ووردالعمرر ©؛°¨غرامي فضي¨°؛©

بارت حلو تسلمي

نجي للتوقعات

- ناصر إيش مخطط له بالضبط؟
ينتقم من ابو فرح

- رامي هل كانت حركاته طبيعيه؟ أو إنه مخطط لشئ ثاني ؟
اتوقع متفق مع ابو فرح برضو

- مايا هل راح تخبر عادل باللي شافته ؟ ولا بتخبي عنه لين يكتشف بنفسه أو يعرف من أحد ثاني ؟
اتوقع تخبي وهو بنفسه بينصددددم

- خالد وحلمه الغريب ليه بها اليوم بالذات حلم فيه؟
هههههه مدري

- عادل وفجر ايش نتائج هالخطبه اللي واضح من بدايتها ايش بتكون؟ وهل فجر ماراح تتزوجه مثل ماقالت؟
لا بتتغير الاموور

فجر وفرح هل راح يرتاحوا لنايف ويثقوا فيه ولا بيضلوا خايفين منه ؟
بيرتاحوو

يووووووه مستنية شي يفركش الملكة هههههههه بس ماصار

يلا في انتضاارك

..

إلــــيــــنــــا ~ طير الغربة ~

المشاركة الأساسية كتبها ووردالعمرر اقتباس :
بارت حلو تسلمي

نجي للتوقعات

- ناصر إيش مخطط له بالضبط؟
ينتقم من ابو فرح

- رامي هل كانت حركاته طبيعيه؟ أو إنه مخطط لشئ ثاني ؟
اتوقع متفق مع ابو فرح برضو

- مايا هل راح تخبر عادل باللي شافته ؟ ولا بتخبي عنه لين يكتشف بنفسه أو يعرف من أحد ثاني ؟
اتوقع تخبي وهو بنفسه بينصددددم

- خالد وحلمه الغريب ليه بها اليوم بالذات حلم فيه؟
هههههه مدري

- عادل وفجر ايش نتائج هالخطبه اللي واضح من بدايتها ايش بتكون؟ وهل فجر ماراح تتزوجه مثل ماقالت؟
لا بتتغير الاموور

فجر وفرح هل راح يرتاحوا لنايف ويثقوا فيه ولا بيضلوا خايفين منه ؟
بيرتاحوو

يووووووه مستنية شي يفركش الملكة هههههههه بس ماصار

يلا في انتضاارك

..

الله يسلمك يارب
عندك اربع صح وواحد خطأ
كالعاده ربي يحفظك
هههههههههههه ماتدري ايش يصير
تسلمي يالغلا هلى توقعاتك الحلوه مثلك








مايزرع داخل أنفسنا ينبت على ملامحنا...
لصراحتكم

اسيرة الهدوء ©؛°¨غرامي متألق ¨°؛©

السلام عليكم
هلا وغلا
نورتي المنتدى برجوعك
لاشكر على واجب انتي اخت
البارتات تجنن
يعطيك العافية

إلــــيــــنــــا ~ طير الغربة ~

وعليكم السلام
ياهلا فيك
النور نورك
مشكوره والله ومن ذوقك
الله يعافيك








مايزرع داخل أنفسنا ينبت على ملامحنا...
لصراحتكم

وتين الحياة ıllıllı❤ أُنثى الإبتسامة ❤ıllıllı

بصمتي










السلام عليكم ورحمة الله وبركاته

اللهم صل وسلم وبارك على سيدنا محمد
مرحبا متابعين رواية بقايا حلم
اظن قالتلكم انها عندها سفرة ضرورية وما حتقدر تنزل البارت اليوم لكذا طلبت مني انا انزله
اولاً ادعولها ترجع بالسلامة وبصحة وعافية
الفصل الخامس عشر:
أيام مختلفه
الجزء الثاني:
امور غريبة

الساعه:2:30pm
تقلبت على الجهه الثانية من الازعاج وشوي صرخت: هااااا أنقلعي عني
سحبت البطانية منها وهيا تصارخ: قووومي ولا ماراح أقول لك ترى
لينا بنعس ناظرتها: هااااا
ليان: قومي أجلسي
جلست وهيا تفرك عينها وتتثاوب
ليان: بابا وافق نروح لمروح خصوصا لما راحت لأهلها
توسعت عيونها بصدمه وناظرتها: أحللللفييييي
ابتسمت بفرح: والله العظيم قومي ألبسي
وقفت بفرح: لحظه بالله باأخذ شور وانتظروني
ناظرتها وهيا مره متحمسه وقالت اوكِ بس بسرعه

*******************************

في مكان ثاني قفل من مكالمته مع جهاد وبعد التنسيق والأخذ والعطى عن موعد رحلته
رد دخل البيت وطلع فوق لين وصل غرفته دق الباب وفتحه بعد ماسمعه يقول ادخل ناظره وهو على اللاب وقال: مشغول
لف نظره وهو مصدوم حرك راسه يمين ويسار ورمش عشان يستوعب شوي وما يسرح وقال: هلا ناصر ... لابس بحث بسيط وقربت أخلصه تفضل
جلس وناظره بشك صايره تصرفاته متناقضه مره يتكلم طبيعي وعادي ومره يناظر بشك ونظرات كأن أحد ماكل حلاله حاول يحسن الظن به وقال: كيف الجامعه معك وآخر سنة معك
رامي: الحمدلله تمام وأنت كيف شغلك عساه ماشي
ناصر: الحمدلله يارب في دورة لازم أحضرها برى تخص الشغل وبقابل واحد أعرفه
سكووووت دام دقائق قاطعه ناصر: إلا ماقلت لي وش سالفة كلامك قبل أمس
ابتسم: ولا شيء كان مجرد كلام يعني
أعطاه نظره: أدري عنك أنتى ونظراتك
لف على اللاب: إذا كلامك عن ذا الموضوع فمن اللحين غير اللي قلت لك ما عندي ويلا تفضل خلني أكمل البحث
وقف ناصر وناظره: رامي لا تلعب بالنار صدقني لو عرفت إنك لعبت من هنا ولا من هنا حتندم
أبتسم وقال: طيب يا نار تفضل برى محترمك ومابي أطردك عندي شغل كثير
وقف ناصر: هذي أخرتها تقول هالكلام لأخوك الكبير بس تصدق مو غريبه منك
لف وطلع برى الغرفة تارك وراه شخص غارق باأفكاره: هذا ويش يبي لا يكون للأن على ذيك السالفه

*****************************************

ناظر الجوال له أكثر من عشر مكالمات اليوم بس ولا راضي يرد رجع ناظره: رد طيب
كان متكي على السرير تأفف: أأأأف ماني راد لو يتصل من هنا لين بكرى
خالد بغضب: عادل هذا أبوك مو صاحبك رد
مسك الجوال وقفله ورماه: ها وإذا تبي ترد قوم أفتحه ورد
وقف وناظره: قسم الشرهه علي مو عليك
دنق وأخذ الجوال ورماه عليه: رد على أبوك وش أسوي أنا أرد عليه ترى اللي تسويه خطأ
وقف عادل وأخذ أغراضه وجا بيطلع
مسك يده وقال: وين
أعطاه نظره: لمكان لا أنت ولا أبوي ولا أحد معي أنا وبس
شد يده وراح خالد ناظره وقال: خلك كذا ياعادل وبعدها شوف مين بيمنعك
كان عارف لو مسكه ولو اعتذر له ماراح يقعد فقال كذا لأنه عارف بيلامس شيء من داخله
وحتى يخليه يندم أكثر قال: لحظه خلني أشوف في أحد ولا لا
وقف وهو يشوفه راح ودقائق وجا: مافي أحد تفضل ( بعد ماأعطاه نظره)
نزل وهو حاس كل شيء مكدس بقلبه بضيق بخنقه بحزن نزل تحت وطلع وركب سيارته ناظر قدامه ثواني واسترجع اللي صار من شوي كان عارف انه يجرب يستفزه وللأسف نجح حرك السياره بأسرع مايمكن وهو يحس الهواء يلفح وجهه بقوه لدرجة دمعت عيونه من قوتها


****************************************

الساعه5:30pm
جلست تنتظرهم وهيا تتذكر اللي صار أمس بتفاصيله كيف رفضت فجر وكيف صارت مشكله بالبيت كله واختفاء عادل
وبعدين هدت فجر بس ماكانت تبغى تشوفه ومصره انه زي الغريب حيكون صحت على الواقع لما رن الجرس وقفت وفتحت الباب وعلى طول هجموا عليها كلهم يحضنوها
ابتسمت: اوووه خلاص لاتخنقوني
ليان: أشتقنا لك يادبه
لينا: وينك من زمان لك وحشه
لانا: أأأه فقدت من تشاركني الهبل والله
مرح ابتسمت: طيب خلوني أخذ نفس وانتو اجلسوا
جلسوا الكل وعلقت مرح العبايات
مرح: كيف عمي وعمتي
ليان: بخير الحمدلله
لينا: فاتك اللي صار مروح
فاتك نص عمرك
مرح بحماس: وش وش صار
لانا: لين انخطبت
مرح ابتسمت بفرح: وااااو مبروك لها طيب وايش كمان
لينا: سالم فكنا من ازعاجه ولاعاد صرنا نشوفه كثير
عقدت حواجبها: مين سالم؟
ناظروا بعض بااستغراب وناظروها: ماتعرفي
مرح: واالله مااعرفه مين هوى ؟


***********************************

في مكان ثاني بعيد شوي
بالتحديد الرايس ( قرى من قرى المدينة المنورة)
جالس يناظر البحر والأمواج اللي تضرب بقوه وكل ماجا بباله ذكرى يمسك حفنة من التراب أو الحجر ويرميهم مايبي يتذكرها مايبي تكون في باله هو ترك مدينته واللي تربى فيها عشان ينساها وطيفها مو راحمه حتى بالحلم
يئس ورمى نفسه على الرمل وهو يناظر السماء والنجوم والقمر ويسمع لصوت الأمواج غمض عيونه وجاه ذكريات هذيك الليلة آخر شيء بينهم كان وده يكون معها أكثر ويكون قربها أكثر بس بس هيا أنهت كل شيء صرخ باأعلى صوته: لييييه ليييه رفضتي كنت راح أكون لك كل شيء كنت راح أحطك بعيوني لليييييه ؟
ضرب قلبه: ليه هالقلب حبك لييييه ليييه ؟
حز بخاطره وهو يشوفه يصارخ لوحده ماندم أبد أنه قرر يروح معه وماندم أنه أختار هالمكان
جلس جمبه وهو يمد له العصير: ما هقيتك كذا يا سالم بنت تسوي فيك كذا خلها تولي
جلس وقرب رجله لصدره تكى يده على ركبه: أخذت معها سالم أنا مو سالم
سكتت شوي وهو يناظر البحر: أنت عارف حنا وين حنا مو بالمدينة حنا بعيدين عنها
سالم مو معناته حنا لوحدنا تكون ضعيف أنت رجال سالم أنت كنت أقوى واحد فيني لاتخيلي بنت تخليك ضعيف
مو برجال اللي يخلي بنت تضعفه
وقف سالم وصار يمشي لين دخل البحر والأمواج تضرب برجوله
صرخ محمد: لا تتحمس الموج قوي اليوم
وشوي التفت بصدمه سالم لما حس بمويه تنكت عليه
محمد بضحكه: خلك تغرق شوي يمكن ترجع طبيعي
ابتسم بشر وبدى يرش عليه من موية البحر : ترحم على نفسك دامك بديتت علي
صرخ محمد بحماس: إيوه خلك كذا أنتظرك أنا

*****************************

وقف السيارة وهو يناظر قدامه ويتنفس بحده نزل على طول وهو خايف وشوي تنهد براحه
قرب منها ودنق ومسح على راسها: أنتى بخير
ناظرت لعبتهاورجعت ناظرت عادل: لعبتي انكسرت
وقف عادل ووقفها معه: إيش إسمك
نفضت الغبار من الجينز وقالت: مرح
توسعت عيونه بصدمه وشوي هديت ملامحه وابتسم وجثى قدامها : كم عمرك
أشرت بيدها: سبع سنين
ابتسم زيادة: فين بيتكم
أشرت قدامها: هناك
التفت وشاف البيت ورجع ناظرها: مره ثانيه لاتطلعي لوحدك وانتبهي للطريق طيب
أشرت براسها: طيب
وقف وقال: تعالي أوصلك
ضمت يدها لصدرها وهزت راسها يمين ويسار بخوف : ماما قالت لاتركبي مع الغرباء
مد يده وقال: لاتخافي بوصلك ماراح أسوي لك شيء
رجعت للخلف وعضت شفتيها السفليه وقالت بصوت باكي: لا برجع لوحدي
غمض عيونه وتنهد بعدين قال: طيب أستني لحظه
ركب السياره ووقفها على جمب ونزل رجعلها ومد يده وهو يبتسم: يلا نروح مع بعض وإذا سويت شيء أهربي
ناظرت يده وبعدين وجهه أكثرر من مره وهيا ضامه يدها لصدرها وشوي نزلت يدها والثانيه مسكت يده ومشت معه
سألها: تحبي لعبتك اللي كسرتها
أشرت براسها: إيه
دنق ومسح على راسها: إيش رأيك نروح للمحل ذاك( أشر عليه) قريب من بيتكم ونشتري لعبه ونكمل للبيت
سكتت شوي وفكرت: بس ماما قالت ماتروحي مع أحد لأي مكان
عادل وقف: طيب يلا خلاص نروح للبيت
مشى معها وكان يمسك يدها بقوه خايف تفلت منه صح ما تشبه مرح بس اسمها حسسه إنه مرح معه مايبي يتركها أو يفلتها وصار يردد:هذي مرح هيا مرح متأكد أنها مرح
كانت تمشي ومنزله نظرها للأرض لما حست أنو أحد يناظرها لفت نظرها عليه لقته يبتسم ويناظرها ودموعه على طرف عينه نزلت نظرها وأول ماوصلوا الرصيف ناظرته وأشرت له: تعال بقولك شيء
جثى قدامها وابتسم: هلا
مسحت دموعه بطرف باإبهامها وقالت: ماما قالت الرجال مايبكون
ابتسم لها ومسح دموعه معها
كملت: لاتبكي والله فوق معك ... أقرأ قرآن بعدين ماراح تحزن
ابتسم لها ومسح على راسها وقال: إن شاء الله .. مين قالك ذا الكلام
مرح: أبلتي بالمدرسة وماما
باسها على خدها: الله يحفظك يارب
وقف وابتسم لها زياده: يلا نروح لماما
مشو لين وصلوا البيت مسح على راسها وقال: هذا بيتك مو
هزت راسها فوق تحت بمعنى ايه
ابتسم: يلا مع السلامه وانتبهي على نفسك
أشرت له بيدها وهو أشرلها بيده بباي
وتركها بعد ماتأكد أنها دخلت رجع السياره وركب وأسند راسه على الكرسي: ياترى كانت رسالة قدر ثانية ولا
اشتقت لك مره يامرح ماأعرف ليه أحسك قريبه مني
تنهد وحرك السياره راجع للبيت

***********************************

ناظروها بااستغراب
لينا: مروححح لو تمزحي راح اذبحك
مرح: قسم ماامزح
لانا: مو متذكره اللي كنت تكرهيه
عقدت حواجبها: أكررهه ليه يعني؟ أنا ما أكره أحد إلا إذا غلط غلطه كبيره
سكتو لحظات وقالت لانا: مرروووح أي كان ترى سالم يعتذر منك على اللي صار
لينا وليان ناظروها باإستغراب وشوي قالت ليان: وش صار وسالم ايش سوى؟
لينا: في شيء صاير وحنا مانعرفه؟

****************************

في شقة نايف
صرخ بصوت عالي: سعود راح تجيبيها يلااااااا
وفجأه صرخ هو وسعود بصوت عالي: جوووووووولللل
رمى نايف اليد تبع السوني بغيض: غشاشين
سعود وقف وهو فرحان: واك واك هزمناك
سلمان: أنا ماني دخل كنت معكم الاثنين وسعود جا يسجل
نايف وقف: والله منتم كفو أجل خويكم بيعرس بعد كم أسبوع وكذا
سعود حاوط يده حول رقبته وسحبه: نايف بلا حركات دراما وتمثيل عارف إنك مازعلت بس الله كيف أنا
نايف يمثل الزعل: مو بكفو أسهر معكم والله
سلمان وهو يناظر الجوال توسعت عيونه: شباب يقولون ذحيين في مباره للهلال والاتحاد وحنا ماندري عنها
ناظروه سعود ونايف بصدمه: كذاااااب
رمى سلمان الجوال على الكنب وأخذ الريموت: والله
جلسو نايف وسعود
نايف: ديررر بسرعه على القناه

*********************************

كان لازم يواجهه ذحين أو بعدين وعارف ردت فعله وفعل الجميع معه بس اللي خايف منه بجد
عمته ... عمته اللي يحبها جد مايرضا زعلها مهما كان وعارف أنها عمته بس متأكد إنها مستحيل توقف معه ضد بنتها هذي بنتها حتى لو بنتها المخطأه والمظلوم هنا ولد أخوها تبقى بنتها وضناها وبنظرها صح بكل شيء تسويه
وقف السياره بالمواقف ونزل منها دخل البيت بشويش بالمفتاح اللي معاه وحمد ربه إنو مافي أحد طلع الدرج وبنصه وقف على صوت صوت ينذر بكارثة: عااااااادل
بلع ريقه وإلتفت : سم يبه
ناظره من فوق لتحت وطلع له لين وصل عنده: وين كنت؟ وليه ماترد على الاتصالات؟
عادل بخوف: كنت عند خويي وبعدين لفلفت وجيت
احتد صوته وبعتب: كم مره اتصلت عليك قول كم مره؟
نزل نظره للأرض مايقدر يواجه أبوه مهما زرع بقلبه الشجاعة
عبدالله: لو ماكنت ولدي كان لي تصرف ثاني معك ماهي هذي العلوم اللي ربيتك عليها
عادل بصوت واطي: آسف
حط يده على ذقن عادل ورفع راسه: أرفع راسك وقول بصوت عالي لاتنزل راسك غير لربك
رفع راسه وباس رأس أبوه:آسف يبه
عبدالله: حبت الكعببه ...
سبقه لفوق: ألحقني
كان طول الطريق يفكر كان ماعنده مانع كان مسهل الموضوع ليه اللحين يحس كل شيء صعب ليه يحس بخنقه وتأنيب ضمير ليه يحس كل ماحوله يمشي بطئ وبصعوبة
دخل ورى أبوه المكتب وقفل الباب وجلس قدامه على الكرسي
عبدالله: أنا أسترشتك قبل وماغصبتك صح
عادل: صح
عبدالله: أجل وشله داعي هالحركات ... ليه بنت عمتك تسوي فيها كذا هذي وهيا بنت عمتك
نزل نظره وقال: آسف
عبدالله بحده: أنا ويش قلت؟
رفع راسه وقال بصوت عالي: آسف يبه
حط يده على جبهته وتنهد وقال: روح أعتذر من عمتك وبنت عمتك
ناظره بصدمه: عمتي إيه بس بنتها مستحيل
أعطاه نظره: وليه إن شاء الله؟
عادل بثقه: ماأخطأت بحقها عشان أعتذر لها هيا كان لسانها طويل
رفع حاجب عبدالله وقال: ايش قالت؟
تنهد: يبه اللي صار صار وكان بيننا وراح يضل بيننا
عبدالله : قوم قوم أعتذر لعمتك ولها
عادل بعناد: يبه لها ما راح أعتذر
أبتسم عبدالله : مافي عشان خاطري
رد له الإبتسامه: تأمر آمر بس آخر مره يبه
عبدالله: روح الله يرضى عليك
وقف عادل وباس راسه أبوه: تأمر على شيء يبه
عبدالله: سلامتك
لف طالع: الله يسلمك


*******************************************

اليوم الثاني
الساعه 7:30am
جالسه تناظر بملل حولها وتتأمله زين وتتذكر اللي صار
راحت نظفت البيت ورتبته ورتبت أغراض ناصر بعد إصرار منها وآخرتها رجعت ثاني هنا
من طلعت أمها من المستشفى وهيا ماجلست معه مثل قبل بس كله كلمتين وبس تنهدت وحطت يدها على قلبها خايفه ما تدري ليه خايفه من هالسفره من الشغله اللي راح تخليه يغيب لحد محد يعرف كم
غمضت عيونه وأخذت نفس أكثر من مره
جلست بعد ماتذكرت اليوم لازم تطلع وتكمل الأشياء الأخير لزواج مغاني غير الحناء اللي أتفقوا مع بعض بيوم واحد يحطوها

*******************************

في بيت أبو فهد
صحت بدري وهيا تتأمل السقف وشوي تذكرت ما باقي شيء خلاص بكرى حيكون الزواج رفعت يدها وناظرت النقش تمنت تسويها معهم بس الحرمه اللي سوتها قالت ما تقدر تسوي للعروسه وناس معها بنفس الوقت عشان كذا انفصلو وهيا ظلت لوحدها وبعد زن وافقت ومعها خواتها بس كمشاركه وجدانيه لهم
وقفت ودخلت الحمام ( أكرمكم الله )
غسلت وجهها وفرشت أسنانها ناظرت وجهها زين وخرجت وبدلت ملابسها ونزلت تحت
ابتسمت وهيا تسمع صوت أبوها وأمها يسولفون
دخلت وردت السلام وقالت: مسموح أجي ولا في موضوع خاص
ابتسمو وقال أبو فهد: هلا بشيخة البنات هلاببنتي تعالي جمبي
باست راس أمها وأبوها وجلست جمب أبوها : صباح الخير
أمها وأبوها: صباح النور
أبوها: مين قدك بكرى زواجك
نزلت نظرها للأرض بخجل
أم فهد: بس يابو فهد أحرجت البنت
مسح على راسها وقال: بنتي صايره دلوعه
مسك يدها وشاف الحناء ( النقش ) باس يدها وقال: الحناء على يدك مره حلو
ألماس اللي جات على آخر شيء مدت يدها وقالت بغيره: حتى أنا بابا شوف نقشي
ضحكو الكل
جلست وحطت رجل على رجل: إيه مو الدلع كله لمغاني لو كان زواجي كان دلعتوني
رفعت يدها: يالله يارب ترزقني بزوج طيب وحنون ورمنسي قريب
أبوها بصدمه: لعن أبو ابليسك لاحشيمه ولااحترام وأنا عندك
ألماس: عادي دادي
أبوها عصب ومسك النعال( والجميع بكرامه): قومي لاأحذفك بهذا قومي
قامت بسرعه وهيا تركض ومغاني وأم فهد فاقعين ضحك عليها

**********************************

أول ما سمع إنه رجع لا أهله حس بفرحه كبيره مهما كان اللي سواه غلط والمفروض يواجههم مو يهرب الهرب مو حل أبد
رد له ذكرى الحلم هذاك اليوم معقوله الحلم كان دال على اللي بيصير في ملكة عادل سكت شوي وقال بداخله: بس ليه أنا شفت فجر وليه تخيلت شكلها كذا؟
تساؤلات كثير كانت تدور بداخله مالقى لها حل
غمض عيونه وفجأه فتحها بصدمه وهو يقول : نفسها ...
قطع عليه صوت أخته الصغيره رنا: ريم ولدت
صغر عيونه وقال: هههه إلعبي على غيري لسى بالشهر السابع هي
رنا: والله حتى ماما وبابا ورغد بيرحون لها بالمستشفى وسلمان راح من قبل
خالد قبضه قلبه ووقف: رنا لو كنت تكذبين علي ماراح يحصلك خير
رنا ناظرته بعصبيه: قلت لك والله ماأكذب أنقلع عني
أخذ جواله وطلع برى الغرفه نازل تحت وشاف أمه وأبوه جالسين وأمه بعبايتها
خالد: صدق ريم ولدت
أم سلمان: إيه يايمه أنا بروح مع أبوك ورنا وأنت جيب رغد معك
أشر براسه بطيب وهو مصدوم إيش اللي خلاها تولد بدري كذا

**********************************

في مكان ثاني كانوا فهد وكنان وفارس وديالا ومادلين يتأكدوا من القاعة وكل شيء ضابط
وترف وألماس وميرا وأم فهد راحوا بيت مغاني وفارس عشان يرتبوا أغراضها ويضبطوها ويتأكدوا من كل شيء تمام
وبنفس الوقت كانوا فهد وكنان محرصين يتأكدوا إنوا المفاجئه اللي بيسوها راح تصير على أكمل وجهه وأنو مافي أي خلل حيصير

في قسم النساء:
مادلين وهي تناظر الكوشه بإعجاب: ماشاء الله الكوشه مره روعه
ديالا: والله ماقصر خويي فارس الصراحه
الكوشة
اضغط على الصورة لرؤيتها بحجمها الطبيعي
ديالا طلعت من الدرج: أمشي نشوف غرفة العروسة

***************************************

الساعة 2:47pm
كانت عارفه أنه اليوم راح يرجع وبهذا الوقت بالتحديد ناظرت الساعه أكثر من مره وهيا تهز رجولها بتوتر
وقفت بعد ماكانت جالسه على السرير وصارت تمشي رايحه راجعه وهيا بغرفته رجعت جلست وتمددت على السرير وهيا تتذكر على السريع اللي صار أمس لازم تعرف ايش صاير بينهم لحتى مرح تزعل مرح المعروف عنها مهما حاولت تمثل انها زعلت تنفضح على طول لأنها ما تزعل ولا تحقد على أحد وأكيد اللي صار شيء كبير كبير جدا لحتى مرح تزعل كذا
جلست بعد ما سمعت الباب ينفتح وأول ما دخل وقفت وسحبت منه الشنطه وهو إنفجع وقال : بسم الله الرحمن الرحيم
حطت الشنطة عند الدولاب ومسكته من يده وسحبته داخل وسكرت الباب : وش صار بينك وبين مرح
عقد حواجبه: الناس تسلم وتقول الحمدلله على السلامه مو تهب بوجهه الشخص كذا
دخل وجلس على السرير وتمدد عليه: أطلعي برى
جلست على الكرسي قدامه: سالم صدق لا تمزح معي ايش صار بينك وبين مرح ... مرح مستحيل تزعل من شخص إلا إذا أخطأ خطأ كبير
لف على اليمين وناظرها بحده لدرجة خافت ورجعت على ورى: إطلعي برى سامعه إيش قلت ... تعرفين ماأحب أعيد كلامي
وقفت ليان وناظرته بنظره: على العموم البنت ما تعرفك أبد
ولفت خارجه
توسعت عيونه بصدمه ووقف وسحب يدها ولفها عليه: إيييييييييييييييش؟


********************************

واقف يتحرك يمين يسار ومعاه أبوه
أمه جالسه على الكراسي ورنا نايمه بحضنها ورغد متكيه على كتفها
وسلمان متكي على الجدار براسه ورافع رجله
وزوجها واقف بالجهه الثانية متكتف
صار لها فتره داخله ومايدري ليه حاس بقلق
تقدم بسرعة أول ما شاف الدكتورة تطلع
والكل وقف معه
أبو سلمان: ها دكتورة بشرينا
الدكتور: الحمدلله المدام والبيبي كويسين وجابت بنت زي القمر
امتلت وجوهم بالفرح والحمد والشكر لله
أم سلمان: نقدر نشوفها
الدكتوره: طبعا يامدام بس ننقلها لغرفتها

*******************************

كانوا الكل مجتمع في بيت أبو ناصر ومجهزين كل شيء عشان الحناء
وكان كلهم لابسين تيشيرت وبرمودا لنص الساق مع اختلاف الألوان وأول ما بدت فرح لأنها كانت لازم تخلص بدري
عشان تمسحه وتبدأ أخر التعديلات ونقل الأشياء مع ناصر لأنو بكرى حيكون سفره ومع الزواج مايمديها تسووي شيء
وسديم وديالا كانو فوق راسها
أما الباقي يناظروا الكتالوج يختاروا نقشه
سيرين: أنا شفت بالآنستا نقش أحلى من كذا
سديم ناظرت فرح: فروووح النقش اللي اخترتيه من وين
فرح: هذي من صحبتي هيا اللي اختارت لي
نسيم: طيب ما عرفتِ منها من وين جابتها: ماسألتها والله بس أذكر شفت بالآنستا كذا نقشات حلوه دوروا
صرخت مرح بعد ما قلبت بجوالها : الله بنات شوفوا النقش مره واووو
أخذت ميسم الجوال وناظرت بتعجب: خوقاااااقي قسسسسم
فجر قربت من ميسم تناظر معها وشوي مدت يدها ورجعت الشاشه لفوق وقالت وهيا تأشر عليها: هذي أبيها حجزتها
وقفت ميرا: بروح أدور وأرجع لكم ثاني

*************************

من الجهه الثانيه كان يناظرها بصدمه وشوي جلس على الأرض يستوعب اللي سمعه
ناظرها وقال: وحتجي هنا
ناظرته ورفعت حاجبه: ما راح أقولك وحتى إذا جات يا سالم أترك البنت بحالها خلاص كافي أعتقد اللي صار كفايه
ناظرها بحقد: أنتي حتى ما تعرفي حتى إيش صار فلا تتكلمي
عصبت وصرخت بوجهه: واللي قالته لي لانا .... لانا تقول الموضوع كبير بس ما تقدر تقوله ... ومرح اللي معروف ما تكره أحد إلا إذا سوالها شيء كبير كرهتك .... ورفضها إنها تجي لهنا من قبل ما تطيح ويصير اللي صار لها
سكتت شوي وهدأ صوتها وبعتب: خاف الله في البنت ما في أطيب من قلبها تمنيت بس أعرف القصة منك بس والله يا سالم لو أسمع أنك مسوي لها شيء ثاني لكل اللي أعرفه بيوصل لأمي وأبوي سامع
كانت مستعده إنها تشوف شيء ثاني من سالم حتى لو كانت أخته الكبيرة سالم من النوع اللي ما يحب أحد يهين كرامته وياويل اللي يهينها بس تفاجأت إنه نفس مكانه نفس صدمته نفس كل شيء وما قال شيء وهذا خلا الفضول يزيد عندها حتى تعرف إيش اللي صار بالضبط " معقوله مثل ما قالت لين إنها جاسوسه "
نفضت الأفكار من راسها وهي تقول بداخلها : مستحيل تسويها مرح

***************************

كانوا واقفين ينتظروها تفوق وهو كان متحمس يشوف الطفل وخصوصا لما عرف إنها بنت وشوي قال : بروح أشوفها في أحد بيجي معي
ناظروه كلهم وسكوت دام لحظات وبالأخير جو رغد ورنا معه
أول ما وصلوا وكلم خالد الممرضة وقفوا ينتظروها لين قدمتها الممرضة من ورى الشباك رغد صرخت: ياااااااي تجنن ما شاء الله عليها
رنا بتساؤل: ليه صغيره كذا ولونها أحمر
خالد كان مندهش وهو يناظرها كان وده يلمسها يظمها شعور حلو انه يكون خال كيف لو كان أب تخيل أنه ولده من فجر ودمعت عينه
فقالت رغد اللي لاحظته: يا الله يا خالد خف علينا يا الحساس
طنشها ومارد عليها ومسح دمعه من عينه وظل بناظرها بتمعن وكأنه لا أول مره يشوف طفل
وبعد تمعن لساعات طوال وإلحاح رغد ورنا عشان يخلص ويرجعوا وبالنهاية رجعوا وتركوه لحاله وبعد ما استوعب انه له مده واقف بعد تنبيه الممرضه له قرر يروح بس يسألها بالأول
* راح تكون المحادثات بالإنجليزي وراح أترجمها مثل العادة عربية فصحة *
خالد: هل يمكن أن أخذ من وقتك القليل
التفتت له وابتسمت: بالطبع كيف لي أن أخدمك
ابتسم لها وأخذ نفس: أريد السؤال عن حالة الطفلة الصحية أعني ألن يشكل لها الأمر ضرر في صحتها بسبب خروجها المبكر
الممرضة: يختلف هذا على حسب حالة الطفل ولكن الطفلة في حالة جيده وفي الغالب فأن الأطفال الذين يولدون في السابع يمكن أن يعيشوا بصحة جيده بنسبه كبيره فلا تقلق
زادت ابتسامته وقال بفرح: شكرا لك
الممرضة: العفو هذا عملي

*****************************************

فجر قررت تسامح عادل لكن من قلبها كانت مبيته النيه انها تستغله عشان تكمل دراستها وتكرهه باليوم اللي فكر يسوي هالحركه معها
الساعة pm10:00
ناظرت يدها بعد ما شالت الحناء منها وسمعت إنو نايف جاي بعد احتارت إيش تلبس وإيش تسوي كانت مقرره إنها بها الوقت تروح بيتها وتكمل آخر الأشياء وتضبط أغراض الزواج
فتحت الدولاب وهيا تلقي فيه نظره لين استسلمت وطلعت لها جينز أسود وبلوزه لنص الفخذ زرقاء وأطرافه من الرقبه والذراع وتحت أسود وعليها بالنص بسه بالأبيض والأسود
ورجعت ناظرت شعرها اللي إحتارت ايش تسوي فيه سرحته وحطت عليه طوق أسود ساده كرمت وجهها وحطت قلوس واكتفت بها الشئ وقررت تشوف فجر ومرح إيش صار معهم
لبست عبايتها والطرحة احتياط لو عادل فيه وطلعت وعلى طول دخلت غرفة فجر
فجر ناظرتها بفجه: أعوذ بالله هذي فتحه
أخذت نفس: قلت ادخل بسرعة قبل يطلع عادل
كشرت: لا تذكريني بالله في اسمه مابي اسمعه
ضحكت: هههههههه بدري يا حلوه كيف لو سافرتم وعشتم بشقه وحده
ناظرتها وبفرح : هههاي مين قالك أنا بشقه وهو بشقه
فرح: اللحين أنتو متزوجين ومبيته النيه من ذحين
فجر وهيا تلم شعرها بوني تيل: عشان يعرف هو مين تزوج
جلست على السرير: خفي علينا يقال هو حافي وراك وحالف لا يتزوجك
جلست جمبها بعد ماتأكدت من شكلها وقالت: اسكتي بالله ماني طايقه أسمع سيرته
ضحكت وقالت: هههههه طيب طيب هالحين خلصتِ
فجر رجعت وقفت وناظرت نفسها بالمرايه: ايوه خلصت ليه مو حلو
وقفت فرح وهيا تناظر شكلها جينز أزرق وبلوزه لنص الفخذ بيضه وفيها رسومات صغيره مثلجات وقوس مطر ومن الأكتاف مفتوحة : والله قمر بس كنت بسألك عشان نروح للدوبه مرح ونشوف الأخ المُنتظر متى يجي
مسكتها من يدها وسحبتها: أمشي متحمسة أشوف ويش راح تلبس يا خوفي تسوي اللي ببالي

********************************

في بيت أبو فهد
كانو مجتمعين مع بعض وهيا بالنص بين ميرا وألماس وميرا حاضنه يدها ومتكيه عليها
أبو فهد اللي يئس منهم من أول كل ما قال خلاص شوي ويتركوها ما يتركوها فقال: خلاص يا بابا خلوها تنام وأنتم قوموا ناموا بكرى وراكم شغل طويل
ميرا رصت على يدها: لا بابا ما شبعت منها
ألماس رفعت حاجب: هيا حلاوه ما شبعتي منها أقول خلها تنام لا تصدق نفسها بعد ... وبعدين تتكلمي كأنها بتغيب للأبد
مغاني ابتسمت: ياخي انتي ايش حارق رزك بعدين أنا بعد بجلس معها وترف ذي اللي أختفت فجأه
وقفت ألماس: أصلا من زمان وأنا شاكه فيها خلني أروح وأشوف إيش سالفتها بس جالسه بالغرفة
وقفت مغاني وباست راس أمها وأبوها: أستأذنكم بروح أنام لازم أقوم بدري
شهقت وقالت: يوووووووووه نسييييييت لازم أقوم أذاكر للأختبار باقي كم أسبوع
باست راس أمها وأبوهم: بخاطركم عاد قدرات ما فيها مزح
كل هالوقت كانوا يناظروهم بشك وشوي قال كنان: حشى مره وحده راحوا أكيد وراهم بلى
فقالت أم فهد: وإن ماخاب ظني رايحين لترف عسى يغيروا نفسيتها شوي
أبو فهد ناظرها وبقلق: علامها بنتك
أم فهد: الظاهر عشان مغاني بس زين راحوا لها يمكن يعرفون منها
كنان حط رجل فوق رجل ويده تحت خده: يوووووه يادلع البنات لازم يسووون أفلام

من الجهه الثانية فوق بغرفة ترف
دخلت وشافت ألماس جالسه قدام ترف على السرير وتحاول تقنع فيها وترف تدفها وتصارخ: إنقلعي برىىىى
إبتسمت وراحت جلست على يمينها : أووووو إيش معصب الأخت
ترف أشاحت بوجهها لجهة اليسار: ما فيني شيء ترى تتخيلوا وبعدين خلوني أنام
جتها ميرا من الجهه الثانيه وقالت: وشفيك
عصبت ونظرها ينتقل بين كل وحده فيهم: والله حرام عليكم الواحد حتى ما يأخذ راحته في غرفته
ميرا جلست على السرير ومغاني قالت: روفتي يلا بلا دلع قولي وش فيك
سكوووووت
ألماس قالت بعناد: مو متحركه لما أعرف السالفه
مغاني: وأنا
ميرا: وأنا
سكووووت دام عشر دقائق خلالها يئست ترف ودفنت نفسها تحت البطانية
مغاني وهيا متكية براسها على ظهر السرير: بنات مو مصدقه خلاص بكرى راح أتزوج وأروح عنكم
لفت ميرا راسها للجهه الثانيه بحيث محد يشوف وجهها وألماس نزلت راسها وشوي كل وحده ناظرت للمكان أول ماسمعوا شهقاتها
مغاني مدت يدها وسحبت البطانيه وهيا تقول: بطلي استعباط وقولي وش فيك؟
ألماس: ترف تكفييين قولي وعد أسويلك اللي تبي
ميرا: يلا ترف بلا عباطه
جلست ترف وحضنت مغاني بقوه وهيا تبكي وتشاهق وكل وحده بلمت
ألماس: لاااايكون...
ابتسمت مغاني وكبحت نفسها لاتبكي حضنتها وهيا تقول: لاتبكي ياقلبي والله بجيكم محسسيني أني بموت ولا بسافر عنكم سنوات
ترف كانت ساكته إلا من شهقاتها


****************************

كانت جالسه على سريرها وتقرأ كتاب وسيرين اللي كانت على الجوال شهقت وناظرت سديم اللي خافت وقالت: ايش في ؟ ايش صاير ؟
سيرين ردت ناظرت جوالها ورجعت ناظرت سديم: ديالا انخطبت الخاينه ولا قالت لنا
هنا توسعت عيون سديم بصدمه ماكانت تبغى مازن يعرف فقالت وهيا توقف: فين قرأت ذا الكلام
سيرين اللي استغربت حركات سديم: من شوي قالت لي نسيم وقالت ان شوي ونعرف من ماما
سديم اللي حست كأن مويه انكتت عليها: ماما تعرف
انصدمت سيرين وخافت من اسلوبها فقالت: ايه ايش فيك ؟
خرجت بسرعه سديم وهيا تركض وسيرين وراها بس لافات الفوت ماينفع الصوت
وقفت سديم بنص الدرج وهيا تشوف مازن طالع ومنزل راسه
نزلت بسرعه وراحت الصاله وقالت بسرعه: ماما دريتي عن خطبت ديالا
ام ناصر ناظرتها: ايه يايمه دوبي اكلم ابوك عنها
وقفت مصدومه وبداخلها تقول // لا مستحيل يعني مازن درى //
لفت وجريت راجعه فوق تحت نظرات الاستغراب من سيرين الا وقفت مصدومه
دخلت سديم غرفته حتى من غير ماتستأذن وهو ناظرها بصدمه رفع حاجب: من متى ندخل غرف الناس ومانستأذن؟
بلعت ريقها سديم وقالت: انت سمعت ماما مو
تنهد وحط يده على جبهته بعدين ناظرها: اذا تفكريني بحزن عشانها انخطبت فلا أنا صح أحبها بس مافي نصيب بيننا والله يوفقها اذا انخطبت ماراح أوقف نصيبها
// يوووه يامازن ياطيبة قلبك والله // هذا اللي كانت تقوله بداخلها ابتسمت له وسكرت الباب وقربت من عنده: قول الصدق وماراح اخبر احد صدقني
نزل نظره تحت بعدين ضحك: ههههههههه دايم انتي تكشفيني ..... ( سكت شوي وكمل ) حزنان شوي بس هذا إرادة رب العالمين وبعدين الحياه ماراح توقف هنا وراح اقدر أتجاوزها ان شاء الله
ناظرته بنظرت شك وقالت: علينا.
ابتسم واخذ نفس: صدقيني بحزن شوي وبعدين بنساها لاتشيلي هم

**********************

نزلوا نظرهم للأرض أول ما دخلت وكأنهم يقولوا حنا مالنا دخل وشوي ناظرها باإستغراب وناظر فرح وفجر وقال: والله لوني خويتك ما طلعتي لي كذا طالعه ببجامة آخرها تطلعين لي ببجامة
تربعت على الكنب وقالت: لا ياشيخ ما كأنك حفظتني بجميع أشكالي أقول اخلص تبي مني شيء أبي أكمل الفلم
توسعت عيون فرح وفجر من الصدمة ونايف ابتسم وقال بفقدان أمل: أنتي مرح وما راح تتغيري أنقلعي مابيكِ وماراح أقولك ويش صار
ابتسمت وأعطته نظره بريئة : أمزح والله يازينك بس قول
ابتسم وباإستقصاد: لا خلاص مو ما تبي تسمعي
وقفت وباسته من خده: فديت أخوي يلا قوووول
ناظر فرح وفجر اللي مصدومين أنه مره مشكله ميانه معاها خلال هالفتره القليله وقال وهو يأشر عليهم: على حسب كلمي الأميرتين اللي جالسين هناك
ضربت الأرض برجلها بغضب: يوووووووووه أف منك نيوووووووف لا تذلني
ابتسم مجاكره لها: ولعانه بزيد
ناظرته بغيض ومدت لسانها له



انتهى البارت


توقعاتكم

- خالد ايش سر كلمته " هيا نفسها " ؟ وإيش راح تكون ردت فعله
- سالم بعد ماعرف إن مرح ماتعرفه ولا تتذكر اللي سواه إيش راح يسوي؟ وهل راح يستغل هذا لصالحه؟
- ليان هل راح تنفذ تهديدها ؟ ولا تهديدها بس كلام عشان ما يسوي شئ ؟
- ايش الموضوع اللي كان نايف بيتكلم فيه؟








--







🌿

صافي 29 ©؛°¨غرامي مشارك¨°؛©

اول اشي يسعد هل مسا الجمييييل وجمعه مبااااركه ويسعد كاااتبتناااا تروحي وتوجعي بسلااامه ياعسل
ويسعد يالي نقلت النا البااارت الْيَوْمَ كان راااائع❤❤🌹🌹
- خالد ايش سر كلمته " هيا نفسها " ؟ وإيش راح تكون ردت فعله
ممكن يحكي مع اختو ويحكيلها عن فجر
- سالم بعد ماعرف إن مرح ماتعرفه ولا تتذكر اللي سواه إيش راح يسوي؟ وهل راح يستغل هذا لصالحه؟
ما اعتقد
- ليان هل راح تنفذ تهديدها ؟ ولا تهديدها بس كلام عشان ما يسوي شئ ؟
يمكن يكوون كلام
- ايش الموضوع اللي كان نايف بيتكلم فيه؟
ممممم. اشي صار مع أهل خطيبتو

وننتظرك يااااعسل

صافي 29 ©؛°¨غرامي مشارك¨°؛©

اول مره أكون اول تعلييييق يييس

اسيرة الهدوء ©؛°¨غرامي متألق ¨°؛©

السلام عليكم
البارت يجنن
سالم وش بيسوي بعد كذا
يعطيك العافية

إلــــيــــنــــا ~ طير الغربة ~

المشاركة الأساسية كتبها صافي 29 اقتباس :
اول اشي يسعد هل مسا الجمييييل وجمعه مبااااركه ويسعد كاااتبتناااا تروحي وتوجعي بسلااامه ياعسل
ويسعد يالي نقلت النا البااارت الْيَوْمَ كان راااائعâ‌¤â‌¤ï؟½ï؟½ï؟½ï؟½
- خالد ايش سر كلمته " هيا نفسها " ؟ وإيش راح تكون ردت فعله
ممكن يحكي مع اختو ويحكيلها عن فجر
- سالم بعد ماعرف إن مرح ماتعرفه ولا تتذكر اللي سواه إيش راح يسوي؟ وهل راح يستغل هذا لصالحه؟
ما اعتقد
- ليان هل راح تنفذ تهديدها ؟ ولا تهديدها بس كلام عشان ما يسوي شئ ؟
يمكن يكوون كلام
- ايش الموضوع اللي كان نايف بيتكلم فيه؟
ممممم. اشي صار مع أهل خطيبتو

وننتظرك يااااعسل
المشاركة الأساسية كتبها صافي 29 اقتباس :
اول مره أكون اول تعلييييق يييس

هههههههههه دووم يارب تكوني أول تعليق

ويسعد صباحك ياقلبي
علينا وعليك
الله يسلمك ويسعد وتين الغاليه ماانحرم منها يارب بدونها كان البارت قدرت انزله الآن
عيونك الروعه تسلمي
اثنين صح واثنين خطأ بالتوفيق المره الجايه اكثر
ان شاء الثلاثاء اكون فيه وانزله او اقدر ادخل وانزل
شكرا على مرورك الرائع اللي أسعدني وتعليقك شرف لي
المشاركة الأساسية كتبها اسيرة الهدوء اقتباس :
السلام عليكم
البارت يجنن
سالم وش بيسوي بعد كذا
يعطيك العافية
وعليكم السلام ورحمة الله وبركاته
تسلمي من ذوقك يالغلا
الله أعلم أنتي خمني
الله يعافيك
أسعدني تواجدك








مايزرع داخل أنفسنا ينبت على ملامحنا...
لصراحتكم

وتين الحياة ıllıllı❤ أُنثى الإبتسامة ❤ıllıllı

بصمتي










احم احم انا جييييييت .. رحبوا فيني يالله .. وين الزلاغيط 😳😳😳😳 هههههههههههههههه امزح امزح
اولاً السلام عليكم ورحمة الله وبركاته
يشرفني بجد يا حبيبتي يا قلبي يا توأمتي بقايا إني انضم لشلة المتابعين المتميزين لروايتك .. وبصراحة بصراحة هذي الرواية الوحيدة اللي ندمانة بقوة ليه ما قرأتها من البداية😕 بس حظي النحس ما خلاني اطب فيها الا الآن..😫😫
روايتك بكل فخر وصراحة تجننننننننننن 😱😱😱😱 وه الا تجنن قليلة عليها .. ليه ما اجبرتيني اقرأها من قبل ..😵 بصراحة ندمانة والله ...
المهم صديقتي انا منجد منجد فخوووووورة فيكِ وبقوة بعد 💪💪💪 وه فديتك والله منجد فكرررررتك حلوة وجديدة والتوقعات دوم تطلع معي خاطئة لكذا ما بتوقع مرة ثانية .. بس والله روايتك ابدااااااااااااع وشرف لي اني قرأتها .. واتمنى تقبليني من متابعينها وان شاء الله روايتك القادمة انا اول المتابعين ..😳😌😌
هذي هي مفاجأتي كنت حابة اكون من متابعينك و اسفة تأخرت مررررة بس انتي اعلم بظروفي اللي مريت فيها .. فرحانة بقوة بقرائتي لها والله عنجد تمنيت اني ختمتها قبل بس والله ظروفي وانصدمت يوم طلبتي اني انا انزل البارت بصراحة كنت بعترف وقتها بس تحاملت وصبرت للنهاية لين اخلص قراءتها .. رفيقتي الاسبوع الجاي يوم الاربعاء ببدأ اختبارات الفاينل وتدرين بدون زعل ادري بتزعلين بس ما عليك مني قدها ان شاء الله وقدود بس ما فتحت كتاب للآن من حماسي وابي اخلص الرواية .😘😘😘
حماسي للبارت القادم مليووووووون بالمية ☺
حبيت اكثر شي شخصية نايف .. ناصر كرهت فيه طيبته زيادة عن اللزوم يعني كمان هو له حق لنفسه مو دايم لازم نضحي .. فرح كانت عاجبتني بالبداية بس حسيت شخصيتها شوي انلغت بعد ما تزوجت .. فجوووور 😭💔 يا قلبي عليها توقعتك تعكسي الامور ويوم الملكة بس يشوف خالد اسمها يعترف لناصر وتتبدل الامور بس كعادتك فاجئتيني .. خالد الابو اكرهه بقوووووة احد يسوي كذا حسبي الله ونعم الوكيل .. ديالا ادري كانت تتصرف بالبداية غلط بس عجبني ما خربت بينهم وخلته يشك بزوجته الله يهديها ويوفقها بزواجها .. مازن كسر خاطري بس ان شاء الله ربي بيعوضه وبياخذ اختها .. شعاع اتمنى تلاقي زوج يسعدها .. مايا الهبولة ربي يرزقها زوج نفسي اشوفها تحب هههههههههههههههه سالم حراااااام حزني صراحة وووو كل الشخصيات الباقية حلوة تعبت وانا اكتب مثل ما تعبتي وانتي تقرأين وش كتبت 😇
واخر شي بقولك اسفة اسفة اسفة لاني ما قرأتها من البداية وهذي غلطتي وحظي النحس مثل ما قلت ... اقبليني توأمتي من المتابعين حقونك 😘😘😘😘😘😘😘

و احبببببببگ وبس الله لا يحرمني منك

وشكراً 💞😚😌😳😳😘😘😘😘







🌿

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1