منتديات غرام روايات غرام أرشيف الروايات المغلقة - لعدم إكتمالها رواية أرجعي لي أنا على أشواقي صمت/بقلمي
Silence7x.__w ©؛°¨غرامي جديد¨°؛©

السلام عليكم اعضاء منتدى غرام الاعزاء
لا اعرف كيف ادخل بموضوعي لكن كل م سأقوله انني احببت هذا المنتدى كثراً ، لطالما قرأت الكثير من المواضيع والروايات فيه واليوم فقط تجرأت لاكون عضوه منكم واطرح لكم موضوع ب قلمي .

(رواية ارجعي لي انا أعلى اشواقي صمت ) : اول روايه لي امتلأت ذاكرتي بمخيلات ف فتحت لها المجال وانسكبت لكم بكل حب .
لأبيح نقل روايتي الا وقد نقلتم لقبي قبله
( silence7x.__w )
سأضع الان بين ايديكم شخصيات أبطالي فهي تكشف الكثير من صفاتهم .
رواية ارجعي لي انا أعلى اشواقي صمت 🔕💕.
الشخصيات .
الجد محمد : شخصية قويه جدا مسوي شركه كبيره ومشهوره جدا توه تقاعد وسلم الاداره ل اكبر عياله احمد هو
شخصيته الامر والناهي قرر يسكن بالمزرعه وكل نهاية اسبوع بيخلي عياله يجون فيها ينامون لوقت الدوامات .
الجده حصه : متقلبة المزاج مره طيبه م فيه مثلها مره لعينه تكرهك فيها احيانا تمشي زوجها الي هو الجد محمد ع مزاجها واحيانا م يسمعها وهو يمشيها ع بكيفه .
أبناءه : احمد بو فيصل ، بعده جاسم بو تركي ، بعده بدر بو سليمان بعده فهد ابو مشاري وبعده منيره بنته اخر العنقود .
1-- عائلة احمد ابو فيصل .
متزوج وحده بس الي هي
ريماس ام فيصل : وهي تحب وتعشق عيالها وتهتم فيهم اكثر من نفسها مستعده تضحي لهم ب قلبها . ولدها الكبير : فيصل العمر : 26 سنه .
الدراسه : متخرج من الجامعه هندسه ويشتغل مع شركة ابوه وبنفس الوقت يكون مهندس اولي واساسي ل الشركه يفكر ان تكون له شركه مستغله ماهر في شغله مرا وفنان ومطلوب من الكثير .
شكله : جميل جدا يخقق اسمر وملامحه حاده جدا عيونه بني فاتح جدا وححاده جدا اذا خز احد يرتجف من الخوف مهما كان عمره لان له نظره قويه مرا شعره كثيف وناعم يوصل لاول رقبته ودايم يقصه ودايم يلبس كاب (يعني قبعه ) طويل مرا وجسمه رياضي بحت .
صفاته : كان يكره الحريم وابد م يحب يختلط فيهم ويكره المايعات حيل عكس تركي ومشاري م يفكر بالزواج ابدا وكانت شخصيته قويه ل ابعد حد الكل يهابه ويحترمه رجال وصغار حريم و شباب له رايه بالعيله وكلامه الكل يقدره ، ملتزم و محبوب بين الاغلب فيه شهامه ورجوله طاغيه على الكل عون ل كل محتاج اذا كان مع ربعه لحالهم يكون شخص ثاني مزوح وضحوك ويستهبل .
ورد وحنين تؤم .
حنين العمر : 19 سنه .
الدراسه : سنه ثانيه ادارة اعمال تمشي بالدف معتمده ع ليال .
شكلها : جميله بيضا وعيونها وسط لونهم بني انفها صغير مرا ومرفوع شوي وفمها وسط شفايفها ورديه وشعرها بني طبيعي يوصل نصف ظهرها نحيفه بس مو مرا طولها متوسط .
صفاتها : من اسمها حنونه لابعد حد وطيبه جدا مهما صار تسامح وتنسى هبله وطول وقتها استهبال و مقالب وهواش وضحك الحياه عندها ورديه
وتموت ب شي اسمه ورد و م ترضا عليها ابد تضحي بروحها علشانها صاحبتها الروح ب الروح ليال وجود .
ورد
العمر 19 سنه
الدراسه : خلصت ثانويه وجلست سنه في البيت بعدين كملت تدرس سنه تحضيريه كلية التربيه .
الشكل : تؤم حنين بالضبط نسخه منها الفرق الوحيد فيها شامه دائريه صغيره ع خصرها يعني ابد محد يقدر يفرق بينهم .
صفاتها : هاديه لابعد حد عكس اختها بكايه ودمعتها ب عينها تخاف تسوي اي شي بدون حنين م تحب تتعرف او تكون صدقات كثيره صاحبتها الي مرررا معها بعد اختها ندى .
2-- عائلة الابن الثاني جاسم ابو تركي .
متزوج ثنتين الاوله نور م تجيب عيال
والثانيه ام تركي منى يحبهم ثنتينهم ومايفرق بينهم ابد .
تركي العمر : 25 سنه .
الدراسه : تخرج من كلية ادارة الاعمال ويتشغل في الشركة عند ابو فيصل .
الشكل : كان جميل لون بشرته حنطيه مايله ل البيضا شعره ناعم بس مو كثيف ويوصل لاخر رقبته يهتم بشكله جدا وكل يوم شكل وموضه جديده جسمه رياضي شوي.
الصفات : طيوب ويعشق شي اسمه حريم يخق ويتخرفن بسرعه يحلم ان زوجته تكون ملكة جمال لكنه شهم وينشد فيه الظهر صاحب فيصل ومشاري الروح بالروح .
ياسر العمر : 24 سنه .
الدراسه : متخرج من كلية الطب ويشتغل دكتور ب مشفى خصوصي دكتور ماهر ومعروف .
شكله : جميل وطويل لكنه نحيف شوي حنطي مايل لسمار ملامحه حلوه الشي المميز فيه انفه سلة سيف .
صفاته : هادي جدا يهتم لعمله كثير اغلب وقته بعمله ودايم يخاذ وقت اضافي يشتغل فيع متحرر وتفكيره متفتح شوي.
جود العمر : 19 سنه
الدراسه : تدرس بكلية الادب طموحه وتحب الادب والشعر كثير .
الشكل : حلوه و طولها متوسط ومناسب ل شكلها ملامحها ناعمه وهاديه شوي لكن تحب الطلعات والجيات تعرف كيف تهتم ب شكلها وتطلع اجمل ب كثير من طبعية شكلها ابرز م فيها عيونها واسعه ولونه اسود حيل مثل الحور .
صفاتها : حبوبه وحليوه تمزح وتضحك وتستهبل كتومه لابعد حد وفيها عناد شوي شاعره ودايم تكتب اشعار وروايات في كتب لكن م تنشرهم تحتفظ فيهم لنفسها فنانه و رسامه مبدعه دايم ترسم بس توري ربعها ، صاحبة ليال و حنين الروح بالروح .
دانه : العمر 14 سنه ثالث متوسط شغيه وكل تحب تطلع ع اختها ودايم مع هاله وخالد .
3-- عائلة بدر بو سلميان
كان متزوج وحده اسمها سارا بس هي من اصول اردنيه كان ابو سارا صاحب الجد محمد الروح ب الروح ومن حب الجد ل صاحبه ابو سارا خطب بنت صاحبه سارا ل ولده بدر وبدر قبل فيها الا انجن عليها و ع جمالها الاردني عاش معها 7 سنوات بس وتوفى جابو سليمان وليال توفى بعد ولادة ليال ب ثلاث اشهر بس .
سليمان عمره : 26
دراسه : متخرج من الجامعه كلية الحقوق تخصص قانون ويشتغل محامي شاطر .
شكله : اسمر وطويل وجسمه حلو ومناسب لطوله عيونه عسلي غامق
صفاته : هادي شوي وملتزم جدا بالعادات والتقاليد يهتم ل شغله كثير يحب السفر صاحب ياسر مرا لكن يكره تفكيره أحيانا لانه عكسه متحرر ويرتاح ل فيصل كككثيير .
ليال العمر : 19
الدراسه : سنه ثانيه ادارة اعمال دافوره بقوا وطموحه حيل .
شكلها : باختصار ايه من الجمال والأناقه تهتم ل شكلها اكثر من اي شي ثاني بياضها ثلجي مورد عيونها واسسعه حيل ولونها عسلي فاتح ع اخضر فاتح رموشها كثيفه وطويله جدا انفها نحيف وصغير بس مو مرا فمها كان صغير مرا مرا بس شفايفها ممتلئ ولونها توتي فمها كأنه كرزه جسمها كأنه خيال كذا منحوت نحت مخصر اقوى شي كأنه رسمه وبشرتها صافيه وناعمه ححيل شعرها ناعم وكثيف لونه اسود فحمي يوصل لين اخر ظهرها كانت قصيره شوي .
الصفات : حنونه لكن احيانا تصير قلب من صخر ، عنيده لابعد حد م تسمع الكلام لين تقتنع فيه ، عقلها اكبر من عمرها بس تستهبل وتضحك، تحب كل شي يكون له خطوط و حدود ، نادر م تجيها فصله تخليها تكسر الحدود نادر جدا ، تحب الروتين ، مغروره بحالها جدا تقدس نفسها وتعشق ذاتها لكن مستحيل تكبر ع احد او تستصغر احد مستغله بنفسها و م تحتاج احد ابد .
4-- العائلة الاخيره فهد ابو مشاري متزوج وحده بس
مشاري العمر : 26 سنه
الدراسه : متخرج من الجامعه تخصص اعلام وله برامج ع التي في مشهور ويشتغل بشركة عمه ابو فيصل ك وظيفه ثانيه .
الشكل : جميل ابيض وعيونه بنيه طويل وجسمه عريض لكن م يروح يسوي تمارين ف جسمه مو معضل او رياضي لكنه حلو يهتم ل شكله مرا .
صفاته : هو الثاني يموت ع طاري الحريم ومغزلجي وجماله وشهرته يساعدونه كثير في جلب البنات له صحيح لعوب لكن يموت ويعشق وحده من بنات عمه بس هالشي بينه وبين نفسه صاحب فيصل و تركي الروح ب الروح .
ندى العمر 20 .
الدراسه : سنه ثالثه طب طموحه وممتازه جدا .
الشكل : جميله وملامحها جدا ناعمه بيضا وشعرها تحت كتوفها ب شوي لونه اسود دايم تصبغه بني او اشقر دبدوبه شوي وطولها مناسب لها .
صفاتها : حساسه حيل وطيبه كثير شخصيتها ضعيفه شوي ومتعقد من متنها ع انها مو دبه ذاك الزود بس تتمنى تضعف ويصير لها خصر تزعل بسرعه وترضا بسرعه بأختصار ع نياتها .
خالد : العمر 16 يدرس ثاني ثانوي
هالة : العمر 14 ثالت متوسط دايم مع دانه .
5-- منيره.
آخر العنقود تصير عمة كل العيال العمر 38 عاشت قصة حب كبيره لكن حبيبها تركها ومن بعدها م تثق بأي رجال ورفضت فكرة الزواج وكرست حياتها بين كتبها ودراستها مستغله بنفسها جدا وواثقه بنفسها حيل يمكن هالصفه ورثتها ليال بأتقنان جمالها متوسط لكن من ثقتها بنفسها الي يشوفها م يشوفها الا جمميله جدا أخصائيه نفسيه ولها عياده خاصه كبيره ومشهوره كل العيال والبنات يحبون جلستها واي احد يتضايق او يغلط يجي لها وهي تساعده حنووونه جدا ع مرضاها وعيال اخوانها لكن قاسيه بقوا ع الجنس الثاني الي م يقربون لها من طيبتها حتى الاطفال من يسمعون طاريها يركضون لها .


اسيرة الهدوء ©؛°¨غرامي متألق ¨°؛©

السلام عليكم
بدايه رائعه واحداث جميله
أتمنى لك التوفيق ومعك للنهايه باذن الله

Silence7x.__w ©؛°¨غرامي جديد¨°؛©

المشاركة الأساسية كتبها اسيرة الهدوء اقتباس :
السلام عليكم
بدايه رائعه واحداث جميله
أتمنى لك التوفيق ومعك للنهايه باذن الله

وعليكم السلام والرحمه .
و لك التوفيق وكل الشكر ♡.


مانيا أندلجينت~ سُـ‘ـُآيُـ‘ـُكُـ‘ـُۅ

نورتي يالغلا ونورت روايتك بين روايات غرام
















أحتّرم الأشخاص اللي قاطعين الأمل فيني على إني أكون مثل ماكنت ووقفّوا معاتّب وصاروا يتأملون تغيّرت التدريجي من بعّيد..





Silence7x.__w ©؛°¨غرامي جديد¨°؛©

المشاركة الأساسية كتبها ~مانيا أندلجينت ~ اقتباس :
نورتي يالغلا ونورت روايتك بين روايات غرام
اهلن بك منور بوجوك غلاي .

Silence7x.__w ©؛°¨غرامي جديد¨°؛©

البارت الاول .


الصباح 9 ونص.
بالجامعه بالكفتيريا .
كانت تمشي كالعاده ب ثقه و غرور ومشيتها كلها دلع وتمايل تعودت من تدخل مكان اغلب الانظار عليها يحق لها م تناظر احد متوجهها ل المكان المطلوب اول م شافت حبيبة قلبها حنين ابتسمت ابتسامه لطيفه عكس شكلها المغرور
شوي شوي خفت الانظار عليها وكلن لهى ب الي ب يده هي تعرف ان النظرات الي عليها مختلفه الاغلب و الاكيد إعجاب لها بس كثير منهم حقد او غيره او نظرات وقحه يومه كرهت نظرات الناس الي لما تدخل مكان الكل نظره عليها كأنه شي غير عنهم لكن تعودت يحق لهم يفهون ب شكلها لما يشفون وحده ب جمالها هي ايه من الجمال والمزازه محد يوصلها ويحق لها م تهتم لنظراتهم لها ولا يأثرون فيها مدت يدها : اهللنن بالزين كله .
حنين بابتسامه من قلب ومدت يدها ترد السلام : ي هلاا والله وانا اقول وش فيه عم الهدوء ل لحظات .
ليال جلست وهي تضحك وتأشر ع نفسها : عارفه كيف احد يشوف هل ملاك ولا يفهي؟ .
حنين : اوووب ي شين البقر ع السرج .
ليال ضحكت وتكلمت ب غرور متقن : اووه م الومك مقهوره من المز الي جنبك اقلك خوذي منديل لا تبكين .
حنين ضحكت من قلب وهي عارفه اسلوب ليال : زين مراح ابكي بس انتي لا ينط لج عرق .
ضحكت ليال : اقولك ي بنت جوووعانه موووت .
حنين : اووه ليالي جوعانه وانا موجوده * ووقفت وهي تحط يدها ع صدرها * امري وش بغيتي .
ليال ضحكت من قلب : ي عييييني والرب خلاص كذا انا اشبع .
حنين جلست : تمام اجل خلص .
ليال فتحت عيونها ع اخرهم مصدومه حنين انفجرت ضحك ع ردة فعلها وهي تمد يدها ع وجه ليال تغطي عيونها : ههههههه امززح شفيك بس ب لله لا تكبرينهم اكثر من كذا م يحتاج تخخوفين .
ليال ابتسمت وهي تبعد يد حنين عنها : تمام يلا روحي اشتري لي سسرريعع .
قامت حنين وهي مبتسمه م تدري ليه قرب ليال منها يجب لها السعاده .

ليال رفعت جوالها وهي تطقطق ع م تجي حنين وهي كل م تذكر كلامها وحركاتها تبتسم ب حب حست ب شي تحرك ع طاوله رفعت راسها شافت تومبوي حطت كرت ع طاوله وابتسمت وهي تغمز ل ليال
ليال اشمئزت منها شكلها ناعم بس محلقه شعرها ولابسه تي شرت ولادي ومخشن نفسها ع الفاضي تكلمت ب برود وهي ترفع الكرت وترمي عليها : اهمم القمامه مكانها الزباله ههفف .
البويه طلعت من عيونها شرار مدت يدها بتضرب ليال ع وجها بس ليال بحركه سريعه مسكت يدها وهي تكلمها ب برود اكثر : نوو نوو بيبي م يصير تمدين ايدك ع ليال .
ونزلت يدها ب برود ورجعت امسكت جوالها تطقطق وتضحك
البويه خزتها بقهر وهمست : راح تندمين ومشت بعصبيه ليال ضحكت وكملت طقطقه ع جوال ولا كأنه صاير حاجه ابد جات حنين وبدت تفطر معها وهي مروقه وسوالف وضحك .

بمكان ثاني .
كان جالس ب المكتب ع الكرسي ورافع رجوله ع الطاوله ويكلم وهو يضحك وناسي حاله .
.... : ي قلب و عيون مودي امري وش بغيتي .
صوت بنت ب دلع ماصصخ : حبيبي مودي واحشني ومشتاقه لك كثير .
مودي : اهخخ وانا اكثر اشتقت لك ولحضنك ي اني محتاججه مووت .
البنت : طيب خلاص تعال ال ليله لي انتظرك .
مودي : تم ي قلبي تم اهخخ اخيراً بشوفك بس .
البنت : ههه لا تنسى بيبي الي قلت لك .
مودي : اوك سوسو بيبي من عيوني .
البنت : يلا بيبي مودي اخليك .
مودي : لا لا وين وين البوسه اولا .
البنت بدلع : اموواحح .
مودي : اهخخ يويلي ويل حالي انتبهي لنفسك .
البنت : وانت بعد قلبي باي .
مودي ع طول رد ع المكالمه الثانيه : هلا بالحلو الي واححشني هلا بالي تعبت انتظره .
صوت بنت بدلع : اووف خالد تعبت اتصل عليك مشغول مين تكلم .
مودي او خالد للحين م ثبتنا ! : بيبي قلبي هذا صاحبي صلاح ي خخ ازعجني من اليوم يتصل المهم م علينا ي قلبي اخبارك اهخخ لو تحسين ب قلبي كيف يوجعني من كثر م انتظرتك .
البنت بدلع وفرحه : صدق خلوددي .
هوو : اهخخ ايييه صدق و لا عاد تغيبين ترا م اتحمل فراقك دقيقه لا عاد تتغلين ترا بتموتيني يرضيك اموت شوق .
البنت بدلع وخوف : اللف بسسم لله عليك لا تقول هالكلام ترا والله ازعل تدري اني م اعيش بدونك .
هو : ي قلبببي عليك والله بيبي ...
* م كمل كلام لان انضرب الباب حط المكالمه ع طول كتم ونزل رجوله من ع طاوله * : تفضضل .
السكرتير : أستاذ تركي المدير يقولك فيه اجتماع بعد ربع ساعه و م يبغى تأخير .
تركي : اوك ثواني وجاي تقدر تتفضل .
السكرتير طلع وسكر الباب وراه تركي فتح الكتم : بيبي قلبي تدرين وش صار .
البنت : وشوو صار خلودي وش بك لا تخوفني عليك .
تركي وهو يمثل الحزن : لا تخافين قلب خلودي انتي بس يخخ مقهور كل م اكلمك احد ينشب لي والان جات لي اختي تقول ابوي يبغاني .
البنت : بيبي عادي بنتظرك لين تخلص ولا تخلي بخاطرك شي .
تركي : اوك روحي اخليك انتبهي لنفسك طيب .
البنت : اوك بيبي وانت بعد امممموواحح .
تركي : اووويلي ويلااه راح فيها خلودي .
البنت ضحكت : يلا بااي .
قفل وهو يضحك ويقوم يعدل شكله ع سريع ويروح ل مكتب الاجتماع وهو يقول داخله * صدق مخفه كلمتين تمشيهم واي شي يصدقون بس اهخخ وربي انهم عذاب اهخخ لو ينفع اتزوج 10 هههه وكل ساعه عند وحده طلع وهو يضحك ع نفسه * .

عند بيت ابو تركي .
جود كانت جالسه بغرفتها ومروقه وكأنها ب عالم ثاني البيت شبه فاضي امها نايمه وابوها وتركي بالشركه وياسر بالمستشفى كل واحد لاهي ب شغله ام هي اليوم اوفها من الكليه فاستغلت هدوء البيت دخلت غرفتها شغلت موسيقى هاديه جدا وقفلت انوار غرفتها واكتفت ب اشعة الشمس الي تتسلل من النافذه المفتوحه وبدت ترسم ب إتقان ع ال لوحه الكبيره وهي مبسوطه واكيد قفلت جوالها علشان محد يخرب جوها .

بيت بو مشاري .
كان البيت فاضي ام مشاري طالعه ل ندوه تروح لها كل صباح.
و بو مشاري بالشركه و مشاري طالع عنده لقاء وندى بالجامعه و خالد و هاله ب مدارسهم .
نروح ل ندى ب جامعتها شوي .
كانت جالسه ب احد القاعات الفاضيه وتراجع دروسها بعد نص ساعه عندها اختبار دخلو عليها شلة بنات رفعت راسها ونزلته بدون اهتمام وهي تحفظ من قلب .
تكلمت بنت 1 من البنات : بنت اووف ابغى ازيد وزني شويه .
بنت الثانيه جنبها ضحكت ب صوت عالي : ي خخ لو عندي شحم عطيتك شوي بس زي م انتي شايفه جسمي رشيق و م فيه زوايد .
ضحكو باقية البنات بقوا ندى انقهرت وفهمت قطاتهم لها وحست ان الدم تجمع بوجهه من القهر رفعت راسها
ندى : اوهه شرايك اعطيك مني ي العصقل ي عود مخمه حمدلله والشكر انا م دري من الرجال الي راح يقبل بجسم انثى يشابه جسمه .
البنت 1 شهقت ووجها تقلب الوان وصرخت بقوا : اقولك كلي ... ي دب ي المنفوخه يلعن .... .
ندى ب برود شالت اغراضها وهي تقول : الرد ع السفهاء مذله .
وطلعت والبنات الي تصرخ مقهوره والي تتلفظ بكلام وقح و الي تضحك ع باقية الشله .

بيت بو فيصل .
ام فيصل كانت تتابع الاخبار وبرامجها اليوميه ع التي في و فيصل بالشركه وحنين بالكليه اما ورد توها دخلت البيت و بيدها كتبها .
ام فيصل : هلا حبيبتي ورد .
ورد بابتسامه : هلا ماما اخبارك .
ام فيصل : الحمدلله ي بنتي وش جايبك هالوقت عسى مو شر .
ورد : لا بس الدكتوره االثانيه اعتذرت واول م خلصت المحاضره الاوله جيت .
ام فيصل : الحمدلله اجل اصعدي ارتاحي ع م يبدا الظهر اصحيك تتغدين .
ورد قبلت راس امها وصعدت : ان شاءالله .

عن مشاري
كان يتصور فيديو مباشر بكل ثقه ومن داخله فيه توتر شوي هو لقاء في برنامج صباحي .

عند ياسر بالمستشفى .
جالس بمكتبه ويتصفح ملفات المرضى الي عنده ضرب الباب .
ياسر : تفضل .
.... : اقدر اجلس معك .
ياسر ابتسم :ماريا ايوا عادي تفضلي .
تقدمت ماريا وبيدها كوبين قهوه تركيه وجلست بالكرسي الي مقابله ومدت له كوب ياسر اخذه وشرب منه : شكرا .
مرايا ابتسمت : ولو .
ياسر : ايوا وش عندك احين .
ماريا : ابد والله فاضيه وطفشانه قلت اجي اجلس جنبك نتسلى شوي دام م عندنا احد .
ياسر ابتسم : ايوا الحمدلله م به زحمه اليوم .
ماريا : اهمم وش كنت تسوي .
ياسر : اتصفح ملفات المرضى تصدقين هذه الي اسمها مريم شاغلتني .
ماريا باهتمام : ليه ع وش .
ياسر بحيره : مادري ي خخ من ادخل اشوفها تبكي او تناظر الصقف وسرحانه .
ماريا : عادي اكيد طفشت من المشفى لا تشغل بالك معها .
ياسر تناهد وهو يفكر فيها ماريا ناظرته بحيره وهي تتمنى لو تقرا افكاره احين .

اما سليمان كان بالمحكمه يحامي عن شخص مظلوم وهذا ثاني جلسه له و م يبغى يطلع بدون نتيجة كان متوتر مره لكن يظهر عكس الي داخله .

نرجع ل الشركه وبالتحديد قاعة الاجتماعات .
احمد بو فيصل بحيره : هو العرض مغري ولو كسبناه راح نربح اسهم كثيره .
ابو حمد يكون اخو ام سليمان ويشتغل مع ابو فيصل بنفس الشركه : العرض م له اي عيوب وانا اشوف نقبله بدون مضيعه ل الوقت .
تركي كان يقرا الاوارق بتمعن
اما مشاري م حضر لان عنده لقاء .
فيصل ب ثقل و ثقه : انا اقول العروض كثيره و م يصير نستعجل ب قرار مثل كذا حنا م نعرف اذا هذه الشركه راح تقدم شي راح يدعمنا او لا .
ابو تركي بتفكير : فعلا انا اشوف نتركد شوي والعرض م هو طاير .
ابو مشاري بحماس : لا والله ي رجال ان احس ان العرض حلو و جديد م يصير نفرط فيه .
فيصل بحده : الاحاسيس والمشاعر بعيده عن الشغل بالذات ب صفقات كبيره كذا .
ابو حمد : لا ي رجال ترا الاحاسيس احيانا تفيد وكثير بعد والعرض كبير وحنا قده و م عليه كلام خلونا نوافق وحنا مغمضين بعد .
فيصل ناظره بحده وتكلم بهمس م يسمعه الا بو حمد وهو رافع حاجب ومنزل حاجب : اشوفك متحمس ل العرض عن باقي العروض ! يمكن فيه شركه خفيه بالعرض .
بو حمد ناظره بصدمه وبلع ريقه بربكه وهو يخفي اترباكه : ل.. ا لا ي ر..ج..ا...ل ... وش ....ها....لكل...ام .
ابو فيصل بحيره : صحيح العرض مغري وكبير لكن خلونا نشوف كمية او عدد الاخطار المترتبه عليه وايضا إيجابياته .
بو تركي : تركي تفضل .
تركي : من قرأتي ل العرض هم طالبين منا مبلغ وقدره .... وهم راح يحطون مبلغ .... يعني اعلى منا ب قليل الشراكه راح تتم يوم ... ب تاريخ .... وراح تتم لمدة سنه و 3 أشهر ومن شروطهم ان بهال فتره م نقبل اي عرض خارجي اذا ربحنا الصفقه راح نربج اضعاف المبلغ الي وضعناه و ..... ( وبقى يتكلم عن القرار والاستنتاجات والتوقعات الي دونها اثناء قراته ل العرض .

بعيد عن هالاجواء
رجعت ليال مع سواقها الخاص البيت ودخلت ع طول رمت عبايتها بالارض وانسدحت ع الكنب بتعب ام سليمان طلعت وشافتها ابتسمت : وانتي هذا حالك من تجين من الكليه .
ليال ابتسمت وهي تقوم تسلم ع راس امها : مساء الخير مام .
ام سليمان ابتسمت لها بحب : مساء النور يلا قومي تروشي ع م احط الغدا .
ليال ابتسمت : اك .
صعدت واول م دخلت غرفتها نزلت ملابسها وهي ترميهم ع السرير ودخلت تتروش وهي تعبي البيانو مويه بارده تبرد ع جسمها من حرارة الجو وتعب الدوام دخلت فيه وشهقت بقوا من برودته تناهدت وهي تسترخي فيه ومغمضه عيونها .


عند بيت ابو فيصل .
دخلت حنين واول م دخلت صرخت : مااااامااا انا جججيت . ( شايفين الفرق بين حنين وتؤامها ورد ؟ )
ام فيصل ابتسمت : منوره بس لو تتركي الصراخ عنك .
حنين مشت بدلع وهي تضحك : هاه اشتقتي لي .
ام فيصل ابتسم : ايه ي قلبي .
حنين قبلت راس امها : ي عمممري انتي امم ماما وين ورد .
ام فيصل : جت 9 وصعدت ترتاح ع م ندخل الظهر .
حنين بصدق وهي تركض ع درج : واححشتني الدووبه
ام فيصل ابتسمت وهي تدخل المطبخ وتدعي الله ان م يحرمها منهم ولا يحرمهم من بعض .


هذا البارت الاول كامل واتمنى يعجبكم ب نهاية كل بارت بكتب اسأله وانتم جاوبو عليها بتوقعكم واذا عندكم توقع خارج الاسئله عادي اكتبوه .
1_ وش رايك ب ثقه ليال في نفسها وهل ممكن توصلها ل الغرور ؟ .
2_ التومبوي الي هدتت ليال هل جد راح تأذيها او مجرد كلام واذا توقعت ان ايه ممكن ب وش تأذيها ؟ .
3_ ندى هل كلام البنات وحركاتهم راح تستمر ولا راح يوقفون بسبب ردها عليهم؟ .
4 _ هل ندى راح تتأثر نفسيتها وتهتز ثقتها بنفسهاا اكثر او لا ؟ .
5 _ جود هل ممكن ب يوم تشهر نفسها وموهبتها او بتبقى كذا تخفي موهبتها ؟ .
6_ بو حمد هل الكلام الي قاله فيصل هو صحيح او هو بس ارتبك من عيون و نظرات فيصل له ؟ .
7_ تركي راح ينكشف في يوم انه كذاب او لا .
8_البنت الاولى الي كلمها تركي وش طلبت منه وقالت له لا تنساه وهل راح ينكشفون او يصير شي اذا جا لها او لا ؟ .
9_ سليمان هل راح ينجح بالقضية او لا ؟ .
10_ وش قصة المريضه مريم ووش علاقة ياسر ب مرايا ؟ .
اترك لكم حرية الإجابات .


Silence7x.__w ©؛°¨غرامي جديد¨°؛©

البارت الثاني 🌱.


بما ان ابو سليمان متوفي ف راح نقول بيت ام سليمان .
بيت ام سليمان كانت جالسه وتعبت وهي تنتظر ليال تأخرت : ميييري ميري .
ميري : نعم ماما .
ام سليمان : روحي نادي ليال تنزل تتغدا .
ميري هزت راسها وصعدت دخلت الغرفه وضربت عليها بابا الحمام ( اكرمكم الله ) : مدام مددام قوم في ماما يأول تعال كول غدا .
ليال قامت بأنزعاج وهي تلف الفوطه ع جسمها : اوك روحي وانا جايه .
طلعت ميري وطلعت ليال لبست لها بجامه خفيفه بلون الكحلي جففت شعرها ع السريع ونزلت .
ام سليمان : قلنا ع م احط الغدا م قلت نامي وانتي تتروشين .
ليال ابتسمت وقربت وهي تقبل خد امها بقوا : امووواحح عادي مام .
ام سليمان ابتسمت : يلا ع الطاوله .
جلسو وبدا ياكلون بهدوء.
ام سليمان : وهذا الولد نادر يتغدا معنا .
ليال ابتسمت وهي تمسح فمها بالمنديل : ماما انتي تعرفين طبيعة شغله ف اعذريه كلو علشانا .
ام سليمان هزت راسها وكملت اكل .


بيت بو فيصل .
اول م صعدت حنين غرفتهم المشتركه هي و ورد ابتسمت وهي ترمي ب جسمها ع جسم ورد وتضمها
ورد نقزت من نومها وهي تتأفف لان عرفت انها حنين ع طول .
حنين وهي تضحك وتضمها اكثر : اشتقت لك .
ورد ابتسمت وضمتها : انا اكثر *وبنبرة زعل *بس احد يشتاق كذا اووف روعتيني.
حنين ابتسمت وهي تقوم عنها : بسم لله عليك وش اسوي بعد ي خخ احبك * وقرصت خدها * ويلا قومي غسلي وتعالي نتغدا .
ابتسمت ورد ل حنين وهي تقوم وحنين طلعت بدلت ع سريع ونزلت .
جلسو ع طاوله الطعام يسالفون وهم ينتظرون فيصل الي جا مع ابوه من الشركه وصعد يتروش ع سريع .
ابو فيصل : اهجدن ي بنات وش فيكن .
ورد بزعل : بابا هي بدت .
حنين تدف الكرسي الي جالسه عليه ورد : لا اهيي ويلا بعدي عننني .
ورد : يووومه شششوفي بنتك .
حنين طلعت لسانها وهي تدف الكرسي اكثر .
بو فيصل : ان لله لا حول ولا قوة الا ب لله انتن م تسحتن ع وجيهكن .
حنين نزلت راسها وهي تكتم ضحكتها وورد قامت من الكرسي وهي تقدمه ل طاوله وماده بوزها حنين بحركه سريع بدون احد يحس ضربت فخذ ورد بس م حست الا بيد تمسك يدها وترجعها ع ورا صرخت بخوف : يمااااااا .
الكل عدا حنين : ههههههههههههههههههههههههههههه
حنين ناظرت فيصل الي يبتسم ب سخريه عليها ومدت بوزها ب زعل : خلص اخر مره والله اتوووب اتركني .
فيصل ناظرها ب برود : ليه هي اول مره ولا ثاني مره تحلفين م تحارشين اختك ! .
حنين بنظرات رعب : خلصص فيصل والله جد اتوب .
فيصل ترك يدها ب برود وراح لعند امه قبل راسها ويدها وهو يبتسم : اخبارك ي الغاليه .
ام فيصل ابتسمت : بخير الحمدلله اخبارك انت عسا مو تعبان من الدوام .
فيصل وهو يرد لها ابتسامه صادقه مستحيل تطلع لاحد غيرها : لا الحمدلله كل شي تمام .
ام فيصل ابتسمت : الله يرضا عليك ي ولدي .
فيصل ترك يد امه وجلس بالكرسي الي مقابل ابوه وجات الشغاله بدت تحط الاكل ب هدوء وبدو ياكلون بصمت .
كانت الطاوله شخص مقابل شخص بالطول وبالعرض شخصين مقابلين شخصين ف كان برأس الطاوله ابو فيصل ومقابله برأس الطاوله الجهه الثانيه فيصل وجنب ابو فيصل ع اليمين ام فيصل ومن يسار ابو فيصل حنين وجنبها ورد الي تكون ع يمين فيصل ويسار فيصل كرسي فاضي بعدين يكون كرسي ام فيصل وهذا امكانهم اليوميه م تتغير اتمنى فهمتم 😅😂.

نروح لبيت ابو مشاري .
توهم قايمين من طاولة الطعام وجلسو بالصاله بتقهون .
بو مشاري : ابشركم ي عيال ترا ابوي خلص ع المزرعه وكل شي تمام .
ام مشاري : جد ماشاءالله التصميم فيصل اختاره صح .
بو مشاري : ايه ماشاءالله عليه ابوي فرحان فيه يقول اخيرت بعد 3 سنوات خلصت وراح فيها من امس و م ع لسانه الا الفيصل رجال الفيصل كفو . ( الجد كان يسمي فيصل الفيصل من حبه له ويعتبره شي كبير ف يناديه ويفخم اسمه ب ال للتعريف ) .
ضحكت ام مشاري : الله يهنيه فيها .
مشاري بعدم اهتمام : اصلا جدي من زمام يحب فيصل وكيف وهو احين محقق له حلمه .
ندى ابتسمت ع اخوها تحسه غيران
ابو مشاري : وش المشكله اذا حبه تراه يحبكم كلكم وبعدين فيصل رجال أصل وفصل والكل يحترمه وحاط له مكانه غير .
مشاري ابتسم : وانا قلت شي ادري ان فيصل والله رجال وكفو بس يعني اقول ان جدي اصلا مفتخر فيه حتى قبل المزرعه .
قاطع حديثهم دخول خالد يركض وهاله تلحقه وهي تبكي تبي تضربه مشاري ع طول مسك خالد ب يد واليد الثانيه هاله : وش عندكم بعد .
هاله وهي تشاهق : هوو بدا يضربني و عورني .
مشاري لف ع خالد وهو يخزه : ليه تضربها .
خالد بلع ريقه ونزل راسه : م دري ي خي هي بنت ليه تلعب سوني .
مشاري ناظره وتناهد : واذا هذا مو عذر علشان تضربها صح ولا .
خالد هز راسه بمعنى اي وسكت .
مشاري : يلا اعتذر منها وسلم ع خدها .
خالد : طيب* ناظر هاله * انا اسف * وسلم ع خدها وسحب يده من مشاري وصعد وهو يتحلطم .
ابو مشاري مد يدهل هاله : تعالي .
هاله ركضت له وهي تمسح دموعها وتبتسم .
ابو مشاري جلسها بحضنه : حبيبتي انتي احين كبرتي باقي لك كم سنه وتصرين * واشر ع ندى * مثل اختك ندى م يصير ي قلبي تلعبين طول وقتك مع خالد واصلا خالد بدا يكبر ويصير رجال عيب تخلينه يعتذر قدام الكل خلاص شي م يبغاك تسوينه طاوعيه هذا اخوك واكبر منك لازم تحترمينه طيب بابا ؟ .
هاله ابتسم : طيب بابا * ورجعت بوزت * طيب بس بابا انا احب العب سوني وهو م يخليني ليه .
بو مشاري ضحك : خلص من بكرا اشتري لك سوني وبكرا تشوفينه يجيك يترجاك تلعبين معه بس اهم شي الشهاده ولا م فيه طالعات ولا سوني ولا بيت عمك ابو تركي .
هاله ضحكت ولفت ع ابوها وقبلت راسه : ايييه بابا اهم شي الدراسه ثم لعب صح بابا .
ابو مشاري قبل خدها وهو يدلدغها : ايوا صح ي روح البابا .
ندى بغيره : بابا ترا هاله كبرت م هي صغيره شوي وتدخل ال 20 .
ام مشاري وابو مشاري ضحكو من قلب .
مشاري : الله عليك اكبر توها داخله ال 14 سويتها بال 20.
ندى بوزت وناظرته بطرف عينها
بو مشاري مد يده ل ندى : تعالي .
ندى ابتسمت بخجل وقامت له ابو مشاري قبل خدها : كلكم عيال وكلكم تبقون صغار مهما كبرتم .
ابتسمت ندى وقبلت راسه ابوها وشوي الكل بدا ينسحب يرتاح بغرفته ندى اول م دخلت وقفت قدام المرايه ابتسمت بوجع وهي تذكر كلام البنات الي كل وحده جسمها اضعف من الثانيه طاحت دموعها بهدوء هي تحاول بس م تقدر هي تعبت ولا قدرت دخلت تروشت وهي تحاول تهدي اعصابها .

عند بيت بو تركي .
كان الكل مجتمع بالحوش ضحك وسوالف .
تركي كان حاط جواله ع صامت طول الوقت علشانه ابد م يسكت من المكالمات ويخاف من ابوه يكشفه بس كان مبسوط بجمعتهم .
نور زوجة بو تركي الاوله كانت جالسه بينهم وكأنها وحده من بنات بو تركي مو زوجته لانها باختصار نحيفه وقصيره وجمالها حلو عكس منى ام تركي الي جسمها جسم ام اطول واعرض بس برضو جمالها حلو.
جود كانت جالسه مقابل نور ومندمجين ب سوالف كأنهم خوات .
تركي كان يسوالف مع امه منى وابوه ودانه كانت ماسك الايباد حقها وتتأفف كل شوي .
تركي يناظر دانه: وش بك ترا ازعجتيني من اليوم تتأففين .
دانه مدت بوزها : ابغى بيت عمو ابو مشاري .
ام تركي : وكل يوم عندها مو ع اساس انكم ب مدرسه وحده وتقابلون وجيه بعض كل يوم .
ابو تركي : عادي وش فيها اذا هي مذاكره وهاله مذاكره ودها ي تركي .
تركي ناظر هاله بقهر م يبغى يوديها :طيب بكلم مشاري .
ابو تركي : الله يرضا عليك ي ولدي .
عند نور و جود .
نور : ي خخ وربي فنن ي خخ علميني . * كانت تناظر لوحة جود الي بدت فيها امس *
جود ضحكت : مو ع اساس تعبت اعلمك بس م فيه فايده ماش .
نور ضحكت : ايه والله م اني بفالحه ب شي .
جود غمزت لها : بس فالحه تخرفنين ابوي .
نور ضحكت بقوا : كيفي زوجي حبيبي.
جود شهقت بتمثيل كأنها مصدومه : هئئئئئئ صبر بعلم عليك امي .
نور مدت لسانها : عادي بتقولك عليها بالعافيه .
جود ضحكت وغمزت لها : بعد مخرفنه امي .
نور اشرت عليها وهي تضحك : حتى انتي .
جود ابتسمت وهي تقبل خد نور : انشششهد ي بنت ناصر.
نور ضحكت وكملو سوالف .
دخل ياسر توه جاي من دوام : السلاام .
الكل : وعليكم السلام .
ابو تركي : من وين جاي .
ياسر اشر ع المعطف الابيض الي حاطه ع كتفه *لبس الدكاتره * وهو يقرب يسلم عليهم : زي م انت شايف .
ابو تركي : الله يهديك وانت كل وقت مكرسه بالدوام .
ياسر ابتسم : عادي ي الغالي كله استمتع فيه وانا مرتاح فيه الحمدلله.
ابو تركي : الله يصلح حالك .
ام تركي : تعال جنبي خلني اشبع منك من يوم توظفت وانا م اشوفك.
ياسر ابتسم وهو يقبل يد امه ويجلس جنبها وهي تمسح ع ظهره بشوق
تركي كان طالع يكلم مشاري واتفقو انو بعد الصلاه يمره ويجيب معه هاله وكل واحد يطلع بسيارته يرحون المول ، بعد وقت من سوالف والضحك .
ابو تركي : يلا ع الصلاه .
الكل دخل يتوضأ يصلي وابو تركي سحب تركي وياسر معه وطلعو ع المسجد وبعد الصلاه رجعو كل واحد ع غرفته وتركي يجهز ع م يجيه مشاري
-
شُفت بعيونها كُل حِلو ، الله على عيونها كيف تحيي الرضا فيني .

جود نزلت بالحديقه وهي تشغل الانوار الخافته بس وجلست ع الكرسي وهي فاتحه كتابها تذاكر.
مشاري كان جاي ومعه هاله ومتعود ع طول يدخل ويجلس بالحديقه او مجلس الرجال ع م يجيه تركي هاله دخلت وركضت ع طول فوق ع غرفة دانه مشاري دخل بيجلس بالحديقه وهو يتصل مليون مره ع تركي وتركي م يرد انصدم وهو يشوف جود جالسه ع الكرسي وماسكه كتابها ناظرها ل لحظات وهو مفهي ويقول بداخله * يولي ش المز ذي الي قدامي والله انها ولا شي قدام المخابيل الي يترجوني اكلمهن اههخخ قلبي اشتقت لها * جود حست بأحد يناظرها رفعت راسها وانصدمت وهي تشوف مشاري واقف يناظرها دق قلبها بقوا من الخوف وارتجفت وهي ترجع ع ورا اما مشاري خق اكثر وهو يشوف عيونها السودا مكحله قرب لها من غير شعور و ع كبر المسافه الي بينهم الا ان جود رجعت ع ورا بخوف اكثر كان فيه كرسي وراها وطاحت بدون تحس بسببه
جود : اهه
مشاري ركض لها
جود صرخت : مشاري ي غبي بعد عني م يجوز .
مشاري وقف وهو فاك فمه يناظرها
جود بقهر وهي تقوم : انت شفيك م تفهم اقولك م يجوز تناظرني بعددد
مشاري ابتسم وهو للأن واقف جود انقهرت وهي تقرب منه وتدفه بقوا ع ورا : غغغببببي
مشاري ثبت نفسه بالقوا كان بيطيح ضحك ع شكلها وهي تركض تدخل البيت حط يده ع قلبه وتناهد وهو يبتسم ي حبني لها وربي اهخخ كبرت وطالعتن تخرفن
تركي نزل وهو يبتسم : عسا م تأخرت عليك .
مشاري ناظره وهو للان مبتسم احلى تأخيره ي رجال : لا عادي توني جاي .
تركي وهو يمشي علشان يطلعون: مغلقني باتصالاتك بالاخير توك جاي .
مشاري مشا معه وهو يحس بقلبه يخفق بقوا كل م يتذكر شكلها
تركي ناظره : حمدلله والشكر من اليوم وانت تتبسم مع حالك .
مشاري ناظره بفهاوه وهو يتذكر شكلها وهي طايحه ومعصبه عليه وانفجر ضحك : هههههههههههههههههههههههه
ههههههههههههههههههه .
تركي هز راس بيأس : يارب لا تبلانا .
مشاري: قدامي بس اخلص .

عند بيت ام سليمان .
سليمان رجع وواضح ضيقه والغضب ع وجهه .
ام سليمان : هلا بوليدي وش فيك .
سليمان غصب نفسه وابتسم وهو يقرب يقبل راسها .
ام سلميان : وش فيك متضايق كذا .
سليمان بقهر واضح : يما تعبت جبت ادله جبت كل حاجه وضحت كل شي ورفضوهم يقلون ادله قديمه يعني وشو الفرق بين الادله القديمه او الجديده دام الدليل صح ويثبت البراءه .
ام سليمان سحبت سليمان وجلسته ع الكنب وجابت له مويه : بسم لله عليك ي ولدي م يصير تسوي بعمرك كذا علشان قضيه انت نجحت بقضايا كثيره وقفت ع هذه .
سليمان شرب ونزل الكاس وهو يمسح ع جبينه : يما انا م همني اربح او لا الي همني الرجال المظلوم حرام يضيع عياله و حريمه وعمره بالسجن ظلم .
ام سلميان وهي تمسح ع راسه : بس ي ولدي انت تسوي الي تقدر عليه والباقي ع ربك واذا ربي كاتب ان يفرج عليه بيطلع .
سلميان تناهد وهو يحس كلام امه صح و ريحه شوي ابتسم وهو يقوم ويقبل يد امه وراسها : تسلمين يالغاليه وترتك معاي ع الفاضي واذا اليوم م نجحت ان شاءالله ع الموعد الاخير بكسبها .
ام سليمان ابتسمت : الله يرضا عليك ويوفقك ويجعل دربك سهل ي ولدي .
سليمان ابتسم : الله امين هاه يمه تحتاجين شي انا رايح اريح .
ام سليمان : سلامتك روح .
ليال نزلت وصادفت سلميان ابتسمت وقربت وهي تسلم عليه سلميان رد لها الابتسامه : اخبارك ليول .
ليال : تمام وانت .
سليمان ابتسم وهو يمسح ع شعرها: الحمدلله تأمريني ع شي ي قشطتي .
ليال بدلع : اهمم بروح المول مع بنات عمي .
سليمان : مع مين .
ليال : امم ياسر بيوصلنا .
سليمان : اوك انتبهي ع نفسك ولا تتاخرين 10 انتي موجوده بالبيت طيب قلبي .
ليال وهي مبتسمه هزت راسها بالموافقه وهي ترفع رجولها علشان توصله وقبلت خده برقه : من عنيا .
سليمان ابتسم لها وهو يصعد بسرعه : سسسنفوره .
ليال صرخت : مااااامااا شششوفيه .
سليمان ابتسم ودخل الغرفه ام سليمان : عادي السنافر قتلو شرشبيل
ليال فتحت عيونها بصدمه : مااامممما انتي كماننن معه لااا مو منجدك
ام سليمان ضحكت : ايه امزح معك شفيك .
ليال بدلع مدت بوزها : مابا .
ام سليمان قرصت خدها وقبلته : خلاص كذا تمام .
ليال ابتسمت : تمام سامتحك بس لانك ماما قاطع حديثهم جوال ليال ردت بسرعه : هلا
جود : انزلي بسرعه حنا برا .
ليال : اك و قفلت الجوال ع طول و لبست وطلعت شافتهم توهم جاين وركبت
ليال : السلام .
الكل : وعليكم السلام .
جود : غريبه م أخرتينا .
ليال : اوشش بيبي .
جود ابتسمت : كلبه .
ليال ابستمت لها .
وصلو المجمع ونزلو يتسوقون كل ثنتين بجهه كانو كلهم جاين حنين وورد وندى و جود وليال علشان يشترون اغراض لغرفهم بالمزرعه .

عند تركي ومشاري .
مشاري : اوف والله المشاهير م يتهنون بطالعتهم . * لان كل شوي اي واحد يعرف يجي يتصور معه *
تركي ضحك عليه : محد قالك تصير مشهور ولا استايل بعد اكيد اي احد بيشوفك ببجي يصور معك .
مشاري : اسكت ب لله من شوي لما قمت بطلب شافتني بنت وصرخت اخرشتني والله ولمت علي شلتها وكل وحده تتميع طيب ليه الصراخ .
تركي فتح عيونه : اححححيه ي حححظك .
مشاري ضحك : ي حبك ل الحريم وطاريهم .
تركي : ع اساس طالعه منها رقمك الثاني كم بنت فيه .
مشاري : بس 43 بنت بس ع الاقل م عمري طلعت مع وحده منهم .
تركي شهق ووقف : اووف ي زق نسيت ذيك م دري وش اسمها الزبد اني مواعدها * اخذ بوكه ومفتاح السياره وهو يسرع بخطواته يطلع من المول * باي .
مشاري ناظره وهو مقطب حواجبه : وربي كلب مشا وتركني منجده ذا الخروف .
شوي الا شاف تركي رجع وهو يمشي بأستعجال : هيه ذي طلبت مني عطر ال ....
مشاري فك عيونه ع الاخر : احين ي الخروف بتشتري ذا العطر الي توه نازل ب 3500 علشان تقابلك بس ! .
تركي غمز له : نبغى حنان وبعدين عادي احنا عيال ال .... م فيه حاجه غاليه علينا ولا نسيت .
مشاري : حمدلله والشكر يارب لا تبلانا .
تركي ضربه ع كتفه : يعني تردها لي .
مشاري كمل اكله : طس عني .
تركي : هيه مراح تقوم تساعدني .
مشاري : لا ولو سمحت بعد يدك عني ولا تسوي فيها خوي .
تركي ضحك ومشا : مردوده والله .
تركي بسرعه شرا لها العطر وقال لراعي المحل لخطيبته وراعي المحل ضبطها له وراح بسرعه لها وهو حافط مكان بيتها بس مب حافظ اسمها اتصلت عليه وشاف اسمها شروق رد : هلا بيبي .
شروق : هاي حبيبي م اجيت .
تركي : الا بيبي م نسيتك من العصر وانا جنب بابكم .
شروق صدقت وخقت : جد مودي
تركي : ايوا ي عيون مودي انتي يلا عاد انا تعبت .
شروق : هذا ماما طلعت شفتها ؟
تركي : ايوا ركبت سياره .
شروق : ايوا هذا سواق .
تركي : يلا اجي .
شروق : ايوا .
تركي قفل و ع طول نزل حاط سيارته بعيده شوي عن الباب ودخل شافها واقفه تنتظره ولابسه فستان احمر قصير حيل وكاشخه ع طول خق وقرب منها وحضنها وهي تعلقت فيه وضمته ب حب تركي بعد فتره بعدها عن حضنه واعطها الهديه ابتسمت له : واو م نسيتني شكرا حبيبي .
تركي ابتسم وهو يلزقها بالجدار ويقرب منها يقبلها بشوق : ايوا من اول م قلتي لي اشتريتها وجهزتها .
شروق خقت معه واستسلمت له وهي تقبله بحب صادق .
مشاري من اول م طلع تركي من المول لحقه بدون يشوفه لان خاف عليه و اول م نزل تركي ودخل البيت وقف ورا سيارته يراقب المكان شاف نفس السياره الي طلعت من بيت البنت رجعت ع طول اتصل ع تركي وهو خايف من قلب عليه تركي كان بعالم ثاني معها اول م رن جواله نقزو اثنينهم رفعه شاف مشاري اعطه مشغول وابتسم ل شروق وشروق ردت له الابتسامه بخجل وهي تسحبه تضمه من جديد وهو مبسوط.

في المول عند البنات .
ليال : اوف تعبت .
حنين : وين البنات .
ليال : م اعرف جوعانه .
حنين توها بتكلم قاطعها صوت رجولي : لبى ذا العيون الملونه اعشيك لو تبين اجيب لك المطعم كله .
حنين : كل زق .
ليال ناظرته : اعع هههههههه .
الشاب : اخخخيه وربي خقيت لعنبو من م يصير اعع و كخه قدامك .
حنين ناظرت ليال نظرات عتاب .
ليال : اقول كلتبن وانقلع احسن م انادي عليك الامن انت و وجهك ذا .
الشاب : احححيه وربي لذا العيون اكل الي تبغين ي ويلي الوضع م يطمن صوتك يخقق تكفين اعطيني الرقم واروح .
ليال صرخت : انت م تفهم انقلع ي الخروف .
الشاب : خروف وكلب و اسد لو تبين.
حنين بيأس : الحمدلله والشكر هالاشكال م عندها كرامه * سحبت ليال من يدها ومشو * .
الشاب يلحقهم : جعلني ل سنفوره اعطيني وجه ي غزل ي لبيه وربي جسمك خيال توني انتبه .
ليال حست جسمها يتقطع من الاحراج ووجها انقلب احمر من قلة ادبه صرخت من قلب : ووووقححح


اسيرة الهدوء ©؛°¨غرامي متألق ¨°؛©

السلام عليكم
بارتات رائعه واحداث جدا جميله
يعطيك الف عافيه

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1