ريحانة الشرق~ ©؛°¨غرامي نشيط¨°؛©

وووووووووووووووووووووووووووووووووووينك بروووقه تأخرتي مرررررررررررررررررة

ووردالعمرر ©؛°¨غرامي فضي¨°؛©

امتحانات عليها

الهاجري... ©؛°¨غرامي مشارك¨°؛©

المشاركة الأساسية كتبها ووردالعمرر اقتباس :
امتحانات عليها
اتمني تزوري روايتي : يبدا الخوف حيث تنتهي الراحه

إلــــيــــنــــا ~ طير الغربة ~

أهلا ياأحلى متابعين ياأحلى مابالكون اشتقتلكم مررررره بإذن الله متى ماانتهت مين البارت راح ينزل
والحمدلله اليوم خلصت



المشاركة الأساسية كتبها Tolien اقتباس :
احس ديالا مجنونة يعني فيها مرض نفسي كنت احبها بس الحين اكرها عالعموم روايتك مررره حلوه

هلا بالزين هلا بالمتابعه الجديده ياهلا واه يازينك بس
أمممم الحب يعمل العمايل الحب يجنن الحب يخرجك من طورك مع الحب ماتعرفي نفسك
أنتي الأروع



المشاركة الأساسية كتبها Fatema14 اقتباس :
هااااااااااي بروقتي كيفك .. أكيييد نوورت *_* بس والله اعذريني تأخرت بالرد كانت علي اختبارات مكردسه علا راسي و خلصت اووووووووووووووووووووووووووف تعب عاد هاي الاختبارات و ما أدراك ما هـي هههه

المهم فاتتني بارات روعه شي مو جديد بس بصراحة اكثر شي زعلت علا رغودة ليه هالحمار خالد اكل اشيائها , و السرخه الي اخر شي اتوقع انها من شعاع او من (رغوده ) رغودة اتوقعها هي الي سرخت اكييد و اتوقع مغاني راح تسامح ديالا و فرح و ناصر يب اتوقع بسامحو بعضهم و ناصر بيسامح رامي يلااا الكل بيسامح نفسه هههههههههههه و انتهت الروايه ههههههههههههههههآآآي امزح لا نشالله تطول اكثر و تتبدل الاحوال

و الى اللقاء يا حبيتي ....
المشاركة الأساسية كتبها Fatema14 اقتباس :
وووووووووووووووووووووووووووووووووووينك بروووقه تأخرتي مرررررررررررررررررة

طبعا الزين كله وماتنورين :)
حبيبتي حاسه بشعورك أنا مو بعيده عليك اليوم خلصت مااصدق الحمدلله
ياعمري من ذوقك ذا ، ههههههههه رغد كلنا البنات بنحس بشعورها عشان في وحوش بالبيت
ياكلون أشيائنا
أمممم الصرخه وحده من اللي قولتيهم صح
هههههههههههههه لا ماراح تنتهي كذا بعد حماااااااس ههههههههههه المهم وراح تتبدل الأحوال ان شاء الله
امممممم بالنسبة للي قولتيه عن المسامحات نص ونص




المشاركة الأساسية كتبها ووردالعمرر اقتباس :
امتحانات عليها


يسلموووو عالرد ياقلبي








مايزرع داخل أنفسنا ينبت على ملامحنا...
لصراحتكم

ووردالعمرر ©؛°¨غرامي فضي¨°؛©

الله يسلـمك

نورتي من جديد

في انتضااارك

إلــــيــــنــــا ~ طير الغربة ~

المشاركة الأساسية كتبها ووردالعمرر اقتباس :
الله يسلـمك

نورتي من جديد

في انتضااارك
ويسلمك
النور نورك حبيبتي








مايزرع داخل أنفسنا ينبت على ملامحنا...
لصراحتكم

إلــــيــــنــــا ~ طير الغربة ~

صباحكم سعاده ومسره للجميع عذرا على التأخير ولكن بسبب ضروفي ورغم هذا ماكملت كتابة البارتات
الآن حنزل الجزء اللي انتهيت منه وراح أبدأ أكمل الجزء الثاني وإن شاء الله ينزل قريب وعذرا للكل لأني ماراح
ارسلكم دعوه لين أنتهي من البارت كامل لأني مابي أضيع وقت فإذا أرسلتلكم ممكن بعدها ماأكتب وأجلها بوقت ثاني بسبب ضروفي
وعذرا ثاني على التأخير








مايزرع داخل أنفسنا ينبت على ملامحنا...
لصراحتكم

إلــــيــــنــــا ~ طير الغربة ~

الفصل الثامن:
تشتت العائلة
الجزء الرابع:
عجزت أنساك


عجزت أنساك ياذيك الشوارع والسكك والدور

عجزت أنساك مع أني أحاول قد مافيني

أحاول بس من ألمح ضوى نورك يفيض شعور

وكل اللي بقوله وفي خفوقي تسبقه عيني

و يتهاطل معه دمعي وأنا أبقى وحيد أدور

أدورني وسط ذيك الشوارع والسكك ويني

ألا يا ذكريات اللي عجز ينسى وهو مخطور

يموت بشدة أشواقه عجزت أنساك أنسي

أنا مجبور يوم أرحل عن أسوارك أنا مجبور

أحسب أني بلاقيني عجزت أني ألاقيني

تعبت أدور لذاتي تعبت أضحك وأنا مقهور

تعبت أخبي بصدري حنين صار يطويني

أبي لاجيت لك ضايق من الدنيا يذيك تدور

تداريني وسط حضنك عن الدنيا تداريني

عجزت أنساك ياذيك الشوارع والسكك والدور

عجزت أنساك مع أني أحاول قد مافيني


الساعة am 2:30

شهقات وتنفسات متواليه وبصعووبة العرق يتصبب منها وجسدها الصغير يتحرك بلا هواده وكأنه أصابها ماس كهربائي وحوليها الأجهزه والمغذي اللي يمتد بيدها الصغيره وجهها صار لونه أصفر شاحب وتحت عيونها هالات سوداء وشعرها القصير اللي يوصل لكتوفها متناثر حوليها وواضح قصته غير المتساوية
تردد بتعب واضح وصوت خافت : رائد تكفى لاتروح ، رائد أنا أحبك يارائد ، رائد وينك وينك؟؟؟
وبجهه ثانية طول الليل ماقدرت تنام كل ماغمضت لها جفن تقوم زي المفجوعه على صرخات بنتها وترجع تنخفض الحراره وترجع ثاني ترتفع بس الآن ومن قوة التعب اللي فيها نامت وكأنها جثه ماتحس باللي حولها وخصوصا انه آنات وهلوساتها فجر كانت بصوت خفيفة
تتنفس بصعوبه وبصوت طفولي مكسور : آه آه آه آه ماما ، رائد ، ماما آه آه آه يألم يألم
قامت وهي تسمع أصوات جلست وهي تفرك عيونها لفت شافتها تتحرك وجسدها يضرب بأطراف السرير
وآنين خفيف يطلع منها قامت مفجوعه كيف ماحست فيها دقت الجرس وجلست تحاول تحطلها كمادات بس حراراتها
تحسها أكبر من قبل ضربات قلبها زادت خوف عليها حالتها مو طبيعية الآن خامس مره حرارتها ترجع ترتفع صارت الرؤية مشوشة عندها بسبب الدموع وبدت تنزل وتطيح على خد فجر اندمجت مع دموعها وكأنها دموع وحده
لفت وهي تأخذ كماده ثانية ورجعت تحطلها وووو.......


***********************

صرخت بأعلى صوتها وبقهر: آآآآآآآآآآآآآآآآآآآآآآآآآآآآآآ
خاااااااااااااااااااااااااااااااااالد ياكلب
سكرت باب الثلاجه بأقوى ماعندها وبقهر وصارت تمشي وهي ماتشوف قدامها شي وصلت عند باب المطبخ
أم سلمان بخوف: ليش الصرخه ذي
رغد بقهر وعصبية صارت تبكي: الحقير خالد أكل أكلي
أم سلمان بعصبية: وكل هالصراخ عشان أكل آشيائك وإذا حرام هو مسكين يذاكر مو مثلك لاشغله ولا مشغله أربع وعشرين ساعه على جوالك أو هايته بالشوارع
ضربت الأرض بقهر: محد يحس فيا
راحت بسرعه الغرفه وهي تطلع الدرج درجتين درجتين تمشي بالممر بسرعه هائلة
فتحت الباب بأقوى ماعندها وضرب بالجدار بس هوى كان نايم ويشخر ولا حاس بالشئ
شياطين الإنس تنططت فوق راسها وهي تشوفه نايم ولا همه صارت تمشي جهته وسحبت البطانية بأقوى ماعندها وهي تصارخ: نومت أهل الكهف إن شاء الله
همهم وهو يتحرك للجهه الثانية وهي تنرفزت لأنو مو حاس فيها وصارخت وهي تسحب الخداديه وتضربه فيها: يادب يابرميل زبالة قوم الله ياخذك جعله نوم مالها قومه قوم
فتح عيونه بشويش وهو يحاول يتستوعب اللي حوله فرك عيونه من الآلم اللي حسه نتيجة الضوء
أم سلمان بلوم: بنت وش هالدعاوي هذا أخوك
رغد رمت الخدادية بقهر : ماما ، المفروض توقفي معي مو ضدي ياماما
سلمان بقلق: وش في صوتكم واصل لتحت ؟
خالد بلامباله سحب البطانية ورجع نام : الثلاجه ثلاجة البيت كله ودامك حطيت فيه شي معناته صارت للكل
تناظر بصدمه ماتعرف ايش تقوله
سلمان بعصبية وحزم تقدم وسحب البطانية: وين تبغاها تحطها يعني بغرفتها عشان تخرب وتحتر
خالد وهو مطنش ولا معطي الآمر أهمية سحب البطانية بس سلمان رماها بعيد وبعصبية: يدك ذي لو تنمد على أشايئها
راح تشوف شي مايسرك ومو بس هيا حتى ريم
خالد رفع حاجب والثاني لا موعاجبه : لايكون أنتى أبوي وأنا ماأعرف
حط أصباعه على راسه: أصحى ياشيخ أنا اسمي خالد صالح مو خالد سلمان
دف أصباعه بقهر:غصب عنك لأني أخوك الكبير
أم سلمان اللي خافت تنشب بينهم حرب كبيرة: خلاص تعوذو من إبليس
أبو سلمان بحزم: ليه الصراخ
سلمان عدل وقفته ولف على أبوه
كرر السؤال: ليه الصراخ؟
سلمان : يبه تفتكر لما قلتلك عن حركاته وقلتلي مراهق وأنا أتصرف معه بس هو مو راضي ييتوب واليوم ماد يده على أشياء رغد
عقد حواجبه بعصبية وبشبه صراخ: موقلتلك يدك ذي ماتمدها طبعاً هو يهمك أصلا
لاكن والله واللي رفعها سبع ونزلها سبع ان سمعت لو بالكذب انك ماد يدك انسى اللي اتفقنا عليه والآن روح للبقاله
وجيبلها من حسابك بدل اللي أكلته
فتح عيونه على الأخير وهو متربع وبصدمه : يبه
نطت بفرح وحضنة أبوها وباسته: شكرااااا ياأحلى أب
ضحك بخفيف: هههههههه العفو بس وخر عني خنقتيني
وخرت: أي شي أطلب صح
أبو سلمان: أي شي
نطت بفرح وراحت حضنت سلمان وهي تردد: أحبك أحبك أحبك ياأحلى آخ بالكون
ضحك وهو يبادلها الحضن: وأنا بعد بس لاتتحمسين وتخنقيني معك
تركته ولفت على خالد اللي مازال مبسوط: أبي زي اللي أكلتهم بالضبط وكمانا جيب معك كيس أندومي
وأمممممممم مدري وش أختار ثاني ايوه وجيب برنجليز حااااار معك
قام بصدمه: ليه شايفتني قاعد على بنك
رغد ابتسمت: بابا
خالد زفر بضجر: هفففففف خلاص طيب مزعجه مدلعه
رغد بمجاكره: مثلك
خالد لف بعصبية: يبه شايف كيف
رغد بتغلي: أمزح يووووه بعدين هو قال عني مدلعه
أبو سلمان: بتخلونا ننام ولاكيف
رما نفسه على السرير وابتسم: حلووووو أجل أطلعو وسكرو اللامبات معكم
رغد تخصرت: مو قبل ماتقوم تجيبلي أكل جوعانه
خالد وهو لاف وجهه على الجدار: يبه أنت قلت ننام
أبو سلمان وهو لاف بيطلع: أحنا أما أنت روح جيبلها
جلس بصدمه وعصبية: ياسلام وانا ولد البطه السوده خلاص أجيبلها بكره الآن نعسان
سلمان: وهي الآن جوعانة
قام وهو يتأفف : هفففففففففففف


************************

في مكان ثاني أول مره نروحله
سابت الروج ولف عليهم بعد ماكانت تناظر المراية وهي جالسه على الكرسي: أممممم ماشفتم شي لسا
جيهان بتفكير: كيف هي حتا ماعبرتك ولاوضحتي مين انتي
غرور لفت على المراية تضبط شعرها: حبيبتي مو مهم اعرفها فيا بس هيا أكيد الآن تفكر برسالتي وبالوقت المناسب
راح أوريها مين غرور
جيهان بتفكير: فيني فضول أعرف سر الدفتر
ضحكت بأعلى صوتها: ههههههههههههههههههههههههههه
تلقينه نفس اللي بدفتر أختها ونفضح
جيهان بصدمه: لاحد يسمعك والله تروحي فيها نسيتي انو نسرين قالت انها هي اللي كذبت
غرور ناظرتها بالمراية: ومو أنا اللي ينكذب علي بكذبه زي كذا
شادن سابت جوالها: بنت خلصي جا
شهقت بصدمه: هااااااااا مستحيل ماخلصت
قامت بسرعه وهي تلف بنظرها بالغرفه : وين ملابسي
أخذت شادن الملابس ورمتها عليها: ياغبية موأنتي حطيتها على السرير
نزلت جسمها وأخذتها وهي ترفعها: بنات حلو ولا أغيره
جيهان وقفت جات عندها: يجننن بس خلصي ألبسيه
نزلته غرور وناظرتها بعين كسيره: لاتكذبي علي
جيهان بضحكه: وربي ماكذبت يلا بسرعه لايروح
فصخت ملابسها بسرعه ولبست فستانها الأحمر وهي تتكلم بعجله: جيجي سكريلي
( أول شيء لاتحسبوني أأيد هالشي لابالعكس هذا الشئ حرام حتى لو قدام بنت بس في ناس الله يهديهم بس كذا ! )
لفت من وراها وسكرته
لفت عليهم وهي تبتسم: كيف؟
فتحت شادن فمها على الآخير: تجنننننني ملاك
جيهان: لفي علي اشوف
لفت غرور
جيهان بصدمه: أقري على نفسك لايصكك عيني ماشاء الله عليك
ابتسمت بخجل
قربت جيهان من غرور أكثر وحطت يدها على خد غرور بس غرور أشرتلها على شادن يعني انها موجوده وتكلمت بسرعه وهي تمشي: عبايتي فين
شادن بعجله: بسرعه ترا يقول بيروح
نطت بفجعه وهي تلبس العباية: أمزح أمزح خله ينتظر
لفت الطرحه عليها وأخذت شنطتها وهي تنزل بسرعه هائلة
جلست جيهان وهي تتمدد على السرير
شادن رجعت اخذت جوالها وهي تبتسم: هبله
لفت على الجهه الثانية: لاجات صحيني
شادن وهي تناظر لجوالها: أحد كذب عليك وقلك أني بقعد هذي يمكن ماتصدق وتنام هناك بروح بيتي
جيهان لفت عليها: اللحين ليه مستعجله خلنا هنا وين المشكله أمك وابوك وافقو
ابتسمت بمكر: خليه عشان يفضالكم الجو وتسو قذاراتكم انتي وهيا
ناظرتها بصدمه: هي ماأسمحلك عاد وبعدين ناسيه نفسك كم بنت سويتها معها ولا أذكرك
زفرت بضيق وقامت: هفففف منك أنا رايحه بيتي أبرك
جيهان لفت على الجهه الثانية: أبركها من ساعه
طلعت وسكت الباب بقوه ودموعها بدت تنزل دورت اسمها بجوالها لين لقته واتصلت عليها
ربى: هلا بالحب
ردت عليها ودموعها على خدودها وواضح البكوه بصوتها: محتاجتلك الله يخليك تعالي
أتسعت عيونها من سمعت صوتها وضربات قلبها زادت: شوشو وشبك ثواني واجيك وينك
بصوت مكسور وهي تنزل تحت: ببيت غرور
قامت وأأخذت عبايتها وشنطتها: ثواني وأجيك بس أنا دي السواق ومسافة الطريق وانا عندك
جلست وبنفس نبرة صوتها: طيب لاتتأخري
ربى: إن شاء الله


***********************************


الساعه 3:25 am
تكلم وهو منزل راسه بأسى: أنا متأكد أنك بتكوني قويه وتراها مو كبيره ولها علاج بنحطها بالعناية المركزه
لأنو حالتها لازملها متابعه 24 ساعه
تكلمت بخوف: ليه وش فيها؟
الدكتور: هيا فيها حمى قرمزيه وبس تأخذ العلاج ومع المتابعه المستمره بإذن الله تتحسن
نزلت دموعها بغزراه: تكفى دكتوره أبى أجلس معها الله يخليك راح انتبهلها بس تكفى
الدكتور بأسى: آسف هذي عناية مركزه بس الحلو انك تقدري تشوفيها من برى
تكلمت بإندفاع: بس هيا تبغاني محتاجتلي كل شوي تناديني
الدكتور: والله آنا آسف
نزلت راسها بيأس ولفت ودخلت عندها
شافتها نايمه بسلام بعد انخفاض درجة حرارتها
جات عندها ومدت يدها وهي تلعب بشعر بنتها وتمسح على راسها تتفحصها من كل ناحيه بس استغربت شي
في خط صغير بريقبتها من الجنب ومو باين الا شي بسيط لفت رقبتها وانصدمت وهي تشوف الجرح واضح من قتره قريبه معقوله هي سوت بنفسها كذا لا مستحيل ( لايكون...) هزت راسها يمين ويسار تنفظ أفكارها اللي جاتها مستحيل صغيرتها تسويها ممكن تعجب بشخص بس تخونها لا








مايزرع داخل أنفسنا ينبت على ملامحنا...
لصراحتكم

ووردالعمرر ©؛°¨غرامي فضي¨°؛©

بااااااار ت يجننن حماااس

في انتضاار التكملة

جيهان وغرور اتوقع غرور هي الي ارسلت رسالة لفجر
استغفر الله

فجر يمكن هي سوت لنفسها العلامة ؟؟؟؟؟؟


إلــــيــــنــــا ~ طير الغربة ~

المشاركة الأساسية كتبها ووردالعمرر اقتباس :
بااااااار ت يجننن حماااس

في انتضاار التكملة

جيهان وغرور اتوقع غرور هي الي ارسلت رسالة لفجر
استغفر الله

فجر يمكن هي سوت لنفسها العلامة ؟؟؟؟؟؟




مسااااء الخير ماتدري قد إيه فرحتيني الله يسعدك مثل ماأسعدتيني ياشيخه
الآن راح أنزلها بمشيئة الله والبارت في تغيرات كبيره
توقعك تمام هيا إللي أرسلت
امممم تمام هيا سوت لنفسها علامات بس راح تتحسن نشوف التكمله








مايزرع داخل أنفسنا ينبت على ملامحنا...
لصراحتكم

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1