اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 27-04-2017, 05:18 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها عاصفة الجمر مشاهدة المشاركة
تينن رحيل مشاعل وسرها مع الرجل الغامض ويا تري منو بيكون
فهد وسره مع امه وخالته
رفيف وساهر
انتظر بفارغ الصبر البارت الجاي.
يسلمو لمرورك غاليتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 28-04-2017, 12:13 AM
صورة سوني لاميره الرمزية
سوني لاميره سوني لاميره غير متصل
©؛°¨غرامي مشارك¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


شكرن علا الدعوووووه الروايه روعه ورحيل ومشاعل مررررره حلوووين حبيتهم وحزنت علا حنين بس نفسي اعرف اش الشي الي تخبيه رحيل وكمان مشاعل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 29-04-2017, 12:00 AM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها سوني لاميره مشاهدة المشاركة
شكرن علا الدعوووووه الروايه روعه ورحيل ومشاعل مررررره حلوووين حبيتهم وحزنت علا حنين بس نفسي اعرف اش الشي الي تخبيه رحيل وكمان مشاعل
اهلين بيك جزء كبير من قصه رحيل راح يتوضح وبعد مشاعل بالبارتات الجايه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 29-04-2017, 12:50 AM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


البارت الخامس

ناظرت رحيل في المرايا وابتسمت لنفسها ما تحب تحط مكياج حيل كحلت عيونها وحطت قلوس وردي يتماشي مع فستانها الاسود الطويل واكمامه الطويله وشعرها الاشقر رفعته بتسريحة مهمله لانه امها مستحيل تتركها تخليه نازل وبتسوي لها محاظرة طويله.

سمعت صوت مشاعل تتحلطم وهي داخله غرفتها:شفيك مشاعل شعرك وما يبيله شي شفيك؟

مشاعل وتناظر رحيل باعجاب:واو تدرين لو كنت ريال كنت شردت معك.

ضحكت رحيل وهي تقول:زين انك مو ريال يا حلوة شصاير؟

مشاعل بدراما:السحاب علق معي.

رحيل وقفت وراها وناظرت سحاب فستانها الاخضر ورفعته لها كان معلق بخيط الفستان وقالت بضحكه وهي تاخذ الفرشاة وتعدل لها رسمة عيونها:شفيك كانه احد مخرعك.

مشاعل بماساه:خايفه من جدتي وعمتي حصه.

ضحكوا اثنينهم مع بعض وقالت مشاعل:انا اتخيل الحين المستشفي يدقون ويطلبونا تخيلي معي.

رحيل ببسمه:سكتي يا شيخه لا تفاولين.

طلعت مع اختها من الغرفه وفستان مشاعل كان منفوخ من تحت شوي وكمه ماسك عند المرفق وتحت وعيونها مثل الشوكر اللي لابسته برقبتها بلون عسلي خالص دعت لها بقلبها انه ربي يرزقها باللي يصلح لها.

سلمو علي الضيوف واللي كانو اصحاب وجيران واهل وبعدها سلموا علي جدتهم اللي جرت مشاعل من شعرها وقالت بحدة:بنتي ساره تركت العصا اشوف.

ضحكت وهي تبوس راسها:افا ياام راشد تبين الشيخه مشاعل تنضرب بعصا.

ردت بهمس:دامها راسها يابس ودافنه روحها ايه.

مشاعل ابتسمت لها وسلمت علي عمتها حصه اللي قالت:لا تحطين ببالك تري خرفت.

ضحكت مشاعل بصوت عالي وقالت لها جدتها بنغزه وكانها اعرفت انهم يتحشون عنها:ضحكيني معك.

رحيل قالت بهدوء:خلهم عنك يا قمر الراشد انتي ما عليك منهم .

ام راشد:ايه دام معي شيختهم شبي فيهم.

رحيل غمزت لمشاعل وعيونها تقول ما نبي فضايح الليلة.

مشاعل ظلت تسولف معهم ورحيل راحت تهتم بالتجهيزات في المطبخ اللي كان كل شيء مرتب وجاهز الصحون وكاسات العصير وكاسات القهوة والحلا وحلا الرياييل وكل شيء مرتب وانيق ابتسمت بفرح هذا عرس ساهر اخوها الصغير.

ناظرت مشاعل وهي طالعه من المطبخ واليوم مو علي طبيعتها ما تدري وش اللي صار معها بس مصيرها بتعرف سمعت وحدة من الحريم تقول:كنت ابيها لولدي بس شسوي حظه مقرود ولدي خذي بنت عمه.

تنهدت الناس ما تترك احد بحاله النصيب مو كاتب لها وله وكل واحد بذي الدنيا ياخذ نصيبه .

ابتسمت وهي تناظر الاضواء تخفت بالصاله وتركز علي الحورية اللي راح تنزل من الدرج بفستانها العاجي مطرز علي الصدر واكمامه الدانتيل ماسك علي خصرها بحزام مطرز باللولي ومنفوش من تحت كانها احدي اميرات ديزني وشعرها الاسود بتسريحه بسيطه لكن حلوة وخصلات نازلة وري اذنها واقراط فضية طويله مثل لون الاسوار اللي كان هدية عرسها من مشاعل ورحيل اللي ما رضوا الا يهدونها شيء مشترك عشان ما تلبس هدية وحدة والثانية لا ههههههه .

نزلت من الدرج بهدوء وبسمه وتوتر علي ويهها وامها وخالتها ينتظرونها عند اخر درجة حست بمشاعل توقف جنبها وتمسك كفها تدري انها محتاسه وما تدري هي بعد شلون بيتحملون فراقها وهواشها وتحلطمها علي شغلهم وانهم ما يظلون معها ولو سهروا معها ينامون من التعب وتسهر لحالها.

وبعد اللي صار معها مو شوي وما يعرفون وش ردة فعلها راح تكون مع ساهر بس اللي متاكدين منه انه ساهر ماراح يجبرها علي شيء.


مشاعل تهمس لها:بصيح.

رحيل تحاول تسيطر علي نفسها:لا تصيحين ولا شيء خلي اختك مرتاحه هي بروحها فيها الصيحه وتقول لا تخلوني اصيح وما رحنا لها عشان لا نصيح ولا تصيح اليوم فرح اخوانا البزارين.

مشاعل بدراما:ايه وعلي انا وانتي وجاسم عز الله عنسنا.

ضحكت من كل قلبها:تدرين انه ذي الكلمه ما احبها احسها تجرح وايد حتي لو كانت من قريب هههههههه .

مشاعل ببسمه تخفي فيها الم اجتاحها فجاه:ان شاء الله عمتي الشيخه..رحيل.

ردت عليها:هلا.

مشاعل تبلع ريقها:موجوعه.

رحيل حطت ايدها علي كتفها بحنان:خلك قوية لاتنهارين الا يوم يطلع اخر واحد من المعازيم ما نبي شو وباكر نطلع ع الفيس وتويتر.حاولت رحيل تلطف الجو عشان ما تنهار مشاعل لانها نفسها قوية بس يوم تنهار تنهار بقوة تزلزل.

رفيف كانت تتنافض من التوتر وما تبي تناظر اختها وبنت عمها فيها الصيحه وما تدري شلون بتتحمل فراقهم وشلون بتكون حياتها مع ساهر تعرف انه انسان راقي وذوق ومحترم بس ما تدري شلون بتتعامل معه وما تدري ليش تحس انها اقل منه.

غمضت عيونها ما تبي تصيح ويخرب كل شيء ساهر ما يستاهل منها الا انها تكون في اجمل واحلي مظهر ابتسمت وهي تتخيل انها بتصير زوجته بعد دقايق.

بعد ما انتهي العشا وما بقي الا جدتها وعمتها حصه ابتسمت وهي تسمع رحيل تقول انه ساهر راح يدخل الحين وبعدها ارتجفت من الخوف ورهبة اللقاء وبعد ما قالت له انها ما تبي تتزوجه والحين وقعت وتزوجت بكامل ارادتها.

@@@@@@@@@@

دخل فهد البيت بعد ما رد من الشغل سمع صوت خالته بعدها عندهم بالبيت عشان كذا لف ودخل من باب المطبخ وابتسم لاشعوريا وهو يسمع الشغاله تقول حق اللي معها:حتي بابا فهد شرد منهم.

دخل غرفته وهو مستغرب لانه فيها ريحة عطر حريمي حس بالقرف وهو عارف زين ريحة منو ذي فتح شبابيك الغرفة ونادي الشغاله اللي جت تركض:نعم بابا.

بغضب قال:انا قايل ما احد يدخل غرفتي.

قالت بتلعثم:بس..

قاطعها بحدة:ذلفي عن ويهي دحين وما ابي اشوفك لا انتي ولا غيرك بالغرفة فاهمه.

هزت راسها بايه وراحت تركض.

فتح الكبت وطلع كل ثيابه وحطها بكيسة زبالة اكرمكم الله وطلع من الغرفة ووقف قريب من الصاله صوته ينسمع :ريني الثياب ذولي عطيهم السايق تبرع بيهم حق الفقاري ..

رمي الكيس وطلع جناحه.

احترق ويهها من الغضب وندي كاتمه ضحكتها لانها لو حتي ابتسمت راح يحرقونها حرق بس فهد الوحيد اللي يبرد جبدها عسي الله يرزقه ببنت الحلال اللي تصونه.

العنود عرفت انه اختها مسوية شيء تعرفها زين ما استسلمت منه ولا قطعت الامل مع انه ما يعطيها ولا اي اشاره ايجابية بس اختها عنيدة ومتملكه من يوم كانوا يهال الله يستر وبس.

سمعت صوت جرس الباب وفتحت الشغاله الباب ودخلت حماتها رباب وبايدها جناطها وما تدري ليه حست انه هالمره رجعتها بتطول ناظرت امها وخالتها وبناتها رمت السلام وراحت بدون ما تكلم اي احد ولا حتي تسلم عليهم.

دخلت جناح اخوها بعد ما سمعت صوته يقول ادخل وكانت تعرف زين انه معصب لانه ست الحسن والدلال موجودة تحت الله ياخذها استغفرت ربها وهي ترمي السلام وتقول بالم:طلبتك يا اخوي طلبتك.

وقف بخوف وهو يقرب من اخته اللي اول مري يسمع نبرة الالم والرجاء في صوتها وقال برجوله:تم وانا اخوك.

رباب بصيحه تحاول تكتمها:مالي ردة له يا خوي ما ابيه طابت النفس منه .

فهد واللي يعرف سوالف ريلها كلها بس ساكت عنها لانها ما شكت له بس اليوم يوم طلبته ماراح يوقف احد بويهه حتي لو كانت امه ماراح يرحم احد لانه دموع اخته غاليه وغاليه حيل.

لمها بحضنه بحنان واستغربت هي فهد من طول عمره حنون بس ما يحب يبين هالشيء بس الظاهر خالتها وبنتها طفرو بيه لاخر ذرة صبر بنفسه.

قال بمودة:يوم انك جيتي سولفي معي والا بتنزلين.

قالت وهي تجلس :احد يترك الثريا ويروح حق الثري.

@@@@@@@@@@

دخل ساهر مع ابوه وعمه والبسمه شاقه ويهه وهو يناظر حلم حياته تحقق جدامه وضحك وهو يناظرها منزله راسها بحيا وخواته \واقفات وكانهم بيصحون دعي داخله الله يرزقهم باللي يصونهم.

وقف جنبها وبعد ما سلم عليها ابوها وعمها ويادوب اطلع كلمه سلم علي جدته وعمته حصه وحب راس امه وخالته اللي واقفين بعيد عشان ابوه وعمه.

قال لها:مبروك رفيف.

ردت بتلعثم:الله يبارك..

مشاعل ما قدرت تتحمل وضحكت بصوت عالي ومعها رحيل والكل التفت لهم وقال ساهر بغيض:شفيك انتي وياها.

مو قادرة تتكلم من الضحك:بصراحه منظركم يضحك.

رفيف خف توترها شوي وسمعته يهمس لها:حلوه.

حمرت خدودها من الخجل.

مشاعل تهمس لرحيل:يا تري وش يهمس لها وناظري وشلون حمرت اخوك خطير ذا.

رحيل بحب خالص:الله يهنيهم يارب.

@@@@@@@@@


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 29-04-2017, 10:36 PM
صورة سوني لاميره الرمزية
سوني لاميره سوني لاميره غير متصل
©؛°¨غرامي مشارك¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


وااااااااو خطير ساهر فهد ده اول مره يدخل في الروايه او دكرتيه من قبل ماادكر بس كملي ماتتاخري متشوقه اعرف اش بيصير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 01-05-2017, 07:59 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها سوني لاميره مشاهدة المشاركة
وااااااااو خطير ساهر فهد ده اول مره يدخل في الروايه او دكرتيه من قبل ماادكر بس كملي ماتتاخري متشوقه اعرف اش بيصير
يسلمو وانتظر توقعاتك ...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 01-05-2017, 10:46 PM
صورة الكرامة أولاً الرمزية
الكرامة أولاً الكرامة أولاً غير متصل
©؛°¨غرامي نشيط¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


بداية موفقة ....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 02-05-2017, 12:50 AM
اسيرة الهدوء اسيرة الهدوء غير متصل
©؛°¨غرامي فعال ¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


السلام عليكم
بارت جميل وممتع
يعطيك العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 03-05-2017, 09:58 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها الكرامة أولاً مشاهدة المشاركة
بداية موفقة ....
يسلمو انتظر توقعاتك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 03-05-2017, 09:59 PM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: روايتي الاولى :دخيل عيونك السود لا تخليني يكفيني عذاب


اقتباس:
المشاركة الأساسية كتبها اسيرة الهدوء مشاهدة المشاركة
السلام عليكم
بارت جميل وممتع
يعطيك العافيه
وعليكم السلام
انتي اللي عسل

الرد باقتباس
إضافة رد
الإشارات المرجعية

روايتي الاولى :دخيل عيونك السود لا تخليني يكفيني عذاب

الوسوم
اجتماعية , رومانسية , رواية , واقعية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الاولى : يتيمة في دنيا غريبه جوودي~ روايات - طويلة 106 19-10-2016 06:45 PM
روايتي الاولى: جرحت وحكمت بلا دليل وانا حبيتك بلا ضمير بنت شيوخ و كلي شموخ روايات - طويلة 6 29-04-2016 01:30 PM
روايتي الاولى : قبلت الحياة جبيني فألمتني قلب طفلة1997 روايات - طويلة 1 18-12-2015 03:14 PM
روايتي الأولى : تفكر أحب غيرك ياسيدي على هونك أنا ما عرفت العشق الا على عيونك baroj روايات - طويلة 19 31-08-2015 07:16 PM
ما كنت لي عابر ولا عيونك مرتني بسلام / مولودتي الاولى شيم ال عوده روايات - طويلة 3 06-06-2015 04:46 PM

الساعة الآن +3: 09:52 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1