اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 201
قديم(ـة) 08-01-2018, 09:06 PM
صورة أم نووور الرمزية
أم نووور أم نووور غير متصل
©؛°¨غرامي جديد¨°؛©
 
الافتراضي رد: روايتي الثانية :تجاعيد الزمن


ماشاءالله البارت بطل…
تسلمين كاتبتنا الجميله نبض على البارت الجميل…
فيصل كفى ووفى زين ماسواه ..
ومبرووك مقدماً…
روان والطبخه الميكس ياترى وش النتيجه…
ام سفر بياض على وجهك على هالتربيه ماقصرتي…
عجبني تفهم بتال لـ نفسية اخووه فواز… حلووو مشهدهم…
نبض الجميله مشكوووره على بارتاتك الجميله… مبدعه ماشاءالله عليك…
ننتظرك…
وربي يوفقك…

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 202
قديم(ـة) 09-01-2018, 10:07 PM
صورة نبض افكاري الرمزية
نبض افكاري نبض افكاري غير متصل
©؛°¨غرامي فعال ¨°؛©
 
الافتراضي رد: روايتي الثانية :تجاعيد الزمن


اقتباس:
المشاركة الأساسية كتبها أم نووور مشاهدة المشاركة
ماشاءالله البارت بطل…
تسلمين كاتبتنا الجميله نبض على البارت الجميل…
فيصل كفى ووفى زين ماسواه ..
ومبرووك مقدماً…
روان والطبخه الميكس ياترى وش النتيجه…
ام سفر بياض على وجهك على هالتربيه ماقصرتي…
عجبني تفهم بتال لـ نفسية اخووه فواز… حلووو مشهدهم…
نبض الجميله مشكوووره على بارتاتك الجميله… مبدعه ماشاءالله عليك…
ننتظرك…
وربي يوفقك…

ياهلا ومرحبا

الله يسلمك يارب

لحد يسئل عن الطبخه تراها علوم فضوه

سعيده ان البارت اعجبك وسعيده بكل ردودك وتعليقاتك الجميله

حياك الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 203
قديم(ـة) 09-01-2018, 10:11 PM
صورة نبض افكاري الرمزية
نبض افكاري نبض افكاري غير متصل
©؛°¨غرامي فعال ¨°؛©
 
الافتراضي رد: روايتي الثانية :تجاعيد الزمن


البارت السادس والثلاثون

بتال فز واقف وتقدم لفواز بخطوات سريعه ودفه بيده مع صدره بقوه خلت فواز يطيح جالس مكانه الاول على الكنب : ايه رح خل بنت مخلد تحذفك على ابوي مثل النعال قاله واستدار راجع لمكانه السابق حذف نفسه على الكنب ببرود : جدي يقول نوره تسكت تسكت واذا انفجرت ماعاد يهمها احد
فواز ممداه يفوق من صدمت الي سواه بتال رجع ينصدم بالي قاله عن امه ماتخيل ان جده كان يتكلم معهم عن امه وماعمره جرب انفجار امه الي طول عمرها تداريه وتحققله كل الي يبيه بس دام هذا كلام جده عن انفجارها ماعنده استعداد يجربه
يكفي ثورتها المصغره اليوم اجل لو راح لعمه وصار بينه وبين نايف هوشه زي ماامه متوقعه وش ممكن تكون ردت فعلها لا مستحيل اغامر برضا امي ولاعلشان خالي صالح نفسه : انت تدري ان بنت عمي وافقت عليك ؟!!
ابتسم بتال بسخريه على النقله في المواضيع الي سواها فواز هذا الي يسميه انسحاب تكتيكي رفع
حاجبه اليسار وببرود : مايجي من وراك خير واخبارك تغم نفس وجهك
فواز رجع يسترخي ببرود مماثل : مارحمت الابنت عمك شالت الضيم كله يوم صارت زوجتك
بتال يغمز بعينه اليسار : متاكد ان مصيبتها اهون من مصيبة اخت النايف
فواز رفع حاجبه باستنكار: (ال ) مره وحده
بتال ابتسم بتسليه :مفصله على مقاسه بالملي لاتنكر
فواز تجاهل كلامه : عمي يقول متى بيسوي تحاليل الزواج
بتال كشر : بكره الصبح
فواز : فيصل سوا التحاليل اليوم العصر هو وخطيبته
بتال فز معتدل بجلسته وهو يضحك بصوته كله :ههههههههههههههههههههههههههه
فواز تنرفز ورفع حاجبه اليسار باستنكار :خير خير وش يضحك
بتال بالقوه قدر يسيطر على ضحكته : هه هه ياخي عمك مسخره موب هذي الطرد البريدي الي ارسله لك قبل
فواز عصب وبصرخه: بتال هذي من اللحظه ذي بحسبت زوجت اخوك ومااسمحلك تكلم عنها كذا
احترم اخوك الكبير شوي
بتال كشر وتقدم في جلسته اشوي من العصبيه
: لاتصارخ علي اخوك الغبي شال عنك البيعه ومسخر نفسه بنفسه هو لو محترم نفسه ماقبل ياخذ وحده ابوها مسوي عليها مزاد وانت لومحترم اخوك مارميته هالرميه
فواز بأستفزاز يصفق بيدينه يمثل الاعجاب : برافو
طلعت فيصل البديل المغفل المغلوب على امره
بس لاتنسى انك خطبت من نفس العم واخت الي خطبها فيصل ولنفس السبب
بتال رجع لعدم المبالاه هز اكتافه باستخفاف : الي رشحها لك كانت احلام ماهي زوجتي
فواز توسعت عيونه بتعجب بعد مالاحظ كيف صرح باسم خطيبت فيصل وكنى عن زوجته : يقال انك تغار الحين وانت لك ساعه تمسخر اخوك وزوجته
وبجديه بتال لاتتوقع انك بتتمسخر من احد ويحترمك وفيصل اخوك الكبير وله حق الاحترام والحشيمه
بتال زهق منه وحس انه اعطاه اكبر من حجمه :
اقول تراك اقرفتني لك ساعه تقرق على راسي متى بتقلع من عندي كرهت نفسي وانا مقابل خشتك
فواز سحب اشماغه واعقاله من على راسه بحركه وحده ورماها على ابعد كنبه عنه :توني مابديت الجلسه بعد اشوي باتصل بفيصل يجيب لنا عشاء
ويجي نسهر عندك ويمكن تعجبني السالفه واسوي فيها زعلان من بنت مخلد وانام عندك وفي غرفتك وعلى سريرك
فز بتال واقف : احلم على قدك لو تموت ماخليتك تنام عندي
فواز اعتدل في جلسته : معناته تعشينا انت على احسابك
بتال بتفكير : في مطعم ؟!
فواز بضحكه : هههه مشها على غيري تبي علشان تعشينا المغرب وتهج وتخلينا في المطعم لاحبيبي
العشاء هنا عندك وعلشان ماتموت علينا انا بطلبه على احسابي بس دامني متخسر متخسر باعزم صالح ولد عمتي وابو نسب فهيد يعني بالمره تضبط العلاقات مع اخو امل قال اسمها متعمد
بتال نفخ بزهق : ياشيخ ياليت ابوي رقد هاك الليل
فواز فرط ضحك وقلبها عليه :هههههههههههههههههههههههه انا اشهد ان حصوص كانت تصارع شياطينها
______________________________

بيت مشعل في وقت سابق من نفس اليوم
اطلعت من غرفتها بعد ماصلت العصر شافت العيال يركضون في الصاله يلعبون وقفت شذى
:حبيبتي شذو روحي لأمك وقولي لها ام يزن تعزمها
للقهوه
شذى ابتسمت لياقوت : طيب
وراحت افتحت باب غرفة امها وادخلت عندها
ياقوت راحت لخالتها لقتها باقي جالسه على سجادتها تسبح انتظرتها لحد ماخلصت
: خاله ام يزن تعزمك للقهوه
ام مشعل التفتت على ياقوت : انتي بتروحين
ياقوت : احتري مشعل يرجع من الصلاه كان سمحلي رحت
ام مشعل : وشاديه
ياقوت : مدري عنها ارسلتها شذى تعلمها
: وش تسوون
التفتو على الباب وشافو مشعل واقف عليه
ياقوت بأبتسامه :سر بيني انا وخالتي
مشعل دخل وتقدم لامه حط راسه على رجلها وانسدح على اظهره واهي باقي على سجادتها : يمه علميني انتي وش تسوون من وراي
ام مشعل بحنيه : ماغير ام يزن تعزم للقهوه
مشعل يناظر في وجه امه فوق راسه : وبتروحون
ام مشعل : ان تسانك سامحن لنا رحنا
مشعل اخذ يدها باسها : افا انتي تستاذنين مني
يمه انتي تامريني امر
ام مشعل هزت راسها تأشر على ياقوت : حرمتك الي تحتريك علشان تاخذ منك الأذن وانا معها كان راحت رحت
ياقوت اسبقت مشعل قبل يتكلم : اذا انت بتقعد في البيت دقيت عليها واعتذرت منها
مشعل : لاماعليكم روحو انا بقعد مع العمال اشرف على شغلهم
ياقوت : اجل شفني زهبت اقهوه وشاهي ومجهزه
كيك وعصير في المطبخ تقهو وقدم للعمال
مشعل :ممتاز اجل بدق على عبد الله اذا موجود يجي يتقهوى معي في الحوش
طلع جواله ودق على عبد الله اما ياقوت قامت وراحت تلبس وتلبس اعيالها علشان يروحون لام يزن
في بيت عبد الله اوصلت ياقوت وخالتها واستقبلتهم ام يزن بحفاوه وشافت ان جاراتها كلهن موجودات سلمت عليهم ببشاشه واهي تعرف الجميع على ام مشعل والكل يبارك لها بعد ماخلصن مسلمات اجلسن ام يزن : علمتي ام ثامر
ياقوت : ايه يوم كلمتيني كانت في غرفتها وارسلتلها شذى تعلمها
ام مشعل : انا نشدتها تقول الي يبيني يكلمني على جوالي
ام يزن باحراج : مادريت انها بتزعل كذا انتم كلكم في بيتن واحد قلت لاعلمت وحده تسدني عند ربايعها
وحده من الحاضرات : ماعليتس منقود يام يزن هذا سلمنا كلنا ودامهن في بيتن واحد ماله لازمه اعزم كل واحد عزيمه خاصه له
ام يزن تلتفت على ياقوت : عطيني رقمها بكلمها
ياقوت : مهوب معي رقمها
ام مشعل طلعت جوالها ومدته على ياقوت : دوتس طلعيه من جوالي
ياقوت اعطت ام يزن رقم شاديه من جوال عمتها
ودقت عليها ام يزن وبعد السلام والمجاملات
: اجيني للقهوه يام ثامر انا موصيه ياقوت تعلمتس
مادريت انتس زعول
شاديه : اولا انا ماعترف بعزيمه غير الي تجيني على جوالي مباشره وثانيا ياقوت ماعلمتني بعزيمتس
ام يزن اعرفت انها تكذب لانها تعرف ياقوت زين
دامها قالت ارسلت لها البنت معناها ارسلتها حست ان هلانسانه فيها خبث : هذا انا عزمتس بنفسي والجلسه توها في بدايتها تعالي تقهوي معنا
شاديه : خلاص بأجي
انتهت المكالمه
ام يزن ميلت راسها على ياقوت الجالس جنبها :تقول ياقوت ماعلمتني
ياقوت توسعت عيونها وبنفس الهمس : والله اني مرسله لها بنتها تعلمها حتى خالتي مرتها قبل نطلع وقالت ام يزن تعزمك للقهوه بتجين والا
ام يزن : الله يعينك ضرتك ذي كذوب انتبهي لاتقلب راس مشعل عليتس بالكذب
ياقوت : مشعل يعرف اني ماقول الاالصدق ومستحيل يحكم علي في شي قبل يسئلني
ام يزن : في كل الحالات خليك حذره
ياقوت بدت تفكر في حالها مع مشعل وشاديه هل سياست الصمت الي تتبعها مع شاديه صح او لا
كلها دقايق وجتهم شاديه الي كانت متجهزه من قبل واهي متوقعه ان ام يزن بتكلمها بنفسها بعد ماتقولها خالتها انها ماتجي الابعزيمه مباشره
كانت محتاره تتصرف بطيبعتها والاتكون رسميه معاهم لانهم جيران ياقوت من الاساس واكيد الحين حاقدين عليها عشانها ضرتها الحريم اعتبرن وقفة شاديه عند مدخل المجلس واهي تشملهم بنظره بانوراميه شي من التكبر لأنهم اوقفو لها واهي باقي
واقفه مايدرون انها كانت تفكر من غير ماتنتبه ان وقفتها غلط تقدمت ام يزن لها واهي ترحب فيها
وتسلم عليها مما ردها لارض الواقع كملت تسلم على الحريم ببرود واهي تحس ان كل شي حولها يخص ياقوت وكأنها هي الزوجه الثانيه مشعل ماتزوج عليها وبس الانزعها من محيطها الطبيعي
وحطها في محيط جديد كل مافيه يخص ياقوت
حست بنار الغيره تحرق قلبها ارفعت راسها لياقوت
شافتها تسولف مع الحريم باندماج واضح وماهي يمها معقوله هي ماتغار مني زي مااغار منها ليه احس انها ولاهي مهتمه بوجودي غريبه هالحرمه
مدري كيف تقدر تنبسط وتسولف ! وليه ماتنبسط
واهي اسرقت زوجي مني اكيد بتنبسط ارمله وعندها اعيال وتاخذ واحد مثل مشعل اكيد بتطير من الفرح اخ بس كله من الوصخ عبدالله اكيد هو الي حشرها في راس مشعل علشان يفتك من مسؤلية اعيال اخوه
:تقهوي يام ثامر ورا منتي بمعنا
شاديه : ها لا معكم معكم هذا انا اتقهوى
بدت تسولف شاديه مع الحريم ببرود ومبين عليها الضيق مما خلى انتباه الحريم يرجع لياقوت بما انها تسولف وتمزح مع الكل
بعد مارجعن حريم مشعل للبيت شاديه ادخلت غرفتها واهي مازالت تفكر في وظعها صديقتها احرقت الجوال تدق واهي ساحبه عليها تحس انها مشوشه وماهي عارفه وش تبي كلام ام يزن وام غانم في ذاك اليوم الي جوهم فيه عن الصديقات وحدود التعامل معهم خلاها تعيد حساباتها وترجع
تقرر انها تحتفظ بمشاكلها لنفسها بس المشكله الحقيقيه انها ماهي متعوده تواجه مشاكل كبيره
كذا ومشعل تحس انه بدا يبعد عنها معقوله ياقوت
قدرت تخليه يحبها ادخلت عليها شذى قاطعه هواجسها : يمه تعالي ذاكري لي عندي واجب ماعرف احله
شاديه شافت انها تشغل نفسها مع شذى احسن
: يالله جايه
راحت اجلست في الصاله وبدت تذاكر لشذى
ياقوت كانت في المطبخ تغسل المواعين حق قهوة
مشعل والعمال
محمد شاف شاديه تذاكر لشذى تحمس انه يذاكر مثلها راح جاب شنطته وجلس جنبهم واهو يفتح
الشنطه ويطلع كتابه بحماس ويمده لشاديه
:خالتي شوفي الواجب حقي
شاديه التفتت عليه بكره : وانا وش دخلني في واجباتك قم رح عني وراك هذا الناقص بعد اذاكر لعيال خلق الله
محمد وشذى انصدمو من كلام شاديه وعصبيتها
محمد زعل واخذ شنطته وكتابه الي طلعه وبعد
عن شاديه لاخر الصاله
شذى باستغراب : ماما خاله ياقوت تذاكر لي مع محمد
شاديه بغظب : انطمي انتي وخليك في واجبك
ياقوت مازالت في المطبخ والاتدري عن الي صار
محمد راح لأمه : يمه تعالي ذاكري لي
ياقوت : ان شاء الله دقايق بس اخلص شغل واذاكر
لك
محمد نزل راسه بحزن وياقوت معطيته ظهرها ماشافت وجهه :يمه خاله شاديه هاوشتني
التفت ياقوت على محمد بشهقه : ليش هاوشتك
محمد : علشان قلت لها تذاكرلي مع شذى
ياقوت خربطت شعره بيدها واهي تبتسم له عشان تهون الموضوع عليه : حبيبي انا بس الي اذاكر لك
ولاتزعل من خاله هي بس مصدعه شوي علشان كذا عصبت
ارجعت تشتغل : اقولك شي اجلس على الكرسي
وسمعلي النشيد الوطني حفظته مضبوط والالا
محمد تحمس وسحب كرسي من كراسي طاولت المطبخ جلس عليه وبدى ينشد
ياقوت بدت تنشد معه واذا جاء في يدها ملعقه والاسكين تقعد تطبل فيها على المغسله قبل تغسلها محمد انبسط واهو يشوف امه داخله معه
جو وتنشد وتطبل صار هو بعد يطبل على طاولت المطبخ
شذى اسمعت صوت الانشاد في المطبخ وتحمست تبي تروح تنشد معهم فزت واقفه
شاديه بحده :خير خير وين رايحه
شذى : بروح انشد مع محمد وخاله ياقوت
شاديه بكره : اقول اجلسي مكانك والااشوفك تلعبين مع محمد ذا وياقوت ماهي خالتك
ثم ارفعت صوتها علشان ياقوت تسمعها يازفت ياطقاقه انتي فكينا من الازعاج خل البنت تذاكر
ياقوت في المطبخ اسمعت اصراخ شاديه وكانت
بتطلع ترد عليها لولا انها اسمعت صرخت مشعل
الي كان دوبه داخل وشاف الي صار من اول ماقامت شذى :انتي واخرتها معك متى بتسنعين
ووشلون تقولين للبنت كلام زي كذا
شاديه بقهر : بنتي وكيفي مابيها تختلط بالناس القرف ذولا
مشعل اوصلت معه تقدم لها وقف قدامها مرخي راسه عليها وصرخ عليها بغضب : والله ماقرف الاانتي واخرتها معك ترا كبدي طقت منك
شاديه خافت منه ومالقت رد على كلامه حست بخنقه وقهر منه حمر وجههاوسالت ادموعها على خدها
مشعل حن عليها اول ماشافها تبكي زفر بضيق واستدار على شذى مسكها بيدهاوراح للمطبخ شاف ياقوت ماسكه محمد وقاعده تهديه وتبرر له الصراخ الي برا
مشعل مد يده اتجاه محمد : حماده تعال انا بذاكر لك انت وشذى
محمد ابتسم وجاه
ياقوت : وش تبيني اسوي عشاء
مشعل : لاتسوين شي بجيب عشاء من المطعم
في تالي اليل بعد مانامو العيال
ياقوت ضبطت جلسه ارضيه في غرفة نومها وسوت شاهي وجابت معه مكسرات وكيك واجلست
واهي لابسه بجامه ناعمه وجميله مشعل جاء جلس قدامها واهو مستغرب : ها وش عندتس مع الشاهي الليله
ياقوت ابتسمت واهي تصبله كاسة شاهي وتمدها عليه : ابد بس ودي نقعد على رواقه ونسولف مع بعض
مشعل ابتسم : حلو ووش نوع السوالف
ياقوت غمزة له بعينها بدلع : احلا السوالف الي تكون عنك
مشعل يرد لها الغمزه بشبه ضحكه : بس انا ابي السوالف تكون عنتس انتي
ياقوت اتسعت ابتسامتها ونزلت راسها بخجل : ابي اعرف عنك كل شي كل السنين الي انت عشتها قبل لااعرفك ومن غير مايكون لي فيها وجود انا اعتبرها
خساره لي لانك بجد اجمل شي حصل في حياتي
علشان كذا انا اغبط كل انسان كان في حياتك السابقه واتمنى لو كنت انا مكانه
مشعل اعجبه كلامها وبدا يحكيلها ذكراياته واهي تحكيله ذكراياتها ومر ليلهم بسوالف وضحك ومزح
ثم طلب مشعل من ياقوت تقيس الملابس الي اشتروها من السوق وكملو سهرتهم باستعراض
ورقص واغراء كانت ليله مختلفه بالنسبه لمشعل
يحس انه بمجرد مايدخل غرفتها ينفصل عن العالم الخارجي وتصير مركز اهتمامه مثل ماهو مركز اهتمامها وينسى كل شي غيرها حتى شاديه صار ينساها في حضور فتنته ياقوت
___________________________
في اليوم الثاني
وقف فيصل سيارته قدام بيت فواز نزل وسكر الباب
واهو يأشر لنايف الي كان طالع من بيتهم بيركب سيارته
نايف ابتسم بود :هلااااا فيصل وشلونك
سلم عليه فيصل بحراره : هلابك الف الحمد لله بخير وشلونك انت
نايف : نحمد الله اقلط اخذلك فنجال
فيصل : تكرم مالي فيه بس بغيتك بسالفه
نايف : اسلم
فيصل بجديه : نايف انا ملاحظ ان العلاقه بينك انت فواز اخوي ماهي ذاك الزود
نايف ماتوقع ابدا ان فيصل ممكن يفتح معه مثل هالموضوع اجمدت ملامحه واكتسى بالبرود
: والمطلوب
فيصل ماقدر يستشف اي شي من ملامح نايف تحول لقالب ثلج موب قادر يوصل لاكثر من الي يقوله له : انا ماراح اناقش موضع علاقتكم بس اتمنى ان اي خلاف بينكم مايمتد لغيركم
نايف بجمود : القصد
فيصل : فواز بيخطب اختك وخالتي نوره اشترطت عليه انك توافق قبل نجيكم خطابه بشكل رسمي
نايف بنفس النبره : اها وفواز مرسلك تاخذ رايي
فيصل مايدري ليه اسلوب نايف البارد استفزه وبنظرة تحدي : اكيد لا فواز الي يبيه ياخذه من غير مايحسب احساب احد
نايف عصب : ومتوقع اني انا الي احسب احساب لفواز
فيصل : اكيد لا لاانت تحسب احسابه والاهو يحسب احسابك وخالتي واختك هم الي راح يدفعون ثمن خلافاتكم
نايف : قل هالكلام لاخوك
فيصل : وانا اخترت اقوله لك انت
نايف سكت دقايق يفكر ثم تكلم ببرود : يوم الخميس افتتاح مشروع نواف وبعده مباشره راح اسافر لمده عشره ايام عندي جولت عمل بين اليابان والصين
فيصل اتسعت ابتسامته : رحله موفقه
نايف استدار لسيارته ركب ومشى من غير والاكلمه زياده

______________________
في بيت غلاب
سكرت ام غلاب الجوال واهي تلتفت على رجساء وام ريان : ام سفر تسلم عليتسن
: الله يسلمها
رجساء : وش عندها كني سمعت طاري زواج
ام غلاب : تعزم يوم الجمعه الجايه على عرس بنتها نوف
ام ريان باستغراب : وش هالعرس الي جاء فجأه
ام غلاب : تقول ولد عمها راجعن من الحرب ماعنده غير اشهرين اجازه وبيتزوج وياخذ اجازته من اولها
رجساء : ياعيشتن قشراء بيعرس ثم يروح للحرب
ام غلاب بجديه : عاد وش يسوي واجبه ولزومن عليه يقومبه
ام ريان : زين انها اعزمتس قبل تكلمينها عن خالد
ام غلاب : اخذتها من فمي يوم بغيت انطق لهي تقول نوف زوجناها ونعزمكم على عرسها
رجساء : هالحين يبيلنا ندور لخالد عروس
ام غلاب : بيرزقه الله
: ياولد
رجساء : اصبر دقيقه
ام ريان فزت واقفه اخذت طرحتها ونقابها البستهن
والتفت بجلالها وارجعت تجلس
: ادخل
دخل نواف وجلس جنب امه : السلام عليكم
: وعليكم السلام
رجساء صبت له فنجال قهوه ومدته اله
اخذ الفنجال والتفت على امه الي تكلم معه
ام غلاب : اخت حرمتك الي كنا بنخطبها لخالد اعرست وعرسها يوم الجمعه
نواف باستغراب : وش هالجواز الي محد درى عنه
ام غلاب : ولد عمها واخذن اجازه من العسكريه بيعرس ويرجع
نواف : الله يوفقهم اجل من اليوم بدور قاعه لزواجي بعد اسبوعين والاثلاثه
رجساء اشهقت : لاعاد وش اسبوعين مايمدينا نسوي شي
نواف بعدم مبالاه : يمدي وزود باتفق مع شركة
تنظيم حفلات يجهزون العرس واريح راسي
ام ريان : بس العروس يبيلها تجهيز وحجوزات كوافيره وشغله طويله
نواف : الي جهزو عروس في اسبوع يقدرون يجهزون الثانيه في اسبوعين وبعدين المهر قيدني عطيتهم اياه الاسبوع الي راح
ام غلاب : حتى لونك معطيهم المهر ماعلمناهم ان العرس اقريب
نواف : بشوف اخواني اليوم وبندور قاعه واذا اتفقنا على موعد محدد دقيت على عمي ابو سفر وعلمته
ارجعو يتقهوون بصمت ........
نواف : خالد من بتخطبون له
ام ريان : اخذوله من خواله
ام غلاب بقهر : والله ماعاد ياقفون على بابهم خطابه
رجساء : لااله الا الله تعوذي من ابليس يمه مهما صار يبقون خوالنا
نواف : اذا علشاني تراني نسيت السالفه بلعكس في خاطري اشكر خالي على رفضه لومارفضني بهالطريقه والاكان ماحصلت نجلاء
ام ريان بضحكه :ياقو قلبك يانواف مدري اشلون تجريت تخطب من واحد معطيك بنته في ورشة سيارات
نواف تذكر مكالمت عمه ونجلاء : هههههههههههه
انصدمت يوم قال عطيتك بنتي مابقى خاطرٍ شين مامر في راسي
ام غلاب : هاك الليله بغت تظهر علي روحي مع حلقي من الغبنه مارتحت لين شفت البنت وهرجت معها الله يسعدها من بنت تسانها تشرح الصدر
ام ريان : انا شكلي بخطب بنيتهم الصغيره لريان من هالحين
نواف بضحكه : هه اقول توكلي مابقى الابزرك يصير عديلي
رجساء : احسن شي ابناخيك وعديلك وش تبي اكثر
ام غلاب : مااعيال عمها بتاركينها الكم احمدو ربكم يوم فزتو بوحده منهن
نواف : شفتو كيف عروستي نادره محد يلقى زيها
رجساء بضحكه : ههه ماغير دعاوي امي لك
ام ريان بمزح : عاد خالتي ماتعرفنا بالدعاءكنها ماجابت الانواف
نواف بغرور : ومن فيكم مثل نواف علشان امي تدعيله
ام غلاب بابتسامه : انا ادعيلكم كلكم مير نواف اسمه على طرف الساني
نواف ضحك بسعاده واهو يغايض رجساء وام ريان
ويخم راس امه يبوسه : يابعدهم كلهم يالي اسمي على طرف السانه

_____________________________

******************************************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 204
قديم(ـة) 11-01-2018, 01:52 AM
صورة أم نووور الرمزية
أم نووور أم نووور غير متصل
©؛°¨غرامي جديد¨°؛©
 
الافتراضي رد: روايتي الثانية :تجاعيد الزمن


السلام عليكم كاتبتنا الجميله نبض…
تسلم ايديك يارب على هـ البارت الجميل…
شاديه ومشعل وياقوت…
ويستمر مسلسل غباء شاديه مدري متى تتعدل وتتعلم…
تفكر ان حب مشعل راح يشفع لها لا مافي شي يدوووم وراح يروح مع الوقت…
ياقوت راح تاخذ قلب وعقل مشعل بتصرفاتها الحكيمه…
ويكفي انها شايله امه ومحترمتها…
نوف وماجد مبروووك مقدماً…
فواز وامه ونايف والخطبه ياترى وش راح يصير… متشووقه اعرف التطورات…
وخالد من راح تكون سعيدة الحظ ..
اقوول يانبض العسل شكلك مطووله على ماتعرسين اعيالنا وشكلك مخططه على عرس جماعي…
ترى نبي نفرح مع ابطالنا…
وننتظر المزيد من ابداعك…
وربي يحفظك ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 205
قديم(ـة) 11-01-2018, 08:37 PM
صورة نبض افكاري الرمزية
نبض افكاري نبض افكاري غير متصل
©؛°¨غرامي فعال ¨°؛©
 
الافتراضي رد: روايتي الثانية :تجاعيد الزمن


اقتباس:
المشاركة الأساسية كتبها أم نووور مشاهدة المشاركة
السلام عليكم كاتبتنا الجميله نبض…
تسلم ايديك يارب على هـ البارت الجميل…
شاديه ومشعل وياقوت…
ويستمر مسلسل غباء شاديه مدري متى تتعدل وتتعلم…
تفكر ان حب مشعل راح يشفع لها لا مافي شي يدوووم وراح يروح مع الوقت…
ياقوت راح تاخذ قلب وعقل مشعل بتصرفاتها الحكيمه…
ويكفي انها شايله امه ومحترمتها…
نوف وماجد مبروووك مقدماً…
فواز وامه ونايف والخطبه ياترى وش راح يصير… متشووقه اعرف التطورات…
وخالد من راح تكون سعيدة الحظ ..
اقوول يانبض العسل شكلك مطووله على ماتعرسين اعيالنا وشكلك مخططه على عرس جماعي…
ترى نبي نفرح مع ابطالنا…
وننتظر المزيد من ابداعك…
وربي يحفظك ..




وعليكم السلام ورحمة الله وبركاته

الافراح قادمه لاتستعجلون هذي هي نوف بتعرس وبعدها نجلاء ونواف والخير قادم

عموما طلائع النهايه بدت تلوح

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 206
قديم(ـة) 12-01-2018, 11:15 AM
صورة اميرة الغرور الرمزية
اميرة الغرور اميرة الغرور غير متصل
©؛°¨غرامي متألق ¨°؛©
 
الافتراضي رد: روايتي الثانية :تجاعيد الزمن


هلاا وغلا بالغالية
اولا جمعة مباركة
باارت حلو بس مافيه احداث كثيرة
وماجبتي حس للعنود اليوم ومواقفها مع نايف بعد الخطبة ههه
اااام كنت احسب نوف لخالد بس يالله يمكن يموت ماجد بالحرب وتتزوج خالد هههههه (شريرة انا)
شادية اغبى من تصرفاتها ماشفت وراح تكون هي الخسرانة اذا ما عدلت اسلوبها
ننتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 207
قديم(ـة) 13-01-2018, 05:18 PM
صورة نبض افكاري الرمزية
نبض افكاري نبض افكاري غير متصل
©؛°¨غرامي فعال ¨°؛©
 
الافتراضي رد: روايتي الثانية :تجاعيد الزمن


اقتباس:
المشاركة الأساسية كتبها اميرة الغرور مشاهدة المشاركة
هلاا وغلا بالغالية
اولا جمعة مباركة
باارت حلو بس مافيه احداث كثيرة
وماجبتي حس للعنود اليوم ومواقفها مع نايف بعد الخطبة ههه
اااام كنت احسب نوف لخالد بس يالله يمكن يموت ماجد بالحرب وتتزوج خالد هههههه (شريرة انا)
شادية اغبى من تصرفاتها ماشفت وراح تكون هي الخسرانة اذا ما عدلت اسلوبها
ننتظرك
ياهلا ومرحبا وحياك الله

بترجع العنود قريب خالد جايه رزقه لاتستعجلون عليه
وجهزو فساتينكم العروس جايه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 208
قديم(ـة) 15-01-2018, 06:27 PM
صورة نبض افكاري الرمزية
نبض افكاري نبض افكاري غير متصل
©؛°¨غرامي فعال ¨°؛©
 
الافتراضي رد: روايتي الثانية :تجاعيد الزمن


البارت السابع والثلاثون


يوم افتتاح مشروع نواف مقر المشروع
خالد ماسك جواله يصور حدث الافتتاح اسناب
: زي ماانتم شايفين لحظة قص الشريط اوصلت
ومقص الافتتاح مع العم ابو سفر طبعا ابو سفر هو ابو زوجت نواف ونواف اختاره بذات علشان يقص
شريط افتتاح مشروعه لانه لمى تقدم لبنته خطبها
كاميكانيكي بسيط وماقاله عن مشروعه لانه يبي يتزوج انسانه تتقبله لذاته وببساطة شغله بعيد عن البهرجه وابو سفر ماقصر ابدا رحب بنواف وزوجه بنته قاعد اقول هالقصه للي يسئلون ليش الي يقص الشريط من برا عائلة ال مخلد

الافتتاح كان قمه في التنسيق والجمال ال مخلد كلهم حاضرين الافتتاح يصور لايف على سناب خالد ونايف وياسر وريان بالاضافه لسنابات اصدقائهم فواز وفيصل متواجدين يعرفون بمحلهم
ومعهم صالح وفهيد ومشهوروبتال بعد ماسحبه فواز معهم غصب
ابوسفر كان جدا سعيد ان زوج بنته قدمه وطلب منه يفتتح مشروعه رغم ان عمامه موجودين واهم اولا منه بهالتكريم سفر واعيال عمه حاظرين وحدهم مبسوطين بتعرفهم على عائلة ال مخلد وعلى نسبهم المشرف عمام نواف خالد وصالح فرحتهم بولد اخوهم لاتوصف وحدهم فخورين فيه
تعب واجتهد وبنا نفسه من الصفر وهذا هو يفتتح مشروع كبير ويشغل مجموعه من الشباب السعودي معه عمل مشرف من جد ...........صالح رفع يده لعيونه يمسح دمعه سالت على خده وهويتذكر اخوه المرحوم ويتمناه معهم في مثل هالفرحه غلاب ماهو عارف كيف يعبر عن فرحته
يحس السعاده تتفجر في صدره ينابيع واهو يشوف نجاح اخوه الصغير قاعد يمشي مع اخوانه وعمامه واعيال عمه واهو يذكر الله ويسمي ويدعي الله بالتوفيق لاخوانه
كل فرد في العائله قاعد يعبر عن فرحته بطريقته كل من له احساب في السناب شات قاعد يغطي الافتتاح في سنابه حتى البنات قاعدات يطلبن من فراس وهاني يرسلون لهن مقاطع الافتتاح واتس اب وينزلنه سناب غلاب تكفل بالعشاء بعد ماتنتهي
مراسم الافتتاح ينتقلون لاستراحه يتعشون فيها
مفاجأت الحفل كانت حضور خوال نواف كلهم بما
فيهم الخال الي ارفضه ونواف واخوانه استقبلوهم
احسن استقبال وكأن شي ماصار وكانت هديتهم لنواف سياره فخمه اخر موديل عمامه واخوانه كانت هدايهم مبالغ ماليه علشان يدعمون مشروعه
بنات العائله ارسلو له باقات ورد وسلال ضيافه يستقبل فيها اضيوفه ام غلاب تكفلت بمصاريف
الشركه الي نظمت الافتتاح وسوت له الدعايه والاعلان التلفزيوني اعيال غلاب جهزو مداليات
مفاتيح مطبوع عليها شعار المشروع كهدايا لضيوف الحفل طبعا بتمويل من ابوهم
________________
متابعات افتتاح مشروع نواف
حريم ال مخلد متجمعات في بيت غلاب الحريم في الصاله والبنات في غرفة روان
رجساء قربت من امها بفرح واهي تمد الجوال قدام عينها : يمه شوفي من جاء يبارك لنواف
ام غلاب فزت بفرح ونزلت من عينها دمعه واهي
ماهي مصدقه الي تشوفه : خوالتس يابنت هم ..هم
رجساء اضحكت بوناسه على فرحت امها : ايه يمه هم كلهم جايين وجايبيله سياره هديه
ام غلاب بفرح يتعاظم في صدرها : تقولينه صادقه
ام ريان طلعت السنابات الي انعرضت فيها السياره
وخواله يسلمونه المفتاح : شوفي ياخاله هذي صورت نواف مع خواله واهم يسلمونه المفتاح والسياره شوفيها الي وراهم
ام غلاب اخذت جوال ام ريان وصارت تعيد السنابه
تشوف اخوانها مع ولدها وحدها سعيده ان الخلاف الي بينهم انتهى
ام نايف بضحكه تمد يدها لام غلاب : هاتي الجوال
بنشوف حنا بعد يعنني شفت اخواني
نوره تضحك : هههه خذي شوفيهم على سناب فواز
وخليها تكحل عينها دخيلك من الحسد
ام نايف تلف على نوره تفرج معها : مانا بحاسدينها
بس بنشوف زي ماتشوف هذولا اخوان فواز
نوره تاشر على الشباب واحد واحد : هذا فيصل اكبر اخوان فواز وهذا بتال اخوه الي اصغر منه وهذا فهيد ولد عمهم وهذا صالح ولد عمته الي دايم تجيني
ام العنود ازحفت يمهن وريني اخوان فواز
لفت نوره جهت ام العنود وبدت تفرجها .....
عند البنات
قاعدين يتابعون سنابات الشباب الي تبث حركت نواف داخل المشروع والتعريف باقسامه بدى من ورشة التصليح ثم انتقل لقسم التعديل على السيارت بعده انتقلو لقسم التنظيف ثم انتقلو لمحل قطع الغيار الي كان واقف على بابه فواز وفيصل واهم الي بدو يعرفون بمحلهم
العنود تاشر على فيصل : روانوه شوفي شبيه فواز
روان بتهريج تسوي نفسها تبكي وتمسح ادموع وهميه : بنت عمه المجرمه اخذته مني
العنود بضحك : اف متوحشه كيف اخطفت الحليوه ذا منك
اضوى بمزح : اوح اوح عند نايف ياعنيد
العنود تمثل الهلع وبشهقه مسطنعه :امزح امزح
من زينه عاد شبهه ويلوع الكبد بعد
ريماس : يالهبله دامك حاطه عينك عليه كان قلتي لعمتي نوره تحجزه لك
روان اسحبت فنجال فاضي من الطوفريه الي قدامها وارمته على ريماس : صدقت المخفه صدقت
اضوى : بنات تدرون ان ليالي انخطبت لولد عمها
واتوقع انه واحد من الي مع فواز في محله
العنود : ادري اصلا يوم قالت لنا عمتي نوره من اشوي كنا كلنا موجودين بس هو اي واحد فيهم
قربن البنات على جوال روان الي كانت فاتحه سناب ريان ويصور من داخل محل فواز روان تأشر : ذا فيصل
اضوى اشرت على واحد ثاني : وذا بتال اخو فواز الثاني قيد مره شفت صورته في جوال عمه نوره
جمانه : معناته خطيب ليالي ياذا ياذا

عند ام سفر وبناتها
نوف توري امها سناب سفر : يمه شوفي خلو ابوي يقص شريط الافتتاح
نجلاء حدها سعيده ان نواف اختار ابوها يفتتح مشروعه بس مستحيه واتابع على الصامت
ام سفر : بيض الله اوجيهم عز الله انهم اجواد
نوف بحماس : واو نجلاء حمولتس يهبلون
ابتسمت نجلاء وماعلقت
نجد : دام عنده ورشه ومحلات وخير ليه يوم جو يخطبون قالو انه ميكانيكي
نوف بجديه : انا سئلت بناتهم في السناب وقالو انه
يبي الي تاخذه تكون راضيه بشغلته الي هو يحبها
وماتاخذه علشان الفلوس تخيلي بنت عمه ارفضته علشان شغله ونفس الشي بنت خاله
ام سفر : رزقه ربي بالقنوع الي ترضى بالقليل
نجد : اي والله ان نجوله نواياها دايم زينه شوفو وشلون ربي رزقها
التفتو على نجلاء وابتسمت لهم بخجل : خير ليش
تبحلتزون فيني
:ههههههههههههه
اضحكن على خجلها كل مايجي طاري العرس مع انها في الامور الثانيه اجراء وحده فيهم بس تجي سيرة العرس تضيع اعلومها

عند حصه وبناتها
ليالي ونغم يتنقلون بين سنابات فيصل ومشهور
ويفرجن امهن معهن
ليالي بحماس : يمه شوفي الحين رايحين لمحل العيال
حصه اشرق وجهها بسعاده واهي تشوف فيصل
يتكلم عن المحل وبتال ومشهور جنبه
: يازين هالوجه وراعيه الله يوفقهم يارب ويصلح حالهم هو بتال معهم في الشغل
ليالي : لايمه المحل بين فواز وفيصل بس بتال حاضر معهم الافتتاح
اسيل : اسناب فواز موب معك ليالي
ليالي : الا معي بس فواز مايعطي السناب وجه
تخيلي من اليوم ماصور الاصوره وحده
نغم ابتسمت وبتخمين : اكيد مع خاله صالح
ليالي بضحكه : اكيد الادمي ذا مهوس بشخص اسمه صالح
نغم قربت جوالها من امها واهي فاتحه سناب مشهور : يمه شوفي رجل ليالي
ليالي قربت تشوف واهي مبتسمه
حصه بضحكه على ليالي : خابرته ماني بغاويته
لاملح ولاقبله
نغم واسيل قعدو يضحكون يغايضون ليالي :هههههههه
ليالي تلتفت على امها وتفتح نفس السنابه في جوالها : يمه حرام عليتس شوفي الزين شوفي الرزه شوفي الرجوله مغطي علا اعيالتس وولد رجالتس معهم
حصه تدف جوال ليالي بيدها تبعده : لونتس قايلتن غطى على بتال ومشهور يمكن نصدق اما فيصل وفواز ابعيدتن عنه يغطي عليهم
نغم بضحكه : الله الله وقمنا ندافع عن ولد نوره
حصه تنفخ على نغم : مادافعت اقول الصدق
ليالي بوناسه : ماعليه يمه مقبوله منتس فديت اخواني والله جعل محد يسبقهم والايغطي عليهم

______________________
يوم الجمعه بيت صالح بعد صلاة الجمعه
ال مخلد كلهم موجودين كالعاده ماعدا نايف الي سافر في الليل وفهاد واعياله كلهم موجودين
فهاد يوجه كلامه لصالح : يابو نايف حنا جايين نخطب بنتك اضوى لولدك فواز وانت ابخص به
منا
فواز الفرحه ماهي واسعته والابتسامه مرتسمه على
وجهه اوسع شي تعلقت عيونه بخاله صالح يشوف
ردت فعله واستغرب البرود الي لاحظه على وجهه
لاكنه فسره ان هالبرود بسبب وجود ابوه
خالد العم دق خالد البناخي بكوعه ينبهه وهمس له : اقطع عليه الخطبه واخذها ان اخذها فواز اقعدت جرح في كبد نايف
خالد : مقدر على زعل عمتي نوره ونايف طارحه من احساباته وماعليه منه
ابوالعنود : بس ماتوصل انه ياخذ اخته فواز زودها
وشكلي انا الي بوقفه عند حده
خالد : خلنا نسكت ونشوف البنت وش تقول يمكن
تسدنا الطلايب
ابوالعنود : نشوف
صالح ببرود : الله مير ايحييكم وزي ماقلت فواز اولدي وانا اخبربه من غيري وجاكم طلبكم كان البنت وافقت وهالحين اسئلها وارد عليكم
فيصل وبتال التفتو على فواز واهم ماهم مرتاحين
لصالح يحسون تغير في وجهه شي بعد الخطبه
وشافو انه حتى فواز تغير وجهه ممايعني انه حتى هو حس ان خاله فيه شي
_____
في الصاله الداخليه نوره وام نايف جالسات يتقهون
دخل عليهن صالح وجلس بصمت وقيده دق على اضوى علشان تجي كلها لحظه وانزلت اضوى من فوق وتقدمت لابوها اوقفت قدامه : وش بغيت يبه
اشرلها تجلس جنبه وجلست دخل في الموضوع مباشره من غير اي تمهيد او مقدمات : فواز خطبتس
اضوى خافت انه يغصبها عليه فزت واقفه متجاهله وجود عمتها : يبه لا تكفى يبه لاتغصبني عليه
الله يخليك يبه انا ماصدقت اني بديت اقرب اخوي نايف يمي
توقعت ان ابوها ينفجر فيها يسبها يشتمها ولو ضربها ماراح تستغرب هذا حبيب القلب فواز موب اي احد لاكن المفاجأه انها شافت ابتسامت راحه
على وجه ابوها بعد ماسمع رفضها وهذا الي خلاها
توقف ترجيها وتصنم مكانها تنتضر رد ابوها
صالح كان خايف يكون هالزواج المقص الي يقطع
اخر اخيوط تواصله مع نايف وفي نفس الوقت نفسه ماتطاوعه انه هو الي يرفض فواز اول ماسمع
رد اضوى حس براحه تستعمر صدره ابتسم لها
وفز قايم كأنه خايف تتراجع عن رايها
دخل للمجلس وعلامات الراحه واضحه عليه مما خلى فهاد واعياله يتوقعون الموافقه تقدم لمكانه
واستوى جالس وببرود واثق : البنت ارفضت
فواز عقد حواجبه : وش
صالح بثقه : انا مغصب بنتي على احد وقيد نواف خطبها قدمك وردته زي ماردتك هالحين
فهاد تبادل النظرات مع اعياله وقام : اكرمك الله
ومحد حاول يلزم عليهم بالجلسه اطلعو اعياله
كلهم معه بما فيهم فواز الي دخلهم بيته
في المجلس اشرقت الوجيه الي ثبت انها جميعا في
صف نايف
ابو العنود ماصدق ان فهاد واعياله اطلعو رفع صوته يكلم صالح واهو يخبط بيده على فخذ خالد
الي جالس جنبه : وانا اخطب اضوى للبناخي
صالح اتسعت ابتسامته وبضحكه : اخاف ان البناخي مافي خاطره خطبه
خالد ابتسم : محد يعرف الي في خاطري كثر عمي خالد الله يطول في عمرك وعمره
صالح اتسعت ابتسامته : جتك ومن غير مشاور
خالد استوى في جلسته : شاورها ياعمي هذا حق من حقوقها وانا ماني بادن حياتي مع بنت عمي بظليمه
صالح ابتسم :كفو
وتحرك بيقوم لاكن راشد لزم عليه يجلس : خلك جالس يبه انا بروح اشاورها
دخل راشد يشاور اضوى ورجع بعد فتره واهو مستانس : مبروك ياعريس
المباركات انهلت على خالد واهو مباشره التفت على نواف يتفقده بقلق نواف فهم حركت اخوه وفز واقف واهو يضحك له بفرح قرب منه بسرعه وضمه : مبروك يابوخلود الف الف مبروك
خالد فرحته بمباركت نواف له اكبر من فرحته بالموافقه على الخطبه
____________


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 209
قديم(ـة) 15-01-2018, 06:29 PM
صورة نبض افكاري الرمزية
نبض افكاري نبض افكاري غير متصل
©؛°¨غرامي فعال ¨°؛©
 
الافتراضي رد: روايتي الثانية :تجاعيد الزمن


في بيت فواز
وابوه واخوانه مازالو عنده في المجلس واهو رايح جاي قدامهم مثل الاسد الجريح وماهو مستوعب
كيف خاله صالح يرده زفر بقهر : اكيد ان الزفت نايف ورا السالفه
فيصل : نايف لو يبي يردك كان ردك في وجهك وانا مكلمه بنفسي وهذا هو تركلك المجال تخطب واهو مسافر حتى مايدخل في شي
بتال بنفخه : تراك مكبر السالفه وخير ياطير اذا صالح ردك بنات عمك موجودات وغيرهن واجد
لايكون بنته اخر حبه وحنا ماندري
: فواز خالتي نوره تبيك
التفت فواز على صوت مشهور ثم استدار طالع من المجلس لازم يشوف امه ويعرف منها السالفه
فيصل التفت على ابوه بعد ماطلع من عندهم فواز
: ليش ساكت يبه
فهاد بحسره : وش تبيني اقول اي موضوع فيه خاله صالح لاتقربونه مني انا ماصدقت انه بدى يلين من يمنا

فواز دخل على امه في الصاله شافها جالسه وحاطه عباتها جنبها على الكنب تكلم باستعجال : يمه وش
صار ليه خالي رفضني
نوره بحزم : خالك شاور البنت قدامي ومن يوم اسمعت اسمك فزت مثل المقروصه وصارت ترجى ابوها انه مايغصبها عليك لانها ماتبي زواجها منك يبعدها عن اخوها
فواز حس بنوع من الارتياح : يعني هي الي عيت
نوره بجمود : ايه هي الي عيت وصالح ارتاح انها عيت يافواز متى بتفهم ان نايف ولد صالح وابوه يحبه ومايرضى عليه انا شفت خالك بعيوني كيف كان خايف ان اضوى توافق وينحط بين خيارين اما انت والانايف
فواز زفر بقهر: الله ياخذ هالنايف ويفكنا
قاطعته امه بغضب : يهيب يهيب الله يحفظه ولايحرمنا منه تراه ولد اخوي واحبه زي ماحبك انت ومااسمحلك تدعي عليه والاتأذيه بكلمه فاهم
واذا على اضوى انا من البدايه ماكنت ابيها لك ولونك مشاورني والامعطيني اعتبار كان قلتلك من الي طول عمري اتمناها لك
فواز حس على عمره واهو يشوف امه كيف عصبت
عليه قرب منها وباس راسها : خلاص يمه لاتزعلين ترا والله ماني ناقص زعلتس انتي بعد
نوره مسكت كفه بين كفوفها بحنيه :ماني بزعلانه
بس مابي اشوفك في هالحاله فواز الي كان محتاج صالح وحنية صالح كبر خلاص وماعدهو بحاجة احد الحين انت الي الناس يحتاجونك خالك صالح
محتاج انك تقربه من اولده الي جفاه قطع قلبه
وهذا ابسط حق من حقوقه عليك ابوك كبر ومحتاج
وقفتك معه اخوانك كبرو وكل واحد عنده مشكله وهم ومحتاجينك معهم حتى خالتك حصه الي كانت تاذيني وتأذيك كبرت وخسرت قوتها وجبروتها وهالحين هي اكثر وحده محتاجتك ومحتاجه انك تلم لها عيالها حواليها
فواز غمض عيونه بألم ورجع فتحها ورسم على شفايفه ابتسامه باهته : عديتيهم كلهم الاانتي افهم من كذا انتس مانتي محتاجتني
نوره سالت ادموعها وببحة بكاء : انت روحي وحياتي وكل شي في دنيتي انت الهواء الي اتنفسه
ومن غيرك لاتحسبني من الحيين
فواز عوره قلبه من كلام امه وسحبها لصدره وحضنها : الله لايحرمني منتس انتي الي روحي وقلبي وكلي
وحتى يغير الموضوع : الاماقلتيلي من الي حاطه عينك عليها من وراي
ابتعدت نوره عن حضنه علشان تشوف وجهه وتكلمت واهي تمسح ادموعها : روان بنت حاتم
فواز بدهشه : ام السان هذي كنت ناوي اخطبها لفيصل
نوره باقناع : فيصل ماله عليها درب وهذا هو تزوج وانتها
فواز : بس هذي صديقت العنود وتكرهني ماهيب موافقه علي
نوره بجديه : الله يهداك وش هالافكار محد يكرهك
هم بس يتضايقون من امعاملتك لنايف وحتى انا اتضايق منها واذا على العنود انا متاكده انها اول وحده تقنعها فيك
فواز بجديه : ماهقيت
نوره : وان اثبتلك كلامي تترك عنك هالخرابيط وسوالف الكره والمحانك الي ماله سنع
فواز ابتسم يراضي امه : يالله هاتي اثباتك
نوره دقت على جوال العنود وحطته اسبكر
بعد السلام
نوره : عنوده فواز خطب اضوى
اشهقت العنود بروعه واهي تتخيل ردت فعل نايف
ووشلون بتكون علاقته باضوى وزوجها فواز : لا ليه
قصدي
فواز عقد حواجبه وكشر زي ماتوقع تكرهه
نوره قاطعتها : اضوى ارفضت فواز
العنود تنهدت براحه واحتارت وش تقول
نوره كملت : وهالحين بنخطبله روان وابيتس
تكلمينها قبل اذا هي موافقه خطبناها رسمي
العنود ابتسمت : افا عليتس توافق طرق من ورى خشمها
فواز توسعت عيونه بتعجب
ونوره ردت عليها بضحكه : لاعاد مانبي الغصب
العنود بجديه : والايهمتس اصلا وين تلقى مثل ولد عمتي علشان ترفض اقولتس انا حدي تحمست بسكر الحين وطيران عندها وبرسلك ردها رساله
خلي فوازوه الدب يجهز مالت عليه بياخذ صديقتي
ياويله ان ماجابها الي كل يوم
نوره سكرت من العنود واهي تضحك : هاسمعت باذنك
فواز بابتسامه : ايه سمعتها تقول مالت عليه الدب
وانتي مبسوطه انها تسب ولدك
نوره توسعت عيونها : وانت ماسمعت من كل الي انقال الا هالكلمتين هاذي

_______________

عند العنود وروان

روان : لالا ماني متخيله اتزوج الغثيث فواز
العنود : غثيث في عينتس انا بس الي اسبه تراه ولد عمتي مااسمحلتس
روان : انتي من جدتس تبيني اخذ فواز
العنود بجديه : ياسلام وليه ماتاخذينه علشاني اكرهه وخير ياطير بعمري ماحبيته ياشيخه وش عليتس مني المهم ان الرجال ماعليه كلام وشفتي
كيف ضف اخوانه وسنع امورهم مع ان امهم عذبته
وكانت سبب طلاق امه يختي رجال مثل كذا وين تلقين زيه هاليومين ولاتنسين انه تربيت عمي صالح واذا اخذتيه بتعيشين مع عمتي نوره اطيب قلب بالله وين تلقين حماه مثل عمتي نوره
روان بتفكير : هو صحيح انه من ناحيت المراجل ماعليه كلام بس استثقل طينته بعمري ماتخيلت انه يكون زوجي
العنود بجديه : اذا عشتي معه في نفس البيت بتفهمينه واحلق شعري ان ماجيتينا دايخه من حبه
روان : اخاف يبعدني عنتس
العنود : والله انه يخسي يبعدتس عني ماعليتس انا ارفس بابكم برجلي وادخل والله مايردني عنتس فوازوه الدب
روان : بقول لامي واشوف رايها قبل
العنود ازفرت بقل صبر : هالحين انا داقه الصدر لعمتي نوره وقايله لها الحين اجيب الموافقه لتس
وانتي باقي بتشاورين
روان : حتى ولو لازم اخذ راي امي
العنود اسحبت جوالها ودقت على رجساء : هلا ..رجوس ...انتي وين ..يالله بنزل عندتس انا وروان
سكرت الخط والتفتت على روان : فزي قدامي اشوف امتس في غرفة جدتس
انزلن العنود وروان لغرفة ام غلاب
ام غلاب جالسه على سريرها وممدده ارجولها قدامها ورجساء جالسه عند ارجول امها تدلكها
ام غلاب : وش عندتسن يوم جيتن تتابعن
العنود : جايتكم خطابه انا
ام غلاب ابتسمت للعنود : ومن تخطبين ولمن
العنوداشرت على روان : اخطب هالمزيونه لولد عمتي فواز ...عمتي نوره مرسلتني اشاورها واذا وافقت جو يخطبونها رسمي
رجساء اتسعت ابتسامتها : وانتي وش رايك ياروان
روان تقدمت لامها وجدتها اوقفت قدامهن : انا ابي
رايتس انتي وجدتي خاصه جدتي تعرف فواز زين وقيدتس مره قلتي انه حاقد على نايف ويفرق بينه وبين ابوه
رجساء التفتت على امها : وش رايتس يمه
ام غلاب بجديه : كل انسان في هالدنيا له اعيوب وفواز مثله مثل غيره عنده الزين والشين وزينه يطغى على شينه الرجال ماشاء الله ماشن سيده وماعنده اعلوم الفسق والردى ويكفي انه قام بخوانه يوم احتاجوه على ماجاه من امهم
والحمد لله الرجال فيه خيرٍ تسثير الله يخليه لامه
روان : يعني وش
رجساء بابتسامه : يعني وافقي
ام غلاب : اينعم وافقي مانتس بلاقيتن احسن من فواز وبتسكنين جنبنا هنيا ومع خالتس وش تبين اكثر من كذا
العنود خمت روان تحضنها : مبروك الف الف مبروك يااعز انسانه على قلبي
_____________________________________

في مساء نفس اليوم وفي استراحة عرس ماجد ونوف
ام ماجد وباقي حريم العائله واقفات عند باب الاستراحه من داخل يستقبلن اضيوفهم جاء ولد
صغير في العمر وقف قدام ام ماجد : سفر يقول
انسبانا اوصلو استقبلوهم
ام ماجد : الله يحييهم
ولفت على البنت الي جنبها عطيني ازيادت عود بحطه على الجمر البنت تقدمت لطاوله الي وارهم
واخذت منها عود اعطته ام ماجد الي حطته في
المبخره الي في يدها وانفخت عليه واهي تشوف الحريم الي ادخلن مع بعض : الله حيهم الله حي ذوي مخلد الساعه المباركه الي شاركتونا فرحنا
ياهلا ومرحبا ياهلا والله
ام غلاب تقدمت لام ماجد : الله يبقيتس
ومبارك عرس ولدكم والساعه المباركه الي عرفناكم

الاستراحه كانت معده للاحتفالات فيها صاله واسعه مصفوف فيها كراسي بنفس ترتيب المدرجات ورى بعض وقدام صفوف الكراسي الطويله يوجد منصه عريضه لرقص اما صالت العشاء عباره عن غرفه واسعه مفروشه زل فقط ويبسطون السفر عليها بترتيب ويرتبون صحون المفطحات عليها
نجد اول ماعرفت ان هذولي حمولت نجلاء قربت منهم تسلم عليهم ودلتهم على مكان المرايا علشان يعدلون زينتهم ثم ودتهم الصاله الي فيها الضيوف وجلسو كلهم جنب بعض البنات امسكو نجد يسئلونها
ريماس : وين نجلاء
نجد اضحكت تعرف ان عاداتهم غريبه على اهل نواف : تحلمون تشوفونها وانتم محددين العرس بعد اسبوعين
اشهقو البنات بقهر روان : لا لاتقولين ماهي حاظره عرس اختها علشان عرسها بعد اسبوعين
نجد هزت راسها بالإجاب : صح عليتس هي الحين
مع نوف في شقتها هي وامي بيجلسون عندها لحد
مايدخل المعرس ثم امي بتجي هنا ونجلاء بترجع للبيت
العنود باحباط : لاغش متى نشوفها حنا
نجد بضحكه : ترى حتى في عرسها مانكم بشايفينها الااذا رحتو مع المعرس لشقتهم
روان : لا حنا حاجزين لهم فندق مانهم رايحين لشقه
نجد : المهم انها مهيب جايه لمكان الحفل
روان : والله حركات شوفو وش كثر حنا متشوقين نشوفها احس جوها اثاره شي حلو شكلي بانخش
عن خالتي نوره لحد يوم العرس
جمانه : يقالها الحين بتشفق شوفتس
الجوري بضحكه : قيدها اطبعت صورتس في مخها
على وشو تخبين انتي وخشتك
العنود بفزعه : لاتنسون ان خواته باقي ماشافوها يادوب ليالي شافتها كم مره وبعد البرنسه حصوص
ماشافتها
روان بدراما : ويه ويه يامتى اخذها بشوشتها واطلع
حق خالتي نوره من عيونها
العنود بشهقه : تهقين عمتي ماخذتس لولدها علشان كذا خابرتس قشرا قالت اخليها تطلع عيون حصوص من محاجرها
رجساء كانت اقرب وحده لهن من الحريم واسمعت
كلامهن عن حصه مدة يدها بهدوء واقرصت
روان في فخذها روان خمت فخذها تحكه :اح يمه وش فيتس
رجساء : الاياقليلات الادب حصه ذي تراها في عمر امهاتكم كان ماتدرن وانتن تكلمن عنها كذا
روان مازالت تفرك فخذها امها قرصتها سم : يمه نمزح والله نمزح فديتها خالتي حصو
العنود تضحك عليها وتساسرها حتى ماتسمعها رجساء : اخ بس لو اشوف المحارش بينتس انتي وياها كيف بيصير ابي اشوف جوله وحده تكفيني عن متعت فلم اكشن امريكي
روان تشد جلستها وبهياط : بسم الله علينا ال فهاد
وش زينا الحركات السوقيه هذي ماهي مودنا والابتلقينها عندنا
__________________________
يوم السبت تمت خطبت روان وفواز بشكل رسمي
راحو ال مخلد وفهاد واعياله لعم روان واخطبوها
منه وعطاهم وغلاب اتفق مع عم روان ان الملكه تتم في بيت غلاب وعمها وافق
الخميس الي بعده تمت ملكة خالد واضوى
يوم الجمعه تمت ملكة فواز وروان ملكة اعيال فهاد وبنته ليالي قيدها تمت في وسط الاسبوع الي قبله
روان اشترطت العرس بعد سنتين لمى تتخرج من الجامعه اضوى باقي عليها كثير عبال ماتخلص ادراسه فاجلوها اسنتين بس زي بنات عمها
الخميس الي بعد ملكة خالد تم عرس نواف

_______
يوم العرس
ال مخلد في القاعه من بدري والتجهيز على اجمل مايكون عند الحريم كلهم في غرف الملابس وتحت
ايدي خبيرات التجميل ام سفر بلغتهم ان بنتها ماراح تحضر في القاعه وبتجهز وتروح للفندق
فجهزو كوشتها في جناح العرسان في الفندق

من بعد صلاة المغرب بدو الضيوف يتوافدون على القاعه في قسم الرجال المخلد واقفين في استقبال
الضيوف في مقدمة المستقبلين صالح وفي جنبه
مباشره اولده نايف وجنب نايف ابوالعنود ثم غلاب وخالد ثم ياتون البقيه فواز الي واقف مع خواله كالعاده استرق النظر لنايف وشاف خاله صالح كيف
لاز كتفه على كتف نايف ومافاته حركت يد خاله واهو كل فتره يتمسك بيد نايف وكأنه خايف انه يروح ويتركه ابعد انظره عنهم واهو يتذكر يوم راح
هو وخواله وابوه واخوانه لخطبة روان من عمها في ذاك اليوم شاف الفرحه في وجه خاله صالح بشكل لايوصف حتى انه هو الي تكلم في المجلس وخطب
لفواز بنفسه في ذاك اليوم حس بأبوت خاله صالح
ومن قلب استغرب كيف انه فراحان فيه لهالدرجه
ويوم جاه يخطب بنته كان متضايق وبشكل واضح
تصرف خاله ذا اثبت له انه فعلا ماكان يبي يزوجه بنته علشان نايف والااحد غير نايف فكر في كلام امه وحس انه فعلا صحيح وعلى مايبدو جاء الوقت الي يبتعد اشوي عن خاله صالح ويتركله مجال يستانس
في اولده ورغم انه قرر يتخلى عن انانيته ويترك المجال مفتوح بين الأب وولده الا انه مازال مايحب نايف والايحتك فيه
عند نايف كان ملاحظ نظرات فواز الخاطفه عليه هو وابوه ومستغرب كيف انه راح وقف بعيد عنهم بالعاده يتلصق وينشب في ابوه كأنه بزر تذكر
اتصال ابوه فيه لمى كان في الخارج يوم يبلغه
بخطبت اضوى لمى قاله ابوه ان اضوى انخطبت
حس بكتمه وضاق صدره مع انه مايحب فواز بس ماينكر انه رجال كفو وماراح ياقف في طريق نصيب
اخته لاكن المفاجئه لمى ابوه قاله ان الي خطبها
خالد ساعتها حس بفرحه ماكان لها شبيه الايوم خطبته للعنود بعد اتصال ابوه اتصل على خالد
وبارك له ومنه عرف ان فواز خطبها قبله وان اضوى
ارفضت فواز علشانه اهو كان احساس عظيم الي
حس فيه وقتها ماتخيل في يوم ان اخته ممكن تضحي علشانه وانها مهتمه بخاطره لهادرجه
حتى ابوه الي عرف من خالد انه كان متضايق من
خطبت فواز ماتخيل في يوم ان ابوه ممكن يبعد
فواز عن اي شي كان علشانه هو
عند الحريم كان الحفل ماشي على اكمل مايكون بدون منغصات الكل مبسوط والرقص والوناسه على اشدها
جاء وقت زفة نواف وبما انه عروسته في الفندق طلع من قاعة الرجال على الفندق سيده
الي يسوق فيه نايف وخالد وراهم على سيارته ومعه
رجساء واروى والعنود وام ريان والباقين اجلسو مع اضيوفهم
عند نجلاء في الفندق اتصل سفر في نوف وخبرهم
ان المعرس جاء البست نوف عباتها ونقابها وتأكدت
ان كل شي جاهز شغلت الاستريو على اغنية الزفه
اشويات انطق باب الجناح وافتحو كانو رجساء وروان شايلين معهم استاند الشبكه بماء انه ماشفها
في الملكه دخل نواف ومعه سفر تقدم سفر لنجلاء
باس جبينها وبارك لها اما نجلاء كانت مستحيه مره
ومنزله وجهها في الارض وماردت والابحرف تقدم
لها نواف ولمى شاف اشكثر مستحيه اكتفى بأنه يصافحها ثم استدار جلس وجلسها معه سفر وصى
نواف على نجلاء وطلب من امه واخته انهم يمشون
ام سفر تقدمت لنجلاء ونواف سلمت عليهم وباركت لهم ووصت نواف على نجلاء واطلعت مع
سفر هي ونوف هنا رجساء وروان نزلو انقبتهن
وتقدمن لنواف ونجلاء سلمن عليهم وباركن لهم بعدهن تقدمن العنود وام ريان سلمو وباركو للعرسان روان جابت استاند الشبكه ومدته لنواف
الي بدى يلبس نجلاء الدبله واهو يحاول يبعد نظره
عنها حتى مايحرجها قدام اهله بعد مالبسها الدبله
ولبسته ترك باقي القطع وقال ماله داعي تلبسهم
ونجلاء ارتاحت انها انفكت من سالفت التلبيس
اطلعن الحريم من عندهم وهنا التفت عليها نواف
بكل جسمه كانت لابسه فستان ابيض تول مشغول
بأكمام طويله وفتحت صدر صغيره نوعاما الفستان
كان ضيق ماسك على الجسم شعرها بوف بسيط من قدام ولابسه
عليه تاج كرستال عريض وباقي شعرها نازل على ورى مفكوك ومرول والطرحه مثبته من تحت الشعر
وتثبيتها جاي على الكتفين ببروشات كرستال فخمه
وتنزل بشكل ذيل طويل اطول من الفستان بشوي
مكياجها مرتب وحلو شكلها بشكل عام كان فخم
وانيق على الرغم من بساطة الفستان وبساطة خاماته نواف انبهر في جمالها ماتوقع بعد كل الرفض الي واجهه من عدد ماهو بسيط من البنات
يكون نصيبه بهالفخامه جمال ساحر وحياء نادر واخلاق رفيعه تكامل بعمره ماحلم فيه
بعد فتره من التأمل الذيذ مد يده لذفنها ورفع وجهها يمه : انا الليله اسعد مخلوق في السعوديه
مبروك علي انتي ويارب اكون عند مستوى امآلتس
نجلاء ابعدت وجهها عنه بحياء وبصوت هادي : مبروك علي انت الي يختار الدرب العسر لحياته ويمشيه لين ياصل للبيرق الي عزم انه يوصل له
وكاد انه على امور بيته اقدر والله يجعلني عند حسن ظنك في
ابتسم لها نواف بسعاده ومد يده اليمين حطها على جبهتها ودعاء بالدعاء الماثور في مثل هالحاله
وبعدها طلب منها تقوم معه يصلون ركعتين السنه
يفتتحون بها حياتهم مع بعض
في القاعه البنات ماصدقو العنود وروان ارجعو التمو عليهم يسئلونهم عن نجلاء
ريماس بحماس :بشرو وشلون كانت العروس
روان بحماس اكبر : تجنن يابنات تجنن
العنود : ماشاء الله عليها تشبه خواتها كثير بس على اجمل
جمانه : قهر ماشفناها
روان :عاد انتم حدكم تشوفون الصور
العنود : ياقلبي عليها مستحيه ماصورت كثير مع
نواف يادوب كم صوره وحنا عندهم وبعدها نواف قال للمصوره تطلع
الجوري : اما عاد قهر ليه ماخلاها تصور
روان : هي مره مستحيه ونواف يجنن مايبي يحرجها
كل شي يحس انه يضايقها يتركه على طول حتى انه مالبسها الشبكه لمى شاف يدها ترجف واهو يلبسها الدبله
ريماس : واي يادمال الي يستحون انا خلاص حبيتها رسمي
مرالزواج على اكمل مايكون وجاء الوقت الي يغادرون فيه ال مخلد لبيوتهم
نايف يلتفت على عمه خالد واهم رايحين لسيارات
:ها عمي معي
خالد : لا جاي بسيارتي
نايف يضحك : هههههه وش عنده الامير الليله متنازل لسواقه
خالد :هههه وش اسوي قرفت من اسواقة السواقين الي مثل نايف
نايف يلتفت عليه وهو رافع حاجبه وبمزح : هين وين بتروح مصيرك تجي ترجاني اركبك سيارتي
خالد : تخسي اترجاك انا ادف باب سيارتك واركب
عند هالحد كان لازم يفترقون لانهم اوصلو سياراتهم
نايف واهو يلوح لخالد بيده : تمون يابو العنود
خالد بضحكه : غصب امون
كل واحد منهم ركب سيارته خالد قدم سيارته لباب
الحريم علشان اهله يركبون ونايف ركب سيارته ومشى
عند السيارات الموقفه عند باب الحريم شاف فواز
البنات يتزاحمون في سيارت خالد ولد خاله نزل
من سيارته وراح لهم : نزل امرتي اشوف من جدك
بتحشرها مع بزارينك
في السياره من ورى جمانه تقرص روان :اخس يالفزعه
روان تحك قرصة جمانه واهي مبسوطه انه سئل عنها تحس علاقتهم مره جافه ورسميه
خالد يبتسم لفواز : مسون خير اخذ حرمتك وعمتك
معها
فواز دخل في نوبت ضحك مفاجي : هههههههههههههه هالحين انت من جدك تبيني اقول لرجساء عمه
رجساء الي وقفه عند باب السياره وباقي ماركبت
اخبطت تندت السياره بيدها تنبه فواز انها اسمعت
: تناديني عمه غصب والامافيه روان
فواز رفع انظره لها : هذا الناقص بعد ترا اخرتس بنت خالي فلا تهايطين علي وتسوين فيها عمه
خالد يبي يحرج روان : سامعه ياروان مايحترم امتس
روان : اصلا امي صغيره على قولت عمه
رجساء تشهق : الا يالخاينه حتى انتي صفيتي معه
فواز ضحك على صدمة رجساء : هههههه الحين وريني كيف بتخلينها تقعد معتس
رجساء تخبط ايدينها في بعض بقل حيله : الشكوا لله اصلا انا الخبله الي زوجتكم
فواز يناظر داخل السياره لروان : جايزه لتس الحشره اقول انزلي خلصينا امي تنظر في السياره
انزلت روان ومشت وراه وفواز التفت على رجساء
: يالله رجساء خانم امشي والا ترا بنروح ونخليتس
خالد : هههههههههه امحق ابناخي
رجساء تنفظ ايدينها لخالد : انت شفت يخلف الله علي
ثم راحت مع فواز لسيارته كان يمشي وروان وامها يمشون وراه رجساء اركبت ورى نوره وروان اركبت ورى فواز ومن اركبو السياره ماعاد تكلم معها فواز كل كلامه مع امه وامها لحد الحين ماهي قادره تتأقلم معه وتحس بصعوبه في التواصل معه مع انه اخذ الامور ببساطه مع امها الي كانت علاقته فيها سابقا رسميه الا انه موب مهتم انه يسولف معها اهي معقوله خطبته لاضوى عن رغبه فيها هي ماهو علشانها بنت خاله صالح وبس
فواز انتبه ان روان ماتسولف معهم ناظرها في المرايه شافها تناظر مع الشباك وشكلها سرحانه
رجع يسولف مع امه ورجساء وماهتم
______________
صباحيت نواف ونجلاء
صحت من النوم الساعه ثمان التفتت على نواف النايم جنبها وتذكرت كيف انه صحى اليوم لصلاة الفجر الحاله من غير ماتصحيه فرحه عظيمه اجتاحتها كونه يقوم لصلاة الفجر من نفسه هذا يعني انه محافظ على الصلاه ابتسمت بسعاده
واهي مازالت في افراشها تتأمله برضى توقعت انه راح يتكبر عليها يلمح لها ان ابوها اعطاها له عطيه
لاكنها ماشافت منه الاكل احترام وحتى لاجاء ذكر اهلها يتكلم عنهم باحترام وبشي من الفخر وكأنه يتكلم عن اهله ردد بهمس : الحمد لله الحمد لله
ياربي لك الحمد ان رزقتني هذا الزوج الطيب
قامت ادخلت الحمام وبعدها البست فستان بيج
ضيق وفيه موديل خفيف على الصدر حطت ميكب
ناعم واستشورت شعرها واتركته مفتوح على راحته
اطلعت من غرفة النوم تدور اذا فيه مطبخ تحضيري تسوي فطور لاكنها اكتشفت ان الجناح عباره عن غرفة نوم وغرفة جلوس وصاله فقط
احتارت تصحي نواف والاتخليه نايم بعد شوي تفكير قررت تجلس في غرفة الجلوس وتخليه يصحى على راحته افتحت التلفزيون واجلست تتفرج عشر دقايق وطل عليها نواف مع الباب واهو
باقي ببجامته وواضح عليه اثار النوم ابتسم لمى
شافها جاهزه واتسعت ابتسامته لمى شاف طقم الشبكه على صدرها : صباح الخير حياتي
ابتسمت بخجل : صباح النور
نواف : انا بروح البس امي دقت علي تقول بتجي هي ورجساء وام ريان بيجيبون لنا الفطور ويسلمون
عليتس
فزت واقفه واهي تحط يدها على فمها : يافشلتي
كيف اقهويهم ومافيه مطبخ هنا والفندق اكيد ان ماعندهم الاالقهاوي الاجنبيه
ضحك نواف على شكلها : هههههههههه لاتشيلين هم بيجيبون اقهوتهم معهم
قاله واختفى من قدامها رايح يبدل مايبي يحرجها اكثر
لبس نواف وتعطر ونادى بصوت عالي : نجلاء يانجلاء
ادخلت نجلاء عنده : يالبيه
نواف بابتسامه : لبيتي حاجه
نجلاء : اللهم امين واياك
نواف اشر لها تجيه وفتح درج التسريحه طلع منه علبه مخمليه مربعه فتحها وطلع منها اسواره ذهب
عريضه وفخمه اخذ يدها اليمين طلع اسوارة الشبكه منها ولبسها الاسواره الجديده واسوارة الشبكه لبسها لها في يدها اليسار : هذي هدية صباحتك ويارب تعجبك
نجلاء بابتسامه واهي تناظر لوجهه : الله يكثر خيرك
اعجبتني مره فخمه
نواف بأسف : انا اعتذر منتس ماقدر اسفرتس تعرفين توني مفتتح مشروعي ويبيله شغل وجهد كثير لحد ماثبت نفسي واكسب ثقة الناس
نجلاء ميلت راسها على جنب وبضحكه خفيفه : ههه صارلي في بيت اهلي عشرين سنه ماسافرت والامره مايمديني اسوي فيها راعيت السفريات وازعل
نواف انبسط انها مازعلت على السفره : احسن شي
علشان تكون اول سفره لتس معي والله يقدرني
والف فيتس العالم كله
نجلاء بصدق : انا مايهمني السفر المهم انا نعيش
متفاهمين ونحترم بعض
هنا سمعو باب الجناح يطق نواف تحرك طالع من الغرفه : اكيد جو
نجلاء تحركت بسرعه ترتب السرير واهي تسمع
صوت نواف يرحب بامه والي معها خلصت ترتيب
على السريع واطلعت لهم : ياهلا ومرحبا الله حيهم
وبدت تسلم على الحريم بابتسامه ووجه بشوش
سلمو وادخلو في غرفة الجلوس اخذت نجلاء اسلال
القهوه والفطور بتحضرهم لاكن رجساء اسحبتها
منها واهي تحلف عليها انها ماتسوي شي اجلست
جنب ام غلاب ونظرها على يدها بخجل
رجساء وام ريان حضرن الفطور والقهوه واجلسو يفطرون بعد ماخلصو لمن الاواني ونظفن المكان
وقدمن لنجلاء كيس كرتوني كبير فيه صناديق مغلفه تغليف فخم رجساء : هذي هدايا اهل البيت
لتس بتلقين على كل هديه اسم راعيها
الا خالد وغلاب هداياهم حطوها في شقتكم غلاب
فرش مجلس الرجال وخالد فرش مجلس الحريم
نجلاء بحياء وصوت خفيض : الله يسلمكم ومشكورين على الهدايا
نواف بابتسامه : خالد وغلاب ماطلع من جزاهم دايم ماخلو شي الاواصرفو عليه حتى نايف شال ليلة
العرس هو واخوانه ماخلوني ادفع فيها ريال
رجساء : وفواز
نواف ضحك :هههههه بتطمن على البناخي فواز هو الي دفع حجز الفندق
ام غلاب بضحكه : ههههه ابشرك انه جحدها يقول مانتس بعمتن لي وماني مناديتس غير رجساء
ام ريان بضحكه : ههه مقدن فيتس
نواف : ههههههه والله حتى انا ماتخيل فواز يقولتس ياعمه والاياخاله
رجساء : هههههه البارح رجعنا معه ماغير يمسخرني طيح هيبتي والتسلبه روان اسحبت علي
مادافعت عني يمها
ام غلاب : ههههه كنها القطيوه عنده ماهيب بنتنا
الي نعرفها
ام ريان : الله يسعدها روان اطلعت جفول ماهيب على عواصفها عندنا
نواف بضحكه : هههه بعذرها فواز جثه يخوف


______________________________
*****************************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 210
قديم(ـة) 15-01-2018, 10:23 PM
صورة اميرة الغرور الرمزية
اميرة الغرور اميرة الغرور غير متصل
©؛°¨غرامي متألق ¨°؛©
 
الافتراضي رد: روايتي الثانية :تجاعيد الزمن


بارت كله سعادة وفرح
الله يعطيك العافية حبوبتي
بعد اذن الكاتبة ابي اكلمكم...
وينكم بناااااات
اشوف ردودكم قلت وقربت تنعدم
الرواية تستاهل 50الف رد والزيادة
نبي منكم التشجيعات تكفون

الرد باقتباس
إضافة رد
الإشارات المرجعية

روايتي الثانية :تجاعيد الزمن

الوسوم
(تجاعيد , الثانيه , الزمن , بقلمي , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية: محبوبي لاتسالني وش اللي طرالي وغير طباعي/كاملة شموخي عزوتي روايات كامله - يتم نقل الرواية هنا بعد اكتمالها 437 21-01-2018 10:16 AM
روايتي الثانية: في حطام قلبك هناك أزهارا ستزهر يوما ما حبي الشمـوخ روايات - طويلة 184 26-12-2017 10:13 PM
روايتي الثانية : حتى خفوقن راحت ضلوعه أقسام خذه ان كنت في محله لقيته /كاملة #xrwaiah_81 روايات كامله - يتم نقل الرواية هنا بعد اكتمالها 72 16-08-2017 06:03 PM
صدفه غيرت مجرى حياتي صدفه بدلت ابطال روايتي عاشقه الشوكلاته روايات - طويلة 11 30-01-2016 11:51 AM
روايتي الثانية : وين أيامك وجودك يعنيني روايات - طويلة 61 27-10-2015 08:35 PM

الساعة الآن +3: 06:24 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1