغمزلها: الحلو طول أكيد سوينا الحركات
فرح نزلت راسها بخجل
أما نسيم ماحست الا بعصاة جدتها على راسها وضربت أمها على ظهرها
نسيم بألم: آآآآآآآآآآآآآآآيييييييييييييي يارب والله كنت امزح محد يمزح معكم
مغاني ابتسمت: ها بشرينا تمام
سديم بفخر: طبعاً مو أخوي أكيد بيكون كل شي تمام
ديالا ميلت شفتاها بقرف: ويييع ياشين الثقه عليك
سديم حركت خصله من شعرها البندقي: يحقلي
فرح كانت راح تركض بس بسبب الكعب ماقدرت فسخت الشوز<< أكرمكم الله>> وراحت ركض لحضن أمها
ودفنت وجهها بحضن أمها
الكل كان مصدوم والكل توقع شي واحد: ماتبى تكمل الخطبه
شعاع حضنت فرح وصارت تمسح على شعرها وهي تبتسم: وشبك
فرح رفعت راسها وهي مازالت بحضن أمها وهي تبتسم: بس أشتقتلك
هنا الكل فطس ضحك عليها وعلى توقعهم اللي كان شاطح

/

فهد سححب يده: خير أخوي
ناصر ابتسم: البشاره البشاره
فهد ابتسم: لايكون طاحت بحضنك
ناصر صغر عيونه: سخيف
كمل : لا بس البنت تتكلم معي بأريحيه صح تخجل وتنزل راسها وكلامها قليل بس
مو نفسها اللي تخاف وماتقدر تتحرك وتجمد بمكانها ويجيها غثيان إلخ.... تتكلم بأريحيه وكأنها تعرفني من زمان
فهد ابتسم: الله الله عليك والله يانويصر وطلعت خطير معقولة خليت البنت تحبك
ناصر يائس منه: لا ماأتوقع حبتني بس الشي الحلو أنها يا إنها ترتاح لي أو إنها تحسنت
فهد: طب أحدد جلستها الجايه
ناصر بعد تفكير مادام طويل: أمممممممممممم خلاص اوك حدد
فهد: خلها الأحد الظهر وخلاص راح أكلم خالها
ناصر ابتسم: وأنا بجيبها
فهد حرك راسه يمين ويسار: لا يعيوني خالها اللي بجيبها لو رجعتلها الحاله مين بهديها
ابتسم ناصر أكثر وفتح يده كأنه بيحضن أحد: عادي زوجها أحضنها وأحسسها بالأمان
ضربه على كتفه: هي وشبك انت من خطبة وانت متغير علينا صاير روميو على غفله
فرك ناصر مكان الضربه بألم: آآآآآآآآآآآييي وجعععععع متوحششششش
فهد ضحك: هههههههههههههههه خطيره خطيره

/

الكل جلس يسولف وماخلت الجلسه من التريقه على فرح وناصر من الجهتين
وجا وقت العشاء
شخصين ماأكلو كان فكرهم ببعض
فرح قامت: كثر الله خيركم
أم ناصر: وين يابنتي اجلسي كلي زي العالم والناس
ابتسمت فرح: والله شبعت ياعمتي
شعاع بتكذيب: أنتي أكلت عشان تشبعي
فرح زادت ابتسماتها: والله أكلت بس هذا مقدرتي
مرح تغريها: خلها تفوت الكل اللذيذ
بس فرح ردت: بالعافيه عليك
ميسم: خلوها جوليييت تفكر بالروميو حقها
الجده أعطتها نظره خلتها تبلع لسانها وتسكت
طلعت فرح وتحس نفسها متضايقه مخنوقه تبغى تشم هوى وترتاح
أوبالأصح تبغاه بس تكابر

/

ناصر قام: كثر الله خيركم والله يجزاكم الخير وإن شاء الله ياجدي تشوفها بعرسك
الكل ضحك بوقت واحد
فارس: لاتسمعك جده منى تقوم الدنيا وماتقعدها
أبو ناصر: ههههههههههههههه الله يقطع بليسك قم انقلع
الجد بعصبية: كنت بقولك تجلس تكمل بس زي ماتتطنزت هيا انقلع
الكل فطس ضحك
مازن: والله وأحلى طرده
فهد وهو ماسك بطنه من الضحك: لقط وجهك لقطه
ناصر ابتسم: أصلا عادي وخرج
الكل استغرب هالحركه منه لأنو ناصر معروف يأخذ حقه وزياده بس هالمره سكت ما يدرون إنه فكره وقلبه مع شخص ثاني


/


فجر قامت: الحمدلله
ميسم: أوهوووو انتو ليه ماتقومون بهدوء لازم تلفتون النظر
صارت تغير صوتها بتريقه: أوووو شوفو أنا بريستيج ماأكل واااايد
فجر كشرت بوجهها وراحت
أم فارس أعطت ميسم نظره ووجهة كلامها لفجر: تعالي كلي حبيبتي
فجر ابتسمت مجاكره بميسم: الحمدلله عمتي شبعت كثر الله خيرك
أم ناصر: وين وين صحنك فاضي
فجر: عاد والله شبعت
شعاع: عشاني يمه كليلك لو لقمتين
فجر وهي واقفه حطت بفمها لقمه وكملتها بالثانيه وغمزت لأمها بمعنى عشانك
وطلعت الدرج بسرعه
جلست شعاع: الله يهداك بس
فجر راحت بسرعه وقفت بنص الطريق وهي تحس نفسها مخنوق وقف الأكل بنص حلقها
جلست تقح وتقح صارت تسب نفسها أنها أكلت لقمتين ورى بعض
عصرت خشمها بسرعه وهي تقح تقح: كح كح كح كح
تكت على الججدار لما حست اللقمه نزلت جلست على الأرض وهي تأخذ نفس:هه ... هه .. هه الحمدلله يارب
بغيت أموت
قامت وهي تحس ألم بحلقها بسبب كبر اللقمه
راحت غرفتها وتمددت على السرير لين حست بالراحه سحبت جوالها وتطالع فيه وهي تفكر:
أنا لازم أنهي اللي بيننا خلاص
بكت بقهر وحضنت جوالها: ماينفع ماينفع أحبه أعشقه ماأقدر

/

أما عند مرح فقامت بعد ماخلص العشا وراحت على الغرفه تحسس بملل شديد فاقده مجاكرتها مع خواتها
فزت قررت تروح مع البنات وتشوف أشياء معهم

/

طلع شاف الغيوم متكثفه والجو ساحر بس الحراره مخربه الموضوع شافها جالسه على المقاعد بدون حجاب
عصب شوي انها ماتغطت لو طلع أحد بس اختفت عصبيته وهو يشوف سرحانها
قرب منها لما وصل عندها دنق وهمس بأذنها: فروحتي
لفت عليه بس لما عرفت انه ناصر رجعت طالعت قدامها وقلبها يدق بقوه
جلس جنبها وهو يبتسم : الحلو فين سرحان
نزلت راسها وماتكلمت بشي
بس فجأ دوى صوت قوي صوت أشبه بالإنفجار
ارتجف كل جزء من جسمها حطت يدها على أذنها وهي تبكي

/

كل البيت قلب حوسه من الصوت
الجده حطت يده على قلبها: يمه وش ذا
أم ناصر: سبحو سبحو هذا البرق
الجده: سبوح قدوس رب الملائكة والروح
الكل ردد وراها
بس في وحده كانت حاطه يدها على قلبها قلقانه على شخص ثاني
مرح بخوف: يمه فرح تخاف من البرق وهي برى
شعاع فزت بخوف: يمه بنتي اللحين ينزل مطر وهي برى
أم فارس: أهدي مايصير إلا الخير أكيد دخلت
مرح تكلمت بخوف: بس هيا تخاف مره لدرجة تصنم مكانها وماتقدر تتحرك
ماحبت تقول الشئ الثاني اللي تسويه عشان مايخافون زياده
أم ناصر: خلاص أكلم ناصر يشوفها

/

مسحت دموعها وقررت تفتح الجوال وتنهي كل شيء
فتحت وأرسلت: رائد
دقايق ورد عليها: فيس مستغرب و هلا وشبك
فجر: .......... سكتت ماردت
رائد أرسل فيس خايف: جوجو وشبك بالأول نادتيني برائد مو زي دايم رودي والآن تسكتي
لاتخوفيني
فجر: رائد أنا أحبك وأعشقك وأموت فيك وماأبغى نعيش أيامنا على كذب وخداع
خلاص انهي اللي بيننا
رائد ارسل فيس معصب: ولييه تعلقيني فيك وببساطه تقوليلي أنهي اللي بيننا
فجر انفجرت بكا: رائد أنا ماأستهلك أنا وحده خنت أهلي وناسي أهلي اللي ربوني واعتنو فيني مع انهم مو ملزومين كيف تثق فيني ممكن أخونك
رائد اللي مستغرب: أهلك اللي ربوك
فجر ودموعها شلال تنزل على خدها: إيه أهلي اللي ربوني كذبت عليك حتى اني أخفيت عنك الحقيقه
رائد أنا...

/


ارتجف كل جزء من جسمها حطت يدها على أذنها وهي تبكي
نط بخوف عندها: وشبك
طلع صوت ثاني وزادت ارتجافها وأنينها
ناصر اللي بدى يخاف جثا عند رجولها ومسك يدينها: قلبي وشبك
قامت بسرعه وهي تسرع بخطواتها
مسكها من ذراعها وسحبها: لحظه كلميني وشبك
بدأت قطرات المطر تهطل على الأرض بشويش الله يازين المطر ويازين رائحتها ويازين الهدوء المصاحب له
والشعور الحلو ويازين لاجتمعو تحته قلبين يحبو بعض
صوت آخر قوي كان أضعاف اللي قبله
ارتجفت كل جسمها سحبت يدها منه وغطت أذنها بيدها وهي تجري وتبكي تجري إلا اللا مكان
استغرب ناصر منها شك بشي بس قرر يبعد شكوكه عنه لحقها وهو يشوفها تجري كان متأكد أنها بتطيح لأنها لابسه كعب وتجري وثانياً لأن بدا المطر ينزل فأكيد راح يزداد أكثر ويثقل عليها الفستان وماتقدر تتحرك
دق جواله جا بيقفل بس رد من شاف المتصل
ناصر: هلا
أم ناصر: يمه تكفى أطلع شوف فرح طلعت من بعد العشا ومارجعت واللحين نزل مطر
ناصر بسرعه: يمه لاتخافين هيا معي اللحين اجيبها بس خلي المطر يوقف
أم ناصر: لا الآن جيبها
ناصر: يمه راح نروح المخزن ماينفع لأنه أقرب لنا كذا بنبتل
أم ناصر: خلاص طيب
قفل منها وحط الجوال بجيبه
رفع ثوبه وربطه حول خصره ونزل الشماغ والغتره والطاقيه وحطهم بالكرسي وراح بسرعه وراها وهو يركض
تركض الا اللامكان منزله راسها ومغمضه عيونها ومغطيه أذنها فتحت عيونها بشويش لما ماسمعت صوت
شافت قدامها كوخ صغير دخلته كان المخزن ارتجفت لما دوى الصوت عالي لدرجة تناثرت قطرات المويه من جسمها وشعرها
ركضت بسرعه ودخلت بالزاويا ودفنت نفسها بين الأكياس وهي تبكي وتغطي أذنها

ناصر
صار يركض وراها بس المطر زاد حركته صارت أصعب بس هي اختفت ضل يركض ويركض لما شاف كوخ صغير مفتوح همس: المخزن أكيد دخلته
شاف عتبة الباب مبلله مويه وفيه خطوات أقدام متجهها لفتحه بين الأكياس ابتسم انه لقاها بس قلبه مشغله
يبغى يعرف وش فيها سكر الباب وقرب عند الأكياس ودنق شافها جالسه وضامه رجولها لصدرها وهي تبكي وحاطه يدها على أذنها وترجف دخل بين الأكياس وجلس جنبها فتح ربطة ثوبه ودخل يده في جيبه وسحبه
جلس يطقطق فيه لما شغل اللي يبيه ورفع على أعلى صوت سحب يدينها وحط السماعات بأذنها وحط الجوال بحضنها بس هي بسرعه رجعت حطت يدها على أذنها حتى بوجود السماعات
طلع وهو يزحف لما وصل وعدا الأكياس قام وجلس يتلفت يمين ويسار يدور اللي يبه متأكده فيه لأنهم دايم يحطوه احتياط هنا شافه وبسرعه راح وسحبه رجع عندها وجلس جنبها ولف عليها البطانيه صار مو باين منها غير وجهها بس استغرب لما شافها حاضنها الجوال والبطانيه لصدرها وبهاللحظه نزلت راسها على كتفه وكأنها طفله بريئه هذا اللي شافها بملامحها المسالمه اللي ارتخت ودموعها ابتسم ولف يده من ورى ظهرها
وسحبها لحضنه
فرح
حسيته لما شال يدي بس ماكنت أقوى أرجعها لأني خايفه لما حط السماعات وقبل مايضبطها تماما بأذني سمعت صوت البرق ارتجفت وحطيت يدي على أذني وكان منتهي وحاط السماعات استغربت هالصوت
اللي اسمعه صوت هادي وحلو ويبعث للطمأنينه حاسه براحه كبير وشعور غريب أحس اني بعالم أخر
بهدوء وراحه وكل الخوف راح
مسكت الجوال تبغى تتأكد تأكدت هو القرآن وكيف تشك فيه أساسا سبحان الله نزلت دموعها وتكت راسها على الجدار خلفها وهي تبكي
كانت سورة الفرقان بصوت أنس الغامدي
https://www.youtube.com/watch?v=Kg17K9DsEEg
أنصحكم أسمعوا صوته ادمان وتحسون بهدوء وراحه غريبه حتى تحسون انكم فعلا بتبكون من صوته
ماشاء الله ربي يحفظه

ناصر كان خايف عليها أكثر منه يفكر بداخله معقوله من هي صغيره كذا لانزل مطر وطلع برق
تختبي بس وين تختبي تنهد بضيق: لاعندها أم كانت تستمد منها الحنان والعطف ولا أبو تستمد منه القوه
تذكر شكلها وهي ترجف وتبكي وشكلها الآن بحضنه ومغمضه عيونها بسلام وأهم شي تبتسم

/

فجر ودموعها شلال تنزل على خدها: إيه أهلي اللي ربوني كذبت عليك حتى اني أخفيت عنك الحقيقه
رائد أنا أنا أنا
رائد: أنتي ايش
فجر: أنا ....
رائد: قولي يافجر ومعليك راح أتقبل أي شي منك
فجر بكت بمراره:أنا لقيطه

انصدم رائد ماتوقع هالشئ ولاربعه
فجر: أدري انصدمت وكرهتني والدليل سكوتك بس تعرف الكل يقولولي ماتو أمي وأبوي ويقولون
انو اللي يربيني عمي الحقيقي
بس ماأصدق ماأصدق أنا متأكده يكذبون علي ولا ليش يضربنا انا وخواتي ليه معقوله في أبو يسوي في ضناه كذا
رائد: صدقيني ماكرهتك ولاشي بس بس
فجر: تكلم قول بس ليه
رائد: بس يافجر أنا أبيك وصعب أكدلك الموضوع إلا إذا خطبتك وأهلك اللي يربوك راح يرفضون
لأنك صغيره
فجر وهي تبكي: وأهلك راح يرفضوا لأني لقيطه اللي بيننا انتهى
رائد: أعطيني عنوانك
فجر: لو تحلم
رائد: قلت أعطيني عنوانك صدقيني لاني ماراح أجي لبيتك ولا بسوي شي بس لاتخرجت وتوظفت بتكوني كبرتي ووقتها أقدر أتزوجك لو غصب عن أهلي
فجر: رائد تكفى خلاص اللي بيننا صعب يستمر
رائد: وليه يافجر فجر أنا أحبك فجر أنا كل خليه في جسمي تنطق بأسمك أردده قبل ماأنام وأول ماأقوم
أكتبه بدفاتري وبكل مكان تجيه يدي وقلمي
شوفي
ثواني الا جتها صوره
كتب: شوفي وش مسميك وأشهدي بنفسك
بكت وبكت وبكت وصارت تشهق حطت يدها على فمها وتركت الجوال وصارت تبكي من قلبي
رائد: عالعموم الله يوفقك في حياتك دامك اخترتي هالطريق ننفصل ليه لا
أتمنى بس تذكريني بالخير أتمنى أكون تركت بصمه حلوه عندك
صرخت بأعلى صوتها وهي تضرب بالسرير: غبي غبي غبي أنتي تركت حفره في قلبي مستحيل ترمم
أخذت الجواله وكتبت: إذا أنا بالنسبه لك نبض قلبك فأنت قلبي وشرايني
رائد أنا كل ثانيه أفكر فيك والآن جالسه أحترق عشانك بس أنا ماأستاهلك
رائد: وانا قلت أبيك وراضي فيك لو واحد مغتصبك فاهمه
فجر استغربت مره منه صعب عليها الأمور مره
مسحت دموعها بكفها وكتبت: خلاص خلي رقمي عندك ولاصار وتخرجت اتصل علي انساني الآن لين ربي يكتب لك وتتخرج
في آماااان الله انتبه لنفسك وماأبغاك تتعذب عشاني أبغى أسمع رائد الدكتور أو المهندس أو اللي تبي أهم شي تحقق حلمك
سلام
أرسلتله قلب كبير أحمر وخرجت حطتله حضر ومسحت رقمه وماأعطته فرصه يتكلم أو يقول شي
رائد رمى الجوال بقهر لما شافها معطته بلووك زفر بضيق وحط يده على راسه: ليه سويت بنفسك كذا ياخالد
ليه ليه حبيت ووقعت قلبك معها وأهم شي كذبت عليها وقلت أنك بالجامعه ليه


/

البيت قلوب فوق تحت والكل خايف على اللي برى في المطر

/

مرت ساعه وهم على حالهم بس المطر خف شوي ولسع ينسمع زخاته
ناصر وهو ضام رجوله لصدره: فروح
فرح اللي هديت بعد ماسمعت القرآن ووقف البرق كانت جالسه مثله ومنزله البطانبه على كتفها ومنزاح شوي وشعرها المبلول متناثر على كتوفها ومكياجها خربان ام امه : هممممممم
ناصر: بأقولك شي أنتي أول وحده تعرفه مني وأتكلم عنه قدامها
فرح لفت عليه عشان تسمعه زين وتستوعب وش يقول
لف عليها وتربع وهو يستعد للكلام: اسمعي يمكن يصدمك بس هذي حقيقتي أ.......






وانتهى البارت








التوقعات:

وش اللي بيصير بين فرح وناصر وايش مستقبلهم ؟؟؟؟
ايش السر اللي ناصر يخفيه عن فرح ومايذكره لأحد؟؟؟؟؟؟؟

وهل فجر ورائد بيستمرو مع بعض ولا بتنقطع علاقتهم حتى بعد مايتخرج رائد أقصد خالد ومين هوى وايش سبب كذبه عليها؟؟؟؟؟؟؟؟

ايش بيصير بجلسة فرح يوم الأحد وهل راح تكون تحسنت أو انها ارتاحت لناصر وبس؟؟؟؟؟؟

وش سبب الحاله اللي بفرح هذي ؟؟ وهل كان توقع ناصر صح؟؟









مايزرع داخل أنفسنا ينبت على ملامحنا...
لصراحتكم

اسيرة الهدوء ©؛°¨غرامي متألق ¨°؛©

السلام عليكم
بارت رائع وحماااااااس يامبدعه
يعطيك العافيه

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1