reeme_ ©؛°¨غرامي فعال ¨°؛©

ننتظرك بكره لا تاجلينه كنت متحمسه الجمعه بس تم التحطيم

إلــــيــــنــــا ~ طير الغربة ~

هههههههه لا إن شاء الله وعندي مفاجأة بس خليها بكره اقولها







مايزرع داخل أنفسنا ينبت على ملامحنا...
لصراحتكم

إلــــيــــنــــا ~ طير الغربة ~

وش رايكم بالبارت طولته لعيونكم تعبت وأنا أكتبه بس تستاهلو
المفاجأة الثانيه البارت نوعته كثير:)



***************٪٪****٪


الفصل الرابع عشر
تغيير
الجزء الثاني
بعض من الإختلاف


وقف لحظات يناظر مو مصدق غمض عيونه أكثر من مره وفركها نفس الشئ قدامه حقيقه وحده مشى بشويش وهيا حست فيه تركت الكتاب إلي كانت تقرأ فيه وناظرته وبعدين كشرت وتأففت وهي تحط الكتاب على الطاوله وتقوم أما هو أندفع لها بأس يدها ورأسها ورجولها يمه آسف تكفين يمه سامحيني آسف أبي أحس أني عندي ام أنا للحين محتاجك
شاتته برجلها بس ماكان شئ بالنسبه له وهي تبث سمومها: وصمه لاتقول يمه عمه بعينك بله إنقلع ما أبغى أشوف وجهك مصدق نفسك ولدي
رفع نظره لها كان مابين شعورين شعور أنه حلم وشعور إنها حقيقه كان راح يكمل يعتذر ومايئس بس شوي شاف نفسه بمكان كله أسود باأسود وبين أحضانه أمه ملطخه بالدم توسعت عيونه بصدمه وبلع ريقه برعب وهزها: يمه
بس كانت جثة هامدة هزها بقوه وصار يصارخ: يمه...يمه.... ردي علي....يمه لاتتركيني..... يمه آسف ..... يمه لاتتركيني ...يمه آسف....يمه قولي مسامحتك ...... يمه تكفين
فتح عيونه على وسعها وهو يشاهق والعرق يتصبب من جبينه ويتنفس بصعوبه ناظر حوليه شاف سعود وسلمان فوق رأسه وعلامات الخوف مرسومه على وجيههم
سعود بخوف: أنت بخير
سلمان لايقل عنه: فيك شئ ... رد
ناظر حوله والسقف وأول ماأستوعب أنه حلم مسح على وجهه وأستغفر بصوت مسموع وجلس وجلسوا جمبه وسعود حط يده على ظهر نايف: نايف .... تعوذ من أبليس وأكيد هذا كابوس
نايف بدى يمر الحلم قدامه كشريط وعلى طول نزل يده إلي كانت على رأسه لعيونه وأنخرط بالبكاء إلي خلا خوف سعود وسلمان يزيد ومو عارفين وش يسوون بس ما يدرون إنها راح تكون بدايه بشئ ...
بنفس اللحظه رن جوال نايف وأخذه سلمان لأنه كان قريب منه
ناظر الجوال ورجع نظره لنايف: رقم غريب آخره 301 تعرفه
بس نايف مارد عليه إلي خلا سلمان يرد على المكالمه
سلمان: ألوووو..... وعليكم السلام مين معي ؟ .....هلا والله فيك بس أنا خويه ...... ( ناظر نايف) نايف ( ناظره سعود أول ماسمع إسم نايف) هذا هو قدامي ......( عض أسفل شفايفه وبتفكير مادام دقيقه) أوكِ لحظه...... (نزل الجوال وهمس لسعود) عمه ويبغاه وش أقول..
سعود ناظر نايف وهزه وبهمس: قوم رد على عمك
كان على حاله ومارد عليهم
حط سلمان الجوال على إذنه: معليه ياعمي بس هو مصدوم شوي من وفاة أمه أعطيه وقت وبيرد عليك ..... العنوان ..... خلاص راح أرسلك ......( ناظر ساعته ورجع تكلم) بنتحرك الآن .... خلاص طيب ..... الله يعافيك
قفل وناظر سعود إلي سأله : وش يبغى
وقف: سأل عن نايف وطلب عنوان الشقه وسألني متى بندفنها وقلت له الآن بنتحرك أمشي
وقف سعود ومد يده لنايف وقومه

........................................

صحت من النوم على رن الجوال تثاوبت وفركت عيونها ناظرته نايم ولاكأن الجوال يرن إتكأت بيدها على السرير ورفعت راسها شوي وهزته: ناصر ..... ناصر
همهم: همممم
وهي تهزه: قوم جوالك يرن
نام على ظهره ومد يده وسحب الجوال من فوق الكمودينه ورد من غير مايشوف المتصل: ألوووو...... وعليكم السلام..... إيوه( توسعت عيونه بصدمه وجلس) إيييييش
فرح أول ماسمعت صراخه جلست وبخوف: وش في؟
بعد البطانيه عنه ووقف وإتجه للدولاب وبدى يطلع له ملابس: وهو وش قال
سكر الدولاب بعد ماطلع الملابس وإتجه للحمام( وأنتوا بكرامه) : طيب مسافة الطريق وأكون عندك..... سلام
رمى الجوال على السرير بعد ماقفل ودخل الحمام( وأنتوا بكرامه)
أما فرح فاقامت ووقفت عند باب الحمام: وش صاير أحد فيه شئ
رد ناصر: لا بس خويي أمه توفت وبروح اطمن عليه
حست بألم بقلبها تكره تسمع أخبار زي كذا دعت بقلبها ربي يحفظ لها أمها وردت: الله يرحمها طمني عنو
طلع من الحمام( وأنت بكرامه) وطبع قبله على خدها وإتجه للسرير ياخذ أغراضه: إن شاء الله أنتبهي على نفسك وأرجعي نامي لاتنتظريني
ناظرته وهو ياخذ المفتاح والمحفظه من فوق الكمودينه: ما أتوقع أقدر أنام
ابتسم وقرصها من خدها: بتنامي غصب عنك ولا أعرف كيف أنومك
حمرة خدودها من الخجل ومشت عنه راجعه للسرير أبتسم زياده وطلع


*****************************************


الساعه 6:00 am
وبالتحديد بالبقيع
نزل بقبرها وزاح الكفن عن وجهها باس راسها :الله يرحمك يالغالية
طلع ومدو إيدهم سعود وسلمان وطلعوه
بدو شخص شخص يعزونه بدايه من عمه أبو فارس إلى سلمان كل عمانه كانو موجودين وعيال عمه كمان
ناصر: تعال معنا
نايف: مشكورين ماتقصرون بس ابغى شقتي لحالي
ناظروه سلمان وسعود ما كانوا يبغوا يتركونه لما يتأكدوا من سلامته وأنه خرج من صدمته بس دامه تكلم معناته في تحسن ولله الحمد
أبو فهد: أجل نشوفك العصر إن شاء الله ولا تقول لا عزى الحريم ببيتي
مازن: وراح نجي نساعدك بالتجهيزات
أبو فارس: وعزى الرجال ببيتي
نايف: لا ياعمي لاتكلفون على أنفسكم
أبوفارس: أفا بس
أبو فهد: لاكلافه ولا شئ أنت منا وفينا
أبو ناصر: والعشاء علي ولاأسمعك تقول كلام زي كذا
ناظر هم بحب صبر وربي عوضه باأحسن عائله


***************************

العصر الساعه 4:23pm
في بيت أبو سعود ناظرتها وأنا وش دخلني لاأعرفه ولا شئ
لانا بترجي: بلا عباطه عاد اتركي الخوف ذا اللي فيك محد ماكلك
رمت العبايه بالأرض: عارفه محد ماكلني بس وش ينططني ليان ام زوجها وانتو ام زوج اختكم وأنا مره مالي وجه
لينا: لمى بلا عباطه بعدين وش فيها ياما كثير ناس راحوا عزى وهم مايعرفونهم عشان ناس ثانين وانتي أمشي معنا
لمى بعناد جلست على الكرسي: مابي خلاص
لانا أخذت العباية من الأرض ورمتها في وجهها: قومي فزي ألبسي أقول ولا آخر مابيني وبينك
تمددت على السرير: مابي


*****************************

في بيت أبو فارس مكان عزى الرجال
حطت القهوه في الصينيه وحطت الفناجيل وهي. تتأفف: مدري وش صفتنا للميته عشان يصير العزى ببيتنا
مادلين: أقول جهزي وأنت ساكته لايسمعك أبوي يشرشحك
ميسم زاد تاأففها وقهرها: أسكتي بس لاتزيدو الطينه بله
دخلت نسيم بعجله: ياشعب أبوي يقول خلصو القهوه بسرعه عشان نروح لعزى الحريم ونلحق ديالا
مادلين وهيا تشيل الصينيه من فوق الطاوله: هذا هو خلص ووصيت الخدم يجهزو ثانيه


******************************

في بيت أبو فهد
كانت أم فهد وبناتهاوأم فارس وأم ناصر وديالا وسديم وسيرين وفرح فاإستقبال الحريم وشوي دخلت فجر ووقفت معهم
فجر تهمس لها: عرفتي مين؟
فرح بنفس الهمس: والله إلي عرفتوا إنها أم خوي ناصر وهو له علاقه بالعائله
لفت فرح للحرمه ومدت يدها تسلم عليها
الحرمه: عظم الله أجركم
فرح: أجرنا وأجرك جزاك الله خير
عدت وسلمت على فجر كمان وأول ماعدت وجات وراها بنت تبكي وثلاث يهدوها مدت يدها بتسلم على فرح إلا حضنتها فرح: لاتبكين هيا راحت للي أحسن مني ومنك
أجهشت بالبكاء وهي تقول بصوت مرتجف: عظمممم.. الله.... أجررررركممممم
فرح : أجرنا وأجرك جزاك الله خير
عدت وعدت وراها الثلاث بنات بعد ماعزوهم
همست لها لين بعد ماجلسو: خلاص ليان أهدي وإن شاء الله تشوفيه ويكون بخير
إلتفتتوا وهم يسمعوا كلام حرمه: سمعت إنها ماتت مقتوله وزوجها إللي قتلها
أم ناصر: وش علينا ماتت كيف الحرمه راحت عند ربها
إبتسمت الحرمه الثانيه: كويس سلمت حرمته الثانيه منه
أم فهد: ياجماعه مايصير حنا بعزى مو مكان لائق لكلامك ذا وحشكم
إلتزمو الكل الصمت


*************************************

الساعه 6:35 المغرب
بيت أبو سلمان في الصاله
رغد: بابا بلييز ممكن نطلع
أبو سلمان: وين يابنتي؟
رغد: آي مكان مليت من البيت
أبو سلمان: طيب قومي إلبسي وكلمي أمك وأختك وأخوك
نطت بحماس وباسة راس أبوها: يسلم لي هالرآس
ضحك أبوها: هههههه
أما هي ركضت على طول فوق دخلت غرفته بدون ماتستأذن لقته نايم سحبت من تحته المخده ورمتها عليه: عنتر قوم بنروح
سحب منها المخده ورماها عليها: إنقلعي لاأفلع راسك بالمخده
مدت لسانها: أحسن علك ماطلعت خلك وأحلم بجولييت ياروميو
وطلعت أما هو كمل نوم وطنشها


*****************************************


اليوم الثاني بدون أحداث مهمه
في بيت أبو سعود
الساعه:8:12 pm
ناظرت الصوره إلي أرسل لها سعود من جوال نايف وعلى حسب كلامه أنه ماشاف الصوره وحتى لو شاف الصوره ماراح يعرفها الصدمه كانت تعتريها وش الصدف اللي أجتمعت لمى إسمها الأساسي مرح وهي أخت نايف ماهي قادره تستوعب شتان مابينهم تحس إنها بحلم وحتقوم منه
وقفت وصارت تركض وتنزل الدرج وتصارخ باإسم أمها وأبوها
أول ما نزلت شافتهم قدامها جالسين تنفست بحده وتكلمت: لمى هي مرح ومرح هيا أخت نايف.........

*****************************************


في بيت أبو عبدالله الله يرحمه
دخلو الإثنين وخالد يتحلطم: وقسم بالله ياعادل يكون السبب تافه ياويلك
عادل: أسكت ياكيس النوم ول عليك من أمس نايم
حاوط راس عادل بيده : قول ماشاء الله ياخايس
عادل يحاول يتحرر منه: ماني وخر عني
خالد وهو رص عليه: أحسن خلك
وقفو وناظرو قدامه أول ماسمعوا صريخ وشوي شافو بنت تركض من الباب الداخلي وشويتين جات وراها بنت ثانيه وهي تصرخ: وقفي والله مااتركك
أبتسمت الأولى ولفت عليها وهي ترجع على ورى: أحسن مين قالك كوني غبيه
أنسحر فيها شعرها اللي كان يطاير بالهوى إبتسامتها ركضها وحتى صوتها
أما عادل فاإنصدم منها لوهله حس إنو مرح قدامه وأول ماأستوعب إنها مو مرح وشاف أخته تطلع حس بصدمه تعتريه والتفت على خالد إلى وجهه تغير ومنزل رأسه لتحت
إلتفت وصرخ: يابنت طريق
وقفو الثنتين وإلتفتوا وكل وحده أطلقت صرخه وركضو داخل
داخل
فجر: شافونا
مايا تصفق نفسها كفوف: عادل راح يذبحني ثاني مره يصير كذا
فجر خبطتها على كتفها بخفيف: وش أقول أنا شافوني اثنين
مايا : أنا بقعد معك وعند ماما عشان مايمسكني عادل
عند عادل وخالد دخلو داخل لمجلس الضيوف
كان الهدوء سيد المكان خالد كان يفكر باالملاك اللي أسرته ومعققوله بدى ينسى فجر وحبه لها
أما عادل كان تفكيره بمرح معقوله كان يتوهم من شوقه لها أو هذي فجر وتشبه أختها يعني هذي اللي بيخطبها معقوله حتنسيه مرح لايمكن يسمح لشئ ينسيه مرح


**************************************

في بيت أبو فارس
ميسم كانت على السرير ونسيم مثلها فصلت ميسم الشاحن ورمته على الأرض وشبكة التوصيله
نسيم شهقت: ياكلبه إشبكيه جالسه أشحن
ميسم: طيب بشبكه ياحيوانه قومي جيبيه عشان أشبكه
رفعت حاجب: لا الله طيري أقول تفصليه وتبغيني أجيبه
ضحكت: ههه أجل إنسي
وقفت وفصلت التوصيله وشبكة الشاحن: لما تتعلمي الدرس
ميسم فصلت الشاحن وعلى طول نسيم ثبتته
ميسم دفت يد نسيم بس نسيم متمسكه فيه وبقوه
نسيم: قلت لك أشبكيه ماسمعتي الكلام
ميسم: وأنا قلت لك جيبيه وأنت رفضتي
تخصرت: ياسلام وانتي اللي فصلتيه
ميسم حاولت تدف يد نسيم وماقدرت آخر شئ انقهرت ومخشتها من يدها عصبت نسيم وردت لها المخشه مسكت يدها بألم ميسم وبعدين خبطتها على كتفها وردت لها الحركه اقوى نسيم وشوي شوي أشتد الهواش شدو شعر بعض ومخشو بعض غير الصراخ اللي واصل بكل البيت
تحت بالتحديد مجلس الضيوف كانو كالعاده يستقبلوا المعزين وكانو أبو فارس وأبو فهدووأبو ناصر والجد بصدر المجلس أما الشباب فكانو بالطرف عشان يستقبلوا المعزين شوي سمعو صريخ والكل صار يتلفت بفزع حسو بإحراج فارس وأبوه لما زاد الصوت وكان صوت حريم وطلعوا فوق بعد مااعتذرو من الموجودين
كان يمشون بسرعه ويطلعون الدرج بنفس الشئ وشوي شافو ولد مادلين واقف قدام الباب وخايف
صرخ أبو فارس: وش فيه؟
ناظرته ام فارس: ألحق بنات كنهم بشارع يتكافخوا
دخلو الإثنين وكانت الصدمه مادلين تحاول تسمك ميسم وديالا نسيم ومو قادرين عليهم نسيم مادا يدها وتشد شعر ميسم وتصارخ: والله لاتشبكينه
ميسم تغرس أظافرها بيد نسيم وتصارخ: بأحلامك
صرخ عليهم فارس : خلاص وقفوا بالشارع حنا
باللحظه ذي بعدو مادلين وديالا لأنهم خافوا من صراخه أما ميسم ونسيم إستغلوها بدو يتظاربو بالأيدي وشد شعر وتمخيش راح فارس حاوط يده حلو ميسم وأبوه حول نسيم وهم يسحبونهم ويبعدوهم عن بعض بس كل وحده ترافس والشرار يقدح من عينها شال فارس ميسم على كتفه وثبتها وطلع برى دخل غرفته ونزلها وبغضب: حشى عيال العيال مو مثلكم ليه كل هذا
ميسم: هيا اللي بدت مو راضيه تجيب شاحنها عشان أشبكه
فارس: وتتضاربوا وتصارخوا ومااحترمتو إنو في عزى
طلع بغضب ورجع لغرفتهم لقى نسيم جالسه ومتكتفه ومعصبه سحب الشواحن وجوالاتهم ونسيم قامت ولحقته ونسيم اللي لحقته من غرفته نزل تحت المطبخ وأخذ السكين
ميسم بخوف: فارس لا لاتفكر
نسيم: فارس آسفه تكفه
فارس كان معصب بالمره ومطنشهم قطع الشواحن ورماها بوجيههم ورجع السكين وحط الجوالين بجيبه : إحلموا فيه
نسيم بكت: جوالي شاحني
ناظرت ميسم: كله بسبب كسلك وعنادك
ميسم تحاول تمسك دموعها مقهوره عليه اكيد ماراح يتركه : انتي السببب شفتيني كنت اشبك التوصيله
ركضت ميسم وأول ماطلعت من المطبخ شافت بوجهها ابوها صرخت: بابا
التفت عليها بعصبيه
بلعت ريقها بخوف وبرجفه: فارس اااخخذذ جووووااالي وووققطع الشششاااحن
صرخ: أحسن وإحلمي بالجوال
وطلع وتركها ميته خوف ورعب وتبكي



************************************


أول ما نزلت شافتهم قدامها جالسين تنفست بحده وتكلمت: لمى هي مرح ومرح هيا أخت نايف
كانت صدمه لهم
أمها : متأكده
هزت راسها بإيه
أبو سعود: لمى لمى
هزت راسها كمان بإيه
ناظروا بعض ام وأبو سعود أما ليان جلست جنب أمها وورتها صورتها بجوالها: هذي صوره لها مع خواتها هيا اللي بالنص
أم سعود بصدمه: وكيف وصلت لك
ليان: عمها أرسل صورتهم لنايف ونايف ارسلها لي عشان أتأكد
سكتت شوي وناظرت امها: لازم نقولها تجهز اغراضها نايف قال لو هي بأخذها الآن
أم سعود ماعجبها كلمته وكأنه مو واثق فيهم
أبو سعود: معه حق مهما كان تبقى أخته وأحق تعيش عنده قومي كلميهاا يابنتي
وقفت ليان وطلعت فوق دخلت غرفة لانا لأنها عارفه إنها موجوده وأول مادخلت إلتفتو كلهم عليها وإنصدموا من وجهها
لينا: وش صاير
ليان: لمى هي مرح ومرح هي أخت نايف
صدمه تعتلي الجميع وبالذات مرح

****************************************

الساعه 12:00 am
طلعت وقلبها قابضها من الخوف ماكانت تبغى بس دامه أصر يأخذها الآن أكيد مافي تراجع
ماتدري كيف تواجهه وهي ماتتذكره تحس في شئ غلط بالموضوع لفت لما مسكت يدها ليان تهديها : تراه طيب ومتفهم لا تخافي شوي وبجيكم
هزت راسها بخوف: لا لا تعالي معي تكفين
ابتسمت: يمكن بيقولك شئ خاص ادخلي وشوي ادخل وأطمن عليه
ناظرتها بترجي ولما شاحت ليان وجهها عنها أخذت نفس ودخلت شافته جالس ويناظر الأرض جلست وشوي رفع نظره لها وبعدين وقف: يلا وين أغراضك
استغربت لاسلام ولاكلام على طول يلا وين أغراضك ماقدرت تتكلم انربط لسانها قامت بتطلع ووقع نظرها عليه يناظرها نظرات مافيها حياه ومخيفه ارتجفت وعلى طول طلعت وبخوف: يمه هذا اللي بعيش معه يخوف بس احسه يشبه أحد صارت تمشي بسرعه أول ماتذكرت نظرته وحركاته واضح مستعجل وأخاف يعصب علي ان تأخرت
ليان بصدمه: مسرع
أول ماشافتها ارتمت بحضنها وهي ترجف هذا الطيب والمتفهم نظرته لحالها ترعب
استغربت ليان نظرته تدوخ الواحد كيف ترعب : والله أذكر نظرته تدوخ الواحد
مرح: إيه من الرعب
ضحكت: هههههه طيب هدي يمكن متوتر بعدين هو أخوك مو ماكلك اهدي
بعدت عنها وصارت تمشي: بدخل أطمن عليه
.دخلت والصدمه اعتلت ملامح وجهها تغير ميه وثمانين درجه مثل ماقالت مرح نظرته مخيفه أول ماوقع نظره عليها قربت وهي ترجف ومدت يدها تسلم أما هو سلم بجفاء ثم قال: وينها مستعجل بسرعه
ابتسمت بخوف: نايف فيك شئ؟
مارد عليها وزاح بنظره عنها وهي بداخلها تتسائل : معقوله وفاة أمه خلته كذا
أما عند مرح إلي كانت تركض حاولت توقف بس كانت تركض بسرعه كبيره عشان كذا ماقدرت وندمت إنها سرعت وطراااااخ خبطو ببعض بقوه لأنه كمان كان يركض وتراجع على ورى أما هي فطاحت على الأرض بقوه
تكلم بسرعه: صدق اللي سمعته
كانت مساكه ظهرها وتتألم: آي آي آي آيييي
جثى عندها ومسكها من ذراعها: صدق ولا موصدق
سحبت يدها منه وباألم: يعلك للعمى جاي وتخبطني وبعدين تقولي صدق وش اللي صدق
شدها من شعرها بقوه ومن بين سنونه: أخوك جا
صرخت بألم: آييييي سيبيني
شدها زياده: ردي
صرخت فيه ودموعها بدت تنزل: إيييه إيييه سيب شعري
إنكسر خاطره عليها صوتها قطع قلبه وتركها
فركت شعرها بألم وناظرته بعين تقدح شر ووقفت وضربته كف بقوه: آخر مره أسمحلك تمسكني وإن فكرت ثاني مره أخوي راح يكسر راسك
عصب بالمره وشد شعرها لين صارت على الأرض وبين أحضانه قرب وجهه منها : وريني كيف أخوك بيكسر رأسي
زادت دموعها وبوزت
أما هوى ما تحمل وهو يشوف عيونها منفخه وحمره شفايفها المبوزه غمض عيونه وقرب منها وووو###### ( مشفر صراحه أستحي أقول *_* )
دفته بأقوى ماأوتيت من قوى وركضت فوق دخلت غرفتها وسكرت الباب خلفها مرتين دخلت الحمام( وأنتوا بكرامه) وغسلت فمها بقوه وهي متقرفه وتبكي وتركته تحت مقهور

*********************************************

بعد أسبوع بدون أحداث مهمه ميسم ونسيم للأن متخاصمين وكل وحده بغرفة وفارس رافض يرجع لهم الجوال ومن ذاك اليوم ماكلمهم ومرح راحت مع نايف ولاقالت لأحد باللي صار وليان للأن ماقدرت تتواصل مع نايف ونفس الجفاء يعاملها فيه لو فكرت تكلمه وعادل للآن فجر ماطلعت من رأسه وخوفه إنه ينسى مرح نفس الشئ مع خالد أما فرح وناصر مافي شئ جديد بحياتهم غير خطط ناصر اللي تزيد كل يوم
طلعت وهي تتأفف حفظت الشقه من كثر ماهي محبوسه فيها ناظرت الساعه اللي تشير ل3:46pm راحت للمطبخ وهي تردد: أسوي لي أكل أبرك
دخلت وعفست في المطبخ وبعد ربع ساعه إلتفتت وشافته واقف يناظرها عند الباب بلعت ريقها بخوف
رفع حاجب: وش تسوين ؟
أبتسمت: أسوي غداء
مر بمخيلتها ذاك اليوم اللي دخلت تسوي لها أكل عفست المطبخ وحرقت الأكل وطلعت حمدت ربها حسبت حسابه جلسوا وبدو ياكللوا والهدوء يعم المكان وحمدت ربها ثاني ماعلق على الأكل المحروق وفجأه رجع نايف اللي أكله وناظرها بنظره حارقه : وش حاطه بالأكل
أبتسمت بخوف: إلي يحطوه بالأكل
أعطاها نظره وقام تارك الأكل
رجعت لواقعها على صوته: أطلعي أنا بسوي
قررت تفرفش شوي ممكن يرجع لنايف إلي تتكلم عنه ليان: نيوف وش رايك نطلع كذا بعد ماناكل
حط القدر على الفرن: وويين
إبتسمت بفرح في تطور هاليومين صاير أخف من أول : أممممم آي مكان أهم شئ اطلع من البيت
حط شوي زيت: أوديك بيت أبو سعود
شهقت وصرخت: لاااااااا
ناظرها بإستغراب: ليه لا غريبه
ابتسمت بتوتر: أقولك طفشت من البيت تحطني ببيت غير مكان ثاني
نايف طنشها: الشقه أفضل
ضربت الأرض بقهر: أف ياربي منك تقهر


********************************************

في بيت أبو سعود وبالتحديد غرفة ليان
ليان: أشتقت لها الدبه ولاهي راضيه تزورنا
لانا: المشكله حتى لما رحتي لها ماطلعت لك تتوقعين نستنا
لينا: لا لا ما أتوقع هي مو من هالنوع
ابتسمت لين: لاتتسرعوا المظاهر خداعه
لينا أعطتها نظره: مايخصك أنتي أطلعي منها
ابتسمت لين وماعلقت

*******************************************

في بيت أبو عبدالله
ناظرت شكلها بالمرايه وإبتسمت وأرسلت بوسه لنفسها: فديت نفسي بس
أخذت المشط وحطته عند فمها زي المايك وبدت تغني وترقص وتدور مثل المجنونه
وقفت بعد ثلاث دقائق ولفت بتحط الفرشه على التسريحه إلا لمحته واقف ومتكي على الباب ومتكتف ويبتسم
حست بحراره تسري بجسمها وخجل مو طبعي وهي تردد بداخلها: شااافنيييي








مايزرع داخل أنفسنا ينبت على ملامحنا...
لصراحتكم

إلــــيــــنــــا ~ طير الغربة ~


******************************************

في بيت أبو فارس
ديالا: مو راضين تتراضو
كل وحده شاحت بوجهها عن الثانيه
مادلين: أول مره بحياتي أشوف توأم يتخاصمو ولأسبوع كمان
أم فارس: بناتي وأعرفهم مده ويتراضوا
تأففت ميسم وقامت وطلعت من الصاله أما نسيم أول ماشافتها طالعه كشت بوجهها: تو ما نورت الصاله
رجعت ميسم وناظرتها: سمعتك يابومه
نسيم: ماغيرك البومه
أم فارس: بس لايكون بترجعو تتضاربوا
طلعت ميسم ونسيم قالت: صدق غثيثه مدري كيف كنت متحملتها
ديالا: لاهالمره السالفه كايده

****************************************

أبتسمت وحكت راسها بطرف إصبعها: وش فيك؟
حاول يكتم ضحكته: ولاشئ جيت أشوف القمر نطلع
نطت بفرح: صدق
هز برأسه إيه: طفشان وقلت أطلع معك
لفت: خمس دقائق وأكون عندك
وهو لف طالع: وكلمي فجر إذا بتطلع معنا حرام نتركها لحالها
لفت وأبتسمت: لايكون حولت عن مرح
ضحك: هههههههه وأنا أقدر لابس ماعندها أحد تسولف معها غيرك وإذا أخذتها يمكن تتطفش


****************************************

الساعه9:28 pm
كانت تتكلم وبحماس ولاكأنها لها ربع ساعه تتكلم أما هو يسمعها وهو يبتسم ويسوق
وقف وناظرها: تبغين
لفت وناظرت المكان فركت عيونها أكثر من مره وصرخت وهيا تحط يدها على فمها: ماااااااااك
نطت بحماس آبيه آبيه آبي آيس كريم ماك
حاول يكتم ضحكته وحرك السياره يكايدها: مافي
ناظرته وبغيض: ناااايف وجع ليه تشهيني فيه
نايف: مافي مكان شايفه الموكا اللي إشتريتيها والأكل إلي أكلتيه والحلى
تكتفت وناظرت الشباك بغيض: مالك دخل هذا بطني مو بطنك
رفع حاجب: والله هيا إنسي مالي دخل
بغيض وقهر ناظرته: ناااااااااااايف وجع

*****************************************

ركضت في كل مكان وهي تنط من مكان لمكان على الكنب وشوي على الأرض وشوي تدخل الغرفه وتطلع منها وبيدها مفتاح السياره
صرخ عليها وهو وراها: هاتي احسن لك
لفت ومدت لسانها: مستحيل
وكملت ركض
أما هو ناظر الساعه وشاف انو موعده عدى من أول وبكذا مايقدر يروح الآن وقف وإبتسم بشر: أجل منتي معطتني أوريك كيف تحملي اللي بيجيك
أخذ نفس وركض بقوه وهي تركض وتجاهد بس كل ماتبعد يقرب منها أكثر لين مسكها من ورى بلوزتها من فوق ورفعها ولفها عليه وإبتسم بشر: أجل منتي معطتني وماأخرتني عن موعدي
بلعت ريقها بخوف وإبتسمت وحطت يدها على طرف فمها وبعفويه ودلع: كنت آمزح معك بيبي
إبتسم زياده: بيبي أوريك كيف ال البيبي ياروح البيبي
ثبتها على كتفه اليمين وهو شايلها ودخل الغرفه وهي ترافس بس هو ماسكها بقوه قفل الباب ونزلها على السرير وإبتسم بشر: تشهدي ليلتك بتكون سوده
إبتسمت بخوف وهي تشوفه فوقها بالضبط ومتكي يده على السرير وبعفويه: سوده ولاخضره
إبتسم إبتسامه خوفتها: مثل ماتبين إختاري اللون أهم شئ تشهدي


************************************


ناظرتها: يعلك للي ماني بقايله كذا تسوين وقدام أخوك
مايا: عادي ريلاكس وإذا
تذكرت اللي صار وخجلة زياده
###
مايا بعد ماشفت إنو الأكياس إلي مع فجر كثيره لفت على عادل: عادل ممكن تشيل الأكياس اللي مع فجر كثيره ولسى بنتسوق
عادل وهو حاط يده في جيبه: ماقالولك السواق حقكم
ضربتها فجر بخفيف وبهمس: يافضيحه مو لازم أشيلها بنفسي
ماحست على نفسها إلا ويدها خفيفه لفت ونزلت نظرها ليدها مافيها شئ ناظرته لقته ماسك الأكياس تكلمت: هاتها أنا أشيلها بنفسي
طنشها ومشى: يلا تحركوا
###
رجعت لواقعها ونطت عليها وهي تكفخها

***********************************

في بيت أبو فهد
تلفتت خلفها ولما تأكدت إنو محد يشوفها دقت الباب ودخلت أول ماسمعت رده وقفلت الباب وراها قربت منه وبهمس: خلص ولا باقي
رفع حاجب ومو فاهم شئ وشوي هديت ملامحه وفهم وهمس لها: باقي تعديلات بسيطه ويخلص إن شاء الله
همست: يعني يمديه يخلص قبل زواج مغاني
هز رأسه بإيه وهي إبتسمت ولفت طالعه وهو ضحك عليها ورجع يطقطق بجواله
خارج ترف بهمس: وش قال
ميرا: باقي تعديلات بسيطه وإن شاء الله يخلص قبل زواج مغاني
ألماس بحماس: ياربي متحمسه لردت فعلها

**********************************

الساعه11:36 pm
في بيت أبو عبدالله الله يرحمه:
طلعت وإبتسمت لهم جلست جنب خالها المكان اللي وقع عليه عينها
عبدالله إبتسم لها وبحنيه: لي كم يوم مااشوفك وينك
نزلت نظرها لحضنها: بخير ماكان ليا نفس أطلع من الغرفه
نهى: والله يبغالنا نكافئ مايا طلعتكِ برى البيت وخلتكِ تطلعين وجهك شوي لنا
ابتسمت وماعلقت أما مايا ابتسمت : إيه تذكروا لاطلبت شئ منكم
جلسوا شوي صامتين إلا من أصوات لعب الأطفال
وشوي شوي إلتفت عبدالله لما حس بثقل على عضده وإبتسم وهو يشوفها نايمه وانتبهت لها نهى فقالت بهمس: مسكينه شكلها مايا دارت فيها لما قالت آمين
مايا بنفس الهمس: لا و الله حرام عليكم مادرت فيها
عبدالله: خلاص أسكتوا خلها تدخل بالنومه بعدها أوديها غرفتها
الكل إلتزم الصمت ونهى كتمت صوت الTV

********************************

في بيت أبو فارس
حطت راسها على حضن أمها وأمها مسحت على رأسها وبحنان: وش فيك يا امي تعبانه شئ
ديالا: صداع خفيف شوي يخف إن شاء الله
أم فارس بحرص: أخذت مسكن
ديالا: إيه
سكووووت قاطعته أم فارس وهي تمسح على رأس ديالا: ديالا عندي لك خبر حلو
دفنت وجهها بحضن أمها: وشو
أم فارس: في واحد خطبك
توسعت عيونها من الصدمه وتكت بيدها على الكنب ورفعت جسمها ومعها راسها وهي تناظر أمها بصدمه: لاااااااا
عقدت حواجبها أمها: وليه لا ....عرفتي مين ؟؟فكري زين ولاتتسرعي بسك عزوبيه أبغى أفرح فيكم
بكت: تكفين ماما لا مابي اتزوج ماتوقعت إني على قلوبكم ثقيله هالكثر
تنهدت: والله يابنتي إني أحبك ولو ماأحبك كان مابغيت لك الخير ماأبغى أغصبك بس الزواج ستر وأنا أبغى أفرح فيكم
نزلت نظرها لتحت وفكرت شوي بعدين قالت وهي مازالت منزله نظرها: طيب بستخير وأرد لك ... مين هوا؟ يقرب لنا شئ!؟

*******************************

الساعه 3:34am
في بيت ناصر
فتحت عيونها وهي تشوف ظلام حست بأأحد محاوطها وضاغط عليها بقوه تكت على الجسم الصلب اللي ماسكها وحاولت تبعده وتدريجيا بدى يرتخي ويبعد عنها أما هي عادت لها ذكريات اللي صار وأستوعبت هي وين ومين الشخص اللي ماسكها
إبتسم أول ماشاف شرودها وصدمتها باسها على خدها وباإبتسامه تسحر: صباح الخير على الحلوين
حمرة خدودها مره وغطت وجهها بيدها ولفت عنه الجهه الثانيه ودفنت نفسها تحت البطانيه أما هو مات ضحك عليها وقام ودخل الحمام

***********************************

في بيت أبو فارس
ناظرت قدامها وهي مو مستوعبه خلاص راح تتزوج ومين واحد ماتعرفه ولاتعرف أهله اللي تعرف أخته الصغيره اللي كانت تدرسها وأمه لأنها كذا مره كلمتها لما تجي وتسأل عن بنتها أو لما يكون في مشكله تسألت بداخلها " معقوله عجبتها ولا عشاني مهتمه ببنتها ..... بس كل الأطفال أهتم فيهم جات عليها" جاها فضول تعرف سبب إنها خطبتها لولدها غير حيرتها للآن ماتخلصت من حب إسمه ناصر وش تسوي ...

*************************************

ناظرته نايم بسلام إبتسمت بشر وطلعت ورجعت ومعها إللي تبغاه وقفت عند رأسه وهي تحاول تكتم ضحكتها وبدت تسوي عملها وطلعت وتركته بعد ما خلصت بس شويتين وقام فرك عيونه وجلس قام ودخل الحمام( وأنتم بكرامه) جا بيغسل وجهه ويتوضأ عشان يصلي الليل وأول ماوقعت عيونه على المرايه إنصدم وتحولت ملامحه من الصدمه للعصبيه طلع وراح غرفتها شافها فاقعه ضحك على السرير وأول ماشافته انصدمت ورجعت تضحك ثاني جا عندها وسحبها من يدها ورجع للحمام ( وأنتم بكرامه) وصرخ فيها: جايب بزر عندي بسرعه غسليه
ناظرته بصدمه وخوف من عصبيته وصراخه وبدت تغسل له كانت كاتبه على جبهته( أنا غبي ) وهي تقول: ترى كنت آمزح معك لاتصير عصبي
عصب وصرخ: إنكتمي
آما هي إرتجفت من صرخته وسكتت ومن جهته مايعرف ليه صاير عصبي وماله خلق أحد ويعترف إنها أوقات تخرجه من عصبيته باإهبالها وتضحكه بس اوقات يحس إهبالها سخيف

*************************************

الساعه 10:30am
صحت من نومها وفركت عيونها ناظرت حولها وإستنكرت المكان : متى جيت آخر مره أذكر كنت بالصاله
هزت كتوفها وقامت وهي تقول: غريبه والله غسلت وجهها وفرشت أسنانها وتوضت وصلت وقبل ماتطلع صلت الإستخاره وطلعت شافت البيت هدوء نزلت من الدرج وشافته قدامها وشايل كوب كوفي معه إبتسم لها : صباح الخير .
ردت له الإبتسامة: صباح النور أشوفك مروق على هالصبح وقهوه كمان عفس ملامحه : وين مروق آحس عيوني بتقفل قلت أسوي لي كوب كوفي وأكمل شغلي لازم أنهيه
أخذت الكوب منه: أجل بقولك شئ عسى تروق بعدها
مد يده بياخذ الكوفي بس بعدت يدها: لا خلها آشيلها عنك جايه معك انا
مشوا لين وصلو المكتب جلس وحطت قدامه الكوفي وجلست
عبدالله: ها وش الخبر ذا
فركت أصابعها بتوتر ونزلت نظرها لحضنها: موافقه على الموضوع بس بس مثل ماإتفقنا وشاور ماما
إبتسم بفرح: الله يوفقكم يارب إن شاء الله آبشرك كلمتها وفرحت وماعندها مانع بس قالت أهم شئ تكوني موافقه ومااغصبك كانت راح تذبحني بس عشان ماأغصبك
ضحكت بداخلها وأكتفت باإبتسامه
كمل: بس تطلع بالسلامه يوم الأربعاء راح نسوي لها حفله بمناسبة قومتها بالسلامه والجمعه الملكه
انصدمت: لا ليش كذا سريع سريع
عبدالله ضحك: ههههه خلاص اختاري انتي
فجر بتفكير: أممممم أول شهر ذو القعده مناسب
ابتسم: خلاص تم
فجر: طيب مرح كيف راح نمشي كذبتها على ماما
عبدالله: والله إن طلعت بالسلامه إن شاء الله مااقدر أسوي شئ غير أقولها أخاف مانلقاها قريب وتشك بكذبتنا
نزلت نظرها الأرض وهي تدعي بقلبها ربي يحفظ لها أمها


*********************************

في بيت أبو فارس
دخلت بعد مادقت الباب شافته يلعب سوني نادت: فارس
عرف الصوت وطنش ولاكأنه يسمعها
علت صوتها: فاااااارس
لاااااااا رد
قربت منه وهزته: فارس أكلمك أنا رجع جوالي
فارس: أطلعي وسكري الباب
عصبت: فارس مو من جدك خلاص هاته
فارس بحده: عارفه ماأعيد كلامي مرتين أطلعي برى
تأففت وطلعت ورجعت الغرفه وقبل تدخل سمعت صوت تكسر دخلت بسرعه شافت عطرها اللي تحبه مكسر لقطع رفعت نظرها للشخص نسيم وكانت حاطه يدها على فمها وعيونها متوسعه من الصدمه




انتهى البارت



توقعاتكم
عادل هل فعلا ماراح يسمح لشئ ينسيه مرح؟ ولا بعد الزواج بيتغير كل شئ؟؟
وخالد هل راح يبدأ ينسى فجر؟
ميسم ونسيم هل راح يتصالحوا ويسامحهم فارس؟ أو بيسوء الوضع مع كسرت نسيم للعطر؟؟
وش سبب معاملة نايف السيئه ؟؟؟ وهل راح يرجع مثل قبل؟؟ ومين راح يكون السبب؟؟ وهل راح تقدر مرح تتأقلم معه ومع مزاجه الحاد
أما سالم إيش راح يصير له وهل حركته الوقحه راح تكون آخر شئ بينه وبين مرح؟؟؟
وهل مرح راح تزورهم؟؟؟؟ وإيش سبب رفضها لزيارتهم؟؟
ديالا هل راح توافق؟؟
فجر وعادل هل راح يصير شئ يعكر الخطبه أول لا؟














" تتلاشى المستحيلات عندما تقرأ "
{ إن الله على كل شئ قدير}








مايزرع داخل أنفسنا ينبت على ملامحنا...
لصراحتكم

reeme_ ©؛°¨غرامي فعال ¨°؛©

جاري القراءه

+

حماااااااااااااس

ريحانة الشرق~ ©؛°¨غرامي نشيط¨°؛©

مساء الخيرات ي عسل انتي كيف الاحوال ؟؟

جد جد جد استمتعت كالعاده بالقرائه .. احلى شي نايف و مرح هههههه



عادل هل فعلا ماراح يسمح لشئ ينسيه مرح؟

هوا بيحاول بس فجر بتسيطر عليه

~~~~~~~~~~~~~~

ولا بعد الزواج بيتغير كل شئ؟؟

اي صح

~~~~~~~~~~~~~~~

وخالد هل راح يبدأ ينسى فجر؟

اي ممكن .. حتى اتخيلي احس انه بيخطب ديالا ادري استهبل بلا معليه هههههه

~~~~~~~~~~~~~~~

ميسم ونسيم هل راح يتصالحوا ويسامحهم فارس؟

اي بالبارت الجاي

~~~~~~~~~~~~~~

أو بيسوء الوضع مع كسرت نسيم للعطر؟؟


لا الشي يبيله فتره و بيتصالحووو


~~~~~~~~~~~~~~~

وش سبب معاملة نايف السيئه ؟؟

لسا بيحبها بس يعني يمكن عشان امه او ابوه

~~~~~~~~~~~~~~~

؟ وهل راح يرجع مثل قبل؟؟

اي صوووح

~~~~~~~~~~~~~

ومين راح يكون السبب؟؟

هيا مرح ..

~~~~~~~~~~~~~~

وهل راح تقدر مرح تتأقلم معه ومع مزاجه الحاد؟

اكيد بس شوي وقت

~~~~~~~~~~~~~~~~

أما سالم إيش راح يصير له وهل حركته الوقحه راح تكون آخر شئ بينه وبين مرح؟؟؟

لا ..

~~~~~~~~~~~~~~~
وهل مرح راح تزورهم؟؟؟؟

ممكن ليه لاء او ممكن بعد وقت

~~~~~~~~~~~~~~~~~

وإيش سبب رفضها لزيارتهم؟؟

ما يبغالها اكيد عشان سالم الدوب

~~~~~~~~~~~~~~~


ديالا هل راح توافق؟؟

اي و بنتسى ناصر ..

~~~~~~~~~~~~~~~~

فجر وعادل هل راح يصير شئ يعكر الخطبه أول لا؟

مدري ممكن عودة مرح بس اتوقع هما خلاص بيتزوجو
~~~~~~~~~

..............

reeme_ ©؛°¨غرامي فعال ¨°؛©

البارت رووووعه
واحداث حمااااااس
وبعضها نهايتها تقههههر


المهم تخيلي الكل ناشب لي من يوم ما بديت اقرا كل ما قريت جزء جا احد وقاطعني انقهرت


.
.
.
.



نايف : وش فيه كذا قالبه نفسيته


مرح : يالله حماس فاهمه اني كنت مفهيه وما هتميت ان العزاء عند عمانها فجئه استوعب الموضوع وقوم اطامر واصارخ من الوناسه بعديييين لحظه تقول مابي خيييييير لا بتغير رايها وش اللي مابي الحين يقولون لها بيروحن لعمانهم وتروح معهم عادي وعزاء اجر تقول مابي ما اعرفهم على اساس تعرفين عمانهم يعني .... غير كذا تصير ام اخوك .... يا ربيه يا ليل مطولك خير والله طنقرت ما راحت ليييييش تقهر <<<< يوم دريت انها ما غيرت رايها >>>>> والبقرات الثلاث والام محد فيهم لاحظ التشابه بين فجر وفرح ومرح مهما كانت الظروف والمواقف يعني الفضول واللقافه بيطلعون كيف ما انتبهوا غبااااء استفزاااز



يوه يا قدمي رغد من زمان عنها



مؤثرات صوتيه صوت صراخ وحده متحمسه



ح م ااااااااااااااا س

وش بيسون بعد ما عرفوا مين هي لمى ( مرح ) ومن بنته اتمنى انهم مايستلعنون ويخلونها عندهم



مؤثرات صوتيه صوت صراخ وحده متحمسه 2



خالد : بيخطب فجر حطيت توقعي من الحين + غباء ليش مانتبه انه نفس الصوت



ميسم ونسيم : هم صاروا المفضلين عندي من البنات مجانين صراحه فشلوا اهلهم بس العقاب اللي خذو احسه قوي صراحه ما يستاهلونه <<< هذا اكثر موقف يصير لي اذا كان عندنا احد احس ردت فعلهم زياده عن اللزوم نفس ردت فعل فارس



فارس : وش فيك ماله داعي تعصب لهالدرجه الموضوع مايستاهل


والخبر الجميل واللي طال انتظاره مرح بتروح عند نايف


سالم : واتاشي وا داي كراي داي كراي شينيو اونقاي شيماس قليل ادب وحقير الله ياخذه


لحظه فجر ما ردت على عبدالله اذا هي رفضت ولا وافقت


بيت ابو عبدالله مين شاف مين مايا وعادل صح


الله وانا اقرا جزئية نايف ومرح احس بسعاده


فجر : لا خير بقايا حلم ما تفقنا على كذا ليش توافق لللليييييييشششش ؟؟؟؟؟


طيب وخالد الحين هو اعجب فيها بدون مايدري انها هي نفسها اللي حبها قبل ولازال يجبها خليه يخطبها لا ليش كذا خلي جزئية موافقتها حلم بعد ويجي خالد ويخطبها بس لحظه هي حطت تاريخ الملكه واللي اعتقد انه بعيد فممكن ترجع بذي الفتره مرح ويصير كنسل للموضوع اتمنى يصير نفس كذا انتي جيبيها بطريقه ثانيه بس لا يتم الموضوع تكفين



.
.
.
.




عادل هل فعلا ماراح يسمح لشئ ينسيه مرح؟ ولا بعد الزواج بيتغير كل شئ؟؟

الظروف هي اللي بتحدد الاجابه وعلى حسب توقعي للي بيصير ف لا مارح ينسى مرح السبب واجابة السؤال الثاني هي اجابة سؤال الخطبه


وخالد هل راح يبدأ ينسى فجر؟

اذا نساها فهو حبها من جديد لانه عشانها هي نساها <<<< تأثير حب الفلسفه عندي بس اتمنى وصلت


ميسم ونسيم هل راح يتصالحوا ويسامحهم فارس؟ أو بيسوء الوضع مع كسرت نسيم للعطر؟؟

اول شي بيسوء الوضع بس بعدين بيتسامحون ويسامحهم فارس<< حلوه اجابة السؤال بالسؤال نفسه


وش سبب معاملة نايف السيئه ؟؟؟ وهل راح يرجع مثل قبل؟؟ ومين راح يكون السبب؟؟ وهل راح تقدر مرح تتأقلم معه ومع مزاجه الحاد ؟؟

مجرد انه متأِر بوفاة امه - ايه ـ مرح وباقي خواته وانتقامه بيكون اخر خطوه لعودة ذاته القديمه - ايه


أما سالم إيش راح يصير له ؟؟؟ وهل حركته الوقحه راح تكون آخر شئ بينه وبين مرح؟؟؟
وهل مرح راح تزورهم؟؟؟؟ وإيش سبب رفضها لزيارتهم؟؟

مدري بيقعد يهوجس بها ـ ممكن ايه وممكن لا ماندري عنك - لا ما اتوقع بس احس بيصير شيء للبنات وهو اللي بيطرها انها تروح لهم - بسبب حركة العله سويلم


ديالا هل راح توافق؟؟

اتمنى لا عشان مازن


فجر وعادل هل راح يصير شئ يعكر الخطبه أول لا؟

ايه رح يصير شيء يلغي هالخطبه



تسلم ايدك ع البارت



.
.
.
.
.




ننتظرك بالبارت القادم


اسيرة الهدوء ©؛°¨غرامي متألق ¨°؛©

توقعاتكم
عادل هل فعلا ماراح يسمح لشئ ينسيه مرح؟ ولا بعد الزواج بيتغير كل شئ؟؟
لا ماراح ينسى
وخالد هل راح يبدأ ينسى فجر؟
ممكن ينساها
ميسم ونسيم هل راح يتصالحوا ويسامحهم فارس؟ أو بيسوء الوضع مع كسرت نسيم للعطر؟؟
فترة ويتصالحون
وش سبب معاملة نايف السيئه ؟؟؟ وهل راح يرجع مثل قبل؟؟ ومين راح يكون السبب؟؟ وهل راح تقدر مرح تتأقلم معه ومع مزاجه الحاد
وضعه راح يكون للاسوء وبعد فترة بيرجع وممكن ليان او تعامل اعمامه
ومرح راح تساعده
أما سالم إيش راح يصير له وهل حركته الوقحه راح تكون آخر شئ بينه وبين مرح؟؟؟
اكيد مرح راح تبعد عنه بس هو يحاول الوصول لها
وهل مرح راح تزورهم؟؟؟؟ وإيش سبب رفضها لزيارتهم؟؟
ماتزورهم تخاف
ديالا هل راح توافق؟؟
بتوافق
فجر وعادل هل راح يصير شئ يعكر الخطبه أول لا؟
ايوه بيصير شئ يلغى الخطبة
يعطيك العافية

إلــــيــــنــــا ~ طير الغربة ~

ريمو تراك موتيني ضحك
اسيره حضورك اعجبني
بروح بيت جدتي ولاوصلت وشبك النت برد عليكم متحمممممممسه








مايزرع داخل أنفسنا ينبت على ملامحنا...
لصراحتكم

reeme_ ©؛°¨غرامي فعال ¨°؛©

المشاركة الأساسية كتبها ~ بقايا حلم~ اقتباس :
ريمو تراك موتيني ضحك
اسيره حضورك اعجبني
بروح بيت جدتي ولاوصلت وشبك النت برد عليكم متحمممممممسه
ههههههههه

بانتظارك

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1