اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 21-02-2017, 02:20 PM
صورة روزي ال الرمزية
روزي ال روزي ال غير متصل
©؛°¨غرامي مشارك¨°؛©
 
الافتراضي رد: رواية لون شعري دمرلي حياتي ..!؟


اقتباس:
المشاركة الأساسية كتبها لامــارا مشاهدة المشاركة
السلام عليكم

بالتوفيق لك بالطرح الجديد

بس عنوان الرواية منو مقصود فيه لون شعري هو سبب

تقصدي ايلين ولا أحد ثاني بنت ولا ولد

العنوان لفت نظري بس محيرني صراحة

بالتوفيق لك دمت بود
عليكم السلام
نورتــــــــــــــــــــــــــــــــــــــــــــــ ـــــــــــــــــــــــي روايتي
اصلن الروايه كلها تدور حول العنوان يعني بتشوفون الهوايل
لا مو ايلين هاردلك انتي حزري فزري مين الي رح يتأذا من لون شعره
وبالنسبه للبارت هذا والي بعده رح يكون للتوضيح
يعني رح يتكلم عن عناد وايلين وقصتهم
واتمنى دايم تردين وتتفاعلين معي
الله يسعدك
واسعدني مرورك حبيبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 25-02-2017, 04:49 PM
صورة سكوبي الرمزية
سكوبي سكوبي غير متصل
©؛°¨غرامي جديد¨°؛©
 
الافتراضي رد: رواية لون شعري دمرلي حياتي ..!؟


سلام
لك اايام مو منزله
عسى المانع خير
اتمنى انك ما سحبتي



دمتي بخير ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 01-03-2017, 01:43 AM
صورة روزي ال الرمزية
روزي ال روزي ال غير متصل
©؛°¨غرامي مشارك¨°؛©
 
الافتراضي رد: رواية لون شعري دمرلي حياتي ..!؟


اقتباس:
المشاركة الأساسية كتبها سكوبي مشاهدة المشاركة
سلام
لك اايام مو منزله
عسى المانع خير
اتمنى انك ما سحبتي



دمتي بخير ..
وعليكم السلام
وييييين اسحب مستحييييل اسحب
والله انشغلت ذيه الايام وضغوطات نفسيه وكذا
المهم اني رجعت ببارت طويل يعوضكم الايام الي ما نزلت فيها وبنزله اليوم او بكرا
المهم مرا مشكوره على سؤالك حبيبتي الله يسعدك
وان شا الله بعد ذا البارت رح احدد ايام لتنزيل البارت ورح التزم فيها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 02-03-2017, 04:32 AM
صورة روزي ال الرمزية
روزي ال روزي ال غير متصل
©؛°¨غرامي مشارك¨°؛©
 
الافتراضي رد: رواية لون شعري دمرلي حياتي ..!؟


عناد: صدق !!!امسكي الدبله
ايلين : ايوا صدق للمملك يالله
وتزوجوا وعاشوا بأمان وسلام
امزح امزح *_^
المهم تكملت البارت الثــــــــــــــــالث
: تتزوجنــي..؟!
عناد سكوووووووووت دام دقيقتين
ايلين متوتره وتفرك اصابعها وتسب نفسها على غباءها رفعت راسها يوم سمعت عناد الي وجه صار احمر:ههههههههههههههههههههههههههههههههههههههههههههه ههههههههههههههههههههههههههههههههههههههههههههههه أي أي بطني هههههههه انــــ هههههههههههههه ـتي مو ص احيه في مخك شي هههههههههههههههه اخذ نفس : الناس تبدا ممكن نتعرف احبك وابيك تحبني بعديـــــــــن بعدين مرا بعيد يقولون نتزوج مو كذا
ايلين من القهر من ضحكه وانه ضحك من غير لا يسمع مسكت علبة المويا وكبتها عليه وتكلمت وهي حاسه بالاحراج :انقلع انقلع اصلن انا غبيه جيت كلمت واحد غبي زيك ياخي افهم السالفه اول
نواره وهي تراقب ايلين من طاولتها شهقت بصوت عالي وزادت شهقتها يوم شافت وجه عناد : هاااااااااا شوبها هي المجنونه يخرب بيتا شو عملت
عناد وجه احمر من العصبيه وشياطين الانس فوق راسه مسك يد ايلين وسحبها معه لبرا
ايلين : اشفيك انت جنيت ... اترك يدي عناد اترك يدي وتحاول تفلت يدها منه وهو ما سك يدها بكل قوه عنده ويجرها معه من غير لا يسمع نداءاتها
خرجوا لمواقف السيارات سحبها لان صارت قدامه ترك يدها بعنف وجاء ظهرها بقوه في وحده من السيارات الواقفه ايلين تمسك ظهرها من الالم : اخخخخ انت مجنون خير سلامات
قرب منها وهو مفور ع الاخر : قد الي سويتيه هاه .... هـــــــــاه جاوبي ... شوفي ملابسي كيف وناظرها من فوق لتحت : انتي شايفه شكلك عشان تقوليلي اتزوجك شايفه ملابسك الي تفصخ اكثر من انها تستر
ايلين وهي خايفه بس مو قاعده تبين : ملابسي اش فيها ساتره انت شكلك اعمى ناظر حولك وشوف ملابسهم كيف
عناد عقد حواجبه كأنه تذكر شي : انتي اصلن مسللمه ؟
انفجرت ايلين فيه : انت اش رايك اكيد مسلمه ماما ربتني ع الاسلام
ابتسم عناد بسخريه وناظرها من فووووق لتحت كانت لابسه تي شيرت كت وبنطلون وناظر لاكتافها العاريه : حلو ونعم التربيه ... بس يمكن امك ما علمتك ان لازم المرأة تلبس الحجاب ... ولا علمتك ان مفروض المرأة ما تخلي اكتافها كذا عريانه
ايلين وقهر الدنيا كله فيها رفعت يدها تبي تصفقه كف عناد مسك يدها ولواها خلف ظهرها الي خلاها تطلع صرخة مكتومه من الالم :ااااااااه
عناد وهو يشد على يدها ويتكلم من بين اسنانه :ما عاش مين يمد يده علي .. صدقيني ذا تحذير مرا ثانيه رح اكسرلك ذا اليد وشد على يدها اكثر وهزها وصرخ : فـــــــــــــــاهمه
ايلين هزت راسها بقوه بس تبيه يفك يدها دفها عناد لقدام وترك يدها ولف راجع للجامعه
ايلين جلست على الارض وهي ماسكه يدها وتجاهد دمعتها ما تبي تبكي : الله ياخذه الله ياخذه وياخذ نواره معه بسببها صار كذا مسحت دمعه طاحت ع خدها الناعم : لا يا ايلين لا تستسلمي لو كان ذا الغبي بيخلصني من مارت ما رح اتركهه مهما صار ووقفت وشافت انعكاس وجهها في سياره مظللمه ومسكت شعرها واكتافها : عارفه انه حرام بس محد شجعني ع الحجاب من زمان ودي اتحجب بس اخاف واتردد تنهدت وهي تضبط شعرها الي خرب بسبب عناد
...........................
عند نواره الي كانت تدور عند مدخل الجامعه ما تدري وش تسوي ومرا قلقانه على ايلين شافت عناد وهو داخل ووجه ما يتفسر خافت اكثر وخرجت للمواقف تدور ايلين : ولي على أمتي ليكون ذبح المخلوقه شافت ايلين واقفه عند وحده من السيارات طارت لعندها : ولك ايلين شو صارلك شو ساوا فيك المتوحش
ناظرتها ايلين بنظرات بارده : ولا شي
نواره : شوفي وجهك وعم بتقولي ولا شي
ايلين بقلة صبر : خلاص يا نواره ما صار شي خلينا نلحق محاضرتنا وتركتها واتجهت للداخل
نواره وهي تلحق ايلين : ولك انطريني
....................
عند عناد رجع لطاولته بعد ما طلبله كوب كوفي ثاني لان الاول برد وهو مشوش ويفكر بايلين ونفس الوقت كان يبي يعرف وش سالفتها ليه جايه تطلب الزواج منه مع ان شكلها يوحي بانها انسانه مغروره ما تنزل لاحد وكيف تجي تقولي ذا الكلام مسك براسه وطير شعره من كثر ما يحرك شعره بعشوائيه يحس نفسه استعجل بردت فعله بس هي استفزت كيف تكب المويه علي واسكتلها وجلس يناظر لكوبه بسرحان
.......................
(جابر)
خلصت محاضرتي بدري اليوم اوووف اكيد الشباب بمحاضراتهم بروح لطاولتنا استناهم
شوفت عناد جالس ع طاولتنا ناظرت ساعتي لسه باقي من نهاية محاضرته تذكرت مقلبي وناظرته بخبث اكيد الاستاذ طرده يستاهل يجرب شعور الطرد ولو مرا ذا الدافور اوووف الحين اذا روحت رح يستفرد فيني بس وين اروح والشباب بمحاضراتهم امري لله مالي الا عناد وقربت منه وقلت بضحكه : السلام عليكم
رفع عينه لي ورد بهمس : وعليكم السلام
عقدت حواجبي توقعت يهب فيني يسوي شي مو كذا جلست اتفحص وجهه شكله مو طبيعي ناديته : عناد
رفع راسه لي بسرحان : هاه
جابر : شفيك
عناد تنهد : مدري وش اقولك .... وحكى له الي صار مع ايلين
جابر ضربه براسه
عناد حط يده على راسه : خير سلامات
جابر : ياخي محد بيجيب اخرتي غيرك انت غبي ولا غبي ..؟! اخخخ يا ربي بس مو منك من ايلين الدلخه جايتلك ... اخخخخ لو انها جايتلي بس كان تركت بنت عمي وتزوجتها بس المقرود مقرود
عناد فاتح فمه : انت شفيك انا بوادي وانت بوادي والله انا الغبي الي احكيلك ... اذا شوفتها رح اقولها عنك و بستهزاء : تبين تزوجين تزوجي جابر
جابر وهو يأشر : اهي جت يالله قولها
لف عناد وشاف ايلين متجهه لهم
.......................
(نواره)
كنت امشي ورا ايلين فجاءة وقفت ما كنت منتبهه وصدمت فيها : أي شو بيك وقفتي فجاءة
ايلين : لازم افهمه ... مالي حل غير عناد
ولفت رايحه للكافتيريا مرا ثانيه
وانا واقفه زي الاطرش بالزفه مدري وش اسوي اروح لمحاظرتي احسن وروحت
..........................
ايلين ناظرت لجابر وبعدين عناد واخذت نفس : عناد ممكن من وقتك شوي
عناد بتململ :انتي هي ما كفاك الي قبل شوي
ايلين ناظرت لجابر : ممكن تخلينا ؟
جا جابر بيتكلم قال عناد : لا مو ممكن ما رح يتحرك من هنا
ايلين : جلست ع طاولتهم اوك مو مهم عناد لو سمحت اسمعني للنهاية انا ما جيت الا لاني ابي مساعدتك ولو الموضوع مو خطير ولا احد يقدر يساعدني غيرك ما كان جيتك ولا قلتلك ذا الكلام
عناد وبان الاهتمام بوجهه كيف وحده لا اعرفها ولا تعرفني تبي مساعدتي : قولي بسمعك للنهاية ... بس ما اوعدك اني بساعدك .؟!
ايلين : انت اسمعني بعدين قرر
جابر ناظر لعناد : خلاص انا بروح افطر مرا جوعان خذوا راحتكم وراح
ايلين زفرت بضيق وقالت : انت اكيد تعرف مارت وسمعته الشينه الي بالجامعه وعارف انه مافي بنت ما كلمها ولا تقرب منها ناظرت ليدينها الي كانت حمراء من كثر ما تفركهم ببعض : شسمه ذا وقد حاول يتقرب مني باكثر من طريقه وكنت اصده لان جا اخر مرا واتعدى على وحده من صاحباتي ورفعت عيونها له شافته يناظرها باهتمام نزلت عيونها مرا ثانيه واكملت : كنت ابي اساعد البنت هي مسلمه وكذا واوهمته اني احبه واخذت الي ابيه منه وبلغت الشرطه عن الممنوعات الي عنده .... بس لانه زي ما انت عارف ابن الوزير قدر يطلع منها
عناد : والحين يبي ينتقم ..؟؟؟؟!!!
ايلين رفعت راسها له : بالضبط
عناد : وانا كيف اقدر اساعدك بالزواج ؟!
ايلين : هو خطبني عشان ينتقم مني
عناد برفعة حاجب: ارفضي وانتهينا
ايلين :اسمع رح اقلك السالفه من البدايه .... انت عارف ان امي سعوديه وامي وابوي تطلقوا وانا صغيره وانا عشت عند امي لان صار عمري 12 وبعدها تزوجت امي ويوم تزوجت ..ابوي اخذني منها بس كذا عشان يقهرها المهم اني ازور امي من وراه والحين اكتشف زياراتي رفع قضيه على زوج امي وهدده اذا ما ابعد امي عني رح يفلس شركته الي ع قده ....كان ذا سببه الرئيسي بس يوم الوزير كلم ابوي ان مارت يبيني زواج وكذا وافق عشان يكبر منصبه ومارت ما يبي يتزوجني الا انتقام ... اخذت نفس واردفت : فأنت انسان ابوك غني وله مكانته وابوي ما يقدر يأذك عشان كذا ابيك تزوجني لفتره بس بعدين نطلق اسوي أي شي ولا اتزوج مارت .... كملت وهي تقول : الحجاب من زمان نفسي اتحجب انا اخذني ابوي قبل لا اوصل سن حجاب فصارت امي تخليني بكيفي ولا تنصحني ولا تقولي شي عشاني مشتته بينهم ومعاملتهم هنا للمحجبات بطريقه مو كويسه عشان كذا ما تحجبت للحين وبالنسبه لملابسي كنت البس كذا ابي نصيحه من امي ابيها تعاملني زي اول يوم كنت عندها الحين اهم شي عندها رضاي والحين صارت ملابسي كذا وتعودت عليها ... وعيونها غرقت دموع : بس الحين خلاص امي راحت اقنعتها ترجع السعوديه عشان ما يأذيهم ابوي وبقي عمي زوجها بس يلغي القضيه رح يسافر عشان كذا ابي مساعدتك عشان يلغي ابوي القضيه وتخلصني من مارت ووقفت وهي تقول : رح اخليك تفكر بكلامي وبكرا رح استنى جوابك
عناد من غير تفكير : موافق
ايلين فتحت عيونها بصدمه ما توقعت يوافق او مو بذيه السرعه : هاه
عناد: موافق بس بكرا ابي اقابل ابوك وقام من الطاوله وطلع من الجامعه
وايلين عينها ع المكان الي كان فيه ما تدري تفرح تحزن او وش تسوي بنفسها
رجعت جلست على الكرسي وهي تفكر ليه طلب يقابل ابوها
.......................
(عناد)
وانا ماشي طالع من الجامعه قابلت مارت مدري شفيني مقدرت اشوفه قدامي ولا اكلمه مدري ليه احس نفسي مقهور عليها ونفسي اذبح البني ادم ذا ممكن لانها دخلت بمشكله عشان تساعد صديقتها المهم اقتربت من مارت الي كان بين شله كلها بنات ابتسمت بستهزاء هذا وهو ناوي يتزوج : ابتعد عن ايلين
رفع راسه لي باستغراب وبعدها ابتسم : اوه عناد الغني العربي هنا
عناد : ابتععد عن ايلين
مارت : امممم لا اعلم ما شأنك انت بها ..! ولكن بيني وبينها امر اكبر من ان تستوعبه انت
عناد وهو يصر على اسنانه : لن اعيد كلامي انذاري الاخير .... ابتعد عن ايلين
مارت بكل برود وهو يمط الكلام :مـــــســــــــتــــــــــــــحـــــــــيــــــــ ــل
عناد استفزني ذا الانسان ما حسيت الا بيدي الي ترتفع وتعطيه بكس بأقوى ما عندي بس وقفت مستغرب وانا اشوف ابتسامة مارت وقرب مني لان صار فمه جنب اذني وهمسلي بكلام .................................... الجمني مقدرت اتحرك هو وش عرفه بذا الموضوع محد يعرف الا جابر حسيت بخوف فجاءة من ذا الانسان وربت على كتفي ومشى وانا من غير وعي مشيت للسيارتي واحس كل شي بجسمي يرجف
.....................
(جابر)
اخخخ اخيرا خلصت محاضراتي يالله من ذا عناد ساعه ادق عليه ما يرد اوووف ليكون راح وسحب علي اصلن انا غبي جاي بسيارته قلك بشوف وجه يوم يكتشف المقلب اوووف ليتني ركبت مع عزوز مالي الا اروح بتاكسي ناظرت حولي يمين ويسار مافي سيارات كثير الحين الظهر والناس هنا تاخذ قيلوله نادرا تلاقي تكاسي بذا الوقت اوووف شكلي برجع كعابي .... يالله كأني احس الشمس قريبه مني هههه ضحكت وانا اتذكر كلام عناد انت يبيلك شمس تقوي عظامك شكله صادق اخييييييرا وصلت للشقه والله لاندم عناد روحته ودخلت الشقه وانا مطنقر من العصبيه والشمس والحر والقرف دخلت الشقه ع بالي بيكون بالصاله يتفرج التي في زي العاده ما لاقيته دخلت غرفته لاقيته منسدح ع سريره ويناظر للفراغ ويده تحت راسه والثانيه فوق راسه بس استغربت كلمته الي قالها اول ما دخلت : جابر قلت لاحد ؟!
رديت مستغرب: هاه
عناد بعصبيه : جااااااااابر
ناظرته وهو يقوم ويتعدل بجلسته ويناظرني بنظرات تخوف اول مرا اشوفه كذا : شفيك وش قاعد تخربط انت ..!! قرب مني وانا ارجع لورا صراحه خوفت من شكله مسك ياقتي حسيتني انخنقت من مسكته : عـ عنــــ اد شفيك بـــ موت
عناد بصراخ : جاوبني انت قلت لاحد السر الي صارلي قبل اجي هنا ادرس جاووبني
حسيت الدم نشف في عروقي : أي أي سر
عناد ويقوي مسكته : جابر لا تستغبي
جابر ووجهه بدا يتغير لونه : عـــــــــــ ـــناد بـ بـــ بموت
عناد شاف وجه كيف تغير تركه ورجع جلس مكانه على السرير : جابر ابي جواب واحد ايه او لا ؟
جابر الي اول ما تركه عناد جلس على الارض وهو يفرك رقبته ويكح : كح كح كح عناد انــــــ
عناد صرخ : جاااااااابر جاوبني ايه او لا؟ انت قلت لمارت عن سري ..!
جابر صرخ ودموعه بعيونه : ايه ايه انا قولته بس عناد اسمعنــ
عناد انفجر فيه ورجع مسكه : يا الخسيس كيف قدرت تسوي فيني كذا وطاح فيه ضرب وهو يقول : وثقت فيك وقلتلك كل اسراري وهذه جزاتي هاه جاوبني كذا تعاقبني لاني وثقت فيك
جابر وهو يتلقى الضربات ولا حاول حتى يدافع عن نفسه : عـ عناااد اســــ اســـــ ـمـعني
عناد بصراخ: وش اسمع قلي وش اسمع غدرت فيني وتفل فيه واخذ اغراضه كلها وقال باستهزاء: رح اكون احسن منك واترك الشقه لك واجارها بيندفع كل شهر ..... بس انسى انك كنت بيوم تعرفني
وقف جابر وهو متكي بالجدار بسبب الضرب الي جاه وهو يتنفس بصعوبه ويمسح الدم الي بفمه قرب من عناد ومسك يده وتكلم وهي يالله تطلع الحروف منه : عنـ عنـــاد الله يخليك اسمعني للنهاية والله والله غصب عني
عناد ابتسم ابتسامة الم : مافي شي يجبرك تقوله هو ما يعرفني وش الي بيخليه يسأل عن شي يخصني بس الشي الوحيد الي ما فهمته انت وش علاقتك بمارت المهم مشكور والله خليتني اعرف معدنك وطلع من البيت متجاهل نداءات جابر له
جابر جلس بالارض ومسك راسه وهو يبكي : سامحني يا عناد سامحني والله غصب عني مو بيدي اسمعني الله يخليك اسمعني وصرخ باعلى صوت عنده : عناااااااد وما سمع غير صدى صوته في الشقه الي مافيها غيره ...!
....................
(عناد)
مقهور مقهور لسه ما بردت حرتي فيه والله لو اذبحه ما رح ارتاح اخخخخ يا ربي ليه يصير معي كذا كل ما وثقت باحد ينقلب ضدي ليه محكوم علي اعيش من غير اصحاب ليه محكوم علي ان تكون علاقتي سطحيه مع الكل ..... هه ضحكت على نفسي اكيد فلوس ابوي الناس كلها مصالح الفلوس تعميهم واكيد جابر زي الي قبله يبي يتقرب من ابن الوزير ويستفيد منه ومالاقى موضوع غير سري تنهدت وانا اتذكر موضوع ايلين الحين وعدتها اساعدها بس كيف ومارت يعرف اكبر اسراري الي ممكن ذا السر يوديني وراء الشمس ضربت الدركسون باقوى ما عندي وش الحل الحين زفرت وانا اتجه لاقرب فندق عشان اقضي الليله فيه
........................
في اليوم التالي
(ايلين)
وصلت الجامعة اليوم بدري وانا مرا متوتره مدري عناد وش بيسوي وليه يبي يقابل ابوي تنهدت وانا اناظر من شباك سيارتي استنى عناد يجي لازم افهم منه وش بيسوي عشان اقدر اخليه يقابل ابوي
..........
(جابر)
فتحت عيوني احس جسمي مكسر واحس عظامي مو في مكانها عقدت حواجبي باستغراب وانا اشوف وضعي جالس ع الارض بغرفة عناد تذكرت الي صار امس اخذت نفس قوي احس بألم ليتني من زمان قلتله يعرف مني ولا من مارت الحمار وعدني ما يخبر احد الحين كيف افهم عناد وقفت متجه للحمام واجر رجليني جر اخخ والله عناد لا عصب ما يرحم زفرت ان شا الله ترجع علاقتنا زي اول اوووف شكلي اليوم ما رح اداوم بكرا رح اقابل عناد وافهمه الموضوع اليوم بخليه يريح اعصابه
......................
(عناد)
اشرقت شمس اليوم الثاني مقدرت انام صدق الخيانه تعور قمت بدلت ملابسي الي من امس علي ما غيرتها واتجهت للجامعه وانا ناوي اسوي شي مدري وش بتكون نهايته مدري الي بسويه صح او خطا الحين الموضوع مو اساعد ايلين وبس الموضوع صار يخصني بس كيف اقدر انسي مارت الموضوع اتسعت ابتسامتي وانا افكر بخطه جهنميه والله وطلع عندي عقل بس ايلين هي اهم عنصر بالخطه مقدر اسوي شي من غير ما تساعدني.... وصلت للمواقف الجامعه وانا مقرر وش بسوي وادعي ربي ان الموضوع يمشي زي ما خططت له وقفت السياره واخذت نفس وخرجت متجه لمدخل الجامعه ي رب تكون ايلين وصلت حسيت باحد جاي مسرع جهتي لفيت شوفت ايلين متجهه لي وكانت لابسه بنطلون وبالطو طويل ابتسمت حلو والله نصيحتي فادة معاها وسترت نفسها ناظرت لشعرها بقي الحجاب على يدي ان شاء الله ..!
......................
(ايلين)
كنت جالسه بسيارتي وحاطه يدي على خدي واناظر للي يدخلون الجامعه انتظر عناد وافكر بمصيري وعناد صدق بيساعدني ولا لا شوفته خارج من سيارته فتحت باب سيارتي وروحت اركض الحق عليه انتبه لي شوفته وقف وناظرني شوفته ابتسم وهو يتفحص ملابسي مدري ليه حسيت بالاحراج منه اووف يا ايلين مو وقته الحين بشوف كيف بيساعدني : السلام عليكم
عناد : وعليكم السلام ... زين لاقيتك ابيك بموضوع اركبي معي
ايلين : هاه .. ذا شسمه قصدي وش صار على كلامك امس بتساعدني ؟ وابوي ليه تبي تشوفه ؟
لف معطيها ظهره متجه لسيارته : تغيرت الخطه تعالي معي ورح اقلك وش بسوي ..!
ايلين بفهاوه : هاه ... كيف تغيرت الخطه ؟
ابتسم عناد وهو واقف قدام سيارته : يا الفاهيه تعالي وبقلك
ايلين وهي مستغربه جت وركبت معه وربطت حزام الامان : الحين تكلم
عناد وهو يشغل السياره : مقدر اقلك لان نوصل للمكان
ايلين عقدت حواجبها : أي مكان تقصد ؟!
عناد : اذا وصلنا تعرفين
ايلين حست بخوف : ما ابي اروح مكان قلي الي تبيه
عناد : ههههههه ليه خايفه مني .. انا قلتلك بساعدك وانا عند وعدي
سكتت ايلين وهي تسب نفسها على غباءها كيف ركبت معه كذا
بعد صمت دام للخمس واربعين دقيقة
عناد : وصلنا
ايلين : وين موديني انت
عناد : ناظري قدامك وتعرفين
ايلين ناظرت للمكان الي يناظره عناد عقدت حواجبي وانا اشوف مصلى مصغر للمسلمين الي بلندن شهقت هااااا ليكون ذا يحسبني كافره ويبيني اسلم : وليه جايبني هنا ..!
عناد وهو يحط عينه بعينها وقال بكل برود : عشان نتـــــــــــــــــــــــــــــزوج
ايلين وهي مو مستوعبه : تراني مسلمه لــــيــ ...... رفعت عيونها له توها تستوعب الي قاله : هاه ... كيف نتزوج
عناد :مو ذا طلبك ؟!
ايلين بارتباك : ايه .. يعني لا قصدي مو كذا
عناد بكل جديه : يا ايلين اذا تبين تتخلصين من ابوك وارغامه لك على الزواج تزوجيني الحين وحطيه قدام الامر الواقع .. اما مارت عندي خطه عشان ما يقرب منك مرا ثانيه بس محتاج مساعدتك وبعدين حتى انا معي مشكله معه ولازم انهيها
ايلين : طيب القضيه ؟
عناد : ابوك اكثر شي يهمه المنصب ورح اوهمه بوعود كاذبه لان يلغي القضيه الي رافعها على زوج امك .... بس بشرط تقنعين زوج امك ينقل كل شغله من هنا
ايلين : ما عليك هو الحين قاعد ينهي كل اشغاله هنا ..!طـ طيب قلي وشهي خطتك ؟
عناد تنهد : ...........................
ايلين وهو تسمع ومصدومه كيف قدر يفكر بخطه زي كذا والله وطلعت يا عناد مو سهل
عناد : والحين شرايك ؟
ايلين بتصميم : موافقه رح اسوي كل الي تبيه المهم تنجح خطتك
عناد : هنا فيه امام وهو الي يعقد للمسلمين هنا وانتي مسلمه برفعة حاجب : صح ؟!
ايلين : ايوا مسلمه شفيك مومصدقني ..!
نزلوا عناد وايلين من السياره متجهين للمصلى عشان يكتبون عقد نكاح
.......................
(نواره)
اوووووووووف يا ربي من هي البنت لي ساعه عم اتصل فيها اول مرا تتأخر عن الجامعه هيك من غير لا تخبرني
هيفاء : شفيج نواره ؟
نواره : ايلين عم اتصل فيها ما عم ترد علي .!
هيفاء : يمكن راحت عليها نومه لا تحاتين ؟
نواره وهي تتنهد : ان شا الله
.........................
(ايلين)
ما اصدق اني خلاص صرت زوجته مرا ما توقعت يصير كل شي بسرعه يا ربي احس نفسي متوتره كيف الحين اقدر اناظرله هههه ضحكت على نفسي عمري ما انحرجت من احد ليه الحين منحرجه من ذا وانا عارفه انه مو زواج صدقي رفعت عيوني له ماشي قدامي للسياره ولا كأن الموضوع يهمه ليه ما يحس زيي اصلن ذا الغبي كيف بيحس اوووف بس
عناد وهو رافع حاجب : خلصتي تأمل
ايلين انتبهت لنفسي والله اني غبيه غبيه كيف لحقته لمكان ركوب السايق نسيت نفسي وزي الخبله مشيت وراه : اتأمل ايش يا حظي من جمالك الحين ... بس كنت افكر بخططتك ان شا الله تنجح بس
عناد بابتسامه واثقه : ما عليك ان شا الله تنجح الحين لازم نتجه لاقرب مول ..!
ايلين باستغراب : مول ؟؟؟؟!!!!!!!!
عناد ضحك وهو يحرك السيارة والي زاد علامات التعجب براس ايلين .
..........................
(جابر)
ناظرت لساعتي الي تشير على الساعة السادسة مساء بتوقيت لندن وعقلي مشوش ونفس الوقت خايف من بعد مكالمة عناد لي وانا احس الدنيا حايسه ولا ادري وش اسوي امشي على كلامه تنهدت والله اني خايف عليه شكله ناوي على شيء كبير ومو سهل الله يكون معه يا رب
...............................
بخجل ووجهها قالب احمر : مستحيل مستحيل البس زي كذا انت مجنون بعقلك شيء
رد وهو كاتم ضحكته: تراني زوجك الحين عادي ترا ... وبعدين مين الي بالمطعم كانت لابسه للركبه
ايلين باحراج : فيه فرق يا غبي بس ذا مرا مدري كيف ياخي مستحييييل
عناد بتشجيع : مو انتي تبين تتخلصين من مارت وتبينه يوقف اجراماته الي يسويها بخلق ربي سوي الي اقلك عليه
ايلين تتنهد : المشكله اني لازم اسمع كلامك وامشي على خطتك
عناد وهو يتجه لعقد ويقرب من ايلين ويرفع شعرها لفوق عشان يقدر يلبسها
ايلين حسيت بلمسات يده على رقبتي صنمت احس شي مسكني مقدرت اتحرك وابعده عني لبسني العقد بخفه حسيت برجفه اجتاحت جسمي مسك يدي بنعومه ولف جسمي كله له وجلس يتأملني بداية من شعري الي لونته باللون الاشقر بالوان الشعر الي كنت مسويه بف خفيف من قدام وفير للاطراف الي كانت نازله على كتفي بنعومه لفستاني السكري الي كان عاري الاكتاف وعليه زي الشال الملكي وماسك على جسمي ويوصل لفوق الركبه بشوي للكعب الي كان بلون الفستان رفعت عيوني لعيونه بس نظرته لي خلتني ارجع انزلها وحسيت بقلبي يدق طبول احسه بيطلع من مكانه واحس بحرارة تسري بكل خليه بوجهي بس في شي خلاني ارفع راسي مرا ثانيه بقوه وانا اسمع ......
عناد بصوت عالي : هههههههههههههههههههههههههههههههههههههههههههههههههه ههههههههههههههههههههههه وجــــ وجهك ههههههههههه احمر هههههههههههه شوفي شكلك بالمرايه ههههههههههههههههه أي بطني
ايلين الحين من جد وجهي قلب احمر من الاحراج : انقلع انقلع يا غبي واصلن انت من سمحلك تلبسني العقد ماخذ مقلب بنفسك انك زوجي صدق مالت عليك وعلي انا الغبيه الي معطيتك وجه
عناد وهو يمسح دموعه من الضحك : تصدقين ما توقعت تطلعين بذا الجمال
ايلين باحراج مسكت اقرب شي لها ورمته عليه
عناااد وهو يبعد : انتي مجنونه بعقلك شي لو جا ذا الشي براسي كان مت بأرضي
ايلين شهقت يوم استوعبت انها رمته بالعطر الي انكسر يوم جا بالباب : انت استفزيتني تستاهل
عناد تنهد وهو خارج : احسن اخرج قبل تذبحيني المهم خلصي والحقيني للسيارة
ايلين احسني الحين قدرت اتنفس والله انه يوتر حطيت يدي على لمساته برقبتي مدري ليه حسيت بالدفئ بلمساته تنهدت اكيد ذا من المشاكل الي تواجهني بالفتره الاخيره مسكت الحلق ولبسته وبخيت من عطر Good Girl من Carolina Herrera اخذت نفس عميييق واخذت شنطتي ونزلت متجهه لسيارة عناد وانا اقرا الاذكار وادعي خطتنا تنجح
بالسياره
ركبت السياره لاقيت عناد لابس بدله سوده رسميه ايلين : يالله مشينا
عناد وهو حاس بتوتر خفيف : بسم الله توكلنا على الله ...... وحرك للحفله الراقصة الخاصة بمارت
.......................

يتبع....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 02-03-2017, 04:34 AM
صورة روزي ال الرمزية
روزي ال روزي ال غير متصل
©؛°¨غرامي مشارك¨°؛©
 
الافتراضي رد: رواية لون شعري دمرلي حياتي ..!؟


(جابر)
اناظر لشاشة الجوال واحس قلبي يدق مع كل دقيقه تمر الحين الساعه عشر ونص مساء وموعد الي قالي عليه عناد الساعه 12 منتصف الليل والله اني خايف مدري مخ عناد وين بيوديه
....................
عناد : وصلنا
ايلين اناظر لبيته الفخم وانا احس بخوف حسيت بيد عناد الي مسكت يدي كأنه يبي يطمني مدري ليه بس حسيت براحه
عناد وهو ضام يدها يبي يشجعها : لا تخافين ان شا الله يمشي الوضع زي ما خططنا
ايلين تسحب يدها من يده : ان شا الله يالله نزلنا
دخلوا عناد وايلين للقصر او يمكن قصر قليله بحقه مرا مرا كبير مدخله كان سور لدخول السيارات الي كان كان الطريق فيه كله زي النافوره الي تحد الطريق من الجهتين الي ما تقدر تشوف الحديقه من غزارة المويه وكانت المويه الي تطلع من النافوره لونها ذهبي ناصع لدرجة الي يشوفها ما يصدق انه مويه ونهاية ممر السيارات تقابلك حديقة من ورود دوار الشمس بس وقفوا السياره ودخلوا متجهين لقاعة الحفله وبوابة المدخل كانت زجاجيه وعليها زي النقشات بالحديد عشان تحميها وتزينها
ودخلوا من البوابه ويدينهم متشابكه مع بعض عشان يكملون خطتهم ووصلوا للقاعه الي كانت كبييييره مرا وكانت خاليه من الاضواء غير اضواء الدي جي الملونه والموسيقى ترج المكان رج ومليان بانواع الناس من طبقات مختلفه ووانواع الخمر الفاخر الي اكيد لازم تكون موجوده بمكان زي كذا وبدول غير عربيه ..!!
عناد قرب من اذن ايلين : الحين لازم نلاقي مارت
ايلين متوتره وهي تدور بعيونها على مارت لمحته مع مجموعة مختلطة من البنات والاولاد : عناد شوفه هناك عند الطاوله الخضراء
عناد شبك يده بيده واتجه لمارت
عناد : مرحبا
مارت رفع عينه وابتسم بقوه يوم شاف عناد : اهلن اهلن يبدو انك لبيت الدعوه
عناد يتذكر (قرب مني وهمسلي : انني اعرف سرك الخطير ويبدو انك شخص مخادع فلا يبدو بوجهك انك من ذاك النوع ... يشرفني ان ادعوك لحفلة عيد ميلادي التي سأقيمها غدا ولا اظن انك سترفض الحضور )
عناد : بتأكيد فكيف يمكنني ان لا اتي لحفلة ابن الوزير
مارت وهو ينظر لايلين بتفحص : ومن هذه الشقرا التي معك
عناد حط يدينه على اكتاف ايلين : اوه ان هذه حبيبتي مارينت
مد يده مارت ليصافح ايلين : اهلن تشرفت بمعرفتك
ايلين وهي تحاول تنعم صوتها : عيد ميلاد سعيد
مارت يناظر لعناد: اوه يبدو ان لك ذوقا لست كحبيبك فهو لم يهنئني بعيد ميلادي
عناد : لقد نسيت ذالك .... ومد له دبوس الي يثبت على جاكيت البدله الر سميه : اتمنى ان تقبل مني هذه الهديه البسيطه
مارت مد يده بياخذها عناد : انتظر ساضعها لك
ابتسم مارت : حسنا
بعد ما انتهى عناد من تركيب الدبوس
مارت : نسيت ان اضيفكما : ايها النادل احضر اثنان من الشمبانيا
عناد : انه شرابي المفضل شكرا لك
ايلين فاتحه فمها ذا ايش فيه ليكون صدق بيشرب مو صاحي والله
عناد همسلها : قفلي فمك فضحتينا خذي الكاس عشان ما يشك
مارت : يبدو انكم متفاهمين للغايه
عناد بابتسامة : بتأكيد ..... شكرا على الشراب عن اذنك سأجلس مع مارينت لوحدنا وغمزله
مارت : هههههههههه خذوا راحتكما
عناد احاط رقبة ايلين بيده وقربها له ومشوا مبتعدين عن مارت بس راحوا بعيد شوي وخرت ايلين يد عناد منها : شكلك عايش الدور بقوه تراه تمثيل
عناد ببرود وهو يجلس : هدي نفسك عشان لا ننفضح
ايلين وهي تجلس على نفس الطاوله : والحين وش بنسوي مفروض نجلس قريب منه
عناد بابتسامة مكر وهو يطلع جهاز من جيبه زي الاسلكي
عقدت ايلين حواجبها وثواني وشهقت بدهشه وهي تسمع صوت مارت وترفع عيونها للعناد وهي مو مصدقه : الدبووووس ....!!!!
عناد : بالضبط ما توقعتك ذكيه وتفهمينها وهي طايره ... الدبوس عبارة عن سماعات توصلنا الكلام يعني بذا الاسلكي نقدر نسمع وش يقول وشهي تحركاته
ايلين : مستحييييييييل انت مستحيل ما توقعتك ذكي لذيه الدرجه
عناد وكأنه تذكر شي : صدق الحين انتي من شوفتك وانتي تقوليلي غبي ودي اعرف السبب
ايلين بضحكه : ذا سر .... المهم ي النصاب من وين جبت ذيه الاجهزة ؟
عناد بيأس : والحين صرت غبي ونصاب... المهم بقلك ذا من صديق لي يشتغل شرطي هو الصراحه اخذتها من غير لايدري
ايلين رفعت حاجب : يعني سرقتها
عناد وهو يحك راسه : لا ي مخ ما تسمى سرقه تدرين ليه ؟ لاني استخدمها للعداله
ايلين : ههههههههه والله انك مو صاحي
عناد : اوووص اسمعي ... وقرب الاسلكي وجلسوا يسمعون كلام مارت
مارت : هيا بنا يا جون العمليه ستبدا قريبا
جون : ان فكرة الحفله حقا عبقريه هكذا نستطيع اكمال المهمه من غير ان يشعر احد
مارت : هههههههههه ذالك لتعلم انني عبقري
جون : حسنا سأنتظرك بالقبو
عناد : الحين يجي دورنا لازم نتحرك وناظر ساعته الي تشير 11:45 اوف بقي ربع ساعه
ايلين بعقدة حاجب : ربع ساعه من ايش
عناد : بعدين اقلك الحين لازم نلحقهم عشان نقدر نصورهم ويكون عندنا دليل على تهريبهم للاسلحه
ايلين: مشينا
................
(جابر)
رايح جاي بالغرفه يا ربي مو قادر اجلس بقي عشر دقايق بس يا ربي وش بيسوي عناد اوووف والله اني خايف عليه يا رب احمي صديقي يا رب احميه
...................
تسلل عناد وايلين للقبو الي كان شكله زي المستودع كان فيه كمية اسلحة هائلة جدا وكان فيه تقريبا خمس رجال اشكالهم تخوف معضلين وكبار وكان معهم مارت وواحد شعره بني شكله ذا جون الي كان يكلمه طلع عناد كاميرا صغيره وشغلها وصور كلامهم ومحادثاتهم
واحد من الرجال : اين والدك ؟
مارت : ان ابي امرني بتسليمكم البضاعه ولا توجد حاجه لوجوده فأنا افي بالغرض
رجال ثاني : اوه يبدو ان الولد المدلل كبر
مارت وهو يلوي يد الرجال الضخم : اعد ما قلته من هو المدلل
الرجال الاول : هههههه يبدو انا والدك دربك جيدا
مارت وهو يترك يد الرجل : كفاك ترهات وهيا ابدا بتنفيذ المهمه فالمستلم سيأتي بعد عشر دقايق انه يريد كمية كبيرة من الاسلحة ان هذه الدفعه ستربحنا الكثير وعقد حواجبه وهو ينتبه لشال بلون السكري وابتسم وهو يقول : اوه يبدو ان القبو ملئ بالجرذان وهو يقترب للشال السكري
..........
ايلين وهي شوي وتبكي : عناد يتجهه لجهتنا شكله شافنا
عناد يدخل الكاميرا : خلاص صورت الي يكفيني يالله خلينا نطلع
ايلين متمسكه فيه من ورا
مارت اشر لجون من غير لا ينتبه عناد وايلين انه يتجهه للجهه الثانيه
عناد حس بحركتهم الغربيه توقع انهم اكتشفوهم مسك يد ايلين واخذ نفس كبير وهو عارف ان الي بيسويه خطا واكيد رح يقبضون عليه بس ذا الحل الوحيد الحين له وركض باقوى ما عنده لمخرج
مارت : جون الحق بهم لا تدعهم يهربون
الرجل طلع المسدس وصوب عليهم
صرخ مارت : ايها الغبي يوجد بارود هنا اذا اطلقت سينفجر المكان بنا الحقوا بهم هيا
عناد وهو يركض توقع يطلقون النار عليه بس استغرب انه يلاحقونه بس
ايلين وراه تحس نفسها بتطيح ما تقدر تجري بالكعب و خايفه كمان ينكسر وتطيح : عنـــاد عناد بطيح
عناد : ما نقدر نوقف رح يمسكونا اجري بسرعه
ايلين : عنــــــــ وطاحت انكسر عكب رجلها اليمين وقف عناد يبي يوقفها عشان يهربون رفع راسه شاف مارت ورجالين موجهين المسدس عليهم
مارت بابتسامة خبث : اهلن اهلن عناد وحبيبته هنا يا ترى ماذا كنت تفعل
عناد باستغباء : كنت اريد ان اتحدث معك وكنت ابحث عنك ... وها قد وجدتك اريد ان اخبرك سرا
مارت : هل تراني مغفلا
عناد : تقريبا وصرخ من الم بطنه بعد ما ركله مارت فيها مسك مارت بشعره ورفعه لفوق يبدو انك تريد لسرك ان يوفضح فدولتكم قد تسجنك بسبب هذا السر ورماه على الارض وهو يركله برجله بأي منطقه تجي رجله عليها صار عناد يكح دم
ايلين خوفت وانا اشوف شكل عناد وهو مرمي بالارض ومارت يركله برجله نزلت دموعي كله بسببي انا الي طلبت منه يساعدني انا الي دخلته بذا الموضوع صرخت باقوى ما عندي : عناااااااااااااااااااد الله يخليك اتركه
عقد مارت حواجبه وهو مو فاهم شي سرعان ما ابتسم باستغراب : مستحيييل هل انتي ايلين وناظرلها من فوق لتحت : ماذا فعلتي بنفسك
وقرب منها ومسك خصلة من شعرها : لماذا غيرتي لون شعرك الجميل وشد شعرها بغضب اجيبي لماااذا
ايلين صرخت من الم شعرها : ما شأنك انت بي اتركني
مارت وكأنه تذكر شي : هل ترفضين العلاقه معي من اجل هذا واشار للعناد ... حسنا سأريك ما سأفعل بعه
لف للرجال الي عنده : هيا انقلوا البضاعه فالزبون على وصول .. وناظر ساعته الي تشير لـ 12:00 ومسك ايلين ورماها عند واحد من الرجال : اربط يدها فهي ستأتي معنا
جون : والرجل ؟! وهو يشير لعناد
ابتسم بشر: لدي خطة جميله
مسك عناد بمساعدة الرجال وربط حبل على يده اليمنى ومرره على بكرة معلقة في السقف ورفعها لفوق وبنهاية الحبل ربط مسدس وربط حبل ثاني بالباب يعني صار المسدس المثبت على الطاولة بالنص بين الحبل المربوط بالباب والحبل بيد عناد بحيث اذا احد حرك مقبض الباب رح تطلق رصاصه الي كانت موجهه بالضبط لجهة قلب عناد او اذا حرك عناد يده رح تنطلق الرصاصه وربط رجوله ويده الثانيه
مارت : هذا جزاء ما فعلته بايلين وغيرت شعرها ... سنرى هل ستموت بدخول احدهم او تتعب من رفع يدك وتقوم بتحريكها
ايلين : ارجوك فك قيوده وسأفعل ما تريده .. هو لا شأن له
مارت وهو يمسك فك ايلين : للاسف انستي ولكنك مجبره على فعل ما اريده دون شروط ... لف للرجال هيا بنا واخذوا ايلين الي كانت تصرخ : عننننننااااد انا اسفه اسفه
عناد بهدوء : لا تخافين رح ينحل الموضوع وهو يدعي ربه ان جابر يسوي الي قاله عليه
....................
عند جابر رفع يده عشان يشوف الساعه الي بمعصمه صارت الحين الساعه الثانية عشر تماما :الحين وقت الي قالي عليه عناد
رفع الجوال لاذنه عشان يكمل خطة عناد .!
......................
(ايلين)
اخذني مارت معه لسياره سودا ويديني مربطه والله اني خايفه على عناد اكثر من نفسي انا الي دخلت بذيه السالفه يا رب احميه يا رب احميه
مارت رفع راس ايلين بطرف اصبعه : يا ألهي لم الدموع يا اميرتي ...؟
ايلين لفيت وجهي للشباك بعيد عنه
مارت : ههههههههه لا تقلقي سأحضر لك جثته بعد المهمه
ايلين ببرود العالم كله وهي من جوا بتموت خوف : عناد لن يموت صدقني بل انت ستكون الميت قريبا
ابتسم مارت : سنرى ثقتك الى اين ستوصلك
جون : سيدي لقد وصل الزبون
......................
عناد اخخخخ يدي بدت تعورني يا ربي مفرو ض جابر سوا الي قلتله عليه ... شهقت بخوف ليكون سحب علي ابتسمت بسخريه اكيد الي يخون مرا يقدر يخون مرا ثانيه يا ربي اذا صدق سحب علي روحت فيها احس يدي معد احس فيها واخاف احركها تنطلق الرصاصة لا يا رب لساتني صغير ابي اشوف حياتي
.........................
ايلين جالسه بالسياره فجاءة سمعت تبادل اطلاق نار خوفت مدري وش اسوي سمعت مارت يقول : يبدو انه فخ لقد وصلت الشرطه لنهرب
ايلين غمضت عيوني بقوه وادعي من قلبي ان كل هذا يكون حلم فجاءة سمعت ان الاطلاق توقف وهدووووء يخوف اخذت نفس وقررت اخرج قربت يديني من الباب وهي مربوطه بالعافية قدرت افتحه وشهقت من المسدس ال كان موجه لراسي اول ما فتحت الباب بس ركزت لملابسه : ايها الشرطي هؤلاء اختطفوني وشهقت وانا اتذكرعناد : سيدي الشرطي انهم يحتجون صديقا لي ايضا
انزل الشرطي المسدس :اين هو صديقك
ايلين : انه بالقبو وتذكرت ومسكت يد الشرطي بيديها المربوطتين : ايها الشرطي لا تدعهم يدخلون القبو من الباب الامامي سيموت
الشرطي مو فاهم عليها : اهدائي واخبرني ببطئ
ايلين : لقد ربط حبل بمقبض الباب والمسدس يعني اذا انفتح الباب سيتحرك الحبل ويطلق الرصاصه على عناد..!
الشرطي : عناد ؟.... فتح عيونه بذهول وقال بالعربي : مستحييييل
ايلين وهي مو مركزه انه نطقها بالعربي : ارجوك اسرع
الشرطي رفع الاسلكي : ايها الجنود لا تدخلوا القبو اكرر لا تدخلوا القبو ووجه كلامه لايلين : انتي تعالي معي سترشديني للباب الخلفي
ايلين : حسنا .... وهي تحاول تذكر مكان الباب الي اخرجوها منه للسياره وناظرت حولها اكتشفت انها بحديقة منزل مارت
ايلين :اتبعني
مشى وراها الشرطي ومعه 3 من الجنود تحسب لو صار شي
........................
عناد يحس يده صايره ثقيله لو جلس دقيقة زياده يمكن ينزل يده :يا جابر بس ذيه المره لا تخذلني سمع صوت الباب ينفتح خاف يلف تتحرك يده وتنطلق الرصاصه بس سمع ضحكه طمأنته
الشرطي : هههههههههههههههههه والله شكلك تحفه
ايلين مفهيه ومصدومه كيف ذا يتكلم عربي وليه يضحك بذا الوقت
عناد : إياد بدل ضحكك ذا تعالي ساعدني يدي تعبت
إياد ببرود : شرايك اخليك خمس دقايق ثانيه
صرخ عناد وهو مو حاس بيده : إياااااااااااد بلا استعباط مو وقتك ترا
إياد بجديه : ذا عقاب لك لانك سرقت الاسلكي ... وش الي خلاك تقحم نفسك بذا الموضوع هاه انا قلتلك خطتنا ما توقعت منك ذا التصرف
عناد : للامانه ما توقعت خطتكم تمشي عشان كذا فكرت اسجل المحادثه عشان يكون دليل مرئي .. وبعدين توقيتكم كان خطا ... لو ما اتصل عليك جابر كان ما جيت ولا قدرتوا تمسكووونهم
إياد وهو يفك الحبال من عناد ويبعد المسدس : المعلومات الي وصلتنا ان عمليتهم مفروض تكون بكرا وتذكر شي واردف : وانت وش عرفك انه العمليه اليوم
عناد وهو يدلك يده الي كانت مربوطه :هش ذا سر المهنه وابتسم ببلاهه
إياد : طيب ليه دخلت ذيه معك وهو يأشر على ايلين
عناد: لانهم مستحيل يدخلوني من غير مرافقه
ايلين كأنها بدت تستوعب : انت هي ليكون مدخلني بس عشان تقدر تدخل اصلن وش دخل ذا بمشكلتي كنت بموووت وذا كله بسببك يا غبي وانت كنت عارف انه بتصير عمليه زي كذا كلها اسلحه ... ليه قلتلي انك تبي شي تمسكه عليه عشان تهدده يبعد عني مو اسلحه وكلام كثير وجلست على الارض تبكي : اهئ اهئ سمعت اطلاق النار حسيت ان اليوم رح تكون نهايتي اهئ اهئ
قرب منها عناد بابتسامه حنونه وضمها لصدره وجلس يمسح على شعرها : خلاص اهدي عدا الموضوع على خير
ايلين تمسكت فيه بقوه وزاد صوت نحيبها قاعده تبكي خوف الليله والتشتت الي تعيشه وبعد امها عنها تبكي كل شي صارلها بالفتره الاخيرة كانت محتاجه لذيه الضمه وكثير بعد
إياد مستغرب مرا شكلها ما يدل انها عربية
ايلين كأنها استوعبت انها بحضن عناد ابعدته عنها بقوه وباحراج : انت خير من سمحلك تهديني خلني ابكي كيفي
عناد : ههههههههههههههههههههه شكلك تحفه
ايلين : انقلع يا الغبي
عناد : الحين بقي ابوك عشان يلغي القضية
ايلين تضرب راسها بخفيف : نسييييت والله
إياد : احم احم شكلكم ناسين ان في بني ادم واقف هنا
عناد بخبث : وانت ليه واقف للحين خلني انا وزوجتي ناخذ راحتنا
إياد بصدمه : زوجـــــــــــــــــــــــــتك..!!!!!!!!
ايلين ووجهها ولع : ياخي انت شفيك تبي تجيب اخرتي بكلامك البايخ ... ووجهت كلامها للشرطي : تعديل زوجته لفتره
إياد : بالهداوه ... عناد ممكن تفهمني الموضوع مافي طلعه من هنا لان تقولي ...
حكاله عناد القصه
إياد : واااو تدري لو عرف ابوك وش بيسوي
تدخلت ايلين : مو لازم يعرف ابوه كلها فتره ونطلق
سكت عناد وما علق
إياد لمح شي بعيون عناد بس ما علق: عناد وزوجتك تعالو معنا لازم يستجوبونكم
عناد : طيب .... وبقلبه الحمد لله بكذا ضمنت سري ما يطلع مارت رح ينسجن ولا رح يسمعون لشئ ماله دخل بالقضية وبحزن وجابر الي صدق حبيته كصديق لا مو صديق اخ كان بالنسبه لي صدق الدنيا الوصخه ...المهم كل الي علي الحين اشكره وبس
.......................
(جابر)
يا ربي للحين متوتر ومدري وش صار وتذكر مكالمة عناد <<كنت سادح احس عظامي مكسره فجاءة سمعت جوالي يدق بالنغمة الي مخصصها لعناد حسيت نفسي احلم عناد واعرفه مستحيل يتصل وهو زعلان مسكت الجوال وضغطت على زر الرد الاخضر بتردد : الـ الو
عناد بجمود : جابر اذا كان يهمك اني اسامحك ابي اطلب منك طلب وصدقني اذا نفذته رح اذكرك بالخير وانسى الي راح
جابر : عناد الله يخليك اسمعني اول وبعدها والله وعد انفذلك الي تبي
عناد : ما اتصلت عشان اسمع اذا ما رح تسوي الي ابيه مع السلامه
جابر بخيبة امل : لا صبر قول الي تبي مستعد انفذه
عناد : اسمع اذا جت الساعه 12 بالضبط اتصل على رقم بعطيك هو هذا شرطي اسمه إياد قله يقولك عناد ان العمليه بتم اليوم وينفذ الخطه
جابر مصدوم : عناد وش قصدك أي عمليه واي خطه
عناد : اذا بتساعدني رح اعطيك الرقم ومن غير اسأله واذا ما تبي خلاص
جابر تنهد : خلاص بسوي الي تبيه
عناد : امسك الرقم ******************
واتمنى هذه المرا ما تخذلني >>>
تنهدت من ذا العناد العنيد يا رب بس اقدر واخليه يسمعني
......................
ايلين وعناد بالسياره بعد ما خلصوا استجواب من الشرطه
ايلين : خلنا نروح لابوي الحين وانهي موضوعي
عناد وهو يناظر لساعة معصمه : انتي مجنونه شايفه الساعه كم ؟؟
ايلن ناظرت لساعة السياره الي كانت تشير لساعه 2:00 ليلا هزت كتوفها : عادي هو الحين تلاقيه لساته راجع من سهره من سهراته
عناد : الي تشوفينه .... وغير اتجاهه لمنزل ايلين ..!
وصلوا لبيت ايلين ودخلوا للبيت ولاقوا بوجههم إلسا
ايلين : إلسا اين والدي ؟
إلسا :لقد وصل قبل قليل وهو بالمكتب الان
راحوا لمكتب ابو ايلين ألبرت
دقت ايلين الباب
ألبرت : ادخل
دخلو عناد وايلين
ايلين : أبي اعرفك بزوجي
ابتسم ألبرت : كنت اتوقع منك ان تفعلي شي كهذا فأنا اعرفك فأنتي لن تستسلمي بسهوله وتفعلي ما اريده ... لكن ما فعلته دون جدوى .. وابتسم بسخرية : يبدو ان زوج امك قد خدعك
ايلين مصدومه : ما الذي تقوله .!!!!!!!!
ألبرت : اولا لم يعد يهمني زواجك بمارت لانه سجن هو ووالده بتهمة تهريب الاسلحه ... ثانيا القضيه الغيتها منذ ان سافرت امك بالمختصر عندما اخبرتك ان تتزوجي مارت كانت القضيه قد الغيت وزوج امك سافر خلف والدتك باليوم التالي الم يخبرك بذلك ضحك بسخريه : هه حقا انتي غبيه وثالثا واخيرا ان امرك لا يهمني ابدا واخذك من امك لم يكن سوا انتقام لانها تزوجت غيري وابعدتها عنك كي تتألم كما تألمت انا ببعدها فلذلك منذ هذه اللحظه لا اريد انا ارى وجهك وكل بطاقاتك المصرفيه سألغيها ... وناظر لعناد من فوق لتحت : ودعي زوجك يصرف عليك وانسي اني كنت بيوم والد لك
ايلين مصدووومه لا لا كثير عليها الي تسمعه كيف زوج امها قدر يسوي فيها كذا طيب وامي.؟! خلاص راحت مقدر اشوفها مرا ثانيه هه ابتسمت بسخريه على نفسها ابوي ما يبيني ولا زوج امي يبيني وامي مستحيل تهدم حياتها عشاني يعني الحين رح اصير من غير عايله ويمكن من غير بيت كمان الحين وش اسوي وين اروح حسيت بعناد يمسك يدي
عناد : بالتأكيد فأنا لن اترك زوجتي ... وشكرا لانك انت الذي تبريت منها لاني كنت اريد منك ان تفعل ذلك لان لا اريد لزوجتي انا تكون ذا صلة بك
ألبرت : اخرجا من هنا
مسك عناد يد ايلين وسحبها معه للخارج وهي زي الصنم تمشي معه من غير لا يرف لها جفن وصلوا للسياره حط عناد يدينه على كتوفها وتكلم بحنان : ايلين ... ناظريني .... رفعت ايلين عيونها له : يا بنت ليه ذا الحزن كله تراه هو من البدايه ما يبيك ذا صدقيني احسن لك ولمصلحتك عشان تقدرين تعيشين مرتاحه بعيد عن تحكمه فيك ... وامك كمان تقدرين تروحين السعوديه وتدورين عليها وتعيشين معها
ايلين بحزن هزت راسها بالنفي : مستحيل حتى لو امي تبيني بس زوج امي ما يبيني ما رح اهدم حياة امي واشتت اخوي راكان بينهم انا جربت شعور التشتت وقد ايش هو يعور تنهدت : عناد تعبتك معي اليوم .. وحتى الزواج على الفاضي تقدر بكرا تطلقني والحين وصلني بيت نواره لو سمحت بقي اليوم فيه لان ادبرها
ركب عناد السياره من غير حرف وركبت ايلين جمبه وحرك عناد وطول الطريق وهم ساكتين وقف قبال الفندق الي بات فيه الليله الي راحت بعد ما تهاوش مع جابر
عناد : وصلنا
ايلين الي كانت سرحانه فاقت من سرحانها وهي تشوف الفندق : انت وين موديني قلتلك ابي بيت نواره
عناد : ايلين انتي الحين زوجتي وانا مسؤل عنك
ايلين : شفيك انت مصدق اني زوجتك ... خلاص بكرا بتطلقني
عناد : ايلين ابي مساعدتك بشئ
ايلين : ما اظن اقدر اساعدك بحالتي ذيه بس قول ان شا الله اقدر اساعدك
عناد : ابوي يبيني اتزوج
ايلين : طييب ؟؟؟
عناد : والي اختارها لي ما ابيها
ايلين : طيب قله انك تبي وحده ثانيه ما يبيلها شي
عناد : ايلين انتي ما تعرفين ابوي لو يبي شي رح يسويه واذا قال بيزوجني رح يزوجني الي يختارها هو !!
ايلين : طيب انا كيف اقدر اساعدك ؟
عناد : بكرا انا مسافر السعوديه وابيك تجين معي
ايلين : ايييييييييييييييييييييييييييش !!!!!!!
عناد : ايلين بليز عشان اقله اني متزوج ويشيل الفكره من راسه لان اهل البنت الي يبيها لي مستحيل يرضون ان تكون بنتهم الثانيه وبكذا يتفركش الموضوع يعني تقريبا تحمليني سنه وبعدها بطلقك
ايلين : صبر صبر عيد تبيني اجي معك السعوديه واجلس على ذمتك شهر مستحيييل
عناد : فكر بمنطق اولا بتساعديني ثانيا اذا جلستي هنا وش بتسوين مالك مكان ولا شي بس اذا جيتي معي رح تقدرين بالفتره الي بتقضينها عندي انك تدورين شغل وتشتغلين وتدرسين عشان يوم نفترق يكون عندك القدرة انك تعيشين لحالك ...
ايلين معه حق بالي قاله الحين مقدر اسوي شي رح اعيش ضايعه يمكن بذيه الفتره اقدر اجمع شتاتي وكمان كيف ارفضله ذا الطلب السخيف وهو ضحى بحياته عشاني : طيب موافقه رح اسوي الي تبيه
عناد وهو طاير من الفرحه بس ما بين : مشكوره
...................
اليوم التالي
بالمطار
نواره وهي تضم ايلين وتهمس بأذنها : هي الي كانت عم بتقول بس زواج مؤقت عم شوفك رح تسافري معه
ايلين بنفس الهمس : لمتى رح اجلس افهمك بس عشان اردله جميله وبس
نواره : ما بكون نواره اذا ما حبيتيه
ايلين : خيالك وااسع
نوارهتبوسها بخدها : رح نشوف .. انتبهي لحالك كتير كتير ولا تنسي تحاكيني
عناد : يالله ايلين
ودعت ايلين نواره ومشت مع عناد متجهين للطياره
عناد بعد تفكير طويل مع نفسه قرر انه يتصل على جابر
عناد : ايلين اسبقيني شوي واجيك
ايلين : طيب
راح عناد بعيد شوي واتصل على جابر : الو
جابر كان يستعد عشان يروح للجامعه رد يوم شاف رقم عناد : الو عناد وينك امس ادق عليك ما ترد
عناد : جابر ... مدري وش اقلك بس انت اعز انسان عرفته وللحين عزيز وغالي واكتشفت مع علاقتي معك ان لازم عشان تحافظ على علاقتك مع شخص لازم تخلي خطوط حمرا عشان تستمر العلاقه وانا اخطيت يوم تجاوزت الخطوط الحمرا وقلتلك سر كبير عني جابر مشكور على كل مرا فرحتني وضحكتني فيها على كل مرا كنت عون وسند لي بس خلاص لهنا توقف علاقتنا لاني ما مقدر ارجع طبيعي معك زي اول ولا ابي اجرحك وتراني اليوم مسافر للسعوديه واجار الشقه زي ما قلتلك رح يوصلك
جابر بترجي : عناد اسمعني قبل لا تحكم خلني اقول الي عندي
عناد: جابر ما ابي اسمع شي الي وصلني كافي
جابر بفقدان امل كبييير : اصلن انا طالع من الشقه ما يحتاج تدع شي
عماد: جاااااااااااااااابر
جابر: لا تقول جابر انت مو راضي تسمع ولا تبي تكون صديقي فخلاص الله يوفقك بحياتك وما ابي شي منك
عناد يسمعهم ينادون رحلته : ما ابي اطول النقاش وهو قصير خلاص براحتك سو الي تبيه انتبه لنفسك ومع السلامه
قفل عناد من جاب واتجه للطياره وجلس على مقعده جمب ايلين
.......................
نزلت الطيارة على مطار المملكة العربية السعودية وتحديدا بالرياض
نزلوا ركاب الطياره
عناد وهو يستنشق الهوا كأن له دهر ما تنفس : اشتقت لبلادي اخييييرا احسني اتنفس
وايلين جالسه تناظر حولها وتشوف الحريم لابسات عبايات كلهم اول مرا تزور بلد امها
ملاحظة :ايلين عناد جابلها عبايه ولبسها هي طبعا عبايه وحجاب بس نرجع لروايتنا *_^
عناد يناظر لايلين وهي لابسه العبايه ومتحجبه مرا فرح انها ما عارضت ولبست الحجاب ووعدته انها تتحجب بقي النقاب بس رح يمشي معها خطوه بخطوه : امممم الحين شرايك نروح نرتاح بأي فندق ولا نروح لاهلي الحين ونصدمهم
ايلين : والله انك مو صاحي اقل شي مفروض تخبرهم انك جاي وتصدمهم بزواجك بس كذا اثنين في واحد ما رح يتحملون
عناد : هههههههه حلوه اثنين في واحد المهم ما قلتيلي وش نسوي الحين
ايلين : انا اشوف انك تروح انت لحالك اول وتقولهم عن زواجك بعدين تجي تاخذني لهم
عناد : لا لازم نروح سوا عشان يشوفونك مرا وحده
ايلين : الي تشوفه
عناد : نروح الحين احسن مرا مشتااااق لامي
ايلين : براحتك

.................
وصف بيت ابو ناصر (ابو عناد) كان عباره عن سووووووور كبير جوتها حديقه مساحتها كبيره وبنص الحديقه يوجد بيت ابو ناصر البيت الكبير وحوله البيت باني لكل واحد من عياله عماره عشان اذا تزوجوا يسكنون فيها
مرت سنه على وجود ايلين بعايلة عناد
بالبدايه عارضت ام عناد وسوت فيلم درامي لكن بالنهاية رضت وقدرت ايلين باسلوبها تكسبها وتخليها تحبها وبذيه الفتره كمان سوت صداقه مع فاطمه اخت عناد وصاروا كأنهم من زمااااان مرا يعرفون بعض والحين جا اليوم الي مفروض عناد وايلين يفترقون فيه على حسب اتفاقهم
عناد : اممممم ايلين
ايلين بهدوء على غير عادتها : هلا
عناد : مرت سنه
ايلين : ادري ... مرت بسرعه
عناد : ايلين بقلك شي .... صدق يا ايلين انا حبيتك
رفعت ايلين راسها له :!!!!!!!
عناد منحرج : مدري وش يسمونه بس حبيتك من اول مرا شوفتك فيها بالمطعم تقدرين تقولين حب من اول نظره ويوم عن يوم يزيد حبي لك ومقدر اتركك وترا حتى سالفة الزواج ان ابوي يبي يزوجني كلها كذب بس ما كنت ابي ابتعد عنك سامحيني لاني كذبت عليك يعني شسمه اذا انتي راضيه فيني كزوج خلينا نكمل زواجنا ونعيش مع بعض اخذ نفس: ايلين رح اخليك تفكرين اذا تبينا نعيش سوا اولا الحين طالع وراي شغل
ايلين اول ما خرج صرخت : اااااااااااااااااااااه ما اصدق ما اصدق يحبني يس يس يس من زمااان ودي يقولي كذا يا ربي يا ربي وش اسوي لاقيتها عندي فاطمه المتزوجه رح تفيدني مسكت الجوال ودقت على فاطمة وهي تاكل اظافرها بتوتر وتستنى فاطمه ترد
:الو
ايلين : اخيييييرا رديتي .. ما بغيتي المهم فاطمه اسمعي اخوك يحبني ما اصدق طلع كل كلامك صدق
فاطمه : اهدي خرمتي اذني ... وبعدين يا غبيه من زمان واضح انه يحبك بس انتي عمياء ما تشوفين
ايلين : ما يهم بس علميني وش اسوي ابي ليله رومنسيه
فاطمه : معك وشي رومنسي ما اظن
ايلين : فطييييم لا تحطميني
فاطمه : ههههه اوك اوك اسمعي *****************************
ايلين ووجهها ولع : مستحيل اسوي كذا مرا لا فاطمه استحي مستحيل
فاطمة : عشنا وشوفنا ومن متى نازل عليك الحيا
ايلين : فطيم بلا مسخره الحين
فاطمه : سوي الي قلته لك .. يالله ايلين بقفل بروح لعادل وجنان كالعادة يتضاربون عفسوا الغرفة ولا تنسين سوي الي قلتلك عليه
ايلين تنهدت : طيب
.........................
بالليل جهزت ايلين الغرفه وزينتها بشموع عطره باللون الازرق وملت الغرفه بلونات باللون الازرق الغامق والسماوي ولبست وتكشخت وتمكيجت المهم انها حاولت تسوي ليله جميله يطريقتها بعيدا عن الوان الحب الحمرا التقليديه المهم دخل عناد وتفاجاء بالاضواء الخفيفه دخل غرفه نومه وفتح عينه بصدمه وهو يشوف ايلين جالسه بغرفته بكامل اناقتها قرب منها وهومبهووور بجمالها ***************************** الباقي مشفر *_^
...............
اليوم الثاني فتحت ايلين عينها وعقدت حواجبها للشخص النايم جمبها وتذكرت كل الي صار امس وابتسمت بحب وهي تتأمل عناد عن قرب فتح عناد عيونه نزلت عيونها بارتباك
عناد باسها بخدها : صباح الخير يا عروسه
ايلين ووجهها مصبوغ بالاحمر : صباااح النور
عناد : تدرين ايلين مرا ما ينفع تستحين ترا يصير وجهك احمر على لون شعرك مرا ما ينفع
ايلين وهي تمسك المخدره وترميها بوجهه : والله صدق انت ما ينفع معك الرومنسيه
عناد وهو يبعد المخده ضحك : هههههههههه بس وقف ضحك وهو يشوف وجه ايلين تغير . شفيك ؟
ايلين: عناد ... ابوك؟
عناد بتعقيدة حواجب : ابوي ؟! شفيه
ايلين : يعني هو مو راضي فيني كزوجه لك
عناد يطمنها : لا تخافين مصيره بيرضى زي امي عارضت والحين راضيه فيك وتحبك
ايلين : اتمنى
............... وبعد 3 اشهر تقريبا حملت ايلين ودبرلها ابو عناد خطه الي دمرت حياتها ورح نعرف التفاصيل بالبارتات الجايه *_^
................
بالحاضر
: الو ناصر ....... اخبارك وكيف امي ........الحمد لله احسن من اول ......... بلغ امي اني بكرا رح اكون عندها ان شا الله .... ههه احس عشر سنين كفايه حرمت امي مني عشان انسانه ما تستاهل ........ ناصر لمتى رح تظل تفتح ذا الموضوع قلتلك ذيه الفتره ما ابي اشوفه مو مستعد .... ان شا الله ان شا الله ... تقريبا بوصل على الساعه 11 الظهر ..... اله يسلمك .... مع السلامه
انتهى البارت
توقعاتكــــــــــــــــــــــم
لا اله الا الله والحمد لله والله اكبر
وبالنسبه للبارتات حددوا اذا تبونها يوم ايه ويوم لا بس تكون قصيره او اسبوعيا وطويله بشوف الاغلبيه وش تقول ولا تحرموني من ردودكم



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 02-03-2017, 03:56 PM
صورة بريق الأنوثة الرمزية
بريق الأنوثة بريق الأنوثة متصل الآن
©؛°¨غرامي فعال ¨°؛©
 
الافتراضي رد: رواية لون شعري دمرلي حياتي ..!؟


يجنننننننننننننننننننن تسلم يدك على البارت مدري وش اتوقع الصراحه؟:(

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 02-03-2017, 07:53 PM
صورة روزي ال الرمزية
روزي ال روزي ال غير متصل
©؛°¨غرامي مشارك¨°؛©
 
الافتراضي رد: رواية لون شعري دمرلي حياتي ..!؟


اقتباس:
المشاركة الأساسية كتبها بريق الأنوثة مشاهدة المشاركة
يجنننننننننننننننننننن تسلم يدك على البارت مدري وش اتوقع الصراحه؟:(
الله يسلمك حبيبتي
الله يسعدك على متابعتك لي
هههههههه عادي عادي بعتبرك توقعتي *_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 03-03-2017, 04:14 PM
صورة سكوبي الرمزية
سكوبي سكوبي غير متصل
©؛°¨غرامي جديد¨°؛©
 
الافتراضي رد: رواية لون شعري دمرلي حياتي ..!؟


رووووووووعه البارات
اقترح تخلينه مرتين بالاسبوع كذا احس احسن بحيث مايكون قصير مرره
لي عوده مع توقعاتي



دمتي بخير ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 04-03-2017, 12:14 AM
صورة روزي ال الرمزية
روزي ال روزي ال غير متصل
©؛°¨غرامي مشارك¨°؛©
 
الافتراضي رد: رواية لون شعري دمرلي حياتي ..!؟


اقتباس:
المشاركة الأساسية كتبها سكوبي مشاهدة المشاركة
رووووووووعه البارات
اقترح تخلينه مرتين بالاسبوع كذا احس احسن بحيث مايكون قصير مرره
لي عوده مع توقعاتي



دمتي بخير ..
الله يسعدك حبيبتي
ان شا الله المهم اذا تبونه يكون مرتين بالاسبوع
رح انزل ذا الاسبوع يوم الثلاثاء وبعدين رح يصير
ان شا الله يوم السبت والثلاثاء
ويعطيكم على العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 04-03-2017, 10:04 AM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: رواية لون شعري دمرلي حياتي ..!؟


السلام عليكم

أحس المقصود بلون شعري هو سبب

ولد ايلين

أكد راح يطلع على أمه

بالتوفيق لك

دمت بود

الرد باقتباس
إضافة رد
الإشارات المرجعية

رواية لون شعري دمرلي حياتي ..!؟

الوسوم
..!؟ , دمرلي , حياتي , رواية , شعري
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 29830 اليوم 08:40 PM
رواية حياتي اوسكووت روايات - طويلة 4 12-01-2017 05:49 PM
رواية تلك هي حياتي أنثى على ذمة عاشق أرشيف الروايات المغلقة - لعدم إكتمالها 10 15-06-2016 05:00 AM
رواية على حافة الانتقام للكاتبة / داليا {أجـمـَلُ إبتسآمـة} روايات - طويلة 9 22-10-2015 05:21 PM
رواية رفقا بي يا اهاتي /بقلمي شيــــ chichi مـــاء روايات - طويلة 61 11-09-2015 10:03 AM

الساعة الآن +3: 10:16 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1