اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 221
قديم(ـة) 28-01-2018, 08:35 PM
صورة نبض افكاري الرمزية
نبض افكاري نبض افكاري غير متصل
©؛°¨غرامي فعال ¨°؛©
 
الافتراضي رد: روايتي الثانية :تجاعيد الزمن


في بيت خالد
كانت قهوة الحريم عند ام العنود العصر ولمى رجع خالد من برا لقى اخته نوره عندهم ولزم عليها تعشا عنده ونادى ابونايف وفواز وغلاب واخوانه
جالسين كلهم في المجلس ونوره معهم
صالح يشاور خالد : السنه هذي تبونا نروح للعمره
في بداية رمضان زي كل سنه والا نخليها في العشر الاواخر
خالد حس بشوق عظيم يجتاحه للحرم
: انا والله على طاري الحرم اشتهيته احس في نفسي
شوق لبيت الله وللعمره وان الله اراد من بكره وانا في الحرم
صالح : مسرعك خل لين العيال يعطلون ونروح كلنا زي كل سنه
خالد : والله ياخوك النفس اشتاقت من سمعت طاري الحرم على السانك حسيت في قلبي فزه عليه
نوره : تسانك معزم انا خويتك
فواز : وبناتك واختباراتهن
خالد : الجوري مابقى لها غير اختبار واحد بكره
ولاني محتريها بامشي من بعد صلاة الفجر وبخليها عند ام غلاب ولاجيتو تجي معكم والعنود قيدها خلصت اختبارات ان بغت تخاوينا كيفها
نايف باعتراض : حرمتي مابيها تروح الامعي
صالح : رمضان مابقى عليه الا عشرة ايام خل لين العيال يخلصون اختباراتهم ونروح سوا وبعدين انت مانك راعي اسواقه وش يوديك مكه الحالك
فواز يلتفت على خاله خالد : والايهمك انا سواقك دام امي ودها بالروحه ماعندك مشكله نروح كلنا على سيارتي ومن الفجر وحنا ماشين
نوره تلتفت على فواز : لامنك رحت انت مشهور من يقعد عنده باقيله يومين اختبارات
فواز : ماعليه بوديه عند ابوي وفيصل يوديه لمدرسته ويرده
صالح : دامكم ملزمين اجل جهزو حجوزات السكن لانجيكم على خير الاوكل شي جاهز
فواز : ازهلها لاتشيل هم شي قدامنها اربعه ايام قبل تلحقونا يمدينا ندور شقق مفروشه في مكان مناسب
______________
في بيت غلاب الحريم جالسات في الصاله ماعدا الي عندهم اختبارات يذاكرون والرجال في بيت خالد
روان تناظر نجلاء بحماس : حنا كل سنه نروح خمس طعش يوم نقظيها بين مكه وجده والطايف
خمسه ايام قبل رمضان وعشره من رمضان وش رايك تجين معنا
نجلاء : اذا نواف بيروح اكيد باجي معكم
روان تبتسم : يس ماطلعتي من حقون لازم نصوم اول رمضان مع اهلنا
نجلاء :ههههههههههههه انا مع زوجي وين مايروح
واهلي يمديني اصوم عندهم كم يوم بعد مانرجع
رجساء : ترانا نتفاطر في رمضان
نجلاء : معناته لاجاء الفطور عندي بكدكن معي
ام ريان بضحكه : هههه حنا الي بنكدك اهل الشقق
مانحسبهم في المفاطر قبلكم راشد ماحسبناه واذا
جاء الفطور عند ابونايف يجيب حرمته من الظهر
تساعد امه في الفطور
ام غلاب : انتن واجد ماتحتاجن مساعده
ام ريان ورجساء باعتراض : الله يالفزعه
روان : مالي شغل اذا ماجت نجلاء تشتغل معنا ماني مسويه لكم شي
نجلاء :ههه بس بس ابجي وبشتغل لاترهجن على خالتي
ام ريان : انتي وش تحبين تسوين من فطور رمضان
نجلاء : انا احب المكرونه واي طريقه جديده للمكرونه توصلني لازم اسويها
رجساء : المكرونه تخصصي بس دامتس تبدعين فيها بخليها لتس
ام ريان : تراها تلعب عليتس عطتس المكرونه علشانهم يلعوزونها عندها كل واحد يحب المكرونه على طريقه مختلفه عن الثاني
رجساء تضحك : هههه اسكتي خليني افك عمري
نجلاء : عادي والله ماعندي مشكله اسوي كم نوع من المكرونه والااني الف سنبوسه
روان : لف السنبوسه علي ياعزتيلي بس
ام غلاب : يانصبها ياعرب تلف معتس جمانه والعنود والسنه الي راحت حتى ريماس لفت معتسن
_______________

بيت خالد صباح اليوم الثاني
العنود واقفه في الحوش تودع ابوها وامها الي قررو يروحون عمره فجأه رغم ان موعد سفرتهم السنويه لمكه ماباقي عليها الاايام معدوده
خالد يسلم على العنود : عنوده لاتقعدن في البيت
الحالتسن روحن عند ام غلاب
العنود : يبه تونا على الروحه عند عمتي ام غلاب
باقي ماجهزنا اشناطنا غير اني بكنس البيت وابخره
يعني على العصر كذا يادوب نخلص ونروح لهم
ام العنود : انتبهي لاختك وصحيها بدري لايروح عليها الاختبار
العنود : ان شاء الله يمه بعد نص ساعه باصحيها
علشان يمديها تراجع
ام العنود : سويلها فطور
العنود : ابشري
خالد : يابوتس احرصي على عمرتس وعلى اختس
لاتخلينها تحتاج شي
العنود تبتسم لابوها وتحس قلبها انقبض لمى قعد
يوصيها تحس توصيات امها وابوها زايده بشكل مريب من البارح ماعلى السنتهم الا الوصايا
حاولت تمزح مع ابوها تبعد هالاحساس الشين الي بدا يقبض قلبها : الله الله الوصايا كلها على الجوري
وانا مالي نصيب مانكم موصين علي
ابتسم خالد بفخر : انتي نوصيتس ماينتوصى عليتس يابوتس انتي عصاي الي ارتكي عليها
يقولون ماجاك ولد يشيل اسمك وانا اقول العنود اولدي وبنتي والفخر الي يشيل اسمي
العنود ارتمت في حضن ابوها وضمته بقوه : الله يخليك لي يبه
شد عليها خالد في حضنه : ويخليتس لي ياروح ابوتس
ابتعدت عن حضنه وضمت امها ودعتها
اسمعو صوت فواز ينادي : ياعرب يالخال
خالد : خلك عندك لاتدخل جايك
العنود : يبه قل لعمتي نوره تدخل جاي بسلم عليها
خالد طلع مع باب الشارع واهو يشوف فواز يسكر سيارته الجيب من ورى بعد ماحط اغراضهم فيها
: جاهز ياولد
فواز يلتفت عليه : الله الله مشينا
نوره : بناتك صاحيات
خالد : العنود صاحيه وتحتريتس عند الباب بتسلم
عليتس
نوره تبتسم : يالبى الي تنتظر عمتها
العنود واقفه جنب الباب ولمى شافت عمتها تدخل ابتسمت لها وقربت منها تضمها :ياهلا والله نسلم عليتس نوارتنا ولاتنسينا من دعواتك الحلوه
نوره تضمها :الله يسلمك ولاتنسونا من دعواتكم انتم بعد سلميني على الجماعه كلهم وعلى جوريه
ومع السلامه
العنود بعدت عنها : الله يسلمتس
جاها صوت فواز : صباح الخير يالعنود
العنود : الله يصبحك بالخير
ابتسم فواز : لا اليوم ذربه
العنود اسمعته : غصب والله علشان روان
فواز : ههههههه
خالد : سكري الباب يالعنود بنمشي
سكرت الباب وادخلت داخل البيت اجلست في الصاله خايفه تطلع لغرفتها تنام ويروح الاختبار على الجوري والوقت توه بدري ارفعت يدها تشوف الساعه لقتها اربع الفجر اخذت جوالها وبدت تتصفح برامج التواصل الاجتماعي لحد مامر نصف
ساعه ثم قامت تسوي فطور لها وللجوري بعد ماخلص الفطور اطلعت لغرفة الجوري قومتها من النوم الجوري اول ماعتدلت قايمه : امي وابوي مشو والاباقي
العنود : لامشو من يجي ساعه
قامت للحمام غسلت واطلعت نشفت واخذت كتابها وانزلت لقت العنود تنتظرها على سفرت الفطور
مر الوقت وراحت الجوري لاختبارها وارجعت والعنود طول يومها تنظف البيت هي والشغاله
ثم سوت لهم غدا بدري بعد صلاة الظهر مباشره تغدن وبعد الغداء بدن يرتبن اشناطهن علشان يروحن لبيت غلاب
في غرفة العنود خلصت ترتيب شنطتها واجلست على سريرها واهي قلقانه امها وابوها وحتى عمتها نوره مايردون على جوالاتهم في البدايه كانت لاهيه
في الشغل وانشغالها خلاها تلقى لهم بدال العذر الف بس الحين ماعاد فيه مجال للاعذار وش يخلي
جوالتهم ماترد كل هالوقت
دقت على روان : روان دقي على فواز تكفين امي وابوي وحتى عمتي نوره محد فيهم يرد والحين جوالاتهم مسكره
روان بلعت ريقها بخوف : من متى مايردون
العنود والخوف تمكن منها خلاص : ماكلمتهم غير مره وحده بعد مامشو بنصف ساعه وبعدها ماعاد احد يرد
سكرت روان والعنود دقت على نايف اول مانفتح الخط تكلمت بأندفاع : نايف اهلي مايردون
نايف : توني مكلم فواز على جواله الثريا المنطقه
الي هم فيها مايجيها ارسال وكلهم طيبين
العنود صدقت وماجاء في بالها انهم دايم يسافرون
لمكه والطريق كله يوصله الارسال
العنود : الحمد لله مع اني ماراح ارتاح لين اسمع صوتهم بنفسي
نايف : انتي وين
العنود : في البيت
نايف :طيب انا دقايق واكون عندك
وسكر من غير مايسمع ردها
اول ماسكرت الخط جاها صوت الجرس يضرب
ماتوقعت ان نايف عند الباب انزلت مع الدرج بسرعه وراحت لباب الشارع ركض وقبل تفتح : من
جاها صوت ام غلاب : افتحي الباب
انقبض قلبها وافتحت الباب واهي متوجسه
ادخلت عليها ام غلاب وام ريان
انطقت بخوف : اهلي وش فيهم
خمتها ام غلاب وضمتها لصدرها :اذكري الله اذكري الله قولي انا لله وانا اليه راجعون
العنود وصلها المعنى سالت دموعها بغزاره واهمست : انا لله وانا اليه راجعون لاحول والاقوة الابالله
اخذت نفس وارجعت تسئل : وش صار على اهلي
اسحبتها ام ريان بيدها : تعالي داخل
جاهم صوت نايف الي لقى الباب فاتح ودخل
: خلوها معي
وتقدم سحب العنود معه للمجلس وام غلاب وام ريان ادخلن للجوري
اول مامسكها نايف بذراعها وارفعت نظرها له تأكدت اشكوكها من مظهره كان لابس ثوب ابيض
ومتلطم بشماغه وعيونه حمر واضح فيها الحزن
مشت معه بجمود واهي تحس قلبها يموت بين اضلوعها من الكمد
نايف اول مادخل معها للمجلس سحبها لحضنه وضمها بقوه وهمس لها : اذكري الله
العنود بصبر : راضيه بكتبت الله بس قلي وش الي صار
نايف رفع يده يمسح على شعرها وبحزن : عظم الله اجرتس في ابوتس وامتس وعمتي نوره صار لهم حادث قبل يطلعون من الرياض
اشهقت بوجع وانزلت دموعها شلال نايف ضمها اكثر : الله يرحمهم ادعيلهم هم بحاجت دعاك الحين
ادفنت راسها في صدره واهي تبكي وترحم عليهم بهمس ...تذكرت وصات ابوها على الجوري شدت نفسها مبتعده عن حظن نايف واهي تمسح دموعها
نايف قرب لها ورجع يحظنها : ابكي وعبري عن حزنك لاتكتمين في نفسك
العنود اخذت نفس عميق تهدي نفسها وبصوت مبحوح : لاتخاف علي اقدر اتحمل مهما كانت الظروف اختي الحين محتاجتني ولازم اكون جنبها واساندها
________________
عند روان
سكرت المكالمه مع العنود ودقت مباشره على فواز ماجاها رد بدى الشك ياكل قلبها والي اثبت شكوكها دخول امها المفاجئ عليها ووجهها ينطق حزن فزت واقفه وتقدمت لامها في خطوات سريعه
:يمه وش فيه
رجساء سالت دموعها ماهي من ذاك النوع الي يقدر على مجابه الحزن كان المفروض توصل الخبر لبنتها بهدو وتحاول تمتص صدمتها وحزنها لاكن الواقع انها هي الي محتاجه لهالبنت علشان تخفف عنها وجعها نطقت من بين شهقاتها : عمي .....اهي
عمي خالد .....اهي ..وعمتي نوره
ماقدرت تكمل وانخرطت في بكى مرير روان اسحبتها بيدها وجلستها على سريرها وحال امها وصل لها المعلومه حاولت تتماسك وتحبس دموعها تعرف ان امها مع الصدمه الاولى تنهار لاكنها ماتحتاج لوقت طويل حتى تتماسك وتستعيد توازنها النفسي من جديد تعاظم الخوف في صدرها
امها قالت عمي وعمتي طيب وام العنود وذاك الجاف الخشن وش صار عليهم
: يمه اذكري الله له سبحانه ماأخذ وله ماأعطى والحمد لله على كل حال تعوذي من ابليس يمه راحو للي ارحم بهم منا كلنا قولي الله يرحمهم
رجساء رصت عمرها على كتف بنتها اكثر واهي تستمد منها القوه حاولت تتكلم لاكن اعجزت كل مالها يزيد بكاها اكثر
روان احضنت امها وبدت تقرى عليها ايات من القرآن الكريم واي واحد يشوفهم في هالحال راح يقول ان روان هي الام ورجساء البنت تقراء على امها وقلبها ينعصر الم ماتقدر تظهره الحين امها محتاجتها والعنود اكثر حاجه لها اكيد الحين منهاره
والجوري واهو !!
ياترا وش صار عليه الحين حي والاميت واذا حي وشلون بيكون حاله من بعد امه وكلهم يعرفون وش كثر متعلق بأمه اهمست بينها وبين روحها يارب تحفظه وتلهمه الصبر والسلوان شي في قلبها قالها
انه باقي حي اوهذي الأمنيه الي تمنتها
____________
اصداء الحادث
صالح ارتفع ضغطه ودخل المستشفى لعدت ساعات وطلع
الجوري منهاره ورافضه تاكل اوتتكلم مع احد فقط تبكي بصمت العنود محتسبه وصابره وتبذل قصارى جهدها في احتواء صدمة اختها ومواساتها
فواز اتضح انه طيب وبخير واصاباته سطحيه ظربه
سطحيه في الراس وتم خياطة الجرح الناتج عنها
جرح طويل في الصدر تمت خياطته جرح اخر في الفخذ تمت خياطته ومجموعة جروح سطحيه متفرقه كان المفروض يتنوم لليوم الثاني لاكنه رفض واصر على انه يحظر الصلاه على امه ودفنها ......
الصلاه على الاموات ودفنهم تم بعد صلاة العشاء
العنود راحت مع نايف للمغسله وسلمت على امها وابوها وعمتها واحضرت الصلاه عليهم
بتال كان الاكثر تأثر من اخوان فواز ومن عرف بالحادث واهو مافارق فواز ابد هو وفيصل ومشهور
فهاد تأثر كثير بموت نوره وحزن اكثر على فواز وفقده لامه وكان مع فواز من الحظه الي وصل فيها للمستشفى
خوات فواز تأثرن كثير بموت نوره وحزينات على حال اخوهن فواز حصه اثارت انتباه بناتها ببكاها
المتواصل من اسمعت الخبر واهي تبكي ورغم انهن بكن هن بعد بس مع الوقت تماسكن واسكتن وامهم مازالت تبكي ليالي جت اجلست جنبها واخذت يد امها بين اكفوفها : يمه تعوذي من ابليس وقولي لاحول والاقوة الابالله
حصه تمسح دموعها وقيدها استشعرت اليقين في قلبها نوره راحت وبقى الوزر متعلق في ارقبتها هي
وش استفادت الحين من فهاد والاحتى من اعيالها
ومن كل حياتها اذا بتقابل ربها ضالمه وش بتنفعها
الدنيا لاخسرت الاخره تسترجع كل صفحات ظلمها لنوره وتتحسر على عمرها امس كانت نوره حيه ليتها راحت لها وطاحت على ارجولها وتسامحت منها ارجعت دموعها تنزل بغزاره وشهقاتها ترتفع
ليالي عورها قلبها على حال امها قربت منها باست راسها ويدها : يمه تكفين علميني وش فيتس
حصه من بين شهقاتها : اخاف ربي ياخذني بذنوبي
نوره ماتت وانا ماستسمحت منها
ليالي ضمتها لصدرها : يمه انا قيدني طلبتها تسامحك هي واخوي فواز وكلهم مسامحينك بس انتي توبي لربي واطلبي العفو منه سبحانه
حصه حست الهم انقشع من صدرها خمت ليالي
تحضنها وتبوسها بفرح من بعد هم : ياربي لك الحمد يالله والله مانسى سواتس هذي دايم يارب استغفرك واتوب ايليك يالله انك تعفي عني اللهم ارحم نوره واغفر لها ونور قبرها واجزها عني خير الجزاء يالله
ليالي رغم حزنها على اخوها وخالتها نوره حست بفرح لان امها اخيرن حست بغلطها وتابت منه
: الحمد لله الله يرحم خالتي نوره ويوسع لها في قبرها
حصه بدت ترتاح وتتمالك نفسها : فواز وشلونه
ليالي بهم : فيصل يقول اصابته سطحيه وماطول في المستشفى بس حالته تبكي من حزنه على امه
كان ودي اشوفه واعزيه بس فيصل يقول مافيه مجال احد من الحريم تجيه لان الرجال صاكين عليه من ساعة دخل المستشفى خواله واخوياه في الشغل وحتى عمامي واعيال عمي معه
حصه : فيه احد يودينا نحضر الصلاه على الاموات
ليالي : مافيه احد يمه ابوي واخواني مع فواز مايقدرون يخلونه الحاله
حصه : كلمي فهيد يودينا بنحضر صلاة الجنازه ثم نروح للعزاء
ليالي : ابشري يمه
_______________
العزاء كان في بيت صالح لرجال والحريم في بيت خالد خوال العنود احضرو بمجرد ماوصلهم الخبر
ابوسفر واعياله واخوانه حضرو العزاء كل ايامه الثلاثه ال هويمل حضرو العزاء ابوبدر وولده كانو حاضرين وردو لال مخلد وقفتهم معهم في عزاهم
طوال الثلاثه ايام والناس كالسيل على بيوت ال مخلد من طيبهم ومحبت الناس لهم
انتهى العزاء وانتهت ايامه وبدت العائله تلم شتاتها من جديد
_____________
في مجلس بيت خالد
الجميع حاضرين حريم ورياجيل والبنات داخل عند
الجوري الي مازالت متأثره وماتاكل الابالغصب والاتتكلم مع احد الا العنود الي كانت تدفن حزنها في صدرها لحد ماتجي تنام وتبدى تفرغ دموعها وحزنها على مخدتها بعيد عن العيون
صالح : البنات باخذهن عندي
ام غلاب بحزم : البنات ابوهن الله يرحمه موصيني عليهن وماتركهن ابد
نايف : حرمتي باخذها
ام غلاب : حرمتك على شرطها والله ماتنقض شرطها
وراسي يشم الهوا
صالح : الدعوه ماهيب طلايب يام غلاب البنات ماعاد لهن احدن غيرنا والعنود رجالها اولابها والجوري ماعليها اخلاف ان بغت معتس وان بغت عندي على راحتها
نايف : حرمتي باخذها ولاني مشاورن احد
ام غلاب بغضب : ان قاله الله انك لتشاور البنت شارطتن عليك شرط ووالله انك ماتعدا شرطها الاتسانها مغيرتن رايها من كيفها
غلاب : مالك حق يانايف المؤمنين على شروطهم
نايف : بالعقل اخليها عندك وانت مانك محرم لها
وانا موجود
ام غلاب : البنات بيقعدن في بيتهن وانا معهن يكفيهن موت امهن وابوهن والله يرحمهم بعد بتغيرون عليهن البيت وتفرقون بينهن مافي انفوسهن شده على هذا كله
نايف : تقعدن في البيت كلكن حريم من دون رجال
ام غلاب : انت بلاك ماعندنا رجال عان المقلط وراك جب افراشك وشنطتك واقعد فيه تسان هذا عذرك
صالح : شور ام غلاب واهداية الله خلاص يانايف
تعال انت عندهم لين تطيب خطرهن وبعدين يحلها حلال
________
في نفس الوقت مجلس بيت غلاب
روان الي قظت الايام الي راحت مع العنود والجوري
وكل حريم العائله مازالو اهناك واهي جايه علشان
تشوف فواز الي ماشافته من صار الحادث الا دقايق معدوده واهي تعزيه وماصار فرصه تشوفه مره ثانيه
صبت فنجال القهوه ومدته له اخذه بجمود والحزن
مازال يشع من وجهه
: وشلونك الحين
رد وعينه على فنجاله ويفكر في الي فقدها : الحمد لله بخير
روان : وش سواء جرحك تغير عليه والا
فواز ببرود : مافيه شي وبتال ناشبن في حلقي لازم يغير له الشاش ويدهنه بالكريم الطبي مرتين في اليوم
روان : الله يجزاه خير المفروض انت تكون حريص
على علاجك اكثر من بتال
نطق بحزن : ولمن احرص
عورها قلبها من كلمته ماهو حاس انها شخص مهم في حياته اتركت القهوه وقامت اجلست جنبه واهي تشجع نفسها وتحفزها بانه بحاجتها والازم تسانده
مدة يدها ليده واخذتها تحظنها بين كفوفها وارفعت نظرها لعيونه وتكلمت ونظراتهم متشابكه
: تحرص على عمرك علشاني وعلشان عمي فهاد وعلشان فيصل وبتال وليالي ونغم واسيل ومشهور واسامه وخالي صالح وغيرنا كثير يحبونك ويهمهم
سلامتك
فواز صد عنها بحزن : وانا ماني محتاج احد غيرها
قاله وتركها وطلع
روان حست باحباط واظح انه متأثر بموت امه كثير
ويبدو ان الطريق قدامها طويل لحد ماتوصل له
__________
في العشر الاواخر من رمضان
المستجدات
ابوفواز واخوانه اقنعوه يتزوج في العيد علشان يطلع من حالة الحزن الي دخل فيها وروان وافقت
لاحساسها انه فواز محتاج لوجودها جنبه
العنود وافقت يكون زواجها في عيد الاضحى بشرط
تسكن هي ونايف في بيت ابوها وتسمي اول اعيالها خالد ونايف وافق على شرطها وحتى يحقق لها هالشرط راح يشتري بيت عمه من العنود والجوري
ياسر قرر يخطب الجوري ومابعد فاتحوها في الموضوع ام غلاب راح تاخذ الجوري عندها بعد مايتم زواج العنود ونايف وملزمه انه محد يفتح معها موضوع الخطبه الا بعد ماتتحسن حالتها وتتغلب على حزنها بالكامل
______
في الحرم المكي ال مخلد يطوفون حول الكعبه ياخذون عمره العنود اعتمرت عن ابوها والجوري اعتمرت عن امها وفواز اعتمر عن امه
بعد مانتهو من شعائر العمره ومازالو داخل الحرم
نايف ماسك يد العنود وشابك اصابعه في اصابعها
واهم يمشون في ساحات الحرم بيطلعون للفندق المطل على الحرم :عمي كان دايم يفتخر فيتس
ويقول انتس ابرك من العيال واحب لقلبه منهم
وانتي اثبتي انتس عند ثقت عمي فيتس وانا اليوم
فخور فيتس اكثر بكثير من فخر عمي لاني شفت بعيني كيف كنتي قويه وثابته في احلك المواقف
شدة على يده واهي تحس كلامه يبني نفسها من داخل ويضمد اجراحها تكلمت بصوت هادي : الله يقدرني على بره ميت ويعفي عني كان جاء مني قصور في حقه واهو حي
ابتسم لها نايف : وانا واثق انه الله يرحمه مات واهو راضي عنتس
_______
في جهه ثانيه من الحرم متعلقه في يد فواز وتسحب ارجولها بتعب : اه يالله ارجولي ماعاد احس فيها من التعب
ابتسم فواز واهو يسحب اذراعه من يدها بمزح : يافضيحتي شوفي بتال جاي يمنا هالحين بيقول اخوي متزوج عجوز من كم شوط قامت تسحب ارجولها
ارجعت تتمسك فيه : حرام عليك انت عسكري ومتعود على الكرف وش ذنبي انا تجرني معك نطوف في الدور الثاني كان خليتني اطوف تحت
فواز وقف والتفت عليها : تحت لظعوف
روان واهي تحس ارجولها ماعادهي معها من الوجع
: وانا ضعيفه عجوز بزر اي شي المهم ماتخليني الف لحد ماطيح على وجهي
وصل لهم بتال وبأبتسامه : الشايب معتمر مع العروسه وين خوالها عنك
فواز يردله الابتسامه : هذا انت قلتها معتمر مارحنا
تمشيه على البحر
روان قيدها شافت بتال كم مره في الفتره الاخيره
واهي بطبعها جرئيه
: وانت تارك حرمتك ومناشبني على رجلي
ضحك فواز : ههههه
بتال بمزح : حرمتي عندها ابو نشبه قلت انشب لغيري وابرد حرتي
في مكان اخر من الحرم خالد شاف اضوى تمشي مع البنات ورجساء طالعين للفندق تقدم لها وسحبها بيدها من بينهم
: وانتي ماتقولين اشوف رجلي اتطمن عليه روان والعنود يفرن مع رياجيلهن وانا ماني ملاقيتس
ابتسمت اضوى بخجل واهي سعيده ان نصيبها جاب لها خالد ماكانت راح تتحمل حيات نواف حتى بعد مشروعه والاتقدر تتأقلم مع تعقيد فواز
خالد انسان مستقيم ومباشر والتعامل معه سهل
: ذولاك مجموعة جبارين هم وحريمهم
خالد ضحك على جوابها :هههههه يرحم امك صيري جباره انتي بعد
اضوى بحيا : خالد والله استحي تكفى روح قبل يشوفنا ابوي مع بعض
خالد يسحبها معه مبتعد عن الفندق الي حاجزين فيه : خليه يشوف زوجتي حلالي ومال احد عندي شي امشي بس امشي
في جهه اخرى وقريب من الكعبه نواف ماسك يد
نجلاء : يالله خلينا نروح للفندق كلهم راحو مابقى
الا انا وياك
نجلاء تلتفت عليه وبرجى : تكفى انتظر اشوي شف الزحمه بدت تخف
نواف : انتي وش تنتظرين بالضبط
نجلاء بفرح : ابي اوصل للحجر الاسود ابي ادعي
لولدي حبيبي
نواف ابتسم : لنا الله هذا واهو للحين ماجاء مفضلته علي ومختاره الحجر الاسود علشان تدعين لحظرت جنابه
نجلاء تضغط على يده بحب : انا ماقررت ادعيله عند الحجر الاسود الاعلشانه ولدك

_________

*
*
*
تمت والحمد لله
اتمنى لكم المتعه والفائده
ولاتنسوني من خالص دعائكم
دمتم بخير


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 222
قديم(ـة) 29-01-2018, 12:07 AM
أم أحمد ورؤى أم أحمد ورؤى غير متصل
©؛°¨غرامي جديد¨°؛©
 
الافتراضي رد: روايتي الثانية :تجاعيد الزمن


ما شاء الله تبارك الله
أبدعتي يانبض الله يعطيك العافية
هذه الرواية تخليك تعيشي جو معها ومع الشخصيات واقعية جداً ومافيها أي مبالغة ...
ننتظر جديدك ....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 223
قديم(ـة) 30-01-2018, 04:12 AM
صورة اميرة الغرور الرمزية
اميرة الغرور اميرة الغرور غير متصل
©؛°¨غرامي متألق ¨°؛©
 
الافتراضي رد: روايتي الثانية :تجاعيد الزمن/كاملة


مشاااااء الله
رواية اكثر من حلوة
متالقة دايما وابدعتي فيها بكل معنى الكلمة
تحكي عن الواقع اكثر من الخيال
اعطيتي لكل شخصية حقها
رواية انيقة ونظيفة راااقية بكل ماتعنيه الكلمة موضوعها حلو
تسملي يا كاتبتنا المبدعة
وننتظرك بعمل جديد ان شاء الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 224
قديم(ـة) 30-01-2018, 11:12 PM
صورة أم نووور الرمزية
أم نووور أم نووور غير متصل
©؛°¨غرامي مشارك¨°؛©
 
الافتراضي رد: روايتي الثانية :تجاعيد الزمن/كاملة


مبرووك اخت نبض على ختام الروايه…
مع ان البارت الاخير احزنا كثير بس كذا اهي الحياه لو دامت لغيرك مااتصلت اليك…
والحمدلله تجمعو الثنائيات في النهايه…
ومشكوره يامبدعه على الروايه الجميله…
وننتظر بكل شووق روايتك الجديده ..
وربي يوفقك…

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 225
قديم(ـة) 11-02-2018, 02:29 PM
صورة somyah الرمزية
somyah somyah غير متصل
©؛°¨غرامي جديد¨°؛©
 
الافتراضي رد: روايتي الثانية :تجاعيد الزمن/كاملة


الله الله ع الإبداع والجمال
سلمت أناملك يا نبض
غبت عن الساحة لعدم تحملي انتظار البارتات وأيضا انشغالي في الدراسة
مبدعة يا جميلة
والنهاية كانت رائعة وواضحة وكافية لختام السطور العذبة
انتهت الأحداث ولا مجال للتعليق عليها
ولكن كانت أسطورة جميلة قدمتيها لنا وننتظر المزيد يا نبض
تحياتي لك زادك الله توفيقا وتفوقا
***


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 226
قديم(ـة) 24-02-2018, 02:23 PM
صورة همس الليل@ الرمزية
همس الليل@ همس الليل@ غير متصل
©؛°¨غرامي فعال ¨°؛©
 
الافتراضي رد: روايتي الثانية :تجاعيد الزمن/كاملة


روايه جميله حبيتها
والشخصيات حبيتها
بس كسرو خاطري لو ما توفو وكانت النهايه راح تكون
سعيده. بس مع ذلك روعه الروايه
ثاانكس

الرد باقتباس
إضافة رد

روايتي الثانية :تجاعيد الزمن/كاملة

الوسوم
(تجاعيد , الثانيه , الزمن , بقلمي , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية: في حطام قلبك هناك أزهارا ستزهر يوما ما حبي الشمـوخ روايات - طويلة 185 05-02-2018 02:59 PM
روايتي الثانية : شيطانة وسط ملاكين /كاملة Bnt a Boy روايات كامله - يتم نقل الرواية هنا بعد اكتمالها 392 24-01-2018 07:38 AM
روايتي الثانية: محبوبي لاتسالني وش اللي طرالي وغير طباعي/كاملة شموخي عزوتي روايات كامله - يتم نقل الرواية هنا بعد اكتمالها 437 21-01-2018 10:16 AM
روايتي الثانية :للحب قصة معزوفه هادئه روايات - طويلة 20 07-06-2017 11:49 AM
روايتي الثانية : وين أيامك وجودك يعنيني روايات - طويلة 61 27-10-2015 08:35 PM

الساعة الآن +3: 09:53 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1