غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 01-04-2017, 09:22 AM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
الرواية واضح انها جميله والاحداث مليئة بالغموض
وبكون معك للنهاية باذن الله
متى البارت القادم
بانتظارك
يعطيك العافيه
وعليكم السلام

ان شاء الله يا غالية
البارت بعد دقايق يا قمر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 01-04-2017, 09:22 AM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب



البارت الثاني

مشاعل طلعت من غرفتها وناظرت اختها طالعه من غرفتها بعد ابتسمت لها وهي تقول:افا الدكتورة مشاعل موجودة اليوم بالبيت يارب بس لايطيح البيت علينا.

قد كلامك يا رفيف.

قالتها وهي تركض وراها.

رفيف نزلت من الدرج وهي تضحك:ايه قد كلامي يا شعيله.

تعرف اختها تكره هالتسمية ونزلت للصاله تضحك وهي تناظر امها تقول:خلف الله علي بناتي وحده دكتوره شطولها والثانية 24 سنة متي بتعقلون.

رفيف ما قدرت توقف ضحك لدرجة جلست علي الارض لانه بطنها عورتها من الضحك مشاعل استغلت الفرصه وقربت منها وصارت تقرص جنابها وهي صارت تقول لا مشاعل واللي يسلمك.

امها بضحكه:مشاعل تركي اختك عن العياره.

وقفت مشاعل وهي توخر خصله من شعرها القصير عن عيونها وتروح عند امها وباستها علي راسها وجلست.

رفيف وقفت وهي تصلح ثيابها وشعرها الاسود اللي انفلت من المسكه وكان يوصل لخصرها.

امها كانت تسمي عليها بسرها وقالت بنغزه:ذا الزين والحلا مو مثل اللي شعرها مثل الصبيان.

مشاعل وهي تحرك شعرها وكانه حرير:شحلاته وشحلاتي الا صدق يمه شعري طويل احلي علي والا قصير.

امها بشفافية:القصير ماشاء الله عليك كنك البخت.

ناظرت بنتها باعجاب بشرتها البيضاء وعيونها العسليه الفاتحه ثغرها وخدودها عسي الله يرزقك باللي يستاهلك يمه.

رفيف:شفيها ساره شكلها معجبه..بوزت وقالت..شوفي بنتك اخذت كل البياض وانا وشو .

ضحكت امها صح بشرتها مو مثل اختها بيضاء ناصعه بس بعد حلوة :شسوي يا بنتي يوم حملت بيك كرهت ابوك.

كانكم تحشون فيني.

جاهم صوت ابوهم طالع من المكتب..ساره استحت من نظرات ريلها ورفيف ومشاعل انفجروا بالضحك.

راحوا البنات المطبخ وجلس بجانب زوجته اللي كل ما اكبرت كل مازاد جمالها وقال:شرايك تكرهيني مره ثانية؟

رفعت عيونها وقالت:ناصر.

قال بعشق متاصل:عيونه.

قالت وهي تناظر باب المطبخ:بناتك هنا.

فديت بناتي اللي فاهمين ابوهم الحين ماراح يطلعون من المطبخ اعرفهم تربيتي:قالها وهو يمسك يدها ويقبل اصابعها الخمس.

عسي الله لا يحرمني منك رغم انها ما انجبت الا هالبنتين عمره ما قال لها كلمه تجرحها او انه يبي ولد صح يتمني بس ولا فكر انه يتزوج عليها مجرد الفكره ترعبها ودوم تسمع نغزات من حريم اخوانها بس ما عليها من احد دام زوجها فوق راسها وراضي بنصيبه.

قال بجدية:تري فيه احد متقدم لرفيف.

ساره ناظرته بحنان وهي تقول:ماله نصيب عندنا.

باستغراب وهو يعدل جلسته:ليش يا ساره؟

ساره بحنان وغصه:بنتك ما تبي بعد اللي صار معها وهي متعقده ابيها الين تهدي ما ابي اعطي بنتي اليوم وترد باكر مطلقه.

هز راسه بالايجاب لانه الكلمات خانته وصوته مو راضي يطلع.


@@@@@@@@@


ساهر

قالتها رحيل وهي تركض له وترتمي في حضنه وهي موب مصدقه انه هنا قدامها:شلون؟

ابتسم وهو يحضنها بخفه ويمشي باتجاه امه وابوه وجده واخوه:عندي عطله اسبوع واشتقت لكم حيل ركبت اول طايرة وجيت.

سلم علي ابوه وهو يبوس راسه ويحضنه اشتاق له كثير وسلم علي جده اللي حضنه بقوة وبعدها امه اشتاق لريحتها ولحنانها وحضنها اللي يحس فيه بالامان.

بعدها ناظر اخوه اللي وقف وهو يقول:هلا وغلا.

حضنه بقوة وعلاقتهم حيل قوية اصحاب اكثر من اخوان جاسم وهو يبعثر شعر اخوه الاشقر واللي رغم طول جاسم الا انه ساهر اطول منه:اشتقت لك يا اخي.

جلس بجانب اخوه مبتسم وقال باستغراب وهو يوخر قبعته:جدي عندنا ومشاعل موب بالشغل صاير شيء..بعدها انتبه للابره اللي بايد اخته وقال بفزع وهو يقرب منها ويناظر وجهها الباهت وعيونها المرهقات:شفيك صاير شيء؟

جاسم وهو يناظرها:اختك متبرعه بالدم اكثر من اللازم.

ناظرها ساهر بعتب وابتسمت له كانها تقول موب الحين يا ساهر وهمست له:ما مرت علي عطلة اسبوعين.

ابتسم وهو يهمس لها:مو الحين يا الساحره.

ضحكت وهي تناظر جدها اللي متاكده انه عرف بكل السالفه لانه ما يتخبي عليه شيء.

ساهر وقف:جدي لا تروح بتسبح وبرد لكم مشتاق لكم حيل.

راح ساهر وقال الجد:سمعت انه بنت الشاهر صارت زينه.

صدمه علي كل الوجوه مريم مساعد وجاسم اللي صدمهم كلامه.

جاسم:بنت الشاهر..

قالها وهو يناظر اخته.

ايه..رد الجد ونظره مثبت علي رحيل.

مساعد حط ايده علي ايد زوجته اللي كانت ترتجف والحين فهم كل شيء انهيارها والحاله اللي كانت فيها الله يستر من اللي جاي كل هالسنين والحين شيبون شيبون.

سمعت صوت تلفون جدها اللي رد وهو يقول بكل هيبة وشموخ:ايه معك حمد الراشد.

وقف وراح لجهة من الصاله عشان ياخذ راحته في الكلام.

جاسم ابتسم لاخته بحنان لانه الحين فهم الموضوع صح زعلان بس مو كثر يوم ما كان يدري عن شيء ناظر امه وابوه اللي كانو متوترين حيل وخايفين يصير اللي خايفين منه طول هالمده وانهيارها امس دليل علي هالشيء.

@@@@@@@@@

مسحت دموعها وهي تطلع من غرفة بنتها اللي اوجعت قلبها بمنظرها والشاش يلف معظم جسدها ما كل هذا ليش يا مزنة ليش يا اختي ليش تسوين كذا ببنتي ليش.

فضه

التفتت وهي تسمع صوت اخوها الصغير ارتمت بحضنه تنتحب ابنتها الجريحه شلون بداوين جروحك يا بنتي شلون حسبي الله ونعم الوكيل.

قال وهو يمسح علي راسها:انتي مؤمنه وكل شيء مقدر يا فضه.

فضه مسحت دموعها:يارب انك تقومها بالسلامه ما بسامح نفسي يا جاسر لو يصير فيها شيء.

جاسر بهدوء:قل لن يصيبنا الا ما كتب الله لنا.

تري ابوي عتبان علي سعود شلون يطلق حنين وهي مالها ذنب ..قالها بغصه ما طلعها ابد.

فضه بالم:وانا بعد يا خوي وانا بعد بس شسوي شسوي اختك وولدها ما احد سلم من سواياهم.

جاسر كان يعرف انه هالشيء راح يصير الحين او باكر اقل شيء طلعت باقل خساير.

قال وهو يحط ايده علي كتفها:العبد مبتلي وان شاء الله كل شيء بينحل واذا تبين اي شيء ما يردك الا لسانك .


@@@@@@@@@@@@

مشاعل اللي طلعت من بيتهم تركض لبيت عمها حتي عباتها ما سكرتها دخلت البيت وهي ما ناظرت احد في الصاله الا ذاك الطويل اللي ما ناظرته اكثر من سنه.

مشاعل راضعه مع عيال عمها.

وقف يوم ناظرها تدخل من البيت وابتسم مينونه هالبنت فتح لها ايدينها وارتمت هي في احضانها وتقول من بين دموعها:اشتقت لك يا دب.

ضحك بقوة وهو يطيرها في الهواء لانه بالنسبة لطول ساهر وجسمه المفتول مشاعل ما تجي شيء جدامه.

نزلها وهي تبوس كتفه:مليق تري حدي اشتقت لك ارجع هنا ما نقدر علي فراقك.

ضحك الكل عليها وفتحت عيونها علي كبرهم:جدي حمد هنا اي ريح جابتك.

قالت كلامها وهي تبوس راسه وتسلم عليه.

جدها بحنان:اشتقت لكم شسوي يوم ما تجون لي انا اجي عندكم.

مشاعل وهي تجلس جنبه:شنسوي يا جدي الشغل ونرد البيت هلكانين بناتك مريوم وسارو يذبحونا بالطبخ والغسل والتنظيف.

خالتها اللي كانت جالسه جنبها قبصتها من ايدها:اه منك يالعياره عيل طبخ وغسل وتنظيف خلني بس اشوف ساره واعلمها عليك.

ابو جاسم استاذن وراح مكتبه وام جاسم راحت مع ابوها البيت لانه كان يبيها وجاسم طلع لشغله من زمان.

ظلت مشاعل ورحيل اللي كانو يناظرون ساهر بنظرات فهمها زين قال بداخله ساحرات يمه ما يقدر احد يخبي عليكم شيء.

ضحك بصوت ساحر:تري خواتي ماني مريض عندكم خرعتوني.

رحيل بهدوء:عندك علوم يا اخوي وش هي.

قال وهو يوقف:نروح الحديقه وبقول لكم كل شيء يا ريا وسكينه.

مشاعل اللي وقفت وتعلقت في ظهره مثل ما كانو يسوون يوم كانو يهال ورحيل تضحك عليها كان سوتها بس تعبانه ومالها حيل.

قالت مشاعل بصوت عالي:تيرا يبي لنا اتنين قهوة وعصير عنب..قالتها وهي تناظر رحيل.

ساهر يشاكسها:اذني تري ابيها يا دكتوره.

مشاعل بطفولية:تحرك وانت ساكت.

رحيل ما تدري ليه حست بغصه وهي تناظرهم مشت درجات الجلسه الخشبية اللي بالحديقه مغطاه من فوق ومفتوحه من الجوانب وفيها جلسة بالوانمختلطه بين الاصفر والوردي والازرق الاحمر والابيض وطاوله علي شكل فطر.

مشاعل نزلت وجلست وساهر كان يناظرهم وما يدري كانه فيه شيء صاير يعرف علاقتهم زين مشاعل ورحيل مثل الظل ابتسم وهو يتخيل كل وحده متزوجة وعيالها ابتسم بحنان.

مشاعل وهي ترفع رجلينها علي الطاوله:ساهر لا يكون تزوجت لك وحده معك والا من المشجعات.

غمزت له وضحك.

رحيل ضحكت علي خفة دمها.

ساهر كان لاعب سله في نادي الماني معروف.

ضحك وهو يقول :انا ما تزوجت بس ابي اتزوج او مجرد خطوبة حاليا.

مشاعل ورحيل ناظروا بعض وبعدها ردو ناظروه مشاعل بروح مرحه:منو ذي اللي سلبت عقلك وقلبك وخلتك تترك برلين وتجي هنا عشان تقولنا وتركتها وراك.

رحيل ببسمه صافية:شفيك مشاعل اعرفك تلقطينها طايرة اللي سلبت قلبه هنا بالرياض.

مشاعل ضحكت بصوت عالي:ساهر ساهر شلون تعرفت عليها مسن والا فايبر والا علي الفيس بوك.

قال وهو يمثل العصبية:انا مو راعي هالسوالف يا شعيله لو ما ادري انك تتغشمرين كنت عرفت شلون اتعامل معك.

قال بجدية:من يومين كنت جالس بحديقه الكلية وسمعت واحد يكلم اخته ويقول لها شصار علي خطبته منها ما ادري بس خفت تضيع مني.

الاعتراف ذا كان صعب عليه بس يعرف خواته زين كلامه ذا راح يبقي مكانه .

مشاعل ببسمه:منو ذي اللي ساهر الراشد رجع من مدريد عشانها.

رفيف

مع بعض قالوا بصوت مرتجف:منو؟؟؟

قال بهدوء زائف:رفيف بنت عمي اختك.

بسمه صافية راقية وفرح اجتاح كل خلية في جسمهم وهم يسمعونه ياكدلهم علي الاسم مثل ما يقولون بيطرون من الفرحه ومو مصدقين اللي اسمعوه.

ساهر ابتسم علي ردة فعلهم يعني ما عندهم مانع بس اعتفست ملامحه يوم ناظر وجوهم تتغير ومكان الفرج صار فيه شيء ما قدر يفهمه

اعتراض

الم

حزن

وجع

ما قدر يفسر الملامح اللي ارتسمت علي وجوهم وفسر هالشيء انه رفض لانه رفيف اكبر منه بسنة وقال وهو يوقف وبحدة:ما ظنيت يا دكتوره انتي وهي انه تفكيركم محدود لذي الدرجة.

مشاعل ودموعها بعيونها ما قدرت تتكلم.

رحيل مع كل الضغوطات نزلو دموعها بصمت وهي مو قادره تتكلم لانه صوتها بيخونها.

انفجع وهو يناظرهم خواته اللي دمعتهم ما تنزل بسهوله يصيحون الحين جدامه القصه ما هيب قصة فرق سنين بينهم القصه اكبر من جذي.

قرب منهم وحط ايد علي كتف كل وحدة وهو يقول برقة:افا يا ذا العلم خواتي يصيحون ما عاش اللي ينزل دمعه وحده من العيون الساحره ذي.

انا ما ابي اتزوج لا انت ولا غيرك.

التفتو ثلاثتهم لمصدر الصوت اللي رمت كلامها وراحت تركض للبيت بدون ما تناظر وراها.

ساهر بحده وقهر من كلامها:الحين ابي اعرف كل شيء الحين.

@@@@@@@@@@@


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 01-04-2017, 09:46 AM
اسيرة الهدوء اسيرة الهدوء غير متصل
©؛°¨غرامي متألق ¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


السلام عليكم
بارت رائع
يعطيك العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 01-04-2017, 01:01 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
بارت رائع
يعطيك العافيه
الله يعافيك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 01-04-2017, 01:03 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


مواعيد البارتات

سبت

ثلاثاء

خميس


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 02-04-2017, 01:34 AM
صورة لصمتي حكايهه الرمزية
لصمتي حكايهه لصمتي حكايهه غير متصل
©؛°¨غرامي مشارك¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


يدوب البارت الثاني بس جد قدرتي تدخليني جو بالرواية ماشاءالله تبارك الرحمن..

رفيف>>وراها قصة وقصة كبيره بعد مثلها مثل رحيل وكل وحده للحين ماقدرت تتأقلم مع اللي حصلها او بمعنى اصح اتأقلمو بس مو قادرين ينسو.. اتوقع انهم كانو متزوجين وانفصلو بسبب عايلات ازواجهم يمكن!.
الله اعلم ليش
بس تحمست لقصصهم واعرف ايش صار لهمم.. ومدري ليش بس دخل قلبي ساهر خلااص وقعت في غرامه ههههههههههههههههههههههههههههه


مشاعل حبيييت شخصيتها وفرفشتهاا.

علاقة ساره ام مشاعل مع زوجها جداا رائعه. وضحتو لهم ان مو شرط ان الحب يموت بفتره صغيره ممكن يستمر الين الشخص يصير كبير وحتى عجوز... من بارت واحد حتى من جزئيه جدا صغيره بس حلو انك رميتي اهتمام لدي النقطهه.



بانتظار البارت القادم دمتي بود

لصمتي حكايهه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 02-04-2017, 06:23 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها لصمتي حكايهه مشاهدة المشاركة
يدوب البارت الثاني بس جد قدرتي تدخليني جو بالرواية ماشاءالله تبارك الرحمن..

رفيف>>وراها قصة وقصة كبيره بعد مثلها مثل رحيل وكل وحده للحين ماقدرت تتأقلم مع اللي حصلها او بمعنى اصح اتأقلمو بس مو قادرين ينسو.. اتوقع انهم كانو متزوجين وانفصلو بسبب عايلات ازواجهم يمكن!.
الله اعلم ليش
بس تحمست لقصصهم واعرف ايش صار لهمم.. ومدري ليش بس دخل قلبي ساهر خلااص وقعت في غرامه ههههههههههههههههههههههههههههه


مشاعل حبيييت شخصيتها وفرفشتهاا.

علاقة ساره ام مشاعل مع زوجها جداا رائعه. وضحتو لهم ان مو شرط ان الحب يموت بفتره صغيره ممكن يستمر الين الشخص يصير كبير وحتى عجوز... من بارت واحد حتى من جزئيه جدا صغيره بس حلو انك رميتي اهتمام لدي النقطهه.



بانتظار البارت القادم دمتي بود

لصمتي حكايهه
الله يسلمك حياتي جد سعيدة انه اعجبك البارت والرواية وان شاء الله تكونين من متتبعي للنهاية رحيل ومشاعل ورفيف وحنين كلن له حكاية وساهر انا بعد احبه ههههههههههههه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 03-04-2017, 02:33 AM
صورة لصمتي حكايهه الرمزية
لصمتي حكايهه لصمتي حكايهه غير متصل
©؛°¨غرامي مشارك¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها عاشقة السرااب مشاهدة المشاركة
الله يسلمك حياتي جد سعيدة انه اعجبك البارت والرواية وان شاء الله تكونين من متتبعي للنهاية رحيل ومشاعل ورفيف وحنين كلن له حكاية وساهر انا بعد احبه ههههههههههههه



باذن الله بكون معاكك للنهايةةة بس اهم شي تكون النهاية سعيده طمنيني الله يسعدككك بلاش تكون حزينه هههههههههههههههههههههههههههه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 03-04-2017, 12:58 PM
صافي 29 صافي 29 غير متصل
©؛°¨غرامي مشارك¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


بدايه موفقة â‌¤â‌¤â‌¤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 03-04-2017, 08:09 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها لصمتي حكايهه مشاهدة المشاركة
باذن الله بكون معاكك للنهايةةة بس اهم شي تكون النهاية سعيده طمنيني الله يسعدككك بلاش تكون حزينه هههههههههههههههههههههههههههه
النهاية راح تعجبك وحيل بعد

الرد باقتباس
إضافة رد

روايتي الاولى :دخيل عيونك السود لا تخليني يكفيني عذاب

الوسوم
اجتماعية , رومانسية , رواية , واقعية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الاولى : يتيمة في دنيا غريبه جوودي~ روايات - طويلة 109 03-01-2019 01:38 AM
روايتي الاولى: جرحت وحكمت بلا دليل وانا حبيتك بلا ضمير بنت شيوخ و كلي شموخ روايات - طويلة 6 29-04-2016 01:30 PM
روايتي الاولى : قبلت الحياة جبيني فألمتني قلب طفلة1997 روايات - طويلة 1 18-12-2015 03:14 PM
روايتي الأولى : تفكر أحب غيرك ياسيدي على هونك أنا ما عرفت العشق الا على عيونك baroj روايات - طويلة 19 31-08-2015 07:16 PM
ما كنت لي عابر ولا عيونك مرتني بسلام / مولودتي الاولى شيم ال عوده روايات - طويلة 3 06-06-2015 04:46 PM

الساعة الآن +3: 06:26 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1