اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 07-04-2017, 04:00 AM
صورة لصمتي حكايهه الرمزية
لصمتي حكايهه لصمتي حكايهه غير متصل
©؛°¨غرامي مشارك¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها mays hanini مشاهدة المشاركة
عاشقة السراب
بغيت اسألك
اي يوم يكون تنزيل البارتات واي ساعة
دمتي بود😙
(mays hanini) البارتات كل سبت وثلاثا وخميس

تقبلي مروري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 09-04-2017, 12:35 AM
الرّاجية رحمة الله الرّاجية رحمة الله غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


السلام إن شاء الله موفقة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 09-04-2017, 01:52 AM
بيسان مصاصة الدماء بيسان مصاصة الدماء غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


مرحباااااااااااااا الروايه ولا اروع بصراحه تجنننننننننننننننننننننننننننن
انا من هلا من متابعينك وبتمنى اواصل معك الى النهايه
موفقه بالكتابه
ااااه بليزززززززززززززز بالبارت الي يجي اشرحي قصة مشااااااااعل ليش تخاف من عائلة ....ما ادري ايش اسمها بس حافظه الشاهر
المهم لا تسحبين متل بعض الناس لاني صرت اكره الروايات من كثر ما صاروا يسحبون عليها
بأنتظار البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 12-04-2017, 10:26 PM
صورة mays hanini الرمزية
mays hanini mays hanini غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


السلام عليكم
حبيبتي عسى ما شر
تاخرتي كثير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 25-04-2017, 09:44 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


السلام عليكم ورحمة الله

ادري تاخرت عليكم بس ما اخرني الا الشديد القوي عسي الله يحفظ الجميع

استلمو البارت غالياتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 25-04-2017, 09:45 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب



البارت الرابع

فتحت عيونها بتعب كبير ناظرت غرفة الضيوف ببيتهم تكره ريحة المشفي وما تطيقه وابوها الله لا يحرمها منه جهز لها غرفة بالبيت مع طبيبة وممرضتين عشان يهتمون فيها.

ناظرت امها اللي جالسه علي الكنبة وتالمت وجعها كبير علي بنتها وعلي اختها اللي تكره امها كثير وبعد عل سعود اللي طلق حنين اجعها هالخبر كثير ما تستاهل اللي يصير لها البنت ذي مالها علاقة بامها وولدها بس كتبة الله.

تنهدت بوجع وهي تتذكر ضربه لها كان مثل المينون وخالتها كانت تناظرها وكانها فرحانة وش كل ذا الحقد اللي بقلبها شسوت لها والاهم شسوت لها امها اللي دوم تقولها هذي فعايل امك قلبها مليان حقد وكراهية.

تذكرت نظرات ابوها المكسورة وانكسرت هي بعد وكانه يلومها علي سكوتها كل ذي المده بس ما كانت تبي تسبب مشاكل بين امها وخالتها ما تدري انه المشاكل موجودة من زمان.

ابتسمت بالم وهي تسمع صوت جوالها وناظرت اسم حنين يضيء الشاشة ما تدري شلون بتكلمها ما تدري شلون وما تبي تصيح ما ردت علي المكالمه لانها منهكه جسديا ونفسيا حطم انوثتها وحكم رقتها وتركها فارغه من كل شيء.


@@@@@@@@

ناظر جواله اللي بايد واحد من الموظفين وقال بحده:انت باي حق تلمس جوالي؟

شاف نظراته اللامباليه بعدها اخذ جواله ورد اتصل باخته ونسي كل اللي حوله وهو خايف عليها جاه صوت ساهر اللي ساله وش اللي صار وطمنه وكلم رحيل وبعدها قفل الجوال ورد ناظره بحدة وقال:انت شتسوي هنا بقسم النساء؟

رد ببرود:انا المسؤول عنهم؟

جاسم ببرود اكبر:قسم حريم والمسؤول ريال .

رد الموظف :ايه عندك مانع.

جاسم سفهه وقال باحترام للحرمة اللي واقفه بعيد شوي:من اليوم انتي مسؤولة عن قسم الحريم يا اخت فاطمة وما ابي اي ريال يدخل الباب ذا ينقفل وكل وحدة تفتح ببطاقتها وتشتغلون علي راحتكم وان شاء الله حيكون لكم مطعم خاص.

هيه انت تحسب نفسك منو؟؟

جاسم قال بهدوء بس بصوت حازم:احترم نفسك وروح لشغلك احسن من انك تنطرد من شغلك اليوم ولا عاد اشوفك تجي هنا .

استاذن وراح لمكتب عمه ما يدري ليش وافق يجي الشركه اخذ اجازه من شغله يبي يرتاح ههههه ضحك وهو يتذكر شغله في السفاره البريطانية وسوالف ربعه.

تنهد وهو يرد يتصل باخته اللي صوت صرختها ذكرته باشياء دفنها وما يبيها ترجع للسطح الحين.

سمع صوت الباب وقال بصوت هادئ:تفضل.

دخلت فاطمه ومعها وحدة متغطية ومو باين منها حتي عيونها نزل راسه بسرعه وهو يرد السلام بهدوء وقال بهدوء:نعم اخت فاطمه؟

فاطمه باحترام:استاذ جاسم ابي اسالك عن ابوك قصدي عيادته المجانية.

جاسم قال وهو يناظر الاوراق:عيادته بالبيت ويشتغل كل جمعه.

تنهدت الجمعه واليوم اثنين شنو بيصبرها للجمعه كان اللي يصير فوق طاقتها بس عشان هالبنت كافي الالم وكافي عذاب.

فاطمه اللي حست بيها قالت:طيب استاذ صديقتي بنتها تعبانه حيل وما تقدر تدفع مصاريف ...

جاسم بتفهم قال:طيب بشوف وبرد عليك دقيقة بس.

اخذ جواله وطلب الرقم وجاه صوتها وهي ترد السلام ابتسم وهو يقول:هلا بدكتورتي الحلوه.........شتسوين في المستشفي واليوم ملكة ساهر ورفيف....الله يعينك.......طيب ماراح انسي........
طيب قبل كل شيء ابي خدمة فيه حاله ابيك تشوفينها ...طفله.....دقيقه....

سال فاطمه كم عمرها سمعها تقول بصوت رقيق:4سنوات.

رد يكلم اخته:اربع سنوات يا عمري .....طيب ...يعني ...خلاص باكر الموعد مع رحيل.....نعم....فهمت طيب .

قفل وهو يضحك وقال:باكر الساعه تسع في المستشفي

@@@@@@@@@@@@

دخلت مكتب عمها وقفلت الباب وخرت نقابها وغطاها تنهدت بتعب ما تدري وش هالجنون اللي يسويه ساهر بس ما تقدر تمنعهم دامهم مرتاحين كذا وعس الله يتمم عليهم.

سمعت صوت جوالها وقالت ببسمه:هلا يا عمري......ضحكت وقالت:ايه اليوم ملكة اخوك واختي هههههه ما تدري شكثر فرحانة........شسوي بعد بالمستشفي.....اوك حبيبي تروح بيتنا وتجيب فستاني لا تنسي طيب.......كم عمرها......تمام بخلي رحيل تشوفها وبعدها نقدر نحولها علي طبيب اطفال.....الفستان.

قفلت جوالها ورد دق مرة ثانية بس هالمرة كانت رحيل :هلا رحول.....تعبانة حيل .....تدرين انه قالي يبني اسوي الحلو الا اذا تبون الناس تتسمم ههههههه....طيب...غريب......ما ادري كاني اشم ريحة عطر رجالي.....هههه يلا سلام اكيد اني اتوهم.

كتبت مسج لشاهر يجي يوديها البيت وقالت بصوت ضاحك:عيله مجنونة.

تجمدت وهي تسمع صوت ضحكة مكتومه اخذت وشاحها حطته علي راسها وحطت نقابها ولفت وهي بتقول...بس كل الكلام تجمد علي شفايفها غمضت عيونها بالم واخذت نفس عميق تحاول تسيطر علي اعصابها.

من اول ما دخلت المكتب وما انتبهت له عرفها هو وشلون ما يعرفها شلون تنهد وهو يناظرها توخر غطاها وشعرها القصير بعده مثل ما يحبه سمعها تضحك مع زوجها ونزل عيونه مهما كان ما يصير يناظرها مو محرم لها.

بلع ريقه بالم وكانها سكين تنزل وتجرحه كل ما نزلت اكثر.

وش هالقدر وش هالصدفه المؤلمه ما قدر يمسك ضحكته من كلامها بس عيونه ظلت بالارض ما يبي يغضب ربه ولا يبي يتعذب بشوفتها .

اه يا مشاعل

طلعت التنهيدة وهو يسمع صوت الباب ينقفل تنهد بعمق وكانها اخذت كل الهواء معها غمض عيونه وهو يحاول يسيطر علي نفسه ومشاعره

تزوجت شتتوقع وحده بجمالها وشخصيتها بتظل تبكي علي الاطلال قال هالكلام لنفسه بالم.

طلعت من المكتب وتنسدت علي الجدار تاخذ نفس عميق وتحاول تسيطر علي دقات قلبها ومشاعرها يارب وش اللي صار وليش الحين غمضت عيونها بالم ما تبي تذكر ما تبي.

سمعت صراخ بنت صغيرة مالية المستشفي ناظرت دكتورة الانترن اللي حايسه معها وما تدري وش تسوي قربت وقالت:د ليال شفيها؟

د.ليال:دكتوره مو راضية اني اشوف الجرح والا اني اسوي لها الغرز.

ابتسمت مشاعل:خلاص دكتورة انا بسوي لها الغرز.

جلست ومسكت خد البنت المحمر من الصياح:القمر وش اسمه؟

ردت بخجل:كادي.

وخرت شعر البنت عن ويهها وقالت:طيب يا كادي انتي حلوة ورقيقه مثل الكادي وش اللي سوي فيك كذا؟

كادي بوجع:نطيت من الشجرة وعورت ريلي؟

مشاعل تذكرت طفولتها:البنات الحلوات ما يركبون شجر وبنطون بعد ما يصير تري منو زعلك انتي؟

كادي ببراءة:عبير تقول انه البيبي اللي راح يجي لماما راح يحبونه اكثر مني وراح ينام معهم وانا راح انام مع الخدم وماراح يحبوني بعد وهو راح ياخد كل العابي .

حنين انصدمت من كلام كادي الله يهديك يا عبير تسوين سالفه مع ياهل .

قالت مبتسمه:شوفي كادي راح يجيك اخ صغير ماراح ياخد منك شيء راح تكونين اخته العوده راح يدافع عنك وراح ياخذك المدرسة يوم تكبرين ويكبر هو بعد والسوق بعد ويجيبلك كاكاو وهمست لها في اذنها وضحكت بفرح.

كادي ببراءة اطفال:ابيك تروحين معنا البيت؟

مشاعل:عشان امك تذبحني؟

ببراءة خالصه:ماما حيل طيبه.

حنين ضحكت علي كادي وسمعت مشاعل تقول:الا بذا الموضوع بتصير شرسه ومتوحشه.

استاذنت منهم وطلعت لاخوها اللي كان ينتظرها بري المستشفي وراحوا علي البيت.

@@@@@@@@

كان جالس بالمكتب وخر نظاراته ووخر ظهره علي الكرسي مرهق من الكتابه وما عاد له خلق يكتب الحين اخذ جواله واتصل لامه يبي يتطمن علي اخته اللي كسرها الخسيس ويدري زين انه كسرها النفسي اكثر من الجسدي.

تذكر كلام الممرضات عن الدكتورة اللي تبرعت لها بالدم وانها ما كانت لزوم انها تسوي كذا بس ليش سوت كذا يا تري من تكون .

ظلت هالافكار تدور براسه بعدها اخذ جواله وطلع من المكتب وطلب للسكرتير ياجل المواعيد لباكر لانه يبي يطلع الحين.

@@@@@@@@@@

دخلت حنين البيت وجاسر وراها شايل كادي بحضنه ويبتسم لها بحنان جلسها بجانب امها اللي كانت تصيح بحرقه وقالت:كادي يمه؟

كادي بخجل:اثفه ماما .

لمتها ندي بحنان وما اهتمت للالم وضغطها علي بطنها وقالت:يمه خوفتيني عليك تري.

دق جوال ندي اخذته وكان زوجها قالت بوجع:جاسر ممكن تاخذ كادي لابوها البس عباتي واجي.

طلع جاسر مع كادي وحنين قالت بحنان:انتبهي علي نفسك يا قلبي ولا تحاتيها تري عبير غثتها بكم كلمه.

ندي بالم:لا حول ولا قوة الا بالله ما ادري متي تعقل هالبنت الله ياخذها.

حنين:استغفري ربك ما يصير يا ندي.

باستها ندي وهي طالعه قالت:انتبهي لنفسك.

دخل جاسر وطلب عصير برتقال من الشغاله وقال بهدوء:ابوي بيتزوج.؟

حنين بلعت ريقها مو من عوايد جاسر يحكي كذا:صدق..بلعت ريقها وهو يناظرها بحده:اقصد منو بيتزوج؟

جاسر ضحك بداخله ما يدري انه مسبب لها رعب صدق انه مو راضي عن طلاقها بس ذا افضل عشانها لانه عيال الشاهر ماراح يتقبلونها والله يرزقها باللي يصونها:ام جابر.

حنين باستغراب:ام جابر ييرانا قبل.

هز راسه بايه.

حس انه ابوه من حقه يتزوج وما عنده اعتراض ذا من حقه وموب ياهل عشان يسوي شيء ما يعرفه:انتي شنو رايك؟

حنين بحيره:ما ادري بس بكيفه.

قال وهو يوقف:بروح لوضحه اذا تبين تروحين جهزي نفسك؟

قالت بغصه:ما ابي اروح ..اتصلت عليها وما ردت ما تبي تصغر نفسها اكثر.

@@@@@@@@@@@

دخلت مشاعل بيت عمها وفتحت عيونها علي التجهيزات الورد بكل مكان بالوان حمراء ووردية وشرائط ذهبية والسقف بعد مزين وبالونات منثوره كانها بقصه خيالية تدري انها رحيل وتعرف ذوقها حيل.

دخلت المطبخ وناظرت الكيكة وقالت وهي تناظرها:رحول تينن الكيك.

كانت علي شكل قلب وبلون احمر كبيرة حيل ومزينتها بالكريم منظرها يشهي :يمي جوعانه حيل تري وانت اكلتي شيء.

رحيل هزت راسها بلا.

مشاعل اخذت من ايدها الكريم وجلستها علي الكرسي:قبل اي شيء راح تاكلين والا راح اطيحين علينا الليلة.

رحيل ناظرتها تفتح الثلاجه واطلع الاكل وتسخنه بالميكرويف وكانت حاسه انه فيها شيء لانها للحين ما حطت عينها بعينها كانها تتحاشاها وخايفه تقري اللي فيها .

رحيل:ما سالتي عن رفيف.

قالت وهي تطلع عصير برتقال لها وعنب حق رحيل:ايه صدق وينها فيها.

رحيل باستغراب:بالصالون فوق تجهز ومعها ماما وخالتي كانهم خايفين تغير رايها وتشرد من العرس.

مشاعل وهي تحط الصحون علي الطاولة بعد ما قالت للشغاله تكمل شغلها وانها راح تسوي اكلها لحالها وجلست مقابل رحيل اللي سالتها:شفيك؟

مشاعل وهي تبلع ريقها:مو الحين رحيل مو الحين.

رحيل:اوك.

دخل ساهر اللي ناظر رحيل وكانه يقول شفيها هزت رحيل راسها بانها ما تدري قال وهو يمسك خدود مشاعل:لا يكون الاخت غيرانه اني باخذ اختها بعيد.

ابتسمت بحنان:عسي الله يسعدكم يارب ودامك معها ودامها هي معك انا مرتاحه يا بعد قلبي.

ساهر بحنان اكبر:جعلني فدي هالخشم يام ساهر.

رحيل بضحكه:الحين صارت ام ساهر وانا شنو ها..

ساهر بضحكه:انتي ام شاهر.

ابتسمت بس بسمه الم كلمته وتدري انه موب قصده بس اجرحتها.

ساهر اللي حس علي عمره قرب منها وقال:فديت ام ساهر انا رحولة العسل جعلني فدي الشعر الاشقر.

ضحكت وقالت:الحين روح سنع نفسك عشان بنت العم ما تشرد يوم تناظرك.

قال وهو يبعثر شعره الاشقر:فديت عمري انا.

مشاعل ضحكت وهي تناظره يطلع:اقول رحيل كانه خالتي وزنها ناقص صح.

رحيل ناظرت امها من باب المطبخ:ايه بسالها امس اذا تشكي من شيء بس غفلت عنها مشاعل بروح لهم.

مشاعل ناظرتها بخوف:ليش؟

ناظرتها وقالت:ما ادري.

@@@@@@@@@@@


كادي جالسه بحضن جدتها وتناظر عمها وتبتسم و ابوها اللي كان يشرب القهوة:شلون ريلك الحين يبه؟

هزت راسها وهي تقول:زينه.

ناظرت جدتها وقالت:جده انا قلت للدكتوره تجي معي بس هي قالت امك ماراح ترضي قلت لها انه ماما حيل طيبه دالت بذا الموضوع بتصير سرسه ليش طيب.

جدتها وهي تناظر ولدها:طيب كان جبتيها حق عمك فهد يمكن رضت.

ببراءة:بس ما تصلح له هو كله يصارخ.

الكل ضحك وقال اخوه:حتي الياهل اعرفت لك.

فهد ببسمه:تدري اني احب بنتك يا فارس والا كنت نتفت ريشها البزر ذي.

ام فهد:تري خالتك وبناتها بيجون بعد شوي.

فهد وقف وهو يقول:بروح عندي شغل.

فارس ناظر امه:الله يهديك يمه لازم تجيبين سيرتهم جدامه تدرين فيه.

امه:بس ذي اختي.

فارس:ادري انها اختك وما ادري ويش اللي بينها وبين فهد بس يمه اذا هي اختك وما ترضين عليها انا بعد ذا يصير اخوي وما ارضي عليه كافي اللي صار يمه تري ما يسوي هالشيء.

وش اللي ما يسوي يا فارس.

جاه صوت خالته هدي

رد باحترام وعيونه بالارض لانه بنت خالته ما تغطي ويهها:شيء بيني وبين امي عساك سالمه يا خالتي عن اذنك وطلع لداره بعد ما اخذبنته من امه.

هدي سلمت علي اختها:شلونك يا مها عساك طيبه.

مها ببسمه:الحمد لله شخبارك انتي يا وخيتي...وسلمت علي بنتها العوده عنود وكرشها قدامها توها داخله الثامن وبعدها سلمت علي جنان استاذه بالجامعه.

جنان وخرت عباتها وفستانها الاسود القصير لاف علي جسمها الرشيق ناظرتها خالتها باعجاب وتتمني لو تصير مرت ولدها .

العنود ناظرت اختها وهي بنفسها تسمي عليها وتدعي انه ربي يهديها وتتزوج ما تنتظر شيء ماراح يصير حتي باحلامها.

دخل فارس الغرفة وسدح بنته علي سريرها لانها غفت من التعب والصياح لحفها زين وباس راسها وراح لغرفته ناظر ندي طالعه من الحمام اكرمكم الله ناظرته وقالت:شفيك؟

قال وهو ياشر لها تجلس جنبه:خالتي وبناتها تحت.

عفست ويهها وهي تجلس جنبه وتحط راسها علي كتفه:لا حول ولا قوة الا بالله لا تكدر نفسك حبيبي.

بحده:انا لو ادري بس باللي صاير بس ما احد راضي يتكلم بس مصيري بعرف وماراح اسكت حق احد وبعد ابوي ما ادري شفيه ساكت عنهم او انه ما يدري عن شيء.

ندي باست كتفه تحاول تطفي غضبه:حبيبي نسيت موعد شغلك والا شلون؟

باس راسها وهو يقول:لا يا قلبي ما نسيت بس الاجتماع التغي يا عمري وباكر الموعد شسوي اخوي العود ما يبي يشتغل بالشركه وابوي لاهي بالمزرعة انا لي الله.

ندي بتفهم:الله يعينك يا قلبي ويحفظك لنا.

فارس بحنان عاصف باس ثغرها وقال:بروح الحين لواحد من الربع ولو اني ماكد عليه كان قعدت معك وما تركتك مع هدي وبناتها.

ضحكت بخفه وهي تلمه بحنان وتدعي انه ربي ما يحرمها منه.

@@@@@@@@@



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 25-04-2017, 09:50 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
بارت رائع
يعطيك العافيه
الله يعافيك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 26-04-2017, 12:23 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


السلام عليكم
البارت يجنن
يعطيك العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 26-04-2017, 10:44 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
البارت يجنن
يعطيك العافيه
الله يعافيك اميرتي اسيرة الهدوء

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 27-04-2017, 03:25 PM
صورة عاصفة الجمر الرمزية
عاصفة الجمر عاصفة الجمر غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


تينن رحيل مشاعل وسرها مع الرجل الغامض ويا تري منو بيكون
فهد وسره مع امه وخالته
رفيف وساهر
انتظر بفارغ الصبر البارت الجاي.

الرد باقتباس
إضافة رد
الإشارات المرجعية

روايتي الاولى :دخيل عيونك السود لا تخليني يكفيني عذاب

الوسوم
اجتماعية , رومانسية , رواية , واقعية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الاولى : يتيمة في دنيا غريبه جوودي~ روايات - طويلة 106 19-10-2016 06:45 PM
روايتي الاولى: جرحت وحكمت بلا دليل وانا حبيتك بلا ضمير بنت شيوخ و كلي شموخ روايات - طويلة 6 29-04-2016 01:30 PM
روايتي الاولى : قبلت الحياة جبيني فألمتني قلب طفلة1997 روايات - طويلة 1 18-12-2015 03:14 PM
روايتي الأولى : تفكر أحب غيرك ياسيدي على هونك أنا ما عرفت العشق الا على عيونك baroj روايات - طويلة 19 31-08-2015 07:16 PM
ما كنت لي عابر ولا عيونك مرتني بسلام / مولودتي الاولى شيم ال عوده روايات - طويلة 3 06-06-2015 04:46 PM

الساعة الآن +3: 09:52 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1