غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-03-2017, 03:09 PM
smtalklam7 smtalklam7 غير متصل
©؛°¨غرامي مشارك¨°؛©
 
الافتراضي روايتي الأولى:اهتم بنفسك ودعني لنفسي


السلام عليكم والرحمة والاكرام آل غـرااام

شحـالكـم؟ بـجـد بجـد حبيت هالمنتدى كـثيير وقلت اشارك فيه بـآول روايـه لـي وهـي بعنـوان "اهتم بنفسك ودعني لنفسي"

وان شااءلله انـي القى من يحبـون روايتي الاولى ويتفاعلون معها وهـلـون ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-03-2017, 03:30 PM
smtalklam7 smtalklam7 غير متصل
©؛°¨غرامي مشارك¨°؛©
 
Uploadfef5c031fd رد: روايتي الأولى:اهتم بنفسك ودعني لنفسي


[SIZE="5"]روايتي الأولى:"اهتم بنفسك ودعنـي لنفسـي"

بقلمـي:الكاتبه المبتدئه(smtalklam7) -
اسآل الله أن تنال إعجابكم
...





في محافظـة الخـرج وهي من المحافظات التابعه لمدينة الريـاض تبعد عن الرياض تقريبا83كيلو..بآحـدى الفـلل المـوجـوده بطـرف المحافظـه..بالتحديد داخـل غرفة من غرف الفـله المقصـوده..كانـت 'جـوري' جالسـه على المكتب المتوسـط الموجود بغرفتها وغارقـة بالتفكيـر ب(أمهـا،،أبوها..خواتها..جامعتها)آوف الجامعه راح تبدأ من بكرا ولازم كل يوم آخذ لي مشوار من الخرج للرياض ومن الرياض للخرج..شوي ترمي الشباصه اللي ماسكه شعرها وينتثر شعرها على ظهرها واصل لآخر ظهرها ترجع ترفعه بطفش وترمي نفسها على السرير..
جـوري
غمضت عيوني لعل وعسى يجيني النوم من امس الصبح ماطب عيني النوم كله من التفكير آحس بإرهاق وصداع ماني لاقيه له حـل!؟ فكرت اتصل على أمـي واتطمن عليهم بس تذكرت فارق الوقت بينا وبينهم شوي فزيت على صـوت شئ ضرب بشباك غرفتي خفت مينن يكـون !!ناظرت الساعه المعلقه على جدار غرفتي لقيتها تشير لساعه وحده بالليل!!بدأ يزيد الضرب على الشباك ويزيد خوفي أكثر فكرت افتح الشباك واشوف وشش فيه؟؟بس خفت يكون حرامي متعلق بالشباك!!ضحكت على تفكيري الغبي كيف حرامي يتعلق بالشباك!!؟؟توكلت على الله ونطيت فوق الكرسي و فتحت الشباك وناظرت لأسففل لقـيت الغبـي واقف تحـت عند باب البيت الخارجي ويأشر على الباب يبيني آفتحه..خفت وش جايبه هالحزهه؟؟لايكون فيهم شئ!!أو جـدتي فيها شئ!! ماحسيت الا أنا اصرخ بصوت عالي:صويلح شفيك جاي هالحزه؟
ناظرني ونطق بقهر:قصري صوتك فضحتينالاتقوم أمي وتسوي سالفه افتحي الباب د..
رديت بصـوت أعلى أبي اقهره:لا اخاف أمي حصه تصحى وتهاوشني لان الوقت متأخر!!
حسيت بحركه عند باب غرفتي جتني جلطه مؤقته أبي أنزل بسرعه من الكرسي عشان ماحد يشوفني بالشكل هذا بس>> اذا فاتح الفوت ماينفع الصوت..>>فتحت الباب بقوه طيرة شلوى وتناظر لي بصدمه وعصبيه..هنا تمنيت أني مافتحت الشباك نهائي حاولت أنزل بس طحت بدفاشه وقعدت اناظر جدتي بكل غباء وفهاوه..غريبه اول مرا تصعد فوق..تقرب منـي جدتي وهي معصبيه وتذبحني بعصاتها مع كتفي..احح والله عورتني الضربه>>قالت بعصبيه:أنتي وشش فيتس تويقين مع الشبابيتس تالي الليل هااه!؟
رديت بآبتسامه بلهاء:يمـه هذا صويلح رمى على الشباك حصاة ورديت عليه يقول هو تحت يبيني افتح له ..ردت جدتي بقهر:وهو وش جايبه هالحزه !قومي معي تحت بشوف شعنده؟
نزلت مع جدتي تحت فتحت جدتي الباب وطلع بوجهها صالح وهو باين عليه انه رايح فيها من التعب ويناظر فينا بكسرة خاطر ،،بآس يد جدتي وقال:يمه حصه تبيني اتنقع هنا ماانتي مدخلتني؟ تناظره جدتي نظرات تقتل وبتساؤل:وشلون دخلت للحوش..!
رد عليها بغباء:نطيت من سور البيت للحوش،،
جدتي بقصف لجبهته:وليش ماتروح تنام ببيتكم؟؟ هنا أنا ماقدرت اتحمل مت ضحك على وجه صالح اللي صار أحمر من الفشله وقعد يحك رآسه بيده بخجل:يمه لقيت أهلي نايمين ولاحد يرد علي قلت مالي الا بيتس،،
اخيرا جدتي فتحت له طريق وقالت:حياك الله ياوليدي،،مير سواتك هذي بعدين لاتتعود لها الحين اجيب لك الفراش احطه بالديوانيه تنام فيها،،
بآس صالح رآس جدتي وآستآذن منها طالع لديوانيه..أول ماطلع صالح لفت جدتي لي وتناظر لي وبتحقيق:هو ليش مانمتي للحين؟
قربت من عندها وميلت رآسي على كتفها بدلع:احاتي بكرا خايفه يمه،،
ماحسيت الا وهي تضمني لحضنها الدافي وتمسح على رآسي،،وقالت بصوت كله حنيه:تعالي نامي بحضني الليله وقبل لاتنامي وأنا أمتس صلي لتس ركعتين كود ربي يطمن قلبتس،،وترا أنا مكلمه جـون يوديتس باتسر هو للجامعه ومعه الخبله..هزيت رآسي بهدوء وانا حاسه بصداع رحت معها لغرفتها صليت ونمت بحضنها وهي تمسح على رآسي وتقرأ علي لين نمت،،،

خلونا نتعرف على عائلة الجـده حصـه عشان ماتتلخبطون

الجـده[حصـه]عمرها بحدود السبعينات بس نشيطة وشخصيتها قويه وهي اللي تآمر وتنهى على عيالها وبناتها بس بالحق محبوبه من الكـل تقريبا..عندها اربع بنات و ثلاث عيال كلهم ساكنين حواليها بالخـرج الا بنتها عذارى المتزوجة من واحد جنوبي ساكنه بالجنوب ..وبنتها عبير اللي متزوجة وساكنه بالرياض..


الابن الأكبر سـعود (58س) متـزوج من بنت خاله منيـره(55 س) عنده:-

فيـصل (30 س) متزوج من بنت عمته عبير..نـدى..وعنده بنتين كادي(3س)تولين(سنه)
حصـه (27 س) متزوجة من جماعتهم مبارك ..عندها اريج(7 س) سعود (4 س)..
مـحمـد (25 س) خاطب بنت عمته عذارى (ليان )..
فاطمه (21 س) تدرس ثالث سنه جامعه..بالخرج..
غـدير (19 س)تدرس اول سنه جامعه بالخرج..
غـلا(12 س) بالابتدائي..
ياسر ( 7 س)..

البنت الكبيرة عـذاري (55 س) متزوجة من واحد جنوبي 'طلال'(60 س) عندها:-

مهـند(31 س) يدرس طب ببريطانيا..
خالد(26 س) ضابط متزوج من بنت عمه(منى) وعنده طلال ( سنه)..
ليان(23 س) تدرس جامعه اخر سنه..مخطوبه لولد خالها محمد..
لينا(21س) تدرس ثالث سنه جامعه..
لمى(18 س) ثالث ثانوي..
عبدالله(13س) بالمتوسط..
جنى ( 4 س)..

البنت الثانية عبير(43س) متزوجة ولد خالها عناد(56 س)..عندها:-
نـدى(27 س)متزوجة من فيصل ولد خالها..
جـوري(21س)ثالث سنه جامعه بالرياض..
دلع(18س) تدرس ببريطانيا ثانوي..
دلال(11س)تدرس ببريطانيا ابتدائي..

البنت الثالثة نـوره(40س) متزوجة من جماعتهم عبدالعزيز(43س) عندها :-
صالـح(27 س) معلم انقلش بالخرج..

الابن الثاني راشـد(37 س) ضابط بالخرج متزوج من سحاب (29س) وعنده:-
رنيم(7س) ..ريان(سنتين)..

الابن الثالث فهـد(31 س)يدرس طب ببريطانيا اعزب رافض الزواج نهائي..
الابنة الرابعه مهـا (26س)تدرس ببريطانيا مع اخوها فهد..
.....................
[/SIZE]


تعديل smtalklam7; بتاريخ 11-03-2017 الساعة 03:45 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-03-2017, 03:40 PM
smtalklam7 smtalklam7 غير متصل
©؛°¨غرامي مشارك¨°؛©
 
Uploadfef5c031fd رد: روايتي الأولى:اهتم بنفسك ودعني لنفسي


الصبح الساعه 6 ونص فزيت من نومي بخوف ناظرت الساعه ونطقت بقهر آوف ليش ماصحتني جدتي قمت وأنا أستغفر طالعه فوق لغرفتي ابي اخذ لي دش يبرد على قلبي ..بعد ماطلعت من الحمام صليت الفجر وقريت آذكاري ووردي اتصلت على امي ماترد واتصل على خواتي بعد مايردون اووف نطقتها بقهر وتوتر رجعت اتصل على امي لقيته مغلق خفت بجد عليهم بس أستغفرت وتوكلت على الله..لبست تنوره رمادي مع بلوزه ورديه ناعمه واكتفيت بروج خفيف وردي كان مالي خلق للجامعه وغثاها بس عشان ارتب جدولي ابي اداوم ..خذيت شنطتي وعباتي ونزلت تحت ودايركت لغرفة جدتي فتحتهاابي اصبح على جدتي بس استغربت مالقيتها؟وينها بالعاده تكون جالسه تسبح على سجادتها هالوقت طلعت رايحه للمطبخ..لقيت سيتا(خدامة جدتي)ناظرتهابآبتسامه هاديه :صباح الخير سيتا..ردت بنفس الأبتسامه:قود مورنينق..نطقت باستغراب:وين ماما كبير مو بغرفتها؟
سيتا جاوبتني بضحكه:ماما كبير عند بابا صالح بالدوانيه.. ابتسمت لها:اوك ..طلعت من المطبخ دايركت للدوانيه لقيت جدتي جالسه وقبالها سفرة فيها القهوه والشاي وبطرف فيه فطور وبالجهه الثانيه جالس صالح ويسولف مع جدتي ويضحك دخلت بقهر وجلست:صباح الخير..خزتني جدتي وقالت:داخلتن على يهود يومنتس ماتسلمين؟! ابتسمت :لا سوري يمه السلام عليكم ..ردت جدتي على السلام وقالت:اي قوليلي عساتس اشوى الحين؟كلمتي امتس؟ ردت بتوتر:اي اي كلمتها تسلم عليك وتقول تبي تنام اذا قامت كلمتك..
ردت بآنشراح:يالله انتس تسلمها من كل شر وترجعها لنا سالمه هي وابوتس وخواتس..تمتمت بآمين وناظرت صالح:صالح عندك دوام اليوم؟
رد ايه بهزت رآس..زفرت بضيق ورميت الشنطه والعبايه اللي معي على جنب ..نطق صالح باستغراب:شفيتس؟!..ناظرت له ورجعت اناظر لجدتي ادري تبي تهاوشني الحين ونطقت:كنت احسب ماعندك دوام ودي توديني للجامعه اليوم،، ناظرتني جدتي ونطقت :وليه جـون وينه يومنتس تبين صويلح يوديتس !!
ناظرت فيها ونطقت بقهر:يمـه تدرين اني مااحب أروح مع السواقين! ..ناظرني صالح بنظرات حسيتها شفقه علي ونطق قبل جدتي:ولايهمتس أنا أوديتس .،واسحب على دوامي اليوم،!شتبين بعد،؟ ناظرت له بفرحه ونطقت:صدق اشوى اصلا انا كلها ساعه او ساعتين بس ارتب جدولي بس،،لفت جدتي لصالح ونغزته بعصاتها بقهر:وراك تقولي ماتقدر تكب دوامك اليوم؟ هاه؟
نطق صالح بضحكه:والله يمه مالي خلق اوديتس لسوق الغنم اليوم عندتس جون معودته انتي على كل شئ ماقصرتي حتى يعرف يسوم الغنم ابرك مني،،بعدين تذكرت إني عندي شغله بالرياض!! رد جدتي بصدق:اي والله لولا الله ثم جون كان مارحت لغنيماتي،، ضحكت عليها هاذي هي جدتي غنمها أغلى ماتملك تمرض إذا مر يوم وهي ماشافتهن،،ناظرت لصالح لما فز يستعجلني :يلا جوجو قومي انا انتظرتس بالسياره..نطقت جدتي :عوذا وراك طايرن خل البنيه تفطر،،نطقت وانا ألبس عباتي:لايمه مو مشتهيه..حبيت رآس جدتي وودعتها وطلعت مع صالح.



نروح لمكان بعيد عن مملكتنا الحبيب في مدينه الضباب " لنـدن" تحديدا بمنطقة"هامستيـد"
بآحدى الفنادق الموجوده هناك..
السـاعه 9 ونص صباحآ..

عبيـر كانت تمشي بتوتر بالصاله وتتصل على أخوها فـهد بس مايرد ،،تتصل على ولد اختها"مهـنـد" بس كان مغلق..ترمي الجوال بتوتر تروح لغرفة بنتها الكبيره تفتح الباب بهـدوء تقرب من السرير وتهزها وتنطق بصوت خافت:نـدى ..نـدى ..يمهه قومي!!
فزت نـدى بخـوف:يمه شفيك مصحيتني هالحزه!؟
ردت الأم(عبير) بتوتر:المستشفى متصلين علي يقولون حالة زوجك متدهوره!!واتصل على فهد ومهند واحد مايرد والثاني مغلق جواله..
قامت جالسه ندى تبعد اللحاف عنها وتجمع شعرها كله فوق :لاحول ولا قوة الا بالله..الله يستر خلاص يمه بصحي بناتي والبس ونروح له..
عبير مسكت كتف بنتها برجاء:لا ياامي بناتك خليهن عند دلـع..بس قومي أنتي نبي نلحق على ابوك..تنزل نـدى من السرير:حاضر يمه..طلعت الأم من غرفة بنتها راحت لـغرفة دلـع فتحت الباب لقتها جالسه على الايباد:دلـع يمه أنا بطلع مع أختك ندى انتبهي لبناتها،،
دلـع تركض لأمها وتبوس رآسها:اول صباح الخير يااحلى أم بالدنيا..ثاني شئ ليش وين تبون تروحون؟
ردت الام وهي ترتب شعر بنتها:نبي نطلع نتطمن على ابوك..وانتي حبيبتي انتبهي للبنات..
دلع تبتسم لأمها:ابشري بس ماما طمنيني عليه اوك،؟
امها ردت بهدوء:ان شاالله ورجعت طالعه من الغرفه لقت بنتها ندى لابسه عبايتها وجاهزه نزلت معها تحت طالعين للمستشفى...


نرجع للمملكـه على طريق الخرج لرياض

كانت سيارة صالح أحد السيارات الموجوده فيه
صالح يلف لجوري:جوجو شفيتس اليوم ماانتي على بعضتس؟؟
جوري تلف عليه:لا مافيني شئ بس تخيل اتصل على أمي وخواتي من أمس ماحد يرد علي قاعده احاتيهم..
رد صالح يطمنها:افا عليتس لاتحاتين ولاشئ تراهم مو بروحهم هناتس عندهم فهد ومهند.؟
جوري بقهر:صالح انت عارف أن خالي فهد بمنطقه بعيده عنهم!يادوبه يجيهم بالويكند،؟وبعدين مهند منن!!
ضحك صالح:الله يخلف عليتس مهند ولد خالتي عذاري،،نطقت بضحكه:واناشدراني ان عندها ولد اسمه مهند ترا من زمان وهم بالجنوب ماعرف عنهم شئ...لف عليها نطق بهدوء:تبيني اتصل على مهند آساله عنهم!
ردت جـوري بفرحه:اي اي تكفى'..ضحك صالح وأخذ الجوال اللي كان شابك بالشاحن حق الموتر..فتحه واتصل على رقم مهـند ..
جــوري
كنت جالسه بالسيت اللي بجنب صالح واناظر له ابي اي خبر عن أهلي من هاللي اسمه 'مهـند' فزيت بخرعه لما سمعت صوت ثقيل ويخوف من سماعة جوال صالح:الـو..
رد صالح:هلا وغلا بالصاحب .بشرني عنك؟وعن اللي حواليك؟
جاه رد من نفس الصوت الثقيل:هلافيك يالخوي..ابشرك كلنا بخير،،انت علومك وعلوم خالتي وابوك؟
حسيت انهم تافهين واحد يقول يالخوي والثاني يالصاحب.نفس الشئ تركت تفكيري أبي اسمع اي خبر عن أهلي..رد صالح عليه وهو منزعج:ياولد ترا الخط عندك يقطع؟؟هو وين انت شكلك فوق هامه؟وقعد يضحك..شوي وقال:ابي انشدك ماجيت خالتي عبير هاليومين؟
رد اللي يقال انه اسمه مهنـد بصوته الثقيل:هههههههههههه اي فوق هامة الجنوب؟لا والله خبري فيها قبل ارجع لديره..!بس امس كلمتها ماعليهم خلاف؟ليش تسأل..
رد صالح بفرحه وكآنه نسى الامراللي متصل عشانه:ماشاءالله انت بالسعوديه..لاتنسى تمرنا ترا لو تدري امي حصه انك هنا ولامريتها تزعل.. رد الثاني بضحكه:ماعليك ناوي اجيها انا مطول هالمره ثلاث شهور هنا،،
نطق صالح وانا اناظره بقهر نسى السالفه كلها:لا ماشاءالله حلو..اجل اخليك الحين وصلت الرياض،،توصي على شئ!
رد ثقيل الطينه:لا سلامتك..باي
قفل صالح منه وقرب عند المحطه الموجوده على طرف الطريق ونزل..قعدت اناظره بقهر اوف الشرهه على اللي يعتمد عليك،،اتصلت على تليفون البيت حق امي واخيرا رد فرحت بس طفت الفرحه لما ردت ميري:الو منو انتا..
رديت باحباط:هلا ميري انا جوري ماما وين؟
ردت ميري:ماما وكلو راحوا لبابا ايناد(عناد) بالمستشفى،،رديت باحباط اكبر:اوك ميري قولي لماما اذا جت تسوي تليفون لي اوك..ردت:اوك اوك..قفلت الجوال بقهر وحطيتي بشنطتي..دقايق ويفتح صالح الباب ويدخل ويمد علي الكيس اللي فيه اغراض ونطق:يلا أكلي جبت لتس فطيرة بالتفاح وسيزرز مثل ماتحبين.. ناظرت له بقهر ورميت الكيس بالسيت اللي ورى ونطقت:شكرا مو مشتهيه،،
حرك الموتر وهو يناظر فيني باآستغراب:شفيتس؟؟ ..نطقت بقهر:الحين اقولك تجيب اخبار عن اهلي من هاللي اسمه مهند واخر شئ قعدت تسولف معه،،لفيت رآسي لشباك ونطقت بقهر اكثر:من اول ماسمعت صوته الغبي كنت حاسه ماوراهه خير؟؟
ضحك صالح غصب عليه وقال:عاد ماألومتس بصوته؟؟نطق بصوت فيه حنيه:حياتي جوجو اكيد امتس يوم ماردت كانت نايمه والا عند ابوتس بالمستشفى ،وانتي تخبرينها ماترد على احد وهي عنده،،توكلي على الله وريحي بالتس' لف علي وقال:الا قولي لي شتبين تسوين تنقلين للخرج؟ ناظرت له ونطقت:قلت لهم بس يقولون لازم تعيدين الجامعه من أول..بس وحده قالت لي لو عندك واسطه مشيتي؟؟..رد علي صالح :ابشري بالواسطه مهند يعرف عميد كليتكم وابي اكلمه بموضوعتس،،
رديت بسعاده:اي تكفى صويلح مع اني ادري مامنه فود ..مماودي امسك خطوط كل يوم مع جون وسيتا اخاف،،رد علي بثقه:ابشري ريحي بالتس اعتبري موضوعتس انتهى،،كم تأخذين بالجامعه يمديتس ساعتين؟..رديت والله احس بفرحه بعد كلامه:اي اي متى ماخلصت انت شغلك اتصل علي انا بس مادتين الي مادخلن بس،،نطق وهو يوقف عند الجامعه:اوك توكلي على الله وسمي بالرحمن يوم تدخلين..نطقت له بحب وانا افتح باب الموتر بنزل:ابشر بحفظ الله،،


نرجـع لـلندن. بمنطقه(هـامستيـد_تحديدآ مستشفى(رويال فري)..


نـدى/
دخلنا أنا وآمـي المستشفى ودايركت للقسم اللي يتنوم فيه آبـوي كنـت خايفه عليه وأمي أشد خوف منـي..دخلنا بس مالقينا أحـد بالسرير هنا جـمدت أطرافي وين أبـوي؟؟وين ودوه؟؟ناظرت لآمي لقيتها طالعه من القسم للغرفة الدكتور المسؤؤل عن حالة أبـوي لحـقت أمـي بخـوف عليها أكثر أعرف أمـي ماتتحمل آي خبر..شلون لو كان عن أبوي!!تعوذت من الشيطان ودخلنا مكتب الدكتور اللي كان مصري..نطقت أمي بخوف:لوسمحت دكتور محمود وين المريض عناد؟؟ ناظرنا الدكتور بتوتر:والله ياام نـدى زوجك دخل بغيبوبة و دلوئتي بالعناية..لأكن هدي بالك حالته مستقره الحمدلله..هزيت رآسي وغمضت عيوني مانيب مصدقه شلون بغيبوبة كان أمس وش زينه معنا بس فتحتهن بسرعه على صوت شئ ضرب بالآرض كانت أمي متمددة والدكتور يحاول يرفعها لان شكلها جاها هبوط سكر..ثواني اشوف الممرضات داخلات وشايلين أمي لقسم الطوارئ ..حسّيت بوحده شلون كذا يصير معي؟؟الا أمي لحقتهم لين القسم بس رفض الدكتور محمود ادخل عندها بعد ربع ساعه طلع الدكتور ومعه الممرضتين قال لي باآبتسامه يبي يطمني:مابتخافيتش يابنتي أمك ماشاءالله زي الفل بس عطيناها إبره مهدئ..هزيت رآسي ونطقت بعدم تصديق:ممكن ادخل أشوفها..فتح لي طريق ونطق:آه طبعا تفضلي وراح مع الممرضتين دخلت عند أمي لقيتها مسنده رآسها على المخده بتعب ولماشافتني نطقت بصوت هادئ:يمه نـدى اتصلي على اختك جـوري بس لاتقوليلها عن حالة ابوك وارجعي الحين للفندق البنات بروحهن..بست رآسها ونطقت بكلمة وحده لما شفتها غمضت عيونهامستسلمه للنوم:ابشري..فتحت جوالي اللي كان مقفل لقيت 67 مكالمته 50من جـوري و4 من فيصل والباقي من جدتي ودلع ..اتصلت على جـوري وطمنتها اننا مافينا شئ ماصدقت بالبداية بس بعدين اقتنعت ..اتصلت على فيصل وقلت له بخوف وبكى عن اللي صار وحاول يطمني وقالي أكلم خالي فهد يجي عندنا اتصلت عليه وماقصر جانا واستفسر عن حالة أبوي وطمنا الدكتور ان حالته ان شاءالله مستقره بس يصحى من الغيبوبه ..بس خالي فهد من طلع من عند الدكتور كان شارد مادري ليش؟؟نفسي اعرف شقاله الدكتور بس سكت
نطقت خالتي مها اللي كانت جايه مع خالي فهد:خلاص فهد انت وندى روحوا للبنات انا بجلس عند عبير!!
ناظرت لها بنظرات امتنان لاني احس ان مافيني طاقه اجلس اكثر..نطق خالي فهد:اوك يلا ندى نمشي..وطلعنا راجعين ل الفندق. ..


نروح للخـرج لبيت الجده حصه..

("كانت جالسه بالحوش بزاوية البيت فيه مظله كبيره بحيث انها تكون مفتوحه من كل الجهات وفيها فرشه وجلسه عربيه وحوليه اربع نخلات باختصار المكان يفتح النفس") ..قدامها القهوه والشاي والجدوع وحولها الراديو شغال على القرآن..وتسبح بمسباح لونه بني..سمعـت صوت جرس الباب يرن بشكل مزعـج تصغر عيونها من ورى البرقع بآنزعاج و تنادي على الخدامه:ياصيته ياصيته تعالي افتحي الباب..تجي الخدامه سيتا اللي تعودت على الجده ماتناديها الا(صيته):نعم ماما؟؟ ..الجده بآنزعاج من صوت الجرس:روحي افتحي الباب ياوليدي..سيتا:حاضر ماما..
راحت فتحت الباب ودخلت ( نـوره )بخطوات سريعه ووراها فيصل ولد أخوها ( سعود)شايل شنطتها الكبيره..فزت الجـده بخوف من مظهر بنتها وماحست الا بنتها طايحه بحضنها وتصيح وتشاهق:سواها سواها يايـمه وتزوج علي مرا ثانيه..وصالح اتصل عليه من امس مايرد يمه ..مادري وين راح...
فيصل ينزل الشنطه ويحاول يهدي مته:ياعمه خليه يولي والله مالخسران غيره..قاطعت عمته بقهر:اكرمني بسكوتك انت كلكم مثل بعض.. فيصل هز رآسه بآسف وقال لسيتا تأخذ شنطة عمته فوق..الجـده تحاول تهدي بنتها تجلسها وهي مازالت حاضنتها:يايمـه ادحري ابليس وتعوذي من الشيطان..وقومي نزلي عباتس وصلي لتس ركعتين..وبعدين وشلون دريتي هاه؟؟وتطمني صالح جاني البارح تالي الليل ونام عندي..والحين رايح يودي جـوري للجامـعه..
نـوره وهي تشاهق:قالي يمه قالي الصبح بكل برود انا طالع لزوجتي الجديده..انقهرت واللي زادني قهر اتصل على صالح مايرد بس اشوى فيصل رد علي وقلت له يجيبني عندك..
فيصل يناظر لجدته وهو ماشي:تآمريني على شئ يمه؟؟...ردت الجـده بهدوء:اي يُبه خلك هنا ابيك بشغل..رجع نزل نعاله وجلس على الفرشه..نطقت الجـده له:خلك هنا بروح اودي عمتك بغرفتها ترتاح..لفت لبنتها:يلا قومي يمه معي تريحين بغرفتس واذا قمتي تكلمنا بالسالفه..قامت نوره معها وهي مغبونه رايحه لغرفتها..دقايق ورجعت الجده للحوش وجلست عند المركى اللي متركي عليها فيـصل لفت له ونطقت:فيصل ياوليدي لاتشرهه على عمتك ترا نفسيتها شوي..فيصل بآبتسامه:عارف ياغناتي والله مانيب شرهانن عليها مير الله يهديها من الصبح وهي تبتسي..الجـده بحزن على بنتها:الله يكون بعونها زوجها مادري متى يعقل ويكب عنه هالخرابيط..فيصل بقهر:والله ليندم لو يسوي لها شئ عقب سواته قبل..الجده ترد بقهر:وعزتي لصويلح بس..فيصل يمسك يدين جدته ويبوسهن:ياغناتي أنتي صالح رجال ويتحمل سوايا ابوه..الحمدلله انها ماعندها بنيات يضيعون بينهن..الجده نطقت بتآييد:انشهد ان معك حق..الا ماقلت لي كلمت مرتك وبناتك؟؟ فيصل يبتسم:اي يمه كلمتها قبل ثلاث ساعات ماعليهم خلاف نزل رآسه ونطق بصوت خافت:بس عمـي يقولون حالته متدهوره..الجده بخوف:عوذا عوذا من هالطاري عسى الله يشفيه يارب ويقومه بالسلامه..ويرده لبنياته سالمآ معافا..فيصل وهو يقوم:امين يارب..استآذنتس يالغاليه توصيين على شئ..الجده بحب:لا يابوي عساك سالم وصل سلامي لآمك وابوك..فيصل :ابشري يمشي طالع من البيت...


بالخـرج ببيت راشد ولد الجده حصـه:-

راشـد جالس يقرأ كتاب..رفع رآسه بإنزعاج من صوت التلفزيون العالي لف على زوجته اللي جالسه حوله:سحاب قصري على الصوت ماتشوفيني اقرأ!؟ ... ردت سحاب:اي خل عنك الكتاب أبي اكلمك؟....رجع يناظر للكتاب:اجلي كلامتس بعدين،،ردت بقهر وهي ترمي الريموت على الأرض:لا مانيب مأجلته تسمع الحين يعني الحين،،!!أبي أروح لأهلي الليله؟؟....راشد يطنشها ويكمل قرآءه ماحس الا فيها واقفه قباله ومأخذه الكتاب منه وتتكلم بقهر:لييش سافهني؟؟ وقف راشد بكل برود وأخذ الكتاب منها ورماه على جنب:انتي عارفه أن الليله فيه عزيمه ببيت أمي!!ولازم تروحين لها،،مايحتاج أذكرتس بعد،،نطقت سحاب:والله مانيب رايحه كل يوم وحنا عندهم!!واهلي بالحسره اشوفهم..الليله ضروري اروح لبيت أهلي؟ راشد يلف عليها:وليش ضروري الليله؟؟
سحاب بتوتر:عشان أخوي جاي من السفر ومشتاقه له،، نطق راشد ببرود:يالتسذوب اخوتس مارد للحين،،والليله تجهزي عند امي العزيمه وانتهى الحتسي،،ومشى لغرفته...سحاب تجلس بقهر من تجاهله لها:الله يأخذك انت وامك،،ماحست الا ببنتها رنيم تقول:ماما انتي تدعين على بابا وماماحثه؟...امها تلف لها بقهر:اي عندك مانع يابنت ابوك؟؟ رنيم بخوف تهز رآسها بلا...سحاب بعصبيه:قومي اذلفي عند اخوك،،تركض رنيم بخوف من امها للغرفه عند اخوها....


"جــوري"

كنت بالسياره مع صالح راجعين للخرج ومشغل صالح شيلات مهنا العتيبي "اخخ ياصوته يطرب الواحد ماشاءالله..يحسسك بالحب وانتي ماتحبين.."ضحكت عن نفسي ولفيت على صالح لما ناداني وهو يقصر على صوت المسجل ونطقت:هـلا،،! ناظرني ورجع يناظر لطريق وقال:جوجو الاسبوع هذا ابوي عنده شغل يبي يسافر من اليوم!!..أنا من سمعته يقول أبوي جتني غصه بقلبي غصب حسيت بخوف بس طنشت احساسي غصب وسمعته يقول:هاه شقلتي؟؟..'اخخ يالفشله ماسمعته شقال نطقت :وش كنت تقول..رد باآستغراب:اقولتس ابوي مسافر هالأسبوع شرايتس تجين تنامين عندنا امي يضيق خلقها بالبيت بروحها..نطقت بخوف غصبن علي:لا لا مستحيل اروح لبيتكم مستحيل..خالتي ليش ماتجي عندنا؟؟ نطق هو بحسره على حالي:جوجو شفيتس ترا السالفه لها تسع سنين ليش للحين ماتبين تدخلين بيتنا؟؟احلف لتس والله ابوي مو موجوده فيه؟؟ نطقت بقهر:صالح اذا تحبي صدق سكر الموضوع انا مستحيل ادخل بالبيت وابوك مايحب احد يدخل بيته..كملت بيني وبين صدري("اروح له برجولي غبيه انا..احمدالله اني سلمت منه المرا الاولى ارجع ثاني مرا له؟؟")..نطق صالح بهدوء:براحتس.. من بعد هالكلام طول الطريق كنا ساكتين..لما وصلنا الخـرج ووقفنا عند بيت جـدتي("لـو كنت عارفه باللي راح يصير لي ببيت جدتي كان مارحت مع صالح من البدايه")..


دخلنا البيت على حدود الساعه11 وربع الظهر ..أول مادخلنا كنت اضحك واسولف مع جـوري بس انصدمت لما شفت جدتي تمسح دموعها بطرف شيلتها ..قربت من عندها وبست رآسها وجلست عند رجولها ونطقت:افا تبتسين يابنت سعـد؟؟منن اللي بتساتس والله ليندم..مسكت جدتي رآسي بحنيه وشفقه وبآسته ونطقت:ابتسي على حالك يابوي..نطقت باآستغراب:شصاير يمه!! نطقت بتردد:ابوك تزوج على امك مرتن ثانيه والمسكينه جايتن تبتسي عندي وتبي الطلاق منه..وانت يابوي اللي راح تضيع بينهم ..نزلت رآسها ونطقت:لاحول ولاقوة إلا بالله..قلت وانا اضحك مجبور:يمه تحاتيني وانا رجال ؟افا الحمدلله انا كبرت واعرف ادبر اموري..وبيني وبينتس يمه ودي إن ابوي يطلق امي كـودها تفتس منه ومن سواياهه..مادري ليش امي متعلقتن فيه للحين؟؟ ردت جدتي بغبنه:الهوى اعماها وانا امك،،نطقت وانا اتلفت ادور على امي:وينها هي؟ قالت بهدوء:بغرفتها لاتنكد عليها كود انها ترتاح شوي..ضميت كفوفها بين كفوفي ونطقت:لاتخافين على ولدتس يمه ذيب..ناظرتي بابتسامتها اللطيفه وقالت:عسى الله ياوليدي يحفظك ويسهر امرك..تمتمت من كل قلبي وانا طالع("امــين")...
دخلت غرفة أمي لقيتها جالسه على السرير وسرحانه تناظر الفراغ ابتسم وجلست السرير قدامها واحرك يدي قدام عيونها ونطقت:الحـلوه شتفكر فيه اكيد بولدها..ناظرتني امـي وبدت تنزل دموعها:وينك من امس محتاجه لك ولا لقيتك..شفت ابوك وسواته..قربت منها وحضنت رآسها ونطقت بصوت حاولت مايبين فيه القهر على حالتها:يمه حبيبتي انتي اكثر وحده عارفه ابوي وسواياه..هدي جعلني ماابتسي فراقتس ..تلقينه ماتزوج الا وحدتن مثل اللي قبلها بس ايام ويطلق وقولي صالح ماقال..وبعدين انتي حرمته الاولى وام ولده والله مايشوف مثلتس وراح يندم صدقيني..ناظرتني امي وهي تمسح دموعها بقهر نطقت:رح له قله يطلقني ماراح اقعد عنده دقيقه..ابتسم بفرحه بس حاولت ماتبين ونطقت:ابشـر كم نوره عندي انا..الحين اكلمه واخليه يطلقتس غصب..رجعت امي تنطق بقهر:ليش موديها اليوم؟ضاقت مالقت غيرك يوديها!!...نطقت باآستغراب:منن ؟ قالت بكره:جوري ماغيرها..قبل انطق دخلت جـوري مع الباب..

"جـوري"
حزنت لما قالت لي جدتي سالفة خالتي نوره وبنفس الوقت فرحت لما قالت تبي تتطلق مابيها تجلس عند زوجها مو كفو هذا..هذا مو رجال هذا لعاب..وكنت مستانسه خالتي راح تبقى هنا على طول واكيد صالح يكون معها...خالتي كانت تحبي حيل وتعتبرني بنتها...بس من سنتين تقريبا تحول الحب الى كره لي مادري ليش وكل ماصارت جمعه تتعمد تحرجني قدام البنات...دخلت غرفتها بشوق لها لي اكثر من شهر عنها..فتحت الباب ونطقت بفرحه وانا اقرب منها وأبوس رآسها واحضنها:خالتي مشتاقه لك وربي...بس ماحسيت الا وهي تدفني عنها وتنطق بقهر:انزلعي عني ياللي ماتستحين جايه تتشمتين فيني هاه؟؟وبعدين اياني واياتس اشوفتس رايحه مع ولدي لاي مكان..انا هنا انصدمت منها توقعت كنت اوسوس قبل بس طلع صدق تكرهني ليش مادري..انخرست مانطقت بكلمه....رد صالح عليها باآستغراب:يمه شفيتس ترا هذي جوري؟..ردت بقهر:اي اعرفها لاتلعب عليك مثل ماالعبت على غيرك..ناظرتها بصدمه هذي شتخربط شتقول الضاهر سالفه زوجها اثرت عليها نطقت بقهر وغبنه :مشكوره خالتي وطلعت من الباب وسكرته بقوه وقفت عنده وانا اتنفس بصعوبه احس بقهر وانصدمت اكثر لما سمعتها تقول لصالح:اقول بس لايكثر وانتبه منها تراها حيتن لاتتلوى عليك وتقص عليك مثل غيرك...هنا فعلا عرفت انها تخربط ونزلت دموعي لاآراديا..سمعت صوت صالح العالي المقهور:يمه شفيتس نسيتي ان جـوري تصـير............!!؟؟



الـى هنا وينتهي البـارت الاول :-
عطوني تعليقاتكم وتفاعلكم وهـلـون ..-)



تعديل smtalklam7; بتاريخ 11-03-2017 الساعة 03:46 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-05-2017, 07:51 AM
smtalklam7 smtalklam7 غير متصل
©؛°¨غرامي مشارك¨°؛©
 
الافتراضي رد: روايتي الأولى:اهتم بنفسك ودعني لنفسي


ليش مافيه تفاعل وتشجيع لي اكمممل 😢
والا بايخه روايتي😭

الرد باقتباس
إضافة رد

روايتي الأولى:اهتم بنفسك ودعني لنفسي

الوسوم
لنفسي , الأولى:اهتم , بنفسك , روايتي , ويعود
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مأقسى من غيابك الا شوفتك صدفه / بقلمي ؛كاملة اتالم بصمت روايات كامله - يتم نقل الرواية هنا بعد اكتمالها 43 08-06-2017 04:39 PM
صدفه غيرت مجرى حياتي صدفه بدلت ابطال روايتي عاشقه الشوكلاته روايات - طويلة 11 30-01-2016 11:51 AM

الساعة الآن +3: 12:08 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1