قديريه ©؛°¨غرامي مشارك¨°؛©

اسلام عليكم
عضوة جديدة جذبني عنوان الروايه
روايه ولا اروع

DNDOONH8_H ©؛°¨غرامي جديد¨°؛©

لين وش قصدها من الكلام
مدري يمكن شاكه فيها انها تكلم اخوانها وهي خافت
مازن هل راح يحب ميسم أو للأن حبه لديالا موجود؟
راح يحب ميسم
شعاع وش راح يصير معها؟
اكيد راح تصحى من الغيبوبه
ديالا وفكرتها المجنونه ياترى
اكيد هي خططت ونادت ع فرح تجي وشافتهم فرح واكيد رح تزعل فرح

احس الابطال الاساسيين
مرح وفرح ما صرتي تكتبي لفجر مثلهم قدري ان فيه ناس يحبون فجر
وفي سؤال
ايش قصة دفتر فجر
ترا من زمان انتظر الدفتر
يالله ذكرتك تكتبي
وكمان خالد متى رح يعرف انها تقرب لعادل
متحمسه لردة فعل عادل اتوقع بيعرفون في المانيا متحمسه لبعثتهم الاثنين
ي الله
ديالا سخيفه الحين هي قذفتها مو حرام عليها
عقوبة القذف 80 جلده
يالله اجلديها ي حلوه
ميسم ونسيم م حبيتهم
لينا ولانا كمان م حبيتهم
م احب الشخصيات اللي كذا
احب الشخصيات اللي مثل فجر ولين منعزله
بتقولين نفسيه هههههههههههههههههههههههههههه اطول ضحكة اكتبها عشان م تقولين نفسيه
فرح مبروك الحمل
ناصر سخيف اثقل
بس اليوم صايره بثره بزياده
بس ها مغاني وفارس لازم يجيبون بنوته يسمونها باسمي يالله اشوف عرسهم
في ذو العقده

إلــــيــــنــــا ~ طير الغربة ~

المشاركة الأساسية كتبها Fatema14 اقتباس :
يا هلا و ميه غلا بروقتي

بارت ثقيل حيييييل عجبني .. اممم اخر شي الي فتح الباب فرح ممكن بتعصب و بتتزاعل مع ناصر .. ليناا ما اعرف وش قصدها ممكن غيرانا من مرح .. و اتوقع ان مازن لسا يحب ديالا .. شعاع بتعدي عليها فترة ارهاق ممكن تكون من اي نوع بس ما راح تموت اكيد و بعد هالفترة بتتشافى ..

و هاذي توقعاتي ادري مخبصة بس يلا عديها يختي .. و مشكووورة جد ع البارت اموووح


و ^-^ سلااااااااااااااااااااام
لين مو لينا
خطأين وصحين تعادل
نص ونص هههههههه تخبيصاتك
العفو ولو أمووواااااحين



المشاركة الأساسية كتبها سالي ما اقتباس :
اسلام عليكم
عضوة جديدة جذبني عنوان الروايه
روايه ولا اروع


ياهلا فيك مراحب نورت الرواية والله
أنتي الأروع أتمنى ماتحرميني من طلتك بعدين



المشاركة الأساسية كتبها DNDOONH8_H اقتباس :
لين وش قصدها من الكلام
مدري يمكن شاكه فيها انها تكلم اخوانها وهي خافت
مازن هل راح يحب ميسم أو للأن حبه لديالا موجود؟
راح يحب ميسم
شعاع وش راح يصير معها؟
اكيد راح تصحى من الغيبوبه
ديالا وفكرتها المجنونه ياترى
اكيد هي خططت ونادت ع فرح تجي وشافتهم فرح واكيد رح تزعل فرح

احس الابطال الاساسيين
مرح وفرح ما صرتي تكتبي لفجر مثلهم قدري ان فيه ناس يحبون فجر
وفي سؤال
ايش قصة دفتر فجر
ترا من زمان انتظر الدفتر
يالله ذكرتك تكتبي
وكمان خالد متى رح يعرف انها تقرب لعادل
متحمسه لردة فعل عادل اتوقع بيعرفون في المانيا متحمسه لبعثتهم الاثنين
ي الله
ديالا سخيفه الحين هي قذفتها مو حرام عليها
عقوبة القذف 80 جلده
يالله اجلديها ي حلوه
ميسم ونسيم م حبيتهم
لينا ولانا كمان م حبيتهم
م احب الشخصيات اللي كذا
احب الشخصيات اللي مثل فجر ولين منعزله
بتقولين نفسيه هههههههههههههههههههههههههههه اطول ضحكة اكتبها عشان م تقولين نفسيه
فرح مبروك الحمل
ناصر سخيف اثقل
بس اليوم صايره بثره بزياده
بس ها مغاني وفارس لازم يجيبون بنوته يسمونها باسمي يالله اشوف عرسهم
في ذو العقده
عندك 3 خطأ وواحد صح
بالعكس بس ماقيت شئ أكتبه لفجر بس أصبري علي فجر حيصير لها مواقف كثيره وعلى فكره كنت ناوية أشيائ تصير لفجر بس غيرت رأي عشان اللي يحبوها
أما عن دفتر فجر فالسى ماحان الوقت عشان أظهر وأقول إيش فيه وبالوقت المناسب راح أقول + موت عادل الصغير كلها مانسيتها
اصبري علي وراح تعرفين راح تعرف أولا ومتى

هههههههههههههههه حرام عليك متوحشه
ههههههههه أنتي وإنعزالك ذا بس يلا كل واحد وشخصيته
محجوزه أفا عليتس بس بس قلتيلي اسمك دينا صح سامحيني لأني أنسى كثير :(








مايزرع داخل أنفسنا ينبت على ملامحنا...
لصراحتكم

فتاة تحب الكتابة ©؛°¨غرامي فعال ¨°؛©

مرحباااا
متأخرة أدرى و رضيانة بأي عقوبة منك ههههه

المهم ..واول شي فكرة الصور اللي حطيتها جناااان حابة ساوي نفس الفكرة انا كمان بس ماعرفت كيف و كماااان ذوقك بالصور اللي ختارتيهااا كتييير حلو اتمنى كل مرة تحطي صور عشان ما نضيع وقت بالتخيلات هه

بعدها : التوقعات...
اممم مازن اتوقع رح يحب ميسم
شعااع اتوقع تصحى بعدما فرح حكيت معها
نااايف ؟؟؟؟ ماعرفت اتوقع
اخر شي يمكن مازن = ولا مارح يكشفهم

اتمنى تزبط عالاقل وحدة منها ...ياللله باااي و للبارت الجاي

إلــــيــــنــــا ~ طير الغربة ~

المشاركة الأساسية كتبها confused_ اقتباس :
مرحباااا
متأخرة أدرى و رضيانة بأي عقوبة منك ههههه

المهم ..واول شي فكرة الصور اللي حطيتها جناااان حابة ساوي نفس الفكرة انا كمان بس ماعرفت كيف و كماااان ذوقك بالصور اللي ختارتيهااا كتييير حلو اتمنى كل مرة تحطي صور عشان ما نضيع وقت بالتخيلات هه

بعدها : التوقعات...
اممم مازن اتوقع رح يحب ميسم
شعااع اتوقع تصحى بعدما فرح حكيت معها
نااايف ؟؟؟؟ ماعرفت اتوقع
اخر شي يمكن مازن = ولا مارح يكشفهم

اتمنى تزبط عالاقل وحدة منها ...ياللله باااي و للبارت الجاي

ههههههههههههههه لاعادي
أبشري في المربع اللي تنزلي فيه البارت في الخيارات فوق في مربع صغير صوره سماء صفراء وجبال وشمس هيا اضغطي عليها وحطي رابط الصوره وخلاص تنزلك
أتمنى فهمتي


كلها خطأ للأسف ماعادا وحده نص خطأه ونصها صح
بإنتظارك








مايزرع داخل أنفسنا ينبت على ملامحنا...
لصراحتكم

إلــــيــــنــــا ~ طير الغربة ~

الفصل الحادي عشر:
إظطراب
الجزء الثالث:
الخطة

وفجأ شهقت وهو لف برعب وهم يسمعون صوت الباب ينفتح ويطلع منه شخص كااان فارس فتح الباب شوي بس وقف وهو يلف وراه: هاااا يا مزعج خير
كان وجههم كذا *ــ* من الصدمه ديالا كانت مره خايفه وناصر كان خايف يروح فكر فارس بعيد خصوصا وهي تبكي وبذي الحاله
فهد: وين رايح
فارس: بشوف ناصر قال شوي ويرجع وما جا
ناصر بسرعه راح لها مد يده وهمس: بسرعه قومي قبل يجي
حاولت تجلس بس عظامها تألمها من رميته لها القويه
دنق حط يد تحت ركبتها والثانيه تحت راسها وشالها وهو يجري بسرعه خلف البيت
توترة منه دفته من صدره: وخر عني لاتلمسني
أعطاها نظره أرعبتها ومن بين سنونه: لاتحسبيني ميت عليك بس ماأبغى أصدم أخوك وهو يشوفك كذا ويروح فكره بعيد
وصل للخلف عند الباب اللي يوصل للمطبخ ونزلها مد يده وأشر على اثنين: واحد من اثنين يا بيفكر اني مسويلك حاجه أو جايه مدري من فين وأحد مسويلك حاجه وأنت وأنا مانبغى هالشئ
لف بيرجع وقف ولف وراه وتكتف: كنت أعدك كأخت لي اللي ماجبتها أمي طيبتك ونعومتك وهدوئك كان يعجبني حتى عيونك بس أنتي كرهتيني فيك أنتي صرتي أسوء من عمي خالد
آشر على الباب: ويالله تفضلي تفضلي لبيت جدك الطاهر ماأقدر أخلي بنت من ( رص على الكلام اللي بيقوله ) عررررضييي وشررررررفييي بالشارع يلا قدامي داخل أطمن ماتسوين حركات ثانيه
قامت بصعوبه وهي تشهق ومنزله راسه وبدون كلام صارت تجر نفسها داخل وهو بعد مادخلت بشوي زفر بضيق وضرب رجله بالأرض: غبي والله غبي أخذت نفس عشان أهدى وماأسوي شيء مجنون سويت فوق المجنون قهرتني مره الله يسامحك ياديالا بس الله يسامحك بس كنت من وحنا صغار اقرب وحده لقلبي ودخلتيه قبل سدييم أختي كنت بمنزلة سديم الآن بس خربتي كل شيء
راح وهو يزفر بضيق وقف وطلع جواله أرسل رساله:
آسف آسف على العنف اللي اتخذته معك والألفاظ اللي تلفظتها عليك حاولت أهدي نفسي لأني توقعت أسوي كذا بس قهرتيني وماقدرت أمسك أعصابي أعتبري اللي بيننا أنتهى أنتي مجرد بنت عم الآن لاكلام ولا شيء بس سلام لأنه لله أتمنى اللي صار يكون بيننا وأنا ماهمني على فكره بس عشانك وللأسف راح أحاول أتجاهل الكلام مع بنات عمي الثانين عشان مايشكون أنو بيننا شيء لأنك الوحيده اللي أتجاهلها هذا جزاتي أعتبرتك أختي وأضحك وأسولف معك لكن طلعت ماتستاهلين
آسف ثاني تقبلي أعتذراي يابنت العم
زفر بضيق وتصنع الابتسامه وراح لقدام شاف فارس يلتفت يمين يسار: وينه ذا حتى سيارته في
فهد: مو قال واحد يبغاه يمكن راح معاه بعدين أنت وش تبغى فيه
جاهم: مو معقوله بسرعه كذا اشتقتولي مايمديني أنا
لفو عليه
فهد : وينك وين رحت
ناصرصار يمشي باإتجاهه : جا من البوابة الخلفية ورحت له وهيني جيت
فارس: وين كان خليته يدخل عسى ماشر
ناصر وقف قبالهم: قلت له بس قال مستعجل ويبي يقول شيء ومافي الا العافية كانت في مشكلة بيني وبينه وانحلت امشوا ندخل
فهد ابتسم بشر: ايش رايكم ندخل نخوف البنات
اعطوه نظره ودخلو
مشي وراهم: وش فيكم ياجماعه ترى آمزح علامكم صايرين كبريت ماينمزح معكم
عند ديالا كانو البنات كلهم بالصاله يتابعو فلم رعب وحمدت ربها أنو محد راح ينتبه لها دخلت غرفة ثانيه رمت نفسها على الكنب وهي تشاهق وتبكي : أهئ أهئ الله يسامحك أهئ أهئ
ضربت الكنب بقوه بيدها: أهئ أنا الهبله أنا الهبله أهئ اللي فكرت أحب مثله أنا أهئ أهئ ليه حبيته ليه مو قادره أكرهه ليه؟ ليه؟
عند البنات
ميرا صرخت وحضنت سديم: لااااا شيلو شيلو خلاص
ميسم صرخت: اسكتي خلنا ندخل جو انتي الثانيه
مغاني وقفت بعد مافقدت ديالا: امشي ميرا معي خلنا ندور على ديالا
قامت ميرا وباللحظه اللي قامت فيها طلع صوت صريخ ركضت وحضنت مغاني بقوه وهي تبكي ضحكت مغاني: هههه امشي امشي بس
مشيو وجو بيدخلون أول غرفه قابلتهم بس مغاني لما سمعت صوت شهقات وبكي لفت على ميرا: ميرا ممكن تتركيني أدخل لوحدي أبي ديالا بموضوع
تمسكت فيها ودفنت وجهها بحضنها: لا خايفه يطلع لي الزومبي
ضحكت: هههههه حبيبتي هذا فلم مو حقيقي بس شوي
لفت راسها يمين ويسار علامة على الرفض
زفرت بضيق تبغى تعرف وش فيها ديالا وميرا مانعتها لأنو اكيد ماراح تقول شيء ديالا بوجود أي أحد
رجعت للصاله شافت ترف متكيه على الجدار ونايمه
راحت عندها وهزتها: ترف ترف
فتحت عيونها بشويش فركت عيونها: يوووه نمت آسفه
ابتسمت: بالعكس وفرت لي فرصه ميرا تكره أفلام الرعب وتخاف وبما إنك بتنامي خذيها معك وادخلي جوا نامي وأنا بروح لديالا أبيها بشئ
قامت وهي تتثاوب: إن شاء الله أمشي ميرا
راحو الثلاثه دخلو ميرا وترف الغرفه ونامو ومغاني راحت للغرفه اللي سمعت فيها صوت ديالا وقفت عندها مازالت تبكي وتشاهق وبزياده الآن أخذت نفس وطلعته بعدين فتحت الباب بشويش ودخلت وسكرته خلفها شافتها جالسه على الكنب وتبكي ودافنه وجهه بالكنب وعبايتها عليها
راحت عندها وجثت مسكت يدها: دلوي وشفيك حبيبتي
ديالا سحبت يدها: مافيني شيء اطلعي برى
جلست على يد الكنب ومسحت على شعرها: قلبي أنا قولي وش فيك وربي ماراح أقول لأحد بعدين أنتي من متا تخبين علي
ناظرتها بكره: من لما خنتيني ووقفت بصف سديم
شهقت مغاني بصدمه وحطت يدها على فمها
وكملت ديالا: ايه من لما وقفت بصفها عندك اعتراض
مدت يدها مغاني وتحسست خد ديالا: خدك وش فيه كذا
وناظرت شكلها: وليه لابسه عباية
بالبدايه استغربت انها مدت يدها بعدين لما شافتها تسأل عن خدها تأكدت أنها انصدمت عشان خدها مو عشان من متى أنا أخبي عليها بعدت يدها عن وجهه: مالك دخل روحي عني
قامت وراحت لشنطتها طلعت منها كريم ورجعت عندها وبصرامه وهي تحط لها كريم: أنا ماجيت عشان تقولي كذا سالفت سديم انتهينا منها وأنتي الغلطانه فيها أنا غلطة ياديالا غلطه هي سبب حالتك الآن أني دايم أخليك على صح وأقولك كل شيء تسوينه صح بس هالمره أقولك لا مو صح جد موصح وأكبر غلط
دفت يد مغاني: ارتاحي أنت وسديم وفرح أصلا حققتو مورادكم
خفق قلب مغاني خافت أنها سوت شيء مسكتها من يدها وبخوف: وش سويتي
دفتها: ولاشئ
مغاني رصت عليها: قولي وش سويتي ياديالا أنتي عارفتني وحنا مع بعض منو حنا صغار عشاني نبهتك على غلطك زعلت وش كنت تنتظرين أسكت لك لما يطيح الراس بالفاس وعمي وفارس يدرون وناصر ( توسعت عيونها بصدمه وهي تتذكر اللي صار اليوم لما اعترفت لناصر ) إذا درى بيتزوجك يقول لا حرام تحبني أنتي طالق يافرح ويجي لعمي ويخطبك لا حبيبتي ممكن أقل شيء يكفخك ( توسعت زياده وهي تتذكر لما ضربها كف ورماها على الأرض وكيف عصب ) وإذا زاد معه راح علم أبوك وفارس ( تذكرت لما قالها أنو عشان الستر وماتصير مشاكل مو قايل لأبوها وأخوها ) ترى حنا مو ببلاد الغرب بيننا هالشئ وأنتي عارفه عائلتنا وش تسوي لو دريت الرجال لاحب يخطب اللي يبها مو يراسلها يكلمها أو حتى يسألها تحبه أولا يخطبها وساعتها موافقتها من عدمه تبين كل شيء ( بهتت ملامحها نفس كلامه من متا بعائلتنا ذا الشئ ) والبنات حنا علينا الله الحب مو حرام بس عندنا وبمجتمعنا للأسف حرام مو حرام تحبين الحرام تطلعي معاه تكلميه وكذا وهو مو متزوجك أو خاطبك و دام الله كاتب يتزوج فرح فهذي إرادة الله مو تقولين بجي أخرب عليهم ربي إذا راد وعرف انو فيه خير كان كتب لك ماتدري ممكن ربي كاتب لك واحد أفضل من ناصر ويحبك ويسعدك ماتدري شوفي حوليك ياديالا ناظري حوليك يمكن بدون ماتدرين في واحد يحبك وأنتي معطيته طاف (تجمعت الدموع بعيونها وهي تتذكر مازن كيف سفهته ورفضته كمان ) ولا تحبينه ساعتها قولي لنفسك ذا الشئ اذا تبغين حب ناصر اجبري نفسك على حبه ( نزلت دموعها وهي تتذكر كان يحبني بس أنا أحب ناصر وأنا كنت أحب ناصر وهو يحب فرح أنا سفهت مازن عشان ناصر وناصر ولافكر فيني عشانه يحب فرح والقلب لاحب حب ) ترى الدنيا مو على كيفنا والقلب مو على كيفنا لاقلنا له حب فلان يحب لا حبيبتي أدعي ربي يكتب لك اللي فيه الخير وربي إذا فيه خير صدقيني ممكن يتزوجك اصحي شوي على العالم ياديالا إذا ماوقفتك عن حدك كان اللحين يمكن أنتي ذابحه فرح وناصر ماراح يتزوجك حتى لو ماعرف ترى أعرف أفكارك المجنونه ذي ( تذكرت لما قالها معصي أتزوجك بسبب أفكاري الهبله كرهني ناصر مااستفدت شيء غير خسرت شخص كان يعتبرني أخته الآن مستحيل والآن بعد مايطيقني أنا وش سويت بنفسي ليتني سمعت لك يامغاني ووقفتيني وضلينا أنا وناصر أخوان )
نزلت دموعها زي الشلال وارتمت بحضن مغاني وهي تبكي من قلب تبكي على حضها تبكي على غبائها تبكي على قلبها اللي حب غلط أول حب لها ماكان لازم تحبه
ابتسمت وحضنتها وهي تمسح على شعرها: راح تنسينه راح تنسينه ياديالا لأنا بشر والبشر ربي ماقال في كتابه الناس الا لأنا ننسى بسهوله الأم تنسى ألم الولاده عشان تقدر تحمل ثاني لما شخص يجرحك وبعد فتره يتأسف منك ويراضيك ننسى اللي سواه فينا ونسامحه لما تفشلين وتحاولين تعيدين الكره لين تنجحين تنسين الألم اللي حسيته يوم فشلتي وتحسي بطعم الفوز والانتصار انتي تقدرين شيليه من تفكيرك لاجا أحد وخطبك مثل مازن اللي رفضتيه وافقي عليه بس بعد ماتستخيرين لأنو أهم شيء الاستخاره دوسي على قلبك وحاولي تحبي خطيبك وصدقني ماراح تحسين إلا أنو ناصر أنمحى من بالك ماعاد هو ناصر اللي تحبينه قبل وتستغربي قبل كيف حبيتيه بذا الجنون أبغى لما أجيك بعد سنوات أشوفك فرحانه ومتشقه لأنك فزتي ودستي على قلبك وكرهتي ناصر أو ماتكرهينه تعتبرينه مثل فارس أخ لا أكثر ولا أقل
من بين شهقاتها: مغاني أهئ سويت شيء مجنون أهئ أهئ
رفعت راس ديالا اللي كان مدفون بحضنها وحطت اصباعها على فم ديالا: أأأأأوووووش ماأبغى أسمع ولا كلمه ولا أبغى أعرف اللي صار
ابتسمت: اللي صار صار مانقدر نرجع للماضي ونغيره انسيه وابدأي صفحه جديده وصلحي أخطأك اللي ماتغتفر


**************************


آخر الليل بالتحديد الساعه اثنين في بيت أبو سعود
جلست تتقلب قرابت عشر دقايق بدون فايده جلست وهي تلعب بشعرها وتتثاوب تمغطت وهي تحس أنها ارتاحت بالنوم بس مانامت كثير قامت راحت للثلاجه الصغيره وفتحتها وطلعت مويه وبدأت تشرب منها رجعتها وراحت جهت الدولاب بعدين رجعت بتطلع من الغرفه لما تذكرت انو أغراضها بغرفة لينا امس جات بسرعه عشان تشوف المفاجأه ونست كل أغراضها هناك ...... طلعت وأخذت نفس وهي تدعي انو أبو سعود وسعود وسالم مو موجودين لأنو عبايتها كمان بغرفة لينا صارت تمشي على أطراف أصابعها بشويش سمعت صوت أقدام خافت وماعرفت وين تروح المسافه بينها وبين غرفة لينا نفسها بينها وبين غرفتها صارت تسرع بمشيها وشوي ترجف من الخوف وهي تسمع صوت غليظ: من فيييي
حاولت تتحرك بس ماقدرت رجولها ذابت جلست على الأرض وحضنت نفسها شوي تذكرت شبح ذكريات بنت ترجف وتتألم وصوت أقدام بدأ يجتاحها ألم طفيف براسها وصحت من ذكرياتها على صوت ضحكات لفت شافته سالم ماسك بطنه وميت ضحك استوعبت انه كان يخوفها قامت ومن العصبيه اللي فيها مدت لسانها له وراحت ركض للغرفه
رجع يضحك عليها وعلى طفوليتها
تكت على الباب وهي ترجف قررت تدخل الحمام أعزكم الله تتوضأ وتصلي ركعتين ممكن يخف خوفها بس مافاتها شيء وحبت تطلع قهرها من سالم بلينا طفت التكيف وفتحت دولاب لينا طلعت الحشرات اللعبه اللي تستخدمها لينا بمقالبها وحطتها على وجه لينا وعلى مخدتها ودخلت الحمام أعزكم الله وهي تضحك بمكر وماهي اللي دقايق وقامت من نومها بسبب الحر وصرخت لأنو فجعها وجودهم كذا قدامها
طلعت وهي تتصنع الخوف: وش في
ناظرتها وناظرت الحشرات وراحت طبت عليها وهي تضربها لأنها عارفه حركاتها
أما مرح تتألم وتتدعي البراءه: آآآآآي وجع وشسويت يدي ياحيوانه عز الله ما تشافت من الكسر آآآآآآي
لينا: عشان ثاني مره ماتطفي المكيف وتحطي الحشرات تسوين نفسك بتخوفيني وتكذبي علي
جلست وهي تفرك مكان الضربات وتبتسم: حشا غوريلا مو آدميه الزبده كيف عرفتي
لينا وقفت وعطتها شلوتي: غورلا بعينك وبعدين ذكية وش تشرهين بعدها
وقفت وهي تعدل بيجامتها: هاه الثقة الزايدة بس خليني أصلي أبرك لي


*******************************

نرجع لبيت الجد
ميسم وهي تركض لين وصلت للبنات: بنات بنات لحقو
كلهم بخوف: ايش .... وش فيه ..... وش صاير ...... عسا ماشر ..... مين مات
ميسم: وجع محد مات بعيد الشر وكل الخير بس القرود بينامو امشو ننفذ الخطه
ألماس: وش الخطه
ميسم: خطتين الأولى راح نسويها الآن والثانية بعد ماينامو
ألماس: وش هيا
ميسم: الثانية بعدين تتفاجأو فيها أنا ونسيم بنسويها
أما الأول نتصل على الشباب وفرح تتكلم لأنو صوتها ناعم
فرح بخوف: لالا مستحيل أبدا
ترف: ميسم بلا سخافة وش هالخطه البايخه
ميسم: أنتي خليك بره حنا بنختبرهم حقين بنات ولالا
ميرا: والله الفكره خونفشاريه تمام موافقه
مغاني: وأنا موافقه بس خلوني برى المكالمات
سيرين: مايفرق معي
ألماس: أوكِ
ديالا ابتسمت تحاول تدخل معهم وتقلل الفجوات اللي سببتها قبل: يب خلاص
ميسم: وأنتي ياسديم
سديم هزت راسها يمين ويسار علامة الرفض: لا أبدا مستحيل نفر
ميسم: مو مهم أصلا بنسويها لأنو ثلاثة رفضو وسبعة وافقو ...... مين يوافق على أنو فرح اللي تتصل
كل اللي وافقو رفعو يدهم
فرح وشوي تبكي: نوووو لا بنات مو منجدكم تراني أخاف وبعدين ناصر بيعصب
ألماس: تراهم عيال عمك مايكلون وبعدين كل الرجال كذا وأنتي عشان ناصر يعرفك ويعرف صوتك راح تكلمه وحده ثانية أوك
فرح هزت راسها: نووووو أبدا مستحيل
ميسم: بليييز فروحتي تكفين
كلهم عادا سديم وترف عطاوها نظره ترجي تكلمت بعد تفكير: أمممممم أف أنتو دايم تستغلون نقطة ضعفي أوك بس اذا أكتشف قولو أنكم صاحبين الفكره
نطو بحماس كلهم
ميسم: ميرا ياقلبي أنتي اللي بتكلمي ناصر عشان صوتك ناعم مره
ميرا: نت بروبلم
بدأو كلهم ومن جوال ميسم وأول واحد اتصلو عليه فهد أخذت نفس اثنين ثلاث أربع لين رد : السلام عليكم ورحمة الله وبركاته
ارتبكت وماعرفت وش تقول
فهد: ألووو مين معي
دقتها مغاني وبهمس: ردي تراه ماياكل
أخذت نفس وبصوت منخفض صار ناعم أكثر وأنثوي: ألووو
فهد: ............. (لارد)
أخذت نفس وكملت بدلع: هلوووو فهودي
فهد اللي خق: عيوووونه
كلهم حطو يدهم على فمهم يمنعون الضحكه تطلع
كملت وهي تتمنى الأرص تنشق وتبلعها: تسلم عيونك الحلوه عرفتني
فهد: القمر أكيد
استحت: ياقلبي يسلمووو بس قولي عرفتني ولالا
فهد: أعرف أنك القمر والملاك
كلهم بالقوه ماسكين ضحكهم
تكلمت: تسلم حياتي بس دامك ماعرفت اسمي خلاص
فهد بعصبيه: تقلعي بس أقول سايرناها وعطيناها وجه قامت تتدلع تلايطي بس أنتي ماوراك أهل يراقبونك قلت حيا والله
وقفل
االبنات كلهم أنفجرو ضحك: هههههههههههههههههههههههههههههههه
فرح وشوي تبكي: شفتو خلاص مو بداقه
نسيم: ههههه حبيبتي أكيد بيسوي كذا وإذا ماسوى فهو مغازلجي المهم عرفنا فهد وأنتهينا منه
عند العيال
كنان: مين
فهد رمى الجوال: وحده مدري مين مسلطها علي جالسه تتدلع
مازن ضحك: ههههه وأنت ماقصرت تخرفنت عليها
فهد: وش أسوي عاد صوتها دمار وضيعني بس بعدين تذكرت وقلت عيب ياولد أستحي وكذا
عند البنات
ترف: دامكم بتكذبون أجل غيرو يعني كل مره وحده غيرو والجوالات غير
ميسم: بس مو كلنا أصواتنا ناعمه
ألماس: يلا أنا بجرب وبأنعم صوتي ذي المره بس مين الضحية
ميسم: أتصلي على فارسو بشوف ردت فعله
سديم: لاعيب زوجته هنا غيرو
ميسم: عشتو حتى ناصر بنتصل عليه وزوجته هنا خلصو أنتو
مغاني بثقه: أتصلو وماراح يعطيكم وجه
ألماس أخذت نفس واتصلت ورنتين وجاها رده بصوت ثابت وحلو وفيه بحه حلوه: مراحب مين معي
ألماس أخذت نفس وبدلع وغنج: هاي كيفك
فارس استحى: آسفه أختي شكلك غلطانه
البنات بيموتو ضحك وألماس نفسها تحس أنها بتفضح نفسها بنفسها: نووووو حبيبي مو كذا عاد لاغلطانة ولاشئ من بدايتها كذا تنساني
فارس عقد حواجبه وهو يحس نفسه منقهر منها شك أنها مغاني بس هذا مو صوتها رد: أنتي مغاني
مغاني استحت والبنات كلهم قلبو ضحك وحطو يدهم على فمهم عشان مايطلع صوتهم
ألماس: نووو إيش ذا مغاني واااي اسم بايخ لا لا أنا غير
فارس قفل بوجهها على طول
رما الجوال بغيض: ناس فاضيه خلني أرجع البيت بس واااي أشتقت لمغاني بس شكلها نايمة الآن
البنات
كلهم: ههههههههههههههههههههههههههه
مغاني: فديته بس عاد هنا كبر بعيني زياده عن قبل
ديالا: واااي أعرف الناس يستحون أستحي يابنت
مغاني تمثل الحياء حطت يدها على وجهها: واااي استحيت ماأقدر
كلهم: ههههههههههههههههههههه
ميسم: يلا دوري مين كبش الفداء
نسيم بحماس: اتصلي على مازن واللي يعافيكم
ميسم حمرة خدودها خصوصا لما تذكرت الموقف البايخ: لا لا بتصل أمممم على كنان خلاص بس اللي بيضحك من الآن يطلع برى
البنات كلهم: أوك
اتصلت ورأربع رنات ورد: يامرحبا
ميسم بدلع لفلفت خصله من شعرها البنات لفو وجيههم عنها عشان مايضحكو: مراحب فيك كيفك ياقلبي
كنان: آسف أختي ماعرفتك
ميسم: آفا نونو تنسى حبيبتك
كنان: طوط طوط طوط << قفل بوجهها>>
البنات كلهم: ههههههههههههههههههههههه
عند كنان: وش في اليوم فهد وبعدين أنا
مازن: شكلهم البنات اليوم مستخفين أنا بطلع للبقاله وجاي تبون شيء
فهد وكنان لأنهم الوحيدين الموجودين: لا
نرججع عند البنات
نسيم: يلا ميرا تولي ناصر
فرح ماسوت شيء ولا أظهرت أي ردت فعل عارفه إجابته
دقت وبدلع وصوت طفولي: ألووو نصوري
ماسمعت إلى : طووووووووط وقفل الخط
البنات طبعا ماتو ضحك
ميسم: ههههههه فديت الثقيل أنا مايمديني مره محترم
ترف: ههههههه الحمدلله لللآن عدت سليمه محد طلع مغازلجي
سديم بفخر: وش كنتو تنتظرون من نصوري
نسيم: يلا بتصل على رامي
البنات كلهم تحمسو: ييلا بسرعه
اتصلت ورنتين ورد: أهلين مين معي
نسيم بدلع: أهلين ذا رقم رندا
كلهم ابتسمو على فكرتها الحلوه
رامي وهو مفهي: أصير لك رندا
نسيم ماتبغى تعطيه وجه وبدلع: لو سمحت أبي رندا
رامي: أفا مااتفقنا كذا الحلو زعلان
البنات حاولو يمسكو ضحكهم
نسيم: شكلك واحد مغازلجي باااي
رامي تكلم بسرعه: لااااا ياقلبي لا لحظه
و: طووووووووووووووووووووط قفلت بوجههه
الكل قلبو طماطم من الضحك
ألماس: وييي ياذكائك داهيه غيرتي الأسلوب
نسيم غمزت: أعلمكم أنا
مغاني تبى ديالا تدخل عشان تتحسن علاقتها معهم وبما أنو مابقاي إلا مازن: يلا دلوي إيدك على فونك أتصلي على مازن
ديالا حمرت خدودها: على جثتي فاهمه
ألماس: يلا دلوي بليييز
سيرين: ترى أخوي وعارفته أتصلي وشوفي ماأبغى أحرق
ترف: هههههه محسستني مسلسل ولا كتاب
نسيم: يلا دلوي بليييز خذي من جوال أي احد ثاني إذا ماتبي
مغاني: خذي جوالي
ديالا: أوك خلاص بس إذا بدأ مني مناك بقفل
أتصلت ورد: السلام عليكم
ديالا بصوت ناعم وخجل لأنها من جد منحرجه بالذات منه موقفهم ويوم تقدم لها: وعليكم السلام
مازن باإحراج أنها بنت: هلا آسفه أختي ماعرفتك
ديالا زاد خجلها: أأأفا لايكون نسيت حببيبتك
مازن عقد حواجبه وبعصبيه: أستغفر الله العظيم بنات آخر زمن لاحيا ولا مستحا
وقفل بوجهها
مايحتاج أقولكم وجهه البنات كيف صار قلب ميه وثمانين درجه من الضحك
سيرين: قلتلك
أما ديالا تحس كبر بعينها واحد محترم وأخلاق وذوق بس قلبها للآن مع ناصر
ميسم: والله رامي الوحيد اللي وقع
مغاني: حتى فهد بالبداية بس رده بعدين أعجبني سفل بفرح
ترف: بنات ترى بننكشف لأنو دقينا على الكل سبحان الله بيوم واحد الكل اتصل عليه بنت
ميسم: ماأتوقع إلا إذا فتحو فمهم إللي مايتسكر
فرح: كيف يعني
نسيم: لما رحنا نشوفهم سمعنا فارس يقوم ويقول إنه رايح مشوار بسيط وجاي المهم ولما فتحنا الباب بشويش بدون ماأحد يشوفنا ماكان فيه إلا فارس وفهد وكنان ومازن والباقين مو فيه فجتنا الخطه ذي يعني اللي يشك ممكن فهد وكنان ومازن بس ياخوفي يفتحو فمهم
ألماس: عندي فكره
سيرين: إيش هيا
ألماس: وش رأيكم نسوي لهم عصير ونحط لهم منوم بعدين وحده تنادي أخوها وتعطيه إياه يعطيه الشباب وإذا قامو أكيد راح ينسون أم أم السالفه
ميسم ونسيم مدو يدهم: إيدك إيدك
ضربو إيدهم ببعض
نسيم: ألماسو بتدخلين معنا شكلك
ألماس باإبتسامة شر: نياهاهاها أعلمكم أنا
سووها وألماس أتصلت على فهد إللي أستغرب بس طنش الموضوع


***************************************


في بيت أبو عبدالله الله يرحمه

طلع من غرفته وهو قرر يسوي اللي بباله مهما صار بعد ماكتب بدفتر مرح
" أنا آسف أوعدك أوعدك عن قريب بتصيري ملكي بس الآن اللي أسويه عشانك وعشان أختك "
نزل تحت لقى مايا معها فشار وتتفرج على فلم
عادل: وش تسوين هنا
التفتت عليه: بسم الله أنت من متى هنا
عادل جلس: دوبي جيت تتفرجين على فلم
مايا: وش تشوف يعني
عادل باإستغراب: غريبه لحاللك ماصحيتي أحد
مايا: بالله مين راما اللي نومها صاير ثقيل ولا فجر اللي أخاف ألقى نفسي جثة منها
عادل: أهااااا كويس الحمدلله ماصحيتيني المره ذي
بتذكر: آآآآآ أنت
ابتسمت: رأفت عليك قلت خليه يحلم بزوجته
أعطاها نظره أرعبتها
مايا ابتسمت: أمزح معك يوهه أنت صاير كبريت ماينمزح معك
عادل لف عنها: خلصي مين صاحي غيرك
مايا: لما شغلت الفلم كان بابا بمكتبه والباقين نايمين
عادل قام: غريبه بوقت متأخر
مايا: أتوقع عند شغل بالشركه
عادل: طيب طيب أنا رايح له
طلع فوق لمكتب أبوه أخذ نفس وطلعه دق الباب دقتين وشوي جاه صوت أبوه: تفضل
فتح الباب دخل وسكره خلفه
كذا شكل المكتب
اضغط على الصورة لرؤيتها بحجمها الطبيعي
ناظر أبوه اللي مشغول بالأوراق
عبدالله وعينه على الأوراق: ها مايا وش بغيتي
ابتسم باس راس أبوه: السلام عليكم ورحمة الله وبركاته أنا عادل يايبه
عبدالله رفع راسه وابتسم: آسف كنت مشغول بالأوراق وماانتبهت مين دخل
لف وجلس على الكرسي اللي على اليسار : شكلك مشغول آستنى لين تخلص
ساب الأوراق وناظره: شوي مو مره ماباقي لي شيء أصلا قول وش تبغى
عادل حمحم: أحمممم أسمعني يبه بخصوص موضوع الخطبه
عبدالله: شوف ياعادل ترى عمري ماغصبتك على شيء ولاتحسب أني أستعجلتك يعني لازم توافق أن قلت لا قلتلك خلاص ومشكور وأن وافقت كثر الله خيرك
عادل نزل راسه: موافق يايبه بس زي أتفاقنا أطلقها لاخلصنا دراسه
ابتسم عبدالله: هذا هو ولدي اللي أفتخر فيه آبشر ماطلبت شيء هذي حريتك الخاصه
عادل: طيب يابيه للآن ماعرفتو عنها شيء
عبدالله: غير اللي قلت لك لا بس سمعت أنو بنت اللي هي عندهم بتتزوج قريب وبكلم أمك أو وحده من عماتك تروح بس بعد ماتغير شكلها وتشوفها من بعيد وتطلع بسرعه من غير ماتنتبه لها عشان نتأكد هيا ولا لا بس ليه تسأل
عادل ارتبك: ها .. لا بس حبيت اعرف عنها مو هي بنت عمتي وعمتي أخبارها
عبدالله: الدكتور كلمني اليوم قال أنو حالتها ساءت بعد ماجات بنتها تكلمها
عادل باإستغراب: تقصد فرح غريبه
عبدالله: إيه والله حتى أنا استغربت بس كل شيء بيد الله
عادل وقف: أستأذنك يبه بجلس شوي مع مايا بعدين بصلي الوتر والشفع
عبدالله: تقبل الله منا ومنك صالح الأعمال .... إن شاء الله بكرى بخلص أوراقكم حقت البعثه
عادل وهو عند الباب: إن شاء الله تمر على شيء يبه
عبدالله: مايأمر عليك عدو سلامتك
فتح الباب: أشوفك بعدين

********************************

ببيت أبو سلمان تحديدا غرفة سلمان
كانت حالت الغرفه يرثى لها فضفص وأوراق وحلويات وأكياس بطاطس وكاسات ونايمين على الأرض كلهم
شوي يدخل خالد شافهم كذا نايمين هز أخوه: سلمان سلمان
سلمان همهم: همممم
خالد: قوم نام بفراشك
سلمان قام وهو يجر نفسه
راح قوم نايف: نايف نايفو
نايف فتح عيونه على طول
ابتسم خالد: آسف صحيتك من نومك بس قوم نام على السرير أريح لك من الأرض
جلس نايف ورجع شعره على ورى وقام ناحية السرير: عادي أصلا نومي كذا خفيف مره
نام وغطاهم خالد رجع لسلمان
<<< معلومه سرير سلمان كبير يكفي أربع أشخاص بس لأنو بنيتهم كبيره ويلعبون أثقال فخالد فضل أنو اثنين فقط على السرير والثالث على الكنب عشان ياخذو راحتهم لأنو لو ثلاثه راح يكونو جنب بعض ومايقدرو يتحركو >>>
استغرب من سعود أول مره يشوفه هزه: هي ولد قوم
سعود لف: لينو أنقلعي عني
ابتسم: آخرتي أصير بنت
هزه بقوه: ولد أنا مو لينو قوم
قام سعود وهو فاتح نص عين: ميييين
خالد: قوم نام على الكنب أريح لك
ناظره وسفهه ورجع نام
قام ورفعه حط يد سعود ورى رقبته وصار يسحبه لين وصل للكنب حطه عليه بعد ماثبت له الخداديات وطلع من الدولاب لحاف وغطاه فيه
وطلع بعد ماسكر اللمبات: جاي بكلم سلمان تحولت أمهم على غفله مشكله قلبي الطيب








مايزرع داخل أنفسنا ينبت على ملامحنا...
لصراحتكم

إلــــيــــنــــا ~ طير الغربة ~


*****************************

في بيت الجد الساعه ثلاثة آخر الليل الكل يستنى خطة ميسم ونسيم وش هيا خصوصا وأنو الشباب نامو
ألماس: وش هيا خطتكم
ميسم: تعرفين حنا جدتي الله يرحمها
ألماس شهقت: لاتقولون
نسيم ابتسمت: يب يب
ألماس: لا حرام طيب خلوها سدر الحنا تطلع لون
ميسم: بس شوي أصلا راح يحسو
ألماس: يادلوخ حنا عطيناهم منوم ماراح يحسو
نسيم: هههههههههههههههههه
لفو عليها كلهم باإستغراب
نسيم: ههههههه أتخيل ههههههه أشكالهم ههههههه بالحنا
ميسم: ههههههه والله شعر جدتي بيصير بوجههم
ألماس: هههههه حرام عليكم خلاص نطلع السدر
ميسم: شوفي عشان اليوم سوينا لهم مقلبين وذا الثلاث بنخليه سدر
طلعو فوق ودخلو بشويش غرفة جدتهم ولقيو جدهم نايم
ألماس بهمس: خلكم برى بدخل أجيبه سريع وأطلع
أشرولها باإيه
دخلت وصارت تمشي على أطراف أصابعها لين وصلت لدولاب جدتها اللي يسمونه دولاب العطار في كل الأشياء اللي بمحلات العطاره
فتحت أول دولاب: مالقت
وفتحت ثاني دولاب كمان مالقت
والثالث برضو مالقت
أما الرابع لقت فيه طلعته بس كانت محتاره في كيسين والحنا والسدر أشكالهم وألوانهم مثل بعض أخذت الثاني لما شافت ورقة صغيره مكتوب عليها سدر ورجعت الأول وسكرت الدرج
وخرجت على طول
ميسم: ها لقيتيه
ألماس وهي تسكر الباب: إيه يلا قبل لايحس علينا جدي
نزلو تحت لين وصلو للمطبخ
ميسم: بنات دامه سدر لازم نحط معه شيء ثاني
نسيم: يب يب يعني بيض آي شيء ويفضل ريحته خايسه
ألماس ضحكت: ههههه والله أنكم داهيه يارب لاتطيحني بيدهم
ميسم طلعت زبدية كبيره ( اللي يشربو فيها الشوربة) وحطتها على الطاولة: أقول خلصي بس وحطيه
ألماس: نحطه كله لا خلي شوي هذي من ريحة جدتي
نسيم: لا لاتحطيه كله سلامات أصلا هو كثير خلنا نحط شوي ونعجن ونشوف لين يصير قوامه كويسه والكميه كويسه
حطو شوي وحطو عليه بيض وزيت زيتون وموية ورد وشوية نشا
ميسم: حلو ماسك للوجه روعة
نسيم: هههههه نفسي أشوف أشكالهم
ألماس: يلا ميسم حطي موية
بدت ميسم تحط شوي شوي موية وألماس تعجن
نسيم: هههه يع شكله أستغفر الله
ميسم: وعع الله يقرفك تراه نعمه
نسيم: ههههه وش أسوي ذمتك مو شكله كأنه أستغفر الله بس وربي متقرفه أقول كيف
ألماس: هههه هذا لو حطيناه بالحمام الله يكرمكم ماراح يفرقون بينه وبين ذاك الشئ
ميسم: يع الله يقرفكم أنتي وهيا وأنتي ياألماس أعجني بس
وقفت ميسم الموية وبدت ألماس تعجن
نسيم وجتها خطه: عندي فكره
ميسم وألماس: إيش
نسيم راحت فتحت الثلاجه وطلعت الصحن اللي تبيه
ألماس: دجاج
نسيم: يب مو إحنا نستنى الدجاج يحتر بعدين نقطعه ونرجع للفريزر لين يجمد بعدين ننزله للثلاجه يرجع يحتر
ميسم: إيه إللي مدري ليه اللفه الطويله يسوين كذا
ألماس: الزبده
نسيم تقدمة عندهم وبدت تميل الصحن ويتناثر المويه بالخلطه: الزبده إنو ريحة موية الدجاج الخايسه بتنحط بالسدر وتكتمل الخلطه
ميسم مدت يدها: يدك يدك
دقو يد بعض
ميسم: كفو ياتوأمتي
خلصو ونادو البنات اللي بعضهم تقرف بالذات فرح اللي قلب بطنها ورجعت وأنتو بكرامه
عند الغرفه اللي نايمين فيها الشباب وزعو السدر على صحون وكل وحده صار معها صحن وقفازات
ألماس: شوفو الوحيده اللي راح نستثنيها فرح لأنها حامل أما الباقين كلكم راح تسوون
ميسم ونسيم عليهم فارس
سديم وأنا علينا ناصر وسيرين وميرا عليكم رامي
مغاني وديالا عليكم مازن
وترف اللي بقيت وحيده عليها كنان
أتفقنا
الكل: أتفقنا
دخلو وفرح تراقبهم من بعيد وتبتسم أما ديالا اللي منحرجه بس وجود مغاني بيخفف عنها
بدأ يحطون لهم وصار وجهه كأنو من جد حاطين ماسك
كلهم ماتو ضحك ماقدرو يستحملو ولحسن حظهم كانت فكرة المنوم فكرة حلوه لأنهم ماحسو فيهم
نسيم: بنات بنات وقفو
لفو عليها لقوها تنكش شعر فارس
كلهم أبتسمو وراحو نكشو شعورهم بس ماحطو من السدر لأنه يادوب كفى الوجه وخلوه كأنهم صابهم ماس كهربائي
طلعو كلهم للصاله وفطسو ضحك اللي على الكنب واللي على الأرض واللي مدنق واللي انسدح على الأرض مره وحده
شوي جاتهم ميسم وهي لابسه ثوب وشماغ فارس اللي لقته مرمي
ترف وسديم قلب وجههم
ميرا: أوووهوووو ولد قدامي بس قصي الشعر
مغاني: واااااي تخققين
فرح طلعت جوالها وصورتها
ترف قامت وسحبت الشماغ: بنت أنتي تدري أنك ملعونه الآن لأنك تشبهتي بالرجال
ميسم: أوهو ترى نمزح ياأبو الشباب لاتصير كبريت
سديم: لا حبيبتي حتى لو مزح حتى إذا كنت بتنقتلي لا تلبسينه ترضي تكوني ملعونه بس عشان تضحكي غيرك
ميسم اللي جد خافت: خلاص بغيره بغيره


*************************


بعد أسبوع من غير أحداث مهمه بس الشباب قامو وشرشحو البنات حتى ناصر زعل من فرح وخواته
وعادل وفجر أختارو ألمانيا يدرسو فيها فجر عشان أختها هناك وعادل مافرق معه الأمر
ونايف جلس يومين عند سلمان بعدين استحى وحلف عليهم يستأجر شقه وبعد جهد وافقو سعود وسلمان

في مكان بعدين تعرفونه
: سيدي ألا تنوي الرجوع إلا موطنك قريبا
السيد: لا لماذا !؟
: أنا آسف لأخبارك بتلك الأخبار السيئة ولكن زوجتك علمت بالرقم واتصلت فأخبرتها أنها مخطأه لكنها قالت لي أعلم أنك مساعده أخبره ألا يختفي كالفتيات ويستعد للقضية التي سأرفعها عليه
السيد: لاتهمني وهل هنالك أخبار أخرى
: نعم سيدي وهنالك أتصال عاجل من ###### ( بعدين تعرفون بأحداث الرواية ) وأخبرني أنه هنالك موضوع طارئ يجب إخبارك به
عدل بجلسته وأخذ سماعة التليفون: حسنا فلتتركني أحدثه الآن
خرج المساعد في حين بدأ سيده المحادثه
السيد: هلا والله هلا بالصوت ذا أكيد جايب أخبار حلوه ...... آفا بس أنت عارف على كل مهمه كم أعطيك عليه حتى لو كانت بسيطه وتافهه ...... طيب ...... اهمممم طيب طيب والجديد ........ ( توسعت عيونه بصدمه من اللي يسمعه وصرخ: إيييييييييششش .....








أنتهى البارت










توقعاتكم:
فارس أو مازن أو أبو فارس هل راح يعرفون باللي صار واللي سوته ديالا؟
ديالا هل راح تقدر تكره ناصر؟
وهل راح تحب مازن؟
إيش ردت فجر لاعرفة؟
مين اللي كان يتكلم آخر شئ ( السيد ) وإيش قاله المتصل؟








مايزرع داخل أنفسنا ينبت على ملامحنا...
لصراحتكم

DNDOONH8_H ©؛°¨غرامي جديد¨°؛©

اتوقع م حيعرفون
انشاءالله
يمكن تحبه بس بعد مايفوت الفوت ما يفيد الصوت اتوقع المثل كذا
اتوقع بتنقهر بس ما تقدر ترفض عشان مستقبلها
السيد ابو نايف واللي اتصل عليه خالد ابو فرح
ايوه اسمي دينا ما نسيتي ذاكرتك قويه ما شاء الله
فرح ما عندها شخصيه
بديت اتقبل ميسم ونسيم ع تصرفاتهم اليوم صراحه ضحكوني
خالد فديت الام الحنونه والله
عادل والله شاطر تصدق حبيتك
غريبه توقعت تتحسن حالتها بس كيف تنكست حالتها حرام اشتقت لها
ممكن من الفرحه ببنتها تنكست حالتها
بالانتظار عزيزتي
اتوقع اول رد

DNDOONH8_H ©؛°¨غرامي جديد¨°؛©

https://instagram.com/p/BVsorpCB9pq/
الاخت الوسطى انها فجر خالد

زهرة الجبل $ ©؛°¨غرامي مشارك¨°؛©

يسلموا عن جد روايتك رائعة

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1