اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 201
قديم(ـة) 19-04-2017, 07:46 PM
صورة سكوبي الرمزية
سكوبي سكوبي غير متصل
©؛°¨غرامي جديد¨°؛©
 
الافتراضي رد: رواية لون شعري دمرلي حياتي ..!؟


يمه نويصر وش بتسوي في الولد حرام عليك
قلبي الصغير لا يتحمل
رنيم تقصد واحد حبته جنان وهو كذاب بس يبي ينصب عليها ويقهر ابوها لأن اكيد فهد خسر شركة ابوه وكذا انتقام واكشن وحركات
منى بنت فقيره مسالمه بس مزه صدقيني وبندر راح يشوفها لمحه ويخق ويسنتر بالشركه ويتزوجون بعد عناء
عناد راح يكون الاب الصالح اذا قدر يمسك نفسه من العصبيه
وناصر شوفي ي ان هناك في دكتور وكذا امين وسري او ان ناصر بيخلي راكان هناك ينقاله تعب من مشاكله
اوف مها م حست ع راكان قطع قلبي يختي
وكمان ناصر جرح مشاعري يوم تكلم عن راكان انه يجيب المشاكل
هففف يالله صبرني لسبت
رنيم مو قلت لك بكرها بعد ذا البارت
وليد يمه منك ي الثقيل وينك فيه بس عن اخوك يالفالح <خلاص خليتهم اخوان 😂😂
شهد راح تقول لمها كل شي ومها بتتصل براكان وتحس بتأنيب الضمير ولا يخلو الحديث من الدموع طبعاً
بس راكان مارح يرد عليها اتوقع انه بيحس ان عمه يبي يبعده عنهم وبيقول بنفسه ان هذا الحل الافضل وماراح يسبب لهم مشاكل


ودمتي بخير





لحظه لحظه تخيلت شي
ان الحاره هي الحاره الي تعذب فيها راكان يعني مكان المقر الي قتل فيه صقر
او انه مكان اخوه التوأم
او انه بيت امه ي كيوتي بس بحب ناصر اذا كان بيت ام راكان ولا اخوه


ننتظر البارت الجاي ي مزه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 202
قديم(ـة) 19-04-2017, 08:17 PM
صورة روزي ال الرمزية
روزي ال روزي ال غير متصل
©؛°¨غرامي مشارك¨°؛©
 
الافتراضي رد: رواية لون شعري دمرلي حياتي ..!؟


قبل لا ارد على ردودكم بقلكم شيء
انا كتبت بارت طوووويل
بس حسيت انه يعني مافيه احداث كثيره يعني طويل ومافي اشياء مهمه
فقررت انزل جزئيه بسيطه دسمه اليوم
بعطيكم نص ساعه كذا وبشوف ردودكم اذا موافقين
ولا نزلت بارت كامل يوم السبت وبس
المهم تبون جزئيه الحين.. ويوم السبت بارت
ولا تبون بارت كامل يوم السبت وبس
الاختيار لكم



دمتم بود


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 203
قديم(ـة) 19-04-2017, 08:39 PM
صافي 29 صافي 29 غير متصل
©؛°¨غرامي جديد¨°؛©
 
الافتراضي رد: رواية لون شعري دمرلي حياتي ..!؟


اقتباس:
المشاركة الأساسية كتبها روزي ال مشاهدة المشاركة
قبل لا ارد على ردودكم بقلكم شيء
انا كتبت بارت طوووويل
بس حسيت انه يعني مافيه احداث كثيره يعني طويل ومافي اشياء مهمه
فقررت انزل جزئيه بسيطه دسمه اليوم
بعطيكم نص ساعه كذا وبشوف ردودكم اذا موافقين
ولا نزلت بارت كامل يوم السبت وبس
المهم تبون جزئيه الحين.. ويوم السبت بارت
ولا تبون بارت كامل يوم السبت وبس
الاختيار لكم



دمتم بود




نزلي اليوم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 204
قديم(ـة) 19-04-2017, 10:45 PM
صورة روزي ال الرمزية
روزي ال روزي ال غير متصل
©؛°¨غرامي مشارك¨°؛©
 
الافتراضي رد: رواية لون شعري دمرلي حياتي ..!؟


تكملة البارت الثالث عشر
راكان ناظر للحي حوله وللعيال الي يلعبون بالشوارع: عمي هنا مافي مستشفى لعلاج المخدرات
ناصر ببرود: ومن قال اني رح اوديك مستشفى
راكان ناظر عمه الي يتكلم ببرود: يعني؟
ناصر: ما رح اخاطر باسم عايلتنا عشانك ... سمعت ان هنا واحد يساعد عيال الناس الاغنياء بتستر من غير لا يسأل عن هوياتهم ولا عن أي شيء يخصهم
راكان بهدوء : اها
ناصر: نزلنا
نزل راكان من السياره واتجه جهة عمه عشان يمشي معه
ناصر: شفيك تعرج
راكان بهدوء : ما في شيء
ناصر رفع حاجب : راكان !!
راكان حط عينه بعيون عمه : مشكور يا عمي على كل الي سويته وكل الي تحملته بسببي ... ما ابي اشغلك اكثر
ناصر حن قلبه كان يبي يقسى عليه عشان يعلمه درس مو كل مشكله يدخل فيها يقولها عادي ويستنى الحل من الغير حط يده على كتفه: راكان ابني ... والله يا راكان كل الي اسويه عشان مصلحتك صدقني ....وبكل صدق: كلام الناس ما يهمني ..كثر ما يهمني انك تطلع سليم منها ... راكان انا اسوي كل ذا عشان جدك لا يعرف بالموضوع ... عارف جدك لو شاف زله عليك ما رح يمشي الموضوع ...وابوك من جهه ثانيه ما رح يصدق انه مالك يد بالموضوع ... راكان يمكن لو بندر الي صارله كذا يمكن ما كنت صدقته ... راكان انت وضعك غير بعيدا عن الناس الي تدور زلات عايلتنا ... انت نفس العايله تدور زلاتك
راكان غمض عيونه ورجع فتحها بهدوء: ادري يا عم وموماخذ بخاطري عليك .. وادري كل الي تسويه عشان مصلحتي
ناصر وعينه ما نشالت عن راكان ... ما يدري الي قاعد يسويه صح او خطا ... وما يدري ان كان صدق ذا الرجال رح يساعده او لا .. سمع عنه ... من صديق ثقه : الله يحفظك يا ولدي
ابتسم راكان بتثاقل يحاول يخفف عن عمه : يا عم ... ما رح يصيرلي شيء تراني ذيب وكلها كم اسبوع وبرجعلك بالسلامه مافيني الا العافيه ناصر بابتسامه يخفي المه : ان شاء الله .... ما جاوبتني شفيها رجلك
راكان : جدي عاقبني اليوم
ناصر: ليه وش سويت؟
راكان حكاله الموضوع
ناصر بعصبيه: راكان لمتى رح تظل تتصرف بهمجيه وتدخل نفسك بمشاكل غيرك
راكان: وش تبيني اسوي اخليه يضرب البنات ... وبعدين يا عم انت اكثر واحد تعرف شهد وانها تتأثر بسرعه وتلاقيها الحين مقطعه نفسها صياح بغرفتها
ناصر: راكان بس ذا مو مبرر تقدر تقولي
ضحك راكان : ههههه يا عم والله ان عصبيتك ذيه كلها مو عشان جدي... يا عمي ريلاكس احس عادي يعني كله علاج ورح ارجع
تنهد ناصر: والله يا راكان خايف عليك... والحاره ذيه ما دخلت مزاجي
راكان : لا تخاف يا عم علي ... بس يا عم لا اوصيك على مها
ناصر : لا تخاف رح اوصلها لاهلها وما رح اروح لان اتطمن عليها
راكان: ممكن سؤال
ناصر: اسأل
راكان : ليه ما قلتلي انه عم مها هو العقيد سامي الي كان مسؤل عن قضيتي ؟؟
ناصر تنهد: مدري بس حسيت انه افضل شيء ما تعرف ... بس بالنهايه انت روحتله لبيته
راكان بشرود: يا عمي انا نسيت كل الي راح ... ومعد فيه شيء يذكرني بالماضي
ناصر: الحمدلله
راكان يناظر للحاره: وين البيت الي تتكلم عنه
ناصر يناظر لجواله ويفتح محادثة صديقه الي ارسله اللوكيشن فيها : البيت مفروض يكون قريب من هنا ... يالله مشينا
مشوا راكان وناصر على الاقدام بين الحارات ... لان وصلوا قدام مجموعة من البيوت الشعبيه شاف ناصر مجموعة من البنات الصغار تتراوح اعمارهم بين اربع الى سبع سنين نادا وحده منهن: بنت .. تعالي شوي
البنت جات تركض: نعم
ناصر : تعرفين بيت مروان احمد ؟
البنت تناظر لناصر وراكان الي واقف ويناظر لكل شيء حوله : انت الزبون صح ؟
راكان ناظرها برفعة حاجب
البنت : شفيك تناظرني كذا ... اصلن انت مفروض تنزل راسك للارض .. ترا ابوك ما جابك هنا الا لانه متفشل منك
ناصر بحده: بنت ... دلني على بيت مروان وتوكلي بيتكم
راكان نزل لمستوى البنت: انت وش عرفك بذيه المواضيع
البنت: لا مروان يكون ابوي
راكان: اها.. وانتي كم عمرك ؟
البنت بحماس : عمري سته .. وانا الحين ادرس باولى
راكان : طيب يا حلوه ... بس مثل ذا الكلام ما ينقال لاحد لازم تصيرين شطوره ومؤدبه
البنت باستغراب : ليش ؟ اصلن ابوي يقول كذا
راكان ابتسم لها : اممممم تخيلي لو انتي مثلا تسوينها بنفسك وانتي نايمه ... وجاء احد وقال لكل صاحباتك انك تبللين فراشك بتزعلين صح ؟
البنت هزت راسها ببراءة : رح ازعل منه وما رح اكلمه
راكان : بالضبط .. والي يجون عند عمك زي كذا ناس اشرار خلوهم زي كذا .. فحرام نتكلم عليهم لانهم حتى هم رح يزعلون ويتضايقون
البنت نزلت راسها بحزن : اسفه مقد فكرت كذا ... ورفعت راسها له : وانت ناس اشرار خلوك كذا
راكان بابتسامة ألم : ايوا
البنت : لا تخاف اخوي يقدر يضربهم ... اخوي مرا طيب
راكان حط يده على شعره وحركه بعشوائيه : زين بعدين اذا طلعت من عند ابوك رح اخلي اخوك يضرب الاشرار
البنت بطفوليه : خلاص اتفقنا
ناصر: والحين دلينا بيتكم
هزت راسها .. ومشت قدامهم وهم وراها وقفت قدام بيت شعبي جدرانه نصها مشقق وبابه الحديدي مصدي بس واضح انه لساته مقاوم للصدمات
البنت : هذا هو
راكان بابتسامه يمد لها توكس شراه وهو رايح يجيب مها بس بعدين حس ماله نفس ياكله: مشكوره حبيبتي ... الحين روحي كملي لعب مع صاحباتك
البنت بفرحه اخذت التوكس من راكان : عفووووا ... واتجهت للبنات عشان تلعب معاهم
ناصر ناظر للبيت ووهو متردد يفكر بينه وبين نفسه انه ياخذ راكان ويوديه أي مستشفى والي يصير يصير
راكان : شفيك يا عم ... خلاص وصلنا والموضوع مافيه رجعه
ناصر تنهد ومد يده عشان يدق الباب الي ما حوله جرس
انفتح الباب الحديدي وطلع من وراه رجال واضح انه بنهاية الاربعينات .. لابس ثوب مايل للصفار ... ومعلق شماغه على كتفه وشعره فيه شعرات بيض مختلطه بشعره الاسود الباين اطرافه من الطاقيه الي لابسها : تفضلوا اقلطوا
دخل ناصر وراكان لحوش صغير والغرف موزعه على طول الحوش من غير فاصل يفصل بين الغرف والحوش دخلهم لاحد الغرف... ما كان لها باب مافي الا ستاره معلقه زي الباب : هلا هلا تفضلوا
جلس راكان وناصر على الارض وعيونهم تجول بارجاء الغرفه
مروان جلس من غير لا يكلف على نفسه انه يضيفهم كاس مويه : انت الي جيت من طرف ابو منصور
ناصر وكل شيء بذا البيت موعاجبه: ايه انا
مروان ناظر لراكان من فوق لتحت وحس من مظهره انه انسان صايع .. ويمكن المخدرات من اقل الاشياء الي يسويها : وهذا هو الي تبيه يتعالج؟
ناصر شاد على قبضة يده ما عجبه الاسلوب الي تكلم فيه عن راكان بس مجبور كل ذا عشان يحمي راكان : ايه هو
مروان يوجهه سؤاله لراكان : متى اخر حبه اخذته
راكان اخيرا نطق من يوم ما جلسوا وهو ساكت : من امس الصباح يمكن على الساعه ثمان او سبع
مروان بذهول : مرت 24 ساعه وزياده ولساتك متحمل ؟!!
راكان : احس بصدع كل شوي يزيد بس يعني عادي ماشي وضعي
مروان يكلم ناصر : خلاص .. تقدر تعتمد ورح اخليه عندي .. وعلى وضعه ذا يمكن يتعالج بدري من اسبوع الى اسبوعين كذا
ناصر: ان شاء الله
مروان مسك بيد راكان ووقفه : من اليوم رح اكون مسؤل عنك لان تطلع من عندي
راكان رفع حاجب وناظرله
ناصر وقف معهم : كم تبي ؟
مروان : باليوم 1000 ريال بس
راكان : الف باليوم الواحد!!!
مروان: خل الكبار يتكلمون
ابتسم ناصر على ملامح راكان: خلاص اتفقنا
سكت راكان وهو موعاجبه > بخيل*_^
مروان: خذ منه جواله
ناصر عقد حواجبه : ليه؟
مروان : صدقني الجوال رح يعرقل موضوع علاجه ... ولا تجي لان يخلص علاجه لانه لو شاف احد من اهله يمكن كمان يأثر على علاجه ... لازم ينعزل عن العالم مدة علاجه كامله
ناصر ناظر راكان الي يراقبهم بصمت: وكيف اقدر اطمن عليه
مدله مروان ورقه مكتوب فيها رقم: ذا رقمي وبعطيك اخباره اول بأول
ناصر بهمس: ان شاء الله
راكان قرب لعمه وبابتسامه دافيه : لا تخاف يا عمي كل شيء رح يمشي بخير
ناصر ما قاوم وضم راكان لصدره وبصوت متهدرج: انتبه لنفسك يا ولدي... والله يحفظك ويردك لنا سالم
راكان اخذ نفس عميييق: ان شاء الله لا تاخذ هم يا عمي
تركه ناصر وهو يمد يده له يعني يعطيه الجوال
طلع راكان جواله واعطاه عمه... وابتسم لعمه وهو يودعه طلع ناصر وعقله جوارحه معلقه بالشخص الي تركه وراه
مروان : اتبعني
مشى راكان وراه وخرجوا من الغرفه الي كانوا فيها واتجه لغرفه قبالها بس ذيه غير لها باب حديدي واضح انه قوي ومتماسك فتح الغرفه بالمفتاح الي معه .. لف لراكان: من يوم ورايح رح تكون ذيه غرفتك
راكان ناظر للغرفه فااااضيه مافيها الا سرير اسفنجي حتى الاعمده حقه وباب صغير بطرف الغرفه شكله الحمام وفيه شباك واحد عليه قطبان حديديه مرتفع فوق : رح اجلس فيها طول العلاج؟
مروان : ايه رح يوصلك اكلك وشربك كل يوم بموعده ما رح تخرج من هنا لان تتعالج بالكامل
تنهد راكان: طيب .... دخل للغرفه وهو يناظر لارجائها
قفل مروان الباب الحديدي
مشى راكان للسرير ومدد رجوله زي العجايز ورفع بنطلونه وهو يتحسس مكان الضرب: اححححح والله مرا يعور ليتني جلست ... وخليت عادل يشوفها
انسدح راكان وحط يده ورا راسه : وش ذيه الحال الي وصلتها .. ما اظن رح اقدر اكمل اسبوعين كامله لحالي بذيه الغرفه... ناظر لساعة يده : الحين شوي وبيأذن العصر ... بقوم اتوضى
.......................................
قفلت الباب بقوه وراها : سنه لان تجي .. من متى داقه عليك
: منى شوي شوي على الباب ... اااااي يا قلبي ... ترا سيارتي نصفي الثاني والي يجيها يجيني
منى تناظرله من فوق لتحت: الحمدلله والشكر .... والله يا وليد العالم كله بيعقل الا انت
حرك وليد سيارته : وبعدين ليه داقه موقلتلك تروحين بتاكسي ... انتي ناويه تفضحيني ... تخيلي احد من الشركه يشوفني معك
منى: ماخذه احتياطاتي لا تخاف... وبعدين انا استناك بالشارع الثاني الي ورا الشركه
وليد : اصلن مدري وين عقلي يوم خليك وحده زيك تسوي مهمه زي كذا
منى تذكرت وبعصبيه: احمد ربك... اقسم بالله يكرفوني كرف... لو حمار عندهم كانوا رحموه ... ودي ذا وجيبي ذاك
ضحك وليد : ههههههههههههههههههههههههههههههههههههه الحمدلله محترفه ان الحمار .. ممكن يكون افضل منك وذا
ضربته منى بالشنطه : احمد ربك اني صابره وجالسه عشانك... ونشوف نهايتها معك يا الثور
وليد : أي ما تشوفيني اسوق تخيلي صدمنا
صرخت مها بعد دقايق : المعفن الغبي المجنون ... حسبي الله عليه فشلني
وليد يكلم نفسه: ذيه مهما كبرت رح تظل مجنونه
منى : لا تجلس تتمتم تطلم زين
وليد بتملل : ومين ذا الي تتحسبين عليه ؟!
منى تذكرت ورجعت لعصبيتها : تخيل انا منى عبدلله يفشلني واحد زيه... المعفن ولد المدير يستعبط يقول يبي وظيفه وانا زي البقره صدقته ... وصرت اقدمله نصايحه عشان يتوظف
وليد عارف منى وتسرعها : هو قالك يبي وظيفه
منى : يعني ما قالها قالها ... بس شكله يدور وظيفه
وليد: ليه كان معه ملف اخضر
منى توها تركز: لا ما كان معه شيء
انفجر وليد: هههههههههههههههههههههههههههههههههههههههههه اجل على أي اساس حكمتي عليه يدور وظيفه
منى وجهها حمر من الفشله : ركز بطريقك لا تسوي حادث وتقلنا
وليد كتم ضحكته وكمل سواقه وهو ساكت
................................
ببيت ناصر
كانت شهد بغرفتها تبكي
: يا بنت فهميني شصارلك من جيت وانتي تبكين
شهد زاد بكاها
مها بضجر: شهد !! ترا بروح عند اهلي وانتي خليك كملي بكاك
شهد جلست وبين شهقاتها: اهئ صح اهئ نسيت رح تروحيمها : الحين عند امك اليوم
مها : الحين قوليلي شفيك ليه تبكين
حكت لها شهد الي صار مع جدهم بس ما جابت سيرة راكان بالموضوع عشان مها لا تقلق عليه
مها : وذيه الانسانه من جت وهي مشاكل مشاكل وبس
شهد : الله يعينها على نفسها
مها بحزن: تخيلي راكان ما رح يجي معي
شهد : ليه ؟
مها : يقول ابو صديقه تعبان ورح يجلس معه ... والله كان ودي انه يجي معي بأهم يوم بحياتي .. بس صديقه محتاجه
شهد : لا تخافين احنا معك ... انا وامي رح نجي وخبرت نوف وليان بيجون ... ونسلمك لاهلك واحنا مرتاحين
مها بفرح تحاول تتناسى راكان : جد ؟!!
شهد: ي بيب اكيد ما رح نخليك ... الحين قومي خلينا نجهز
مها قامت معاها : الله يسعدكم يا رب
.......................................
وليد: وصلنا
منى: ما رح تنزل
وليد : ههه وانا اقدر اسويها ريماس تذبحني
منى : ايه ذيه المطفوقه
نزل وليد ومنى متجهين للمكان الي تلعب فيه دايم ريماس
: ولييييييييييد ... وركضت ونطت بحضنه
شالها وليد ودار فيها : هلا هلا بالدوب ترا سمنتي .. صرتي ثقيله
ريماس: انت دوب مو انا ... وبحماس طلعت توكس من جيبها : وليييد شوووف
وليد باستغراب : مين جابلك ذيه الشكولاته ؟
ريماس : زبون ... صح تذكرت : ابيك تضرب الاشرار الي اذوه
وليد : فهميني انتي وش قاعده تقولين
ريماس بحماس: واحد مرررررا طيب من زباين ابوي ... وقالي انه فيه اشرار خلوه كذا ... وقلتله رح اخليك تضربهم
وليد باستغراب اول مرا يجون ناس ياخذون ويعطون وخاصه مع بزره : اها ..
منى شهقت برعب وتخبت ورا وليد ومر الشخص الي تخبت منهم من غير لا يعبرهم بنظره حتى لان عقله مو معه
وليد : منى شفيك؟
منى: شوفت الرجال الي مر قبل شوي
وليد: ايوا ؟
منى : ذا مدير الشركه الي انا فيها
وليد بجديه ناظر لظهر ناصر الي مر بجنبهم: وش جابه لهنا
ريماس : هذا الي جاب الزبون الطيب
وليد بتعقيدة حواجب وهو مقرر يكتشف من ذا الزبون
..................................
بجوا الغرفه الي فيها راكان بدا يحس بألم شديده براسه قاعد يهز جسمه من الوجع ويسحب شعره محاوله منه انه يهجد الالم
.........................
نهاااية الجزئيه اتمنى تعجبكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 205
قديم(ـة) 20-04-2017, 01:00 AM
صورة اميرة الغرور الرمزية
اميرة الغرور اميرة الغرور غير متصل
©؛°¨غرامي فعال ¨°؛©
 
الافتراضي رد: رواية لون شعري دمرلي حياتي ..!؟


لالالالالالالا حبيبتي انتي ناوية علينا
مو جزئية هذي هذا حرق اعصصصاب
بالله انا داخلة جو فجاة وصلت للنهاية هههه
اتمنى المرة الجاية يكون البارت طويييييل
وها الجزيئات تكون خضرة فوق الطعام ع حسب المثل المغربي هههههه
نننتظرك وبجد حلوة الجزئية
تسلمي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 206
قديم(ـة) 20-04-2017, 04:08 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: رواية لون شعري دمرلي حياتي ..!؟


السلام عليكم
البارت يجنن والاحداث حماس
بانتظار المزيد من ابداعك
يعطيك العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 207
قديم(ـة) 20-04-2017, 09:23 PM
صورة عاشقة أبيها الرمزية
عاشقة أبيها عاشقة أبيها غير متصل
©؛°¨غرامي مشارك¨°؛©
 
الافتراضي رد: رواية لون شعري دمرلي حياتي ..!؟


والله هالوليد دخل مخي
وزاد يقيني انو توأم ركونتي
يعني دخيل ربك على هالصدف مو طبيعية
بربك من وين بتجيبي هالافكار
من يومك مبدعة
مواااااح

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 208
قديم(ـة) 20-04-2017, 11:44 PM
صورة بريق الأنوثة الرمزية
بريق الأنوثة بريق الأنوثة متصل الآن
©؛°¨غرامي متألق ¨°؛©
 
الافتراضي رد: رواية لون شعري دمرلي حياتي ..!؟


ابداااااع انا متأكده انو وليد توأم راكان
الله وش هالصدف يارب أحس مروان وراه بلا مدري ليه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 209
قديم(ـة) 21-04-2017, 12:13 AM
صافي 29 صافي 29 غير متصل
©؛°¨غرامي جديد¨°؛©
 
الافتراضي رد: رواية لون شعري دمرلي حياتي ..!؟


ابداااااع ماقدرت أرد مبارح سبب الحراره وسخونه ننتظر السبت بفارغ الصبر ��������������������������

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 210
قديم(ـة) 21-04-2017, 05:21 PM
صورة روزي ال الرمزية
روزي ال روزي ال غير متصل
©؛°¨غرامي مشارك¨°؛©
 
الافتراضي رد: رواية لون شعري دمرلي حياتي ..!؟


اقتباس:
المشاركة الأساسية كتبها -رغد- مشاهدة المشاركة














البارت رووووووعة.

أنا ما توقعت أبدًا أنه العم ناصر إذا عرف أنه راكان أدمن على مخدرات راح يسوي كذاك.

أتوقع مها لما تروح في بيت أهلها راح يعاملوها أنها غريبة في البداية.

لو ممكن يا روزي البارت مال باكر تنزليه بسرعة عقاب لأنك ما نزلتي هذا البارت بسرعة

شكرًا على البارت .

بإنتضارك في البارت القادم.














تسلمين حبيبتي
هههه اصلن الوضع مو سهل مخدرات مستحيل يعالجه وبس
والله معليييييش حبيبتي
للامانه كنت مقرره البارت انزله تسعه وبالكثير 10
لان نص الي يقرون عندهم جامعات ومدارس
بس حيييل انشغلت
وبعدين المنتدى مدري شفيه وقف
يقول قيد الصيانه او شيء زي كذا
بس صدقيني قد ما اقدر بحاول انزله بدري البارت الجاي ان شاء الله
العفووو




دمتي بخير

الرد باقتباس
إضافة رد
الإشارات المرجعية

رواية لون شعري دمرلي حياتي ..!؟

الوسوم
..!؟ , دمرلي , حياتي , رواية , شعري
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 30406 الأمس 10:16 PM
رواية حياتي اوسكووت روايات - طويلة 4 12-01-2017 05:49 PM
رواية تلك هي حياتي أنثى على ذمة عاشق أرشيف الروايات المغلقة - لعدم إكتمالها 10 15-06-2016 05:00 AM
رواية على حافة الانتقام للكاتبة / داليا {أجـمـَلُ إبتسآمـة} روايات - طويلة 9 22-10-2015 05:21 PM
رواية رفقا بي يا اهاتي /بقلمي شيــــ chichi مـــاء روايات - طويلة 61 11-09-2015 10:03 AM

الساعة الآن +3: 12:08 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1