ريما فؤاد* ©؛°¨غرامي مشارك¨°؛©



يا سلام بارتات تفتح النفس و كثيرة

لي رد بعد ما اقرئهم حبيبتي

إلــــيــــنــــا ~ طير الغربة ~

المشاركة الأساسية كتبها حِسّ ! اقتباس :
يا سلام بارتات تفتح النفس و كثيرة

لي رد بعد ما اقرئهم حبيبتي

بإنتظار ردك اللي يفتح النفس :)








مايزرع داخل أنفسنا ينبت على ملامحنا...
لصراحتكم

إلــــيــــنــــا ~ طير الغربة ~

أهليييين حبايبي والله كان ودي أنزلكم بارت إضافي لأني بجد بجد بجد ماتدرون قد ايه فرحانه ومو بس فرحانه
إلا بطير من الفرحه الحمدلله نزلت درجتي وأنا لي شهر انتظرها والحمدلله ربي ماضيع جهدي وتعبي وجبت درجة مره حلوه والله من الفرحه اني كل ماأفتكرها أبكي ماني مصدقه بس الله ياخذها المدعسه ضغطتني كثير وصار عندي واجبات ومشاريع عشان كذا ماأقدر أنزل بارت إضافي بس جد جد الله يسعد كل من دعالي



× آسفة على الأخطاء إن وجدت ×



الفصل السابع:
الحب
الجزء الثاني:
وهل منا تائه بحبه!


شعاع دخلت غرفة فجر لقتها منسدحه ولافه وجهها قربت منها استغربت وهي تشوفها تبكي
جلست جنبها بحنان: فجر أنتي بخير
فجر انصدمت انو أمها في كيف ماحست فيها وعلى نفس وضعها: إيه
شعاع بشك: فجر تراني مو مصدقتك قومي قوليلي الحقيقه راح أسمعك
فجر لفت عليها ابتسمت بسخرية وبداخلها: إلا راح تتبري مني
شعاع: أنا ملاحظتك هاليومين مو على بعضك وشبك
مسحت على شعرها بحنان: قوليلي يا قلبي راح اسمعك
فجر توسعت عيونها بصدمه حطت يدها على وجهها وظلت تبكي
شعاع فزت بخوف وحضنتها: خلاص ياقلبي لاتقطعي قلبي قوليلي وشبك
فجر بألم وحزن عميق: أبيه أبيه
شعاع باإستغراب: تبين مين؟
فجر: أبيه أبي بابا أبي ماما
شعاع توسعت عيونها بصدمة ونزلت دموعها سحبتها لحضنها وهي تمسح عليها بحنان
شعاع: خلاص اهدي ياقلبي مالك إلى الصبر أعتبريني أمك وأنا فعلا بمقام أمك ياقلبي عمركم طلبتو مني شي ورفضت ولا جيتوني وطردتكم
فجر حضنتها بقوة مهما قالت ماراح تقدر تعبر عن اللي بقلبها دامها هي اللي مقتنعه فيه
شعاع زادت بحتضانها من أول وهي تحاول تقاوم دموعها بس ماقدرت لكن الآن هي تقاوم إنه مايبان بصوتها إنها كانت تبكي

/

في فيلا ثانية
دق الباب
ناصر عدل بجلسته بعد ماكان منسدح: تفضل
دخلت سديم وهي تبتسم هلا بالخاطب إلي متغير
ناصر ابتسم أكثر: هلا بأختي إلي بتساعدني
سديم صغرت عيونها: والله والله والله ماكنت بساعدك إلى لأني أبي منك خدمه
ناصر رفع واحد من حواجبه: لا والله هيا حلي عني ماني مساعدك وعلى المساعده عندي غيرك
سديم ابتسمت وجلست تتغلى عليه وتدلع صوتها: ويعنننني عشاني أنا ما تساعدني
ناصر عض أسفل شفته بقهر وهو يبتسم: آآآآآخخخخ منك بس خلصي قولي
سديم ابتسمت بإنتصار: ها قولي ارتحت مع فروحه
ناصر ابتسم: وكل هذا ومارتحت راح أقولك بصدق أنا وقعت بحبها
سديم ابتسمت وبغيرة: طبعاً أخذتك منا
ناصر وهو على حاله: حرام عليك عاد
سديم رفعت حاجب وبتكذيب: إيه إيه بس جد جد ناصر لو طلعت لك بنت تحبك وش تسوي
ناصر بعد تفكير مادام طويل: أممممممم صح اني ماأحب أجرح أحد بس صعبة أكذب عليها وأقولها أحبك ذا بيكون أسوء من أني أقولها أنا آسف ما أبدالك الشعور ذاته خلنا نكون صريحين أفضل
سديم بانت على وجهها علامة الحزن اللي ماقدرت تخفيها
ناصر ابتسم أكثر مع بعض القهقهات: ههههه طب ليه السؤال في وحده معجبة فيا

/

خالد: هلا والله بها الصوت
رامي بغيض: أنتى وش تبغى لا تحسب الآن أقدر أكلمك على كيفي ناسي أنهم جووو
خالد ابتسم بزيادة: رامي عندي فكره مرره قوية بس بخليها آخر شي أنا متأكد أنها بتنجح بس بتكون معها أضرار عشان كذا بخليها آخر شي نسوية وماراح أغامر وأخليك تدخلها إلا إذا أثبتلي أنك تستحق تدخلها
رامي ضحك بقوه وبسخرية: ههههههههههههههههههههههههه ومين اللي بيوقف معك ياسيد خالد
خالد ابتسم بزيادة: أولا أسمي عمي خالد مو خالد ثانياً والعصابات ليه موجوده شغل سريع ومضمون
رامي بتحدي: نشوووف ان ماإنمسكت وترى عقابك بيكون أخس لأنك رئيس قسم بالشرطة وتعمل كذا وتشتغل مع عصابات
خالد وهو ميت ضحك: ههههههههههههههههههههه حبيبي في شيء اسمه اسم مستعار وهم ماراح يسألون عن اسمي وآشياء خاصه يكفيهم إثبات إني بدفع لهم المبلغ كامل
رامي وهو مبتسم بإنتصار: أوك خلك على اللي براسك وأنا على اللي براسي ونشوف مين اللي ينتصر
خالد ضرب الطاولة اللي جمبه بتحدي: أنا ماهموني وهذا راح يحرق قلب شعاع أكثر إذا لقيتهم راح أقتلهم وأنتى كمان
رامي ابتسم بزيادة: مو شغلك أقتلهم أو لا أقدر أعلن خبر وفاتهم والجثث مختفية بس أنا ماتعبت طول هالمده
وآخرتها أقتلهم راح أستفيد من كل وحده لآخر يوم بحياتها
خالد: ماهمني أنا اهم شي نشوف مين اللي راح يفوز أوك
رامي بتحدي: أوك

/

في فيلا ثانية دخل عليهم وهو يشوفهم يتضاربو على الشبس
ميسم وهي تشده: كذابه والله أنا اللي حطيته هناك
نسيم تشد أكثر: أحلفي قولي والله
ميسم: أصلا يادب ماباقي إلا قليل سيبيه
نسيم بقهر: قولي الكلام لنفسك ياخطافت العيال
فارس وفوق راسه ألف علامة استفهام
ميسم شدت أكثر:أنتي أصلا ماينفعلك ذا لأنك وصلت لمرحلة الجنون تسمين الأكل عيالك
فارس هنا فطس ضحك عليها: هههههههههههههههههههههههههههههههههههههههههههههههههه
جثا على الأرض مو قادر يستحمل: هههههههههههههههههههههههههههههههههههه
لفو عليه بإستغراب وكل وحده تركت الكيس اللي طاح على الأرض
فارس وهو ماسك بطنه: هههههههههههههههه ههههههه ههههه ههه
مسح دموعه: آآه يابطني مجانين قال عيالي قال
ميسم ونسيم اللي تذكروا لفو على كيس الشبس شافوه على الأرض نطو عليه بوقت واحد
فارس ماقدر يستحمل رجع لهستيريت الضحك ويزيد ضحكه كل ماشاف حركاتهم
نسيم وهي تشد شعر ميسم: آآآآآآه يادب وخري سيبي شبسي
ميسم تشد زياده: على جثتي فاهمه
نسيم دفتها وسحبت الكيس وتكومت على نفسها وجات بتحط بفمها ماحست إلا بميسم تشد شعرها
ميسم وهي تشد شعرها ومعصبة: أحلمي أخليك تتهني فيه
نسيم بألم تصارخ: سيبي حرام عليك أكلي
ميسم: لا ياعيوني أنتي سيبي
نسيم وقفت رغم الآلم جات بتكت الكيس كلو على ميسم من الغيض بس ماحست إلا بفارس إلي وقف ضحك
سحب منهم الكيس ولسى باقي آخر آثار الضحك: لا أنتي ولاأنتي حطه بفمه كله
طيرو عيونهم الثنتين فيه
ميسم بعصبية نطت عليه بقوة لدرجة انه طاح على ظهره وهي تضرب فيه: يادب ياوحش ياشمبانزي
ياقرد ياحشائش الكبد ياكبده مقلية ومسلوقة ونية وكل شي
نسيم نطت معها وهي تضرب فيه: لاعقلي مجنون عقل السمكة متخلف بومة دجاج نقار الخشب بسرعة رجعها رجعها
فارس اللي طايح بالعكس ماتألم حتى من ضربتهم لأنهم زي الريشة بس جالس يضحك
ميسم بغيض تزيد: وجه يوجعك إن شاء الله
قام وجلس وكلهم طاحو بوقت واحد
الضحكه مازالت عليه: والله إنكم مجانين غلطان إني قررت أكلمكم شكلي بحول على ديالا
ناظرو بعض ونطو عليه: لا لا قول اخلص
فارس فطس ضحك: ههههههههههههههههه ماني ماينقال لكم شي
ميسم يتكبر: أصلا على أساس ميتين عليك روح خبر العاشقة الولهانة على أساس بتجاوبك وتعطيك
الجواب الشافي
دقتها نسيم أكثر من مره بس هذا اللي ماانتبهت له ميسم إنها زل لسانها وقالت العاشقة الولهانة
فارس عقد حواجبه: العاشقة الولهانة
نسيم اللي تغطي على أختها تكلمت بسرعة: ايه ديالا هالفترة صايرة رومنسية 24 ساعة أفلام رومنسية
ضحك فارس من قلبه بالوقت اللي زفرو فيه نسيم وميسم براحة
فارس وقف: خلاص أعرفها منها
ماكانو يقون يوقفونه بعد اللي صار يبغونه بس يطلع ويفتكون منه
نسيم ناظرتها بلوووم: هبلة
ميسم ولحظات كان قلبها بيطيح: والله نسيت
نسيم جات بتسبها بس تذكرت شي ونطت عند كومدينتها وفتحت آخر درج وآخذت اللي تبيه وفتحته وحطته بفمها
جتها ميسم وهي مستغربة: نعم اختي خير
شهقت بصدمة: هااااااااااااااااااااا ياخاينة جالكسي
نسيم وهي تبتسم وتحاول تبلعه كله حركت حواجبها تجاكرها: هممم ممممممم هممممم مممم
ميسم إلي انقهرت: ياخاينة أنا توأمتك
راحت بسرعه شافت 3 قطع لسى مادخلت فم نسيم لأنها حطت الأصباع كامل بفمها بس ماأمداها مدت يدها وقطعتها وأكلتها
نسيم قامت بقهر بلعت اللي بفمها: انتي ليه دايم تفشخي أشيائي
ميسم بغيض بعد مابلعت اللي بفمها: لإني توأمتك


/

في فيلا آخرى دق جوالها رفعته ابتسمت لما شافت اسمها اشتاقت لها مرره
ردت: ألوووو هلا...
قطعت كلامها بخوف وهي تسمع صراخها : مرررررح ألحققققيييييي


/


دخلت عليها حاولت انها ماتبكي أو تبين حزنها وهي تمثل الابتسامة
فرح ابتسمت وهي تجلس: هلا ماما
جلست جنبها وهي تبتسم: كيفك لا تكذبي علي قولي وش فيك لا يكون ماتبي ناصر
فرح ابتسمت: والله ماما مافيني غير العافية وبس وناصر مرره طيب وماسوالي شي
شعاع ابتسمت: الله يوفقكم يارب ويسعدكم
نزلت راسها بخجل
شعاع حضنتها: فديت الخجوليين ياناس
عدلت جلستها وبإبتسامتها المعتادة: أخبار صحبتك رغد
فرح بتذكر: يوووه ماكلمتها
شعاع ضحكت: ههههههههههههه اللحين تقوم الدنيا كلميها بسرعة
فرح: إن شاء الله ماما
بس ماما ودي أسئلك سؤال
شعاع عدلت جلستها: أوك أسئلي

/

عرفتي منها
وهي شاقة الابتسامة: صح ماقالتلي بس واضح من حركاتها انها حبتك
كشر بوجهها: غبية يمكن انحرجت من حركتي بالسيارة
مايا تمثل الزعل: أجل ليه قلتلي أسئلك دام أنت كذا
عادل بعصبية دفها لبرى: أطلعي أشوف أطلعي
مايا مسكت كوب الموية اللي على الطاولة ورشته عليه: ها أحسن تستاهل ياوجه العنز
وهربت
عادل وهو يصرخ: أنا أوريك ياتيس
مايا مدت لسانها: نننا نننا نانانا
فتحت الباب بتعب وهي تتثاوب: ماايا حبيبتي أنتي وعادل ألعبو بمكان ثاني بنااام
مايا وقفت بصدمت: إن شاء الله عمتي بس ليه تعبتي نفسك وقمت
شدن بتعب رجعت: خلاص اهم شي مابي اسمع صوت
وسكرت الباب
عادل ناظرها بلوووم: مزعجة
مايا تخصرت: أحلف وناسي نفسك ياحلووو انك تكلمت
عادل لف ودخل الغرفة وقفل الباب خلفه
ضربت الباب بقهر برجولها وركضت بعيد وهي ترردد: غبي

/

سديم اللي بدت تتلعثم: ها لا مين قال بس بس حبيت كذا أسئل تعرف لما يجيك
شعور انك تبغى تعرف كل شي هذا هو شعوري
ناصر بتكذيب: آهااااااااا
راحت بسرعة عشانها عارفة نفسها بتجيب العيد: خلاص أتركك ترتاح
ناصر تكلم بسرعة: سديم أنا نسيت أجيبلها الشبكه ولا كأنها مخطوبة أو شي بس والله لأنو القرار كان مفاجأ وسريع
سديم ابتسمت: عادي خلاص اللي صار صار وبعدين والله فرح بنت حلال وطيبه ماتهتم لهاذي الأشياء وهي مقدرتك أكيد صدقني هذا احساسي وانتى تعرف احساسي كيف يصدق أنا أحس
البنت تبغى شخص تعتمد عليه وبس تنسى اللي صارلها ولا تخاف من شي بعد هذا اللي تبغاه ناصر ابتسم: عارف والله بس ودي اسعدها
سديم ابتسمت لدرجة بانت اسنانها رفعت يدينها تدعي: الله يكتبلي زوج مثلك
ضحك ناصر من قلب : ههههههههههههههههههههههههههههههههههه
سديم رفعت حاجب وتخصرت: لا والله الناس تستحي مو مثلك
ناصر وهو يحاول يكتم ضحكته: هذا استحيائي المهم الشور شورك ياأنسة الآن صار
أروحلها بكرى منها أتطمن عليها وأقدملها الشبكة ولا اخليك تعطيها وبس
سديم تخصرت: لا والله وش أعطيها أنا متخلف أنت ثاني حاجه لاتاخذ عذر إنك تطمن عليها لأنو اللي يعالجها يكون ولد عمك ..... سكتت شوي وكملت: خلاص أنا أقول روح الليلة أنت وماما
وأختارولها شبكة كذا حلوة ونهاية الأسبوع خذها على مطعم أو أي مكان يحبه قلبك وقدمها لها
ناصر كان يفتح عيونه بدهشة مع كل كلمة تقولها ويستغرب أفكارها اللي مايدري من وين تجيبها
سديم ابتسمت: أدري أدري مايحتاج تقول إنو أفكاري جميلة بس لا وصيك عليها تراها رقيقة وخجولة
ناصر ميل شفته بقرف يكره الغرور حتى لو الشخص قدامه يتصنع هالشئ وهو موفيه: ايه ايه بالحيل بس ياليت تعرفيلي هي ايش تحب
سديم: مستحيل انت من جدك أنا أول مره بحياتي أقابلها هذي الثلاث أيام مامداني أعرف أي مكان تحب
ناصر: مو منجدك لو تسألي وحده من خواتها
سديم بنفاذ صبر: ناصر ياقلبي ترى مو كل شي تحسبه زي ماتفكر فجر الأقرب لها نفسية والصراحه الصراحه أخاف اني أكلمها أو أسئلها البنت مرا ماهي اجتماعية ومرح صغيرة أولا وثانيا ماتعودت عليها
ولاصار بيننا ميانة للآن
ناصر: خلاص أوك بس طبعا بتروحي معنا تختاريني لأنك أقرب لعمرها من أمي وتفهمي تفكير البنات
تخصرت سديم: لا والله وش شايف ماما
ناصر ضحك على الخفيف: هههههههه ياخبله مو كذا قصدي أنو أفضل أنتي تختاري لأنك أقرب لها بالعمر ماأقصد أنو أمي عجوزه أو كذا بالعكس أمي راح تختار معك
سديم لفت: لا عشان ماأشوف أشكال حلوه وأتمناها لي ولا ألقى مين يجيبها لي
ناصر ابتسم: خلاص أنا أجيبها لك على حسابي
سديم لفت وهي مصدومة: لا والله بعدين تراني أتهرب منك بأختصرلك ماني رايحة خل ماما تروح
ناصر سوى بوجهه فيس حزين: طب هالوجه ماترأفي عليه
سديم يقهر: أخخخخ منك بس خلاص أوك
صفق ناصر باإنتصار: يس يس

/

فرح: شوفي هو مو سؤال يعني يعني يعني بس لاحظت
نزلت راسها بخجل
ابتسمت شعاع لها وربتت على كتفها عشان تطمنها: قولي ياقلبي
فرح: مدري بس خوووفي مم..ممما ... ماجاني وأنا مع ناصر تتوقعي تحسنت ولا بس مع ... ناصر
ابتسمت شعاع أكثر: بكرى موعدك ونعرف
وعشان تلطف الجو غمزتلها وهي تقرص دقنها: بس باين من عيونك إنه معاه بس
نزلت راسها بخجل مررره
شعاع ضحكت من قلب: هههههههههههههههههههههههههههههههههههههههههههههههههه هه
فديت الخجولييين ياناسووو
فرح رفعت راسها تغير الموضوع: يصير أنام معك الليلة
تخصرت شعاع: أحلفي قولي والله تراك كبيره صار عمرك 17 سنة
فرح ابتسمت: بس انا لسى صغيره أبي أنام معك قبل ماأروح عنك
شعاع حضنتها بخوف: لاتقولي كذا ماراح ياخذكم لو على جثتي
فرح وهي بحضنها: بعيد الشر عليك ماما أقصد بزواجي أدري مطول بس برضو أبي أقعد معك وأعوض كل شي تمنيته وأنا طفله
شعاع كانت راح تبكي وهي تتخيل بناتها كل يوم يقومون يتخيلون انهم بحلم بس يشوفون أبوهم قدامهم ويضربهم ويروح كل أحلامهم
ابتسمت وبمزح: أوكي بس راح أطردك لو كنت تسوين على نفسك
ضحكت فرح: ههههههههههههههههههههههه وين وين ماني بزر خلاص


/

مرح بخوف: سومة وشبك
وسام: ماتتوقعي وش صار آشياء كثيرة وخطيره مره
مرح بخوف أكثر: وش
وسام: مرح أنا جد جد آسفه ليتني سمعت كلامك يامرح
مرح إلي الخوف بدى يتسلل قلبها أكثر: سومة لاتخوفيني خلصي وقولي
وسام: تفتكري لما كنت تكتبي بدفترك كثير وحنا زنينا عليك تقوليلنا وش كاتبة
مرح وهي خايفة مره تبغاها تقول بسرعه: ايه
وسام: تماااااااااااااام وبعدها بعد زننا وافقت تقوليلنا بس خليتي وحده منا تقرأ للكل وانتي رحت لأنك كنت مستحية
مرح وخلاص نفذ صبرها: خلصيني قولي
وسام: المهم ياقلبي وبعدها
توسعت عيون مرح بصدمة ومع كل كلمة تزداد صدمتها أكثر وعصبيتها أكثر على كلام وسام

/

مازن كان يقرأ بكتاب عن علم النفس نزله يوم سمع صوتها: هلا
سديم: هلا فيك مو بغيتني
مازن ابتسم وعدل جلتسته: إيه بغيتك طبعاً بس تفضلي اجلسي
جلست بالكرسي اللي أمامه: خيرر اللهم اجعله خيير
مازن ابتسم: خييير ان شاء الله شوفي ماأبغى حركات تسألي أو تجسي النبض تعرفي وإذا ماتعرفي مو مشكلة
سديم ابتسمت: أوكي تكلم شكلك حاط عينك على وحده
ابتسم مازن بزياده: بالضبط حاط عيني على وحده
سديم: اليوم أنتى وناصر مدري وش فيكم قالبين رومنسيين والمشكله ماخذيني بئر استشاراتكم
مازن: أحد ضربك على يدك وقالك كوني اختنا الكبيرة والحكيمة
سديم مصغرة عيونها: خلص
ضحك على الخفيف: هههههه أوك خلاص لاتاكليني ديالا بقلبها أحد
توسعت عيونها بصدمة ماتوقعتها أبداااااااا
مازن بهتت ملامحه: خلاص انسي الموضوع
سديم لا خلاص قولليله ياسديم هالحل الوحيد عشان تنسى ناصر
نزلت راسها بحزن وبداخلها: بس مستحيل تنساه إذا وافقت على مازن
تكلمت بسرعة : لا لا مو قصدي بس انصدمت انك تفكر فيها
مازن رفع حاجب بإستغراب: ليه البنت فيها شي
سديم: لا مافيها شي بس خلاص أنا أقولك الصراحه روح أخطبها وإذا رفضت خلاص
مازن: وإذا عمي غصبها
سديم رفعت حاجب: وتتوقع عمي أبو فارس يغصب أحد على زواج لا طبعا
مازن نزل راسه بحزن: سديم أنا مابي أخطبها لما أتأكد ماأبغى أصعب عليها الموضوع يعني يمكن تحز بخاطرها ترفض ولد عمها
سديم وبداخلها ابتسمت بيئس: ياحليلك يامازن منت عارف خباياها
رفعت راسها: إذا على كذا طمن قلبك ماراح يحز بخاطرها ولا شي
بس يامازن انساها اذكر قالتلي ماتفكر حاليين بالزواج دوور غيرها
مازن نزل راسه بحزن: راح انتظر لما تفكر لأني بجد حبيتها
سديم توسعت عيونها بصدمة: إنتى كلمتها شفتها
مازن: لا موكذا بس كذا حبيتها
سديم بألم: مازن انساها خلاص ماأتوقع هالبنت راح ترضى
مازن بحزن: خلاص الشور شورك
سديم ربتت على كتفه وهي تبتسم: صدقني ماراح تندم على قرارك
ردلها الابتسامه اللي تخفي الألم: الله لايحرمني منك
سديم: ولامنك

/

رن رن رن رن
يلعب بلايستيشين ومطنشه
رن رن رن رن رن
رمى اليد بقهر بعد ماخسر << اليد هذيك تبع البلاستيشين أتمنى تكونو فهمتو احنا نسميها يد>>
سحب الجوال ورد من غير نفس: خييير
رد عليه صوووت متعب جدااا: أباك ضروووري أنا أستناك عند باب بيتكم
قام بخوف وطفى البلاستيشين: خلاص إن شاء الله ثواني وأنا عندك

/

فارس: ديالا ياقلبي
ديالا وهي قررت خلاص تنسى اللي صار وتبتسم وتنتقم تخصرت: خيررر
فارس بإستغراب: وأنا أحسبك متضايقه
تكتفت: خلص قووول
فارس: ديالا أبي أسئلك سؤال وجاوبيني بصراحه
ديالا عدلت جلستها استعداد لسؤاله: أوك أسئل

/

بصراااخ: ياخاينة وتوك تفتكريني
ضحكت بقوة: ههههههههههههه وربي حرام عليك مالي واصلة إلا ساعة تقريبا
بقهر: أصلا عارفة إني دايم عندك منسية
خلاص تحس نفسها راح تنفجر من الضحك: والله مو كذا رودي ياقلبي بس شوفي الصراحه ماما هي اللي عارفتلك قالت انك بتزعلي
رغد بحماس: أجيك صح أجيك
فرح ضحكت بقوه: ههههههههههههههههههههههههه ياربي منك طبعاً أنا ماراح أرفض بس أستأذني من أهلك
قامت بسرعه وهي تنط من الفرح: أخيرا ماأقول غير باي للطفش طبعاً أهلي راح يوافقو لاعرفو أني رايحه لك
فرح ابتسمت: وربي أني أعشقك ياخي انتي تونسيني
رغد بفخر: أدري أدري
فرح بضحكه: بدينا الغرور
رغد بعجلة: خلنا نأجل السوالف ثواني وأكون عندك
فرح: أوكي باي
رغد: بايات

فجأ دوى صرخه كبيرة تركت الجوال حاولت تقوم بس حست بخوف لدرجة تصلبت بمكانها
دوار غثيان تنمل بالأقدام وأطراف اليد رجفة كل هذا تحس فيه قلبها يدق بقوة حاسة فيه مصيبة بتصير


إنتهى البارت

اييش هي خطت خالد الكبيرة واللي مأجللها؟؟؟؟ وإييش راح تكون خطت رامي؟؟؟
ايش اللي قالته وسام خلى مرح تعصب لها الدرجة؟؟؟
هل مازن راح ينسى ديالا مثل ماقال لسديم ؟؟؟ أو لا
مين اللي كان يتصل وعلى ميين؟؟؟؟
ايش يبغى فارس من ديالا وايش الموضوع الخطير اللي ما ينقال إلا لها؟؟؟
وش سبب الصرخه ومن مييين؟؟؟ وإيش سبب الحالة اللي صارت
لفرح؟؟؟؟؟؟








مايزرع داخل أنفسنا ينبت على ملامحنا...
لصراحتكم

فتاة تحب الكتابة ©؛°¨غرامي فعال ¨°؛©

هلا ....
كان معي حق لما قلت لك باول رد انو الجاي احلى جد تسلم ايديك بارت ولا اروع ...كثيير حبيت فرووحة و ناصر و مازن مسكين وجعني قلبي عليه ))حب من طرف واحد
المهم مستنية البارت الجاي و بالتوفيق

فتاة تحب الكتابة ©؛°¨غرامي فعال ¨°؛©

صحيح مبروووووك نزول درجتك اللي ظاهر انو ممتازة و الله يديم فرحتك يارب

إلــــيــــنــــا ~ طير الغربة ~

المشاركة الأساسية كتبها المجروحة من الصميم اقتباس :
هلا ....
كان معي حق لما قلت لك باول رد انو الجاي احلى جد تسلم ايديك بارت ولا اروع ...كثيير حبيت فرووحة و ناصر و مازن مسكين وجعني قلبي عليه ))حب من طرف واحد
المهم مستنية البارت الجاي و بالتوفيق
المشاركة الأساسية كتبها المجروحة من الصميم اقتباس :
صحيح مبروووووك نزول درجتك اللي ظاهر انو ممتازة و الله يديم فرحتك يارب

هلا وستين هلاااااا
ههههههههههههههه ياعمري تسلمي ذا من ذوقك ياقلبي
فرح ناصر الصراحه أتمنى لحياتهم السعادة بس أبوها لها بالمرصاد مانعرف هل راح تكمل سعادتها
مع ناصر أولا
بس حابه أقولكم شي في شي راح يسويه ناصر بأخر البارتات أنا متأكده 100% الكل راح يخقق على ناصر هههههههه
أما مازن هو طيب وعلى نياته وهادئ وديالا تغيرت كثير وصارت فيها شر فهل راح يتلائمو مع بعض
ومازن راح يسعادها ترجع مثل قبل وأحسن أو راح تستمر كذا لين ماتنتقم
كل هذا راح نشوفه بالبارتات القادمة بس مازن جد جد يحزن وبرأي ديالا ماتنفعله بس الحب يعمل
كل شي

وياك ياقلبي
شوفي هو مو ممتاز هو ننسبة يعني القدرات تعرفيه يجيبلك نسب فقط بس جد جد تحسنت عن قبل
كثييييييييييييييييييييييير والحمدلله يعني لو ذاكرة شوي إن شاء الله ودخلت الاختبار اللي بعده ممكن أجيب الدرجة إليي كنت أحلم فيها بس أنا أبغى زيادة عشان أدخل الطب وأنا مغمضة إن شاء الله


نورتي صفحتي بردك بإنتظارك الثلاثاء








مايزرع داخل أنفسنا ينبت على ملامحنا...
لصراحتكم

nancy.1998 ©؛°¨غرامي فعال ¨°؛©

باااارت راااااائع راااائع
وفي كميه غضووووض كثيييره

اييش هي خطت خالد الكبيرة واللي مأجللها؟؟؟؟ وإييش راح تكون خطت رامي؟؟؟
امممم ما اعرف والله 💔

*

ايش اللي قالته وسام خلى مرح تعصب لها الدرجة؟؟؟
كمان للأسف ما اعرف

*

هل مازن راح ينسى ديالا مثل ماقال لسديم ؟؟؟ أو لا
لا ما اتوقع بس كذا قال عشان يسكت ديالا

*

مين اللي كان يتصل وعلى ميين؟؟؟؟
اي دونت نوو كمان

*

ايش يبغى فارس من ديالا وايش الموضوع الخطير اللي ما ينقال إلا لها؟؟؟
يااااربي حيرتييمي يابنت موو عارفه

*

وش سبب الصرخه ومن مييين؟؟؟ وإيش سبب الحالة اللي صارت
لفرح؟؟؟؟؟؟
كمان ما بعررررف

ليه كذااا ليه كله غموووض اليووووم
مافيني صبر للثلاثاء وربييي
الله يعيييني بسس
بننتظررك يااريت تقربي الموعد بليييييييز
وبسس
nancy

ووردالعمرر ©؛°¨غرامي فضي¨°؛©

..........

Emi Maykel pother عضو موقوف من الإداره

سلام كيف الفرحة انشالله دوم مو يوم حبيبتي وانشالله دايماً مبسوطة كذا يارب << قولو آمين وقولوا ماشاءالله مانبا حسد يمس صغيرتنا اسم الله عليها ومني الففففف الفففففففففف الفففففففففف مبروككككككككك للجميلة <<عرفتوها ولا إذا عرفتوها قولو كذا واذا ما عرفتوها قولو كمان كذا ويارب تدوم بس انا عندي سؤال بعد السموحة سنة كم انتي وبس الحين التوقعات،
خطة خالد هيه أنو يخطف بناته
وأما عن رامي فهو يبا يلعب عليهم الين يقول بس ويرمي
وأذن أن الي زعل مرح هو أنه كانت تكتب بدفتر احسيسها واشياء كذا والبنت قرأته وقالت لوحده وثانية كمان قالت يعني باختصار انتشر الخبر وهذا الي زعلها
ما أذن ينسى فمهما يصير تكون حبه الأول
أذن صديقة مرح ومرح
إذن يبها تساعده في موضوععععععع خطير
اكيد صرخة خوف ومن مين اذن صديقة من صديقاتها وفرح اكيد واحد يحاول يأذيها عشان جهاز الحاله
وبس.
I love you
Emiâ™،â– â–،

ووردالعمرر ©؛°¨غرامي فضي¨°؛©

[/b][b]اييش هي خطت خالد الكبيرة واللي مأجللها؟؟؟؟يتفق مع مافيا يقتلو البنات ويعطيهم فلووووس

وإييش راح تكون خطت رامي؟؟؟يخطف البنات
ا
يش اللي قالته وسام خلى مرح تعصب لها الدرجة؟؟؟يمكن شافو شي رسالة من عادل حطتها مايا او شي

هل مازن راح ينسى ديالا مثل ماقال لسديم ؟؟؟ أو لا يمكن وادا لا
يمكن يراقبه ويعرف لايش تخطط


مين اللي كان يتصل وعلى ميين؟؟؟؟خالد على عادل

ايش يبغى فارس من ديالا وايش الموضوع الخطير اللي ما ينقال إلا لها؟؟؟امكن يقول لها انتي تحبي او عرف انو مازن يحبها

وش سبب الصرخه ومن مييين؟؟؟مرح يمكن شافت عادل

وإيش سبب الحالة اللي صارت
لفرح؟؟؟؟؟؟["]صاحبتها سما يمكن[

]في انتضااارك

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1