اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-03-2017, 04:04 PM
سركوسه سركوسه غير متصل
©؛°¨غرامي جديد¨°؛©
 
Upload1120a2f436 خذني لصدرك الدافيّ انا طفلك المهلوك !/بقلمي


: الو!!
: ها شتبين؟
: شو شو ابا؟ تعال وينك ترا خلصت دوام.
: ليش كم الساعه الحين؟
: ثلاث و ربع ي عيوني و انت للحين نايم.
: اف زين ، بلشتوني اللا رايح اييبكم و راد يايبنكم.
: نزين يلا لا تتحرطم وايد ترا الفون ممنوع فالمدرسه و انا يايبتنه ، يلا باي اخاف حد يشوفني من المسات لا تتأخر. و سكرت فويهه ، رحت داخل اقعد اترياه لين ايي عاد ادريبه ساعه لين يوصل و بيتنا اصلا اللا فرة حصاه من المدرسه ، تمييت يمكن جي عشر دقايق و رديت قمت اشوفه يا ولا لا ، رحت اشوف صوب السيارات و ما حصلته ، تأففت بضيق ، احسني بعفن بملابس المدرسه وهو بعده ، ييت برجع داخل بس شفت نفس السياره اللي اشوفها من كم من يوم ، غريبه ، فيها ولد يمكن عمره 18 ولا 20 جي تقريباً ، و صار له كم من يوم ايي المدرسه ولا يشل حد و عقب يروح ، لاحظت عليه بس من كم يوم ، مادري اذا كان ايي من اول السنه ولا لا ، ونا افكر انتبهت بمبارك وهو يهرن ، فزيت من سرحاني و رحت ركبت السياره و انا اسحب ريولي ، دخلت السياره و سلمت رد عليه السلام و تحركنا و علطوووول ايدي يت ع مال المكيف و طولت اخر شي ونا مستانسه بالبراد ، شوي اللا و افز من صرخة اخوي مبارك.
مبارك : بلاج انتي!!! شوي شوي ع سيارتي عنبوه.
تأففت و رديت : حسستني عاد راكبه رولز رايس ، اللا هيه فتك و صادعنا فيها.
مبارك : ايه انتي حمدي ربج ، ترا محد اييبج المدرسه و يردج منها اللا هالسياره يعني لازم كل ما تقومين الصبح تيين تصبحين عليها و تبوسينها و قبل ما تنامين تمسّين عليها.
: بسم الله ، الحمدلله و الشكر ، قال ابوسها و اصبح عليها ، انا زين مني اصبح ع امي و ابوي ، تباني اصبح ع سيارتك بعد 😒؟
المهم وصلنا البيت و نحن ع هالحال ، دخلت شفت امي قاعده فالصاله ، رحت سلمت عليها و سألتني عن يومي و قلتلها تمام ، رحت فوق غرفتيه ، دخلت قفلت الباب و فريت عباتي ع الكرسي ، رحت تسبحت و بدلت ملابسي ، طلعت و شغلت المكيف و سكرت الستاره و انسدحت ، دقايق ونا رايحه عالم الاحلام.



آخر من قام بالتعديل سركوسه; بتاريخ 13-03-2017 الساعة 04:06 PM. السبب: ،
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-03-2017, 04:26 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !


اوه نسيت اقوللكم منو انا ، اول شي السلام عليكم و رحمة الله و بركاته ، امممم تبون تعرفون الحين ولا تبون من الروايه تعرفوني؟ تمام بقوللكم الحين ، انا اسمي عاشه ، اخر سنه فالمدرسه ، يعني ثانويه عامه ، المهم عمري 17 ونص ، اممم شعري يوصل لين نص فخذي بس شوي فوق ، سمرا بس مب وايد يعني حنطيه ، و خشمي سيف عيوني عادي مب وساع ولاشي بس لونهم عسلي فااتححح و ناعسات و رموشي كثاف و طوال 'الحمدلله عندي شي حلو' الزبده و ضعيفه الحمدلله و متكله ع الله ف الدراسه 🌚 و عندي توأم ولد اسمه حمدان يشبهني واايد بس الفرق لون العيون ، و عندي اخوي مبارك الصدعه عمره 23 يشتغل بوصفه بعدين فالروايه ، المهم و بس نحن الثلاثه ماعندي اخت ثانيه و هيه امي فديتها الله يخليها لنا ، كشّيخه و مهتمه فيننا و فبيتها ، اجتماعيه و صبوووره وايد ، و ابوي؟ الله يرحمه 😔 ، صار له اربع سنين متوفي ، و عندي عم واحد اسمه عناد ، عنده ثلاث اولاد و بنتين ، ( محمد ، لازم يكون عمره الحين 26 بس توفى الله يرحمه ، و عمر عمره 24 و خالد عمره 23 قد اخوي مبارك ، اما البنات ، دانه عمرها 21 و شميم المرجوجه عمرها 17 كبري و معاي فالمدرسه ) و بسسس اذا في شي زياده بتعرفونه من القصه.


آخر من قام بالتعديل سركوسه; بتاريخ 13-03-2017 الساعة 04:27 PM. السبب: ،
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-03-2017, 04:49 PM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !


فزيت من النوم ع تطبّيل حمادن ع الباب ، كانت الساعه جي قريب المغرب ، رحت فتحت الباب و تفاجأت بشي بارد ع ويهي ، الحيوان رشني بماي بارد ، حاولت افتح عيوني شوي شوي و ما اشوف اللا غباره حسبي الله ، صرخت و دبغت الباب و رديت انسدحت ع الشبريه ، دخل عليه ونا مب حاسه و مره ثانيه انصب عليه ماي ابرد من البارد ، نشيت معصبه صدق عاد ، رحت وراه و ركض رحت ركضت وراه و نزل تحت ، ونا انزل وصلت اخر ثالث درجه ونا عبالي انها الاخيره لكن الصدمه تزحلقت من الدري و ضرب ويهي ف الدريشه اللي جدام الدري ، دعيت على حمدان و رحت ادوره ، سمعت صوته فالمطبخ ، رحت صوبه شفت امي قاعده تسوي شي ماعرف شو المهم تطبخ ، كان واقف عندها و يسويلي حركات يغايضني فيها ، صرخت و صحت جان تفز امايه من صرختي و هزبتني بديت اتحرطم ع راسها : امايه شوفيه هاي ثاني مره يجب عليه ماي بارد ، يوم فتحت له الباب و بعدين ياني مره ثانيه ونا منسدحه و جبه عليه ، حيوان اميه هزبيه صفعيه شوفيه عدالج.
امي : بس صدعتيني خلي اخوج فحاله ، بعدين انا اللي قلت له يوعيج صارلج كم نايمه ، عنبوه نومة اهل الكهف ، و ضحكت.
انقهرت يعني انا معصبه وهيه تضحك!!!! رحت فوق الغرفه بدلت ملابسي لبست لي قميص مخرم ورود و تحته قميص ابيض خفيف و لبست لقنز لونه كحلي و رتبت شعري و لميته ذيل حصان ونا اتافف منه ، يتعّبني وايد بس فوق ها كله ما ودي اقصه احس ما يهون ، بعدين رحت و لبست لبس الصلاه و صليت العصر اللي فاتتني ونا نايمه ، تميت قاعده شوي ع السياده و اذن المغرب تميت استغفر لين سمعت المؤذن يقيم الصلاه و وقفت و بديت اصلي المغرب ، خلصت يلست شوي اسبّح و استغفر بعدين نشيت و فصخت لبس الصلاه و رتبت كل شي ، عقب رحت شليت شنطتي و كان عليه امتحان احياء ، بديت ادرس لين اذ العشاء تميت شوي يمكن ربع ساعه اكمل ادرس ، عقب حسيت بيوع و تذكرت انه امي كانت فالمطبخ و كانت تسوي شي ، اكيد خلصته ، نزلت تحت رحت الصاله شفتها مسويه مناقيش جبن و زعتر و كانت مسويه سويت ، ييت باكل جان تيي امي و ضربت ايدي بخفيف ، طالعتها بمعنى شالسالفه؟ قالت : تريي خوانج الحين بيون من الصلاه و كلي معاهم ، قمت و رحت صليت العشا و يوم خلصت دخلوا مبارك و حمدان ، رحت نقزت الصاله و شافوني جان اقول : اخيراً شرفتوا؟ تراني مت يوع.
قال مبارك : اوه حسافه ، و طالع امه و كمل ، امايه ليش ما قلتي انها تتريانا عشان تاكل؟ جان تاخرنا اكثر عشان تموت بيوعها.
ضحكت امي و مبارك و فوقهم حمدان.
انا : الحين انت حمدانوه بدال ما تتدافع عني انا توأمك جي تسوي فيني؟ تضحك عليه و ترش الماي؟ ماعليه بس ، بنشوف ، اخرتها بترجع لي نفس الحمار.
زاد ضحكهم بس ما همني اهم شي املي بطني لاني مت يوع بصراحه ، و هاييل شكلهم ما بيخلصون هذربه ، خذت لي مناقيش بالجبنه و قعدت آكل ، خلصت و ييت باخذ وحده ثانيه جان يضرب ايدي مبارك و قال : يالدبه بسج ، و خذاها هو.
الحين ماعرف منو الدب بصراحه ، انا ولا هو!!! المهم سحبت عليه و كملت اكل ونا اشرب شاي ، خلصت و لفيت ع امي و سألتها : امايه شو العشا؟
جان يرد مبارك : عنبوج توج ماكله الصحن كامل و الحين تسألين عن العشا؟ مب بطن عليج ، بس ماعر للحين وين كل هالاكل يروح و انتي اصلاً هيكل عظمي.
سحبت عليه و رديت اطالع امي ، جان تقول : انتوا شو تبون عشا؟ جان اقوللها : باستااااا.



آخر من قام بالتعديل سركوسه; بتاريخ 13-03-2017 الساعة 04:50 PM. السبب: ،
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 13-03-2017, 11:01 PM
رووووح الحياااه رووووح الحياااه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !


موفقه اختي وبدايه مشوقه واعتبريني من متابعينج ونزلي لنا بارت بعدج

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 14-03-2017, 11:12 AM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !


اقتباس:
المشاركة الأساسية كتبها رووووح الحياااه مشاهدة المشاركة
موفقه اختي وبدايه مشوقه واعتبريني من متابعينج ونزلي لنا بارت بعدج
امين حبيبتي اجمعين ، مشكوره اختي والله ستانست انه في حد رد ، ان شاءالله الحين بنزل بارت 💕.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 14-03-2017, 11:23 AM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !


البارت الثاني

حمدان : ايوه ايوه يمه باستا.
لفيت عليه : انت اسكت لا تقول نفسي ، توك تضحك عليه.
مبارك : يعع ستغفرالله ، امايه ما نبا باستا.
امي : اتفقوا على شي واحد يلا.
حمدان و انا : باستا.
مبارك : بيتزا.
انا و حمدان : لا قلنا باستا يعني باستا.
مبارك : و انا قلت بيتزا يعني بيتزا.
شفت امي تمسك راسها بعدين قالت : صدعتوا براسي يلا اختاروا.
انا : نزين بنسوي قرعه و بنخلي امي تختار واللي يطلع هو بناكله.
كلهم ايّدوا الفكره ، رحت يبت ورقه و قلم قصيت الورقه لمربعين صغار ، كتبت فالورقه الاولى باستا و قبل ما اكتب ف الورقه الثانيه بيتزا خطرت في بالي فكره جهنميه ، و كتبت بعد في الورقه الثانيه باستا ، يعني صارن الورقتين فيهم باستا ، و ابتسمت ابتسامه شيطانيه هههه ، جسّفت الاوراق قبل ما يكشفوني و خبصتهم فإيدي ، بعدين فتحت ايدي و مديتها لامي و قلتلها تختار و انا مسويه عمري بريئه ، و طلعت اكيد باستا ، استانست انا و طالعت حمدان شفته قاعد يعايب على مبارك ، هذا كل شوي مع حد ، توه كان مع مبارك ضدي و الحين معاي ضد مبارك ، لعّاب ، قامت امي و سوّتلنا هاييج الباستا اللي ناكل اصابعنا وراها ، يوم حطت الخدامه الاكل و الباستا على الطاوله ، قمنا و غسلنا يديننا و كل واحد قعد في مكانه المعتاد على الطاوله و بدينا ناكل و بهدوء اللا من صوت الشوكه اللي تضرب فالصحن بخفيف ، خلصنا و ساعدت الخدامه و شليت معاها الصحون للمطبخ ، قعدنا عقبها على الكراسي و مبارك بعده يتأفف ، راح و مسك الورقتين اللي كانن مال القرعه ، فتح الاولى شافها باستا ، فتح الثانيه و بطل عيونه ، و انا كنت اراقبه من البدايه و اشوف صدمته بعد ما شاف الثنتين باستا ، رفع عيونه يطالعني و شافني قاعده اضحك ، امي و حمدان ما يعرفون شالسالفه ، خبرتهم و تم حمدان فاطس ضحك ، و مبارك مععصصصببب ، قام و فر الاوراق و قال : ماعليه عويش ماعليه. ضحكت عليه و عقب قمنا كل واحد راح ينام.
قمت الصبح على صوت المنبه ، كانت الساعه خمس و نص ، قمت رحت توضيت و صليت الفجر ، بعدين قعدت اراجع شوي حق الامتحان ، حسيتني خلاص مكتفيه ، مسكت الفون و دخلت تويتر تميت احوس فيه شوي و طلعت ، بعدين دخلت سناب و شفت السنابات و تميت على هالحال احوط من برنامج لين برنامج ، لين صارت الساعه ست ونص ، قمت تسبحت و تلبست و صارت الساعه سبع ، رحت صوب المرايه و سويت شعري عقص ، حطيت مسكرا و شوي بلاشر خفيف و نزلت تحت كلت الفطور بعد ما انهزبت من امي لاني كل يوم اسوي نفس السالفه اللي "ما ابا ريوق" المهم كلت غصبن عني نفس كليوم ، خلصت و شفت مبارك توه نازل من فوق و وراه حمدان ، قعدوا ياكلون شوي و انا قعدت على الكرسي الزيتوني اتريّاهم يخلصون ، خلصوا و قمت لبست عباتي و تعطرت ، شليت شنطتي اللي كانت لونها عنّابي ، و رحت ركبت سيارة مبارك ، ثواني و هو راكب و عداله حمدان ، وصّلنا حمدان المدرسه بعدين وداني انا مدرستي و عقبها راح شغله ، دخلت المدرسه شفت ربيعاتي روان و مهره واقفات يسولفن ، رحت صوبهن و مشن معايه للصف ، دخلت حطيت شنطتي و فصخت عباتي ، عدلت شوي شعري و طلعت معاهن ، رحنا الساحه و كان توه داق الجرس ، و مس الرياضه تتحرطم تبانا نصف طابور ، صفينا طابور الصبح و قلنا النشيد الوطني بعدين رحنا الصف ، طبعاً اول حصه كانت امتحان احياء ، احب اقعد جدام ، سحبت طاولتي و خليتها جدام اول وحده و جدامي السبوره ، و خليت عدالي قلم سبوره بتعرفون ليش ، مهره كانت وراي قاعده و روان قاعده فالسيد اللي على يساري و شوي بعيده ، دخلت علينا المس و وزعت اوراق الامتحان و وقفت تراقب ، سمّيت بسم الله و بديت احل ، حليت و كان في سؤال ماعرفه ، لفيت على البنت الليي عدالي و غششتني 🌚 ، بعدين تميت اراجع الاجوبه ، لفيت صوب ربيعتي مهره ، شفتها تباني اساعدها ، سويت عمري اعدل شعري عشان اقدر اعرف اي سؤال تبا ، قالتلي و كل هذا بدون ما تحس المس علينا 😂 ، خذت قلم السبوره و سويت عمري اشخبط على السبوره ، لفيت اشوف المس ، شفتها تطالع الصوب الثاني ، جان اكتب الجواب بسرعه حق مهره و تميت شوي يوم شفت المس لفت مسحته بسرعه و الحمدلله ما شكت بشي 💅🏻 ، لفيت وراي بسرعه و شفت ورقة روان ، شفت كم سؤال مب محلول ، رفعتلها ورقتي بسرعه و نقلت شوي و رديت حطيت الورقه على الطاوله ، و تميت اسوي جي لين قدرت تحل ، خلصت الحصه و خذت المس اوراق الامتحان ، بدينا يومنا حصه ورا حصه لين يا البريك ، طلعنا برع فالساحه لاني ما احب اقعد داخل فالبريك ، تمينا نحوط شوي و نضحك و نسولف انا و ربيعاتي ، يت عيني على ساره ، كانت قاعده مع ربيعاتها و ربيعاتها يسولفن و هيه مطنشه و متنحه فيني ، يوم حست فيني اني شفتها لفت بسرعه و قعدت اونها تسولف مع ربيعاتها ، ضحكت على عفويّتها ، احب هالانسانه 💘 ، ربيعاتي يسولفن و يرمسن مع اللي رايح واللي راد ، ونا قاعده و مربعه يدينا و اطالع ساره ، شفتها تلف و يوم شافتني بعدني اطالعها سوت عمرها تعدل شعرها ، قمنا نمشي شوي و دق الجرس خلص البريك ، تمينا نمشي شوي و شفت ساره و ربيعاتها بعدهن قاعدات ، خطفنا من عدالهن و رفعت سارا نظرها و كنت مره فوقها ، طالعتني و ابتسمت و بسرعه نزلت راسها ، ضحكت و رحت فوق الصف.



آخر من قام بالتعديل سركوسه; بتاريخ 14-03-2017 الساعة 11:25 AM. السبب: ،
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 14-03-2017, 09:41 PM
رووووح الحياااه رووووح الحياااه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


ماشاء الله بارت رائع اعتقد سارا لها دور كبير فالروايه مع عايشه امممم واعتقد بعد السياره إلي لاحظت عليها عايشه يمكن تكون من طرف سارا ما ادري كذا خطر عبالي هههههههه

اممممم وماعندي توقعات كثيره لانه مافي احداث وايد بعدها فالروايه وروايتج جميله واستمري
😍

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-03-2017, 10:10 AM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


اقتباس:
المشاركة الأساسية كتبها رووووح الحياااه مشاهدة المشاركة
ماشاء الله بارت رائع اعتقد سارا لها دور كبير فالروايه مع عايشه امممم واعتقد بعد السياره إلي لاحظت عليها عايشه يمكن تكون من طرف سارا ما ادري كذا خطر عبالي هههههههه

اممممم وماعندي توقعات كثيره لانه مافي احداث وايد بعدها فالروايه وروايتج جميله واستمري
😍
انتي الاروع ي عمري 💕 , يمكن ماعرف بنشوف توقعاتج بتكون صح ولا 😉 , و شكرا ع مرورج 💕💕💕.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 15-03-2017, 10:59 AM
سركوسه سركوسه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


البارت الثالث

"سبحان الله ، الحمدلله ، لا اله الا الله ، الله اكبر "

بدينا الحصه و كانت علينا مس حمده مال الدراسات الاجتماعيه ، و كنت قاعده و عدالي مهره ، شوي حسيت مهره تحركني ع خفيف ، لفيت صوبها و طالعتها بمعنى شو؟ جان تأشر لي بعيونها صوب الباب ، لفيت ع الباب و شفت ساره ، لان الباب مال الصفوف عباره عن يعني باب و ف الوسط شي زجاجه نقدر نشوف منها منو اللي برع ، المهم كانت ساره مع ربيعتها و ساره تحرك يدينها يمين و يسار "نفس يوم تسوون حق حد باي 👋🏻" تميت اطالعها و انا مبتسمه ، جان تقول مس حمده : اللي تطالع الباب و تبتسم احسن لها تطالعني و تنتبه للدرس ، جان الف ع المس ، عرفت انها تقصدني ، و تمينا ندرس ، خلصت الحصه الرابعهه و يت الخامسه و السادسه ، الحصه السادسه كان علينا علوم ارض ، خذتنا المس المختبر ، و نحن مختبرات مدرستنا جي عدال بعض يعني تقريباً شي خمس مختبرات حق كيمياء و فيزياء و احياء و علوم ارض ، المهم رحنا المختبر و مجابل مختبر علوم الارض كان مختبر الفيزيا ، كان باب الصف مفتوح و انا كنت واقفه اكتب ع السبوره و مجبله صوب الباب ، شفت بنات عاشر يخطفن و يدخلن مختبر الفيزيا ، كان عليهم فيزياء اذا ما خاب ظني ، تميت اطالع و لمحت ساره ، ما شافتني بس شفتها يوم يت و وقفت جدام الباب هيه و ربيعاتها ، بعدين جنه حد من ربيعاتها راح صوب مختبر ثاني و ربعت ساره صوبهم ، ونا اطالعها و اضحك ، عقب ردت و يوم يت بتدخل مختبر الفيزيا شافتني واقفه و ستحححتتتت الف حسيت عليها ، ابتسمت لها و دخلت بسرعه داخل ، بعد ما خلصت الحصه تأخرنا كم دقيقه لانه المس كانت قاعده تشرح شي ، المهم يوم طلعنا شفت ساره واقفه مع ربيعاتها عند بنت من صف حادي عشر ، رحت صوبها و زقرتها ، كان بريك ، المهم قلتلها اني اباها ، قالت اوك ، رحت خليت كتبي ف الصف بسرعه و رجعت لها ، شفتها واقفه بعدها تترياني ، شليتها و نزلنا تحت و قعدنا ف مكان جي مب وايد بنات ايّونه ، كان باب عدال الكانتين و كان ف هاك المكان شي حضانه حق عيال المعلمات ، المهم قعدنا هناك و تمت ساكته و متنحه فيني ، ياخ هالانسانه بس تتنح ماعرف شفيها ، المهم قلتلها اخبارج؟ ردت بصوت يالله ينسمع : تمام. ردينا سكتنا ، حسيتها تبا تقول شي بس متردده ، سولفت معاها شوي عن المدرسه وجي و دق الجرس ، ييت بروح فوق جان تزقرني ، لفيت صوبها و شالتها شتبا ، جان تسكت ، رديت سألتها مره ثانيه و قالت انها تبا تقول بس متردده ، ييت بروح و لفيت صوبها ونا منصدمه من اللي اسمعه منها ، شفتها مغمضه عيونها و جنها تستجمع قوتها و قالت بسرعه : في غيابج حبّيت غيرج واحد و خانني. فتحت عيونها و خذت نفس ، و سألتني : طحت من عينج صح؟
رديت عليها : لا ، لا تحاتين عادي.
و رحت الصف ونا متضايجه ، خلص الدوام و رحت برع صوب السيّارات اشوف مبارك موجود ولا ، تميت ادور بعيوني و شفت نفس السياره اللي اشوفها كل يوم ، تميت اطالعها ابا اشوف في بنت بتركب السياره ولا؟ تميت اطالعها و للحين محد يت بنت تركب السياره ، تميت اتريا و اطالع و السياره بعدها واقفه مكانها ما تحركت ، شوي و اشوف مبارك وصل ، قلت فداخلي : اففف يعني يوم ما يكون عندي شي يتأخر ، بس يوم ييت اليوم ابا اراقب السياره ، يا بوقت. رحت و خذيت شنطتي من داخل و رحت ركبت السياره ، سلّمت و رد عليه السلام ، تمينا ساكتين و شوي اشوف الدرب مب درب بيتنا ، سألته : وين رايحين؟
ابتسم لي و قال : بنروح المول تتغدين ، ولا ما تبين؟
ستانست ، خفته يغير رايه و قلت بسرعه : لالا ابا هيه ابا.
ضحك و قال : نزين بلاج بوديج.
ابتسمت و شغلت المسجل و شبكت فوني و شغلت اغنيه عبدالمجيد عبدالله و بديت اغني و شوي و تحمست و غنيت بصوت اعلى ، و ما حسيت اللا و مبارك مبند المسجل و انا بعدني اغني ، تفشلت و لفيت صوبه ، سألته : ليش بندته؟
جان يقول : صدعتينا ، اترياج انتي تغنين يلا غني بداله مب مخليتنا نسمع الاغنيه عدل.
ضحكت ، جان اقول : اوك خلاص ما بغني يلا شغل.
و شغل و تميت اسمع و انا اتحرقص ابا اغني ، شوي و وصلنا المول ، سألني من وين ابا آكل ، استغربت بلاه ها صاير طيب اليوم ، المهم حسيت انه خاطري ف FRiDAY'S ، قلت له اني ابا منه و وداني ، رحنا و قعدنا ع طاوله كانت جي ع الزاويه و طلبت لي اكل و هو بعد طلب ، تغدينا و بعدين تمينا نفرفر فالمول لين ما حسيت اني دوخت و عفنت بملابس المدرسه ، قلتله خل نرجع البيت و رجعنا ، وصلت البيت سلمت على امي و سألتني كيف الامتحان اليوم ، قلتلها انه سهل ، رحت فوق الغرفه و تسبحت و لبست لي مخوره لونها سماوي و فيها ورود ورديه ، صليت العصر لانه اذن و نحن فالمول ، المهم مسكت عقبها فوني و تميت احوس ف السوشال ميديا ، فرفت فيه شوي و عقب حطيته ع ينب و شليت شنطتي و قعدت ادرس ، دخل عليه حمدان و قمت سلمت عليه ، شفته يبتسم و حاط ايده ورا ظهره ، قلتله و انا اتميلح : حمدااااننن.
حمدان : هلا؟
انا : شاللي ورا ظهرك؟
لف يطالع ورا و قال : ورا ظهري؟ ماشي ، ورا ظهري باب.
انا : سامج.
حمدان : سامج ولا لحم.
انا : اف حمدان يلا قول.
حمدان : نزين غمضي عيونج.
غمضت عيوني ونا خايفه منه و ادعي بداخلي الله يستر ، بطلت عيوني يوم سمعته يقول لي ابطلهن ، شفته ماسك كيس محل شانيل ، طالعته ونا مستغربه و سألته : ها حق منو؟
رد عليه : يعني في حد غيرج هنيه اييب له هديه؟
ستانست و بطلت الكيسه شفته ماخذ الشنطه اللي كانت فخاطري ، طالعته ونا شاكه فالموضوع و سألته : حمدان حق منو هاي؟؟؟
حمدان : بلاج والله حقج.
نقزت من الفرحه و رحت حضنته ، بطلت من حضنه ونا اشكره ، لف لي ويهه و عطاني خده ، عرفت انه يباني ابوسه ، بسته و قلت له : شكرا والله وايد.
حمدان : العفو والله وايد.



آخر من قام بالتعديل سركوسه; بتاريخ 15-03-2017 الساعة 11:08 AM. السبب: ،
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 15-03-2017, 09:47 PM
رووووح الحياااه رووووح الحياااه غير متصل
©؛°¨غرامي جديد¨°؛©
 
الافتراضي رد: خذني لصدرك الدافيّ انا طفلك المهلوك !/بقلمي


شو العلاقه إلي بين عايشه وساره اعتقد كانت في علاقه قويه بينهن وانتهت 🤔

اعتقد يوم ميلاد عايشه عشان كذا اخوانها فاجئوها اليوم واحد شلها المجمع والثاني جاب لها هديه

عجبتني العلاقه مبينهم كثير حلوه ومترابطه وحنونيين معها



وتسلمي ع البارت الرائع وأستمري وموفقه يارب 😍


الرد باقتباس
إضافة رد
الإشارات المرجعية

خذني لصدرك الدافيّ انا طفلك المهلوك !/بقلمي

الوسوم
لصدرك , المهلوك , الدافيّ , خذني , طفلك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ايها الليل ما لسحرك راوي adilahmedyousif شعر - قصائد - قصايد - همس القوافي 0 12-10-2016 06:02 PM

الساعة الآن +3: 03:28 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1