اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 16-03-2017, 09:48 AM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


اقتباس:
المشاركة الأساسية كتبها رووووح الحياااه مشاهدة المشاركة
شو العلاقه إلي بين عايشه وساره اعتقد كانت في علاقه قويه بينهن وانتهت 🤔

اعتقد يوم ميلاد عايشه عشان كذا اخوانها فاجئوها اليوم واحد شلها المجمع والثاني جاب لها هديه

عجبتني العلاقه مبينهم كثير حلوه ومترابطه وحنونيين معها



وتسلمي ع البارت الرائع وأستمري وموفقه يارب 😍
السلام عليكم و رحمة الله و بركاته 💛.
يمكن! و يمكن مشاعر متضاربه و متناقضه 🤔؟
امممممممم ، لا مو يوم ميلادها ، في شي ثاني يمكن 🤔 و بنعرفه عقب 🤔؟
فديتج والله تونسيني بردودج ، احس في حد يعني يسويلي سالفه و يقرا ، ي عمري والله 😍💕.
امييينن اجمعين 💙.
مع السلامه 💛.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 16-03-2017, 09:54 AM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


البارت الرابع

"سبحان الله و بحمده عدد خلقه و رضا نفسه و زنة عرشه و مداد كلماته💕"

طلع من الباب و تميت اتأمل الشنطه شوي و رحت غيرتها مع شنطتي القبليه ، نقلت كل الاغراض ف الشنطه اليديده و حطيتها ع الطاوله و رحت اكمل دراسه ونا مستانسه و مستغربه من خواني بلاهم اليوم وايد صايرين كيوت ، دعيت بقلبي الله يخليهم لي ولا يحرمني منهم يارب ، ياني اتصال ، رفعت الفون و كانت ربيعتي مهره ، رديت عليها ونا رايقه : الووووهه
مهره : هلا عواش.
انا : هاه شتبين؟
مهره : الناس يسألون شالاخبار و انتي بس على طول هاه شتبين ، عوذبالله.
ضحكت عليها و رديت : هلا حبيبتي مهره اخبارج؟ علومج؟ شو مسويه؟ كيف الدراسه معاج؟ اوكيه ولا؟ هاه جي زين؟
نقعت مهره ضحك عليه.
بعدت الفون عن اذني و عقب رديته : عنبوج صمختيني مب ضحكه عليج.
شوي و سمعتها تكحّ ، ضحكت عليها.
قالت : مب عين عليج.
انا : نزين ها شتبين داقه؟
مهره : تضبطين لي واحد من خوانج ، تستهبلين؟؟؟ يعني بالله شبا فيج داقه؟ اكيد مليت و ابا اسولف.
انا : قولي اصلا تبين واحد من خواني عادي قولي.
مهره : وعععع ، خلي خوانج لجج.
انا : متأكده؟
مهره : هيه.
انا : تدرين اليوم يوم طلعت من المدرسه ، مبارك ودّاني المول و تغديت ف FRiDAY'S و من شوي قبل ما تدقين بكم دقيقه كان عندي حمدان ، تخيلي يابلي شنطه من شانيل ، هاييج اللي كانت فخاطري.
مهره : خلاص غيرت رايي ، ابا واحد من خوانج.
ضحكت عليها : يحلمووووونننن ، خواني حقي.
مهره : مع نفسج انتي و اخوانج ، نزين اقوووولل.
انا : يا كثر ما تقولين ، قولي.
مهره : شروق ما ترد ، من الصبح اكلمها و ادقلها ما ترد.
انا : عشان سالفة اليوم؟
مهره : مادري ، مع انه عادي بس ماعرف شفيها اف.
انا : يمكن مشغوله او نايمه و مب حاسه بالدنيا.
مهره : ان شاءالله ، اللا اخبارج مع سارا؟
انا : شتبينها؟ خليها فحالها.
مهره : تمام ، يلا عيل مع السلامه.
انا : مع السلامه.
و سكرت عنها و رديت اكمل ادرس ، شوي و اذن المغرب ،قمت اتوضا و صليت عقب نزلت تحت ، لقيت حمدان و مبارك توهم رادين من الصلاه و امي توها مخلصه صلاه ، رحت و سويتلي كوفي ، سمعت صوت حمدان و هو يقول لي اسويله معاي ، سويتله و خلصته ، نظفت المكان و عطيته كوبه و قعدت انا ع الكرسي المخملي الخمري اشرب الكوفي ، يت امي و قعدت معانا ع الكرسي اللي عدالي الخمري ، "بخبركم الصاله عباره عن قسمين ، قسم فيها طاولة الطعام لثمان اشخاص و في كبت للصحون كبير و فيه اغراض الكوفي وجي و الصوب الثاني شي كرسي طويل لونه زيتوني و عداله كرسيين لونهم احمر خمري مال بو شخص ، و جدامهم طاوله وسط لونها بني فاتح و ابيض سكري ، و عليها مزهريه فيها ورود ، و عدال الكرسي الخمري شي طاوله خشبيه دائرية عليها أبجوره كبيره لونها خمري ، و في اكسسوارات على الطاولة ، و شي ع ينب كرسي ثاني زيتوني وسط و عداله طاوله سكريه طويله و عليها اكسسوارات و اشياء جي زينه" المهم قعدنا نسولف شوي و تذكرت ، مبارك امس عصب ع سالفة الباستا بس ليش اليوم وداني المطعم و للحين يضحك معايه و مب معصب ، ليكون نسى السالفه؟ يارب يكون نسى الحمدلله ، لفيت صوب امي و قلتلها : اميه شرايج نروح بيت عمي عناد؟ من زمان عنهم و شتقت حق دانه و شميم ابا اقعد معاهم.
امي : صادقه حتى انا ودي اروح و اقعد مع ام محمد ، من زمان عنها.
لفيت صوب مبارك ونا اسمعه يرمس.
مبارك : تبون تروحون الحين؟
نقزت انا من الفرحه : هيه هيه دخيلك.
مبارك : عادي امي؟
امي : هيه بس بتجهز و بلبس عباتي و بيي.
ربعت بسرعه فوق الغرفه غيرت ملابسي لبست لي لبسه ع الجسم لونها ابيض مخططه بكحلي ، و حطيت ميكب خفيف ، مسكرا و ايلاينر و روج باهت و حطيت شوي كونتور خفيييييف ، لبست عباتي و كان عليها تطريز بالاسود ع اليدين و لبست كعب مب عالي لونه كحلي و شليت شنطتي و فوني و نزلت تحت ، شفت امي توها طالعه من غرفتها ، كانت لابسه مغربي بيضا و عليها ورود ورديه و لابسه فوقها عباه فيها ع الكتف لين كف الايد اوراق صغيره باللون الاسود و لابسه كعب اسود و شنطتها ديور ، رحت معاها السياره شفت مبارك يتريانا ، ركبت امي جدام و يوم فجيت الباب اللي ورا شفت حمدان ، عبالي ما كان بيي ، المهم ركبنا و رحنا صوب بيت عمي ، شبك حمدان فونه و تم يحطلنا شيلات ، يموت ع الشيلات السعوديه ، و تم يغني وياهم و يتحمس ونا بعد تحمست معاه ، وصلنا بيت عمي عناد ، نزلنا و دقينا الباب طلعت لنا ام محمد ، امي طلعت داقتلها و تقوللها انه بنييهم ، سلمنا عليها و دخلنا صالة الضيوف ، سالنا عن عمي و البنات و قالت انه عمي بعد شوي بيي و البنات فوق الحين يبنزلن ، دقايق و دخل علينا عمي عناد ، قمنا سلمنا عليه و امي سلمت عليه من بعيد و قعد عدال اخوي مبارك و تم يسأل عن الاخبار وجي ، شوي و نزلت دانه و معاها شميم ، كانوا لابسين مخوره ، دانه كانت لابسه مخوره لونها اسود و منقطه ابيض و كانت حاطه ميكب خفيييفف و هيه دانه ملامحها حلوه و هاديه ، كلهم جي عيال عمي عناد ، بنات و اولاد ، كلهم عندهم العيون الوساع ع امهم و لونهم عسلي ، و دانه الوحيده هيه و خالد رموشهم طوال ، و كلهم خشومهم سيف على عمي عناد و شفايفها صغيره ورديه مليانه و ويهها طويل و فيها الدقه اللي ف الحنج تحت ثمها ، اما شميم كانت لابسه مخوره لونها اخضر عشبي و فيها ورود صغيره خضرا مع بني ، و قلنا انه عيونها وساع و لونهم عسلي بس رموشها عاديه مب طوال ، و خشمها سيف و شفايفها مليانه و وسط و ويهها دوّاري ، الزبده ين و سلمن علينا و شوي يت الخدامه يايبه سويت و اكل و حركات المهم و قعدت خالتي ام محمد تقرّب فيننا تبانا ناكل وجي المهم كانت قاعده خالتي ام محمد عقب امي عقب انا بعدين عدالي شميم و عدالها دانه و عقب في مسافه لا كبيره ولا صغيره ، و كان هناك مبارك و عقب حمدان و بعدين عمي عناد ، قعد عمي عناد شوي معانا عقب راح ، تمينا قاعدين ونا لافه صوب شميم و دانه و اسولف و كل شوي اشوف مبارك يلتفت صوبنا و متنح ، تمينا شوي و دخلوا خالد و عمر ، قعدوا معانا و تموا يسولفون مع حمدان و مبارك ، بعدين كلنا تحمسنا معاهم بالسوالف و قعدنا تحت كنت انا قاعده فالنص و ع يميني حمدان و ع سياري دانه عقب شميم عقب خالد عقب عمر و بعدين اخوي مبارك ، سألتهم : شرايكم نلعب جرأه و صراحه؟
كلهم أيّدوا الفكره و يبت دبة دانه كانت شاربه نصها ، خليناها فالوسط و بدينا نلعب ، قلتلهم انه اذا طلعت لحد صوب الغطا يعني يسأل الشخص اللي طلع معاه ، لفيت الدبه و طلعت على حمدان و خالد ، حمدان سأل خالد.
حمدان : جرأه ولا صراحه؟
خالد : صراحه.
حمدان : خويلد متى اخر مره انهزبت من عمي و شو السبب؟
خالد : حسبي الله ، اول شي اسمي خالد مب خويلد ، ماني اصغر عيالك ، الزبده اخر مره انهزبت من اسبوعين اعتقد ، كان نازل الراتب و شتريت نظاره تبيعك و تشتريك و شرشحني هاك اليوم بسبتها.
ضحكنا كلنا و هالمره حمدان لف الدبه ، طلعت على شميم و عمر ، و لازم شميم تسأل عمر.
شميم : جرأه ولا صراحه؟
عمر : صراحه.
شميم : قد مره حبيت؟ و شسمها؟
كلنا طالعنا عمر بنظرات نتريّاه يجاوب ، حسيته توهق.
عمر : ونتوا يالبنات ما عندكم اللي حبيت و حبني و حبينا بعض ، ييبوا اساله غير ياخ.
شميم : ما يخصني يلا جاوب.
حمدان : مافي مفر يلا جاوب.
عمر : لا ، ولا مره حبيت.
طالعه مبارك : اكيييييددد؟؟
عمر : يعني لازم اقول هيه عشان ترتاحون و تصدقون؟ ولا اذا قلت لا يعني جذاب.
مبارك : نزين هد اعصابك يالطيب خلاص.
انا : نزين يلا بنكمل.
خذت شميم الدبه و لفتها و يت عليه انا و خالد ، و لازم خالد يسألني.
خالد : جرأه ولا صـ..
قاطعته : جرأه.
ضحك و قال : بلاج متحمسه نزين.
تفشلت و سكتت.
سألني خالد : عادي اقول لج شي ف اذنج؟
حمدان : سلامات حبيبي؟؟؟
خالد : لا عشان ابا اقوللها شي و ما اباكم تسمعون.
حمدان : ممنوع حبيبي تقرب منها ، هاي ممتلكات خاصه.
خالد : عيل كيف اقول بالله؟ بلشتوني.
مبارك : شوف لك صرفه ي حبيبي.
خالد : كيف يعني؟ اسويلها بالإشاير ولا لغة العيون؟
حمدان : لا لغة الرّيول ، ما يخصني دبر عمرك ولا يلا بيطوف الدور.
مبارك وهو يطالع دانه : نزين قول لدانه و دانه بتقول لعويش.
خالد : اوك.
قرّب من دانه و همس بأذنها ، فتحت دانه عيونها و قربت مني و همست باذني.
دانه بهمس يالله ينسمع : خذي الدبه اللي نلعب فيها و فريها على حمدان بدون ما يدري.
بانت الصدمه على ويهي و سمعت ضحكة خالد و صرخت بدون ما احس : مُـــسْـــتَـــحِـــيٰـــلْ
لفت امي و خالوه ام محمد صوبنا ، قالت امي : بسم الله بلاج عويش استحي قصري حسّج.
تفشلت و سكتت ونا احك خدّي من الاحراج.
حمدان بفضول : شيباج تسوين ها الحيوان؟
طالعت خالد و قلت له : اقووول؟
جان يقول : عادي قولي له.
لفيت ع حمدان و قلت له : تراه يباني افلعك بالدبه هاي ونت ما تحس و بدون ما تنتبه.
ضحك خالد و قال حمدان : ماعليه يالخايس تباها تفلعني؟ لكن احسن تستاهل ، ادريبها اختي ما تسويها اصلا ، فديتها توأمـ...
و ما حس اللا بالدبه ع ويهه ، عمر فرها عليه و انفجروا خالد و عمر و ضحكت دانه و شميم بهمس ، شفت ويه حمدان المنصدم و رحمته ، عصبت عليهم يعني ليش يضربون؟ شهالسخافه.
ما تحملت و بديت اتحرطم : انتوا هيه بلاكم ع حمدان؟ و شليت الدبه و فريتها ع عمر.
شافني حمدان و ضحك ع شكل عمر المنصدم ، لف صوبي عمر و جان اقول.
انا : احسن تستاهل عشان مره ثانيه ما تسوي شي حق خواني.
مبارك : كفو والله يالذيبه ، تربيتي.
طالعته ونا ابتسم : افا عليك ، و غمزت له و كملت : اعجبك.
المهم و تمينا جي نتناقر شوي و نضحك شوي ، تعشينا عندهم بعد ما حلفوا علينا و ردينا البيت و فالدرب قعدت سرحانه افكر بنضرات مبارك لدانه ، يعني عادي ولا انا كنت اتوهّم ، وصلنا البيت و نزلت رحت الغرفه فصخت عباتي و بدلت ملابسي ، لبست لي بجامه لونها ابيض قطن و فيها بومات وايد لونهم احمر و بني ، توضيت و لبست لبس الصلاه و فرشت السيّاده و صليت العشا ، نزلت تحت و تميت قاعده ع فوني فالصاله و عدالي امي كانت تطالع السنابات و حمدان قاعد عدالي و يشوف شي ف اليوتيوب ، قعدنا شوي و عقب كل واحد راح ينام.



آخر من قام بالتعديل سركوسه; بتاريخ 16-03-2017 الساعة 09:55 AM. السبب: ،
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 18-03-2017, 06:49 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


البارت الخامس

""احسن الضن بالنّاس ، كأنهم كلهم خير ، و اعتمد على نفسك ، كأنه لا خير في النّاس 🌿💕.""

"زعلانه ليش م اشوف تفاعل ، محد يقرا روايتي ):؟؟؟؟ اللا وحده اللي مسويتلي سالفه 😪 ، لكن بكمل و يمكن مع الايام اشوف في حد ان شاءالله 💕"

بسم الله 💛.

قمت الفجر ع صوت المنبه ، ازعجني ، قمت و شفت الساعه 5:50ص ، رحت توضيت و لبست لبس الصلاه و صليت الفجر ، خلصت و تميت قاعده شوي مكاني استغفر و اصلي ع الرسول عليه الصلاة و السلام "صلوا عليه💕" قمت عقب من مكاني ، فصخت لبس الصلاه و رديته مكانه هو و السيّاده ، رحت حطيت المنبه ع 6:40ص ، و نمت ، وعيت ع صوت المنبه مره ثانيه ، بندته و قمت رحت الحمام "اكرمكم الله" ، تسبحت و طلعت ، لبست لبس المدرسه و لميت شعري ع ورا و تعطرت ، حطيت مسكرا و بلاشر خفيف ، لبست عباتي و حطيت الشيله ع جتفي ، شليت شنطة المدرسه و فوني و نزلت تحت ، لقيت امي فالصاله تقرا قرآن ، سلمت عليها و حبيت راسها و قعدت اتريا حمدان و مبارك ، طلعت كريم من الشنطه و حطيت ع ايدي ، شوي و نزل حمدان ، سلم و راح يفطر ، بعده بدقايق نزل مبارك و سلم و قال ما يبا ريوق و سلمنا ع امي و طلعنا ، ركبنا السياره و رحنا صوب مدرسة حمدان ، قلت حق مبارك ابا من ستاربكس ، خطفني قبل ما يودي حمدان المدرسه و نزلت انا وياه ، طلبت لي انا و مبارك خذاله شي و خذينا حق حمدان و ردينا السياره ، رحنا صوب مدرسة حمدان و نزل ، مسكت فوني و صورت سناب ، قلت حق مبارك ونا امثل البرائه : مبااررركككك.
مبارك وهو بعده يطالع جدام الشارع : هلا؟
انا : شرايك تخطفني المطعم 🌚؟
مبارك : توج ستاربكس و الحين مطعم ، تبين تتأخرين صح؟ قوليها من الآخر ، لاني ادريبج ما تحبين وايد تتريقين.
ضحكت لانه فاهمني و قلت : ي فاهمنييييي ، ايوه ابا اتأخر مافيني ع الطابور و الحصه الاولى رياضيات ، دخيلك يلا تكفى.
مبارك : و دوامي؟
انا : عادي يوم واحد ما يضر.
ضحك و قال : يوم واحد؟؟؟ انتي السنه كامله تتأخرين اونه بس يوم واحد.
انا : يلا طيب تكفى.
مبارك : شو المقابل؟
انا : اي شي.
مبارك : اي شي اي شي؟؟؟
انا : يعني ع المقدور.
مبارك : تمام ، وين تبين تروحين؟
انا : مدري اي مكان المهم اتأخر.
مبارك : تبين تتريقين ف لابريوش؟
تحمست و صرخت : هـــيـــه.
مبارك : بسم الله صمختيني.
ضحكت : اسفه.
مبارك : خلاص سامحتج.
و قرص خدي اليسار ، رحنا صوب لابريوش ، وصلنا و نزلنا و طلبنا ريوق ، قعدنا شوي و عقب تكلمت.
انا : شو تبا يلا ، انا قلت لك اوك ع المقدور ، آمر يلا.
مبارك : افا ما هقيتها والله ، من متى مبارك يذل و يسوي شي حق اخته و يتريا مُقَابِل؟
انا : اوووههه يسلام كبرت فعيني.
مبارك : كملي اكلج ونتي ساكته.
تقفطت : ان شاءالله شيخي.
و خلصنا و قمنا و وداني المدرسه ، صورت كم سناب و وصلت المدرسه ع الساعه تسع تقريباً نزلت و قبل لا اسكر الباب طالعت صوب مبارك و ابتسمت و قلت : شكرا يا احلى اخو.
طالعني مبارك وهو يبتسم لي : العفو يا احلى اخت.
سكرت باب السياره و رحت داخل ، طبعاً و اكيد سجلوني تأخير و خلوني اكتب تعهّد من كثر ما اتأخر ، دخلت و رحت الصف ، كانت توها باديه من شوي الحصه الثانيه ، كان علينا انقلش و ما كان لي نفس حق هالمس ، تتحرطم وايد ، لفيت صوب مهره و تميت اسولف معاها ، خلصت الحصه الثانيه و الثالثه كانت علينا مس الانقلش بعد ، شغلتلنا فلم و تمينا نطالع ، خلصت الحصه و طلعنا البريك ، نزلنا تحت انا و مهره و شيخه بنت من صفنا ، تمينا نحوط تحت فالساحه و عقب قعدنا ع واحد من الكراسي الموجوده ، تمينا نسولف و عقب مهره شافت شروق و نشت راحت عندها ، قمنا انا و شيخه و تمينا نحوط ، كنت امشي و شوي حسيت بحد مسك ايدي ، لفيت لقيت ساره و ربيعتها لطيفه ابتسمتلها و لفيت ع شيخه ، حسيتني توترت ، شيخه ما تعرف ساره ، مب نفس روان و مهره ، صدمتني ساره بحركتها ، اول مره تسويها ، و احسها هيه من النوع اللي يستحي وايد ، ابتسمتلها و خوزت ايدي لانه حسيت شيخه شكت فيننا ، دخلنا صوب الدري اللي عند الحضانه ييت بروح فوق لانه دق الجرس و خلص البريك ، تمينا واقفين ثواني عند الدري جان تقول لطيفه ربيعة ساره.
لطيفه : لحظه ابا اوثّق.
ضحكت عليها و ييت بروح فوق ، ركبت الدري و انا قاعده امشي سمعت لطيفه تتكلم و لفيت صوبها يوم حسيت انه شيخه راحت.
لطيفه : ترا ساره من الصبح مصدعتني تبا تحضنج.
ابتسمت : تمام بس مب الحين ، لانني تأخرت.
لطيفه وهي تصرخ : ف بريك الصلاه.
انا : خلاص تم.
شوي سمعت ساره تهمس ل لطيفه شي باذنها.
ذبحني الفضول : لطوف والله تقولين شقالت لج.
لطيفه وهي تطالع ساره و تضحك : قالت اونه بريك صلاه و تبون تسوون هالمنكر.
نقعت ضحك عليها : ترا كله عشانج حبيبتي ، مب تقولين ما حضنتيني عدل اخر مره؟
شفت ساره ستحت و صار ويهها احممممررررر.
قلت : خلاص تأخرت ع الحصه ، يلا باي.
و رحت الصف ونا افكر ب خبال ساره ، ابتسمت ، ياخ والله خبله بموت منها 😂 ، حسيت بحد يهزني ع خفيف ، لفيت كانت مهره ، سألتها : شتبين؟
مهره : بلاج تتبوسمين بسم الله.
ابتسمت : ما يخصج.
و رديت اطالع صوب المس ، سمعتها تقول : ما يخثج انننن.
ضحكت بخفيف اخاف المس تكشفنا قاعدين نهذرب جدامها ، خلصت الحصه و يت الحصه الخامسه ، باقي السادسه و عقبها بريك الصلاه ، خلصت الحصه الخامسه و السادسه اول ما خلصت ربعت صليت و يوم خلصت نزلت تحت وين صفوف عاشر ، شفت ساره واقفه مع لطيفه عند صفهم و تتحرطم شكلها معصبه ، ييت من وراها و قلت حق لطيفه تسكت ، غمضت على عيونها بيديني الثنتين و سحبتها ، اول ما سويت جي حسيتها جمدت مكانها ، ابتسمت و حسيت بكفوفها ع ايدي ، قعدت تلمس ايدي و تحاول تعرف منو انا ، و تمت تقول.
ساره : هاي اكيد حصه الخبله.
جان تقوللها لطيفه : لا مب مهره ، حد ثاني.
حسيت بايدها مره ثانيه ع ايدي شوي حسيتها تشنجت و تمتمت : عـ... عواش؟
ضحك و حسيت برجفتها ، بطلت ايدي عن عيونها و لفت صوبي و شافتني و ماتت من المستحى ، شفتها تضرب لطيفه و لطيفه تضحك ع شكلها.
انا : تعالوا بنمشي يلا قبل يخلص البريك.
رحنا و كان في جي مكان "ماعرف اقول الزبده انه مكان وخلاص🌚💔" بس كان مرتفع عن الارض.
انا : تعالوا بنقعد هنيه.
رحنا قعدنا و قعدت انا ع اليدار و عدالي لطيفه و جدامنا ساره ، طالعت ساره ونا ابتسم.
انا : قصيتي قصّتج "القذله ، مدري شتسمونها الزبده 😂🌚💔"صح؟
ساره و هيه بعدها تطالع اظافرها ما تبا ترفع عيونها : هيه.
لفيت صوب لطيفه ماخذه وضعية الكوووللل مب هامنها شي و قاعده جنها بو الشباب ، ضحكت و تميت اسولف مع لطيفه ، ياخ ساره يوم اراقبها و تكون مع ربيعاتها و هيه ما تحس اني اشوفها تكون تسولف و تتحمس بس يوم امشي معاها لسانها ينصرط ماعرف وين يروح ، المهم تنهدت و قلت : I love you
ضحكت لطيفه و قالت لساره : حركات منو قدج.
حسيت ساره تدعي ع لطيفه لانها رفعت راسها و طالعتها بنظره.



آخر من قام بالتعديل سركوسه; بتاريخ 18-03-2017 الساعة 06:51 PM. السبب: ،
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 18-03-2017, 07:51 PM
صورة -رغد- الرمزية
-رغد- -رغد- غير متصل
كَأنَ تِلْكَ الدُموعِ كَقَطْرَةُ نَدَى.. يَقْطُرَ مِنْ النَرجِس عَلى الوَرْدُ.
 
الافتراضي رد: خذني لصدرك الدافيّ انا طفلك المهلوك !/بقلمي























السلام عليكم.

البارت رائع.

و بإذن الله من متابعينك.

أنا متشوقة لأعرف قصة الرجال إلي يجي كل يوم المدرسة .

وحبيبتي تصحفي هذا راح يفيدك كثير.
https://forums.graaam.com/458176.html
وهذا بعد.
https://forums.graaam.com/420685.html

بإنتضارك في البارت القادم.






















الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 18-03-2017, 09:57 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


اقتباس:
المشاركة الأساسية كتبها -رغد- مشاهدة المشاركة










السلام عليكم.

البارت رائع.

و بإذن الله من متابعينك.

أنا متشوقة لأعرف قصة الرجال إلي يجي كل يوم المدرسة .

وحبيبتي تصحفي هذا راح يفيدك كثير.
https://forums.graaam.com/458176.html
وهذا بعد.
https://forums.graaam.com/420685.html

بإنتضارك في البارت القادم.






و عليكم السلام و رحمة الله و بركاته 💛.
عيونج الأروع حبيبتي 💕.
ان شاءالله 💙.
و انا بعد متشوقه اعرف 😂🌚.
مشكوره خيتووو ، تصفحادني كثير ، و ان شاءالله الله يقدرني و اكون عند حسن ظنكم و ظن المشرفات و ما اخيب ظن احد 🌟.
شكراً ع مرورج و مع السلامه 💛.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 19-03-2017, 12:01 AM
بيسان مصاصة الدماء بيسان مصاصة الدماء غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


السلام عليكم
الروايه تجنننننننننننننننننننننننننننننن
بس ايش العلاقه الي بين عيوش وسارا لاني احس انه بينهم شي ماااااااسخ ...الله يجيرنا
بس بليززززززز حبيبتي اذا كانت الرواية مو زينه بتمنى تغيريها يعني تغيري الاحداث وهيك اوك
المهم رح اكون من متابعينك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 19-03-2017, 05:19 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


اقتباس:
المشاركة الأساسية كتبها بيسان مصاصة الدماء مشاهدة المشاركة
السلام عليكم
الروايه تجنننننننننننننننننننننننننننننن
بس ايش العلاقه الي بين عيوش وسارا لاني احس انه بينهم شي ماااااااسخ ...الله يجيرنا
بس بليززززززز حبيبتي اذا كانت الرواية مو زينه بتمنى تغيريها يعني تغيري الاحداث وهيك اوك
المهم رح اكون من متابعينك
و عليكم السلام و رحمة الله و بركاته 💛.
عيونج اللي تجنن والله 💕.
بتعرفون العلاقه + انا اصلا ما احب هالسوالف عشان اكتبهن 😂🌚.
ان شاءلله 💙.
اتشرف بج والله حبيبتي 😍.
مع السلامه 💛.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 19-03-2017, 07:01 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


البارت السادس

ستغفرالله 💕.

«يقتلني فيك إنك لا تكفّ عن الغياب...و يقتلني في نفسي اإني لا أكُفُّ عن الحَنين!»

انا و لطيفه نهذرب و ساره ساكته.
لطيفه : عواش ابا سنابج.
و مدت لي ايدها ، مسكت ايدها و حسيت ساره تطالعنا ، طلعت قلم و كتبتلها الاكاونت ع ايدها و رديت القلم ف مخباي ، تمينا نتكلم عن المدرسه جان اقول : اف الحمدلله اخر سنه و بنخلص.
سمعت لطيفه تقول ل ساره : ساره ترا اخر سنه هاه ، اخر سنه.
ضحكت ياخ هالبنت خبله ، شفت ساره سرحانه جان ادزها ع خفيف ، رفعت راسها و تنحت فيني ، قمت و نزلت و رحت وراها ، حطيت يديني ع جتفها و دزيتها صوبي اباها تطيح ، تمسكت ف ايدي و قالت : لا عواش يويلج.
انا : اف اخيراً سمعنا صوتج.
تميت واقفه وراها ونا العب بخدودها و امطهن ، سمعتها تقول.
ساره : خلاص والله كبرن خدودي كل حد يمطهن من صوب.
ضحكت عليها لانه جد خدودها حلوات جنهن سلايم 😭😂 ، رديت قعدت مكاني و كنت ماسكه دبة ماي صغيره ، شربت منها شوي و تمينا ونا احاول بسارا تتكلم معانا و هيه ماشي فايده منها ، دق الجرس و قمنا نمشي شوي ، عقب وصلتها صفها و رحت فوق بسرعه لاني حسيتني تأخرت ، دخلت و كانت المس موجوده ، يالله هالمس ما تتفاهم ، طبعاً سألتني الف سؤال وين كنتي و مع منو و ليش تأخرتي ، قعدت ع الكرسي و انتبهت للحصه ، خلص الدوام و لبست عباتي و شليت شنطتي ، تحجبت عدل و نزلت تحت مع مهره ، تميت واقفه شوي مع ربيعاتي و رحت طلعت اشوف مبارك موجود ولا ، لفيت ع مهره ونا اتأفف ، و تميت ادور سيارتنا و حسيتني انشلقت شفته واقف بس بعيييييددد ، تميت واقفه مكاني اتريّاه يقرّب ، تذكرت السياره هاييج ، تميت ادورها شفته واقف قريب من عندنا ، تميت اركز فويهه بس قد ما اقدر احاول ابين اني ما اشوفه ، تميت اطالعه احاول اشوف اذا حد نعرفه من اهلنا او شو؟ المشكله انه يلبس نظارات شمسيّه يعني ما اقدر اشوف عيونه وين يطالع ، اخافه يطالعني بسم الله ، شفت مبارك قرّب بس مب وايد لانه زحمة السيايير وجي ، سلمت ع مهره و قلتلها اني بروح ، نزلت و رحت صوبه ، ركبت السياره و سلمت عليه و رحنا البيتت ، وصلت و ما شفت امي ، قلت يمكن نايمه ، رحت تغديت و ربعت فوق ، بدلت ملابسي و تسبحت ، لبست بنطلون اسود ماسك و قميص رصاصي وسيع بنص اكمام ، تميت قاعده ع الفون و اذن العصر ، قمت توضيت و صليت و خذت شنطتي و بديت ادرس ، حليت واجباتي و اذن المغرب ، قمت صليت و عقب شليت فوني و نزلت تحت ، كانوا مبارك و حمدان توهم راجعين من المسيد ، رحت و حضنت حمدان ، احسني ما اشوفه وايد ، الصبح بس اشوفه و يوم ارجع من المدرسه اتم ف الغرفه ادرس لين المغرب و المغرب اشوفه اقعد شوي معاه و عقب يا يطلع او انا ارجع غرفتي.
حمدان : بسم الله بلاج.
ابتسمت ونا ارفع راسي و اطالعه لانه اطول مني : ماشي بس شتقت لك.
ضحك و رد يحضنني ، بعدين حط يدينه ورا ظهري و مشينا لين عند مبارك و امي ، قعدت و قعد عدالي ، مسكت الفون و دخلت ع صراحه ، شفت وايد كاتبين لي ، تميت اقرا و نصهم "انتي تحبين سارا؟ , انتي و سارا حبايب؟ , شو علاقتج بسارا؟ و شو تحسين اتجاهها؟" حسيت انه ودي ادخل بالشاشه و اطعنهم ، يعني اوك انا مب من النوع اللي يهتم بكلام الناس بس هالموضوع ماعرف يعني وايد شاغل بالهم و نحن نهمهم؟ مع انه انا و سارا و ربيعاتنا نعرف انه انا و هيه مب حبااايييببب ، ستغفرالله ، شو حبايب ما حبايب ، يهتز عرش الرحمن من الغضب اصلا اذا كانت بنت تحب بنت او ولد يحب ولد ، ستغفرالله ستغفرالله ، حسيت بحمدان يطالعني ، لفيت صوبه و همس لي : بلاج؟
انا : بعدين اقول لك.
حمدان : تمام.
لفيت صوب مبارك ببتسامه : مبارك شرايك نروح نتعشى برع؟
رفع نظره عن الفون و طالعني : اذا امي طاعت.
لفيت ع امي : امايه دخيلج يلا تعالي كلنا بنروح.
امايه : نزين بكيفكم ، بس وين؟
انا بتفكير : امممممم مدري ، حمدان وين خاطرك؟
حمدان : تبون شكسبير؟
مبارك : تبون؟
انا : هيه.
امي : براحتكم.
انا : يلا عيل بروح البس عباتي.
رحت ربعت فوق و لبست ع ملابسي العباه و حطيت مسكرا و روج خفيف باهت و دخل عليه حمدان ، قعد ع الكرسي ونا لفيت شيلتي ، لفيت صوبه و قلت : هاه حمدان؟
حمدان : شفيج توج تحت؟ حسيت انه الفون كان بينفرم فإيدج.
ضحكت لاني يوم كنت اقرا رصيت ع الفون من كثر ما تنرفزت ، رحت قعدت عداله و بديت اتكلم.
انا : حمدان شوف ، انا عندي ربيعه فصف عاشر ، وجي عادي ربيعتي يعني بس كل حد يحسبنا حبايب ستغفرالله ، ليش تنرفزت توني؟ لانه لحظه براويك.
شليت فوني و فتحت ع صراحه و خليته يقرا ، مسك الفون و تم يقرا و يوم خلص مده لي.
حمدان : هاي اللي اسمها سارا؟
انا : هيه ، و كل حد عباله انه نحن حبايب ، ف البدايه ما كنت اهتم لكلامهم ، حتى سارا يوم اقوللها انه البنات يرمسون عننا تقول ما يهمني المهم انا عارفه نفسي و اعرف انا شقاعده اسوي و مب قاعده اغضب ربي ، بس حمدان محد راضي يفهم ستغفرالله.
حط حمدان ايده ع ظهري و تم يمسح عليه و قال : انتي لا تهتمين صح يضايج بس لا تهتمين و اذا حد سألج ف ويهج قوليله لا و عاد هو بكيفه يصدق ما يصدق مب مشكلتج انتي ، انتي اللي عليج سويتيه و ترا ما بتخلصين من كلام الناس اذا تميتي تحاتين فلان و علان ، اهم شي نفس ما قالت سارا انه هيه عارفه شتسوي و مب قاعده تغضب ربي و انتوا مجرد اصدقاء لا اكثر ولا اقل بس يمكن لانكم وايد مع بعض ف عشان جي يفكرون هالتفكير المتخلف.
انا : ان شاءالله ، نزين يلا قوم ترا تأخرنا و شكلهم فالسياره يتريونا.
حمدان وقف : يلا.
وقفت و خذيت شنطتي و فوني و نزلت مع حمدان ، شفتهم قاعدين فالسياره مبارك و امي و شكلهم يسولفون ، ركبنا و رحنا صوب شكسبير ، وصلنا و قعدنا ع وحده من الطاولات و طلبنا الاكل ، قعدنا ناكل و شوي نسولف ، خلصنا و قمنا تحوطنا شوي ف المول ، سحبت حمدان و رحنا الجمعيه و شتريت حلويات و شبسات و عصاير و مشروبات غازيه ، حاسبنا و طلعنا ، اتصلنا ع مبارك نسأله هو وين ، رحنا عندهم بعد ما قاللنا و ردينا البيت ، دخلت و رحت تسبحت و لبست لي بجامه حرير لونها كحلي و صليت العشاء ، شفت الساعه كانت بتوصل عشر ، خذيت الاغراض و رتبتهم بالثلاجه اللي بالغرفه ، و حطيت المنبه ع صلاة الفجر و نمت ، قمت ع صوت المنبه و رحت توضيت و صليت و رديت نمت ، صحيت بعدها ع صوت المنبه مره ثانيه و رحت تسبحت و لبست ملابس المدرسه ، سويت شعري عقص فرنسي و حطيت مسكرا و لبست عباتي و حطيت شيلتي ع جتفي و شليت فوني ، ونا نازله فتحت الفون و قعدت اطالع ، دخلت الواتس و شفت رقم غريب ، دخلت ع الرساله و شفت مكتوب «فتِلك العيون الجميلة أحلى , و ذاك الجمالُ.. يُخيفُ القمر , صباح الخير💕» ستغربت و سحبت عليه و كملت انزل ، دخلت الصاله و يمكن اول مره فالحياه مبارك يكون فالصاله قبلي ، سلمت و سألته : شالطاري ماشاءالله اليوم نازل بوقت الله لا يعير عليك يا رب.
طالعني و ابتسم و كمل ياكل الفطور ، قعدت عداله و تميت اكل ، دخلت امي و قمت سلمت عليها و رحت قعدت ، تريينا حمدان ، نزل و كل الفطور و رحنا المدرسه ، دخلت و شفت سارا ، ابتسمت لها و كملت دربي للصف ، دخلت الصف فصخت عباتي و حطيت شنطتي و كانت هناك مهره ، سلمت عليها و ع اللي كانوا ف الصف و نزلت معاها تحت تذكرت المسج و سألت مهره بعد تردد : اقول مهره.
مهره لفت صوبي : هلا ، قولي.
سكتت شوي ، عقب قلت : انتي اليوم مسويه فيني مقلب و مكلمتني واتس؟.
حسيت من ملامح ويهها انها مب هيه.
ردت : لا مب انا ، ليش؟
انا : لا بس جي اسأل.
مهره : اها تسألين.
دزيتها بجتفي : بس عاد.
ضحكت و قمنا نصف طابور.



آخر من قام بالتعديل سركوسه; بتاريخ 19-03-2017 الساعة 07:04 PM. السبب: ،
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 20-03-2017, 11:00 PM
رووووح الحياااه رووووح الحياااه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


ماشاء الله بارتات رووعه وعندي فضول اعرف أكثر عن عايشه وإلي يراقبها
ومبارك شكله معجب ويحب دانه بنت عمه
اعتقد المسج إلي وصل لعايشه من الشخص إلي يراقبها وتشوفه عند المدرسه


و واصلي ابداعج نحن بنتظارج

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 21-03-2017, 08:21 PM
صورة -رغد- الرمزية
-رغد- -رغد- غير متصل
كَأنَ تِلْكَ الدُموعِ كَقَطْرَةُ نَدَى.. يَقْطُرَ مِنْ النَرجِس عَلى الوَرْدُ.
 
الافتراضي رد: خذني لصدرك الدافيّ انا طفلك المهلوك !/بقلمي






























البارت رووووووعة.


أتوقع أنه إلي أرسل الرسالة هو الرجال يلي يجي للمدرسة كل يوم.

و أتوقع أنه راح يطلع يعرفها عن طريق سارة على ما أضن.


شكرًا على البارت.
بإمنتضارك في البارت القادم.




























الرد باقتباس
إضافة رد
الإشارات المرجعية

خذني لصدرك الدافيّ انا طفلك المهلوك !/بقلمي

الوسوم
لصدرك , المهلوك , الدافيّ , خذني , طفلك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ايها الليل ما لسحرك راوي adilahmedyousif شعر - قصائد - قصايد - همس القوافي 0 12-10-2016 06:02 PM

الساعة الآن +3: 01:28 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1