اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 10-04-2017, 08:54 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


اقتباس:
المشاركة الأساسية كتبها -رغد- مشاهدة المشاركة














البارت رائع.

فيه شيء أنا مقهورة منه من البارت الثاني للحين و ما أقدر أستحمل لازم أقولك و إلي هو كتابة الأسماء منه سارة ما سارا و إسم عائشة ما عايشة وهو صح فرق صغير بس لازم تنتبهي أكثر للأغلاط الإملائية.

توقعات نفس المرة الماضية و إلي هو أن سارة هي غلي عطت حمد رقم عواش .

شكرًا على البارت .

بإنتضارك في البارت القادم.














السلام عليكم و رحمة الله و بركاته
ان شاءالله اختي من عيوني و شكراً ع التنبيه
ان شاءالله قريب راح انزل البارت
انتظروني 💕.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 10-04-2017, 08:55 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


اقتباس:
المشاركة الأساسية كتبها رووووح الحياااه مشاهدة المشاركة
بارت رائع وماحبيت أسلوب ساره ابدا المفروض ماترد كذا عائشه كانت بس تبى تنصحها لكن اسلوب ساره مب حلو

منتظرينج فالبارت الجاي
السلام عليكم و رحمة الله و بركاته
انتي الاروع اختي
حتى انا ما حبيت اسلوبها 🌚😂
ان شاءالله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 10-04-2017, 08:57 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


السلام عليكم و رحمة الله و بركاته
اسفه ع التأخير واييد سامحوني
بس لانه بدينا فصل يديد و لازم اشد حيلي و اهتم بالدراسه و بس ما بقصر راح احاول انزل بارت قريباً بإذن الله و انتظروني ، و ان شاءالله اكون عند حسن ظن الجميع
مع السلامه 💕.



آخر من قام بالتعديل سركوسه; بتاريخ 10-04-2017 الساعة 08:58 PM. السبب: ،
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 17-04-2017, 11:33 PM
رووووح الحياااه رووووح الحياااه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


مسموحه فديتج والله يوفقج اتمنى تنزلين لنا بارت فأقرب فرصه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 21-04-2017, 03:18 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


السلام عليكم و رحمة الله و بركاته

بسم الله الرحمن الرحيم

البارت التاسع

لا [color="rgb(72, 209, 204)"]تلهيكم عن الصلاة و الاذكار


استغفر الله

سمعتها و هيه تشهق : سلامات ، جد وقحه هالساره عشان جي انا ما ادانيها وايد.
عائشه : لا تظلمينها ، يمكن كانت متضايجه من شي و ما قدرت تتحمل اسإلتي و جي ردت.
مهره : بنجلط من كثر ما تدافعين عنها ، اف منج.
عائشه : لكـ...
و قطع كلامها دخلت حمدان عليها الغرفه و يبتسم.
عائشه : بسم الله بلاك شاق الحلج ، نزين دق الباب خوفتني.
يا و قعد عدالي ع طرف الشبريه : قومي البسي بنروح دبي.
عائشه : والله جد؟
حمدان : لا عم ، هبه جد يلا قومي.
و قام عني يبا يطلع بس قلت بسرعه.
عائشه : حمدان.
لف صوبي و قال : هلا؟
عائشه : عادي ناخذ شميم و دانه بنات عمي معانا دبي؟
حمدان : امممم ماعرف سألي أمي.
عائشه : اوك.
و طلع من الغرفه و رديت الفون ع اذني اكلم مهره : سمعتيه اعتقد!
مهره : هيه ، ترا حتى نحن بنروح دبي مول بعد شوي.
عائشه : والله جد؟
مهره : هيه ، بس انتوا وين بتروحون ف دبي؟
عائشه : ماعرف بسألهم.
مهره : اوك عيل يلا باي.
عائشة : باي.
و قمت و نزلت تحت عند امي ، كانت قاعده ف غرفتها تلبس جدام المرايا تحط كريم و مبارك قاعد ع الكرسي اللي ف الغرفه و يطقطق ع الفون ، رحت صوب امي و سألتها.
عائشة : امايه عادي شميم و دانه ايّون معانا دبي؟
لفت انتباهي من المرايا مبارك ، اول ما قلت دانه ودر الفون و قعد يسمعنا انا و امي.
امايه : يمكن يستحن و ما يبن ايّن معانا.
مبارك : لا امايه عادي مافيها شي خل ايّن و يستانسن بعدين انا و حمدان ما بنقعد معاكم ، من نوصل دبي مول بنفترق ، انتوا البنات بروحكن و انا و حمدان بروحنا.
عائشه : والله بنروح دبي مول؟
مبارك : هيه بلاج متحمسه؟
عائشه و انا بعدني مستانسه : ماشي بس مهاري ربيعتيه توني مرمستنها و قالت بتروح دبي مول.
لفيت على امي و سألتها مره ثانيه : هاه امايه اكلمهن؟
امايه : هيه عيل خلاص اتصليبهن و خليهن يستأذنن من امهن و اذا طاعت بنخطف عليهن البيت و بناخذهن ، و سألي امهن بعد جان تبا تي معانا.
عائشه : فدييت ، اوكي الحين بكلمهن.
رفعت الفون و عشان اتصلبهن و ييت بطلع من الغرفه بس وقفني صوت مبارك.
مبارك : عواش تعالي رمسيهن هنيه ما يحتاي تطلعين و حاله ، عشان نعرف على طول اذا بيّن ولا لا.
طالعته بنص عين و انا اقول بداخلي "يالعيّار ، اكيد تبا تسمع صوتها"
قعدت عداله ع الكرسي و اتصلت ع دانه ، ثواني و ياني صوتها.
دانه : هلا ، السلام عليكم.
رديت عليها و انا اطالع مبارك يسويلي حركات عشان احطه ع السبيكر : هلا دانوه و عليكم السلام ، اخبارج؟
دانه : طيبه الحمدلله انتي علومج و علوم اهلج؟
حطيته ع السبيكر و تكلمت : بخير يسرّج الحال.
دانه : الحمدلله.
عائشة : اقول دانوه.
دانه : هلا قولي ، اصلا من الصبح حاسه انه عندج رمسه تبين تقولينها ، غردي.
ضحكت و قلت : بنروح دبي مول بعد شوي ، بتين معانا انتي و شميم؟ و اذا خالوه بعد تبا تي زقريها.
دانه : امممم اوكي دقايق بشوف امي و بردلج خبر.
عائشه : اوكي لا تطولين.
دانه : تمام يلا سلام.
عائشة : مع السلامة.
و سكرت عنها و التفتت على مبارك و انا اطالعه بطرف عيني و اقول بداخلي "هاه ارتاحت الدوده الحين؟" و ابتسمت ، صحاني من سرحاني صوته وهو يقول.
مبارك : بلاج متنحه فيني و تتبوسمين؟ ادري اني جميل بس خلاص لا تطالعيني ترا استحي.
عائشة : مالت عليك ، منو قص عليك و قال انك جميل؟
مبارك وهو يغمز لي : انتي.
عائشه : حشى عليه ، متى قلت يا النّصاب؟
امايه : خلاص يلا اسكتوا صدعتوني ، و شوفي دانه جان قالت لامها ولا لا.
عائشه : اوكـ..
و قطع كلامي رنت الفون ، اللا هيه دانه متصله ، رديت عليها و تكلمت.
عائشة : هلا دانوه ، هاه بتون ولا؟
دانه : لا والله اسمحيلي ما نقدر نروح معاكم ، لانه يوم خبرت امايه قالت انه ابوي قايل بنروح بوظبي بعد شوي ، ولا انا ودي اسير معاكم.
عائشه : اها ، يلا ماعليه ، خيرها في غيرها ان شاءالله ، مع السلامه استانسوا.
دانه : انشاءالله ، و انتوا بعد ، مع السلامة.
و سكرت عنها و لفيت صوب مبارك وهو يقول لي.
مبارك : ما بيروحون؟
عائشة : لا ، اونه عمي قايللهم انهم بيروحون بوظبي.
مبارك و بانت عليه ملامح الحزن : ليييييششش؟؟؟
امايه : بلاك بسم الله ، خلاص قالوا ما بيروحون ، و بعدين انت شو يعورك؟ المفروض عويش اللي تزعل لانها ربيعتهم ، انت ليش زعلان؟
مبارك و حسيته توهق : هاه ، لا ماشي بس مادري يلا بروح اشغل السياره لا تتأخرون.
و ظهر من الغرفه ، ضحكت عليه بداخلي و قمت رحت فوق اتجهز ، دخلت الغرفه و غيرت ملابسي ، لبست لي لقن اسود و قميص حرير بني نص كُم و عليه ورود كبيره بالازرق ، لبست عباتي و شيلتي و شليت شنطتي و فوني و نزلت تحت طلعنا مع بعض و ركبنا السياره و رحنا صوب دبي.

ادري انه قصير بس اسفه و هذا اللي طلع معاي بس ان شاءالله المره اليايه بنزل بارت طويل و راح يكونن البارتات كل جمعة بإذن الله 💕.
[/color]

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 21-04-2017, 03:24 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


اقتباس:
المشاركة الأساسية كتبها رووووح الحياااه مشاهدة المشاركة
مسموحه فديتج والله يوفقج اتمنى تنزلين لنا بارت فأقرب فرصه
السلام عليكم و رحمة الله و بركاته
يعمري والله ☹💕
اميين و يوفقج و يوفق الجميع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 29-04-2017, 11:35 PM
رووووح الحياااه رووووح الحياااه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


ماشاء الله في بارت نزل 😍وانا تو بس انتبهت له
البارت رائع والظاهر مبارك العاشق الولهان حبيت عائشه وكيف تدافع عن ساره وبحسن نيه حسيتها مثلي ما احب أظن بأحد بسوء ولو شو ماقال وبأنتظار البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 29-05-2017, 12:20 PM
-رغد- -رغد- غير متصل
©؛°¨غرامي نشيط¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي

























البارت رائع.

مسكين مبارك توهق.

البارت قصير واجد.

بإنتضارك في البارت القادم.






























الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 10-06-2017, 08:11 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


السلام عليكم و رحمة الله و بركاته

اطعنوني بليز عشاني تأخرت 😂😂😂 بس جد اسفه و شسمه ادعولي بالتوفيق هذا الاسبوع اخر اسبوع امتحانات و بنخلص ان شاءالله 😔

الزبده ما بطول عليكم خذوا البارت

البارت العاشر

وصلنا دبي مول قريب المغرب ، نزلنا و تميت احوط انا و امي من محل ل محل و حمدان و مبارك راحوا يشوفون فلم ، اتصلت فيني مهره و قلتلها انا وين ، شوي و يتني و كانت معاها امها و خواتها الثنتين و تمينا مع بعض نحوط عقب اذن المغرب و رحنا صوب المصلى و صلينا ، يوم خلصنا رحنا المطعم و قعدنا انا و امي و مهره و امها و خواتها ع طاوله وحده ، طلبنا الاكل و استأذننا انا و مهره قلنا بنروح نحوط لين ما يوصل الاكل ، رحت و دخلت محل ملابس ، لفتني قميص يجنن بس في منه لونين اللي هم وردي و احمر عنابي ، تميت ماسكه الاثنين اطالعهم و افكر اي واحد اخذ ، وصلني مسج و طلعت الفون و قريتها ، كانت من نفس الشخص هذاك ، فجيت عيوني ع وسعهن و انا اقرا المكتوب "كلهم حلوين ، بس العنابي شكله بيكون احلى بوايد عن الوردي 💕" طاح مني القميص و انتبهت ع مهره و هيه تهزني بخفيف ، لفيت صوبها و عطيتها الفون و شفت صدمتها ع ويهها.
حطت ايدها ع ثمها تمنع شهقتها و قالت لي : كيف عرف؟؟؟؟
انا : تسأليني؟؟؟ انا بروحي ما أعرف ، و وينه هذا اصلا؟؟؟ كيف قاعد يشوفني؟؟؟؟
التفتت يمين و يسار بس مافي ولا نص واحد ، بس كان في كوفي جدام المحل و مليان شباب ، قلت اكيد هو واحد منهم ، مسكت فوني و بديت اكتب مسج حقه و طرشتها له ، كان مكتوب "و بعدين معاك يعني؟ لاحقني من مكان لين مكان؟ منو انت ولا ترا بخبر اخواني و هم يتصرفون معاك "
نص ثانيه حتى وصلني مسج منه مكتوب فيه "اهخ قلبي ، و اخيرا تكلمتي💕؟"
قريت المسج و انا اعفص الفون ب يدي و ودي افرمه من القهر ، سحبت مهره معاي و مشيت صوب الكوفي 'ستاربكس' و رحت ابا اشوف منو هذا ، بس رحت صوب الكاشير عشان اطلب لي ميلك شيك و ابا اشوف اذا بيي ولا لا ، رحت و وقفت و طلبت الطلبيه و الفون بعده ب يدي ، شويات و ياني مسج منه ، فتحته و كان مكتوب "اطلعي من ستاربكس احسن لج ، ما تشوفينه مليان شباب!!!!!"
ابتسمت بداخلي يوم اني حاولت اخليه ينقهر ، لفيت جي خذت نظره سريعه ع اللي قاعدين ف الكوفي اشوف منو اللي ماسك فونه عشان اسوي تصفيه و اعرف ، ضحكت ع تفكيري الغبي بس لفيت اشوف لكن المشكله انه كلههممم ماسكين فوناتهم ف يدينهم!!! سمعت مهره تنطق.
مهره : تراج بهذاتيني ، شقاعده تسوين؟؟؟
انا : كنـ...
قطع عليه اللي يشتغل ف ستاربكس و هو يعطيني الطلب ، خذته منه و طلعنا انا و مهره و رحنا صوب المطعم و قلتلها عن اللي كنت افكر فيه فالكوفي.
مهره : يوووههه طلعتي منتي بهينه.
انا : هيه شعبالج حبيبتي ، بس مالت عليه عاد ليتني عرفته اف.
وصلنا المطعم و كان الاكل موجود ، قعدنا ع الطاوله و انا اتكلم احاول اخفي القهر و التوتر.
انا : ما هقيتهم منكم امايه و خالوه ، تاكلون بدون ما تتريّونا؟؟
ام مهره : لا وين حبيبتي اصلا توّه الاكل واصل.
انا : امزح معاج خالوه ، بالعافيه عليكم.
الكل : الله يعافيج.
سمّيت باسم الله و بديت اكل الباستا.
خلصنا اكل و دفعنا الحساب و طلعنا من المطعم ، اول ما طلعت وصلني مسج ، فتحته و كان مكتوب فيه "بالعافيه ع قلبج ي قلبي💕"
يمممهههه بغيت انجلط ، شسالفته هذا؟ يرفع الضغط وربي ، دخلت الفون بالجنطه و انا احاول ما ابيّن قهري ، تمينا نحوس و مع الحوسه نسيت سالفة الفون اللي كان ما يوقف مات من هاك الشخص ، وصلت الساعه 12 و نحن نحوط فالمول و ندخل محل محل و ما خلينا شي ما شتريناه ، تمينا شوي و عقب راحوا عننا مهره و امها و خواتها ، تميت انا و امي نحوط و نشتري ، وصلت الساعه وحده نص الليل ، اتصل مبارك على امي و قاللها تي عند السينما لانه بنرجع البيت ، رحنا صوب السينما و تجمعنا هناك و طلعنا رجعنا البيت ، وصلنا البيت الساعه ثلاث الفجر تقريباً ، نزلت و على طول ع غرفتي ، احسني متكسره من الحواطه و المشي ، دخلت و خليت اغراضي ع الكرسي و رحت خذت شور ع السريع و لبست بجامه و قعدت احط لوشن و يوم خلصت مسكت فوني و انصدمت من المسجات ، تأففت بداخلي و قلت : اف منه هذا ما يمل؟؟.
فتحت ع المسجات و كان مكتوب "حلو اللي شريتيه💕" ، "ربيعتج النشبه متى تروح عنج؟" ، "تبيني اساعدج و اشل عنج الاغراض💕؟" ، "ماشاءالله عليج ما خليتي شي ما شريتيه" ، "اف و اخيرا ربيعتج حست ع نفسها و راحت" ، "اخوج نسخهه منج" ، "يا واحدن شوفتك عن الناس تغنيني💕" ، "توصلين بالسلامه"
افف تعبت و انا اقرا ، ما يتعب هذا؟ ماشاءالله ع اصابعه ، وايد يكتب 😂 ، سكرت الفون و حطيته ع الطاوله و ييت بنام بس ازعجني صوت منبه الرساله ، توقعت انها منه و فعلاً ما خاب ظنّي ، فتحت ع المسج و كان مكتوب "اهنيك يا نجوم تناظرينه ، و انا مالي على النظرة مجالي ، تصبحين على خير💕"
استغربت من نفسي لاول مره ما اتنرفز من مسج منه ، بديت اكتب له و انا متملكني التردد و التوتر "و انت من اهل الخير" تميت دقيقه اتشاور اطرشه ولا لا ، اخر شي طرشته و على طول سكرت الفون و غمضت عيوني و كأنني احاول ان اهرب من الواقع ، حتى غلبني النوم و نمت.
صحيت الصبح ع صوت صراخ و صياح ، فزيت بسرعه و غسلت ويهي و فرشت اسناني بسرعه و نزلت تحت ببجامتي ، شفت امي قاعده و حاطه يدينها ع ويهها و تصيح و مبارك واقف عدال امي و حمدان قاعد و باين عليه الصدمه و وووو لحظه ، منو هاي؟ في وحده واقفه بنص الصاله ولا انا اتوههم ، فركت عيوني و غمضت و رديت بطلتهم بس بعدها هالبنت واقفه ، يعني واقع!!!! البنت كانت لابسه عبايه و الشيله ع كتفها و شعرها منثور ع كتفها و ظهرها ، كان يوصل لين نص ظهرها و لونه بني كستنائي ، عيونها وساع و رموشفها كثاف و عدسة عيونها لونها بني عسلي ، خشمها نفس خشم ابوي و شفايفها مليانه ، و دموعها على خدها ، فتحت عيوني اكثر و انا اتأملها و جني قاعده اشوف فيها ابوي ، نسخه من ابوي وربي ، طالعت مبارك و حمدان ابا حد يفهمني السالفه و ليش هاي البنت هنيه ، ما عرفت شسوي ، لفيت على البنت مره ثانيه و بديت اكلمها و نبرتي كانت شوي قويه.
انا : هييههه انتي ما تستحين؟ فاجه شعرج جي جدام خواني؟ ما تعرفين انه حرام؟ البسي شيلتج يلا اشوف.
وقفني صوت مبارك : خلاص عائشه اهدي شوي.
و مسكني من يدي و خلاني اقعد عدال حمدان و قعد هو عدال امي و قال : يلا قولي اللي عندج.
البنت : ماعرف شسالفه فجأه صحيت لقيت نفسي هنيه و كلام من ابوي ماني قادره افهمه يقول هذا بيتج و يقول بعد لا انتي بنتي ولا انا اعرفج ، و بعد قال انه اخواني ماهم اخواني و سحبتي يابني هنيه.
و طاحت البنت ع ركبتها تصيح ، صراحه كسرت خاطري ، مشي صوبها مبارك و مسك يدينها و.....

بوقف هنيه و ان شاءالله الجمعه اذا الله كتب راح انزل البارت اللي عقبه

ادعولي لا تنسوننن 😂💕.

مع السلامه 💕💕.



آخر من قام بالتعديل سركوسه; بتاريخ 10-06-2017 الساعة 08:17 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 10-06-2017, 08:18 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


اقتباس:
المشاركة الأساسية كتبها رووووح الحياااه مشاهدة المشاركة
ماشاء الله في بارت نزل 😍وانا تو بس انتبهت له
البارت رائع والظاهر مبارك العاشق الولهان حبيت عائشه وكيف تدافع عن ساره وبحسن نيه حسيتها مثلي ما احب أظن بأحد بسوء ولو شو ماقال وبأنتظار البارت الجاي
ايوه و توني بعد نزلت بارت 😂🌚
يسعدلي مرورج💕💕.


الرد باقتباس
إضافة رد
الإشارات المرجعية

خذني لصدرك الدافيّ انا طفلك المهلوك !/بقلمي

الوسوم
لصدرك , المهلوك , الدافيّ , خذني , طفلك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ايها الليل ما لسحرك راوي adilahmedyousif شعر - قصائد - قصايد - همس القوافي 0 12-10-2016 06:02 PM

الساعة الآن +3: 02:59 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1